بلاكة مكتوبة فيها خميس زمامرة و من موراها دوار كلو رملة فيه ديور على قد الحال و دراري صغار كيجريو و نصهم عريان ملابسين والو كي الماسخين و العيالات لابسين جلالب و غاديين جايين و البقر و الحوالة دايزين من وسط الدوار و رجال جالسين يلعبو في داما وشادين كرسي في واحد العشة ديرينها قهوة حتى وقفات طموبيل أخر مديل رونج روفر كحلة وقفات وسط الدوار جاجها كحل دوار كلو كيشوف و حال فمو حيت عمر شي طموبيل فحال هادي دخلات لخميس زمامرة وقفو من موراها جوج طموبيلات خرين من نفس النوع الرجال لي كانو في القهوة كلهم ناض وقفو يطلو خرجو من دوك جوج طموبيلات شي رجال تباركالله الدخامة لابسين الكحل في الكحل و مكيضحكوش كين غير غوباشة تنطح غوباشة بقات غير ديك طموبيل خرج منها واحد القلدة تباركالله الزين و الشهامة داربليك سروال بالباج و قميجة بالزرق نص كم مزيرا على العضلة ديال الدراع ديالو و عاد نضاضر كحلين و الساعة في اليد و الشعر مقادو مطلعو و مرجعو لور رطب و لحية خفيفة شوية مقادة الاناقة بنفسها حاضرة و داير يدو في جيبو و عاقد الغوباشة دور عينو دار نضرة شاملة على الدوار و حط صبعو على ودنو فيه واحد السماعة : متأكد هنا ....مممم اوكي
واحد من دوك القلدة : سيدي نطوقو المكان ...دار يشوف لقا كلشي كيشوف فيهم و ووقفو الحركة و بينا في وجهم مخلوعين
هو بلامبالاة دار ليهم بيديه غير يرجعو لطموبيل و مشا عند وحد الدري صغير كان واقف قدامو و حال فيه فمو و الخنونة ديزا ليه يدور يدور و يسرطها ولا يمسحها في كمو ودبانة من الصباح و هي الدور عليه
هو وقف قدامو و نزل عندو : فين جات دار يزا
الدري صغير حال فمو : شكون يزا
واحد راجل كبير شوية وقف عليه بعكاز : واش الشيخة يزا
هو طلع فيه عينو و ناض : اه هي هديك كيعطو عليها شيخة زمامرة ولا من عرف
الراجل الكبير : ايياه اولدي هاديك سيدة ماتت من هادي ستة سنين
هو : ممممم معندها تواحد في عائلتها
الراجل الكبير : كينا غير بنتها
هو : ممم دونك هي ولدات بنت
الراجل الكبير : ايه اولدي و عندها عشرين عام
هو ضحك ضحكة جنب : فينهيا دابا
الراجل الكبير : راااها اولدي في الخرجة ديال الدوار من لهيها حدا عشة حيدا فين طاحت الضالة للحمو العام الفايت
هو مفهموش بقا كيدير فيه شي نضرات ديال اش كيقول هادا وهو ينطق من بعد : في اينا طريق غنمشي ليهم ....وراه الراجل بيدو ...دار عند واحد من لي كاردكور تما و دار ليه اشارة بيدو باش يكافئو و مشا زاد مع طريق لي وراه الراجل الكبير و بقات الهدرة من موراه ردوهم المافيا جاو و داعت في الدوار دغيا بلي بنت يزا ولات زعيمة عصابة دالارهاب و غيفركعو الدوار حيت لقاو فيه الحشيش (اربي ربي ما قولو ليا منين جبتو هاد الهدرة ) ماعلينا بقا هو غادي في ديك الطريق و كيسول على بنت يزا و كيوريوه طريق اما لاداز على شي مجمع ديال البنات كيوشوشو ليه حدا ودنو كيديرو ليه تورزيز مرضوه ناهيك على شي رباعة تابعينو من حط رجليه في الدوار مخلطين رجال و عيالات و تابعو واحد من لي كاردكور كيفرتك فيهم باش ميقيسوهش حتى وصل لوحد الدار كانت صغيرة معزولة على الدوار و كيتسمع فيها الصداع الاغاني و ضريب الطبل و تزغريت هو وقف قدام الباب و حيد النضاضر الله الله على عينين كحلين و الحجبان غير معقودين مغوبش دار نضرة شاملة على الدار بانت ليه عادية زائد الاصوات لي خارجين منها هو يجمع قبضة يدو و دق مرة وحدة سمع صوت بنت :شكووووون انا جاية ...رجع اللور شوية و هو يتحل الباب و خرجات منو واحد البنت اش غنقوليكم قرطاسة بومبي كتبري الطاي طويلة و غليضة شوية و الخيرات اللور عندها فايضة المؤخرة تباركالله و عاد الصدر قاليها متعرفش و ديرا كود شفال شعرها مصبغاه بالصفر ضارب حتى لنص الضهر و لابسة ليك سروال تجين مزير و توني بالحمر مكتوب عليه (لعبات سكينة و صحاباتها ) و حروفها شهبين و صغار و لكن زوينة و داربا ليك عكر حمر و كتلوك المسكة هو طلع فيها و هبط و هي ضحكت و طلعت فيه و خرجت عندو و خشات صباعها في الجيب لوراني ديال سروال و هبطات عندو
هي بابتسامة : نمرة جديدة هادي يكما الزين غالط
هو اصلا محاملش القنت لي هو فيها مداش على هدرتها: هادي هي دار بنت يزا
هي : اياه دخل دخل حرام نخليو هاد الزين كلو برا ....دخلت
البودكار : مسيو
هو : بقا هنا انا جاي ...دخل والصداع بزااف سيغتو في واحد البيت هو دور عينو على المكان لقاها دار عادية و ملوحين فيها الطعارج و البنادر ملاوحين في الارض
هي : جلس جلس اش حب الخاطر ختانة ولا زواج و لا شنو
هو كمش وجهو مفهمهاش : نتي هي بنت يزا
هي : لاء انا بنت طامو
هو تعصب و نهد عليها : و اش غندير بيك نتي فينهيا بنت يزا
هي : واخا انا نعيط اااه ياناري مالو يغوت (وهي تغوت بدلع ولحن في صوتها ) سكيناااا وااا سكيناااا
سكينة من لبيت : نعاااااام ا نرجس
نرجس : تعالي ا حبي بغاوك الكليان ( وغمزاتو و هي كتلوك المسكة ) هو غير كيشوف فيها و عاقدهم عند بالو هادو قح**ت و معاهم حتى بنت يزا وهي تخرج سكينة كضرب على الشعا الطاي ديالها فحال ديال نرجس تماما نفس الطول و نفس الخيرات المؤخرة و الصدر غير فايضين و الطوولة يختي و تجريدة الشعر كحل و صل لتحت المأخرة و غير تقلب فيه هاك و هاك و بيضة كتشعل و العينين كحلين كبار و مشفرين دايرا ليهم الكحا و الفم منفوخ داربا ليه عكر بالموف و لابسة نفس اللبسة لي لابساها نرجس خرجت عندو وطلعت فيه و هبطت و كتلوك المسكة : اش حب الخاطر
هو طلع فيها و هبط و طلع حاجب : نتي هي بنت يزا
سكينة : بشحمها و لحمها اللعابة سكينة و صحاباتها ههههه
هو : اللعابة ؟؟؟؟
سكينة : اللعابة (حركت صدرها برقصة ) كندربو البندير و طعارج و نغنيو في العراسات
هو خرج عينو فيها : شييخة
سكينة : لا الله يخليك لعابات حنى ماشي شيخات
هو شد من راسو و كيدوي بشوية : و اش غنكون متوقع من بنت شيخة من غير شيخة فحالها ناري و يعرفها عمي
سكينة : ايوا فين سهيتي قولينا غير العنوان و الوقت و حنى غنحميو الطرحة ياك نرجس ههههههه و طلقيها بشي تزغريتة .....نرجس طلقتها بتزغريتة
هو كيشوف فيهم و مامتيقش هادشي لي كيشوفو قدامو هو يغوت : براكااااا ...سكتو بجوج
نرجس : غوت علينا لا
سكينة : و هنتي تشوفي اختي
هو نعت في سكينة : نتي بغيت ندوي معاك على انفراد
سكينة و كتلوك في ديك المسكة : ياء لا لا اخويي انفراد لاء واخا حنا لعابات ماشي في ببوت الدعارة متخلطش اخويي
هو : اش كتخربقي نتي
سكينة : لا باش نكونو واضحيين متغلطش الله يخليك حنا بنات ديورنا
هو : تكونو حتى بنات زنقتكم انا مالي بغيت نهدر معاك
سكينة : وا دوي هنا
هو دور وجهو: ياربي تصبرني
سكينة قلبتها لبنانية : تأبر آلبي على هاي الكلمي هاي
نرجس ضحكة ديال الشيخات : ههههههههه
هو كيشوف فيهم ايطرطق
سكينة كتشوف فيه بابتسامة و كتنضغ ديك المسكة : نرجس انا خارجة برا نشوفو هاد الزين اش بغا تفضل معايا على برا
هو نفخ : اوووف ....و خرج
نرجس : ناري اختي اش بغا عندك هاد الزين
سكينة و كتحرك صدرها : و اش عرفني انا غادا نشوف الزين المكشر لي عامل حالو متأثر لا نكون انا زعلتو و ماني مدكر ههههه
نرجس : ههههه سيري سيري غنمشي نقولها الفتياتش
سكينة خرجان عندو ....
