راه تورتر هدا من بعد ماخدا نفس دقينا الباب من بعد المرة لولة وتانية تحل الباب كان بات مليكة راجل فيخا وقار وهيبة
سي مصطفى:سلامو عبكم شنو حب الخاطر حتى بنت ليه انا.بنتي شيماء سلام شكون هاد اناس لي معاك
شيماء:عمي هادو شي ناس طالبين ضيف الله
سي مصطفى:مرحبا بضيف الله مرحبا بيكم دخلو دخل بدر داكشي لي جبنى وحطو دخلنا لصالة ومشا عيط على خالتي الغالية مامات مليكة جات عندنا هيا وراجلها شفتها نضت سلمت عليها حيت كاتعرفني مزيان سلم عليها بدر باس ليها راسها وسلمات على خالتي تورية
خالتي الغالية:مرحبا بضيف الله مرحبا بنتي شيماء.نقزات خالتي تورية
خالتي:ترحب بيكم جنة ونعايمها يالالة الغالية ماعندي مانخبي عليك ولي نطولوه انقصروه بنتي شيماء عاودات لينا عليكم ناس مزيانين والله يعمرها دار وحنا قصدنا دار الكبير وقصدناكم والمقصود الله
خالتي الغالية:ربي يخليك اختي ولكن مافهمتش.نقزات شيماء:خالتي هادي ماما تورية عكوزتي وهادا بدر ولد خو عمي الله يرحمو ماخاصو حتى خير بخدمتو ومافيه حتى بلية وقرا معايا وكايقلب على شي بنت الناس طلباتني ماما تورية الى كنعرف شي بنت وما لقيتش ماحسن من مليكة تباتة ورزانة والاخلاق وحتى هو مانفضلوش قدامكوم ماتلقاوش ماحسن منو سكتو وبقاو كايشوفو فبعضياتهم
سي مصطفى:او والديه ابنتي
خالتي تورية:ولدي بدر باه توفا الله يرحمو ومو بقات مصدومة من موت باه وبقات عايشا فبارا من داكالوقت مارجعاتش كاتعالج تما من صدمة ديال موت راجلها وانا لي ربيت ولدي بدر من صغرو حتى ولا فهاد القد
سي مصطفى:شنو انكوليكوم فاجئتونا بزاف وسمحولينا مادرنا بحسابكوم
خالتي:هانية اسيدي دار دارنا الحمد لله المهم هو وجهكوم هو فضل ناضتخالتي الغالية لمراح وغكزاتني وتبعتها للكوزينة غير جيت عندها جراتني من ودني
خالتي الغالية: اجي اتي اسليعفانة عارفا ناس جايين وماعلمتينا ما والو عاجبك الحال بحال هكا
شيماء:هه خالتي ابشوية ضريتيني راه بغيت نديرها ليكم مفاجئة
خالتي:مفاجئة واخا الالة اش كاتعرفي على هاد دري و عايلتو
شيماء:خالتي صراحة تكال الله يعمرها دار ناس الجود والكرم ودري مامبلي بوالو وكانعرفو من اصغر اخالتي وانا مليكة بحال ختي وكتر مغانبغيش ليها شيحاجة خايبة وهادي فرصة مكاتعوض وماخاصش تفلتو حيت زينت شباب اخلاقا وكولشي اخلاتي راه كانعرف بزاف دبال البنات الى مابغيتوش عولي ديك سليحفانة ديال بنت سعاد جعواقة تديه
خالتي:باش عرفتيها اتديه
شيماء:كبيل فاش كنا داخلين كاطل عليه من شرجم وكتشير ليه بلا حشمة بلا حيا ومها كانت جايا الجيهتنا تجبد الحتيت وتبركبك غير جريتهم لهنا دغية
خالتي:فخبارك راه حتى واحد ولد صاحب عمك مصطفى طلب ايد مليكة غير هو مزال مجاش
شيماء:خالتي ناس لي تعرفي حسن من لي مكاتعرفي وسيد ولد الجود ودار الكبير وجاي كامل مكمول وكون ماشي معقول مايجيش محمل اخالتي توكلو على الله
خالتي:ايوا زيدي وكان عاونيني شنو انحطو لناس
شيماء:سيري انتي اخالتي لبسي شيحاجة وكوليها لمليكة وخلي لي كولشي مشات خالتي لعند بنتها ستفت انا الحلة فطباسل لي جبنا وكرواصة وخرجت بزربة جبت الحليب والعصير رجعت بالزربة درت القهوة واتاي وحطيت العصير وقاديت كولشي جبتو ليهم لصالة لقيت عمي مصطفى مجمع مع بدر وتطلقو فالهضرة وماما تورية وماما مجمعين كايبان لي من شوفات عمي وهضرتو مع بدر انو رتاح ليه ودخل ليه الخاطر وحتى بدر داك توتر لي كان فيه مابقاش الحمد لله يا ربي داكشي لي كانت دايرة فبالي غادي وكايتحقق هبطات خالتي الغاليى تجلس معانا وهي معجبة من الطبلة لي قاديت وصاوبتها دغية
خالتي الغالية:سمحو لي خليتكم وسمحو لينا
خالتي تورية:لا اختي سمحولينا نتوما على هاد دخلة
ماما:ايوا الالة الغالية وسي مصطفى شنو كلتو راح حنا جاين طالبين فبنتكم مليكة على سنة الله ورسولو
