عروس الملك السابعة الجزء 56

من تأليف Ghazal trust
2018قصة مُلغاة

محتوى القصة

رواية عروس الملك السابعة , زوجة الملك السابعة

دخلو شادية كتفركل للقصر .. واول مرة دخل ليه ولا طوف ناحيته .. غير دخلوها وهي تسكت من لغوات وبدات دور فعينيها وتشوف يمين وشمال ... واش هادشي كامل كاين داخل للقصر! عالم اخر ماعمرها كانت تحلم بيه ختى فلمنام ... جنة ... غابات خضراء وورود فالالوان .. سقايات ديال الماء فكل جهة ... البط والوز كيتسارا .. والطاوس طالق جناحو مشبح وسط الخضورية ... الخدم والحشم غاديين جايين كل واحد اشنو كيدير . الشي اللي عمرها كانت تحلم تشوفو شافتو مع الدخلة ديال باب القصر لكبير وهي غادية فلعربة مدخلينها كينقزو بيها وطالعين بيها للقصر فطريق مزينة بالحجر ومستف بجنابها النخل.

وقفات بيها العربة ونزلوها مضهشرة حدا واحد النافورة حاللى فمها ، تلفتات لقات عبدية واقفة قدامها مربعة يديها 

عبدية : على السلامة 

تبسمات شادية كتقاد حوايجها وتنفضهم وقلت : الله يسلمك اخالتي ... علاش جبتوني ياكما درت شي حاجة ؟ انا والله ماشاداهم بزز هما اللي شادين عليا الصف 

عبدية : الملكة سمعات بيك ... وهي اللي جابتك هنا ... وياوييييل ويييلك

تهزي الخط لشي مخلوق هنا من غيرها ... (طلعاتها وعبطاتها) جيتيني بنت الناس وباينة على وجهك دريويشة ماشي ديال تكرفيص .. اما نوريك جهنم الحمراء باش متنسايش كلامي هادا 

تخلعات شادية وقالت : وتقوولي .. وتقولي اخالتي واش نهزو .. ويلى هزيتو بغيت ربي يهزني من هنا 

سهات فيها عبدية وقالت مبسمة

- ودابا غاتمشي معايا ... يدورو بيك شوية باش نطلعك عند الملكة تشوفك 

شادية : و ..وولاكن عندي واحد الشرط 

عبدية : اما هوا؟ 

شادية : ختي .. ختي عيشة ... تجي حتى هيا حيت ما عندها فين تبقا ... مي مسافرة وخلاتنا غير بجوجات وماعندنا حد من غير بعضياتنا 

عبدية : يكون خير... نقولها للملكة وديك الساعة هي تشوف شنو دير مع ختك .. يالاه زيدي 

داتها عبدية عند لخدم .. غسلوها ونشفوها وزينوها وعطروها ولبسوها لحمر كما هي باغية . دفرو بيها شعرها فالنص نازل من جنابها وخرجوها كتشوف فجنابها فرحانة عاجبها لحال ومقاداها فرحة .. شكون قال تلبس داك اللباس فيوم من الايام ... بانو ملامح وجهها وضهر زينها اللي كان مخبي وسط دربالة .. صفا جلدها وتنقاو يديها ورجليها وطلعات غزالة بحال شي عروسة . دخلوها لجناح الملكة وهي كدور فعينيها وتشوف فالسقف وفاللي دايرين بيها . تبسمات الملكة وهي جالسة حدا سرجمها مسرحة رجليها وكطلع وتهبط فيها وقالت 
- خرجو ... ودخلي نتي . . . زيدي لهنا

خرجو لخدم وبقات غير شادية واقفة حانية راسها حشمانة 

شادية : انا الاللة؟

الملكة : اييه نتي 

تقدمات شادية وقربات منها واقفة وعينيها كيدورو .. طلعاتها الملكة بتبسمة من راسها لرجليها وقالت 