قمر طلت عليهم من البيت : نرجس اش كين سمعت صوت راجل
نرجس : احح هاديك راه الخشونة درجل كون شفتيه كيف داير
قمر : وايلي انا جايا نشوف سمية تكعدي جا عندنا راجل زين نوضي نشوفو .....خرجت قمر من البيت تهيا نفس الطاي تماما قولي توام ديالهم غير هي سمرة و شعرها كحل مكريبي و لابسة نفس اللبسة ديالهم و العينين كحلين و مكحلاهم (اسألوني عن السمراء ادا تكحلت ) و تبعاتها سمية بنت بنفس الطولة و لاطاي (اويلي هادو متافقين قد قد 🤔 ولا شنو) كان شعرها رطب طوييل عينيها مجبدين فحال شي شينوية سميمرة شوية و شعرها كحل تهي داربا ليك ايلاينار و عكر غوز مشعشع
سمية : ايوا فينهو هاد الراجل
نرجس : راه برا كيهدر مع سكينة بينا فيه لباس عليه
سمية : و اش جاي يدير
قمر : ههه جبو لهاوا في 3ليل
نرجس : جاي كيتكربع في 3و ربع ....هما يحميوها غنا و تطبال (اش جا يدير جابو الهوا في نصاصات ليل اش جاي يدير جاي كيتكربع في 3 و ربع ستك ستك )
سكينة كتميل هاك وهاك و يديها ديرا ليهم الدهب كيخرشو و عاد الضفار كل ضفر يا ضفر و كتميل بشعرها هاك و هاك : وي اش حب الخاطر اش بغيتني
هو جبد من وحد الجيب ديالو حدا صدرو تصويرة و عطاها ليها : هادي هي موك
هي شداتها و شافتها : مممم منين جبتي تصويرت الوليدة
هو : دونك هي نتي مي متأكدش شحال في عمرك
سكينة : شفتك كدير ليا لونكيط يكما الزين ضابط
****هو : شوفي نتي بلا هاد الحركات ديال تق
سكينة شافت فيه بزعفة : عشرين عام علاش جاي تخطب مثالا
هو : مكتعرفيش تجاوبي على قد سؤال ولينا فحال المدابزين سؤال ليك و سؤال ليا
سكينة : و شنو غندير اويلي نتا هاجم عليا و جاي تسول فيا و انا مكنعرفكش و ضروري خاصني نسول تانا
هو : العار لما سكتي خاليني نهدر الله يرحم بيها الوليدين
سكينة حطت يد على يد : هانا ساكتة دوي
هو : شوفي انا جاي على ود يزا كانت في علاقة مع واحد الراجل و هو كيضن بلي هي مشات حاملة من عندو و ماشي بعيد تكوني نتي بنتو (بغات تجاوب هز عليه صبعها ) ولا حرف حتى نكمل و هدري ديك الساع (سكتت) و تقدر تكوني نتي هي بنتو و تقدري لا و انا غنتأكد و نرد عليك ..قرب ليها و دار جوج صباع جبد ليها ربعة زغبات من شعرها طواااال
سكينة : ايي ..و بقات تتشوف فيه
هو : مغتقولي والو في هادشي
سكينة : كنتسناك تكمل باش نهدر
هو طلع راسو لسما : ياربي تصبرني اووف( ورجع شاف فيها ) غير هدري كملت
سكينة و هي طلع يديها و بدات كتهدر بيديها : انا مي يزا
مقالت واااالو سولتها على با قالت ليا ديها فراسك دخلت سوق راسي باش تجي نتا و تقوليا باك كيقلب عليك و زيدها واخد ليا شعرا من شعري معامن تشاورتي اخوييي و هاد با مجاه يقلب عليا تالدابا شنو باغي نصرف عليه ولا
هو غوت : صافيييي مسكتيييش او غتبقاي غير كتهدري رجعي النفس شوية
جمعت فمها على شكل بوسة و عوجاتو يمين و شمال بزربة
هو : انا غدا غنرد عليك واش نتي بنتو و لا لا
سكينة : ولا كنت بنتو
هو : غنديك عندو هو في غيبوبة في السبيطار
سكينة هزت صبعها : مممم شوف حدي غنخلص عليه السبيطار من بعد منعرفوش
هو : اوووف مهيم لكنتي بنتو غنسيفط ليك واحد باش توجدي راسك تمشي معايا لعندو و لدارو
سكينة : ممم واخا (هو دور وجهو و دار نضاضر و جا غدي ) و قولينا غير بسلامة ياااه ...دار فيها نص شوفة و مشا
سكينة : ايخ حاس براسو هاد خينة ....خرجو عندها البنات تقادا وحدا و لابسين نفس الحاجة
سمية : فينهو البوكوص
سكينة : راه غادييي
قمر : و باينا فيه زوين غير من للور
نرجس قوست عينيها : اش بغا منك هادا
سكينة : دخلو دخلو نعاود ليكم ....
البوديكار : مسيو ثائر عندك اتصال ...دار السماعة في ودنو و دوز الخط و عطا لداك البوديكار دوك ربعة زغبات دارهم في كيس بلاستيكي
ثائر : ممم انا في داك الفيلاج ديال المرض ( عفط على شي حاجة و هبط راسو يشوف كان عفط على روث ديال البقر و سمع موووو ) وات ديس فاااااااااك ...اه راه لقيتها مي متأكدش واش هي ووووف كنتمنى متكونش بنتو .....(بعصبية) واا حيت هي شيخة ....ممم انا غنسيفط ليك شي حاجة دير ليا تحاليل (ADN)
سيفطهم ليا في ايمايل مم اوكي باي
مشا ركب في طموبيلتو و زاد و زادت من موراه طموبيلا وحدة اما طموبيل لوخرا مشات في الطريق المعاكسة ليهم ...
قمر : واااااااااايليييي دابا نتي عندك اب
سكينة مربعة رجليها في الارض : وهانتي تشوفي و قالك ناعس في السبيطار و لكن هو غيمشي يتأكد واش با بصح و لا لا
سمية : و كيف غيدير ليها تيتأكد
سكينة : واش غيعرفني انا المهيم لزدق با غنمشيو كاملين نشوفو با و نخلصو عليه السبيطار و غندوزو تشوفو دارو
قمر : علاش باك فقير ؟؟
سكينة : و ووو منعرف و علاش في نضاركم غيجي يقلب من غير لا بغاني نخلص عليه السبيطار و نصرف عليه
نرجس : لا لا اختي بان ليا هاد الراجل لي جا عندنا لباس عليه شفتي لباسو كيف ديرين
خرجت عندهم نرجس : مالنااااا ....كانو شي عيالات و بنات مغنبرين هدرت ديك المرة : اش هادشي ابنت طامو لعابات مهدرناش معاكم و لكن باش تدخلو لينا المسخ لدوار لا
نرجس قلبات عينيها : نتوما حاديين غير تبركيك في هاد الدوار ايوا سمعي ا مرت الفقيه و حلي ودنيك و دي ما تعاودي الراجل لي جا دابا جا بأمر من بات لالة سكينة خااانز فلوووس في المدينة وهو مريض و على مامات و جا باش يديها لعندو و تورث منو
مرت الفقيه طلعت فيها و نزلت بحقد : ايوا هاكاك ايوا مبروك منين عرفت اصلها عقبالك نتيا و دوك صحباتك
خرجت عندها سكينة : البنااااااات ضربو معايا شي طرح
مرت الفقيه بغا تسمع (و هي طلق حالقها و بدات تغني و لهيا كيضربو من لداخل ديال الدار ) أموووتووو بالسم اللله يعاون اموتووو بالسم الله يعاون اموتووو بالسم اللله يعاون ......و كتقليلي ليها السم بيديها و و الدبالج في يديها مرت الفقيه شافت فيهم تاعيات و مشات و هما كملو الطرح للداخل و الضحك و القشاب و حطو براد اتاي و بداو تاني يسخنو الطرح .....اما سي ثائر جالس في وطيل مزاكون لي في مدينة الجديدة وطيل سانك ايطوال غرفة و اثات راقي خرج من الدوش لابس بينوار مشا لجيهت الويسكي مخشي في سطل عامر ثلج كب ليه كاس و مشا جلس قدام البيسي حلو لقا مساج في الايمايل ديالو حلو قراه لقا فيه جملة سكتاتلو القلب ( ههه هاديك البنت بصح بنت سي احمد ههه و حصلتي ) وهو يدوز يدو على وجهو و رجع راسو اللور هو يدخل عندو واحد من دوك لي بودكار : مسيو
هو رجع راسو لعندو : شوف غدا غتمشي بكري عند ديك البنت و تقوليها توجد راسها باش نمشيو مع جوج ندوز عندها
اصبحنا و اصبح الملك للله
...نيشان في دار اللعبات جالسة سكينة و نرجس و قمر و سمية دايرين بالطابلة صغيرة جالسين في الارض و محطوط براد اتاي و خبز الدار و زيت الزيتون و شادين تقرقيب الناب
سكينة : راني دفعت فشي دهب
سمية : اناري تتموتي على الدهب ياختي
سكينة : و مالني اختي نتمتع ياك عندنا الفلوس الله يخلف على تلعابت
نرجس تتغني : احححح و صينية و صوينية و هدا معاليا
قمر : و خلينا هانيين ا نرجس غتنوضيني على الفطور نشطح
سمية : نساليو نردو الغدا و نقسرو كارطة
نرجس : اجي ماشي خاصك نوضو نجمعو حوايجنا
قمر : علاش
نرجس : باش نمشيو نشوفو عمي مسكين ناعس في السبيطار
سمية : تي من امتا ولا عندك عم
نرجس ضربتها : الحمارة كندوي على بابات سكينة
سكينة : موووحاالش واش با
قمر : علاااش
سكينة : قاليا غيمشي يتأكد و يعلمني هاهو مشا ماجا
سمية : وااا لي مشا ما جا واااه يا ولد العلوى
نرجس كتصفق : الرجع رجع واهيا زغبي شي باس ما وقع ارجع ارجع واهيااا (سكتت) هو اش سميت هادا لي جا عندك البارح
سكينة : تي معطاني تا وقت فين ندوي حيدو عليا متفكرونيش فيه مكين لا با لا ستة حمص النوض نغسل الميعنات نوبتي اليوما ...جات نايضة هما يسمعو الدقان شافو في بعضياتهم
نرجس : باك ..... ناضو كاملين يتجراو و سكينة قدماهم حلو الباب لقاو واحد الضخم تبتركالله غبر عليهم الشمش لابس الكحل و هو اسود البشرة و داير نضاضر كحلين
