لعندو كولشي ناض يشطح والفرحة بعينيهوم شفت فعصام وشكرتو بعيني حيت وفا بوعدو لي وخلى هاد الليلة من أجل الليالي عندي غير كلسنا جا بدر نوضني وسكينة نوضات خوها شدو لينا فيدينا وبدينو نشطحو انا ماشطحتش شطيح شيكي شطحت نيت شطيح ديال الغدايد ايوا الواحد هو لي يشطح وينشط مع راسو قربو عندنا طهور وصويري كايغنيو وصطنا وكولشي داير بينا ويصفق ويشطح انا وبدر درنا الحماق تكول واش انا ماشي عروسة حتى انكافات خلاوني على راحتي مامات كاتغمز فيا مالقات كيدير جريتها وجريت خالتي تورية يشطحو قربلنا العرس بقا شوية اشراق جايا هازا القعدة حطاتها قدامي كنت حاسة بيها ادير شيحاجة ديال الحماق حتى انا ماشي من العاكزين حيت صباطي وطلعت فوق القعدة وكلست هاك براك وعصام مول العقل كايعلق لي خلاصة القول الحماق لي درناها موحال دار فشي عرس جاو النكافات يطلعوني باش نلبس اللبسة التالتة لي انطلع بيها للعمراية ولي اتكون غير كاع لباسي طلعت لبيتي وعصام لبيت لبسو لعصام الجلابة ودارو ليه الخنجر والكمية وانا لبساتني النكافة اللبسة سوسية لي ختاريت اني نطلع بيها فالعمارية هبطونا وكانت العمارية حاطينها فالوسط كانتفاجئ بودادن لي كان كايعجبني غناهوم بزاف كايغنيو طلعوني فوق العمارية وعصام دارو ليه طيفور لي هو الميدة ودراري لي كايلعبو بينا حتا هوما بالباس السوسي اما البنات مليكة وهدى واشراق دارو افروال على ريوسهوم باش يكونو بحالي طلعوني فوق العمارية وعصام حتى هو والغنا سوسي خدام واحد الجو ولا اروع جابت هدى عصا سيلفي وتيليفون وعطاتها لي باش نتصور طلعتها بيدي مزيان حتى البنات كامل والفاميلة تشدات وتصورنا واخا نوصف حتى نعيا مانقدش نوصليكوم الفرحة ديالي الكبيرة النكافة عطات الامر للعريس يبوسني قرب مني وباسني فجبهتي من بعد حطو عصام
ولعبو بيا مزيان حتى شداتني دوخة كانو ايكلبوني من بعد حطوني وقفوني نكافات وداوني لبلاصتي عاد جات نوبت عصام نشطو معاه صحابو ولعبو بيه دراري مزيان هادشي كامل على الانغام ديال الشلحة كولشي ناشط وفرحان وكايغني مكاينش شي حد لي كالس ولا ناعس الحيحا نايضة هبطو عصام وطلعوني نبدل عييت بطلوع الهبوط اللبسة الرابعة كانت فصفر وزرق وعصام بالجلابة البيضة مخيطة بالحمر ضارو على ناس والرحبو بيهوم حيت العشا ايتحط وحنا انتعشاو مع العائلة كولها فطبلة وحدة كانت الماكلة دجاج محمر ومعسل بالمشماش واللوز عاد نص ديال الحولي مشوي مع الخضرة مسلوقة عاد البساطل ديال الحوت كلينا فطبلة وحدة بضحك واللعب كولشي فرحان واخدة راحتي ماحسة لابخوف لا بتوتر سالينا الماكلة وجا ديسير لي كان عبارة على حليوات كلاصي بديسير جات نكافة باش تلبسنا لباسي الاخيرين لبساتني تكشيطة فالبيج والداخل فالخضر بارد هبطوني بوحدي هاد المرة وعصام كان التحت كايتساني وماد ايديه لي شوية تحنى انا مافهمت والو وقف على ركبتو وانا نسمع الهدوء والموسيقى ساكتة شوية جا صوت كايغني"حبيباتي تعالاي وملئيني حبا وحضنيني تعالاي وملئينا حبا وقبلينييي حبيباتي "انايبست ماتصورتش هاد المفاجئة الكبيرة دوزي دوزي حاضر شوية طفا ضو وداك سقف لي كان فيه ضو ولا مضلم وهوما يبداو تصاوري كايبانو وحدة بوحدة شاعل فيها ضو كاع تصاور ليكنت مصورة مع عصام فسيرك وجامع الفنا كولشي كولشي كايدوزو وحدة بوحدة بواحد الشكل واعر غرغرو عينيا بدموع شوية شعل ضو على عصام وقف وجبد كارطونة فتح الكرطونة قدامي كان خاتم من اروع ما ياكون دهبو صافي وفيه جوج وفيه نونة خضرا
الكرطونة فتحتها كان الخاتم ديالو لي منقوش فيه سميتو مد لي ايديه وركبتو ليه جر ايدي وجرني لعندو لوسط القاعة عنقني شوية بدات الموسيقى وضواو مضوين البلاصة كولها عاد بان دوزي بالباس تقليدي فالكحل كان حدا البيانو كايعزف ويغني"حبيب الروح كفانا جروح وداري بحالي"وانا وعصام مشادين ليدين وكانشطحو وضو مسلط علينا غير حنا واحد الاحساس مايمكنش لحتىواحد يتخيلو غير لي عايشو وحاس بيه قربت لعصام لودنيه
شيماء:عمرني مكلت ليك شحال كنبغيك انت روحي وحياتي كولها الله يخليك لي
عصام:وانا كانموت عليك
شيماء:كيفاش حتى جبتي هاد الخاتم
عصام:داك النهار فاش خدينا الخاتم بليل رجعت عند سيد مول المحال نرجعو لور شوية (عصام:سلام سيدي جيت باش نرجع ليك هاد الخاتم ضيقو لي شوية
الراجل:اه تفضل كان سيد خدام فواحد الخاتم تار انتباه ديالي بزاف بدهب ديالو الصافي وبزمردة الخضرا كان فيها واحد دفئ فمرني فيك وفالحنان ديالك وبراءتك رجع راجل من بعد ما صايب لي الخاتم وشافني ساهي فالخاتم
الراجل:كايبان لي عجبك
عصام:بزاف
الراجل:واخا تسناني شوية هز الخاتم ودخل واحد البنيقة من بعد شوية رجع هازو فيديو وعطاه ليا منين قلبتو لقيتو حافر عليه حرف الاسم ديالي ولفو لي
الراجل:مراتك تستحق الله يوفقكوم).
