داز لوقت بزربة نا كنشوف باياص واعر وناس لابسين زي موحد فالاورونج داخلين لبيت ماما عرفتهم وبقيت كنهضر معاهم بلي انا بنتها..قادوها بالشوية وهبطنا فسانسور كاملين وركبت معاهم فلومبيلونص اما خدوج قلتلها تمشي لدارها ترتاح تا نستقرو مزيان تماك ونقولها لعنوان باش تا خوتي يشدو طاكسي ويجيو..
طلعت معاهم ساكتة وهما دايرين خدمتهم ومقابلينها..ايييه ياودي لفلوس لاش كتحتاج..الصراحة فهاد لمواقف كتبان ليك لفلوس ولمعارف هما كلشي..شنو قيمة لفقير؟وشنو فايدتو الا كان تا فاش كيمرض ماكيلقاش باش يتعالج ولا حتى يشري الدوا..الصراحة صعيب تحتاج وماتلقاش مي حمدلله علا قضاء الله ودبا انا راضية بلي فيدي تبرا ماما وواخة نخدم بليل ونهار وانا كنشوفها قدامي ديما..
وصلنا كان كلينيك واعر دخلت كنشوف فيه وطلعت مع ماما لبيتها لي غتبقى فيه تا يجي طبيب لي غيدير ليها لعملية..جلست شادة فيديها وتاهي فاقت شوية بسمت ليها وهي رداتهالي..
شيماء:ماما بلاتي غديري لعملية..شوووتتت بلا ماتحاولي تهضري انا نقولك لي كاين اقسم بالله واحد لمحسن عاوني من طرف مدير شركتي طلبتو..مسكين مابخلش الله يجعلها فميزان حسناتو..مهم علاما يجيو خوتي يشوفوك وطبيب يوجد راسو غدخلي نشاءلله وغتخرجي بيخير وعلا خير..كوني هانية ربي كبير..
ماما شدات عينيها وحلاتهم زعما آه..
شوية خرجت سولت علا لعنوان وعيطت لخدوج قلتولها..غير جاو خوتي من لمدرسة جابتهم وجات..كانو فرحانين بزاف والامل بان عليهم..ولكن فاش شافوهم يوجدو ماما لعملية خافو وحاولت نهدهم ولكن داك لحظة قاصحة باش تخاف ان لي غيمشي يقدر مايرحعش..بكينا وبسنا ماما وداوها لبلوك..حالتنا كانت حالة وحنا كنطلبو الله تشافى وترجع لينا بالسلامة..
آدم واقف مور لكولوار كيشوف فداك لعائلة صغيرة لي خايفين يفقدو اعز ماكيملكو تا هو تحرم من امو ويقدر يعذر اي واحد خايف من فقدانها ماقدرش يحبس راسو انو يجي كي سالا خدمتو..سمح فكلشي وبغى يحس براسو كيآزر شيماء واخة من بعيد..
4دسوايع تقدر دوز بزربة ونتا فشي حفلة ولا ناشط ولكن فاش كتعلق بشي حدث مهم فحياتك كتولي بحال 4سنين..شبنا فيها قبل وقتنا وحنا غير كندعيو ونقراو القرآن ومرة نتعانقو مرة نبكيو مرة تأملو خير تا جات عندنا فرملية..
انا مشيت عندها قلبي فيدي:خ ختي خبار لخير..
لفرملية:تهدنو احبيبة لعملية دازت بيخير وعلا خير..
غوتنا كاملين وعنقتها بالفرحة كنبكي وسجدت لله فداك اللحظة وخوتي ضحكهم مخلط مع دموع لفرح بحالا تولدنا من جديد..ياربي تسهل علا هادا لي عاونا...
آدم غير سمع تنهد وفرح..شافهم كفاش استقبلو لخبر بسم وضرب الدورة ومشى لطوموبيلتو فاتجاه دار حيت اخيرا رتاح وضميرو مابقاش ضاغط عليه...
سلمت عليهم وبقيت جالسة واول مرة يبدا يجيني النعاس وبالي شوية رتاح...
بعد مرور 6 ايام..
مشيت لدار ندوش خليت ماما ناعسة..
آدم قرر يزور ام شيماء وغير عرفها مشات دخل عند ماماها..بقى يشوف فيها..كانت حالتها مستقرة بقى كيشوف فيها حس فشكل..تفكر ماماه وتمنى تا هي كون كانت مازالا عايشة..باسلها يديها مبتسم وبغى يخرج وهي تقولو..
ام شيماء:و ولدي!!(فاقت فاش حساتو باسلها يديها واستغربات)
آدم غير سمع صوتها وكلمة ولدي دار شاف فيها عاجبو لحال..
خرجت كلي قناعة بلي هو لي عاون ماما خصوصا مين قال داك "آميين"بطريقة ملفتة..اممم شحال ضريف ومزيان وزوين..اي اي فيقي الالة بديتي تشعري فيه..بقيت غادية كنلوم فراسي تا وصلت لدروج..
آدم شاف شيماء خارجة من مكتب حسام وعينيها كيلمعو وفرحانة..بقى واقف حاضيها ودخل كمل خدمتو واخة فضولو قاتلو وبغى يعرف شنو قالها حسام مي صبر راسو حيت الا هضر عاوتاني خوه غادي يشك فشي حاجة..
