عذبها ظلما.. فغدرته قصدا الجزء العاشر

و عروق دجبينو خرجوو غي شاافتو و هي تبغي تهررب.. هو يشدها بيدو من رقبتها.. و خبط ليها راسها مع واحد طموبيل حتى ولات كتشوف نجوم في عز نهار.. و هو كيغوث بدون وعي.. يزن: هضرري العااهرة شحاال من واااحد دايرا من وراا ضهري دووييي😡.. تجرحات في جبينها و مع ذلك مزال كتغوث و نزل عليها بتصرفيق وحدة تلوى لأخرى.. حتى تحل سانسور و خرج منوو يعقوب كيجرري جااي في اتجااههم.. جروو من عليها و جرها من يدوو..و هي تخباات من وراا ضهرو كتبكي.. يزن: ماا سقوووكش في هددشي طللع فحاالك.. يعقوب: اش هد لحاالة شوف اش درتي.. يزن: برربي و ماا تحيد حتى نخلطك معااهاا.. يعقوب: لااا قدررتي تعاااالى..شدووه نتووما فاش كتفرجوو.. غي سمعوو كلام يعقوب هما يشدووه و هو جر هديل من وراه.. و مشى لطموبيلتو.. طلعوو و كسيراا و خلااوه من ورااهم كيغوث.. طلقووه و مشى يجرري لطموبيلتو تبعهم.. و هو كيقول.. "غنقتللك ألقحبة" سكيريتي عيطو لاسعاف..بأمر من يعقوب.. وصلو لفيلا.. و نزل و تبعااتو هديل وجها مجخلط بدم.. فتح لباب.. غي شافت نفس حالتها تفزعات.. هما يسمعو فران قوي على براا.. يعقوب: نفس طلعي نتي وياها لفوق.. حركات نفس راسها بالايجاب و شدات منها و غاديين طالعين في دروج حتى زمجر بصوتو.. يزن: معنددك فين غاادة غتبعييييني و دبااا مزاال ما ساالينا.. هديل غي شافتو ولات كتفيبري و بدات تبكي.. يعقوب: غتمشي فحالك لا.. و هي مهتمشيش معااك.. يزن: معندكش لحق ايعقوب رااك كتغلط.. يعقوب(خشا يديه في جيابو): و نتا عندك لحق..براا خررج.. يزن: هديل نزلي.. حركات راسها بلا.. يعقوب: سولها لا بغات تمشي معاك ها لباب قدامكم..هديل واش باغا تمشي معاه.. هديل: لا لا هيييئ لا.. يزن(زفر): واااخاا.. دار خرررج و تبعوو..شاف في لحرس يعقوب: هاذا لا رجع نبغييه ميدخلش هنا سمعتوو..و شددو لحرااسة.. حرك كبير الحراس راسو باه.. و رجع دخل يعقوب.. و كيمسح على راسو.. نفس طلعات معاها لبيت يزن و جابت ليها من حوايجها.. نفس: دخلي دوشي و رتاحي من بعد و حكي لي..و متخافيش يعقوب مغيخليهش يقيصك.. حركات راسها بأه و هزات لحوايج و دخلات دوشات من بعد نشفات لحمها و لبساتهم.. و خرجات و خايفة شافت في لمرايا وجها كلو زرق.. حتى رجعات عندها نفس جايا و دايرا يدها على خسرها و جلسات.. نفس: ياله عاودي لي.. جات عندها و عاودات لها كلشي من لأول.. و بدات تبكي و تسب فيه..

هدناتها و قالت لها بلي فاهم لموضوع و غتحااول تهضر معاه هي بنفسها.. و ريحاتها نوعا ماا.. و خرجات خلاتها ترتاح.. حتى وصل وقت لعشاء.. و عيطو لها تعشى معاهم و نزلات حانية راسها و جلسات كتاكل.. نور: هيي مالك اهديل مالو وجهك.. يعقوب: شنو وقع بيناتكم نفس: صافي من بعد و نعاود ليك بلا متفكرها..نور الا كملتي سيري لبيتك.. نور: كتجري عليا 😞 واخا تتجي لعندي و نوريك.. ناضت من حداهم و تبعاتها نفس تراضيها و كملو ماكلتهم في صمت.. و هديل انساحبات بهدووء من حدا يعقوب .. و طلعات لبيتو.. و هي تفكر ليالي لدوزات هي وياه هنا و بداات تبكي.. واش لهد درجة مكيتيقش فيها و كيشك فيها ؟؟ بقاات تبكي حتى غفات.. و نفس يعقوب كانت جالسة كتعاود ليه مسطحة فق سرير و هو كيلعب في شعرها.. و قالها هو بنفسو غيصلح لأمور بيناتهم.. و نعسات كيف كل ليلة في احضانو.. و كيهمس فط اذنها كلام من الغزل..حتى غفاو.. صباح يوم جديد.. فاق يعقوب دخل لحمام دوش من بعد لبس لباس رسمي.. و تاجه لعندها باسها في جبينها.. و خرج مشا لطموبيلتو.. و اتاجه لعملوو.. يزن جالس مسرح فق لفوطوي و شاد كاس دويسكي و قدامو راجل بزي رسمي.. يزن: شووف غدخل لفيلا و غتجيبها لياا..بلا ميشوفك حد سمعتي.. الرجل: يعني غنخطفوها.. يزن: اه دبا هد صباح تكون عندي غنربي والديها مزيان على لخيانة و على رفض..يااله تگعد..و ديها لدار ديل جبل غنسيفط ليك عنوان في مساج..غنخلي مها هد لمرة مربوطة في شجرة شهر..تا تربى..والله و متجيبوها تنقتلكم وااحد بالوااحد.. ناض راجل و هو بقا كيشرب و عينيه حمريين..و كيسب فيها و يتحلف عليها.. مشى راجل عطى تعليمات لجوج رجال يدخلو لفيلا يجيبو هديل و هو جاه لعننوان ددار و سبقهم ليها بقا كيستناهم..

سبقهم ليها و بقاا كيستنااهم.. هما وصلو ودخلوو و قفو في جناب و لحرس ديول لفيلا ما داو ما جاابو ... ضنو بانهم وحدين جداد تزاادو عليهم.. و قفو مقابلين مع بعضهم.. حتى دار واحد فيهم اشارة.. و مشا دخل من باب دلكوزينة و لاخر ستنى حتى لقى لفرصة عاد دخل من لباب و سدو من وراه.. تلقاو عند دروج و طلعوو كيجريو.. هديل كانت خارجة من لبيت غي شافتهم خرجو عينيها و سدات لباب بساروت.. و رجعات لور..و هما مشا حتى بانت ليهم نفس خرجات لابسة كسوة بالحمر كمام حد ركبة صوفيك و بانطوف معاها حمرة.. و جامعة شعرها لأسود لفوق و عطاتهم بضنر و غادة و هما يتبعوها يجريوو... سمعات لخطاوي و هي تلافتت ياله غتغوث هو يجبد واحد فيهم طرف ثوب فيه مخدر و حطو ليها على انفها حتى ذاخت و طاحت في احضان واحد منهم و هزها.. و مشااو يجريو.. هديل عاودات فتحات لباب شافتهم هازينها و هي تغوث.. هديل: نفسسس لاااااا شكوون نتووما.. تلافتت ليها وااحد فيهم و هي تجي تجري و بدات ضرب فيهم هو يشدها و ضربها بمرفقو لقرفادتها حتى طاحت دايخة في لأرض.. و كملو طريقهم.. فتحو لباب ما لقااو حد من لحراس هما يمشيو يجريو لطموبيل طلعوهاا.. و كسيرااو..لعنوان لي رسل ليهم شيف ديالهم.. دازت ساعة تقريبا.. و خرجات نور من غرفتها و هي تلقى هديل طايحة في لكلوار.. و هي تمشي تجري لعندها مخلووعة و بدات كتحرك فيها.. نور: هديييل.. ختي هدييل فيقي هديل.. ماالك نووضي.. هديل بدات كتفتح في عينيها و رؤية كتوضاح ليها بشوية.. و كتشوف في فين و نور ضحكات فاش شافتها فاقت.. نور: هديل مالك.. هديل سرعان ما تفكرات نااضت تجرري و مخلووعة.. و هبطات لتحت.. فتحات لباب و هي تلقى واحد من ليكارد.. هديل: دااووها.. داااوهاااا.. الكارد: شنو اختي.. هديييل(شنقاات عليه): فيييين كنتتيي الحمااار..فيين هماا الكااميراات دلفيلا كااملة فييين هما... كانت كتغوث بهستيرية طلقات منو و هبطو لا كاب داها لغرفة فين كاين لكاميراات.. و رجعات بلفيتيس لوور..و هي تشووفهم..و لكارد بقا مصدوم و معارفهم امتى دخلوو..و عرف صافي كحلها هاذي نهايتوو..و لا كيلهت.. هديل: هااا همااا.. فيين تليفوونك عطيني نمرة موسيوو يعقووب عطيييني.. شنوو كتستنى.. جبد تليفونها و دوز لها نمرتوو...صوناا شحاال عاد جاوب.. هديل(كتهضر بالزربة): موسيو يعقووب.. يعقووب نفس نفس خطفووها عااد دبااا شي رجاال اجي دباا.. يعقوب حس بقلبو غيوقف فاش سمعها شنو قالت حااول يفهم منها اكثر لكن دااغي قطعات هوو.. نااض يجرري.. و گاع لموضفيين حاضيينو وقف يستنى في سانسور لقاه معطل هبط يجري في دروج.. حتى وصل لتحت و ركب في طموبيلتوو..و كسيراا و عقلوو كلو. مع نفسوو (نفس) و رووحوو.. نفس ملي وصلوها لدااار لفي جبل دخلووها و سرحوها في احدا الغرف.. و خرجو كيستناو في شيف ديالهم حتى جا و خبروه بلي كلشي دااز هو هاداك.. و صونا ليزن و علمووه..لكن غي دخل شيف ديالهم شافها بلع ريقو و عينيه خرجوو.. و بدا يسب فيهم و يلعن في راسو وعاود صونا ليزن.. يزن: وااش زامل بوكم معند مكم شغل..شنو كاين ثاني..