عصام:هادي هي الحكاية عنقتو لعندي من بعد ما سالا الدوزي الغنا رجع الضو للقاعة وكولشي ناض كايصفق بقينا واقفين شوية بداو دقايقي جايين ورجال لابسي لباس بيض وهازين طيافار وكايضورو بيهو حطوهوم وفتحوهو كان فيهو دهازي كولو وشي حوايج ماشريتهوم كوليات خواتم ديال دهب بداو دوك رجال كايلعبو ويتكلبو قدامنا وهازين عواد شاعلين بضو وصويري وطهور خرجو كايغنيو وانا وعصام مشادين ليدين ومعنقني ليه وكانتفرجو كانا ليلة من الف ليلة وليلة مكانتش متخيلة عرسي.
مكنتش متخيلة عرسي يكون بهاد الروعة وهادشي كولو بفضل عصام وحبو لي لي اليوم برهن لي بصح شحال كايبغيني جاو نكافت طلعوني الوق على ود اللبسة الاخيرة لي ختاريتها انا كيف كولت بغيت عرسي يكون غير اي عروسة كاتختم عرسها باللغوب البيضة حتى لي انا لي لبستي كانت عبارة على ساري هندي فلون ازرق سموي وبلو مارين وكلي لي كان عقيق فالبيض اما عصام لي كانت لبستو هندية فالبيج لبسونا وهبطنا انا وهو على الانغام الهندية هام تيريبين أغنية فيلم (ashiquie 2 )كولشي نايض كايشوف فيا ويصفق بدر كايسفر الحمق شوية طفا ضو وشعل ضو ديال واحد الممر كان مصفوف بالورد البيض حتى كانشوفهوم مدخلين لاطارت لي كانت غريبة عبارة على مخيدات بيضين بشوشيات مدهبين كولشي ناس واقفين وكايسفقو ومتحمسين جابو طارت حتى القدامنا شوية طفات الموسيقى وتسلط ضو على مدخل القاعة كانسمع صوت لي كان صوت ديال بنت كايغني "اجمل فرحة هي يوم فرحكو داه شيئ اكيد دكريات الليلة ديا حاضرة ميش ممكن تغيب احساس اليوم ده من فيكوم ينساه علطول تكمعكو احلى حيات اجمل فرحة فحياة كل ليلة مع هاد الجملة تشعل ضو فالقاعة كولها ودخلات كلثوم صاحبتي كانت اجمل مفاجئة انها تحضر معايا."حيلوين والله الله الله ماشاء الله الله الله يا سلام ياسلام ماتباركو ياد الله حيلوين والله ماشاء الله ياسلام ياسلام ماتباركو يد الله (ماهر زين اجمل فرحة) صراحة ماكونتش متخيلاها اتجي نرجعو شوية اللور.
شيماء:الا اصاحبتي والله حتى عيقتي حتى العرسي وماتجيش ليه حشومة عليك
كانت كلثوم انيقة هاد الليلة فتكشيطة بالكحل والحمر وصم هي كاتغني وانا وعصام بدينا كانقطعو لاطارت عطيتو هو الاول شوية وهو بدورو وكلني عاد جاو السربايا كايقطعو فطبيسلات ويفرقو على ناس كلثوم سلات وجات العندي عنقتها بجهد
شيماء:هادي احسن مفاجئة درتي
كلثوم:واش كايسحابك انفلت عرس صاحبتي
شيماء:وعلاش كدبتي علي
كلتوم:مجرد حيلة درتها انا وعصام باش نخليوها مفاجئة ليك شفت فيه وشفت فيها
شيماء:درتوها بيا ولكن كانت احسن مفاجئة منين جيتي مشات كلسات مع البنات وعائلتي جابتلي النكافة واحد سليلة فيها ليدراجي وبقيت نهز ونلوح لبنات والعائلة كولها جا وقت تصاور تصورت مع صحاباتي كولهوم ومع عصام بدر مع العائلة كولها ختمناها ضحك ولعب ونشاط وشطيح وجا وقت لي نسافر فيه مع عصام خرجنا على برة كولنا خديت طرف من ساري غطيت بيه راسي بحال سلهام بست ماما وخالتي لي مانو متاترين خصوصا ماما ليمابغاتش تبين لي احسيسها ودموعها عنقتهاوبست لبابا ايديه سلمتعلى البنات
اشراق:وامشيتي فيها والغلطة درتيها اليومة تخلصي كاع لي درتيه فينا وضحك لي ضحكتي علينا
شيماء:والله وماتسكتي راه مايهمني لاعرس لا غيرو انعطيك بهاد السباط
هدى:واعندها الحق نسيتي فعايلك معانا وضحك لي ضحكتي فينا اوايلاك اش كايتسناك دبح والجرح والقتل مع سبق الاسرار وترصد
مليكة:حشمة عليكوم كاتخلعو قالبنت تاعنداك اشوشو هو غير بحال الى دبحتي شي حاولي ابحال هكاك
شيماء:اربي صح مامات غير هوما دفنوه وانتوما كونو تحشمو وفيدوني الى عندكوم باش تفيدو
كلتوم:انا بلاما تشوفي في ماعندي باش نفيدك هههه جات عندتا ماما
ماما:بنتي يالاه راجلك كايتسناك تصيفط معاهوم ومشيت عند عصام وقفت وبقيت كانشوف فيه
شيماء:ههه انمشيو فهادا وحوايجنا فين انديروهو