هبطت كملت شغالي ورحاب رجعات لمكتبها حيت كانت كدير فوطوكوبي فلبيت لي حداها..قادات لقهوة د حسام بلماشين ديالها ودخلاتها ليه بعدما دقات..
حسام:دخل..
تقدمات رحاب حداه وحطاتها وهو شاف فيها:شكرا..
رحاب:لعفوو..
خرجات كترجف حيت لوقفة حداه ماشي ساهلة..حاولات تكونطرولي راسها ولكن عجزات..بقات تشرب لما باش تهدن شوية..
جا وقت لغدا تجمعنا فالفيستير كلينا مجموعين وتا لموضفين كلاو وغير سالاو هبطنا جمعنا لبيفيط..
جلست معاها شوية وصافطاتني لدار نرتاح وهي لفرمليات يقابلوها..فليل طحت كاو..كنت عيانة بزاف وتعب الايام كلها رجع عليا..
حمدلله غدا الاحد ماخداماش ونيت غنخرجو ماما..فالصباح فقت قاديت دار ونصبت لغدا و وصيت ختي فيه ومشيت انا وخالتي خدوج خرجنا ماما واخيرا رجعات معانا لدار ياسلام احساس ولا اروع..رجعات لبيتها ونورات حياتنا من جديد..تغدينا مجموعين وهي طيبت ليها ماكلة خفيفة وكانت السعادة مسيطرة علينا..واخة تعب بزاف مي ماكنحسش بيه بقوة لي قدرت قيمة شنو عندي..
داز داك نهار بيخير فليل كلنا نعسنا فبيت واحد بقوة لي مشتاقين ليها والصبح فقت وجدت لفطور وكلشي وكنت موصي خدوج وعطيتها سوارت طل علا ماما وتقابلها معانا..الله يكثر خيرها وقفات معانا بزاف وخيرها عمرني نسااااه...
مشيت خدمت وانا ناشطة وعاجبني لحال..تا خدمتي لي كنت شي مرات كنحس بالنقص فيها دبا ولات تعجبني حيت خلاتني نعالج ميمتي..وليت راضية بلي قسم الله..لفلوس كتمشي وتجي لمهم يبقاو حدانا ناس لعزاز..
جميلة:شيماء نتي طلعي لفوق كتعجبني خدمتك غنكلفك بالطابق ديال المدراء(الله هههه)ياله سيري باش تسالي دغيا..قادي طواليطات وجيهة لي تكون خاوية..
انا غير قالت طواليطات تقلقت مي قلت ندير خدمتي ونسكت..
طلعت وبديت بالكولوارات حيت كانو خاويين..
نجفف بالكراطة ونمسح لغبرة من جناب..وفاش ساليت مشيت لطواليط قاديتها وخرجت تا لقيت داك لمدير قبالت تفووو..حنيت راسي وبغيت ندوز..
آدم غير شافها تلف ماعرف مايدير..بغى يسولها علا ماماها..مي مين شافها كتهرب منو كحز ليها من طريق وخلاها دوز..
دخل معصب من شوفاتها حس براسو ماشي نورمال..غسل وجهو وخرج وهو يشوف خوه دايز وهي كتشوف فيه بعينين كلهم لمعان وابتسامة مافارقاتش خدها..
انا غير خرجت كان سي حسام خارج يتغدا قلتلو سلام ردهالي ومشى وبقيت متبعاه بعيني.وانل كنكمل شغالي..
آدم زير علا سنانو ومشى عند حسام وهبطو يتغداو..
مشاو لريسطو قريبة وهو كيفكر غير فشوفاتها فخوه..علاش تاهو ماستغلش لفرصة نهار لي طلباتو..دبا واخة عاونها عمرها غتعرف.وتاهو مادارش هادشي باش تعرف مي باش يساعد شي حد محتاج مساعدة..بقى كيفكر ويتخيل بلي ماماها كانت فحالة يرثى لها وماقبلاتش بطلبو..بخلاف بنات ماناقصهم والو وكيلوحو شرفهم وشرف عائلتهم فالحضيض غي بسبب لحظة متعة ومشاعر غبية غالب عليها لغريزة..كيفما فكر كتكبر فعينيه وهو خايف خوه يكبر فعينيها آه ولا خايف مافهمش علاش مي خايف من هادشي..
حسام:هيييي مالك فاش كتفكر؟
آدم:اممم آ شنو قلتي؟؟
حسام:هههه لا حالتك صعيبة..مالك شنو فيك من قبايلا ساكت وتفكر..خوي قلبك عليا..
آدم:لا لا والو غير كنت باغي نوجد لحفلة زوينة باش نعرضو علا كاع المستثمرينين ديالنا بوجهنا حمر..
حسام:كون هاني لعام لي داز انا والواليد الله يرحمو تكلفنا بكلشي وتعاقدنا مع منظمين حفلات من الطراز الرفيع..تا هاد لعام نعيطو ليهم..
آدم:مي من الافضل نبدلو حيت خصو يكون كاين تجديد واسلوبهم نفسو غيبين نمطية وحنا باغيين يكون التجديد..
دخل آدم لمكتب جبد بيسي ديالو وبدا يخدم تا شاف فالارض شي حاجة كتلمع.ناض وهو يلقى سنسلة ديال نقرا هزها كيشوف فيها وهو يتفكر بلي فايت شافها عند شيماء..بسم وطلقها علا يديه كيشوفيها كان فيهاch زاد تأكد..خرج عند كريمة..
