قيود الجحيم الجزء 11

من تأليف سوكرا
2018

محتوى القصة

رواية قيود الجحيم

بااسل:اا... شنووو شي واحد دواا ؟؟... (نفس اسلووب ولدو)
لمميس:(بصنذييحة ساابقاها)اه بغييت طلااقييي صافي (هزات كتاافها)داباا راك عرفتيي كلشييي...
بااسل:(ببروود)اه احبيبة كملي ؟؟...
لمميس:(دارت يدها فوق راسها كتفكر)النفقة ديااليي... و السكنة دياالي الولد اتبقاا تشوفوو من اسبووع لاسبووعع 
بااسل:(تكا على الفوطووي كيتصنت)اهاه (شاف يمين وشماال)تا حاجة مترخااص عليك... الفيلا بسميتك و الولد اييه متعطيهش لياا تا داك النهار ؟؟
لمميس:(خرجات عينيها مسببقة يديهاا)بصاااح درتييي خير... دوونك غير شد التيكيت و طلع لامرييكاا طرق عليناا زلافتكك (هزات صبعهاا بتحديير)و غتفووتني تنساانيي عليكك...اناا وولدي فحالاا عمرك عرفتيناا اوكييي... وااش اوكيي
بااسل:(ابتسم ببروود تاام)ايه احبيبة( وقف وضرب فالطاابلة حتى قفزهاا و ترعداات جسمها كلوو تحركك و فيفرلات...)اييه... (بنفااذ صبر و غووت)زييدييييي زييدييي... نسيتيييي شي حااجة ؟؟...
اشووفيييي...
كيقرب وهي كتبعد داايرة يدها وراها و شناايفها كيترعدوو وهو عينيه مفييكسيين فعينيها فحالا كيقراا خوفها و توترها من رردة فعلو الغير متووققعة نهاائيااا...
بااسل:(متاابع كلامو بالغواات)رااه وااخااا... توقفف عليااا جدة فالمنااممم... رااه عليااا بالييميننن ورب العرش العظيممم هذاا ليي خلقني وخلقكك... رااه الطلااق ليي عمرك تحلمي بيه
لمميس:(بهمس سمعو مخنششة تخاف ماتحشمم)و ديما كنحلك بيها و (بنغمة حزينة)يتعدا عيا ولدك يفيقني
بااسل:(صغر عينو فيها بعصبيية)و الحلممة الجااية... حلميي بحفلة طلااقك 
لمميس حركات راسهاا بخوف بشوييية...
بااسل:(ضرب بكرسي قداامو باهماال برجلوو)وسمعييي درك ابنت النااسسس... هااديي هي داارك بتت نبت تخرجي ولا ديرييي (ميل يدو)هااه ولاا هاااه... رااه (دوز يدو فوق عنقوو)رااه غضبريي عليهاات و غنقتل مكك ونسااكك بنت خاالتيي ونسااك ممت ولديي وندييرررر شرع يدييي و قانون مخيي...
لمميس:(خرجات عينيهاا بجرئة)مخككك لاا... ملاعبيينش (دورات عينيها)ابلييس معشش فييه
بااسل:ابلييس (شحطها لفخضها)هو لي غيجيي يقاادلك العظاام... و يفيييني شي مساامر و يدووز المرطووب و الضاالة... راك بديتي تهرااي
لمميس:(خداات نفس عمميق ورجعاات شاافت فيه)متقييسش فيااا
بااسل:(جمع يدو عندوو...)هاهوو الشيطاانن كيحضرر
لمميس:(صغراات عينيها)متاكد (شاف فيها بعدمم فهم)حيت نت هو الشيطان اون بيرسوونن...!!
بااسل:(دار عاطيها بالظهرر)متهبطيش تحت فييه لي كاارد... مبغييتك تشوفيي حد محتاجة شي حاجة عيطي للخداماات
لمميس:(بنظرة شرر وتحديي)اممم ايه... مهم راني منااسيااش
بااسل:(رجع فلمحة قبل مترممش شدها من يدهاا دورهاا لعندو وباقي مفوورصي على يدهاا)وتاا انا راني مزاال منسييت لي درتي (غمزهاا)وقضية الولد وداكشييي... و (تحت سناانوو)الطلااقق و طواالت اللسااننن... بااقيي متفااههممناا عليهاا... وتاا الكنية لي اعطييتيه مالو معندووش... باااه هادااككك رااه اردووغاانن
لمميس:(باقي مخنزرة)من سلاالتكم نيت طالع لكم

خرج و رد البااب قبل متبعوو بزرربة... عااد هابط مع الدرووج وااقفة ورااه... و بعيدة عيطاات باغا تعيط ومترردة شنو تقوول يدهاا عند فمها متوترة و حاايرة
لمميس:ا (تا كتبغي تنطق)ا... (ترجع تسسكاات)اا
بااسل:(بلاما يتلفت)بااسل راهو فبيتوو... بااقي مدووخ بالسم لي شميتيلووو
لمميس:(بهمس)السم يجعلك تاكلو يطييحك مترجع تنوود
بااسل:السم... هو لي غنطلق فيك (خنزرر فيها بنص عيينن)يالله تحركي لبيتك قلت لكيرااد غير كيدورو يشوفوكك ننحول ليهم عينيهم ونقزب مووكك
لمميس مشاات تجري لللبييت فيين ناعسس بااسل دخلاات... وسدات البااب و راهااا وقدامها داكشي لي وراهاا بااسل كدور الهدوور في رااسها... كتشووف فتصويرتها اه هيي هااديي... هي نفسهااا بشحمهاا ولحمهااا... هي و بااسل فاش كان صغييرر غير فحالا هي كانت صغيرة مصوورة مع ولدهاا شحاال كيتشاابهوو بزاافف... بااست فوق رااس بااسل 
لمميس:احسسن حاجة وقعات ليي فحيااتي... هي نت (عنقااتو)كرامتي رجعاات طااحت كلشييي بااش نبقا بجنبكك... ولكننن غندموو غير بلاتيي خاصني غيير نلقاا عائلتيي... و داك الوقت بزز يخليك ليااا احبيبييي نت لي عندي ونت علاش عاايششة... (تنهدات) البااهي طلعع ماشيي باا فيها خيير... الحمد لله لييي ماشي با الحقيقي لي بااعني الحمد لله كانت عقققدة فحيااتي... الحمد لله... البااهي داار بزاف ديال الحوايج الخاايبيين واخا استغلنييي و تعاما علياا... واخا دار لي داار غندعيلو بالرحممة وغنساامحو حيت حسسني بلي راهو باا عمرو نقصني من شي حااجة... منتيقش بلي رااه كان يكرهنيي حيت عااملني حسسن من باا... منكرشش الخيرر انا ماشي بنت الحرااممم... و غنبقاا نقولو باا... بااا البااهيييي و نقولهاا بافتخااررر الله يرحموو... ويغفرلو ياربيي يااربي... (شاافت فيه و ابتااسماات)داباا غنبداا نحسدك... ونغيير منك عندك ماماكك تقدر دير اي حااجة على ودك... (كدوز على شعروو)تقدرر توقف فوجه العاالم وتوااجهو... تقدر تقتل ذبح و تدفنن بلا متشفقق غيير ولدها يبقاا جنبهاا... و (رجعات قلبات وجههااا كتشووف فصوورة بااسل الكبير)اب يقدر يساامح فالمرة ليي بغاها و من حبو ليها كان قاادر يقتلهااا بااش متكونش مع غييروو (دمعات عينهاا غاارقة فذكرياات الماضي ومتااعب حيااتهاا)حيت فااش الحب يدفعك تقتل لي تبغييه هاداك قممة الحب و الجنوونن والهوس الحممااق... هوو هادااككك... اااخ (هزاات كتافها باهمماال)يقدرر يكوون اب صاالح يممكنن... زعمما... يمكن (حركات يدهاا باستفساار وعدم فهمم تحركات)ولكنن ك... مضربنييش (كتقييس فوجههاا)جميع عضلاات وجهيي صحااح ههه... لالااا ميمكنش شنوو يكون شاارب سكراان... ولا كون حج اخر مرة شفتوو عااودولو طهاارة... اويلي سم الله عليك عااد الباارح كنتي معاه المعلم عاد متزااد... و تعرق... اويلييي...!!! استغفوورط الله العظيممم

