طباخة الرئيس الجزء السابع

من تأليف سناء الصنهاجي
2018

محتوى القصة

رواية طباخة الرئيس

لاحني فوق ناموسية درت صباعي فودنا وانا كانغوت سد لي فمي بيدو مانعطيها ليه غير بوتحد العضة.. عصام:اييي هاد المتوحشة الهمجية واش مزال زايدة فيه
شيماء:اه ويلا مابعدتي علي اندير كتر بعد مني همجي متوحش عديم ضمير وانا كانرجع بالور وهو جاي قاصدني
عصام:برافو على شجاعتك ماكتسكتيش وعرف كيف نسكتك جبدني من رجلي لعندو بجهد وانا كانغوت على حر جهدي وشكون لي سمعك كاندابز معاه وكانحاول نطر رجلي من ايديه طلع صح مني بالزربة شد لي رجلي بيديه ويديا بيديه نطر لي الفولار بالزرة حتى الفنيتة جرحاتني فعنقي مابغيتش نبكي وماغاديش نبكي وماغانكونش ضعيفة انا كانضور راسي ليه من جيهة لجيهة وهو كايبوسني بكل جنون وبجهل بقيت كانتنطر ضربتو بجري ديريكت لمعلم حسيت بيه تزما او وقف وانا نرجع لور كنلهت
شيماء:راه كتليك ماغانستسلمش ليك واخا دير لي درتي بقا كيخنزر فيا وعينيه كلهم غضب كون العينين كايتيريو القرطاس كون مات بغيت ملسقة فواحد القنت وكانشوف ومخرج عيني فيه دافعا جبهة حتى انا واخا هاد نهار ماعرفت نخرج بنت ولا لا ولكن والله لا بينت ليه نقطة ضعفي ماهضرش ومانطق بالكلمة وحدة مشا نيشان لرواقات اش بغا يدير هدا حيد ليهوم دوك الحبال باش كايتشدو وهوما ينزلو الرواقات ولا ضلام شعل الضو وتم جاي جيهتي جرني بقوة من رجلي وانا كانتركل ليه كي بوبرايص من هما ومن هنا خدا داك الحبل ديال الرواق وربط لي رجلي 
شيماء:واخا تربط لي حتى ايدي مايمكنش انك تعيش لحظة بحال هادي باردة من جيهتك ومكاتحس بوالو بحال شي تلاجة دير لي بغيتي طلع فوقي بزربة وسد لي فمي بوسة عنيفة حتى حسيت بدم فشواربي حلفت مانتجاوبش معاه كايبوسني فنقي بقوة عضني كايبغي يقرب حتى لصدري وانا كيف الجماد واخا راها واصلة لي لعظم خفت مانتحكمش فراسي وندير شيحاجة لي نقدر ندم عليها ناض من فوقي وبقا كايشوف فيا وحتى انا كانبادلو نفس نظرات قرب مني بشوية وانا بطرف عيني كانحاول نشوف اش كايدير وشنو ناوي يدير قرب فوق راسي وطفا ضو ديال البيت وشعل ضو ديال فيوز كان فالون ازرق سموي خفيف كايبعت لراحة والاطمئنان قرب هدايا وكايشوف فعينيا وانا فمي لصق على بعضياتو مابقاش عندي جهد لي نهظر من كترت الغوات والمضاربة بدا كايقرب من وجهي لفمي بشوية وطبع بوسة خفيفة على فمي وانا نغمض عيني (وانا كانكول فخاطري لا اشيماء وياك تستسلمي بلعاني دار هكا باش ترخاي ليه لا ماشي دابا وعاي .وضميري ولد لحرام كايكولي لا سفالة زوينة خصوصا مع عصام لي رجولتو كاملة مكمولة وااععع يا ربي تصبرني ) بدا كايطبع بوسات خفاف على وجهي كولو وانا ريقي كايطلع وينزل وقلبي كايضرب 90فساعة هو حاس بيا ماحسيتش براسي حتى عنقتو

بقيت معنقاه بحال الى خايفا من الحاجة لي جايا عقت بتصرف ديالي طلقت منو بقيت كانشوف فيه او وعيت بشنو ايكون الى ستمريت هكا انتخلى على المبادئ ديالي لي رباوني عليها وليدي وعلى الوعود لي عطيت الراسي انو عمر شي ولد المرا يلمسني مايمكنش هادشي مخاصوش يكون عصام بغا غير يأدبني على تصرف لي درت معاه جابني لهنا غير لهاد سبب خاصني نتمالك أعصابي ونعرف شنو كاندير

بقا عصام كايشوف جيهتي جا يبوسني ودفعتو بيدي
شيماء:بعد مني بعد مني حسن ليك ولا مغاديش يعجبك حال
عصام:ماتنسايش راكي معايا وتحت رحمتي ونقدر ندير مابغيت فيك على تصرافتك طفولية معايا عييت نهضر معاك ماسمعتيش مني مكاتفهميش بالخاطر كاتفهمي غير بتصرفات تانية عييت نصبر عليك ةلكن مكاتعلميش كل مرة كاديري زبلة كتر من تانية 
شيماء:وبغيتي تنتاقم بهاد تصر للاسف الرجولة شمأزت منك بغا يطرشني وضرب ايديه معا الحيط شيماء:بغيتي ضربني ضرب كانفضل ضربني الف مرة ولا تحط علي ايديك عمرك ماتحلم نكون ليك ولا تمسني 
عصام:ماتبقايش تعطي وعود انتي ماشي قدها نقدر نتاقم منك باي طريقة بغيت
شيماء:وريني
عصام:كنت انوريك دابا حيدتي لي الكانة لي كانت عندي ولكن ماتفرحيش بزاف ماغاديش تهناي مني شد لي ادي بجوج ربطهوم مع ناموسية وربط لي رجلي وانا كانغوت وما تحرك في ت حتا شوية ديال الرحمة ربطني مزيان وناض لبس حوايجو وحل الباب وسد علي بقيت شحال كانتجبد باش نفتح الحبل حتى عييت وفشلت وجهدي تقادا حتى غيبت من بعد شحال دبال الوقت فقت وانا كانكول فين انا عاد تفكرت لي طرا ولكن لقيت الحبال محلولين اولقيت ورقة حدايا مكتوب فيها "نتلاقاو فالخدمة ماتعطليش"