سمية بهمس : هادا هو البكوص ديال البارح ؟؟
نرجس : لا لا اختي هادا واحد اخر يمكن
سكينة : اش حب الخاطر
البوديكار : مدموزيل سيفطني عندك مسيو ثائر
سكينة دارت عند صحاباتها : ياحليلي قاليا مدموزيل ههههه
نرجس : ههه ولكن شكون هاد زين سمية ديال ثائر
سكينة : وشكون غيكون غير الزين ديال البارح
قمر : ياربي تانا نشوف هادا لي كدويو عليه
سمية : تانا والله
بوديكار : غتوجدي حوايجك باش غيدوز مسيو ثائر يديك معاه مع جوج
سكينة : واش في خطرة
بوديكار : اه الالة كنستادن منكم ...و مشا
سكينة : دخلو دخلو دغيا جمعو حوايجكم قالك جوج
قمر : اربي ربي دابا 12 موحالش يقدنا الوقت
نرجس دخلات بدات تجمع هاديك هي و سمية و تبعاتهم سكينة و قمر تهما كيجمعو في لي فاليز غا هادي تنفع هادي الدر و على حوايج عندهم ديال السهرات و لي سواري متقوليش هادو بنت الدوار و لكن اش غنتوقعو من شيخات هههه شيخات عصريات موك ياموك
خرج ثائر من الغرفة ديالو كيسد ساعتو لابس كوستيم مرتب بطريقة راقية باللكري و شعرو مرتب بطريقة مثيرة هبط لتحت للمقهى ديال الاوطيل مقهى راقي بزاف جلس منعزل على للناس كيقرا في آخر الاخبار فواحد المجلة كانت محطوطة فوق ليه النادل قهوى حداه شفها و طلع فيه راسو وهز فيه حاجبو
النادل : هادي من ديك السيدة راه هي ....دار يشوف لقاها سيدة زوينة طويلة و ضعيفة شوية دايرا شعرها جنب و لابسة كسوة قصيرة بيضة دارت ليه باي بيديها ...رجع كمل قرايتو : دي هادشي من قدامي
النادل : و لكن اسيدي
ثائر كيشوف في تليفونو : قوليها مكتعجبنيش القهوة ..خلى عشتها بهاد الحركة فهماتو بلي معجباتوش هي ماشي القهوة هزت ساكها و خرجت من الكافي هو بقا على حالو حتى دربت الوحدة و ناض فحالو ركب في لوطو ديالو لي بوديكار شافوه طلع في الاوطو ديالو طلعو تاهما و تبعوه دار سماعة في ودنو : قول ديك خيتي توجد راسها لقاها في الباب دالفيلاج ...و حيد السماعة من ودنو و مشا طاير مع الطريق لخميس زمامرة
اما الشيخات دياولنا خارجين من دارهم سكينة لابسة ليك كالسو ديال دجين و تيشورط بالبيض و تريكو بالخضر حازماه بخصرها و لابسة طالون و الضفار ياختي و الدبالج داربا ليك عكر حممممر و دايرا نضاضر و طالقا ليك الشعر يديه البرد و يجيبو و جارة فاليز(اححح قرطاسة 😍) و من موراها نرجس طالقا شعرها لي بصفر لابسا سروال طويل ديال تجين مزير و جاكيط صيفية بالخزي عكر بالقهوي و تهيا ديرا نضاضر و لابسا طالون و عاد خرجات لالة سمية لابسة كسوة طويلة حد الركبة بالموف مزيرة من الفوق و مطلوقة من لتحت وعاد فوق منها شبكة بيضة مغطية دراعها و لابسا طالون و شعرها كيرلييي مطلوق فوق منو طربوش بالبيض و طونكات (زواهك ) في ودنيها طوال بالموف و نضاضر و جارا فيلز بقات غير قمر خرجت لابسة كالسو مزير ديال العسكر بالخضر و فوق منو ديباردو بالخضر عاد فيست ديال العسكر و سباط طالون عالي و الشعر لمو مطلوق و النضاضر و جارا تهيا لا فاليز ....اش هاد الزين كامل حلفي عليهم عارضات خارجين من هوليوود ماشي من دوار و زينة تنطح زينة و لي معاونهم الطولة ديالهم و بينا فيهم شيخات هههه دوار كلو كيشوف فيهم و اصلا فيما كيخرجو كيشوفو فيهم حتى وقفو حدا طموبيل ديال لي كاردكور و هما غير حالين فمهم فيهم و هي تحيد سكينة نضاضر : ويلي حنا فين غنطلعو نشدو طاكسيات
الكاردكور : لا ا مدموزيل سي ثائر قريب يوصل
نرجس : و هانتي الزين غيجي يدينا بنفسو
سكينة : وصافي متخليونيش ندخلو لدماغي
قمر : ههه هاك هاك على اللعابة بغا طيرو
سمية : و لكن هو اش كيجي باباك
سكينة : ايكون اخدام عندو ولا شي حاجة .....وهي توقف قدامهم الرونج روفر هما حلو فمهم هو عاد خرج اححح مافيوزي هابط داير نضاضر كحلين شافيهم بصدمة حيد النضاضر و شاف في سكينة : نتي شفتك جيبة ليا فرقة نهزها معايا
سكينة هزات عليه صبعها : شوف انا راه بلا لعاباتي مغنزيدش ليك خطوة من هاد دوار كبرنا كاملين نبقاو كاملين نموتو كاملين
ثائر شاف تعيا : زيد طلعو غادي بامهات كلثوم (حيت كلهم دايرين نضاضر ).......طلعت نرجس و قمر و سمية اللور الداحسو واخا طموبيل كبيرة و لكين ليهونش ديالهم تباركالله و سكينة طلعت حداه و لي فاليز طلعوهم لي كاردكور في طموبيل لخرا طلع ثائر شافيهم من المراية و شاف في سكينة بشوفات ناقصين و دار شاد البولة : الله يخرج هاد القضية بخير و على خير
سكينة كلها تتخرشش و تتخدم بيديها بزااف : كول الخير انشاء الله ههههههه ياك البنات
ثائر دار عندها بعصبية : ايييه فين يسحابلك راسك نتيا
سكينة : و مالني اويلي ماقلت والو اجي قوليا عيشك نتا اش كتجي با
ثائر هو مدهاش فيها كيسوق في طريق بيد وحدة و دار السماعة باليد التاني : الو آدم ممم راني جايبها معايا و معاها جقلة ديال الشيخات (لي لور شافو في بعضيتهم و سمية حركة صدرها برقصة و ضحكو )
سكينة طلقت داك الحلووق : ايوااااا قالا شيخات حنا للعابات الله يخليك (هو خرج فيها عينو باش تسكت ) لا لا اخويا متسكتنيش وايلي متخلطش في حقي
ثائر : آدم واحد دقيقة تندير و نعيط ليك ...حيد السماعة من ودنو
ثائر : مال موك نتي تتغوتي
سكينة : و نتا لي جبدتيني و غلطتي في حقي اوو نبقا ساكتة ليك
ثائر : مغنجاوبش وحدة فحالك اللعار غير ما سكتي .....سكتت دقيقة و دارت عند البنات غمزتها نرجس و دوات معاها بالعين
سكينة دارت عند ثائر : و قوليا اش كيجيك با خدام عندو لا ( هو مكيجوبهاش كيسوق ) و جاوبني ياااه متقولش ليا غير خويا من با و كون لي بغيتي تكون (مجوبهاش ) نتا يا تزيزنتي يا صماكيتي ....هو يغوت عليها حتى قفزت : العااار لما رجعي حلقك (😂عصباتو )
سكينة : اويلي مالك قفزتني كنت نتسالها ليك بل المزابي لاخور اويلي
ثائر : سمحيليا غير سكتي ها العار ....سكتات دقيقة و هدرت تاني
سكينة : دابا حنا فين غادين و كان
ثائر : لا حولة ولا قوة الا بالله مكتعرفيش شي حاجة سميتها سكتت
سكينة : و نتا مكتعرفش شي حاجة سميتها ضحك بغينا انشوفو ضحكتك نتا زين و نتا عاقدهم اما لا ضحكتي العالم الله كي غتكون ...دار شاف في هادي اش تتقول لقاها مقابلة معاه و محيدا السباط و مطلعة رجليها على الكوسان و البنات دارو ديك الضحكة بشوية
سكينة : ياكما نتا خويا ؟؟ و شد البولة دابا تقلبنا (هو دار شد الطريق و كيشوف فيها بالنص عين ) .......سكتو واحد قسم و كيسمع فحال القوارض من موراه و حداه شافيهم من المرايا لقاهم شادين الزريعة و باركين نقي ولوح في الارض هو عينيه خرجو و دار شاف في سكينة لقاها تهي وحدا منهم
سكينة : اناري على كراطير خاسر عندو تحلفي عليه مقطوع ....هو مجوبهاش هما تحناو باش يجمعو الزبل تهيا تحنات تجمع الزبل و عطاوه ليها و حلات الشرجم باش تلوحو رجع كامل عليه
سكينة : اه يا ناري قفرناها .....هو بالعصاب دور الكيدون بزربة ووقف الطموبيل حل سمطة و خرج ولا كلو زبل ديال الزريعة و بدا كينفض
نرجس : اناري يا ختي كطيري
سكينة واش عرفني انا غادي يرجع عليه
قمر : جمعو البنات الزريعة و لا غيلوحنا فشي قنت و يخلينا تما مشومرات
سكينة : مم او يقدر الله يخيلي ليا الوليد دير عليا الهيبة و الشان و المرشان حتى خلا بنادم يقولو ليا امدموزيل ركبي مدموزيل نوضي .....اما ثائر كينفض في داك الزبل لي لاحتو عليه و كيشوف فيها من الجاجة و كيخنزر هي كتشوف و الدور في عينيها و ترجع تشوف فيه
الكاردكو نزل من طموبيل لخرا : سيدي
ثائر : موقع والو نكملو طريقنا ......عاود رجع طلع عندهم و شاف فيهم
ثائر : المرة الجاية غنلقا شي وحدة دارت شي بلان غنزاوط مها من الشرجم تنكمل مكم وحدة وحدة ...هما خافو
سكينة : اويلي شفتك ساير تحلف على دريات
ثائر : غنبدا بموك نتي اللولة ....وهي تجمع فمها و تقنتت شي شوية سكتو دار يشوفهم لقاهم حلو فامهم و ركدو كاملين
ثائر : اوووف و ديروها من الصباح ........هما نعسو بعمق شديد النوم الثقيل ......