لمييس غتحمماق ممتيقااش رااسهاا...
لمميس:والله محط فياا يدو (بتعالييي بغرور وتكبر)مييقدررش (هاازة خناافرها للسمااء...)والله حتى ندييه فيين يتربااا... بن ال...ااال... تفف تفف
بااسل:(فااق على صووتها كيتكسل باقي مغمض عينيه... وكيدوي)و لعجب مني كتكوني قداامو الحروف كيهربوو ليك...
لمميس:والله ياا داك البرهووش...
بااسل:(قففز مخلووع عاد فحالاا صرفقتييه كيدوور عينو فالبيت)بابااا... باباااا
لمميس:(حذات يدها تحت ذقنهاا بملل)رااه مديتك لفين راك باقي فيي داار بااكك...
بااسل:(عااد ارتااح ورجع تكاا)الله على راااحة الله ...مبقااش الباال يخمم... ماابقاش الباال يخمم ماابقااش الباال يخمم...
لمميس:(خنزرات)وكتغنيي...
نااضت وبدات كتزف علييه و تضربوو بالوساايد... و هوو غيتتسطاا بالضحكك و فرحاانن حييت باركيننن... بزووج
بااسل:(سبق يدوو)سطووبب سطووبب... اجييي اجيي بووز بووزز... بلااتي بلااتييي لاا لااا هدااوو هدااووو عليااا... تسنااوو تسنااووو 
لمميس:(خرجات عينيها)سهااال...؟؟ (حرك راسو لاا)البووول ؟؟ (حرك رااسوو لاا)وششنوو الخراا ماالككك... الحزقة رااكباك البااسر هبطوو الحلااقم تخااصمو شنوو شنووو ؟؟...
بااسل:نتي باقي صحيحة !!...
لمميس:(كتشووف فراسهاا بشكك)اه...؟؟
بااسل:اوااه (ضرب يد مع لااخرة)والله مقتلكك ناارييي (عض على شناايفووو و غمزها بطرييقة مثييرة ماشي دياال ولد سبع سنينن)طلع الواالييد طاايح فيك اسااططة
لمميس:(خرجات عينيهاا)هااويلييي كتقوول لمك هااكدااا... طلعتي (كتبرد غداايدها وتابع زفانها بالوسااد)من سلاالت ارردووغاان دممك و يجريي فييهمم فعاايلهم... و فييككك الفوطووككوبيي تفف... تفف انااا يااولد الهااييششة...
بااسل:(شااد كرشوو)وااااععع ميييي كرشييي... اوووهفف اوووهف اوووهف... ايييااايييي امييي اوههففف باابااااا هههههخخخخ...
لمميس:(جراتو لعندها من رجلييه)اجييي لدييلمكك شدييتكك...

اثيير:(جمعات يديها وااقفة قدامو عااطياه بالظهر...)يالله هاني كنسمعك شنو عندك ؟؟
جااسم:(جلس قدامها فوق الكرسي ديال الخشب لي فالجرردة...)و داباا غنتفااهمو و نطرقو شي ميسامر...
اثيير:(مخنزرة)علااه نت دااير شي مساامرر بااش يطرطقوو...
جااسم:جلسيي بلا متمرضييي خليقتي... ونبدا نخلط في هاد العشيية
اثيير:ممااعنديش قاانة للعصبية ديالك...
جلساات قداموو... فكرسي اخر
اثيير: يالله هاني اسيدي دوي راني كنسمعع...
جااسم بقا كيشووف فيها وهو سااهي تا حشمااتت من رااسها... و توردو حنيكاتها حيت شحاال هاادي مشاافت هاد شووفاات وهااد النظراات لي تحرماات منهم من سنيننن وزممااان وهاد الشوق و السكووت و الاحسااس المكهرب لي داايز بيناتهم داك وققتتت...
جااسم:اثيير... خبيت عليك بزااف وندممت
اثيير: علاش كيفااا...ش؟؟ مفهممتش...!!
جااسم:عارفك غدووخيي... ومغتفهميش ولكنن حضريي معايااا عقلكك... مااداام دخلتي فهاد اللعبة ياربحة ياادبحة موت ولا حيااة... ربح ولاا خساارة... خااصك تكوني مستااعدة لاااي حاااجة...
اثيير:حااسة براسي فمبيسيي توو... ؟؟
جااسم:(ضحك باستهزااء)هه كثر من دااكشيي... غتشووفيه معااياا... غير الله يحفظ وخلاااص 
اثيير:طلقنيي اش كااين واش بخصووص بنتن... (تلفاات ليها بنتنا)بنتي... ؟؟
جااسم:(ابتسم)بنتنااا تا حاجة مغتااذيهاا... (داار يدها فوق خدهاا... قبل مترجع للوور وجههاا هااربة منو جممع يدوو ...حابس غضبو من استنفاارهاا منووو...)مهم... غتواجهييي اي حااجة... (شد فيدها مزير حيت بغاات تفلتهم منو محاملااهش)محتااجك فجنبييي (تحت سناانوو)محتااجككك اثييررر محتااجكك
اثيير:(بعدات يدو بعننفف...)دوييي بفممكك و بسااعع يدكك... بسااعع و دويي خلاااصص
جااسمم:اناا عمييل سريي ف ايي بيي ايي... و دااخل فدوااممة عمري قدرت نخرج منهااا ومااعاارفش كيفااشش نخررجج منهااا
اثيير:(مصدووومة يدهااا فووق فمهاا)عمييل... اا م...مخاابراات (كتحرك راسها)ميمكنش... لااالاااا اويلييي لااا نت مجرمم... ن... نت كظل فالبييران و تبيع الحشييششش... اوييييلي لاااا مييممكننششش ميمكنش... اا... اااا لاااا لا ههه... اويليي واش واح ابريل هذااا ككذبة ابرييل مفيهااش خخخخ... اويلي مييمتي خخخ

