غير غوت داك الغوتة حاولت نهرب بقيت غير كنجري تا شدني الثاني من شعري كان غيطيرلو ليا غوت ربي لي خلقني... شيماء:ا مامااااااا طلق مني تفوووو اهئ اهئ...منصصفففففف.. منصف مدوخ فالارض كيحاول ينوض والو..ولاخور لي ضربتو تم جاي عندي.. فيدور 1:كضربيني لمك..والله لابقات فيك.(هز يديه تالسما باش يضربني شديت عيني تا سمعت صوت غريب) حليت عيني كيبان ليا آدم شانق عليه وكيركلو ويضربو منيرفي والاعصاب باينين عليه.. آدم:باغي ضربها اشماتة؟كتقاوى علا بنت الحمار..بيميني حتى نربيك.. طلق لاخور مني بزربة ومشى يعاون صاحبو ويتحاماو فيه.. غوت:آدم عااااانداااك.. آدم خوى لهاداك وكان نيت دوخ لول وطاح وبقى يدابز مع الثاني..ضربو لحجرو طيحو وهبط بركبتو علا راسو.. بقيت كنيكي وخايفة عليه وكنغوت شي حد يعاونا والو..لقضية خاوية.. آدم سالا منهم وجا عندي كيجري:ش شيماء نتي مزيان ماوقعلك والو؟؟ عنقتو بلا مانحس:اهئ اهئ ل لا.. عنقني حسيت بحنانو وخوفو عليا حسيت بالامان وانا معاه.. شفت فيه كنبكي:م منصف اهئ خصنا نمشيو نشوفوه.. آدم:واخة اجي شدني ومشينا ا منصف كيفيقو وهز تيلي عيط لومبيلونص ولبوليس وعلمهم بالمشكل.. وحيت عندو قيمة ومعروف غير دقايق قلال جات اقرب سطافيط شدات الفيدورا بالمينوط وهما دايخين.. آدم معصب:كفاش بلاصة بحال هكا ماتكونش فيها مراقبة..لبنت كانت غضيع هاد الليلة ومايسيقلها حد خبار..عيات تغوت وتستنجد بالناس ماكاينش لي سمعها..زعما هادا ماشي تقصير وخصكم تحاسبو عليه.. شرطي:هادا وقت تبديل العناصر لمجاورة فهاد لبلاصة ويمكن وقع شي مشكل وتعطلو..كنعتاذرو وعمر هادشي ماغيتكرر.. آدم تنهد وسكت.. شرطي شاف ف شيماء:خصنا ناخدو الافادة ديالك ضروري امدام.. آدم خنزر:مادموزيل.. شيماء بخوف:و واخة مي فلول نمشي مع مدير اعمالي لي ضربوه بزااف وخصني نطمن عليه.. شرطي:اوك مزيان تا حنا نمشيو وفاش يولي لاباس ناخدو افادتو تا هو.. آدم:اوك ياله حنا غلحقو علا لومبيلونص ونتوما الا بغيتو لحقو علينا.. شرطي:اوك حنا موراكم.. مشى آدم لطوموبيلتو وجر شيماء من يديها.. اول مرة يشدني شي حد من يدي ولكن كنت متمنية مايطلقش مني..قلبي كان كيضرب بزااف وحاسة بلي لقيت ظهر يوقف معايا ويعاوني وقت نحتاجو..حليا لباب ودخلت شدها وكشى ركب قدامي.. آدم:شيماء دبا سافا؟؟ شيماء:شوية.. مشى بسرعة تا وصلنا لوبيطاب طلعنا وبقينا نساينو تا خرج الطبيب من عندو سولنا علا حالتو.. الطبيب:حمدلله ماوقع تا شي كسر والمريض عندو فقط ردود غتمشي مع لوقت.. فرحنا وطلبنا نشوفوه مي مسكين كان ناعس بإبرة مهدئ حيت الضربات كانو قاسيين عليه وجاوه علا غفلة.. خرجنا خليناه يرتاح..وانا الجلسة ديال لوبيطال ماكتوالمنيش تفكرت كاع شنو قاصيت مع ماما..شيماء:ممكن نهبطو لجردة تخنقت هنا..ماكنحملش المستشفيات.. آدم:اممم علا حساب عملية ماماك.(زلق بلسانو وندم حيت شافها كشافت فيه بزربة بحالا عارف شي حاجة).امم اوك ياله نهبطو.. استغربت من هضرتو بزاااف بحالا جالس فعقلي.. هبطنا وبديت نحاول نتنفس مزيان.. آدم:دبا شوية؟؟ شيماء:اممم حمدلله.. آدم:نمشي نجيبلك شي حاجة تشربيها؟؟ شديتو من يديه وشفت فيه بعينين مدمعين:ماعرفتش كفاش غندير نردلك هاد المعروف..بلا بيك اكيد كانو كيقتلو منصف ويديرو فيا شي ح.. قاطعني:شوووت ماتقوليش شي حاجة عمرها توقع..ماحدي حداك عمرو يتجرأ اي واحد يآذيك ثيقي فيا.. شيماء:اممم ثايقة فيك.. بقينا نشوفو فبعضياتنا شحال عاد فيقت راسي:آ آه حقى خصني نطمن ماما بلي ساليت لخدمة. آدم:آه طمنيها باش ماتخافش عليك.. جبدت تيلي من صاكي لي هزيتو فاش جاو لبوليس وشعلتو وصونيت ليهم.. يسرا كانت بدات تنعس تا سمعات الصوني ناضت طافجة:شيماء كتصوني اماما..
ماماها بزربة:جاوبي ولا عطيني انا.. يسرا:هاكي.. ماماها:ألو بنتي فينك تهولت عليك.. شيماء فهمات بلي ماماها حسات بشي حاجة:ا امم غي عاد ساليت اماما ماتخافيش انا بيخير(شافت ب آدم وهي كتهضر) ماماها:حمدلله ياربي..اوا ابنتي دبا سيري نعسي ورتاحي وغدا اجي لدار راحنا توحشناك.. شيماء:ا انشاءلله..الا ماكان تاشي عرض غانجيو غدا.. ماماها:مهم علمونا باش ماكان وماتغفليش علا تلفونك ابنتي. شيماء:اوك ماما..تهلاو فراسكم وسلمي علا خوتي.. ماماها:تا نتوما ابنتي وسلمي علا ولدي منصف..قولو واخة فيه صونينا ماجاوبناش تخلعنا عليكم..تا يجي ونجبدلو ودنيه ههه.. شيماء:ههه اوك راه غي محيدلو الصوني راك عارفة لخدمة..تصبحو علا خير.. ماماها:تصبحو تا نتوما علا خير.. قطعات شيماء مع ماماها وشافت ف آدم:مسكينة ماما حسات بشي حاجة وتهولو عليا فاش ماصونيتش ليهم.. آدم بسم بحزن:مسكينة..هكا كانت لواليدة الله يرحمها..كلما كنت كنتعطل ولا توقعلي حاجة بسيطة كانت كتحس.. شفت فيه حيت بقى فيا وهو مأثر علا ماماه لميتة:الله يرحمها ويصبركم..باينة فيها كانت ضريفة.. آدم:وبزااف كاع..كلشي كان كيقولها فيها زوينة..الله يرحمها.. شديتلو فيديه:نشاءلله تكون فالجنة وفرحانة بيك خصوصا ليوم(ابتسامة من القلب).. آدم شاف فيها وبسم:غير ليوم؟؟ شيماء:ههه ماعرفت(كمشت يدي حيت حسيت بالبرد)لمهم ليوم غتفرح من بعد نتا وفعايلك ههه.. آدم حيد لفيست ديالو ولبسها ليها:نشاءلله ديما غتكون فرحانة بيا..هي وكلشي.. بقيت كنشوف فعينيه كفاش كيلمعو وقلبي لاول مرة كينبض بشكل جديد..شنو واقعلي وشنو واقعلو تا هو مافهمتش..