سي مصطفى:ايوا اش انكوليك الالة عيشة خاصنا ناخدو شوار البنت
خالتي تورية:هي الولة عيطو لينا على عروستنا نشوفوها
شيماء:انا نمشي نعيط ليها خرجت من عندهوم طلعت نيشان لبيتها دقيت ودخلت لقيتها لابسة قفطان غوز وزيف ديالو نور على وجها
شيماء:هاي هاي على سليعفانة موجدة
مليكة:ههه حشومة عليك حشمتيني راه في الموت ديال الخلعة فرأيك ايبغيو
شيماء:ان شاء الله يكون خير غير انتي عنداك تبيني انك كاتعرفي بدر واياك
مليكة:لا اختي كوني هانية لهلا يخطيك علينا
شيماء:يالاه يالاه راه كايتسناونا شديت ليها فيديها ليكانت باردة كيتلج بالخلعة هبطنا مع دروج دخلنا البيت مع دخلة بقا بدر مبحلق فيها عينيه حتى غمزتو انا باش مايعيقش وحدر راسو
خالتي تورية:تبارك الله تبارك الله وصلى على انبي زين البنات تبارك الله اجي حدايا ابنتي ديت مليكة حدا خالتي بعدما عنقاتها وكلسات حداها وهي حشمانة وحادرة راسها
خالتي:انا ماغاديش نخرج من هاد دار حتى ندي المواقفة ديالكم صافي مليكة ولات بنتي
سي مصطفى:الله اودي الحاجة راها بنتكم
القصة منشورة على قصة بالدارجة.. خالتي:ايوا هي نعتابر هادشي موافقة من عندكم
سي مصطفى:ايوا نسولو العروسة الاول شنو كلتي ابنتي سي بدر نقرة من هضرتو او وجهو الله يعمرها دار وانا عجبني زين ماربيتي الحاجة بقات مليكة ساكتة
مليكة:لي درتيها ابابا هي لي تكون
سي مصطفى:ايوا شنو انكوليكم سمعونا شي تزغريتة العيالات نضت انا لولة بالفرحة ضربتها بتزغريتة فرحت بزاف انو مهمتي درتها على أكمل وجه الحمدلله ربي ماخيبنيش جبنا بدر حدا مليكة حطينا حداهوم الكادويات مشيت الكوزينة جبت بلاطو فيه جوج كيسان الحليب وتمر حطيتو قدامهم والخواتم ركب ليها بدر الخاتم هادشي كولو بزغاريت والفرحة لي فعينيهم ركبات ليه هي الخاتم وشرباتو الحليب وحتى هو هكاك انا كنصور فيهم وفعيني دموع لي كنت حابساهم احساس زوين تشوف جوج بهاد الحب كايتكلل بالحلال مكاين ما حسن من الحلال حب نقي وصافي عمرو تعدى الحدود اي انسان كايبغي تاني الا وكايبغيه فالحلال ويخاف الله فيه كنحس بالفرحة انو مهمتي قريبة تسالي ونجمع هاد جوج ريوس فالحلال عنقت خالتي تورية وماما وخالتي الغالية عينيها فيها دموع شوية بدر جاه تثال خرج يجاوب سمعنا حل الباب شوية كانسمعو تبعبيع طيال الحولي مدخلو لدار هادشي كلو وزغاريت مهرسين دار ضحكنا وفرحنا ونشطنا تافق بدر وسي مصطفى انو العقد غير يجمعو الوراق ويقادو امورهم ايديرو العقد حتى عمي مصطفى مارفضش حيت هو ضد فكرة ديال الخطوبة طول عنقت مليكة بجهد وهي تشكرني فودني حتى قرصتها جا بدر بغا يعنقني وغمزتو هاد دري كايسحاب راسو راه فدارهوم الهبيل نسى راسو دوزنا العشية كولها معاهم وصل الوقيتة باش نمشيو وصلونا حتى الباب تصيفطنا معاهم وخرجنا بدر وصلنا انا وماما لدار من بعد ماتصيفطنا مع خالتي تورية لي داها شيفور ديالها واخا عينا معاها تعشا معانا مابغاتش من بعد بدر مشا وانا وماما دخلنا لدار دخلت وفي الموت دبال نعاس ومسخسخة
اشراق:اووف مكاتفاكيش الالة جا حتا لشارع وق زنقتنا ركبت معاه ومشينا واحد المطعم غزال وقدم الاعتدار ديالو وعطاني تيليفوني تعشينا بجوج هدا مكان
شيماء:اشراق راه كتليك جيني كود ولا راكي عارفاني
اشراق:ههه صراحة هو ضريف عكس كيف كايبان عليه وراجل ونص باينة من هضرتو ايوا وعاود لي على عائلتو انا مو مغربية وباه اسباني مسلم وعاود لي على حياتو دوزنا وقت زوين كملن العشا وصلني لدار وكالي نبقاو على تواصل هدا مكان
عصام:لا والو غير الخدمة انا طالع لبيتي نرتاح شوية وانتي شربي دواك وسيري تنعسي ترتاحي تصبحي على خير. طلع عصام البيتو سد عليه شوية سونا ليه تيليفون جبدو لقا مرات عمو سبحنا على الله اوف واش انا مغاديش نتهنة ونرتاح
