- نتي ديالي اروعة مرتي واخا تبغي بدالي مئة صخر .. وإلى ماحبيتينيش بالخاطر غادي تحبيني ورقبتك تحت السيف .
ضار لعندها بنظرة على وجهو غريبة .. فكر شنو يدير فيها ولا فـ صخر .. تخلطت لأفكار فراسو وأصبح وسط دوامة ماعارف مدخلها من مخرجها وبدورها كانت كاتبادلو نفس النظرات .. تقدم جبل لعندها بخطوات تقيلة حتى وقف أمامها ومد ليها الملف لي فيه عقد الزواج ودفتر الحالة المدنية .. بقات كاتشوف فالملف ورجعت شافت فيه فدار ليها إشارة بعينيه باش تشد منو الملف وداكشي لي كان .
فتحت الملف لقات فوجهها دفتر متوسط هزاتو وفتحاتو ولقات فيه صورة نصية ديالو والإسم والنسب ، كانت خايفا تزيد تقرا ويتوضح ليها أن لهضرة لي قالها فلعشية بصح وماشي كدوب لكن مع ذلك قلبت الصفحة وهي تلقا إسمها ومعلوماتها الشخصية .
قالها جبل فشافت فيه روعة وقلبها كايضرب بقوة وكأنه فسباق .. مكانتش باغيا نظرتها ليه تتبدل ، تاقت فيه بعد مدة ، هي تاقت فيه وتاقت فعائلتو ... كرر جبل طلبو بحدة وقال:
- قراي بصوت عالي .
حنات روعة عينيها على العقد وقالت بصوت مسموع :
- تم والحمد الله انعقاد الزواج للحرة "روعة قاسم الطيب الخطيب" المولدة في 7/13 /**19م وذلك للراغب فيها السيد الفاضل "جبل محمد إبراهيم مرتجى" المولود في تاريخ 7/ 5/**19
وبعد استكمال الشروط والأركان من حيث الولي بالوكالة "جليل المودن" (اسم المحامي)وشهد بوكالته الأخ: "داوود بن كيران" والسيد "دانيال إيسكوبال" ، تم بعد ذلك انشاء عقد الزواج على كتاب الله وسنة رسول الله وعلى الإمساك بمعروف أو تسريح بإحسان وعلى المهر المتراضين عليه مليون يورو مؤجل. وحرر بتاريخ 5_7 _**20م الموافق/20/رجب /**14 هجرية حرره الراجي عفو ربه إمام مسجد أبو بكر بجزيرة / إيبيزا / إسبانيا .
توقيع الزوج.....(توقيع جبل)
توقيع الزوجة...(توقيع روعة)
توقيع الشاهد الأول بالعقد داوود بنكيران (توقيع)
توقيع الشاهد الثاني باالعقد دانيال إيسكوبال (توقيع)
ماكانتش قادرا تصدق واخا كاتقرا لعقد بصوت عالي كان عقلها يرفض التصديق وقلبها كايحس بالغدر .. عام ونصف باش نصب عليها وهي ماعارفاش إذن هادشي علاش جا لعندها باغي يستأجر رحمها اذن كان باغي ياخد منها حقو الشرعي ولكن مالقا غير ديك الطريقة الغبية لطبها .. إذن الهضرة لي قالها فلعشية كانت بصح .. رفعت راسها شافت فيه والدموع محجرين فعيونها وهمست بوهن :
- هادي عام ونصف وأنا مزوجة بيك !.
غمض جبل عينيه وحنا راسو ماعرفش شنو يقول لكن هاديك هي الحقيقة .. ضحكت بإستهزاء وقالت :
- هه .. رخيصة عندك حتى لهاد الدرجة اسي جبل ، داير ليا بحرا مليون يورو فصداق .
كلس حداها وحيد ليها الملف حطو فجنبها على السرير وتمسك بيديها وقال وهو كايشوف فيها بنظرات كلها حب :
- مستعد نعطيك حتى عمري إلى بغيتي ... روعة نتي مرتي وفلوسي هوما فلوسك .
أومأت براسها بإبتسامة هادئة وقالت وهي كاتشوف بعيونو:
- أنا مابغيتش صداقي يكون فلوس .
إبتسم جبل بهدوء وقال:
-حتى حاجة ماتغلى على مرتي لحبيبة ، شنو بغيتيه ، ذهب ، ألماس ، ياقوت ، لي بغيتي مستعد نجيبو ليك حتى لعند يديك ! .
كانت روعة كاتحس بالداخل ديالها كايغلي .. بدات يديها كاتعراق ونبضات قلبها كايتسارعو بسبب إنسحاب الهيرويين من جسمها والمسكن لي شربات بدا مفعولو يزول .. لكنها حاولت بكل قوتها ومابغاتش تنفعل بحال لعشية ... حاولت وتنفست بعمق ثم علات راسها شافت فيه وقالت بإزدراء :
- مستعد تجيب هادشي كامل باش تستأجر رحمي بما يرضي الله وعلى سنة الله ورسوله اسي جبل.. صراحة فكرة ذكية بزاف.
واش غادي يقولها .. أه كانت هادي هي فكرتو وهادي هي غايتو فالأول لكن من بعد تكاترو عليهم لأحداث والمشاكل وبسببهم تعرف عليها أكثر وحيد ديك الفكرة من راسو وولا فعلا باغيها مرتو .. مد يديه ولمس خدها وهمس :
- روعة حياتي .
لكنها قاطعاتو وقالت بصوت مقهور :
- بغييت ... بغيت صداق ديالي يكون هاد القلعة ، يعني تكون ملكي .