فاش كيحس بيا وكيدير لحاجة لي كتريحني فاللحظة لي انل محتاجاها كيصدمني الصراحة.. شيماء:عانداك يجيك لبرد؟!! آدم:لمهم نتي ماتبرديش.. شيماء خافت عليه:ياله نرحعو لداخل باش تاواحد فينا مايبرد.. آدم بسم ودخلو بجوج.. رجعنا لبلاصتنا جلسنا وماحسينا تا دانا نعاس..وسدنا بعضياتنا تا صبح الصبح.. فقت لقيت راسي متكية علا صدرو وهو حاط راسو علا راسي ومغمض عينيه ومحاوطني بيديه.. حليت عيني وتصدمت بالمنظر ماعرفت كفاش وصلنا لهنا..بديت نتحرك وهو بدا يفيق لقى راسو شادها مزيام بحالا خايفها تهرب.. آدم بدا يرخي يديه:صباح لخير.. شيماء بحشمة:صباح النور.. آدم شاف الساعة:اممم 8:00 غيكون منصف فاق كنظن.ياله ندخلو نشوفوه.. شيماء:اوك اطو نغسل وجهي وندخلو.. آدم:اوك نمشيو بجوج.. شفت فيه وهو يضحك:نتي فطواليط لبنات وانا فديال الدراري ههه.. بسمت ونضت حيدت لفيست:هاك شكرا.. آدم:خليها..جات معاك.. شيماء:ههه شكرا بزااف نتا كتجي معاك حسن مني ههه.. آدم ضحك وطواها علا جوج ودارها فوق دراعو..مشاو غسلو وجههم وتلاقاو فالكولوار ودخلو يشوفو منصف
دخلنا عند منصف لقيناه ياله فاق.. شيماء:صباح نور منصف.. منصف:صباح لخير..نتي مزيان ياك ماوقعلك والو؟؟ شيماء:لا حمدلله.سي آدم تدخل فالوقت لمناسب.. آدم:مادرت غير الواجب.زايدون انا سميتي غير آدم ههه.. بسمت ليه ورجعت شفت ف منصف:سمحلي انا السبب فهادشي.. منصف:بالعكس نتي لي سمحيلي من لول قلتيلي مامرتاحاش فداك لجو..كون مابقيناش تماك مايوقع والو.. شيماء:صافي دبا لي وقع وقع..لمهم تكون بيخير..حقى مازال ماجاو لبوليس يحققو؟؟ آدم:لبارح قلتلهم يخليو تالصبح منها نتي ترتاحي ومنصف يكون فاق وقادر يهضر.. شيماء:اوك مزيان.. حسام ناض مشى لخدمتو ساكت ومقلق..تا حاجة ماعاجباه ولي قرب لجيهتو كيغوت عليه.. حسام:واش هادي خدمة هادي.(لاح ضوسي)سيري عاوديه دبا.. كريمة هزات الضوسي وهي مزنكة ومعصبة:اوك سي حسام. خرجات غا طرطق(تفوو مال هاد بنادم كيتعصب عليا وانا اصلا ماشي سكرتيرتو..تفووو فوقاش يجي سي آدم..بعدا ضريف ومتواضع وكيتعامل معانا فوق بيخير) رحاب فاقت خرجات تشم لهوا..تقدات لختها و ولادها داكشي دلفطور ورجعات لقات دنيا فاقت.. دنيا:ختي رحاب..خلعتيني عليك فين كنتي؟ رحاب:ههه ياكما سحابلك رجعت منين جيت ههه ؟!!. دنيا عجبها لحال ختها كضحك:ههه ماشي تالهاد الدرجة؟!! رحاب:هاكي مشيت جبت لفطور وتمشيت شوية وصافي.. دنيا:ههه اوك شكرا الالة لاش مكلفة راسك.. رحاب:ماتقوليش هكا..هادشي كنت كنديرو تا وانا بوحدي.. دنيا:اوك ا لالة تا هادي دارك..ياله قادي طباسل وانا غنفيق الدراري. رحاب:اوك صافي.. وجدو لفطور وفاقو الدراري باسو خالتهم..وهي ضحكات معاهم وجلسو يفطرو.. آدم:شنو نجيبلك شي حاجة تاكليها ا شيماء؟ شيماء:بلاتي ماشي مشكل.. منصف:لا سيري كولي فتكوني ماكليتي والو ملبارح..انا شوية ويجيبولي لفطور..دونك نتي وآدم زعما سي آدم فطرو بجوج.. آدم:قلتلكم سميتي غير آدم..لي قالي سي غنديرلو بينيسيو هههه.. حنا:هههههه. شيماء:اوك حنا غنمشيو ومانتعطلوش.. منصف:اوك.. هبطت انا وآدم لكافيتيريا..خدينا فطور خفيف..
آدم:كولي مالك حشمانة؟ شيماء:لا ماشي حشمانة مي ماعنديش شهية.. آدم:آه فهمتك..غتكون لخلعة دلبارح ولخوف الزايد.. شيماء:والله حتى مت بالخوف..خصني نكوي علا بوصفور.. آدم عقد حجبانو:ش شنو؟؟ تصدمت وانا نتلف لهضرة:ا ام أ لا والو..امم قولي فوقاش غترجع لرباط؟ آدم:ا تا نرجعو كاملين.. شيماء:بصاح؟زعما غتقدر تبقى هنا..وخدمتك؟ آدم:لا عادي حسام راه كيفي بالغرض.. شيماء:امم اوك مزيان..ياله نطلعو عند منصف.. آدم:اوك تفضلي.. طلعنا عند منصف لقيناه فطر شوية دخلو لبوليس خداو افادتنا و وعدونا يحبسو داك المجرمين.. رحاب ناضت عاونات ختها فالدار بعدما مشاو الدراري لمدرسة..تا جات عندها دنيا.. دنيا:لبسي حوايجك.. رحاب:علاش فين غنمشيو؟؟ دنيا:غنمشيو عند الطبيب خصك تبداي تبعي معاه.. رحاب باستغراب:من دبا؟؟ دنيا:اه اكيد..نوضي ماحد الدراري غيرجعو تالعشية نمشيو نستغلو لفرصة.. رحاب:اوك واخة..مي واش سامحتيني اختي؟؟ دنيا بسمات:كلشي كيغلط واكيد هادشي غيتصلح شي يوم..مهم الل سولوك علا راجلك قولي بلي خدام بعيد..وانا غنقول لكاع الناس لي كنعرف بلي سافر بعيد وصعيب يجي داكشي علاش جيتي تبقاي حدايا..ونشاءلله ربي يحن.. رحاب بعينين مدمعين:واخة اختي ربي يخليك ليا.. دنيا:ويخليك ليا.. مشاو عند طبيبة وبدات تفحصها عاجبها لحال هي وختها.. طبيبة:دبا تباركلله عندك 9 اسابيع..تعديتي مرحلة الخوف..والحمدلله الاوضاع بيخير وعلا خير..تسمعي دقات قلبو؟؟ رحاب هزات راسها وهي تجهد الصوت..تك تتك تك تك.. رحاب هبطو دموع من عينيها ودنيا فرحات وماكرهاتش كون كانت ختها بحال كاع لبنات وباباين لولد معاهم مي اللهم قضى وقدر.. خرجات الطبيبة صورة دالايكو وعطاتها ل رحاب بقات تشوف وتبكي.. طبيبة:قادي حوايجك وتبعيني لمكتب حيت غنعطيك شي فيتامينات.. دنيا عطات لختها بابيي كتمسح كرشها وقادات حوايجها..خرجو و وصاتهم الطبيبة تبعد علاا التوتر وماتهزش الثقل وتنتابه لصحتها وتغديتها حيت لبيبي كيكون محتاج فيتامينات بزااف باش يكمل نمو ديالو..والا قصرات غياخد منها وغتبان عليها بعد مدة..
جا عندنا الطبيب يطمن علا منصف وسولناه واش يقدر يخرج ليوم وقالينا اكيد..فرحنا وخرجت علا برا وخليت معاه آدم يلبسو..
آدم:علا سلامتك اصاحبي..سمحلي انا لي دخلتك فهاد لحريرة..
