مشات عند الطبيبة ونصحاتها دير رياضة الايروبيك واليوكا باش تخفاف والولادة تسهال عليها..رحاب حيت المصاريف كثرو عليها ختارت اليوجا وصافي..ومشات تسجلات فيها باش تبقى ديرها وترتاح شوية..
منصف عيطلي وقالي خصنا نمشيو عند سي صابر ياخد قياساتي فرحت بزااف حيت عاوتاني غادي نخدم معاه..
مشيت عندو انا ومنصف كلي فرح..
صابر:اهلا اهلا شيماء..
شيماء:اهلا سي صابر..
صابر:توحشناك فين غبرتي؟.
شيماء:شوية دالخدمة وصافي..
صابر:امم اوك..اوا هادشي لي بغينا الله يوفقك فمسيرتك..
شيماء:اصلا نتا بعد الله لي عندك فضل فهادشي لي وصلتلو..
صابر:هههه مادرت والو..نتي اصلا تولدتي باش تكوني هنا..
رحاب بدات دير تدريبات ولكن فاش كتجي خارجة كتشوف الامهات لي معاها كاملين معاهم رجالاتهم وهي لا كيبقى فيها الحال وكتحس باحتياجها ل حسام كثر من قبل..
ليوم عندي صعيب بزااف..فقت دوشت وصليت وبعدها لبست وانا دماغي ماشي معايا..غنحط رجلي فداك الشركة مرة خرا..وغادي نتلاقا بناس ضنيت انهم غيخرجو من حياتي..حاسة بالنفس كتقطع فيا وبلي ماغنقدرش نصبر فاش نشوفو مي خصني نكون قوية..هو ختار يبعد عليا اذن صافي نحيدو من دماغي..
حاولت نقاد راسي مزيان..لبست سروال بيض وفيست غوز مع طوب بيض وسنسلة طويلة فيها احجار صغيرة فالغوز..وصباط عالي فالغوز بارد بزااف..هزيت صاك فيدي وشعري طلقتو ودايرة نظاظر فوق منو عراض وبويض..قاديت وجهي ميك اب خفيف حيت تما غيعاودوه ليا..
وخرجت من بيتي شافتني يسرا..
يسرا:اوووووهه واااااو ختي لبوكوصة ههه..
شيماء:هههه ميغسي..
يسرا:هكا نبغيك تكوني قوية وثايقة فراسك..
شيماء:ديما نشاءلله..
بستها هي وماما لي دعات معايا وهبطت عند منصف ساق بينا ومشينا..
وصلنا لشركة قلبي تقبط تفكرت فاش كنت خارجة منها كنبكي وحالتي حالة..زير منصف علا كتفي ودخلت انا وياه..مشينا نيشان لقاعة مخصصة للتصوير..
آدم غي حل عينيه عرف بلي ليوم غتكون شيماء فالشركة..ناض بزربة دوش ولبس وقاد راسو مزيان..لبس تيشورط بيض كول v مع فيست بلوماغيين وسروال ثوب حكل..طلع شعرو ومشط لحيت وتعطر اكيد وهبط يفطر..
لقى حسام جالس كيفطر ويقرا الجورنال بزربة..
كلاو وناضو كل واحد ركب طوموبيلتو..
وصل حسام قبل دخل نيشان لقاعة كيشوف كلشي واجد بقات غي لعارضة توصل..
تا دار علا غفلة وشافها داخلة..طلعها من راسها لرجليها وبسم..
حسام:شيماء مرحبا بيك..
شيماء بجدية:الله يبارك فيك سي حسام..
حسام شافها رجعات الالقاب عرفها كتحاول تعامل بحال لول..مابغاش يحكر عليها وسلم علا منصف..
حسام:ودبا غنعرفكم علا لمصور ديالنا..
منصف وشيماء دارو يشوفوه وهما يتصدمو..
منصف بالحس مي سمعاتو شيماء:لاااا ماتقولهاش..
شيماء شافت فمنصف وقالت ببرود:ههه مانيفيك..
