وسط تصفيقات الأصدقاء والرقصات كانت روعة واقفة وعلى وجهها إبتسامة، كانت إبتسامة مزيفة تحمل داخلها كمية ألم مهول .. كانت كاتحس بالسرعة فخفقات القلب ورعشة خفيفة فأطراف جسمها وصوت طنين داخل أدنها .. وكأن نوبة دعر أخرى غادي تشدها .. كانت كاتشوف غير خيالاتهم تتمايل .. كان منظرهم مخيف وكأنهم أشباح اللون الأسود فعيونها كان بحال الدخان والأبيض كان بحال الضباب .. عاوتاني غادي يشدها هداك الألم فالرأس ، عاوتاني غادي تبدا تغوت ..
كانت كاتمة صرختها تحت إبتسامة مزيفة قدر صخر لي كان غير واقف وكايشوف يميزها .. عرف انها نوبة جديدة وخصو يتدخل باش يوقفها ... شاف فجبل لكنه كان وسط صحابو ضايرين عليه وكايشطحو ، وكان كايبان فيه فرحان بزاف .. لكنه روعة كانت العكس ، حالتها تتدهور وإلى ماتدخلش غادي تنهار على الأرض .. هو كان بحالها هو مر من نفس حالتها وعارف شنو غادي يوقاع من بعد إلى ماخداتش جرعة من الهيرويين .
تسلل داخل البنات حتى وصل لعندها وشد ليها فدراعها ثم قرب من ودنيها وهمس :
- إيميليا باش كاتحسي ؟.
ضارت شافت فيه لكن ملامحو مكانتش كاتبغي توقف باش تعرف شكون هو جبل ولا صخر لكن مهما انه ناداها بإسم إيميليا إذن هو صخر .. إبتلعت ريقها بألم وتمتمت :
- صخر .. عتقني .. كانحس براسي غادي نموت .
شاف يمين وشمال وكانو كلهوم مستغرقين فالرقصات فعاونها حتى خرجت من وسطهم ثم هزها بسرعة ومادخلش للقلعة حيت عارف غادي يلقا فوجهو ناس اخرين هذا علاش داخا لخلف القلعة هربها بسرعة لكن لسوء حظو شافو جبل فأخر لحظة .
ضار قلب بعينيه على روعة وملي مالقاهاش كز على أسنانو وتمتم بغضب :
- إبن الصرماية.
تراجع بطريقة ماتدخلش الحضور الشك باش مايتبعوهش وإنسحب بهدوء وفاش بعد عليهم مشا كايجري تابع صخر وتصدم فاش لقا روعة ناعسا فالأرض وصخر حاني عليها .. ماقدرش يستحمل ومشا كايجري شنق عليه من الخلف وجبدو لعندو ثم دفعو بقوة حتى إرتطم جسمو بجدع شجرة وغوت :
- أشنو كادير فمرتي ! .
تأوه صخر بألم .. حس بالضهر ديالو تقصم فالنصف .. فإلتفت جبل لعند روعة بغضب قاتل لكنه تسمر فاش لقاها كاتلوى فالأرض وشادا فراسها وكاتنفس بسرعة وكأنها كاتغراق.
نزل لمستواها بسرعة وهز ليها راسها من الأرض سندو بدراعو وقال بريبة وخوف وهو كايمسح على راسها :
- روعة .. واش نتي بيخير باش كاتحسي .
مابقاتش روعة قادرا تصبر وطلقت صرخة عالية لكن مع الموسيقى مستحيل يكونو سمعوها الحاضرين .. بدات كاتلهت وتنتف راسها بيديها وهي كاتقول وكاتبكي:
عنق جبل راسها بقوة باش يخفف عليها وغمض عينيه حيت مع الأسف مايقدر يدير ليها حتى شي حاجة لي تخفف على ألمها .. قال صخر من بعيد وهو كالس على الأرض :
- تاصلت بالدكتور لي تعالجت عندو شحال هادي ونصحني باش نجيبها ليه فأسرع وقت ..
شاف فيه جبل بنظرة قاتلة وغوت بغضب :
- نتا السبب فهادشي كامل .. الله ياخد فيك الحق .. نتا السبب فعدابها .
حنا صخر راسو وتنهد حيت أول مرة جبل غادي يقول شي حاجة صحيحة فحقو ... رفع راسو شاف فمنظرهم وكيفاش كان معنقها وماكرهش كون كان فبلاصتو ..لكن رجع قال بوهن :
- طلبت منهم يحقنوني أنا بداك السم ويخليوها هي لكن .
