ضرباتني الفيقة مع 2دليل مشيت لطواليط وشدني جوع والعطش انا حتى اماكلة مكانعقلش واش كاينة فدارنا ولا دار الناس ماشغليش انهبط لكوزينة نبقشش فتلاجة هبطت بلا فولار بيبيجامتي وشعكاكتي وحفيانا كانتسكل فدروج علاين مانجيب الربحة جابلاه شديت فراسي مشيت بشوية مابغيتش نشعل ضو لايفيقو ويحصلوني حتى دخلت لكوزينة شربت بعدا وحليت تلاجة ارا برع لقيت واحد الطرف من الكرتان ديال العشا جبتو والعصير مشيت بشوية على صباع رجلية حطيت الماكلة فوق الطبلة وبقيت هادي تنفع هادي الضر الله الحمدلله دابا يلاه رتاحيت وبردت ههه ايه الجوع خايب غسلت تبصيل رجعتو تفيت ضو الكوزينة بان لي شي خيال دايز هنا شداتني الخلعة ديال الدنيا ودين ولاو افكار يديوني ويجيبوني شنو ايكون دار مسكونة راه بحال هاد ديور كايكولو ساكنهم الاشباح شدني البرد فداتي كولها وتصمرت شوية شي حس داز ورايا هنا صافي وليت كاندير شطحة ديال الهنود الحمر ليزانديان رجعت باللور شوية كاتبان ليواحد صينية لا لا صينية ماتقدي والو هزيت واحد الكاسرونة دوك تقال حتى الى كان شفار نضربو ضربة ماينوض تخبيت هدا تلاجة وقطعت الحس مع ضو ديال القمر كايبانو لي غير رجلين حفيانين رجلين ديال شي راجل قاد البلات مع تم مقرب لي وانا فاتم الاستعداد حددت الموقع هزيت ديك الكاسرونة حتى لسما ونزلت عليه طراخ ديك الغوتة لي خرج مامسموعاش ولكن فيها الحر ديال ادني ودين مشيت كانجري شعل ضو باش نحصلو وياريتني ماشعلتو يا ريت اليوم الاخر لي فالحياة بسلامة يا حباباتي وصحباتي مشيت فيها صافي عرفتوشكون عصام اش درت انا اش درت
عصام:اش درتي يا هاد المصيبة بغيتي تصفيها لي باش يخلا ليك الجو ادويانتي مال ايدك سابقاك الله ياخود فيك الحق ايييي بالحق ابلاتي نوضليك .انا بقيت اساكتة منين ضار عندي شداتني دوخة
منين شفت الدم نازل من جبهتو اويلي قتلتو اويلي على تواخر يامي اندوزهم فالحبس وبديت كانتغبن حتى نهض فيا
عصام:واش اتبقاي تشوفي في سيري الحمام دغية جيبي لي دواراه تام سربي طيري من قدامي مشيت كانجري طرت بزربة لحمام بالتلفة شوية ندخل لبيتو جبت الدوا
وانا شداتني الرعدة وتبوريشة مامالفاش هكا وما بغيتش نبين ليه اني في الخلعة ايعيق بيا انو عمر شي حد مسني بغيت نبين ليه اني مجربة ولكن كيفاش اندير يا ربي تصبرني
شيماء:واش ساليتي من تشمشيم واخا نمشي دابا
عصام:مالك مزال الحال زايدون انا راجلك او لا ولا حلالك حرام عليه
شيماء:هانتا فهمتيني دابا ممكن نمشي نعس وهو مزال مكلسني فوقو ومرجع لي ايدي لور
عصام: وماغاديش تقولي لي تصبح على خير
شيماء:اوووف تصبح على خير تهنيتي يالاه خليني نوض نمشي
عصام:مالك باردة هكا ماشي هكا كايكولوناس تصبح على خير
شيماء:وكيف كايكولوها بشينوية عصام خليني نعس .بدا كايقرب مني بشوية باسني فراسي اووجهي ونيفي هبط الفيمي باسني بشوية بقا كايبوس فيا بشوية فوجهي وبشوية فعنقي وفشعري صراحة ترخيت حسيت بقلبي بغا يخرج من بلاصتو رجع لمي كايبوسو ماحسيت براسي حتى بديت كانتجاوب معاه بكل حراراة كانلعب لي بفمو منين حس بيا هكاك طلق من ايدي وكايلعب بشعري وانا كانمرر ايديا على شعرو وعلى ضهرة وعلا صدرو وعضبظلاتو كانحس ب قلبو كايضرب تحت ايدي كانبوس ليه فوجهو وعنقو ريحتو لي تخلطات مع انفاسي كادني فوقو وبدا كايخشي ايديه تحت القاميجة ديال البيجامة بكل لهفة وكل حنان قبولاتو تحولو لاكثر رغبة ونفس الوقت حنان انا نسيت راسي حتى انا بادلتو نفس القبولات ونفس تصرفات كونبوسو فكل جسمو عنقو فمو حتا حسيت بشيحاجة تحتي وقفات بغات تقطع سروال البيجامة عادا عقت براسي الى كلست شوية ايغتاصبني جا حتى لحدا ودني وكالي
عصام:اتصطيني بغيتي تصطيني.انا هاد الكلمة بحال الى وكضاتني حبست وبقيت كانشوف فيه عينيه كايبريو ودابلين وحمرين عرفت القضية حماضت جمعت الوقفة وضربتها بالجرية بحال طيارة ديريكت البيتي وسديت علي بالساروت كانلهت شفت وجهي فالمرايا حمر وشعري مشعكك
شنو درت انا يا ربي شنو درت كيفاش حتى تماديت هكا اكيد هدا غير الجفاف العاطفي لي عندي وحيت عمر شي واحد مسني وعصام عندو خبرة وتجربة داكشي باش سحرني وستسلمت هكا خاصني ماتليتش نقرب منو لا ماتليتش نقرب فينما بقينا بوحدنا كاتوقع شي مصيبة من الاحسن نعس ونسا هادشي وحتى هو خاصو ينساه اكيد هو نساه من دابا.همزة جابها ليه الله يستغلها كيف بغا ولكن والله لا كانت ليه غير بلاتي غسلت وجهي وتخشيت تحط المانطة ونعست.فبيت عصام (هادشي خاصو عمرو يوقع عصام ماتنساش شيماء شنو دورها وماتنساش ويغرك برائة لي فوجها وحدة بالخبرة ديالها مدوزة الف واحد غادي تندم على النهار فاش تزادت ومزال العداب جاي الالة شيماء غير تسناي)
اصبحنا واصبح الملك لله.