عقد جبل حواجبو بإستنكار وقال:
- كيفاش ؟
ردت عليه روعة بحدة وهي كاتشوف ليه فعينيه :
- كيف كاتسمع .. ياك نتا لي كاتحصل على أي حاجة بغيتيها وحتى بنادم عندك ساهل تبيع وتشري فيه... أنا بغيت هاد القلعة تكون ملكي .. اشنو قلتي ؟.
ضحك جبل بقلة حيلة وقال:
- ولكن هاد القلعة عندها بزاف ديال الورثة اعمري ...ولكن الى بغيتيها أنا نقدر نقنع جدي يبيعهالي ونعطيهالك .
شافت فيه بنظرة جليدية وقالت :
- نتا مافهمتينيش.. أنا بغيتها اليوم تكون ملكي ! .
تنهد جبل بقلة صبر وقال:
- و كيفاش غاندير !.
هزت أكتافها بلا مبالات وقالت:
- ماشي صوقي ! .. تذبر أمرك ... ياك قلتي بأنك كاتبغيني ولا كنتي غير كاتكذب !
تنهد جبل بنفاد صبر وقال :
- أنا ماكدبتش فمشاعري اروعة ..
إبتسمت روعة بخبث وقالت:
- إذن اليوم بغيت أوراق هاد القلعة يكونو فسميتي ..
تسمر جبل كايشوف فيها .. لاحظ تغير كبير بزاف فشخصيتها وكأنها ماشي روعة لي عرفها هادي عام ونصف .. كانت نظرتها ماكرة وطلبها مستحيل وكأنها كانت باغيا توصلو لحافة الجنون وتلقيه منها ... كملت روعة بلهجة غير مبالية وقالت:
- ماتشوفش فيا بدوك النظرات ديال العجز .. كيما قدرتي تنصب عليا نصب على جدك حتى هو وزور توقيعو وحول ملكية هاد لقلعة ليا ..
فهم دابا أن غرضها خلف طلبها المستحيل هو تستفزو ماشي حبها فهاد القلعة الكئيبة .... لكن هي فاش شافتو ساكت فهمت أنه مايقدرش على طلبها .. إبتلعت الغصة لي شدتها فنص حلقها وكملت:
- ااااه نسيت جدك إنسان قوي وفيديه السلطة ، جدك لباس عليه وعندو بزااف ديال الفلوس .. جدك عندو رجال لي يدافعو عليه .. ماشي بحال وحدا لاحت راسها فلبحر باش تموت ، يعني وحدا مابقا عندها حتى حاجة تخسرها من حد حتى حياتها سخات بيها ، وحدا تقدر تربطها بتوقيع سخيف وتاخد منها داكشي لي خسراتو من زمان .. شرفها وعفتها ... دابا باش نفهم ، نتا درتي خطة إحتياط باش فاش نرفض أنا نأجرك رحمي دوز للخطة لإحتياطية وتجيبلي هاد العقد السخيف وتبتزني بيه ياك ..
أه هادي كانت هي رغبتو لكن الى أثبت صحة توقها غادي يخسرها .. لكن بالنسبة ليها نظرتو فقط كانت جواب كافي على سؤالها .. حست براسها غبية .. تأكدت دابا وفهمت علاش جهاد تخلا عليها هي وبنتها .. حيت عطاتو كثر من قدرو .. هي عطات لجبل كثر من مايستحق ، فاليوم لي بكات على صدرو فاليخت كان عليه تلوح راسها من بعد فالبحر باش تنهيه من حياتها كيما نهات جهاد .. كان خصها تلوح راسها وتغسل جثمانها من حضنو ولمستو وتسلم روحها لبارئها حيت هو لي غادي يرحمها أكثر من بني البشر هو لي رحمتو تسع كل الكون ..
لعب عليها هادي عام ونصف وفاش رجع يكمل على خطتو هي وقعت فحبو بحال شي حمقة غبية كايتحكم فيها قلب سافل ، لو أنها فمرة خدمة عقلها مكانتش اليوم غادي تكون لا حول لها ولا قوة قدامو .
تنحنح جبل بتوتر فاش لاحظ الدموع لي تحجرو فعينيها وقال :
- روعتي أنا ..
لكنها قاطعاتو بسرعة وقالت:
-بلاتي اسي جبل ! ....علاش اليوم بالضبط ؟... علاش اليوم قررتي تكشف على الخطة ديالك الإحتياطية ؟ ... مكاتبانلكش رجلي مهرسة وعندي 7 ديال لغرزات فيدي .. واش ماقديتيش تصبر مازال ، ولا نتا وحش سادي كايعجبك تستمتع بوجع الناس .
هاحنا ولينا فالهضرة لخاوية ، كان مستعد يصبر حتى عام أخر علاما يكسب حبها لكن اللعين ديال صخر ضيع عليه كولشي وهو أكيد ماغاديش يكلس مربع يديه وكايشوف علاقتهم كاتحسن شويا بشويا وتعترف روعة بحبها لصخر.
وهو غارق فأفكارو مدت روعة يديها السليمة لمست خدو الملتحي وهمست بصوت مثير :
- أنا مازالة مريضة يعني ماغاديش نقدر نبادلك الحب على السرير اسي جبل ..
توسعو عيون جبل بصدمة من جراتها الغريبة ولا لمستها الحنينة على خدو لي خلاتو يغمض عينيه بلاما يشعر وكملت بنفس الطريقة:
- على لأقل تسنا غير علاما نبرا وترجع بشرتي لحيويتها وتختفي كدمات التعذيب من جسمي ، باش نعجبك اسي جبل ..
