قصة عشق دائم

صوت البكاء و النواح كاسر المكان بنت صغيرة و زوينة كتبكي بحرقة و دموعها شلال ..لما لا و الاب الروح ديالها سافر لدار البقاء ..خلاها وحيدة من بعد مكان السند ديالها فالحياة كان الصدر لي تخشا فيه منين تكون فرحانة و منبن تكون حزينة ..ميار البطلة ديالنا عندها 19 سنة بنت زوينة و بريئة شعرها زعيعر و عويناتها خضيضرين ..عندها حنيكات موردين و شفايف منفوخين طايتها و مفاتينها بارزين لي شافها ميقولش هاد البنت تربات و كبرات ففيلاج صغير ...... فهاذ الاثناء فيرما د سي يوسف البارودي لي فارقنا و مشا لدنيا بعيدة على دنيتنا .. عامرة بالعزايا سي يوسف كان رجل صالح ناس لفيلاج كاملين كيحبووه كان كيعطف عليهم و يعاونهم مكيخلي تاواحد مخصوص من شي حاجة كان كيحب شي حاجة سميتها المساعدة شي لي خلاه محبووب عند ناس كاملين...كان كولشي حزين ليه و لفراقو ليهم ميار ممغطة فالارض و تبكي و تغوت ربي لي خلقها و كلمة وحدة على فمها و هي : باااابااااااااااا لااااااااا باباااااا اعئ اهئ فيننن مشيتي عليا اهئ اهئ لمن خليتيني اهئ اهئ رجععععع متخلينبش اهئ بااااااابااااااااااااا كتبكي بحرقة و ضرب فقلباها و ناس كيتحسرو على حالتها و لي جا يبغي يقيسها ددفعوو شافو تاعياو وخلاوها على راحتها عالله تطفى النار لي شاعلة فقلبها بقات على ديك الحالة تبكي و تقول مابكات حتى تمو داهلين عائلتها لي جاو من ديار الامريكية و الحزن طاغي وواضح على وجهوهم تقدم رجل كبير فالسن كيجري بعكازو و كيبكي بحرقة كان سي الحاج لبارودي جد ميار لاح عكازو و طاح حداها شدها بيديه و عنقها و كيتبكاو هو و ياها الحاج: (كيبكي بجهد) بنتي اهئ مديريش فراسك هاكا ميار: اهئ اهئ باااااااباااا مشاااا احدي مشااااااا ااااه اربي علاااااش اباااابااا علاش مشيتي وخليتيني الحاج: (كرز على عينيه و كيبكي ) لا حول و لا قوة الا بالله ان لله و ان اليه راجعون .. تهدني ابنتي الله يرضي عليك متحرقيش قلبي قد ماهو محروق على ولدي احمد عم ميار تقدم جيهت الحاج و قال بصوت مكسور و حزين: لواليييد تهدن راك مريييض (تحنا و نوض باه من الارض و ضار عند مرتو نادية) هزي ميار عافاك نادية: اهئ اهئ بنتي اهئ اهئ براكة عليك احبيبة (نوضاتها من الارض و عنقاتها زيرات عليها و بقاو كيتباكاو و ينوحو) اهئ اهئ اهئ الله يرحمو احبيبة الله يرحمو ميار تهداع و عيات بقوة لبكا مبقا عندها جهد كتحس بكولشي فشلان عليها سكتات و بقاو دموعها ناولين في صمت داتها نادية جلساتها فوق السداري و شرباتها لما و ناس كيشوفو و يتحسرو على هاد لبنت الزوينة لي كانت الضحكة ديما مرسومة على وجها الحاج: اهئ اهئ ولدي تكلف بالدفن راه تعطلنا ...اكرام الميت دفنه احمد: واخا لواليد غير رتاح نتا انا انتكلف بكولشي احمد جلس الحاج و صار بانت ليه ختو و بنتها تاهوما جالسين كيبكيو فصمت ة مشا عندهم احمد: سمية ختي توكدي معايا الله يرضي عليك ردي لبال لواليد راه مريض هاصو يشرب دوا دلقلب سمية: اهئ اهئ واخا خويا غير تهنا اهئ اهئ احمد: لا حول و لا قوة الا بالله عنقها و باس على راسها و شاف فولدو و قال: امين يالاه معايا خاصنا نوجدو دفين المرحوم....وعيط لخووك تاهوا علمو ضروري يجي امين: راه علمتو الواليد ايكون جاي فطرييق احمد: يالاه زيد قدامي مشا احمد او امين تكلفو باجراءات الدفن و داو المرحوم للجامع لي تقريبا عمر بناس لفيلاج كولشي صلا عليه صلاة الجنازة و كولشي تبعو تالروضة.. تدفن سي يةسف تحت التراب و دعاو ليه الناس بالرحمة و رجع كولشي للفيرما لي عمرات بالناس و الطلبة كيقراو القرأن ميار دخلات لبيت باها و سدات عليها فيه هزاع حوايجو بقات تشمهم و تبكي حتى سخفات اما العيالات كولشي معاون فالكوزينة و روايح دكسكسو عاطية و الرجال جالسين مع العزايا و الطلبة ...فهاد الاثناء وقفات طوموبيل من نوع فيراري gري قدام لفيرما و نزل منها شاب وسيم فاواخر العشرينات لابس تريكو اسود مع سروال اسود و ترواكار اسود و سبرديلة كحلة مطلع شعرو للفوق و رابط تغوبيشة على وجهو داخل بكل ثقة و باين على ملاميحو الحزن بان لي سي احمد حدا لباب و تقدم لعنو عنقو و كيطبطب على ظهرو ياسين: لواليييييد ....لبراكة فراسك احمد: ممشا معاك باس اولدي ..تعطلتي ياسين: غير سمعت لخبار جيت نيشان ...فين جدي احمد: راه لداخل ياسين: كيدايرا صحتووو احمد: (تنهد) كيبغااات تكون ...هاجنا غير رادين معاه لبال و صافي سير دخل راه كولشي لداخل ياسين: (ضرب على كتفووو كيواسيييه) انا اندخل نشوفهم دخل ياسين للصالون لكبير لي كان تقيليدي و عامر غير بالرجال بان ليه جدو و مشا عندو عنقو و باس على راسو و قال : ان لله و ان اليه راجعون الله يرحمو جدييي الحاج: اهئ اهئ ولدي اهئ ياسين: براكة عليك اجدي راه كولنا ليها ..ديها فصحتك راك عياان الحاج: (مسح دموعو وقال ) حمد لله على كل حال ..انا بيخير اولدي متشغلوش ياسين طبطب على كتفو و جلس حداه

تحط لعشا و كولشي تعشا و العزايا بداو يغادرو لفيرما حتى خرج كولشي و بقاو غير العائلة جالسين فالصالون و كولشي ساكت حتى نطق الحاج و قال: فين ميار
سمية شافا فنادية و قالت: نادية كانت معاك نادية: اه راه خليتها فبيت المرحوم مسكينة بكااااات حتى مابقا عندها جهد
الحاج: طلعي عفا بنتي شوفيها نهار كامل بقات بوحدها
نادية: واخا لحاج انا نطلع نشوفها
طلعات نادية لبيت سي يوسف الله يرحمو بغات تحل لباب ساعا لقاتو مسدوود و بظاع كدق : ميااار بنتي حلي الله يرضي عليك ....(كدق بجهد) ميااااار ويلي هادي مالها ياكما وقعات ليها شي حاجة (بلغواااات) احممممممممد الحاااااااااااااج
طلع كولشي كيجري لقاو نادية كدق بجهد فلباب و تغوت شافت فيهم و قالت : لبنت لداخل معرت شنو صاري فيها
الحاج: (بلهفة) بنتي ميار ...دراري فرعو لباب
ياسين تقدم للباب : لواليدة بعدي شويا بعدات و حتى هوا بعد شوية و دفع لباب برجلو بجهد حتى تهرس و دخلو كيجريو لقاو ميار طايحة فالارص و الشعر مغطي وجها ة فيديها قميجة دباها مشا عندها احمد بزربة ضورها عندو و قاس النبض ديالها
احمد: لبنت سخفانة جيبو ريحة و لا كولونية مشات سمية كتجري جابت كولونية و مداتها ليه بقا كيرشها عليها و يمسح ليها على يديها و عنقها و كيشممها ليها فنيفها حتى بدات كتحرك فعينيها و راسها
احمد: ميااار كتسمعيني
الحاج: متخلعيناش عليك عفا بنتي
نادية: (شادة يديها) حبيييبة كتسمعينا
ميار حلات عينيها بان ليها كولشي ضايرسن بيها هزها احمد و حطها فوق السرير
احمد: بنتي واش نتي مزيانة واش بيخير
ميار: (طلقات لعنان لدموعهاو قالت بصوت مخنوق ) اهئ بااابا اهئ اهئ
كولشي كيشوف فيها و كيتحسرو على حالتها شحال صعيبة يمشي اقرب انسان ليك الشخص لي دائما كان حاضنك وواقف معاك كتولي تحس بالوحدة بالرغم من وجود ناس دايرة بيك ميار بقات فيهم بزااف سمية و نادية كانو غير على سبة تاهوما بداو يبكيو و دراري غير كيشوفو و الحاج شاد فعكازو و كيبكي اما احمد فتنهد و حرك راسو بلا حول
##من بعد 40 يوم
على موت سي يوسف لي مشا لدار لبقاء و بقاو غير افعالو الحسنة لي كتردد على كل لسان ..صباح جديد كيحمل معاه احداث جديدة فاقت ميار على اشعة الشمس لي مختارقة الغرفة ديالها ناضت دخلات للحمام دوشات و توضات نشفات راسها و هرجات هزات عاباية لبساتها دارت فولار على راسها و فرشات سجادة و صلاة صلاتها و دعاة مع باها بالرحمة و المغفرة ناضت جيداع لفولار و شافت وجها فلمراية لي كان شاحب و صفر و فمها بيض نزلات دمعة من عينها مسحاتها و مشات حلات لبلاكار جبدات بيجامة لبساتها و خرجات لبالكون جلسات فوق لكورسي و دارت وضعية الجنين هادا هو رواينها ليومي ليكتمارسو من نهار مات باها كتبقى نهار كامل و هي فنفس الوضعية تحل لباب و دخلات سمية فيديها بلاطو دلماكلة تقدمات لعندها حطات لبلاطو و جلسات اونفاص معاها
سمية: حبيييبة ...شةفي فعمتك هضري معايا عافا بنتي
ميار: (شافت فيها ) توحشت بابا 😢
سمية: (جراتها و عنقاتها كتمسح على شعرها) ابنتي الله يهديك هادي هي سنة الحياة لموووت علينا حق كوولنا ليه ليوم فدنيا و غذا فالاخرة لمووت مامنها هرووب كولنا غنموتو ياليوم يا غذا و خويا ربي بغاااه هو دابا فدنيا حين من هادي لي حنا فيها كولنا حزنا على فراقو شوفي غير بابا مسكين مرييض و صابر ..مكتوب الله كيتصرف معندنا منديرو خلي ايمانك بالله قوي و نوضي كملي حياتك ..الخياة عمرها موقفات فنقطة وحدة و لا عند شهص واحد لا بلعكس عمر طوييل قدامك خاصك تعيشيه بكل مافيه بالزوين و الخايب نوضي ابنتي الله يرضي عليك متبقايش دايرة فراسك هاد الحالة كتعذبي راسك و كتعذبينا معاك خويا كون كان مزال عايش ماكنش يبغي يشوفك و نتي بحال هاكا شوفي غير وجهك لي كان منور شوفيه كيولى صفر
ميار كتسمع ليها و كتزيد تبكي و تنخصص هضرت سمية وعاتها شوية هي من ديما و ايمانها بالله قوي لكن موت باها خلاها تنهار شهقاات شهقة حارة كذل على ارتياحها نوعا ما غمضات عينيها و هي فحضن عمتها مابنع ليها غير صورت باها قدامها و كيبتاسم ليها ..ميار ابتاسمات لا اراديا حلات عينيها مسحات دموعها و بعدات على عمتها
ميار: عمتي ...شكرا ليك ريحني كلامك
سمية: (كدوز يديها على وجه ميار) هادشي لي بغيت احبيبة بغيتك تكوني مرتاحة (وقفات و نوضاتها معاها) اجي معايا
ميار: فين
سمية دات ميار قدام لمراية و قالت: محشوماش هاد الوجه زوين يولي ذابل و شاحب بحال هاكا ..شوفي فيا غادي توجدي راسك و غادي تنزلي و غتفطري مع جدك مسكين بالو مشغول عليك بزااف و عاد هو مرييض باغي غير يشوفك على هير و بيخير واخا
ميار: (ابتاسمات ) صافي واها اعمتي غير نزلي نتي انا انلبس حوايجي و نزل
سمية: وعد
ميار: ههه وعد
سمية: يخلييك ليلي الحبيبة هاكا نبغييك ..يالاه انا سبقتك
ميار: واخا
نزلات سمية و ميار شافت فلمراية