منصف كيضحك:ههه تأدبتي و ضرافيتي خخخ..
آدم خنزر فيه:اوا ياله..حن فلي مايستاهلش المحنة..
منصف:هههه واش من نيتك شيماء دبا ولات بحال ختي..ومين صاحبي لعزيز كيبغيها اكيد غنعاونها الا قديت..دبا بيني وبينك تشوف بنت كتعجبني وقعلها هادشي ماتعاونهاش؟؟
آدم بسخرية:مووووحااال خخخ..
منصف ضربو لصدرو وبقاو يضحكو..
منصف:مي كليت دق..ماعرفت شكون دعى فيا ههه..
آدم:هههه شي وحدة من داك الحمقات لي تابعينك..
منصف:واش لي يعرفكم يبقاو يتبعوه شي بنات..كنقيل مغرب كل مرة فين ودبا نيت زيانيت وجهي زراق تا الا بغيت شي وحدة غتشوفني شمكار كنقيل نضارب هههه والله يامكم وماحيدو لي طراس تا نطراسيكم واحد واحد..
رحاب خرجات من عند الطبيبة كتشوف فالفوطو دالايكو وفرحانة نسات كاع همها..اصلا الامومة هي لحاجة لوحيدة لي كتصبر اي ام علا فراق حبيبها..الاطفال نعمة من عند الله كتجي تنور حياتنا وتفتح طريق جديد قدامنا كيخلينا نساو راسنا بعض الاحيان وهمومنا ونتشغلو بهموم ولادنا ونهتمو بيهم كثر من اي واحد ونتمناوهم عمرهم يقاسيو بحالنا ولا يدوقو العذاب لي شفنا..(لي عندو ميمتو الله يخليها ليه..ولي ماعندوش الله يرحمها..)
فقت مدوخة غسلت وجهي وصليت الله يسمح ليا..لبست كسوة طويلة مبردة صفر بارد وقاديت شعري كوتشوفال وصباط بلا بيض وميك اب قليل..
صونيت علا منصف..ماجاوبش..شوية صونيت علا سي ا زعما آدم خخخ..
رحاب بدات تعايش مع لجو الجديد..تقبلات الواقع وقررات تعيش لولدها وصافي..
خلا آدم منصف فالدار كيرتاح بعدما وصى عليه دادة لعاليا مشى لخدمة..كان كلو نشاط وحيوية يبدا يوم جديد وخياة جديدة كلها حب وامل..ماقدرش يحبس راسو وصافط مساج لشيماء"بونجوغ شيماء"..
كنت كنجمع طبلة دالفطور تا لقيت مساج من آدم ماعرفت علاش فرحت بزااف بسمت بلا مانحس تا شافتني ماما وسولاتني..
ماما:شكون صافطلك مساج..
انا:ا ا غي واحد صاحبتي فالعرض تعرفت عليها وصافطاتولي تصبك عليا..
آدم كان وصل بخدمتو غير شاف لمساج عطاه جرعة من الحماس..جاوبها"كيصبحتي؟؟مشيتي كويتي علا داك بوحمرون ولا بوخضرون؟؟هههه"..
غي وصلني لمساج شبعت ضحك بوحدي"ههههه الله يهديك..مالك قديم داكشي ديموضا دبا خخخ"..
آدم عجبو شاط معاها بقى يضحك فرحان..وكلما تصافط ليه يجاوبها..كان بحال كاع المراهقين لي كينساو اي حاجة غير باش يرضيو حب حياتهم..من اجمل اللحظات بالنسبة ليه هي هادي..حس بيها بدات ترتاح ليه وهو ماكرهش يعتارف ليها بحبو وتبقى معاه ديما..
اعتذرت منو حيت خصني نعاون ماما وحطيت تيلي..
آدم عاد بدا خدمتو وبدا يقلب علا كريمة لي فاش خرج لقاها مع حسام..غير شافتو فرحات ورتاحت..
كريمة:س سي آدم جيتي؟علا سلامتك..
آدم:علاش نتي هنا ومخلياني تماك غنحماق؟فين رحاب؟
كريمة:رحاب استقالت من هنا..وسي حسام طلب مني نرومبلاصيها علاما يلقى سكريتير جديدة..
كريمة:ياربي يسهل عليك اسي آدم ويعطيك لي تمنيتي ههه..
آدم:ناري ههه تالهاد الدرجة؟؟
دخل آدم عند خوه وبين ليه بلي محتاج كريمة..وحسام طلبو تبقى معاهم بجوج راه كيقلبولو علا سكرتيرة جديدة وقريب تجي..آدم تقبل لوضع وخرج قالها لكريمة..حاولات تصبر حيت دبا آدم معاها بعدا يطاكيها من الصداع مع حسام خخخخ...
ساليت شغال الدار جاو خوتي تغدينا..من بعد صونيت علا منصف اطمنت عليه وجمعت مع مالين دار حيت موحشاهم..
آدم تغدى مع خوه وحاس بيه مبدل:حسام مالك؟
حسام:لا والو..
آدم:حقى علاش مشات رحاب؟؟
حسام:وانا مالي..مشات بسلامة..
آدم:ههه مالك مقلق..غي سولتك..
حسام:صافي بدل عليا سيجي..كيدازت لفاكونص؟؟
آدم:واعرة ههه..
حسام:ايييه اوا بصحتك..
داز نهار نورمال..فاش رجعو الدراري لدار تلاقاو منصف وحسام كان مستغرب شنو واقع لمنصف مي مابغاوش يبينو حداه..
دازت مدة عادي كنت مرتاحو فالدار كنساين منصف يبرا ويجيوني عروض..
آدم كان مرة كيتفكر شيماء بابيل ولا مساج..حيت تسرحات ليه الطريق وبحالا كيولفها بيه باش فاش يقول شي حاجة ليها تقبلها وتكون ولفاتو وبغاتو..مي جاتو خدمة برا لمغرب واخة ماكانش باغي يسافر مي بزز منو يوطد الصفقات مع الخارج...
أخيرا عيطلي وقالي نتشاوفو فالشركة لي كنت خدامة فيها..استغربت فلول مي قاديت راسي ولبست سروال ثوب كحل وشوميز بلوغوا وصباط كحل مع صاك ديالو..طلقت شعري ومشيت عندهم..وصلت تماك لي شافوني استغربوني ماعرفتهم واش عقلو عليا ولا لا..طلعت لادارة نيشان وسكرتيرة رحبات بيا ودخلاتني..
حسام الايام طوالت عليه كيتمنى غير فوقاش يتسالا شهر ونص باش ترجعلو حريتو..ولكن ليوم كان فرحان اخيرا غيشوف شيماء حيت من زمان ماتلاقاو..
كان جالس مع منصف وكيساينو توصل..غي تحلات لباب دخلات قبالتو داخ..بقى يطلعها من لفوق لتحت بسم بلا مايحس..
شيماء:سلام..
حسام وقف:اهلا شيماء مرحبا بيك..
منصف:صباح لخير..
شيماء:سافا؟كيبقيتي؟؟
منصف:حمدلله ونتي..
شيماء:حمدلله ربي يخليك..
حسام:تفضلي تجلسي..تشربي شي حاجة؟؟
شيماء:شي كاس دالما..قولولي علاش عيطتو عليا؟؟
منصف:انا كنت غنتلاقاك ف كافي..مي سي حسام بغى نتلاقاو هنا..
حسام:نتشرفو بيك ديري اعلانات اثواب العامري واكيد ماغلقاوش حسن منك..
منصف:انا من ناحيتي قابل ولكن كيبقى رأيك اهم من اي حد..
شيماء:اكيد تا انا نتشرف نعرض أثوابكم..
حسام عجبو لحال بزاف وهاد لفكرة ياله جاتو لبارح وفكر يطبقها باش يتقرب من شيماء ويشوفها كثر..
منصف:اذن مبروك لينا جميييع...
شيماء:شكرا ليكم ونشاءلله نكون عند حسن ضنكم..
حسام:متأكد هادشي مافيهش الشك..