آدم:شكون دخل لمكتب ديالي فغيابي؟؟
كريمة:تا واحد ا سيدي..
آدم:تالميناج ؟؟
كريمة:لا فري جات داك لبنت لي ولات مكلفة بهاد ليطاج وحيت ماكنتوش قادات لي بيرو ديالكم نتا وسي حسام..
آدم:اه اوك..
كريمة:علاش ياكما تلفاتلك شي حاجة ولا خربقات شي وراق؟
آدم:لا لا غير شميت ريحة زوينة وبغيت نتأكد..
كريمة عاقدة حجبانها:اممم اوك سيدي..
آدم دخل وكريمة بقات تخمم(هاء مالو عمرو علق بحال هكا..بفف ماعرفت)
آدم حط حداه سنسلة وبقى خدام ومرة مرة يشوف فيها ويضحك..
خرج سي لمختاري من عند حسام لي كان موصلو لباب ورحاب وقفات ودعاتو بحركة من راسها..
حسام:رحاب جيبي معاك ملف شركة عمور للخياطة التقليدية واجي مورايا..
رحاب:اوك نجبدو ونتبعك اسيدي..
دخل حسام جلس وجات رحاب عطاتولو..
حسام:شنو مازال ماقربش لعرض ديالهم؟؟
رحاب:مازال..سمعت بلي عندهم شي مشاكيل وسي صابر عمور سافر لفرنسا باش يحلهم..
حسام:اممم مافخباريش..مي حنا درنا معاهم وقت خصهم مايخلفوهش حيت حنا المساند الرسمي ديال عرض القفطان التقليدي ومحتاجين هادشي فمشارعنا باش نطلعو بماركتنا عالميا..
رحاب:اوك سي حسام..شنو نعيط ليهم نستفسر..
حسام:لا بلاش خلي تالسنوية فاش يحظر ونهضر معاه نيشان..بداو توجدو كروط الدعوات وهضري فهادشي مع آدم هو لي مكلف اوك..
رحاب:واخة اسيدي..
حسام:اوك يمكلك تمشي لمكتب ديالك..
خرجات رحاب وتاجهات عند آدم باش يعطيهم تعليمات الحفلة وباش تأكد عليه ان الكروط خصهم يتصافطو من دبا باش يوصلو فلوقت لكلشي ويديرو بحسابهم..
منصف:ماخليتينا تا وحدة ههه..نتا لي معمر ريبيرطوار غير بتيتيزات دلبلاد وزايدها كتحمقهم كاملين وتفشش عليهم..
آدم قاد لفيست ديالو.تقاد فالجلسة وهضر بثقة:هكا بغات لوقت خخخ...
بقاو الدراري كيضحكو وخرجو كل واحد فين شد طريقو..فري منصف كيفوج علا آدم وديما كيخرجو من حالتو مي لي واقع ل آدم مازال مالقالوش تفسير..
نضت حطيت لعشا وعيطت علا خوتي وماما مسكينة كابرات وجات حدانا وتعشينا مزيان..تعاونت انا ويسرا علا لكوزينة قاديناها وخرجت شربت ماما دواها باش تنعس ترتاح وكملت مع خوتي تمارنهم ومشيت لبلاصتي لي تحت فراش ماما باش نبقى قريبة ليها..تا جات يسرا عندي..
يسرا:ختي نقدر نعس حداك؟
شيماء:ههه اه اجي الحمقة..
يسرا فرحات وعنقاتني..سولتها:شنو سبب هاد الحنان لمفاجئ؟
يسرا:توحشت نحس بالامان والحنان صوا منك ولا من ماما..
بستها:الله يخلينا لبعضياتنا احبيبة..
يسرا رداتلي لبوسة:امييين احبيبة ههه..
تعانقنا ونعست ربي صافطهالي غير باش مانفكرش فشي حاجة ماصالحاليش اصلا..
صباح بكري فقت بعدت ختي عليا ووجدت راسي ولفطور..مشيت لمحطة كان عاجبني لحال ماغنفيقش فالفجر ونخرج حيت لميناج خصو بكري بزاف..وصلت مع 8:30 لخدمة..تعاملو معايا مزيان حمدلله وبدينا كندربو علا لخدمة ولهزة د صينية..انواع لمشروبات باش الا شي حد طلبها..مهم لي عرفتو كنعرفو ولي ماعرفتوش كنسجلو شي لي عجب لمسؤول حيت هكا مزيان..
عطاونا لبسة موحدة نخدمو بيها اما ديال لحفلة مازال ماوجدو عاد خداو قياساتنا..
كانو تماك بنات ودراري ضريفين..اخيرا لقيت زملاء من سني كنت فالميناج كنخدم غير مع العيالات لكبارات لي لاحتهم الظروف لداك لخدمة بحالي..مي هادو ناشطين وعاجبهم لحال كل واحد فيهم كان مسؤول علا جناح فالشركة وموالفين بالطلبات ولفشوش انا لي اول مرة ومصاب مانحشمش سي حسام...