آدم فهاد اللحظة وصل عيى يكابر مي لقى راسو داخل لقاعة..
كمال تقدم سلم علا كلشي ومد يديه لشيماء..سلمات عليه وهو يهزها وباسها:غنتشرف بالخدمة معاك مادموزيل..(آدم شاف هاد اللقطة وبقى واقف مزنك حدا لباب..حس بالسخانة طلعات عليه وهو كيشوف كمال كفاش كيبوس يد شيماء وعلامات الاعجاب باينة عليه)..
آدم ماقدرش يتحمل شنو كيشوف قدامو رجع فحالاتو وهو كون صاب يدخل يقتلو مايكرهش..
حيدت يدي منو وبسمت:شكرا سي كمال..
حسام حل عينيه فالمنظر:كتعرفو بعضياتكم؟؟
منصف:ياله خدمنا معاه هادي ايام..
كمال:ياله بلا مانصيعو لوقت..متشوق نشوف تصاور دياولك كفاش غيكونو..
بسمت بتوتر:اوك..سي حسام فيت نقدر نبدل؟؟
حسام:ا اه راه لبيت مور الكولوار..غتلقاي تماك تا لبنت لي غتكلف بيك..
شيماء:اوك ميغسي..
منصف شجعني ومشيت..
دخلت عندها مسحاتلي وجهي وعاوداتو وشعري بدات تقادولي..كانو كاينين 3لباسي مع اثواب غتقادهم ليا من بعد..
كمال نتابه بلي كاينة شي حاجة بين المدراء..عجبو لحال واستغل لفرصة قرب من شيماء وحط يديه علا خصرها..
انا غي حط يديه نثرتها وخنزرت فيه..حيت تا الحطة فيها وفيها وحسيتو كيتحسسني تماك..
آدم واخة كان معصب مع خوه مركز هنا ولهيه تا شاف داك المنظر وهو يمشي جيهتهم ساخط..
وقف موراه آدم انا شفتو كفاش مخنزر فيه تلفت..
آدم نغزو يدور غي دار كمال جاتو احسن كروشية فوجهو..
منصف وحسام تصدمو مشاو كيجريو..
انا بعدت خايفة ماعارفة ماندير..
منصف كيفك هو وحسام وآدم زند عليه كيضربو وعروقو خارجين وماقادرش يحبس(حيت هكا طبعو كيحاول ما امكن يبعد علا الصداع والمشاكيل ولكن الا تا تعصب لدرجة كبيرة كيولي بحال شي ثور هايج صعيب توقفو)
حسام:صافي صافي نوض..
بزز باش بعدوه عليه ولاخور دماياتو سايلين..
كمال:غتندم علا هادشي لي درتي دبا تشوف..
آدم كيبغي يزيد وهما محبسينو:مازال كتهضر لدينمك مازال عند مك لسان تجاوبني..كون كنتي راجل دبصاح ماتحرش ببنت خدامة معاك الموسخ..زايدون علاش كتحلف فيا اجي ورينا حنة يديك ولا ماعطاوكش..
كمال تزنك:هادشي غتحاسب عليه كون هاني..
آدم بعصبية:لي فجهد مك ديرو..
كمال ناض كيجمع حوايجو ويمسح بالمنديل الدم دنيفو..
انا بقيت مصدومة كنشوف فيهم..اول مرة نشوف آدم فهاد الحالة..معصب وكيغوت ويسب..تلفت بقيت كنشوف فيه وف داك الموسخ لي بقى خارج وكيتحلف ف آدم بعينيه..
آدم غي شافو خرج شاف جيهة شيماء ونثر راسو من حسام ومنصف وخرج..
حسام:نتا السبب ا صاحبي..جلستي تشارجيه بحالا ماعرفت شنو كاين..
