وكلسنا هاك باراك حتى هاد جوج كالو لينا ماتعرفوش راجل سكينة كايدير شطيح العوامة هههه فينما نضور نلقى عصام غير كايشوف وكايتغداد غير بوحديتو ههههه عصبناه ماعرفت علاش مسكين هههه وحنا كاع مكاينين فهاد العلام داو هودا تلبس لبسة رابعة قفطان بحال كسوة فسومو ودهيبي غزالة مشيت كلست نستارح انا واشراق ومليكة وبدر كلس معانا وخدينا طبلة لينا بوحدنا حنا لي جون بقينا مجمعين وكانضحكو حتى كانسمع سميتي جيت نضور ناري هدى ماديريهاش ناري هالعار ختك انا كون صبت دنية توقف والارض تصرط بيا هدى:كانشكركوم بزاف شركتوني فرحتي وفرحت راجلي عمران بالنسبة لي هادا أحسن نهار فحياتي وكانشكر صحاباتي بزاف وبالاخص شيماء لي دارت لي مادير اخت لختها شيماء طلب الاخير تغني لينا شيماء راه صوتها زوين شيماء عفاك تفضلي وغني لي اغنيتي المفضلة انا تبلوكيت تشللت فبلاصتي كولشي كايشوف في والمخنزر كايشوف في ويضحك وشير لي بعينيه زعمة تفضلي كايشمت في وانا نوض مشيت نيشان شديت الميكرو وضرت عند هدى غمزت ليها زعمة والله لا بقات فيك
مشيت نيشان عند ديجي كتليه اشمن اغنية جابلاه كاينة عندو حيت منين كايوقف الكروب كايديرو مقتطفات موسقية وهي تبدا الموسيقى وانا نبدا(ادم الصلااااااة على الحبيب فصلاتوهوووو نووور وطيييد يا ليلة في العمر حقلا ان تسمى سيدة اليلالي فيا ربي اتمم عليهما فيااارب فياااارب اتمم عليهما وافرح قلب ام محقق الامااااني ) ليكايعرف اغاني خليجية ايعرف هاد الاغنية ديال بالقيس مبروك كاتحماق عليها هدى وهدا أقل كادو نهديه ليها) نرجعو القصة كلشي تبهض حتى من المخنزل كايسحاب راسو ايضحكو علي ساعة صدمتو وانا نكمل والجروب كايطولو ونابي صالو عليه صالو عليه كلشي ناض كايشطح شطبح خليجي (لتدكير لي بغا يتخيل المنضر يخدم الاغنية ) بدر والبنات مليكة واشراق كايشطحو
( مبروك اليك يا مها اصغيرتك كبرت وهادا يومها مبروك الك يا مهاياما كدرك وكفتي يمها جينا بانفاس البخور زغروتة يا لاه يا حضور سبحان من سوا العروس حلوة وحلاها لي ماها سبحان من سوا العروس حلوة وحلاها لي ماها)كلشي يشطح وياسين نوضناهم وهدى كايشطحو انا وبدر كانشطحو شطيح الخلجيين ونضحكو ومامات هدى معنقاها بنتها ويضربو رش وعينيها مغرغرين (هاليوم لا يونتسى يا امها دومي بنيتك بدفى فرحتا تصبح فرحيتين لو غاب كل البشر انتي وجودك حولها والله كفا فرحتا تصبح فرحتين بعد تعب بعد سنين مشكورة يوما وتسلمين بعد تعب بعد سنين مشكورة يوما وتسلمين مهما نيسوي مكصرين بوسة على اطهر جبين مبروك الك يا مها اصغيرتك كبرت وهادا يومها كل الاحبة حاضرين ونبي صالو عليه صالو عليه) سالات الغنية عنقاتني خدى كاتشكر في وكلشي كايصفق عنقني بدر الهبيل والمخنزر ناض بزربة من بلاصتو خرج رجعنا لبلايصنا هدى مشات بدلات لبسات كسوة بيضة هبطات قطعات طارطة وشاداها البكية حيت التفارق مع دارهم ومعانا مسكينة
فرقو الحلوة علينا خرجنا معا هدى رميت عليها سلهام ديال ا البسة وتصيفطنا معاها اشراق:دينا معاك حتى حنى ديرينا غير فالماريو ههههه
هدى:اولله مابقيتي تحشمي تقزدرتي
شيماء:راه انتي لي خسرتينا دابا درتي عقلك سيري سيري قبل مايتقادا صبر عمران مسكين
شيماء:عندك غير لا يغتاصب لينا ختنى والله حتى نمشي عليه لحبس ويدير ليها شيحاجة واهي مي
إشراق:الله سغبر ليك شقف انتي وهي واش باغية تسطيني واراها مرتو دابا والله وتدوق للحلاوة حتى تنسا راسها وتنسانا بجوج