عصام:الو مرت عمي لباس
ام بدر:الحمدلله ايوا اولدي شفتك غبرتي ونسيتي موضوعنا
عصام:راني داير جهدي وشيماء قطعات علاقتها بدر هادا شحال
ام بدر:الحمدلله تهنينا من ديك اللفعة
عصام:شوفي الله يخليك عارفاني هاد الالفاظ مكانحملهومش وقيلة نسيتي هاديك خطيبتي وكل واحد يحتارم راسو واخا
ام بدر:كيفاش خطيبتك راح حنا كلنا عارفين داكشي غير مزور خاص مك تعرف بهادشي كلو
تم النشر على قصص مدرب.. عصام:كنقسم ليك بالله وتعرف ماما بهادشي حتى غادي تشوفي وجهي الحقيقي ديال بصح وانتي عارفاني شنو قاد ندير هاد الموضوع تسد ويلى سونيتي باش تجبديه من الاحسن ليك تسدي
ام بدر:حاجة وحدة لي بغيت نعرف امتا نفاتحو فزواجو مع سمية
عصام:ماشي دابا الى فاتحتيه عولي اتخسريه منين يسالي شهر تالت فاتحيه ومن الاحسن لينا وليك انك تشدي تيقارك عندك شوية وبلى ديك المجيان ديالك عندنا مانضا ديالكم كاتوصلكم وكي كتليك مي خليها عليك ولا راه مغادي يعجبك حال وسد عليها تيليفون لاحو فوق ناموسية ودخل يدوش وهو معصب معرفش كيفاش حتى دافع على شيماء وباش حس فاش عايراتها مرت عمو تلق الرشاشة وهو كايفكر فغدا كيف ايكون دوش خرج من الحمام لبس حوايجو من بعد ماتوضى وصلى تجبد فبلاصتو حتى داتو عينو.أصبحنا وأصبح الملك لله عند شيماء فاقت كيف عادتها من بعدت ما غسلات وجمعات بيتها هبطات تفطر لقات ماماها كالسة
شيماء:ماما من هنا لشوية ايجي عصام انتغداو على برا واخا
ماما:واخا غير ماتعطليش بزاف وماتجيني حتى نصاصات ليل راكوم مزالين غير مخطوبين
شيماء:راني عارفة شنو كاين غير كوني هانية من ديك ناحية راكي عارفة بنتك
ماما:انا عارفا طربيت ايدي وعارفاك عمرك مغادي تغلطي حيت ربيتك وعرفت شنو ربيت بستها فحنكها وعنقتها جاني ميساج هزيت تيليفون حليتو لقيت عصام"صباح نور كيصبحتي واش واجدة ولا مزال"جاوبتو "صباح نور با عصام كيصبحتي انا زاز لوز دابا انلبس وماتنساش عنداك تجيني بالكوستيم والله لا خرجت معاك"عصام قرا ميساج ديالها مات بضحك جاوبها "كوني هانية اعبد المولى هههه" قرات الميساج بقات كاضحك بوحدها طلعات لبيتها بجرا لبسات عليها ودرت ريحة خفيفة واكرون وقلم فوق عينها وكلوس خفيف ماهيا حتى شوية سيبط ليها ميساج فيه هبطي انا كانتسناك هبطات بزربة سلمت على ماما وخرجت عندو لقيتو واقف قدامي بقيت واقفة وحالة فيه فمي عمري شفتو بهاد المنضر واي واي سروال دجين وقميجة كحلة ونضاضر ديال شمس وشعرو منفوخ بلا جيل بلا والو كايديه البرد ويجيبو وبروطكان بقيت مصدومة وراني عيقة فشوفان بقا جاي قدامي حط صبعو تحت كادومتي وسد لي فمي
عصام:جمعي فمك راني عارف راسي بوكوص
شيماء:عاد توكضت انا تا اشمن بوكوص راه غير حيت ماضنيتش انك اتتلبس هكا مالفاك ابلكلاس
عصام:ممم يالاه يالاه براكة من الهضرة باش مانتعطلوش جرني من ايدي غادي بيا وانا تابعاه حتى وقفني كدام واحد سكوتر
شيماء:شنو هدا
عصام:طيارة شنو ايكون فنضارك
سكوتر
شيماء:عرفناه سكوتر ديالمن
عصام:ديالي ديالمن ايكون كان عندي من ايام القراية وشحال هادي ماجبدتو
شيماء:ممم هههه بغيتي تطول اتركب فيه
عصام:الجواب غلط انركبو فيه
شيماء:ههه لا كتضحك باينة كاتضحك
عصام:علاش كلت شيحاجة كاتضحك هادا هو لي اركبو فيه انا وانتي
شيماء:لا انت هبيل مافيها شك بغيتي تقتلني انا كنهضر وراجعة بلور يالاه جيت باش نهرب شدني من كمامتي من الفوق وجارني كي دجاجة
عصام:اودي يا ودي معامن انا زيدي زيدي مانزيدش هضرة راكي ضيعتي لينا الوقت بزاف
شيماء:عصام الميمة لا سكوتر الا مكانقدش عمري ركبت فيه كانخاف منو نمشيو على رجلينا وسكوتر لا نبوس ليك راسك
عصام:راسي الا كاينا بلاصة خرى بوسيني فيها.ضربتو الكتفو