داز هاد النهار غير تدريب وتحضيرات وضحك..اول مرة نشوف لقاعة لي خاصة بالحفلات دالشركة..حسيت راسي بحال داكشي دالافلام وزعما تخيلت راسي غلبس ونتقاد ومانخلي ماندير وفاش ندخل عيكونو ناس دايرين ليا 1000حساب وغادي يكونو باغييني وعاطييني قيمة..هههه علا احلام عندي الله يهديني وخلاص..
رحاب:امم مي عتاذرات سكرتيرتو..قالتلي بلي مازال 3ايام عاد يجي من السفر..
حسام:امم اوك لمهم مانبغي تا حاجة تكون ناقصة..نتي وكريمة قدام هنا..طالعو علا تنظيم لحفلة والا آدم نسى شي حاجة ولا مادارهاش مزيان عاونوه..
رحاب:كون هاني اسيدي واخة حنا متأكدين من تنظيم سي آدم لي داير كثر من جهدو..
حسام:اوك يمكلك تفضلي..
رحاب بغات تخرج وهي دور عند حسام شافت فيه..حسام كان حنى علا لبيسي..جات تهضر وتراجعت وخرجات..(تفو علاش ملقدرتش..كان خصني نهضر ونصارحو بحبي ليه وبلي تجرحت من تصرفو معايا ميي ماغنقدرش انا استسلمت ليه بسهولة ويمكن عمرو مايقدر هادشي..)
مشيت لدار رتاحيت ودرت الروتين ديالي..الصبح نضت دوشت وكحلت عينيا وجمعت شعري كعكة و قاديت ليهم لفطور ومشيت..كان كلشي تالف واخة لحفلة غتبدا تال5:30 مي لجو مكهرب كل واحد باغي يبين بلي ثقة سي آدم فيه كانت فمحلها..
لقيت ليونيفورم مشيت لبستو كان عبارة عن شوميز بيضة مع جيب كحلا حد الركبة وجيلي خفيف وانيق فوقهم.خشيتهم فالجيب جاو واعرين وعطاونا صبيبط بلا كحل..اما دراري نفس لبسة غير بالسروال والجيلي عريض علا ديالنا..
كنا فرحانين بلباسنا ههه ومتشوقين تبدا لحفلة..
تغدينا بزربة ونضنا نستاعدو..تا بداو الناس يجيو وهنا غنشوفو لي عمرنا شفناه..
طبقة مخملية بورجوازية لابسينا ثواب من النوع الرفيع..وكاين لي ختار التقليدي يبان بيه..زيادة علا الصحافة ومواقع التواصل..
كنت ندور ونتلف فشنو واقع مي ماأثرش داكشي عليا بقيت متبعة خدمتي وحاضية طرافي..
هزيت صينيه كندوز عليهم ولي بغى شي حاجة كنعطيهالو بكل ادب وبلا مانقول كلمة..
آدم فاش دخل لصالة بعدا رحب بالحظور شاف شيماء..كانت برغم بساطتها ولباسها العادي مي الانوثة ديالها باينة فيه..بسم وللحظة سهى فيها تا فيق راسو..بدا يتساؤل علا سر هاد الجاذبية لي كتجرو ليها من دون كاع لبنات
اما آدم مشى سول كاع الاطر دالحفلة وطمن بلي كلشي هو هاداك..طلع فوق المنصة وهز لميكرو..
آدم:الوو الووو طيسط طيسط..
كلشي بداو يضحكو وهو بسم..
آدم:مرحبا بيكم عندنا أنا سعيد بحظوركم فهاد لحفلة لي كتخص سنوات لي عاشتها شركتنا..وفرحان حيت وجودكم معانا كيخلينا لقاو معامن نتقاسمو فرحنا..(تصفيقات).كيفما كتشوفو هاد السنة فكرنا نديرو حفلة بسيطة وراقية ليكم..كلشي لي سهر عليها عضو فهاد الشركة..وهادا كان لهدف ديالنا..كيف كيقولو منا وفينا هههه..ومن هاد المنبر كنشكرهم كاملين حيت بلا بيهم حنا والو.(تصفيقات وتصفير..حسام ماعجباتوش هاد لهضرة بزاف ولكن شاف تفاعل لموضفين وناس كبير وهو يبسم..بحالا راها سياسة باش يبقاو خدامين طوب)..لمهم كنتمنى لحفلة تنال اعجابكم ودبا نخليكم مع وثائقي كيبين كاع الاحدات لمهمة لي دازت منها الشركة باش وصلات لي هي فيه دبا..شكرااا..هاف فان(استمتعو)ههه
لبنات كلهم تالفين معاه وعاجبهم..
هبط ناشط اما انا كنشوفو غير داك لوحش فصفة ملاك..حنيت راسي وكملت خدمتي وهو كيضحك مع ناس وعاجبو لحال وهما محتارمينو لابعد حدود..
سالا لوثائقي كلشي صفق وبحال كاع ناس انا كنت مليت بداكشي خخخ ماعنديش مع هاد تخربيق..تا آدم كيساين غير فوقاش تبدا لحفلة وناس يكونو أليز حيت هادشي فيه لملل..
رحاب كانت حدا كريمة ولكن دماغها مع حسام لي شاف ضيفو وصل..مشى سلم عليه وعلا عائلتو وهي كتشوف فيهم وكتمنى يعطيها شوية دالاهتمام بحال كاع المدعوين..