قربت منو أكثر وكأنها باغيا تبوسو وتمسكت براسو بيديها بجوج .. تحسست بأنفها وشفايفها خدو الملتحي وبشرتو بطريقة خلات أنفاس جبل تتزاد وخلاتو يغمض عينيه ويفتحهم ببطئ وكأنها حقناتو بمخدر يفوق تأثيرو الهيرويين والموروفين والنيكوتين ... نزلت كاتحسس عنقو وأنفاسها الحارقة كاتزيد تشعل فيه العافيا وأنفاسو تضطرب أكثر وأكثر طلعات فشفايفها لعند شحمت أدنو وخداتها بين أسنانها بخفة قبل ماتطبع قبلة عليها خلات كل جسم جبل يرتعش وماحسش براسو إلى وهو متمسك بيديها كايقول بإستنكار وغضب :
- أشنو هادشي لي كاديري أروعة ؟.
لكنها كانت أعند منو سحبت يديها وقربت منو بجسمها أكثر ونزلت كاتطبع بعض القبلات على رقبتو حتى وصلت لتفاحة أدم ولمستها بلسانها قبل ماتطبع قبلة عليها خلات جبل يحماق وبلاما يشعر تمسك بخصرها طالب المزيد وداكشي لي بغاتو وصلات ليه .
هو عارفها فين باغيا توصل .. عند بالها هو حيوان غير متبع شهواتو لكن الحق يقال كانت مثيرة وهي كادير عليه دوك الحركات التافهة .. عارفها باغيا تستفزو عارفها باغيا تنتقم منو لكنه غادي يسايرها حتى يوصلها فين باغيا توصل مع ان حركاتها كان واضح معناهم بأنه كايبغي غير جسمها لكن شحال غادي يقول ليها من مرة بأنه كايبغيها لشخصيتها لجوهرها ماشي جسمها مع ان جسمها يطير العقل .. وكايضل يتغزل فيه لكن واللعنة حبو ليها ماشي حب الشهوة واللعنات .. لكن هي لي بدات هاد اللعبة غايديها على قد عقلها ويوصلها حتى للمكان لي غاتبغي تسد عليه طريق وغايعلمها كيفاش تستفز رجولتو .
إبتسمت روعة بخبث وهمست فأدنو بصوت مثير .
- عندي بشرة بيضة بحال الحليب .. والمناطق أخرى مانعاودلكش عليهم .
مابعدتش عليه بقات على وضعها وتمسكت بيديه الرجولية وحطتها على صدرها وكملت بهمس
- صدري منفوخ وثابت وكأنك كالمس القطن .
ملي لمس صدرها مابقاش قادر يصبر دفعها حتى إستلقت على الوسادة وطلع فوقها غادي يوريها دابا كيفاش تستفزو .. هي مرتو ، هي حلالو ، وعندو الضوء لأخضر يدير فيها لي بغا والى كانت فاهما ان حبو ليها حب الشهوة إذن هاهو غادي يتبت ليها نظريتها التافهة بلي حقيقة..
لكن قبل مايدير شي حركة تمسكت بيديه بجوج ووضعتهم على خصرها وكملت وهي كاتعض على شفايفها بإغراء :
- عندي خصر نحيف تقدر غير بكف يديك تعبرو ..
طلقت من يديه ومدت يديها شنقت عليه وجراتو لعندها حتى قرب من شفايفها وكملت بهمس:
- ماعمرك جربتي سحري ..
طبع جبل قبلة خفيفة على شفايفها وهمس بصوت مثير وهو كايتنفس بسرعة :
- صدقني إلى تدوقتيني كولي للمرة الأولى ماغاديش تبقا قادر تشبع مني ... ولا تبعد عليا .. غير بوحدي فيا عشرة ديال بنات وعشرين عاهرة .... فوق هاد سرير أنا نقدر نخلي صوت تأوهاتك تملئ هاد الغرفة ونبرع راجلي حبيبي .
سكتت شويا كاتشوف فتفاحة أدم كاطلع وتهبط مع إبتلاع ريقو وتوترو حتى أنها لاحظت العرق فوق جبينو ولاحظت ملاحظة أخرى لا داعي لذكرها لموهيم أنها فيقت كل مشاعرو الجنسية قبل ماتطفيها فاش قالت .
- ولكن مع لأسف نتا ماشي راجلي .
دفعاتو من فوقها بكل قوتها على الجنب الثاني من السرير وإستقامت كالسة .. ابدا ماستغربش جبل من ردة فعلها وتصرفاتها الغريبة فإستقام حتى هو كالس وقال بعناد :
- نتي مرتي وأنا راجلك ..
ظهرت إبتسامة جانبية على وجه روعة وقالت :
- لا ... نتا ماشي راجلي .. نتا مرتك إسمها روعة الخطيب كيف شفت فالعقد .. لكن أنا ماشي روعة ! أنا إيميليا كلارك !.. ديك روعة لي تزوجتي بيها إختفت هادي عام ونصف من دارهم ... كانصحك تمشي تقلب على مرتك المكلخ .
صك جبل على أسنانو بغضب وشاف بنظرة المجرمين لكن تفكر انها باغيا غير تستفزو فقال بغضب:
- روعة بلاما تحمقي طاسيلتي هاد نهار .
ضحكت روعة بإستهزاء وقالت :
- هاهاها ... سميتي إيميليا سمع صخر كيف كايناديني بيها ودرب لسانك حتى نتا على نطقها
فاش ذكرت إسم رجل أخر وهوما بجوج على سرير واحد هادي هي الحاجة لي مايقبلها حتى شي رجل ، إنقض عليها دفعها بقوة وطلع فوق منها شد ليها يديها بجوج وتبتها باش ماتحركش وغوت بغضب :
-روعااااااا.
