شيماء:يالاه اماما تصبحي على خير خاص نوض نعس بكري حيت غدا نهار مهم مشيت طلعت كانطل على ماما من الدروج وهي مزتل فنفس الوضعية مصدومة بديت كانكركر بلا صوت وطلعت لبيتي سديت علي تطيت فبلاصتي وانا كالسة كانخمم فشي فكرة لي تخلينا غدا مانحضروش بجوج حتى سونا تيليفوني كانت كلثوم مسكينة نسيتها جاوبتها
شيماء:الو كبيدتي
كلثوم:وانتي براكة من صباغة أعقلي فيها يا راس زعافة نسيتيني وتكول واش تفكرتيني
شيماء:الالة ضربيني وسبيني عارفة راسي مادايراش طايلة معاك ولكن ربي لي عالم بيا
كلثوم:علاه متلكي ياك لباس
شيماء:والو باس غير صبري علي تقاد شي أمور ونعاود ليك كولشي كولي أمضرا المدير شنو كال
كلثوم:لي فخباري هو سي أحمد عيط على المدير وعطاه طلب بعطلة ليك مفتوحة هادشي لي فهمت
شيماء:اووف الحمدلله بعدا تهنيت من واحد الناحية وحوايجي
شيماء:سمحلي حيت بانت لي نمرت هدى كانسحابها هي من صوت عمران لي حسيت بشيحاجة كاينة
شيماء:ياك لباس
عمران:هدى يالاه جبتها لصبيطار شدها لوجع ديال الولادة وانا ماعارف ماندير وهي من صباح كاتعيط بسميتك
شيماء تلفات ماعرفات منين تمشي ولا تجي
شيماء:ياكما فيها الحريق بزاف ولا بيها شيحاجة غير ك لي أعمران
عمران:الا الحمدلله اطبيب كاليها مع 6 دصباح اتولد داكشي باش بغاتك معاها
شيماء:واش انجي دابا
عمران:لا دابا مسا الحال غير غدا حاولي تجي عندها بكري وسمحيلي عدبتك
شيماء:لا راه هدى ختي وصاحبتي ماتكولش هكاك كون هاني غدا انكون عندها قطع عمران فرحت حيت ايتزاد عندنا فنيكيش مشيت لبلاصتي دابا عمران كالي غدا نكون عند هدى بكري شوية نضت كلست خديت تيليفوني وصيفط ميساج لعصام كانكت بلا عقل وبزربة"غدا ان شاء مع 5:45 دقيقة نلقاك فالبلاصة منين هزيتيني اليوم وعنداك تعطل واخا" حطيت تيليفوني وانا فرحانة من الفكرة لي جات فوقتها وسبب لي جا بوحدو طفيت ضو وعمرت ساعة ونعست نرجعو عند عصام لي من بعد ماتافق مع شيماء ورجع لدار.
عصام:سلامو عليكوم مو مابغاتش ترد سلام دايرا رلسها فكعانة غير سكينة لي ردات عليه سلام قرب من مو وكلس حداها وقلبات وجها
عصام:مزال مقلقة مني
خالتي:الصمت
عصام:عارف راسي غالط وغوت عليك سمحيلي
خالتي:الصمت
عصام:مابغيتيش تهضري معايا واخا الى كتليك انا موافق على الخطبة دارت مو وختو فدقة وحدة شافو فيه
خالتي:موافق على الخطبة
عصام:أه موافق الالة وماتكوني لي غير على خاطرك
خالتي كاتشوف فسكينة متعجبة رجعات شافت فعصام:وشنو سر هاد تغير هدا
عصام:بلاما تجبديها صافي انا وشيماء كل واحد مشا فطريق لي مايهمني انا هو رضاتك وماتبقايش مقلقة علي
كلشي يهون ويتعوض حتى ليك انتي لا ناض باس بيها راسها
عصام:انا طالع لبيتي نرتاح وحتى انتوما طلعو ترتاحو غدا تابعنا بزاف ضار وطلع معا دروج وهو ميت بضحك
هالتي:واش سمعتي خوك اش كال
سكينة:سمعتو سماعتو ومافهمت والو أشنو لمعمول دابا
خالتي:ماعرفتش علمي علمك ابنتي خالتي مسكينة مصدومة ومابقات عارفة مادير ماضناتش الخطة ديالها اتمشي فهاد الاتجاه عند عصام دخل لبيتو كايصفر ويغني لاح حوايجو ودخل لدوش كايدوش ويغني ويصفر غير بوحدو سالا وخرج لبس كيطمتو وتكا فبلاصتو كايفكر فشيماء وكايضحك وفرحان حتى سمع تيليفونو سونا لقا ميساج من عند لي شاغلة ليه بالو قراه واستغرب (علاش ناوية أشيماء) سيفط ليها ميساج "فاش كاتفكري ماجاوباتوش سلم أم و لله غدا ويعرف كولشي.