فقت الصباح كانتكسل كانسمع صوت الدجاج والطيور صراحة الطبيعة زوينة بزااف سعدات لي ساكن فيها ديما دخلت لدوش غيلت وجهي وتوضيت صليت الصبح لبست حوايجي زكاديت البيت وطويت البيجامة باش نردها لسكينة وهبطت لتحت لقيت خالتي حليمة فايقة كاتوجد الفطور
خالتي:صباح الخير ابنتي كي صبحتي
شيماء:الحمدلله اخالتي بيخير كاين فاش انعاونك
خالتي:لا ابنتي كولشي واجد انتسناوهم ايهبطو وتفطرو جميع
شيماء:وقيلة حتى واحد مزال مافاق
خالتي:عصام ناض بكري خرج يتمشى وماماك ثورية راها فالجردة سيري عندها.خرجت مشيت لجردةلقيت ماما تورية شادا تسبيح وكتسبح ستغربتو اني كانكول ليها ماما تورية هي بالصراحةالله يعمرها دار ونور على وجها وكادخل الخاطر بزااف كانكول ليها ماما من قلبي دخلت سلمت عليها
ماما تورية:صباح النور بنتي الحبيبة فقتي بكري
شيماء:لا اخالتي منين كانعس مزيان كانوض بخير وحتى الجو ديال الفيرما زوين مايخليك تبقاي ناعسة
ماما تورية:ياه ابنتي بصح انا كايجي معايا الجو ديالها حسن من المدينة صراحة وصداعها
شيماء:عندك الصح اماما
ماما تورية:كلمت ماما طالعة من فمك كي لعسل ابنتي الحمد لله لي ربي لاقى ولدي مع بنت بحالك والله بغيت غير نسولك وماديريها مني قلت الصواب
شيماء:لا اماما مرحبا سولي
ماما تورية:صراحة نهار شفت تصرفاتك مع بدر داك المهار طاحلي شك انه تكون بيناتكم شيحاجة من خلال هضرتو عليك (صراحة كان في مايفضح هادشي ولكن خفت على بدر والوعد لي عطيتو وقررت نجبد معاها الهضرة ونشوف شنو تحت راسها لا يكونو المضاهر خداعة وتكون جايا فصف ام بدر) بنتي فين سهيتي
شيماء:الا اخالتي بدر بحال خويا وعزيز علي هدا مكان مابيناتنا والو علاش اماما
ماما تورية:والو ابنتي مو لي هي مرات خو راجلي الله يرحمو بغات ليه بنت ختها حيت عائلتها لباس عليها واخا ولديعصام مامخليهم محتاجين والو وعندهوم الربع فالاملاك ديال عصاملي خلى ليه باه حيت خوه كان شريكو بالربع ولكن اش اتكولي كنس طماع
شيماء:وانتي اماما معامن واش معا هادشي لي باغيا دير
ماما تورية:شوفي ابنتي انا مع الحق الولد خاص ياخود البنت ليكايبغي تكون كبما بغات تكون سوى عندها سوا ماعندهاش ابنتي نهار نمشيو عند الله ماغاديش نديو هاد الخير كلو ولا انديوفلوس وفيرمات الا انديو اعمالنا وافعالنا سعداتك افاعل الخير شيماء:بصح اماما عندك صح يا ريت كلشي يفكربحالك وعصام شنو كايكول فهادشي
ماما تورية:ماعرفت ابنتي لي عارفة هو ديك مرت عمو طالباه يوقف معاها ولكن عصام انا مربياه تربيت ايدي وعارفاه كاينصر الحق وهو كاببغي بدر كيبحال خوه وكايخاف عليه بزاف ودليل انو بغاك انتي ابنتي شاف تربيتك واخلاقك ماهمو حتى حاجة تانية انامكانقصش منك نهار خداني بات عصام كان غير طالب فالكلية وانا بنتعادية ماعندناش وشحال واجهونا دالمصاعب كون مكانش راجل وانص وطاح او وقف ماتشوفيش هادشي كلو ابنتي
الواحد من شوية كايدير بزاف(الحمد لله صدقات ماشي بحالهم ولكن مشات غالطة فولدها يا ربي سلامة دكر الكلب او وجد زرواطة) تم عصام داخل كلو عركان كان كايلعب سبور
عصام:صباح الخير الوليدة كيصبحتي وانهار مشمش هادا
ماما تورية:ياه اوليدي ديك ساع دي شيماء تمشا معاك
عصام:شيماء خلي ليها غير نعاس العجز راه باين عليها ياك اشيماء .وغمزني (يا ربي العفو بسم الله الرحمان الرحيم) انا غير ساكتة
عصام:المهم انا داخل ندوش ونبدل حوايجي باش نفطر ونوصلكوم
شيماء:واخا