شيماء:زيدي زيدي انتي راك دسرتي ومابقا عند بوك الوجه على تحشمي.شوية كاتبان لي سكينة جايا جيهتنا
سكينة:اختي شيماء يالاه نوصلكم انتي وصاحبتك بغيت نقبل حيت عييت ولكن منين بانو لي تخنزيرات عصام قررت نرفض
شيماء:الا أختي ربي يخليك ايوصلنا بدر
سكينة:بدر مشى مع صاحبتكم مليكة وشي ناس جيرانكم يوصلهم وكيف كاتشوفي مشا الحال وحتى واحد مكاين وطاكسيات مكاينين فهاد الوقت كايبان لي عصام كايخنزر حتى سمعت
بدر:واقولي غير سلام بعدا داخلة بعجاجتك الله يحضر سالامة
شيماء:اجي انت بعدا حسابي معاك هو الاخر كاع ماكلتي لي عصام راه هو ولد عمك
بدر:هاي هاي عصام حرفي اح فيك
شيماء:باراكا من البسالة راك عارفني انا كيدايرة الحب خليتو ليك انا ليبر وبيخير ومكانشوف فحد وماكايهمني حتى حد وبلاما تقلب فالهضرة
بدر:ايوا بقاي طول عمرك حادرا راسك وعينيك حتى تبقاي لينا بايرة وضفري شيب
شيماء:واش اتقولي شنو كاين ولا جايبني تعايرني والله حتى نمشي فحالي
بدر:صافي غير هنينا الالة عندي ليك واحد الخبر واحد سيد من معاريف ديال بابا الله يرحمو وافق يخدمني عندو وهادشي بلا خبار عصام انخدم عندو مدة 2 أشهر من بعد ايكون بيمكاني ناخد قرض وندير مشروع ديالي بوحدي وديك ساع انخطب مليكة وحتى واحد مايقدش يوقف فطريقنا
بدر:لا بغيت نقولها ليك انتي لولة وهي شوية وانشوفها ونحتافل معاها ماتصوريش قداش فرحتي الحمدلله ربي كبير
شيماء:يالاه نوض سير عند حبيبة القلب كوراه كاتسنا وخليني نمشي انا لدار راه تعطلت
بدر:ماعرفتش شنو كنت اندير بلا بيك الله يخليك لي يا احلى اخت مع بوسة فجبهتها ويخليلي هاد الحنيكات مشا بدر وشيماء شدات تاكسي ورجعات لدار هاد الاحدات كلها داز تحت عينين سيد لي كان حاضيهوم من طوموبيل (تبارك الله على عصافير الحب دابا نشوفو واش هادشي ايكمل الالة شيماء ونشوفو لفين اتوصلي )
دخلت لدار حسيت بالوجع فكرشي وشيحاجة هبطات صافي المعلمة هبطات جاب الله عندي الاحتياط فدار تبخت شوية السالمية واتاي وشربتهوم تفرجت شوية ونعست بكري حيت الغد الاثنين عندي الخدمة
أصبحنا وأصبح الملك لل اللهم لك الحمد الدي احييتنا بعدما امتنا
فقت صباح طالعة لي القردة لصتح ومعصبة راكوم عارفين هاديك اش كادير ومسدودة لي شهية وخاصني امعامن لبست سروال كحل سبرديلة كحلة وتريكو طويل كحل وشال فالكرونة
شيماء:صباح الخير ماما
ماما:صباح انور فين غادية بلا فطور
شيماء:لا ماما مافيا لياكول اندوز باتيسري اناخد كرواصة براكة شهيتي مسدودة هاني مشيت قبل مانتعطل خرجت مع الخرجة كانتلاقا مع ولد جيرانا اهلا اهلا سي هشام عاش من شافك غبرتي
هشام:سليعفانة هادي انتي كيدايرة تبدلتي والله ماعرفتك هههه
شيماء:ياك اسيدي كيداير انت الواليدا واحد بشرى غبرات
هشام:بشرى تزوجات وعندها بنية دابا فين غادية
شيماء:غادية الخدمة
هشام:يالاه نوصلك
شيماء:ادير في خير كبير ركبت معاه فطوموبيلتو بقينا غتديين ونضحكو حتى وصلت لوطيل مع الخرجة وانا كانضحك معاه ونشير ليه مع جيت فشوفات المدير نيشان اش ايقول علي دابا خنزر فيا ودخل نيشان دخلت لخدمتي سلمت على ليكانعرف ولتاحقت بالرشيدة بقينا بالهضرة وتحضيرات حتى حاجة ماجديدة وصل وقيت الغدا سمعنا دقان ودخل منعم
