-لا انتي مازال ما فهمتي ... والله حتى نقتلك أروعة إلى ماكنتيش ليا ... ودابا غادي نهبطو انا وياك للتحت وإلى شفت فعينيك نظرة ضعف ولا خوف لي تشوهني مع صحابي ولا دري شي تصرفات لي تمس بسمعتي ، أقسم بالله فاش غادي ننفرد بيك غادي نوريك وجهك فلمراية .
دفعت يديه وقابت بصوت مقهور :
- نتا مجنووووون
رجع تمسك بخدودها وقال بصوت حنين ومحب
-اه انا مجنون بك اروعة .
مسح من عينيها الدمعة لي كانت باغيا تنزل وهمس بصوت خافت :
- شوو .. ماتبكيش ، وماتخافيش مني .. هادشي لي كاندير من فرط حبي ليكي ... أنا ماشي هكا ، مانقدرش نأديك ونتي عارفا هادشي مزيان ولكن ... ولكن أعمري ماغاديش نستحمل نشوفك لشي حد أخر من غيري .
كانت كاتشوف فيه بجمود وديك الدمعة لي مسح بيديه تحجرت ورفضت ما تنزل حتى شي قطرة أخرى موراها كانت كاتفكر بعمق شنو غادي دير فيه .. أكيد ماغاديش تسمح ليه ينتصر عليها .. اللعين تجرء وشدها من شعرها بعنف باش يوريها عينو الحمرة .. لكن مازال ماشافش عينيها العسلية شنو تقدر دير فيه ... تسنا جبل شي ردة فعل منها لكنها كانت واقفا حداه بحال الجدار مكاتزحزحش وفهم أن وجهة نظرو وصلاتها مزيان .. إبتسم وقال :
- يالاه نهبطو .
تحنى عندها وهزها مختزل عليها عناء العكازين وتمشى حتى وصل للباب وقال بلطف:
- واخا كلفتي يديداتك زوينين وحليتي لينا الباب .
حطت روعة يديها على مقبض الباب فتحاتو لكن فلحظة رجعت سداتو وشافت فيه بنظرة خطيرة وقالت:
- أوكي ... أوكي ، نزلني للأرض بغيت قبل مانخرجو من هنا نحطو النقط على الحروف أنا وياك .
إبتسم جبل ونزلها بفضول ومد ليها العكاز ديالها باش تسند نفسها بيهم وكملت وهي كاتبتاسم بمكر :
- وافقت نكون العاهرة ديالك .
تنهد جبل بقلة حيلة وقال:
- نتي مرتي ماشي عاهرتي .
همهمت روعة وهي كاتشوف فيه بمكر و إلى كان هو رجل إنتهازي ونصاب هي غادي توريه كيد النساء كيف كايكون .. صحيح أنها خافت منو فالأول لكن واش كاين شي خوف فهاد الدنيا قد الخوف من الموت وهي لي زارت الموت جوج مرات .. أشنو غادي يدير ليها غادي يوقف فطريق نجحاتها على أساس هي خريجة جامعة أوكسفورد ، ولا غادي يقطع عليها رزق ، ماتزادتش ففمها ملعقة ديال الذهب ...
شافت فجبل بحدة وقالت:
- داك العقد مكايعني ليا والو ... ولكن أنا ماشي رخيصة اسي جبل.. عند بالك غادي تشريني بهاد الكسوة التافهة وهاد العقد الرخيص ..
توسعو عيون جبل قدام كلمة رخيص ، لو عرفت ثمنو تقدر تجيها سكتة قلبية لكنه بقا ساكت وهو كايشوف فالثقة لي كانت باينا على وجهها ... تبسمت بتصنع وقالت:
- صافي موافقة نمثل معاك دور الزوجة المحبة قدام صحباك .. لكن ماشي فابور .
همهم جبل وقال بهدوء وهو كايربع يديه لصدرو:
- اووه دابا ولينا فالمساومة .
أومأت روعة وهي محتفضة بنفس الإبتسامة المستفزة وقالت:
- قلت ليك أنا ماشي رخيصة ونتا مازال مكاتعرفنيش مزيان ، حاليا نتا تعرفتي غير على شكلي الطيب ولكن مازال ماجربتيش الخبث ديالي اسي جبل ... أنا موافقة نمثل معاك بمقابل تكتب ليا الشركة ديال العطور فإسمي ، ولك واسع النظر .
إندهش جبل من جراتها وطلبها الغريب وقال بهتاف :
- وااااااااو .
إبتسمت روعة وقالت بهدوء:
- واش كايحساب لراسك غير نتا لي مطور هااه ؟ ...