حسام عيط لموثق الشركة ودارو عقد قريتو ولقيت الاعلانات والفطوشوت غدوم اسبوع تقريبا والمبلغ 20مليون ..ناري فرحت بزااف بعدما تأكدت انا ومنصف بلي ماكاينش شي شرط يقدر يضرني..بالعكس انا تشرطت وبينت ليهم بلي مانقدرش ندير فوطو مخلة لآداب..وتا سي حسام تقبل مني وكان عاجبو لحال..استغربت من هاد التعامل لي تبدل طوطالمو..والحمدلله ربي فرجها عليا بعد ضيق كبير..
بدينا التحضيرات وكيقادولي الأثواب عليا وكنتصور بيهم..ومرات كيفصلو بيهم ملابس زوينة مختلفة وعلا عبارة عن شالات وكنقادهم عليا ونتصور..
آدم عيط لخوه وماقالو والو..لخدمة كانت كثيرة علا آدم ومن تما قرر يوطد علاقاتو كثر ويحاول يشارك فالملتقى العالمي لاثواب ومافخباروش بلي خوه لكبير خاطب بنت لمختاري غير باش يدخل ليه ويشارك فيه..آدم من طبعو جدي فالخدمة وساهل يتواصل مع الناس وكيعرف يقاد امورو المهنية..هادشي علاش فالعلاقات الخارجية كان ديما كيتدخل وتا خوه عارفو قدها حيت عاش مدو كبيرة علا برااا..
حسام استغل بعد خوه وحاول يدير لمستحيل باش يتقرب من شيماء حيت ماكيرضاش حدا خوه يبان كيتقرب من شي وحدة..اما منصف كان باغي يتواصل مع آدم مي لوقت مبلوكي كلو خدمة وتا آدم قليل فاش كيسالي..واصلا كان متوقع بلي حسام قال كلشي لآدم وفخبارو حيت ديما حسام كان كيهضر بصفة الجماعة بحالا تا آدم عندو دخل فهاد لخدمة..
داز الاسبوع واخيرا سالينا..سي حسام كان كيعاملني مزيان وديما كيسولني واش مرتاحة فلخدمة..وانا كنت فقمة لفرحة وفكرت نرحلو غي نسالي خدمتي ونسكنو فحي زوين ونديرو علاياش نوليو..كان يسحابلي غير يسالي الاسبوع غنتهنى ولكن سي حسام قالك غيدير حفلة وانا غنحضر فيها كضيفة رئيسية ويعرف بالاثواب عن طريقي..
عجبني لحال تا هكا غيزيدو لعروض..مالي شنو غنخسر ههه..
حسام لبس كوستيم كحل كيلمع مع كرافاط نفس اللون وقاد راسو مزيان وهو ناشط..خرج ومشى لشركة لي كانت مرونة بالتحضيرات علا أعلى مستوى..
وجدت راسي ولبست قفطان عطاوه ليا فالشركة ثوب موبرا فالكحل ومضمة رقيقة فالاغجونطي مع اكسسوارات خفاف وشعري جنب جمعتو وجنب خليتو هابط..ميك اب زوين قاديتو لراسي.شرطة خفيفة وفاغابوبييغ غري مع عكار حمر..
هبطت عند منصف ومشينا..غير دخلت الاستقبال والتعامل كان واعر..
حسام عرض علا كاع الناس لمعروفين منهم هبة..بدات الحفلة وحسام غيطير بالفرحة طلق لي افيش والاعلانات والتصاور كلشي صفق..
آدم وصل لدار ناشط وغير شافتو لعاليا فرحات بيه ومين سول علا حسام..قالتلو بلي كاينة حفلة فالشركة..استغرب حيت مافخباروش وخوه ماموالفاش ليه..صونا عليه وحسام ماسمعش تيلي...طلع بدل ولبس كوستيم بلوغوا مع شوميز بيضة بلا كرافاط..ومشى باتجاه الشركة..
انا طلعت عند سي حسام لمنصة بعدما نادى عليا بسمت لكاع الناس وقلت كلمة خفيفة"انا فرحانة حيت معاكم..كان ليا الشرف نخدم مع شركة كبيرة بحال شركة العامري.واكيد مع سي حسام..كنشكر اي واحد ساعد فهاد الاعلانات..ونتمنى نكون ضيفة خفيفة علا قلبكم..امسية سعيدة"..
صفقو الناس وسي حسام شدلي يدي هبطت معاه..
لبنات كلشي حاسدها فين وصلات..
آدم كان وصل..دخل شاف كلشي حس بالحكرة علاش خوه دار هكا بلا خبارو؟وشنو سبب اهتمامو الزايد ب شيماء..وعلاش هادوك الشوفات فبعضياتهم؟تقصح فقلبو وبقى واقف ماعارف مايدير..
لبنت 1:شوفي ياختي شي عطاتو و شي والو..
لبنت 2:تانتي الله يهديك بحالا ماعارفاهاش شنو كانت كتسوى من قبل..ياك كانت غير فالميناج دالشركة ومن بعد كارصونة..ودبا ماعرفناها اصلا كيدارت وصلات لهنا(غمزاتها)هادشي كامل غير هكاك زعما؟؟
هبة سمعات لحوار تصدمات ودارت ضحكة شريرة..
بقيت واقفة مع سي حسام..
حسام:جيتي زوينة بزااف..
شيماء بحشمة:ربي يخليك..
حسام:كنشكرك علا لي فوطو طلعو زوينين واكيد غيعاونونا فالحملة الاعلانية..
وفداك اللحظة سمعنا شي حد طلع لمنصة وكيهضر فالميكرفون..
هبة:بونصواغ..ليوم جيت نعاود ليكم قصة كفاح تا انا ياله عرفتها..(كلشي كيسمع بتركيز)قصة بنت دفعاتها الظروف تخدم علا عائلتها..والوقت جابتها لهاد الشركة تخدم فالميناح...
انا غير قالت لميناج عرفتها كتهضر عليا..تصدمت حيت من هضرتها حسيت بالانتصار وهي كتشوف فيا بمعنى غنفرشك..
آدم حل عينيه وتم زايد يحبسها..وحسام ماعرف مايدير..
هبة شافت آدم جاي كملات بزربة:ومن بعد كملات كوم كاغصو..ودبا ضحكات ليها الضروف و ولات اشهر عارضة فوقتنا..
حسام غوت:شي حد يحبس هادي..
انا غير كنشوف وساكتة..
هبة آدم طلع قدامها غيحيد ليها لميكرو وهي تهرب وتغوت وكتقاتل كيف لحمقة وتغوت واخة كيحاول يحيدولها تا كان علاين يضربها:هاد لبنت هي شيماء..آه هي صفقو ليهااااا...
قطعو الدراري وآدم دماغو تالف باغي شيماء مي خايف تكون هي باغية حسام.حيت هادشي غيدمرو وماغيقدرش يصبر ..