رشيدة:بصحتكم ؛ مشينا انا ومنعم نتغداو كان في جوع خدا لي مسكين بيتزا وكلسنا كانهضرو ونضحكو ويعاود لي علا واحد البنت كايبغيها معانا فالخدمة وماعندوش اشجاعة يواجها بقيت كانصح فيه الى غراضو شريف يقصد دارهم ويتهنى كانطلع راسي مانلقى المدير مع واحد المونيكا كايتغداو بجوج ويضحكو اول مرة نشوفو كايضحك على سنينات واسعدي اويلي اعود بالله من شيطان الرجيم اش كانقول انا شوية شافني ودار فيا شوفات عمرني نساهم شنو كايكول دابا هادي كل مرة مع واحد ولا شنو يقول لي بغا شغلي هادا ماسوقوش كملنا الغدا ومشينا لخدمتنا هادي هي العادا روتين الخدمة دار ومرة كانشوف بدر والبنات وتصال مع هدى لي عايشة الحب هي وعمران واشراق مسكينة كاتحلم وتعايرني حيت انا مكاينة فهاداك العالم مرة يوصلني هشام مرة نتغدا مع منعم حتى لنهار لي عيط لي فيه المدير لمكتب ديالو فشي حاجة مهمة
دقيت الباب دخول.دخلت لقيتو كايكنب فشي وراق حرك لي اديه بلاما يشوف في تفضلي وباينة فيه معصب بزاف
شيماء:(شنو كايقصد هادا هههه واخا نلعبو علاش لا) والله اسيدي ماعرفتش على حساب المواعيد لي عندي ولكن الى كانت شي حاجة مهمة نأجلهوم كيف كتليك ايام الله طويلة
عصام ماكرهش ينوض ويحيد هاض الضحكة على وجها خاص غير دخان يخرج من نيفو اما عروقو بانو مكانش بحال هكا حتى جات شيماء لهاد الشركة واخا اللالة شيماء حا حنا انشوفو واش ايبقا ليك الوقت ) غدا ان شاء الله نبغيك تكوني واجدة مع 6 ديال العشية عندي عشاء عمل نتي لي اتكوني مسؤولة عليه واتكوني رفيقة ديالي فيه سيكرتيرة عيانة وماغاتقدش تجي
شيماء:لا ماكولت والو كلتليك الله يشافيها مسكينة ولي درتيها هي لي اتكون كاينة شيحاجة اخرى
عصام:لا والو سيري رجعي لخدمتك
شيماء:بغيت ليك بوغطاط بغيت ليك الحكة وقلت الضفار ونتهناو منك يا ربي هادشي كولشي كايسمع فيها وماحساش حتى خرجات من عندو مابقيت فاهما فيه والو مرة حنين مرة مون نصيب حجرة ندمغو بيها يا ربي اش درت تحتك حتى بليتيني بهاد بنادم
رشيدة:رجوع لله ابنتي مالكي
شيماء:والو الما تسطيت عندي زهر الى بقيت عند هاد خينا اولي نجمع الحصاير ديال اجامع
رشيدة:ههههه الله ينجيك ويحفظك مالك معاه تاني نتوما كيلمش والفار
شيماء:هو لي مالو انا مادرت ليه والو بغاني نمشي معاه عشاء ديال عمل غدا مالقاني غير انا ياخ
رشيدة:مافيها باس هادي خدمتنا ماعندنا غير نحنيو راس ونوافقو داكشي لي كاين ساليت خدمتي رجعت لدار تفرجت فالمسلسل ديالي حبيبي دائما كانموت على داك رودرا شفتو اتعجبو حيت ماعندي مع العلاقات ولكن هاد رودرا كايفشلو كواري هداك هو حوبي الابدي واخا شي تصرفات عندو بحال المخنزر تفف دكرنا سمن والعسل حطات ماما العشا تعشينا هزيت الطبلة وغسلت لماما الماعن طلعت لبيتي بقيت مجمعة مع البنات فالواتساب وضحك وتفكرت غدا ماغانجيش فصباح المخنزر كاليك ماتجيش رتاحي على حساب نكون 5/5 فالعشاء هضرة مع بدر شوية طمنت عليه ومابغيت نعاود ليه والو علا ولد عمو ةاخا سولني كتليه مزيان مابغيتش نزيدو فوق همو غلبني النعاس طاحت دودة مافقت حتى 11 اصبحنا واصبح الملك لله
فقت ناشطة ماشطة ههه هبطت لقيت ماما وجدات الفطور فطرت وجمعت دار سخنت دوش باش ندوش ونبدا صلاتي لبست حوايجي صليت ودعيت ربي يعاوني وصلات 5:30 لبست كسوة طويلة فسومو فيست بيضة وشال فنمر بالبيض والكحل وسومو وسندالة سومو درت فوندوتان وبودر ودرت خط كحل فوق عيني وكلوس فالغوز وساك كرونة وخرجت تلاقيت بهشام
هشام:هاي هاي ناس زوينين مفركسين شي رونديفو هدا غير كري
شيماء:ههه الله يعطيك عقل زيد وصلني لوطيل فين خدامة عندي عشاء عمل اسيدي