يزن: وااش زامل بوكم معند مكم شغل..شنو كاين ثاني.. .... : سي يزن رجال لي سيفطتهم يجيبوها غلطو و جابو وحدة اخرى حاملة.. يزن: اش هد لموصيبة اولد لكلبة طيحتيني فييها.. متقيصووهاش هاني جااي دباا.. قطع معاهم.. بعد مدة وصل لعندهم.. و لقاهم كيتسناوه على برا غي شافووه حتاو ريوسهم قرب ليهم و بدا يركل و يسب.. يزن: مشيتو فيها يا ولاد لكلاب علاش كتصرف من راسك واش انا قلت ليك حاملة.. وزايدها مسيفط هد شمايت اه هضر ليوما نهايتكم على يد يعقوب الديمير.. بعد منهم كيفكر في شنو يدير.. نفس لداخل حلات عينيها غي تفكرات شنو وقع ناضت شادة من خصرها و خرجات دخلات لصالون بانو ليها رجال من سرجم.. بدا قلبها كيضرب في تسعين خافت لا تكون نهايتها و نهاية ولدها لكانت تتوق ليلا و نهارا لرؤيته.. على يديهم.. دخلات لدااك لبيت و سدات عليها و هي كترجف بالخلعة.. بان ليها سرجم مشات ليه و فتحاتو و هي تبان ليها غي الغابة.. بدون ما تفكر تعنكشات و طلعت فيه و نزلات كان هابط لأرض.. و مشات تجري دخلات وسط لغابة و هي حفيانة و شادة من كرشها.. و تجرري بلا عقل و بدات شتا كتهطل بغزارة و هي همها غي تبعد..و لحجر حاد كيضبرها في رجليها و هي تبدا تبكي و مزالها كتجري و حاسة بقلبها غيوقف.. سردات كلها بالماا.. و ولات كترجف و كتسمع صوت رعد و هي بوحدها وسط لغابة.. حتى حسات براسها بعدات بزااف عاد وقفات كتلتاقط انفاسها وهزات راسها لسما كطلب.. نفس: ياا ربي يا ربي حفظ لي ولدي يا ربي بعذهم علينا يا ربي يا ربي عاوني انت المستعان به يا الله..هيئ.. بداات تبكي يالله غتمشي بخطوة و هي تحس بالحريق في كرشها و شدها لوجع.. زادت خطوة و مبقاتش قادرة و هي تجلس تحت واحد شجرة..و لوجع كيقطع فيها و هي كتبكي..حسات بالماء هابط معاها شوية تبعوو دم.. هنا حسات برووحها غتطلع.. نفس: لا لا ولدي يا ربي هيئ لا سيدي ربي بغيتو يا ربي لا متخادوش مني.. شوية حسات بشي حاجة قاصحة غتخرج منها.. و كدفع و من حدها و كتزيد في الوتيرة..و لوجع غيقتلها..و هي تصرخ باعلى صوت عندها و شتا كتهطل عليها.. نفس: ااااااااأااااااااه اااااااااه اعنننننن.. خشات ايدها من تحت لكسوة في اتجاه فرجها و حسات برأسو صغيور كيخرج منها..بداات كتغوث و تبكي و كطلب لعون.. سرحات رجليها و بداات كتعصر و كتعاونو يخررج حتى حساات بيه تملص منها كامل و جا في يديها.. و خرجااتو من تحت لكسوة عامر بدم و كيبكي قرباتو لعندها و لفرحة في عينيها كتبوس فيه و تنهج و هو كيلحس في وجها و لحبل سري جاامعهم بجوج و شتا كتهطل عليهم و كتجرف معاها دمائهم و..و صغيرها يبكي في حضنها و هي اكثر منو و كيحاول يفتح عويناتو..و بانليها عود دشجر هزاتو و قطعات بيه لحبل سري و مغطياه بيديها و درواعها و كتبكي معاه.. و رؤية من حدها و هي كضبب عليها حتى وقف عليها خيال وجهه عمرها شافتو و غابت عن لوعي و شادة ابنها بقوة لكان كيمص لها في حوايجها..و عويناتو مفتوحين لونهم كالبحر..

و غابت عن الوعي و شادة ابنها بقوة لكان كيمص لها في حوايجها..و عويناتو مفتوحين لونهم كالبحر.. قزب منها الرجل بحذر كاان لابس بدلة دشتاء مع بوط دميكة..و هااز زلاط.. في الأربعينات من عمرو و كلو مووسخ.. قاصها بعصاتو و كيحرك فيها و نفس غائبة عن الوعي.. و كيشوف فيها بصدمة عرفها ولدات في الغابة.. قرب و حط عصاتو و خدا لولد من يديهاا عرياان وكيفيركل و يبكي.. معرف باش يغطيه هو يحيد جاكيتو.. و سرحها في الأرض و حطو فق منها و لوااه فيها.. و خلاه محطوط.. و مشى يجرري جاب.. حمارو لكاان رابطو مع وااحد شجرة.. و رجع لعندهم و جار معاه حمارو.. هز نفس حطها فق لحمار على كرشها بعد مشقة لأنو بنيتو على قد الحال.. جات رجليها مدليين و راسها حتى هو.. و هز لولد في دراعوو.. و جر حماارو غاادين وسط لغاابة و شتاء مزال كتهطل.. يعقوب وصل و نزل كيجرري قربو غيسكت.. و كيتمنى انه غي تكون هديل كتكذب.. دخل كيغوث بسميتها.. يعقوب: نفس ! نفسس،، نفسييي.. طلع لفووق و ملقاهاش و عااود نزل هو دخل هديل و نور كتبكي حداها.. بلعات ريقها و كتلعب بيديها فاش لاحظات لخوف في ملاميحوو.. يعقوب: فين نفس ؟؟ شرحي لي شنوو واقع.. هديل: خويا يعقوب.. راه دخلوو شي رجال ملتمين و هزووها كانت سخفانة في ايد واحد فيهم و فاش حاولت ندافع عليها ضربني واحد فيهم.. يعقوب: كفاش ؟؟ (قرب منها) واش هنا في لڤيلا.. هديل: اه و كاين تسجيل الكاميرات.. اجي تشووفهم.. مشات و تبعاتو و نور كتبكي مخلووعة على ختها.. وصلو لغرفة الكاميرات و ورااتو تسجيل.. في هد لحظة حس بدنيا داارت بيه و كأنه على حافة الموت فاش تفكر الا ادااوها.. و لا صرات فيها شي حاجة.. مادام تجرئوو و دخلو حتال لڤيلا لمطوقة بالحراس فأكييذ غيكونو خطيرين.. ضرب بلكررسي و خرج عروقو بارزييين.. مشا جمع لحرس كاملييين.. يعقوب: كفااااش دخللوووو لدااااري فييين كنتووو هضروو فيييييين كنتووووو... رااه خطفوو لي مرتي و نتووووما غافييين.. بغا يهضر واحد فيهم و قااطعو.. يعقوب: سكتت..يميناا بالله و توقع لمرتي و لا ولدي شي حاجة حتى غنحرمكم من اعز ما عندكم.. و هذا وعد..كلكم غتمشيو دباا تقلبو في اي بلااصة مترجعووش لهنا..سمعو حنااو رااسهم و هما متأسفيين و هو كيغووث.. جااهل قداامهم و غيهبل.. جبد تليفونو و صونا لمفتش كان صديقو من شحاال.. ❇ يزن شبعهم ركيل و ضرب ورجع دخل و تبعووه غي فتح لباب ملقاهاش و دار لعندهم.. و هما تصدموو و كيشوفو في سرجم مفتوح.. يزن: يا ولاد لكلاب وااش باغيين تسطيوني.. فين هي.. .... : سي يزن واقيلا هربت من سرجم راه مفتووح.. و هي كانت ناعسة.. هناا.. خرجو يتأكدو قلبو دار كاملة و رجعو لعندو لكان ‘واقف على اعصابو.. .... : سي يزن رااه هربات.. شد يزن من رقبتو و هو كيرجع بالخطاوي لوور و معارف هد لموصيبة منين طاحت عليه..ثااني.. و زمجر بصوتو الخشن.. يزن: قلبوو عليييها رااه حاملة ياا ولاد لكلاااب..سيييروو.. خرجوو يجريو من سرجم و تبعهم حتى هو كيغوث باسمها..