طلعت لدار بدلت حوايجي ولقيت خوتي نعسو..وماما مسكينة متكية وكتسايني بست ليها يديها وتخشيت حداها.. ماما:بنتي كيدازت لحفلة؟؟ جاوبتها بعد تفكير:مزيان حمدلله.. ماما:مالك ابنتي؟قوليلي.. انا:والو(خفت نقولها تمشي تقلق وماما صحتها علا قد لحال)كنفكر غير فالرحيل..ماقالكم السمسار والو..ماكاين شاري؟؟ ماما:مازال ابنتي..نطلبو خير..راك عارفة حومتنا علا قد الحال صعيب يجي شي حد يشري فيها.. انا:دبا تباع تا نتي..تلقاي تلقاي شي حد علا قد حالو يقبل يعيش هنا ويتستر باش ماكتب الله.. ماما:اجي احبيبتي نعسو وكلشي نشاءلله غيتقاد.. عنقتها فرحانة..اصلا فاش كنتخشى فحضنها كنحمدلله لي مازالة معايا.. غمضنا عينينا ونعسنا.. اصبحنا واصبح الملك لله.. فاق آدم دوش ولبس وهبط يفطر تلاقا خوه فالكولوار.. آدم:صباح لخير.. حسام:صباح نور خويا.. آدم شافو هابط بزربة:خويا مالك مزروب ماغتفطرش هنا؟؟ حسام:لا عندي شي شغال.. آدم:ياك لاباس؟؟ حسام:والو والو..نقدر نتعطل شوية علا لخدمة اوك..نتشاوفو بلاتي.. آدم:اوك صافي.. خرج حسام وآدم بقى كيفكر وحاس بشي حاجة مامريحاهش.. فقت انا وماما كنا عوالين نفطرو وغي يمشيو خوتي لمدرسة نمشيو نقلبو علا ديور..ومنصف الله يكثر خيرو كان موصيني نعيط ليه فاش نعولو باش يقلب معانا حيت هو عندو خبرة فهادشي ومنها نختارو دار مناسبة لينا وفحي زوين.. لبسنا وخرجنا لقيناه كيساينا ركبنا معاه وانطلقنا نكتاشفو اثمنة الديور.. حسام وصل لكافي راقية دخل بكل ثقة وهو يشوف لمختاري قبالتو.. زاد حسام بكل ثقة ومد يديه.. حسام:سي لمختاري..صباح لخير.. لمختاري:اهلا سي حسام..لاباس؟؟ حسام جلس وحل بوطون لفيست:حمدلله ونتا مزيان؟؟ لمختاري:لاباس..امدرا؟قلتي نتشاوفو..كاين مانقضيو؟؟ حسام:اممم ليوم جيت باش نقولك هضرة مهمة بزااف.. لمختاري الله يسمعنا خبار لخير... حسام بعد تركيز:اممم قررت نلغي اتفاقنا.. لمختاري تصدم:ك كفاش؟مافهمتش.. حسام:ساهلة.وباينة..لاتفاق لي بيناتنا غيتلغى.. لمختاري:و ولكن مايمكنش ا سي حسام..زايدون مابقى والو تقريبا شهر..علاش ماتصبروش؟؟ حسام:استجدات ظروف جديدة ومانقدرش نبقى مستمر فهادشي.. لمختاري:لا ماديرش هكا اولدي..راه هاد الحركة تقدر تدمرني فمرة..فكر مزيان وشوف دير لي بغيتي ماغاديش نمنعك مي هادشي كنترجاك ماديروش بعد اسبوعين غتبدا الحملة الانتخابية والا وقعات شي حاجة بحال هكا.غدير شوشرة بزااف وحنا فغنى عنها...
حسام:ولكن الظروف تبدلات و... لمختاري:كاينة شي وحدة فحياتك؟؟ حسام خنزر فيه:هادشي ماشي موضوعنا دبا.. لمختاري:شوف راه هاديك حياتك ونتا حر فيها..مي ماشي علا حساب شي حاجة استجدات تخرج عليا..اصلا واخة تكون معاك صبر من هنا شهر ولا كاع اعتارف ليها..واكيد غتصبر معاك الا كانت كتبغيك..حيت ماخصهاش ضرك.. حسام حك صبعانو علا جبهتو وشاف بعيد.. لمختاري:راه والله تا انا كنجري ونجاري باش تا نتوما تستافدو مني ونقدر نعاونكم توصلو لداك الملتقى العالمي..وكيف عارف عندي دافع حدا الناس باش ندخلكم فالصورة مادمتي نسيبي زعما فهمتي؟؟ حسام زرب عليه:اوك اوك..لمهم نحاول نصبر هاد الفترة وغير يتسالاو الانتخابات نعرف بلي تقبلنا فالملتقى..تفاهمنا؟؟ لمختاري:انشاءلله.. ناض حسام بعدما شرب قهوتو ومعصب من راسو حيت دخل فهاد الاتفاق..مشى لخدمتو وهو حاير وكيحاول يلقى الحل.. آدم كان خدام وماحاولش يفكر شنو يقدر يكون كيدير حسام باش مايمرضش فصحتو..اللهم يتكونصونطرا فالخدمة لي كتنسيه اي حاجة.. وصلنا لاقامات زوينين..كندخلو ونشوفو..كان طلبي هو يكونو فيها 3بيوت واحد لماما و واحد ليا ولختي و واحد لخويا..وشي صالون مقاد..قلبنا بزااف والعقار غالي..انا تحت يدي ياله 28مليون ودارنا مازال ماتباعت.. لقينا أثمنة مختلفة والاغلبية ربعين مليون ولا كثر..لحد الساعة مالقيناش دار لي رتاحو فيها.. قلبنا تا عيينا ووالو..رجعنا منصف لدار ومشى بعدما اكد لينا ان التقلاب علا الدار ماغيكونش ساهل فلول.. دزنا جبنا خوتي من المدرسة ومشينا كلينا برا وضحكنا شوية وبدلنا جو عاد رجعنا لدار.. رحاب بدات تقلب علا خدمة حيت ماكتقدرش تجلس..واصلا لفلوس لي عندها اكيد ماغتكفيهاش الا بقات تصرف منها وتبغي توجد لولدها قبل مايجي..دونك خصها مصدر جديد يعاونها..قلبات فشركات مبتدئة مي لي بوسط جاوها عيانين..هي ولفات بالخدمة مزيانة فالشركات المهمة.. سالا النهار وكل واحد مشى لدارو تعشاو وحطو راسهم.. آدم كيفكر غير ف شيماء علا امل انها تكون باغياه هو..وشيماء كانت حاسة براسها محتاجة تلقى الدار وتخدم كثر باش تزيد لقدام..حسام كان كيستف وراقو ويحاول يدرس تصرفاتو لي اول مرة فحياتو كيلقاها غلط..رحاب تكات كتقيس كرشها وتبسم وهي كتخيل بلي غيجي يوم وغتولد روح جديدة تخليها تعشق الحياة وتبدل نظرتها ليها.حيت غتنسيها همها..
فاقو الابطال ديالنا كل واحد فين شادها... آدم كان كيتكسل جات فبالو شيماء وهو يهز تيلي صافط ليها مساج"اول مافقت جيتي فبالي قلت نصبح عليك..صباح النور".. غي سمعت صوت مساج ففطقت وهزيت تيلي فتحتو لقيتو من آدم..ماعرفت علاش مين لقيتو هو عجبني لحال..بسمت بوحدي وجاوبتو"صباح النور..صافا؟؟"..ماعرفت مي حسيت بحالا كنفتح معاه حوار..حشمت مي فالتالي قلت عادي.. آدم شاف جواب بسم"حمدلله ونتي؟؟" شيماء"حمدلله ميغسي"..كنت باغية نزيد شي حاجة باش مانقطعش لحوار حشومة.. آدم شاف لمساج بسم وحط تيلي..دوش ولبس حوايجو وهبط يفطر.. شيماء بقات تساين جواب مي مين ماجاش ناضت تغسل وجهها وتصلي.. آدم لقى حسام كيفطر بسملو وجلس..غي سالاو مشاو لخدمة.. رحاب فطرات ومشات تقلب علا خدمة..اما منصف نشى عند شيماء وهاد لمرة جايب عرض جديد.. غي عيطلي قلتلو يجي يفطر معانا وفاش كلينا جبد سيجي.. منصف:جاك عرض تمثيل.. انا حليت عيني فيه وماما استغربات:تمثيل؟؟ منصف:ماتستغربوش..لفن ولا عامر غير بعارضات الازياء وملكات الجمال..دونك عادي يجيك بحال هاد العرض.. انا:لا مابغيتش.. منصف:متأكدة؟؟ انا:آه..اصلا هاد الدومين لي انا فيه وماكانش اختياري..فير تفرض عليا وانا فداك الظروف..والتمثيل اكيد لا.. منصف:ونتي اخالتي نفس القرار عندك؟؟ ماما:بنتي عندها لحق..ماكايش لاش من التمثيل.. منصف بسم:اوك لي بغيتو..انا غير جيت نخبركم..واخة تا انا مامقتانعش بهاد النقلة من العروض لتمثيل.. انا:وعرض الازياء ماطلبني حد؟. منصف:كاين شي مناوشات ومازال كنحاول نتأكد منهم..نشاءلله خير..وماحدهم طالبينك غادي نستغلو هاد الفرصة... داز الصبح منصف مشى بحالو تا صونا عليا السمسار وقالي كاين شاري لدار..ناري شحال فرحت وقلتلو يجيب ناس يشوفو الدار ونتفاهمو.. حسام بقى خدام فالمكتب ديالو تا جات علا بالو شيماء..جبد الضوسي ديال مشاركتها وبدا يتفرج فالصور ويقرا معلومات عليها تا تفاجئ بلي عيد ميلادها بعد يوماين..فرح وعجبو لحال حس بلي هادي هي الفرصة ديالو.. رحاب لقات خدمة ديباني راسها تا تلقا ماحسن.. جاو عندنا الناس حاولنا نتفاهمو معاهم..وجابت لينا الدار 15مليون..قلت فيها خير اللهم نتهناو..وافقت انا وماما..وطلبنا مهلة شهر باش نشوفو دار لينا ونرحلو..حمدلله كلشي كيسرو لينا الله.. جاو خوتي لي تقريبا شدو العطلة وقررنا نبداو نجمعو حوايجنا غير لمهم حيت ناوية نأثث دارنا من جديد.. الصبح بحال لعادة جا منصف لي كان بحث وسول صحابو ومشينا ديريكت لداك الديور..قلبنا تا طابو رجلينا ومن بعد لقينا دار نقية ماكبيراش بزاف وفروجية كان ثمنها علا قد جيبنا..حاولنا نتافقو معاهم علا كلشي وعولنا ناخدوها.. نهارنا كان طويل وفاش رجعت لدار تفاجئت باتصال من سي حسام..