أصبحنا وأصبح الملك لله فاقت شيماء قبل ماتسوني ساعة غسلات وجها دغية وتوضات صلات لبست قميجة دجيت وسوال بيض ساك قهوي وصباطو وزيفي هزيت سوارت وتيليفوني وهبطت فدروج كانتسكل بشوية حتى حليت الباب بشوية وخرجت سديت الباب وراية بلا حس وانا نطلق رجلي اراك لجري حتى وصلت لشارع دنية خاوية ومع صباح يالاه بدا كايطلع وكايبان نورو ماهي حتى 5دقايق ماتبان لي طوموبيلت عصام جايا وقف حدايا حلي الباب وطلعت دغي
شيماء:صباح الخير
عصام:صباح النور فين انمشيو
شيماء:كلينيك العياشي
عصام:مالقيتي غير الكلينيك تدينا ليه منوضانا على نبوري وهادشي كولو باش تدينا لكلينيك
شيماء:سكتنا شوية راه هدى كتولد وخاصتي نكون معاها
عصام:وانا لاش جايباني
شيماء:انت منين كاتفهم ياك خطتنا اننا نغبرو ايوا صافي انت غير زيد وسكوت شاف فيا حتى عيا وديمارا
شيماء:جبتي تيليفونك
عصام:اه ضروري
شيماء:اراه
عصام:وعلاش
شيماء:كتليك اراه جبدو على سعدو وعطاه ليها كيشوف فيها حتا حلاتو وحطات تبلي فجيه والباتري فجيه
عصام:كان بيمكانك غير طفيه بلاما تشرحيه
شيماء:ههه والله الى عندك الصح عقلي ماشي معايا
عصام:دابا فين غادي نمشيو
شيماء:لكلينيك
عصام:لكلينيك انا كلينيك وعلاش شنو واقع
شيماء:لبارح عيط لي عمران هدى شدها الوجع ديال الولادة وطلباتو يعيط لي داكشي باش خاصني نمشيو دابا حيت كالي 6 ايدخلوها تولد
عصام:دابا فهمتك او نكول توضحات لي الفكرة ديمارا عصام طوموبيل وصلنا لكلينيك هبطنا مشينا نيشان للاستقبال سولنا على غرفة الولادات نعتاتها لينا ركبنا فالسانسور غيﻻ تحل كاتبان لي اشراق ومامات هدى وباها واقف مع عمران لي من وجهو باينا فيه متوتر مشيت انا عند مامات هدى واشراق
شيماء:سلام خالتي أمدرا دخلوها
خالتي:يالاه دخلوها أبنتي غير دابا
شيماء:أشراق حتى انتي عيط عليك عمران
اشراق:أه عيط علي البارح بليل نزار غير فاق وصلني ومشا لخدمتو كلست مع خالتي وأشراق كانتسناو امتا نسمعو صوت البيبي وامتا يخرجو هدى عمران غير غادي جاي وعقلو كاع محاضر كاتسولو خالتي وهو كاع مكاين فهاد العالم نيهائيا قربت انا حدا ودن أشراق