- اشنو سماك الله؟

- شادية نعام الاللة 

الملكة : وعارفة علاش عيطت عليك ؟

شادية : الا الاللة 

الملكة : سمعت باللي كتهزي لخط ... وبغيت نشوف واش كلامك صحيح 

شادية : قالو صحيح ... والله واعلم 

الملكة : وعرفتي على طلع كلامك صحيح ... غنغرقك ذهب .. وكاع اللي كيحلمو بيه لبنات يحضر قدامك ... بشرط 

هزات شادية راسها وقالت : وشنو هوا هاد الشرط ؟

الملكة : كلامنا يبقا هنا .. والى عرفتي شي حاجة تستريها ... اما الى فضحتي سراري غادي نقطع ليك الراس .. نتي .. وختك عيشة وختك يامنة ومك مسعودة 

تحلو عينين شادية قالت : عمرني فضحك سرار شي واحد الاللة ... وانا عزيز عليا راسي بغيتو يبقا فبلاصتو 

تبسمات الملكة وقالت : ايوا نبداو ... ومن هنا غادي نعرف... واش كلمك صحيح ولا غير كدوب ... الى كنتي كتكدبي وضحكي على الناس .. غادي تلقاي انواع لعداب كيتسناوك . اما الى كنتي على حق ... غادي اللي حليتي عليها فمك تحضر قدامك 

شادية : و. وو وحتا انا عندي واحد الشرط صغير

الملكة : قولي

شادية : ختي عيشة تلحق عليا باش مانبقاش مهولة عليها و تهول عليا . وفين ما كنت تكون حتى هيا 

تنهدات الملكة وقالت : بداي . وديك الساعة نشوفو .. راه قلت ليك ... الى طلع كلامك صحيح .. اللي بغتيها جاتك . 

شادية : واخا الاللة 

تقادات الملكة فالجلسة وجلسات قدامها شادية مربعة رجليها .. شدات يدها بين يديها وبدات تقرى 

شادية : سميتك كتبدى بحرف حر .. وعندك سمية مزوجة ... اللي قلتها قولي ليا واش صحيحة باش نعرف نكمل 

الملكة : اه .. صحيح .. حرف اسمي مكيتربط بحروف . حرف الراء .. روح . الندى 

شادية : عندك شي علامة فجنبك ليسر ؟

هزات الملكة حاجبها معجبة وقالت: توحيمة !

عقدات شادية حواجبها وهزات عينيها فالملكة كتبلع ريقها ساكتة .. عبسات الملكة وقالت

- مالكي؟ اشنو كتشوفي .. هضري شنو كاين 

شادية : م .م مماعرفتش...

الملكة : شنو اللي معرفتيش ؟ هضرييي نطقي شنو كاين ؟ (تنهدات هازة راسها) هضري عليك الامان 

شادية : و واش فايت ليك هربتي من شي حد ؟ 

بدات الملكة ترمش تالفة وقالت : مم.مم اا بب... ش شحااال هادا ... شنو بان ليك ؟ 

شادية : هربتي من شي حد عشقتيه؟ 

زفرات الملكة وقالت : هادشي كان زمان ... شوفي شنو كاين دابا 

شادية : داكشي اللي فات مزال تابعك ... ومامنو هروب ... 

الملكة : كفاش؟ 

شادية : مزال قلبك معلق بيه ... يحساب ليك نساك .. ولا حتى نتي نسيتيه ... ولاكن هنا كيبان ليا مزاال ببناتكم ميعاد ... واخا بينك وبينو بحر وبلاد ... مزال كيشوف صورتك بين عينيه كل ليلة قبل ماينعس ... قلبو من جيهتك عامر حقد .. كما عامر عشق وغرام .. والدة معاه ؟ 

هزات شادية عينها فيها لقاتها ساهية .. رجعات سولاتها عاد فاقت من القلبة وقالت 

- شنو؟ شنو ببناتنا؟

شادية : والدة معاه ياك ؟

حركات الملكة راسها وقالت : لا 

شادية : وعلاش هنا طالع لي دم مشروك بينك وبينكو ... بلاتي بعدا .. هادا اللي كنهضر عليه حجرتو تقيييلة نييت ... الري ريو والشوار شوارو ولا كلمة فوق كلمتو ولا حكام بحال حكامو !! طوييل .. شعرو كحل بحال ضلام اللي .. لحيتو كحلة وفيها جوج خطوط تحت فمو من الشيب ... عينيه كوحل ولونو سمر شوية

الملكة : شارف ؟!!