خرجوو يجريو من سرجم و تبعهم حتى هو كيغوث باسمها.. و غادين و كيشوفو في أثار درجليها مطراسي في الغيس.. و بقااو متبعينهم بجرا..كان يزن لقداامهم.. بعد مدة وقف و دار ليهم اشارة بيدو بمعنى وقفو.. و هو كيشووف في دم في لأرض.. في نفس لبلاصة لكانت فيها..و مزال جديد.. يزن: ماا بعيدااش بزااف قلبوو غتكوون قريبة من هناا قلبوو لغابة كااملة.. .... : ولكن اسي يزن راه جاية عاصفة قوية و هنا كاين غا جبال.. يزن(شنق عليه و هو كيهضر من تحت سنيه): اه شكتقوول عاصفة قووية.. مكاينش قد لعااصفة لطيحتينا. فيها اولد لقحبة.. طلق منو و زفر بجهدد و جمع يدو على شكل لكمة و ضرب مع شجرة لكانت قبالتو.. حتى تجرحات و بدات تسيل بدم..و هو كينهج.. و كملو في تقلاب هد لمرة تفرقو.. حتى تلاقاو في نقطة وحددة.. هو يجبد تليفونو و طلب دعم من رجال لخداميين عندو يلتاحقو ليه يقلبو معاه.. و رسل ليهم العنوان في مساج..و جلس فق واحد لحجرة و لاخرين واقفين حداه.. و كل وااحد كيخمم في مصيرو و حتى هو منهم..و فاش شاف دم كثير في لأرض فكر غيكون جا ليها شي حيوان مفترس و كلاها و لا ضربها شي واحد و داها معاه و لا تقتلات و رماوها من شي تلة..خصووصا لغابة كبيرة.. كيفكرر لا كان شي حتمال من احدى الاحتمالات صحيح كيف غيقدر يشوف في خوه.. كيفاش غيقدر يمشي لعندو و يواجهوو و اذا خبا عليه كيفاش غيبقى يشوف ليه في عينيه و هو لغيكون حرمو من شوفة ولدو و حبيبتوو..لعارفو شحال كيبغيها و يموت فيها.. تنهد و قال بصوت خافت.. يزن: ااهخخ منك اهديل كلشي بسبابك.. بسباابك غتكون ماتت دبا.. كلشي بسبابك.. طلعتي بنت لحرام..غنتقاام منك بطريقتي..كنواعدك بقا هاضر مع راسو حتى حسوو ببرد كيطير من فق منهم و صوت من حدو و هو كيقرب و خيال من حدو و هو كيكبر.. هز راسو و شعرو كيطير من قوة ريح.. كانت هيليكوبتر..هبطو ليهم سلم جلدي.. و طلع فيه حتى وصل و جروه رجالو دخل.. يزن: نتوما غتقلبو على رجليكم و لا ملقيتوش والو غتغبرو سمعتوو.. تسد لباب و قلعات المروحية.. و هو شد مكبر صوت و كيغوث بسميتها.. و يدورو فق لغابة و كيقلبو عليها.. لكن لا حياة لمن تنادي كأن الأرض نشقت و بلعتها.. و هنا استسلم و احتملاتو تأكدات أنه كلاها شي حيوان مفترس.. هبطات لمروحية حداا دار الجبلية .. و بقا جالس فيها شاد في راسو.. و شرح لواحد فيهم لحتى هو كيتيق فيه.. عاود لو كلشي.. سعيد: سي يزن غنحرقو هد دار و منخليو فيها والو.. يزن: غيدير لا دي إن.. لرماد.. سعيد: ياك كاينة ختها غناخدو من شعرها.. و شوية من دمها.. يزن: ختها ولاكن ماشي من نفس لأم.. سعيد: غنضطرو نفتحو قبر باها.. يزن: سعييد 😤 سعيد: و لا منجحاتش راه غيبقى عندو امل.. يزن: ماشي هنا بقات.. لمشكلة غيعرف كلشي. سعيد: غي تيق فيا و كلشي غيدوز هو هداك..غنجيب جثة دمراة حاملة و غتحرق هنا.. مبقا لو حتى خيار و ضطر يتيق فيه حرك راسو بالإيجاب.. و عاودو على لخطة..

 و عاود لو.. على الخطة.. و بعد ساعة مو النرضار بفارغ صبر و هما غاديين جايين جاابو جثة كيفما قال سعيد.. دخلوها لدااخل.. و خواو سائل سريع لاشتعال.. في دار كلها و وقفو كلهم برا قرب يزن و شعل و قيدة و رماها لداخل حتى شعلات لعافية و بداغي انتشرات في ارجاء دار.. لأنها مكبيراش بززاف.. و تعالات في سماء دخاخين.. و هو كيتفرج هو رجال برا في العافية كيفاش تتاكل في دار.. و هنا بعد منهم و جبد تليفونو و دوز نمرة ديعقوب.. و حطو على وذنو و مغمض عينيه.. كيسمع فيه تيصوني حتى جاوبو.. يعقوب: يزن.. نفس تخطفات من وسط لڤيلا.. يزن(غمض عينيه بألم ): يعقوب مراتك الله يرحمها.. قتلوها و حرقوها.. يعقوب: يزن مفهمتكش.. يزن: جاني مساج من رؤوف ياك عرفتيه عقلتي على اخر مرة تلاقيناه شنو قال غيحرمك من ولدك قبل ما تشوفو و حلف تا ينتاقم منك نتا لي شريتي لولدو صداع مع لمنضمة لكان فيها واخا كانت ايامو معدودة و هاوا دبا نفذ كلامو.. حس بسطل دلما بارد تخوا عليه رجليه مبقاوش قادريين يهزووه.. و بصعوبة باش جمع لكلمات و قال.. يعقوب: فين عطيني لعنوان.. قاليه لعنوان ددار و هي في لأصل دولد خالهم.. قطع معاه و جلس كيشوف في نقطة واحدة و هديل كتهضر معاه و نور كتجر فيه و معاه لبوليس في لڤيلا كيحاولو يفهمو.. و هنا هديل تأكدات.. هديل: عفااك قوولي شنو.. هيئ عفاك متقوليش شي حاجة صرات لها هيئ لا..ميمكنش.. حطات ايددها على فمها و رجعات بلوور.. نور: خاالو قولي ختي شنو واقع شكون هادوك لخداوها.. كتجر فيهم و تبكي و هو عقلو غايب عن لواقع.. حتى ناض يجرري..و تبعو لانشبيكتور..و الفريق ديالوو.. بعد مرور 3 ايام.. فتحات عينيها زورق بتعب و كتشوف في لمكان.. كانت ناعسة فق فراش في الأرض و بيت صغير صقفو من الخشب (ناس لي كيمشيو لعروبية دجبال غيفهمو) و دايرين وسايد على لبيت و في قنت مجموعين حوايج.. و هي مغطية و تحسسات كرشها و هي تغوث.. نفس: ولدي.. ولديييييي.. دخلات مرأة لابسة بيجامة طويلة فب منهو تريكو دصوف و حازمة فولار على راسها في لأربعينات من عمرها وجهها كلو تجاعيد من كثرة التعب و لمشقة.. و هازة في يدها صغير نفس لاوية عليه ايزار و دايرا ليه طاگية في راسو.. و جلسات حداها و مداتو ليها.. نفس: شكون نتي فين هو ولدي.. مداتو ليها لمراة و خداتو تأكدات منوو و ضماتو لحضنها كتبووس فيه و تعااود..و شافت فيه بحزن وقالت.. نفس: شفتي باك اولدي و مادار فينا..