عصام:غير طلعي كولشي مقاد عمركوم شفتو عروس وعروسة فوق سكوتر اه اه هي انا وعصام ركبت وراه درت الكاسك وديمارا وزاد وانا كانشير لعائلتي وصحاباتي لي بداو كايختافيو شوبة بشوية وانا ورا عصام معنقاه لي وحاطة راسي عليه ماسولتوش فين غاديين على حساب هضرتو خاصني نسكت حبت مخلبها مفاجئة ضواو المدينة بداو كايخفافو شوية بشوية وحنى موال سادين الطريق حتى وصلنالواحد طريق دخلنا منها وصلنا واحد الارض اونكول اراضي كولهوم خضرين بربيع ومزينين بنوار اشكال والالوان وانواع حتى وقفنا عند واحد الدار بحال الكوخ ولكن في منتهى الروعة وقفنا كانت طوموبيلت عصام واقفة على برا نزلنا حيدت الكاسك وحتى عصام نزل وحيد الكاسك كان الجو زوين بزاف والقمر باين والهدوء جا عندي عصام عنقني
عصام:كيف جاتك البلاصة والمفاجأة
شيماء:هاد الليلة بنسبة لي كلها مفاجئات كل مرة كاتبهرنيولكن هاد البلاصة بدات خلاتني مانقدرش نهضر بحال الى كنتي كاتقرا أفكاري
عصام:عقلت على نهار لي كنا فجتمع الفنا وكلتيلي ياريت لوكان عندك دار او تسكني فكوخ غير انتي وطبيعة بغيت نحقق ليك هاد الامنية قربت ليه وبستو فوجهو
شيماء:الله يخليك لي ومايحرمنيش منك
عصام:غمضي عينيك
شيماء:مزال شيحاجة كتر من هادي
عصام:غير غمضي عينيك غمضت عيني بدا كايحسب واحد جوج تلاتة حليت عيني كايبانو لي الالعاب نارية فالسما وكلمت كانبغيك فسما وسميتي بالالوان مضوية وحداها سميت عصام غرغرو عيني بدموع وعنقت عصام بقينا معانقين وكانشوف فيه ونرجع نعنقو شد لي فيدي ودخلني لدويرة ديالنا او كوخنا وكوخ حبنا ليكان كولو بالخشب ومفرش فراش ديال الطبيعة مخيدات وكراسة داكشي غزال بزاف
عصام:اول حاجة سيري دوشي باش تحيدي عليك العيا وتكوني مرتاحة .
عصام:اطلعي كاين بيت واحد راه باليزة ديالك فيه باسني فراسي وطلعت لبيت ليكان فيه ناموسية كبيرة فيها فراش بالحمر والموف والبيض وعندها شرجم كبر مشيت ليه فتحتو كانتفاجئ بالكون واسع زوين كاع المناضر مقابلين معاك رجعت فتحت الباليزة جبدت باش نبدل حوايج ديال التحت وبيجمة قطنية فالحمر بدلت ودخلت لدوش ليكان ماصغيرش كبير وكولو خشب دوش وغسلت كاع داك المكياج حسيت براحة من كاتحيد داك العيا كولو وداك المكياج ليكان متقل عليا خرجت نشفت راسي ودهنت بواحد الكريم عندي سميتو ميلك اند هاني ديال الحليب والعسل (البنات المزوجات زوين هاد الكريم فاوريفلام) ونشفت شعري نشفتو وجمعتو مادرت والو لوجهي خليتو طبيعي كاكاويت لي درت لفمي دخل عصام ليكان شعرو فازك جا لعندي وعنقني بقينا واقفين قدام الشرجم وصباح بدا كايبان حيت العرس مسالاش بكري شاف فيا عصام
عصام:حبيبي يالاه ترتاحي باين من عينيك عييتي بزاف شفت فيه وزاد كبر فعيني لي انو كون كان شي انسان فمكانو ايطالب بحقو ديك ساع تبسمت وفهم من عيني بشنو حسيت
شيماء:شكرا حيت تفهمتيني
عصام:نهار طلبت منك زواج ونهار تزوجتك كان هدفي انك تكوني بجنبي ونعايا تحت سقف واحد ومايبعدني عليك حتى حاجة مكانش هدفي هو العلاقة الجنسية لا أهم حاجة بنسبة لي هي اننا مع بعضياتنا هدا هو الاهم طلعت ايدي لوجهو وجبدتو لعندي وعنقتو لي بقينا معانقين حتى وصلنا لنموسية دخلني تحت المانطة وتخشا حدايا وجبدني لعندو وهو معنقني وكايشم ريحتي وانا بحال شي بنية صغيرة وسط صدرو كيمرر ايديه على شعري وكايلعب فيه ويشوف فيا ونطلع عيني نشوف فيه ويعاود يخشني مزيان لصدرو ويرجع يحك لي شعري حتى بديت كانحس بعيني بداو كايتقالو ومابقيت حسيت بوالو عصام طلع على شيماء ولقاها نعسات باسها فراسها
عصام:تصبحي على خير يا أميرتي
صبح صباح كانسمع صوت طويرات وشميسة بدات كاتلوح الخيوط ديالها كانحس بشيحاجة كاتهرني فنيفي وكادوز على فمي وعلى وجهي كامحيدها بيدي ونرجع نكمل نعاسي حتى كانحس بشيحاجة رطبة كاتمس فمي وكاتبوسني ماشي مرة ماشي جوج حليت واحد العين كايبان لي عصام منزل راسو واخد راحتو كايبوس في
شيماء:صباح النور
عصام:صباح الخير نوضي انعاسة براكة من نعاس
شيماء:ممم عجبني الحال هنا بلاتي شوية
عصام:نوضي تابعنا طريق لشهر عسلنا نضت وقفت وشفت فيه
عصام:لا بلاما يحتاج حيت انا وجدت كولشي خاصك غير توجدي راسك ونشدو طريق يلاه احبيبة باش مانتعطلوش واخا
شيماء: ولكن كنضن هادشي كان خاصنا نهضرو فيه بجوج ونتافقو عليه بجوجنا واقيلة انا مرتك ولا غلطت