هزات فونديشن دارت منو مع فراجو و مسكارا و عكر ماط هفيف على لون شفايفها مشطات شعرها و مشات لماريو حلاتو و جبدات تيشةرط كحلة مع تجين و سبرديلة عالية فرمادي دارت بارفانها (موتشينو) رجعات شافت فلمراسة و تبسمات ابتسامة خفيفة و خرجات من لبيت نزلات للصالون شافها جدها و مشا عندها وقفات عنقاتو و بدات تبكي بدون شعور
الحاج: فرحتيتي ابنتي هاكا نبغيك
ميار: اهئ اهي جدي
الحاج: صافي ابنتي براكة من لبكا طيبتي قلبي عليك
ميار: (مسحات دموعها ) صافي مغنبكيش...نتا لاباس اجدي ياك
الحاج: بشوفتك وليت لاباس اجي تجلسي
ميار: واخا...فين عمي احمد
سمية: حبيبة كولشي رجع بقيت غير انا وبابا الحاج: بنتي دراري مقابلين الشركات كان هاصهم يرجعو و تا حنا انلحقو عليهم منين وليتي لاباس
ميار : ك كيفاش...اتخليوني بوحدي
الحاج: لا ابنتي ميمكنش تبقاي بوحدك نتي اتمشي معانا و غاتعيشي وسطنا وسط عائلتك
ميار: اشنو....و لكن
الحاج: مكاين ما ولكن ...نتي اتمشي معانا حبيبة حنا عايشين فنيويورك ميمكنش نتي تبقاي هنا بوحدك
سمية: بابا عندو الحق ..ايخصك تمشي معانا ضروري او كولنا انكونو معاك
ميار: (بعد صمت طويل تنهدات) واخا لي بغيتو
الحاج: الله يرضي عليك احبيبة يالاه فطري باش ليوم نمشيو
ميار: بهاذ الزربة
الحاج: حبيبة عمتك بقات هنا ترجع لدارها تاهي
ميار: اه صافي واخا
مهم فطرات و ناضت جمعان حوايجها و خرجات توادعات ميار مع ناس لفيلاج و مشات ركبات فاللوطو عنقاتها سمية و ديمارا شيفور دلحاج نيشان للمطار دخلو لقاو طيارتهم الخاصة واجدة ركبو و قلعات الطيارة ميار كتشوف من الزاج و كتوادع مع بلادها من بعد ساعات حطات الطيارة فمطار نيويرك الدولي نزلو ركبو فاللوطو ديالهم و نيشان لفيلا البارودي ميار كان غالب عليها العيا و عاد لماكلة مكلاتش مزيان حسات بالسخفة دخلو للفيلا و هي عينيها كيتلسقو شافتها نادية جات عندها عنقاتها و احمد تاهو سلم على باه و ختو و عنق ميار تاهوا نادية شافت فميار باينا عينة و هي تشدها من وجها
نادية: حبيبة مالكي
ميار: ها..والو غير عيانة اخالتي و بغيت نرتاح
الحاج: وصليها ابنتي لبيتها ووصي لخدامات يطلعو ليها لماكلة تاكل شويا
نادية: واها الحاج غير رتاح نتا ...متنساش راك حتى نتا مريض
احمد: وي الواليد تا نتا خاصم ترتاح
الحاج: انا مرتاح بلا متشغلو بيا
نادية: ميار حبيبة تجي نديك ترتاحي
ميار: واخا 😊
شدات فيها نادية و طلعاتها لبيتها كان غالب عليه اللون الباج و ديكورو عصري
نادية: حبيبة بدلي و رتاحي ليك شويا انا نوصيهم يطلعو ليك لماكلة
ميار: واخا اخالتي عذبتك معايا
نادية: متقوليش هاكا نتي راه بنتي
ميار: ربي يخليك
خرجات نادية و ميار ضورات عويناتها فلبيت كان مهوي و فروجي دخلات للحمام عمرات البانيو و تخشات فيه ترولاكسات ناضت تشللات و خرجات لاوية عليها بينوار لقاتو فلحمام لقات بيفاليز دياولها طلعوهم الخدامات حلات وحدة جبداع منها بيجامة دنعاس هفيفة فزرق لبساتها و نشفات شعرها خلاتو على راحتو و دهنات كريم مرطب و مشات تكات فوق الناموسبة حاى سمعات لباب تحل كانت نادية مدخلة فيديها بلاطو دلماكلة مع دوا شافتها ميار و ناضت شداتو من عندها
ميار: خالتي علاش عذبتي راسك
نادية: مكاين لا عذاب لا والو ناي هي لولة كولي مزياان
ميار: صافي واخا شكرا
نادية: معندك لاش تشكريني مادرت والو ..شويا و تجي لخدامة تنزل لبلاطو و نتي نعسي رتاحي
ميار: واخا
خرجات نادية و جلسات ميار كتاكل بشوية عليها حتى شبعات ناضت للحمام غسلغت سنانها و خرجات سمعاع دقان قالت دخل ..دخلات للخدامة استأذنات هزات لبلاطو و مشات ميار تخشات فبلاصتها غير حطات راسها على لوسادة غفااات و انتاقلات لعالم الاحلام
##نمشيو نشوفو البطل ديالنا لي كيتواجد فهاد الاثناء فاكبر شركات الرخام فالعالم مجموعة شركات البارودي للرخام جالس فمكتب كبير غالب عليه طابع رجولي جالس بكل ثقة و خاشي راسو فلوراق حتى تحل لباب و دخل امين خووه تاهوا شاب لايقل وسامة على خوه فعمرو 24 سنة ياسين هز راسو و تكا على لكورسي شاف فامين لي داخل بابتسامة عريضة
ياسين: مالك داخل كتفرنس
امين: ربحنا المناقصة يا اخي
ياسين: (دار ابتسامة جانبية ) ممم كنت مزيااان ماعليكش
دخلات سيكرترة تاهي كضحك و قالت : الاسهم ديالنا خدات المرتبة الاولى فالبورصة صراحة حققنا ارباح كثيرة
ياسين:(ربع يدو مور راسو و بتاسم) ماريا جيبي ليا ملف المشروع الجديد باش ندرسو قبل مندخل الاجتماع
ماريا: اوكي موسيو البارودي
ياسين: ميرسي ...و نتا ايهصك تلاقا بالمستثميرين جداد
امين: ماعنديش موشكيل و لكن ليوم راه جا جدي ايخصنا نرجعو للقصر بكري
ياسبن: اوكي
هرج امين و ماريا جابت الملف لي طلب منها ياسين لقا نظرة عليه درسو مزيان و هزو و خرج فاتجاه قاعة الاجتماعات

##عند ميار لي رتاحت شويا حلات عينيها كان ظلام طاح ناضت لبسات بانطوفتها و خرجات للبالكون هزات راسها فابسما لي كانت مضوية النجوم غمضات عينيها و استنشقات الهوا لي كان ممزوج بريحت المسك لي مزروع فالجردة دخلات للحمام غسلات وجها و خرجات لبسات سيرفيط كحل فوقو كاب فلغووز حيت كان محرك لبرد مشطات شعرها و خرجات من الغرفة هبطات مع الدروج و بدات تسمع صوت الهضرة تبعات الصوت حتى وصلات لبصالون لي كان كولشي مجموع فيه شافوها و توقفو عن الكلام ناض امين هو لول سلم عليها من بعد ياسين تاهوا و عاد نهى لي تقريبا عندها مع ميار نفس العمر و اخيرا مراد زوج سمية تاهوا عنقها و عزاها فباها
الحاج: اجي بنتي جلسي حدايا
ميار بقات غير كتشوف زي الاطرش فالزفة حيت من طول عمرها و هي بعيدة عليهم كتشوفهم غير فالعطل جاها كولشي تبدل كما حتى هوما جاتهم كبرات و تبدلات ..ابتاسمات ليهم و مشات تخشات فجدها كيلمشيشة
الحاج: رتاحيتي شويا
ميار:(بصوت منخافظ و حشمانة) اه اجدي
نادية: حبيبة كيجاك بيتك عجبك ..سمحليا صايبتو على ذوقي حيت معارفاش الالوان بي كيعجبوك تقدري تبدلي ليه ديكور
ميار: لا اخالتي زوين ..عذبتي راسك
نادية: لواه ابنتي عذابك راحة كتبقايش تقولي هاكا
ميار شافت فيها و ابتاسمات بقا كولشي كيهضر من موضوع لموضوع من غير ياسين لي بطبعو كلام قليل
نهى: ماما...جاني جوووع واش مغيحطووش لغشا خلاص
سمية: بنتي صبري فاش غيوجد غيحطووه ويلي
امين: ههههه طول عمرك و نتي فيك جووووع كنتمنى نشوفك شي نهار شبعانة
نهى: ديها فراسك نتا
مراد: فرق بنتي عليك اهياتا
امين: شتوني لاصق فيها ولا شنو
نهى: تلصق فيك جنية انشاء الله
الحاج: صافي هنيونا ..ياسين كيغادا امور الخدمة
ياسين: مزيانة اجدي
امين: ليوووم الاسهم ديالنا خدات المرتبة الاولى فلبورصة
الحاج: ههههه مزيان هاكا نبغيكم...ديما بقاو فغلمراتب الاولى
ياسين: انشاء الله
....: مدام لعشا واجد
نادية: اوكي ...يالاه الي فيها جوع نوضي
ناضت نهى كتجري و تبعها امين غير جكارة فيها و كولشي تبعهم كيضحك و ميار غسر مخشية فجدها و كتشوف فيهم حساااات بالدفئ العائلي من جديد كانت مفكرة ان من بعد موت باها غاتبقا وحيدة و لكن العكس لقات عائلتها واقفة جنبها و حاضناها جلس كولشي على مائدة الاكل لي كانت طويلة و مترأسها الحاج قال بسم الله عاد بداو فالاكل ميار جات حدا نادية لي غير تهز و تحط قدامها
نادية: كولي مزيان احبيبة
ميار ابتاسمات و حنات راسها فطبسيلها و بقات تاكل بشوية و كتشوف فامين و نهى لي منوضينها صبااط نهى تهز حاجة و حيدها ليها امين حمقها
نهى: اعععععععغ جددبييييييي
سمية: الصمك ابنتي
نهى: هزو عليا هاد لويل من حدايا
ياسين: اميييين صافي فرقها علييك ضريتوني فراسي
امين: ههههههه منقدرش منشدش فيها
ياسبن: تgعدو من حدايا و عاودوها لراسكم
امين: ههه صافي كالم ...عندك الزهر البرهوشة
نهى: لبرعوشة هي لي حطاتك
نادية: اييه ابنتي الله يرضي عليك ولات دابا قد لبرمة قد لكاس
نهى:احم سووري طاتي مقصدتش
سمية: كولي و سكتي و نتي مابقيتي تحشمي
نهى: (خنزرات فامين و هزات عليه فورشيط) تحادي طبسيلي نتقب ليك عينيك هاني علمتك
الحاج: صاغي كولو و هنيونا
ككلو عشاهم مرة ضاحكين و مرة مناgرين حتى سالاو و جابو ليهم التحلية و هو ينطق الحاج : احم مدام كولشي مجموع خاصني نفاتحكم فواحد الموضوع
كولشي شاف فيه باستغراب و كيتسناوه يهضر باش يعرفو شنو الموضوع من غير شخصين

من غير شخصين لي عوما احمد و نادية لي كانت ردة فعلهم عادية كأنهم كيعرفو مضمون الموضوع لي بغا يقول سي الحاج
سمية: بابا شمن موضوع
الحاج: انا قررت و بالطبع بالاستشارة مع ولدي احمد و مرتو لي دعموني فالقرار لي اتاخذت و لي كنعتابرو قرار صائب لي اتاخذتو من بعد تغكير عمييييق و هو (سكت شحااال) قررت باش نزوج حفيدتي ميار لحفيذي ياسين
ميار شهقااات بهول الصدمة و كولشي خرج عينو ممصدقينيش شنو سمعو بينما ياسين شاف فجدو ببرود و ضحك فسخرية و قال: هه جدي من نيتك
الحاج: ميار من بعد موت ولدي هي امانة فرقبتي و هي شرف العائلة بصفتها لبنت لوحيدة لي كتحمل نسب ديالنا اي واحد شافها يقدر يبغيها او يطمع فيها و انا مستحيل نعطيها لشي شخص لي انا ماعرفوش واش غيتهلا فيها و لا يتكرفس عليها داكشي علاش قررت نزوجها بولد عمها لي غادي نكون مرتاح من جيهتها و هي معاه و انا عارفك اولدي غادي ديرها فعينيك و غادي تحميها و تصونها و تكون سند ليها فالحياة ...انا صحتي على قد الحال مابقا ليا فدنيا قد ما فات باغي نموت و انا مخلي بنت ولدي لي هي امانة فرقبتي فايادي امينة و فكرت حتى عييت و ملقيتش من غيرك لي غنأمنو عليها
نادية: ولدي الحاج خدا قرار صائب و تقلب حتى تعيا متلقاش حسن من ميار زوينة و مأدبة و قارية وواعية gاع الصفات الحسنة و لي كنت نتمنى نلقاهم فمرت ولدي كتميز بيهم ميار
ياسين: ولكن انا ممستاعدش للزواج و مكنفكرش فيه اصلا ...ميمكنش نسمح بهاد المهزلة
الحاج: ياااااسين ...انا قلت قراار يعني غادي توافق عليه بخاطرك و لا بزز منك
احمد: جدك خذاا قرااار صائب و انا ومك مدعمينو
ياسين: شغلكم هاداك بنت عمي على راسي و عيني نقدر نحميها من اي واحد من دون منتزوج بيها ...مستحيل نسمح بهادشي انا محيد فكرة الزواج من راسي حييت لوقت ليكنت باغي نتزوج فيه كولكم عارضتوني و تاحد ماوفق و دابا جايين ترغموني على قرار لي لا محل له من الاعراب
ميار حاطة يديها على فمها و غير كتشوف بعينيها مصدومة
الحاج:(ضرب على الطبلة وجنع الوقفة) متقارنش ديك البنت بحفيدتي واش بعقلك كونتي باغي تزوج بوحدة لي مكتشبهنا لا فدين و لا فعادات و لا فتقاليد ها...واش نتي مريييض ولا شنووو
ياسين:(ناض تاهوا و هضر بلغوات) ولكن كنت كنبغبيييييها كتسمع كنت كنبغيها و هي ماتت بسبابي بسبابي انا ماتت و انا عطيت وعد على راسي باش عمري نتزوج شي وحدة من غيرها كتمسمع معمري
نادية: (كتبكي) حشومة عليك اولدي حتى لين اتبقى داير فراسك هاكا ها... تانتا خاصك دير دارك ووليداتك
ياسين: لواليييييدة هادشي لي كطلبو مني من سابع المستحيلات
الحاج بغا بغوت و هو يشهق شد فقلبو و جلس على الكرسي
سمية: هييييء بااااابااا
كولشي شاف فيه و مشاو كيتجاراو ضارو بيه من غير ياسين لي مسح على راسو
نادية: اهئ اهئ الحاج ....
احمد: (عيط للاسعاف) بعدو عليه خلييوه يتنفس ...لواليد كتسمعني لواليد
ميار: (بقات كتشوف فجدها و دموعها شلال و كترعد غير بوحدها ) ج جد(سخفات)
نهى: مياااااار ماما
امين و مراد مشاو كيجريو هز امين راسها و كيضرب على وجها بشوية
امين: ميااار ميااار كتسمعيني
نادية: الله يربي الله ...(شافت فياسين)حشومة عليك اولدي هادشي حشووومة
وصلات سيارة الاسعاف هزات سي الحاج و ميار و طارو للكلينيك و العائلة كولشي تابعهم بطوموبيلات الحاج حطو ليه التنفس الاصطناعي على نيفو و ميار دgو ليها ابرة باش تستعيد للوعي ديالها و صلو للكلينيك بسرعة البرق(كون كانو فالمغرب كون ماتو فلومبيلونص هادشي لا جات😂😂) دجاو الاطباء و الممرضات دخلوهم لبلوك العئلة كولشي غادي جاي فلكولوار وواقفين على اعصابهم كيتسناو غير شي طبيب يخرج حتى تمات خارجة واحد الممرضة لي غير شافها ياسين طار عليها
ياسين: شواقع لداخل
ممرضة: (بالانجليزية) الانسة حالتها مستقرة فقط تعرضات لصدمة لي هلاتها تنهار عصبيا و تفقد الوعي اما سيد فجاتو ازمة قلبية دعيو معاه بالشفا حالتو حرجة بزاافف
سمية: لاااا بابا اهئ اهئ
نهى: ماما تهدني
امين: تهدنو شوية انشاء الله ايكون بيخير
نادية: اهئ اهئ ااه ياربي تشافيه
احمد شاف فياسين و مشا كيجري شنق عليه
احمد: طلب ربي ميوقع ليه والله بربي ياحتى ندمك ياوليدي
جا مراد كيجري فكهم : احمد تهدنو اصاحبي ماشي وقت هاد الهضرة
احمد: (بعد على ياسين ووجه لي صبعو السبابة) كلام لواليد عو لي غايكو كتفهم و الى قال غتزوج بميار هي غتزوج بيها
ياسين تنهد و مسح على شعرو بعصبية و جلس فلكورسي حاط يديه على ركابيه لي كيرجفو بالعصاب حتى تم خارج طبيب و ملاميحو ممحين