شيماء:جبتي تيليفونك
اشراق:اه جبتو ضروري علاش
شيماء:الى سونات ليك ماما وسولاتك علي كوليها ماعندك خبار علي واخا
اشراق:علاش ياك لباس
شيماء:من بعد ونفهمك المهم ديﻻي لي كتليك وياك تفضحيني شافت في
اشراق:دايرا شي فضيحو واخا الالة كوني هانية مغادي نكوليها والو انا مكانعرفك كاع بقينا كالسين والولادة تعطلات جبدت القرآن من ساكي عندي ديما فساكي قرآن صغير وبديت كانقرا فيه شوية عصام كالس لديك جيه مع عمران حتى تفتح باب البلوك وخرج الدكتور شافو عمران ناض عندو مزربة نضنا حتى حنا
عمران:امضرى دكتور كيدايرة مرتي
دكتور:الحمدلله كولشي بيخير مرتك بأحسن الاحوال وحتى ولدكوم
عمران:صحتو مزيانة دكتور ومرتي
دكتور:بجوجهوم بيخير
عمران:ممكن نشوفهوم
دكتور من هنا واحد نص ساعة ممكن ليكوم دخلو عندهوم بينما وجدو الام او ولدها يديهوم للبيت ديالكوم ومبروك مرا خرى بابت هدى عنق عمران كايبارك ليه عنقت خالتي وأشراق
شيماء:الحمدلله على سلامتها أخالتي دابا راك وليتي جدة ههه
خالتي:العقوبة ليكوم ابنياتي نفرح بيكوم حتى انتوما ان شاء الله جا عندنا عصام بارك لعمران ولوالدين أشراق وعيط علي
فدار شيماء من بعد ماناضت مامات شيماء قدات الفطور طلعات عند شيماء لبيتها تنوضها واخا مزال ماعرفات شنو ادير فهادشي لي تافقات عليه هي ومت عصام كادق حتى واحد مكايجاوب كاتعيط او والو عارفة نعاس شيماء تقيل ولكن ماشي جتى لهاد درجة هبطات لتحت تجيب ضوبل ديال ساروت طلعات تاني حلات البيت خاوي تكول واش حتا واحد مابات فيه حوايج شيماء ديال ادار مطويين ساك شيماء مكاينش وتيليفونها ستغربات تكون مشات تسخر ولا مشات عند وحدة من البنات ولكن مامالفاش تنوض بكري من غير الى كانت خدامة هبطات لتحت خدات تيليفونها كاتسوني (ان هاتف مخاطبكم غير مشغل او خارج التغطية) لبسات جلابتها وخرجات تشوف ياكما كاينة عند مول الحانوت مشات سولاتو واش جات شيماء ولا بانت ليه كاليها لا وهو يلاه حل رجعات لدار وهي بدا شك والخوف يدخليها هزات تيليفون ركبات نمرت هدى لقاتها مسدودة بقات ليها غير نمرت أشراق.