نفس: شفتي باك اولدي شنوو و ما دار فينا.. بقات كتهضر معاه بهمس و هي حاسة بعياء و تعب.. و شافت في لمرأة كانت حاضياها و قالت.. نفس: فين أنا.. ..... : انا سمية و نتي في داري لقاك راجلي كان دايز من لغابة لكنتي فيهاا..و شافك في هاديك لحالة مقدرش يخلييك.. و 3 ايام و نتي مغيبة.. نفس: 3 ايام.😧 سمية: اه ابنتي و مقدرناش نجيبو ليك طبيب...و ولدك مسكين ديما يبكي باغي ياكل.. نفس(شاف فيه بحزن): و علاش معطيتوهش ياكل.. سمية: لا راه باغي يرضع حليبك.. نفس: هاا ؟؟ كفاش زعمة نرضعو من صدرري.. سمية: انا نجيب ليك ما تاكلي راه وجههك صفر.. نفس(دمعو عينيها): شكرا ليكم بزاف معرفتش شنو غنقول.. كون ما نتوما كون راه مت و ولدي كالوه دياب اهئ شكرا.. سمية: صافي ابنتي غي رتاحي.. خرجات من عندها و بقات هي كتحمد في الله انه لاقاها بهد ناس لولاهم معرفاتش اش كان غا يوقع فيهم.. و كتفكر في شكون هادوك لدارو فيها هد لحالة و دعي فيهم.. و شافت في ولدها.. ناعس و جامع شفايفو و مخنزر و مكمش يديه..و كلشي فيه صغيور و ابتاسمات لا اراديا.. لكن سرعان ما جمعاتها فاش تفكرات انه تزاد قبل ميعادو بشهر.. و خافت لايكون بيه شي حاجة.. و قلبها كيضرب.. حتى دخلات عندها لمراة هازة في يديها بلاطو فيه لماكلة و حطاتو قدامها..و جلسات حداها.. سمية: مال لونك مخطوف.. ياكما كاينة شي حاجة.. نفس(بحزن ): انا وولدت قبل لموعد لقالتلي عليه طبيبة اكيد غيكون دبا ولدي مريض ياك😟 سمية: متخافيش راه عادي و حتى حنا في هد لمنطقة عندنا نسا كيولدو قبل لوقت.. و ولادهم دبا راه بخيير عليهم.. نتي كولي و رجعي لونك..راه 3 ايام ما كلتي.. و شوية نمشي نجيب ليك لقابلة تقلب نتي وولدك.. نفس: قابلة ؟؟ سمية: اه في هد دوار معندناش سبيطار قليل فين كيجيو لأطباء في شي حملات.. و عندنا لقابلات هما لي كيولدو نسا.. فحالا طبيبات ولكن معندهمش شهادة و كيخدمو غي بالعشوب (الأعشاب).. حركات راسها بالإيماء و حطات ولدها بشوية في جنبها و جرات عليه لغطا.. و قربات لعندها لبلاطو و بدات تتاكل..كانت ماكلة على قد الحال.. و كتاكل بزربة من شدة جوع.. سمية: واش نارية تسميه.. نفس: امم معرفتش.. (بحزن) كان ناوي يسميه يعقوب.. سمية: شكون هذا.. نفس: راجلي لهو باه.. سمية: و فين هو و شنو كنتي تديري بوحدك تم.. نفس(تنهدات): واخا منهضروش في هدشي.. سمية: واخا على خاطرك.. ابتاسمات ليها على تفهمها.. و خرجات من عندها و هي تلقى راجلها و هو لي جاب نفس دخل و هي تمشي في اتجاهو و جراتو لبرا.. سمية: تهامي (راجلها) شوف انا ممرتاحاش ليها دروك تجينا من وراها شي موصيبة.. و زايداها مباغا تعاود والو.. إيواا ضيافة نبي 3 ايام.. تهامي: يهديك الله يا هد لمرا..

تهامي: يهديك الله يا هد لمرا.. سمية: انا نمشي نجيب ليها لقابلة.. و غي توگض تمشي فحالياتها..مناقصنا هم و حنا متكافينا مع حتى دوك جدوعا دولادك..بقا لينا غي لبراني نصرفو عليه.. تهامي: سكتي راه غتسمعك.. الالة تبقى لوقت لي بغات..نتي مصوقكش سيري سدي داك درقوم.. مشات كتنگر علييه.. و هو مشا غسل يديه و وجهو من لغبرة.. و بدل حوايجو و مشى دخل عندها كيضحك.. هي شافتو و مسحات فمها.. جلس فق زربية مقابل معاها..و قال.. تهامي: انا هو لي جبتك من لغابة ههنهن.. نفس: شكرا ا عمي 😅 خيرك عمرو نساه.. تهامي: عمي !! اهه اش وصلك لتما.. نفس: مبغيتش نهضر في هد لموضوع دبا..عفاك واخا تخليوني عندكم هد لمدة عفااك كنواعدك خيرك عمرني نساااه.. تهاامي: اش هد لهضرة داار داارك و بقاي لوقت لي بغيتي.. نفس: شكرا بزاااف هدشي كامل كديرو معايا غنرجعو لكم.. في فيلا الديمير.. جالس يعقوب فق كرسي في بيتو لكان مظلم و فيه ضوء خافت دلفيوز لفي جنبو.. و شاد كاس فيه نبيذ كيشرب اه هو لي عمرو شرب شراب و سكر و حتى في الحفلات كياخد سوى منشطات.. اليوم كيسكر لعله ينسى الواقع لمرير لرااه فيه.. لعلى و عسى ينسى بلي مرتو و لقلبو كيدق غي ليها ماتت.. و في عينيه صورة وحدة لدار دجبل لمشى ليها و كيشوف في لعافية كتاكل فيها.. و فاش خرجو منها مراة و دارو لها فحص و تأكدو بلي كانت حاملة.. و كلشي كيإكد بلي لي تحرقات هي محبوبتو.. إلا هو لي ممتيقش او كيحاول ميتقش كلامهم و عندو امل انه باقا عايشة.. رجعات بيه سينتا لور لأول مرة شافها ،، فاش زارها في لحبس..من هاديك لحظة و هو مغروم بيها.. و كيتفكر كل لحظة حتى لأونة لأخرة دوز معاها اشهر و في كل يوم او ساعة في هد لمدة كيزيد يعشقها.. و لا عشقو ليها كأنه ادمان و مقادرش يتوب منوو.. كيفكر واش بصصح دبا ماتت مرتو و في بطنها حاملة ولدوو.. لكان متشوق يشوفو و يهزو بين يديه.. و شحال خطط معاها لمستقبلهم و مواعدها بتحقيق جميع احلامها مباشرة بعدما تولد.. واش صافي كلشي تبخر ؟؟ جميع هد تساؤلات في ذهنو كانت كدور.. هو ينووض خبط بالكاس مع لارض و بداا كيغوث.. و يخبط في ايدو مع لحيط.. يعقوب: غتررجع.. غنلقااااها مستحيييل تمووت.. لااا ماماتتش..ماامااتتتش غنلقااااها غنلقاااااهااا...

يعقوب: غتررجع.. غنلقااااها مستحيييل تمووت.. لااا ماماتتش..ماامااتتتش غنلقااااها غنلقاااااهااا.. زمجر بأعلى صوت عندو حتى لكانو جالسين لتحت سمعوه.. كانت سمر لساهيك وولاد خوها كل من ريم لجالسة و فرحانة.. و ياسين ساهي حتى هو وهو اكثر واحد حاس بيه.. لأنه كان كيبغي ختو ياسمين و ماشي غي بغاها عشقها لحد الهوس.. و لعد موتها ولات دنيا كحلة في عينيه و شحال من مرة فكر في الانتحار و كان ولا مدمن الكحول و المخدرات لكن تاب من دكشي كامل.. و يزن لقرب يهبل و هو كيشوف في هدشي كلوو هو لي تسبب فيه.. سمعو صوتو..و طلعو كلهم كيجريو.. سمر دخلات لعندو كان عاطيها بضهر و كينهج.. سمر: ولددي هيئ.. يعقوب: براا منشووف حتى واحد فيكم.. سمر: ولدي صاافي براكة قلبي كيتحرق معاك..نفس الله يرحمها.. يعقوب: خرجوو 😡 مرتي غنلقااااها مررتي ماا مااتتش.. سمعتووو..خرجوووو يمينا بالله و نتلافتت و نلقاكم مزالين هنا حتي نخلطكم كلكم و مغنعقلش عليكم.. انساحبو بهدووء و عارفينو يديرها.. و بقا واقف مستقيم في مكانو متزحزحش.. حتى سمع خطاوي اخريين.. و يدها صغيرة شدات في يددو..و سمعها كتنخصص.. نور: حتى انا متافقة معاك و متأكدة بلي ختي نفس ما ماتتش و مزال عايشة هيئ هئ عفاك..عفاااك اخالو سير قلب عليها.. انا مبغيتهاش تموت هي لعندي دبا.. كلامها ضرو في قلبو..كيف غيدير مع هد ليتيمة لي دبا كيحاولو يدخلو ليها فكرة دختها لوحيدة لعندها دبا مااتت..كيف غيكون قلبها اكيد غتكون فحال حالتو او اكثر هو اكبرها سنًا غيحاول يقوي راسو براسو و هي لصغيرة شكون يقويها و لانسانة لوحيدة لبقات عندها في هد دنيا كينقال عليها ماتت.. تحنى لعندها و شدها من درواعها و كيشوف ليها في عويناتها مدمعين..و كتنخصص بشوية.. نطق بصوتو رجولي الخشن.. يعقوب: متبكيش اخالو غنلقاها و متيقيش بكلامهم متافقين.. نور: لا حتى تواعدني.. يعقوب(هنا تزير و معرف مايدير): صافي كلمة وحدة سمعتيها غنلقاها انشااءالله.. عنقاتو و هو كرز عليها و اخيرا لقى هد لملاك متافقة معاه.. يزن كان على برا و حداه فاليزتو و سمر واقفة معاه.. كيسلم عليها.. سمر: كون غي بقيتي معانا..في هد لمحنة.. يزن: انا خاصني نمشي وغيبقاو يوصلوك سوى رسائل ورقية مني.. سمر: شنو اش كتقول..ماتزيدنيش حتى نتا..واش حنا في عصر الحجري.. يزن(تنهد): حنا في عصر تكنلوجيا و تطور.. عارف ولكن من الأحسن..انا غنمشي لكوريا شمالية..و كل شهر غتوصلك مني رسالة.. و مغنوليش نرجع لهد لبلاد لديما كتاخد منا و جامي عطاتنا.. سمر: حبيبي 😭.. عنقاتو و كمشات فيه و كتبكي.. و هو مخليها على راحتها عارف بلي صدمها..و هو ميدوز نهار حتى يهضرو.. و هو اخر لعنقود كتموت فيه..