 خرج الطبيب ملاميحو ممحيين كولشي تقجقل عليه و كل منين كيسولو و ملهوفين
طبيب: غير تهدنو بعدا ...سيد جات ازمة قلبية حالتو مزال مستقرات حنا درنا لي علينا كنتسناوه يفيق غادي يبقى فالرعاية المركزة حتى يفيق و نشخصو حالتو
احمد:نقدرو نشوفوه
طبيب: لا ميمكنش خاصو حتى يفيق تقدرو تشوفوه غير من الزاج
نادية: دوكتوور و البنت
طبيب: الانسة حالتها مستقرة متهلعوش عليها شوية و يحولوها لغرفة ديالها تقدرو تطمأنو عليها ...بااشفاء انشاء الله
خلاهم و زاد و من بعد دقايق تحل باب لبلوك هرجو الممرضات ميار فبياص متنقل كولشي العائلة تكجكجو عليها كيذبان (😂😂😂 اويلي على ذبان متديوش عليا احمباكم) تبعوها حتى دخلوها للغرفة ديالها و شافا فيهم الممرضة و قالت بصوت محلون: عافاكم هليوها ترتاح شوفوها شوية و هرجو حيت اصلا مغاتفيق حتى للصباح ...بالشفاء انشاء الله
خرجات و العئلة بقاو اطمأنو على ميار و بداو ييتزلعو واحد مور واحد
سمية: نهى بقاي معاها عافا بنتي واخا
نهى: واخا اماما
خرج الكل وقفو قدام العناية المركزة لي كانو نقلو ليها الحاج شافوه من الزاج كان ناعس و الخيوط مغروسين فيه و الاكسجين على نيفو ياسين شاف حالتو ندم حيت عارضو مقدرش يصبر و خرج كيجري ركب فطوموبيلتو ديمارا خلا غير لعجاج موراه ماوقف غير قدام اكبر بار فنيويورك دخل غير شافوه لي سيرفور جاو كيجريو عندو حيت هو زبوون عندهم من شحال هادي جلس فبلاصتو لي معتاد يجلس فيها و طلب كوكتيل فودكا قاسح دغيا جابوه ليه بقا كاس مور كاس حتى حمارو عينيه و محدو كيتفكر حالة جدو كيزيد يصعر بمجرد تفكير انه هو سباااب الحالة لي وصل ليها الحال كيبغي يحماق و كيزيد يشرب حتى مابقاش كيشوف قدامو والو جمع لوقفة جبد بوطامو حلو و حط دمصة دلفلوس فوق الكونطوار و تم خارج كيتمايل حتى وصل للوطو حلها و طلع و الضبابة على عينيه بقوة الشراب حط راسو على لفولون و مشاااااااا
🌃🌇صباح جديد فمدينة نيويورك ياسبن ناعس فاللوطو جتى ضربات فيه الشمس حل عينيه و راسو كيضور هز يدو و شد فراسو لي عاطيه الحريق بكثرة الشراب ساف جنابو و تفكرا ليلة لبارح هز يدو شاف فالساعة و ديمارا اللوطو نيشان للقصر دخل كيجري لبيتو دوش بالخف و لبس حوايجو



و خرج كيجيري ركب طوموبيلتو نيشان للكلينيك مشا للعناية المركزة مالقا فيها حد مفهم والو بانت ليه واحد الممرضة و هو يشنق عليها
ياسين: لمريض لي كان هنا لبارح..
ممرضة: اه وي سي لبارودي راه استعاد وعيو و نقلناه لغرفة ديالو
ياسين: شمن غرفة عافاك
ممرضة: غرفة 334
ياسين: اوكي تانكس
مشا كيجري كيقلب على الغرفة حتى لقاها حل لباب بجهد حتى دار كولشي و كانت من بينهم حتى ميار لي جالسة فوق لبياص جنب جدها
ياسين: جدييي
الحاج: (ضور وجهو) ماجدكش
ياسين:(تنهد و مشا قرب ليه ) جدي سمحليا مقصدتش
الحاج: (انا انوريك غا بلاتي اتقبل هاد الزواج بزز منك و عينيك يحرقوك) لاش جاي ..باغي حتر تشوفني فلقبر عاد ترتاح
نادية: تلحاج برا و لباس عليك متقولش هاكا
سمية: بابا الله يحفظك و يطول لينا فعمرك
ياسين: (شد فيد الحاج و شاف فميار) نتا عارف معزتك عندي ممبغيش نشوفك عيان و لا واقعا ليك شي حاجة
الحاج: (بسخرية) كون كان كيف كتقول كون وافقتي على قراري ماشي ..
قبل مكيمل هضرتو قاطعو ياسين و قال: تا دابا انا موافق

ياسين: وحتى دابا انا موافق
كولشي شاف فيه بصدمة حتى من مبار بلقات فيه عينيها بينما الحاج ضحك حتى بانت ليه ضرسة دلعقل
الحاج: ههههه دابا درتي عقلك
نادية: (بفرحة) ولدي بصح 😃
ياسين: ااه الواليدة لي بغيتوها انا موافق عليها
احمد:(ضرب على كتفو) عاكا نبغيييك
الحاج: اييي عيطو لداك طبيبي شوفو امتى نقد نخرج
سمية: بابا بشوية عليك حاول على صحتك
الحاج: ههه وليت كنحس براسي اوتفورم دابا
نادية: (شافت فميار لي كانت مصدومة) مياار.....ميااار
ميار: (قفزات) ااا نعام 😵
نادية: بسم الله علييك ..مالكي ابنتي مقلتي والو
ميار: ها...ف فاش
نادية: واش نتي موافقة
ميار: ها
نادية: كيفاش ها
ميار: (شافت فجدها و ضورات عينيها على كل واحد ) لا رد
نادية: بنتي هضري واش نتي موافقة
ميار:انا ...انا...(شافت فالحاج لي كيتسنا يسمع جوابها ) لي بغاها جدي انا موافقة عليها (وحنات راسها)
ااحاج: الله يرضي عليك ابنتي
نادبة: هه فرحتوووني ...ميار نتي مزال عيانة خاصكي ترجعي للغرفة ديالك
ميار: لا انا بيخير غير خليني هنا
سمية: لا احبيبة خاصكي تمشي للغرفة ديالك باش يطلعو ليك لفطور ...نهى اجي عاوني بنت خالك ديها للغرفة ديالها
نهى: واخا اماما
نهى شدات فميار و هرجو تحت نظرات الكل لي متبعينهم داتها للغرفة ديالها
ميار: صافي انا بيخير
نهى: ههه معلوم بيخير الالة لعروسة اجي تمددي فبلاصتك
ميار: بففف فهبارك مكيعجبنيش جو دسبيطار
نهى: شكون فينا لي كيعجبو جو دسبيطارات...اي جاني جوووع
ميار: هههه عوتاني
نهى: بلا ضحك الله يرضي عليك ...و النبي انتي مجعتيش
ميار: هههه لا مجعتش
نهى: هههه سلامة ...افف انا نمشي نشوف مناكل نتي بقاي هنا متحركيش
ميار: واخا
خرجات نهى و ميار غمضات عينيها باش ترتاح و هي تخايل قدامها ياسبن حلات عينيها بزربة
ميار: (فنغسها) ويلي بففف شنو زعما دابا انا بصح انتزوج بيه
قاطع تفكيرها لباب لي تحل و دخل الشخص لي صدمها نعم يسادة ياسين بشحمو و لحمو دخل ووقف حدا لبياص ديالها و ابتاسم : سافا
ميار:(حسات بقلبها بدا يزدح و الحشمة طالعة مع صبعها الصغير) وي حمد الله
ياسين: كيبقيتي مزياان
ميار: انا بيخير
ياسين: احم (بتردد )احم صراحة جيت باغي نهضر معاك
ميار: (تقادات فالجلسة) ااه تفضل
ياسين: احم هو فالحقيقة انا......