بقيت شحال وانا ساهية نضت بشوية علي مسخسخة جيت قدام المرايا ديال الكوافوز وتقابلت معاها وكانشوف فراسي شحال وانا وساهيا ماعرفت كيفاش وصلات بيا لهكا انا ماشي شيماء مايمكنش غلطت وبزاف غلطت انبت راسي براسي واخا ماخليتو يقرب لي ودافعت على راسي ولكن فالاول تجاوبت معاه شنو ايكول دابا انا اي واحد كاندير نعاه هكا واني ساهلة ولكن مزيان انا بغيتو يفكر هكا مكايهمنيش لي كايهم اني نمثل دور كيفما هو حتى بدر يوصل لي بغا وديك ساع نشوفو شكون ايضحك عارفة هادشي بنسبا ليه كان غير يشفي غليلو ولكن الرابح هو لي ايضحك فلاخر اعصام غير صبر وحلفت وعطيت وعد عمرو ماغادي يمسني ولا يفكر يلمسني تنهدت ودخلت لحمام غسلت وجهي وقاديت زيفي وخرجت من الحمام بقيت كانتمنضر فالبيت لي كان رائع ولي كايسميوه الجناح الملكي بقيت ساهية وخرجت مع الباب انا غتدية فالكلوار وكانتفكر لي داز وكانحاول نمسحو من بالي وتفكيري وقررت كيفما هو زايد ناقص حتى انا اندير راسي ماطرا والو تنفست وطلعت فلاسنسور للاوطيل الفوق حتى خرج لي منعم:شيماء فين كنتي واش مريضة كان كيسول فيك سي عصام
شيماء:اه شفتو اخو وشكرا بزاف خليتو ومشيت للقاعة دقيت ودخلت
شاف:على سلامة هادي راه الوقت ديال الخروج ماشي دخول
شيماء:سمحلي شاف ولكن كان عندي غاراض كيف كتليك ماتلاش تعاود مزال
شاف:المهم وجدي راسك عصام علمنا غدا عندنا غداء مهم وبليل حفل عشاء بغيتك تجي بكري وتكوني واجدة من كلامو يوم غدا مهم بنسبا ليه تافقنا مانبغي حتى غلطة شيماء
شيماء:واخا كوني هانية شاف
رشيدة:دابا بيمكانك تمشي الى بغيتي من عينيك باينا فيك عيانة 
شيماء:اه بصح شكرا اختي بزاف على تفهم ديالك دورا لي اندور تفتح الباب ودخل الحارس هاز كرطونة ودب "انسة شيماء هادو جابهوم واحد سيد ليك سميتو فهد"
شيماء:اووه شكرا بزاف عمي حمد مع شادة الكادوات بشوية دلفرحة دخل عصام كايشوف بداكشي لي بيدي

بقا كايشوف فيدي وجاي ومطلع حاجبو خدا دوب من يدي وكايشوفيه شير براسو وشدو ولحو جيهت البيرو درشيدة طلع فيا وخنزر وخرج وزدح الباب انا بقيت مبلوكية فبلاصتي ونار فقلبي هادا عند راسو شكون هو فملك الله شكون كايكون كاع نهار على نهار كايزيد الكره ديالي ليه ولحقد لي فقلبي ندمت على نهار وساعة فاش شفتو فيها حسيت بإيد مسات لي كتفي وفيقاتني ضرت لقيت شاف رشيدة هازا دوب ومداتو لي
شاف:ماتديهاش فيه راه هو هكاك داير عصبي ولكن انا كنعرفو قلبو كبير ماعرفتش علاش دار هكاك خاصك تعاودي ليه الحقيقة اشيماء 
شيماء:اختي منقدرش نكوليه والو دابا كولشي غادي يتفهم فوقتو حاجة وحدة انكي انتي واقفة معايا
شاف:انا معاك ونهار تكوني مستعدة تهضري انا فالاستماع وكي كتليك قبل انا ماشي غير شاف ديالك فالخدمة انا ختك واخا
شيماء:واخا شكرا بزاف
شاف:مابيناتناش يالاه سيري وغدا ان شاء الله بغيت نشوف واحد شيماء عمري شفتها تافقنا خصوصا غدا نهار مهم
شيماء:اوكي شاف هههه.خديت دبدوبي وشكلاط وخرجت من الاوطيل شيرت على تول طاكسي داز وقف ركبت وعطيتو فين يدي مشيت نيشان لدار دخلت كاتبان لي ماما كالسة هي وشي وحدة دخلت كلت سلامو عليكم لقيت خالتي تورية زارتنا يا ربي واش انا كانحاول مانتفكر داك راس طارو دولدها تبان لي هي فالبلان
خالتي:سلام بعروستنا جيت كبيلة نزوركوم وجبت ليك شيحاجة معايا ولكن تعطلتي.جيت عندها سلمت عليها وسلمت على ماما وداكشي لي كان فيدي حطيتو فواحد دخيلة مافيا لي يجاوب على سؤال شي حد
شيماء:مرحبا بماما تورية زارتنا البراكة كون عرفت اتكوني مانمشيش لخدمة راه هي لي عطلاتني
خالتي:ربي يخليك ابنتي اصلا لقيتيني انمشي حيت تعطلت ولكن عندي حساب مع عصام لي

لي مخليك حتى لهاد الوقت تخدمي واش هادا تسطا على الاقل خاصو يعطيك عطلة باش يالاه توجدو لعرسكم (انا مع راسي الله ينجيني نديك الكبوت دولدك واخا نبقا بايرة والله لا كنت ليه):هه لا اماما بالعكس مرتاحة فالخدمة غير اليوم كنت معاه وتعطلت داكشي باش والعرس كولشي ايوجد اكوني هانية ونعسي على جنب راحة 