ضحك جبل وقال :
- أنا ماعمري كنت كانحسب فراسي مطور ولكن ملي ولينا فالإبتزاز ماتنسايش أنني نقدر ندخلك للحبس بتهمة القتل والتزوير .
واخا مستحيل يديرها كان خصو ضدها شي وسيلة ضغط لكن حتى هي عندها وسائلها .. شافت فيه بتحدي وقالت :
- وأنا نقدر ندخلك للحبس بتهمة التجارة فالمخدرات وتهريب الفلزات النفيسة من جنوب أفريقيا .
تصدم جبل من شئ لي قالت ولعن فنفسو أسية مليون لعنة .. ديك الويلة هي لي قالتها ليها مافيهاش شك ، هذا علاش غادي يقتل الدون ماركيز فاش يشوفو .. لكنه حاول يتظاهر بالا مبالات وقال:
- عندك شي دليل عليا كايثبت أنني كانتاجر فهادشي لي قلتي ؟
شافت فيه بتحدي وردت عليه بنفس طريقتو :
- ونتا عندك شي دليل عليا أنني قتلت إيدوارد ؟ ... داك لفيديو لي وريتيني واضح فيه مزيااان شكون هو الضحية وشكون المجرم ؟ ... وانا مستعدة ندوز 3 سنين ديال الحبس ولا نرضخ لإبتزازاتك البارون .
تنهد جبل بقلة حيلة وحرك راسو يمين وشمال ... قربت منو روعة وقالت بصوت ثابت :
- اليوم أنا علنت عليك الحرب ... نتا دابا عدوي الذوذ .
إبتسم جبل وهو كايشوف فثقتها الزايدا فتمسك بخصلة من شعرها وقال :
- يارت لو كانو كل أعدائي بحالك وفذكائك .
سحبت شعرها من يديه بنفور وقالت :
- الشركة غادي تكون فسميتي ، ساعتها أنا غادي نكون فسميتك ... يااعييييني مافيها باس لواحد يضمن مستقبلو .
همهم جبل وقال وهو كايبتاسم :
-همم يااااك !
ردت عليه وهي كاتبتاسم بمكر :
- اااه ... أنا عارفا مزيان الأنواع لي بحالك البارون ... نتا متشوق أنك تاخد مني داكشي لي بغيتي على الفراش .. كانبان ليك بحال شي بون بون لذيذ وحلو لكن فاش غادي يدوب البون بون غادي يختفي طعمو الحلو من لسانك ، وساعتها غادي ندوب من حياتك وماغاديش نبقا نبان ليك حلوة كيف الأول وغادي تمشي تقلب على شي هذف أخر تنصب عليه .. ومن هنا حتى لداك الوقت بنادم هو لي يضمن مستقبلو متافق معايا ولا لا .
أومأ جبل وقال بإبتسامة عريضة :
- نظرية سليمة مئة فالمئة .
- تمام ..
قالتها روعة وكملت بجدية :
- غادي نضيف ليك واحد المعلومة عليا .. أنا المصائب كايخليوني أكثر قوة ... رجلي مهرسة غدا غادي تبرا ... نفسيتي مدمرة غدا غادي نرممها ... البارح نصبتي عليا اليوم وغدا وبعدو غادي ناخد حقي منك ، عنداك يحسابلك انك غادي تستغل لحظات ضعفي ولا أنا غادي نسمح ليك من الأساس تستغلني .. وأول خطوة غادي نبدا بيها هي الشركة .. غاتكتبها فسميتي ..
إكتفى جبل بنظرة هادئة وكملت وقالت :
- معلومة أخرى عليا البارون.. أنا طماعة شي شويا .. لا بزاف .. وإلى ماولاتش الشركة فإسمي فضرف يوماين غادي نولي نطالبك بالكونتيسا حتى هيا ..
فاش وصلت للكونتيسة صفر جبل بفمو بسخرية وقال :
- اوووووه واااااو !!.
ماعجبتهاش ردة فعلو الساخرة وقالت بحدة :
- ياعمري راك كاتلعب بالذهب والألماس لعب ويعلم الله شنو هو الرصيد ديالك فالبنك .
أبتسم جبل وقال :
- لمعلومات مكانديرش فلوسي فالبنك .
ضحكت روعة وقالت بهتاف :
-اااحسن .. سهلتي عليا العملية. . إذن غادي ناخد الوقت الكافي باش نقلب فين كادفن الكنز ديالك ، وإلى لقيتو ساعتها غادي يولي ديالي .
ضحك جبل وقرب منها وباسها على خدها وقال :
- نتي مرتي و كولشي ديالك .
بعدت عليه وقالت بغيظ :
- حبيب قلبي الشفوي حتافض بيه لراسك .
