ولي هي الاهم نحافظ على سميتي وصط اشاركة مالحضتيش اناس لي كانو حاضرين داك نهار كيفاش تعجبو فاش جيتي مع نزار شنو ايكولو علي اناس انا ماشي راجل مخليك تجي مع رجال اخرين
شيماء:شكون هاد الرجال
عصام:واش تسحابيني ناعس على ودني نفكرك ولا نسيتي نهار جيتي مع سيهم فهد حتا لباب لوطيل ولا نفكر
شيماء:هداك مجرد صديق..
عصام:مكايهمنيش لي كايهمني من اليوم هتى نهار تسالي هاد تمتيلية انك تلتازمي بهاد الخطوبة وعمري مزال مانشوفك مع شي واحد غيري ولا راكي عارفة شنو بيدي ندير اشيماء .جيت نهضر حتى قاطعاتنا هاجر
هاجر:مبروك ليكم واخا اعصام مامسمحاكش حنى زعما صحاب وخبيتي علي
عصام:شيماء مابغاتش شي واحد يعرف وزايدون ديك ساع كونت عارض على شيماء موضوع الخطبة وكانت كاتفكر وكيفما كاتشوفي فاش شفت الخاتم فيدها عرفتها وافقات ترتابط بيا الوقت لي عصام كايهضر مع هاجر فهد جرني يهضر معايا
فهد:ولكن ماكلتي لي والو ونهار العشا بحال الى مكاتعرفوش بعضياتكم بحال اي مدير وموضفة ديالو
شيماء:ديك ساعة كان عصام طلب ايديوطلبت ليه وقت نفكر وحيت مكنتش كانعرفو مزيان داكشي باش تصرفت هكاك ولكن اليوم كيف كاتشوف انا لابسة خاتمو حيت القيت فيه نصي تاني
فهد:مافهمت والو والله هادشي جاني غريب بزاف
شيماء:واش دتبا نغاديش تبارك لي
فهد:ههه مبروك اصديقتي العزيزة الله يكمليكم بالخير ان شاء الله. ياكما قاطعتكم
شيماء:لا سي نزار تفضل
نزار:جيت نبارك ليكم مبروك انسة شيماء
شيماء:الله يبراك فيك
فهد:سمحو ليا انشوف هاجر شيماء نشوفك من بعد واخا خلانا ومشا
نزار:صراحة هادشي جاني غريب بزاف
شيماء:شنو لي غريب فيه بضبط
نزار:فارخدمة انتي وعصام بحال الى مكاتعرفوش بعضياتكم وفاش جبتك انتي جيتي معايا اوهو مع وحدة اخرى حتى اللطافة مكايناش بيناتكم ودابا كاتطولو مخطوبين
شيماء:اول حاجة من نهار خدمة هنا وعصام طلب ايدي لزواج وانا طلبت منو اني نفكر وجا لدارنا وطلب ايدي تاني مرةوانا طلبت اني نفكر حيت زواج هدا خصوصا انو مدير ديالي ويلى لاحظتي فاش ركبت معاك اني كنت دايرا الخاتم عصام كالي نهار يشوف الخاتم بيدي ايعرفني قبلت بيه
نزار:وشنو خلاك تقبلي
شيماء:عصام تمناه اي بنت شخصيتو وقلبو وحنان ديالو والجدية ديالو يمكنليه يحميني وانا نهار علة نهار كانتعلق بيه وكانبغيه بزاف:وحتا انا مانبغيك بزاف.ضرنا لقينا عصام ورانا عنقني من ضهري بجهد وحتى انا عنقتو
عصام:نزار كيجاك الاختيار ديالي
نزار:صراحة غلبتيني وعرفتي تختار مبروك عليكم واخا خبيتي علي ولكن انت من صغر معروف عليك دقة فالاختيار ونهار كاتختار كاتعرف شنو ختاريتي
عصام:ماسميتيش الوالي الى ماكناش كنعرف نختار وبكل دقوة وغمز نزار
نزار ايوا نخلي عصفوراي الحب بوحدهوم سمحولي
عصام:مالك ياكما بقا فيك الحال حيت طار ليك عصفور من ايديك
شيماء:انت راك مريض وانا ماعنديش جهد نتناقش معاك خصوصا دابا نخليك خاص العشا يتحط سير خود بلاصتك بين ضيوفك المشية لي بغين نمشي شدني من خصري
عصام:نونونو حبيبة ديالي ماشي غير انا حتى انتي اتمشي معايا
شيماء:ولكن كيفاش فين انمشي
عصام:جنب راجلك لي هو انا اتعشاي معايا فنفس طابلة ومانبغيش نقاش لي كلتها اتكون ودابا
شيماء:وشكون ايوجه سربايا