شاف فيه جبل بنظرة كيف الرعد وقاطعو بغضب :
-لمصلاحتك ماتزيد حتى كلمة ..
سكت شويا كايشوف فصخر بحقد وكمل:
-علاش مصر دمر ليا حياتي أصخر .. أشنو درت ليك انا ؟ .. مرتي باش عاداتك ؟، حسبي الله ونعم الوكيل فيك هادشي لي غادي نقول .. نوض سير بحالك .. نووووض
لكن صخر مابغاش يمشي بالعكس ناض وقرب منهم وتحنى لمستوى روعة تمسك بيديها وقال بوهن :
- إيميليا .
لكن جبل سحب يد روعة من يد صخر وقال بغضب :
- سميتها روعة .... سييير بحالك
إعتدلت روعة فجلستها بعدت على جبل وتكومت على نفسها .. جمعت رجليها بيديها لصدرها وحطت جبهتها على ركبها قرب منها جبل وحتى صخر لي كان مصر يبقى معاها حتى لأخر رمق .. قال جبل بصوت حنين:
- روعة ... باش كاتحسي احياتي .
ردت عليه روعة بعد حين وهي كاتحاول تلتقط أنفاسها بين الألم لي كايمزق راسها وكل عضلات جسمها .
- لك الله ياقلبي ...
وكملت وهي كاتنهش:
- يارب صبرني .
ماقدرش جبل يستحمل وحضن جسمها المكوم على شكل جنين .. باس ليها راسها تحت أنظار صخر لي ماكرهش حتى هو يبوسها ويحظنها لكن كانو باقين ليه الكلمات .. قرب منها وقال بصوت جاد :
- نتي قوية اإيميليا ، وعارفة هادشي مزيان كاتصنعي من ضعفك قوة ومن حزنك فرح كاتبدلي دموعك بضحكة وكاتزرعي فقلبك الورود... نتي ... نتي زوينة ... نتي ذكية ... نتي مرحة .. نتي طيبة .. نتي مميزة .. تستحقي المحبة والمودة .. نتي غاليا بزاف.. نتي الماسة وردة لؤلؤة نتي اكثر روعة بين كل خلائق الله ...
سكت شويا فاش شاف عيون جبل لي كانو باغين يقتلوه لكنه تجاهل أمرو وكمل باللهجة السورية:
رفعت روعة رأسها من فوق ركبها .. شافت فصخر بوهن وهمست:
- جاوبني بصراحة .. هادشي لي فيا بسبب .... بسبب الإدمان ياك ؟ .
شاف صخر فجبل لي بادلو نظرة حادة وماعرفش شنو يقول فغوتت روعة بغضب :
- جاوبنيييييي .
دفع جبل صخر وحظن خدودها بيديه الكبيرة باش يتملك أنظارها ثم قال بعد حين:
- أه ... نتي دابا مدمنة وبسبو هو .. بسبب صخر لي دافعتي عليه نتي دابا كاتعيشي هاد الألم ... بس شو ماصار ماتزعلي .. إنتي منك لحالك بهالكون ولا هذا اخر يوم ... كل ماتحسي بغصة بقلبك .. أنا هون دايما بجنبك..
حركت روعة راسها بعنف يمين وشمات وقالت بقهرة:
- انا شنو غادي يقولو عليا ناس دابا ؟... مدمنة! ، مريضة! مسكينة! ، أي نوع جديد من الشفقة غادي نلقى ؟..
ثبت جبل راسها بيديه وقال بحزم:
- شو ماقالو كل هاناس زادو فيا حب وزادوني إحساس .. شو ماقالو كل هالناس انك بنت قوية يقولو شو مايقولو خليكي هيك اليوم عايشين ومنحاول نكون نفسنا ولو مرة غلطنا مين السائل ... ارمي وراكي كل شئ وضلك إمشي ... هالأيام أخرها هتعدي وراح تتعالجي وترجعي مثل ماكنتي زمان .. هي غمامة وراح تفوت وأنا هون دايما بجنبك ياروعة .
كلماتو خففو عليها شويا من الألم على الأقل واساوها .. اشنو غادي دير دابا ، صخر هو سببها فكل هاد الألم كيما قال جبل .. شافت فيه بنظرة تأنيب .. حاولت تلقى ليه الأعذار لأنه أنقدها من تحت الأنقاض لكن سيأتو فكل مرة كاتبان ليها أكثر من حسناتو .
