اول شيء مايمشيش بالكم انطلاقا من العنوان انها قصة ديال شي شيخة و لا راقصة كابريات هاها لا لا البطلة كاترقص "free style"
القصة شبابية كوميدية رومااااااااااااانسية التشويق (على الجهد) و حيد عليا داكشي تاع الدراما اماعندنا مانكجدرو بيه😂😂😂
القصة احداتها نقدرو نقولو واقعية شيئا ما😂😂(ضاروري من شوية الطليق🐕🐕)موهيم ما واقعية ما خيالية داك الشي تاع المسلسلات و صافي😂😂
غانعيشو فيها مع زوج صحابات حمقات(غي مجاز عندهوم العقل و لكن كايخدموه غافتاحراميات) و نعيشو مع احلامهوم لي غاتبدى تحقق بشوية بشوية...
⭐⭐⭐
كان يا مكان في هادا الزمان....
في حي متواضع و انيق..
فاقت كاتكسل على صوت العصافير و الصقييييييل ديال الصباح لي ماكاينش بحالو...
نور:(كاتكسل و تفوه)اااه امممم الله على نعيسة شحال حلوة اممم احلام زوينين 💕💕(هزات تيليفونها من فوق المجر و حلات انستا هو اللول تشوف اش واقع فالدنيا و هي طالعة هابطة فجأة شافت لي عمرها كانت توقعو او يطيح ليها فالبال و لاخت المانطة هي و تيليفون بالصدمة و حطات يدها لي كايرتاعشو على فمها)
!ماكانش باين وجهها و لكن ماخفاش عليها تعرف راسها من اول نظرة..زادت هبطات شوية فالانسطا كاتلقا غير داك الفيديو دخلات للفايس كذلك داك الفيديو كلشي تايدوي عليه!
نور:كيفاش وقع هاد الشي انا مامتيقاش!!!!(شدات كصتها بيديها من القدام و رداتها لور و دوزات لابيل .
نور(بنبرة صوت واضحة عليها العصبية):الو!!!!!واش نتي؟!!
ريم:ن..نور بلاتي غير نكول....
نور(بعصبية واضحة):تفووووو عليك الله ينعلك علاش!!!!دبا علاش درتي هاد الشي؟!!!اههه دويي انا لي كلبة مسيفطاه ليك حمارة تفوووووو نااااري كون كنتي قدامي كون قتلتك !!
ريم(مبعدة تيلي على ودنها بفعل صوت نور لي كان مرتافع):وا نور ..و..وا غير صبري...وا راه انور مانويت تاحاجة خايبة!!!
نور(بنفس العصبية):كيفاش؟!!! مانويتي تاحاجة؟!!!بخالا نتي ماعارفة حتى حاجة اه؟؟؟ بحالا ماعارفاش ان بابا الى جاب الله و شاف هاد الفيديو ما غانصبحش فوق الكرة الارضية!!!! واش ماعارفاش !!!!واش ماعرفاش بلي حتى دروس الرقص ماكيخلينيش نظيرهوم و كانتعلم غامن ليوتيوب!!!!!!
ريم(بتوتر):ن..نورر!!! و الله لحتو غير فواحاد الكروب واتساب ديال البنات! كانو تايدويو على الشطيح و ناضت واحد خيتي لاحت فيديو ديالها قاتليك حقا كانعرف نشطح الفري ستايل عرفتي رقصها باااااسل و حاااااااسة براسها عند بالها شي حاجة ...فقصاتني و انا نسيفط الفيديو ديالك و لكن حتى قاديتو و ضرقت وجهك و وريتهوم الموهبة دالرقص على اصولها ديال بصاح!!! و شي وحدة يمكن هزاتو و نشراتو و الله مانويت!!!بحالك عاد فقت و لقيتو معمر السوشل ميديا
نور(يديها كايترعدو و مخلوعة و هادشي باين من صوتها...كادوي و هي كارزة بيدها على المخدة و حجبانها مجموعين بغضب):راه باينة انا اريم!!!(عينيها غرغرو)علاش لحتيه!!! تفو اش غاندير ايلا عرفني؟؟؟؟؟؟؟
ريم(كاتحاول تهدنها):وا صاحبتيي!!! تاحد ماغايعرفك راه سي نورمال تعرفي راسك !!! الفيديو الاصلي لي باين فيه وجهك راه عندي غير انا وياك و ايلا بغيتيني نمسحو.. نمسحو و الله!!! سمعي نتي غير تكالماي و تصرفي عااااادي راه تاحد ماغايعرف...و اصلا بنادم دغيا غاينسى!!!راك عارفة
نور(بدات كاتهدن و رخفات يديها المخدة و هزات حجبانها بتساؤل و خوف):بففف ياك تاحد ماغايعيق بصح مابايناش انا؟؟؟ و دوك البنات ماكلتيش ليهوم بلي هاديك انا؟؟؟
ريم:لا لا ماتخاااافيش!!!!
نور(صغرات عينيها و و بدات كادور راسها):احياااااااااني والكن واخا هاكاك ماكانش خاصك ديري هكاا!!!بينتي ليا انك ماشي من اهل الثقة!
ريم(كاتنخصص بالعاني):وا لااا ئهئه راك عارفة راسك عزيزة عليا ا نووووور راه غير بغيت نكبر بيك!!!
نور:صافي وا صااافي ماتبدايش!!
ريم:ههه سمحتي ليا ياكي؟!!
نور(شافت لفوق و ميقات و عوجات فمها):بفففف اااااه ولكن!!!
ريم:(فرحات)و الللللله مانعاود بي الله اححح على القلب الحنيييييين😍😍
نور:وا قطعي راه كملت التعبئة عرفتي مازال عاد حليت عيني!!
ريم:ههههه يالاه سيري غسلي وجههك شوية و نصوني ليك نتلاقاو
نور:بففف اووووووك يالاه!
قطعات نور الاتصال مع ريم بتنهيدة طوييلة.. شبه مرتاحة لان الفيديو ملي عاودات شافتو كتاشفات انها ماواضحاش حيت زادت فالفيديو شي ايفيكتات و عاد وجهها اصلا كاعما باين!
ناضت دارت روتينها الصباحي العادي و هبطات لتحت عند مها للكوزينة باش تفطر
نور:صباح الخير ماما ...صباح الخير بابا...صباح الخير البعلوكة!(ختها الصغيرة عندها عشر سنين)
الكل:صباح النور ا نور
نور:ههههه
الاب(احمد):اجي ابنتي كلسي تفطري
نور:واخا ابابا (بدات تاكل)امممم بنينة هاد كيكة!!
ختها(نهال)شادا طابليط ديالها و كاتفرج شوية قالت:ختي ختي اجي تشوفي واحاد الفيديو ديال واحاد البنت كاتشطح بحالك واااو
نور كانت كاتاكل فرحاااانة حتى سمعات ختها قالت هاد الكلمات الاخيرين و هي تصفار و تخضار😂😫(هي هي لايحة السالف عليزاار (كملو ليا الاغنية فلي كومونطير😂😂 مع رأيكوم فبداية القصة اكيد😍 و الله مانكمل لا مالقيت التشجييع مية وحدة دايرة جيم 💖 وا وصلو ليا هاد الكومنت لمية جيم تهوا ايلا كنتو كاتبغيو اياد(و هانا عطيتكوم سكوب حصري و كلت ليكوم سمية البطل😂 عاااارفاكوم غاتزعطو غاتزعطو فيه اللهوما ديرو بوجهو😂😂 ههه صافي انا غانكمل انا غانكمل غاماتعصبيش)....(ههههه سوري اخر مرة ✋!!عافاك ماتنسايش تخلي رأيك و توعاتك بلييييز 😆😘😍 صافي انا غانكمل)))و عينيها خرجو و شداتها الرعدة و التبوريشة و التزنيكة
كان احمد كالس حدى نهال و شاد الجورنال بيديه بزوج دوز عينو جهة طابليط نهال و قال....
كان احمد كالس حدى نهال و شاد الجورنال بيديه بزوج دوز عينو جهة طابليط نهال و قال: لا حول ولا قوة الا بالله هاد الجيل مابقاوش كايحشمو الله يستر شتي انور علاش ماكانخليكش تمشي لدوك دروس الرقص!!باش ماتوليش ليا واحاد النهار بحال هادي!!
نور سمعات كلامو جاها نوع من الارتياح 😧حيت ماتعرفش عليها مع شوية الظحك😂 و جاها نوع من الاحباط ملي عاود دكرها انو حارمها من مزاولة موهبتها
نور(شدات من عندها طابليط و بدلات نبرة صوتها و غوتات):هاهاي هاي على العفريتة تانتي درتي الانسطا!!! مابقيتيش تحشمي درنا ليك الطابليط باش تلاهاي فيه و تلعبي مرة مرة ماشي باش تبقاي تبعي ليا المشاهير و تفرجي فالتخربيق..!!دوي معاعا ابابا(ستاطعات تبدل الموضوع ديال السروال لي تاحد مارد لبه البال غير هي لي محسوسة😂)
نهال:(عينيها غرغرو و حسات بالحكرة)يااااه انا ماايييي اش كاندير كاااع مالكي كاتغوتي عليا ياااه انا ديما حاكريني(حنات راسها باش مايبانوش دموعها لي هابطين مابغاتتهاش تجبد ليها الصداع مع باباها)
احمد:نهاال وا صافي ماتقلقيش ماشي موشكيييل يالاه غاديري الانسطاكرااام يالاااه غابقاي على خاطرك(شاف دموعها لي هبطو حجر)اوييييلي و كاتبكي؟!!(جبد من جيبو عشرين درهم و خشاها فيدها لي كارزة عليها)هههه يالاه فطري دابا
نور جاتها الضحكة ملي شافت ملامح نهال لي تبدلو من اليأس للسعادة ملي حسات بالورقة النقدية محطوطة فكفها و كملات فطورها فرحانة و حسات بالحنين لهاد الايام ايام الطفولة و البرائة....و فنفس الوقت رتاحت حيت نساتهوم فالموضوع كاااامل !!
احمد(صغر فيها عينيه فيها بتشكيك):اممم ايوا نوضي نوصلك فطريقي!
نور(شربات كاس العصير فجغمة وحدة و ناضت):واخا ابابا بلاتي نبدل حوايجي في ساع و نجي
احمد:انا فالكاراج كانسخن الطوموبيل لا تعطلتي ماكاين خروج يالاه سربي
نور:دابا و هانا هنا!!!
طلعات نور كاتجري لبسات حوايجها و خرجات عند باها لي كان تايسخن اللوطو ركبات معاه و وصلها لدار ريم!
احمد:معاش غاترجعي؟؟
نور(شافت فيه ببرائة):بفيت نبات
احمد(بنظرة تشكيك):اممم و غاتقراو زعما!!
نور(سبلات عينيها و خدمات البرائة)وااااه ابابا انا غانكدب عليك؟؟
احمد:(شاف فيها عاود من فوق نضاراتو بتشكيك)امممم احياااني عليك واخا
نور(فرحات):شكرااا اباااابي😍 يالاه بسلامة
احمد:غدا معاياش غاتجي؟
نور:مع الصباح ان شاء الله
احمد:صافي لا كنت مسالي غاندوز
نور:واخا يالاه بسلامة عليك
احمد(جبد مية درهم):بسلامة
نور(بتاسمات حتى بانت ليها ضرسة العقل😂):شكرا يا احسن اب!!!
نزلات نور و مشات عند ريم لي غير صونات للدار هبطات كاتجري حلات عليها و طلعو لبيتها !
ريم(بحماس رهييب):نور نور!!!!ماغاتيقيش!!
نور:(شافت فيها بنضرة خالية من التعابير)شي فضيحة اخرى ياك؟
ريم(بتاسمات بحماس):العكس تماماااا
نور(بفضول):وا وريني سربييييي!
ريم:(جبدات التيليفون و هي حبسة الحماس و الضحكة لي بغات تخرج من فمها)مستعدة؟!!!