ثم قلبت الدورة وحلت الباب لكن قبل ماتخرج ضارت لعندو وقالت :
- غادي نرجع ليك لألم لي تسببتيلي فيه فاش جريتيلي شعري غير تسنا عليا البارون .
وخرجت وهي كاتمشى وكاتحس بلذة الإنتصار لكن مع ذلك خصها تبقى متيقضة ، جبل مافيهش الثقة والهضرة لي قالت وطلبها المستحيل كان من المفروض يستقبلو بإنفعال لكنه كان هادئ فوق مكاتصور .. تبعها جبل من الخلف حتى وصل لعندها لكنها قنطاتو بخطواتها البطيئة حيت كانت مازال مامتعوداش على العكاز فبسرعة طار عليها هزها من الأرض وهي ضرب صدرو بغيظ وقالت :
- ماتبقاش تهزني بحال هاكا عند بالك انا وصلة دلخبز غاتديها للفران .. ديرني فوق راسك حسن .
قلب جبل عينيه بملل وقال :
- فاش ماتبقايش تمشاي بحال الفكرون داكساع هضري .
ردت عليه بغيظ وقالت:
- رجلي مهرسة ابنادم واش مكاتشوفش ؟
لكن فديك اللحظة كان هابط بيها مع الدروج لي كان متوسطعوم ترية ضخمة وكبيرة بزاف .. حلت فمها وقالت بدهشة :
- واااااااو .. كاع مالاحظتش هاد الجمال فاش وصلت .
شافت فجبل وكملت بمكر وهي كاتهددو بصبعها السبابة:
- عندك يوماين إلى ماولاتش الشركة فإسمي غادي نزيدك داكساع أسبوع تكتبلي فوق الشركة الكونتيسا وإلى فات الأسبوع وماكتبتيلي حتى حاجة ساعتها غادي نزيدك أسبوع أخر وتكتبلي حتى هاد القلعة زوينة حتى هي بغيتها تكون ملكي .
ضحك جبل وتبسم إبتسامة عريضة وقال بصوت مرتفع :
- سهرة طيبة .
إستنكرت روعة داكشي لي قال لكن فاش إنتبهت لنفسها وللمحيط لي ضاير بيها لقات راسها فالحديقة وعرام ديال الباشار وكولشي كايشوف فيهم .. بغات دوب .. بغات الأرض تنشق وتبلعها حية ويردمو عليها لحجر وطوب ولا يحطها فموقف بحال هادا ... شاف فيها جبل بخبث وقال :
- مستعدة تمثلي كيف قلتي .
حمرت فيه وقالت بغيظ
- غادي نقتلك أجبل كانقسم ليك.
غلباتو الضحكة فاش شاف وجهها لي ولا حمر من شدة الإحراج وقال :
- كانتمنى ليك حظ موفق فالتمثيلية ديالك ولكن كيف كاتعرفي أنا مكانعرفش نمثل .
رفعت صبعها كاتهدد فيه لكن فاش إنتبهت للناس لي كايشوفو فيها خفضت صبعها وقالت وهي كاتبرك على أسنانها :
- شوف فيا .. ماغانمثل ماغانزعتر إلى ماكتبتيليش الشركة فسميتي ، كاتسمع .
همهم جبل وقال بملل :
- همم كانضن بلي راك عطيتيني يوماين ولا كدبت .
ردت عليه بغباء :
- واش بصح !..
تنحنحت وكملت بحدة :
- إذن فاش نشوف العقد عليه إسمي داكساع غانبدا التمثيل أما دابا أنا ونتا أعداء . حطني حطني حطني .
حطها جبل وعاونها باش تتمسك بعكازها حتى إعتدلت فوقفتها ودوز يديه خلف خصرها وقال وهو كايبتاسم وكايشوف فالحاضرين :
- ماتنسايش حتى نتي تهديداتي أمرتي لحبيبة
شافو فبعضياتهم بنظرات التحدي حتى كسرها تاليا وهي كاتسحب روعة وكاتقول :
قاطعتها أسية لي ظهرت من العدم وعنقتها من الخلف وهي كاتقول:
- البطلة روعة الخطيب قاهرة الأعداء ، ماقدرتش نصبر وجيت نشوفك يا أحسن صديقة .. على سلامتك .
ضارت روعة وتوسعو عينيها فاش لقاتها أسية مدت يديها جرتها لعندها وعنقتها وهي كاتقول بحماس :
- الفاتنة الجزائرية ، توحشتك بزاااف .