بقاو كالسين بثلاثة على الأرض وجبل وصخر كايهضرو وكايواسيوها وكايقنعوها انها غادي تبرا لكنها كانت مكتفية بالصمت وبعض التنهيدات العميقة وكاتشوف غير فالسماء حتى هدء الألم شويا وخف ماشي بزاف ولكن كان كافي باش يخليها تنوض على رجليها بمساعدة جبل لي حنا باش يهزها وهو كايقول :
- خليني نهزك .
لكنها شدت فكتفو وقالت بحزم:
- بلاش .. غادي نمشي بوحدي .
مابغاش جبل يضغط عليها ومد ليها العكاز ديالها وشد ليها فيديها باش يعاونها تتحرك لكنها سحبت نفسها منو وقالت بحزم:
- ماتبقاش تقيص فيا .
حس جبل بالسخونية طالعة معاه ، مارضاش حيت صداتو بديك الطريقة حدا صخر لي ظهرت إبتسامة إستهزاء على وجهو ، هو راه حذرها قبل ماينزلو وهاهي كاضرب تحذيراتو بعرض الحائط وحدا هاد الويل ديال صخر لي مشا لعندها وهو كايقول :
- خليني أنا نعاونك .
شد ليها فيديها وهي تنتر يديها منو بعنف وقالت :
- بعد مني حتى نتا .. حتى واحد فيكم مايقرب مني ولا يقيص فيا ولا يهضر معايا فهاد ساعة .
فلتت تنهيدة إرتياح من صدر جبل فاش غوتت على صخر وشاف فيه و ضحك بمكر .. مشا باش يتبعها لكن صخر شدو من دراعو وقال بخبث :
- كايبان ليا بلي هاد زواج عندكم غير تمثيلية ...
شاف جبل فروعة لي ضارت وإختفت من أمامهم ورجع شاف فصخر ونتر دراعو بعنف وزمجر .
- ونتا مالك هااه !!.
دار صخر يديه فجيابو وقال ببرود:
- أنا قلت غير لي شفت بعيني .
قرب جبل من صخر بتحدي حتى أنه دفعو بصدرو مستاعد للقتال وزمجر قائلا:
- فين بغيتي توصل بهضرتك هااه !؟.
تراجع صخر للخلف بجوج خطوات وقال وهو كايضحك:
- لحتى شي بلاصة ..
دفعو جبل بيديه بعنف وقال بغضب :
- ونتا شنو لي كايهمك فعلاقتي الزوجية بالضبط ؟ .
زول صخر يديه من جيابو ولمس كتفو بألم حيت الدفعة كانت قوية لكنه مستحيل يفلت حتى شي فرصة يلعب فيها على أعصاب خوه فقال بمكر :
- كاتبقا فيا اخويا جبل ... فنظرك واش هي كاتبادلك نفس لإحساس ولااااااا عكسو زعما تكون كاتكرهك .
مابقاش قادر حبل يصبر ودفعو هاد المرة بقوة حتى كان صخر غادي يطيح لولا أنه شد فراسو مزيان فغوت جبل بقهرة حيت وصلات ليه للعضم:
-بيكفيييييي .... بعرف ... والله بعرف انو مالي في قلبها نصيب .. وبعرف انها مابتشوفني من الأصل .. شو اعمل عاوزني اجاوب الجواب الي إنتا بدك ياه .. لا ماراح جاوب وراح أمثل انها بتحبني وبداريني وبتسأل عني وتقصدني بكلامها وتحلم فيني وماتشوف الدنيا إلى بعيوني .. بدي اعيش الكذبة وأصدقها وإنتا مااالك واش حااارك ياأخي .. ليش عم تسالني هاسؤال هذا ؟.. بدك تستفزني أي أسوء مافيني راح يطلع أذا حدا بيسالني إذا انا بحياتها شئ .. أنا بكون ولا شي ولا شي مابتحس فيني شو راح اعمل شو الحل ماعها ؟ .. مافي حل !.. خلاص انا راضي .. انا ساكت أنا بالع موس وساكت إنت شو دخلك .