غوتت حتى هي بنفس طريقتو المتوحشة وقالت:
- سمييتتتتتتتيي إيميليااااااا كلااااااارك! ... بنت عازبة ، بريطانية الجنسية من أم إيطالية وأب سويسرررررري .
تسمر جبل كايشوف فيها بدهشة وكملت روعة بإستهزاء وهي كاضحك :
- هاهاها شفتي سرعة شحال خايبا .. واش ماكنتيش عارف أن خالك لمكلخ غادي يدير ليا هوية جديدة .
كانت كاتشوف فيه بإبتسامة منتصرة مالبثت إختفت فاش إبتسم جبل بهدوء وقال:
- فقط لمعلوماتك ، كنت عارف وأنا لي وصيتو يطلع ليك هوية جديدة .. عرفتي علاش؟
تسناها تجاوب لكن كيف توقع ماعندهاش الجواب .. كان كايشوفها شحال خايفا منو ومتوترة وبكل جرءة دارت ديك المسرحية السخيفة باش طبق عليه مثل " دوقو وشوقو" ، واعد نفسو أنه غادي يحصل عليها بلخاطر وملي مابغاتش الخاطر غاتكون ديالو بسيف ... نزل عندها غير بشوية وباس ليها جبهتها وكمل :
-باش يجي واحد نهار لي غادي ترفضيني فيه بحال اليوم... هداك نهار لي غادي نقدر ندخلك للحبس بسبب هويتك لمزورة الغزالة ديالي الغبية . عرفتي شحال تقدري تسجني اروعتي ... تقدر توصل المدة من ثلاث سنوات لخمس سنوات بتهمة التزوير .
حست بأنها خسرت كولشي حداه .. حست بالقهرة والغضب كاينهشو فصدرها وقلبها .. كانت باغيا تقتلو من شدة غضبها ، وهي لي حسبت راسها مطورة طلع اللعين ضارب حساباتو وسابقها بخطوات .
- ذكية .. ذكية بزاف وهادشي علاش كاتعجبيني وكانحمااق عليك .. عجبني دكائك قبل جسمك اروعتي . لكن بما انك مرتي دابا . خلينا نستمتعو شويا بيه .
همس بيها وحيد التيشرت الأبيض لاحو على الأرض حتى برزت عضلاتو والوشوم لي معمرة كل صدرو ... حست روعة بالخنقة وصافي هادي هي لخرة ليها ، ندمت كاع لاش قالت ديك الهضرة ولا دارت دوك الحركات الغبية حتى شعلت رغبتو بيها ... نزل على عنقها طبع قبلة خلات روعة تغمض عينيها بتقزز وهي كاتدفع فيه باش يبعد عليه وكاتغوت
- بعد علياااا .... بعد منييي.
لكنه كان أقوى منها وكمل بهمس وهو كايطبع قبلاتو على رقبتها :
قبل مايكمل كلامو تفتحت الباب ودخلت منها صوفي وهي كاتقول بهتاف .
- تاليا ماقلتيليش بـ لـ مـ
سكتلها القلب فاش شافت منظرهم وجبل فوق روعة فبقوة لي توتر جبل بغا ينوض وهو يطيح للأرض ورجع ناض بسرعة وهو كايقلب على التيشرت ديالو باش يستر بيه راسو ..
- سمحولي إلى قاطعت شي حاجة مهمة .
قالتها صوفي بإحراج وجرات الباب باش تخرج لكن روعة مستحيل تخليها تمشي هي لي نقدتها ، جابهالها الله بحال الملاك من السماء .. غوتت روعة قبل مايتسد الباب وقالت:
- بلااااتيييي اجيييي.
بغا يقتلها جبل فديك اللحظة لكنها تجاهلت نظرتو وكررت:
- عافاااااك اجي بغيتك .
ترددت صوفي واش تحل الباب ولا لا لكن إلحاح روعة خلاها ترجع تفتح الباب وتدخل .. لقات جبل كايلبس التيشرت ديالو وحمر بقوة الإحراج والغضب . وروعة مسمرة كاتشوف فيها بصدمة .. تنحنحت صوفي بتوتر وقالت:
- سمحولي ... هاد القلعة كبيرة بزاف ، كنت كانقلب على تاليا حتى أنني خطأت ثلاثة ديال المرات فطابق بقيت نطلع ونهبط ومازال مالقيتهاش .. سمحولي بزاااف.
إبتسمت روعة فاش عرفتها .. هي صوفي لي هضرت معاها هادي يوماين ، صديقتها فالفيسبوك ... هي عرفتها حيت صوفي كاتنشر صورها ، لكن صوفي ماعرفتش روعة حيت واخا هضرات معاها تقريبا شهر ماعمرها سيفطت ليها شي صورة ديالها .. إبتلعت روعة ريقها بتوتر وقالت :
- واش .. واش نتي هي صوفي بن كيران ؟.
ردت عليها صوفي بأستغراب :
- واش كاتعرفيني ؟ .. اااه بلاتي أكيد غادي يكون عاود ليك جبل عليا... أنا بنت خالو بنت دون ماركيز .
توسعو عيون روعة بصدمة ... إذن طلعت هي بنت دون ماركيز لي قالها فصبح راها جات وغادي نعرفك عليها ... إذن صوفي فاش كانت كاتعاود ليها على باباها كانت كاتقصد داوود ...أش هاد الصدفة العجيبة !.. إبتسمت روعة وقالت:
- واعدتيني باش تقتلي الفيران لي عندي فدار إلى وافقت نخليك تكلسي فداري اساندريلا المنبوذة .