نور:وا طلقينا للفراجة حمستيني!!!
ريم(دورات تيليفونها بالعرض البطيء و طلقات ضحكة لي كانت كاتماها):ههههه كانت طيح فالبال!!؟
نور(بدات كاتقرى داك الشي لي شافت عينيها فكل حرف كاتقراه فمها كايتحل و كايزيد يوساع!!و قلبها دقاتو كايتسارعو..نطقات بصعوبة!):ر..ريم قر...ر..صيني!!!
ريم(كاضحك و هي غاطرطق بالفرخة كتر من المعنية بالامر):ههههههه ههههههه واراه بصح بصح
نور(برزو علامات غريبة على وجهها جامعين بين الحزن و الفرحة):ههههه د..دابا واش هو شخصيا؟!!(كلتشوف فيها و كاتشير للتلفون و لراسها)عليا انا!!
ريم:(بنفس الفرحة)هههههه هاااااا غاشفتيه و نتي تبداي تفتفتفييي!!!
نور(نفس النظرة):اه نتفتف.!!!نتفتف اختي راه فاااااااارس!فارس احلامي!لااااااا ئهئهئهئه مايمكنش!!!!
ريم:شتيييي موصيبتي بعدا نفعاتك!!!
نور(عنقاتها اقصد بجغاتها😂 تعنيقة حارة ):احححح وااااراه مش مسدأة نفسي واراه اول مرة تاديري شي حاجة و كاتصدق!!! مامتيقاش(طلقات منها و عوجات فمها بملامح يائسة)ولكن عجباتو غير الرقصة ماعارفنيش شكون انا!
ريم(ضرباتعا لجبهتها):وا كي الرقصة كينتي !! شتي ملي عجبو الفيديو ...الشي لاخور حالو ساااااهل!!!!
نور(عنقاها عاور و بدات كاديها و تجيبها بالفرحة):وا ايااااااد😂😂
☇☇
بلاتي بلاتي عارفاكوم مافهمتوش مزيان، ملي دورات ربم التيليفون كان هاداك بوسط فانسطا ديال "اياد كمال" و هاد الاخير هو مطيح الفتيات و مدوب قلوبهم و خاصة هاد المخلوقة المسماة ب"نور شمسي" كايعجبها بزاااف كاتبعو فالكبيرة و الصغيرة اعجاب كبيييير كاتكنو تجاه هاد الشخص فقط من خلال السوشل ميديا لي مشهور فيها بفضل موهبتو في الرسم..و حتى موهبتو فالرقص( choreographer)
و البوسط كان فيه الفيديو ديال نور كاتشطح و كاتب لتحت بما مفاده "شكون تايعرف هاد البنت عجبااااتني رقصتها بزاااف 💖💖 "
هادا كايدل على اعجابو برقصة نور!! و نور فرحها هادشي لانه بالنسبة لبها واحاد الشخص عزيييز بزاااف(تشا راه طايحة فيه بيني و بينكم) و شهااادة كبيرة فحقها من جهتو و لكن طبعا هو دوى على الرقصة ماشي نور 😒 و لكن انها خطوة متقدمة!!!
☇☇
نور(بنظرة متفائلة):زعما
ريم:اه!!!اصلا راه تا دابا باقي الحال
نور(هزات حجبانها بتسائل):اممم كيفاش؟؟
ريم(تادور فعينيها):دابا نتي درتي الروبلا بهاد الفيديو كلشي تايقلب عليك باغي يعرف شكون نتي!
نور(حطات يديها على جنابها):شنو اخبيبة !!بغيتيني نكول ليهوم(رققات صوتها و خصرات وجها بطريقة مضحكة) سلام انا نور شمسي انا لي كنت كانشطح فالفيديو !!بابا الحبيب اجي دبحني! هادشي لي بغيتي نكول ياك!
نور(خرجات فيها عينبها و غلضات صوتها و كمشات حجبانها و دارت يديها على جنابها):ناعااااام ياااااااا ختشييي!! هو انا رخيصة للدرجة دي!!! نبين ليه اني ملهوفة عليه!!(ميقات بعينيها)هه اييييوا صافي هادشي لي بقى ...(بضحكة استهزاء)هههء ايوا حتى ايلا بغينا بهضرتك ادادا لفاهيمة يا اينشطاين زمانك ...ملي يسولني علاش كلتيها ليا غابوحدي اش نكوليه...(فردات حواجبها و بدات كاتبسل فعينيها و رققات صوتها)حيت انا معجبة بيك بزااااف و حلمي هو نتلاقى بيك و يمكن كاع كانبغيك!!(رجعات عكدات غوباشتها)ياك هادشي لي بغيتي ياك!!!
ريم:(شافت فيها بحاجب طالع و حاجب هابط و ضحكات )ههههه كاتسولي راسك و كاتجاوبي راسك😂😂و الله تا عالاااام😂😂😂واش انا كلت هاكا؟!!!اويييييلييي على باطل برجليه و يديه و عينيه!!!اكيد غانلقاو شي طريقة من غير هاد البولشيت(و من هاد المنبر بفيت تانا نقول ليكوم شي حاجة خارج الموضوع غا جات فالسياق😂😂😂...🚫Var💻 is bullshit🚫 شكون متافقة😅😅).. لي سْيّارة تكٌولي فيه!
نور(ربعات يديها و طلعات حاجب و حبطات لاخور)اتحفيني!!!
ريم(بعصبية):و مالي غا انا لي عندي هادا(اشارت لدماغها)
نور:(تكبعات و بدات تبكي بالعاني)وا عااااونينيييي ءهاءاااا وا ريييم(كاتزعزع فيها)رييييموشتيييي
ريم غلباتها الضحكة و ستسلمات:😂😂 خلي تاطيح فبالي شي فكرة و نكولها ليك(خنزرات فيها بالضحك) اه اه لى بوحاطية!!!! ..(سكتات شوية ...و دارت صبعها على راسها بحالا تاتفكر و جمعات حجبانها )و لكن ضااارووووري مانلقى شي خوطة نااااضية
نور(ضحكات):اصلا راسك عامر غا بالخطط😂😂😂
ريم(ضحكات هي الاخرى):ههههه ايوا شنو ضروري ماخاص يكون فيك هاد الجانب من شخصيتك و ايلا ماكنش فيك خاصو يكون فالبيست فريند ديالك
نور(كادوي و كاضربها بالمخدة و هي كاضحك):يااااختييييي انااااا ربييييي يخليييك لياا😍😍 جوتيييييم ....ولكن اياد كتر
ريم(ضرباتها بالمخدة):هههههه ياك الحمارة!!!!(شافت فيها بجدية)لهاد الدرجة معجبة بيه واخا عمرك دويتي معاه ولا حتى شفتيه مباشرة!!!
نور(حنات راسها و بدات كاتلعب بتيشرت ديالها و هي كاتعبر بحجبانها لي مرة يطلعو مرة يهبطو مرة يغوبشو):بففففف ماعرفتش!!! ماعرفتش!!!! واش ممكنة هاد القضية...!!زعماااا تبغي شي واحد غير من سوشل ميديا و تصاور و فيديوات؟؟؟
ريم:ههههههه و الله ماعرفت ...الاعجاب اه!! مي الحب لا طبعا!!الحب عندو قوامو ههههه تقظري متلا هاد مالوما ديالك(اياد كاتكوليه مالوما نظرا للشبه الكبير لي بيناتهوم😇😂)ممكن ملي تلاقايه و تعرفي على شخصيتو...مايبقاش عاجبك !!حيت الشخصية اهم حااااااجة
نور(ابتاسمات و هي مازالة حانية راسها و يديها كايلعبو فالمخدة):ههه عندك الصح(سهات للتانية و هزات راسها)هههه كانتخيل شخصيتو ايلا كانت زوينة زائد وسامتو شنو غايعطيو! وااا راجل متكاااااامل!!!!
نور(هزات عينيها للسقف و بدات كاتفكر):اه؟؟! صراحة ماعرفتش خاصني ندير شي كليسة بعقلهااااا مع دماغي و نفكرو فهاد السؤال هههه
ريم:ههههه واشتي هانا درت ليك باش تخدمي مخك شوية و تفيقيه راه غمل😂(ناضت تاجهات لجهة الباب)هانا مشيت نجيب لينا شي حاجة ناكلوها و خممي خممي بينما جيت!
نور:هههههههه واخا
نور:مع راسها:و اللهيلا زعما انا شنو لي غايخلي هاد اياد يعجب بيا!!!(بدات كاتلوي فخصلات شعرها المجعد و كاتلعب بيه)اممم الجمال؟؟(دورات عينيها على راسها)اممن الحمد الله عندي حقي منو..الشخصية؟؟..اممم ضريفة! و عزيز عليا كلشي و ماكانحقدش!!و الله يهديني باركة نشكر فراسي!!! شخصيتي الناس لي غايكونو عارفين حسن مني كيدايرة
جبدات تيليفونها و طلعات البوسط ديال اياد لي حاط فيه فيديو ديالها فانسطا و بدات تقرى فالكومنتس و عيباد الله كايتفلاو كايكولو كانعرفوها...شي وحدات تايقولو انا عصبوها !!!
⭐⭐⭐⭐
نور: 20 سنة طالبة جامعية(كادي الطريق و كاتجيبها)جميلة (تخيلوها كيما بغيتو..مي انا تخيلتها هاديك لي فصورة الكوفر) ..هوايتها الرقص و شوية الرسم..
شخصيتها بنظري! بريئة و ضريفة و عنيدة و مسالمة و حشومية شوية..و روماااااااانسية...و خيالها وسع من تقب الازون😆
اكتر حاجة كاتفرحها: الشكلاط و مشتقاتو(السقاطة) و كاتفرح ملي كاتكون مع ريم و كاتفرح ملي كاايجاوبها اياد فالانستا😂😂
اكتر ما كاتكره و كاتخاف منو و كاتعيفو بالداريجة:الحشرات بجميع انواعها(هادشي كايشمل النمل و الدبان هه واخا هادو حشرات مسالمة)و زائد افلام الرعب
عزيز عليها تفرج فالافلام الرومانسية و الكوميدية و لا باس من شوية الاكشن
ماعمرها تصاحبات!
الموهيم هاظي نبدة على بطلتنا الرئيسية(لي عندو شي سؤال عليها يكتبو فلي كومونطيغ)
ريم: نفس سن نور اذن نفس القراية(صورتها فالكوفر)...نفس الطباع تقريبا..غير ريم ماكرة شوية و دائما ماكاتكون هي العقل المدبر ..ريم انسانة ضريفة بزاف و حنينة كاتعرف تعامل ..عندها شخصية قوية و جذابة...و عزيزة عليها نور و دائما كاتساندها و توقف جنبها هوما صحابات كتر من 11 عام
باختصار بيناتهوم علاقة صداقة قوية بزاااف قليييييل يتلقى بحالها!!!
🏡في مكان اخر...
خارج من الدوش شعرو فااازك و قطرات الماء كايطيحو منو بحال الشتى على وجهو ...كايدوز الفوطة عليه و على عنقو تاجه للناموسية...و كلس بدى كاينشف شعرو مزياااان بالفوطة و من بعد لواها على عنقو و تاجه للماريو جبد الحوايج لي غايلبس...و بدى يحيد فالفوطة
⏸⏸⏸pauuuuuuse⏸⏸⏸
حشومة نشوفو الراجل تايبدل حوايجو😂
▶▶▶عدنا 😋▶▶▶
خرج اياد من الدار بكل وسامة..ريحتو الرجولية كاضرب على بعد اميال و كيلومترات هههههه ركب فطوموبيلتو و دوز لابيل لصاحبو....
اياد:الووو عمر فينك انا عاد خارج
عمر:راني فالكافي لي تلاقينا فيها البارح
اياد:اوك قطع!
ديمارا سي اياد و تاجه للكلوب باش يتلاقى بصاحبو..