منصف:واش مازال زايد فيه؟شوف نقولك جوج كلمات..اما تجيبو مصورة ولا مصور مزيانين لخدمة ولا العارضة ماغاديش تخدم..هادشي بصفتي مدير اعمالها كنقولك لي كاين..مانقدرش نغامر بيها ولا بكرامتها باش خدمتكم تصوب فهمتي؟؟
لبنت:ياختي شحال زوين وبوكوص..وزايدها برجولتو..ماطاوعوش قلبو يشوف بنت كتهان ويحبس راسو..سعدات لبنت لي غتكون ليه..
بقيت كنسمعها وساكتة حيت فري كنت غنكون محظوظة الا كان ليا خصوصا بدفاعو وخوفو عليا مي كلشي من خير..
فمكان مقطوع كيف العادة وبعيد علا الناس واقف آدم وهو داير لفوطو د شيماء فتيلي.وكيهضر معاها مجروح..
آدم:عييت نحاول نخلي غيرتي عليك ماقدرتش..البرائة لي فيك كتخليني مهووس لدرجة ماباغي تا واحد يآذيك ولا يقرب ليك شنو ما كان السبب..بغيتك تبقاي كيفما شفتك اول مرة بنقائك وعفويتك وجمالك الطبيعي..كنت متمني تكوني ديالي..نبقى واقف بجنبك وكنحميك فوقما حتاجيتيني بلا تردد ولا قيود..مي يمكن ربي مامكتبش لينا نكونو بجوج(باس لفوطو)سمحيلي احبيبة..سمحيلي بزاااف مي كيفما نتي كتعذبي انا كنتعذب كثر منك..
خرجت عند منصف وسلمت عليهم كاملين.باش نرجع لدار..
صابر غي خرجو سول حسام:مال آدم؟وشنو قصتو مع شيماء؟؟
حسام:ا لا والو..انا قصة؟؟
صابر:راه الموضوع دارج وسمعتو من عند شي صحاب..
حسام:شنو سمعتي؟
صابر:سمعت بلي تواجدو فبزاف دلبلايص مع بعضياتهم..
حسام ضحك باش يغطي علا الموضوع:هههه بلا شك باينة ناس هضرو علا قضية باريس..ههه لا راه انا صافطن شيماء لملتقى تحظر مع آدم باش يشوفو نوعية اثوابنا اونديغيكط..
صابر هز راسو وهو فاهم بلي لقصة كبر من هادشي:اممم..
طلع حسام يخدم حيت موحال يرجع آدم ليوم..وكان تافق مع صابر يهضر مع لمصورة ويجيبها تخدم..
وصلنا لدار سلمت علا منصف ودخلت..اما هو مشى يحاول يلقى صاحبو لي كان فحالة قبيحة..
جاوبتهم بهدوء:آدم اصلا متواضع بزااف وماكيبغيش يشوف لي خدامين عندو فشي وضع فشكل...معروف عليه هادشي..دونك هاد التصرف كان غيديرو مع اي واحد..
نضت دخلت لبيتي حيت مابغيتش يتزرعو فبالي افكار فشكل ونبدا نحلم من جديد..و واخة هكاك دماغي مشغول بيه..وبغيت نعرف فين هو و واش بيخير باش نرتاح وصافي..حيت لمشكل وقع بسببي انا..
منصف صونا علا آدم وعرفو فين.مشى عندو..
منصف:كنكرهك فاش ماكتجاوبش علا تلفونك..
آدم:واراه جاوبتك..
منصف:تا حمقتيني..مهم كيف بقيتي دبا شوية؟
آدم كيشوف بعيد:حمدلله..
منصف بقى كيشوف فيه وضحك:لأول مرة كيعجبني تصرف صبياني منك هههه شااابووو..
آدم بسم وسكت..
منصف:عبرتي عليه بردتيلي قلبي فيه..
آدم:كان يستاهل..
منصف:اممم وتا هي تستاهل(آدم حنى راسو)سمحتي فيها علا ود حسام!!..حسام لي ماهتمش ليها واخة كانت فداك الموقف..فنظرك قرارك كان علا صواب..