بعدت اسية شويا وقالت وهي كاتبتاسم :
- ماتصوريش فرحتي فاش عرفت أنك بيخير وعلى خير .. وسمحيلي بزاف حيت أنا وياسين هوما اخر من يعلم .
مع أنها كذبات إلى أن روعة صدقتها فأسية وياسين بجوج كانو خدامين على قضيتها هي وصخر مع البارون الأعضم بعدما تكلف أسد بمهمة قتل إيزيك ... قرب منها الدكتور ياسين سلم على روعة وقال وهو كايضحك :
- روعة هادي ماشي أول مرة غادي توقف ضد الموت شفتها كيفاش قاومت أمواج البحر وتشبثت بالحياة حتى وصلها قدرها لعندنا ..
طبطبت روعة على كتف ياسين وقالت بإبتسامة حنينة:
- لهلا يخطيكم عليا يا أحسن أصدقاء فالعالم .
كولهوم قالو امين ورفع ياسين عينيه فجبل ولقاه كايشوف فروعة بنظرات كلها حب مع إبتسامة صغيرة على وجهو فقال بسخرية لطيفة:
- ولهلا يخطي عليك البوس ديالك الالة روعة دار المستحيل باش يلقاك .
شافت روعة فالمكان لي كايشوف فيه ياسين وفهمات أنه كايهضر على جبل فقلبت عينيها بغيظ فاش طلاقات عينيه بعينيها ، وبدات كاتسلم على أصدقائها لي تجمعو عليها بحماس وإشتياق .. كاع رجال جبل من دانيال لـ علي مورو لإبراهيم بولوط لأرولف والباقين وحتى عصام لي طار عليها عنقها وهو كايقول :
- روعة فرحت بزااااف أنك بيخير .
لكن فاش رفع راسو وشاف النظرات المتوحشة لي كايدير فيه جبل ، بعد عليها وهو كايتنحنح بتوتر وبغا يبعد لكن روعة ضرباتو لكتفو وقالت بسخرية :
إنفجرو كاملين بالضحك إلى صوفي لي خنزرت فيه وقالت بهتاف ..
-واش بصاح أدراري كاتشوفوه زوين عليا؟ .. فين لي حسن صوفي الكيوت ولا هاد رجل النملة .
بداو كايضحكو على اللقب لي دارت ليه صوفي مع أنه لا علاقة ليه مع النملة كان بإمكانها تسميه رجل الدب ولا رجل الوحش بعدا تجي معاه .. ضحكو كاملين من حد حتى جبل تبسم شويا بشموخ وعنفوان وكولهوم تافقو بالإجماع أن صوفي حسن من عصام .. ماهوما رجال أكيد غادي يفضلو الجنس اللطيف بالإضافة أنها بنت الدون ماركيز .
ضحك أسد مالك لي كان كالس حدا نورسين حول طاويلة الأكل الطويلة وقال بسخرية :
- هاد صوفي فينما كاتهضر كاتفكرني فيك .
ضحكت نورسين وقالت :
- ببساطة هي إنسانة عفوية زيد عليها مازالة صغيرة وعقلها مازال ماعمرش بالهموم .
مرر أسد دراعو خلف الكرسي لي كالسا عليه نورسين وقال بهدوء وهو كايشوف فروعة وأصدقائها :
- الهموم كالغيوم ماتجمعت إلا لتمطر .
شافت نورسين بدورها فروعة لي كانت كاتبتاسم بعفوية وقالت :
- زوينة ديك البنت لكنها قليلة الحظ ومغناطيس المشاكل .
ضار أسد شاف فنورسين بنظرة هادئة طويلة تأمل فيها ملامحها المستكينة ثم قال :
- يخليلي لي كايحس بيا ... ولكن عندي واحد الأحساس ماعرفتش كيفاش غادي نوصفو ليك ، كانحس بحال أن هادشي كامل لي مرينا منو .. ماهو إلى البداية .
خاف أسد يقول ليها بأن حتى هو كايبادلها نفس الإحساس وتخاف أكثر لكن هو باغيها تنشط هاد الليلة .. دوزوا كاملين نهار صعيب ويستاهلو يفرحو فقال باش يبدل الموضوع :
- ماجاوبتينيش قبيلة .. هاد القلعة كبيرة خلينا نقلبو على شي بلاصة خاويا نلعبو فيها شويا اش قلتي ؟
-ياااا شبلي الصغييير يااا حبييب قلب نورسين كانموت أنا على هاد الرموش ياااربي صبرني عليهوم وعلى لطافتهم ولكن طلبك حاليا مرفوض حبي.