تسمر جبل فاش وعى على نفسو أنه قال هاد الهضرة لصخر ، كره راسو حيت تسرع لكن اللعين ستفزو حتى مابقاش عارف شكايقول وبلاما يشعر خوا عليه سرائر قلبو .. شاف فيه صخر بنضرة مامفهوماش خلات جبل يجهل .. اكيد دابا صخر غادي يستغل الفرصة ويتقرب منها لكن لي مكانش عارف جبل أن صخر كان كايقول فنفسو
- ولك هي بتحبك يامجنون .. كون سمعتي شنو قالت عليك ... نتا غادي تحسد نفسك . لكنك غبي وهذا لمصلحتي .
كمل جبل وقال بنظرة تحدير وغضب:
- بس مع هيك هي بضلها مرتي وبدي إفقي كل عين بتطلع فيها ..
دفعو بقوة وجمع معاه بضربة لكرشو زواتو لدرجة طاح صخر على الأرض وشد فكرشو كايتألم ... على ليه جبل راسو بعنف وقال بغضب :
- ضربتك لأنك تغزلت فمرتي قدامي ياواطي وفكل مرة بتطلع فمرتي ولا تغازلها راح أضربك لحتى تموت وأرتاح منك .
طلق منو ومشا تابع روعة مخلي موراه صخر كايسب فيه بأقذر الشتائم وكايمسد فكرشو مكان الضربة لكن فاش رفع راسو لمح بحال خيال داز من خلفو فضار بسرعة لكن مالقا حتى شي واحد ، ظن بأنها مجرد تهيأت وكمل حملة الشتائم فجبل وهو كاينوض .
كلست روعة على طاولة الأكل لي كانت خاويا .. فكل الموجودين كانو كايشطحو ولا واقفين .. كان باين عليها المرض من وجهها .. عضت على شفتها باش تكبح موجة ألم عابرة حتى سمعت صوت من خلفها كايقول :
- كانعتاذر منك ولكن كيف قلتي عيانة شويا وماعنديش القدرة باش نهضر ونتحاور .
أومأت باتريسيا بتفهم وقالت :
- فهمت .. حتى أنا بحالك فاش كانتقطع شويا كانمر من نفس الأم
ردت عليها روعة بإستهجان :
- أشنو كاتقصدي ؟؟.
قربت باتريسيا من ودن روعة وهمست بصوت خافت :
- كانقصد الإدمان على الهيرويين ..
إبتسمت بمكر وكملت فاش شعرت بدهشة روعة :
- جبل لي قالها لي .
بعدت عليها باش تشوف ردت فعلها وكيف توقعت كانت صدمة روعة فوق توقعها فكررت خلفها بدهشة :
- جبل.
تصنعت باتريسيا الأسف وقالت :
- اه جاء مسكين لعندي وبغا ياخد رأي فحالتك الميؤوس منها ولكن ماقديت نقول ليه حتى حاجة حيت انا براسي مدمنة ولكن فالسر حتى شي واحد ماعارف .
خاب ظنها فجبل للمرة الألف هاد نهار وفاق كل توقعاتها وعرف كيفاش يدير يصدمها مزيان .. اللعين فبلاصت مايتستر عليها كايشوهها مع عباد الله .. ضارت شافت فالناس لي حاضرين وتسائلت واش حتى هوما عارفين انها مدمنة ، شافت فبهجت والدون ماركيز ولقاتهوم كايشوفو فيها بجوج وكايهضرو ويرجعو يشوفو فيها وشحال كرهت نظراتهم ، إذن حتى هوما عارفين ويعلم الله شنو كايقولو عليها . قاطعت نظراتها باتريسيا وهي كاتقول بأسف :
- خفت نقول لبهجت أنني مدمنة ويديني لشي مصحة ديال المدمنين ويسجنني تما بحال شي مجرمة ولا حمق. يبقاو يعطيوني لماكلة من سرجم وكأنني مريضة بالجدام حتى عائلتي يمنعوهم عليا .. ماعرفتش مدة علاجي شحال غادي دوم .. خفت عائلتي ينساوني ويكرهوني .
كانو كلمات باتريسيا بحال وسوسات الشياطين , حيت هي عارفا ان صخر باغي يديها تتعالج ... فكيفاش بنت بحال هادي لا زين لا فصالة تتزوج بأوسم رجل وأشجع رجل وفوق هادشي فيديه أملاك جدو كاملين وأي شئ كايملكو الرجل كاتشاركو فيه حتى مرتو .. أقسمت انها ماغاديش تخليها تفرح بسانتيم واحد تحرمت هي منو . ولو ماخداتش حقها ففلوس بهجت غادي تاخد جبل كولو وتزول من طريقها هاد الطفيلية .. هي صبرت سنة كولها ديال زواج براجل شارف هارف لا قوام لا زين باش فلخر تطلع زيرو درهم .. لا مستحيييل .. ياتاخد حقها ياتاخد جبل ، ولكن روعة عائق فطريقها وماغاتمشي حتى تزولها بأي طريقة .