شادية : لااااللة الاللة ... مشارف والو .. هاهوا واقف بحال الجبل على مزيناتو .. عليه شلا عيون ودايرين بيه شلا نسا 
الملكة : و..وعندو شي ولاد ؟

Trust🧚🏻‍♀: طالعة عبدية كتجري لجناح الملكة فيديها مرسول ملوي . وصلات لجناح الملكة ودقات بالجهد ودخلات عليهم كتلهت 

عبدية : لاللة ... جا مرسول من عند سيدي يور 

تلفتات شادية والملكة بجوج مخرجين عينيهم .. ناضت الملكة كتجري خدات المرسول وحلاتو بين يديها .. قرات المكتوب وهي تلقا " مرحبا بيك فبلادك " تبسمات تبسيمة عريضة وهزات راسها بالفرحة وقالت

- طقو الطبول ... علمو الناس . . . ولدي الامير يور ربح الحرب ... والبلاد رجعات بلادنا .. وحنا الليلة غادي نهزو رحالنا .

بدات عبدية تزغرت وشادية كضحك بوحدها ماعارفاش حتى علاش كضحك
تقلب لقصر بالفرحة وتفرتك مجمع الملكة وشادية ، تفرقات الحلوى وفرحات البلاد كاملة .

طاح الضلام وبقات غير الملكة بوحدها جالسة فجناحها كتخمم ... تبني وتردم .. كل شوية تنهد ، سمعات الدقان فالباب ومن موراه دخلات شادية مبسمة وقالت

- سمحي ليا الى قلقت راحتك الاللة 

الملكة : لا ... شنو جابك عندي؟

شادية : جيت باش نقول ليك ... على ..اححم.. ختي عيشة ... تكون دابا غتسطى بوحدها عليا . الى جاك كلامي صحيح ... خليني نمشي بحالي ولا تجي هي عندي

الملكة : سمعي اشادية ... انا فاش كنت قدك كنت كنمشي بلا عقل... داكشي علاش جبتها فراسي ، وهادشي علاش خلي كلامي حلقة فودنيك ... قبل ماديري شي حاجة فكري ليها مزيااان ... وداكشي اللي شفتي فكفي مانبغيك تعاوديه لحتى واحد

تقلب لقصر بالفرحة وتفرتك مجمع الملكة وشادية ، تفرقات الحلوى وفرحات البلاد كاملة .

طاح الضلام وبقات غير الملكة بوحدها جالسة فجناحها كتخمم ... تبني وتردم .. كل شوية تنهد ، سمعات الدقان فالباب ومن موراه دخلات شادية مبسمة وقالت

- سمحي ليا الى قلقت راحتك الاللة 

الملكة : لا ... شنو جابك عندي؟

شادية : جيت باش نقول ليك ... على ..اححم.. ختي عيشة ... تكون دابا غتسطى بوحدها عليا . الى جاك كلامي صحيح ... خليني نمشي بحالي ولا تجي هي عندي

الملكة : سمعي اشادية ... انا فاش كنت قدك كنت كنمشي بلا عقل... داكشي علاش جبتها فراسي ، وهادشي علاش خلي كلامي حلقة فودنيك ... قبل ماديري شي حاجة فكري ليها مزيااان ... وداكشي اللي شفتي فكفي مانبغيك تعاوديه لحتى واحد

تقلب لقصر بالفرحة وتفرتك مجمع الملكة وشادية ، تفرقات الحلوى وفرحات البلاد كاملة .