خالتي:وانتي تعرفي ابنتي انا بغيت غير مصلحتك المهم خليتكم على خير وهي توقف خاصني نمشي تابعني بزاف مايدار 
ماما:كلسي اختي تعشاي معانا ماكلستي والو
شيماء:كلشي اماما واش يالاه جيت بغيتي تمشي
خالتي:نكلسو فساعة الخير ان شاءالله ابنتي خاصني نمشي وخليت سكينة وراجلها خارجين ودراري بوحدهوم مع حليمة ايشيبوها ههه 
شيماء:يزورك الخير وربح اماما تهلاي فراسك وسلمي لي على ختي سكينة
خالتي:مرحبا بسلامك ابنتي وتهلاي فراسك وماتجهدي راسك وصلناها انا وماما حتى لباب حتى ركبات فطوموبيل وديمارا شيفور وداها دخلت انا وماما لصالة لقيت كرطونة فيها شي فولارات وقويمجات غزالين بحال جليلبات وهوما قوامج وريحة وباندوش ديالها وكريمات ديالها وصندالة وصباط عاليين مسكينة الله يجازيها بيخير تفكراتني 
شيماء:ماما انا انطلع نرتاح شوية غدا عندي الخدمة بزاف
ماما:ماغتعشايش 
شيماء:لا ماعنديش الكانة لماكلة بغيت غير نعس هاني مشيت تصبحي على خير.ططلعت لبيتي وطلعت دوب وشكلاط والحوايج لي جاوني ستفتهوم فالماريو توضيت وصليت وطلبت الله يغفر ليا الى غلطت فاي حاجة بقصد ولا بدون قصد نظت مشيت لبلاصتي خديت داك شكلاط وكلست كاناكول وكنفكر حتى صونا تيليفوني كانت هادي مليكة
شيماء:الو حبيبة كيدايرة لباس عليك
مليكة:الحمدلله بيخير ةانتي كيدايرة مع الخدمة سمحيلي الى صدعتك
شيماء:لا مكاين لا صداع لا والو ياك لباس بيك شيحاجة
مليكة:بدر شحال من مرة سولني عليك

عليك وكتليه انسوني ليك اليوم نشوفك فين وصلتي 
شيماء:الحمدلله انا بخير وصلي ليه سلامي واس طارو توحشتو ولكن شنو اندير صبر وكولو حتى هو يصبر
مليكة:ربي يخليك اختي سمحيلينا بزاف الاخت وماديرش هادشي لي درتي
شيماء:سكتي ماتليتش نعاود نسمع منك هاد الهضرة وانتي كيدايرة واخبارك 
مليكة:انا الحمدلله ولكتظن كاينا واحد الحاجة ومافراصش بدر الى ماكلتها انطرطق
شيماء:كولي مالك شوشتيني
مليكة:واحد سيد عندنا من بلادنا بغا يزوج ولدو وكالها لواليد ديالي انا سمعت غير ماما وبابا كايهضرو مزال مكالولي والو خفت بزاف لا بدر يتعطل ويزوجوني بهادا وبدات تبكي
شيماء:لا مااخافيش ان شاء الله هادشي لي كانديرو قيه ماغايمشيش اهكاك دابا نفكر فشيحجة ويكون غير الخير وماتنسايش ما بقا وابو وتكوني انتي وبدر غير تيقي بيا بدر هو لي ايكون شريك حياتك واتكولي شيماء كالت
مليكة:ربي يخليك اختي شكرا بزاف تهلاي فراسك وسمحيلي
شيماء:حتى انتي تهلاي فراسك وماتليتي تكولي هكاك تصبحي على خير قطعات وانا كنفكر فهاد الخبر جديد منين جا هاد العريس تاني الله ياربي حتى كلنكول اتكاد من هنا وتهرج لي حاجة من هنا يا ربي تيسر لامور يا ربي تعاوني وتكون معايا بقيت مغمضة عيني وانا كاندعي حتى ماعرفتش ايمتا قطعت لوراق.أصبحنا واصبح الملك لله فقت بحال دوق لي مقطوعين من الحشيش ههه شعري لسما ومخنزرة وحجباني مخبلين وكاعية نيت كونماشي على وجهة شاف رشيدة والله حتى نمشي لداك جبهت طوبيس هما ولكن داز فوجه رشيدة دخلت الحمام غسلت وجهي ومشطت شعري توضيت وصليت جوج ركعات وانا ناوية ندير بكلام شاف حليت الماريو وانا كانشوف شنو انلبس صافي ختاريت جبدت سروال سليك بيض فولار بيض وقاميجة من دوك لي جابتلي خالتي تورية فالبلو غو وسباد فبلو حتا هو وساكو وساعة بيضاء ناوية نبين

لداك راس الميقلامة علاش قادة وانا اي حاجة طرات نسيتها وفعلا راني نسيتها مشيت لبست دغية ودرت شوية ديال المكياج بينو فوق عيني ريسي وقلم زرق وسط العين وكلوس غوز وتريحت من ريحة لي جاتني كادو وخرجت من البيت هبطت لكيت الفطور واجد فطرت دغية وبست ماما باش مانتعطلش وخرجت ناس لي فزنقة كايشوفو حيت عمرهوم شافوني بهال هاد الحلة خردت جيهت شانطي شيرت لطاكسي وقفتو وطلعت ديمارا طاكسي بقا غادي حتا وصل عند ضو الاحمر بقا واقف وانا ساهية شوية كاتبان لي واحد طوموبيل جنب طاكسي جاجها كحل جاج بدا كايهبط حتى كايبان لو غير عينين واحد ماوضحاش صاورتو مزيان وهز فيا عينيه دار فيا ديك شوفة ديال فاش كاتشوفي كايسحابني ساهية فيه بالمغرور لاخور اش هاد صباح يا ربي جيت نرد عليه بنفس شوفات ولكن ضو الخضر شعل وديمارا طاكسي انا لصلا مكانتش كانشوف فيه ياخ على بشار وصلني طاكسي لاوطيل هبطت خلصتو ودخلت انا كلت صباح الخير لاي واحد تلاقيتو ورميت تشاءم والافكار الخايبة ورا ضهري حتى من لي فلاوطيل مستغربين من تغير لي فيا خديت لاسانسور مشيت القاعة نيشان دخلت لقيت شاف يالاه جات حتى هي