شيماء:كون تحشم وبراكة من البسالة صافي زيد زيد راه غير ضحكت معاك انا شجاعة مكانخاف من والو هاد البورتكلي يخلعني طلع طلع وانا راه فخاطري بغيت نبول فحوايجي عصام كايشوف فيا وميت بضحك طلع هو الول وطلعت انا وراه
عصام:شدي فيا باش ما طيحي
شيماء:لا لا ازيد مغانطيح والو تبسم عصام حيت مابغاتش تشد فيه
عصام:مستعدة
شيماء:واغير ديماري مارنا غاديين نجاهدو تبسم وهو يرجع بالور حتى شيماء شويا طيح او ورك بجهد حتا لصقات معاه وشداتو غير ديمارا وهي طلق شيماء واحد الغوة صمكات ليه ودنيه بقات شادا فيه ومغمضة عينيها بقات كاتحل عينيها بشوية حسات بالراحة والخوف مشا وعجباتها ركبة ديال سكوتر بقاو غادين كايضورو فشوارع وزناقي وشيماء ميتة بضحك وناس كايشوفو فيهو فينما دوز من حدا الكوار تشير ليهم الهبيلة وحتى هونا كايشيرو ليها عصام عاجبو الحال بزاف تطلق ومابقاش عصام الوالي ولا هبيل ومفروح حتى نغزاتو شيماء يوقف وقف فواجد البلاصة
عصام:مالك ياكما دختي
شيماء:لا نسيتي اتفاقنا انا لي انوجهك فين مشيو
عصام:ياه
يالاه الالة وجهبنة ورينة حنت ايديك
شيماء:ممم واخا اسيدي دبنا لجامع الفنا
عصام:شنو انديرو فيه
شيماء:واش انت شغلك كتليك دينا دينا
عصام:واخا الالة يالاه ركبي ركبت وراه وحنا غاديين كانتخيل راسي فشي فيلم هندي بحال الى عصام شاروخان وانا انشوكا شارما وكانغنيو جياري جياري بقينا غادين عجبني الحال صراحة حتى وصلنا لجامع الفنا كان الجو يا سلام الارض بدات كاتنشف من ستا ومكاينش البرد ودنيا عامرا وقف عصام اسكوتر فواحد القنت
شيماء:دابا اتزيد قدامي وفينما ديتك كول واخا
قصة من قصص 9esa.com.. عصام:ولكن راه فيا جوع نمشيو شي مطعم ناكلو
شيماء:الا الا حتة لماكلة انا انختار غير هو انت لي اتخلص طبعا ههه
عصام:عارفاك بغيتي تنتاقمي مني غير زيدي وكان الله يخرج هاد انهار على خير جريتو من ايدو وانا غاديا بيه وسط جامع الفنا مشينا عند واحد سيد كايدير شي كاسكروطات ديال سوسيط والحار واو يا سلام عندو داكشي نقي
عصام:من نيتك بغيتينا ناكلو هنا واش بغيتي تسمينا شكون كاليك هداك ماشي لحم الحمار ولا الكلاب وانتي بغيتي تخشي فوجه
جبد تيليفونو وبدا كايصورها وهي كادير فالبوزات من هنا ومن الهيه حتى سخفاتو تصورات مع الكراب مع مول زيتون من بعد ماكشطات ليه كاع زويتينات مع مول شباكية والعطارا ماخلات فين تصورات وتصور حتى فعصام ماقالتوش مسكين بقاو من هنا لهيه خرجاتو من تم طلعاتو لواحد القهوة الفوق
عصام:حتا يالاه كلينا لاش القهوة
شيماء:مكاينش لي كايجي الهنا ومكايشربش اتاي ويتقابل معا جامع الفنا كولو كلسنا جاب لينا سرباي واحد الراجل جوج كيسان اتاي بنعناع وحطهوم بدينا كانشربو ومرة مرة كانحصل عصام كايشوف فيا ويضحك كانكولو مالك كايكولي والو وحنى مقابلين مع داك المنضر روعة كملنا اتاي ديالنا وطبعا عصام لي خلص هبطنا وانا جاراه كانضورو جريتو لحدا واحد الحلقة ديال القرودة بقينا واقفين وحنا كامتفرجو عصام ماحس براسو حتا حط ايدو على كتاف شيماء وحتى هي ماعرضاتوش بقاو كايتفرجو شيماء ميتا بضحك فالاخير دخلات وسط الحلقة وهزات القرد فوق كتافها وعصام ميت بضحك وكايصور فيها من بعد خرجو من الحلقة غاديين وكايضورو ونقاشات كايعيطو لشيماء تنقشنقاشة1-اجي ازين نقش ليك
نقاشة2-اجي اجي لمراتك .عصام بقا كايشوف فيا وانا كانشوف فيه تبسمت ومشين المرا الولة جلست وعطيتها ايدي نقشات لي ايد وحدا وخلصها عصام من بعد مشينا جيهت الكوتشي ركبنا وبقا غتدي بينا وكايدور بينا مراكش واحد شعور واحد الاحساس زوبن بزاف ماسخيتش بيه ومابغيتش انهار يسالي عصام حاضي شيماء بعينيه تصرفاتها وحركاتها وضحك ديالها من خلال هاد الخرجة عرف عليها بزاف ديال الحوايج وحتى شيماء كتشفات واحد الجانب عند عصام حس الفكاهة والمرح من بعد الدوران فالكوتشي رجعنا لجامع الفنا