و هو اخر عنقود كتموت فيه.. شدات وجهو بين يديها و هو حنى راسو لعندها.. سمر: واش بيك.. شنو كيصرا معانا يا ربي..واش هديك لبنت هي سباب.. يزن: هه لا مكاين والو.. الواليدة زين دالعالام لا توحشتيني جي عندي انز مغنوليش نرجع ابدا..و غنخلي ادارة لأعمال ليعقوب و كلشي غنخليه ليه و غنبدا من صفر.. سمر: كفاش تخلي.. اعمالك لا ميمكنش.. يزن: و صاافي.. سمر: بااغي تعذبني يااك.. بقا هااضر هو وياها و بزز باش تفك منها و هي كتبكي عليه.. حالتها يرثى لها قلبها بين نارين.. يزن و يعقوب.. و اخيرا اكره حاجة عندو هي لحظة لفراق و كيكره لفراق بصفة عامة.. لكن هاذي هي الحياة.. ركب في طموبيلتو و هي حطات ايدها على فمها حابسة لبكية.. و كيف غتصبر ليه و كأنه غادي لجيش متعرف عليه والو حتى يدوز شهر.. كانت لور هديل جات عندهم تشوف حالهم.. و سمعات كلشي و هي مصدومة.. و على عينيها شبكة ددموع.. مشات تجري عند شيفور دلعائلة و كطلب فيه.. يلحق على يزن و تبكي.. قطعات لو في قلبو و وافق يوصلها.. ركبات حداه.. و طول طريق و هي تبكي..و طلب ما يمشيش.. حتى وصلو لمطار و بانتليه طموبيلتوو.. شيفور: راهيي اختي طموبيلة سي يزن في وقفها.. هديل حركات راسها و نزلات تجري مشات ليها ملقاتوش.. و دخلات كتجرري من بين بن ادم.. و كتقلب ما بين امة دالبشر عليه.. و مشات لريسيبشن و كان زحام.. و هي تسلت من لحرس.. و طلعات لواحد لبلاصة كيبان ليها تسنل طائرات و بقات غادة و كتشوف حتى بان.. ليها واقف و خاشي ايد في جيبو و كيكمي.. و هي تهبط تجري فرحانة وصلات لعندو.. و وقفات خلف كتافو لعراض..و نطقات بسميتو.. هديل: يززن يزن(بلا ميشوف فيها): سيري فحالك.. هديل(دارت لعندو): واش صافي باغي تخليني.. و تمشي مليتي مني و غترميني بهد طريقة..متخلينيش ايزن نموت هئ منقدرش.. يزن(ببروذ): دموعك ميأتروش فيا عيت منك ديمل صابر ليك و لتبرهيشك لكنتي ديري في شركة بلعاني تمشي تهضري مع لموضفين باش تخلي دمي يغلي.. و عرفتك انا ممعمرش ليك لعين و وايتي تشوفي في شيفور..كون طلبتي فلوسي كاملة نعطيهم ليك و مضحكيش عليا.. هديل: يزن تيق بيا كنقسم ليك انا انا مدرت والو هيئ متقوليش هكا راك كتجرحني.. يزن:و شنو ندير انا لقلبي لي حرقتيه.. هديل(كتبكي): تيق بيا انا مادرت والو.. كنقسم ليك غيرتك هي لفي شكل.. يزن: دبا غتهناي مني.. تهلاي في راسك.. مشا و خلاها و هي تمشي تعنقو من لور و كطلب فيه ميمشيش.. و تبكي.. و دفعها و مشى و خلاها واقفة منهارة.. حتى بعد و جبد طلفونو و دوز أبيل و قال.. يزن: حرقها كاملة.. قطع و ضرب بتليفونو مع لأرض و عفط عليه.. و مشى..

قطع و ضرب بتليفونو مع لأرض و عفط عليه.. و مشى.. و خلاها كتشوف.. يزن ختار يبعد باش ميبقاش يشوف في خوه كيتعدب و هو سباب.. باش ميبقاش يشوف في عينيه و يكذب.. و هي شنو ذنبها لمحملها مسؤولية غبائوو.. علاش قرر يعذبها و يظلمها.. دازو ساعات.. و هي وصلات لدربهم.. و غادة لدار لعاشت فيها هي وياه لحظات لا تنسى.. و كل ركن منها كيشهد على اعجابهم ببعض.. غي وصلات و هي تشووف ناس واقفين.. و سيارة لإطفاء واقفة و الغوات و صداع ودخان.. قربات اكثر و هي تزيد تأكد بلي دار لعاشت فيها منذ صغرها.. و عاشت فيها حبها و جميع لحضاتها سواءا سعيدة او تعيسة تحرقات بالكامل.. و تغوث باسم مها..لهي لوحيدة لمحتاجاها في هد لحظة.. هديل: ماماااا.. و طاحت مغمى عليها..من اثر صدمة لكانت ثلاثية الأبعاد و لا يستحملها اصحاب القلوب الضعيفة..

و طاحت مغمى عليها..من اثر صدمة لكانت ثلاثية الأبعاد و لا يستحملها اصحاب القلوب الضعيفة.. مضوو.. ايااام و اسابيع و بضبط شهر.. هديل مشات لعند مها لعروبية.و فطول هد لفترة دخلت في حالة اكتئاب.. ما بقات كتهضر مع حتى وااحد و قليل فاش كتهضر مع مها.. و خدمات في واحد لبوتيك في لڤيلاج لمجاور.. نفس بقات هد لمدة مع تهامي و مراتو واخا.. كتشوف معاملة مرات تهامي ليها قاصحة.لكنها خااصها تصبر.. معندهاش بديل.. في هد لمدة كتبقى في هداك لبيت نهار كامل مع ولدها.. بنسبة ليزن انقاطعات اخبارو.. و يعقوب مزال كيفتش عليها راسوو..و ميأسش و عندو امل كبير انه غاادي يلقاها.. يوم جديد.. في ڤيلا الديمير.. كان جالس يعقوب قرب شوميني.. و حاط رجل على رجل لابس لباس رسمي اسود و مونطو اسود.. حتى وقفات عليه ريم.. لطول هد لفترة و هي كتبخلس عليه و تحاول دخل ليه فكرة نفس ماتت و مشاات.. حطات ايدها كتحسس لحيتو الكثيفة المبعترة بشكل رجولي جذاب.. و هو كيشوف شوفات حاديين في لعافية.. و مدايرش ليها اعتبار كأنها لا توجد.. كتصاعد انفاسو الحارة بشكل منتظم.. ريم: يعقوب نفس ماتت مراتك ماتت صافي شوف حياتك.. ها انا دبا معاك.. يعقوب(رمقها بنظرات حادة): نساها ياك ؟؟ هدشي لباغا نتي.. واخا تكون ڤغي ماتت جامي نساها هي ساكنة لي هنا (اشار لعقلو) و حتى في ذهني كتفهمي.. ريم(بعيون دامعة): علاش هي بذات ؟؟ علاش متبغينيش حتى انا فحالها علاش.. ياك كنتي شحال هاذي مغروم بيا.. يعقوب: علاش هي... انا نقولك حتى تكوني بطيبتها و بحنيتها و بأخلاقها و تصرفاتها و حركاتها و حتى تكوني تملكي عيونها لأنا لحد لأن مزال غريق فيهم.. حتى تكوني نفسك هي نفس روحك هي نفس.. نتي كتشوفي لعالم من المنظور المادي فقط.. فاش تجمعي كاع هد صفات و تكوني..فحالها قلبي غيكون مفتوح ليك.. و قلت هدشي حتاش جامي يولي.. فهمتي..و نتي جامي توصليها.. ريم(وقفات): واخا اولد عمتي بسلامة عليك.. انا غنشوف حياتي و غنحاول نساك واخا صعيب و نتا بقا عايش بين لأوهام انك غتلقاها..صافي كسر لقيود وشوف لحقيقة لمرة.. نفسسس ماااتتت.. مراااتتتك ماااتتت.. كرزات على اخر كلمات حتى خلات شرارة طلع من عينيه.. و هو ينوض معصب و كيتنفس بسرعة.. شدها من عنقها بي ايد وحدة و زير عليها حتى خرجو عينيها.. و عروقو برزو.. يعقوب: مراتي عايشة و غتشوفيها بعينيك كنواعدك.. هزها من لأرض بيدو حتى كانت روحها غتزهق عاد طلقها.. فاش سمع تليفونو كيصوني..طاحت وجها حمر كتكح و طلع في نفس.. و هو لعن شيطان في هد لمخلوقة لقدامو كان شوية و يرتاكب فيها جريمة.. لولا هاد لاتصال..شاف رقم غريب و خرج لبرا و جاوب.. يعقوب: الوو.. ..... : هذا انا عضو في جماعة اقليم *** جبت ليك اخبار..