أشراق:هادشي كولشي طلع من خالتي
شيماء:من خالتك ومن خالتي تورية شريكة ديالها او بالاحرى رئيسة
العصابة
اشراق:وازيدي ليك ياختي انا ومايطيح علي هاد الافكار هادو
هدى:دخلي يا الهبيلة راه ولدي بغا يشوف خالتو الحميمقة
شيماء:ايوا انا انسبقو هو لول عاد نجي نشوفك انتي مشيت لكونة ديال البيبي كان عويناتو مغمضين ودبيبيز ودوك ليديات صغيورين كايحمق
بست ليه صبيعاتو ومشيت عند هدى بستها
شيماء:بغيت غير نفهم منين ماتجيبي هاد ازين تبارك الله الامومة زادتك نور على نور
هدى:اح فيك ههه منين ماتجيبي هاد الهضور شافت عند الباب كان عصام جبداتني عندها
هدى:سنفورة كاينا شيحاجة مخبية ورايا
شيماء:كيفاش علاش كاتهضري
هدى:أممم علي انا ولا شفت عصام كاين هنا وغير حاضيك بشوفاتو ةاخا انا مرضة عينيا ماحولين
شيماء:ههههه عمران شد مرتك غير ولدات وشفت مخها تزعزع من بلاصتو
هدى:ياك لحسك غادي نعرف انعرف غير بلاتي عليك
عصام:ماكلتوش لي شنو اتسميوه
عمران:صراحة كونا كلنا الى ولدنا بنت انسميوها نور ويلى ولد انسميوه انور
هدى:أه انورصغير باش ينور لينا حياتنا ان شاء الله
شيماء:ان شاء الله يتربى فعزكوم والله يخليه ليكوم خداه عمران البيبي بين ايديه او ودن ليه فودنو وباس ليه رويسو وحطو بقينا على جماعة وضحك جات عندنا الفرملية طلبات منا يبقا شخص مع هدى
اشراق:ويلي فاش اتعاونيني لا غير خليك هنا قابلي دكشي لي درتي فوق لبوطة انا طلعت طلعات اشراق وكلست انا نرتاح يالاه حطيت راسي على الكرسي بدا الباب كايسوني وقفت كلت واش عمران لي جا يدينا
شيماء:بلاتي حليت الباب لقيت عصام
شيماء:جيتي بوحدك فين عمران سد الباب
عمران:جيت بوحدي عمران خليتو شوية ويجي وسبقتو انا
شيماء:وعلاش مابقيتيش معاه
عصام:بغيت نكون معاك خليني معاك شوية قبل مايسرقوك مني توحشتك وهو كايبوس فوجهي ويخشي راسو فعنقي
عصامكايشوف فعيني ولمس ليا وجهي: عرفتي المنظر ديالك شحال زوين وبريئ وطفولي بحنيكاتك الحمرين وبشوفات ديالك وعينيك لي كايبريو عرفتي شحال كنبغيك وشحال فخور بيك وفرحان انو عندي انسانة بحالك بهاد الطيبة كايشوف فيا بعويناتو لي كايدوبوني وكايخلوني غير ساكتة ونبحلق فيه طلع لوجهي بيديه وكايمرر الضاهر ديال صباعو على وجهي ويدوز صبعو على فمي
شيماء:ععصصام راه راه اتهبط وو تحصلنا هو يسكتني بصبعو لي حطو على فمي على فمي وسكتني
عصام:شششش قرب من وجهي وكايدوز نيفو على وجهي كامل قرب من فمي كايقرب بشوية حتى حط فمو على فمي عنقتو وتجاوبت معاه فالبوسة لي طولات كنبوس كل شفة لشفة تانية مابقيتش حاسة فين كاينة نسيت راسي بجوجنا كانتاوبو مع بعضياتنا كانعنقو ونكحزو لعندي ونلعب فشعرو ومزال فم تاني وسط فم لاخور شوية سمعت
حتى سمعت صوت حس شي حد هابط فدروج ماعقلت على راسي حتى دفعت عصام بجهد رجع على الكرسي طاح مع طاح مع وقفات اشراق كاتشوف فيا وفيه