عصام:متخافيش رئيس الخدم كاين وحاضر وقبل ماتجي وتخدمي كان هو لي كايعطي الاوامر دابا بلا هضرة كتيرة تفضلي امراتي الغزالة عصام مع راسو (صراحة هاد الانتصار لي درت فرحني من لداخل ديالي وحسيت بنصر واني غلبت شيماء فهاد النقطة) تفضلي امراتي لعزيزة بقيت مخنزرة فيه وهو شادني تكول واش انهرب تمشينا جيهت طبلة الرئيسية كلس نزار جيت نكلس حداه وسبقني عصام كون صبت نخبطو كلست حداه واخا مامرتاحاش فالجلسة بدا العشا كايتفرق على جميع طوابل فرقو علينا وبدينا الماكلة طانهز عيني كانلقا عصام كايشوف فيا بنص عين هادا مالو ياك لاباس نزار ماتلاش مسكين شاف فيا مزال مأترة عليه صدمة طملت الماكلة ديالي عادي ماديتها فحتى شيواحد سالينا المقبلة وطبق الرئيسي جابو لينا ديسير كانشوف نظرات اعجاب فعينين لي حاضرين ادا نجحت نقز نزار:تبارك الله عليك انسة شيماء العشا كان فالمستوى كلشي غزال شحال هادي مادقت بحال هاد البنة هادي
شيماء:ربي يخليك فرحتيني بهضرتك.عصام مع راسو (امم تأترت بزاف شويا وغاي نبكي الله يمسخكوم بجوج).انا ياهية فطبسيلي كانكمل ماكلتي كانحس بحال الى لبرودة داخلة لعنقي لا مايمكنش سنسلة ديال الكسوة كاتحل والفولار كايتهز من اللور وناس معايا كي اندير نوض وكي اندير نسد الكسوة هنا بقيت مبلوكيا فبلاصتي وعينيا على تبصيل ماعرفتش شنو اندير حتى كنحس بلامسات على عنقي وضهري وكانحس بسنسلة ديال الكسوة كاطلع وبليد كاتطلع لجيهت زيف وكاتهبطو لي على ضهري ودخلو فالكسوة حسيت بالراحة اني ماتشوهتش ضرت كانشوف فلي عتقني ودار هاد الموقف نبيل لي ماتوقعتوش منو بقيت كانشوف فيه وهو بدورو كايشوف فيا تبسمت وكتليه بشوية
شيماء:شكرا .كتفى غير بهزة ديال الرأس كملنا العشا بحال الى ماوقع والو صراحة هاد تصرف لي دار ماكنتش كانتسناه حسيت احساس فشكل انو انسان ينقدك فموقف بحال هكا جاو سربايا والعشا سالا عصام بقا لاسق فيا فينما نمشي جنبي بعدر انو خاصنا نبقاو مجمعوين .عصام مع راسو (فوقت العشا كلس نزار وشيماء كانت نواية انها تجلس حداه كونت حاس بزربة خديت انا لبلاصة باش مانخليش ليها اي مجال باش تستاغل الفرصة خاص كولشي يعرف ونبين لناس انها ديالي ونغص عليها اي فرصة انها تصيد شي فريسة اخرى وضيفها للقائمة لي عندها فواحد الوقت فاش بدينا العشا وانا منتابه ليها لاي حركة كاديرها واحد اللحظة كانحس بيها توقفات على الماكلة ومامرتاحاش وغير مصدومة ماعرفتش مالها واش حسات بشيحاجة ولا بيها شي حاجة حتى كايبان لي الفولار لي لابساه كايزلق وضهرها كايتعرا كولو وسنسلة الكسوة كاتهبط ماحسيت براسي حتى درت ايدي وراها وطلعت ليها سنسلة وقاديت ليها زيفها عاد حسيت بيها رتاحت ضارت شافت فيا شحال وتبسمت كانت ابتسامة ساحرة وبريئة كون ماكانش هادشي لي فيها وتصرفاتها كانو بزاف ديال الحوايج ايتبدلو ولكن للاسف خاصني نقوي راسي ونحيد هادشي من بالي مابقا والو وكل واحد فينا ايكمل حياتو بعيد وهادشي حسن لينا بجوج بينا)من بعد بداو ضيوف كايمشيو شفت ساعتي كانت 9ماخصنيش نتعطل ولكن الخدمة ماعندي ماندير كانو ضيوف كايمشيو وكل واحد كايجازيني بكلمة شكر لحسن الاستقبال وعلى الماكلة لي كانت رائعة بنسبة ليهم تحيد هم كبير على كتافي على حساب هاد الليلة هادي ولاو عيني كايتلاصقو او وجهي ضرني من قوة الابتسام لهادا وهادا ورجلي ضروني أخر ناس غادرو القاعة كان فهد او هاجر لي بقاو معانا شوية ومشاو حتى هوما خليت عصام مشا لجيهت الاستقبال انا ستغليت الفرصة هزيت صاكي بزربة وتسلت خرجت من الباب دغية لشارع مع قفت لقيت طاكسي دايزة شيرت ليها وقفات ركبت مع سديت الباب كايبان لي من لمرايا عصام خارج بزربة كايطل واش كاينة ماجا فين يلحك علي حتى ديمارا طاكسي اصلا مابغيتوش يوصلني حيت عارفة انتناقشو وانا عييت اليوم مافيا لي يتجاكر مع حتى شي واحد وصلني طاكسي لباب دار فتحت بشوية ودخلت لقيت ماما مزالا فايقا كاتسناني