طاح الضلام وبقات غير الملكة بوحدها جالسة فجناحها كتخمم ... تبني وتردم .. كل شوية تنهد ، سمعات الدقان فالباب ومن موراه دخلات شادية مبسمة وقالت

- سمحي ليا الى قلقت راحتك الاللة 

الملكة : لا ... شنو جابك عندي؟

شادية : جيت باش نقول ليك ... على ..اححم.. ختي عيشة ... تكون دابا غتسطى بوحدها عليا . الى جاك كلامي صحيح ... خليني نمشي بحالي ولا تجي هي عندي

الملكة : سمعي اشادية ... انا فاش كنت قدك كنت كنمشي بلا عقل... داكشي علاش جبتها فراسي ، وهادشي علاش خلي كلامي حلقة فودنيك ... قبل ماديري شي حاجة فكري ليها مزيااان ... وداكشي اللي شفتي فكفي مانبغيك تعاوديه لحتى واح ..مزااال بيناتنا بزاااف مايتقال ... ولاكن ماشي وقتو دابا ... غاتجمعي حتى نتي رحالك نتي وختك عيشة ... وغادي تمشي معايا غدا مع لفجر 

حلات شادية عينيها وقالت : هااه!! والبقرة والعجل؟!!! الى رجعات مي ولقاتهم ماتو غادي تهبش علينا بدفارها حتى تجبدنا وتقددنا انا وياها 

تنهدات الملكة وقالت : غادي يجروهم لهنا عندنا حتى تجي مك وتجرهم عندها ... شنو باقي تاني؟

شادية : ووو والو .. ههه صافي نجمع شطايطي ونجمع معاهم حتى ختي .. والصباح تلقايني فايقة انا اللولة

قلبات الملكة وجهها كتنهد ورجعات سهاات ... تلفتات تاني لقات شادية مزال واقفة قدامها .. طلعات حاجبها وقالت

- مالك واقفة هنا؟

هبطات شادية راسها وقالت كتمتم : و .وووفين داكشي اللي قلتي لي 

الملكة : وشنو قلت ليك ؟ !

شادية : الذهب والنقرى و.. وداكشي الزوين 

كمشات الملكة سيفتها وقالت

- ولايني جلدة مع راسك ... جاااتك . يالاه سيري قضي حاجة راسك .. وسيفطي ليا عبدية لهنا 

شادية : عب عب عبدية اللي جابتني هنا ياك 

دورات الملكة راسها شادة جبتها كتسوط وراسها تقيل .. شافت شادية راسها غتزبلها وهي تخرج فيساع كتجري وتقلب على عبدية حتى لقاتها وهي توقف عليها من للور قفزاتها 

- شادية : تكلمي .. تكلمي لللللللل.للالة بغااااات فلحيييين سربي سربي

تلفتات عبدية مخرجة عينيها وقالت : ياااربي السلااامة ... منين جرتي ليا حتى نتي ... اش كااااين ؟ سيري راه ختك جابوها ليك وكتسناك ... راه لاللة هي اللي وصاتنا عليها وجبناها قبل المغرب 

شادية : ربي ربي ... انا غادية داااابا

مشات شادية كتجري هازة جلايلها حتى للوسعة لكبيرة فين كيجلسو الضياف مع الدخلة دباب القصر .. شافتها واقفة شبعاتة غبرة وشعرها مشتنف لابسة بلغة حالتها وحوايج بالية مسخة ومعنقة مع واحد الخامية نازلة من السقف مدلية وكتقيسها عليها ودورها من هنا ودورها من لهيه حتى قفزاتها شادية وغوتات 

- عييييشااااا

تلفتات عيشة بالزربة مخلوعة جمعات الوقفة خرجات عينيها فشادية مزياان وطلعاتها وهبطاتها من راسها لرجليها حاللة فمها ، شوية دارت بيها كتقيس فيها وفحوايجها وتشمشم فشعرها وتقول