عصام:ودابا شنو جاي
شيماء:ههه تبعني
عصام:ههه الله يستر معاك وصافي يالاه الالة هاحنا تابعينك نشوفو فين اتخرجينا جربتو من قميجتو وديتو وسط ساحة
شيماء:ههه اودي ازيد نعيرك ومنخليش لي يعايرك شيماء ماحسيتش بيلي كالتو عصام وقف وبقا كايشوف فيها وعجبو الحال دارت مالقاتو وجات جراتو من ايدو
شيماء:وانت زيد شفتك تقلتي الكرافس دار خدمتو ههه الخرجة لي انخرجو من جامع الفنا عيطات علينا واحد سيدة شدات لي فيدي
المرا:زوينة حلي ايديك نشوف ليك فالك
شيماء:ههه ربي لي عالي وعلم الالة
المرا:غير تيقي بي وديري نية وحلي ايديك شفت فعصام وحليت ليها ايدي بقات كاتميح عليها وكاتشوف
المرا:قدارك قريب ليك ابنتي ومحساش بيه البنت البيضا للولد سمر لي عينيه كبار وطويل مكاتبالو ومكتاب ليها واخا اتبكي ومن بعدها اتفرحي واخا طيري ولا تنزلي وديري لي درتي انتي ليه وهو ليك قداركوم مكتوب ومامنوش هروب ابنتي ولي جاي زوين ان شاء الله ودكريني ابنتي واتكولي مي يامنة كالت انا بقيت ساهية فهضرتها وحتى عصام حيدت ايدي وتبسمت ليها وحطيت ليها الفتوح فيديها مشيت عند عصام ضرت ورايا نشوف ديك المرا ولقيتها كاتشوف فيا ومبسمة لي حدرت راسي وتمشيت جيهت عصام وانا ساكتة هضرتها خلات في شيحاجة مافهمتهاش شكون هاد سمر وكيفاش انبكي وانفرح مافهمتش حيدت هاد الهضرة من راسي تخاريف مشينا جيهت سكوتر سبقت عصام وركبت
عصام:هاي هاي وليتي زاعمة فين مشا الخوف
شيماء:ههه الخوف باح ركب ركب ركب عصام وديمارا وزدنا تاجهنا لواحد البلاصة كاتخرجي على مراكش شوية فيها غير الرمال وتوريس واعرة نصارا راكبين على جمال حطينا اسكوتر مد لي عصام ايدو بقيت كانشوف فيها وشديتها ليه كيشي عشاق بقينا غاديين عند واحد الراجل هو المسؤول تماك مد عرفنا علاش جايين عطانا جوج شدودة زرقين درناهم على شمس ودانا جيهت اجمال عصام ركب عادي بحال الى مالف انا واخا في ديك زعامة ولكن خفت الراجل مسكين شجعني وركبني اوراني كيندير الوقفة لي ايوقف جمل شوية ونطيح ولكن شديت فراسي بقا مكودو الراجل وكايدو بينا ومع شمس بدات تغرب واحد الجو رائع صراحة عجبني الحال نسيت راسي بحال الى عايشا فعالم بوحدي من بعد شحال من دورة عصام نزل هو الاول وخدا تيليفونو وكايصورني وانا كانتبوزا حتى شبعت بوزات عاد داك الراجل نزل اجمل ونزلني انا من فوقو تشكرناه انا وعصام وخلصو وتمينا راجعين كاينا واحد القهيوة تما كلسنا نرتاحو فيها دخلنا وتقابلنا مع شميشا خدا هو عصير الحامض وحتى انا بحالو وحنا مراقبين شمس كاتغرب بقينا ساكتين شحال منين كانشوف فعصام كانلقاه ساهي فاش كيفكر زعما كانرجع نشوف قدامي وعصام كايشوف جيهتي بدات شميشة كاتغرب وبدا الحال كايضلام
شيماء:نمشيو
عصام:صافي سخيتي اشنيولة
شيماء:انا ماشي شنيولة اراس المقلمة
عصام:ههه راني كانحسبهوم ليك الى حصلتي تودي
شيماء:حتى نحصل ونشوفو دابا يالاه بينا يالاه
عصام:شوية دلعقل مكاتكسابيهش زدنا مع طريق ركبنا فسكوتر وديمارا عصام كانحس كاع طاك النشاط رجع علي بالعية قربنا نوصلو لدار بدات شتا كاتصب شي قطرات خفافين عجبني الحال بزاف واحد الجو رائع نغزتو اهو يوقف
عصام:شنو تاني راه قربنا
شيماء:لا بغيت نقوليك هبطني غير هنا صراحة كنحماق نتنشى فشتا ممكن
عصام:هه واخا الالة ممكن ولكن ضروري نتمشى معاك حتى توصلي
شيماء:لا بلاش والله انا نمشي بوحدي
عصام:واخا الالة بلاما نضغط عليك
شيماء:يالاه بسلامة عليك المشية لي بغيت ندور شد لي ايدي ودورني لعندو
عصام:بهاد زربة هادي اول حاجة بغيت نشكرك على هاد انهار صراحة عمري دوزت بحالو احسن نهار فحياتي شكرا بزاف حسيت عندي طاقة جديدة
شيماء:شكر ليك حتى انت لي سلمتي لي راسك ودوزت معاك احسن نهار