ضحك أسد وقرب من شفايفها باش يبوسها لكنها بعدت وقالت بعتاب طفولي :
-حبيبي ... اش كادير ؟؟
حطت أصبعها السبابة على شفايفو وكملت :
-عرفتي شنو احبيبي ... لاحظت أن جبل مهتم بزاف بحارستو الشخصية ، .كايبانلي ديك البنت غادي تغير الشيطان السوري وتحولو لملاك للملاك السوري.. ناري على نظرات الغرام لي كايديرهوم فيها احياتي ...
قلب أسد عينيه بملل وباس صبعها لي كان على شفايفو وقال :
- مستحيل يتحول الضفدع لأمير واخا تبوسو "تيانا" ربعين عام ماشي غير بوسة وحدا وكذلك جبل
شافت فيه نورسين بإستياء طفولي وقالت :
- لكن أنا قدرت نخليك تتحول من دودة لملك .
عقد أسد حواجبو بغضب متصنع وكرر خلفها :
- دودة !!!
وكمل وهو كايجرها لعندو باش يبوسها بسيف عليها :
-اجي نوريك شنو غادير هاد الدودة فيك
ضحكت نورسين بسخرية وشدتليه فمو بيديها وقالت :
-هههه اوييلي اأسد حشااااام راحنا حدا ناس زعما ... صافي أنا لابقيت معاك غادي تحمقني من لأحسن نمشي نتعرف على روعة الخطيب .
- لا ... بلاتي .
لكن نورسين كانت ناضت ومشات مخليا موراها أسد كايبتاسم بمرح لكن فاش جات عينيه على باتريسيا لي كانت حاضياهم إستعاد من الشيطان الرجيم وناض حتى هو تبع نورسين وهو كايعيط ليها باش تسناه ..
- أغبيــاء .
زمجرت بيها باتريسيا وقلبت علينيها بحسد وغيرة حتى قال بهجت بلهجة صارمة :
- طلعي تنعسي الى ماعجبكش الجو هنا بدل ماتبقاي حاضيا عباد الله .
كانت باغيا تقتلو فديك الساع لكنها حاولت تسيطر على أعصابها وتصنعت إبتسامة صفراء باردة وقالت وهو كاتمسك بيديه :
- لا اعمري .. فينما كاترتاح نتا حتى أنا كانرتاح .
فالجانب الثاني من الطاولة كانت رؤية كالسا وفجنبها صخر كايشوف فروعة وأصدقائها لي كانو كايضحكو وناشطين.. تنهد بملل وإستقام باش ينوض لكن ماشافش الكأس ديال العصير ودفعو بيديه جا كولو على حوايج رؤية وولات سترتها البيضاء فاللون الأحمر الغامق .. علات راسها شافت فيه بغضب وقالت :
- واش مكاتشوفش قدامك .
هزات المناديل من على الطبلة وبدات كاتمسح فحوايجها وتنكر وفاش ماسمعتش إعتذار صخر .. علات راسها شافت فيه بسخط لكن لقاتو كايشوف فروعة لي كانت كاتبتاسم متناسي أمرها هي ... هزاتو بيديها بسخط حتى إنتبه ليها وقالت بغيظ :
- شوف شنو درتي فيا .
رفع حاجب واحد فيها بغير إهتمام وقال بإزدراء:
- روحي إرمي بلاكي على حدا ثاني غيري .
توسعو عيون رؤية من وقاحة صخر وناضت كاتشوف فيه وهي كاتقول بغيظ :
- شو رأيك أرمي عليك سخطي كلو اليوم هاااه..
قلب صخر عينيه بلا مبالات وهي تشعل فيها العافيا فقالت بتهديد:
- راح قولها لماما هي لي راح تاخد لي حقي منك ياتافه .
فاش جات لمها لا .. إلا ديك علياء ... عندها لسان فيه ميتر وفاش كاتخرجو ماكاترجعش دخلو حتى كاتسمم بيه كل ضحاياها .. تنهد صخر بقلة حيلة وقال :
ماخلاتوش يكمل كلامو حتى شعر بفوهت المسدس محطوط فجنبو .. حنا راسو شاف فيه وهو يصفار فاش لقاه مسدس كهرباء .. غادي تشحطو اليوم إلى زاد معاها نص كلمة ... لكن مع ذلك قال بإستهزاء :
- ههه كايبان ليا سخيتي بروحك ارورو .
-إلى ماتحركتيش قدامي ماغاديش نتردد نضغط على الزناد .
تنفس صخر بغيظ وقال بسخط وهو كايحرك رجليه :
- حسبي الله على شياطينك .
لكن وهوما فطريقهم كايتمشاو فالحديقة باش يدخلو للقلعة شافهم جبل ودقق على صخر لي كان كايبان معصب فقال بهتاف باش كولشي يسمعو.