ياسين: هو فالحقيقة انا جيت نهضر معاك بخصووص زواجنا
ميار: امم؟!..(كتشوف فيه بنظرة تساؤل)
ياسين: مهم باش نكون واضح معاك نتي بنت عمي على راسي و عينيا و لكن كيف سبق و قلت انا ممستاعدش حاليا باش نبدا و نبني علاقة جديدة و جدية انا وافقت على هاد الزواج غير نظرا انا صحة جدي شوية مضطربة داككشي علاش
ميار:(كتشوف فبه و كيفاش كيهضر) يعني
ياسين: فلوقت الحالي متسناي مني والو و حتى انا مغنتسنى منك والو على الاقل حتى نعرف انا براسي شنو باغي و نقدر نستوعبى هادشي لي ضاير بيا انا مبغيتكش توهمي بشي حاجة لي تقدر تأذيك من بعد داكشي علاش قررت باش نوضح كولشي من دابا و نحطو النقط على الحروف
ميار: نتا كتقصد انا زواجنا يكون غير تمثيلية قدام العائلة
ياسين: زواجنا غادي يكون شبه حقيقي يعني غير على الورق
ميار: امم اوكي تا انا موافقة...ولكن هادشي شحال غيدووم
ياسبن: (تنهد) سؤالك معنديش ليه جواب للاسف سمحيليا
مشا و خلاها كتشوف فنقطة وحدة ماوعاتها غير يد تهى لي كدوز قدام وجها
نهى: عييهو فبن مشيتي
ميار: حاسة براسي تايهة
نهى: مالكي
ميار: بففف والو بغييت نبقى بوحدي ممكن
نهى: وي اكيييد
ميار: شكرا
ضارت على جتبها غمضات عينيها و بدات كتفكر فهاد الحريرة ياسين مشا للشركة و لهى راسو فالخدمة و العائلة بقاو فلوبيكال مجموعين مرة كيطلو على ميار و مرة على الحاج
🌅يوم جديد لي داز عادي عند ابطالنا لي مشافوش بعضياتهم ميار و الحاج هرجو من لكلينيك و رجعو للقصر كولشي كان مجموع شي فرحان و شي مهموم و حزين سي الحاج قرر موعد العرس لي غيكون من هنا يوماين و لي غيكون عبارة على حفلة صغيرة باصرار من ميار و نظرا لحتى ان سي يوسف ماشي بزاااف باش مات هاك داز نهار فقصر البارودي حتى ظلام الحال تعساو و تفتركو كل طلع لبيتو
🌃🌇اصبح الصباح فاقت ميار كتكسل شافا فساعة لقاتها 9 و ناضت دخلات للدوش دوشات و توضات هرجات صلاة صلاتها و عاد ناضت نشفات شعرها و مشات لماريو جبدات حوايجها سروال بارا ما بودي بيض معري من لكتاف و سبرديلة بيضة جمعات شعرها كعكة نع مكياج خفيف مع بارفانها المفضلMoschino خرجات تمات غادة حتى كتزادح مع صديقنا يالاه خارج من بيتو و ريحت بارفانو تشميها عبر اميال كان ضارب تيشورط بيض مع سروال تجين و سبرديلة بيضا(متافقين على لبيض😂😂) شافت فيه و هي ذوب بعدات علبه وقالت: سمحليا مشفتكش
ياسبن: لا هانية
تبسمات ليه و دازت من حداه كملات طريقها و هي قلبها ايهرج من بلاصتو و العصافير كتزقزق و كتشطح الزومبة فالاحشاء ديالها بينما هو تم غادي تابعها بمشيتو الرجولية و يديه خاشيهم فجيابو و كيشم فريحتها لي محدها كتحرك و هي كضرب فيه حتى وصلو للمائدة الاكل ميار قالت صباح لخير و جلسات و نفس الشئ بالنسبة لياسين قال صباح لخير و جلس اونفاص ليها
نادية: مياار وجدي راسك انخرجو باش تشري لاغوب دلعرس
ميار: لا مكاين لاش (شاف فيها ياسين )
نادية: كيفاش مكاين لاش حماقيتي كاينا شي عروسة مكتلبسش لاغوب
ميار:خالتي مابغيتش نلبسها نقدر نلبس لي كان عندي لي غوب فلماريو كثاار
سمية: لواه احبيبة ضروري ماتلبسي كسوة لبيضة
ميار:(شنو فائدتها لاكان هادا غير زواج مزيف بففف) لا عمتي مكاين لاش و عافاك متحكروش عليا واخا
سمية و نادية شافو فبعضياتهم و هزو راسهم شافو فالحاج لي غمض ليهم عينيه زعما ماعليش ياسين بقا كيشوف فيها حتى بدا يصوني بيه تيلي ناض استأذن منهم تم خارج عاد جاوب
ياسين: وي ماريا...اوكي هاني جاي
نهى: سس مياار
ميار: (شافت فيها) نعام
نهى: شبان ليك نخرجو انا وياك
ميار: فين
نهى: منبن جيتي مخرجتي ...نمشيو نتسركلو شويا شقلتي
ميار: واخا
امين: منمشيش معاكم
سمية: نوض اولدي سير قضي الا عندك ميتقضى
امين: ههههه ياك اعمتي كتجري عليا مقبولة منك
سمية: بنات بغاو يهرجو نتا لاش خاشي راسك معاهم ..يالاه رولي
امبن؛ ههه هاهوا غادي ..الله يعاون
الكل: بسلامة
نهى: يالاه نوضي حتى حنا نخرجو
ميار: يالاه
ناضت نهى و غمزات مها و نادية غير برييط و تمو خارجين ركبو لبنات فاللوطو دنهى لي عبارة على بورش صغيرة فالحمر طلقات نهى مزيكة و ديمارات
ميار: فين غانمشيو
نهى: شبان ليك نمشيو نديرو شوبينغ حتى يوصل وقت لغءا و نمشيو نتغذاو فشي ريسطو
ميار: اوكي

وقفو لبنات قدام واحد لموول لي كان كبير دخلو اللوطو للباركين و دخلو نهى بقات كدهل من بةتيك لبوايك و ميار غير تابعاها حتى دخلو لواحد لبوتيك خاص بالعرائس
نهى: اووف واهييرا لقيتو
ميار:(شافت فيها) من نيتك
نهى: لا من كبدتي ...غادي تهتاري كسوة من هنا
ميار: نهى بصح راني مابغيتش و ماراشقاش ليا نلبس شي كسوة
نهى: نوووو غادي تلبسيها
ميار: ماعندي علاس نلبسها
نهى: وي عارفة حيت زواجكم ماغايكونش حقيقي ياك ...على ود هادشي ماباغاش تفرحي براسك و تكوني بحالم بحال العرايس
ميار: (تصدماات) ش شنو ....باش عرفتيها نهى: ديك نهار سمعتكم فلوبيطال بدون قصد
ميار: (تنهدات) يالاه نهرجو نن هنا
نهى: مزال مختاريتي لا غوب
ميار: منين عارفة لي كاين علاش مصؤة نهتار غوب ...كون كنتي فبلاصتي...
نهى: (قاطعاتها) كون كنت فبلاصتك غادي نلبسها و غادي ندير المستحيل باش نكسب قلب الدري لي كنبغي
ميار: نهى راك غير كتخربقي
نهى: واها كنخربق...ويدي ختاري لا غوب شوفي هادي تجي معاك
ميار: نهىىىىىىى
نهى: مغاديش تعاوط تعطاك لفرصة و ليلة العرس كدوز مرة وحدة فالعمر خاصك تفرحي براسك و تفرحي ناس لي ضايريت بيك
ميار: مغاتفهمينيش
نهى: انا فاهماك ...شوفي فيا (شافا فيها) علاش متسمعيش لقلبك و تخوي راسك من دوك الافكار السلبية
ميار: مفهمتش
نهى: نتي كتبغي ياسين
ميار: شنو...من نيتك
نهى: عينيك فاضحينك ثيقي بيا الى درتي شي حاجة فبالك تأكدي غادي توصلي ليها ان لكيد النساء لعظييم ...حاولي تخلييه يبغيك كيف كتبغيييه
ميار: (بسخرية) كتستنجي غير راسك ابنت عمتي ...انا مكنبغي حد
نهى: منين كاتشوفيه قلبك مكيضربش ها..مكتوتريش قدامو..مكتحسيش براسك باغا غير تبقاي تشوفي فيه و تشمي ريحتو امم
ميار:(بقاتت كتشووف فيها) لا رد
نهى: هالي قلت ليك ...خاصكي تكسبيه ماشي تبعديه عليك هو قال زواج غير على لورق سايريه و لكن فنفس لوقت غادي ضربي ضربتك الراجل المغربي كاموني الى محكيتيه متعطا ريحتو فهمتيني(مع غمزة)
ميار: (تنهدات) بففففف صدميتيني والله ...مابقيت عارفة مندير
نهى: ههه ختاري لا غوب و نقووليك شنو غادي ديري
ميار: (بقات كتشوف شحال و كضور فعينيها حتى جات عينيها على واحد لكسوة ) هادي
نهى: وااااااااو 😍😍..عافاك جبديها لينا
....: اوكي
ميار: زوينة
نهى: اتجييك مقودة
ميار: هههههه هاحنا انشوفو
جبدات لبنت لاغوب لميار دخلات قيساتها جاتها على العبار تقول نفصلة عليها شافتها نهى و صفرات
نهى: توووت توووت...هاد زين كامل ماعرفا مديري بيه هههههه
ميار: ههههه نتي راكي اسطوورة انا غير مبتدئة
نهى: خخخخه يالاه دخلي حيديها باش نشريوها
ميار: اوك
دخلات ميار بدلات و خرجات شراو لكسوة و بقاو كيدورو فلمول تاعياو عاد خرجو و مشاو لواخد الريسطو دخلو و جلسو
ميار: جنية مكتعيايش
نهى: كنحماق على شوبينغ
سيرفور: انسات شنو طلبو
ميار: انا تشهيت سوشي
نهى: حتى انا
سيرفور: اوكي
نهى: اوا فاش بقينا
ميار: فاش
نهى: فخبارك نتي مكلخة
ميار: زعما نتي ذكية طززززززز
نهى: خههههه ماعليناش خاصنا نشوفو شنو يرو مع داك راس طارو دو عمك
ميار: بلا معيور اشيري الله يهليك
نهى: ضسرتي اشعيبية ... نبداو على بركة الله درس الاول اهم حاجة و هي خاصك متبينيش بلي راك مزعوطة فيه و تصرفي ببرود بحالو حسسيه انك حتى نتي ضد هاد الزواج اوكي
ميار: اوكي فهمتك
نهى: مزيااان درس ثاني هو......
##عند ياسين
جالس فلبيرو ديالو و جبد تصويرة صغيرة من بزطامو شادها فيديه و كيشوف فيها
ياسين: مقدرتش نوفي بوعدي ليك سمحيليا
جمع ديك تصويرة حطها فوا لمجر و هز كاس دشراب جغمو دقة وحدة دخلات ماريا مشيكة على الحالة ضاربة واخد لمينية قصيرة و قالت : موسيو ياسين عندنا غذاء عمل مع مستثمرين جدد
ياسين: اوكي (هز تجاكيطتو و تم خارج و هي موراه )
نول استاقل سيارتو و سيكرتيرة ديالو ركبات حداه ديمارا نيشان للمطعم لي غيتعقد فيه الاجتماع و لي هو نفسو المطعم لي جالسين فيه البنات وصل و ركن السيارة و تم داخل بكل هبة و ماريا موراه كتعوج تم داخل مع لباب و هي ترمقو نهى خرجات عينيها و تبسمات : واااع شوفي شكون داخل مع لباب
ميار طبعا و مؤكدا دارت ضورة ديال الطوبيس غير سافت ياسين و حسات بقلبها كيضرب ف 180 دورات وجها بالزربة قبل ميشوفها
ميار: يالاه نمشيو بحالنا
نهى: علاش لنمشيو ...جلسي للارض قالاك
ميار: (كتشوف فيه بنص عين)شكون ديك مونيكة لي معاه
نهى: ههههه اييييع شهاد الريحة
ميار: (كتشمشم ) شمن ريحى
نهى؛ ريحة الغيرة ابب
ميار: تفووو عليك البغلة...بصح شكون هاديك
نهى: ههه متخلعيش غير سكرتيرة ديالو ماريا
ميار: امم شنو كيديرو هنا
نهى: منعرف لمهم
بقو لبنات مقابلين ياسين لي كيهضر مع ماريا ماشافهومش حتى تمو داخلين المستثمرين كانو جوج رجال و امرأة
نهى: امم وانا نفهم ...عندو اجتماع هنا
ميار: ميكونش شافنا زعما
نهى: لا مكنظنش
ميار: شنو غانديرو دابا
نهى: (كتفكر) خاصنا نلفتو الانتبااه

ميار: كيفاااش مفهمتش
نهى: خليني نفكر
نهى بقات كتفكر و كضور فعويناتها حتى شافت جوج دراري فواحد الطبلة مقابلينهم شافت فميار و ضحكات تا بانت ليها ضرسة دلعقل
ميار: مالكي كتفرنسي كيراس المشوط
نهى: خخخ مصطلحات عندك...شوفي فديك الطبلة(شافت ميار) دوك دراري من صباح و عوما حاضيينا
ميار: اييه و من بعد
نهى: غانوض نهرس لمك راسك مع هاد طبلة تبتي معايا...عوما سلاحنا ضد العدو
ميار: (شافت فيها بابتسامة جاتبية) ههه فهمتك اشعيبية
نهى: علا سلاماي نزغرت ...يالاه فرجينا
ميار: عاونيني
نهى: خخخخ انا معاك
ميار و نهى ضلرو لجيهت دوك دراري لي باينة فيهم gور ضحكو ليهم و رماو ليهم غميزات خفاف دراري شافو فبعضياتهم و ابتاسمو معطلوهمش دبك ساعة جمعو لوقفة و مشاو قاصدينهم وقفو عليهم (الحوار بالانجليزية)
الشاب1: هاي
نهى: هاي
الشاب2: تسمحو لينا نجلسو معاكم
مبار: هههه اوفكورس تفضلو
جلسو دراري شاب1: انا جاكسون و هادا صاحبي مايك
ميار: (شافت فنهى) خهه سميات بنادم و لا كلاب هادو
نهى: (تكرشخات بالضحك) عهههههههه
جاك: شمن لغى هضرتو بيها مفهمناكمش
نهى: ههه مغربية ..بون انا نهى و بنت خالي ميار
ميار: متشرفين ...صراحة زيين المغربي مقود من صباح و حنا حاضينكم عجبتونا
نهى: ههه شكرا
ميار: (بدارجى) احم شنو الخطوة الموالية
نهى: كتعرفي طلقي شي ضحكة تشيخات
ميار: خخخخ لا
نهى: بففف اوكي انا نتصرف
جمعات الضحكو و شافت فدراري و هي طلق واحد مولاتي الضحكة الصدى ديالها بقا يتردد فريسكو كامل و كولشي ضار كيشوف شكون هاد شيخة فريتلو لي ضخكات اما ميار تبعاتها تاهي مكرشخة بالضحك و كضرب رجليها مع الارض و كتموت بالضحك فهاد اللحظة ياسين تاهوا ضار كيشوف و ممتيقش عينيه بقا ثواني و ثواني كيستوعب شاف فالمستثمرين دار ليهم ضحكة صفرة و استأذن مع الوقفة مع عقد الغوباشة و عينيه فنقطة وحدى
نهى: احم قوادت ...نوبتك دابا عرفي تصرفي
ميار: احم اوك
ياسين وقف على لبنات و عروقو خارجين و باينة فيه معصب شاف فيهم شوفة كيلرقطاس و هضر بنبرة حادة : شكاديرو هنا الشريفاات
ميار: احم ياسين شكادير هنا
ياسين: (خنزر فيها) واقيلة انا لي سولت
ميار: (الله يهرج الطرح على خير ) احم والو كيغ كتشوف جالسين
نهى: ااه غير جينا نتغذاو و تعرفنا على هاد الاصدقاء جداد
مايك: واش كتعرفووه
نهى: ههه ياس مايك هادا ولد خالي
ياسين: (كرز على يديه) غةدي تنوضو تجمعو شطايطكم دابا ترجعو للقصر كتفهمو
ميار: احم علاش ياك غير جالسبن
ياسين: (بلغوات) منعاودش هضرتي تهزووووو
نهى: (جمعات لوقفة) اه واخا غير يشوية
ميار: ولكن حشومة نخليو دراري بوحدهم جلسي غير نكملو لغذا
ياسين: نعام امدام ....عاودي اشقلتي
نهى: (حابسة الضحة )
ميار: قلت ..(قاطعاتهاماريا)
ماريا: موسيو ياسين خاصك تكمل اجتماعك المستثمرين كيتسناوك
ياسين ضار خنزر فيها فهماتو طايرة و رجعات لبلاصتها كتجري بينما هو عاود شاف فميار شوف دلقتيلة تنهد و قال : نهى دابا ترجعو للدار و من بعد نتفاهمو على ديك ضحكة لي درتي
نهى: اا اه واخا ...نوضي
ميار: (شافت فمايك و جاك) امم كنتأسفو منقدروش نجلسو معاكم كثر فرصة سعيدة
شافت فياسين لقاتوواقف مربع يديه و اياكلها بعينيه
ياسين: ساليتي ....يالاه تحركي
ميار: غير بشوية عليا مغنطيرش
ياسين: (بلغوات) تحركوووووو
ليبنات طارو من حداه كيزواق معاودوش ضارو موراهم تا خرجو من ريسطو عاد وقفو كيتنفسو شافو فبعضياتهم و طلقوها بضحكة وحدة
نهى: ههههههعع مييي كرشيييي
ميار: ههه اي على بونت و يخلطنا تما
نهى: صدقتي خطيرة مع راسك هعهعععع لعبتي ليه باعصابو معليكش
ميار: اوووووف هههههه
نهى: ولكن كولشي على (كتعيبو) نعام امدام ميار: (تشتتات بالضحك) هههههه ناري هداي متقليدهش كتقتبي بالضحك
نهى: زيدي زيدي قبل ميخرج و لقانا مزالين عنا
ميار: (تنهدات) شنوو زعما نكووون حركت فيه شي حاجة
نهى: منسبقوش الاحدااث..زيدي دابا
عند ياسين لي رجع لطبلة الاجتماع صاعر كمل الاجتماع ديالو و خرج طاير شاف فماريا و قال: تقدري تمشي لدارك انا مغنرجعش للشركة ليوم
ماريا: اوك موسيو
ركب فاللوطو ديالو و هو صاعر و كيهضر غير بوحدو كيلهبيل
ياسين: لا لا مزيان قاابيك غير جالسين و هومل ضحكهوم واصل لفين ...و لكن انا مالي اش كنحفي فراسي ...بفففف