جاسم: سييي عميل سري...! (مدلهاا شارة)تاكدي ؟؟ 
اثير:( يدها فوق فمهاا)لا ميمكنش
جاسم:( غمرها)معجباتكش نبدلووها...؟؟ 
اثير: بيزاغ والله ههه جاتني الضحكة
جاسم: غير الفرحة هااديك منين مجابكش شفاار( هرها من كرشها)جاسم العميل السري
اثير:( خنزرات )كمل...؟؟ 
جاسم بدا كيسبيكي عليها عاود ليها كلشي من لول حتى للاخيير وخلاها حالة فمها فييه مفاهمة والو مصدومه دمدومه حاله فمها فيه على الله تفهم على الله شوية شويه كتفهم مرة ضحك مرة تغوبش مرة متيقش مرة تاثر و مرة تبكي 
اثير:( كتمسح دموعها)دابا قتلو سيلين مسكينه هءهءهء هءهءهء مسكينه 
جاسم:( ضرب كفو مع جبهتو )جاافه مكتغييرش ينعلديلمي بارك معااوود ليك خاص جدي عقل... 
اثير: و هءهءهءهء... هءهءهء... هء ماتت( دورات عينيها)وتوقع ليا شي حاجه والله منسمح ليك هءهءهء عننننننن حيااتييييييي خءهء... الله ياربي هءهءهء باقي مشفت ماتشوفت هءهءهء وااععععع نت سباابييييي هءهءهء( قفزات مني تفكرات شي حاجة)اجييي دابا بدرية فالحبس... ياك دااكشي باش قالتني عليهااا و افنان( بحزن)مسكينة تلقاها معذبة
جاسم: مسكينة نتي لي مسكينة... بدرية لقات جزاءها باش تعلم تهدد ميستر جااسم... و افنان رجعات للحي ساكنة في دار مها مرة مرة كنمشي نشوفها و نعطييهاا باش تعاونن
اثير:( خنزراات)شكات عليك اخويا... 
جاسم:( قرب لها )كتغيري هاا سمحتي لي...؟؟ 
اثير: كنغييرر ااه سمحت لك... ( وركات على مخارج الحروف)حلم بيها
جاسم:مكنش لخاطري والله
اثير: داك الوقت غير علمني نغبر انا و بنتي ديك الفترة حتى تهدا الاوضاع و متبعدهاش عليا و تخلي قلبي محروق عليها راه عيب لي درتي فيا معمرك شفتي كيف كنبات و كيف تعذبت باش نساك
جاسم:( بصدمة)تنساينيي؟؟ 
اثير: اه( بصوت مبحوح )حاولت بزااف و لكن الله غاالب... مقدرتش ديماا قلبي كان كيزينك فعيني و كيديرلك عذر و الف عذر ديما قلبي كيرجعلي عقلي ويقولي نتي لي غاالطة ماشي هو انا بصح بغيتك وكنت كنقول علاقه حبنا مسستحيلة... نت( هزات كتاافها باهمال)المال و الجاه... و انا كنت
جاسم:( قاطعها حاط يدو فوق فمها)عمري ظنيت نبغي من بعد سيلين ولكن معااك عرفت راسي غير كنت كنتفلا على سيلين حيت معاك عرفت معنى الحقيقي للحب معاك اكتاشفت ذااتي و معاك حسييت برجولتي... معاك
اثير:( حسات بيدو فوق خدها وحنات راسها)معاك( حطات يدها فوق يدو) حسيت لانووتثي و استرجعت الحضن الدافئ لي ضيعت بعد موت باباااا...

لميس: شووت سمعت الصونيت!!... 
باسل: اممم مامي حتى انا سمعتو... 
لميس: يالله نمشييو نشوفو شكوون...؟؟ 
باسل:( خنزر فيها )اش قاليك قبل ميخرج
لميس:( بعصبية)بغييتت غير نفهم نت معايا ولا معااه غير نفهم؟؟... 
باسل:( ربع يدو)لابغيتييي الحقيقة الحقيقة معاه ولا بغيتي الكذوب معااكك
لميس:غنلبس طوييل ونهبط
باسل:( هز يدو)انا انسحب 
لميس: الله يسامحك ياولد كرشي 
ردات عليهاا بينوار طويل فالنواغ و جمعات شعرهاا و شدات فيد ولدها و خرجو هابطين مع الدروج الخدم و لي كارد منزلين ريوسهم للارض فتحو البااب... 
بانت لها بنت فمقتبل العمر لابسة فولار و لباس طويل فضفاض دايرة نظاةاتها الشمسية... واقفة بكل ثقة و شهامة قوة و كبرياء و ووراها شاب كذلك فمقتبل العمر بزي اسود رسمي باينة الكارد ديالها
لميس:( بابتسامها وتعابير استفهام) مرحباا
مدات عليها يدها و تعابير الجدية على وجهها: ذكرى ، ذكرى الرِّفاعي بلا شك( بتعابير يقينيه)نتي هي 
لميس:( حركات راسها)وي مدام اردوغان 
ذكرى:( شافت فباسل و ابتاسمات ابتسامة خفيفه)متشرفين
فتحات ليها الباب و دخلات و ووراها الكاارد ديالها... 
لميس: مافيها شك كتسولي على باسل؟؟... 
ذكرى: اكيد، صفقة عمل غتاخد منها واحد اليوماين
لميس:( مدا يدها قدامها )تفضلي جلسيي تبغي تشربي شي حاجة
ذكرى: قهوة ادا سمحتي 
لميس:( والابتسامه ممفارقاهااش)هي لولااا احبيبة
الخدامات كيضاايفهم وهي كتحااول تفتح الهدرة معاها و يتبادلو اطرااف الحديث حيت جاتها شخصية قوية وقااصحة وماشي بالساهل تكسب ثقتها... 
لميس: منين جيتي؟؟ 
ذكرى: من امريكا خصيصا باش نشوفكم
لميس: العقبة فوجوه الحباااب بركه هه... تبارك الله عليك ظاهر عليك امراه اعمال
ذكرى:( بابتسامة )و انثى
لميس:( متشوقة تعرف على شخصيتها)وكتعرفي تفرقي بيناتهم؟؟ 
ذكرى: اكييد...، التنظيم اهم شرط في الحياه
لميس: باينة فيك سعداتك تمنيت شخصيتي تكون شي نهاار قوية ونختار لي بغيت كيفما بغيت 
ذكرى:( غمزاتها)عل الاقل لما كنتش مثاليه لراسك كوني مثاليه لولدك و ام صالحة و لكن عمرك تفكري تكوني زوجة مطيعة، عارفاني علاش دااوويييه
لميس: والله ماكذبتي مفديلمهم خير... 

ذكرى:( شافت فالساعه اليدوية ديالها)الوقت كيمشي
لميس: شوية ويلحق يجي باسل يمكن لك طلعي ترتاحي 
ذكرى:( شافت يمين و شمال)بغيت غير شي بلاصه فيها الكالم باش نقدر نخدم
لميس: ايه مرحبا 
خلاتها فزااويه تخدم وناضت لميس خدات ولدها لبيتو
باسل: شكون هادي و اش جايا كدير عندنا هنا...؟؟ اش بينها وبين بابا...!! 