- لو سمحتووووووو .
توقفت الفرقة على العزف ونتابهو ليهم كاملين من حد حتى رؤية وصخر توقفو فشاف جبل فجدو بهجت ورجع شاف فرؤية وصخر وقال :
- بهاد المناسبة الجميلة بغيت نعلن لكل الحضور على خبر مهم بزاف .
- بلاتي بلاتي بلاتييييي
غوتت بيها مدام علياء لي كانت مع الطباخين فالمطبخ وكانت خارجا باش تكمل السهرة لكن فاش لقات جبل كايهضر قاطعاتو حتى قربت لعندهم وقالت:
- دابا تقدر تكمل .. كانسمع .
إبتسم جبل وقرب من روعة حظن أكتافها بدراعو وجبد دفتر الحالة المدنية ورفعو بيديه وقال بصوتو الرجولي :
- بغيت نعلن على زواجي بعمري وحياتي روعة الخطيب .
عم الصمت فكامل الأرجاء كولشي كان كايشوف فيهم بصدمة ومامستوعبينش كيفاش روعة فصبح كانت مخطوفة وفليل كايقول بلي تزوجها فقتاش لحق يديرها ..
إبتسم جبل بتصنع ومابغاش يبين فتحنا لعند ودنيها وقال بهمس:
- داك ساع غادي نكون سعيد باش نهرس ليك الرجل الثانية احبيبة.
تبادلو بعض النظرات الحادة والإبتسامات المزيفة قدام ناس فضار جبل وقال بسخرية:
- وااو ردة فعل حماسية تبارك الله .
بداو كايضحكو كاملين علاما استوعبو الأمر وبداو كايبادلوهم التهاني والمباركات من غير بعض الأشخاص لي مافرحيوش بزاف ومنهم باتريسيا ومدام علياء وصخر ورؤية لي كانو عارفين من قبل وردة فعلهم كانت باردا والصدمة الكبيرة هي لي كانت على وجه عصام لي حس بشي حاحة تكسرت داخل قلبو فتراجع وحرك رجليه دخل للقلعة وهو جار خلفو خيبة أمل كبيرة .
تقدمت نورسين وسلمت على روعة بحرارة وهي كاتقول :
- مبروك عليييييك الالة لعروسة.. واخا تصدمت ولكن الخبر كان رائع وعاد إستوعبت أخيرا علاش جبل كان غادي يحماق فاش تخطفتي ..
إبتسمت روعة بخجل وشافت فجبل لي كان كايضحك مع رجالو لي كانو كايباركو ليه .. قربت منها نورسين وقالت:
ضحكت روع وكانت باغيا تقولها "غير كايبان ليك" لكنها حشمات ماعرفت ماتقول... فقالت نورسين بلطافة :
- أنا نورسين المالكي .. وهداك الرجل لي كاتشوفيه واقف مع حبل هذاك لي عويناتو عسلين بحال عينيك هداك هو راجلي أسد مالك ، حنا أصدقاء سي جبل ويسرني أننا نكونو أصدقائك حتى نتي.
إبتسمت روعة بهدوء وقالت بصوت رقيق ولطيف:
- أكيد بكل فرح اختي نورسين .. شكرا بزاف .
بالقرب منهم كان أسد شادها فجبل وكايقول :
- هاي هاي على سي لعريس مخطط ومدكن بلا خبارنا دابا شنو نديرولو ادراري ... خصو يخلص الحق اولا لا. .
تعالات هتافات الرجال مطالبينو باش يخلص الحق وتدخل علي مورو قال :
- خصنا لعرس باغين نشطحو ونشطو اولا لا ادراري .
تعالت هتافاتهم بين الضحك والنشاط .. كانت روعة كاتشوف فإبتسامة حبل بهيام وكاتسمع قهقهاتو الرجولية لي كاتعشقها لكن قلبها غضبان عليه ومستحيل تسامحو بسهولة واخا كايفتنها بكل حركاتو .
قال جبل بصوت عالي :
- واش باغين العرس ؟.
تعالت الهتفات من جديد حد حتى تاليا وصوفي ونورسين غوتو بـ "أه" وقالت نورسين :
- ماشي أي عرس اسي جبل بغيناه عرس اسطوري مغربي سوري
ضحك جبل وحتى روعة ماكانتش قادرا تخبي إستمتاعها فرحة جبل كانت فوق مايقدر اي حد يتصور وكان كايشوف مرا مرا ابتسامة روعة وكايزيد يفرح بالخصوص فاش كايشوف فصخر لي كان واقف بجمود فالقنت هو و رؤية ...