آدم حس براسو تفرش مي ماعندو مايزيد يخبي:كيبقى خويا..ومستحيل نرضى نتزوج بوحدة هو كيبغيها..كفاش غتكون حياتنا امنصف كفاش؟نبقى نخاف نجلسها حداه..ولا الا جا عندنا نبقى حاضيه ومامرتاحش..ولا فاش يجي وانا ماكاينش كفاش يبقى يجيبهالي الشيطان..وزيد عليه فاش شافنا بجوج تعذب بزااف وحسيتو كيعاني..انا مانبغيش خويا يعاني بسبابي..ومانرضاش نتفرق عليه بشي سبب..خصنا نبقاو مجموعين حيت غي هو لي عندي..وشيماء اكيد عمرني ماغنساها واخة شنو ماوقع..
منصف اقتانع بكل كلمة وعرف بلي آدم عندو لحق:مي انا كنشك فحب خوه لشيماء..الصراحة ماحسيتش بهادشي..نتا مثلا فاش شفتيها كتصور باثوابكم بقيتي مركز غي معاها..خوك كان مركز مع الاثواب هههه..
آدم:كل واحد وكفاش كيبغي..كتختالف درجات لحب عند الناس..
منصف:ونتا من الزهر خديتي اعلا درجة بفففف..
آدم حنى راسو وتنهد كيشوف بعيد..
كنت متكية فبلاصتي تا هزيت تيلي وصونيت علا منصف..شوية حسيت براسي تسرعت وقطعت..خفت يكون معاه آدم..
آدم تنهد:آه عارف..شيماء ضريفة بزااف وكلشي كيهضر عليها مزيان..
هناء:وي ههه اوا شنو نديرو شي قهيوة..
آدم:مانقولش لا ههه..
خرجو بجوج تهاودو وتفكرو الايام لخوالي لي دوزو فاسبانيا..هناء بنت لي متحررة بزااف وعزيز عليها النشاط والضحك والاستمتاع بالحياة وآدم قالها ماكتعرفيش ههه كان تاهو نفس لكاركطير باش هو تفاهم معاها بزااف..
الصبح فقت وجدت راسي ومشيت لآخر يوم تصوير..وفري كنت مشغولة تا بالخطبة ديال ختي لي بعد يوماين كنحاولو نوجدو راسنا باش كلشي يكون علا مايرام..
آدم:آه تلاقينا من قبل فاسبانيا ودوزنا ايام زوينة..
منصف:اممم مزيان..دنيا شحال صغيرة..
آدم:واييه..
منصف:ماغطلعش لخدمتك..
آدم:تا نشوف لخدمة لي هنا ونطلع ليوم اصلا ماعنديش بزااف..
منصف:امم اوك..قولهم يجيبولنا نشربو شي حاجة..
آدم:اوك..لبست بزربة آخر قفطان عندي وباقي ثوب واحد بعدو..
قاداتلي ميك اب خفيف وهي كتهضر..
لبنت:شفتي اختي..واقيلا هادي هي حبيبت سي آدم..باينة فيها كلاص وفشكل..هي لي طاحت علا الزين وحنا جات فينا..بففف شي عطاتو وشي زواتو..
شيماء بعصبية:ساليتي؟؟
لبنت:آه صافي..
شيماء:اوك..بحرا نمشي..
حيدات من قدامي وخرجت معصبة حاولت نبرد فالكولوار ومشيت عندها..
آدم ومنصف جالسين علا كراسى فالجنب وهي كتقاد العدسة وتبرونشي سلوكا باش يبانو الصور فالايلسيدي..
هناء:مستعدة؟.
شيماء:اممم..
هناء:ياله بدينا..
قربات حدايا كناخدو صور مختلفة وعيني كلهم غيرة منها"فري هي زوينة وباينة فيها كلاص ومن نفس الطبقة ديالو..انا فين نبان قدامها...اصلا شفتو كفاش كان كيهضر معاها ويضحكو منساجمين تفووو كون غي ينوض يمشي ماحاملاش نشوفو"بقيت فبالي غنتسطى وماقاداني تا دنيا..
الدم غلى فراسي حيت عاد جاي كيهضر هكا معايا..شنو متوقت نجاوبو..جات لبنت بداك تبدلي لميم اب.