شافت فيها بحزن ماكر وقالت :
- مؤخرا بديت كانحاول نبعد على الهيروين ونصحتني واحد الصديقة بحقن المورفين .. هوما أقل ضرر كايستعملوهم الأطباء فتخدير المرضى فالعمليات ولكن كايحبس الألم بالمرة .. إلى حقتني بيه نفسك حتى الألم ديال الهرسة لي فرجليك ولغراز لي فيديك غادي يختفي غادي تولي تحسي براسك المرأة القوية ... وهكا قدرت نتخلص من الهيروين بالمرة .
لكنها ماقالتش ليها بأن الإدمان على المورفين يمكن أسوء من الهيرويين نفسو ، فالمورفين من فئة الأفيونيات بالغ الخطورة وعندو خواص إدمانية مرتفعة وكايتعتابر من المخدرات الغير مشرعة الأكثر تدميرا فالهيرويين أصلا كايتصنع من المورفين لي كايتستخرج من عشبة طبيعية اسمها الخشخاش .. تقدرو تقولو أن المورفين أب الهيرويين .. وكايستخدموه الأطباء بحذر وبكميات محدودة على مرضاهم .
جبدت باتريسيا شي حاجة من صاكها الصغير بتخبية وحطتها فيد روعة وهي كاتقول بصوت منخفض :
- هاكي .. خبعيه عندك .. جبل مستحيل يخليك تحقني نفسك بالهيرويين ولا يخليك تشريه من الأصل .. خلي عندك هاد القارورة ديال المورفين و فاش ماتقدريش تقاومي ألمك إستعيني بيها راها دقة بطلة .
ثم ناضت مشات بحالها عند الشباب لي كايرقصو وبدات كاتشطح معاهوم وتشوف فروعة لي فتحت يديها كاتشوف فديك القريعة الصغيرة العامرة بمحلول مائي ومكتوب عليها Morophine / 2500mg
- شنو داكشي لي فيديك ؟.
طفجها صوت جبل فبسرعة كومة القارورة فيديها وشافت فيه وقلبها كايضرب بالخلعة .. خافت لايكون شافها فقالت بسرعة :
- والو حتى حاجة.
كلس حداها جبل وقال وهو كايمد يديه ليها :
- أري نشوف داك حتى حاجة لي فيديك .
زيرت عليها بقوة وشافت فيه بحدة فاش تفكرات باتريسيا وهي كاتقولها بأن جبل قال لهاد القوم كامل انها مدمنة .. شافت فيه بحدة وقالت :
-والو هي والو .
لكن جبل ماصدقهاش حيت بعينه كان كايشوف فيديها ديك القارورة ومانتابهتش انه من مدة وهو واقف كايشوف فيها .. مد يديه تمسك بيدها بغضب وجرها لعندو باش يحيدها ليها من يدها فقالت روعة بغضب وهي كاتنتر فيديها :
ماكانش باغي يزيد معاها حيت هو عارف نفسيتها كيف دايرا وإحتمال انها تتصاب بإكتأب فماخصوش يزيد يضغط عليها بعدما شدتها شحال من نوبة هاد نهار .. شاف فساعتو وكانت جوح ديال الليل وهاد ناس مازال ماحطوش العشاء واخا يكونو كايطيبوه على الشمع ، شك أن بهجت هو لي مأخر العشاء باش يبقا معاه جبل مدة أطول بالخصوص فاش على راسو ولقاه كايشوف فيه .
مد يديه وميل الشعر على من على وجه روعة وقال
- خصنا نمشيو لدارنا اعمري .
تسمرت قدام كلمة "دارنا" وشحال عجبتها وهي خارجا من بين شفايفو .. دارنا .. دارك .. داري .. الله شحال كاتحمق لكن اللعين كيفاش كايقدر غير بكلمة يأثر عليها ..
أولا خرب دارها
ثانيا شوهها مع أصدقائها
ثالثا جرها من شعرها وهددها وبكاها
رابعا تزوجها بالسر وبزز
خامسا هددها بالسجن.