بقات لحفلة خدامة وديجي ناشط..كاين لي ختار يشطح وكاين لي خايف علا لبروتوكول ديالو..كاين لي كيعرف جميع انواع لمشروبات..وكاين لي كيبغي يبين بلي عارفهم..ياودي غير خودو راحتكم تا انا ياله حفضتهم خخخخ...
كانت لحفلة ماشية نورمال تا طلع سي حسام..وهنا اكيد كلشي نتابه لمنصة وتا انا منهم ههه..
حسام:لعفو..كيفما كتعرفو سي لختاري صديق لعائلة وعزيز علينا كاملين(آدم عقد حجبانو حيت ماعندوش معاه خصوصا مين دخل لبرلمان)..والصراحة ماكرهتش نطورو صداقتنا وتولي رابطة كبيرة بيناتنا..(شاف فيه)هنا وحدا كلشي كيشرفني نطلب يد بنتك بسمة لزواج...
رحاب شدات فالطبلة لي حداها حيت جاتها الدوخة..
أنا تألمت ملداخل وحبست دموعي..شنو مالي شنو كنت متوقعة يتعلق بخدامة فلميناج عندهم..اكيد لا هو غير عطف عليا وساعدني بلا غاية..وانا لي ضريت راسي فاش فكرت هكا..مي ماقديتش كيغاير مانبغيهش..حسام شاب اي بنت تمناه..وخصوصا مع داكشي لي دار معايا كبر فعيني وخلاني نحتارمو ونحطو فبلاصة كبيرة..خساااارة كان شعور من طرف واحد..
آدم تصدم مافهمش منين جا هاد القرار وفوقاش؟حسام عمرو هضر فهادشي ولا حتى لمح..زعما بين ليلة ونهار فكر يتزوج ببنت داك لمخلوض ولا تكون هادي شي لعبة جديدة رسموها بجوج..
ناس صفقو ونص دلبنات لي فالحفلة كانو حاطين علا آدم وحسام حسدو بسمة..لبنيتة لعادية لي باها شان وهمة وغتكون مرات واحد من أوسم رجال لمغرب..
بسمة كانت حشمانة ومتوترة وتا نظرات ناس تلفوها..
لمختاري:هدا شرف ليا اولدي وماغاديش لقى حسن منك يكون راجل بنتي..
حسام:بقات لينا بسمة نسولوها ههه..
لمختاري:ههه اكيد..بنتي بسمة اجي..
طلعات بسمة وهو يسولها:شنو رأيك؟
بسمة حنات راسها وهو باها يبسم:السكوت علامة الرضى ههه..
حسام باس ليها يديها وهي كانت فرحانة ولكن ماشي بزاف وكتعامل عادي..
رحاب زيرات علا لكاس لي كان حداها وحطاتو وخرجات بلا ماتقول تا كلمة..خدات طاكسي وطريق كاملة ودموع كينزلو وكتمسحهم بزربة.دخلات لدار نيشان حسات براسها غتموت..صعيبة بزاف تشوفي حبيبك كيخطب بنت خرا قدامك..مي اكيد غيخطب لبنت لي من مستواه ولي ماسلماتش راسها ليه بسهولة..
كملت لخدمات ديالي وانا باين عليا ماشي نورمال..آدم كان واقف مع منصف ومستغربين من قرار حسام لمفاجئ تا دار علا غفلة شاف شيماء باين عليها ماشي سافا..بقى كيساؤل وهو يشوفها كفاش شافت ف حسام وبسمة وهو يفهم..تقصح تا هو حيت كتفكر فخوه وتقدر تكون كتبغيه..مي فنفس لوقت بقات فيه ومابغاش يشوفها هكا..استأذن من منصف ومشى عندها..
دخلت لداخل بزربة حطيت صينية ساكتة..وطلبت استراحة وخرجت لعلا برا بقيت نحاول نتنفس..تا حسيت شي حد مورايا.درت لقيتو قبالتي..
كملو لعب وقربو يساليو وهو حسام سخن وبدا يلعب مزيان بقات غير 2دقايق وآدم عيى بالدفاع وهو ينقز علا خوه كيعنقو ويغمضلو عينيه باش مايكملش..كلشي بداو يموتو بالضحك وتا حسام طلق كاع لمانيطة وآدم ولا حمر وكيضحك من قلبو تا صفر الحكم..
حسام:هههه صافي تهنيتي عجبك لحال دبا؟؟
آدم طاح عليه معنقو وشانق عليه:مايصلاحش نتخاسرو بسباب اي حاجة ههه..
لعاليا فرحانة وعاجبها لحال من شي لي كتشوفو قدامها..
دخلو لخدامين عاجبهم لجو لي كيديروه هاد جوج مرة مرة..حيت الا تعمقتي فشخصيتهم هما مختالفين كل الاختلاف علا بعضياتهم تا فالفرقات لي كيشجعو..مي كيبقاو متفاهمين وباغيين يبقاو علا خير بجوج واخوتهم تحدى كلشي مادامو ديما مع بعضياتهم..
تعشى كلشي وكل واحد شد بلاصتو فرحان ومن بين شيماء وآدم وحسام ورحاب كانت رحاب هي لي مدوزة ليلة قبيحة وتفكيرها كامل فحسام لي مابقاتش قادرة تحيدو من بالها..
اصبحنا واصبح لملك لله..نضت علا خاطري وجدت لفطور فطرت كيف لعادة وفيقت خوتي يوجدو راسهم لمدرسة ومشيت انا بعدما صبحت علا ماما..