عصام:ممكن المشاغبة ديالي تخليني نعنقها ونشكرها.بقيت كانضحك حل ايديه وترميت بين ايديه عنقتو وحتى هو عنقني بجهد بقيت شحال بين ايديه عاد حيدت شوية بشوية وشفت فيه عينيه كايبريو
شيماء:تصبح على خير
عصام:تلقاي الخير .خليتو وزدت فحالي ولكن عصام مامشاش بقا تابع شيماء وشافها كيف غادية فشتا وكاتلعب وهو متبعها بالعين مقدش يحيد عينيه عليها حتى دخلات لدار عاد رجع ديمارا سكوتر ومشا. تم النشر على 9esa.com.. شيماء دخلات دار وهي فرحانة دوزات احسن نهار مع دخلة لقيت ماما كالسة كاتسناني
ماما:على سلامة ابنتي اش هاد تعطيلة
شيماء:راه غير خدانا لوقت اماما ودزنا عند خالتي تورية
راه كنا عند خالتي تورية وشداتنا لكسكروط داكشي باش يالاه جينا مابغات طلقنا غير بزز
ماما:واخا مهم سيري دابا بدلي عليك واجي تعشاي
شيماء: لا اماما مافي لي ياكول انبدل ونتوضى نصلي ونعس
ماما: واخا سيري الله يقبل انا نيت انمشي نعس عييت اليوم مع سوق.طلعت لبيتي لحت ساكي وطحت فوق ناموسية كانشوف فسقف وكانضحك بوحديتيتي كانتفكر هاد انهار كيداز عمري ماكنت على راحتي بحال هكا حتى اليوم نسيت كاع العداوة لي كانت بيناتنا عصام لوكان عارف حقيقتي مكانش ايتعامل معايا بديك طريقة واخا انا فرحانة كنت معاه او كانحس بشيحاجة فقلبي ولكن عصام خاصو يتعلم هاد درس باش مايغروش المضاهر نضت نعلت شيطان ومشيت نتوضا ونصلي نخليو شيماء ونشوفو عصام من بعد ما وصل شيماء ورجع لدار دخل سكوتر لكراج وطلع مع الباب الوراني لدار نيشان لبيتو دخل لاح ساروت حيد حوايجو ودخل يدوش من بعد دوش مسح المرايا ديال الحمام كايمسح راسو بالفوطة طلع راسو كاتبان ليه وجه شيماء فالمرايا مسح المرايا مزيان مامتيق شوية مابانتش بقى غير كايضحك وكايتفكر تصرفاتها البريئة وزوينة وضحك ديالها وحماقها عيشاتو نهار ولا فالاحلام خرجاتو من ستريس ديال الخدمة ومن روتين اليومي ديالو كايحس انو عندو طاقة جديدة وايجابية ماسخاش بيها فاش تفارقو كان باغي يقضي معاها أكبر وقت ممكن وفاش ضمها ليه مكانش باغي يخليها ولا يطلقها كان باغي يخليها بين ايديه فبلاصتها فين خاصها تكون بقا كايضحك مع المرايا مسح راسو وخرج من الحمام لبس حوايجو تكا فوق ناموسيتو بقا كيفكر هز تيليفونو ومشا لنمرتها بدا كايكتب فميساج"شكرا بزاف على هاد انهار لي خرجتيني من روتين ديالي عشت احسن واروع نهار فحياتي المشاغبة ديالي" صيفط ميساج وبقى كايتسنى فشيماء تجاوب بقا بزاف كايتسنى مجاوباتوش خاف لا تكون رجعات تاني لا موبلات ديالها او لا تكون نعسات من بعد شويو سونا تيليفونو لقا ميساج من عندها علاش حس براسو فرحان فاش شاف سميتها احساس غريب ولا كايحسو ومابقاش فاهم راسو فتح الميساج ليكان كتالي"سمحلي مجاوبت مكنتش حدا تيليفون شكرا ليك حتى انت لي سلمتيني راسك لهاد نهار ودوزت معاك احسن نهار فحياتي"عصام فرح بزاف منين قرا هضرتها رجع ليها الميساج"ايوا دابا سيري رتاحي ونعسي مزيان غدا خدامة ههه" بقا شحال كايتسنا عاد جاوباتو"شفتي دابا جيتي حتى الاخر وخسرتيها علاش تفكرني علاش اراس طارو"قرا الميساج وهو ميت بضحك كايعجبو فاش كاتكوليه هاد الهضرة جاوبها"ايوا ماتنسايش راني المدير ديالك شفتك كاتعايريني" من بعد شوية جاه جوباتو"مازال ماوصلات 12باش يدخل تنين باش تولي مديري بغيت نسغل الفرصة بحال قصة سندريلا هههه يالاه تصبح على خير احلام لديدة با عصام" قرا مساجها وضحكتو عند ودينيه جاوبها"تلقاي الخير المشاغبة ديالي" حط تيليفون حداه شوية رجع هز تيليفون مشا بلاصت تصاور وبقا كايشوف فتصاور شيماء وهو مبسم هاد انهار خلاتو مبسم وضاحك حط تيليفونو ومشات بيه عينيه عند شيماء من بعد اخر ميساج مع عصام حسات انا يوم على يوم كاتعلق بيه ولكن مايمكنش هادشي ودغية حيدات هادشي من بالها وطفات الضو ونعسات. اصبحا وأصبح الملك لله.