وعلاش مازالة كاتشوف فأبسط كلماتو عمرها !!... ماعرفتش ! .. ماكرهتش كون غرزت صبعانها فدوك العينين لي كايشوفو فيها بديك الطريقة لي كاتقتل قلبها لكن كيف كايقول المثل القط مابيحب إلا خناقو .
قلبت عينيها وقالت بغيظ :
- ماغاديش نتحرك من هنا فيا جوع حتى ناكل .
إبتسم جبل على لطافتها وقال وهو كايقرسها من خدها بخفة:
- اي دخيييلو الجوعاااان ... فاش نوصلو لدارنا غادي نطيب ليك عشاء كايحمق .. كانواعدك .. وغادي نطلعو ليك فصينية حتى لغرفتنا ومعاه وردة وكأس ديال الحليب باش يبراو ليك لعضيمات بسرعة اش قلتي .
غرفتنا !!.. لا باغي يقتلها هاد عدو الله .. حركت راسها بعنف وقالت بحدة :
- مستحيل ناكل ماكلة من يد العدو .. مستحيل .
ياربي وشحال كايموت على لطافتها ... طبع قبلة على ضهر يدها وقال بصوت فشكل وكأنه كايهضر مع شي طفل صغير باغي غير يدير ليه الخاطر :
- ولكن حتى الأعداء كايطلاقاو فمقابلات ودية وكايتشاركو الماكلة اروعة.
حركت روعة راسها وقالت بإصرار :
- مستحيل .. هي مستحيل .
فتح فمو باش يزيد يقنعها لكن صوت بهجت قاطعو وهو كايقول :
- ألف مبروك لحفيدي الغالي ومرتو الحلوة .
تسمرت روعة قدام إبتسامة بهجت الرجولية المهيابة ، كانت ملامحو بريئة عكس عزرائيل لي كانت كاتشوف فيه فصباح ... ضار جبل لعندو نص دورة وقال :
- تِــسلم .
شاف بهجت فروعة ومد ليها يديه وقال بإبتسامة هادئة :
- ماراح تبوسي إيدي وتاخدي بركاتي يا مرت إبني .
قالت روعة بغباء وهي كاتشوف فيديه:
- هاه .
قلب جبل عينيه بغيظ وقال لروعة :
- بوسيلو إيدو خلينا نخلص منو .
أومات روعة وتمسكت بيد بهجت وطبعت عليها قبلة صغيرة لكن فاش بغات تسحب يديها تشبث بيها بهجت بطريقة خلات روعة تبتلع ريقها بتوتر ، هاد سيد فيه شي حاحة غريبة كاتخلعها .. خرج بهجت شي حاجة من جيبو وكان خاتم ذهبي وهو لي وصا عليه علياء باش تجيبو ليه .. ثم دخلو فصبعها فوق الخاتم لي شرا ليها جبل و قرب يديها من شفايفو وطبع عليها قبلة وهو كايقول :
- هذا الخاتم كان لمرتي .. اول حب بحياتي ، كنت مخبيه حتى يتزوج جبل ... تتهني فيه ياعروستنا .
تحقنت الهضرة فخلق روعة وماعرفت ماتقول وهي كاتشوف فالجوهرة الزرقاء الكبيرة لي كانت متوسطة الخاتم الذهبي .. إبتسمت ليه وقالت بتلعثم :
- شكرا .. شكرا بزاف اسيدي .
طبطب بهجت على كتفها وقال :
- ناديني جدي .
إحمرو خدود روعة بخجل وقالت:
- شكرا .... جدي .
تنهد جبل بملل وقال وهو كاينوض :
- يالاه احياتي .. غادي نمشيو مشا الحال .
لكن روعة قالت بعناد فاش تفكرات أنه قال "غرفتنا".. يعني غادي تشرك معاه غرفة وحدا .
- ماغانمشي حتى ناكل.
شاف جبل بإحراج فجدو واللعنة راه نبهها باش ماتحشموش قدام عباد الله وهي راسها قاسح بحال الحجر .... تنحنح وقال :
شاف فجدو بإحراج ولقاه مبتاسم ورجع شاف فيها وقال وهو كايبرك على أسنانو بغيظ :
- والله حتى كانعرف نطيب ... كانعرف نطيب اتاي والبيض .