لميس: واقييله انا لي خاصني نسولك
باسل:( ربع يدووو بعصبيه )غير حتى يجي نشوفو اش هادشي فييننن غيمشيي بينا... 
لميس: هاي هااي وتاريخ ودخل سووق راسك وراك عيقتي علياا... 
باسل: زاد فيه
لميس: وينو على بيبووشيي كيغير على رزق ماماه
باسل: ملكية عمووميه مشتركه الله يخليكك
لميس: اياك اسيدي هه امما نشوفو

باسل:( غمزهاا )دابا بيني وبينك واش داك زين وتبوقيصه كلها ومتبغيهش ؟؟ ( نغزها ) وغير ددوي غا بيناتنا
لميس: جيل قيمش ميحشم ميريمش اباااز، للكرش لي جابتك
باسل: ورااه غا بيناتنا تي غا دوييي دوي باش نقولك واش هو بصح باغيكك
لميس:( هزات واحد الصنداله لي فرجلها )والله ياولدي ومتنود تقعااددد دير ميديرو سياادك وتحل كتووبكك تقرا لي ينفعكك تاا نوود نقرمل لبوك دوك العظام البساله ديال واالو... يالله تقعاااددد من قداامييي واايني وااينييي على الولد مابقاات قاداه الارض... ولا باغي يطيييررر غبر الله يقلو ليكك... 

وهي باقياا كتغوت سمعات صوت لوطوو بااسل هبط كييجري لاستقبااال بااه... و لميس بقات طل من دروج وتستارق السمع دخل هاز ولدو معنقو وملامح الجدية على وجهو شاف اللوطو برا وعارف شكون فالداخل بعلم من رجالو... كيف دخل وقفات ذكرى احتراما له و تسالمات معاه باليدين

باسل:( حط باسل فالارض )مرحبا بالرِّفاعيي، نهار كبير هذا... واخا كنت كنتسنا ضيف اخر
ذكرى:( فهمات قصدو)فحالي فحالو لي كاين فينا غيقضي العرض و ياذي الواجب... 
باسل: معنديش اذنى شك فخدمتك مدموازييل ذكرى
ذكرى: شكرا موسيو بااسل( هزات الابتوب )نبداو خدمتنا...؟؟ 
بااسل:( ضحك)عارفك عملية بزااف، جوسوي ديزولي منقدرش نخدم دابا عاد... جيت عيان باغي نرتاح و نشوف( خسر شعر فوق راس ولدو)نلعب مع ولدي... 
ذكرى:( بابتسامة خفيفه محيداتش معالم صرامتها و جديتها )خود راحتك موسيو باسل... 

لقاء لمييس كتسناه فالدروج وهو طالع هاز بااسل فوق كتافو كيهرو... لميس:( دايرة يدها فجنبها)على سلاامممه... 
باسل:( طلع حاجب و نزل لاخر)الله يسلمك
باسل:( الصغير)و دابا اجي نتفاهمو، شكون هاديك لي تحت
لميس: وشنو جايا كدير فداري؟؟ 
باسل: عاد ولات داركك ياك مباغاهاش و كتفكري تهربي...؟؟ 
لميس:( معرفات باش ترد عليه)ا... ا
باسل:( الصغير همس فوذنو)واش كتيقها غير باغه تعصبك عارفاك تموت عليها ، وصاافي اصاحبي
لميس: متقلبش عليا الهدرة لحد الان راني مرتك و فذمتك وخااصني نعرف اش داااير بيااا... 
باسل:( شاف فولدوو و نطقو دقة وحدة)امممم...، الغيرة
باسل:( الصغير)و اناا نفهاام
لميس:( باستهزاء )معرف علااش نغيير، هاديك لي تحت شخصصية كيتي اناا... لي سمعاا و طااعه بالحق( بعناد)انوليي فحالها
باسل: حييت مداها فيها حد... قصحات باش تبين راها هي ليترفض ماشي مرفوضه... 
لميس:( هزات كتافها باهمال)حتى انا مكيديها فيا حدد... 
بااسل نزل ولدو ضرب بيه الارض و تبعها من لور حتى دخلاات لبيتهم... و سد لبااب فوجه ولدو لي كان جاي يدخل عندهمم... 
بااسل:( الصغيرة ربع يديه كيخنزر )وهاانتا يا خويا دير فبوهم الخير نت، يطرقو عليك لباباهم تف... تف
لدااخل كانت لميس كتبعد من باسل وهو تابعها مرة تجري يتبعها... 
حتى قبضها و انقض عليهااا فزااوية ديال الغرفه محااصرها مع الحيط ومحاوطها بيين يديه مصغر عينيه فيها كيحفظ تفااصيل وجهها البريء قبل ميهبط و نيفو فوق نيفهااا... و مكيفصل بين شفايفو وشفاايفها غير سونتيميترات معدوودة حتى حساات بشناايفو فوق دياولهاا... و يد هابطة من عنقها كتحسس ظهرها... كيرخي اعصابها حيت عارفها متوثرة و مكرهاتش دفعو ديك ساع و لكن هو برك على وثرها الحساااس... و دخل معاها فقبله طويييله سااخنه فحال جلسه تسامح على كاع لي فات و مر قبله كيروي... بيها العطش و يسد بيها الجوععع العاطفي لي افتاقدو منهااا و يحيد شووقو ليهااا... واخه عمر شوقو ينقص ليها ايبقا ديماا لهفانن متعطش لجسمهاا...
بااسل:( هبط قبلها قبله سطحيه بشويييه فوق عنقها حتى قفزات مبورشه من حركاتو )لبسي عليك الكسوة لي كنت خديت ليك... ( حط يدو فوق خدها)و متنسايش العقد ديريه فعنقك( خنزر )علاش حيدتيه اصلاا... قلت لك ميحيدش من عنقك، ظااهرلي عمرك تقادي
لميس: اماالك خضر و مكنعرف تهدر ؟؟... العقد حيدتو حيت حتى
بااسل:( خنزر)مره خرى منلقاهش فعنقك... 
لميس: صافي حيد عليا سير قابل ضيافك...
باسل:( باسها فوق راسها)غتهبطي معايا
لميس: لاش شنو منااسبه... وبصفتيي شكون 
باسل: وشفتي هانتي غتحرقي ليا المفاجئة لبسي انا غندخل ندوش عليا و نمشيو... 
دخل باسل كيروش و دلميس مشات لبلاكار روبلاتو كتقلب على الكسوه لي كتجي فيها و كتحمق باسل عليها حتى لقاتها كانت فالاحمر طويله حتى لتحت و كمام وااسعه من صدر و ايفازي شوية ولكن مني لبساتها لقاتها تزيرات عليها على اخر مرة و لبساتها واقفة قدام مرايا و كتقيس فكرشها ومعليه حاجب و مهبطة لاخر باسل خرج و هو لاوي على نصو الفووطة كينشفف شعروو و كيقرب جيهتها كيشوفها من انعكاس المرايا... وجا وراها مستغرب
باسل: مالك مخسسرة وجهك ؟؟... 
لميس:( تالفه غير بوحدها)مجاتنيش... تعطلات كثر من سيمانه و كنقول البرد لي دارها( شدات راسها)ميمكنش... 
باسل: اش واقعع... ماالك... دوي مالك تزيزنتي ؟؟ 
لميس:( رجعات شافت فالمرايا و يدها تحت من كرشها كدوز عليها بشكل دائري كتحاول تبرزها و تاكد مع كتبان ليها من مرايا كرشها كتاخد شكل دائري)ب... باسسل ان... انا يمكن
باسل:( حاوطها من اللور بيدو معنقها )دابا مغتفرق بيناتنا غير الموت... حتى نتي متقدريش تبعديني عليك... 
لميس:( باقي يدها فوق كرشها محيداتهاش بالصدمة قبل مدفعو بعصبية )انا قلت غييررر يمكنن... يمكنن مازال ممتاكدين من والو و اصلا... موحال... 
باسل:( غمزها)باقي الحاال، (جرها للسرير ) نديرو بوهم دابا
لميس: اويليييي... شناهمما
باسل: الاولاااد احبي الاولاد... 
لميس:( كتنتر )اويليييي مقدووه فيل زادوه... فييله تا بسااع مني... ولادك سيفطهم فالواد الحار...