شيماء:تصبحي على خير اماما.طلعت لبيتي نيشان دخلت حيدت حوايجي وغسلت وجهي وتوضيت صليت كالسة بالعيا مشيت لبلاصتي هزيت تيليفوني وانا عاندي فكرة وحدة فبالي خاصني نطبقها ركبت نمرة وسونيت من بعد شحال عاد جاوب
شيماء:على سلامة فين كنتي غاطس البعلوك
بدر:ههه توحشتك وتوحشت المعيور معاك كيدايرة ازين دبالي واخبارك والله حتى توحشتك غبرتي علي
شيماء:مكاتعياش من الهضرة انا اسيدي الحمدلله بخير هاد الساعة دابا شوف خليك مني انا وأخباري بغيت ضروري فواحد الغراض مهم بزاف خاصك تفضي لي راسك
بدر:ياك لباس شنو كاين شوشتيني اشيماء ياكما عصام دار ليك شيحاجة كوليها لي والله حتى
شيماء:واكواك ولقوة ان شاء الله واسكتنا يا ربي لعفو المهم غدا بغيت نتلاقا معاك عرفتي المحلبة لي حدانا نلقاك تماك مع 6:30 دصباح ضروري
بدر:كتهضري من نيتك مع 6:30 وفمحلبة ديال دريس جعواق باش يشوهنا
شيماء:انت غير سكت وداكشي خليه لي انا لي نعرف غدا تكون حاضر وكيف داك انهار جي مخفي عفاك مابغيناش حتى قربنا من الهدف ديالنا ونخسرو كولشي
بدر:اوكي شتف كوني هانية
شيماء:يالاه تلاح سلات ساعتك خليني نعس
بدر:واخا الالة هاهو مليوح تهلاي فراسك المجنونة هه.ياليت هضرتي مع بدر وانا كامطلب الله وندعي انو لي بالي يصدق انا كنفكر حتى داني نعاس .أصبحنا وأصبح الملك لله.فقت دغية بزربة نضت لبسة حوايجي ديال الخدمة سروال سبرديلة فولار زرق وقميجة ولبست فوقهوم جلابة قديمة بزاف قبها كبير ودرت الفب هبطت بتسكيل حليت الباب بشوية ومشيت كانجري للمحلابة لقيتها خاوية دخلت كولت سلام وكلست ودريس كايشوف فيا ومعجب ماهضرتوش حيت عارفنا الى كال شي كلمة انخشي ليه راسو وسط المقلة ديال الحرشة
شيماء:واحد كاس درايب وحرشة .وخنزرت فيه بقا كايشوف فيا وحدر راسو شوية دخل واحد راجل لابس جلابة كبيرة وداير القب ومخبي وجهو جبد الكرسي وكلس حدايا انا تخلعت كلت واش شي حمق حتى عرا وجهو لقيتو المصرفق ديال بدر
شيماء:ههه ويلي هادا انت صباح انور
بدر:صباح زفت اشمن صباح لي لابس هكا وكانسكل تكول واش كانسرقو مالنا عليها كيدايرة انتي ياك لاباس جايباني على نبوري
شيماء:ششتت بلاتي غطي وجهك تم جاي دريس وكايشوف جيهت بدر حط الرايب والحرشة وبقا واقف شفت فيه
شيماء:ياك لباس كاتسنا شيحاجة شاف فيا وزاد بدر تكرشخ بضحك :خلعتيه مسكين بقا فيا بديت كاناكول وكانشوف فيه
شيماء:بلاتي نعمر كرشي باش دماغ يخدم بقا بدر كايخنزر فيا حتى ساليت وشبعت
شيماء:دابا عطيني ودنك مزيان وسمعني شنو انكوليك.نمشيو عند عصام لي منين جا من البارح نعس 3 سوايع وبقا فايق كايفكر ويهضر مع راسو (البارح تعصبت كتر مافرحت مشيت الاستقبال على حساب مكالمة رجعت مالقيتش شيماء خرجت البرا بظربة لقيتها مشات فطاكسي كنت ناوي نوصلها كايبان لي انها كتهرب مني شنو زعمة تكون كاتحس بشيحاجة تيجاهي لا ميمكنش شيماء كايهموها الفلوس صافي اووف اوفف راسي اينفاجر علي يا ربي خاصني نسا مابقيتش نفكر فهادشي زلا غادي نحماق اه انا مكانحس بوالو والو) لاح الغطا ودخل لدوش يدوش نرجعو عند شيماء لي من بعدما عاودات لبدر كولشي بقا غير ساكت وشاد فراسو