شوية تقلبت سكينة و شافت في ثائر و هي كتكسل : فين حنا ؟؟؟؟دابا
ثائر : قريب نوصلو ... هيا تقلبت جيهت الجاجة و كملت نعاسها حتى دازت نص ساعة فاقو كاملين
سكينة : هادي هيا قريب نوصلو ...دار فيها نص عين و كمل طريقو
سكينة بابتسامة : يا خويي الحاجة لوحيدة لي درتيها مزيانة .....و دارت ليه خباط في دراعو هو دار شافيها بتخنزيرة وهي خرجات عينيها في دراعو : ياختيي قدااااش تباركالله
ثائر : جمعي يدك
سكينة : اويلي مالك حارم راسك و حارمنا معاك خلينا غير نقيسوك ياك بعدا ماشي خويا ( دار فيها نص شوفة ) على الله متكونش خويا من با
نرجس : كان خوك مطيه ليا (هو خنزر فيها من المرايا ) سمحليا
سكينة : البعابع لا شميتيه (دار بنفس تخنزيرة لعندها) ابغينا نقجمو معاك اويلي ...هو شاف قدامو عض قنوفتو بالعصاب واش غيدير مع جماعت الشخات لي جيبها معاه ...... قرب يغرب المغرب ووصل لكازا و اخيرا و دخل وسط المدينة ومشى ديريكت لواحد ريسطو هاي كلاس بالحمر و الكحل و منظر ساروخ من برا خرج و خرجهم وحدة وحدة من موراه نزلت سكينة هي لولة تبعوها البنات لخرين و دخلو مصافين من موراه غير دخلو القهو كلها كتشوف في جيهتهم النادل جا عند ثائر كيجري
النادل : تفضل اسيدي في هاد لا طابل ...مشا معاه لديك الطبلة و لوخرين غير تابعينو و يتناغزو و كيهدرو بتخبية و هي طلقها نرجس بواحد الضحكة دار خنزر فيها و هي تجمع الضحكة جلس هو و و هما جلسو قبالتو
نادل حط ليهم الموني قدامهم و جا غادي
سكينة : اااه شوف واحد قرعة الما الله يرحم بيها الوليدين
طلع فيها ثائر واحد النضرة و خرج فيها عينو اما النادل غير واقف كيشوف فيها كانت الصدمة عليه قوية
سكينة : مالك بغيت نشرب
ثائر خنزر فيها و دار عند النادل : جيب لها كاس ديال الما
نرجس بالغوات : ربعة
هو غمض عينو و عض فمو و كرز على يدو
النادل : انا غنجيي ليكم اسيدي كيسان ديال الما
ثائر دار عندهم و حل فيهم عينيه لقاهم ممسوقين لحد كل وحدة شادة الموني و عاقدا حجبانها و باركا تهجا في الموني هو شافيهم تعيا و تفش على خاطرو و هز هو الموني هو يسمع على ودنو
سكينة كتهجا : اشنو هاد سلاد ني زواز
نرجس كتقرا في الموني : سلاد بلحم الخنزير
قمر : و و و هادي معرفتش نقراها
سكينة كتهجا: هادي ش ش شورما
قمر : اه اه لي كليناها ديك المرة
سمية : هادشي بالفرونسي
سكينة : كون غير مشينا لحد السوالم حسن ( اويلي على حد السوالم كافي سانك ايطوال و قالت ليك حد السوالم )
ثائر خطف ليهم الموني من يديهم: اري نتي هادي اري ميصلح معاكم تا زفتا
سكينة :اويلي تا مالك خلينا نختارو
ثائر: و اش كتعرفي باش تختاري نتي
سكينة : و تا مالك نضبر راسي ياك انا لي غنخلص
ثائر : من نيتك كدوي
سمية : شوف اسيدي ثائييير بغينا غير بوكاديوس(سندويش) صااافيي
سكينة : سيريي كالا بغيت شواية ديال الكفتة فيها جوج كيلو اش غندير انا بشي بوكاديوس هاد طريق كاملة داربينها و في الاخر بوكاديوس
نرجس : و انا بغيت ربع دجاج
ثائر دار عند قمر : و نتي الالة اش حب الخاطر
قمر : مكرهتش غير لحم الراس مبخر
ثائر: ايه و علاش لا و نتي بغيتي غير بوكاديوس
سمية : و لا كلشي واخد واخد بغيت تانا الكوطليط
ثائر : ايه ايه علاش لا اجي نقوليكم ( هما قربو ليه وجههم ) واش كضحكو عليا
سكينة : لا لا حاشا ا سيدي ثائييير
ثائر خبط عليهم الطابلة : و نوض تهزو عليا (هما قفزو كاملين هو وقف و هز عليهم صبعو ) شوفو غنرجع نلقا كل وحدة اختارت من هادشي لي كين هنا صافي ...دارو ليه براسهم اه و مشا خرج على برا
قمر : اناري خلعني ....جاب ليهم داك النادل الما
سكينة : سكيتيه من شي بير لا
النادل : ءءءء؟؟ كيفاش لا لا راه ما عادي
سكينة : و مالك على هاد تعطيلة عتقتي لي واحلا ليه بكري موك يا موك
سمية : ضرب الشيشة و صباح منك هههههههه
القهوة كااااملة حالة فمها فيهم كي الكبير كي الصغير كالمطلق كي المزوج واحد راه مع صاحبتو حل فمو فيهم ناضت صاحبتو جمعتها معاه بتسميكة و رجع وجهو تاني لجيهتهم
اما زين السمية فهو برا و كيهضر في ديك لابراي
ثائر: راه وصلنا لكازا ممم كنظن عنجيبها تشوف عمي عاد نطلعو للدار اوكي باي ....دخل لقاهم مجموعين على الموني
ثائر جلس قبالتهم : اختاريتو
سكينة : اااه هادي ...حاطة صبعها على سوشي
ثائر: عارفة شنهي هادي بعدا
سكينة : ياااء ياما كليناه ياك البنات
نرجس : اشنهو ؟؟؟...طلت عليه نرجس و دارت شافت في سكينة لي كتغمز فيها بالعين لي ملهيه زعمة راه ثائر مكيشوفهاش
نرجس : اااااه ههه وايلي اسي ثائر ماشي غير واكلينو راه كنصيبوه في الدار انا وقماار ياك ا قماار....كانت كتشوف في الموني و ضربتها بضراعها طلعت فيها عينيها زعمة شنو
نرجس بعينيها : ياك هادا كنصيبوه في الدار
قمر طلعت فيها راسها : سولي سمية
سمية : اااه وصلات نوبتي بغيت بانيني فايتلي وكلاه
سكينة : اويلي باش محزمة
ثائر متكي بضهرو على الكرسي و مرجع يدو اللور : انا ماشي سوقي فهادشي كلو بغيتيه خوديه
سكينة : واخا
جا نادل لعندهم ثائر لي كيهدر بلسانهم سمية بغات بانيني قمر بغات ربع دجاج هي و نرجس و سكينة بغات سوشي
سكينة : تا مالك تتعصب اعلى فتيلة اويلي و زيدون مداوياش معاك
ثائر : غنهرس ليك داك السنان على داك تجاويب ...هي عوجات فمها و صقلت هو طلب ليها ربع دجاج .........صافي بقاو كيوشوشو عليه تما هو مدور وجهو جيهت شرجم حتى جاب ليهم الطلب هو جابو ليه قطعة ديال لحم طيبة مزيان فوق منها وحد السوس و الفورشيط و الموس و هما تحط ليهم داكشي هو يلا بدا يكل كيسمع صوت النضيغ طلع عينو فيهم لقا اسود تلتهم مع جوعهم النهار كامل طاحو عميين سكينة طلع يديها تال سما كتغمس و تخشي فمها نرجس كتجر باللحمة باللحمة و تخشيها في فمها قمر كاع الروز صفاتو اما سمية فا سيفطات النص الاول مبقاش هو مقدش ياكل قفلو ليه الشهية حط اللفورشيط و دار يدو على حنكو و كيتفرج فيهم كياكلو و كتوحل ليهم و كيشربو الما و ما كيحبسوش كيكملو حتى سلاو عاد ناضو مرابعين لطواليط و هازين يديهم لسما زعما غديين يغسلو و دويين و كيضحكو هو رجع راسو على الكرسي : ياربي يخرج هادشي على خير ....ناض وخلص و خرج هما عاد خارجين وقف عليهم واحد الشيباني
هو : تبركالله تبركالله على الزين ....هما يشوفو فيه و شافو في بعضياتهم و طلقوها بضحكة و خرجو كيتعابزو و كيهدرو بجهد مشاو يخلصو قاليهم راه سيد لي معاهم خلص
سكينة بابتسامة : تبركالله على سي ثائيير راجل البنات فاش طلعو شكروه
ثائر : اه و لكن يقدر يكون كيسمع نتي متقولي والو صافي
سكينة : صافي كون هاني ....ساك بيهم شي ربع ساعة عاد وقف قدام وحد سبيطار كبييير فحال شي عمارة دزاج وقف في الباركين و خرج و خرجت سكينة و خرجو معاها حتى دوك ثلاتة
ثائر دار عندهم : نتوما فين غادين رجعو لاوطو غتمشي غير هي ....هي دارت ليهم بعينيها كبار زينين باش يرجعو الاوطو طلعو و سورت عليهم طموبيل و زاد و سكينة تابعاه من موراه و تخرشش في دوك الدبالج دخلو لسبيطار هي غير حالا فمها تصدمت (ها علاش👇) طلعو في سانسور هي طلعت و دورت راسها كتشوف في سانسور : فينهو با ...
