صباح الخير والربح على بلاد هانية ماليها عايشين فراحة ..لا هم .. لا غم ... لا حكام يخنقهم .
خرجات راوية من باب كبير منقوش واقفين عليه عبيد وحراس . مشات راوية كتجر جلايلها فرحانة وتلعب فشعرها وتنقز ودور بجنابها حتى وصلات لجناح لحريم ودخلات عليهم كضحك وتغني
راوية : لااااللة يا لحبيبة .... عجبوو لحال معايا وتهلا فيا ... حسيت براسي امييييرة ماشي غير جاارية ... كاع مكان يحسابني مولاي حنين بحال هاكا ... بحال الى كنت كنحلم ... شي حاجة منقدرش نوصفها ليكم لبنات
عوجات وحدة اخرى فمها وقالت : ااااصلا هوا هاكا كيدير معانا كاملين ماااشي غير نتي ... راه كوووولنا بحال بحال ... عزيز عليه الزين وعزيز عليه يدير ليه لخاطر
قلبات وجهها هي وحدينات خرات مشاو وخلاو لبنات لخرين اللي عمرهم جلسو معاه دارو بيها فرحانات كيسولو يبحتو فيها
- قولي لينا كيداير؟ زوييين؟ كي دازت ليلتك؟
تنهدات راوية وقالت :
ااااح امييي ااااش نعاود ليكم .... تباالرك الله مشاااء الله واخا نعياااا نشرح ليكم... راه الىىىى ماشفتوش بعينيكم وجربتو وحسيتو كااااع ماتفمهوني
- وغاااا قولي حنا راه نفهموها طايرة
- وماتقصحتيش؟
راوية : مكاين شي قصوحية كد راسكم ... توما سيرو بعدو مني ... (مشات كتنكر) انا كنقول ليهم كي لعسل وهما باركين عليا تقصحتي ما تقصحتي .
دخلات على جناحو الملكة بتاج كيلمع جارة فتوبها الاحمر لقاتو واقف قدامها .. لابس سروال خفيف وضهرو عريان مقابل مع لمراية يالاه خارج من الحمام ... سهات فيه مبسمة ... تلفت بشوية عندها مبسم كيشوف فيها .. مالها حاللة فمها وعينيها وهايمة بعويناتها . كانت تشوف صورة الملك محمد اصيل قدامها حتى تكلم الامير يور وتقدم قدامها
رجع شعرو للور عصرو بيدو من الماء وقال كيشوف فالخريطة
- شكون اللي مات ؟ مالك كتهضري بوحدك ؟
شافت فيه دايخة .. مشات بيها الارض وجات وقالت
- بغيت نقول ... زعما كنحكم غير بسمية وصافي... ولاكن اللي كيحكم ديال بصح و وراء الحكام اللي كيصدر مني هوا نتا ... ايييه البلاد كاملة كتشوفني يانا الملكة وانا الحاكمة ... ولاكن في الحقيقة بلا بيك ماكنتش نقدر نسير هاد الشعب كامل اللي غادي وكيتزاد
هزات عينها فيه لقانو متكي بيديه على الطبلة مصغر عينيه كيشووف فيها .. بعدات وجهها وقالت
- مالك كتشوف فيا هاكا ؟
تبسم نص تبسيمة مكمش واحد العين وقال
- نموووت ... نموووووت
حلات عينيها مكمشة فمها وقالت
- مالك علاش غتموت؟ !
غمزها وقال : نمووووت ونعرف اش عندك فداك الراس
قرب ليها بيدو وهي تنوض بالزربة وقفات وقالت
- ايوا هانتا تاني بديتي
وقف كيضحك وقال : فين ما نقرب ليك كتوقفي واخا تكوني ناعسة ! مالك ياك لاباس؟
حطات يدها على صدرها وقالت : ايوا ماجاتش انا مك ديرها مع كلشي الا يانا
الله يلكيها ليكم ... فكَوصة تحزمت بكَرعة قالت ليها اجي نقطعو الواد الله يقطع لجد باباكم الجدر وينحيكم من النديا ويغبر ليكم لأثر ... الناس والدين لولاد وانا والدة لمصايب... حتى وحدة فيهم ما مكودة بغيت ليكم الجلا يجليكم عليا ويهنيني منكم ... غا وحدة خرجت ليا هبيييلة ماتكساب حتى قطرة من العقل نهار ومطال وهي تجرجر فجلايلها وسط القبيلة وضحك فيها وفيا عباد الله ... هاو لخرى خرجات ليا لفعة كَرطيطة منين ما دازت شاعلة لعوافي وكاع وعباد الله كلملين يتشكاو منها ... ولبزقولة اللي بقات ليا هي اللخرة وقلت غادي تخرج بيا مكودة طلعات ليا شواافة هي كاااااااع .... قالت ليهم حاااليدو من طريق ماتعرفوو وااالو ... ياا تشوووفي لعماااا يعميييك ... شوفي غارااسك بعدا وخرجينا من هاد الزلط ونتي نهار ومطال تبجقي عينيك فكفوف الناس ... غا اللي قالك شوفي ليا تنوضي تقولي بسم الله .... يااافينك ابنت لهم ... شااااادية .... يا تشدك جنية ماطلقك بغيتها تكرد قصابي رجليك و تعوجك ، شاااادياااا.... فين مشات هاد بنت لحرااام تاني غاتخليني دايعة نقلب عليها من زاوية لزاوية .
طلات شادية براسها من واحد السدة معلقة فيها من العوديال الشجر وقالت
شادية : هااني اامي شنو بغيتي؟ مالك كتنكري ياك لاباس
هزات
هزات راسها فالسدة والتراب كيتفرتت عليها وقالت مخرجة عينيها
- اااش كديري تما يا بنت لهم معلقة ليا كي سراقزيت العاكر خايف يخرج يضحكو عليه صحابو .... تي نزلي شوفي الخنونة دختك اللي خرجات لغنم ترعى ... ماعرفناها حاضية لغنم ولا الغنم اللي حاضياها
- تي نزلي يا زغبية بنت لكعبية ولا راني ... بلاتي ...واخا ...بدات دور بجنابها وتقلب على شي عزافة طويلة تجر بيها شادية ودخل تخرج من بيت لبيت من البيوت الصغار اللي دايرين بيها وشادية كتخرج فراسها ورجليها مدلية باعا تنزل بالزربة وتهرب قبل تحصل فيدين مها وتشدها تفرج فيها كاع اهل لقبيلة ، ساعة نيييت خرجات ليها مها مسعودة من واحد البيت بالزربة وجراتها من رجلها قبل ماتحطها فالارض وطيحاتها فالارض وجلسات عليها بالعصى بالنعالة والقريص من الجناب وشادية كتفركل وتركل وتغوت
عروس الملك السابعة الجزء 52
محتوى القصة
الجزء 52 يؤجل
التنقل بين الأجزاء