شيماء:واش انا عاودت ليك تشد راسك ولا نلقاو حل لهادشي
بدر:اشمن حل فناضارك خدمتي الخاصة انبداها نن هنا لسيمانة وماغاديش نشد الفلوس من هنا لشهر فينهوما فلوس لي انخطب بيها مليكة وعقد ديالها وحفلة ديال عرسها اقل اكاتروني اشيماء
شيماء:ماغاتمس والو كون هاني كونت كتليك خديت فلوس من عصام مقابل تمتيلية ديالي هاديك ديالك ومانسمع حتى كلمة والله وتهضر ماتعرفني مانعرفك حسبهوم كادو مني
بدر:ماعرفتش هادشي لي كاديري معايا كيفاش انجازيك عليه والله
شيماء:مانسمعش هاد الهضرة الخاوية غير كولها
بدر:ولكن نسيتي واحد الحاجة مهمة مكاينش شي حد يعطي بنت لدري بلا والديه خصوثا الى كانت مو عايشة وحدر راسو
شيماء:ممممم بقات شيماء كاتفكر حتى طاحت عليها فكرة خطيرة لقيتها لقيتها
بدر:شنو لقيتي
شيماء:ماشي شغلك لي انكوليك هو الفلوس اندوزهوم لمليكة لعشية هي تعطيهوم ليك غدا ان شاء الله وجد راسك خرج مع مليكة وخودو كاع لي بغيتو من حوايج وكاع لي كاتحتاج العروسة مهم غدا فالعشية نلقاك واجد والباقي علي انا واخا تيق فيا ودابا انخليك انتعطل على الخدمة خليتو مصدوم خلصت دريس واهو كايشوف فيا ومافاهم والو وخرجت كانجري حيدت جلابة خليتها عند سعاد جارتنا وشديت طاكسي نيشان للخدمة وانا فرحانة حيت لي فبالي قربت نوصل ليه حطني طاكسي فالخدمة نزلت وخلصت تاكسي لقيت عصام يالاه خرج من طوموبيلتو بقيت واقفة حتى تم جاي عندي
شيماء:صباح الخير
عصام:صباح النور.بقيت مرتابكة شنو نكوليه
عصام:كاين شيحاجة
شيماء:أأ لا والو فالحقيقة اه كاين بغيت نشكرك على تصرف لي درتي معايا لبارح
عصام:واخا انا مكانسواش بنسبة ليك ولكن في شوية ديال شهامة شفتي بعدا ممم شيماء كتطلب مني شكر لعجب
شيماء:ايوا ماتزيد فيه وتندمنا علاش شكرناك راه غير من صواب شوف انا مافي لي يتقاج معاك هاد ساعة
عصام:وشنو بان ليك
شيماء:نديرو هدنا هاد الوقت لي بقا بينا فهاد تمتيلية ونتهناو من صداع راس شوية شنو بان ليك
عصام:ممم يكما وليتي كاتبغيني وستسلمتي.بقيت كانشوف فيه بتخنزيرات :عرفتي شنو دير راسك ماسمعتي مني والو انت مايصلاحش معاك الخاطر وزدت بغيت نخليه شد لي ايدي ورجعني
عصام:واش انتي الواحد مايعرفش يضحك معاك شوية الالة انا موافق حتى انا مافي لي يتصادع وانا داخل على صفقات خاص دهن ديالي ودماغي يكون خاوي صافي متافقين
اشراق:مادابزت واحد تور الله يلكيها ليه هو لي ضربني بطوموبيل وباش زادها كاليك انا لي في الغلط وانا لي مكانشوفش كدامي بغيت ليه جهل.شيماء بقات كاتشوف فاشراق
اشراق:مالنا ياك لباس والله حتى هو لي فيه ديفو ماشي انا
شيماء:راني كانعرفك كاتمشاي وعقلك مكاين راكي مخافياش علي كانعرفك
اشراق:انا نستاهل جايا عند طاسيلتك كونت انتهرس بسبابك
شيماء:كلسي براكة من البسالة زايدون لاش جيتي مامالفاش ليك
شيماء:غير زيدي قدامي من بعد ونكوليك ضرت عند شاف رشيدة
شيماء:ختي رشيدة ممكن لي نمشي
شاف:وي تفضلي كيف كتليكمكايناش خدمة اليوم.خرجت انا واشراق كانتناكرو خرجنا من الاوطيل بقينا واقفين كانتسناو فطاكسي وتكول واش شيواحد بغا يدوز حتى طابو رجلينا.شنو كاتسناو ضرت لقيت نزار ورانا
شيماء:اهلا سي نزار كنا كانتسناو طاكسي