هشام:هاي هاي على سيدة اعمال ديالنا الله اودي تفضلي مرحبا وصلني هشام لوطيل دخلت لقيت لمنخزر كاين خديت بلاصتي وهتاميت بالمادعوين كولشي واجد هو هداك وجدتو فبل مانخرج من الخدمة البارح رحبت بالناس بالبتسامتي وهلدشي تحت انضار عصام لي ماحيدش عينيه علي وسي وديع لي كان حاضر وكل دقيقة يغمزني ماكرهت نخشي لي هاد الفرشيطة فعينيه
عندي عشاء عمل اسيدي
هشام:هاي هاي على سيدة اعمال ديالنا الله اودي تفضلي مرحبا وصلني هشام لوطيل دخلت لقيت لمنخزر كاين خديت بلاصتي وهتاميت بالمادعوين كولشي واجد هو هداك وجدتو فبل مانخرج من الخدمة البارح رحبت بالناس بالبتسامتي وهادشي تحت انضار عصام لي ماحيدش عينيه علي وسي وديع لي كان حاضر وكل دقيقة يغمزني ماكرهت نخشي لي هاد الفرشيطة فعينيه ياخ على داسر كيداير المهم هتاميت بالمدهوين بيبتيسامتي وكان واحد شخص تاني كل مرة يضحك معتيا ونضور نلقا المخنزر يشوف في ساليت دوران على ناس ومشيت نجلس نرتاح شوية حتى تم جاي عندي سي وديع صبحنا على الله ولايني لصقة كيف كالت رشيدة
شيماء:(تشوفيك عيسة مولات المرجة ان شاء الله وتعوج ليك الحناك تولي ضاحك بلا وقت) ههه ربي يخليك سي وديع ماجبتيش مع خطيبتك كاع ماشفتها
وديع:لا ماعندهاش مع هاد الاجواء على العموم كنت بغيت نقوليك ماكرهتش كون تعشينا علا براالى بغيتي
هي ماعجبكش عشا ديال هنا موسيو وديع
( شي نهار سكت لي قلبي هاد بو راص)
وديع:نو بالعكس الله يعطيكم صحة نخليكم دابا انسة شيماء ماتنسايش شنو قلت ليك فكري مزيان.انا مع ابتسامة باهتة ان شاء الله
عصام:تبارك الله عليك ماكتخلي حتى فرصة دوزك كاترمي الصنارة هنا وهنا
شيماء:الواحد هو لي يجرب حضو ويلوح شبكتو ويضرب هنا ولهيه وفينما شدات هو وحضو خاص غير يعرف يخدم عقلو ويكون صياد بارع مع ابتسامة خليتو ومشيت ههه بغيتي تفقسني واخا
شيماء:هههه ناري بلاتي نضحك مزيان ههههه مسكينة هادي لي اتقبل بواحد بحالك الله يصبرها وحسن عوانها اش بغيت بهاد الخطاب جاب لي نعاس كايبان لي فواحد الكاس دالعصير نبرد بيه مشيت نيشان لطبلة نرجعو لعصام
عصام:وقفات جنبي وستاحملاتني وعوناتني وهي اليوم حاضرة معايا وموجد ليها مفاجئة الخطوبة ديالنا الرسمية اليوم كنقدم ليكم
شيماء:الله هادا هو الكاس لي قانية عليه من كبيل وبارد بسم الله كحكحكحكحكح بلاتي واقيلة صماكيت الا الا انا سماكيت لا مابقيتش كانسمع ودني تصدو كانسمع سميتي بوحدا كاتردد فالقاعة لا كنحلم بقيت مبلكا عينيا فكاس العصير ومصدومة رجلي فشلو علي وبردو علي مابقيت فاهمة والو وماحاسة بوالو دوخة ولبيفي كايبان لي بعيد ومضبب حتى مابقيت حاسا بوالو .اش هاد ريحة بديت كانحل عيني شوية بشوية كايبان لي راسي فوق الفوطوي وعصام حدايا
عصام:واخيرا فقتي مكنتش كنضن خطوبتك بيا اتسبب هادشي كولشي واش هاد سخفة ويراتية عندكم ولا غير فيك انتي مجاوبتوش غير كنشوف فيه ومخنزرة فيه نضت قديت فولاري وهزيت صاكي وتميت خارجة
عصام:فين غادية بسالامة
شيماء:غادية بحالي ومنها نعيطليك على صبيطار الحمقين يجيو يديوك حتى تعالج ونرجع كونما داك العصير صيبتو بيدي نشك مديور فيه شي حاجة لعبات ليك بعقلك وخلات تدخل وتخرج فالهضرة
عصام:غلاش كولت شيحاجة غلط مطلبت غير الحلال ولي خاصو يدار ولا انتي كايعجب طريق العوج
شيماء:بحال هكاك سبحان الله كاتفهمني ههه الله يعاون
عرفتي شنو شفتي هاد الخدمة غير ربح بيها نجلس فدارنا خير لي طيابة فالعراسات حسن لي من الخدمة مع انسان بحالك هربو ليه الفيزيبلات دراسو