⭐⭐⭐⭐⭐⭐
دخلات ريم هازة زوج قراعي ديال نوتيلا....
ريم:هاناااااا!!! (كاتحرك القراعي لي بين يديها)شوفي شنو جبت!!!!
نور(غير شافتهوم و هي تفرح و بدات تصفق بصمت):ياااااااااي😍😍
ريم:ههههههه انا جبت فاش نتلاهاو😂(جلسات حداها)
نور:ههههه(خلات القرعة و خشات فيها ميلقة من بعد دارتها ففمها بفرحة)احححححححح انا كانبغييييييييك انوتييييلا
ريم(كاتهضر و تاكل):ههههمنن ايواا فكرتي فشي خوطة؟!
نور(هزات راسها الفوق باسهزاء و هي كاضحك):هههههههههه انا؟!!! (شيرات لراسها)تي راه هاد المخ غمل لي خليتيها نتي شحاال مابقيت ستعملتو😂 عوالة عليك ازين
ريم:(خنزرات و دارت ابتسامة جانبية)الحمد الله على وجودي كانفتاخر براسي😂 ههه كانحس براسي نافعة لشي حاجة
نور:(شافت فيها ببرائة و فمها عامر شكلاط)عرفتي ايلا لاقيتيني بمالوما ديالييي اول بنية غانولدوها انا وياه غانسميها ريم
نور(هزات شافتها السفلية فوق العلوية و خنزرات بشكل طفولي):مااالكي حكرتينيي؟!!! شتي ايلا تللقيتو! شي لاخور حالو سااااااهل😂
بداو تايضحكو😂😂
نور:(شافت فيها بتشكيك)اجي العفيريتة جا ولد خالتك التيتيز من فرانسا😉😉؟؟
ريم(حانية راسها و كاتاكل بزربة زعمة دايرة فيها حشمانة):هههه جا
نور:(كاتقلد فيها)هاي هاي على جا ..ويننوووو على الحشمة😂😂
هزات ريم راسها و بدات تضحك:😂😂 وا راه عمرنا تلاقينا غا كانضحك
نور:هههه ولد خالتك و عمرك تلاقيتو ؟هاكي🖕🖕 كون كان انا اياد ولد خالتي و الله مانزكلو واخا يكون ففرانسا نبقى ندوي معاه ابيل فيديو 😂😂
ريم:(خنزرات فيها)وا هاد الزمر راه ماتلاقيتو من الصغر من سبع سنين كان تيتيييييز شعير رطب و العوينات زورق هو كانت عندو هو عشر سنين كان كايشري ليا الحلوى و بيمو😂 هههه انا كنت طااااايحة فيه من الصغر و ملي مشا هو و خالتي لفرانسا عند باه مابقيت شتو!!والا دويت معاه حتى مواقع التواصل ماعندوش واقيلا
نور(هزات حاجب و هبطات لاخور):و التصويرة لي مورياني منين جبتيها؟؟
ريم:وا راه خالتي دوات مع ماما ديك النعار فالواتساب و بدات تسيفط ليها فتصاورو زعما شوفي ولدي كبر و كي ولى 😂😂
نور(ضرباتعا لكتفها و هي كاضحك):هههههه و نحلف عليها تاكادق عليك😂 و كولي ماكلتش ...هاد خالتك عندها نفس نواياك😂
ريم(دارت ابتسامة و غوباشة ديال تساؤل):يااااه ولاهييلا ما فكرتش فيها😂😂
نور:😂😂😂وا شتي غدا يجيو يخطبو
ريم(هزات معيلقة كبيرة ديال نوتيلا و خشاتها ففمها و نطقات بفمها عاامر مع تنهيدة):من فمك لربي😂😂
نور:(ضحكات على تصرفها)احيااااااااااالني عليك نتي كلبك عاااااامر خاص غاليجبدك😂😂
ريم(غوتات بجهد و هزات معيلقتها الفوق و شعلات ليها بولة فوق راسها(مجاز😂)):لقيتهااااااا!!!!
نور(حطات يدها على قلبها و ليد لخرى شادة بيها الملعقة و عينيها خارجين هضرات بالغوات):اش هاد الشي لي لقيتيه و لي كان غايتسبب ليا فجلطة دماغية!!!!!!!! اوفف 😬
ريم(خنزرات فيها):سريييييي سرييييي زيدي زيدي عايري لا غير زيدي!!! و انا لي من صباح و انا نفكر ليك فالخطة!!! و درستها مع راسي من جميع النواحي
نور(حطات الملعقة و جمعات يديها بزوج 🙏 بهاد الشكل و حنات راسها و دغيا جمعات التكبيعة):سوري! سوري!!! سمحيييي ليا(عزات فيها راسها بنفس التكبيعة و شوفة البرائة)شنو الخطة؟؟؟
عمر(وقف سلم على صاحبو):اهلااااا!
اياد:صافا؟!
عمر:الحمدالله ..ايوا ههه
اياد(شير الكارصون طلب منو قهوة كحلة):هههه تيوا يوا فين وصلتي مع شي خطوبة😂
عمر(خنزر فيه):تا اشمن خطوبة اصاحبي را غا الواليدة فيها الهضرة بزاف و صافي!! انا مالقيت لمن تتخطب التيتيز خليتو ففرانسا اشكال انواع !!
اياد: هههههههه اخرتك ديها مغربية اصاحبي و بزواج تقليدي و عمرك شفتيها😂😂
عمر:(مدور عينو للجنب بغير رضى)هانتا تشوف...المشكل مازال عاد جينا لصقاتني الواليدة كالت ليا من هنا نمشيو نزوروهوم السيمانة جاية اودييييي غا خليها على الله و صافي
اياد(كايضحك عليه):تخيل تكون خايبة😂😂
عمر(بضحكة استهزاء):وا راها خايبة نيت😂😂 باقي عاقل عليها ملي كنا بعالك كانت خاااااايبة و سنانها كلهم مدمرين بالسوسة و ديما مشعكة و عاد كانت ديما كاتلصق فيا نشري ليها الحلوة ناااااري اخوياااا تانتخيلها دبا تاتشدني تبوريشة
اياد(كايضحك بجهد):هههههههههه مشيتي فيها يا صاحبي😂😂و لكن ماتعرف الوقت راه كايبدل
عمر:تا اش كايبدل الله يهديك😂
⭐⭐⭐⭐⭐
نور:وا قولييي قولي!!!!
ريم(حققات فيها و صغرات عينيها و نطقات بعصبية):واخا! امممم سمعي حتى اللخر ايلا قاطعتيني غاندير بناقص!! و اهم حاجة خاصك تيقي فيا!!!
نور(بحماس و المعلقة ففمها خلاتها دوي معكلة😂):ماتخابيش غي قولي قولي
ريم:ايوا سمعي الالة!!...غادي نمشي انا للانسطا غانسيفط ليه ميساج نقول ليه انا صاحبتها و بلي مابغات حتى شي واحد يعرفها و كدى و انا ديك الساعة عندي الجواب لاي سؤال سولني ..عندي الجواب الآمن لي ماغايسبب ليك نتي فحتى شي احراج...بإختصار انا غانتكلف بكلشي نتي غادي غير تكلسي و تسايني مسيو اياد يسيفط ليك ميساج!...اشنو تيقي فيا؟؟؟
نور(بعدما تصنتات ليها بعناية..هزات حاجب و هبطات لاخور و فراسها مجموعة ديال الشياء حارت واش توافق او لا):اففف ناعرفتش انا مابغيتش نتشوه!!!
ريم(شافت فيها بنظرة حادة و شدات فكتافها):و الله ماتخافي بالله غير تيقي فيا و الله ماتخيبي!!!
نور(عوجات فمها و هزات عينيها و حجبانها واحد طالع و واحد هابط):اممم...موافقة و لكن شوفي ديري اي حاجة بالحق مانتشوهش انا زعما مافراسي والو اوك؟؟
ريم:(جبدات تيليفونها بحماس)حق الله ماتخافي!!!
نور بدات كاتشوف فيها بترقب و جامعة يديها و كاتلعب بصباعها...
عمر: وا صاحبي تيليفونك من الصباح و هو كايفيبري...
اياد: ههههه وا راه عادي اصاحبي راه غير الميساجات تاع الفانز
شد عمر التيليفون و دخل الانسطا حيت هو فين كانو كايتسيفطو الميساجات..دخل للمحادثة لي كانو مسيفطين فيها بزاف ديال الميساجات...و بدى كايقرى بجهد...كانو مكتوبين بهاد الشكل:
سلام
انا صديقة
ديال البنت
لي كاترقص في الفيديو
اياد(غير سنع هاد الشي حط قهوتو و شاف فيه باهتمام):🤔
عمر(لاحظ اهتمامو و هز فيه عينيه و كمل القراية):هي حشمانة تقول انها هي لي فالفيديو
مابغات حتى حد يسيق ليها الخبار
الموهيم ادا بغيتي الانسطا ديالها نعطيه ليك بالحق تبقى بيناتنا!
اياد:(حط صباعو على ذقنو و بدى كيدوزهوم على لحيتو)اممم ارى ارى نشوف
عمر(عطاه التيليفون بعدما شاف فيه بتشكيك):هههههه شكون هاظي اصاحبي
اياد(و هو مركز فتيليفونو كايرد على ريم):هادي اسيدي وحدة مصورة كاتشطح الفري ستايل بطريقة محترفة نتاشر الفيديو ديالها البارح و انا حطيتو عندي فالانسطا حيت عجبني و سولت لا يكون تايعرفها شي حد..حيت ماكرهتش ندير معاها شي ديو ..امم مامتأكدش فعلا واش هي علاياش كادوي البنت او لا ..
⭐⭐⭐⭐⭐⭐
نور:بفف شتي راه كلت ليك ماغايجاوبش اصاحبتي غا عدبتي راسك راه بحال هاد النوع تايوصلوهوم مية ميساج فالدقيقة
ريم دارت صبعها على فمها بمعنى سكتي..و بدات كاتحرك صباعها كدليل انها كاتكتب...نور وساعو عينيها و تلاحت عليها بغات تشوف التيليفون..
نور:جاوب واش جاوب؟!!!!
ريم(خبات التيليفون مورا ضهرها و نطقات بعصبية و ملامح صااارمة)شوفي كلت ليك غادي تكلسي و تكمشي و تساينيييه يسيفط ميساج(رفعات صبعها السبابة بتهديد و هزات حاجب و هبطات لاخور)ولا ندير بناقص
رجعات نور اللور و شدات تيليفونها
نور:صافي صافي ها انا درت لي كلتي ليا...
عمر:هههه شنو دبا غاتيقها ؟؟ راه غايكونو بزاااف غاكايكدبو!!
اياد:صيفطات ليا الانسطا ديال البنت دبا ههه
عمر:سولها ناتعرف
اياد:(عز قهوتو و حط التيليفون)هههه الموهيم خلي هاد الشي حتى لمن بعد ماشي موهيم يالاه نمشيو للشركة راني تعطلت ههه
عمر:يالاه زيد
⭐⭐⭐⭐
نور(و هي شادة تيليفونها):رييييييم!!!!
ريم(شافت فيها):تيقي فيا الميساج غايوصلك غايوصلك ايلا ما وصل دبا يوصل من بعد!!موهيم واصلك!!!
اياد(شد كتفو و ضحك):ههههه وا تا غا عدرني و الله تانسيت
عمر اكتفى بتخنزيرة...
⭐⭐⭐⭐
اياد ..عمرو 24 عام رجل اعمال..(عندو شركة لصناعة مواد التجميل هو المدير العام ليها)
هو شخصية مؤثرة بسوشل ميديا...معروف بموهبتو فالرسم و الرقص...ماتايشاركش حياتو العملية و قلييييل لي تايعرف عليها شي حاجة...
هو كشخثية صعيب يتفهم غامض نوعا ما...من الناس لي ماتايحبوش و ماتايأمنوش بالحب اصلا!..