نزار:وقت الغدا هدا ماغاديش تلقاو شي طاكسي الى بغيتو انا نوصلكوم.انا حشمت سيد كايهضر واشراق عاطياه بلور ومادا ليه برابول ديالها ماجاها تقاد سبرديلتها حتى الدابا انا كانغز فيها مابغاتش تحس
اشراق:واشنو طيبتيني بنغييي ماكملاتش هضرتها بقات مصدومة وكاتشوف فنزار وحتى هو بقا كايشوف فيها ومصدوم انا مافهمت والو فيهم بجوج حتى نطقات اشراق:شيماء فين كاتعرفي هاد الهمجي المكلخ العور
شيماء:اويلي اش كاتكولي واش تصطيتي كوني تحشمي
نزار:غير خليها كول واحد كايعبر على مستواه
اشراق:مالو مستوايايا يابو مستوى ياكمى تسحاب راسك انا من دوك البنات ولا بقا فيك الحال حيت ماغريتينيش بعينك ولا ياكما يساحب ليك درتها بلعاني موحشا فعينيك على بشار كيداير
نزار:انسة شيماءواش صاحبتك هادي
شيماء:ياه صاحبتي وسمحلينا على اي حاجة
اشراق:علاش كاتعتادري منو هو لي خاصو يطلب سماحة ماشي حنا زوينة هادي ضربني وبكا وسبقني وشكا
شيماء:صافي سكتينا الله يرحم جدك شافت فيا وسكتات
نزار:المهم انسة شيماء طلعو انا نوصلكوم نقزات شنيولة لي حدايا
شيماء:زيدي كدامي ومانسمعش حسك حتى نخرجو من عند المرا سونينا الباب من بعد شحال حلات خالتي حليمة سلمات علينا بحرارة وبجهد دخلاتنا عند خالتي تورية لي كانت فجردة غير شافتنا وقفات جيت نيشان عنقتها وسلمات علي بجهد مسطينة اتبقى في الى سالا هادشي سلمات على اشراق وكلسنا
شيماء:ماما تورية هادي صاحبتي اشراق وبحال ختي وكتر
خالتي: مارحبا بي بنتي دار داركوم صحابات شيماء بحال بناتي
اشراق:ربي يخليك اخالتي
شيماء:اشراق هادي ماما تورية مامات عصام اشراق شركات عينيها وخرجاتهم حتى غمزتها
خالتي:بنتي كيدايرة ماماك وباك خوتك وانتي كيدايرة مع الخدمة
شيماء:الحمدلله كولشي كايسلم عليك
خالتي:مرحبا بسلامهوم شنو تشربو بعدو ولا راه اتغداو معانا
شيماء:لا اماما راكي عارفة مابغيتش عصام يعرفني كنت هنا
شيماء:واخا اماما انا ماجيت عندك حتى عرفتك مولات القلب الحنين سمعيني اماما مزيان من بعد ماعاوت ليها كولشي من الاول حتى الاخير مادطرتش ليها الحقيقة عاودت ليها غير علاقة بدر ومليكة وحبهوم الكبير بقات كاتشوف
خالتي:فهتك ابنتي فهمتك ومزيان ولكن شنو المطلوب مني
شيماء:انتي عارفة مكاين لي يوقف مع بدر من غيرنا حنى وانتي عزيزة عليه كتر من ماماه وماكرهتش انتي تمشي معاه نطلبو ايديها ولكن بلا خبار عصام عفاك اماما كانترجاك الى كنت عزيزة عليك
خالتي:بلاما طلبيني ابنتي بدر بحتل ولدي وانا ندير لي يخليه فرحان ولكن علاش نخبيو على عصام
شيماء:ماما انتي عارفة عصام ماغاديش يبغي وهو مكايخبي والو على مامات بدر ماتنسايش انها طلباتو يعاونها باش بدر يرتابط بيبنت ختها هادشي خليه بيناتنا حتى بدر يعقد مليطة وديك ساعة راها مراتو مايقدر حتى واحد يبعد بيناتهم واهدبني اماما عفاك
خالتي:واخا ابنتي كنتمناو من الله بكون خير ياربي مشيت كانجري عنقتها وبستها.الله يخليك لينا ويطولينا فعمرك
خالتي:امين ابنتي انا نهار على نهار كانحمد الله ولدي لقا بنت بحالك قلبك كبير ونقي وكاتبغي الخير لناس الله يفرش برضى ويغطيك برضى انا علاش وافقت حيت بدر بحال ولدي وحيت مو من ديما كانت هكاك كايهمها غير الفلوس والمضاهر الله يحفظ ابنتي مهامهاش الفرحة ديال ولدها ومعامن ايلقا راحتو لي درتيه انا معاك فيه ابنتي وغمزاتني ههه خالتي ماسهلاش وحنينة وقلبها بيض يا ريت كون كانت بصح حماتي اي بنت ماتلقاش حسن منها حمات كلسنا معاها شوية ومشينا فحالنا غير بزز باش خلاتنا خرجنا انا واشراق