بااسل: و الله مكاين فين نديرهم غااا فيك... 
لميس:( كتخنزر )خلينا نهبطو... 
باسل:( كيقيس خدوودها )هاني على الحشمة و الحنيكات توردوو... و مالك باقي نديرو ثالت و الرابع 
لميس: ناوي ديهم يلعبو فالمنتخب...؟؟ 
باسل: ناوي نربطك بيهم و بربي معندك فين تهبطي، لما عرفت اش كاين
لميس: اويلي اش كااينن...؟؟ 
باسل:( هز تيلي كيحاول يتاصل بالخدم تحت)حنا نشوفو، سي طلعي ليا واحد اختبار حمل نلقااك هنا قداميي... متعطليش
لميس:( كتهرب خايفه من نتيجه)ا لاااا اويلي انتعطلو حشوومه... خلينا سيده تحت
باسل: مافيها بااس لا تسنات شوية... باش دير اللاازم و تبارك لينا... لميس: بااسل وصافي ماشي دابا، وانا اصلا راني غيير دااوية مديش علياا... راه ميمكنش نحمل بهاد السرعه
باسل: عندك شي شك فالموطور راه نحيله...؟؟ سرعه الهيجاان... و مكايكلش المازوط بزااف و كيتشارجا بالطاقه شمسييييية... 
لميس: اويلي على الرااجل... 
باسل:( دوز يدو فوق راسوو)باغي نلبس على ذوقك كيف لبستي على ذوقي
لميس:( دارت يدها فوق فمها)امم
هو سمع دقاان وخرج خدى من خدامه... اختبار الحمل و جر لميس من دراعها بزربه حساتو فك ليها يدها
باسل: ماشي قبل مدوزي قدامي 
لميس:( كتنفخ و تنتر )اوف اوف 
دخلها للحمام قدامو جات تسد عليه الباب حبس عليها برجلو... و خنزر فيها دخلت قدامو بدون مقدمات و جلسات وهو داير ليها الفرفارة في راسها
باسل: زوج شرطااات حممرين... ياكك؟؟ يااككك... ياكك
لميس: اووف درتي ليا الطيارة هدى نشوف... 
باسل:( واقف عندها)مغنتحركش حيت غتخبي عليا كيف اول مره
لميس:( قلبات عينيها)ا...( دارت يدهااا فوق فمها)زوج شرطات حمرينن
باسل هزها من خصرهاا باقي حتى سترينغ مطلعاتو و بدا يدور بيها وسط الحمممام و يغوت بالفرحة
باسل: حااامممله حاااااممممله...( كي قبلها بجهد حتى تبجغ من خدهاا)حااممممله

بحرا محطها بالكشايف... 
لميس:( حشمانه متردده و خايفه فنفس الوقت)ويالله خلينا نهبطو
باسل:( معنقها وكيبوسها من فوق راسها )كون عليا بناقص بركي نخليهم توام
لميس:( ضربات يدو كتقاد كسوتها)يالله يالله نهبطو
فلتات من بين يديه و خرجات تجري وهو وراها ماشي بالخااطر يضحك و يبتااسم واخيرا مكاين لي يفرق بيناتهم بهاد الكرش لي هازة غتزيد تقرب منو بالخصوص لاوي دراعها بولدهم باسل تزيد هدا وهي عارفاه يقدر يحيدولها من كرشها... مجاتش فين تحط مكياجها حتى كان باسل لبس علييه و لقاها واحله مع العقد مبغاش يتسد و دار يدو حيد يدهاا...و سدها لها و انظارها علييه من مرايا دور شعرها لبلاصه وحدة...حتى طبع قبله ساخنه كالعاده خلاتها تبورشش و تاثر فيها مد لها دراعو... خشات فيها يدها و خرجو بزوج هبطو مع الدروج و باسل صغير قدامهم هابط يجري مدابز مع القاميجه ديالو حلقات لاا تعقدات لقاو ذكرى كتقرا فكتاب و الخدم كيوجدو الطاابله ابتسم ليها و مد يدو تتفضل
لميس:( باس كيقاد لها كرسي... )مرحبا بيك دار دارك احبيبه... 
ذكرى:( ابتاسمات بامتنان )عارفه راسي جيت للدار الكبيره( حطات شنطه صغيرة ديالها )جميع المستندات لي غتحتاج هنا اموسيو باسل
باسل: هه وغيير نتعشااو بعدا و ندويو فالخدمه
ذكرى: باشما نقصت الخدمه باشما ربحت الوقت... خاصني نرجع لايطاليا بسرعه
باسل: هي مبغيتيش تساراي فالمغرب ؟؟ 
ذكرى:( هازه فيدها العاشق وكتدوي )راك عارف الدجــال عندو الوقت اهم من الهواء لي كيتنفس 
باسل:( حرك راسو)سي ، باينه فخدمتو 
خدا من قدامها الشنطه و بقا كيقرا فالعقد لي بيناتهم
باسل: باقي... 
ذكرى:( مقاطعاه)كلشي واضح و كلشي باين و لاباقي شي استفسار خليه لموسيو الدجـاال
باسل: معندي منقول و نهار كبير لي يجمعناا شراكه فيه واخا كنت كنتسنا حضورو هو 
ذكرى: الشرف لينا و مرحبا بيك فايطاليا 
باسل:( وقفات ووقف تصافحو بالزيادة بعد ما خلى الامضاء ديالو )ضروري ان شاءالله، وبلغي لو سلامي
ذكرى:( حركات راسها و ابتاسمات باسل الصغير و لميس)خليت ليكم الراحه
لميس: ذكرى حشومه جلسي غير حتى تكمليي عشاك... و سيري 
ذكرى: مره اخرى وشكرا على الضياافه،( شافت فالكارد كور ديالها لي كان واقف عند راسها) يالله باقي تابعانا طريق طويله
الكارد:( نزل راسو احتراما لبااسل و مهزش عينو فلميس شيء لي اثاار انتباه بااسل و اعجابو تحنى باس الصغيور من خدو و اعطاه واحد شوكولا)خود اعمو... 
وصلوهم حتى لبرا وودعوهم حل الكارد لذكرى لوطوو لور ركبات و رجع كسائق لقدام تحركوا و رجع باسل دخل معنىدق مرتو وشاد فيد ولدو و رجعو جلسوو فوق الطاابله كملو عشااهم فجو عاائلي مرح و زويين الضحك... و باللعب و التقشااب حس باسل لاول مره لميس قرييبه منو، وهي الاخرى اوول مره تحس بمشااعيرو الحقيقيه البريئة و الصادقة اتجاههاا... لطفو وحنانو عليهاا و كان ولدهم اول مره يحس بلي هو وسط عائلتو لي يبغيها وتموت على وديتو