عصام:هضرتي بزاف جات نوبتي هاد اللف ودوران ماعندي ماندير بيه كون ماشي انا ماتخدميش هنا وكون ماشي انا لي طلبتك ماتعتبيش هنا من نهار الاول اخبارك عندي اول باول وعارفك شنو كاتسواي ومنين جيتي وحتى الامتا قريتي معلوماتك عندي
عصام: بدرولد عمي هو صغير وطايش انا تكلفت بيه وبعائلتو بعد موت عمي لي كان مكايهزش في العين حتى بنتي انتي فحياتو وقلبتيها فوقاني تحتاني تسحابيني ماجايب خبار لعلاقتكم وغرامياتكم كولشي كايدوز تحت عيني وساكت وكانستعلم على هاد البنت لي قلباتو وشكون وحدة انتهازية مغرورة باغية غير الفلوس وكتلعب من واحد لواحد ماكافيهاش واحد عينها طويلة وبغيتيني نسكت وماندير والو هاديك هي لي عمرك تحلمي بيها (شيماء هادا كايسحابني انا هي مليكة) شيماء:هادشي كلشي لي كاتكول فيه ماعندو ساس راك غالط وبزاف انت مخليتيش لي الفرصة نشرح ليك كاتهجم علي بتهم مكايناش ماعندك حتى دليل على هادشي خاصني نوضح لي
عصام:ماعندك ماتوضحي لي من الاحسن تسكتي وتخليني نهضر من اول مرة تلاقيتو وانا متبعكم كل لقاء كاديروه كايدوز تحت عيني من نهار تلاقيتو جبت رابور ديالك كامل وعرفتك منين وبنت من كنت كانكول ممكن نكون غالط ولكن منين شفت تصرافتك مع شحال من واحد عرفتك اتهازية واستغلالية هامينك لفلوس والجاه
شيماء: انت من المضهر الخارجي حكمتي علي ومن هضرتك بغيتيني نعطي تيساع لبدر ياك ونسا حبي ليه
عصام:ياكما تيقتي راسك هادي غير خطوبة مزيفة تبيني لبدر انك وليتي كاتبغيني وبنسبة ليك هو غير دري ماناضجش وانا لي نصلح ليك
شيماء:وماهمكش قلب ولد عمك يتجرح فعلا حيت انت معندكش قلب
عصام:انا كانفكر لمصلاحتو حر ساعة يفوت كيف كايقولو حسن ليه مايندم طول عمرو
شيماء:امم ويلا مابغيتش نوافق ورفضت
عصام:ساهلة عمرك ماتحلمي باي خدمة باشارة مني نكلسك فداركوم
شيماء: ديك الخدمة غير ربح بيها مكاتهمنيش مايشرفنيش نكمل الخدمة مع انسان بحالك (ولكن اشيماء نسيتي بدر والقرض والخدمة لي يلاه بدا وصداقتكم والاخوة ديال اعوام تصدقي انتي تسبي فخسارتو وحلمو يرتابط بالشريكة حياتو مليكة مسكينة شخصيتها ضعيفة اكيد ايغلبو عليها ممم عندي فكرة تانية وغتدي نطبقها مايمكنش فرحت بدر تمشي هكاك)
عصام: فاش كاتفكري
شيماء :بامكاني نوافق ولكن بالشورط
عصام:اولهم
بالشرط القرض تعطيه لبدر شنو كلتي
عصام:هادشي كولو كانديرو على قبلو باش حتى واحد مايستغل طيبوبة ديال قلبو بحالك انتي لوكان تبغيه غير شوية لطيبت قلبو واخلاقو مايهمش ولكن كلكم كيف كيف ماديات دابا شنو كلتي بغيت جوابك ودابا
شيماء:بوراس راس تيمومة عينين موكة عينين بوعبولة كول اوصاف الخايبة فيك عمري كرهت شي واحد قدك مافيك لا رحمة لا شفقة انت انت اكبر ماخلاهاش تكمل حتى تلاح ليها على فمها وفمو عنق فمها وشفاهو عنقو شفاها ولسانو فلسانها غاصو فبوسا كتعبر من نحيتو على نار الغضب والعافية لي فقلبو لي كل ما كايشوف شيماء كاتشعل فيه وحتى هي ستسلمت لبوسة لي كلها حلاوة حتى حسات بسيدي كايزيد فالعنف ديال بوساتو او ولى كايتلمس الجسد ديالها بالهفة ورغبة ماجات فين دفعو حتى دخل عليهم وديع وطلق منها وبلعاني بقى معنقها
وديع سمحوليا ماعرفتكومش واش بجوج هنا جيت نشوف شيماء كيف بقات
وديع:كنحس بحال الى هاد الخطبة ملزة عليك مايمكنش معاملة لي شفت ولاحضت عصام كايعاملك بيها تحول حب مايمكنش
شيماء:علاش ميمكنش انت شفتينا فالخدمة برات الخدمة الا كولشي ممكن وزايدون حياتي شخصية مكانبغيش ناقشها موسيو وديع كنتمنى تحتارم خصوصياتي