شهقت صوفي بصدمة وغوتت:
- إيميليااااااااا كلااااااااارك.
طارت عليها عنقتها وماكرهش فديك اللحظة جبل يجرها من رجليها ويخرجها ويسد لباب ، قال إيميليا كلارك قااااال .. سميتها روعةةةةةة ... اللعينة الصغيرة قاطعاتو فاللحظة المهمة ... تنهد بغيظ وكلس على الكنبة كايشوف فيهم وهي تكمل الباهية دخلت حتى تاليا وهي كاتغوت بحماس .
- روعاااااا ...
بسرعة عطات مايسي لجبل هي ورضاعتها وتلاحت عليها كاتعنق فيها بشوق وبقا جبل كايشوف فيهم ويشوف بتوتر فمايسي لي كانت كاتشوف فيه بدورها بهدوء .ولعنهم كاملين ماكرهش ينزل يدق لمسامر فالأرض يطلعهم كاملين لسطح القلعة يلوحهم وحدا بوحدا طبعا إلى مايسي لي كانت كاتشوف فيه ببراءة .
- روعة ، شبعت بكاء اختي فاش عرفت شنو وقاع ليك نتي وخويا صخر .. وحمدت الله فاش خرجتو منها سالمين
طبطبت روعة على ضهر تاليا وقالت وهي كاتبتاسم:
- ماتخافيش احبيبتي لموهيم أننا بيخير دابا .
إستغرقو فالهضرة قرابة 15 دقيقة ، هضرة ديال لبنات مملة خلات جبل يمل وهوما مابغاوش يخرجو ويخليوه مع مرتو على إنفراد ، بل فالحقيقة فينما كانو كايبغيو يخرجو كانت كاتشدهم روعة بالهضرة باش مايمشيوش ويخليوها معاه .. تنهد جبل بيأس وفاش وقف لاحظت روعة مايسي لي كانت بين يديه بجسمها الصغير .. وشحال عجبها المنظر ديالو وهو هازها لكنها دفعت دوك لأفكار من راسها فاش شاف فيها جبل وغمزها وإبتسم لكنها قلبت عينيها بطريقة عصباتو بحالي كانت كاتقلي ليه السم .. تقدم للباب خارج وهو كايقول :
- تاليا أجي معايا بغيتك ..
طارت حتى صوفي وقالت بحماس :
- وأنا نعاونكم فشي حاجة أولد عمتي .
فهم جبل أنها باغيا دير بلاصتها وسطهم لكن كون مادخلاتش عليهم قبيلة كيف لإعصار كان غادي يبغيها كثر لكن دابا كايشوفها إنسانة مستفزة ...شنقت عليها روعة من يديها وقالت:
ضيق فيها جبل عينيه وتوعدها بالإنتقام من هادشي لي كادير لكنها بعدت عينيها باش ماتشوفش فيه حيت نظراتو كايقتلوها ويخليوها تنسى كل مصائبو... تنهد جبل وقال :
- خليك معاها اصوفي .. أجي أتاليا محتاحك .
- واخا .
قالتها تاليا وناضت بحماس تبعات جبل .. هاد نهار مميز بزااف أخيرا عائلتها تجمعات وصلحات علاقتها مع خوها صخر .. هاد اليوم كان عندو طعم أخر واخا بدا بالكوارث لكن أهم حاجة إنتهى بلحظات جميلة فمن بعد كل ضلام فجر ينير عتمت الزوايا .
جر جبل تاليا خلفو وسد الباب ديال الغرفة فقالت تاليا :
- خويا أرا عليك مايسي إلى عياتك .
شاف جبل فمايسي وفيديداتها صغيورين ثم إبتسم ودورها عندو وبعدها عليه وكأنه كان مصر يشوف هاد الفورما لي غادي تعيه .. جوج رجيلات صغيورين وجوج يديدات قد صوابعو وكريشا صغيورة ورويس قد قبضة يديه كيفاش غادي تعييه هاد رابعة ديال اللحم لي لابسة كسيوة فالزهري وزايداها كاتشوف فيه بعويناتها صغيورين ، بلا شك باغياه ياكلها فقضمة وحدا إلى ستمرت على هاد اللطافة والكياتة كلها .
مشات تاليا وهي كاضحك وفرحانة حيت راه بحالي جاوبها بالفعل .. تأكدت شكوكها ، كانت شاكة فيه كايبغيها ملي رجع حيت كان لسانو كاينطق غير بإسمها فطالعة والهابطة .. مشات تاليا كيما طلب منها جبل و بقا بوحدو كايشوووف فمايسي وهو يلاحظ إبتسامة صغيرة على وجهها اللطيف ...
ماقدرش يصبر باسها بقوة حتى كان غادي يبكيها .. حتى انها رخفت شفايفها وغمضت عيونها باغيا تبكي بطريقة خلاتو يموت بالضحك .. بدا كايهز فيها ويوشوش ويقول :
- شووو صاافي صااافي اصغيورة إلا شافني خالك بحال والو يحكم عليا بالإعدام .. لكن خليني نزيدك غير بوسة وحدا وصافي .
زير عليها وباسها من خدها وهي طلقها بغوتة اش جاب لي يسكتها دابا .. بدا كايضور بيها فالممر ويطيطب على ضهرها ويغني .
- صاااافي صاااافي لااااااايسامح ... ذهب الليل طلع الفجر والعصفور صوصو ... شاف القطة قلها بسبس قالتلو مياو مياوووو.