عصام:صافي بلاما تكبري الموضوع خديت القرار دابا سيري وجدي راسك
شيماء:دابا انا ماعندي حتى دور فهادشي ياك زايدة ناقصة
عصام:اووف شيماء راه يلاه مزوجين ياحسرة انا نمشي نوجد الفطور وانتي جمعي الحوايج دغية باش نشدو طريق واخا داز من حداها وقرسها من حنكا وخرج من البيت شيماء تقلقات حيت كانت بغات هي تختار فين غادي يمشيو ناضت دخلات لدوش دوشات توضات وصلات لبسات قميجة سومو بارد وسروال بيض جمعات حوايجها فالباليزة لي كانت لابسة وحطاتها ليه هو يهزها دخل عليها عصام
عصام:كايبان لي واجدة انا ندوش ونتبعك بينما فطرتي ماهضراتوش شيماء خلاتو وخرجات وهو كايضحك غير بوحدو هبطات لقات الفطور واجد فطرات وحطات الماعن فالغسالة تغسلو ستفاتهوم هاهو عصام مهبط البالز لابس سروال زرق دجين وتيشورت بيض هبط البالز
عصام:كاييان لي راكي واجدة مشينا خليتو وسبقت لطوموبيل حليت الباب ودخلت وخليت
وخليت عصام كايستف البالز فالكوفر كادهوم وجا ركب حدايا وديمارا المشكيل لي بقا في الحال مكالش لي سمحيلي كاع بحال الى ماوقع والو انا عارفة دار كتر من جهدو باش يفرحني ولكن هدا شهر عسلنا ديالنا بجوج علاش ماخداش رأيي ونتافقو بجوج فين اندوزوه بقيت مدورة وجهي جيهت زاج وكانشوف فالمناضر لي دايزين منهوم ماهضرتوش وحتى هو ماهضرنيش كاع بحال الى مكايناش بقينا هكاك داتني عيني واحد شوية ماعرفتش شحال نعست حتى حسيت بيد عصام كادوز على وجهي حليت عيني لقيتو كايشوف فيا بشوفات حنان تستويت فبلاصتي
شيماء:فين حنا
عصام:فكازا .شيماء مع راسها (انا بغيت ندوز شهر عسلي فطبيعة) حدرت عيني الارض وقفنا جنب واحد الكافي نزل جا عندي
عصام:مغاديش تنزلي تاكلي شيحاجة شفت فبه انا حتى لماكلة كانسا عزت نفسي هبطت وتبعتو دخلنا لداك الكافي فيه الحلو والمالح جا عندنا سرباي عطانا القائمة وصيط على البيتزا بفواكه البحر وعصام خدا بحالي عصام حاضي شيماء وردت فعل وجها وكيف كاتصرف جاب ليهوم اسرباي الفريت وزيتون والمقبلات عاد طلب ديالهوم شيماء طاحت على البيتزا ديالها ماناضت حتى سلاتها سلاو غداهوم خلص عصام وسبقاتو شيماء لطوموبيل دخلات وخلط عليها عصام ركب وديمارا دار فكازا كولها وانا غير حاطة راسي وكانشوف شوي كانشوفو خرج من كازا وشاد طريق دخلنا لواحد طريق فيها بلاكة مكتوب فيها مطار محمد الخامس وصلنا هبطنا شفت فيه
شيماء:فين غاديين
عصام:دابا تعرفي
شيماء:طوموبيل اتخليها هنا وزايدون الباسبور ديالي ماجبتوش
عصام:انا موجد لكولشي وطوموبيلتي وسيط لي ايجي يديها انا متسوقتش ليه سبقتو دخل هو البالز انا خليتو وكلست لي بغا يديرها شغلو هداك مكايهمنيش مدام ماتشاورش معايا بقيت كانتسنا حتى جا لعندي
عصام:كولشي مزيان وهو هداك بقا غير توصل وقت طيارة
شيماء:مزيان انا نمشي الحمام ونرجع مشيت دخل الحمام من بعد 5 تعلن على رحلة ناض عصام كايستنا فشيماء حتى خرجات من الحمام
عصام:تعطلتي خاصنا نمشيو دابا زادت معاه بلا حتى كلمة عطا البيي وكاع المسائل لي خاصهوم يتعطاو وعبرو المدرج طلعو قليل ناس مغاربة اكترية غير اجانب وشي اماراتيين شيماء مامسوقاش كاع وراتهوم المضيفة بلاصتهوم شيماء كلسات عند زاج وعصام حداها بدات المضيفة كاتهضر بالانجليزية والعربية تمنات للمسافرين رحلة سعيدة وبدات الطيارة كاتقلع بشوية شيماء اول مرة اتركب فطيارة واخا حسات بالخوف شوية ولكن مابغاتش تبين لعصام جات المضيفة فرقات على المسافرين مجلات باش يدوزو فيهوم الوقت خدات شيماء مجلة كلسات كاتفرج فيها ومنفخة مكاتشوفش جيهت عصام نهائيا واخا هو حاضيها اش كادير ولكن ساكت مخليها على راحتها دازت ساعتين جات المضيفة فرقات عليهوم الماكلة كول واحد بسلطة ديالو وسوندويتش بحال بانيني وعصير والماء كلاو تكلم عصام
عصام:عجباتك الماكلة
شيماء:مزيانة
عصام:مرتاحة
شيماء:مممم صافي وسكت من بعد تكات شيماء على زاج وكاتشوف غير سحاب والاراضي من تحتها خضرا حتى غمضات عينيها ونعسات ماعرفاتش شحال ديال الوقت داز حسات بيد كادوز على راسها وتهمس بسميتها حلات عينيها لقات راسها ناعسة على عصام وهو معنقها بعدات عليه
عصام:نعستي مزيان