اشراق:ولايني كادة بكدودك يا ختي برافو عليك يا ختي سبحان الله مامات عصام ضرافات هو يا ختي يخليها ماركة الله يلكيها ليه
شيماء:حشومة الله ينجيه الواحد ماخاصوش يدعي فتاني بالحاجة الخايبة.اشراق وقفات كاتشوف فيا ومصدومة مني
شيماء:مالك ياك لاباس
اشراق:واش هادي انتي ولا كدبت الا الا مايكنش تكوني طحتي فيه اويلي لا اشيماء ماتكوليهاش والله حتى درية ولات كاتبغي
شيماء:والله وماتزيدي كدامي حتى نخلي طاسيلتك فهاد شمش راه كايبان لي ضربة لي كليتي اترات عليك زيدي زيدي راه غير مامزيانش تعايري وتدعي فناس مامزيانش
اشراق:اممم مامزبانش الله يجعلني نتيق جريتها مشينا واحد سناك كان فينا جوع خدينا بانيني للوحدة كليناه سالينا خلصت الخرجة لي انخرجو اشراق مبلوكية وشاداها البكية
اشراق:زيدي فطريق نكوليك .من بعد ماعا ودات اشراف لشيماء كولشي تعجبات من تصرف نزار شنو قصد بهاد تصرف كالت ليها تمشي وتشوفو شنو بغا من بعد مشاو باش شيماء تسحب الفلوس لي اتعطي لبدر.نرجعو عند عصام لي كالس فالمكتب ديالو وكايفكر فشيماء والهدنة لي دارو بيناتهم وكايحاول مايفكر فحتى حاجة خايبة ويصفي دهن ديالو ويحاول يعرف شيماء عن قرب كثر وكثر.نرجعو عند شيماء من بعد ماسحبات الفلوس لي عطاها عصام من الحساب ديالها شدات طاكسي هي واشراق حطهوم قدام باب مليكة خلصات طاكسي ومشا دقات فالباب من بعد شوية خرجات مليكة عندهوم
مليكة:زارتنا البراكة دخلو
شيماء:لا عارفينك مامسالياش واش حضر معاك بدر
مليكة:اه كاليا نن هنا نص ساعة نشوفو عندو مايكولي
شيماء:المهم هاد جوا عطيه ليه وهو ايفهمك كولشي تافقنا
مليكة:مافهمت والو ديالاش هاد جوا
شيماء:انتي غير عطيه ليه وهو ايفهمك كولشي صافي انا مشيت هاد الايام كانتعطل ومابقيتش كانعمر مع مالين دار
مليكة:واخا ختي شكرا بسلامة.تفارفنا انا واشراق هي مشات لدارهم وانا مشيت لدارنا دخلت لقيت ماما موجدة كاسكروط سلمت وطلعت لبيتي بدلت حوايجي وتوضيت وصليت هبطت لعند دار جمعنا شوية درت كاسكروط معاهم بقيت شوية كلت نطلع لبيتي نتكونيكطا بقيت مجبدا فبلاصتي حتى جاني الحماق نضت خدمت الاغنية جديدة ديال الكريني لي بالهندية وسديت الباب رضيتو وجهدت صوت لبست سروال طويل وتيشورت وحزمة راسي وكلست كانشطح هاك باراك بحال شطيح الهنود نخليو لالة شيماء تبرد غدايدها ونمشيو عند عصام من بعد ماسالا الخدمة ديالو هبط القاعة لي خدامة فيها شيماء دخل مالقى حتى واحد مشا المكتب لي كاتكون فيه شيماء شحال وهو كايشوف وساهي بان ليه شارجور ديالها محطوط الهزة لي ايهزو كاتبان لي واحد طوينكة ديال شيماء هزها بقا شحال كايشوف فيها خدا تيليفون ديالو ركب نمرة كايسوني عليها والو الخط مسدود كال مع راسو انها نسات شارج وطفا ليها تيليفون وغدا سبت وبعدو الحد خرج من القاعة هبط مع دروج ركب فطوموبيلتو وديمارا هو غادي وكايشوف فديك طوينكة ليكانت مدهبة عبارة على وردة فيها حجيرات ماوقف حتى لحدا دار شيماء خدا تيليفون مرة تانية وركب نمرة وصونا باش يكوليها تهبط ويعطيها طوينكة وشارج ديالها والو تلات مرات او والو قرر يدق مشا قدام الباب دق مرة لورلة والمرة تانية عاد حلات مامات شيماء
ماما:اهلا اهلا ولدي كيداير لباس عليك