سكتت أخيرا مايسي لكن شدتها الشهقة ، دار ليها رضاعة فمها وشربت شويا الحليب ولكن الشهقة مامشاتش .. طبطب على ضهرها ولكن وااالو مامشاتش الشهقة .. شاف فيها وقال بعد تفكير عميق :
- ااام عرفي امايسي ، فاش كانو خوتي صغار وكاتشدهم الشهقة بحالك كانت ليليا كادير ليهم نقطة حمرة بين عينيهم ومكاتبقاش.. أشنو بان ليك نقلبو على شي نقطة حمرة أنا وياك .
رمشت مايسي بعينيها وشهقت وفهم من شهقتها الموافقة فبدا كايضور ويقلب منين يجيب هاد النقطة حمرة .. دخل للصالة الكبيرة وهو يشوف زربية لي فالأرض لونها أحمر .. تحنى عليها وبدا كاينتف منها شويا ديال الخيوط وكورعم بأصابعو حتى حصل على نقطة حمراء وبللها شويا بلسانو وحطها ليها على جبهتها .
لكن فالغرفة عند روعة .. كانت صوفي كاضور وحاطا صبعها تحت دقنها وكاتفكر وكأنها شارلوك هومز .. ضارت لعند روعة فجأة بطريقة خلعتها وقالت:
- كان كايتحرش بيك ياك ؟.
بقات روعة كاتشوف فيها بغباء وهي تضرب صوفي يديها بغيظ وقالت:
- كنت عارفا أن ولاد عمتي مصاخط لواليدين منحرفين وبالخصوص داك جبل .. خاب ظني فيه ... أنا ممكن نشهد معاك ضدو إلى بغيتي ترفعي عليه دعوة التحرش .
ضحكت روعة حتى دمعو عينيها من جنون صوفي وشاركتها حتى صوفي وهي كاتقول:
- راه قلت ليك نشهد معاك فاشما بغيتي ضد دوك لمساخط بالخصوص صخر لاعندك شي قضية ضدو أري نباليو بيها هي لأولى .
دخلت عليهم تاليا وهي هازا فيديها العلبة البيضاء وكاتقول :
- ضد من غادي تشهدي أصوفي .
أشنو غادي تقول ليها ضد خوتك لمهابيل .. حركت صوفي راسها بالنفس وقالت:
- حتى واحد .. أشنو فديك العلبة ؟.
حطتها تاليا فوق السرير وقالت وهي كاتفتح :
- هادي هدية خويا لحبيبتو .
قلبت روعة عينيها بغيظ بينما طارت صوفي كاتقلب فالعلبة وخرجات منها فستان ابيض طويل كولو كايلمع مع إنعكاس الضوء وبقوت لي ندهشت بقات حالة فمها ورجعت ضارت لعند روعة وقالت :
- شفتي ديك لهضرة كووولها لي قلت ليك أنا كانسحبها .. ولد عمتي دوااااااق ورومنسي ، سعدااااتك بيه .
تنهدت روعة بقلة بغيظ ومابغاتش تشوف فداك الكسوة حيت فعلا حمقتها بل طيرت ليها العقل وإلى قالت أن جبل دواق فهي ماكدبتش .. لكنها كانت كاتقاوم رغبتها ولهفتها باش تتفحص خياطتو وثوبو وشكلو حتى قالت تاليا :
- سكتو سكتو ... واش كاتسمعو هادشي لي كانسمع ؟.
شافو صوفي وروعة فبعضهم بإستفهام فمشات تاليا ناحية الشرفة حلات لباب وهي تدخل عليهم موسيقة الدبكة .. طارت صوفي ومشات كاتجري كاطل على الفرقة السورية لي كانت كاترقص فالأسفل وقالت بحماس .
- وااااااو لحمااااااااس ...
دخلت لعند روعة وهي كاتشطح بهستيريا وماكرهتش فديك اللحظة روعة تنوض حتى هي طل لكن واللعنة رجليها مهرسة .. جرات عكاكزها وسندت راسها عليهم باش قدرت تنوض وهوما يضورو بيها صوفي وتاليا كايشطحو ويضحكو وبدات حتى هي كاضحك بقلة حيلة حتى غوتت تاليا فاش تفكرات .
- كانحماااق على المكياج عطيني أنا ندير ليها الفوندوتان.
تنهدت روعة بقلة صبر وفهمت أن جبل هو لي وصى تاليا فاش عيط ليها بوحدها قالت روعة بتردد :
- لا .. لا بلاش مكاين لاش .
لكن البنات كانو أكثر إصرار جروها بسيف عليها كلسوها على الكرسي وضارو بيها وكأنهم خبيرات التبرج وحدا تكلفت بتمشيط شعرها الأحمر والثانية دارت ليها مكياج خفيف لأن روعة رفضت المكياج سموكي ونوضوها بسيف عليها لبسوها الكسوة لي جاب ليها جبل وجات على مقاصها وكأنها مفصلة على قوام جسمها ..
جروها وقفوها حدا لمراية باش تشوف مظهرها وردت فعلها كانت شهقة مندهشة .. شحال عجبها راسها فديك اللحظة وهي كاتشوف قوام جسمها بارز تحت الفستان الأبيض لي كان كايلمع كيما كانت كاتلمع هي من شدة الحسن والجمال .