شاف:صباح انور كيصبحتي بلا ماتجاوبي باينة راكي ناشطة 
شيماء:الحمدلله درت لي كولتي لي هه
شاف:هكاك نبغيك برافو دابا يالاه ماشي وقت اجماعة وقت الخدمة يالاه هاكي لائحة بالماكولات لي خاص يكونو فالغدا والعشا يالاه دخل طاقم ديال طباخين باش يعاونوك حيت الغدا والعشاء فنهار واحد ولبزاف ديال اناس كتير عليك 
شيماء:اوكي مون شاف ههه.خديت الائحة وهبطة لاكويزين لتحت لبست اللبسة ديال الطبخ وبانتوفة لقيت اطاقام موجود تعرفنا وعطيتهوم نسخة من الائحة وبدينا الخدمة ديالنا بدينا بناس لي نباتيين وماعندهومش مع اللحم درنا ماكولات من خضر درنا الحوت فالفران معمر درنا البسطيلة بفواكه البحر والعواصر طبيعية اللحم مبخر شوربة سلطات ديسير مشكل كيك وتشيز كيك انا خدامة وبلا عقل همي هو كلشي يكون واجد بالنسبة لي هادا اختبار وتحدي نبين فيه جهدي بقينا مستمرين فالخدمة حتى سالينا كلشي لا بالنسبة للعشا والغدا خليت اطاقم مقابل كلشي شاف عيطات على سربايا وعطاتهوم اوامر باش كلشي يتستف فالبيفي انا صراحة مابقا فيا جهد ولكن فرحانة بزاف حيت كولشي وجد فضرف صغير طلعت للحمام قاديت حالتي كيف كانت وكاديت شالي وطلعت عند شافشيماء:الله دابا يالاه رتاحيت
شاف:ومزال تابعنا بزاف
شيماء:وييه مهم انا انمشي لهاد القهوة لي حدانا كايدير حليب بشكلاط غزال نجيب ليك معايا
شاف:واخا جيبي لي حتى انا محتاجاه نيت.خديت الفلوس من ساكي وخرجت هبطت نيشان كانجري مشايفاش قدامي باش مانتعطل مع الخرجة خارجة شي حاد داخل ضربني حتى ضرت كنت شوية وانطيح كونما شدني بقيت واقفة مبلوكيا كانشوف فيه ونخنزر .شيماء: كتعرف شارع زهور راه فيه واحد طبيب كايدوز على العينين مزيان سير دوز عندو ودير نضاضر باش تبقا تشوف ونطرت ليه ايدو من ايدي بنادم كيداير معرفت فين كاين عقلو مكايشوفش دايناصور كيداير ياخ خليتو واقف مصدوم وضربت الباب وخرجت ماتسوقتش غادية وكانعاير ونزبل ابوحدي ياخ حيد لي الكانة مشيت لكافي خديت جوج حليب بالشكلاط واحد كرواصة جايا وناكل فيها ونشرب فكاسي مم لديد مع جايا كاتبان لي واحد طوبويل كاتحمق رياضية فالخضر بارد وعريانة من لور واعرة ولكن هاد طوموبيل مكانتش فاش جيت ياكما ضيوف وصلو مشيت كانجري ومعا لابسة العالي نص كاسي كبيتو فالارض دخلت لاوطيل ومشيت نيشان للقاعة عند شاف دخلت لقيتها كالسة 
شاف:مالكي كان تابعك هشام الكروج جايا كتلهتي
شيماء:ولا شافت واحد طوموبيل غريبة برا كولشت واش وصلو ضيوف
شاف: كانضن مزال ماوصل حتى واحد حيت منعم مزال ماجاش عيط لينا اجلسي رتاحي وهطيني كاسي شحفتيني عليه عطيتها كاسها وكلست نرتاح مع راسي كمل كاسي لي بقات فيه جغمة ماهي حتى 5دقايق جا منعم دق
منعم:واجدين اناس راهوم وصلو وسي عصام كالي نجي نكوليكوم توجدو راسكم وخصوصا انتي شيماء كالي نوصيك مابغا حتى غلطة كيف المرا لي فاتت (انا فخاطري بغيت ليه غبارة لجزر الواقواق ولا مالي وكينيا ويتعاشر مع القرودة كونما شاف كون جيتك بشعكاكتي ونوريك الغلط كيداير) ماهضرتش شيرت ليه غير براسي وخرج
شاف:واجدة شيماء شيماء خدات نفس عميق وشيرت ليها براسي اني واجدة خرجنا انا وياها هيا القدام وانا تابعاها طلعنا لواحد القاعة جات الفوق كاطل علا منضر طبيعي وصلنا لقيا طبلة مقادة ومصايبة والبيفي مقاد على حقو وطريقو خدينا بلايصنا كي ديما وانا كانقرا القران باش كولشي يدوز مزيان بداو الناس كايدخلو غير ناس مشهورين وشي وحدين اجانب ستقبلتهوم بالابتسامة المعهودة ورحبت بيهم وصلتهم لبلايصهم وحس راس طارو مكاينش شنو زعمة مايكونش ايحضر زعمة الحمدلله الا دارها كملت ترحابي بناس بينما انا مشغولة كانوصل شي ضياف بلاصتهوم كانسمع صوتو ورايا داخل كايضحك وكايهضر (ياربي حتى كلت انتهنا منو كايطلع كي لعفريت) درت نفس الابتسامة وضرت لجيهتو مع ضرت بقيت مصدومة وبلوكيا وكانشوف لا لا لا قفرتيها اشيماء هاد المرة قفرتها وديال بصح ماشي من عصام من شخص لي