خبو لبتات لقصر فيديهم ساشيات عامرين بالحوايج لي شراو من لموول
سمية: لعفريتاات
ميار: سلام
سمية: سافا ...شنو خديتو
نهى: ههههه خدبنا لا غوب اماما قنعتها
سمية: بصح 😍 وريوني
نهى: اجي نطلعو للبيت
طلعت لبنات لبيت ميار و معاهم حتى سمية جبدو لا غوب وراوها ليها حمقاتها
سمية: وااو غزاالة بصحتك حبيبة
ميار: (بابتسامة) شكرا عمتي
سمية: يالاه رتاحو انا مقوليهم يطلعو ليكم شي حاجة دوزو بيها لوقت بيما تجمع كولشي
نهى: واخا (خرجات سمية و نهى ضارت عند ميار) جنية
ميار: (كتجمع لاغوب) كاينة شي جتية قدك ..داجي قولي لبا شنووو كدبري دابا
نهى: كيفاش شكاندير دابا
ميار: زعما فحياتك
نهى: ااه هههه انا احبيبة عندي العام لاخر فالصحافة
ميار: (خرجات عينيها) متقوليهاشش
نهى: هههعهه علاش
ميار: مجال زوين صراحة كيعجبني اجي ناي شحال فعمرك
نهى: 21 عام ابب
ميار: امم كبر مني بعاماين مزياااان
نهى: اوا نتي شنو ناوية ديري زعما مكتفكريش تكملي قرايتك
ميار: سي معلوم انكملها انا عندي هوس بتصمييم الازياااء
نهى: اووووه مابقيناش نتقادو يجي معاك هاد التخصص صراحة
ميار: ههه عارفة بب
نهى: اوا خاصك تقوليها للعائلة و اول واحد هو زوجك المستقبلي احبيبتي
ميار:اممم غير نلقا لفرصة نفاتح جدي فالموضوع
نهى: شمن جدك و زوجك و راجلك المستقبلي
ميار: بففف هنيني شمن زوجي هو تيقول زواجنا غبر على الورق يعني مغيكونش عندو اهتمام كيف قلت ليه كيف نو
نهى: اوا متعرفي ...متحكميش و نتي ماعارفة والو مهم باقي لحال باش تبدا لقرايا دوزي لعرس و قوليها ليهم
ميار: داكشي ...(تكات فوق الناموسية) اححح عيييت
بقاو لبنات كيتحتتو من موضوع لموضوع و عاطيينها غير للضحك نهى فوجات بزااف على ميار بالروح المرحة لي فيها و حساتها قريبة منها بقاو هاكاك حتى بدا تيلي دنهى يصوني شافت الرقم و جاوبات بابتسامة
نهى: هيلو كيرستين ....ههه ياس حمد الله ....اووه ماتقوليهاش ههه....اوكي اكيد غانجي ...باي طييط
ميار كتشوف فيها مفاهمة والو حتى ضارت عندها بالزربة
نهى: فيك مديري شي زبلة سبيسيال
ميار: (مخسرة سيفتها) ها
نهى: هوووو...قولي
ميار: مفهمتش الخرا
نهى: هادي بي هضرات معايا صاحبتي مهم كاينا واحد الحفلة تنكرية بليل و غايكونو صحابي كاملين و تا انا هاصني نمشي و قلت نديك معايا ايعجبك الحال
ميار: ااه واخا نعلمو العائلة و نمشيو
نهى: (عوجاتها) كتفمي من كرك و لا منين
ميار: علاش مالي
نهى: كنقةبيك ااحفلة بليييل و جدي و العئلة مستحيل يقبلو يهليونا نهرجو بليل راه واخا حنا عايشبن هنا الا وراهم متشبتين بالعدات يعني البنت ماخاصهاش تخرج بليل ميار: ههههه اذن مغانمشيوش مغيخليوناش
نهى: ههههه من نيتك انا منشيش
ميار: (ضيقات عينيها و شافت فيها بتشكيك) شنو ناوية ديري
نهى:(ببرود) كيف العادة حتى ينعسو و غانخرجو و اكيد انرجعو قبل ميفيقو
ميار: (زسعات عينبها) شنووووووووو
نهى: ههههه بردي برظي راه مولفة نديرها يعني ختك بروفيسيونال فسليت بليل
ميار:هههه لا لا اهتي سيري بوحدك و عومي بحرك خليني ماقادا على مشاكيل
نهى: بفففف مالكي مالكي ...ماعندو ميطرا على حسابي غادي نعرفك على كليكتي غادي يعجبك لحال الحفلة نقية و ناس لي فيها تاعوما نقيين
ميار: (كتفكر ) معرفتش
نهى: (ضربات على كتفها) واغير وافقي هانتي اتزوجي و مغتسمحش ليك الفرصة تحضري لشي حفلة تنكرية استغلي الفرصة
ميار: اممم هلى حسابك
نعى: (غمزاتها) على حسابي اتوووت
ميار: اوكي ..الله يخرج هاد ليلة على خيير انبقى متبعاك حتى اتخرجي عليا
نهى: ههه معندو مايطرا ...مهم تجي نزلو نشوفو الاجواء كيدايرة
ميار:هههه زيدي زيدي
نزلو لبنات للصالون كانو مجموعين فيه الرجال لكبار مع سمية نادية مساو عليهم و جلسو معاهم
الحاج: كتكوتات بيخير
نهى: فوق بيخير اجدي
نادية: تفاهمتو بعدا نتي وياها
نهى: معلوووم نتفاهمو هادشي فيه تخرشيش (شافت فميار و غمزاتها)
ميار: هههه بصح نهى ضريفة دغيا رتاحيت ليها
سمية: اوا مزيان هادشي لي بغينا
امين : هاواحد السلام و عليكم
الكل: وعليكم السلام
نادية: كيداير احبيبي
امين: بيخير الواليدة
احمد: فين خووك
امين: منين هرج صباح من الشركة معاودت شفتو
ميار شافت فنوهى و بقاو كيضورو عينيهم ضربو الطم
نادية: صافي ااحمد ايكون غير مشغوول
الحاج: داكشي
بقاو العائلة مجمعبن و كيهضرو و يدردشو حتى تعسات العشية و طاح الظلام كولشي ناض لمائدة الاكل تعشاو فجو مليئ بالنشاط و الضحك من غير واحد جوج سليعفانات لي كيتسناو غبر امتة يطفاو الضواو و يقومو بالهروب من الخلية ..اما ياسين فمبااانش (معرفناه فين غاطس😂😂) تفرتكات زريعة الكتان و مل طلع لبيتو لبنات كل دخلات لبيتها نهى غير حسات بالسكون و الهدوء فلفيلا هزات معداتها الحربية و خرجات كتسلت على صبيعات رجليها وصلات لبيت ميار حلاتو بشوية لقاتها مزال فايقة
ميار: تعطلتي

نهى: مبغيتش نغامر تسنيت حتى تأكدت بلي كولشي ناعس
ميار: شنو دابا
نهى: (مدات ليها غوب كحلة قصيرة و فير على صدر ) لبسي هادي و ديري شي مكياج صارخ يكون زوين
ميار: (خداتعا منها) اةكي و نتي
نهى: تا انا غنلبس بحالك تقريبا يالاه سربي باش منتعطلوش
داكشي لي كان لبسو لبنات لي غوب ديالهم لي كانو فاللون الاسود على صدر غوب دميار جات مزيرة كاملة حتى وصلات للفخظ انا نعى فكانت مزيرة على الصدر و السرة وصرلات للهصر و بدات تفرفر تاهي واصلة حتى للفخظ يعني مغطية هي لمسعودة لبسو نعاهم طالونات فالاسود مع بوشيط ديالهم و باشرو فالمكياج لي كل وحدة دارتو على حساب ملاميحها مهم هلاصة للقول جاو قرطاسات شافو راسهم فلنريات و ضحكو تابنت ليهم ضرسة دلعقل
نهى: جينا فناااات
ميار: تبارك الله علينا ..سكتي مضربيناش بلعين
نهى: ههههه بقات حاجة وحدة
ميار : شناهي
نهى: (جبدات اقنعة تنكرية واحد اسود وواحد ممزين بحجيرات كيبريو هاد الاخير مداتو لميار) ليماسك ابب هادا ديالك و هدا ديالي منديروهمش دابا تانوصلو ...يالاه قلعي طالونك و زيدي قدامي
ميار: ناري عندلك نحصلو
نهى: زيدي براكة من تقفقيف ...غادي يدوز كولشي هوا هاداك ...تبعيني
تمات خارجى نهى كتسلت على صبعان رجليها و موراها ميار لي شاداها تقفقيفة من صبعها الصغير نهى ضارت يمين شمال شافا دتيا هانية و هي دير لميار بيديها تبعيني و خرجو كيجريو هاوين فيديهم طالوناتهم و سيكانهم عاد لي ماسك ماوقفو تاوصلو للباركينك ووقفو كيلهتو و كيقادو فحوايجهم و شعرهم
ميار:اوا لالة كولاتي طوموبيل غادي دير صووت
نهى: (دارت ضحكة خبيثة) هههه سحابفيك واش مفكرتش فهادي
ميار: يعني
نهى: (جبدات سوارت) مغنمشيوش فطوموبيلتي ..انا شفرت سوارت طوموبيل امين مكيهزهاش ديما من نوع فيراري غادي ندير ليها سيلونس و نخرجو من لباركينغ و مريضنا معندو باس
ميار:(دارت بفمها زعما برافو) اووه بهرتيني صراحة مكنتش متوقعاك ذكية هاكا
نهى: ههه حكرتيني ابب
ميار: اوا زيدي يالاه ...ولكن تسناي
نهى: بفف شكاين عاود
ميار: ولعساسة لي فلباب دلفيلا
نهى: بفف زيدي راه انخرجو من لباب للوراني تيكون خاوي...شي حاجة اخرى
ميار: صافي يالاه
ركبو لبنات فاللوطو دارت نهى اللوطو فالوضع الصامت و تمو خارجين غير فاتو بابا لقصر و هي ضربها بغوتة
نهى: ياااااااااااااتس قطعنا للبحر الامان
ميار: الصمك او الجهل البغلة لحمارة
نهى: ههههه انتصرنا و قدرنا نهربو للجنود لي محاصرينا
ميار: خخخخخخخ الله يستر بلاصتك ف 36 مضمونة صراحة
نهى: هههههه
وصلو للبنات للحفلة لي كانت فديسكوطيك كبير فمدينة نيويورك لبسو الاقنعة ديالهم و نزلو بكل ثقة و اناقة تشادو و تمو داخلين كيضحكو نعى ضورات عويناتها بانت ليعا لاكليك ديالها جرات ميار و مشاو لجيهتهم وقفات وقالت
نهى: هيلوووو gايز
شافو فيها و حيدو اقنعتهم و تا لبنات حيدو لي ماسك سلنو على بعضياتهم نهى عرفات لاكليك على ميار و عرفات ميار عليهم كولشي رد الاقنعة ديالو و بدات الحفلة و موسيقى دجااااز مطلوووقة مجهدة لدرجة متسمعيش لي حداك شنو تيقولو و المشروبات ضايرة مكتحبسش ميار بقات غير كتشوف عمرها حضرات لشي حفلة بحال هادي بنادم ناسي راسو و عايش و خالق السعادة ضور لجهة تلقا جوج كيترومانساو و داخلين فقبل فرنسية تشوف جهة اخرى تلقى واحد شاد جوان جالس يفتل فيه بلسانو و تشوف جبهة اخرى تلقى شي كليك خدامة على الشراب و تشوف قدامعا يبان ليها بنادم اوفر دوز بارك يشطح ماهواش فهاد العالام بقات هاكاك حتى حسات بشي يد كتحركها كانت نهى هضرات بصوت عالي و فيديها كاس دلعصير
نهى: نمشيو نرقصوووووووو
ميار: (ابتاسمات و خركات راسها بالايجاب) واخا
نهى جرات ميار و دهلو لحلبة الرقص و بداو يشطحو و ميار كتقلدها و كضحك بقاو هاكاك حتى عياو و رجعو عند لاكليك ناشطين و فرحانين