شيماء:اه حكا فكرتيني ماصيفطيش لي دوك تصاور فالواتساب
عصام:مممم ويلى مابغيتش
شيماء:ماشي مشكيل بخاطراك شاف فيها وهو مستغرب وهاز حجبانو فيها
شيماء:مالك شنو بيك كاتشوف فيا
عصام:حيت هادي اول مرة مكاتجاوبيتيش فيها ولا كاتقابحي معايا داكشي باش دخلني شك واش هادي انتي ولا كدبت
شيماء:لا لا هادي انا راه غير انت حاكرني وصافي
عصام:دابا انا رجعتيني حكار واش هداك وجهك ولا مسلفاه
شيماء:والله حتى وجهي ومالي كدبت علاه انت ماشي حكار ومسموم ومستبد ومستفز وكاتعدى علي وبزاف راه كاينين شهود شاف فيها عصام وهو يتكرشخ بضحك من تصرفها طفولي والبريئ مكايسخاش من هضرتها
عصام:ايوا راه حطان الباطل ساهل خصوصا انتوما راه كاالوها ان كيدهن لا عظيم
شيماء:اه ومنا انتوما غير ساهلين تبارك الله خليني ساكتا وهو يوقف فواحد البلاصة بقيت كانشوف فيه
شيماء:علاش وقفتي هنا
عصام:لا باش انتفاهمو على هادشي نيت كيفاش انتي قضيتك كاتعايريني وسبيتيتي من البارح وانا كانجمعهوم ليك ولا انسيتي شنو ندير فيك دابا
عصام:كاتحطي ايدك علي بلا حشمة بلا حيا وهو يجبد لي حنوكي بيديه
شيماء:اوتش حنيكاتي حشومة عليك وانا نهز ايدي وانا نخبليه شعرو مع رطب وشعكاكتو ليه ولا كايبان بحال شي ولد صغير وحنا نبداو كاندابزو هو كايجبد لي حنوكي وانا نخصر ليه شعرو بقينا هكاك
شيماء:ستووووووب.وقف بقا كايشوف فيا بقيت كانشوف فيه وحنى نتكرشخو بضحك حبسنا ضحك بقا كايشوف فيا وانا كانشوف فيه كانو حنيكاتو حمرين وعينيه مدمعين بضحك وشعرو مخربق كان منضر ديالو زوين بزاااف عصام بينو وبين راسو كانت شيماء وجها حمر وحنيكاتها موردين وشي زغيبات خفاف خارجين ليها من زيف ماحسش بيديه حتى مشاو ليها لوجها وهز ليها دوك شعيرات ودخلهوم ليها تحت زيف شيماء منين حسات بيديه على وجها حسات بحال الى شي تنويم مغناطيسي طلق عليها لمسة ديالو حنينة على وجها غمضات عينيها وحسات انها مكايناش فهاد العالم عصام ستسلم لماشاعر ديارو خصوصا منين شاف شاف عوينات شيماء مسدودين بدا كايقرب ليها حتى قرب لفها وطبع قبلة عميقة على فم شيماء حتى هي مقاومتوش ستسلمات لقبلات ديالو وبدلاتو نفس القبلة لي كانت كاتحكي على شنو كايحسو او بالاحرى شنو ولاو كايحسو نساو فين كاينين كايحسو انهم غير بوحدهوم لي كاينين فهاد العالم عصام لي معنق شيماء بكل قوتو وبكل رفق وحنان وشيماء لي معنقاه بيديها وشيحاجة مخلياها انها ماتطلقش منو وتوقف البوسة حيد عصام بشوية وبعد على شيماء وهو نازال شادها من كتافها منين شاف المنضر ديالها كان بحال شي لوحة مرسومة فولارها لي نزل كولو وتحيد وعينيها لي كايبريو حنيكاتها لي حمرين طبيعيا وفمها لي ديال كي فريزة بقا شحال هو كايشوف فيها وحتى هي هكاك حدرات راسها رجع حط ايدو على تحت فمها وهز ليها راسها قرب ليها بشوية وطبعة بوسا على جبينها طويلة شافت فبها وتبسمات ولات نضارتهوم هي لي كاتهضر بغات تقاد زيفها ولكن وقفها بحركة من ايديه
عصام:لا خليه
شيماء:ولكن...