عصام:سمحيلي خالتي جيت فهاد الوقت غير شيماء نسات الشارج ديالها كولت يمكن تحتاجو
ماما:اويلي اولدي ماتكولش هكاك دخل مرحبا بيك دخل من بعد مادخل عصام وسدات ماما الباب دخلاتو لبيت مشات للكوزينة كبات ليه كاس ديال العصير
عصام:لا لا اخالتي بلاما تعدبي راسك انا نطلع عندها الى سمحتي انعطيها هادشي ونمشي
ماما:ياه اولدي دار داركم راه بيتها اول واحد على ايدك ليمن حط عصام الكاس او وقف مشا جيحت ادروج وتم طالع وكايسمع الموسيقى ماحدو طالع والموسيقى كاتجهد حكلها ماتسمع العياط حتى وصل حدا الباب ديالها كان بغا يدق ولكن خلاه الفضول يطل عليها اشنو كادير الباب كان مبسم زاد بسمو بشوية وقف بقا مصدوم من المنضر لي شاف قدامو بقا حال فمو ومن الداخل ديالو ميات بضحك كانت شيماء كي دوك الهنود ديال العروبية رابطة راسها وهازا العصا ديال اشطابة وطالعة فوق ناموسية ديالها وكاتشطح على الاغنية الهندية وكادير راسها بحال الى كاضرب الكيتار وكادير شطيح الهنود ديال الحمقين عمرو شافها هكا بسروال ديال البيجامة وتيشورت وشعرها مطلوق رابطاه بنايفي حمرة والبيت مرون سفاه على علاه بقات كاتشطح هاك باراك هاك براك بكل جنون وماحساش بعصام لي مقابلها حتى سالات شطيح وتلاحت على ناموسيتها سخفانا وكاتلعب برجليها وكاتضحك بوحدها بقا شحال عصام ساهي فيها رجع بشوية وتم هابط مع دروج تلاقا مع ماماها
عصام:خالتي انا انخلي ليك شارج ديالها دقيت عليها وماسمعاتني واقيلة ناعسة المهم انا مشيت اخالتي سلمي على عمي ودراري
ماما:واخا اولدي الله يرضي عليك سلم لي على الحاجة من بعد عصام ماركب فطوموبيلتو وديمارا بقا سايج وكايفكر فشيماء حمقة بقا غادي وكايضحك تفكر الاعنية لي كانت مخدما ودارها فتيليفونو وبرونشاها مع طوموبيل وبقى كايتسنط وكايتخيل منضر شيماءوكايضحك ويضرب بيديه نرجعو عند شيماء من بعد مابردات جنونها فشطيح تكات فوق نموسيتها حتى غمضات عينيها وبغا يديها نعاس سونا ليها تيليفون جات تشوف شكزن لقات بدرولقات شحال من ميساج داها جاوبات بدر هو الاول
بدر:طبيبيزا ديال خوها فين كنتي من صباح كتنسوني كاتشدني العلبة
شيماء:ايوا دتبا سير رتاح باش غدا تكون واجد وراني موجدة ليك مفاجئة زوينة
بدر:كتر من هادشي لي درتي معايا
شيماء:وصافي ماتعيقش حتى انت وزايدون ترجعها لي فساعة الخير ان شاءالله هههه
بدر:امتا ايجي داك نهار لي بان فيه هاد المتعوس لي ايديك مسكين
شيماء:ياك الرهوش رجعتي لمعيور تاني يالاه يالاه سلات ساعتك خليني نعس باش نرتاح ونوقف مع خويا غدا
بدر:علاه حتى انتي اتكوني
شيماء:ضروري ماتنساش انانا حنى ودار مليكة جيران وحضوري ومعرفتي بيك ايخليهوم يتيقو بيك ويعطيوك بنتهم وماتخافش اسيدي ايكون معانا واحد شخص مهم وايعطيوك مليكة بلا هضرة ههه
بدر:عارفك ماغاديش تكولي لي لهلا يخطيك علي المجنونة تصبحي على خير