فديك اللحظة فتح جبل الباب غير بشويا لدرجة مالاحضوهش فاش دخل ...تسمر فاش شاف حبيبتو بديك الطلة .. كانت وكأنها بدر مكتمل فليلة صيفية ، بيضاء كاتلمع وكأنها سديم وشعرها لأحمر الطويل مسدول على أكتافها وكأنها أميرة ... كانت كاتبان ليه عروسة فاتنة باللون الأبيض ولو أن عشقو الأسود لكن الليلة هو غادي يعلن ملكيتو عليها وينصبها ملكة على عرش قلبو .
قالت تاليا وهي كاتبتاسم :
- جيتي كاتحمقيي .
وقالت صوفي موافقاها الرأي :
- عندك الحق .. جات فنة .
إبتسمت روعة وهي كاتش ف راسها فلمراية وقالت:
- عجبتني هاد الكسوة بزااف ... ولكن حتى نتوما غادي تلبسو ياكو .
قالت صوفي وهي كاتنهد :
- مع الأسف مالقيتش لي يشريلي كسوة بحال هادي .
فديك اللحظة شهقت مايسي بصوتها الصغير عاد باش إنتبهو لجبل لي كان واقف وكايشوف فيهم بإبتسامة هادئة وغير شافت تاليا النقطة الحمرة لي على جبهة مايسي ضحكت وهي كاتقول :
- شكون لي دار ليك هادشي ؟.. وليتي بحال شي هندية أمايسيتي لحبيبة .
قربت من جبل وخداتها مو وهي كاضحك وكاتبوس فيها فتوتر جبل وقال بتردد :
- كانت .. كانت كاتشهق ودرتليها النقطة الحمرة باش تحبس ليها ..
ضحكت تاليا وصوفي بسخرية على جبل وشدوها فيه .. قالت صوفي بسخرية:
- والله ياولد عمتي كانشوف فيك مشروع أب ناجح ههههه.
مع أنها سخرت منو إلى أن سخريتها عجباتو حيت فعلا هو كايشوف راسو مشروع أب ناجح .. إبتسم لصوفي وقال :
- يالاه البنات هبطو راه كايتسناوكم لتحت .
نقزت صوفي بالحماس وخرجت وهي كاتغوت:
- غاديا نشطاااااااااح .
هنا ضرب ناقوس الخطر فقلب روعة إلى خرجت حتى تاليا مشات فيها لكن قبل مادير شي ردة فعل دفع جبل تاليا غير بشويا وخرجها من الغرفة وهو كايقول :
- سيري حتى نتي تشطحي.
لكن قبل مايشد الباب قالت تاليا بسخرية :
- اي دخيييييييييلوووو الحب .
دفعها وسد الباب وهو كايبتاسم وفاش ضار لعند روعة لقاها مخنزرة فيه هزت عكازها وهدداتو بيه وهي كاتقول :
- تقرب مني نـ..
لكن قبل ماتكمل هضرتها شد العكاز وجرو لعندو بطريقة خلات جسمها يرتد للأمام وكانت غادي طيح لكنه لقفها وشدها بيديه العريضة وهو كايبتاسم بمكر .. تعوطت روعة فوقفتها وهي كاتحس بالإحراج حتى أن وجهها ولا حمر وقالت:
- أشنو هادشي لي درتي كونتي غادي طيحني ! .
إبتسم بخبث وقرب من ودنيها وقال بهمس:
-ونتي كنتي باغيا ضربيني مع انني مادرت ليك والو .. أنا إنسان هادئ ومسالم نتي لي شويطينة كاتبقاي ضوري ضوري حتى كاطيحي فالحفرة لي كاتحفريها ليها فكل مرة اروعتي .
كانت باغيا تقتلو كانت باغيا تنحرو من الوريد إلى الوريد .. تمسك جبل بأكتافها وبعد راسو كايتفحص قوامها بعينيه وقال:
همهم جبل بهدوء وتفكر أنها غير قبل دقائق كانت كاتشوف فراسها بإعجاب وقالت بلسانها "عجبتني هاد الكسوة بزاف" لكنها مصرة تسمم بدنو .. مشات روعة معتمدة على عكاز واحد لقبالة المراية وتبعها جبل وقف خلفها بطريقة وترتها وفنفس الوقت عصبتها لكن ماتقدرش تنكر أن أنفاسو لي ضربت فرقبتها خلاو الرعشة تسري فكامل أطراف جسمها ..
جبد جبل من جيبو علبة فاللون الأزرق الداكن وفتحها وخدا منها عقد الألماس لي شراه ليها وحط العلبة .. شاف فلمراية ولقاها مراقبة بعينيها العسلية كل حركاتو فتبسم بهدوء وحنا راسو طبع قبلة على كتفها شعر برعشة جسمها بطريقة خلات قلبو يرفرف بسعادة .. عارف بأن لمساتو كايأترو عليها لكنها فكل مرة كاتحاول تتضاهر بالثبات والا مبالات .. ميل شعرها من حول عنقها وطلع بقبلاتو من كتفها لرقبتها حتى لخلف أدنها وطبع قبلة وهو كايهمس بصوت مبحوح .
- الكسوة ماعجباتكش ، ولكن كانتمنى هذا يعجبك .
وضع العقد على صدرها وغلقو من الخلف وشاف فيها فالمراية ... كانت جامدة وأثار الصدمة كانت باينا على وجهها .. مدت يديها تحسست أحجار العقد وهمست .
- زوين بزاف .