ايناس كانت غاارقه... وسط الحمام فبيتها و دايره كيف طعريجه مزوقه... و لابسه شوميز كلها خيوط فالكرونه و فوقها بينوار مشبك فحالا ملابساهش وكتدوي كاميرا مع سهيل و يدها فوق فمها كتنقز و ترطاا بالتوثر لي فيهاا... 
اينااس: هننن سهيل سهيل... اووف اووفف
سهيل: كالمما كالمما اصاحبتي، فحالا غادا دوزي الباك( غمزها)راك غادا تمتعي و تتمتعي
ايناس: باازز... سهيل( بصوت رقيق فحالا غتبكيي )خاايفه اهننن
سهيل: الخراا ياك حاافظة لي قلت لك... متنساايش نقطة االضعفف مني تبغي تفشليه فمك فوق عنقوو و يدك فوق حجرو، غتجيه سكته قلبيه
ايناس: زعما غنتير فيه ؟؟ مبقااش يفكر فغيري يااك...؟؟ 
سهيل: توكلي على الله راه... راجلك هاداك وخاصك تملكيه وخلي بنات الزنققه يطيرو بيه بخصووص هو هبيل و معندو عقل وناقصو حنان غير زوج كلمات حلوين يدووخ على القبله و يدوب بين يديها 
اينااس: والله مييكون لبنت المراه غيري، انا غندير لي فجهدي 
سهيل:( غمزها)يالله سيري 
قطعات و رشات عليها من عطرها زيااده... وريحتها الانووثييه سابقاها... خرجات لقاتو عاد كيحيد صباتو غير طلع عينو فيها غمزاتو وهي عاضه على شناييفهاا... لاحت البنوار و بقاات بالخيووطه... كتقرب وهي كتلمس فجسمها مستمره بحركات مغريه و مثييره كتنطق اسمووو بشويه بهمس بصوت منخاافض... و رقيق و جذااب اكيد... 
اينااس:( متكيه فوق حيط كتسرح فحالا كتعرض عليه جسمها)حبيبي جيتي
ذياب:( بلع ريقو عينيه وجعوه بكثرة التحدييق)تجيني فالرااس... 
اينااس جلسات حداه فوق سرير هو كيبعد وهي كتقربب حتى طاارت عليييه تكاتو فوق سرير وجات فوقو حطات يدها فوق عنقوو فحالا غتخنقوو... و كتلممس فعنقو كتفتح صداايف قاميجتو وهو كينهج كاتم انفااسو
ذيااب: اش كظيري اييناس ؟؟ 
اييناس: دااكشي لي كان خاصوو... يداار
ذيااب:( غوت ليها وسط وذنهاا )وقفيييي...!!!! 
اييناس:( قفزاات )اا... ااا مبغيتينش ؟؟ 
ذيااب: مسطيه ديلمك، ست سنيننن و انا تاابعك
ايناس:( غمزها )واش كتسناا؟؟ 
ذيااب: خفت تكوني سااكره تفيقي تسيفي عليا... راني ممتيقش
ايناس:( كدوز ظفرها فوق لحييتوو)كلي دياالك، ديالكك بووحدككك... جرها بجهد تحت منوو وهو كيلهت يشووف فعينيها و يضحك
ذيااب: تيقيني عمرك غتندميي على هاد الخطووه... ( غوتت)ولاادي تسنااونيييي
جراتو عليها ووبدات تضحك وصوتهاا مسموععع... 
دوزوو ليله خيااليييه ليله فووق السحااب كييف كنقولو... كاان اسعد واتحد امتلك الحسناااء بعد صبر ومعانااه... طويله و هي عرفاات راسها بين احضاان وحش السرير.. حيت افترسهاا خلف فيها القديم و الجديد خلاهاا تمشيي عووجه... 

احح بلاما ندخلو فالتفااصيل ليله مباركه... مقدرتش نكتب سفااله... مقااده على دنوب باراكه غير ذنوبيي..

صبحوو ابطاالنا نااشطين فرحانين... خداو دوش ديالهم بزوج... 
خرجات ايناس متفرقه رجليها و الدمووع بيين عينيهاا
اييناس: عييب علييكك هنن... عييب عييب اش درتي ليا هء هءهء
ذيااب: يااك الكافره بالله فااش كان يتكب فيك... كان عااجبك الحال و توحوحي صوتك للسماء غير صبح الصبح درتي فيا كيففف الزممان
ايناس: هننن مكتسوااش... 
ذيااب:( عنقها كيضحك )هذه زيدي نتكيك عاود تنودي دردكي كيف العااودة... 
ايناس:( دفعااتو )حييد بالاك عليا... 
شافتو باسها من رااسها و هز ليزار لي فيه دم عذريتها
ايناس: اش كدير ؟؟ 
ذيااب: غتخبعيه لياا... سووفونير دياالنا ههه و متصبنيهش، خليه
ايناس:( كتخنزر )وصافي
ذياب: احح الحشووميه ديالي 
ايناس:( قفزاات )تيليفووني تيليفونييي... سهيل سسسهيل
ذيااب:( مفقووص )غير من بااسل لسهيل
ايناس: ذيااب باراكه انا اعطيتك جسمي وشرفي وهبتك قلبي هدية و روحي... باش مترجعش تشك فحبي لييك، نت مفااهم واالووو ماافاهمم واالو... 
ذيااب: دوونك فهميني شنو بينك وبيينن بااسل متكذبيش علياا ايناس، انا ماشيي عمى و شفت تصرفااتك ونظراتك ليه... كنت كنتحررقق تعذبت ونار الغييره كذوبنييي... 
ايناس:( تنهظاات بملل )اشش غنقوول منين غنبدااا... نقوولك بليي بااسل خوويااا ااا تيقنيي؟؟ نقوولك راك ولدد عممييي تيقنيي...؟؟؟ 
ذياب: ك كا... اش كتقووليييي ايناس اش كتخربقيي؟؟ 
ايناس: انا بنت عممكك اذيااب، البنت لي قلتو راها ميته كااننت مخطوووفه البنت ليي حرمووها من واليديهاا ومن حباابهاا اناا هييي اذياب... تعرفف شحااال تصدمت معرفت فيمنن نتييققق 