جاي معاه والله حتى هو هو نفسو لي ضربني فالباب هو بقا واقف وكايشوف فيا وانا هكاك (نوصفو ليكوم كيداير عكس عصام بيض عينين زرقين وسنان بيضين ومستفين وشعرو شهب وطويل وكتافو عراض ورموشو طوال وعندو واحد الابتسامة ساحرة ) رجعت للوعي ديالي حيت عصام كايخنزر فيا بشوفات مامفهومينش داز من حدايا وتبعو الشخص الغريب وهو كايشوف فيا ومبسم باينا اليوم يجري علي عصام من الخدمة جمعت راسي وكملت الواجبات ديالي وانا كانتسارا بين ضيوف وكنرحب بيهم ونشوف طلاباتهوم تفرقات الماكلة وانا واقفة فبلاصتي صونا لي تيليفون جبدتو كانلقى فهد لي كايصوني قطعت حيت وقت الخدمة دابا ورجعتو لبلاصنو بقيت واقفة كانجي نضور نلقا الشخص الغامض كايشوف جيهتي وعصام كايشوف فيه وكايحضر راسو وكايرجعو يهضرو بيناتهم وانا كانتسنا امتا تسالي الخدمة ونخرج من هاد الموقف المحرج سالا الغدا على خير تجمعو الطبالي ناض عصام وقف 
عصام:ممكن لحضة من فضلكم.كولشي شاف فيه.انا جد سعيد اليوم ببهاد لقاء ديالنا ولي اسعدني اكتر هو العقد لي وقعناه بيناتنا وشراكة لي اتكون بيناتنا وبالاخص مع اوطيل كبير كيف اوطيل بالوما الاسباني لي حاضر معانا اليوم المدير ديالو لي هو صديق ديالي العزيز نزار توريس لاندا لي جا خصيصا من إسبانيا باش يحضر معانا بقا كولشي كايصفق وانا مع بالي (ممم هادا باينا نصو اوروبي ونصو مسلم زعما يكول لعصام على المعيور لي عايرتو حتى انا مكانسكتش خاصني العصا)عصام:نزار نخلي ليك حتى انت كلمة تكولها
نزار:شكرا بزاف عصام هدا شرف لي نكون حاضر معاكم اليوم وتكون بيناتنا خدما خصوصا مع انسان بحالك هادي فرصة زوينة وميف دكرت قبل انا فرحان خصوصا من بعد مدة غياب كبيرة على المغرب بلد ديالي وبلد الام ديالي وكنشكرك على حسن ضيافة وشاف جيهتي وتبسم شكرا ليكم جميعا.كلشي كايصفق ليه (ولاهيلة كايعرف للعربية ماضنيتوش يهضر بيها) سالا الغدا وبداو ضيوف كايمشيو وانا حدا الباب كنودعهم كلشي مشا الاخير هو عصام ونزار حتى وصلو حدايا جا جيهتي عصام:انسة شيماء ماتنسايش العشية عندنا حفل عشاء كوني واجدة 
شيماء:واخا سي عصام .وانا حادرة راسي ومكانشوفش جيهتو وحاسا انا نزار كايشوف فيا خرج عصام وكان تابعو نزار شوية وقف ورجع لي
نزار:شكرا لحسن ضيافة انسة ..كايتسنا نكول سميتي شفت فيه :شيماء
نزار:مم شيماء شكرا تاني مرة انسة شيماء
شيماء:هدا واجب.بقا كايشوف ضحك ومشا عاد تنفست صعداء قلبت على شاف رشيدة لقيتها مكايناش معرفتش امتا خرجات خليت سربايا يكملو سغالهوم وهبطت انا مشيت نيشان للقاعة لقيت شاف مكاينة او ورقة فوق البيرو ديالي"شيماء انا مسيت جاني تصال مهم بزاف ماقدرتش نبقى المهم العشية ان شاء الله اتحضري بوحدك مانقدش نكون جنبك حيت عندي غرض مهم انا عارفاك قد هاد المهمة ماتنسايش بغيتك تكوني فابهى حلة شكلا ومضمونا وعملا واخا انا عارفا انعتامد عليك بون سواغي حبيبتي "اواه كيفاش انحضر العشية بوحدي غير انا لي اتكون مسؤولة على كولشي حسيت بقلبي كايضرب بجهد لا لا خاصني نطرد الخوف من قلبي ونكون قوية كيفما علامتني شيف اشنو فيها الى حضرت ومنها نوري لسيهوم عصام شكون هي شيماء انا قدها قدها ان شاء الله يلاه جمعت ساكي وخرجت من القاعة سديت الباب هابطة مع دروج بدا تيليفوني يصوني جبدت تيليفون من ساك لقيت فهد
شيماء:الو فهد سافا
فهد:على سلامة منين جاوبتي فين كنتي كبيل سونيت ليك
شيماء:اه عرفت راه كنت فاجتماع ماقديتش نجاوبك غير سمحلي 
فهد:لا هانية عارف لي كاين كونت بغيت نكوليك انا هاجر عرضاتني معاها اليوم بليل لشي حفل عندكوم فالاوطيل واش فخبارك
شيماء:اه فخباري كاين عشا الليل ولكن مكنتش عارفة انو هاجر اتحضر على العموم مزيان اسيدي منين اتكون
فهد:هي حتى لالة ياقوت اتكون (فهد الهبيل كايعيط لي هكا)
شيماء:ههه ضروري (انا هابطة ومجمعة وعصام مقابلني من بعيد حدا طوموبيلتو وانا خرجت كانتسنى فطاكسي وكنهضر وماديتهاش فيه) راه انا انكون المسؤولة اسي فهد كي بغيتيني مانحضر ولكن اجي لهنا العفريت شفت القضية فيها هاجر ممم عرفاتك اليلة العشا وعرضاتك
فهد:ههه انتي مكاتوكلي والو الله يحفض الالة من نهار العشا وحنى كنهضرو مرة مرة تهنيتي