عصام:لا غير خليه حتى نوصلو ورديه.شاف فيه وخلاتو ديمارا عصام طوموبيل ومشاو مرة مرة كايدور كايبقى يشوف فيها ويشوف فطريق وترجع هي تشوف فيه وتمعن فملامح ديالو الرجولية ومنين يبغي يشوف فيها تدير راسها مكانتش كاتشوف فيه بقاو هكا حتى وصلو لوطيل حيد هو الحزام وحتى هي حيداتو وبغات تفتح الباب باش تخرج ماحسات بيدين عصام حتى حتى رجعاتها لبلاصتها لكرسي بواحد جرا لي كانت اتكلع ليها ايدها من بلاصتها
شيماء:اي ياك لباس كنتي اتكلع لي ايدي غير بشوية عليك وبلخاطر شاف فعصام لقات شوفاتو تبدلو ولاو كلهم شرر
شيماء:ولكن انا راه غير...ماخلانيش نكمل ليه اني غير نسيت اني مادايراش زيف بزربة هزو ولاحو لي على شعري
عصام:قادي فولارتك سربي ايدوز اي واحد ويشوف شعرك عريان ولا انتي كايعجبك شوفات ديال رجال ليك وغزلهم ياك
شيماء:اش هاد الهضرة وهاد تخربيق لي كاتكول رجعتي لعوايدك تاني ولا شنو بضبط دغية تقلبتي
عصام:ساليتي هضرتك يالاه تعطلنا على الخدمة جيت نهبط رجعني تاني ودخل واحد زغبة ماشفتهاش
عصام:منين تبغي تقادي شيحاجة قاديها مزيان ودابا يمكن ليك تهبطي مافهمت والو فتصرف ديالو بقيت كانتعجب هبطت وردخت الباب ورايا وزدت ماتسنيتوش علاش يتصرف معايا هكاك شنو كايسحاب ليه راسو بوراس لاخور منعم داز كالي صباح الخيﻻ رديتها عليه بلا خاطر مافهم والو مسكين طلعت فلسانسور دغية مشيت لحمام هو الاول قاديت زيفي مزيان او وجهي عاد رجعت لقاعة مع دخلت لقيت نزار كالس هو شاف .
شيماء:صباح نور عليكم كيف صبحتو مزيان
شاف:صباح نور
نزار:صباح الورد انتي لي كي صبحتي مزيان
شيماء:الحمدلله بخير وعلى خير خصوصا منين شفتكوم
شاف:ممم اش كاديري لجير
شيماء:هههه لا حاشا سباغة هي لي كاتشد اما جير دغية كايطير هههه
نزار:ايوا صباحكم مبروك نخليكم مع خدمتكم خاصني نكمل شي خدمة عندي يالاه غادي يخرج وهو يرجع راسو من الباب
نزار:شيماء فكرتيني شكرا بزاف انا درت شفت فيه بتعجب
شيماء:علاش كاتشكرني شنو درت
نزار:هههه دابا تعرفي غمزني وضحك وسد الباب وراه
شاف:علاياش كايهضر
شيماء:علاه شكون عرف حتى انا مافهمت والو المهم ماعليناش كاينا شيحاجة اليوم
شاف:اه كاين جايين شي ناس من الخليج ضياف المدير وخاصنا نبداو من دابا مشينا
شيماء:اه واخا
شاف:اوكي تبعيني تبعتها للكوزينا اللتحت عطاتني قائمة بجميع المأكولات لي غادي نديرو خلاتني وطلعات هي الفوق تشوف تحضيرات قاعة لي مختصة بالعزومات بديت انا وطاقم فتحضيرات من مأكولات مغربية وعربية بحال اروز البسمتي باللحم ودجاج وبزاف من حلويات عربية وديسير المهم كملنا خدمتنا على أحسن الاحوال خليت المكلف بتحضيرات ديال البيفي يقلد كولشي فبلاصتو وطلعت غسلت ايدي وقاديت حالتي مشيت عند شاف لقيتها فالقاعة كانت المادوبا وطبالي بحال جلسات وناسه هههه وريحة البخور كاتعطي فالقاعة بدا طاقم كايدخل كولشي ويحطة فالبيفي وانا وشاف واقفين هاد المرا بجوج من بعد شوية بداو ضيوف كايدخلو فالاول كانو شي وحدين كبار فالعمر شوية بدا الشباب كايدخل غير واحد ينسيك فتاني غزلان بقا عصام مادخلش حتى لشوية دخل هو واحد خيتي دايرا بحال دوك لي كايجدبو فدوك الاغاني الخليجية لابسة عباية طويلة مرصعة بالحجر وشعر طويل حتى للخصر لونو كحل وعينين كبار ومجبداهوم بالكحلة واحد الفم يعكرو منو 20وحدة وكلها مجوهرات داخلين وشادة فسيد لا طيح مسكينة دخل سيد ماكلفش راسو حتى يشوف فيا ياك حنا ولينا صحاب واصدقاء كايكركر هو وياها بحال غير هوما لي فهاد العالم مشاو خداو بلاصتهم بداو اسربايا كايحطو فالمقبلة وانا غير حاضية دوك جوج ينزل عند ودنيها ويوشوش وهي ميتا بضحك وتنزل عند ودنيه تاني وشعرها تلوحو عليه زعمة عندها سالف سالف عند العودة وكاتزبل عليه مالي انا واش شغلي اش دخلني ضبر راسهوم ولكن لا خاص يدير الاعتبار لي ياك حنى مخطوبين قدام ناس اش ايقولو ولكن هو مادار والو حسيت بالشاف كاتحركني
شاف:مالكي ياك لباس كانعيط ليك فين ساهية
شيماء:لا والو فحتى بلاصة.كملو نن مقبلة وبداو فالغدا بديت كاندور على طبالي ونرحب بيهم كان بيتاتهم واحد سيد غزال كايحمق كايهبل منين دخل وهو يشوف فيا ومبسم حتى وصلت حداه...
طباخة الرئيس الجزء التاسع
محتوى القصة
التنقل بين الأجزاء