ثائر واقف كيشوف فيها : هاجنا غنطلعو عندو ...ضرب طابق خمسة هو يتزعزع سانسور و هي الطير لصقت في ثائر : اه ياناري زلزال (حاطة يديها على كتفو و للصقة فيه كولا و خشات وجهها في صدرو )...هو كيحيد ليها يديها من كتفو : هادا سانسور كالا زلزال حيدي يدك ...طلعت فيه وجهها : كتقصد الاسنسور ديال المصريين علاش حنا عندنا في المغرب ...جمع ليها يديها و كحزها عليه بدفيع
سكينة : اييخ على معفر قول ليا كحزي لهيه بلا دفيع دابا فينهو السبيطار و كان و علاش طلعتيني هنايا ياكما عملتيني و لقيتيني نية و ضحكتي عليا و جبتيني هنا بلعاني باش دير فيا مبغيتي ....هو غير كيشوف فيها و مطلع حاجب كيسمع هاد البلوة لي نزلات عليه اش كتقول و هو يتزعزع سانسور باش يوقف تلاحت عليه تاني بنفس الطريقة
ثائر : اووووف ...هي طلعت عينيها فيه و مقربا لعنقو : ريحتك زوينة ....هزها من دراعها (تحل باب سانسور ) وزاوطها برا وخرج
سكينة كانت غتجي على الارض مع الارض كتزلق غير شدات راسها و هي طلعت فيها بتخنزيرة
ثائر باقي غادي : زيدي خلاص
هي تمات جاية من موراه وكدوي و كتخرشش بدوك الدبالج : سيدي ثائييير فينهو السبيطار متقولش ليا هو هادا تباركالله و على لي تحت شناهو دابا لكان شي حد مريض لجاو يطلعوه تال هنا راه مول الامانة دا امانتو
ثائر وقف و دار عندها : واش مكتقديش هاهيا غتسكت هاهيا غتسكت و نتي لا سكتي ( هي غكتشوف فيه بدوك العوينات عندها هبطت يديها و خرشت بدبالج ) واش مفيك تحاجة كتسكت
شخص : ثائر .....دورا لي غيدورو لقاو شخص وسييم بوكوص بمعنا الكلمة بيض طويل بنية هي هاديك نضاضر شعر كحل مرتب مقاد لحية خفيفة كحلة تهيا مقادة العينين بالكحل ا انيق لابس طابلية بيضة و داير سمعات القلب في عنقو و باينا القميجة تحت طابلية حال جوج صدفات يبين فيهم دوك البادر لي عندو رد علي ثائر بابتسامة (اححح زين ينطح زين 😍)و مشا لعندو صافحو باليد: وفين اصحبي
آدم : و غير هنا
ثائر رجع تعابير وجهو لجدية : كي بقا عمي لباس عليه
آدم : اش غنقول ليك اخويا حالتو حاليا في استقرار تام مكين لا تقدم في حالتو صحية لا تأخر
ثائر : ممم شنو المعمول دابا
سكينة مزيرا على فخاضها و كتلوى غير راسها : سيدي ثائييير وا سيدي ثائييير
زاد آدم و ثائر قدامها و هي غادية من مورا ثائر مباشرة هي وياه خطوة بخطوة و كدور عينيها على الحيوطا
سكينة : شحال وانا كنتمنى ندير لاموزيك الحيط ديال داري يجمعاه زوين كونا طلعت معايا دريات ندورو شوية ملييت .......وصلو قدام واحد الغرفة كانت في القنت ديال الطابق منعازلة فيها زاجة كبيرة كطل على واحد سيد يكون في ستينات ناعس و راسو شيب و ديرين بيه الالات و الخيوطا سكينة غير كتشوف
ثائر : سكينة اجي ...قربت ليه و شد ليها من يديها وهي يديها بيضيين و رطبيين هو غير شد ليها من يديها طلعات معاها تبوريشة
سكينة بابتسامة : اييي اححح ...هو دار فيها نص شوفة ودور وجهو و جرها من يديها بشوية و دخل بيها الغرفة لي فيها داك الراجل ثائر باقي شاد لسكينة من يديها
ثائر كيهدر بشوية : عمي انا ملقيتش ديك المرا يزا و لكن لقيت بنتها لي هي بنتك ا عمي.....هي غكتشوف فيه و كتشوف في سيد لي ناعس هو يحط يديها على يدين سي احمد و حيد يديه هي تشوف في ثائر
ثائر : هدري معاه راه كيسمعك
سكينة : بابا كتسمعني بابا (شداتها البكية ) بابا دابا نت هو بابا و انا بنتك بابا ياك ( مسحت دموعها ) بابا فيق دغيا واخا راه واخا عمري شفتك منبغيكش تكون في هاد الحالة شوف غير نوض انا نطيب ليك لي تبغي و نوكلك (ودارت شافت في ثائر كان واقف متكي على الحيط و خاشي يدو في جيبو و هي ترجع دور عند باها ) بابا هو اش كيجيني سي ثائييير
ثائر : باباك هو عمي ...ناضت دغيا عندو مابقا لا باها لا والو
سكينة بفرحة : هي نتا ولد عمي واش ولد عمي شقيق (دار ليها اه برلسو ) وايليي متقولهاش تا بضحك دابا انا وياك ولاد العم نااارييي على زهر يهرس الحجر غشوية و زكلتي تكون خويا
سكينة : وناريي و نهار لكبير لي كون عندي ولدي عمي فحالك نتا و ناريييي
ثائر : صافي يلاه نخرجو خلي عمي يرتاح
سكينة : وعلاه اش دار كاع بالسلامة ياك منين جينا لقيناه ناعس تمن الهدرة هدرناها حنا .....شدها من دراعها مخرج
سكينة عاضة على قنوفتها فرحانة : اييي اححح (خرجها برا الغرفة و طلقها )
ثائر : واش نتي مريضة ولا مالك اش هاد الحركات ديال الزمر (كان غيخسر معاها الهدرة )
سكينة : و علاه مالني اش درت اويلي ...و دارت يدها على حنكها
آدم : برد اصحبي
ثائر : شفتيها اش كدير زيدي قدامي ....لاحها قدامو هي دارت خنزرات فيه و لعبات بشعرها و دارت
سكينة : ايخ كنص ناقص ....
مشا معاها حتا لسانسور دخلو بجوج هي تقنتت و شدات من الحديدة
ثائر شاف فيها : تخافي ما تحشمي
سكينة عوجت فمها هو ضرب الطابق زيرو تزعزع سانسور زيرت على الحديدة و تهدر
سكينة : مي مي هادشي غيطحنا اويلي واهيا ناري
ثائر داير فيها عقلو : واش من نيتك خايفة من سانسور
سكينة تتغوت : انااااري هاهو غيوكف ها هو غيوكف (تزعزع سانسور وتحل الباب ) حمدتك ياربي و شكرتك
ثائر : يا حول الله ....خرجو من داك السانسور هو غادي وهي غاديا حداه كتلعب بشعرها و تخرشش بدبالجها و تقرقب بطالونها
ثائر دار عندها : صافي رساااااي
سكينة : اويلي مالي اش درت اه ياناري
هو شد ليها يديها و زير : وهاد زمر لي من صباح و نتي تلعبي بيه
سكينة : اييي قصحتيني (وهي تبتاسم ليه ) اولد عميي
ثائر نفض ليها يديها وزاد قدامها و هي تبعاتو من موراه و
كدوي و فيها الحركة بزاف
سكينة : قول ليا دابا نقوليك ولد عمي و لا سي ثائييير حسن نقوليك ولد عمي باش نبانو قراب ولا لا لا ولد عمي عنبانو من العائلة و غنوليو فحال الخوت سي ثائييير حسن
ثائر : العااار لما سكتي سطيتييينييي هاد النهار
سكينة حشمت : كون شتي نتا
ثائر : ااااوووووف ...ومشاااا خرج
سكينة تبعاتو : سي ثائيييير تسناني .....خرجو من السبيطار و مشاو لطموبيل يلاه حلها صونا ليه تليفون
ثائر : طلعي نتي ....هي طلعت وهو مشا كيهدر بعيد شوية
ثائر : الو شهاب وتا اشمن مبروك راه زدقت بنت عمي شيخة
سكينة : البنات البنات خباركم سي ثائييير ولد عمي
نرجس بفرحة : وااااايليي لبنات حميو طرحة ....مانعرف كيف جبدو الطعارج و بداو : اهااا ولد عمي جيبو ليا ود عمي و داك الزين ولك عمي
سكينة : ياو سيدي ثائيير ولد عميي
هما : وهاه ولد عمي جيبو ليا ود عمي (سكينة كتحير )
سكينة : ياو لقيت راجلي ود عمي
هما : اه ها ود عمي .....ولا صداع فديك الطموبيل هو كان كيهدر و سمع الصداع هو يدور لقا الحيحة في طموبيلتو مشا دغيا لعندهم وهما النشاط في ديك طموبيل تاحل الباب
ثائر : مالكم حماق ولا مالكم (هما سقلو ) قدام السبيطار واش عند مكم كرام ديال العقل يلاه كل وحدة تكمش في بلاصتها ولا والله حتى نجمع المكم شعركم في شعر واحد و نشتف عليه و نقطعو و نوكلو ليكم زغبة زغبة
سكينة : رجوع الله اسيدي ثائر ...وبغات تقرب ليه يديها
ثائر خرج فيها عينيه : جمعي يديك ولا بربي تنكردها ليك و نسمع حس شي برهوشة فيكم ليوما غتشوف لسانها معلق و غندوز بطموبيليتي .... هما كيشوف فيه مخلوعين وخرج وخبط عليهم الباب و كمل المكالمة ديالو لقا داك شهاب لي في تليفون ميت عليه بالضحك
ثائر : ضحك ضحك نتا لي جمعاك الضحك تا اشمن وحدة راه ربعة
سكينة : ناااري هادا مالو
سمية : انا خلعني بعدا
قمر : دابا لا مشا حتى طبق داكشي لي قال ماغيبقا فينا ما يتعاود الخبار
سكينة : تبتو و حزمو ورزمو و لي قاليها ليكم ولد عمي ديروها و ها ودني لي مسمعاتش كلامي
نرجس : كوني هانية المعلمة من هنا كين غير نعام سيدي زيد سيدي
سكينة : تكبييير
كلهم : الله و اكبر