اشراق:ياك لباس شنو وقع
شيماء:هه ماوقع والو غير عمران صيفط عصام لدار لايكون خاصنا شيحاجة وعطر فالكرسي ماشافوش ياكما تقسحتي عصام وقف كايخنزر فشيماء
عصام:لا ماوقع والو اما فجردة بينما ساليتو داز من حدا اشراق وخرج ماعجبوش الحال
اشراق:مالو معصب
شيماء:الله اعلم باش انعرف انا المهم ساليتي
اشراق:اه ساليت وهاهو ساكها فيه حوايجها وحوايج البيبي وانتي ساليتي
شيماء:اه ساليت مابقا لي والو غير شوية نطفي عليها ونطحن ونكونو واجدين سمعنا صوت الباب تفتح تلفتنا لقينا عمران لي دخل شاف دار كولها كاتشعل جا عندنا للكوزينة
عمران:الله يعطيكوم صحة رضيتو دار كاتشعل لهلا يخطيكوم
شيماء:الله اودي حنا خوت
عمران:فين عصام كالي ايسبقتي لاتحتاجو شيحاجة
شيماء:راهو فجردة
عمران:اه واخا انا نطلع ندوش باش نهبط نديكوم واخا
اشراق:واخا خود راحتك
اشراق ضارت عند شيماء:انا نمشي نهضر مع نزار ونجي واخا
شيماء:واخا مشات اشراق طليت على الكاميلة لقيتها قربات طيب حيدت الطبلية رجعتها بلاصتها ومشيت جنب باب جردة كايبان لي عصام كالس حاط راسو على الكرسي وكايشوف فسما باين ايكون تقلق من دفعة لي دفعتو ولكن مادرتهاش بلعاني تمشيت جيهتو وحطيت ايدي على كتفو شاف فيا وعكب دور وجهو تمشيت قدامو وكلست مقابلة معاه
عصام:واخا الالة انتي تعرفي من تما وهز سايك بلاهضرة بلا جوج بغينا غاديين فواحد الطريق خاوي حتى ولينا فشي جبال
شيماء:ههه عنداك غير تكلبنا فين جايبنا
عصام:هاحنا قربنا نوصلو وتعرفي سكت حتى وصلنا لواحد دار كبيرة او بالاحرى قهوة وقفنا طوموبيل فواحد البلاصة كانو بزاف ديال طوموبيلات واقفين هبطنا شد لي عصام فيدي
شيماء:عمرني ماجيت لهاد البلاصة غزالة بزااف
عصام:هادي كانت اتكون فيلا كبيرة بناها واحد النصراني ولكن المخزن ماخلاهش حيت الارض ملك للمخزن وقرر يردها قهوة عائلبة اجي نتفرجو ومن بعد نختارو فين نكلسو اول بلاصة دخلنا للمكان الاول ليكان كولو مفرش بسدادر وفيه واحد شوميني وكولو
سراجم وفيه طبيلات ديال الخشب كان غزال خرجنا منو عاد للبلاصة تانية كانت مخصصة لدراري صغار فيها الالعاب عاد طلعنا مع دروج كانت البلاصة تالتة فيها طبالي وناس كالسين كانت شميشة وجبال كاملين مقابلين معاك (ملحوضة هاد القهوة كنت مشيت ليها كاينة فبني ملال تفوتي العين وتفوتي القصر كاتحمق)
عصام:عجباتك
شيماء:هي غير عجباتني وسكتي
عصام:ختاري فين نكلسو
شيماء:اجي نلعبو شوية وديك ساع نقرو فين نكلسو
هبطنا لواحد ساحة صغيرة فيها كولفازور لحنا 5دراهم وبدينا كانلعبو انا وعصام كول واحد ونوبتو فأخر المطاف عصام لي غلبني
شيماء:ههه صافي عييت نمشيو نجلسو ختارينا نكلسو فلاتيراس مقابلين مع طبيعة جا عندنا سرباي خديت حليب بشكلاط وحلو بشكلاط وعصام ختار براد ديال أتاي