داكشي لي كان نيت هبطات ماما وبابا وعصام من بعد مادوش فطرنا وتصيفطنا مع خالتي تورية وخالتي حليمة وركبنا مع عصام طول الطريق وحنا ساكتين حتى وصلنا لدار هبطو ولديا الكلمة الاخيرة لي خصر علي هيا غدا امجي نديك معايا الخدمة بلا هضرة وزاد خلى وراه غير الغبرة دخلت الدار واخيرا رجعات فيا الروح طلعت نيشان كانجري لبيتي توحشتو تكيت جبدت تيليفوني وخدمت الكونيكسيون غير تفتحات بداو الميساجات كايدخلو ديال اشراق وهدى مشوشين علي ومليكة كايسولها بدر علي درت مع البنات من هنا نص ساعة انشوفهوم فقهوة المنتزه داكشي لي كان من بعد ماتوضيت وصليت كلت لماما انا خارجة ومغتديش نتعطل خرجت كانبقلل فعيني لايكون داك خينا حاضيني خديت تاكسي ومشيت نيشان لقهوة لقيت اشراق كاينة ومليكة وهدى مزال ماجات غير بنت ليهم كل وحدة تعنق من جيه تكول واش كانو شاديني راهينة ههه
اشراق:اكوليلي يالكانيشة يا لمعوقة يا زرافة هداك وجهك ولامسلفاه انتي فين كنتي وياختي لا ميساج لاابيل لا والو دابا غير كري بلاما نستخدم اساليب تعديب
شيماء:واش مخدمينك بالضو ولا شنو بضبت واش مكاتسكتيش خليني انتنفس بعدا ختي مليكة هضري مع هاد الجحشة مليكة:ههه غير ميكي عليها وماديهاش فيها فاش كنتي بعيدا بغات تموت بالخلعة
عليك ودابا دايرا فيها صاعصاع
اشراق:شتو نتوما الله ينعل بوها صحبة معاكم انمشي فحالي بنقص
شيماء:ناري يا ختي شحال تواحشت صداعك ادبيبيزة ديالي فين هي هدى
اشراق:هدى هاد الايام ماعرفتش مالها يا ختي ولات غير ساهية وغاديا وكتنقص
اشراق:ماتعصبينيش وهضري.وانا نبدا كانعاود ليهم من ليلة الحفلة حتى البارح مرة يضحكو على لي درت العصام ومرة يتعصبو ولي زاد عصبهم اني قبلت بالاتفاق على وديت مليكة وبدر
اشراق:ولكن اشيماء راكي كاتلعبي بالعافية هادشي لي كاديري فيه صعيب اش دخلك فهادشي كولو سمحيلي امليكة ماتقلقي منس ولكن شيماء ختي مانبغيش ليها الادية
مليكة:لا اختي انا عاضراك وحتى انا مابغياش هادشي اشيماء ليبغا يديره اختي يديروه غير انتي بعدي انا هي سبب المشاكل كلها سمحوليا انا غادي نهضر مع بدر وكل واحد يمشي فطريق وتهناو وتهناي حتى انتي انتي مانقصاش نكملو ليك لي خاص
شيماء:سكتي براكة من البسالة والهضرة الخاوية لي عطا الله عطاه دابا مكاين لاش انحبس زايدون فالاول درت هادشي على ودكم ولكن دابا الا هادشي خديتو تحدي وانتوما عارفين شحال راسي قاصح .شكون لي راسو قاصح واقيلة جيت معطلة ههه
شيماء:حبيبت ختها جيتي على سلامة يا ختي انتي مالك وليتي هاكا ياك لباس
اشراق:الا ماغلطاش عمران تبدل عليها بزاف من نهار رجع الخدمة وهدى غير فالدار اليام لولين عادي ولكن من بعد تبدل ولا كايشوف فيها غير نعاس صافي مابقا كايعطيها وقت ولا كايهتم بيها
شيماء:لباس يسول فيك الخير الا والو باس غير الى كان ممكن وجات على خاطرك بغيت نشوفك ونستاشر معاك فواحد الموضوع
عمران:اياه مارحبا دوزي لدار
دوزي لدار ونهضرو
شيماء:لا اخويا نشوفك على برا حتى لمن بعد وانفهمك واخا الى ممكن نشوفك فالقهوة لي حدا خدمتي ممكن
عمران:واخا مشات هاديك هي طريقي من هنا لنص ساعة مناسبك
شيماء:نخليوها وقت الغدا ممكن صافي صافي شكرا بزاف الله يعاونك وسديت وانا كل دقيقة كاتزيد من اصراري وهادشي لي فراصي نطبقو باي طريقة نزلني طاكشي حدا لوطيل ماجيت فين نسد الباب حتى بان لي عصام جاي بعجاجتو على شوية يضربني.نزل كي تور جاي قاصدني
عصام:الا تبارك الله عليك هادو هوما فعايلك شنو باغيا تبيني لي بهاد الفعايل ديال والو
شيماء:اي بشوية قسحتيني وناس كايشوفو واش حماقيتي
عصام:واش كتليك اندوز نجيبك ولا ماكلتهاش واش كلتها وكاينهض في بجهد