شيماء:امم شاما ريحة الحب جاي من سما وانا نضحك حتى بانو ضراسي هادشي كولو قدام عصام شيرت لطاكسي وانا كانهضر وقف لي واحد حليت الباب ماشفتش جيهت عصام نيهائيا طلعت وسديت الباب وزاد طاكسي
فهد:انتي مسطية والله اكاتخبطي بوحدك المهم حتى العشية ونشوفك ان شاء الله تهلاي فراسك المجنونة
شيماء:ههه واخا العاقل قطع وخشيت تيليفون فساك.نرجعو عند عصام شوية (بينو وبين نفسو كيفاش حتى جاها هاد تغير واش لي طرا بيناتنا ماعنا ليها والو ماحسات بوالو بطبيعة الحال الا هي مالفو هادشي مع اي واحد انا مسطي مزال كانسول فراسي ماخسنيش نخليها تغرني بداك الوجه ديالها البريئ وزايداها ميتا بضحك العلام الله معامن كاتهضر وحتى كبيل مانزلاتش عينها من علا نزار اي واحد بان ليها فيه شوية ديال الفلوس كاتبغي تصيدو ولكن كاعما تعولي الالة شيماء ماغاديش نخليك تستغلي شي واحد اخور وظيفيه للقائمة ديالك مايمكنش نخلي لفعة تلوا عليهم غير بلاتي انا واقف ليك ) نرجعو عند شيماء منين وصلات لدار دخلت لقيت ماما مكايناش دار خاوية وخويا خارج مشيت للكوزينة نيشان وجدت كاسكروط في الموت دجوع كانت مزال شي حرشة فالفران سخنها عمرت اتاي وكلست كانطحن حتى عمرت كرشي مزيان خليت ليهوم صينية باش يديرو كاسكروط طلعت لبيتي كانجري صليت صلاتي وتكيت فبلاصتي نرتاح الحفلة اتكون مع 7ودابا يلاها 4 كولت نعس لي شوية نرتاح سديت شرجم وتغطيت ونعست غيبوبة ماشي قيلولة لي فيقاتني هي ماما كاتحرك فيا نوض
ماما:نوشي راه المغرب قرب يودن .غير سمعت المغرب ايودن نضت كمزت
شيناء:كيفاش شحال ساعة شفت ساعة لقيت 6 ناري يا ماما خلعتيني كولت واش مشا الحال 
ماما:علاش شنو عندك بسالامة
شيماء:اليوم دايرين حفلة فالخدمة خاصني نكون واجدة ومنتعطلش واخا 
ماما:عنداك ماتجيني حتى لنصاصات الليل كولي لخطيبك يوصلك راه الليل هدا
شيماء:واخا واخا اماما عير هبطي انتي نبدل حوايجي(فينما نبغي نساه تجبد سيرتو ) هبطات ماما ودخلت انا نغسل حالتي ونلبس حوايجي خرجت من الحمام وانا عارفة شنو انلبس اليوم وندير بكلمت شاف رشيدة جبدت لي خاصني نلبسو ولي لازمني حطيتو فوق ناموسية وبديت فتوجاد .نخليو شكل شيماء ولباسها مفاجئة ونمشيو عند عصام لي حتى هو بدورو خرج من دوش وشعرو فازك كاينمسح شعرو بالفوطة وكايفكر فلي طرا صباح او بالاحرى فشيماء كيفاش لي مجاتش وغوتات علي ولا انباتني ولا عايراتي علا لي طرا بيناتنا البارح كيفاش ماعنا ليها داكشي والو علاش مجاتش ولامتني ولادارت اي رضت فعل خرجات البارح بلاما تكول حتى كلمة او ليوم جايا دايرا بحالتها بحال الى ماوقع والو وزيدها البرود لي دارت وكيفاش كانت كاتشوف فنزار وهضرتها فتيليفون وضحك ديالها ومامسوقاش بحال الى انا مكاينش ولكن انا شنو كانخربق يا ربي اصلا انا ماشي سوقي فيها دور ديالي نحمي ولد عمي فقط لا لا سوقي حيت حيت خاصني نحمي ناس لي قراب لي منهاضروري ماندير شي حاجة لي نبعدها على طريق صاحبي واي واحد باش ماتستغلوش اه هدا هو القرار صح وضرب الفوطة مع ناموسيا مشا حل الماريو ديالو حتة جاه اتصال مشا نيشان هز تيليفون لقا نمرة ديال برا جاوب ويقا كايهضر بالفرنسية وتعصب سد الخط (هادي تاني مكامتش على البال امتا انتهنا من هاد المشاكيل ) شكون لي هضر مع عصام وعلاش تعصب هادشي انكتاشقوه فتلاحدات جايا نخليو عصام يوجد ونرجعو عند شيماء لي تقادات وتصايبات.منين ساليت وقاديت حالتي هزيت ساكي وهبطت لتحت شافتني ماما وقفات
ماما:ماشاء الله

خمسة فعينين لي مايصلو على انبي تبارك الله ابنتي قراي المعودتان ورصي البال لراسك وماتعطليش اجي لهنا فين هو خاتمك
شيماء:فبيتي علاش
ماما:لبسيه واش اناس المخطوبين كايحطو خاتمهم ديكور ولا مايلبسوه باش ايعرفوك اناس مخطوبة 
شيماء:واكواك اماما حتى انتي زايدون للبسة طالون مافي لي يطلع يجيبو
ماما:انا انجيبو ليك غير وقفي طلعات لبيتي شوية هاهي هبطات جابا لي الخاتم:هاكي لبسي خاتمك وماتليتي تحيديه
شيماء:واخا اماما هاني لبستو هاني مشيت نخليك خرجت مع الباب مشيت بشوية على حساب الطالون وصلت لشارع كانتسنا فطاكسي حتى وقفات علي طومبيل خضرا واعرفة عرفتو شكون نزار بقا واقف وياهي في وانا درت راسي ماشفتوش خرج من طوموبيل جا العندي