شديت طوبيس وصلت ف8:20 صافي مشيت نيشان رحبو بيا وعطاوني يونيفرم جديد نقي وزوين عبارة عن سروال حكل وشوميز فالشيبي مع بادج فيه سميتي..فرقونا ليوم وتكلفت بجناح المحاسبة..اول مادخلت ليه تفكرت نهار كنت كنطلب ونزاوغ يعاونو ميمتي مي حمدلله خصني نخوي دماغي حيت كل حاجة من خير..
دخلت لكونطوار ديالي لقيت طرق تحضير اي حاجة..بديت نقاد كلشي باش الا بغاو شي حاجة نوجدها بزربة..
آدم بعدما فطر مع حسام مشاو لخدمة كل واحد دخل لمكتب ديالو اما حسام لفتات انتباهو رحاب لي شاف تحت عينيها زورق وباين عليها التعب..
حسام:رحاب ياكما مريضة؟؟
رحاب:اممم اسي حسام شوية وصافي..
حسام:وعلاش مابقيتيش فالدار مين هكا؟
رحاب:عندنا لخدمة بزاف اسيدي..
حسام:صافي غير كاينة لخدمة تجي؟مي هكا راه تالخدمة ماغاديش تخدميها مزيان ويقدر يأثر عليك التعب .
رحاب:لا اسي حسام هكا حسن من لجلاس فالدار..وكون هاني من جيهة لخدمة.لحال ديما غندير كثر من جهدي باش كلشي يكون علا مايرام..
حسام:امم اوك ديري لي ي يريحك..
بسمات بزز وهو دخل..بقات تهضر مع راسها:زعما خايف عليا؟شكون سبابي فهادشي من غيرك وغير استسلامي ليم فلحظة ضعف..
آدم هز تيلي ودار نمرة وعيط..
آدم:ألو..درتي داكشي لي قلتلك لبارح فالعشية؟؟
جاوبو الشخص وهو يبتسم:اوك مزيان..الا ناقصاها خبرة علموها وفيدوها واخة؟؟..اوك ياله بسلامة..
قطع فرحان فاش عرف بلي شيماء دبا خدامة فالكونطوار ديالها ومابقاتش فالميناج..حيت هاديك ماشي بلاصتها..
هنا احسن حاجة هي كنسالي فال 4:30 فاش كيساليو لموضفين وتاهما ماعندهم طلبات كثيرة دونك الاغلبية كنقاد الكونطوار ديالي ونبقى نساين..عجباتني لخدمة + صالير زايد 500درهم يعني غتولي عندي 2000درهم حمدلله..
رحاب كانت كتجمع حوايجها تمشي تا خرج حسام وحيت شافها عيانة بقات فيه..عارف بلي هو سبب هادشي وبلي الخطابة ديالو أثرات فيها..اكيد الراجل كيحس بالاهتمام مي الا كان ماشي متبادل ماعندو مايديرلك..
حسام:شنو رحاب نوصلوك معانا..
رحاب بجدية:لا اسيدي بلاش غنمشي فطاكسي..
حسام ماعجبوش لحال كتفشش عليه مي خلاها علا خاطرها:اوك بسلامة..
رحاب:بسلامة..
حسام شافها رجعات جلسات واخة كانت غادية فهم بلي كتهرب من المشي معاه..داز عند خوه وهي غير شافتو ناضت لاسونسور..
آدم تاهو كان ماشي وغير دخل حسام كان غادي يخرج..مشاو بجوج كيهضرو فالخدمة..لقاو الاسونسور غيتشد فتحوه..
حسام:كارو انا باش نشعل..شوف هاديك راها موضفة عندنا والا عاملناها فشكل غتحل مزيان..
آدم:اووو اصاحبيق شحال فيك ديال التعقيد..عادي لبنت محتاجة لي يعاونها وصلتها..زايدون نقص من هاد الطبقية لي كتعامل بيها..كلنا بشر ولاد 9شهور وكلنا بحال بحال..ماشي حيت نتا تولدتي لقيتي باك لاباس عليه..تعامل الناس لي لقاو راسهم خدامين باش يعاونو واليديهم لفقرا بهاد الطريقة..عيب وحشومة..
حسام:ياااا سلاممم زيد شي محاضرة خرا..ولا اجي لا تكون بانت ليك فيها..عارفك عزيز عليك لبنات وكدير اي حاجة باش توصل ليهم..
آدم تعصب:لاحول ولا قوة الا بالله..شوف انا ماغنجاوبكش حسن..خيت الا جاوبتك غنصدقو فحوايج خرين..
طلع آدم لبيتو باش يقصر الشر وحسام مغلغل وماراضيش بشنو وقعلو..تكره فيها مزيان..
الخدامين سمعو وبداو يتفقصو..
لخدامة:ناري عيناهم لبارح كانو كيف السمن ودبا كيدابزو..
خدام مكلف بالجردة:آه والله مابغيتلهمش هكا..
سمعاتهم لعاليا غوتات عليهم:إنا عين وإنا تخربيق..خويو دماغكم من هادشي..لمصارن فالكرش كيضاربو وهادشي كيوقع عادي..شوية غتلقاوهم تصالحو راه غير غنان ماشي دباز..