..... : هذا انا عضو في جماعة اقليم *** جبت ليك اخبار.. يعقوب(بلهفة): اه عرفت شنو عندك.. ..... : هذ لأيام في لمنطقة سمعت بلي واحد من لفلاحة لقا شي مراة في لغابة والدة..و جابها لدارو..مهم انا غنعطيك لعنوان و نتا سير شوف واش هي.. عطاه لعنوان وقطع معاه..و هو فرحان مشى متاجه لسيارتو ركب فيها و كسيرا.. طول هد لمدة محبسش من تفتاش عليها.. في لمناطق لمجاورة ددار لتحرقات.. حتى تلاقى بي راجل لعيط لو و حكى ليه و خلا ليه لعنوان باش ايلا سمع شي حاجة يعيط ليه.. و وافق و هدشي ماشي حبا في الخير او طاعة لله لا ... هدشي مقابل مبلغ مالي.. نفس كانت فايقة كيف لعادة فطرات معا تهامي و مرتو و مع ولادهم صغار كيف كل صباح.. تهامي محيدش عينيه عليها و لا حاول يزحزهم..و مرتو حاضياه بنص عين و كل ساعة تنغزو.. تا يرجع يوعا و نفس غي حانية راسها.. جامعة شعرها ديل حصان و لابسة بيجامة سخونة طويلة و فق منها واحد تريكو قديم دصوف.. و مخنشة فيهم كتبان كيوت.. حتى سالات و ناضت مشات لبيت.. لقات ولدها كيفيركل برجيلاتو و يبكي هزاتو لعندها..و حطاتو في حجرها..و هي كتقول.. نفس: زين الدين حبيبي.. شنو جااك جووع احبيب ديالي..همم.. تأكدات بلي مكاين حتى واحد و فتحات تريكو و طلعات لبيجامة و جبدات ثديها و عطاتو يرضع.. اول مرة رضعاتو من تدياها كانت خايفة بزاف لكن سرعان ما تلاشى الخوف.. رجع وزنها كيفما كان و حتى لونها مبقاش وجهها شاحب.. لأنها ارتاحت نوعا ما عندهم.. واخا كل ليلة كتنعس و دموع في عينيها.. كتبكي عاى يعقوب لي فكرات انه نساها و مبقاش مفكرهها..و متأكدة 100% هو لدارها ليها هكا.. و اذ لم يكن هو... فعلاش مقلبش عليها و هو عندو نفوذ و سلطة في رمشة عين يلقاها.. هدشي كامل كانت كترددو كل ليلة و كتبكي من شدة شوقها ليه.. كتبكي على لحظة لتدمرات.. الا وهي كانت باغا تولد و هو في جنبها و هو اول واحد يحمل ابنوو..و لكن كل هدشي كان قضاء و قدر..و راضية بقدرها كيف ما كان.. بقا زين الدين كيرضع مت تديهل و عيونو كيتلاصقو بنعاس و هي كتلعب بإيدو صغيورة.. و كتشوف في وجهو ملامحو مشتركة هو و باه..نسخة طبق لأصل عن يعقوب كاين اختلاف في الأعين فقط لوارتها من نفس.. نفس: مامي غتنعس عاود.. و تخليني بواحدي 😞 فيق عفاك.. هو نعس و طلق تديها و هي ضحك و حطاتو في بلاصتو و غطاتو و جلسات على كرشها كتلعب بابدياتو.. و كتستنشق في رائحتو.. لي مثل الياسمين.. و كتفكر شنو غيكون مصيرها واش هد ناس غيبقاو هازينها هد لمدة كاملة.. فين غتمشي و هي معندها لا عائلة و لا احباب و حتى لصحاب.. تنهدات و قالت.. نفس: فينما مكتاب علينا نمشيو.. غنمشيو.. غمضات عينيها بحزن فاش تفكرات باها.. و كون غي بقا عايش اكيد غيكون بجنبها.. سرعان ما تلاشات امنياتها.. فاش تفكرات بلي بقات ايام في لحبس.. و متفكرهاش.. ترحمات عليه و ناضت..

ترحمات عليه و ناضت.. فكرات بلي مخصهاش تبقى جالسة ضروري تعاونها..مشات لكوزينة و هي تلقاها.. نفس: واخا نعاونك اختي سمية.. سمية: واخا زيدي غسلي هد لماعين..على سلامة بعدا فاش نضتي.. دارت ليها نفس ابتسامة صفرا.. و قربات گفضات كمام دتريكو و بدات كتغسل فيهم.. و خرجات من عندها سمية..و هي تحس بيدين حاوطوها من كرشها.. و هي تشهق.. و هي دور لعندو كترعد.. نفس: سسي تهامي.. بغيتي شي ححاججة.. تهامي: بغيتك نتي.. ليام و انا صابر عليك . ولايني تقادا صبر ابنت ناس..راك مگاعداشي هنا فابور غتخلصي..ليام لي بقيتي فيهم هنا.. نفس: ككنوواعدك غغنخلصك.. و بضوبل.. تهامي: مبغيت لا ضوبل و لا تريبل بغيت غي ندوق لحلوة لي عندك واخا راه كلك حلوة.. نفس بلعات ريقها و ولات كلها كترعد و دعي فيه..و بداو يديها يعرقو.. جات تمشي و هو يشدها من دراعهاا بجهد.. و هما يسمعو صوت مراتو جاية هو يطلق دراعها.. عيطات عليه و مشى لعندها.. و خرجاتها سمية لعلى برا.. و عطاتها لخبر طيبو في فران قدام لباب كان مبني بتراب.. و علماتها كيف دير.. و دارت جلسة قرفصاء و بدات تطيب في لخبز.. و كلما قرب يتقادا لحطب كتزيدو..و مرة مرة كتحرق في يديها و تبدا تبخ عليهم..و تكمل.. ولات كلها عامرة حموم.. و دخان طالع من لفراان.. حتى وقفات جاكوار كحلة قدامها..و هزات عيناها زرقاويتان كتشوف.. حتى بانليها نزل بكل هيبتو..توسعوو عينيها و وقفات ممصدقاش بلي هو لجاي ناحيتها.. بينما كان يعقوب حاس براسو في حلم عينيه كيلمعو.. نفس تجمعو دموع في عينيها.. و محساتش براسها حتى مشات كتجري في اتجاهو و هو فاتح ليها ايديه.. ترمات في حضنو و جاو طايحين بزوج في لأرض هو لتحت و هي لفوق.. و شادة ليه في لمونطو و كتبكي.. و كتشم في ريحتو و هو كارز عليها.. نفس: عرفتك مغتخلينيش.. و كنت متأكدة خلتيني اهيئ اهئ هئ 😭 معرفتش معرفتش مهم جيتي.. يعقوب: هه كنت متأكد بلي غنلقااك..كنت عارف بلي مغتخلينيش.. نفس: هئ عرفتي شنو صرا فيا.. يعقوب: ششش صافي دبا متفكري في والو.. ناضت من عليه فاس تداركات لموقف و هو ناض و جرها نوضها.. و شذ وجها بين يديه كميسح ليها دموعها.. و ه. ممتيقش بلي راه هي قدامو.. هو يتلاح على شفايفها كيلتاهم فيهم و يحاول يطفي نار شوقو ليها.. و فاش بادلاتو لقبلة تأكد بلي راه مكيحلمش.. و اخيرا لقدر عاود جمعو بمحبوبتو.. بقا شاد وجها بين يديه حاكمها و كيمص في شفايفها باحترافية.. و هي حاطة ايدها على صدرو.. و بعد عليها.. كيتحسس فيها و كتم ضحكتو فاش شافها شنو لابسة.. يعقوب: واش هدشي لابسة.. نفس: ولدنا راه.. يعقوب: صافي بلا متفكري في والو.. اهم حاجة حنا تلاقينا.. و دبا يعوضنا الله بأولاد خراين.. هي خرجات عينيها و حبسات ضحكتها..

يعقوب: صافي بلا متفكري في والو.. اهم حاجة حنا تلاقينا.. و دبا يعوضنا الله بأولاد خراين..

هي خرجات عينيها و حبسات ضحكتها..

شد وجها بين يديه و بقا شحال كيتأمل.فيه و اخيرا لقاها..

و لقدر جمعهم من جديد.. 

و هي حتى هي ساهية فيه و حطات ايدهل على لحيتو..

نفس: لحيتك كبرات..

يعقوب: هه مكنتش مفكرها..نوصلو و نقص منها..

نفس: لا جاتك زوينة..

يعقوب: اخخ و نتي كلك زوينة.. لو تعرفي شنو داز عليا في غيابك..

نفس: حتى انا تعذبت بزاف..و عند بالي نسيتينا..

يعقوب: صافي نساي.. من بعذ و نهضرو في هد لموضوع،، بغيت نشوف هد ناس لصتاضفوك عندهم و نشكرهم..