ضحوكي و شخصيتو قوية...زوج دالحوايج قادرين يخليوك طيحي فغرامو من المحادثة الاولى
اكثر حاجة كايكرهها هي الكدوب و الخداع و الظلم
عمر: نفس عمر اياد...صديقو...و ابتداءا من اليوم يعتبر شريكو...هما صحاب من الصغر و رغم ان كل واحد فدولة ...كانو كايتلاقاو فالعطل او الفكرة فبالهم من شحال هادي...قرر اياد ملي يدخل للمغرب بصفة نهائية...يتشارك معاه...و بالفعل هادشي لي طرى...
عمر شخصيتو مرحة و زوينة...انسان متفتح و ضحوكي حتى هو كايكره النفاق و العناد..
نور كاتغوت لكن ما من مجيب...ماعقلات على راسها حتى تحركات الافعوانية ...كاتسمع غا غوات عيباد الله و غوات الكارتة (جريييييمة مووووصيبة!!!😂✌)لي حداها...غمضات عينيها و بدات كاتشهد و هي متكية على ريم ناس كايغوتو و هي كاتشهد ..
ريم(كاتغوت فودنها و هي كاضحك):حلي عينيك!!!! وا ناااري وا ماغايوقع والو....وا شعرك دخل لفميييب واااااا الزمر!!!
نور(هزات فيها راسها بانو ليها الناس صغيييييورين و هي معلقة لفوووووق حسات بالدوخة و الرضة...ايوا و ماجات غا فلالاهوم ريم):اح اح
ريم غوتات باعلى صوت عندها ماشي مرة شي عشرة المرات😂😂😂 بقات تغوت تا مشى ليها الصوت حيت رضات ليها على شعرها😂 موهيم حالتها حااااالة نوتيلا ديال الصباح كلها خواتها عليها😂😂😂
حبسات بيهوم اللعبة و عيباد الله كلهم نزلو و ريم مازالا شادا فشعرها و فحالتها و كاتبكي
نور(حاطة يدها على فمها بصدمة):اييييي سوري سوري!!! ناااااري ولكن نتي لي جبتيني بزز راه مايصلاحش ليا انا هاد الشيييي !!!!(دورات عينيها فيها و كتاشفات منظرها المضحك و شدات فمها و لكن غلباتها الضحكة)😂😂😂😂واااااع
ريم(خنزرات فيها و حاولات تهضر و لكن صوتها رااااح ...دوات بحروف متقطعة):ت...ف..و...عليك
ناضت هبطات كاتجري..تبعاتها نور حابسة الضحكة...(بصراحة نور مادارت فيها مايتعاود😂😂)
نور(كاتغوت عليها و هي غادا كاتجري):ريييييم رييييم وا سااااااينييي!!!
وقفات ريم و هي معصبة و دوات بثوت مبحوح يكاد يسمع:شنو غاندير اه؟!!! حرمتي علينا الخرجة!!!
نور(شافت فيها بجدية):وا راه نتي لي ديتيني بزز راه انا عارفة راسي بحال هاظ الشي ماكايليقش ليا!!!..دابا زيدي نشدو طاكسي و نرجعو للدار و نعوضوها مرة اخرى!!!
ريم(هزات عينيها الفوق و خنزرات و عوجات فمها و نطقات تاني بصوت مبحوح):بفف زيدي...
شدو البنات طاكسي و تاجهو للدار..الطريق كاملة و ريم سلدة نيفها و ماحاملاش راسها و نور ضميرها كايأنبها...و ماهي الا دقائق قليلة و وصلو!
ريم:بففف اش عندها ماتقول.. راها اصلا غاتكون الفوق...لتحت ماكاندخلو ليه حتى كايجيو الضياف! غانظخلو لتحت و تاحد ماغايسيق لينا الخبار...
دورات الساروت و تحل الباب...و طلعو تايدردكو فالدروج ...
دخلو للدار التحتانية ...و هنا كانت الصدمة دارو شافو فبعضياتهوم بزوج!
ام ريم(صفية):ريم!!!
نادية(خالتها ):ريم!!!؟؟
نور(دارت شافت فريم مخرجة عينيها و نطقات باستفسار):ريم؟!!!!
ريم بقات حالة فمها و كاتشوف فكلشي تايعيط بسميتها كلشي تخلط عليها..كونها شافت خالتها(ام عمر) و عاد الشوهة لي هي فيها تخلطو عليها العرام و عي طلقها بغوتة 😂😂😂و لكن بدون صوت تسمعات بحال الصوت (السيدة مبحوحة نسيتو😂)...طلعات كاتجري للدار الفوقانية و نيشان للدوش...
نور بقات واقفة زي الاطرش فالزفة ماعرفات تبع صاخبتها او تبقى ...اصلا كاع الانظار كانت متوجهة ليها...
صفية(ناضت تاجهات جهتها و ماحدها كاتبعد على نادية و هي كاتخنزر):نور؟؟!..مال ريم فديك الحالة؟؟!
نور(واقفة مصدومة بلا حتى تعبير فوجهها عقلها تايدور تايفكر شنو تقول ..فالاخير قررات تقول الخقيقة حيت مافيها والو):اخالتي مشينا للكورنيش و ركبنا فواحاد اللعبة كادوخ و مع انا اخالتي كاتشدني الدوخة فالاماكن العالية رديت عليها و مالقينا مانديرو و رجعنا للدار
نادية(كادور فعينيها):يسحابلي غا تشيرات الله يستر
صفيه(رجعات جلسات حدى ختها بعدما غمزات نور باش تبع ريم...و حاولات تهدن مايمكن تهدينه):ههههه كاتوقع ههه راها ماعرفات باش تبلات ملي شافتك مع شحال هادي ماتلاقيتو
نادية:هههه و الا كتاب ابنت ميمتي تولي تشوفني ديما من هنا للقدام
صفية:كيفاش؟ههه
نادية:راك عارفة انا و ولدي دخلنا بمرة للمغرب و قلت نزوجو ملي جمع راسو و خدم و ولا قاظر على المسؤولية...ايوا و ماطاحت فبالي غابنت ختي مانلقاش حسن منها لعمر
صفية:الله يا ختي مرحبا بيك هدا هو النهار الكبير ايلا قبلات البنت و باها انا راه مانزيدكوم غا الصلاة على النبي و شي تزغريتة....
هاد الحديث كلو داز على ودنين نور لي وقفات فالدروج و تصنتات حتى اللخر و ماحدها كاتسمع و فمها كايوساع ماقدراتش تكتمها و طلعات كاتجري لعند ربم كادق عليها فالدوش..
نور(كادق بابتسامة كبيييرة و الحماس باين على وجهها ):ريم!!! ريم!!!! واااا حليييي حليييي!!!
ريم(كاتنخصص مور الباب و كاظوي بصوت مبحوح):ئهئهئ شامبوان فعينيا بعظي مني...ئهئهئه تشوهت مع عمر اميمتي عمرو شافني و نهار يشوفني يشوفني بهاد الحالة ئعئه مالي ماعندي زهر!!!
نور (نفخات بعصبية و نطقات و هي جامعة صباعها كاتشرح ليها وهي هازة عينيها):وا راه عنر ماكانش ماكانش...كانت غير ماماه خالتك!! و راه قالت واحاد الحاجة ماغاتفرحكش!!
ريم(زاظت فوتيرة التنخصيص)ئهئهئه صافي تشوهت!!!! نور (ابتاسمات ابتسامة جامبية و نطقات بحماس و هي كاتنقز)غاتخليك طيري بالفرحة😂
ريم(حلات الساقطة ديال الباب):دخلي!
حلات نور الباب و دهلات عنظعا لقاتها رادة شعرها القدام و حالاه بيديها باش يبان وجهها (بحالا خارجة منشي هورور موفي)
نور(حطات يديها علفمها حابسة الضحكة على منظرها عينيها حووومر باينة كانت كاتبكي😂):ههه
ريم(بملامح جدية):اش كالت؟!
نور(عضات على شفتها السفلية بحماس):واجدة؟؟؟!
ريم(بجدية مرافقة بتخنزيرة و حماس😂):شنو؟! سربي شمبوان دخل لعينيا
نور(بحماس و ابتسامة عريييضة):غاتخطبك لعمر!!!!(و شدات كتافها و هي كاتنقز)
ريم(بنفس الملامح الباردة لي ضهرات وسط منهوم ابتسامة صغييييييييورة جانبية نطقات بعدما هزات صبعها كاتشير لراسها):انا واش متأكدة؟! انا؟
نور(خرجات فيها عينيها دارت نفس الابتسامة العريضة):اقسم بالله !!! استغفر الله تانحلف فالطواليط...واتي راه ماكانكدبش عليك!! خالتك دوات لماماك على الزواج!!...و لي بغاتو يكون بينك و بين عمر!!!!
ريم(ضحكات واحاد الضحكة مع منظرها ديال الشعر مردوظ القدام و كايبان شوية من وجهها غايخرج لينا واحاد اللوحة مضحكة😂):العاااار😂😂😂😂نااااري (حنات راسها و هزاتو دغية تارجع شعرها اللور و عمرات نور شامبوان و ما...و حطات يدها على فمها وهي كاتنقز)ااااااا مامتيقاش مامتيقااااااااش!!!!!
نور:(نفخات على زغبة لصقات فوق عينيها باش طير بعدما شعرها كلو فزك...شافت فيها بتخنزيرة):دبا علاش فزكتيني!!!!!
ريم(تلاحت عليها عنقاتها و هي فااااااااازكة كملات عليها😂😂😂)هههههههماكايهمش انا فرحاااانة!!!!!!! ئهئه حيظي خليني نكمل الغسيل دشعري باش نمشي نتلاقى بعكوزتي
نور:(ضحكات عليها)هههه هاي هاااااااي دايرة بحال ديك اللعبة دالطوموبيل ديال الخيط ...خاص غير لي يجرليك داك الخويط و تمشيييييي!!😂😂😂
حق مولانا تاخاص غير لي يجبدك ..
ريم:(كادوي و كاتغسل شعرها)ههههههه شي امتلة عندك😂😂😂عالاااام....اختي افتخر راه كانت بالنسبة ليا شي خاحة بخال حلم !!! و ماكانش كايسحاب ليا يقدر يتحقق بهاد السهولة!!
عمر:اممم جاني الجوع اصاحبي!!! نوش نتغداو!!
اياد(كايشوف فشي وراق ديال الخدمة):وا نااااري اصاحبي نتا ماشي ديال الخدمة !!😂 هاصنا ضروري كل شوية نخرجو
عمر:اخاي الجوع ماكايشاور😂😂😂نوض تكعد مال الخدمة غاتهرب
هز اياد الكونطاكط ديال اللوطو و ناض
اياد(شاف فيه بنفخة):يالاه زيد قدامي
عمر(ضرب كتفو بقوة):ماتغوتش!!!!
اياد:هههه زيد زيد غانديك لواحاد البلاصة فيها اعز ماكلة على قلبي
عمر(ميق بغينيه و زاد معاه):بفففف البيتزااا!!!
🌟🌟🌟🌟🌟
خرجو البنات بزوج من الدوش و جالسين تاينشفو شعرهوم...
ريم(كاتنشف شعرها و الابتسامة مامفارقاش محياها):هههههههه انا مامتيقاش!!!
نور:(مبتسمة هي ايضا و كاتلبس حوايجها):ههههههه وااااع و الله حتى سعداتك فرحت ليك بزاف!!!!
ريم(ناضت كاضحك بحماس جهة الماريو...و هي لابسة البينوار):شنو نلبس!!! شحاااال ماشافتني خاصني نبان ليها تيتيييزة
نور(ناضت عندها بعدما كملات لبيس حوايجها و قرصات حناكها):الييي تيتيز تيتيز ههههه(بدات كاتشوووف فالحوايج لي فالماريو)امممم لبسي هاد الكسيوة الحمرة(كانت كسوة حمرة فايتة الركبة فيها نجيمات بويض باديين من الفوق و غادين و كايصغارو)زوينة و الله
ربم(شداتها من يديها و هي مبتسمة):ناااااري و الله حتى هي لي طاحت لي فبالي و كنت ناوية نلبسها...نتي راك ماي سولمايت!!!