- عطااااتك لياااام ياااالاللة ... هااي هااي هاااي هادي شادية!!!!!
دارت شادية يديها على جنابها وقالت كتعوج

- شاااادية ههه كي جييتك .. هاااه .. هاانا ... ايوا كي جيتك ههههه

فرحات عيشة ووقفات قدامها كتشوف فيها 

- اللي شافك يقول بنت هاد لقصر... والله وخرجتي بهاد لحوايج فلقبيلة مايقولو شادية .... وجهك تنقا ... فين هوا وجهك الممشكَ وشعرك لمنتوف ودرابلك اللي كنتي ديما دوري بيهم ديما 

شادية : صااافي مشااات ديك ليااام .. دابا ايااام اخرى 

عيشة : ياك كنت تقول ليك اللي يطلبها يطلبها كبيرة ... هانتي دخلتي للدار لكبيرة كاااع . . . ودخلتيني حتى يانا معاك ، عطيني شوية من هادشي اللي لابسة نلبسو حتى يانا 

شادية : وااغير بشوية ... دااابا حتى نتي يشوفوك كدوري بهاد الحالة ويهزوك يرقدوك فلحنة ولعشوب حتى ترطابي وتفخي كي لحمص ويقشروك وينشفوك ويلبسوك ... راحنا دابا فالقصر يااا عويشة .. عمرنا كنا نحلمو حتى نقربو جيهتو 

وقفات عليهم عبدية هازة كموسة فيديها قفزاتهم 

عبدية : تبعيني نتي وختك .. ولاتبقاوش دورو فلقصر وتسرحو .. يالاه زيدو تحركو 

تبعوها كيجريو موراها وغير يدورو فعينيهم بجوج .. داتهم لبيت صغير مفرش بفراش نقي وزوين وزرابي ملونة وقالت 

- شدي نتي .. هدية لاللة .. ونتي تبعيني غسلي ديك لحالة هي اللولة 

عيشة : انا!!

شادية : اييه نتي ... غادي يديرو ليك بحالي هههه

عيشة : اللي ماتعاود 

ناضت كتجري وتحر فنعالتها تابعة عبدية . دوزاتها بجنب جناح لحريم اللي بابو محلول مترع والبنات داخلين خارجين منو .. غير شافو عيشة وهوما يتستفو حدا الباب كيضحكو عليها وينعتوها بيديهم 

- دادا عبدية ... شكون هاد الجنية هههه

تلفتات عيشة وهرجات عينيها : انا هي الجنية اللي غضربكم كااملين ... غير بلاتي حتى يصلحوني ونرجع بحالكم (كطلع وتهبط فيهم) والله لا خليتها فيكم 

عبدية : زيدي وسدي داك الفم ... دخلو نتوما براكة من الضحك 

عيشة : شفتي .اااهنننهنهممنم شفتي كي كيضحكو عليا وينعتوني بالجنية

ضحكات عبدية وقالت : ههه دااابا حتى نتي تحنتيهم .. يعلم الله اش غيخرج منك ... وبلا شك غادي تصدمينا كما صدماتنا ختك ... دخلناها فسيفة وخرجات لينا فسيفة . 

عيشة : هههه حنا راه عندنا زين السلالة .. من لعمة للخالة ... حيدي منا غير يامنة ومسعودة لهجالة هههه
جالسة شادية مربعة رجليها قدامها كموسة زرقا معقودة ، حلاتها بشوية ملهوفة تشوف اشنو فيها .. مع الحلة ضرباتها ريحة الزهر والحود والروايح الزينة .. غمضات عينيها كتشمم وقالت