شيماء:هاد البلاصة شجال غزالة كون غير طلعتينا ليها من شحال هادي
عصام:كول حاجة بوقتها جيت لهنا مرة وحدة ولكن اليوم بحال الى أول مرة نجي ليها
شيماء:وعلاش قرب ليها عصام وشد ليها فيديها
عصام:حيت انتي كاينة معايا وأي بلاصة كنتي فيها كاتكون منورة بالنسبة لي
شيماء:الله يخليك لي ومايحرمنيش منك كانت ديك البلاصة كولها جوج جوج واحد المنضر ساحر
عصام:كوراه الوليدة قالبة دنيا دابا
شيماء:عرفتي لحد دابا مامتيقاش المقلب لي دارو فينا
عصام:المهم عندي هو انو كان غير مقلب حيت كنت انحماق
شيماء:تصور معايا لوكان بصح هادشي
عصام:كنت ناوي نخطفك ههه لا بصح مانقدرش نتصورها الحمدلله لي غير كدوب شوية عصام شاف ورايا
ماما:فين اختي حليمة 7هادي ومزال مابان لحتى واحد فيهوم الاتر راه هادشي بزاف كون غير علمنا البوليس
خالتي تورية:لا البوليس الا شوية وأيجي بدر ويكولينا واش لقاهوم ولا لا ان شاءالله يكون خير
سكينة:ماما شربتي دواك
خالتي:شربتو ابنتي شوية سونا الباب وقفات خالتي
ماما:يكون عصام لي جا مشات فردوس كاتجري حلات كان غير بدر ومليكة حنى هيا معاه
خالتي:امضرى اولدي كاين شي خبار
بدر:والو اخالتي تيليفوناتهوم حتى لدابا طافيين سونيت على عمران والو ونزار مافخبارو والو حتى هو انتوما سونيتو على صحاباتها
ماما:والو أولدي حتى وحدة فيهوم مشافتهاش
بدر:ولكن لي بغيت نفهم كيفاش حتى غبرو وعلاش شنو سبب ماما وخالتي تورية شافو فبعضياتهوم وحدرو راسهوم
بدر:شفتكوم سكتو ياك لباس شيحاجة كاينة وكاين سبب لي خلى عصام وشيماء غبرو انا كانعرف شيماء مزيان مايمكنش تغبر غير هكاك مشا جيهت سكينة، سكينة فهميني شنو كاين هنا ودابا.
شيماء:حبيبي نمشيو
عصام:هي صافي جا الوقت
شيماء:أه ههه براكة عليهوم
عصام:واخا حبيبة سبقيني انا نتلحك بيك سبقت جيهت طوموبيل خلص عصام وجا عندي حل لي الباب ركبنا وشدينا طريق لدار
عصام:شنو فنضرك ايوقع
شيماء:مغادي يوقع والو حتى نوصل ونعرف وحتى انت سير نيشان لدار براكة على خالتي تورية اتكون مخلوعة وندمو حتى لعبو معانا ههه
عصام:هي غير كانتعطل شوية وكتخلع اما دابا علم الله حالتها (الله يسمح لينا من الوالدين) وصلني فين هزني صباح نزلت
عصام:ماتنسايش علمني باي حاجة
شيماء:حتى انت علمني بشنو كاين واخا قربت عندو وبستو من وجهو وسديت الباب وشديت طريق لدار كايبان لي عصام مشا حليت الباب ودخلت وانا خايفة فنفس الوقت من ردت فعل ماما دخلت لمراح مكاين حتى واحد
شيماء:ماما شوية خرج بابا من البيت
بابا:فين ماماك ياك كالت
ياك كتلت اتجيو بجوج انا مافهمت والو
شيماء:فين انجيو مافهمتش
بابا:علاه ماماك ماكتليك والو
شيماء:شنو اتكولي مكالت لي والو علاه فين مشات ماما
بابا:مشات تعشا عند دار خالتك تورية وكاتلي راه اتجي طركيها وغادي تجيو بجوج (هكاك دابا كولشي كاين تما)