شيماء:اه مزيان مزال ماوصلناش
عصام:نص ساعة لي بقات لينا كانشوف من زاج كايبان لي الحال بدا كايصبح ماعارفة فين انا ولا شحال فساعة كاع دازت نص ساعة كاتبان لي غير مطار قريب لينا وطيارات وساحة خضرا شوية جات واحد المضيفة ماشي ديك ليكانت فالول سمراء وشعرها رطب ومبسمة وقفات قدامنا وبدات كاتهضر"مارحابا ويلكام تو انديا"انا بوقلت عينيا حتى خرجو من بلاصتهوم مفهمت حتى حاجة كانشوف فعصام لقيتو
كايشوف فيا وكايضحك هبطنا وانا زايزونة وليت طلبات منا المضيفة نتبعوها خرجنا من طيارة وبقينا غاديين وعصام جار الباليزات وانا تابعاه دخلنا لداخل ديال المطار كولشي لي تما لابسات ساري دابا واش انا فالامارات ولا فين بغيت انفهم حيتاش مزال مامستوعبا هادشي لا هههه نعست بزاف وليت كانحلم هادا مكان غير نرتاح انرجع لوعي ديالي دازو تلبالز ديالنا من تفتيش كولشي مزيان كاع الموضفين شعرهوم رطب وسمرين بحال الهنود حتا الامارات فيها الهنود والباكيستان خرجنا لقينا واحد قدام طوموبيل فالبيض جا عند عصام هضر معاه بالإنكليزية وفتح لينا الباب وطلع البالز لكوفر ركبت انا لور انا وعصام وغفيت على كتفو حيت كان فيا الموت ديال النعاس فيقني عصامعصام:نوضي راه وصلنا الاوطيل فقت نزلنا قدام واحد لوطيل كبير وكولو ضواو كانو جوج فالاستقبال حياونا بريوسها جا واحد الراجل كبير شوية فالعمر جا عند عصام سلم عليه
الموظف:مرحبا سيد عصام مرحبا بكم فالهند غرفتكوم التي حاجزتموها سيدتكوم في الطابق الثاني سوف يدلكم عليها الخادم
عصام:شكرا اما انا كيشي بهلولة كاليك الهند واش كال الهند ولا انا تخبلت فعقلي دانا الخادم يورينا بيتنا طلعنا فالسانسور وعصام كايشوف فيا وهو ميت بالضحك طلعنا البيتنا دور عصام مع داك الخادم وستادن وخرج كانضور فداك البيت ليكان بحال جناح ملكي فيه كامة كبيرة واسعة فيه واحد طبلة فيها بحال المبيخرات وشي تماتل كانشوفهوم غير فالافلام الكامة كانت عصرية حتا هي ومنقوشة والشرجم كبير
عصام:علاش ساكتة ومكاتهضريش واش موال مقلقة مني دارت شيماء شافت فيها وصغرات واحد العين
شيماء:بغيت انفهم واحد الحاجة وتصحح لي واحد المعلومة وتكولي واش حقيقة ولا اكانتخيل قرب عصام لعندها وشد فيديها
عصام:عارفك شنو اتكولي حيت لاحظت دهشة على
وجهك اه احبيبة ديالي انتي دابا فالهند ماتصوروش الفرحة لي حسيت بيها بديت كانشير ليه براسي زعمة ةاش بصح وهو يشير لي بيانو بصح نقزت من حداه طلعت فةق ناموسية كانقز كانقز وكاندير شطحت الهنود
شيماء:يس يس يس وأخيرا وأخيرا واوا واو ياهو ياهو
عصام:هاد الحمقة نزلي اتفيقي لوطيل كولو نقزت من فوق ناموسية علا عصام شديت فيه برجلي وبيديا كانبوس فيه كانبوس فيه فوجهو وفمو وهو غادي بالور حتى طاح فوق ناموسية وانا كالسة عليه
عصام:فاش قبلتي بزواج بي وكولشي تقاد طلبت من اشراق تهز ليك الباسبور وتجيبو لي منين تحدد موعد العرس ريزيرفيت لهاد لوطيل على جناح وحيت سيد خانا كان شحال هادي عندنا نعاه خدمة عطاني جناح العروسين وهو اكبر جناح هنا باش ندوزو فيه شهر عسلنا وحاجة تانية اتلقاي مرافقة سميتها شيلبا كاتهضر لغة العربية باش الى حتاجيتي اي حاجة اتكون معاك
شيماء:ماعرفتش شنو انكوليك والله حط لي صبعو على فمي
عصام:مابغيتك تكولي والو لي بغيت هو انك تكوني فرحانة هدا هو اهم حاجة عندي ودابا نوضي دوشي باش ترتاحي ونعسو شوية ومن بعد نهبطو
شيماء:اجي ولكن ماكلتيش لي حنا فينا مدينا دابا
عصام:مومباي خلني ودخل دوش
انا غير دخلت بديت كانلعب طارطاويت فاوق الكامة كانشطح ونغني اجيو اجيو شوفوني فين انا انا فبلاد شاروهان حبيبي ناري يسمعني عصام يحيد لي الفم حليت الماريو باش نستف حوايجنا كانتفاجئ ب4 ساريات و5 لبسات كسيوات وسروالهوم وصندوقة هزيتها غير حليتها كولها اساور الله الله حلمي تحقق واخيرا حلمي تحقق وهادشي كولو بفضل عصام حتى انا خاصني نرد ليه ولاو غير شوية من هادشي لي دار لي ولكن ماشي دابا منبعد ستفت حوايجنا منبعدها بشوية خرج عصام داير بينوار درت شفت فيه
شيماء:انت لي وسيطيهوم على هاد البيسات