شافت نهى فميار وقالت : اوا الحب كيجاتك الحفلة
ميار: ههههه زوبنة عمري حضرت لشي حاجة بحال هادي
نهى: ههههههاوا هانتي حضرتي (شافت سيرفور ت هي توقفو و هزات كاس فودكا )
ميار: (شهقات ) هيييييء شنو غاديري
نهى: ههههه ميمكنش نجيو تالهنا و نذوقوش واخا غير كاس
ميار: ويلي با ...جهلتي حيدي عليك داك السم راه معندو باش ينفعك
نهى: وغير نذوقو كاس ماعندو ميدير و لا عرفتي اجي نقسمووه بجووج
كارلوس(صديق ميار): نووو نهى بلاش عليك و نتي دفيا كشد فيك
نهى:بفففف اوكي (جغمات منو وحطات) هاهوا يالاه هنيونا
مهم لبنات كملو الحفلة و ميار دغيا تصاحبات مع صحاب نهى و لات كتهضر معاهم بعفوية و بطلاقة و تابدلو حتى ارقام الهواتف هاكا دازت الحفلة شافت ميار فساعة كانت 4 دصباح وسعات عينيها و شهقات و هي تجر نهى بجهد قفزاتها
نهى: ويلي مالك
ميار: مك 4 دصباح هادي
نهى: و من بعد
ميار: انضرب مك تاضوري ....راه خاصنا نرجعو
نهى: واخا بلاتي شويا
ميار: وتقول دابا هي دابا ...والله ويعيقو بينا حتى يعلقونا فحبل المشنقة زيييييدي
نهى: بفففف درتي ليا طيااارة الزمرة ...يالاه ضوري تقودي قدامي
ميار: يالاه
خرجو لبنات من الحفلة و ركبو فالسيارة ديمارت نهى و خلات اللوطو فالوضع الصامت و غادة منيرة مع طرييق خاوية
ميار: نقصي السرعة الكارثة
نهى: بفففف اوكي ...درتي لمي بوطزطوز هاد ليلة
ميار: هنيني راها شاداني لهلعة عنداكي يعيقو بينا
نعى: (شافت فيها كاضحك) هههههه من نيتك واش.......قبل متكملها مياااااار ضرباتها بغوتة و تسمعات بااااااااق نهى معرفات باش تبلات وقفات اللوطو بجهد و كتشوف فجنابها اما ميار كترجف و ملاميح وجها ممحيين بقوة الصدمة و كتشوف نقكة وحدة قدامها
نهى: ش ش شنو ....وقع
ميار: لا لا .....ضربنا شي حد (بلغوات) نهى ضربنا شي حد
نهى: (فمها نشف و لعرق نازل مع جبهتها) ها ...شنو ..كيفاش
ميار: (كتنتف راسها) شي حد ضربناه ..زالله يربي اهئ اهئ اويلي شنو درنا اعئ اهئ ياكما مات ..لا مخاصوش يموت ... نهى شنو درنا لا
نعى: (مسحات على وجها و حلات السمطة) ص ص صافي سكتي ...انزل نشوف
نهى حلات لباب و هي كترجف كاملة مشاات قدام اللوطو و هي تشهق و دارت يديها على فمها و دموعها نازلين و بقات راجعة باللور ميلر شافتها هاكاك و نزلات تاهي كتجري غير شافا المنظر لي قدامها و هي تشهق تاهي و بدات تحس بدنيا ضايرة بيها
ميار: م م م ماااات
نعى:ها......لاااا اهئ شنو درت ميمكنش
ميار: اهئ اهئ ش ش شنو غانديرو دابا
نهى تمالكات راسها و مشات قربات لسيد لي طايح قدام اللوطو و بدات تقيس فيه بشوية و ناضت بعدات مخلوعة
ميار: اهئ متحركش
نهى (شدات فراسها) سكتي عافاك اهئ شنو غانديرو دابا
ميار: اهئ معرفتش معرفتش طرييق هاوية و تاحد مداز من هنا
نهى: ميمكنش نخليوه هنا ....(غمضات على عينيها و قوات راسها) شخص واحد هو لي يقدر يعاونا
ميار: ها.....شكووون ؟

ميار: شكوون
نهى مجاوباتهاش و مشات للوطو كتجري هزاا تيلي ديالها و بدات تقلب دوزات نمرة دارت تيلي على ودنيها و كتعظ فظفارها اما ميار رجليها فشلو عليها جلسات للارض مابقاتش تحركات و غير كتشوف فنهى .....اما فهاد الاثناء واحد الشخص غارق فالنعاس وصل للسما السابعة صونة تيلي ديالو بجعد فاق قافز هز تيلي و هو عينيه مغمضين غير شاف نمرة لي كتاصل بيه و شاف شحال فساعة و هو يحل عينيه تالجهد جاوب بزربة و قال بلهفة: نهى !!
نهى (كتبكي: اهئ اهئ امييين
امين: (تقاد فلجلسة) مالكي
نهى: ا ا اجي دابا عتقنا ...عافاك
امين: سكتي من لبكا و قولي مالك و فينك نتي دابا و فهاد الوقت
نهى: مقاداش نهضر عافاك اجي دابا ل*** و غتعرف كوبشي متعطلش اهئ اهئ عافاك امين:وو و وها صافي اما جاي
قطع عليها و ناض كيجري معرف باش تبلى كان ناعس بسروال سيرفيط لبس فوقو بية كحلة و سبرديبة كحلة هز سوارتو و خرج كيجري هز الوطة ديالو و انتابه للفيراري مكايناش صعر و ديمارا نيشان لبلاصة لي قالت ليه وصل بان ليه ضو داللوطو شاعل و نهى واقفة كتبكي و شي وخدة جالسة عاطياه بالظهر ملمحهاش نزل من اللوطو و مشا كيجري غير شاف قدامو و عو يتصدم و زاد تصدم منين شاف حتى ميار
امين: نهى ميار ....شنو واقع
ميار: اهئ اهئ امين
امين: (ضاف فسيد لي طايح فهم بلي غايكون ضربوه نزل عندو و قاس النبض ديالو و دار عندهم)
ميار: اهئ مكيتحركش ماات ياك
امين: (ملاميحو ممحية ) لا مزال حي ...شنو طرا
نهى: اهئ اهئ كنا فحفلة و منين تمينا راجعين ماشفتوش و ضربتو عافاك عاوننا
امين: (وقف صعر و زير على يديه) شمن حفبة و لغ قلاوي و فهاد ليل واش هبلتو لاصل مكم دابا شنو غانديرو فهاد ااحريرة ها
ميار: اهئ اهئ صافي غانمشيو الحبس
نهى: سكتي نتي سيد باقي عايش
ميار: اهئ اهئ شتي بلاناتك فين خرجونا
امين: (كيشوف قدامو و كيمسح على مؤخر راسو ) هنيونا الله غيبر لمكم الشقف خليوني نلقا حل لهاد الخرا لي وحلتو فيه
لبنات شافة فبعضياتهم و ضربو الطم اما هو تنهد و شاف فيهم و قال: سيرو لفيلا دابا انا انتكلف و متقولو للدار والو و الى سولكم شي حد عبيا مشفتوني مشفتكم كتفهمو ...نحلو هاد الحريرة و يحن الله
نهى: شنو غادير
امين: (خنزر فيها ) سمعتي شنو قلت يالاه غبرو من قدامي ...ديو طوموبيلتي خليو هادي انا انتكلف بيها
نهى: و واخا
نهى شافت فميار و جرااها من يديها و مشاو ركبو فاللوطو اي جا بيها امين بينما هو جبد تيلي ديالو و عيط للاسعاف وصلة لبناا لفياا ركنة السيارة فلباركينغ و طلعو كيقفقفو بجوج دخلو لبت ميار و جلسو
ميار: فنظرك شنو غايدير امين
نهى: بفف معرفتش عقلي مبلوكي ...ياربي تعاوننا و دير شي تاويل دلخبر
ميار: تفوو كون عرفت ايوقع هادشي منعتبهاش
نهى: زعما انا كنت نعتبها
ميار: ياربي ميموتش سيد
نهى: اه اه يا ربي
بقاو لبنات على هاد الحال تابدا يطلع النهار حيدو حوايجهم لبسة بيجامات و غسلو وجوههم و جلسو كيتسناو شي اتصال من امين يعرفو غير شنو وقع
ميار: بففف عيطي ليه خلاص
نهى: الزمر راه تيلي ديالو طافي
ميار: و شنو دابا ....شنو غانديرو
نهى: معندنا منديرو انجلسو حتى يجي اميين انا عارفاه قدها غادي يلقا لحل
ميار: انشاء الله
نهى: نتي ليوم عرسك ...بفف شنو غيوقع دابا
ميار: شششش سمعي ...ايكونو فاقو
نعى: ايكونو غير الخدامات ...مهم انا مشيت لبيتي ناي حاولي تنعسي واها غير ساعة باش نعرفو شنة نديرو فهاد الحريرو المحرحرة
ميار: مفياش صافي غير سيري نتي
تمات خارجة نهى من بيت ميار و لونها مخطووف بقات غادة حانية راسها فاتجاه بيتها حتى تزدحات مع شي حييييط ولكن هو ماشي حيط كان هو والله تاهوا اقسم بالله تاهو لي كان يالاه داخل تاهوا من الزنقة و عينيه حمرين و ريحت الشراب و لكارو عاطيين منو نهى هزاع راسها بصدمة و بلعات ريقها بينما هو ضيق عينيه وشاف بيها باستغراب
ياسين: شكاديري هنا فهاد الوقت (شاف ساعة كانت 6 دصباح) ممولفاش ليك تفيقي بكري
نهى:(برد ليها اما فركابي) ها ...هو غير غير ...
ياسين: (خنزر فيها) غير شنو ...مالكس كتفتفي عليا و مال وجهك صفر
نهى: ها لا والو غير ضرباتني لفيقة لبكري ياكا ...و مشيت عند ميار نكل عليها حيت ليوم عرسكم ياكا...قلت نقدر نلقاها فايقة ساعة كانت ناعسة و دابا لقيتيني راجعة لبيتي
ياسين: (شاف فيها بتشكيك) امم ...حيدي من قدامي
نعى: ها ...واخا (حيدات من قدامو )
ياسين كمل طريقو بينما نهى تنهدات تنهيدة طويلة و طارت لبيتها ...ياسين وصل لبيتو يالاه بغا يحل لباب و هو يشوف طريق لقا نهى مشات بقا واقف شحال عاد حل لباب و دخل لاح تاجكيطة فوق الناموسية و دخل للحمام دوش بالخف و خرج لاوي فوطة على خصرو حل لبلاكار جبد بوكسةر مع سروال سيرفيط رمادي و مشا وقف فلبالكون

من بعد ساعتاين كبار العائلة فاقو سمية و نادية كيتجاراو من هنا لهنا باش يبداو فتحضيرات الحفلة اما لبنات فماداقتش عينيهم حس النعاس مل وحدة فبيتها كتخمم و الهلعة راكباها من صبعها الصغير كيتسناو شي خبر من امين لي مابقاش تاصل بيهم و ماعرفوه شنو دار بينما ياسين من بعد مدوش ز كما gارو لي قليل فاش كيقيسو غير منين تيكون مسطريسي مشا تلاح فوق السرير و غمض واحد الشوية
سمية: ختي نادية هضرتي مع منظم الحفلات خاصو يكون جا
نادية: عاودت تاصلت بيه شويا و يوصلو ...اجي نمشيو نفطرو دراري دابا غيفيقو
سمية: واخا
مشاو العيالات لمائدة الاكل لقاو الخاج و مراد و احمد جالسين جلسو حداهم و بقاو يهضرو بينما ميار فبيتها ناضت دوشات و قادات حالتها و مشات صلات دعات ربي ييسر ليها الاومور و مسات لماريو حلاتو و جبدات كسوة قصيرة بيضة بلا كم مع سندالة دصبع فرجليها مشطات شعرها و تمات نازلة و هي صفرة وصلات فين مجموعة العائبة صبحات عليهم و جلسات
الحاج: بنتي لاباس ...مال لونك مخطوف
ميار:😨😨 والو احم ...غير ماناعساش مزبان و صافي
سمية: اوا فطري احبيبة ليوم نهارك خاصكي تكوني فرحانة
ميار: (بضحكة تبزز ) اه داكشي (حنات راسها و بدات تخشي ففمها و كتبلع الماكلة غير بزز حيت ماعندها منين دوز ليها ) شويا تم نازل ياسين تاهوا لابس (بلا منبقا نشرح شوفو الصورة)