ذياب: لالا ولكن امتااا هادشيي.. ؟؟ 
ايناس: من موت ماما عائشه الله يرحمهاا... عاوداتلي كلشي وخلات ليا وراق الملكيه ديال الارض لي كان حلم بابا اسماعيل المشروع الخيري وهما باغيينها لمشروع و فلوس وحيت عاارفين بااسل ايقني عليهم تراجعو... 
ذياب: واش الارض الارض لي
ايناس: اه هي ديك الارضض... 
ذياب: مبقييت فاهم والو
ايناس:( شداتت فيدو)ذياب تيق فيا احياتيي... 
وقف معايا( باقي مزيرره على يدوو )دياب راك نت لي عنديي... 
ذياب: انا عمري غنخليك العافيه نطيحو فيهاا بزووج
عنقاتو بعد هاد ككلاام وزاادت
تشبتاات فيه حيت ثاايق فيها تقه العمماا فالعكازز... مسولها ماستفسرها بسرعه تيقها
حيت عمرو فطرهاا تكذب عليه وانمما زادت كبرات فعينو مابينا وبينها و بالعكس جامعهم دم واحدد... 

دااز اسبووع وي اسبوعع كاامل على ابطاالنا... اسبووع خاالي تماما من احزاان و الهموم الابطال كانو كيفكرو غيير فبعضض عاايشيينن العشق بينااتهم... غير بااسل يدير فوق جهدوو بااش غير يراضي لمميس... ويخليها ترجع عقلها و يرجع يملك مفتااح قلبهاا منن جديد... كيحااول ما امكن ياخد بخاطرهاا و يراضيها وميدير غيير لي تحب نفسها مشااو عند الطبيبه... و شافو حاالتها ووضعيتهاا كاان طااير بالفرحه كاانت كتقراها 
فعينييه المماكككره... 
امااا اثير وجااسم... قضااو احسسن اسبوعع وسط بنتهمم نوور لي مقدداهاش الفررححه دوور وتعييط بسمايااتهم... من يصبح صبااح وهممما هاازيينها و مدلييلينهاا 
ممخلينهاش تفتح فمهااا كل نهاار هداايا و سهراات... واخا علاقتو ماازاال فخطرر حيت مازاال مرجعاتلو اثيير روح وجسسد باقي كيحسها هاااازه فقلبهااا من جيهتووو... ولكن جاامي استسلم ولا غيستسلم... حبو لييهاا قوووى من الهزيييمه... بالعكس زادت قوتو وشجااععتووو وحالف بحلوفو يقضي على البووص و ينهييي حيااتو في ممره و يتخلص منوو... 
اممااا عشاقنا الحميميين فبدون تعليق الاسبوع كلوو وهمما فوق سرير ذيااب ميقولش شبعت وايناس متقوولش عييت... 
الاسبوعع كلوو سممن... وعسسل عشااق مراهقيين ذياب ياخدهاا قد عقلها وهي غير متزييد فيه و طغا ومقاالبها لييه عمرهممم تقاداو ديمااا الحرب بيناتهم... ديما المقاالب و لساانهااا سليطط و صبرو قلييل... وغير يدوي معاها تبظاا تتغبن
وترجع منو حقاار وحيت مكاينش خوهاا لاقي فيهاا ماابغا

قصتناا عااد غتبداا... 😉

لميس:( كتحرك بشويييه فوق الفرااش بعد ليله طويله... بين احضاان الحبيب بااسل )اممم
باسل:( الصغير داخل بعجاجتو كينقز)بابا، ماماااا... مامااا
لميس:( جراتوو عندهاا كتخنقو معنقااه )وااش نت، 
متنعس متخلي لي ينعس
شويه دار عندهم بااسل بعدما كان عااطييهم بظهر... 
بااسل: امم( باس ولدو من خدوو )شكون هنااا 
لميس: معرفتش كيف فتح الباب... 
بااسل:( الصغير)راني ولد بابا
بااسل: هههععع... علمووه ووحلوو فييه( ضربو لرااسو)
لميس:( جراتو من نيفوو )يااواد مششكله
باسل:( الصغير)وااش ناويين تبقااو ناعسين...، ماغاديينش تخرجوني كيف وااعدتوني
لميس:( باستو وهي كتحااول تهز راسها من فوق سرير)غنمشييو عند جدااتوو اليوم
بااسل:( الصغير)اااووه بصح،؟؟ 
لميس: غنشوفو مامتا دبابا... وماما دماماا
باسل:( غمزها ودوي بهمس)تيي سيفطي البعلوك راني، جيعان
لميس:( ضرباتو للكتف)نووض نوض احنيني راك، مريتيني البارح
باسل:( الصغير مفااهم والو)كنتو لاعبين تينيش
بااسل: لهلاا يعطييك اولدي مك طلعاات حارس مجهد... ولكن بااك كان مداافع ممامنوش
باسل:( الصغير غمزو )بيني وبينك كنت عارفكك الرابح
بااسل:( نفرق بضحك باغي يشد فلميس و وولدو شاد معاه الخطط واخا مفااهم واالو... )ههه قووه المدفعع اولدي... 
لميس:( كتنغوم )وعلم ليه كبتك، تبع حرفة بوك ليغلبوك ترييكه اردوغان يخخ... 
ناض باسل و هز ولدو فوق كتاافو، 
دخلو للحممام دوشو بزوج فحين لميس كانت توجد حوايجهم... 
علاما يخرجو هما من دوش... 
خرجو لبسوو عليهم وهماا يضاحكو ويطايفو بيناتهم لميس حتى هي كانت كتقااد فرااسهاا صففات شعرها وداارت ماكيااج خفيف و كتحط اكسييسوارااتها و كترجف بالتوتر 
اوول مره بعد 25 سنه غتشوف
والديها البيولوجيين الحقيقين قاصحة شويه بحررة متقبلات الصدمه وكتحاول تتاقلم مع الوضع... 
هبطو فطرو مجموعين
فجو رائع وعائلي لا يخلو من المرح و الضحك كلشي نااشط... وباسل الصغير غير كينقز و يضحك و باسل الكبير حاضي غير لميس حيت علامات التوتر بادية عليها بزااف... وواضحه وهما خارجين شد فيدها و مزير عليها فحالا كيطمنها بلي كلشي غيدووز مزيان علات فيه راسها و ابتاسمات
بزز بعد مابلعات رييقهاا خرجو فتح لها باب اللوطو جلسات وقبلها فوق رااسها... وركب ولدو لووررر و قادلو الصمممطه... 
و رجع القدام ركب وكسييره 
و يدو فوق يد حبيبتو لميس وهي مزيرة 
عليه فحالا غييهرب...
وهو مره مره كيخطف الشوووفه منهاااا... و باسل وراهم كيشوف من نافده ديال السياره و مقاابل الدنياا... وكيغني
باسل:( الصغير)يا ليلي و ياليلا وبشنحكيلك ياما... وقالولي ليلا صغير وفي قلبو غمممه، حبي الدين و...