عصام:لا ولكن هادو كادو بمناسبة زواجنا
شيماء:المهم كيف كيف عندي هزيت حوايجي ودخلت لدوش لي كان زوين بطراز هندي فبه جميع انواع زيوت خديتهوم وكبيتهوم فالما ونعست فداك البانيو كانلعب برجليا ونلعب بالرغوة وانا مقاداني فرحة خرجت من البانيو كانشطح قدام المرايا نشفت راسي وشعري مزياان ولبست بيجامة فزرق باردة حيت كان الجو دافي ماشي بحال الجو لي خليت فالمغرب بارد خرجت كايبان لي عصام فوق ناموسية ناعس على كرشو ولايح رجليه كايبان بريئ حبيبي عيا من طريق مكاينش بحال عصام مامنوش جوج لدلك عمري مغادي نقلقو ولا نجرحو وعيني نعطيهوم ليه حيت هادشي لي كايدير معايا الا وكايبغيني وبزاف كلست حداه وانا كاندوز على شعرو وكاندوز بصباعي على روموشو هبطت لوجهو وبستو يالاح بغيت نوض وهو يشد لي فيدي وجرني لعندو حتى تخشيت فصدرو طغطينا بليزار وتخشيت فيه وهو معنقمي برجلو وبيديه مابقيتش حاسة امتا داني نعاس من بعد شحال حليت عيني لقيت عصام مزال ناعس ضرت عندو بشوية كانلعب فوجهو ونقرب بشوية ونبوسو فمو ونبعد تاني ونقرب ونبوسو بحال الى كانلعب يالاه المرة تالتة انعاودها طار علي بحال شي سبع ولا فوقي
شيماء:ههه هرسو بلاتي حتى نخرج ودخل راه مزال تابعنا بزاف مايتشاف واش انا جيت حتى الهنا وانبقا
عصام:واخا نتحاسبو من بعد غسلت وجهي وتوضيت خرجت لقيت عصام مكاينش صليت بعدا واخا معارفاش توقيت ديالهوم حليت الماريو وجبدت لبسة من لي جابو كسوة طويلة شالها فالحمر وهي فالباج ودهيبي والحمر درت خط فوق عيني وعكر فالغوز خفيف وريحتي وهزيت ساك شوية دخل عصام كان باين عليه يالاه خرج من الدوش غير شافني وبدا كايصفر
عصام:الهند كولها اتحسدني على الاميرة لي معايا
شيماء:ممم هي بلامانخرجو قرب عندي وعنقني
عصام:ليبان ليك احبيبتي
شيماء:سير لبس وانا كانتسناك على برا ههه
عصام:واخا اميرتي خلاني ومشا الماريو خرجت انا على برا كانتسناه بانت لي واحد البنت جايا عندي طالقة شعرها ودايرا نقطة فجبينها وصلات عندي وحياتني بالهندي
شيلبا:مارحبا انا شيلبا
شيماء:مرحابا انا شيماء
شيلبا:مارحبان بيكي فالهند ادا احتاجتيني انا فالخدمة معليكي سوا اتكلم عبر الهاتف وانا ساكون تحت امرك
شيماء:بهوت شكريا
شيلبا:انتي تتحدثين هندي
شيماء:بعض الكلمات فقط
شيلبا:كود انا سانصرف الان امسية سعيدة مشات وخرج عصام كان لابس سروال فالكحل وقميجة زرقة وداير نضاضر ديال الشمس
شيماء:عصام حبيبي عفاك بلاش طوموبيل خلينا نمشيو فتوكتوك حنى جينا جينا خاصنا نستعملو وسائل ديال هنا باش نتمتعو كتر عافا حبيبي واخا
عصام:واخا يلالة يالاه تمشينا شوية وقف لينا واحد
هضر معاه عصام وركبنا اللور وحنا معانقين وكانضورو واحد المنضر روعة بزاف البنايا العاليين والاشهارات ديال الافلام والممثلين شيحاجة بحال الحلم العيالات بلباسهوم بساريات الخضورية ناس ليكايبيعو شيحاجة كاتبهرك بزاف نزلنا مول توكتوك فواحد سوق بقينا كانضورو فيه وعصام معنقني وكول بلاصة كايوريها ري ويسميها لي صدق عندو دراية بثقافة الهندية مشينا عند مالين الاساور هادا اول واحد حلمت نمشي عندو انا كانقيس وعصام كايصور فيا تصورنا سيلفي مع مول المحال خديت بزاف من الاساور ومانسيتش صحاباتي حقهوم حتى توما مشينا من عندو لعند واحد مول المطعم كلسنا حط لينا واحد الطبق من هضتو وليكالي عصام هاد الطبق معروف عندهوم هنا جاب لينا روز بالصلصة الكاري والرغيف صراحة الماكلة حلوة وبنينة واخا حارة شوية تشكرناه او واصلنا دوران ديالنا بان لينا واحد المعبد مشينا ليه طلعنا
عصام:كايبان لينا واقيلة جينا فشي زواج قد قد
شيماء:ناري كان امنيتي نحضر لشي عرس وها هو ربي ماخيبنيش بقينا واقفين كانتفرجو جا عندنا واحد الراجل هضر بالهندية مافهمتش شنو كال عاد هضر معاه عصام بالإنجليزية بانليا كايضحاك وكايشير لينا بيديه بحال كايكول لينا تفضلو شيماء:اش كتليك واش كلتي ليه