شيماء:ألو سي حسام.. حسام:اهلا شيماء..صافا؟؟ شيماء:بيخير حمدلله.. حسام:بغيت نطلب منك طلب.. شيماء:اهاه اكيد..شنو؟؟ حسام:بغيت نتلاقاو غدا.. شيماء:غدا..علاش؟؟ حسام:ماتخافيش..ماشي شي حاجة قبيحة.. شيماء:معاياش؟؟ حسام:مع 7 دليل..ودبا نجي موراك نديك.. شيماء:اوك صافي.. بقيت نخمم ونفكر شنو باغي سي حسام باش طلب نتلاقاو..مهم غدا نفهمو... جمعنا تا عيينا ونعسنا.. الصبح علا نفس المنوال حمدلله تا خوتي ساللو قرايتهم وكيعاونونا..بقينا نجمعو تا قرب وقت موعدي مع سي حسام.. منصف مشى عند آدم لخدمة بقاو يتهاودو تا قالو علا قصة التمثيل ورفض شيماء ليها.فرح وعجبو لحال.. حاولت نوجد راسي عادي..لبست سروال ثوب بيض قصير مع شوميز خفيفة فلحمر..طلقت شعري وميكاب خفيف..غي صونا عليا خرجت.. لقيتو واقف حدا طوموبيلتو بسمت ليه..سلم عليا ومشينا.. دخلنا لمطعم راقي جلست بعدما قادلي لكرسي.. طلبنا ماناكلو وهضرتنا كانت عادية..شوية تا جابولي كيكة ميلاد تفاجئت.. حسام ضحك:هابي بيرداي ههه.. شيماء:اووو شكرا بزااف.. حسام:تستاهلي كثر.. قطعنا لحلوة وانا تالفة ماعارفة شنو واقع..غي سالينا لماكلة شكرتو وهو جبد علبة حمرا من جيبو حليت عيني فيه.. حسام:شيماء انا نتشرف نطلب يديك لزواج..وعيد ميلادك كان مناسب ليا وسهل عليا لفرصة..تقبلي؟؟ تلفت بقيت كنشوف فيه شحال:مي نتا خاطب!! حسام:تقريبا فسخنا..غي حيت باباها عندو انتخابات ورفض نعلنو دبا الخبر..طلب مني نصبرة تايسالي واخة انا مابقيتش قادر مانقولك والو..من نهار تعرفت عليك مزيان وقرباتنا الظروف حسيت براسي محتاجك فحياتي وهادشي علاش تقدمت ليك دبا..وغير يدوز شهر نجي نخطبك من عند ماماك.. بقيت ندورها فدماغي..سبحان الله كون كان طلبهت مني قبل 3شهور تقريبا.كون راه وافقت بلا تفكير..مي دبا خصني نفكر مزيان.علاش مافرحتش وماحسيتش بقلبي كيضرب بالجهد مافهمتش.. حسام:مهم فكري..وخودي راحتك..ماتجاوبيش دبا.. شيماء:ا انااا... حسام:شووتتت خليك علا خاطرك..ومنها تا يجي لوقت لي نجي نخطبك من داركم وتكوني ليل حدا كلشي واخة.. زرب عليا..حنيت راسي وسكت.. حسام:عييتي واش بغيتي نمشيو؟ شيماء:آه الا جات علا خاطرك.. نضنا وركبت معاه..وصلني و ودعتو..دخلت لدار ماعارفة راسي من رجلي تلفت الصراحة..سولاتني ماما مالي..بينت بلي عادي ومابغيتش نشغل بالها من دبا.. حسام رجع لدار فرحان تلاقا آدم فالصالون وهو كيصفر.. آدم:يا عيني هههه ناشط مع راسك.. حسام:هههه وبزاااف.. آدم:هههه اوا فرحنا معاك.. حسام:جلس نقولك.. آدم:هاحنا جلسنا ياله هضر.. حسام بعد ابتسامة خطيرة دارها وهو كيفكر ويشوف بعيد ورجع شاف ف خوه:ليوم طلبت الزواج من شيماء..