عصام:فهمتك دور طوموبيل وديمارا وزاد وانا كل خطوة كانقربو قلبي كايضرب ماشي خايفة لا متعرفتش مخلطين عندي الاحاسيس كولها وصلنا دخل عصام للكراج غير خرجنا
عصام:طوموبيلت بدر كاينا هنا ادا العائلة كولها مجموعة هنا اجي من هنا شد لي ايدي ودخلنا من واحد الباب طلعنا فدروج حتى صدقنا فوسط بيت عصام
شيماء:دابا شنو انديرو
عصام:شش حيدي صباطك واجي معايا حيدت صباطي وحلينا الباب بشوية بتسكيل وقفنا ورا الباب وكانسمعو الهضرة والغوات هبطنا بشوية فدريجات باش انسمعو مزيان حاطين ودنينا
بدر:خالتي واش حماقيتي زعما راكي كبيرة وبعقلك واش هادو فعايل يدارو انتوما بجوج خرج ليكوم العقل انتوما هارفين شحال
كايبغيو بعضياتهوم ولي كايبغي راه يدير لي حاجة واقلبو عليهوم دابا
خالتي:هنا كنا بغينا غير نتأكدو شحال كايبغيو بعضياتهوم شحال وحنا متأملين يﻻجعو لبعضياتهوم شحال مرضت انا ومت شيماء كانت كةلا ليلة تدعي ربي يفرح بنتها ويرجع ليخا عقلها وهوما مكبرين راسهوم ومعندنين وفأخر جايينا بحال الى حتى حاجة ماوقعات ماطلبو سماحة ما ندمو ما والو بجوجهوم انانيين كان هامهوم غير راسهوم مافكروش لينا انا كانشوف فعصام وكانفكر فهضرتهوم بصح هادشي لي كايكولو
ماما:بصح هادشي ليكالت ختي تورية حنا كنا بغينا غير نعطيوهوم درس ويفهمو شنو هو زواج وشنو هي العشرة وشنو هو صبر ولكن دابا لي فات مات وليكان كان حتى حنا زدنا فيه أختي انا دابا مصاب غير ترجع لي بنتي ومايكون غير خاطرها من غدا نزوجها عصام كايشوف فيا وكايضحك
خالتي:الله يرضي عليكوم ابنتي حنى كنا بغينا ليكوم غير الخير وبغيناكوم ديرو عقلكوم وقبل اي حاجة تفمرو بالعقل وراه صبر ابنتي هو كولشي الى طلع واحد ينزل تاني الله يتبت غرسكوم ويفرحكوم ويرزقكوم درية الصالحة وحتى انتوما سمحو لينا خلعناكوم وقلقناكوم
شيماء:لا اخالتي المسامحة حتى انتوما سمحو لينا شفت فماما ومشيت عندها كان عينيها مدمعين حيت خافت علي تلاحيت عليها عنقتها
شيماء:سمحلي اماما عارفة دايراها كدها كد راسي والله ماشي لخاطري سمحليا بزاف والله مابقيت نعاود عنقاتني ماما وكاتبكي
ماما:حشومة عليك ابنتي طيرتيها مني خلعة ماعرفتش شنو بيك ولا فين مشيتي كنتي اتسكتي لي قلبي
شيماء:الله أكبر اماما حرام عليك هادوك صباع ولا شنو حيدات صندالتها
ماما:والله وماتسكتي حتى نوض ليك بهادي نوريك ياكما تسحابي راسك كبرتي على القريص كولشي كايضحك عصام جا عند ماما وباس ليها راسها
عصام:دابا ماحد كولشي مجموع هنا خالتي بغيت نطلب منك ايد شيماء على سنت الله ورسولو
ماما:أولدي مانلقاوش حسن منك والله يكمليكوم بالخير ويسعدكوم ويفرحكوم ويرزقكوم درية الصالحة ياربي
خالتي:هي غدا نجيو نخطبو ان شاءالله
عصام:باراكة علينا من الخطبة هاد المرة الخطبة وضريب الصداق فنهار واحد