شافت فيه بإستخفاف وقالت:
- ونتا بسلامة ناوي تعشيني بأتاي والبيض .
قاطعتهم قهقهة بهجت وهو كايقول :
- هاهاها .. دابا عاد عرفت علاش ختارك حفيدي تكوني مرتو ..
قلب جبل عينيه وقالت روعة بفضول قاتل :
- بصح علاش ؟ .
قرب من ودنيها وهمس بصوت خافت باش مايسمعهمش جبل :
- حيت كاتقولي ليه لا .
رفعت روعة حواجبها وقالت بعفوية :
- اااااااه .
رد عليها بهجت وهو كايضحك :
- ااااااايه .
قاطعهم جبل وقال بحدة :
- صافي باراكا من توشويش نوضي .. ولا علاش غادي نتسناك تنوضي اجي لهنا غادي نهزك بسيف عليك .
قرب منها باش يهزها وهي دفعو وقالت بغيض
- والله وقربتي مني حتى نغوت ... والله مانتحرك ليك من هنا حتى ناكل .
بغا يموت بهجت بالضحك على لطافة روعة ووجه جبل لي ولا حمر بالإحراج فقال بهجت بمكر :
- يابنتي .. إنتو لساتكم عرسان جداد لهيك هو ملهوف عليكي ومصر ياخدك بلا حتى ماتتعشي .
توسعو عيون روعة بصدمة فاش فهمت قصد بهجت .. وتنهد جبل على سخافة جدو .. اه ملهوف عليها ولكن ماشي لدوك لأفكار الغبية والمنحرفة لي فراس جدو ... هوااااا فالحقيقة غير شويا .. لا بزاف ...حاليا راسو عااااامر بالإنحراف بالخصوص بعد التصرف لي دارت معاه على السرير فغرفة صخر ولا متشوق ليها أكثر والى ماناضتش إحتمال يدفنها بكرسيها تحت الأرض .
بقا كايحاول معاها وهي كاترفض بشدة حتى خرجت مدام علياء وعلنت للجميع باش يلتحقو بمقاعدهم حيت العشاء غادي يتحط عاد حس جبل بشويا ديال الأمل على الله يتفكو هاد نهار .. لكن روعة تمنات لو غير زادو طولو فهاد العشاء حتى لصبح ماشي مشكل شحال بقات باش تشرق الشمس 3 ساعات ماعلييييش .
تجمعو كاملين على طاولات الأكل بعدما توضع الأكل المشكل على أشكال وأصناف فاخرة .. تسوطات نورسين على الأكل بحال الى قرن ماطاحت فكرشها النعمة كانت باغيا دوق كولشي وتاكل من كولشي .. البيبي باغي ياكل كولشي ماشي ذنبها هي ..
- ارا ليا هاداك الطبسيل احبي.
قالتها نورسين وهي كاتمضغ و كاتشوف فالطبسيل لي عليه مقبلات أفخاض دجاج مشوي فشاف أسد فطبسيلها لي كان غادي يتهرس بقوة الماكلة تقيلة لي عليه ورجع شاف فيها وقال :
- مانعطيكش فخضي تاكليه حسن .. حياتي كملي هادشي لي فطبسيلك بعدا .
شافت فيه بغضب وقالت :
- قلت ليك مدو ليا ولا غادي نوض ليه بيدي .
تنهد أسد بقلة حيلة لكن قبل مايمد ليه يديه سبقاتو تاليا وهزاتو حطاتو حداها وقالت بصوت خافت .
- كولي أحبيبتي .. كولي مزيااان راه جوج نفوس لي كاياكلو .
وسعت نورسين عينيها فتاليا باش تسكت لكن تاليا كلست وقالت لصوفي لي فجنبها .
- عرفتي ...نورسين حاملة .
شهقت صوفي بصدمة وقالت بهتاف :
- واش بصاااااح .
لكن تاليا بسرعة شدت ليها فمها وقالت بصوت منخفض
- خليه سر بيناتنا .. نورسين باغيا ديرها مفاحئة لراجلها راه مازال ماعارفش .
زمت صوفي فمها ثم قالت :
- سرك لحتيه فبير أختي
وما هي إلى ثواني و ضارت عند روعة لي فجنبها وقالت :
- إميليا .... فخبارك نورسين حاملة
شهقت روعة بدهشة وشافت فنورسين وقالت :
- مبروووك اختي نورسين .