وديع:اوكي سمحيلي مهم الى بغيتي اي مساعدة انا رهن الاشارة ديالك في حاجة
شيماء : شكرا بزاف تصبح على خير هبطت دخلت لدار لقيت ماما كاينة وبابا جا بكري ونعس وخويا فبيتو سلمت على ماما طلعت انبدل حوايجي توضيت وصليت وتكيت فبلاصتي كنفكر فهادشي افكار تديني وتجيبني اكيد كاتستغربو وتكولو كيفاش انشد الفلوس هادوك انعطيهم لبدر يعاون بيهم راسو ناري هاد الناس شحال مكلخين عند بالو اني مكانسواش ومو دراري وديما مع هدا الى عرف اني عمرني هضرة ولا تلاقيت بشي واحد ايضحك في ولكن مزيان هكا باش نبقى مستمرة فالخطة ديالي لي خديتها تحدي ماشي غير على وديت بدر على وديت هاد راس السطل دعصام نوريه بنت حي شعبي شنو ايخرج منها وشنو ادير ونبدل لو الفكرة ديالو اتندم على كاع الإهانة والمعيور
لي عايرتيني وجرحتيني فكرامتي مغاديش نبكي حيت كايعجبوني بحالك ناخدهم تحدي وندمهم على غرورهم انا وانت وزمان طويل كي كايكولو .شيماء شيماء هبطي تعشاي
سيماء:واخا ماما هاني هابطة هبطت تعشيت جمعت طبلة وغسلة دوك الميعنات وطلعت لبيتي نتكونيكتاشوية مع البنات اشراق العفريتة شات نمرت ادام داكشي دغية عندهم بدر مع الخدمة قليل فاش كايدخل مابغيت نكوليه والو حتى يعرف راسو..
فدار عم عصام
أم بدر زهرة:واش متاكد انها اتبعد عليه
عصام:متاكد 100 / 100 وزايدون اتمضي على تعهد ماتخافيش انا عارف شنو كندير غير انتي ماتفاتحيهش فموضوع زواج حتى يفوت هاد شهراين وياخد القرض لي بغا وخليه على خاطرو باش مايشك فحتى حاجة
زهرة:واخا كون هاني الحمد لله غير منين اتبعد على ولدي مابغيت والو مزال كانشكرك بزاف اعصام
عصام:ماتشكرينيش بدر كيف خويا صغير ومزال ايفهم مصلاحتو ويعرف انها كانت باغا غير فلوسو المهم هادشي يبقى بيناتنا مابغيتش ختي ولا الواليدة يعرفو هادشي
زهرة:لا كون هاني لي درتيها حنا معاك
أصبحنا وأصبح الملك لله فقت ماعندي كانت الخدمة ولا ندير شي حاجة غسلت وجهي توضيت صليت لبست كسوة طويلة كحلة وتجاكيط تجين فولار بلو ماغين بالغينا وساكي وهبطت لتحت
شيماء:صباح الخير ماما
هاد القصة مأخوذة من قصة بالدارجة.. الام:صباح نور كيصبحتي ميغاديا مع الخدمة ابنتي
شيماء : الحمدلله اماما غادية مزيان
الام:عطي راحة لراسك ابنتي راه هاد الايام ماعجباني
شيماء:يكون خير اماما المهم هاني مشيت بابا الله يعاون هاني مشيت خرجت خديت تاكسي نيشان للخدمة ماحملتش نشوف عصام مع دخلة تلاقيت بمنعم:صباح نور شمشوم كي صبحتي باينة فيك كاعية
شيماء:والو امنعم ساعاتو لله وصافي من بعد ونهضرو والله مافي لي يخدم
منعم:واخا اللالة نتلاقاو وقت الغد.يكما قطعت عليكم شيحاجة
منعم:لا سي عصام سمحوليا شيماء نهضرو من بعد يلاه بغيت نزيد
عصام:من 5 دقايق نلقاك فالمكتب ديالي ضرت شفت فيه :واخا سي عصام خليتو ومشيت نيشان لقاعة ديالنا دخلت لقيت رشيدة مكبوبة على شي وراق كاتقادهم
عصام:وماتنساش حتى انت انا هاد الخطوبة غير بالهضرة ومزيفة ماتيقش راسك بزاف دابا لاش جبتيني لهنا.مشا نيشان لواحد الخزانة حدا البيرو ديالو وجبد واحد الورقة وعطاها لي
عصام:هاكي قراي هادي جلست وبديت نقرا فيها بغا يشدني من الايد لي كاضرني مطور مع راسو واخا اسي عصام
شيماء:شنو هادشي بغيتيني نمضي تعهد اني مانهضرش مع بدر ولا نقرب ليه ولكن مانقدش نبعد عليه اه ولكن مانهضرش معاه لا مانقدش