نزار:انسة شيماء طاكسيات قلال فهاد الوقت انا نوصلك الى سمحتي
شيماء:لا سي نزار بلاما نعدبك دابا دوز شي طاكسي
نزار:راه حنا غاديبن نفس الباصة مكاين حتى عدام وزايدون بداك طالون وتبقاي واقفة اتعياي مايكونش راسك قاصح وحل لي الباب بقيت شحال كانشوف او وافقت
شيماء:واخا شكرا بزاف سد الباب وجا لبلاصتو وديمارا بقينا غاديين كايشوف فيا وانا كانشوف فزاج مكانهضرش
نزار:سمحلي على كبيلة ماشفتكش وكنت زربان لانكون تعطلت ضرت شفت فيه
شيماء:لا هانية انا لي سمحلي مكانش خاصني نهضر بداك الاسلوب غيﻻ كنت زربانة ومع ضغط الخدمة ماعرفتش شنو انكول
نزار:عندك تعابير شعرية جميلة
شيماء:شنو كيفاش كاتستهزء بيا ولا شنو كاليك راسك دار شاف فيا وطلع حجبانو
شيماء:سمحلي مقصدتش غير خرجات بالغلط دار شافيا وتكرشخ يضحك
نزار:لا عادي اسلوبك الالة زوين ومافيه لاتصنع لا والو كاتصرفي بطبيعتك وهاد الخصلة زوينة تكون فالانسان
شيماء:شكرا بزاف على تفهم ديالك من هنا ماتلينا هضرنا حتى وصلنا للفندق هبط نزار هو لاول حل لي لباب وعطاني دراعو نشد فيها انا حشمت ودخلت ايدي تحت دراعو مع خرجنا هاهو عصام جاي فطوموبيل واعرة ماشي لي مالف مايجي فيها هامر قدها قد صخط خرج هو الاول وجنب تاني خرجات ديك صفريطة ديال المساعدة ديالو مغطية شبر وكولها كاتكطر توجهات جيهتو ديك خيتي وشدات ليه فيديه ماشفناش مع طلع راسو وقف مصدوم وكايشوف فيا من المنظر ديالي صراحة عجبني الحال شير ليه نزار براصو وسبقناهوم مانكدبش نزار كان فاحسن حلة ولكن عصام كان الاحسن والاحسن ماعرفتش شنو حسيت منين شفت ديك خيتي لا انا غير كانخربق وماشي شغلي فيه يدير لي عجبودخلنا انا ونزار وعصام تابعنا طلعنا للقاعة لي مانت كبيرة وكطل على منظر رائع طلقت من نزار
شيماء:سمحلي نخليك خاصني نشوف ضيوف 
نزار:تفضلي وتبسم لي مشيت خديت بلاصتي وبديت كانرحب بناس لي جايين القاعة عمرات بناس شخصيات البارزة وعصام كايبان لي شاد كاس ديال العصير فيديه وساهي فيا نخليو شيماء ونمشيو عند عصام (صراحة ماعرفتش باش حسيت منين شفتها قدامي عمري شفتها هكا بهاد اشكل صراحة حسيت براسي تسحرت فواحد اللحظة)(شيماء كانت فاجمل حلة انيقة بشكل ملفت بلباس هندي كسوة هندية طويلة بالون البيج والاحمر داكن شوية بتوب موبرة ومنبتا بحجيرات بالاكسسوارات ديالها وسباط علي احمر وساك دسهرات احمر وشال فنفس الون والمكياج فلون كرونة مكياج سهرة صارخ وريحة لي كانت دايرة كتاسر الانفاس كانت نجمة فوسط الحفلة) عصام بقا مسحور وكايشوف اناس كولشي كايشوف فيها ولكن لي خلاه يغلي هو المجية ديالها مع نزار خاصو يلقى طريقو ويبعدها على طريقو.عند شيماء هتميت بضيوف ودايرا الواجب ديالي وكنشوفنضرات ديال كولشي موجهين جيحتي صراحة فرحت اني بارزة لوجود ديالي فينما نضور نلقى نزار كايشوف فيا ومبسم ندرو جيهة تانية نلقى عصام هاز حاجبو وحتى احد ماعاجبو انا ماهتميتش بيه كانتعامل برود وبحال الى مكاينش هتميت بالمدعوين وكملت شغالي منين كاتجي عيني فنزار كنتبسم ليه هادشي تحت انضار عصام درت جيهت الباب كايبان لي فهد داخل وسادا فيه هاجر صراحة كوبل واعر خصوصا بالبسة ديالهم بجوج جاو غزالين بزاف غير شافني شير لي جيت عندهم باش نستقبلهم 
شيماء:مرحبا بيكم
هاجر:ربي يخليك انسة شيماء
شيماء:من الاحسن تكولي لي شيماء ديك انسة كاتجيني فشكل بقات كاتضحك ضرت جيهت فهد
شيماء:صديقي العزيز جيتي مبوكص اليوم وكنضحك
فهد:هادشي قليل قدامك اسنايا 
شيماء:هههه باز الله يعطينا وجهك دخلو نوريكم فين بلاصتكم شيرات هاجر لعصام من بعيد ومشات مع فهد لبلايصهم القاعة عامرة بالاجانب وانا واقفة فبلاصتي وكاندير خدمتي على اكمل وجه حسيت بخيال ورايا لقيت عصام شفت فيه بناص عين وماهضرتوش لي داز ودخل كنتبسل ليه ونوريه بلاصتو حتى هضر حدا ودني:
عصام:خاصك تشري واحد جديد.شفت فيه بعين وحدة
شيماء:كيفاش شنو هو وضح كتر
عصام:داك لي دايرة 
شيماء:شنو هو بضبط دخل فالموضوع
عصام:داك العكر لي دايرا فمك كنضن ساليتيه اليوم خاصك واحد جديد
شيماء:وانت عندك شي اشكال كاع ضيوف لي حاضرين دايري بحالي وكتر بنت ليك غير انا 
عصام:ماتنسايش راه حنا مخطوبين ومن حقي نهضر على شيحاجة ملكي