غوتت تاليا وقالت بحماس:
- خليونا نحتافلو بهاد الخبر الرائع اليوم ... يالااااااااه.
عطات إشارة للفرقة ديال الدبكة باش يبداو العزف ودخلو بطبولهم فالوسط كايشطحو وينقزو والحضور كايتمايلو معاهم ويشطحو من حد حتى نورسين شدت فيد أسد ودخلو للوسط كايشطحو ودخلت أسية وياسين وصوفي وتاليا وجبل ودارو كاملين على روعة كايشطحو حولها لكن هي مكانتش تقدر تشطح بالعكاكز كانت غير كاضحك بخجل .
مشات مدام علياء عند بهجت لي كانت كالس و كايدخن الشيشة وينفث دخانها فالهواء ويتمايل مع الموسيقى ويبتاسم على الشباب لي كانو كايشطحو وفرحانين .. كان كالس حداه الدون ماركيز وكايصفق بيديه ويضحك ومرا مرا يغوت بـ "ايوااااا" ويشجهعوم على الرقص من حد حتى باتريسيا عيات ماتصبر لكن ماقدرتش تقاوم الدبكة و وموسيقتها الحماسية وناضت تحشات وسطهم كاتشطح وتمايل بإغراء قدام باقي الشباب .
بالنسبة لبهجت أحسن حاجة دارها جبل هو فاش تزوج روعة وأنهى صراع الإخوة حتى قبل مايبدا .. كان كايشوف فملامح صخر كيفاش جامدين وكان ملاحظ أنه مافرحانش لخوه ... لكن دابا مابقا عندو مايدير روعة تزوجها جبل وإنتهى الموضوع .
طلع بهجت نفس من الشيشة ونفخو فالهواء وقال :
- يابنتي انتي أفضل شئ ممكن تعمليه لجبل هو إنك تفرحي لفرحو .
توقفت رؤية كاتفكر فجبل .. هي عارفا مزيان ان جبل مستحيل يحبها والسبب هي عارفاه مزيان .. رفعت عينيها شافت فصخر لي كان غادي كايهضر مع راسو عند بالو راها موراه حتى إنتبه أخيرا وضار شاف فيها وقال :
- واش كذبت ؟
تنهدت رؤية وقالت:
- شويا وصاف ديك البنت ماعجبتنيش هدا مكان .
قلب صخر عينيه بملل قال :
- شحال فيك ديال التفلسيف زعما نتي كاتعجبي غير وجهك كايسد النفس .
- صحيح وجهي كايسد النفس هذا علاش غادي نقطع فيك الروح .
توسعو عيون صخر بخوف فاش شافها كاتضغط على الزناد وبسرعة بديهية تحنى ولحس الحظ الطلقة ماجاتش فيه لكنها جات فعصام لي طلق غوتة على أحررر من جهدو وطاح للأرض كايفركل بطريقة خلعات رؤية وتوترت لدرجة لاحت مسدس الكهرباء من يديها تحت ضحكات صخر الساخرة .. كان غادي يسخف بالضحك وهو كايشوف فمنظرهم بجوج هي مبلوكية وعصام كايتشوى فالأرض .
مشات رؤية كاتجري لعند عصام بغات تفك ليه الصمام ديال سلك الكهرباء لي لاصق فسدرو ونسات أنها مافكاتش الطلقة من المسدس وغير قاصت السلك وهي يشحطها الضوء وغوتت .. زاااد إستمتاع صخر وخرج وهو شاد فكرشو وغايطرطق بالضحك على منظرهم لكن رؤية قاومت لألم لي شعرت بيه ومشات للمسدس بسرعة فكت منو الطلقة وعاد هدئ جسم عصام وستكان .
كانت خايفا تقرب منو ويغوت عليها ، لكن مع ذلك زعمت وقربت منو بتردد وهي كاتقول :
- صاحبي واش نتا بيخير.
رفع عيونو الحادة شاف فيها بنظرة لو كانت تقتل لماتت رؤية فأرضها لكن مع ذلك قربت منو ونزلت لعند مستواه وقالت:
- كانعتاذر منك اسيدي ماقصدتش نضربك نتا.
فك عصام السلك من صدر وشاف فيها بحدة وقال :
- ماعرفتش كيفاش عطاوك مسدس ونتي حتى مكاتعرفيش تستخدميه ماعمري شفت لي حد كايقيص فسلك الضو وهو مبرونشي مع الطلقة .
تنحنحت رؤية بإحراج وقالت وهي كاتشوف فملامحو الشرسة لي ماعمرها شافت فجدتها ولا فجمالها:
- كانكرر إعتذاري ماقصدتش نأذيك .