عصام:هادا الى بغيتي فلوسك كاملين انتي هامك غير الفلوس كانضن اخر همك مشاعر بدر (الله ياخد فيك الحق مستبد استغلالي ماعندو رحمة ولا شفقة) واخا اسيدي ولكن نسيتي واحد الحاجة مهمة ماغديش نوقع على حتى ورقة حتى ناخد من عندك رسالة توصية ديالي ويتحول القرض لحساب بدر ودابا
عصام:انا عند كلمتي مكانلعبش
شيماء:وحتا انا مكانضحكش اه ونسيت حاجة تانية ومهمة لفلوس ديالي يتحولو لحساب ديالي هدا الى بغيتي نمضي على هاد الورقة
عصام:هه طماعة عمري شفت شي وحدة بهاد الحقارة ديالك
شيماء:هههه انت معلم وحنا منك نتعلم هادشي غير شوية من لي عندك
عصام:غادي تندمي وبزاف
شيماء:ممم حنا انشوفو .ديك ساعة كتب رسالة خطية وعطاها لي وصونا على المحاسب ديالو يحول القرض لبدر و3مليون لحساب ديالي خديت الورقة وسنيتها وحطيتها ليه
عصام:كانسحاب من بعد مالبيت طلابتك اترفضي توقعي
شيماء:داكشي لي فيك ماشي فناس كامل ديك ضورة لي بغيت نخرج جرني من ايدو لصقني مع صدرو حتى تهزيت من بلاصتي
عصام:هاد اللسان ديالك كد ماكعدت انقطعو ليك وهو كايشوف فمي
شيماء:العين بالعين والسن بالسن والبادي اضلم انت لي بديتي هادشي ودابا طلقني وماتحطش علي اديك راك كاتخنقني
عصام:كنخنق دابا نشوفو هاد الاختناق كي غايجيك خدا فمي بقبلة كلها عنف شوية بحنان خلاني دايبا ماعرفتش كيفاش حتى شديتو من عنقو ودخلت ايدي فشعرو ونساجمت معاه وهو عنقني من ضهري وينزل بايديه من عنقي لضهري تخلطو ريحتو مع انفاسي حسيت براسي طايرة اول مرة يوقع لي هكا شيماء فيقي هادا راه العدو ديالك شنو كاديري بحال الى بعتي راسك وستاسلمتي ليه ماحسيت بالراسي حتى دفعتو كان فعينيه واحد اللمعان مافهمتوش
شيماء:للمرة تانية كانكوليك عمرك تحاول تحط ايدك علي انت مكاتسواش بصلة لا البصلة وغالية عليك
عصام:ههه كاتنكري انك كاتجدبي لي كتنكري احساسك واني كنشبعليك رغباتك بدر مسكين ماكانش مقنعك ماعندوش خبرة انتي خاصك بحالي
شيماء:ههه كنعرف بزاف رجال عليك وكايعرفو حسن منك ماجسيت حتى بطرشة جاتني لوجه
عصام:انا راجل ونص ويلى بغيتي نبرهن ليك من دابا وتم مقرب لعندي
شيماء:كيفاش تجرا وتحط علي ايديك وخرجت فيه عيني الله ياخد فيك الحق انفكرك فهاد الطرشة وخرجت مابغيتش نبكي هاد الطرشة قواتني مشيت الحمام غسلت وجهي ورجعت القاعة ديالنا
رشيدة:شنو بغاك تاني
شيماء:مسائل ديال الخدمة ديال البارح والله مافي لي يشرح اختي
رشيدة:صافي فهمتك خودي وقتك ويلا محتاجاني انا هنا سالينا شي خدمة عندنا قليلة وصل وقت الغدا مشيت شديت سوندويتش ومونادا كاناكول دغمة ونسها مالي فهادسي كلو تكول ميت لي ميت خاصني نجمع راسي وهاد المدة لي كنمتل فيها نطرطق ليه مرارتو نرجع شيماء ديال شحال هادي كانحس براسي فشكل مالة من كلشي الله ياخد الحق فلي كان سباب ولكن غير بلاتي على راس المقلمة حسابو معايا هو الاخير ..والالة وافين مشتي من كبيلة نشيرليك واش حاضرة
شيماء:لا والو باس غير عيانة واقيلة البرد ايضربني راك عارفك ماكايخلي عند الواحد كانة
منعم:واخا نخليك دابا الى بغيتي اي حاجة انا موجود.شوية بان لي خونا مع ديك خيتي واحد صفرت شعر كابا عليه ايطرو ديكاباج وكايضحكو ويشوف فيا ويضحك زعما يفقسني واشكون حاس بيك احنيني شفت فيهم ودرت براسي علامت الله يستر وزدت رجعت الخدمتي بقينا فنفس روتين خرجت من الخدمة نشد طاكسي..طلعي نوصلك ضرت لقيتو عصام شفت فيه وضورت وجهي نزل وجا عندي .راه كانهضر معاك .شيماء:وراك فهمتي اني مابغيتش
عصام:وانا بغيت وجرني.شيماء:والايني لصقة هادي معاك ةاش بزيز ويلي طلق مني عوك عوك اعيباد الله شفار عتقوني شفار وهو يسد لي فمي .دخلي وسكتينا