آدم تأزم خرج من تماك فمرة وكيفكر فهضرتها لي ماقالت فيها تا كلمة دالعيب.بالعكس كيزيد غي يكره راسو ويبغيها..
هناء دخلات عند شيماء بعدما شافت آدم كفاش خرج..
هناء:ممكن ندخل..
شيماء:اه تفضلي..
هناء:ختي ممكن تخلينا بجوج..
لبنت:اوك..
خرجات وانا بقيت نشزف فيها..
هناء:من طبعي ماكنبغيش ندخل فالامور الشخصية..مي حاجة وحدة لي غنقولك..ماكاين والو بيني وبين آدم..هو امي ديالي تلاقيتو من قبل ودبا بالصدفة شفتو هنا..مهم بغيتك تعرفي هادشي صوا كيهمك ولا لا..
وصلنا اخيرا..دخلنا لدار لي كانت محلولة..منصف غي شافنا جا يستقبلنا..
آدم كان كيتهاود ويضحك تا شافهم دخلو بقى متبع شيماء بعينيه وهو كيطلعها من صباع رجليها لراسها..عجباتو وتلف معاها وهي واقفة كضحك مع منصف وختها وشادة خوها من كتفو..صحابو بداو يهضرو معاه وهو والو ترفع كيفكر غي كفاش سمح فيها وهي لوحيدة لي كدير فيه هاد الحالة..زعما يكون خوه كيبغيها بحالو..موووحااال..عمرو شاف حسام كيتعذب بسبابها..
اما آدم فكان بايت عند منصف..لي ماخلاهش يمشي فاش شافو مقلق من شنو وقع..فاق مدكدك الصبح مي نورمال..
حسام مشى يلعب لغولف كيف عوايدو..تلاقا تماك بصحابو لي كبار فالسن شوية مي عندهم نفس الميول..
رجعات رحاب لدار وبدات تستف بلاكار ولدها وهي كلها شوق تشوفو ويكون بين يديها..وكلما كتحط يديها علا كرشها كتخيل كون كان معاها حسام لي اكيد كانت هاد اللحظة غتأثر فيه وتخليه يشتاق لولدو بحالهاا..
دازت مدة والاحوال كتبدل شوية بشوية..عماد تسجل فنادي كرة القدم..يسرا ومنصف ولفو يخرجو مع بعضياتهم..سجلتهم فمدرسة خاصة وتا انا بديت ندير فورماصيو فالفرنسية والانجليزية باش مايبقاش عندي مشكل..وهاهو بدا الموسم الدراسي..شحال ماشفت آدم ويمكن هكا حسن..
آدم بكثرة شوقو ل شيماء ولا كيدير كاع الاعمال الخارجية وديما مسافر باش مايبقاش تماك حداها ويضعف..اما حسام رحع لطبيعتو لولا..غي لخدمة وخوا دماغو من كلشي..
ليوم حسام جاتو سفرية لمدينة بعيدة وحيت آدم لي مكلف بالسفر ماكاينش اضطر انو يسافر داك اليوماين ويرجع باش يعقد صفقة مع شركة مهمة..
طلب من دادة لعاليا توجد ليه حوايجو وسافر بليل فطيارتو باش يستغل لوقت ويحاول يرجع قبل..
وصل حسام وخدا غرفة فاوطيل..
اصبحنا واصبح الملك لله..
فاق حسام دوش ولبس وخرج يمشي لشركة..مشى وعقد الصفقة ديالو وكان عاجبو لحال بزااف..رجع لاوطيل تقريبا كمل خدمتو بقالو غي ياخد العقود..خرج يتسارا هاد لمرة كيكتاشف لمدينة عن قرب..شاف لمول دخل ليه كيتسارا مع الارجاء ديالو تاشاف بنت تشابهات ليه مع رحاب شاد فيها ولد صغير وداخلين لمحل...تفاجئ وقرر يتبعهم حيت الفضول أثر عليه داك اللحظة..
#فلاش_باك..