إبتسم جبل فاش عتارفت ليه أخيرا بجمال دوقو مع أنها كانت كاتبان بحالي منومة مغنطيسيا .. شدها من أكتافها ودورها لعندو وجبد العلبة الثانية لي كانت فاللون الأسود وفتحها قبالت عينيها وشاف فردة فعلها .. كانت منبهرة أمام جمال داك الخاتم لي كان كايلمع ورفعت عينيها شافت فيه بدهشة وقالت:
- شنو هذا ؟
مد يديه ليها وراها الخاتم الفضي لي كان لابسو فيديه ديال الزواج وقال :
تصدمت من جرءة هاد السيد .. اللعين مخطط لكولشي على تيساع ومن مدة وهي لي مقلوبة عليها لقفة .. خدا الخاتم من العلبة وتمسك بيديها باش يركب ليها الخاتم لكنها كمشت يديها وقالت بغضب :
- قلت ليك ... أنا ماشي مرتك .. وداك زواج باطل حيت بدون موافقتي كاتسمع أنا ماشي مرتك .
تنهد جبل بغضب وجر ليها يديها بالقوة وفتح ليها صبعانها بسيف عليها حتى حست بأنه غادي يهرس ليها صبعانها .. كانت نظراتو متوحشة وكأنه ماشي جبل لي كاتعرف .. زير على يديها بقوة حتى تأوهت وقالت بألم :
- اااااااه جبل .
إنتبه جبل أنه ماتحكمش فأعصابو وخف عليها شويا لكن ماطلقش منها وبسيف عليها دخل الخاتم فصبعها وكيما قالت الخالة تيماء لخاتم لي جاه فصبعو الصغير هو لي جا قياص لصبعها المتوسط .. رفع يديها وباسها و قال بحدة:
خطفت يديها بغضب وقالت وهي كاتشوف ليه فعينيه بتحدي:
- فأحلامك البارون .
مد يديه تمسك بخصلة من شعرها وقال وهو كايشوف ليها فعيونها :
- لو تعرفي أنو كل مقاومتك لي بتخليني جن أكتر وحبك ..ولك بحبك يامجنونة .
مابقاتش قادرا تصبر مازال على الكدوب ديالو ولو يرسم ليها فسماء أنه كايبغيها ماغاديش تصدقو .. دفعات يديه من شعرها وقالت بغضب :
- وأنــا كانكرهك .
شاف فيها بنظرة كاتقتل .. كيفاش تجرأت تقول ديك الكلمة وتبعدو عليها بديك الطريقة وكأنه فيه الجدام .. نظرتها كانت ملوثة بالخوف والغيظ لكن مكانش كايشوف فيهم الكره .. لكنها تحداتو وملي مابغاتش الخاطر غادي يوريها وجهو لي ماعمرها شافتو .. إنقض على شعرها من الخلف بيديه وشدو بطريقة خلات روعة تتأوه بألم وحاولت تفك شعرها من قبضتو لكنها فشلت فكل المحاولات .. فدفعها بقوة على طاولة التزين وقال بغضب جنوني :
- ماعليش كل شئ راح يتغير وراح تحبيني بعديين .... بس أنا مهوس بيكي و إذا فكرتي تخونيني .
سكت شويا وكمل وهو كايبرك على أسنانو :
-إذا فكرتي تخونيني ياروعة ولو بعيونك ، ولو بقلبك ، ولو بعقلك ، ولو حتى بهمست صوتك الى بتخليني جن ..ولو حتى رمشوش عيونك ، و هلهمسة وهالنفس الى بتتنفسيه طلع منك وراح لحدى ثاني غيري ... راح أقتلك وأقتل حالي ...
إبتلعت روعة ريقها بخوف وألم .. رجف قلبها وهي كاتشوف فملامحو لي تغيرو وكأنه تلبسو شيطان حتى نظراتو أصبحت شريرة ... لكنها مكانتش عارفة مازال ان كلامو ماشي مجرد غيرة أو حب بل هو هوس ... هوس خطيييييير ممكن يقضي عليها .. :
زير على شعرها حتى تأوهت بألم وكمل بين أسنانو:
-ماراح أجبرك تحبيني بس إذا بتخونيني ياروعة ...
غمض عينيه وكمل وهو كايتخيلها مع صخر:
- مابعرف ساعتها شو راح أعمل فيكي ... مابدي خوفك مني بس لحد هلئ .... كل لي خانوني تحت الأرض ...
دق ناقوس الخطر في عقل روعة وتجمعو الدموع فعيونها فمهما كانت شخصيتها قوية جبل طيحها للأرض ودعس عليها لأسفل السافلين ... كانت خايفا منو وكاترعش كولها ونظرتها وكأنها كانت كاتترجاه يطلق منها حتى إنتبه لنفسو أخيرا وطلق من شعرها لكن مابعدش عليها .. مسح على شعرها بيديه وقال بصوت حنين :
- ماتخافي مني ياقلبي ... انا بحبك كتير لكن مابقدر شوفك فأي مقام من مقمات حياتي غير ملكة في مملكة حياتي وقاعدة على عرش قلبي ... بحبك لدرجة إذا شفتك عم تطلعي بعيونك في حدا ثاني ولو صدفة راح أقتلو لهالحدى مفهوم ياعمري .
إبتلعت روعة ريقها بخوف وهمست بصوت خافت بعد صمت:
-فهمت .
رد عليها جبل بصوت جاد وباللهجة المغربية القاصحة :
-لا انتي مازال ما فهمتي ... والله حتى نقتلك أروعة إلى ماكنتيش ليا ... ودابا غادي نهبطو انا وياك للتحت وإلى شفت فعينيك نظرة ضعف ولا خوف لي تشوهني مع صحابي ولا دري شي تصرفات لي تمس بسمعتي ، أقسم بالله فاش غادي ننفرد بيك غادي نوريك وجهك فلمراية .
البارون الأعظم الجزء 65 أنا مهوس بك
محتوى القصة
التنقل بين الأجزاء