نور:ههههه وا لبسيي دغية!!!
....
بعد دقائق قليلة لبسات ريم و دارت ماكياج خفيف بزااااف مجرد حكر فاتح اللون و ماسكارا اصلا لي زين زين..
ريم(كاتنقز و كاضحك عايشة دور الحشمانة):نهبط؟؟؟
نور(شافت لفووق بنفاد صبر و شافت فيها بتخنزيرة):واااا ناري راها غا خالتك خالتك!!ماشي عمر شخصيا!!!
نور شافت فيها غادا قدامها بضحكة استهزاء و زادت..تمو هابطين فالدروج بشوية و ريم شادا يديها عندها زعمة حشمانة غير دخلو لقاو ماماها كاتجمع فالطبلة...و خالتها ماكايناش
ريم(واقفة وسط المراح و كاتشوف فمها بتساؤل):ماما؟؟! فين خالتي؟
صفية(هزات فيها راسها بتخنزيرة):خالتك من الصباح و هي كاتساين بغات تشوفك و لكن نتي تعطلتي!!
ريم(شافت فنور بخيبة امل..):اووووف سولي نور و الله ختى زربت حتى عييت
نور(شافت فيها و هي حابسة الضاحكة من الصباح و هي كاتقاد فالاخير تقولبات):احم هه اه اخالتي..
صفية:(شافت فبها بنصف ابتسامة)ماتخافيش راه نهار السبت غاتجي هي و ولدها عمر!
ريم(ماقدراتش تكتم الضحكة لي ترسمات على فمها حاولات تسد فمها و جمعات شفايفها عندها):ع..علاش
ثفية(كاتجمع فالطبلة و هي راسمة ابتسامة جانبية على فمها):عادي خالتك و ولدها بغاو يزورونا!
ريم شافت فنور بعبنين مبتاسمين و بفرحة..
ريم:(مابغاتش تبين انها فاهمة لبلان و تبسمات)اااه ايوا مرحبا بيهوم(شافت فحالتها لقات راسها لابسة و مقادة)ماما حنا جينا غير نبدلو و نعاودو نخرجو عااافاك خلينااا نعاودو نخرجو
صفية(خنزرات فيها و هي متجهة جهتها هازة صينية داتاي):تبقاو داخلين خارجين صافي طلعو لبيتك و ديرو مابغيتو باراكا من الدخول لخروج راه خاصك تنقصي منو ابنتي(نور شداتها االضحكة فهاد اللقطة و حطات يدها على فمها ..حيت قالت ليها خاصك تنقصي من الدخول و الخروج كتلميح انها غاتزوج زعما😉😂)دوزي هزي نتي و نور دوك طباسل و تبعيني للكوزينة!
ربم شافت فنور بخيبة امل و تنهدات...و تاجهو للصالة هزو الطباسل و تبعوها للكوزينة....
حطات ريم الطبسيل لي كانت هازة فيديها و وقفات حدا ماماها و دارت شوفة البراءة و نطقات بعدما حنحنات باش يتسمع صوتها المبحوح : مامااا!! عافاااااك خلينا نخرجو غانمشيو غاهنا ناكلو بيتزا تشهيتها و الله!!! عافااااك و الله حتى ملي نجيو نغسلو الماعن و نسيقو الدار واخا؟؟؟
صفية(ظارت شافت فيها بتخنزيرة و دارت تنهبدة):سيري سيري و لكن عانداكوم تنساو راسكوم و تبداو تساراو !!!..
ريم(عنقاتها من اللور حتى بجغاتها):شوووووووكرا اماما و الله مانتعطلوا!!!!
شافت ريم فنور و حركات راسها بمعنى يالاه ...
نور(كادوي و كاضحك):هههه بنت الحرام و الله لا غسلت معاك شي ماعن دبري محاينك ماكلتش ليك باغا نخرج😂
ريم(دارت فيها تخنزيرة و عوجات فمعا بشكل طفولي و بدات كاتشير لكسوتها):وا راه لبست و تقاديت ماجاتش نبقى فالدار دبا غير زيدي نخرجو نفوجو و نشوفو الماعن من بعد😂
نور(عضات على شفايفها بابتسامة جانبية و هي جامعة حجبانها):احححح نيت مشهية البيتزا
ريم :هععععع يالاه زيدي...
طلعو البنات هزو صيكانهوم و خرجو..
دخلو اياد و عمر لبيتزيريا و شدو مقاعدهوم..
عمر:(خنزر فيه)شوف على الجوع لي فيا راه خاصني زوج بيزات!!
اياد(هز حاجب و هبط لاخور):واا ناااري كول غاللولة عاد شوف التانية...اصلا غاطلبني على التانية كايصوبو بيتزا واااعرة هنايا هههه
دخلو البنات و شدو مقاعدهوم... بعدما طلبو شنو بغاو..
ريم(كاتحك يديها مع بعضهم):اححح اجوع دانتا عملتي فينا عمايل!!!
نور(عضات على شفايفها):نااااري الهيمري اختي😂انا راه كرشي خاوية تا ديك نوتيلا لي كلتها فالصباح راحت !!
ريم(خنزرات فيها و قلداتعا و هي كاتعوج):اه! راحت!! راحت غا على حوايجي و شعري!!!
نور(خرجات ليها الضحكة من فمها بالزز و ضحكات بالجهد حتى كلشي دار يشوف شكون كايضحك):وااااااااع ماتفكرينيش منظرك كان تايقتل بالضحك!!😂😂😂ريم(خنزرات فيعا تاقربات تخرج الشرارة من عينيها):وا ماتعصبينيش ا ديك نور!!! راه غير حشمت قبيلة اما نخليك و نزيد
نور(سدات فمها و هزات يديها الفوق باستسلام):سكتت سكتت!!🙆🙆
حط النادل للدراري البيتزا ديالهوم هوما اللولين عاد حط للبنات...
عمر(حك يديه مع بعضهوم و عينيه خارجين):هههه بسم الله
اياد(بملامح ساخرة):كول كول قبل ماتموت
عمر(خصر وجهو بشكل مضحك):اودييي واخا كنا مشههين شي دجاج محمر ولا شي بسطيلة و لكن هااانية نعديو بالبيتزا🙄
اياد:(غلباتو الضحكة و لكن حاول يكتمها)ندوي ولا نسكت؟؟
عمر(حرك راسو بمعنى دوي)
اياد:(مع ضحكة ساخرة)هههه ظبا تاكلهوم فالخطوبة ديالك مع بنت خالتك😂😂😂
عمر(خنزر فيه):تفو تا مالك خاصك كل شوية تفكرني تا خلينا هانيين !!!
اياد(هز يدو بحال كيف دارت نور و دوى):انا ساكت انا ساكت😅
.....
نور:(هازة البيتزا كاملة و كاتعض منها)اممممم
ريم(خرجات فيها عينيها):اوييييييلي على الشوهة تي قطعيها و هزي بطرف بالطرف
نور(كاتهضرو كاتندغ):هممم ناء
هزات ريم عينيها للفوق بنفاد صبر و هي كاتندغ ...
و مع اللقطة لي دورات فيها عينيها للطبلة لي قدامها لمحات شخص مألوف كان كالس مقابل معاها و تايدوي مع الشخص لي قدامو..الشيء لي خلاها تشوف مزيان و تحقق و مع فهمات و عرفات شكون!!! (صافي صافي عرفتكم عرفتوه😂😑)خرجو عينيها و بدات كاتكحب حيت وحلات ليها
ريم(كاتحب و عينيها بغاو يخرجو كلشي دار كايشوف فيها):كح كح كح
نور:(ناضت كاتجري عندها و كاتخبط فضرها و حطات الما قدامها)اويلي رييييم !!!
عمر :(كايشوووووف فيهوم )شوف شوف هادو
دار اياد و شاف فيهوم و طلع فنور و هبط (البنات كانو ملهيين و ماشافوهش ملي دار)
اياد(دور وجهو و طلع فيه حجبانو):ههههه هاد الشي هو لي كايطرى للناس لي تاياكلو بلا عقل(عض عضيضة من البيتزا ديالو و كمل)بحالك
...
نور(و هي مازال كاتخبط فضهرها):واش صافي
ريم(حانية راسها و كاتحرك يديها بزربة و دوات بصوت مبحوح كتر من اللول)صافي صافي !!!كح كح(هزات راسها و بدات كاتخبط فسدرها)احم احم
نور(رجعات لبلاصتها):تي مالك؟! اويلي بشوية عليك
ريم(مسحات دمعات بقاو فعنيها اثر الكحبة لي كانت كاتكحب و بدات كاتنش عليهوم):مممه عمر!!!!(كاتشوف فيهل و حجبانها مجموعين و مهزوزين الفوق بقلق كاتنعت ليها فيه باش تشوف)
نور(دورات راسها و حققات فيه و فعلا كان هو):اوهااا!!! (رشقات يديها مع بعضياتهوم):و اللهيلا هو!!!
نور(خرجات فيها عينيها):اويلييييي! و مالك على ديك الحالة علاش وحلات ليك!
ريم:(بنفس النضرة)ماعرفتش💁 توترت ملي شفتو هاكا قدامي على غفلة!!!
نور(صاطت الفوق و عوجات فما...و شافت فيها و هي جامعة صباعها ):من الصباح و نتي عمر عمر عمر عمر !! ملي شفتي عمر تخلطو عليك العرارم و ماعرفتي تقولي تا السلام!!!
ريم(طولاااااات فيه الشوفة حتى هز عينو شاف فيها و تلاقاو عينيهوم و لكن ما دار حتى رد فعل و كمل هضرتو مع صاخبو عادي):اييييه(غوتات)(خرجات فيها عينيها)تلاقاو عينينا(نور شافت فيها بحمماس و كملات..)و ما دار تا ردة فعل!! شنو واش ماعرفنيش!!!؟؟
نور(شافت بحيرة):كيفاش؟؟(دارت شافت فيه لقاتو كايدوي مع الشخص لي قدامو و مامسوقش)واش متأكدة شاف فيك شاف فيك!!
ريم(كاتشوف بقلق و احباط)اه اه هاكا!!!(شافت فيها مزياان)بحال كيتانشوف فيك دابا!!
نور:(شافت فيها بنفس الحيرة و هي كاتحرك صباعها و كاتربط الاحدات )شنو دبا !! ايلا كان عمر ماكايعرفكش كيفاش باغي يتزوج بيك؟!
ريم(خززرات بقلق):ما عرفاش!! ماعرفتش!!!!(ناضت وقفات و هزات صاكها و عينيها مغرغرين)انا مشيت!!!(خرجات كاتجري)
نور(هزات صاكها و تبعاتها كاتجري):ريم رييييم ساينييي ساينييي!!
تبعاتها كاتجري حتى كاتسمع شي حد.مزراها تايعيط...
ا
ختي!!! ختيي!!!!سايني!!!!
الناادل:اختيييي اختيي(شدها من كتفها حتى دارت)
نور:شنوو؟؟؟؟
النادل:(خنزر فيها):باغين تاكلو بلا ماتخلصو(كلشي دار تايشوف فيهوم و من بينهوم عمر و اياد)
نور(دورات عينيها كاتشوف فبنادم تايشوف فيها و عينيها جات على الطبلة لي فيها عمر و ستاطعات تحقق فالانسان لي كالس معاه و لي كان تايشوف فيها....و تما خرجو عينيها):😲😲😲
النادل(تايدوز يديه على عينيها):اااا ختي اختيييي فلوسييي!!!