رحاب رجعات لدار سلمات علا ولاد ختها أشرف وشادي..وجلسات ترتاح مع كملات 7شهور وقربات تاخد كونجي حيت صعابت عليها لخدمة..
كانت دنيا فالكوزينة تا جا عندها أشرف لي فعمرو 6سنين..
اشرف كيهضر بالحس:خالتي ماما عندها عيد ميلاد غدا..
رحاب كانت فري نسات وحمدلله لي فكرها:ههه آه اوا شنو؟
أشرف:بغيت نشري لماما كادو..
رحاب:اوك احبيبي..
أشرف:نمشيو دبا؟؟
رحاب باستغراب:دبا؟؟خلي لغدا دبا عييت..
أشرف الله يخليك اخالتي دبا راها ف12 غيدخل نهار جديد وخصني اول واحد يقولهالها..(بحزن)انا شفت شادي(فعمرو 8سنين)خبعلها لكادو وانا مابغيتوش يسبقني..
رحتب بقى فيها و واخة عيات غمزاتو وناضت مشات عند دنيا لكوزينة وهو ناشط..
دنيا:ههه ربي يخليك اختي مهم ماتعطلوش وماتجهديش راسك بزااف..
رحاب:اوك..
خرج أشرف مع رحاب فرحان خصو غي فوقاش يشري كادو..وهاز معاه لفلوس مسكين قياس 150درهم جمعها من مصروفو..ورحاب فكرها تا هي تشري وعوالة تخلصلو لكادو ديالو هههه..
رحاب فكرات فالمول حيت فيه اختيارات بزااف ويفيدهم..
اما أشرف تلف ماعرف مايختار ولا بالاحرى مازال مالقى لي يعجبو..
بقاو يدورو ويقلبو وهو مازال ماقتانع تا داز من حدا محل دراري صغار بقى يشوف ويضحك..
اشرف:خالتي ماغادي تاخدي والو لحسام؟؟
(رحاب قالت حدا كلشي بلي غتسمي ولدها حسام)
رحاب:ههه دبا جينا علا حساب ماماك..حسام خدينا ليه شحال من حاجة ومازال فيدينا لوقت انشاءلله..
بسم اشرف واقتانع تا بان ليه محل كيبيع اكسيسوارات زوين مشى بدا كيشوف وعجبو داكشي..جر رحاب ودخل كيجري لمحل حيت حس بلي غيلقى هنا لكادو لمناسب..
#الرجوع_الى_الواقع..
حسام تبعهم ودخل لمحل..ومن الزهر ماكاينينش ناس بزااف..بدى يقلب عليهم تا بانو ليه فواحد لكوان..
أشرف وقف مسمر حدا بلاصة رحاب تبعاتو وبقات تقلب فين كيشوف..وهو يهز سنسلة طويلة فالدوغي فيها تعليقة عبارة عن أم هازة ولد صغير..حمقاتو بزااف وتا رحاب فاش شافتها انباهرات بجماليتها وضحكت..
رحاب:احسن كادو هادا..تباركلله عليك دواق..
حسام قرب منهم بزااف..
أشرف:غتعجبها ياك؟؟
رحاب:اكيد..
أشرف دار جيهة كرش رحاب:ونتا ا حسام عجباتك ياك ههه..
رحاب ضحكات:اممم تا هو عجباتو راه كيصفق فكرشي هههه..
حسام هنا تصدم مين سمعت سميتو وبنص وجهها تأكد منها وقال بلا شعور:رحاااب!؟؟
رحاب كانت مندامجة وفرحانة تا سمعات صوت ناداها بهدوء وبحالا مامتأكدش بلي هي..دارت بكل عفوية وهي تصدم"لا مايمكنش يكون هو؟زعما هادي كلها صدفة!علاش اصلا جالهنا؟!"
رحاب شافت فيه بصدمة وحسام تأكد بلي هي وقاطع شوفاهم أشرف لي سول بكل براءة..