شيماء:كلتيها وسبحان الله بنادم كاينسا ونسيت مادرتهاش فبالي حتى ركبت فطاكسي ومكاين لاش تبقى تغوت دابا ما وقع والو غير برد وبشوية عليك ياك لباس
عصام:غادي نوريك اشنو واقع دابا .شد لي فيدي وزير عليها وانا كانحاول نتفك منو وجارني كي شي بنت غاديين بيها لمدرسة محولات دياولي كاملين فشلو باش يطلق مني وتكول واش بغا يتسنط مدخلني لوطيل الوضفين كولشي وفقو كايشوفو فينا ومستاغربين وقف قدامهوم وهضر (اليوم باغي نكوليكوم خبار ايفرحكم شوية هاهي داخلة شاف رشيدة )
عصام:جابك الله شاف ديالنا مارحبا بيك جيتي جيتي باش تباركي لشيماء ولي خطوبتنا .مع نطق الخبر لي كي ساعقة كولشي تصدم كاينين موضفات ماحملونيش وماعجبهومش الحال كاين الموضفين لي جاو وباركو لينا منعم كانشوف فيه مصدوم وانا كانشير ليه براسي زعمة من بعد ونعاود ليك رشيدة جايا بشوية لجيهتنا وعينيها فيهم 100سؤال وانا غظفخاطري لهلا يوريك جات حدايا
رشيدة مبروك شيماء مبروك عصام .وبعينيها كاتسولني اش طاري هنا ستاغليت الفرصة عصام كايهضر مع واحد من الموضفين
وكتليها حتى نكونو فالبيرو ونعاود ليك طلعات وجوقة تفرقات ضرت عند عصام
شيماء:مسرحيتك سالات نقدر نمشي
عصام:وي مراتي العزيزة بكل فرح سيري شوفي خدمتك وخلاني كانتجنن بوحدي مشيت نيشان للقاعة دخلت لقيت رشيدة مكبوبة على شي وراق غير شافتني وناضت
رشيدة : ممكن تفهميني شنو هادشي لي طاري
شيماء:انا انفنمك كولشي شدي لي قهوة بعدا صيفطات لي على القهوة لي وليها وكلسنا كانتعاودو وعاوت ليها كلشي حيت كنحسبها بمتابة ختي لكبيرة حتى ساليت هضرتي
رشيدة:هادشي كلشي قدر يديرو ميكنش هادشي واش عصام
شيماء:كيفما كاتسمعي مازدت عليه والو شنو ضهر ليك
رشيدة:لا بزاف هادشي وزاد فيه بلاقياس خاص شي واحد ي وقفو عند حدو وانتي شنو دنبك فهادشي وحتى انتي من نيتك قبلتي
شيماء:اه كيفما كلت قبل هادا تحدي بنسبة لي كيفما خدا هاد تضرة علي وسمح لراسو يدخل فحياتي خليه مقلوبة عليه القفة و لكن هادشي يبقا بيناتنا عفاك اختي
رشيدة:كوني هانية والله يدير ليك لي فيها الخير
شيماء:امين يا ربي.من بعد هضرتنا نضنا للخدمة من تم ماشفت عصام حسن لي نرتاح شوية نيت من خنشوشو كملنا خدتمنا مكانتش عندنا الخدمة بزاف الحمدلله هادا شهر باش بديت والخدمة غادية مزيان وصل وقيت الغدا خرجت للقهوة لي حدا الاوطيل لقيت عمران كايتسناني
شيماء:لا اخويا غير شفتها ولات فشكل ومابغاتش تكوليا مالها وتشوشت عليها كولت انت لي اتعرف مالها حيت راجلها راك عارف هدى ختي وصاحبتي وسمحلي الى دخلت
عمران:لا اختي هانية
مانكدبش عليك اختي هدى تبدلات بزاف من بعد زواجنا وللت حياتنا رتيبة مابقاتش مهتمة مابقاتش ديك البنت لي بغيت فالاول حالتها ودارها مابقات كاديها فيها كانكول ليها دخلي نادي لاصال ديري شيحاجة معامن كانهضر مع الحيط اختي الى بقينا هكا مغانكملوش ختى شي حوايج كايكونو بين المرا وراجل مابقاوش بيناتنا وحنﻻ ماكملا حتى 15 يوم على زواجنا بزاف هادشي وكايتر على خدمتي
شيماء:هادشي كولو طاري ومافخباريش العجب عمرها كانت هكا مهم اخويا انت ماتكول ليها والو اني سولتك اتقلق وان شاء الله يكون خير
عمران:ان شاء الله كنتمنى والله شوية سونا ليه تيليفون.سمحلي نجاوب
( الو وي شنو ماين واخا انا شوية وانجي ولاش كاتسولي الملفات فوق طبلة عن زيهم ودرسيهوم وتاني مرة ماتعيطيش الا كان شي حاجة مهمة) انا سمعت كولشي و س معت حتا صوت البنت لي ثونات ليه وصوتها لي كولو انوثة واغراء هادي واحد البعلوكة خدامة عندو كانت كالتها لي هدى ولكن نالها على هاد تحلوين اويلي اهدى الى بقيتي نكا اتسامحي مع راجلك هادي شنيولة خاصني نتفاهم معاها ابلاتي حتى نﻻجع لدار وحسابي معاها هو الاخر