نور(فحالة جمود ودنيها تايصفرو كاتشوف فيه و كاتأكد...حتى حسات بالنادل و شافت فيه بملامح مصدومة):اااا...(خشات يديها فجيبها اللوراني و جبدات المية درهم لي عطاها باها فالصباح)هاك!!!(و خرجات و هي كاتحك عينيها و مصدومة)
النادل(كايعيط عليها):وا هاكي غا الصرف اختي!!!
مامسوقاش كاتجري و عينيها كايقلبو على ريم لي حتى هي باقة كاتمشى
نور:(لمحات ريم و زادت فوتيرة الجرى)رييييييم وااا ريم!!!!
🌟🌟🌟
عمر:(كاياكل و كايضحك)ههههههه واااع وا عالااااام يا خويا هاد الدريات😂
اياد(كايضحك حتى هو):ههههههه خارجة بلا عقل و مامخلصاش السيد
اياد(دوز عينيه للجنب بعدم اهتمام)اوديييي! نتا هاد الشي لي حاضي😂
عمر:ههه ايوا شنو 😆 اهويا هادشي لي بغات لوقت😂
اياد..ضحك و كمل الماكلة...
عمر:اجي دويتي مع ديك البنت
اياد:اويلي فين غاندوي معاها و انا من الصباح و انا غارق فالخدمة!
🌟🌟🌟🌟
نور(مخرجة فيها تينيها):ربي علاش كاتبكي
ريم:(مسحات داك شوية الدموع لي فعينيها و دوات بخيبة امل):وا ماعرغتش هاكا توترت على غفلة تخربقات نفسيتي ما بقيت عارفة واش نفرح حيت عرفتو و لا نبكي حيت ماعرفنيش و الله ماعرفت(كادوي و كاتعبر)
نور بقلق: وا راه ماغاتيقيش المرض شنو وقع تاني !
ريم(شافت بقلق):شنو شي موصيبة اخرى !!!
نور(حاتيدها على جبهتها و بنفس القلق و الصدمة):وا الولد لي كان مع ولد خالتك!!!!(ريم مخرجة عينيها و كاتساينها شنو غاتكول)واااا اياد!!!! اياد!!!
ريم(خرجات عينيها على الاخر و بتاسمات):لاااا نواااااي(ضحكات باستهزاء) نعم انها سخرية القدر ....ظبا حنا كانقلبو على خطة باش نتلاقاوه و هو قدامناا!!!(رجعات خنزرات و فتحات عينيها )و لكن هداي دبا هو صاحب عمر؟!!!
نور(بنفس الملامح و يديها على جبهتها مدرقة وجهها على الشمس[ملاحظة: راهم واقفين فالطرطوار و الناس غادين جايين من حداهم]):وا اااااه وا راني تخربقت مافهمت والو(هزات خاجب و حطات لاخور عاد طلعات معاها و رشقات يديها بفقصة)تفووووو و عطيت لديلمو داك السرباي مية درهم كاملة بالصدمة تفوووووو هادي تخويرة 5 5
ريم:(بنفس مملامح نور )وا نااااري اش هاد الشي دبا ماي عمر و يور اياد فريندز بحالنا!!!(ضحمات بسخرية)اييي و الله حتى عالاااام ماتايدخلش هاظشي للدماغ!!!(صغرات عينيها و عضات على شفتها الفوقاتية)و لكن دبا كيفاش مامايعرفنيش!!
ريم(ضحكات بجهد)هههههه خلينا دبا نمشيو للدار و نفكرو مزيان...
حركات نور راسها بمعنى يالاه و يديها مازالين فوق راسها....
تمو غاظيين طهة الشانطي حتى كايسمعو الكلاكصون هزو راسهوم يشوفو شكون...حلو عينيهوم على الاخر و دارو تايشوفو فبعضياتهوم!
نور(و هي مخرجة عينيها و كادوي بصدمة):يوكارتيك(ماشي حتى لهاد الدرجة (بالتركية))
ريم غاحالة فمها و كايبانو ليها زوج حتارف نازاين من اللوطو بكل شهامة و فخامة التيتيز شخصيا!! مع كل خطوة كايديرو لارض كاتزعزع تحت من الحلاقم(ريم&نور) تمو جايين جهتهم...و هونا مصدومات حتى وقفو قدامهم....
اياد(دار ابتسامة جانبية و مد يديه لنور):انا اياد كمال..نتي نور..شمسي..نور البنت لي كانت تاتشطح فالفيديو لي تشهر لبارح؟
نور(كاتبلق فعينيها و حالة فمها بالبيان جميع ملامح الصدمة تجمعو فوجهها و دوات بحروف متقطعة..بعدما مدات يديها المرتعشتين عشان ماتخليهش بلاكة):ا..ه
اياد:(وسع ابتاسمتو و هو تايشوف فعينيها مباشرة):متشرفين!(دار شاف فريم و لي حالتها اااااكتر من نور خالة فيهوم فمها ..مد يدو و بتاسم)سلام ريم نتي لي هضرتي معايا ياك؟
ريم(مدات يديها المرتعشتين و دوات بالزز باين الارتعاش فصوتها):اهه..اا..ه..احم
اياد: مشرفينشير لعمر لي كان واقف تايشوف فيهوم بابتسامة جانبية)هدا صديقي و شريكي عمر
شافت ريم فنور بقلق و الخرى حتى هي شافت فيها بصدمة موهيم هضرو بعينيهوم و نضراتهم كانت كاتعني(شنو هاد الشي؟؟!)
هزو راسهوم بزوج بالايجاب...
اياد(بابتسامة جانبية):احم..احم غانبقا واقفين تفضلو تشربو معانا شي حاجة و نهضرو...
شافو تاني فبعضياتهوم تايحاولو يدويو بالعينين
عمر(لاحظ توترهم و نطق و هو تايفرنس):هههه دغيا زربنا عليكوم و لكن ماتخافوش ..غير يالاهو معانا و غانشرحو ليكوم...
#فلاش_باك
عمر:دخل دخل دبا!!
اياد(هز تيليفونو و نفخ كدليل انه ماعاجبو حال):هاحنا غانشوفو هاد ختنا واش كاتكدب او لا!
دخل اياد.للانسطا ديال البنت(اقصد نور)و غير شاف تصاور رجع بيه دماغو لخمس دقائق للوراء و تفكر البنت لي وقفها النادل كانت نفسها!!! دار ابتسامة عريضة تحولات دغية لضحكة ساخرة
عمر(بتساؤل مرافق بابتسامة جانبية):تا مالك هههه
اياد(ضحك و هو شاد على فمو و كايدوز بيديه على لحيتو):هههه ماغاتيقش!!
دور اياد التيليفون و كان جابد تصويرة نور...و عمر بعدما تأكد انها نفس البنت ماكان ليه الا انه يدير نفس رد فعل اياد ههه
عمر(و هو تايضحك)وا بزااااااف ههههه عاد كانو قدامنا😂
اياد(و هو تايضحك كذلك جبد الانسطا ديال البنت لي سيفطات ليه الاكاونت تاع نور(عن ريم اتحدث))ههههه و البنت لي كانت معاها...هاظيك لي كانت كاتشوف فيك صدقات هي لي مسيفطة ليا الميساج فاللول...!
عمر(ضحك باستهزاء و هو راجع اللور):هههه لا بزاااف اجي بالروجولة نوض نتبعوهوم هاهما جابهم لينا الله تالعندنا نشوفوهم واش تيكدبو و لا لا!
اياد(شاف فيه بجدية و فمو مازال مبتاسم شوية):اويلييي اصاحبي اش غا يقولو علينا تابعينهوم متلا؟!!
عمر(هز حاجب و هبط لاخور و بدا تايعبر بيديه):مالنا اصاحبي درنا شي حاجة؟؟ هوما لي سيفطو الميساج فاللول نتا مادرتي والو...و زايدون الهدرة فاص تاتبقى حسن من هدرة الشات!
اياد دور وجهو للجنب كدليل انه تايفكر..شاف فيه و دور راسو لليمين بمعنى يالاه ...هزوو كوستيماتهوم لي كان معلقين فالكراسى و خرجو ركبو فالطوموبيل...
#عدنا..
اياد(بتاسم و هز حجبانو):مانبززو عليكوم والو بغيتو مرحبا مابغيتوش صاف!
شافو تاتي لبنات فبعضياتهوم بحيرة و ناعرفو مايديرو
فالاخير نطقات ريم بتردد و عينيها على نور ...
ريم:امم اوك بالحق مابغيناش نتعطلو
ابتاسم عمر ابتسامة عريضة..
عمر:هههه لا ماتخافيش غير تفضلو..
حدرو البنات ريوسم و ركبو فاللوطو..و ركبو الظراري كذلك و زادت الطوموبيل...
غير طلعو جبدو البنات بزوج تييفوناتهوم و بداو كايتراسلو...
نور:وااااا ال💩 علاش قلتي هاما غايسخابونا سايبات و كانركبو مع من والى!!!
ريم:😡 من نهار عقلت على راسي و نتي...اياد اياد اياد اياد...و فالاخير ماقديتي تقولي ليه تاسالام(في اطار ردان الصرف و داكشي)
نور:😡😡😡😡
ريم:وا الزمر راه زربو علبنا ماعرفت مانقول...و زايدون ماغايطرى والو دردشة بسيطة و نرجعو فحالنا!!
نور:😑😑بفففف تخربقت انا تخربقت!!!!
ريم:بفففف وا تانا هاد الزبل تاع عمر ماعارفني كاع ولد الحرام خاصني نعرف تش تحت راسو...و الله حتى سبحان الله شوف شحال من خطة و خطة كنا ناوييين نديروها ساعا طرى ما لم يكن في الحسبان...و الله دبا عاد وليت مانآمن بالقدر هعهع
نور:😕😕وا تانااا و المشكلة كلشي طرى بالزربة مابقيت فاهمة والو ههه انا راه من كترة ناهاظ الشي داز بالزربة بتقا لحد الان مصدومة...اجي واش دبا انا شخصيا فطوموبيلة اياد كمال؟؟!
ريم:😂😂😂😂 و انا شخصيا راكبة مع عموري😂😂
نور غلباتها الضحكة الحماسية لي خرجات بصوت مرتافع و من بعد حطات يدها على فمها بحرج...
عمر:احم ههههه فين تبغيو تمشيو
ريم(برتردد و هي حشمانة):امم شي كافي و صافي...
عمر(بابتسامة طويلة عريضة):مرحبا!!
ريم:😅😅وا ناااري و الله ماعارفني شوفي حنا غانتبعو هاظشي و نشوفو فين غانوصلو
اه و نسيت ديري راسك مافرايكش انا راه دويت مع اياد فانسطا باش ماتتفرشوش ماتنسايش راه مازالين غانمشيو على قواعد الخطة!!
دتر اياد بالطموبيل على ليسر و ركنها فمكان تما قدام كافي كاطل على البحر...
اياد:(حيد نضاضر من عينيه)وصلنا...
نزلو البنات و تبعو الدراري لي تاهوما نزلو و جلسو فطبلة من الطبالي لي تما....
و بعد لحظة صمت لي دامت لاكثر من دقيقة كسر هاد الصمت ...
اياد(بلامح جامدة مع ابتسامة جانبية رجولية):ههههه ايوا؟! شنو عرفونا عليكوم و واش بصح(كايشوف فنور)نتي هي البنت لي كانت كاتشطح فالفيديو
ترددات نور فالاول و ماعرفات ماتقول و لكن تدكرات كلام ريم...بانها ماخاصهاش تبين انها فاهمة البلان و نطقات بتردد و حشمة...
نور: امم(وهي خافضة صوتها و كادوي و هي ماقدرتش تشوف فعينيه نيشان كادور فعينيها فنابوغط أو موهيم مايتلاقاوش عينيهوم حيت هاظشي غايوترها و الهضرة غاتزاكل ليها)احم...سم..ح ليا قبيلة كلشي داز بالزربة و مع الصدمة قلت اه...نتا منين عرفتي بهاد الشي!! زعما انا هي..