ثائر دار عندهم و شاد تليفون في ودنو : دابا رجعو فقيهات يلاه نخليك دابا ....مشا طلع لعندهم يلاه غتدوي سكينة طلع فيها عينيه بتخنزيرة سكتت و تقنتت الله يعز لحكام و انطالق في الشوارع ديال كازا حتى وصلو لوحد البلاصة بعييدة على المدينة ببعض كليمترات دخلو في بلاصة فيها الظلام ولات غير عينيهم لي كيبانو بيضين و كيدورو و صوت دبالج سكينة عاد خرجو للضو كان ديال واحد الباب كبييير شوية و قدامو جوج صعاصع غير شافو طموبيل حلو الباب و ديك الساع كل وحدة لصقات في جاجة كتشوف اما قمر مع جات الوسط كتحاول تشوف منهنا و منهنا كان منظر خيالي ديال الجردة و الفيلا كأنها قصر
سمية : سكينااااا فين حنا
سكينا مطردكا عينيها في جاجة : في قصر الماليك
نرجس : الله الله الناس فين عيشة .....وقف ثائر الطموبيل و خرج منها و رجع دخل راسو لقاهم باقين على حالهم و سكينة مكوزة عليه و تتشوف
ثائر : اييييه نتوما هبطو ...مخلاوهش يكمل الهدرة هبطو دغيا بطعارجهم فحالا شي حد دافعهم و حلو فامهم في ديك الضواو و لابيسين بقات غير سكينة تحل في الباب مبغاش : اويلي تاتحل بالمخنتر لاخر اهيا ناري بقيت هنا
ثائر : جمعي يديك .....هو يجي فوقها و بغا يحل الباب هي كتشوف فيه و طلع صدرها و تهبطو عليه و ديرا ديك الضحكة ديالها
ثائر مدور وجهو جيهت الباب و كيحاول يحلو : اش درتي لباب ....ودور وجهو عندها لقا راسو قريب منها بزاف هي مطردكة فيه عينيها و تبتاسم هو هبط عينو دغيا و طلعها في الباب لقا دوك الرباعة ديال اللعبات لاصقين على الجاج كيشوفو فيهم خلعوه عاد لقاها مهبطا ديك الساقطة طلعها و حل ليها الباب
ثائر ناض عليها : يلاه خرجي دابا .....هي خرجت فرحانة و تيتغامزو و يتناغزو جا وحد كيجري خدا من عند ثائر السوارت و هز طموبيل لباركين
ثائر : تبعوني ...وجا داخل
سكينة : بلاتي و البليزات
ثائر : راه غيجيبوهم ليكم زيدو .....مشاو من موراه و كيشوفو و حالين فمهم في داك الخير دخلو لقاو عالام اخر بالاثاث و ديكورات
دخل ثائر هو الاول ووقف و هما عاد جيين من موراه داويين حتى دورو راسهم لقاو مرة خمسينية واقفة قدام ثائر و كتشوف فيهم لباسها انيق بزاف و راقي ملاحميها زوينين بزاف و شعرها مطلوق صفر و لابسة الكلاس طلعات فيهم و نزلات و شافت في ثائر
نورا : ثائر شكون هادو
ثائر دار عندهم : سكينة اجي لهنا (جات سكينة طلعات فيها نورة و هبطت ) هادي سكينة بنت يزا من عمي احمد ...هي بغات تطيح فاش سمعت ديك الهدرة و عينيها عمرو بالدموع
نورا : هي دابا احمد عندو بنت
ثائر : اااه و عندها عشرين عام
نورا مغرغرين عينيها : دابا نتا مدخل ليا الحرام لداري
سكينة غوتت فحال دوك المصريات : لاء البيت دا طاهر و حيفضل طول عمرو طاهر (جبدو لخرين طعارج و بداو ) يا مو المطهر رشي الملح سبعة مرات سبع مرات يلاااااه يويويويوويويو (نرجس كترش في الملحة منين جابوها منعرف )
نورا مصدومة في هادشي لي كتشوف فيه : شنو هادشي
ثائر : اييييه السكااات ريحو الارض (هو دار يشوف نورا لقاها طلعات ) مشكل هادا (دار عندهم ) جلسو هنا والله و تحرك شي سلكوطة فيكم حتى نقطع المها رجليها و مزال غنتفاهم معاكم على هادشي لي درتو ....و طلع هما جاو عند سكينة
نرجس : دابا حنا غنسكنو في هاد الخير كامل
سمية : الله شحال كنت تنحلم نعيش فشي قصر
سكينة : هنتوما دابا فيه ولكن بلاتي باينا خالتي مقلقة شوفو و سكتو هزو العين و حطها لي قالتها قلوليها واخا
قمر : كوني هانية المعلمة
سكينة : و تبعوني نمشيو نتسراو في الدار
نورا جالسة في البيت الفوق كيف داير يا ربي بالقهوي كلو و كيبان بحالة مبني بالخشب وسطو ناموسية بالباج و عاد طابية بالباج و كبيييرة ديك الغرفة هي جالسة فوق الناموسية و كتبكي حتى دخل عندها ثائر و مشا جلس على ركابيه قدامها و شد ليها يديها
ثائر : خالتي
نورا : حيد عليا ما خالتك ما والو منعرف منين جبتي هادي و قلتي بنتو اهيء اهيء حمد عندو ولد واحد هو نتا لي كبرك و قراك اما هاديك بنت الحرام تمشي فحالها بنت الشيخة
ثائر : خالتي ولكن هي كتبقا بنتو ديال بصح و خاصكي تقبليها عادي كيفما تقبلتيني انا
نورا : نتا ولد ختي و متحطش راسك في مقارنة معاها حيت هي متوصلك حتى في العفطة
ثائر ناض و جلس حداها : صافي اخالتي تقدر تكون هي سبب رئيسي باش يتشفا عمي مبغاش عمي يتشفا
خلا نورا حيت قالت ليه بغات تنعس خرج لعند البنات هبط لتحت كيدور في راسو ملقا حتى واحد حتى كيسمع صوت تهراس في الصالون مشا دغيا لديك الجيهة لقاهم متكيين كيجمعووو
ثائر بعصبية : اشششش هرستو
سكينة : طريعجة سمية
الخدامة : غير خلي الالة انا نجمعو
سكينة : لا والله ما تحطي فيه يديك حلفت متحنتينيش غير سيري تكلصي
ثائر مبررد : اجيو معايا
سكينة : بلاتي نجمع هادشي
قمر : غير سيرو انا غنجمعهم
ثائر : اجيو كاملين
سكينة : و شكون غيجمع هادشي
ثائر باقي مبرد : كينا الخدامة
سكينة : لا ويلي حشومة
ثائر خرج فيها عينو : غتجي و لا نجي لموك نقجك بدوك دبالج.....هما يطلقو داكشي هو خرج و هما تبعوه
ثائر : مارياا ...جات وحد المرة طويلة شوية و مكضحكش و رقيقة مسمار
ثائر : وريهم الغرف ديالهم (و نعت في سكينة ) هاديك هي بنت سي حمد
ماريا : مشرفين امدمزيل انا في الخدمة واخا سيدي تفضلو معايا ...هو مشا طلع لبيتو يرتاح
سكينة : ههه ربي يخليك
سمية في ودن نرجس : راجل داوي ...و هي طلقها نرجس بديك الضحكة العجيبة ديالها ........بقات غادية بيهم لواحد الغرفة غير تما حلات مريا الباب كتبان غرفة كبير فحال لي كيكونو في ناموسية فيها تلاتة ديال نموسيات
ماريا : هاد الغرفة لانيسات ثلاتة و نتي الالة غنديك لغرفتك خاصة خاصك ضروري تفرقي عليهم
نرجس : هههه وايلي راه المعلمة دايما كتنعس في غرفة بوحدها
سكينة : شكون هاديك المرة لي كيقوليها سيدي ثائيير خالتي
ماريا : هاديك خالت سي ثائر و مرت سي حمد
سكينة : اه خالتو حقيقية و با تهو عمو حقيقي
ماريا : اه لالة
سكينة : ههههههه كيدارو ليها هادو دابا خالتو مزوجة بعمو هههههه واعرة هادي قرابة زينة هادي هي خيرهم ما يديهم غيرهم....طلعو لطابق لي فيه بيوتا بزاف
سكينة : فين بيت سيدي ثائيير
ماريا شيرات لوحد الباب بالكري : هاداك هو
سكينة : مممم وبغيت بيت حداه
ماريا : مادموزيل حنا ماشي في فندق
سكينة جبدات خمسين درهم من صدرها و حطاتها ليها في يديها : هاكي خودي و سكتي
ماريا : لا لالة هادشي
سكينة : اشششش خودي و سكتي بصحتك و دبري ليا على غرفة حداه
ماريا : لالة راه هادشي
سكينة : وصافي تنتي ولايني زدقتي طميميعة (زادت خمسين درهم من صدرها و حطاتها ليها في يديها ) و هانتا ا سي ثائير خاسرا عليك مية درهم غير على ودك .....ماريا فوضات امرها لي الله و تقرمت على المية درهم و داتها لواحد الغرفة كانت مقابلة مع الغرفة ديالو و حلات الباب و شعلات الضو كانت غرفة عادية كلشي بيض فيها و كبيرة و فيها حمام تما
ماريا : هادي غرفة مي لخرا حسن الالة
سكينة دخلت للغرفة : تباركالله هادي كلها غرفة كبار حتى من داري و زايداها قدام بيت سي ثائر و هادي هي الجنة و لا فالا تعالي ا يزا طلي على بنتك فيناهيا
ماريا : لالة نجيب ليك ما تاكلي
سكينة : لا لا احبيبتي غير لا جاو دوك البليزات عيطي عليا نجي نطلعهم
ماريا : انا غنطلعهم ليك و لا خصاتك شي حاجة عيطي عليا
سكينة : كوني هانية الله يرحم بيها الوليدين .......خرجات مريا
سكينة : وهانتي غير مية درهم شو اش تخلي بنادم يدير (هه الله يعطيك الدل راها خدامة تمااا ).....معالينا جابو لي كاردكور لي فاليز داوهم الخدامات للبنات خداو باليزاتهم شاطت وحدة اكيد ديال سكينة طلعوها ليها لبيتها ....
ثائر خرج من الغرفة ديالو لابس تيشورط بالبيض و سروال كيطمة بالكري و هبط لتحت لقا ماريا تما
ثائر : فينهما لخرين
ماريا : بنت سي احمد طلعتها لبيت لفوق و البنات لخرين في بيت ضيافة
ثائر : ممم مزيان يمكن ليك تمشي .........
اصبحنا و اصبح الملك للله ......