- الله على ريحة شحال زوينة .. عمري شميت بحالها فحياتي .. الله 

حلات عينيها فلكموسة وهي تلقا توب مطوي احمر وسبنية حمراء وبلغة جديدة مطروزة بكاع الالوان وغالب عليهم الاحمر .. بدات تقيس فيهم بيديها وجبداتهم بشوية ومن كترت فرحتها خايفة عليهم . حطات بجنبها البلغة الامازيغية وحلات بيديها التوب الاحمر لقاتو حايك من حرير الدودة وفطرافو لهداب حمراء مدلية ماعمر بنت من بنات لقبيلة لبساتو ولا جا على ضهر شي وحدة ، وتحتو صندوقة صغيرة نحاسية .. حلاتها لقات فيها حوالق وطوق ونبالة ذهبية .. فيه خلخال من النقرة و قلادة مذهبة مزياناها حجرة . فرحات روح الندى كملات تخمال الكموسة .. لقات لتحت كاع قفطان جوهرة ابيض كيشعل .. دوزات يديها عليه وخلاتو بلاصتو فوق منو قريعات صغار ديال العطر. السواك البلدي والكحل الحر .. رجعات كلشي بلاصتو كيف كان مستف وناوية بيهم تسافر مع الملكة فالصباح مع الفجر.. جمعات كموستها عندها عنقاتها وتركنات فركينتعا حتى دخلات عليها عيشة ختها .. حلات شادية عينسها على كبرهم وطلعاتها من رجليها حتى لراسها مامصقدقاش عينيها 

شادية : عيشة !!!

عيشة : ااااايه ... ااانا ... ايوا كيف جيتك ههههه شتي يا لهبيلة عيشة لحقيقية وشادية لحقيقية هما هاادو .. ماشي اللي كانو فديك لخربة عايشين ... يالاه خرجنا للضو وشفنا راسنا كي دايرين وعرفنا حد زيننا فين واصل... ههه نحنتو بنات لقبيلة كاملات فالزين ههه 

شادية : والله ياختي ماكدبتي... ندوزو حدى مسعودة متعرفناش 

عيشة : وراااه نتي كن ما هضرتي معايا قبيلة مكنتش نعرفك يا لهبيلة .. عرفتي دابا .. مع هاد التحميمة وهاد لقفيطين ولبليغة والشدة ديال الراس اللي دارو ليا .. خاصنا غير طاجين ولا قصرية دكسكسو .. نعمرو كرشنا ونطيحو نعسو ... نشبعو غير نعاس بعدا اللي عمرنا شبعناه فحياتنا 

شادية : راه غدا غتنوضي مع لفجر الحاجة .. تابعنا السفر مع الملكة لبلاد بعييييدة 

عيشة : فييين؟!!!

شادية : هادشي اللي قالت ليا ... على حد علمي ولدها يور ربح ديك الحرب اللي كانو يبرحو بيها ... وغاديا تشوف لبلاد اللي رجعات ديالها .. داكشي علاش بغات تديني معاها وانا غنديك معايا 

حلات عيشة عينيها وقالت : شنووو ولدهاااا ... يعني الامييير

عبسات شادية وقالت : شوووفي اديك اه ... راه ديري هاه ولا هاه رجع حناك لدار مسعودة تجلسي تسنايها تما حتى ترجع ... وتبتي وحصني حصني حسن ليك 

عيشة : تبتي وحصني نتي .. اما يانا قاارية صواري ..

دخلات عليهم مرى طويلة وسمراء من لعبيد هازة صينية فيديها ريحة الدجاج محمر علطية منها ... شمو الريحة وهما يسكتو ولسقو حدا بعضياتهم كيبلعو فريقهم وعينيهم على الطاجين قبل ماينزل ... غير تحط وخرجات المرى وهما يتلاحو عليه بيديهم ورجليهم . كلاو ... وشربو ... وعمرو كرشهم بنعمة عمرهك فحياتهم داقو بحالها .. حمدو وشكروه على النعمة اللي جاد بيها عليهم وطاحو خمدو فالفراش نقي وعود الند معطر المكان 

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.