و داير برفتنو لي كيتشم منين و منين وقف قدام المائدة و قال: صباح لخير
ميار هزات راسها شافت فيه و سهات و هي ملامح لقلق ظاهرين على وجها مافيقها من سهوتها غير صوت نهى لي تاهي نزلات و باينا فيها عيانة شافت فميار و مشات جلسات حداها
ميار: (بشوية) شي هبار على امين
نهى: (حركات راسها بالنفي) والو
ميار: بففف قلبي مزير عليا خايفا توقع شي حاجة والله تنمشيو فيها
نهى: اودي الله يخرج العقيبة على خير
سمية: شكتوشوشو نتوما تما
لبنات:😨😨😨والو
سمية: نهى فطري و نتي محطيتيش يدك على لماكلة
نهى: احم غير مافياش جوع
الحاج: هههه شي يهودي مات فالملاح منين الانسة نهى مافيهاش جوع
نهى: (بضحكة صفرة) ههه غير ماقدراش و صافي
ياسين: (بتشكيك) كتبانو ماشي تالتما ليووم ...وعاد نهى فين عمرها ضرباتها الفيقة مع 6 دصباح
نهى: 😨😨 ها
ميار: (بلعات ريقها ووسعات عينيها شافت فنهى لي مرتابكة و ماعرفات متقدم و متوخر) لا راه غير جات عندي حيت ضرباتني لفيقة و عيطت ليها
نهى زادت وسعات عينيها و قالت فنفسها(اللقوة ابنتي اميار هادشي لي كان خاص كذبة تفضح كذبة)
ياسين: (بسخرية) ولكن هي مقالتش هاد الهضرة ...شنو مخبيين
مراد: نهى مالك ابنتي
نهى شافت فكولشي كيشوف فيها ضورات وجها لجيهة ميار و تغبنات

الحاج: نهى تكلمي خلاص 
نهى: جدي راه ...غير ...غير (قبل متكمل قاطعاتها الخدامة)
...: مدام منظم الحفلات جا و معاه حتى خبيرة التجميل
نادية: اوووه مزيان ...سمية يالاه نمشيو ...و نتوما البنات نوضو طلعو لبيت ميار باش توجدو راسكم
ميار: اا ...اه اه اخالتي
نعى: (ضحكات بزز) واخا
الحاج: واحد امين مزال ناعس ولا شنو ؟؟
لبنات جمدو شافو فبعضياتهم توترو
نادية: صافي غايكون غير ناعس ...شباقين كتسناو نتوما تحركو
لبنات: واخا واخا
لبنات طارو كيجريو من حداهم ماقفو تاوصلو للبيت سدو عليهم و خداو نفس عميييق
ميار: لا لا هادشي بزااف عليا ...كنظن خاصنا نعلموهم
نهى: (جبدات تيلس كتصوني على امين) اففف امين لاش طافي تيلي ...زشنو غانديرو دابا
ميار: نقولوها ليهم
نهى: واش كتهضري من نيتك ..ميمكنش
ميار: شوفي شغانقول ليك ايفوت يوم الى مرجعش امين غانقولوها لبهم كتسمعي
نهى: ناري زعما يكونو شدوه لبوليس
ميار: معرفتش
نهى: بففف ....ونتي لمك لمرة جابا بقاي تسدي فمك كنتي اتفضحينا
ميار: مالي شنو قلت
نعى: فصباح من خرجت من بيتك تلاقيت بياسين يالاه طالع مع دروج و سولني قلت ليه ضربااني لفيقة و جيت عندك لقيتك ناعسة ..ساعا لمك دابا ايكون عرفني كذبت عليه حيت نتي بكذبتك فرشتي كذبتي
ميار: وانا اشعرغني الهرى بغييت غير نفكك نعى: جيتي تكحليها عورتيها تفووو
ميار: اووف صافي دابا الله يحفظك مناقساكش غير لخلعة لي راكباني فيها الكفاية
نهى: زعما انا ممخلوعاش .. اللع يدير لي فيها لخير و صافي
تدق لباب و حلات ميار كانت الخدامة و معاها جوج بنات هازين معدات تجميلية فيديهم فتحات ليهم الطريق و دخلو
بنت1: شكون فيكم العروسة
ميار: انا
بنت1: اوك انا غادي نتكلف بيك و نتي غادي تكلف بيك المساعدة ديالي
نهى: اوكي
مهم جلسو لبنات و المساعدات بداو ليهم بلي سوان دفيزاج هو لول من لعد نتاقلو ليهم لمانيكير و لبيديكير خلاوه ينشف و دارو ليهم لي ماسك فوجوهم مع زيوت طبيعية رجعو وجهم كيضوي طلعو ليهم الخدامات لغذا حتى لبيت تغذاو مجموعين عاد بداو فالمكياج ...بينما فلفيلا لتحت كانت نادية واقفة مع منظم الحفالات كتشوف و تفيرفيي ديكور لي كان فجردة دارو جلسة العرسان فلبيض و مزينينها ساريات فجناب نازلين منهم عريشات دلورد و قدامها ممر طويل لي غادخل منو لعروسة نفرش بورد الياسمين و فجنابها كاينين طبلات للاكل للضيوف و سمية كانت مع شاف لي غيتكلف ليهم بالمكالة و المشروبات مهم وقفو على داكشي باش يكون كولشي ناضي و هو هاداك نظرا انهم نخبة مرموقة و عائلة معروفة ماخاصهومش يتحاشمو مع الضيوف و لا الصحافة لي غاتكون تاهي حضرة لعرس ولي عهد امبراطورية لبارودي

كملات تجهيزات الحفل و لبنات سالاو مايك اب طلعو كيحمقوووو خاصة لالة لعروسة لي طلعات اميرة بثوبها الابيض نهى لبسات تكشيطة عصرية فلخضييضر باارد و العيالات طلعو لغرف ديالهم و لبس تكاشط مغربية سمية فلكرونة و نادية فلبلو غوا بينما الحاج لبس جلابة مغربية صفرة مخيطة بسفيفة مع طربوش حمر و بلغة صفرة و مراد و احمد ضربو كوستارات كوحل جاو زااز لووز مهم و لكركاع و داكشي 😂😂
ميار: اووف شاداني لخلعة
نهى: صافي كالم دابا ...خلي هاد ليلة دوز على خير عاد نفكرو فشنو غانديرو ...ناري لمك جيتي كتحمفي والله
ميار: بصح
نهى: والله لعظيييم...شفت تاحد مطل علينا ياكما نساونا
ميار: بفففف
سمية: مادية ضياف و الصحافة بداو يجيو ولادك مابان تاحد فيهم
نادية: والله معرفت ...احمد عيط لياسين شوفو فين راه
احمد: واخا (جبد تيلي و دوز نمرة ) الو....ناس بداو يجيو...يالاه بسلامة (طييط) ياسين هاهوا قريب لفيلا
نادية: او امين
احمد: معرفتش من صباح و هو طافي تيليفونو
نادية: فين ليكون غابر هاد لولد
الحاج: بنتي طلعو عند ميار شوفوها واش واجدة و لا واش هاصاها شي حاجة
سمية: واخا ابابا
طلعو لعيلات هازين جلايلهم لبيت ميار غير حلو لباب شافو لبنات و هو يفهاو فيهم و فجمالهم سمية طلقات تزغريتة تسمعات فلفيلا كاملة
نادية: تبارك الله تبارك الله قولو اعوذو برب الفلق ...جيتي كتحمقي احبيبة ربي يحفظك من لعين
سمية: غزالة مشاء الله عليك ...حبيبة واجدة ميار: اه اعمتي واجدة
نهى: لعروسة واجدة و لعريس فينهوا
سمية: هههه تاهوا واجد ....نزلي شوفي واش ياسين جا و عيطي لحاج باش ينزل فيديه ميار
نهى: واخا
نهى غمزات ميار و نزلات لقات ياسبن واقف بكل اناقتو لابس كوستار بيض و سروالو اسود مع بابيون فالعنق و صباط كلاس اسود كيبري و ساعة انيقة فليد و محسن مطلع شعرو للفوق هلاصة القول يطيح زرزور من فوق السور ...نهى طلاع على الجردة لقاتها عمرات بعباد الله و موسيقى هادئة مطلوقة مشات عند جدها لي كان تيرحب بضيافو و هضرات ليه غودنو زادت قدامو و هو تبعها نيشان لبيت ميار لي كان التوار ظاهر عليها و يديها كيرجفو و العيالات كيهدنو فيها بكلام غزل زوين دخل الحاج مبهوووظ فيها طاحت دمعة من عينو و مسحها و مشا باس فوق راس ميار
الخاج: غزالة ابنتي الله يحفظك من لعين
ميار: (باست يدو) ربي يخليك ليا اجدي
الحاج ابتاسم ليها و مد ليها دراعو هي شدات فيه و تمو غاديين بشوية و نهى و العيالات موراها كيصلييو على النبي و يزغرتو حتى لفتو الانتباه كولشي حاضي مع الدروج و كيتسناو فلالة لعروسة تبان و منهم ياسين تاهوا لي كان واقف بكل ثقة و فجنابو احمد و مراد و كولشي موجه انظارو لجهة الدروج و ماهي الا قواني حتى تم نازل الحاج يدو فيد ميار لي جات فقمة الروعة فالثوب الابيض و التاج على راسها و الطرحة طايحة موراها نزلات مع دروج تحت نظرات جميع الحاضرين حتى وصلو قدام ياسين لحاج مدها ليه بكل لبقاة و قال: بنتي امانة عندك تهلا فيها
ياسين باس على راس جدو نع ابتسامة خغييفة مابيناش و شد يد ميار باسها بطريقة جنتلمانية و مد ليها دراعو هي شدات فيه و كلها كترعد و تمو غاديين وسط لممر لي مفرش بالورد حتى وصلة لبرزة ديالهم جلسو و ناس كتصفق و العيالات كزغرتو ...جابو طبلة كبيرة حطوها قدام لعرسان و دخلو لعدول لي جاو من المغرب تحت طلب سي الحاج باش يكون الزواج موثق فالقانون المغربي و جلسو الشهود لي كانو جوج رجال كبار فالسن و بداو لعدول فالخطبة و بلابلة ديالهم
لعدول: انسة ميار بنت سي يوسف البارودي قابلة على هاد الزواج
ميار: قابلة
لعدول: سيد ياسين ابن احمد تلبارودي قابل بهاد الزواج
ياسين:(بعد صمت) قابل
ناس صفقو و العدول مد ليهم يوقعو و من بعد وقعو تاشهود و اخيرا علنهم زوج و زوجة على سنة الله و رسوله (معم بنات قبلو راني عمري تزوجت ماعارفاش الاجرائات كيكتكون هادشي لي عطا الله) جاو العائلة كيعنقو و يباركو ياسين جبد من جيبو بواطة كحلة حلها كان كيتوسطها خاتم الماس روعة شاف فيها و جر عندو يديها لبسها الخاتم و باسها فراسها بابتسامة خفيفة
ياسين: مبرووك
ميار: (ذايبة و هايمة فيه) مبروووك
بدات موسيقى كلاسيكية و المشروبات ضايرة نادية مشات عند العرسان و نوضاتهم لوسط الحفلة و شابكات يديهم و هي مقاداها فرحة ياسين دار يدو على خصر ميار ه الاهيرة حطات يديها على كتفو و هي حادرة عينيها للارض و بداو كيتمايلو على انغام الموسيقى و الصحافة كطرطق ليهم فالتصاور وفينما كان شي كوبل ناضو شاركوهم فالرقص حتى سالات الموسيقى و كل واحد رجع لبلاصتو ميار جالسة و كارجف بيديها و رجليها و كتقلب بعينيها على نهى لي غبر ليها الاثر ياسين لاحظها و شد فيديها هي هزات راسها فيه لقاتو داير فيها شوفة بمعنى واش نتي لاباس ..ميار بلعات ريقها و بقات تشوف فيه
ياسين: مالكي ...ولش نتي لاباس
ميار: ها اه ...بيخير
ضورات وجها بزربة و هي تبان ليها نهى داخلة مرفوعة