مدت يديها ليه وكملت بإبتسامة صغيرة على وجهها الفاتن:
- أنا رؤية .. سميتي رؤية علي المنفلوطي .. بنت عمت البوس ديالك جبل.
توسعو عيون عصام فاش عرف شكون هي وناض بسرعة من الأرض وقال بلهجة رسمية :
- أنا لي كانعتاذر منك امادموزيل رؤية ... سمحيلي .
ناضت حتى رؤية محتفضة بإبتسامتها الفاتنة وقالت وهي كادقق فطولو المترين وشحال عجبتها قامتو .. ضحكت وقالت:
- وعلاش كاتعتاذر مني وأنا لي أذيتك ااا..
قال عصام بسرعة :
- محسوبك عصام الهاشمي ياأنسة.
توسعت إبتسامة رؤية أكثر فاش عرفاتو من الشام وقالت :
- إي هييك راح نتفاهم أكثر ياسيد عصام .. شو رأيك أعزمك على شي لحتى أعتذر منك .
حنا عصام راسو بإحراج وقال بصوتو الرجولي :
- مابيصير الهانم مثلك تزعج نفسها منشان حارس مثلي.
وشحال عجبها تواضعو مع أنه كايقلل من شأنو قدامها .. ضحكت وقالت بسخرية:
- باين إنو هيبة البارون الأعضم محاوطتني أنا كمان لكن بأكدلك أنو أنا مابنتميلو إلى بالجينات الوراثية .
إبتسم عصام برجولية ومرر يديه حول شعرو الطويل بطريقة أسرت قلب رؤية وقال :
- مع هيك بضلي بنت البارون الأعضم ياهانم و..
قاطعاتو وقالت بلطافة:
- ناديني رؤية بس..
أومأ عصام بهدوء وقال:
- أنسة رؤية بعتذر منك بس لازم كون برا مع باقي الحراس ... عن إذنك .
حرك عصام رجليه باش يمشي لكن رؤية وقفاتو فاش قالت :
- بس إنتا من أي حارس ياعصام بيك.
ضار عصام شاف فيها بإستنكار وكملت روعة بسخرية :
- إنتا ضحية هجومي الفاشل على صخر .. لازم إني أعتذر منك بطريقة مضبوطة .
قربت منو وجراتو من يديه وهي كاتقول :
- خليني إعزمك على فنجان قهوة .
تبعها بإحراج مستسلم لقبضتها علىّ يديه حتى دخلاتو للمطبخ وطلبت من بعض الخادمات يوجدو ليهم القهوة .. كلس عصام حول الطاولة وهو كايحس بالتوتر .. رؤية هاد لبنت لي كان كايسمع عليها شحال هادي من الدون ماركيز .. لطالما كان كايوصفها بالبنت الذكية والجميلة ولي عندها بزاف ديال الشهدات العلية وهو لي مانجحش باش ياخد شهادة الإعدادي وهاهي دابا كاتعرض عليه يشرب معاها القهوة .. إنه لشرف كبير فالصراحة .. وفوق هادشي حفيدة البارون الأعضم ووريثتو .
كلست قبالتو على الطاولة هي كاتبتاسم فلاحظ عصام سترتها البيضاء لي كانت موسخة باللون الأحمر وقال:
- واقيلة قصتي حوايجك بشي حاجة.
تأففت رؤية وهي كاتشوف فسترتها وقالت بغيظ:
- هذا علاش كنت غادي نقتل صخر قبيلة وللأسف جات فيك الضربة .
عاد فهم صخر سبب عراهكم وهمهم بتفهم فإستقامت رؤية وقالت :
قالها عصام فمشات رؤية وهي مرة مرا تضور تشوف فيه وتبتاسم ليه وكأنها خايفاه يهضرب ليها ... تنهد عصتم وتكى على ضهر الكرسي وهو كايتفكر إعلان جبل زواجو بروعة وفينما كايتفكر إبتسامتها قلبو كايتقبض عليه وكايحس بالإحباط .. إبتسم للخادمة لي حطات حداه فنجان قهوة لكن مابغاش يشربها حتى تجي رؤية لكن فديك اللحظة لمح شئ غريب كايوقاع فالخفاء شي حاجة دازت قدام عينيه فالنافدة لي كاطل على الحديقة الخلفية لي كانت مضلمة .. كان متأكد أنه شاف شي حاجة دازت بسرعة البرق وكأنه شبح .
نهاية الفصل .
شبح ؟؟؟؟ شبببببااااح واش معقول تكون قلعة ميخور مسكونة بجنون
البارون الأعظم الجزء 66 لن أرضخ لتهديداتك
محتوى القصة
التنقل بين الأجزاء