عصام:كايسحابنا واش هنود وانا فهمتو انانا مغاربا وجايين فشهر عسل وانك انتي كاتحناقي على الهند وعلى اعراسها وكاتمناي تحضري لعرسهوم وهو بغاك تشاركي معاهوم العرس انا عينيا ولاو فيهوم القلوبة دخلت بوجهي قاسح جات عندي وحدة لابسة ساري وجراتني وانا مافاهمة والو كانشوف فعصام عطاتني داك شد وشيراتلي باش نربطو للعروسين حتى انا ماشي من العاجزين هادشي تعلمت ليه الله يخلف على الافلام عقدتو ليهوم وعطاتني الورد هوما كايدورو على العافية وانا كانرش عليهوم وعصام كايصور فيا من بعيد
سلاو طوقوس وجاو دوك العروسين تحناو بحال الى خداو المباركة ديللي حسيت بواحد الفرحة كبيرة بواحد الاثارة بحال الى كانمتل شي فيلم عطاتني ديك المرة داك اللون الاحمر لي كايسميوه سيندور باش نديرو ليحوم فجبهتهوم طبقت داكشي لي شفت فالافلام ومشيت عند عصام عنقتو وعيني مدمعين
عصام:مالك
شيماء:انا محضوضة عندي راجل بحال والله خليتيني اسعد وحدة وحققتي واحد الحلم مكنتش كانضن ايتحقق عنقني لعندو وباسني فجبهتي يلاه بغينا نهبطو من دروج وهو يشدو داك الراجل بقا كايهضر معاه ودار ليه ديك تحية لهندية ومن صوتو بحال الى كايطلبو بقيت كانحرك فعصام زعمة شنو بغا
عصام: كاليك عيب وحشومة نمشيو بلاما نحضرو للحفلة ديال العرس وهادا عيب كبير وبحال الى اهانة ليهوم ولا مارشيناش بيهوم شنو بان ليك جريت عصام من ايديه
شيماء:ههه كاتسولني مزال زيد هادي مافيها شك مشينا مع الموكب ديال العروس ومعانا داك الراجل لي منبعد عرفنا سميتو انيل تشوبرا وديك سيدة مراتو وهاديك بنتهوم مشينا معاهوم فطوموبيل بشطيح حتى لدارهوم ليكانت كولها مزينة بالورد وكبيرة بحال داكشي ديال الافلام جابو لينا الكراسة ورحبو بينا مكاين غير ساريات الواعرين والموسيقى خدامة كلسونة ولي تما كايشوفو فينا ومستغاربين العرسان كالسين والعروسة بالباسها الحمر والحنة فيديها وحادرة راسها والعريس حتى هو انا غير حالة فمي وكنضرب الرش شوية طفا ضو وشعل غير فالوسط دخلات وحدة لبسة صايا فالكحل وتلبوضي بحال سوتيام وكرشها عريانة ودايرة بحال طانكة فبوطها وطانكة فنيفها وبدات كاتغني وتلو كي الحنش"بولا تشوريا بولا كانكنا هاي مي هوكايي تيري ساجنا بي ينينديوناي تولاكتاماي تومارجايا ليجا ليجا توميريي لاتجا ليتجا ليتجا ليتجا اوهوو"شعل ضو وخرجو بزاف ديال البنات كايرددو معاها ويشطحو شوية
مشات واحد لبنت لابسة صايا وصغيرة لعند ديك لبنت ليكاتشطح وشوشات ليها فودنيها وضحكات وحتى البنت ضحكات مع الاغنية وانا كانصفق جات ديك ليكترقص كاتشطح قدامي وكاديري لي أجي بيديها انا كانشوف عند عصام ماقديتش نوض حشمت جات مولات العرس شدات لي فيدي وقفاتني ومن جهة لوخرة تجمعو علي البنات وقفوني وداوني من جنب عصام لوصت جراتني ديك الراقصة وكادير لي ديﻻي هكا فالاول ماقديتش حشمت بدات كاطلع فيدي وكادير لي ليديا يلاه بديت بخطوات بسيطة متبعة الموسيقة ليكنت حافضة الكلمات ديالها مزيان بقينا بالشوية فالاول وعصام من بعيد كايضرب راش وكايدير لي برافو بيديه نساجمت مع اابنات ومع رقصات وخصوصا مع ديك البنت ليكاتشطح جبنا بحال مادهوري وايشواريا فيلم ديفداس بدات الموسيقى كاتعلى وانا نساجمت نسيت عصام ونسيت كولشي كانحس براسي غير انا والموسيقى بحال الى كانمتل شوية جابو البنات ليكايشطحو معانا العصي كول وحدة عندها جوج عصيان ديالها ومع شريك ديالها لي هو راجل طبعا جا فيا واحد طويل وسمر وشعرو رطب ركايشوف فيا ويتبسم بقينا كانشطحو ةكل واحد بدور ديالو صراحة حسيت بواحد الفرحة واحد الحماس مكاينش بحالو نساجمت بزاف لدرجة الشال لي دايرة بدا كايزلك وبكين مابغيتش نكسر اللحظة مشيت بقينا هكاك الرقصة كادوري وكاتجي بين يدين شريك تاني وضربو بالعصا ودوري لشريك لخور دورة ماقبل الخيرة ضرت ودارت معايا الكسوة ليلبسة جيت بين ايدين شكون حبيبي عصام لي حتى هو هاز العصا بقا كايشوف لي فعينيا طلع ايديه معا طول ايدي لوجهي ولراسي وهبط لي شال وغطا لي شعري وتبسم لي بقا دور منحاصر غير بيني وبينو ماخلانيش نجي بين ايدين شي واحد اخور صراحة عجبني الحال بزاف حيت شميت ريحة الغيرة وفعلا عصام منين شاف حبيبتو كاتشطح مع شخص اخور ماعجبوش الحال وكاع