نازل ثائر من الدروج انيق كيف العادة كوستيم بالكحل الساعة في اليد و النضاضر لقا نورا كتسناه اسفل الدروج و من موراها ماريا هو يبتسم ليها
نورا بابتسامة : صباح الخير ولدي
ثائر : صباح النور بينا فيك فرحانة هيا تقبلتيها
نورا : هه بيان سير و غنحطها في المكان المناسب
ثائر : هادي هي خالتي لي كنعرفها يلاه نخليك دابا
نورا : مغتفطرش ؟؟
ثائر : لا خاصني نمشي لشركة يلاه بسلامة ....حط يدو على كتفها و مشا زاد خرج حتى سمعات صوت طموبيل تحركات
نورا وهي دور عند ماريا : نوضي ليا دوك الشيخات و خاصة ربيبتي حبيبتي و و دابا غنشوفو شكون لي غيبقا فهاد الدار
ماريا : واخا الالة
مشات مريا كتفيق فيهم على ساعة عاد خرجو عندها كل وحدة يا وحدة هما يخرجو الشيخات كين غي الشورطات و مع تباركالله ديك لاطاي كتعرفو كيف بانوو ساروخ و جيين بيان ماكييي مريا كانت جالسة و ديرا رجل على رجل و كتشرب القهوة غير طلعت راسها فيهم حلات عينيها ووقفت
نورا: تباركالله تباركالله اش هاد الحالة (هما تصافو قدامها قد قد و طوال عليها ) نتوما راكم في دار محتارمة زعمة
سكينة جات وقفت حداهم : لا لا اخالتي معندنا فين نخرجو غنبقاو غير هنايا
نورا : غطلعو تبدلو عليا داك المسخ لي لابسين
سكينة : علاااش اخاااااالتي غير خلينا الله يخلي ليك ما عزيز عليك حنا غير في الدار
نورا : يا غتبدلو عليا ديك الحالة يا غنقطع دوك شراوط فوق منكم و نشوفو فين غنوصلو يلاه طلعو نشوف .....مشاو بزعفة على ربع ساعة
عاد جاو تاني لبسو سراول دجين و محيدوش الفوقاني و تصافو قدامها و كيشوفو فيها
نورا : ماقالو شيخات شيخات ولكن انا غنوض ليكم حسكة غير بلاتي ماريا خرجي ليا الخدامات ....خرجاتهم مريا كتر من عشرين وحدة تصافو قدامها
نورا شافت فيهم و ابتاسمات : شكرا على الخدمة ديالكم مابقيناش محتاجينكم ربي سيفط لينا خدامات من عند الله (خرجات ماريا الصف ديال الخدامات و نورا غمزت ماريا ) حتى نتي ا ماريا عندك اجازة هاد الفترة
ماريا : شكرا الالة ....مشات
نورا و هي دور عندهم : ايوا ا سيدنا نتوما هما الخدامات جداد
سكينة : لي بغيتي ا خالتي نديروه نديروه كوني هانية
نورا: و هاكا نبغيك دابا طلقوني بسمياتكم و كل وحدة عمرها
سكينة : انا سكينة 20 عام
نرجس : انا نرجس 19 عام
قمر : انا قمر 18 عام
سمية : اناسمية 17 عام
نورا : شنو غاديين و نازلين ولا كضحكو عليا
سكينة : حاشا اخاااالتي كالا نضحكو عليك
نورا : صافي جيبو ليا لاكرط نسيونال و سيرو فطرو في الكوزينة ربع ساعة تكونو عندي هنا نعطيكم اش ديرو
سكينة : واخا اخااالتي زيدو زيدو ...... مشات سكينة طلعت الفوق تجيي لي كارط ناسيونال ديالهم و هما مشاو دخلو لكوزينة يتسناو في سكينة باش يفطرو
نورا : باغين تستعمروني في داري غنتغدا بيكم قبل ما تعشاو بيا ...هبطت سكينة عطاتها لي كارط ناسيونال
نورا : هادوك الشيخات ....خرجو لعندها مصافين ووقفو قدامها هي كدور عليهم فحال العسكر
نورا : مزيان دابا كل وحد غنفرق عليها المهام شكون بعدا كتعرف طيب
نرجس : كلنا
نورا : مزيان نتي غتكلفي بالطياب سميتك قمر ياك (دارت ليها براسها اه ) و نتي هي الصغيرة ياك سميتك سمية غتكلفي بتسياق و نتي بينا فيك عافية كطيري (على نرجس ) غنكلفك بتصبين اما نتيي ربيبتي حبيبتي سكينة
سكينة بضحكة : ربي ايخليك اخالتي
نورا : غيخليني ربي باش نكون سوسة في سنانك نتي بدات غديري كلشي بغيت فاش ندوز على الكوزينة نلقاك و بغيت فاش نلقا سمية كتسيق لقاك حداها و فاش نقول جمعو تصبين بغيتك تطيري تجيبيه ااه و معلومة اضافية غنقتاصدو على الضو يعني مغتخدموش المكينة غتصبنو بيديكم حيت كيجينة الضو غالي
سكينة : و بعدلين بسيف مايجيكم غالي هو تحت من ديك الضاية مشعلين الضو (على لابيسين )
نورا : انا لي كنقرر شنو غيطفا و غيشعل يلاه كل وحدة على شغالها بغيت الغدا يوجد مع الوحدة ....بعد 2 سوايع قمر في الكوزينة كتوجد الماكلة و سمية كدور على البيوتة و كتخملهم و نرجس جمعات ليها الخوامي تصبنهم في غرفة ديال تصبين اما سكينة جامعة شعرها الفوق جلسا تجفف حدا رجلين نورا و و تقولي بغات تحيد داك سروال دجين
نورا : سربي خلاص باش تعاوني صاحبتك في الكوزينة
سكينة : واخا ا خااااالتي
نورا ناضت مشات لجيهت غرفة تصبين و بقات سكينة تجفف حتى وصلات العتبة و عطات مؤخرتها البرا و بدات تجفف و تدنن : حبيبي كان هينا مالي دنيا علايا بالحب و الهنا حبيب انا ... وفي هاد الوقت دخل ثائر بالسيارة ديالو للفيلا ووقفها و خرج منها فحال عادتو كلو اناقة و رجولة و شخصية و عطا سوارت طموبيل ديالو لعساس و هو بغا يدخل الفيلا مالقا غير سكينة عطياه بلمؤخرة ديالها و تتغني و كتلعب بيها و خاصة داك سروال دجين لاااسق عليها هو بقاا كيتمنضاار فيها و في حركاتها العالم الله اش دار بيها في خيالو و هي دور عندو و شافت فيه هو عاق براسو و قلب وجهو لهيه وعض قنفتو كيحبس بيها ديك الرغبة لي تملكاتو
سكينة ناضت جاية لعندو : سيدي ثائيييير جيتي
هو دور وجهو عندها لقاها مخرجة داك الصدر و داك البوط عريان
ثائر خرج فيها عينو : اش هادشي لابسة نتي و اش كديري اصلا
سكينة شافت في راسها : انا كنجفف و لابسة لباسي عادي
ثائر : لاباينا تباركالله سيري طلعي لبسي حويجك قبل ما نخلي عشتك
سكينة بزعفة : ونااري ماالك معاياااا
نورا: حمااااارة .....كان الصوت جاي من غرفة المصبنة
قمر : اااه طفي على داك الطاجين ديال الحوت والعدس لي في الكوكوت كبيه في طبسيل ( شكون عطا لهادو حق اختيار الاكل )
سكينة حلات طاجين : الله على ريحة فيه (داقت شوية و هي تبدا تفكر) دابا نتي واحد و نرجس جوج خاصني ثالتة سمية فين سمية .......دخل ثائر لبيتو يلاه بدا يقلب على دوسي هو يبان ليه فحالا شي حد ناعس فوق الناموسية ديالو و مغطي قرب لتما و حيد الغطا هو يلقاها سمية ناعسة بشطابتها مهدرش معاها كمدها في داك الفراش فحال شي سندويشة و هزها على كتفو و هبط هازها
سمية كتلوى باش تنوض حتى فكت يديها و ناضت و مشات لكوزينة
نورا : اخري غيكون على يد هاد البنات شي ساعة غيسكتو لي القلب
بعد هاد الملحمة درامية بداو البنات كيحط في الغدا في وحد الطبلة و نورا جالسة على راس الطبلة كتشوف فيهم حطو قدامها خبزة اقل ما يقال عنها رويدة رموك ديال الزرع و ديك الخبزة ماهيا دايرا ماهيا مربعا شكلها مخري بقات نورا حابسة كتشوف في ديك الرويدة حتى ديك شنو هادشي مخرجاتش ليها عاد حطات قمر طاجين حلاتو كان عبارة على الحوت صردين كوار ريحتو عاطية زينة نورا حولت عينيها لطاجين بصدمة و عاد جات لالة سكينة هازا طبسيل ديال العدس كبير كيفور ريحتو عاطية زينة و حطاتو
نورا : اش هادشي ؟؟؟؟؟؟
سكينة بهمس : ممم يمكن ماكياكلوش فحالنا
قمر كفدت و ديرا فيها ماستر شيف : هادا طاجين ديال حوت كوار و هادو حوبيبات العدس مشرمل
نورا : ايوا بغيت ليك حبة في راس مالقيتي ماديري غير لعدس
ثائر هابط بزربة من دروج و جا جلس في الطابلة في جنب نورا طلع عينو في داك شي بان ليه في شكل
ثائر : اش هادشي
نورا : يلاه لقيتيني داويا عليه
ثائر : مكيهكش غنتعطل على اجتماع
نورا : غتاكل هادشي اولدي
ثائر : وااا معندي مندير
نورا شافت في سكينة : جيبي نتيا طبسيل ل ثائر
سكينة بفرحة : هي لولة اسيدي ثائييير
مشات طايرا لكوزينة و رجعت جايبة طبسيل بيض و جايا و كتبختر عليه بداك الخير لي عندها هو حاني راسو على تليفون و هي دور ليه من لهيها و جات عند ضهرو و تكات عليه و حطات الطبسيل و داك الصدر كلو خشاتو لو في ضهرو هو شعل معاه الضو دار عندها لقا غير صدرها قدامو حدا حنكو الحرارة ناضت فيه بقا كيشوف في صدرها هو ينوض دغيا من الطابلة : خالتي خاصني نمشي ...و ناض مشا
نورا : بقا غير تتغدا ....خرج من الباب دارت نورا لعند سكينة و مع شافت الستون كامل
نورا بالغوات : ونتي قلت ليك قبيلة لبسي حوايجك و نتي باركا دوري ليا بداك اللباس راه معاكم راجل في الدار
نورا : صافي جلسو تغداو و نتي مزال غنتفاهم معاك على دوك الخوامي
سكينة: غير خليها ليا انا غنتكلف بيها و نعاقبها دابا نتي غير كولي اخالتي من صباح ما كلتي والو .........بقاو كياكلو مجموعين و لكن باداب حيت نورا جالسة معاهم و لي شافتها كتخرج على سيطرة كتنتفها كترجعها لطريق السابعة حيدت ليهم ديك الماكلة باليد ولاو غير المعالق و ماحملينش القضية مامولفينش ....