شيماء:الما خفت نكدب ديك الخطبة لي كاتهضر عليها راه مزيفة او لا
عصام:كانضن هاد الحالة لي دايرة ماشي على قبال الحفلة او انا غالط.شفت فيه 
شيماء:سبحان الله انت عمرك ماكنتي غالط فحتى حاجة
عصام:مم مزيان لي لاحظتي وحتا انا لاحظت انا هاد الخطبة لي كاتكولي انتي مزورة بالنسبة ليك حقيقية كون ماشي هكاك ماغاديش تلبسي الخاتم ولا انا غالط
شيماء:هاد المرا انت غالط الخاتم درتو على وديت ماما حيت خفت لا تشك فشيحاجة دابا فهمتي علاش درتو ودابا نخليك اسي عصام نشوف خدمتي خليتو ومشيت نشوف ضياف حطو ليهم العصير والحلوة والموسيقى خداما ديال فاطمة زهراء بناصر كيف نسمة حيت زوينة لهاد لمناسبات وكاتعجبني وانا لي طلبت انها تخدم كايبان لي عصام واقف هو ونزار كايهضرو بقيت مجمعة انا مع شي موضفات معانا نخليو شيماء ونمشيو عند عصام
عصام:(كونت عارف هاد تألق ماشي على قبل الحفلة من الغدا وهي عقلها مكاينش وكاتضحك مع نزار ولي أكد لي هادشي هي المجية ديالها معاه وزادت مكملاها شادا ليه فيديه اووف يا ربي راسي ايتهرس لا خاصني نفكر شنو ندير ضروري ندير شيحاجة )
نزار:عصام فين مشا عقلك كانهضر معاك وانت ساهي
عصام:لا والو امعا الخدمة راك عارف 
نزار:حنا ماشي فالخدمة دابا ريح راسك وستمتع بوقتك بحالي انا 
عصام:اه بصح خوصوصا انت من صباح وانت عينيك على البنات لي هنا هههه
نزار:لا اصاحبي راك غالط عيني فمكان واحد وجهة وحدة البنات لي هنا مباينينش قدامها.عصام سكت وهاز حاجبو وبحال الى فهم المغزى ديال هضرة نزار بقاو كايهضرو واحد ساعة بقى غير عصام لي كايهضر دار يشوف فنزار لقاه ساهي ومبسم تبع نضرات ديالو فين كايشوف لقا شخص واحد هي شيماء (لا لا تبارك الله هادشي لي كان خاصني واخا الالة شيماء ها حنا انشوفو وحتا انتي عاجبك الحال ولكن سمحيلي انفسد الخطة ديالك) عند شيماء، كايبان لي عصام بعد على نزار حط العصير ديالو ومشا جيهت المنصة لي مديورة خدا الميكروفون وتوقفات الموسيقى. 
عصام:سمحولي انقاطعكم كنتمنى تعطيوني الانتباه ديالكم.كولشي شاف فيه وساكت .اول حاجة كانشكركوم بزاف حيت حضرتو معانا اليوم وطلنا مشاركين الفرحة ديالنا وديال صفقة لي كاتجمع بيناتنا واتكبر الخدمة بيناتنا كانشكر الوضفين ديالنا الوفيين لي بلا بيهم حتى هوما مكانتش الخدمة اتكبر وماتكون مجموعة فنادق الوالي وشكر ديالي لكبير هو لشريكة حياتي والخطيبة ديالي لي بلا بيها مكانتش هاد الحفلة اتكون ولي وقفات على تجهيزات وعلى اي حاجة بيدها وبتوجيه ديالها ولي كانحييها على القدرات ديالها بغيت نشكرها من هاد المنبر وبغيتها تفضل حدايا لي انو بلاصتها حدايا وفجنبي بلا بيها انا والو شيماء تفضلي حدايا كنطلب من شيماء الجندي تقدم حدايا نزار كان مهبط راسو طلعو بشوية وهو مصدوم كانشوف فهد كايشوف جيهتي ومصدوم هاجر حلات فمها حتى لودنيها بصدمة انا صباطي بقا مفيكسي فبلاصتو ماعرفتش واش نمشي ولا نهرب ولا نوقف ماعرفتش علاش دار هاد اتصرف لاش بغا يوصل ياك هو نهار كانت هاجر قدمني ليها كاي موضفة لاش دابا داي بغا يوري لناس اني خطيبتو علاش هاد اتصرف عصبني وصدمني بجوج 
عصام:شيماء تفضلي حدابا انا عارف كان بيناتنا اتفاق انو بلاصت الخدمة انا مدير ديالك فقط ولكن ماتحرمينيش اني نشارك معاك الفرحة ديالي اليوم عفاك اجي جنبي.بقيت مانشوف فناس كايشوفو فيا ماصبت ماندير تحركت وبقيت غادية جيهتو بشوية واناس كايشوفو فينا وكايصفيو من غير فهد وهاجر ونزار لي مزال مصدومين طلعت معا دوك دروج درجة الاخير حطيت الول فرجلي وتانية رجعات باللور كنت غادي نرجع بالور نطيح ولكن عصام عتق الموقف فالاخير شدني من ضهري ويدي وبقا معنقني وانا كانشوف فيه وهو كايشوف فيا بقينا شحال وحنا كانشوفو فبعضياتنا بحال الى نسينا الناس بلعت ريقي انا وستاقمت فوقتي كانقاد فكسوتي هو بقا محاصرني بيديه من الخصر ديالي بحال الى كايكول لناس هادي راها ديالي وقفو ناس كولشي كايصفقو لينا وانا بقيت امبسمة بزز مني شفت اناس رجعو لبلايصهوم ولهضرة بيناتهم قربت من عصام لودنيه
شيماء:ممكن تكولي شنو سبب هاد اتصرف هادا 
عصام: اول حاجة اكراما لوالديك او واليدي وتاني حاجة..

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.