نفس: لا لا انا مبقيتش بغيت نبقا دقيقة هنا..

يعقوب(طلع حاجبو باستفهام): قلقوك ؟؟

نفس: لا ، هما كيفهمو غي بلفلوس..

يعقوب: مم فهمت.. مادام ميفهمو بلفلوس.. علاش خلاوك عندهم هد لمدة كاملة..

نفس ليوم عاد عرفات بلي خلاها وسط دارو غي طمعا في جسدها.. و هدشي علاش صابر عليها طول هد لمدة..

و مقدرات تقول والو.. و يعقوب كأنه فهمها..

و شد من دراوعها و زاد قربها لعندو..

يعقوب: واش هد راجل قاصك..اداك في شي حاجة..

نفس: لا هو عاد كان ناوي..

يعقوب: كفاش ؟؟😡

جا قرب تهامي ليهم هو مراتو و كيطلعو و يهبطو في يعقوب..

تهامي: شكون نتا اشريف..

نفس: انا كنعرفو اسي تهامي..

تهامي: دخلي لداخل راه مقادين على شوهة.. و نتا سير فحالك..

يعقوب: انا لغنشوهك ليوم و غنعاود لمك تربية.. و نورييك كيفاش طامع ليا في مراتي..

تهامي: هادي مراتك 😢،، ولا كانت مراتك فين كنتي هد لمدة كاملة..

يعقوب: مصوقكش..

شنق عليه يعقوب و ضربو براسو حتى جابو كاو..

طايح لأرض دايخ.. و هو كيغلي ملي كيتفكر..

كون ما جاش في لوقت لمناسب كلا راه الله لي يعلم شنو صرا فيها..

بدات مراتو تغوث و يعقوب غيتحنى عليه يزيدو..و شداتو نفس كتجر فيه..

نفس: لا يعقوب عفاك.. بسبابو انا هنا كون ما كان هو كلا راه منعرف واش صرا في..صافي عفاك.. الا كنتي كتبغيني دبصح متزيدش ضربو.. عفاك عندو وليداتو صغار..

وقف عليه يعقوب كينهج و معصب و عروقو برزو..

مشا لعند طموبيلتو.. و عيط على سمية..

و هضر معاها و عطاها كارت فيزيت ديال شركة ديالو..

و هي نسات راجلها لي باقي كاو في لأرض عينيها ولاو يخرجو منهم قلوبا..

ابتاسمات و رجعات.. و هو خنزر فيها و طلع..

نفس دخلات لبيت لكانت فيه..

مشات تحنات مباتسمة هزات ولدها ملوي في ليزار و ناعس و عاقد شفايفو..

و باستو و هي باغا طير بلفرحة..

و خرجات حاملاه في يدها و غادة لعندو طموبيل وصلات و تلافتات دارت ليهم بيدها..

باي باي و فتحات لباب و طلعات..

تقادات في لجلسة و سدات لباب و حاطا ولدها في حجرها..

و يعقوب كان متكي راسو على لفولون..قالت و هي باغا طير بلفرحة.. و كتسنى ردة فعلوو و لابتسامة ممفارقاش ثغرها..

نفس: مبغيتيش تشوف ولدك ؟؟😍

هز راسو و هو باغي يساويها كان كيضن بأن لولد مات..و محاولش يسولها عليه باش ميفكرهاش فيه..

هو يتفاجئ بصغير لفي حجرها..و هز حواجبو باستفهام..و مصدوم..

يعقوب: نفس..

نفس: ههه مالك.. تصدمتي عادي هاوا ولدنا زين الدين لكنتي متشوق باش تشوفو و تهزو بين يديك..ههه نسيتي شنو قلتي ليا حتى تهزو و تولي تحس بيه كاين عاد غتحس بشعور لأبوة..دبا باش حسيتي ؟؟

يعقوب بقا ساكت مصدوم.. كيشوف فيها و يشوف في ولدو لفي حجرها..

و سرعان ما جاه شعور غريب و دقات قلبو تسارعو..

هزو من عندها بحذر و كأنه الماس خايف لا يتهرس..

شاف وجهو صغيور و تأمل ملاميحو لعرفهم فحال دياولو تماما.. نفس الحواجب و الأنف..

و بيناتهم تقاسيم أخرى مشتركة..

ابتاسم اكثر و حس بطعم الحياة رجع ليه مت جديد فاش لقا محبوبتو و ولدو..

تجنى باسو في جبينو.. و بقا مطول..

و هز فيها راسو عينيه كيلمعوو..و اخيرا تحقق حلمو لي هو يشد ولد منو بين يديه..

يعقوب: واش هذا ولدنا..مشاءالله حسبتو مات و هو في كرشك..

نفس: لا لا ماماتش انا درت لمستحيل باش نحميه و نشوفو و ربي ساعدني..

يعقوب: كنبغيك.. و نهار على نهار كنزيد نتعمق في حبك..

نفس: ههه مكتعياش..

يعقوب(دار ابتسامة جذابة و حرك رأسو بنفي): اقسم برب الوجود، عن عشقك لن أثوب..

نفس(بخجل): هه واش مغنمشيوش..

يعقوب: ممتيقش بلي دبا غنرجع و بجنبي مرتي و في حضني ولدي..

بقا شادو كيلعب بيايديه و مرة مرة يستنشق ريحتو..

عاد عطاه ليها..و ديمارى طول طريق هو شاد في ايدها و مرة مرة يبوسها..

حتى فاق زين الدين كيبكي و يتنخصص..

وقال و هو مخلوع عينو على طريق...

يعقوب: مالو ياكما بيه شي حاجة..

نفس: هه لا ما بيه والو.. غي هو فيه جوع..

يعقوب: ندخلو لمحطة لاستراحة و نجيب ليكم شي حاجة..

نفس: هاا لا ويلي.. راه مباغيش ياكل دكشي.. باغي يرضع..

يعقوب: شنو يرضع لحليب ؟؟

نفس(بخجل): احم لا باغي يرضع من صدري..

يعقوب: و رضعيه..شنو كتسناي..

نفس: قدامك..

يعقوب(ضحك بجهذ): هههه من نيتك..علاه شكون رضع تماك هو لول.. هه شايف كلشي و باقا كتحشمي وا زوينة هاذي..

تنهدات بحرج و ملقات كيف دير فقررات حتى يوصلو عاد ترضعو..

بعد مدة..

توقف طموبيل في لفيلا و شاف فيها..

يعقوب: مكاينش في هد لفترة لي تعذب قدي و قد نور.. 

نفس: نور شنو واش يحسابليها مت ولا ؟؟

يعقوب: اكزاكت..

نفس(بحزن): الله يا ربي على حبيبتي..

يعقوب: حتى لواليدة تمحنات.. غتفرح بزاف..

نفس: هه واخا ياله نزلو..

يعقوب: أري نهز لولد عليك..كيبانلي سميتيه بلا بيا..

نفس: هه وياك ديجا قلتها ليك..

يعقوب: معليش الالة..

نزلو و هو هاز ولدو..و تمشاو جيهة لباب فتحو..

و تمشى لداخل كيعيط بسميت مو..

مجاوباتوش..

يعقوب: اكيد غيكونو خارجين اجي نطلعو لبيتنا..

نفس: متصورش شحال توحشت لفيلا..

يعقوب: و متصوريش بلي لفيلا كانت بلا بيك ظلام..

ضحكات و طلعو لبيتهم..

دخلو و تنهد بارتياح و هو مشا حط زين الدين في وسط سرير و تسرح حداه..

نفس: انا غنمشي ندوش و نبدل هد لحوايج..

يعقوب: بالمناسبة جاوك زوينين ههه..

ميقات فيه عارفاه كيطنز عليها..

و دخلات لحمام نصلات حواجها و دوشات..

خرجاات لابسة بينواار و مشات لدريسينغ..

لبسات ملابس داخلية..

و كسوة صوفية بالأبيض.. حذ ركبة بلكمام و مكروزة..و بانطوف..

و خرجات هازة فوطة كتنشف في شعرها و مقابلة مع لمرايا و هو من لور حاضيها..

و كيشوف فيها بشوق شحال مشتاق لكل شبر من جسدها يتلمسو و يطبع عليه قبلاتوو..

حسات بيه وراها و خدا ليها لفوطة..

كينشف ليها في شعرها..و هي كتشوف فيه من لمرايا..

كيفاش مركز و من نيتو كينشف ليها..

حتى حسات بيه جمعو و حاوطها من كرشها..

و باسها من ورا وذنها حتى تبورشات..

و بدا كيوزع قبلات على عنقها و هي حاطة ايديها على دراوعو لمحاوطينها..

و مغمضة عينيها.. حتى تفتحات لباب..

و حلات عينيها و شافت سمر كانت لمرايا مقابلا مع لباب..

و توترات و بدات تدفع فيه و هو مزال غاطس في عنقها.. و نطق..

يعقوب: امم لواليدة شفتي قلت ليك.. مرتي مزال عايشة و غنجيبها..

سمر واقفة بلا حراك غي كتشوف..

و هو طلق منها و دارت عندها نفس كاملة..

و كتطلع و تنزل فيها..