شيماء:تلقى الخير من بعد ماقطعت مع بدر مشيت لميساجات لقيت البوات شادا عصام شحال من مرة شنو بغا درني راسي سونيت ليه لقيت مشا لي سولد سيفطت نيساج رجع لي ماشي مشكيل الى كانت حاجة مهمة ايتاصل تاني حطيت تيليفون من ايديوسهيت حتى مشيت فغيبوبة كانحلم بأشيش شارما ههه.عند عصام من بعد ما دخل لقا الحاجة تورية مشات تنعس حيت كاتشرب دواها وتنعس نفس للروتين كايحس بالملل دخل للكوزينة لقا عشاه خلاه كايسخن طلع لبيتو بدلحوايجو وهبط تعشا ورجع لصالة شعل تلفازة كايتفرج وعقلو مكاينش كايتفكرغير شيماء والمنضر لي كانت فيه بعد المرات كاتصرف شي تصرفات كايحير فيها عكس داكسي لي كاتبين ليه ولي عارف عليها حوايج جداد بقا غير كاضحك بوحدو طفا تلفازا وطلع لبيتو بغا يمشي بلاصتو كاتبان ليه شيحاجة كاتبري جا يشوف لقا الحلق ديال شيماءوتفكر انو نسا ماعطاهش ليها شدا بيديه حل ماريوه ودارو فواحد صنيديقة كايجمع فيها كاع دكريات ديالو من صغر سد الماريو وتكا بلاصتو بقا كايشوف فسقف حتى داه النعاس .أصبحنا وأصبح الملك لله نضت ناشطة مع راسي دخلت الحمام نغسل وجهي جمعت بيتي هو الول من روينة لا تحيح علي ماما جيت نقلب تيليفوني لقيتو طافي ديشارجا مشيت نيشان لصاكي فتحتو كانقلب على شارج مالقيتو وايلي فين هو قلبت البيت والو وانا نهبط لتحت لقيت ماما فالكوزينة
شيماء:صباح الخير ماما
ماما:صباح انور وخمرتي اليوم
شيماء:مافيها باس راه ديما كانوض بكري ماما ماشفتيش شارجوري
شيماء بصدمة ومخرجة عينيها:عصام جا حتى لهنا ولكن كيفاش ماشفتوش
ماما:شحال عيط ليك ماسمعتينيش وبغيت نطلع نكولها ليك ماخلاني وطلع هو العند ولكن هبط كاليك عيا يدق واقيلة كنتي ناعسة.انا بقيت مصدومة ويلي مايمكنش ويلي على شوهة صافي تشوهت الهيبة ديالي ومستقبالي ضاع ضاع صافي زغبي حصلني فداك الوضع تاري اش جاب مايسكتو دابا اياخود علي حاد الحاجة ويسمعها لي كول مرة تفو تفو على زهر عندي تفو
ماما:رجوع لله ابنتي مالك ياك لباس
شيماء:والو اماما وماكاليك والو تكوليه لي
ماما:لا مكال والو ابنتي عطاني شارج ومشا اجي انتي لهنا مطيحة طوينكتك تاني كانكوليك ردي ليها الباب راه سدادة دالها واسعة جيت نقلب ودني لقيت وحدة كاينة وتانية لا
شيماء:اتكون غير فالبيت.كلسنا فطرنا جمعت طبلة والبيوت جففت وسيقت فم الباب سونيت البدر واش واجد لقيتو مسطين على نار ومخلوع سونيت لخالتي لقيتها واجدة .. سولتها على عصام كاتلي انو كيخرج نهار سبت كيدوزو فلفيرمة ديما الحمد لله كولشي هو هداك مشيت تسخرت من عندي انا خديت كرطونة ديال شكلاط وجبتها معايا لدار عاوت لماما على بدر انو وصا خالتي تورية على شي بنت وكالتها لي وانو انمشيو نخطبو ليه مليكة وقنعتها تمشي معانا بش نزيدو نقنعو اهل مليكة مشات ماما وانا لبست جلابتي وزيفي مع خرجنا سونيت لبدر كالي انو جاي فطريق شوية وقفات علي طوموبيل ديال خالتي خرجات عليها نور بجلابنها البيج وزيفها نور كايعطي من وجها بقيت كانهضر معاها حتا كايبان لي بدر جاي فطوموبيلتو خرج من طوموبيلتو باينا فيه متوتر ماشافش خالتي حيت عاطياه بضهر وصل عندنا معا دارت خالتي عندو بقا مصدوم مسكين ماماتيقش واش خالتي تورية لي قدامو
بدر:خا خالتي تورية هادي انتي
خالتي:وشكون ايكون من غيري دوي العفريت كنتي اتخطب بلا بيا
بدر:حاشا اخالتي ولكن راكي عارفة لي كاين بلاما نحتاج نعاود ليك
خالتي:كاتكول والو كولشي فخباري اولدي شيما عاودات لي كولشي الله يرضي عليها ويلا الام ديالك مكايناش اليوم معاك اولدي انا فمقام موك احبيبي وبالفرحات علي نخطب لولدي الغزال مسكين بدر فرح بزاف تلاح على خالتي عنقها وباس ليها راسها.لهلا يخطيك علينا اخالتي ويطولينا عمرك ياربي هادشي بعيد على مسمع ماما لي كنا واقفين انا وهي بعيد عاد مشينا عندهوم
طباخة الرئيس الجزء الثامن
محتوى القصة
التنقل بين الأجزاء