هاد جعواقة دخلني وسد الباب بغيت نحلو مابغاش وهو كايضحك علي سدو اتوماتيك وديمارا وزاد بقينا غاديين ماهضرتوش حتى هضر هو
شيماء:خالتي تورية عزيزة علي تيق ولا ماتيق وانا ماشي خايبة حتى لديك درجة باش ناديها انا ماشي بحالك وكنتمنى منك حتى انت والدي مايحسو بوالو
عصام:تافقنا من هاد الهضرة ماهضرناش حتى وصلني هبطت وزاد هو دخلت طلعت لبيتي بدلت وتوضيت وصليت وطلبت الله يدير لي تاويل ديال الخير ويقدرني على هادشي لي غادية فيه ولي غادي ندير هبطت عند ماما باش نفاتحا فالموضوع لقيت ماما كالسة كاتفرج
شيماء:ماما ممكن نهضر معاك
الام:ياه ابنتي الله يسمعنى خير (انا كانعاود الماما كولشي مكانحشمش منها هي بيت اسراري وكاتنصحني فأي حاجة)شيماء:مهم ماما واحد سيد بغا يجي يخطبني نهار جمعة ان شاء الله
ماما:الله الله بنتي كبرات او لات عروسة واخيرا يا ربي ستاجب لدعواتي يا ربي حمدتك وشكرتك(احياني وتعرفي هاد الخطبة غير مزورة الله يسمح لي منك با ربي ويسمح لينا من الوالدين) وهاد الولد فين عرفتيه شحال فعمرو فاش خدام
ماما:وهو عارف ابنتي حالتنا المادية كيدايرة وحنى غير ناس على قد الحال ولي كنتي عاةتي لي هوما لباس عليهم
شيماء:اماما الله يهديك كاتلقاينا حنى حسن منهم المحبة بيناتنا وجيرانا حدانا وكانتعاونو ودوك لي هاي كاتلقاي المشاكل معاهم اتهناي اماما عارف كولشي وباغيني كيف ما انا ومالك كي جاتك بنتك ماتستاهلش
ماما:لا ابنتي انتي لمخير يتمناك وسيد الرجال مزال الله يدير لي فيها الخير ابنتي غدا ان شاء انهضر مع باك وخوتك وباش نوجدو حتى حنا
شيماء:ماتكلفوش على ريوسكم لي درتوه هو هداك وانا فخاطري (الى غير داك المقلمة ياكل فيه جغديد وطيح عليه الكرش ويتقطع الما يا ربي) المهم اماما انا نوض انعس نرتاح شوية طلعت لبيتي قريت شوية القران وتخشيت فبلاصتي شوية سمعت تيليفوني سونا جاني ميساج من بنت الحاج كاتلي ابيل موا هههه كانغني مع راسي .لقيت نمرة مكانعرفهاش<سلام هضرتي مع والديك ولا مزال> عرفتو شكون اييه راس المقلمة والله لا جاوبتو خليه هكاك عمرة ساعة وطفيت تيليفون ونعست .
أصبحنا واصبح الملك لله نضت ناشطة ماشطة حيت فاش كانكون ناوية على تحريميات والكوارت كانكون كيف العودة كانتبورض وناشطة حيت اليوم تبدا الحرب ههه تبا لي كم انا شريرة غسلت وجهي وتوضيت وصليت وكاديت ليك الوجه والحالة ههوهبطت تفطر غير شافتني ماما غوتات
ماما:اويلي ابنتي مالكي على هاد الحالة فين غادية واش لسيرك
شيماء:ههه ماما حبيبتي كبيدتي انتعطل وماتنسايش تهضري مع بابا هاني مشيت.شسماء وارجعي اويلي فين غادية بديك الحالة.لهلا يوريك شنو ناوية بنتك دير واخا اسي عصام بغيتي الحرب هي الولة .ضركم راسكم تعرفو ماما مناش تخلعات من حالتي لي هي كاتالي صايا بالفرافر باليموني والبيستاج وشيبي فيها وراضي كبار كانت عندي من الابتدائي وتحتها سروال حمر با تيليفون عريض من الاتحت وقاميجة مصورة فيها كواضالوبي كانت عندي فاش كانت عندي 10سنين وبودي فالموف وزيف فيه الورادي والموزون وصباك حمر صماتي وصاك اما وجهي كحل خضروعكر 24ساعة طلعتو فوق شواربي اليوم عندنا اجتماع وخاصني نستقبل ناس ونكبر بالعصام ههه فهمتو الخطة نرجعو لقصتنا شديت طاكسي وانا لي دزت حداه يشوف فيا قبل مانوصل لوطيل وقفت مول طاكسي حدا كيوسك خلصتو وهبطت وخديت...
طباخة الرئيس الجزء الثالث
محتوى القصة
التنقل بين الأجزاء