و تجمعو في عينيها دموع.. و فتحات ليها يديها..

و مشات لعندها نفس..

عانقو بعضهم..و بعدات عليها كدوز ايدها على وجها..

سمر: هه الحمدلله.. الحمدلله فاش رجعتي بخير ابنتي متصوريش شحال خليتي دلفراغ..شنو صرا ليك..ابنتي و فين كنتي هد لوقت كامل..

يعقوب: من بعد و تعرفي اجي تشوفي واحد لحاجة..

سمر: خلينا دبا في لمهم..

يعقوب: وا لمهم هنا اجي تشوفي..

جا لعندها و غمض ليها عينيها و جرها لجيهة سرير..

سمر: اولدي واش حنا باقيين قد هد لعب زول يذيك خنشوف..

يعقوب: ياله فتحيهم دبا..

فتحاتهم كتحك فيهم..و شافت فيه وحى ليها بعينيه تشوف في سرير..

غي دورات وجها و هي تحط يديها على فمها..

و تجمعو دموع في عينيها..

هي انسانة قلبها هشيش داغي كتأثر..

سمر: واش حفيدي.. هه الحمدلله ملي محرمينش من شوفتو الحمدلله..

تحنات لعندو هزاتو و كتبوس فيه و تفيقو..

ويعقوب حاضن نفس و كيتفرجو فيها..

كفاش دموع كيهبطو ليها من كثرة لفرحة..

حتى بدا يفتح في عويناتو..

سمر: مشاءالله على عينان عندو.. مشااءالله فحال عويناتك ابنتي خدا منكم بزوج..

يعقوب: ياك بعدا غي مدارش لفرزيات..

ضحكو كاملين و هو بدا يفينكش بيديه و رجليه..

و كبتعصز و باغي يخرج لبكية.. و يولي يتنخصص..

و هما حاضينو حتى دخلات..

نور غي شافت نفس مشات لعندها تجري عنقاتها.. و تشكر في الله.. و نفس طبطب عليها و ضحك..

نفس: اجي تشوفي احبيبة شكون جبت معايا..

داتها غي لمحات و بدات تنقز بالفرحة..

داغي تنشر لخبر في المجلات و الجرائد بلي زوجة يعقوب الديمير رئيس سلسلة شركات الهندسة المعمارية.. مماتتش و بلي خبر موتها غي اشاعات..

و دارو حفل كبير سمر لتكلفات بيه و احتفلات بحفيدها..

و جات حتى هديل فاش سمعات لخبر بركات ليهم و رجعات فحالها..

كيف دائما..

عاقدة غوباشتها..حتى واحد معارف هد تغير لثرا ليها كلهم كيقولو غي حتاش تاثراث لان دار لعاشت فيها طفولتها تحرقات..

و معارفينش بلي قلبها لمحروق ماشي دار..

اليوم كجميع لأيام عندها جالسة مع ولاد خالها و خالتها..

مجموعيين كيتفرجوو..

حتى ناض واحد من إحدى البراهيش..

و قلب عليها لمسلسل و هس تغوث..

هديل: اهداك لبرهوش بغيت لمك طيارة طيرك..لما رجع لمسلسل..يخخ على قوم كيف داير اتفووو..

ناضت من حداهم و دخلات لبيت..

بدلات حوايجا لبسات سروال فضفاض بشوميز قصيرة و من لفوق تريكو دصوف طويل..

و دارت فولار في نفس لون دسروال و بقاو خصلات من شعرها باينين.. و لبسات صباط و خرجات..

كانت كتبان كيوت بلباس طويل المحتجب..

قررات انها تولي تلبس المحتجب و متبقاش تبرج لعلى الله يشفع على زينة لكانت كتزني هي وياه..و مبقاش هامها انها تلبس..

مادام مشى لي كانت كتلبس و تقاد على ودو..

مبقات باغا والو من غير راحك البال..

و تنساه في كل دقيقة كتفكرو و كتحاول تخرجو من ذهنها و كتعصب..لكن هو المستولي الوحيد على قلبها فكيف ليه غيخرج منو..

دخلات عندها مها كيف دايما بالوجه البشوش..

حياة: هاكي ابنتي سيري الله يرضي عليك..جيبي هدشي لعندك في لاروسيت و دوري شوية في لفيلاج و عاد رجعي..

هديل: واخا اماما.. مخاصك والو..

حياة: خاصني غي نشوف لابتسامة رجعات لثغرك..

هديل(تنهدات): انشاءالله..

خرجات من دار و بقات غادة على رجليها و ساهي و تخمم..حتى وصلات لفيلاج..

دخلات تقدات تقدية و هزاتها في لقفة و رجعات خرجات من لفيلاج..

و بقات جايا في وسط شانطي ..

حتى سمعات من وراها فران و متلافتاتش و متحركاتش من بلاصتها..كملات في طريقها..

حتى شداتها قبضة حديدة من دراعها..

حتى طاحت لقفة من ايدها و كلشي تشتت في لأرص و دارت ليه مخنزرة..

و غي شافتو و هي تصدم بقات كتحقق فيه مزيان بنظرات شوق و حنين و عشق و هي تقلب عينيها فاش تفكرات لوعود لعطات لراسها و حالفة لا ولات شافتو غتندمو و ابدا مغتضعافش ليه و دفلات عليه..

هديل: اتفوووو 😡

هي تقلب عينيها فاش تفكرات لوعود لعطات لراسها و حالفة لا ولات شافتو غتندمو و ابدا مغتضعافش ليه و دفلات عليه.. هديل: اتفوووو 😡.. غمض عينيه و مع ذالك ابتاسم.. و ولا فتح عينيه و طلعها و هبطها بتفقد و هي كذلك.. كتشوف فيه كان لابس لباس رياضي.. عاودات قالت و هي كتغلي من داخل ديالهها.. هديل: علاش رجعتي.. اه نسيتي فاش صديتيني. انا عارفة بلي نتا لي حرقتي دارنا..(قلبات عينيها حابسة لبكية) ياك انا مكنسواش و غدارة شنو بغيتي مزال.. يزن: انا لي غدار و مكنسواش.. شكيت فيك.. جرها من خصرها و لصقها عليه.. و حط وجهو على وجها كيشوف في عينيها.. و حط فمو على فمها.. و هي دفعو.. و تحنات لأرض كتجمع في تقدية لي طيح ليها في لقفة.. و دموعها سايليين.. و هو حاضيها و مبتاسم.. يزن: جاك لباس هكا زوين.. واش غتلبسيه ديما.. هديل: مصوقكش.. يزن: تيقي بيا شهر و انا كنتعذب.. مقدرتش نساك.. عششتي لي في عقلي و قلبي.. هديل: و انا نسيتك.. يزن: أهاا ؟؟ هديل: اياه.. يزن: و قفي و شوفي ليا في عينيا..باش نتأكد.. و كنواعدك لا كنتي بصصح نسيتيني.. غنمشي و معمرك تشوفي وجهي.. شهقات و مقدراتش تحبس دموعها لكانو هواديين.. خافت من لفراق مرة اخرى خافتو لا يمشي و يخليها.. قلبها كيقوليها سامحيه و عقلها لا..كيقوليها حتى تنتاقمي منوو.. وقفات هازة قفتهاو غادة.. و هو يمشي يوقفها.. يزن: نفهم من هدشي مزال كتبغيني.. اذن غنمشي معاك لعند ماماك..و نطلبك لزواج منها.. هذيل: انا كنبغيك ولكن في نفس لوقت كنكرهك.. يزن(ضحك): مهم كتبغيني.. هديل: انا مكنضحكش و دوك تصرفات ديالك ميبقاوش ينفعو معايا.. و انا ميشرفنيش نتزوج بواحد مكيتيقش فيا..و دايما شاك فيا..و دوز ليه في لخوى يسافر و يخليني.. يزن: هديل سمحيلي عارف انا لي غالط..معرفتش وليت كنغير عليك بزاف و هدشي دفعني نشك فيك.. انا ممشيتش باش نخليك.. لو تعرفي شحال تعذبت.. هذيل: و علاش مشيتي و فاش تبعتك لمطار صديتيني.. يزن(تنهد): باغا تعرفي علاش مشيت.. انا سباب في اختطاف دنفس..و يحسابلي ماتت و انا مقدرتش نعلمهم بالحقيقة.. و في نفس لوقت مبقيتش باغي نشوف في يعقوب و انا كاذب عليه.. هديل(بصذمة): نتا !!! (بدات ضرب فيه و تدفع فيه و هو واقف مستقيم في بلاصتو) تفو عليك واش عرفتي خووك شحاال عانى حرام علييك..علاش نتا اناني هكا.. يزن: حتاش دوك ولاد لكلاب غلطو.. و انا مكانش بنيتي نخطفها هي و لا نأذيها كنت باغيك نتي.. هديل(شهقات): و كتقول فيها.. صافي دبا لفات مات و انا مغنوليش معاك.. سمعتي.. يزن: إيوا بلاش .. نسيتي بلي انا سالب شارفك و لا متزوجتكش انا حتى واحد مغيتزوجك.. هديل: انا مبغاش نتزووج.

يتبع