قاطعها اياد بنفس تعابير الوجه..و هو تايشوف فيها و فريم:احم زعما واش صاحبتك ماقالت والو لبك؟
ريم(خرجات عبنيها و قالت ليه بزربة):لا لا انا ماقلت والو!!
نور(شافت فيها و هي مخنزرة ز عما ماعارفاش):ريم زعما كنا متاففين!
اياد:(ابتاسم و شاف فيها )احم لا لا عادي انا ماغانقولها لحتشي واحد!...و لكن سمحي ليا شنو لي غايخليني نتيق؟!
شافت فيه نور بنضرة تحدي و شافت فريم و عنر لي كان متبع بابتسامة...و بدات تاتحرك صباعها بطريقة مايعرفو ليها غير راقصين الفري ستايل...و عينيها تايشوفو فيه بتحدي(الفيديو لتحت)
اياد و عمر و حتى ريم بقاو غير تايشوفو فيها وخصوصا الدراري لي صفقو باعجاب...
و نطق اياد بضحكة كبيرة:براااافو فعلااا صدمتينا ههههه(شاف فعمر لي كان تايضحك ايضا)سحابلينا فقط كنتو كاتفلاو
نور(دارت ابتسامة عريضة باعجاب..و دقات قلبها في تسارع و الهرة فكرضها و نرة مرة تاتجيها واحاد التبوريشة...):احم...ههههه(كاتهضروهي كاتنفس بالزربة بتوتر)لا انا هي ديك البنت و لكن مابغيت حتى حد يعرفني
عمر(بملامح منبسطة):علاااش؟؟!
نور:(بنفس الملامح و الشعور)احم...حيت..انا ماقصدتش الفيديو يتلاح كان غير بيني و بين ريم..و لكن خرج من بين يدينا و ماشي انا هي السبب..عائلتي ماغايتقبلوهاش و عاد انا ماقاظة على شهرة و داك التخربيق
اياد(ابتاسم ابتسامة جانبية):ضنو لي هلى الفيديو ينتاشر؟!
...
بدات تاتعاود ليهوم ريم و كاتعبر بيديها..و عمر تايشوف فيها باعجاب...اما نور فكانت حانية راسها و كاتسمع و مرة كاتهز عينيها فاياد كاتلقاه متبع مع هضرة ريمو دقات قلبها كايتسارعو ...هضرو هاد الرباعي فقط على اشياء كاتخص الرقص..و من بعد نتاقلو لموضوع القراية..لمدة ربع ساعة ثم نطق عمر...
عمر(بابتسامة و هو تايشوف فريم بنضرات غير مفهومة لي نقدر نقول انها ساحرة): احم..ههه الصراحة تانخس براسي فايت شايفك و لكن ذاكرتي ماقدراتش تفرز فبن بالضبط
ريم حكات ورى راسها بتوتر و هي حانية راسها و عاودات علاتو و شافت نيشان فغينيه بخالا ضرباتو بيهوم و رجع للور عاد نطقات بكل ثقة و دارت راسها دمدومة :هممم ماعرفتش انا شخصيا عمرني شفتط
دور عنر و هو تايدوز يدو على لحيتو:هممم هههه ماعرفتش غايكون تشابه يمكن..هههه
دارت نور فريم شوفة متسائلة و غمضات ريم عينيها و حلاتهم بمعنى كلشي تحت السيطرة...
عمر:سميتك ريم ياك؟؟
ريم(بتوتر ):ا..ه ريم
عمر(ضحد و دار شاف فاياد و هو تايدوي):حتى ديك ختنا لي بغات تخطب لبا الواليدة سميتها ريم😂
اياد(دار ضحكة استهزاء):هههههه اودي يا أخي على حساب الهضرة لي كاتقول مشاااات على عينيك ضبابة!
فهاد الاثناء نور غير كاتشوف فيهوم بتركيز كاتخاول تفهم..اما ريم فحانية راسها و كاتحك فعنقها بتوتر و تشجعات و حيدات مود الحشمة و اكتيفات موظ السنطيحة و نطقات.
ريم(بنضرة تساؤل معتوهة😂):احم ههههه شكون هادي
عمر(ضحك حتى بانو سنانو):واحاد بنت خالتي قالت ليا الواليدة بغات تخطبها ليا!و انا ماشفتها من ايام الصغر عاقلىعليها كانت مشعكة و مافيها مايتشاف هههههه
ريم(تقرصات و مابيناتش...عضات على ضرف شفتها السفلية...و نطقات و عينيها فعينيه راه قلت ليكوم اكتيفات مود السنطيحة):احم و الوقت كاتبدل و لا!
اياد(ضحك و قال):هههه سبحان الله نفس الكلام لي تانقول ليه لكن مُصِّر
عمر(ضحك و هز تيليفونو):هههههه واش كايحسابليك عاقل عليها غا من الصغر راه سيفطاتلي الواليدة واحاد التصويرة ديالها ملي مانت عندها تلطاش ولا ماعرت خمسطاشر عام اطط نقلب عليها غاتموتو بالضحك😂😂😂
ريم توترات فهاد الاثنناء و حنات راسها و نور بدات كاتشوف فتيليفون عمر عاضا على شفايفها و كاتساين بحماس و ترقب...
جبدها عمر وراها لإياد لي تفرشخ بالضحك...و دورها جهة البنات...نور غير شافتها خرجات ليعا الضحكة ناقدراتش تحبسها....انا ريم فحنات راسها و خنزرات فنور و عفطات عليها
نور:اههه..هههههههههههه(شادة كرشها و كاتشوف ريم لي مخنزرة و هاظ كاماتزيد ضحك)
كانت صورة ديال ريم...دايرة سفنجة لشعرها و ااريزوات طالعين و سنانها شي كايطل على شي...موهيم حالة يرثى لها اكفس تصويرة!!
عمر(كايضحك):هههههههههه وا راه بزااااف!!!دابا هادي باغييني نتزوج بيها..!!!
ريم بدات كاتنفس بزرلة و حانية راسها باش مايبانوش ملامح الغضب لي ترسمو على وجهها...قالت فنفسها:كانت عندي عشر سنين الحمار عشر سنين!!!تفوووو الله يمسخك والله لا بقات فيك ايلا مازريتك راني مانسوى مانصلاح غابلاتي غابلاتي!!!...تفوووو هاظ التصويرة اصلا اش جابها لعندو نااااري يا ماما نااااريي ماعرفتش منين كاتجيبي هاظ الزبل هاظ التصويرة راه بحد ذاتها الشوهة!!!
خادت نفس عميق و دوات بخالا ماواقع والو(كم هي بارعة في اخفاء مشاعرعا الحقيقية):ايوا ماعندك مادير ههههههع
عمر(ضحك باهتهزاء):غاندير للواليدة خاطرها نمشيو نشوفوهوم نهار السبت و لكن ضروري ناغانتفك بشي طريقة
دارت ريم ابتسامة جانبية و جاوبات..:ههه يكون خير(شافت فنور):الزين يالاه راه تعطلنا..
اياد(شاف باهتمام):احح لا ضروري مانوصلوكوم
نور(شافت فيه بتوتر و هي كاتحاول عينيهوم مايتلاقاوش):احم لا بلا مانعدبوكوم اصلا دار مابعيداش الطاكسي يوصلنا فزوج دقايق..
عمر(وقف و شاف فجدية):لا مايمكنش يالاه نوصلوكوم!
ربم(هزات خاجب و هبطات لاخور بجدية بعدما وقفات)؛لا صافي ما كاين لاش شكرا
اياد(وقف حتى هوو ابتاسم):على خاطركم الموهيم خليو لينا نوامركم باش نتواصلو...
بداو البنات تايفتيو نوامرهوم للدراري و من بعد مشاو...غير خرجو من الكافي و بعدو شوية...و هي ت...
و هي تغوت ريم واحاد الغوتة ديال الغدتيد و هي كاتشتف فالارض...
نور غير كاتشوف فيها كاتشوف فالناس لي تايدوزو من حداخوم و تاتبسم ابتسامة ديال بزز و هي كاتحرك يديها بمعنى حمقة ...
ريم(بحجبانها مجموعين و حناكها حومر):زيدي زيدي قدامي و مادويش معايا حتى نبرد!!!!
نور(زادت موراها حيت عارفة هاد الحالة ديالها 😅😂):(كادوي تحت سنانها):نزيد بكرااااامتي..!!
شدو البنات طاكسي و رجعو للدار طلعات ريم نيييشان لبيتها و بدلات حوايجها بالنفخة...و مشات هبطاات و خلات نور غا كاتبلق فعينيها...بدلات تاهيا حوايجها بالخف و تكات فوق الناموسية و هزات تيليفونها...دخلات للواتس و لقات زوج ميساجات من نوامر غريبة..عرفات اطوماتيكيا انهم من عمر و اياد..جاوباتهوم بهضرة عادية ديال سلام سالام...
شوية حتى كادخل ريم هاجمة و هازا قرعة ديال نوتيلا ....شعلات تلفازا جبدات نيتفلكس و دارت فيلم رومانسي درامي...موهيم داكشي ديال البكى و بدات تاتفرج...
و نور عااااايشة مع اياد كاتسيفط ليه ميستج و تبقى شادة تيليفون بشوق حتى يسيفط ميساج اخور...و الاخرى متبعة مع الفيلم و و كل شوية تهز معيلقة عااااااامرة من نوتيلا و تخشيها ففمها...
شوية بظات تاتغوت..
ريم(بعصبية و فمها مجخمر بالشكلاط):انا؟!!!! انا لي لي جمارة دايراه فبالي و ديما تانفكر فيه!!! تفووووووووو علاش؟!!تفوووو و الله لا بقات فيك غا بلاتي (كاظوي و تعابيرها مايتبدلو و كلهم كايعبرو على الغضب)ناااااري غانتاقم على كل كلمة قالها عليا!!!!
نور(دوات من ورى تيليفونها بخوف و ملامح قلقة):واش بردتي؟؟!
ريم..شافت فيها بملامح غاضبة و طولات فيها الشوفة ...حتى بدات كاتنباسط عاظ التغوبيشة و تحزلات لضحكة ...ضحكو بزوج بجهد تا بردو غدايدهوم و تمرغو...
نور:(و هي كاضحك)وا ناااااري تفكرت التصويرة😂😂😂😂😂
ريم:(جمعات الضحكة و خنزرات)واخا عليك الحمارة تانتي باركة تاضحكي....راه كاع ملي كنا صغار كنا خايبين!!!(ابتاسمات و هزات حاحب و نزلات لاخور و ضربات شعرها بعجرفة):اصلا الموهيم هو حاليا!!! (دارت ابتسامة شريرة)و الله تاندمو ونشطحو مزياااان(و نبرد غدايد قارئاتي!!!اجي حقا شكون بغاتها فعمر نعدبو ولا نتكايس عليه؟!!! غاناخود آرائكم بعين الاعتبار ماتنساوش تجاوبو)
نور(ابتاسمات نغس ابتسامتها): و انا تانشجعك و تانشد بيديك😂😂
ريم(سيفاتليها بوسة فالهوى و خصرات وجهها بشكل طفولي):شتي تي واحد صاحبتي !نبغيك في كلبي!
نور ضحكات بجهد حتى فاجئها ميساج فالواتساب و رجعات لحالة الرومانسية و تخشات فتيليفونها
ريم(شتفت فالكاميرا (زعما ديال المسلسل اقصد القصة😂))و تنهدات بملامح حزينة)ويلييي باات عولت على خطية
بعد اربع ايام(بس: باقي يوم للزيارة عمر)..
فهاد الثلاث ايام البنات مانو تايمشيو للافاك و تايدوزو نهار عااادي...عمرهوم ماتلاقاو بالدراري نور ولى التيليفون بحال خيالها ماكاتحطوش كاتساين شي ميساج من عند اياد لي كايهضر معاها غير فالليل(ملي تايسالي الخدمة)هضرة عااااادية سالام سلام! و تعارف بسيط....(مازالين غير مرحلة التعارف)...اما ريم فعمر كل نهار تايهضر معاها و تايصوني ليها😂و هي كاتهضر معاه عادي و بعد المرات ماكاتجاوبش عليه الموهبم منخلاه...