وكاع منين هبط ليها شال وشاف نضرات الرجال ليها مابغاش هكاك ومابغاش يبين على داكشي خدا المبادرة ودخل وسط الرقصة بقينا هكاك مستمتعين مع بعضياتنا أجمل اللحظات كاندوزهوم مع حبيبي وحياتي سلى الفرح وسلا العرس وخاصنا نرجعو فحالنا للاوطيل تشكرنا ناس وقبل مانمشيو جات مرت سيد انيل عطاتني جوج بواطات وحدة فيها حلوة العروس وتانية فيها تمر هندي اوقفاتني بيديها مشات جات بزربة دارت لي داك سيندور بين عيني وعطاتني واحد سنسلة كانشوفها كايديروها المزوجات تشكرناها بزاف وخرجنا خدينا طاكسي وشدينا طريق للوطيل حطنا هبطنا دخلنا وطلعنا نيشان لبيتنا
شيماء:انا نسبق للحمام ممكن وبدات تسبل ليه فعينيها
عصام:وعلاه انا نقدر نكوليك ل دخلات الحمام دوشات خرجات لقات عصام واقف عند شرجم جاتو من اللور وعنقاتو
شيماء:كان هادا احسن نهار اندوزو ماتصورش فرحتي قداش دار عندها عصام وحبسها فأحضانو :كنتي اميرة اليوم وخصوصا فالعرس
شيماء:ممم كيجيتك عرفت نشطح
عصام:ممم اكيد مانخافش عليه
شيماء:ممم مغيار
عصام:باش هههه
شيماء:عقت بيك ماعمرك شطحتي علاش زعمة اليومة
عصام:لا عادي ههه غير عجبني شطيح ديالهوم وبغيت نشطح مع مرتي فيها شيحاجة
شيماء:ههه اممم مافيها والو طلعت فوق صباعي وبستو فمو وهبطت
عصام:ماشي بحال هكا بحال هكا وقرب من فمي وغطسنا فبوسة طويلة حتى حسيت براسي انا لي غادي ناكول عصام ماشي هو رجعت باللور وشفت فيه
شيماء:كنبغيك
عصام:وانا كنبغيك كتر وعنقني من بعدها دخل عصام يدوش وانا تكيت فبلاصتي حتى خرج من دوش بكيطمتو وتيشورت وشعرو لفازك اشرت ليه بيدي ودرتليه بلاصة حداية جا وتكا حدايا جبدتو لعندي وعنقتو ودرت ليه راسو على صدري وانا كاندوز بيدي على شعرو وعلى وجهو ونصو كولو على صدري وبين يدي وعصام معنقني من خصري بيديه بجوج ومخشي فيا
كنا ساكتين وسارحين حتى عصام كسر هاد الصمت
عصام:بغيتي صراحة
شيماء:فاش
عصام:فاش سولتيني واش غرت صراحة اه غرت وبزاف كنتي بحال شي حورية بحال شي فراشة فاش كنتي وسط ساحة ضحكة فوجهك وعينيك كايبريو وكانو العينين كولهوم عليك منكرش اني كنت بغيت ديك ساع نوض ونخطفك ونبقاو بوحدنا ولكن مابغيتش نكسر الفرحة لي فعينيك ولكن لي ماقديتش نصبر ليه ومتحملتش هو فاش بدات ديك الرقصة العجيبة
شيماء:هههه ولكن شطحت مزيان شاف فيها
عصام:عاجبك الحال ياك انتي شطحتي مزيان وانا نار كانت شاعلة فقلبي خصوصا شريك التالت ليكان كايشةف فعينيك وفشعرك بلا حشمة بلا حيا مكرهتش نحيد ليه عينيه ونقول لاي واحد كايشوفيك ممنوع انا لي لي الحق حيت انتي مراتي وحبيبتي وديالي ضريت حتى انا ندخل فديك الشطحة واخا مكانعرفش ولكن اي حاجة نديرها غير نكون معاك وتكوني معايا زدت عنقتو لي بجهد وبستو فشعرو
شيماء:انا عمري نشوف فشيواحد ولا يعمر عيني شيواحد انت لي عندي ونت لي معمر لي عيني وروحي وقلبي انا وياك واحد ومانتصورش راسي مع حتى شي انسان غير حيت عمري انبغي وعمري انشوف من غيرك انت لي علمتيني معنى الحب شاف فيها عصام وتبسم ليها تماطا لفمها وباسها بوسة طويلة لي الحجر قدمكان قاصح دوبو وجبدها عندو وعنقها طفاو الضو ونعسو فاحضان بعضياتهوم.
صبح صباح جديد ونهار جديد لي أتبدل فيه بزاف ديال الحوايج فاقت شيماء هي لولة من حدا عصام لي كان مزال ناعس دخلات الحمام غسلات وجها خرجات سونات على روم سيرفيس جاوبها واحد ماعرفت ماتكول دكرات شيلبا
شيلبا:يس ايام شيلبا
شيماء:انا شيماء
شيلبا:اجل سيدتي هل لي بمساعدتك
شيماء:اجل اريد الافطار على جناحي ان امكن
شيلبا:حسنا
شيماء:شيلبا انتظري هل لكي بمساعدتي مساءا على الساعة السابعة ادا امكن لكن اريد منكي ان نخرج قليلا
قبل دلك
شيلبا:حسنا سوف امري عليك على الساعة الثالتة مشاءا هل يناسبك دلك
شيماء:اجل يناسبني شكرا قطعت مع شيلبا من بعد شوية دق الخاتم ودخل صينية ديال الفطور هزيتها وديتها حدا عصام وكلست جنب ديالو كاندوز صباعي على وجهو بحال شي دبانة بدا كايحل عينيه شوية بشوية شاف فيا وتبسم
عصام:صباح النور اميرتي
شيماء:صباح الورد بطلي كيصبحتي
عصام:لي ايصبح على وجه بحال ديالك كيف ايصبح اكيد بيخير وبزاف هبطت لوجهو بستو
طباخة الرئيس الجزء 21
محتوى القصة
التنقل بين الأجزاء