ياسين: مال يديك كترجف
ميار: ها....غير عير لبرد وصافي
ياسين: لبرد و لكت يديك سخوونة
ميار: (اربي اشهاد الوحلة) امم مكاين والو غير متوترة شوية
ياسين: امم!!.
ميار غمضات عينيها و كتطلب ربي فخاطرها هاكا داز وقت العشا ووصل وقت لي غيقطعو فيه العرسان لgاطو ناض ياسين ومد يديه لميار و اتاجهو لجيهة الجاطوةلي كان من 7 دطبقات و مزين بطريقة احترلفية هزو سيف كبير فلبيض ميار حطات يديها على يد ياسين و قطعو الحلوى من لفوق و هوما نازلين تالتحت وكلها ووكلاتو و فررقو على المدعوون تاهوما و جا وقت باش ترمي لعروسة لورد للعازبات ميار عطات لبنات بالظهر و لاحت مشموم دلورد بجهد جا فواحد الgاورية لي فرحات و طلعات كتجري عنقات ميار و هاكا دازت الحفلة
نادية: يالاه اولدي هز عروستك و طلعو لبيتكم
ميار بحال الى صرفقتيها بقات مشوكية محسات براسها غير وهي هزوزة بين يدين ياسين و طالع بيها بقات غير كضور فعينيها حتى وصلو للغرفة ديالهم لي كانت مجهزة و مقادة كذل على انها غرفة لعرسان جدد حل ياسين لباب و دخل وصلها للناموسية و حطها و هي الحشمة كتغرق فيها ووجها ولا كيماطيشة ...ياسين بدا يحك على شعرو مللور و كيشوف فيها
ياسين: احم ..تقدري دخلي دوشي الى بغيتي
ميار: امم...اه واخا
ناضت ميتر كتعكل فجلايلها و دخلات للحمام و تنهدات و هي شادة فقلبها لي كان مسكين غيخرج من بلاصتو بقوة ما كيضرب شافت فلمراية وجها كان مزييينg
ميار: (بصوت هافث) دابا انبقاو فبيت واحد...اهه يربي كيغاندير نعيش معاه فبيت واحد الا ومغنفضح راسب ...بففف (طلعات النفس و هبطاتها) ميار كالم كالم معندو مبوقع ..اصلا سغيوقع gاع والو ...يعني غير نرتاح اووووووف
بدات كتحيد فكسوتها و اكسيسواراتها حتى لمحات الخاتم فيديها هزات يديها و بقات كتشوف فيه ابتاسمات لا ارادية و حطات شفايفها عليه تحسساتو و مشات تهشات تحت الرشاشة ....بينما ياسين خرج لبالكو كما gارو عاد دخل بدل حوايجو و لبس شورط من لفوق بقا عريان و عاود خرج لبالكون بقا كيشوف فالسما و كيفكر فحياتو الجديدة من جهة ماباغيس ينسا حبو الاول و من جهة ماباغيس يظلم ميار لي معندها دخل فتى حاجة قاطع تفكيرو باب دلحمام لي تسد ضار بانت ليه بنت زوينة بملامح ملائكية شعرها فازg و مطلوق على وجها و لابسة بينوار دلحمام و كتفادى تشوف فيه تنهد و مشا هز فوطتو و دخل للحمام ميار نشفات شعرها و حلاع لبلاكار لي لقاتو عامر بملابس جديدة و لي شوميز دونوي كثتاار جبدات واحد طويل ببينوارو هو لي بان ليها مستور لبساتو سدات لبينوار و لبسات نعالة فرجليها مشات قربات للحمام و حطات ودنيها على لباب سنعات صوت لما مطلقو و هي تمشي لجيهة لباب حلاتو بشوية هرجات راسها هو لول بان ليها لكولولر خاوي و عطات رجليها للريح ماوقفات غير قدام بيت نهى حلات لباب بلا مدق لقاتها جالسة و مربعة فوق الناموسية و شادة تيلي بيديها
ميار: امدرا
نهى: اويلي لمك شكاديري هنا باغا تخرجي علينا
ميار: راني مقاداش نصبر زيد عليها مقاداش نجلس مع ياسبن فبيت واحد
نهى: اوووف و علا شكنتي نتوقعة اتبقاو مفرقين لبيوت ...كيدرتي خرجتي بعدا
ميار: خليتو دخل للدوش و انا جيت ...شنو كاين شي خبار على امين
نهى: مكاين والو ...سيري رجعي لبيتك دابا الى كانت شي حاجة انعلمك
ميار: عنداك تنساي واخا تعرفي لخبار حتى فناصاصات ليل قوليها ليا
نهى: صاغي كوني هانيا
ميار شافت فيها و تمات خارجة حتى نطقات نهى : ديك العوجة
ميار: شنو
نهى: تبتي و عرفي كيفاش تصرفي مع داك بوركابي ديالك
ميار: اوديي ..تصبحي على خير
خرجات من عندها و مسات رجعات لبيتها يالاه اتحل لباب و هي تزادح معاه لابس سروال توني و تيشورط من لفوق و شعرو طايح على جبهتو قال بنبرة حادة: فين كنتي
ميار: ها!؟..تا بلاصة
ياسين: كيفاش تابلاصة
ميار: نزلت غير لكوزينة شربت و صافي
ياسين: اممم واخا دخلي دابا
دخلات ميار و هي قلبها كيزدح و هو موراها دخل و سد لباب ميار وقفات قدام الناموسية و شافت فيه
ياسين: (حك على لحيتو) احم تقدري تنعسي تما انا انعس فوق لفوطوي
ميار: (حنات راسها بخيبة امل) واخا
حيدات بينوارها تحت نظراتو بقات فير بشوميز و تخشات فلفراش بينما هو دغيا قلب وجهو ومشا لماريو جبد فراش و مخدة و مشات تكا فوق الفوطوي دار يدو مؤخر راأسو و بقا يشوف فالسقف
ميار: احم نطفي الضو
ياسين: اممم
طفات ميار الضوء و ياسين غمض عينو ....بعد مدة ميار باقا كتقلب ماجاهاش نعاس و بالها مشغول فينما تغمض عينيها تبان ليها صورت سيد طايح قدام اللوطو بقات على ديك لحال حتى سمعات...

تسمعات صوت سيارة قوي داخل للفيلا قفزات من بلاصتها مشات جيهت ياسين بان ليها ناعس و هي تم خارجة كتسلت غير حلات لباب و هي تعطي رجليها للريح تاوصلات لدروج و تما تلاقات حتى نهى خارجة كتجري
نهى:(بصوت خافث) باقا منعستيش
ميار: مقدرتش....سمعت صوت اللوطو
نهى : تا انا ...زيدي نشوفو عالله يكون امين
نزلو بجوج كيتسلتو فداك الظلام حتى وصلو لباب تما بان ليهم الخيال داخل
ميار: واش امين
نهى: معرفتس راه ظلام ...اجي
مشاو تقدمو لجيهت للخيال
نهى: امييين
امين: نتوما ....شباقين كاديرو فهاد الوقت
ميار: مجاناش نعاس
نهى: واش نتا لاباس
امين: افف راني عياان حيدو من طريقي و سيرو تنعسو تالصباح (تم غادي)
ميار: تالصباح ...لا منقدش نصبر
نهى: تا انا
ميار: (كتغوت بصوووت خافت) امييييييين ...زيدي نتبعوه
تمو غادين كيجريو تابعينو حتى تعكلات نهى مع كورسي جابت الربحة و غوتات
ميار: (تجنات عندها) اللقوة ابنت الهم اتخرجي علينا
نهى: اي اي(شادة رجلها و كتعصر) صبعي صغيييير كلاها
ميار: (شداتها الضحكة) احححح بصحتك صعيييبة الصراحة ههه
نهى: تهجريه الطحبة عاونيني نووض الله يعطي لمك مصيبة
ميار: تصيبك انشاء الله
ناضو لبنات كيتناgرو شافو فبعضياتهم و طلعو لبيت امين كيجريو حلو لباب بدون سابق انذار لقااااو سيد زبط غير بلبوكسور ...لبنات شهقو غمضو عينيهم و ضربو الضورة
امين: حرررق اصل مكم واااش مكتعرفوش دقوو
نهى: خرى لبس عليك و خلينا ندويو
امين: اتكركبو من قدامي قبل منبدا نخلطك فجدكم هنا لعيا لي فيا يكفيني
ميار: واصافي عفاك راعي لينا تاحنا راه مقادينش نعسوو
امين: عاودوها لكر...تفوو هرجو قبل منغلط فيكم نعسو متنعسوش مشغليش انا باغي نعس يالاه تكركبو
نهى: (ضارت لقاتو لبس شورط ) والله ممحركة من هنا حتى تقول لينا شنو درتي
ميار: تا انا
امين: (تنهد ) مشطبة كحلة معاكم مكفاتكمش الموصيبة لي درتو لبارح خليو تالصباح و نعاود ليكم والله الا عيان و مقادش نهضر
ميار: الاه يحفظك ...واخا غير ريحنا بعدا و قولينا واش داك سيد مات
....: شكون هوا لي مات

لبنات شهقووووو و ضارو بالعرض البطيئ بينما امين غير شاف ياسين قدامو و ضربو يدو مع وجهو بمعنى هادشي لي كان ناقص...اما سيهم ياسين واقف و عضالاتو بارزين و مزير على يديه طلق فيهم شوفة كون كانت قرطاس كون قتلاتهم و هضر بنبرة حادة: مغدويييوش خلاص
ميار: ا ا ا ا(شافت فنهى و نزلات كتافها و تغبنات)
امين: خويا مكاين والو
ياسين: واش لدينمكم بانو ليكم عندي ودنين حمار ها....مجموعين بثلاثة و فهاد الوقت ومكاين والو ...و نتا فين كنتي غابر نهار كامل ها...واش كون هادا كتسولو عليه واش مات
الكل:(كيشوفو فبعضياتهم بقاو شوف فيا نشوف اطاجين الحوت )
ياسين: (كرز على سنانو )مانويييينش تهضرووو(بلغوات) طلقوووونا
ميار: اا...صافي انا نقوليك
نهى طرطقات عينيها فيها : شنو غاتقولي ليه اصلا مكتين ميتقال ...شوف اخويا راه مكاين والو غير سمعنا صوت اللوطو و مع كنا مشغولين على امين جينا نشوفوه
ياسين: (شاف فنهى بلا مبالاة) ميار دوي
ميار شافت فنهى لي كدير ليها براسها زعما لا و هي جايرة متبقات عاؤفو ماتقدم و ما توخر حتى قفزها صوووت الرعد الا راه غير صوت ياسينوووس: اوا امدام انباتو هنا و لا شنو
ميار: لبارح بلييل انا ونهى درنا حادث و ضربنا شي واحد بالسيارة
ياسين: (خرج عينو) كيفاااش ...فين هادشي و كيفاش بليل اشمن وقت
ميار: (بلعات ريقها و هزات راسها فيه) ف** مع 4دصباح
ياسين صعر بلبيان زير على يدو و عروقو خرجو و صدرو بدا يطلع و ينزل امين شافو هاكاك عرفو صعر
امين: ياسين تهدن راه السيد موقع ليه والو انا تكلفت دبتو للوبيطال لقاو عندو غير كسووور و حيت كان كبير شويا فالعمر فقد الوعي
نهى: (فرحات) هي مماتش ...افف حمد الله اربي مامتش يعني مقتلتوش
ياسين القردة كيلعبو فوق راسو شاف فلبنات شوفة دلقتيلة و شدهم كل من دراعها و مزير عليها
نهى: اي اي ياسين
ياسين: شكنتو كديرو فالزنقة مع 4 دصباح ها...دوييو
ميار: (كتنتر يديها) طلق راك قسحتيني
ياسبن: هضروووووو
نهى: (غمضات عينيها و دوات بوربة) كونا فخفلة تنكرية عرضوني صحابي و ديت معايا ميار
ياسين: اشنوووووو!!
نهى : هادشي لي كاين مكناش عارفين ايوقع هادشي و غانديرو كسيدة
ياسين طلق من ميار و دور عندو نهى هز يدو حتى هزها و عطاها للكمارة ميار شهقات اما نهى بقات حانية راسها مهزاتوش.ياسين مسح على راسو بنفاذ صبر و قال : الله يحرق ترابي اصل مك الكلبة
امين: ياسين تهدن اصاحبي
يايسين : (شافو ووجه ليه اصبع الاتهام) نتا مدخلش حسابك معايا من بعد (شد فيد نهى) واش عرفتي شكنتي غاديري ها ...عرفتي شكانت اتكون نتيجة افعالك تلطايشة واش مزال مابغيتي ديري عقلك ها...ااه لا والمزيانة غادة جارة معاك البرهوشة لاخرا تغرقي راسك و تغرقيها معاك ياك
نهى: اهئ اهئ مقصدتش والله اهئ اهئ ميار:(بقات فيها نهى و بدات تبكضس تاهيا) صافي دتبا لي طرا طرا لاش كتغوت عليها و اصلا سيد موقع ليه والو
ياسين: انا مكرهعوش يمووت باش تعفنو مزيان فالحباسات ديك ساعة اديرو عقلكم بزز منكم
امين: يااااسين براكة راك زدتي فيه
ياسين: زدت فيه ها (دفع نهى على تلسرير) واش عرفتو جدي الى عرف لخبار اتسيفطوه ترونسفيري لقبر ها ...ماعارفينش بهاد الافعال الصبيانية اتخرجو على عائلة كاملة ..ياك لخروج بليل ممنوع على بنات البارودي بقاو ليكم غير الحفالات(مسح وجهو و تنهد تنهيدة طويلة) نهى: سمح ليا والله منبقا نعاود اهئ
ياسين: لا غير عاودي باش نحر مك نيييت ...نوضي لبيييتك نوضي
نهى: اتقولها لجدي....عافاك متقولهاش ليه
امين: نهى صافي سيري لبيتك (غمزها باش تمشي)
نهى: واخا (شافت فميار بعينين دامعين و خرجات)
ياسين:(ضار عند ميار) ونتي شمزالا كتسناي ...نحركي
ميار: ها ..اه واخا
ياسين: شنووو وقع للسيد
امين: عندو كسوور خفااف
ياسين: كيفاش كسوور خفاف ...شنو درتي معاه غادي يقدم بلاغ
امين: لا سيد قاليك ماباغيش المشاكيل طلب مني غير نتكلف ليه بمصاريف المستشفى و صافي و ااكد انه مغاديش يبلغ لبوليس
ياسين: شتي لبرهوشات كانو غيوحلو راسهم و نتا معوانهم متعرفش تعلم
امين: و صافي اصاحبي مابغيتش نشغل بالكم و هو مكاين والو
ياسين: لمرا جاية مندوزهاش ها👂👂
امين: بففف صرعتوني سير اهويا الله يحفظك راه من لبارح مدقت نعاس
ياسين: (تنهد) تصبح على خير
امين: هييه....مبرووك زواج و تكايس على درية
ياسين: (بلا ميدور) ديها فراسك
خرج و سد لباب و تم غادي لبيتو دخل ضور عينيه مابنتش ليه دخل للحمام تاهوا كان خاوي
ياسين: مفهمتش هاد لبنت فين كتغبر
يالاه جا يخرج و هي تحل لباب شافت فيه و دخلات
ياسين: فين كنتي
ميار: مشيت شفت غير نهى
ياسين: (طلعها و هبطها انتابه لشنو لابسة كان شوميز بلا بينوار و مافيتنها عاطيين لعين) دخلي تنعسي هادشي لي وقع ليوم ميتكررش و متبقايش تخرجي بهاد لحالة مغهووم
ميار: (شافت فيع باستغراب و نزلات راسها شافت فلباسها و بقات كضور عينيها و دارت ابتسامة شريرة و هزات راسها فيه) مالها حالتي

يتبع ...