آدم تصدم بقى كيبلع ريقو وتفاحة آدم كتهز..بقى يفكر ويشوف فالارض تا علا عينيه مبتسم.. آدم:وباش جاوباتك؟؟ حسام:تقريبا وافقات..هههه قالتلي غتساين تا تحل مشكلتي مع بسمة وعاد نتفاهمو.. آدم عرف بلي شيماء ختارت خوه تهدن وسولو ونار شاعلة فقلبو وساكت:علاش شنو هي لمشكلة ديالك مع بسمة؟؟ حسام:ماتفاهمناش..وباها مابغانيش نتفارق معاها تا يساليو الانتخابات.. آدم:اممم..(بحسرة)مبروك ليك خويا..فرحتلك الله يكمل عليكم بالخير.. حسام بفرحة:آمييين ا خويا الله يخليك ليا ويفرحني بيك نشاءلله.. آدم باستهزاء:أنا؟؟هههه لا غي نسى..خوك ماشي ديال الزواج.. حسام:لااا مين غتلاقا لبنت لي تبغيها غادي تبدل طوطالمو..غتفكر فالمعقول بلا تردد من خوفك انك تفقدها.. آدم بسم:ياله نخليك دبا.. حسام:غتنعس دبا؟؟ آدم:لا خارج مع منصف نقصرو شوية.. حسام:عاوتاني!! آدم:علا لي فيه شي عادة كيبدلها خخخ.. طلع آدم وملامحو تبدلو..حس بالحكرة مي شكون غريمو؟خوه لي كيبغيه كثر من نفسو..علاش هكا؟عمرو بغى ومين بغى وقع فيه هادشي.. لبس تيشورط كحل وسروال تا هو وحرك طوموبيلتو تا دارت صوت مجهد بقوة السرعة..كان ماشي وهو فبالو داك لهضرة لي قالو خوه..زير علا لفولون وبقى غادي تا وصل لدار منصف صونا عليه وخسر عليه كلمة وحدة.. آدم:هبط.. منصف:اوك.. ناض طل من السرجم بان لبه لتحت..حس بيه مبدل لبس عليه دغيا وهبط عندو وساق بلا مايقول تا كلمة.. آدم الطريق كلها وهو ساكت وتا منصف ماحاولش معاه..تا وصلو لبار كيقصرو فيه.. خرج آدم وزدح لباب تا كانت غطير..منصف خرج موراه ودخلو بعدما رمى آدم سوارت الطوموبيل ليد الكارد ودخل محمر.. مشى نيشان علا لكونطوار ومنصف جلس حداه غي كيشوف.. آدم شير لكارصون:كاس ديال ديما.. منصف:شي عصير..(منصف مابغاش يشرب حيت عرف بلي هو لي غيرجع سايق وآدم غيرونها مزيان) آدم كيخنزر قدامو وساكت.. منصف عيى يصبر وسولو:آدم.. آدم:اممم.. منصف:شنو واقع؟؟ آدم:آش واقع؟؟ منصف:تهضر ولا نمشي بحالي!! آدم خنزر فيه:سير.. منصف:ايييه..والله لا كانت ليك هههه.. آدم كيهضر كارز علا سنانو:أصلا عمرها ماغتكون ليا.. منصف تبدلو ملامحو:شكون؟؟ آدم:هه حسام خطب شيماء وهي وافقات.. منصف حل عينيه مصدوم:ل لا مايمكنش.. آدم كيشوف قلبالوو وهز كاسو شربو فدقة واخة مر مي ماحسش بالمرارة كثر ملي فقلبو.. منصف:هو لي قالهالك.. آدم هز راسو.. منصف:مافهمتش..والله شي حاجة ماشي هي هاديك.. آدم:شنو لي ماشي هو هاداك..لبنت خطبها واحد بحال خويا حسام اكيد ماغترفضوش.. منصف:لا سمحلي شيماء ماشي هكاك..الا كانت قبلات بيه غتكون باغ ياه وسمحلي..(قالها وندم) آدم:ماكيهمش..لمهم هما بغاو بعضياتهم الله يسهل عليهم.. منصف شدو من كتفو:علاش ماهضرتيش معاها قبل؟؟ آدم بسم جنب:حمدلله لي ماهضرتش كون تشوهت بحال لول.. منصف:وماعرفتي!! آدم:صافي صافي هي ختاراتو ويمكن حسن ليها.وانا غنشوف حياتي..(دار كيشوف فلبنات) منصف معصب:صافي الا ماكانش منها ترجع لهاد لوسخ!! آدم ساكت.. منصف:ماغنخليكش..نوض معايا.. آدم:شنو هاد الهداية لي نزلات عليك؟؟ منصف:نقولك وماضحكش عليا؟!! آدم:قول نيت بغيت نضحك.. منصف:هههه بازز..مهم حاس براسي بديت نحب.. آدم شاف فيه وزير عينيه:نتا؟شكون هادي؟؟ منصف:لمشكلة صغيرة عليا.. آدم:واهضر ولا نهرس لمك وجهك.. منصف:ي يسرا ..يسرا خت شيماء.. آدم استغرب:ختها علا علمي صغيرة؟؟ منصف:غتكمل 16عام الشهر الجاي.. آدم:هههههه لمك ونتا 27عام فايتها ب 11عام.. منصف:عادي غير دير 18 نتزوجها مالك مافيها عيب.. آدم ضحك:اهاه الله يكمل بالخير..نتمنالك غير السعادة والهناء.. منصف:ههه آمييين.. آدم:بينتيلها شوية؟؟ منصف:شوية.مي ماكنعيقش كنحس بيها كتحشم مني وفاش كتشوفني كتزنك..اصلا قليل فاش كنالاقاها..كتكون فالمدرسة الاغلبية..لمهم مين بديت نهتم بيها كرهت هادشي كامل..ولا يبان ليا غير وسخ..وماغنخليش ازمتك تخليك ترجع لهاد الزمر لي كنا عايشين فيه..حيت مامنو فايدة..
تكيت فبلاصتي بلا تا كلمة وهزيت تيلي تا لقيت راسي كنشوف فالميساجات ودخلت لديال آدم..بديت نقراهم ونضحك..ناري زعما آدم غيكون لوسي..مافهمتش شنو هاد التخربيق..اوفف ياريت كون ماطلبش حسام مني الزواج حاسا براسي مخربقة..حطيت تيلي وحاولت نعس.. رحاب كانت كتقرا قصة فلبالكون تا حسات بقلبها تزير وفلحظة هبطات دمعة من عينيها فاش وصلات لواحد الحدث فالقصة..يمكن كون كانت مرتاحة ماتبكيش وغيجيها عادي مي هاد ليلة مزيرة وماشي صافا..شافت فتيلي ودخلات لريبيرطوار..واخة بدلات النمرة مازال رقم حسام عندها..وفلحظة ضعف بلا ماتحس دارت بخيفي وصونات عليه(لفعلة لي كيديروها كاع لبنات خوفا علا كرامتهم ههههه)..صونا تيلي بزاف تا سمعات صوتو لي توحشاتو.. حسام:ألوووو..(رحاب كتصنت وشادة فمها ودموعها هابطين)ألووو شكون معايا؟؟..ماغتجاوبوش..اوك بلاش..تييييط تيييط تييط.. حطات رحاب تيلي وبدات تبكي وتشهق:ااااهئئئ...اههئئ..كانت لحظة صعيبة عليها..آه صعيب تكوني قريبة لشي حد كتبغيه وفلحظة يتحرم عليك تا تهضري معاه وتسمعي صوتو وتسمعيه صوتك تفوووو علا دنيا كيدايرة.. دخلات ختها دنيا لقاتها فداك الحالة.. دنيا:حبيبة رحاب مالك؟؟ رحاب:اهئ اهئ.. دنيا:ياك لاباس قوليلي خلعتيني... رحاب:ص صونيت عليه..اهئ اهئ توحشتو بزاااف.. دنيا تصدمات:شنو قالك باش كتبكي؟؟ رحاب:ماقديتش نهضر..اهئ فاش سمعت صوتو قلبي كان غيسكت..علاش كيوقعلي هكا اختي علاش؟علاش انا ضعيفة قدامو لها. الدرجة؟علاش ماقاداش نكرهو ولا نساه؟ولش مامحقيش نكون سعيدة بحال كاع الناس؟؟قوليلي انا قبيحة تالهاد الدرجة باش مانستاهلش السعادة؟.اهئ اهئ.. دنيا عنقاتها كتبكي معاها:لا اختي اهئ ربي مازال يعوضك نشاءلله ويفرجها عليك..خلي ايمانك قوي واخة..هادشي كيوقع..تا انا فاش مات راجلي ضنيت الدنيا ظلامت و وقفات مي كلشي فلول ديالو صعيب..هانتي غتشوفي فاش يجي ولدك شنو غيدير فحياتك..ههه ماغيبقاش عندك وقت تفكري فيها..ثيقي بيا..ياله نوضي غسلي وجهك وريحي راسك باش تالي فكرشك مايتضرش واخة؟؟ رحاب هزات راسها بالايجاب ودخلات.. دنيا بقات تخمم لختها وبلي المتاعب مازال تجي وتحس بيها..غي كتحاول تهون عليها المواقف و صافي...