⭐⭐⭐⭐⭐
جالسات نور و ريم فكافي ..
نور(حاطة يدبها بزوج على الطبلة و مخصرة وجهها): اوفففف وا ماسيفط والو
ريم(رشفات رشفة من عصيرها..و شافت فيها بملامح مشمئزة):واناااري...فقصتيني تي ديري النفس شوية!!بقاي مقابلا التيليفون عند بالك تايفكر فيك دابا؟!!
نور(حيدات يديها من الطبلة و خنزرات فيها و دوات بنبرة حادة):نعام؟!! اعيدي الكرة؟؟؟(حطات يدها على ودنها بحالا كاتسمع)لا لا ماسمعتش مزيان
ريم(بنفس الملامح):مابك كدبت؟!
نور(طلعات حاجب و نزلات لاخور و بدات تاتشوف فيها باستفزاز): نسيتي ملي كنتي كادوي على عمر كيفاش تاتولي ؟؟! نسيتي ولا نفكرك....ههه ملي عرفتي نو جات تخطبك؟!!نسيتي اش درتي؟؟
ريم(ميقات بعينيها و ردات شعرها اللور بتكبر و طلقات ضحكة سخرية):ها😂؟! كان هاد الشي شحاااال هادي؟؟!(ضافت قدامها بشر و دارت ابتسامة جانبية)مااازااال موجدة ليه شي حوايج اححححح!!
نور(صغرات فيها عينيها):احيااااني عليك عااارفاك اش كاتسواي داك الراس فيه غا الخطط
(صونا تيليفون ريم)..
جاوبات ريم بعدم اهتمام بعدما لمحات لنور انه عمر..
ريم(و عي ميقة عينيها و موعجة فمها):الو!!عمر؟
عمر:واتاك الزرق!
ريم(حنات راسها فحوايجها و تأكدات من كونها لابسة الزرق و شافت فنور بنضرات متفاجئة):ب..باش عرفتيني لابسة الزرق
عمر:(و هو تايضحك بجهد)هههههه تخمين و صافي..امم بغيت نتأكد واش نتي هي هادي لي تانشوف فيها دبا!!!
دورات ريم عينيها تاتقلب عليه شافت فنور لي كانت كاتشوف مور ريم و دايرة ربع ابتسامة خجولة ...دورات ريم راسها و كاتشوف عمر شاد التيليفون و هو مبتاسم ابتسامة عربييضة...جاي جهتها هو و اياد لي خاشي يدو فجيبو و مبتاسم..
عمر(حيد تيليفون و بدى تايهضر معاها حيت ولا حداها):هههه صدفة زوينة هادي
ريم(بتاسمات لا شعوريا):ههه خلعتيني
عمر:(مد ليها يدو بابتسامة ساحرة(ماتنساوش ليا بلي عمر راه توتوووز))انا بالضبط ماتخافيش مني(غمزها و مد يدو لنور حتى خي سلم عليها و جر كلسي و جلس..
سلم اياد ختى هو عليهوم..
اياد(مبتاسم و هو تايشوف فالبنات بزوج):لاباس عليكم؟؟ ههه دخلنا لهاد الكتفي و بنتو لينا قلنا نجيو نونسوكوم ياك ماشي مشكل؟؟
نور(صباع رجليها تايلعبو بالتوتر من تحت الطبلة و دقات قلبها زادو كايتسارعو(هههه ماشي ساهلة تكوني معجبة بشي حد غير من بعيد و حلمك بلقائو شبه مستحيل...و لكن نتي حاليا كالسة معاه و كادويو عااادي)تنهدات بسعادة بعدما فكرات فهاد الشي لي شرحت ليكوم قبل قليل..و دوات بابتسامة)لا نرحبا بيكم ..
اياد(ابتاسم ليها حتى بانو سنانو):ههه ابوا شنو الجديد
عمر:(ضحك بالجهد)الجديد راه كاين عندي غير انا اصاحبي!!
ريم(عرفاتو علاش تايدوي و ضحكات و جاوبات)ههههه علاه مالك
عمر:غدا غانمشيو عنديك ختنا ههههه
ريم:(جاوبات ببرود)هه عادي كون متفائل تقدر تعجبك..
عمر(شاف فيها بابتسامة جانبية و عينين نايمين):تكون كيفما بغات تكون ماكايهمنيش...انا دبا معجب ببنت وحدة واخا عاد تلافيتها مؤخرا و لكن دغيا دخلات لقلبي..و عي الوحيدة لي نقدر نفكر فانني...
قاطعاتو ريم بكحبة ..
كحبات بتوتر بعدما سمعات هضرتو لي فكل كلمة كان تايقول.. دقات قلبها كانو كايتزادو و السخونية كاطلع معاها و التبوريشة شاداها من صبعها الصغير ..و عاد لي مكمل عليها داك البحر لي فعينيه ...ماشعرات حتى شداتها الكحبة من شدة التوتر
ريم(شادة جهة قلبها و هي كاضرب و ظارت ابتسامة حرج):احم ههه سوري مرة مرة...
نور(عتقات الموقف و دوات بضحكة معتوهة😆):هاها ها مرة مرة تاتجيها الكحبة😆
عمر(جاتو الضحكة من تصرفهوم و جمعها فابتسامة طويلة عريضة و هو تايشوف فريم مباشرة):هههههه عارف عارف
ريم توترات عاوتاني و بدات كاتفتف و كاتشوف فجنابها و دقات قلبها في تسارع..
ريم فنفسها؛ اوف! علاش كاضرب نتا (على قلبها)حبس حبس...لا لا ماتحبسش غير ضرب بشوية لا يمشي يسمعك و نتفرش...ئهئهئه وا راه زوييين و جداب وااااش طحت ..احم شدي فراسك اريم نازال تابعك الانتقام)
نطق اياد باش يحيد هاد الجو ديال الحرج و داكشي..
اياد(و هو موجه حديثو لنور):امم ..تقبلي ايلا طلبت منك طلب؟
اياد(كايدوي بتركيز و نضرو مشتت باغتو):احم...راك عارفة بلي حتى انا مرة مرة تانلوح دانس فيديوز فالاكاونت ديالي فانسطا...و ماكرهتكش ديري معايا شي ديو حيت الرقص ديالك واعر بزاف و غانشكلو ثنائي زوين...
نور:(فنفسها:علاه عاد فهمتي اننا غانشكلو ثنائي زوين)..(رجعات توترات و ماعرفات ماتقول):امم.م..ماعرفتش كيما قلت ليك انا ماا بغيت حتى حد يعرفني
اياد(دوى و هو تايخمم):اممم ماعرفتش(شعلات ليه بولة حدى راسو(تخيلوها و سكتو😂)لقيتها(طرطق صباعو بحماس و هو تايشوف فيها مباشرة شيء لي وترها)كيفما درتي للفيديو لي تشهر نديرو لهاد الفيديو حتى هو ..اش بان ليك؟
نور(دارت شافت ريم لي كانت متبعة معاهوم بتركيز و يدها محطوطة على قلبها..الشيء لي ماراداش ليه البال(السيدة مازال ماترة...شافت فعمر لي تاهو تايشوف باهتمام و بتردد جاوبات)اممم موافقة ولكن
اياد(دار ضحكة كبيييييرة حتى تعمضو عينيه(و نور غير مراقبة في صمت)جامعة رموز السعادة كاملين):بصح شكرا بزاااف
نور(بتاسمات لا شعوريا اصلا اتحداك ان لا تبتسم عندما ترى ضحكته هه):هه مي بشرط(شافت فيه بجدية)عرفتي هادشي خاصو يكون سري تماماااا!! و ماتقولهاش حتى لاكثر شخص كادير فيه الثقة!!(دارت شافت فعمر حتى هو بنفس النضرة)حتى نتا اعمر بغيت حتى حد مايسيق الخبار ok?
عمر(رجع اللور و بتاسم):انا عن نفسي و الله ماتخافي اختي نور
اياد:(شاف فيها بنفس الجدية
..غير هو الجدية انواع😂 الجدية ديال نور ماشي هي الجدية تاع اياد...ههه نديرو بوس نشرح ليكوم 😂⏸ الجدية ديال اياد كاتسرع دقات القلب لان النضرة لي تايشوف بيعا ملي تايكون جِدي تاتكون فشكل...تايكون مهبط راسو شوية لتحت و عينيه مطلعوم و تايشوف بيهوم نيييييشان فعينين نور لي هاد الاخيرة عقلها غير كالس و كايفرز فالهرمونات لي تاتسبب فزيادة دقات القلب هاد الشي كامل سبابو ديك النظرة الساحرة و الجدية ديال الشخص لي حاباه نعم انها جدية اياد(و التيتيز بصفة عامة شي مرة نهضرليكوم على جدية عمر)!😂 موهيم نسدو هاد القوس )حتى انا ا الاء ماتخافيش و الله ..(ضاف ابتسامة جانبية للجدية و مانعاودش ليكوم على قلبها لقد تشرشم تشرشيما😂)و الله حتى شكرا بزاف مايسحابش ليا غاتبغي شكرا بزاف
نور(تحت كل هذه الضغوط...كاتشوف فيه و هي سااااهية تائهة فيه فابتسامتو لحيتو شعرو عينيه و شفارو اكثف من عدد سكان قطر(😂) مل تفاصيلو لي مدوخاها....ترسمات ابتسلمة على شفتيها و جاوبات بنبرة سعيدة)نتا لي كانشكرك حيت قدرتي الموهبة ديالي
اياد(شاف فيها بنظرة اعجاب لي هي عبلرة عن ابتسامة جانبية و نظرة عميييقة(وا مايطيحش فبالكوم دغيا بلي طاح فيها😂))متكانقدرش غير موهبتك كانقدر حتى كونك انسانة ضريفة بزاف
نور(فنفسها:ساخبر الله بكل شيء😣😣):(كاتتفس بسرعة اثر توترها )ش..شكرا بزاف(و حنات راسها حشامانة)
عمر حبس هاد كمية الرومانسية لي حاسة بيها نور : هههههه على هاد الحساب خاصنا نوليو نتلاقاو ديما... نتوما بنات ضريفات و دغيا كادخلو للخاطر ...نتمناو تقبلو صداقتنا
نور:(فرحات ملي سمعات هادشي و ترسمات ابتسامة سعيدة على شفتيها و نطقات):بيان سييغ حتى نتوما و الله
اياد(مبتاسم حتى هو )نشاء الله نتعارفو على بعضنا كتر
ريم هي الوحيدة لي ماهضراتش اكتفات بابتسامة موجهة لاياد فقط ماشافتش جهة عمر لي غير حاضيها...
جلسو واحد الشزية فجو عادي حتى ناضو الفتيات لديورهوم بحجة انهم تعطلو...
..
بقاو عمر و اياد جالسين فالقهوة..
عمر حاط يدو على لحيتو و هو ساهي..
عمر:بدااات تاتعجبني اصاحبي
اياد(حجبانو مهزوزين و داير ابتسامة جانبية و هو تايشوف قدامو )اينا وحدة؟
عمر(بنفس نضرات اياد):وا ريم اصاحبي
اياد(هاز حاجب و مهبط لاخور):نازال حتى ماتعرفتي على البنت و طحتي فيها؟
قصة حلم الراقصة الصغيرة
محتوى القصة
https://youtu.be/wlQj1g_0Ilg
!ماكانش باين وجهها و لكن ماخفاش عليها تعرف راسها من اول نظرة..زادت هبطات شوية فالانسطا كاتلقا غير داك الفيديو دخلات للفايس كذلك داك الفيديو كلشي تايدوي عليه!
https://youtu.be/zzpeMLQE1JI
التنقل بين الأجزاء