عمران:كوني هانية اختي يالاه خليت ليك الراحة بسلامة.رجعت لوطيل تلاقيت بالمنعم عند الباب
منعم:كيفاش قضيتك انتي
شيماء:مكاينا حتى قضية متسولني على والو عفتك امنعم حتى يجي الوقن انعاود ليك كولشي واخا
منعم:واخا الالة ها هو ساكت
شيماء:امدرا انت شي جديد
منعم:الجديد الالة البنت لي عاوتليك عليها تجرات وزعمت وهضرت معاها
شيماء:ايوا هادا خبر زوين هكا نبغيك
منعم:اليوم انتلاقاو ونهضر معاها فموضوع الزواج شديت ليه فيديه الف مبروك فرحت ليك والله
منعم:ربي يخليك اختي
الفضل كلو ليك كونما شي نتي لي شجعتيني ماكناش غادي نزعم والله شكرا بزاف
شيماء:هادا واجب اخويا ماتبقاش تشكرني اتتقلق منك مابيناتناش يالاه رجع لخدمتك لا يوقف علينا عصام تاني ههه واجا مايسكتو.يلاه تفارقت مع منعم هاهو عصام هابط هو وديك المونيكة لي كايتغدا معاها كايفرنسو غير شافاتني ودورات وجها هادي هي فورصتي مشيت عندو تلاحيت عليه بتعنيقة وبستو فحنكو هو تصدم ماعرف باش تبلا
شيماء:حبيبي يلاه غادي تغدا
عصام:اه يلاه ساليت شي خدمة وانتي تغديتي
شيماء:اه احبيبي تغديت كونت انخلط عليك ولكن عرفتك خدام مابغيتش نبرزك يالاه احبيبي بصاحة وراحة وبستو فحنكو وضرت شافت فديك خايتي طلعتها وهبطتها وطلعت فالسانسور عند رشيدة خليتو مبلوكي كايشوف فيا باش نعلمو غير هو لي يحشمني طلعت عند رشيدة كملنا خدمتنا دغية وطلبت منها نخرج بكري عندي غراض داكشي ليكان خرجت من الباب لوراني دبال الكوزينة مافيا لي يشوفني عصام ولا نشوفو دابا عندي حوايج اهم منو خديت طاكسي وعيطت على اشراق كولت ليها تجيب معاها هدى بأي طريقة كانت للقهوة لي كانتلاقاو فيها سبقتهم انا كلست ماكملاش روبوع ساعة هاهي اشراق داخلة بعجاجتها وتابعاها هدى لابسة واحد الجلابة عمران عندو صح هاد البنت خاصها تفورماطا من جديد
اشراق:ياك لباس شوشتيني وهادا طوبة لي حدايا مابغات تجي غير بزز وجايا محشماني بهاد الجلابة كاتعقل على جد فرانكو
شيماء:وانتي بعدا كاتعرفي فرانكو باش تعرفي جدو الله يعطينا وجهك انتي دابا غير سوكتي اش تشربو
اشراق:حليب بالشكلاط
هدى:والو .خنزرت فيها جا سرباي كتليه واحد حليب بالويزة لي وجوج حليب بالشكلاط حيت هاد هدى خاصني معاها لويزة باش نتكالما
هدى:لاش جابانا كون اخليتيني نعسو مع هاد البرد
شيماء:بلاما تعصبيني وطلعيهم في الله يرحم جدك وانتي لي
وانتي لي ضاربك ضاربك على نعاس مالكي وليتي هكا مالكي فين هي هدى ليكانعرفهدى:انتي ماعارفا والو اشيماء شنو كانعيش راه اشراق تكول ليك عمران كايخوني اختي
شيماء:انتي لي كاتخوني راسك حتى واحد مكايخونك وكاع الى شاف فشي وحدة انا عادراه شوفي حالتك كي دايرة كي لويل
هدى:اشراق واش جايباني هادي تعايرني انمشي فحالي يالاه بغات تنوض تعصبت حتى ضربت الطبلة بيدي :شوفي اتكلصي الارض وتسدي فمك وتصنطي لي وتحلي ودنيك مزيان وبلاما طلعي لي القردة لصطح كتر ما هي طالعة وركزي معايا وفهضرتي.وهي ترجع تكلس تخلعات مني ولكن راه طلعاتهوم في وانا نبدا كانعاود ليهم منين عيط لعمران حتى فاش مشى هدى بقات لحادرة راسها وكاتشوف
اشراق:ةاش هادشي بصح لي كاتكول شيماء هضري هدى غير ساكتة
شيماء:واش غادي تكول راه سيدة عارفة اش دايرة ضربات طم دابا غير طاعت الله واش بغيتي عمران ولا بغيتيه تديه ليك شيوحدة .هي تشوف فيا
هدى:اكيد الا ولكن اش اندير ليه غداه كايلكاه وصافي نعاس كانكون عيانة وهو جاهل اش اندير ليه