لخدامة:آه عندك لحق شوية يجي آدم ويعتاذر منو من ديما كيدير هكا ويرجع يصلح كلشي واخة مايكونش هو الظالم..الله يكملو بعقلو داك لقطيط لي قلبو بيض من صغرو ههه.
لعاليا بسمات حيت فري آدم قلبو بيض دغيا كينسى وماكيقدرش يتخاصم ولا يهز فقلبو بحالو بحال ماماه لي كانت من اطيب خلق الله..
رجعت لدار عاودت ليهم علا خدمتي الجديدة وعلا صالير لي غنشد..بقينا نخططو شنو نديرو وكفاش نظمو حياتنا من جديد حيت بعد شفاء ماما بحالا غنبداو من الصفر ونعاودو نريكلو الامور...
دوش آدم وتكالما..لبس عليه سيرفيط خفيفة بحكم ان الصيف قرب وهبط كيقلب علا خوه..كلشي نتابه ليه كيقلب وفرحو بيه تا خرج لجردة بان ليه حسام جالس فوق كرسي وكيقرا فتيلي..
آدم مشى جر لكرسي وجلس حداه:حسام مالك؟شنو مقلقك؟
حسام بنفخة:والو..
آدم:اوك تهدن صافي بلا ماتبقى مقلق..
حسام هز راسو وسكت تا صونا ليه تيلي..شاف لقاها بسمة..
آدم:جاوب..
حسام حل لخط:ألو بسمة سافا؟؟
بسمة:حمدلله..ونتا؟
حسام:صاماغش..
بسمة:صونيت قلت نعرض عليك نتعشاو بجوج الا كنتي مسالي.(هضرات بالحس)بحرا نقنعو الناس بلي مخطوبين..
حسام جاتو الضحكة وحبسها..ناض يلبس وآدم كيشوف فيه ويضحك..
بقى آدم جالس بوحدو ولقى تلفونو عامر ميساجات مسحهم بلا مايقراهم وصونا علا صحابو خرج يقصر معاهم..
حسام داز علا بسمة وداها معاه لمطعم..جلسو متقابلين وهو كيتصرف عادي حيت تالبنت عارفة كلشي..مي ماكانش عارف بلي بسمة كانت معجبة بيه من شحال هادي..
آدم وصحابو شطو شوية وضحكو هضرو مع بنات ولكن فالتالي هو رجع لدار وماداير تا وحدة فدماغو..
دازو ايام روتينية على كلشي من لخدمة لدار وصافي..
رجعات رحاب بعدما حاولات تطيب جروحها وولات خدمتها مع حسام محتكرة علا لقاءها بيه فشي لحظات وتاهو الشوفة ماكيطولهاش فيها..
وفيوم دخل شخص جد مهم عند رحاب غير شافتو وقفات..
رحاب:اهلا مرحبا بيك سي صابر..
صابر:ميغسي..سافا؟؟
رحاب:سافا حمدلله طوا؟
صابر:امم صاماغش..سي حسام فلبيرو؟؟
رحاب:آه دقيقة نعلمو بوجودك..
صابر:اوك..
دخلات رحاب عند حسام بزربة:سي حسام سي صابر عمور علا برا..
حسام:بصاح..خليه يدخل..
رحاب هزات راسها وخرجات وهو يدخل..
صابر:سي حسام..
حسام:اهلا بالهراب..فين غبرتي تالدبا؟
صابر سلم عليه وجلس:مشاغيل ومشاكيل وصافي..
حسام:امم ياك لاباس؟مي بلاتي شنو تشرب باش ترتاح شوية وعاد نكملو هضرتنا..
صابر:كافي..
حسام هز تلفون وقال لرحاب:2 كافي..
رحاب:اوك سيدي..
حسام:بعدا كيف دازت السفرة؟.
صابر:سافا بحال كاع السفريات..
رحاب دخلات لكافي عطاتها ليهم وخرجات..
حسام:شتي غبرتي بزاف تا سنوية الشركة ماحضرتيش ليها..وزيد عليها وعدك انك دير لعرض باثواب العمراني..ساعا شوف تالدبا ماكاين والو!!.
صابر:واش انا كرهت.اصلا هدا هو لمشكل..
حسام:مافهمتش شنو؟؟
صابر:لعارضة الرئيسية لي كنت ناويها تختم العرض انساحبات..
حسام:كفاش؟؟وعلاش؟
صابر:جاها عرض ففرنسا وبسباب داكشي لحقت عليها تماك..ساينت تا سالات باش نجيبها فيدي ولكن تلقات لعرض لمدة سنة واكيد فضلات الخارج عليا..
حسام:اوووو مي ماشي هي لي غتكون لعارضة لوحيدة..
صابر:مي هي لي فيها كاع لمواصفات..
حسام:هههه وشنو كاع هاد المواصفات؟
صابر:هي كانت مازالا صغيرة بعيدة شوية علا الاعلام المغربي..وجهها ملائكي وبسيط وهادشي لي كنت باغي لعب عليه.راك عارف موضوع عرضي سميتو(سابليسيتي=البساطة)وها انا دبا بقيت بلا عارضة..
حسام:اوا دبا شنو لحل؟
صابر:والله ماعرفت.غنحاول ندير انتقاء اولي وكاستينغ كماعالله لقى شي وحدة فيها كاع هاد المواصفات..