كاسييطه سارطها داك الولد مسكتش... حتى بدات لميس كتعصب الستريس لاعب فيها ومكملها ،
هو لا صوت لا بحه وحتى الاغنيه محافضها... يالله ناويه دوور تنهض فيه و شاف فيها باسل وغمزها باش تكالمما... 
و ضلو قدام نفس العمماره لي كانت فيها مع ساهر لي جابها منها باسل اول مره بعد... 
مالقاها مورا ست سنين 
باسل:( الصغير بتعجب )ماما واش حناا جايين عند عممو ساهر؟؟ 
باسل:( خربقلو شعرو)اييه اباطممان جايين عند... عمو ساهر
لميس:( شافت فيه مغوبشه مفاهممه والو فيه)كيفاش ساهر؟؟... 
واش كتسطاا علياا ابااسل... 
وااش مغنشوفش واليدياا!!؟ 
باسل:( حط يدو فوق خدهاا )شووت كالم احياتي هانتي غتشووفيهم
(كيحل حزام السلامه) تسناوني هنا هاني رااجعع
باسل:( الصغير)اي ايي...، ايي( شاد فحجرو )ااااه
لميس و باسل ضارو دقه وحده مخلووعين خايفين،: ماالكك اش وااقع؟؟ 
اش كييوجعككك.. ؟؟! 
باسل:( الصغير)اييي باغي نمشي للحمام اا
لميس يالله غترجع تغووت وكشكش عليه و هو يقاطعها باسل محاملهاش تغوت على ولدو
باسل: يالله ابابا تمشي معايا، ناخد ولدي للحمام... 
لميس: مفنههمتش فين غادي بيه و غتخليني هنا بوحدي ؟؟ 
باسل: حياتي تيققي فيا،( غمزها)خليها مفااجئه
لميس: اووففف منك( بنفااذ صبر)و من مفاجئااتك
باسل:( الصغير كينقز مزير)واا الشريفه طلقي لنا سيد رانيي غن( بالغوات )غنطرطااااااااق
شد باسل فولدو دخلو للعماره و باسل غادي فرحاان يحقق امنيه امال و كمال تعي شوفه بنتهم قبل موتهم و يبشر ميمتو بخبر ولدو وحفيدها لي لقاه... غادي فرحان
ناشط الله طالع مع دروج سمعو طلقات الرصاص و صوت عذب وحنين كيتردد فآذانو هو ولدو صوت حجر ليه الدموع فعينيه وخلا الماء يهبطلو للركابي خلاه مصدوم وسااكنن اه،
كان صوت لمميس كتبكي و كتغوت و باسل الصغير فاش سمع صوت مو وباه مبلوكي افكارو ،
مشتته وعقلو توقفف بدا يحركو كان فحالا داخل فصدمه قبل دينار يدو من ولدو ويجرييي لباب العممماره... 
كاان الحي خاوي مع راقي حتى يكانو مكيعمروهش 
شااف داك المنظر فاش طلعوها للسيااره بزز مزيرينها من شعرهااا... و اللوطو بعييده منو ديماراو كل
واحد قدو قد جممل كل واحد طويل ومقندر و لابسين كلهم زي واحد اسود و مغطيين و جههم وفيدهوم اسلحه
فرااده... و لميس فاللور كضرب
فالزاج و كتغوت باسل كاان كيجري
جيهة اللوطو بجهااله و كيغووت ويناادي باسمهاا قبل ميخرج راسو واحد و يضربو بالرصااص حدىى قلبو...
طاح للارض و عينيه فعينين،
لميس لي زاد صوت غوتاتها
كضرب فالزاج و واحد كيشد يديها بزز بين يديه و عقلها غيخرج ليها مع بااسل لي معرفاتو حي ولا ميت
باسل الصغير خارج من العماره
و دموعو على خدودو كيجري...
جيهة اللوطو حتى طاح فالارض وتمرغد فيها كلو تجرح ركابيه و دراعو وكيبكي و رجع يزحف عند باسل لي كان فااقد الوعي

جاسم كاان فداارو وسط ناسو واحبابو وسط... عائلتو الصغيرة اثير كتتفرج و هي متكيه عليه وسط ،
الهول لي مقابل مع الجردة و الباب ديال البالكون مفتوح مقابل مع الجردة ونور 
كتلعب فالجردة... قدامهم بالعابها و كتجمع فالوريدات... 
فرحانه و كتحرك فشعرها كلمااا تكركات ،
كتجري و ترممى فوق الربيع و الكازو لي مالء الحديقه... ومزينهاا 
و جاسم كيلعب فشعر اثير لي ناعسه، 
فوقو كتتفرج و مره مره يشوف فنور راد ليها البال... 
حتى سمع صوت تيلي فجيبو... كيصووني هزوو و فتح الخط و الغريب حتى واحد مكيدوي
جاسم:( بخشونه الصوت)الو... الو ! 
اثير:( كتجبد فوقو)شكون ؟؟ 
البوص: اووه، هي شي مجلس، رومانسي مع سوندريلا ديالك
جاسم:( بدههشه)البوووص ؟؟؟؟ 
البوص:( حرك راسو قبل ميبزق فالارض )نعام اخويا
جاسم: شي مصييبه جديده...؟؟؟؟ 
البوص: بنتك زويينه كبرات ونورات وومرتك ربات الطرف ولات عاططيه... خليتيها تحتك ياولد الكلب
حتى قاديتي ليها الفصااله
جاسم:( مزير على يدوو )غندمممككك
اثير:( بخوف)جاسم اش واقع ؟؟ 
البوص: شووف قدامك بنتك كتحرق فوق عاافيه مهيله... 
جاسم:( بانفغاال )كييفاااششش اش كتقول !! 
ناض واقف بعصبييه كيمشي ويجي... خرج للجردده حدا بنتو
البوص: ههههه فجنبك ليمن
جاسم هزز راسو دايخ... كيقلب براسو حتى بانليه الفردي مصوب موجه، جيهة نور لي كتلعب ،
و اثير وااقفه ورااه مفااهمة والو
جاسم: ا ا( بدى يترعدد )البوص ( كيدوي بصووت خافت خوفا من انه يهيجو ويتيري فبنتو 
ما بالييد حييله...)متخليناش نتحاربو خلينا نساليو هاد اللعبه
البوص:( ضحك باستهزااااء)وليتي تدويييي بشششويه هههه، هههه فين مشاا تصعصييع ديالك هممم ؟!! تقاادا... داكككشيي، نتت اه نت ضعيييف الكلب الخاايننن... 
جاسم: مغيكون غير خاطرك ولكن بعد السلاح... خلينا نتفااهممو بالعقل و كلشي ديالكك
البوص:( مقااطعو )مبغيتيش يسييل الدم فدااركك ياك...؟؟ خاايف... اناا نحيد خوفكك ونهي هادشييي بشرط
جاسم سكت كيسمع... 
البوص: باااسل يمووت !!، قتل باسل اجااسم

يتبع في الجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.