شيماء:ها عار مولانا اشراق الما سكتيها راه هادي اتجلطني والله حتى تسالي معايا شوفي اتسكتي حسن ولا نخبطك بهاد الفاز لي كدامي شوية بدا تيليفوني كايسوني لكيتو عصام طفيت عليه.واش بغيتي تحمقيني واشانتي ماكملتي حتى عام وكاتهضري واش لالياتك مديينها فراسهوم وحالتهوم ويحنتوك واش بغيتي ضيعي راجلك وترجعي لداركم ولا شنو واش بغيتي تديهليك شي وحدة .بدات هدى كاتبكي وتهجهججيت عندها عنقتها
شيماء:صافي سكتي ماتبكيش واش هادشي لي كلت صح ولا غلط ااشراقهضري انتي اختي
اشراق:لا اختي هدىماتقلقيش مني ولكن هادشي لي كالت ليك شيماء كلشب بصح اختي زدتي فيه وبزاف وراك صغيرة وزوينة اش هادتبعكيك فيك راه ماشي اتزوجتي تكولي صافي شديتي الراجل والله وماكنتي
والله وماكنتيحادكة حتى البعلوكات يطيروه ليك ويحنتوك
شيماء:ونزيدك احبيبتي سيكرتيرة لي عندو راها كاضوربيه وكتحاون عليه
هدى:اشنو اشنو الله يحفر ليها جدر
شيماء:الله يحفرو ليك انتي الما عريتي على دراعك وترجعي راجلك غير صلي عليه واجي انتي عاهدي بالمرا لي مكاتحمل راجلها هي ليماكتبغيش تنعس معاه
هدى:انا كنموت عليه غير العجز وكانكول كل نهار بزاف
اشراق:كل نهار ههه ناس راه 4المراتفالنهار وكل نهار احبيبتي الله يجيبك على خير هبيلةهادي
هدى:وشنو ندير دابا ياكحنا صحابات
شيماء:انا انكول ليك وهادشي طبقيه بالحرف .هدى حدرات ودنيها وكاتسنط.اول حاجة فالصباح نوضي وغسلس وجهك بكري وجدي الفطور مع وردة مع بوسة منين تصيفطيه الخدمة وتقادي الغدا وتنظي الدار دوشي وديري شي جيل دوش بالريحة الشكلاطولبسي لبسة تكون متيرة وصايبي شعار وقاديه وعطري الدار باش منين يجي يلقا جاو لي يريحو دخلي لشي نادي مارسي شي هواية وخرجي من جو الدار والروتين باليل خلقي ليه جو شطحي ليه لبسي شوميز بلا لباس داخلي تميعي عليه الرجال كايموتو فدوك التصرفات مرة مرة سيري الخدمة عندو فاجئيه وعرضي عليه لغدا خليه دبما ملهوف يجي لدار وديما يكون ملهوف ليك تحلوني عليه حسبه انك كاتموتي فيه حتى فالمومارسةحسيه انكي راغبا فيه وماشي ديما تجي المبادرة منو حتى انتي بادري ليه سلبي ليه العقل واش فهمتيني ولا كانحرق الضو غير هكاك
اشراق:لي سمعك يكول البنت دايا فزمان
شيماء:القصص لي كانقرا كايعلموني هه
هدى:غير كملي كملي عجبني هادشي
شيماء:المهم حسيه انه هو محور حياتك يجي باليل ديري ليه مساج دلعيه دوشي ليه شفتي قمت السفالة ديريها معاه راه حلالك هداك وديما كوني انيقة ومنورة وكولا نهار بلوك جديد وبروتين جديد وديما حسيه انك مكاتشبعيش منو تفاهمنا ولا لا
هدى:اه
اه فهمتك اختي بصح نيت انا زدت فيه واحد شوية شافت فيا كانخنزر فيها.بغيت نكول زدت فيه بزاف وحنا نتكرشخو بضحك
شيماء:المهم ديري لي كتليك ورضي علي الخبار وماشتيني ماشفتك وتوكضي شوية وكونب كوطة وحرة
هدى:الله يخليك لي ومايحرمنيش منك ياربي تفارقو البنات وكل وحدة مشات لدارهم انا وصلت عيانة ومدكدكة توضيت وصليت صلاتي هبطت لتحت لقيت ماما كاتفرج كلسنا كانتفرجو ومجمعين
ماما:سونات علي كبيلو خالتك تورية
شيماء:ياك لباس شنو بغات
ماما:غير تسول فينا مسكينة وتفكرني فتوجاد
شيماء:حنا غير البارح كنا عندهوم مالهم على هاد الزربة واش غادي نطيرو بنادم حتى تعرفيه ويعرفك وزايدون 3شهور مزال الحال من هنا الغدا ماعرفنا شنو ايكون
عصام:علاش خرجتي بلاما تكوليها لي واش هضرتي ولات زايدة ناقصة ولا شنو وفين كنتي وكانتاصل بيك مكاتجاوبي وسادا علي من الفوق
شيماء:ساليتي والله حتى فيا نعاس
عصام:شيماء ماتختابريش صبري راه لي نديرو ليك مانكولو ليك