دازت فترة وحنا كنجمعو باش نرحلو وبدينا نديو لباكاج لدارنا الجديدة..كنا فرحانين بزاف غنبداو من جديد نشاءلله.. آدم فهاد الفترة ولا يتلاقا بنرمين مي ماكيطولش معاها غي كيسهرو مرة مرة..اما حسام كيساين لفترة تسالي..وهاهي الحملة بدات دونك بقالو تقريبا اسبوعين ويرتاح.. منصف كيعاونهم وكتجيه علا قلبو يسرا كتكون كاينة..كيحاول يبين ليها وهي كتحشم وكتحس بيه مي كتخاف تكون غي كتخيل..وهو بقوة لي دوز فحياتو بزاف دلبنات طلعلو داك المصاحبة والعلاقات فراسو..دبا باغي يدير دارو ويعيش معاها فالحلال.. حمدلله تقادات الدار وحاولنا نأثتوها بفراش عصري خفيف علا قد جيبي ههه..قررنا نديرو صدقة نعرضو علا الناس لي كنعرفو وعاونونا..عرضت علا خدوج هي لولا وجارة خرا ومنصف وآدم وحسام..قلنا نتجمعو مع بعضياتنا ونديرو طلبة باش نبينو لناس بلي سكنا جديد..وكان اكيد خصني نعيط لكلشي ونعرض عليهم مزيان.. آدم غير شاف شيماء كتصوني عليه.بقى تالف شحال وعاد فتح لخط.. آدم:ألوو.. أنا:ألو صافا؟؟ آدم:حمدلله ونتي!! أنا:حمدلله ربي يخليك..مهم انا عيطت عليك باش نعرض عليك ل صداقة دايرينها علا قبل الدار الجديدة..مرحبا بيك غدا فليل مع 8... آدم فكر شوية:سمحيلي ماغنقدرش نجي.. شيماء تزيرات:ع علاش؟؟ آدم:مشغول شوية.. شيماء:مهم حاول تجي وصافي..الا قديتي تجي غنكون فرحانة..ياله خليتلك الراحة.. آدم:نشاءلله بسلامة..تيييط تييط.. آدم قطع وهو كيفكر..جاتو حشومة يرفض عراضتها... نفس شي دارت مع حسام لي كان حاسبها خطيبتو صافي هههه..ومنصف لي كان متوقع.. جات ليلة..قادينا لماكلة ولبسنا قفيطنات خفاف..انا لبستو فالشيبي بارد..وختي فاللوينات وماما لبسات عباية بلونكاسي.. جاو الناس واستقبلناهم..منصف موراه حسام..تسالمنا كاملين ودخلنا..بقيت نساين يبان آدم..زعما علاش كنساينو يجي بففف دبر راسو..جا هو هاداك ماجاش شغلو هاداك انا درت لي عليا.. دخلو الطلبة دايرين شغالهم..وحنا كنقادو لحلوة واتاي علاما يساليو ونحطو لعشاء.. شوية وحنا فالكوزينة حدا لباب تا كيبان ليا شي حد بغى يدخل..طليت لقيتو آدم..جاي وجايب فيديه لورد..عيطت علا ماما وبسمت فوجهو بلا مانحس.. ماما:مرحبا بيك اولدي.. آدم:الله يبارك فيك.. أنا:علاش كلفتي راسك(بغيت ناخد لبوكي وهو يمدو لماما فرشني احسن فرشة)هدا ليك اخالتي..تفضلي.. بقيت كنشوف فيه وبسمت لماما لي فرحات وعجبها لحال..خداتو منو.. ماما:ربي يخليك اولدي شكرا..دخل مرحبا بيك.. دخل آدم وسلم علا كلشي.. حسام شافو استغرب:اممم قلتي ماغاتجيش.. آدم:غي مابغيتش نحشمها قلت نجي.. حسام:مزيان.. منصف بسم ليه وعجيو لحال..شوية شاف لجيهة لكولوار بانت ليه يسرا ضحك ليها وبقى متبعها بعينيه وهي غي شافتو بسمات وتخبعات.. سالاو الطلبة وحطينا ليهم لعشا..كنا فجو زوين وكلما كنت كندوز كنرحب بيهم وعيني علا آدم لي مين جا وهو ساكت ومتبت..
تعشاو وناضو يمشيو وقفنا تودعوهم.. حسام:خلينا ليكم الراحة..تصبحو علا خير.. ماما:شكرا ولدي مرحبا.. منصف حاط عينيه علا يسرا وتالف..آدم شافو بسم.. وزاد باس لماما راسها:شكرا خالتي تصبحو علا خير.. بسمت ليه دور وجهو مني وبسم لماما تبدلو ملامحي..حسيت بشي حاجة فشكل.. مشاو دخلنا كلينا حنا ونشاو جاراتنا لديورهم .بدلنا حيت عيينا وجمعنا الدار مزيان..بالي كلو مع داك الشوفة لي دار فيا.. ماما:تباركلله داك آدم شحال كيدخل لخاطر..غزال وصوابي.. يسرا:آه والله ماتقولي غي عارض ازياء تباركلله فنيون.. ماما ضحكات:اما نتي فليتيه ههه.. يسرا حشمات:وراه كانو غي 3.. انا:كلهم ضريفين الصراحة.. ماما:امم ولكن حسام بحالا شوية فشكل.. انا:كفاش فشكل؟؟ ماما:مزموت وراسو فالسما..واخة باينة ضريف مي كيغطي علا ضرافتو بافعالو..منصف مطلوق وغزال وآدم كيدخل لقلب بزربة..واخة تالدبا ماعرفت فين شفتو قبل.. بقيت مستغربة ماما..حيت هي فسرات حاجة كنت حاسة بيها وماعرفتش نفسرها.. تكيت فبلاصتي كنفكر فداكشي لي دار معايا مافهمتش مالو.. آدم رجع لدار حاول ينعس و والو..قرر قرار جديد وغيحاول يطبقو عما قريب.. بقيت نفكر فطريقة تخليني نعرف شنو كاين..تا تذكرت منصف كان قالي نادي لي كيطرينيو فيه كاملين نهار لحد..صافي نمشي نتاسب فيه ونشوف واش نتلاقاه.. نهار لحد لبست كيطمة عليا صيفية بلوماغين فيها شريطات بويض اديداس..وصبادري بيضة..جمعت شعري كوتشوفال ودرت كاسكيط مع نظاظر رايبن.. مشيت لنادي ودخلت كنشوف فيه عجبني بزاف..سولت علا كونديشيو فيزيك..ودخلت لقيتها مخلطة دراري وبنات.. بقيت كلعب فوق طابي غولون وعيني كيقلبو فنفس لوقت.. تا كيبان ليا واحد كيشبهلو بقيت نحقق مزيان تا تأكدت بلي هو..ساينتو تا بدا يلعب فبلاصة وحبست لاماشين ومشيت تا سبقاتني بنت لصقات فيه..تخبعت منو وبقيت حاضياها وهي كتبحلس عليه وتبين بلي باغياه يعلمها شي حاجة وفلحظة هز معاها وهي غتسخف..ضحك من قلبو عليها وانا مارضيتش..زيرت علا يدي ورجعت فين كنت..جبدت لكيت وتيليفون وبديت نمشي شوية بشوية كنزيد فالوتيرة ومعصبة.. لعبت ولعبت تا حسيت براسي عييت حبستها عاوتاني شوية بشوية..تا وقفات..مشيت جلست فبلاصة مريحة وجبدت عصير هبطت عليه وانا عرقانة..شوية شفت لجيهتو.. آدم دار علا غفلة وهو يشوفها دار ولا عاد رجع شاف فيها حيت ماتوقعهاش هي..فاش ركز فيها دورات وجهها منو بحالا غضبانة ولا شنو..حبس لعب ومشى عندها..كان لابس صوفيطما واسعة فالبيض مع سروال كحل.وصبادري بيضة.. كنت جالسة تا وقفلي عند راسي.. آدم:شيماء!صباح لخير.. شيماء عاقدة حجبانها:صباح لخير.. آدم:مايسحابليش كتجي لهنا تلعبي.. شيماء:اول مرة جيت هنا.. آدم:امم مزيان..حيت عمري شفتك هنا.وتا دبا مانتابهتش تا دورت وجهي علاغفلة.. شيماء:لا انا شلتك قبايلا مي كنتي مشغول..(شفت لجيهة لبنت لي حداه) آدم:اممم لا غي احتاجت شي حاجة وجات سولاتني تة نتي كون جيتي.. شيماء:ماكاين لاش..انا ماحتاجيت تا مساعدة..يالع نخليك دبا.. ناضت حداه حسها مقلقة شدعا من يديها:مالك؟؟ شيماء:والو..نمشي نكمل لعب..تا نتا سير لعب بلا ماضيع وقتك.. آدم طلق من يديها ومشى.. حسيت براسي زدت فيه:انا اصلا مالي تسولو ولا يسولها..حياتهم هاديك..
أنا و الشقيقان الجزء الرابع
محتوى القصة
التنقل بين الأجزاء