خرج صابر بعدما طال الحديث بينو وبين حسام..ودع رحاب وهبط فالاسونسور تالكاراج..هز طوموبيلتو وخرج مكسيري ماقاشع والو حيت الصيف علا الابواب والا ماخرجاتش لكوليكسيو دبا غيضيع بزاااف..
حلو ليها لباب الرئيسية دالشركة وخرج طاير تا كان غيطحن شي وحدة جاب الله غير قاصها..حبس وخرج بزربة يشوف حالتها..
كنت خرجت من الشركة تا كنحس بشي طوموبيل دازت فيا بالجنب تا طحت علا ركبتي..واخة ماتقصحتش بزاف مي تعصبت وااه فهاد لبلاد زيرو صوكان تفووو.
عليت راسي شفتو قبالتي خايف:نن نتي لاباس؟سمحيلي والله مانتابهت ليك..
انا تعصبت مي مبردة فهضرتي:نملة انا؟تالهاد الدرجة ماكانباش؟
صابر:والله ماشفتك بالله والغلط مني..سمحيلي والا بغيتي نديك لطبيب..
انا:لا بلاش..صافي حمدلله لي خرجات علا خير غي مرة خرا رد بالك الله يخليك..
صابر استغرب وبسم:نتي خدامة هنا؟
انا:اه علاش كتسول؟
صابر:لا والو..(بقى كيشوف فيها من ساسها لراسها وهو مبتسم بحالا لقى شي حاجة كانت ناقصاه ولا طاح فعلاياش كان كيقلب)
ماعجبونيش شوفاتو سمحت فيه باش نمشي شدني من يدي:سايني بغيت نسولك..
غوت:طلق مني الدصارا هادي..
صابر طلق من يديها:تهدني وماتفهمينيش غلط والله غير نسولك..
تنهدت:بففف مسا الله..
صابر:ههه غير تكالماي انا عندي ليك عرض..وباش تعرفيني ماناويش شي حاجة خايبة ياله نمشيو عند سي حسام ونهضرو فوجودو..
استغربت:كتعرف سي حسام؟
صابر:حسام صاحبي وعندي خدمة مشتركة معاه..ودبا مين غدخلي معايا غتفهمي..
بقيت ندورها فراسي وهو مال كيسايني نتبعو..داكشي لي درت الصراحة فضولي قتلني..
بقيت غادية موراه طلعنا فالسانسور وكانو معانا ناس خرين باش انا تقت..تا وصلنا لكولوار لي فيه مكتب سي حسام..
صابر دار لجيهة شيماء:لقيت لعارضة الرئيسية لمجموعة ديالي ههه..
أنا حليت فمي و ودني كيصفرو وحسام عقد حجبانو:فين هي؟.
صابر:هاد لبنت مالك اصاحبي..(شاف ف شيماء):شنو سميتك؟
انا ببراءة جاوبتو:س سميتي.ش شيماء..
صابر:سميتك زوينة وبسيطة بحالك..
حسام وقف:واش من نيتك؟شيماء غتكون لعارضة الرئيسية؟كيدرتيلها؟؟
صابر:فيها كاع داكشي لي باغي..
أنا بديت نستوعب باش نجاوب علا راسي:سي صابر!شنو كتقول انا ماعنديش خبرة فداك المجال ومانقبلش اصلا نخدم فيه..
صابر:انا ماباغيش نخرجك الطريق اشيماء..انا غنطلعك لفوق..وماشي غتكوني عارضة بحال داكشي لي كيبينو مي غتولي انشاءلله من احسن عارضات التقليدي فالمغرب..
انا:التقليدي؟؟
صابر:اه لمجموعة دالقفاطن الجديدة ديالي محتاج ليها وجه جديد وبنت بسيطة ووجه ملائكي ونتي فيك كاع هادشي والا كنتي كتفكري بعقلك وبغيتي توصلي بعيد من الافضل ماضيعيش هاد الفرصة..
انا عاد حسيت شنو قلت..حيت هضرتي كانت ردة فعل علا لهضرة د سي حسام لي كانت جارحة وقبيحة فحقي ولكن انا جاتني فرصة مزيانة ماخصنيش نضيعها..ومنها نقد عائلتي ونعاونهم..ونشاءلله مادامت علاقتي بالله مزيانة غنبقى ديما علل نفس المسا وعمرني ندخل فشي حاجة فاسدة واخة نعرف نرجع لنقطة الصفر...
آدم جر صابر وهضر بالحس:شوف ياك لبنت وافقات مي انا عندي شرط باش نطمن عليها حيت كتبقى كانت موضفة هنا..
صابر:ماغاديش نخسر ليك اكيد..شنو المطلوب؟
آدم:غندير ليها مدير اعمال من طرفي يوصلي كاع العروض لي كيجيوها وانا غنختار لخدمة لي تناسبها..لبنت مربية وداخلة سوق راسها لابعد حدود وانا ماباغيش يضروها ولا يحاولو يخليوها تنجرف من المدة..
صابر بسم:لبنت عزيزة عليك ا صاحبي ههه..اوك انا موافق..وفاش تبدا العرض كنأكد ليك بلي غتنهال عليها لعروض وفداك لوقت غنقولك جيب مدير الاعمال لي بفيتي باش يتكلف بيها اوك؟
أنا و الشقيقان الجزء الثاني
محتوى القصة
التنقل بين الأجزاء