شيماء:وشكون ماليك بغيتك تكولو لي واعيباد الله واش شغلك نمشي فينما بغيت ولايني وحلة هادي عرفتي مارشقاش ليك الله يصبحك على خير وتفيت عليه عاود سونا سديت عليه غير تكيت جاني ميساج (هادشي كولشي اتخلصيه بدوبل امراتي لحبيبة) تحبك عيشة وتهنيني منك يا ربي غير غمضت عيني ومشيييت .اصبحنا واصبح الملك لله صبحات اشتا واو الجو لي كايسطيني وكايسالي معايا لبست هوايجي بوت ديالي
عصام:بحال هكاك احوبي انا كانتسناك على برا ماتعطليش
شيماء:اوف ياربي واش مكاتملش مخلانيش نكمل وسد علي تيليفون كملت فطوري دغية ماكلت لماما والو اتكولي كولو يدخل يفطر خرجت بالزربة عندو ركبت وديمارا بالزربة ماهضرناش بصيفة نهائية حتى وصلنا لوطيل غير نزلنا دخلة لي اندخلو عصام سمع سميتو ضرنا بجوج كاتبان لي واحد البنت طويلة وغزالة شعر فالنحاسي وفيها بحال شوية دنمس فوجها وبيضا ومقزبة جايا كاتجري طرمات لعصام بين ايديه وحتا هو معنقها
عصام:واش هادي انتي ولا كدبت
البنت:اناهي لهاد درجة تبدلت توحشتك بزاف المشاغب
عصام تبدلتي وبزاف عقلتي كي كنتي كي نفاخة فين مشاو الحنوك والكرش وداك الغلض كولو
البنت:ناري ومكاتنساش سكوت راه اتخصر لي البريستيج ديالي بقاو على الضحك وتكركير انا مافهمت والو ومهامنيش شكون هي ومهامنيش نفهم خليتهم وتميت داخلة حتى عيط علي وقفت ودرت ابتسامة ودورت وجهي عندهوم وتميت جايا جيهتهوم
عصام:كانقدم ليك هاجر احسن صديقة عندي ومهمة فحياتي بزاف مكناش كانتفارقو ياك اهجورتي.وديك هاجر شادة فيه وكاتضحك وعينيها كايبريو
شيماء:متشرفين
عصام:هاجر كانقدم ليك الانسة شيماء الجندي موضفةمعانا هنا بغيت نقول ستاجيرة وبقا ساكت وانا نقز انا: مشارفين انسة هاجر سي عصام سمحوليا نخليكم
عصام:وي تفضلي هاجر يالاه ندخلو بيناتنا هضرة طويلة راع عيمان وتشادو ليدين ودخلو وخلاوني كيلبلاكة واخا اسي عصام غير بلاتي نرضها ليك فالساعة الخير إن شاء الله دخلت طلعت تيشان للقاعة ديالنا لقيت شاف كاتسناني
رشيدة:شيماء شنو هاد تعطيلة واش فخبارك عندنا خدمة كتيرة او وافد جاينا من
فرنسا المرا جايا الله يخليك جي بكري الوقت هو الوقت
شيماء:اوكي شاف ماغاتعاودش سمحلي (حتى انا زدت فيه خاصني نراعي لخدمتي شوية) بديت الخدمة ديالي هبطت لكوزينة مع طايم لي تم ومليت عليهم الائحة لي انهضرو وبديت معاهم فتوجاد اليوم الغدا عصري اوروبي ولكن بالمسة مغربية هوما طلعات ليهم ماكلتهم فالراس مافيها باس نزيدو من عندنا اضافات مغربية سالينا شغالنا مع الوقت حتى عييت طلعت لحمام غسلت وجهي وايدي وقاديت حالتي وخلطت على شاف رشيدة
رشيدة:كلشي واجد
شيماء:وي شاف كولشي هو هاداك
رشيدة:انهبطو لقاعة نوجدو كلشي فالبلاصتو باش مايخص والو يالاه تبعيني.تبعتها دخلنا للقاعة كاديناها كاديت طبالي هي كاتوريني وانا كنتبع تعاليم ديالها بالحرف حتى قادينا لي خاصو يتقاد وستفنا الاطباق كولشي واجد خديت بلاصتي انا وسربايا حدا الاطباق وحداهم شاف باش توجهوم بدا للوفد كايدخل واحد بواحد كولشي غير شخصيات البارزة حتى تبعهم عصام شادا فيه هاجر وكايضحكو ضحكتو واصلى لودنيه وانا كيف ديما بيبتسامتي المعهودة كنرحب بناس ونضيفهم بدا الغدا كايتحط انا كانوجه سربايا كل طبق فبلاصتو حتا تقاد كلشي وبدا وقت الماكلة كولشي كايتبنن وعاجبو ماكلا ديالي اول خطوة لي اني انا لي صايبت كلشي بوحدي وفرحانة حتى سونا لي تيليفون هدى هادي
شيماء:ههه حتى انا كنبغيك احوبي مواح مع قطعت ضرت جيت بين ايدين عصام وهو
وهو مخنزر فيا
عصام:ههه تبارك الله تبارك الله والبسان فتيليفون تبارك الله عليك واقيلة راكي فالخدمة
شيماء:ولكن..