حسام بدا كيحسب فدماغو اصلا يقدر يكون عندها 7شهور والا فكر ياله 5شهور باش خلات لخدمة..وزيد عليها تقريبا تقدر تكون حملات فالوقت لي سافرو..حس براسو تزير وفهم علاش مشات وخلاتو..
شوية تا جات قبالتو مرا محجبة شافها اشرف طار عليها..
دنيا:آه ولدك(حسام بقى يشوف فيها ساكت)لي فكرشها ولدك نتا..
حسام:وعلاش ماقالتليش؟؟
دنيا تنهدات:ختي مين جات عندي تقريبا هادي 5شهور كانت حاملة بشهراين..عانات بزااف باش تقرر تجي هنا وتبعد عليك..مي السبب هو خطابتك لديك لبنت..حسات بلي شنو مادارت ماغاديش تكون معاها واصلا مابغاتش تحس بلي مفروضة عليك ولا نتا ترغمها طيح داكشي لب فكرشها..بعدات حيت لقات هادشي هو الانسب وواخة كاع محاولاتي رفضات انها تقولك باش ماضيعلكش حياتك..فكرات انها تبعد وتخلي القدر يتصرف فكلشي..
حسام بعد تفكير:شو علا صدفة سبحان الله..نجي لهنا خدمة باش نتلاقاها ونعرف بلي غيكون عندي ولد..
دنيا:امم الله يفكها علا خير..
حسام:آمييين..
بقاو مخلوعين كيدعيو ليها وحيت اول ولادة ديالها تعطلات تقريبا 3ساعات وهي تعذب لداخل..
رحاب:آهههه كنموتت..
فرملية:صبري احبيبة لبكر ديالك كيتعطل باش يخرج..
رحاب شي مرات كتغيب وشي مرات كتغوت وتبكي بالحريق..
دنيا وحسام تخلعو عليها كل ساعة يسولو والو كيقولولهم نفس لهضرة..
وفلحظة رحاب بدات تدفع بكل جهدها وطبيبة كتعاونها مزيان تا بدا يخرج الراس وهي تغوت اعلى جهدها تا خرج لولد كامل..
حسام بقى مركز معاها فكل كلمة وعارف بلي عندها لحق تا دخلو عليهم دور وجهو جيهة لباب..كيلقى دنيا وفرملية دافعين كروسة صغيرة فيها بيبي صغير..وشادي واشرف دايخين معاه وعاجبهم لحال..
حسام حل عينيه مزيان..كيشوف فداك الانسان الصغيور لي فالاصل ولدو..لحمو ودمو وجا علا غفلة بقى متبعو وهو كيبجغط مي غي شداتو رحاب فيديها قرب بلا مايحس وبسم مربع يد وليد لخرى حاطها علا لحيتو..
دنيا:عطيه لباباه يأذن ليه فوذنو..
حسام شاف فيها مستغرب..
وهي لفرملية عطاتو ليه خاف يهزو مي بدات تقادو ليه..
حسام فاش شدو حس باحساس ولا اروع..بحالا شي طرف من كبدتو بين يديه..ضحكلو وباسو وشدو من صبيعاتو الصغيورين وعلاه عندو وبدا يأذن ليه"الله اكبر..الله اكبر..اشهد الا اله الا الله..واشهد ان محمدا رسول الله..حي على الصلاة حي على الفلاح..الله اكبر الله اكبر لا اله الا الله"
باسو وقابلو معاه:مرحبا بيك اولدي بيناتنا..
رحاب كانت اللحظة جد مؤثرة عندها..هبطو دموعها مخلطين ماعارفة واش فرح ولا حزن ولا تخلطو عليها..
دنيا عنقات وليداتها وهي كتشوف حسام هابطة دمعة من عينيه مسحها وبسم ليهم..
حسام:انا وسارة غلطنا وحنا صغار وكان ضروري خصها طيح لولد..وتيقني انا ندمان بزااف حيت كنت سبب هجرتها من هنا..اما رحاب ماغاديش نعاود معاها نفس لفيلم كون هاني..
أنا و الشقيقان الجزء السابع
محتوى القصة
التنقل بين الأجزاء