شافت نورسين فتاليا وتحلفت فيها براسها حتى تقتلها فضارت تاليا ضربت صوفي بمرفقها لجنب حتى تأوهت وقال ليها
- أجي لبلاصتي .. نوضي
ناضت صوفي وهي كاتمسد فجنبها وكلست مكان تاليا لي جرات عندها روعة ... تمتمت فودنيها باش تخليها سر بيناتهم عاد إستوعبت روعة الأمر وشافت فنورسين بنظرة إعتذار وإبتسمت ليها وكذلك بادلتها نورسين نفس الإبتسامة بمعنى "لا بأس"
تنهدت صوفي بملل وشاف فجنبها عاد إنتبهت لصخر لي كان كاياكل بهدوء .. فإبتسمت بمكر .. جات الفرصة باش تكسب ثقتو ومحبتو كولد عمتها من جديد بعدما عورتها معاه قبيلة .. نغزاتو بمرفقها وقالت :
- سيد بردان .... سيد بردان
لكنه ماحاوبهاش وكمل ماكلتو بهدوء وهو كايحاول يطرد هاد الإسم المستفز من ودنيه لكنها كانت أكثر إصرار فكررت :
- سيد بردان .. سيد بردان .
وفاش ماجاوبهاش نغزاتو عاود وقالت :
- سيد غضبان ... يااا سيد غضبان واش كاتسمعني .
زير صخر على الموس لي كان كايقطع بيه اللحم بقوت لي ستفزاتو وبدا كايقطعو بعنف وحشا طرف كبير ديال اللحم ففمو باش مايضورش ياكل لحمها هي لكنها إستمرت بمناداتو بإصرار وهي كاتنغزو بمرفقها :
- سيد برداااان ... سيد غضبااااان .... ياااا سيد جوعااان واش كاتسمعني ؟ .
فرأس الطبلة كان كالس بهجت وكايقلب بعينيه على مرتو باتريسيا لكنه إستغرب فاش مالقاهاش .. ميل راسو عند مدام علياء لي كانت كالسا بجنبو وقال :
- فين هي باتريسيا ؟
رفعت مدام علياء راسها من على الصحن وشافت فالحضور ثم قالت :
- ماباعرف يابا ؟
همهم بهجت بتفهم وكمل ماكلتو بهدوء لكن إنتبهت أخيرا أن ماشي غير باتريسيا لي ماكايناش .. كانت كالسا حدا صخر لي كان كاياكل جنابو بالأعصاب بسبب صوفي لي كاتنغزو وتناديه بدوك الأسماء السخيفة .. شافت فيه علياء وقالت بتسائل :
- واش ماشفتوش بنتي رؤية ؟؟.
وكملت وهي كاتشوف فصخر.
- صخر فين هي رؤية ؟.
يااادي الليلة السودا .. حط صخر الموس والفورشيط من يديه بغيظ بدا صخر كايقلب على رؤية فجياب سروالو ثم قال بغيظ :
- ماعرفتش .
تحلفت فيه علياء بعينيها ولو مكانوش ناس كانت غادي توريه كيفاش يستهزء بسؤالها بديك الطريقة .. لكن رؤية كانت مازالة فغرفتها كاتقيص فلحوايج وتلبس وتحيد وهي كاتفكر فعصام وفنظراتو وفوسامتو .. أكيد خصها تلبس شي حاحة مناسبة ليه ..
كلسات على سريرها كاتربط حزام الصندالة العالية حتى شمات ريحة بحال ريحة ديال شي حاجة كاتحرق ... لكنها تجاهلتها وناضت متوجهة لطاولة التزين هزت قلم روج صبغت بيه شفايفها الرقيقة ورشات بعض النفحات من عطرها المثير .. عدلت شعرها قدام المراية لكن فواحد اللحظة بان ليها فإنعكاس المراية الدخان داخل من تحت الباب .. ضرب ناقوس الخطر فقلبها ومشات كاتجري فتحت الباب وهي تصدم فكمية الدخان لي كانت فالممر ..
بينما فالأسفل وسط العشاء كان عصام كاياكل وكايتفكر لمسة يد رؤية الرقيقة وشحال عحباتو وستحلاها .. وفوسط داك الجو الهادئ والعائلي الحميمي ترمات قنبلة مسيلة للدموع وأطلقت وسطهم دخانها المسموم .
البارون الأعظم الجزء 67 سيد بردان هل تسمعني
محتوى القصة
التنقل بين الأجزاء