عصام:منين نكون كنهضر انتي اتسكتي هادي بلاصت الخدمة ماشي بلاصة لبسالة ودسارة ديالك خليها حتا تخرجي من هنا هادي بلاصة محتارمة لدالك حتارميها حسن ليك هادا اخر اندار مرة جايا بلاصتك على برا مفهوم.كالها حتى طرت من بلاصتي حركت ليه راسي بياه دور لي دار هزيت ايدي وراه بمعنى انت غير ديال العصا على شوية يحصلني
عصام:زيدي قدامي.زدت قدامو وديك هاجر حاضيانا وكاتستفسر شنو كاين رجع حداها ماعرفت شنو كاليها وهيا بدات كاضحك شنو زعمة كايضحكو علي الله يغبريكوم شقف بجوج تهجروه ان شاء الله ياربي امتا يحن علي الله نسالي من هاد المهزلة ونمحي ليك ديك الشحكة على وجهك سالا الغدا على احسن الاحوال ومشيت حدا شاف رشيدة بداو الناس كايخرجو وانا كانشوف ساعتي امتا نخرج هاهيا جايا هاجر وعصام حتى حركاتني شاف وتكاديت فالوقفة
هاجر:صراحة تبارك الله عليك شاف رشيدة الماكلة من داكشي رفيع وعجبات المدير ديالي وشركاء ديالو (شيماء مع راسها ممم هادي هي المساعدة ديال ميستر جاك ادا اطول هنا نيت تهنيني من صداع هاد وجه المحكة) حتى كنسمع شاف رشيدة كاتجاوبها:لا انسة راكي غالطة انا ماوجدت حتى حاجة الانسة شيماء هي لي حضرات كلشي بيديها وتفنات فيه الفضل ليها الى كان شي واحد خاصو يتشكر فهي.شاف في عصام بنظرة استهزاء ظارت عندي هاجر
هاجر:تبارك الله عليك الماكلة كانت فالمستوى وعجبات رؤساء ديالي
شيماء:شكرا ليك وبصحة وراحة
عصام:هاجر يالاه مشينا مشاو وخرجو عاد تنفست انا شيرات لي شاف زعة شكون هادي جاوبتها بمنعرف وخرجت مشيت لقاعة هزيت صاكي وخرجت كانجري باش مانتعطل على هدى خرجت لقيت عصام كايهضر مع هاجر وبغاو يركبو ركبات هي القدام
وهو بقا واقف حاضيني دزت من حداه كانهضر فتليفون مع هدى وكانكوليها وي انا جايا انخود طاكسي دابا ماديتهاش فيه سمعتو ركب فطوموبيل وزاد خلا علي غير غي رشاش دلما جابلاه جا غير فالبوت هماجي لخور خديت طاكسي ولحقت على هدى للمول دخلنا مول كبير ديال الحوايج خدات بيجامات جداد قصار مشيت انا كانختار ليها غير شوميزات لي مامغطيين والو خديت ليها بيجامات فوق ركبة ديال الكاشمير وبانتوفا ديالهم وطكية ديالهم فنفس الوقت قصار وسخانين ديال البرد باش تحمق عمران خديت ليها دوبياسات كتار اشكال والالوان نحط ليها وهي تخلص خرجنا من داك المحل مشينا محل تاني انا لي جريتها محل سميتو محل الرقص الشرقي خدينا لبسة ديال الرقص الشرقي المهم عمرنا ايدينا شوية داتني محل للمحجبات بغات تشري لي شي حاجة انا نحلف وهي تحلف بزز دخلت خدات لي صايات وقميجة ديالهم كايحمقو وحدة فالموف وتانيا فالحمر او واحد الكسوة فالكرونة او وحدة كحلة كولها وفيها صميطة فدهبي وجناب دليدين وجناب الكول شبكة وفيها حجيرات هادشي كولو بالفولارات يالهوم صراحة حمقوني مشينا بلاصت صبابط خديت انا صباط كحل عالي شوية للمناسبات وصباط كحل على لبرد وخديت تريكوات ديال الخروج حيت البرد دابا هدى الله يجازيها خلصات النص كلو ماخلاتنيش نخلص خرجنا خدينا طاكسي لشركة عند عمران نزلنا مشينا نيشان مالقيناش سكرتيرة فبلاصتها حلات هدى الباب مع طلع عمران راسو تصدم وحداه واحد المونيكا سدرها عريان ومكبوبة عليه زعمة كاتوريه ملفات الله يمسخها نقزات سكرتيرة:شكون انتي ودخلتي بلا استئدان ماداتهاش فيها هدى مشات ترمات على عمران عنقاتو وباستو فحنكو
طباخة الرئيس الجزء الخامس
محتوى القصة
التنقل بين الأجزاء