ماما:نخليوها جمعة ان شاءالله
خالتي:صافي جمعة ان شاءالله مليكة وخالتي حليمة طلقوها بزغاريت وانا معنقة خالتي وماما وعصام فرحان الفرحة اطير ليه من عينيه انا كانشوف فيه وهو كايشوف فيا انا مع راسي (أخيرا ربي ماحشمناش وغادي يجمعنا) عصام مع راسو (الحمدلله كاع لي دزنا منو ربي كفانة بهاد الفرحة الكبيرة وغادي نتجمعو تحت سقف واحد) شيماء (كنطلب من الله يجعل أيامي معاك كلها أفراح ويقدرني الله نخليك ديما فرحان) عصام (كوني اكيدة عمري نسمح لدمعة وحدة تنزل من عينيك وانخليك أميرة وفرحانة الله يخليك لي يا نور عيني كانبغيك كتر ماتصوري)شيماء(كانطلب الله مايحرمنيش منك وانا كانبغيك كتر وكتر.ماخرجما من عند دار خالتي تورية حتى 10
ماما:نخليوكوم دابا الله يبيتكوم فراحة
خالتي:غدا ان شاءالله اندوز عندكوم باش نبداو فتوجاد ان شاءالله انا كنهضر مع مليكة لي فرحات لي بزاف وكتليها
كتليها على حساب هدى باش غدا ان شاء الله الى اتمشي معانا تشوفها ماما سبقاتني لطوموبيل عصام حيت هو لي أيوصلنا بدر دا مليكة وركبو فطوموبيلتهوم ومشاو انا سلمت على خالتي تورية لي رجعت كانكوليها ماما تورية بطلب منها بطبيعة الحال
شيماء:ماما تورية خلينا ليك الراحة الله يصبحكوم على خير
خالتي:حنا وانتي أبنتي مشيت معا عصام لطوموبيل ركبت ديمارا وشدينا طريق لدار أحدات اليوم كانت كتيرة بزاف عصام مقابلني بنص عين حتى وصلنا لدار نزلات ماما هي الولة دخلات دار يالاه اتبعها شد لي عصام فيدي
عصام:بهاد زربة غادية صافي
شيماء:وشنو خاصني نمشي مشا الحال
عصام:زعما مكانتسلك والو ماتعطيني والو
شيماء:ههه لا ماعاطياك والو وزايدون ايخرج شي واحد ويشوفنا اوك
عصام:واخا الالة نصبر انا شنو ندير يالاه دخلي دار من بعد ونعيط ليك واخا
شيماء:واخا خليتو ومشيت حتى لحدا الباب شيرت ليه وسيفط لو بوسة فالهوى شدها بيديه وداها جيهت قلبو دخلت وسديت الباب من ورايا طلعت نيشان لبيتي ترميت على نموسيتي عييت صراحة اليوم كان حافل بزاااف مشيت لواحد صندوق عندي حليتو وجبدت واحد تصويرة كانشوف فيها وعينيا ساحو بدموع
شيماء:كنتمنى انك تكوني كاتشوفي فيا وتكوني فرحانة معايا كيفما انا فرحانة وعارفة وأكيدة انك معايا وكاتشوفيني دابا واخا شحال هادي غبتي ومتليتيش كاتزوريني فأحلامي ولكن انا عمري نساك وديما كاندعي ليك فصلاتي وبغيت تكوني فالجنة وتدعي معايا أجدة الحبيبة (جدات شيماء مامات باباها الله يرحمها كانت شيماء هي نور عينيها وحياتها وكاتحماق عليها لدرجة بنات عمات شيماء كايغيرو من حب جداهوم لشيماء نهار توفات نطقات باسم شيماء وتما دخلات فغيبوبة وتوفات الله يرحمها) باست تصويرة ورضاتها لالبوم ولصندوقة ورجعاتها لبلاصتها مشات بدلات حوايجها توضات...
طباخة الرئيس الجزء 19
محتوى القصة
التنقل بين الأجزاء