في ليل و في واحد البار سانك ايطوال كين غير شطيح و رديح و الموسيقى الغربية على جهد ديسكو و شعورات ديال البنات و الشرابات و في وحد الغرفة معزولة الفوق عازلة للصوت كينا وحد الطابلة عامرا بلي ويسكي الغاليين جالسين ربعة ديال الرجال بكوص ينطح بكوص و لابسين لباس انيق و بينا فيهم لباس عليهم منهم بطالنا ثائر و الطبيب آدم و جوج اخرين شهاب و نايف ...دابا نتعرفو عليهم عن قرب
الاول : ثائر عمرو 35 عام معندوش مع شي حاجة سميتها دسارة ولا لبسالة كيتعصب دغيا ماتو ليه ولديه من كان صغير و رباه عمو و خالتو لي من بعد تزوجو جمييع علاقاتو كانت عابرة عمرو فكر يتزوج ولا عمرو غيفكر هو عندو شركات ديال باه عندو فروع في العالم الغربي خاصة اروبا و في المغرب عاد زائد المولاات ديال عمو لي مسيطرين على العالم العربي حاليا و و مقابلهم هو بحكم ان عمو في غيبوبة دابا .......
الثاني : آدام 35 سنة انسان راقي بكل معنى الكلام هادئ و كالم في حياتو هو طبيب و عندو مستشفى مركزي لي ناعس فيه حاليا سي احمد مجهز باحدث الاجهزة و عاد عندو مستشفى في باريس كبيير فيه جميع تخصصات طبية ناهيك على بعض المستشفيات الصغار لي منتاشرين في انحاء المغرب و فرنسا و عندو خطيبتو مريام كانت صديقتو من الصغر كبرو و اعتارفت ليه بحبها و مرفضهاش و دابا هما مخطوبين و هو كيصرف عليها و على عائلتها بحكم انهم فقراء
FBI الثالت: شهاب 35 سنة رئيس مركز
ملامحو رجوليا كتبان عليه الصرامة في وجهو هو طويل و عامر و شعرو مقادو و اللحية تهيا مقادة كيضرب ديما الكلاص كراكطيرو فحال ديال ثائر تقريبا ممعاهش الضحك و مكيضحكش اصلا معروف عليه مكيدسرش بنادم كيعرف غير قتلني نقتلك مكيديرش علاقات في حياتو كيدير عاهرات واخا اما يدير وحدة تفرع ليه مخو بحبيبة يخوي فيها فردي فراسها
الرابع : نايف 34 سنة هو صغر منهم بعام ممثل مشهور و لكن ماشي هنا في هوليوود
نص مغريبي و نص امريكي حروفو شهبين و عينيه زورق طويل و عامر انسان مرح في حياتو عاطيها غير لسهرات و البنات مكيفلت حتى بنت دازت من قدامو و عجباتو خاصة لكانت شي ممثلة ولا شي وحدة من معجباتو ضروري يدوز عليها .....
جالسين و كيهضرو و كيضحكو كيفما كاع الصحاب
نايف كيضحك : ههههه دابا بنت عمك شيخة ههههههه
شهاب داير ضحكة جنب و آدم تهو كيضحك الوحيد طالعا ليه القردة هو ثائر
آدام كان كيشرب الروج وقف و شاف فيه و قاس ليه راسو : حرارتك طالعة بزااف اه كفتيي لا ؟؟
نايف : واش لي غيتزوج غيكفت مهيم راه غتوسلكم كونفوكاسيو باش تحضرو ضروري
ثائر : هي درتي عقلك ممم مزيان اوا سيدي ضروري نحضرو الخونا
شهاب : جيب معاك دوك الشيخات يضربو ليه شي طرح هههه
ثائر : صافي اصحبي قلب عليا المرض ...بقاو كيضحكو و كيهدرو حتى لاينا وقت عاد كل واحد خرج يا واحد دريات عينيهم خرجو في الديسكو كل وحدة لي عندها شي لحم بغات تبينو عليهم و لكن شكون مسوق ليهم غاديين هما فوق السحاب خرجو على برا كلشي كيتناغز عليهم كل واحد ركب في سيارتو غير البومبا على ختها و انطالقو باقصى سرعة في اتجاهات مختلفة و لانظار متجهة ليهم ........
اما في الدار ديالنا فكلشي تعشاو و نعسو بقا غير سكينة كشعلة ضو بيتها و كطل من شرجم كتسنا ثائر ( واش من نيتك ابنيتي مكملتي حتى يومين مقادا )
حتى شافت طموبيلتو جات و هو خرج و دخل الفيلا هي ناضت كانت لابسة ليك بيجامة ديال توب بالموطار شورط و ديباردو ديالو .....هو جا غادي طالع فحالو اابيتو يلاه بغا يحلو حتى خرجات ليه سكينة من بيتها دار عندها صدماتو متوقعش يكون بيتها قدام بيتو مباشرة طلع عينو فيها بانت ليه بداك الشكل المغري و لحمها بيض و الصدر تبركالله وعاد سيقان بيضين هو يرجع حل بيتو
سكينة : سيدي ثائر جيتي
ثائر : سيري تنعسي ....ودخل لبيتو و سد الباب
سكينة دقت عليه في بابو : سيدي ثائر نحط ليك العشا
ثائر : سيري فحالك
سكينة : ولكن راك ماتغديتي ما تعشيتي ....فضل انه ما يجوبهاش و بدا كيحيد القميجة و سمع الصقيل صافي عرفها مشات يلاه هبط السنسلة ديال السروال دخلت عليه هازا بلاطو عامر ماكلة هو دغيا طلعها بقا غير بنصو الفوقاني عريان هي حطات داكشي فوق واحد طابلة ديكور و جايا لعندو
ثائر : تامالك مريضة و لا مال موك جايا عندي فهاد ليل
سكينة كتقرب ليه : علاش اسي ثائييير انا جيبا ليك غير الماكلة (هي بدات تشوف بيه في عضلاتو و كتهدر و كدوخ ) و غير بغيت ووو لا علاش جيت واش هادشي عندك بصح ...يلاه بغات تقيس ليه صدرو بيديها وهو يحط يدو على مؤخرتها وجمع ليها داك الشورط وسط مؤخرتها و طلعو معاها و زدحها مع الحيط هي غوتت حيت قصحها و هو باقي مزير على شورط بيدو و دغيا تجمع ليه وعينو في عينيها وواقفة على صباع رجليهاو متكية على الحيط وجهو قريب منها بزاف مبقا بيناتهم والو و صدرها على صدرو كيطلع و ينزل
هي خافت كتدير ليه لا بوجهها و عينيها عمرو دموع و لات تنفخ و تفش و انفاسها كضرب في وجهو لي عليه ملامح رجولية جادة اما شورط قرب يتقطع بكترت مزير عليه ثائر بانت ليه علتين تبكي هو يطلقها هي طارت هربت برا دخلات لبيتها و سدات الباب و شدات من قلبها و هبطات عينيها في شورط لقاتو باقي ليه اخيط و يتقطع
سكينة بخوف : اناريي مال هادا مكانش هاكا اناري ميمتي ... مشات بدلات عليها و تخشات في ناموسية كتويل و تحلف على راسها لا بقا تقرب ليه ولا تبان ليه
اما ثائر حضاها حتى خرجت و شاف في يدو و كرز عليها : غير جيتي في طريق عمي اما نوري موك تق**** كيف داير
و مشا دخل يدوش ...
اصبحنا و اصبح الملك للله
سكينة في بيتها كطلع في داك سروال دجين لي مزير مكيطلع غير بزز و لبسات تريكو كول مونطي كحل بالكمام و سخون ديال الصوف كيفور
سكينة : دابا كنبان مستورة باش ميغلطش فيا سيدي ثائيير .....مع الخرجة ديالها لقاتو خارج ( شفتي باش خيبة بيت مقابل مع بيت ) هو يطلع فيها عينو و هي تحشم ورجعت دخلات و سدات الباب و قلبها كيضرب
سكينة : اناري ولا كيخلعني ......هو نزل من الفوق لقا نورا جالسة ناشرة دريات في الارض كيشطبو وهي واقفة عليهم
ثائر : خالتيي ؟؟؟
نورا دارت عندو : ولدي فقتي تعالا تعالا جلس تفطر
ثائر دور نضرة عليهم : خالتي علاش كديري فيهم هادشي
نورا : اولدي كنلاهيهم باش ميبقاوش يفكرو فداكشي دشيخات
ثائر خرج فيها عينو : كيفاش حتى عرفتيهمو شيخات ؟؟
نورا : شديت وحدة سرسبات ليا كلشي نتا غير خليهم ليا و كون هاني و سير تفطر
ثائر : مخصش عمي يعرفها
نورا تنهدات : و تا يفيق بعدا و ديك الساع نشوفو اش نديرو ....جلس ثائر في الطابلة جابت ليه سمية قهوة بقا كيشربها و كيقرا في جورنال
نورا : ايوا على سلامتنا من لالة العروسة هبطت (طلع عينو فيها لقا نورا كتهدر مع سكينة و حانية راسها حشمانة من البارح هو منزلش عينو عليها كيشوف حركاتها و توتر ديالها و كيف باغا غير تملص من نورا باش تمشي و متبانش قدامو و كيف كتحاول متشوفش لجيهتو )
سكينة دارت عند ثائر غير شافها شافت فيه هو يهبط عينو دغيا
نورا : حيدي من قدامي جبتي ليا الصهد تفو
ثائر حط جورنال : انا غادي
نورا : اوكي ولدي الله يعاونك .......خرج و هي نور دور عند سكينة
نورا : واش نتوما معندكم حوايج مستورين تلبسوهم يا إما تلبسو ليا العرا ولا حوايج البرد
قمر : هادو هما حوايجنا اخالتي
نورا : دونك اليوما غنديرو شوبين
قمر : مكنعرفش نسيبو اخالتي
نورا شدات من راسها : اوووف ياربي باش بليتيني عندكم جلابات ؟؟
سكينة : وايلي اخالتي هادا سؤال معلوم عندنا
نورا : مزيان لبسوهم و ديرو شدود غلى راسكم باش نخرج نكسيكم
سمية : ههه يا حليلي غنتكساو
قمر : ربي يخليك لينا ا خالتي ...جات سكينة غتبوس ليها فوق يديها غير هربت يديها منها شداتها ليها نرجس مجات فين تكمل مع نرجس لقات سمية و قمر و ليها ليد لوخرا باغين يبوسوها
نورا : صافييي براكاا يلاه نص ساعة نلقاكم واجدين ...مشاو كيتجاراو دغيا لفوق و نورا ضحكت و مشات تطلع حتى تبدل
بعد ساعتين .....عاد خارجين ليلياتي كل وحدة لابسة جلابة في لون و ناريي كيف جاتهم نار 🔥 مع ديك لاطاي اوووو و شد داروه فوق عنقهم و المكياج و كلهم طلقو ليك داك الشعر و دارو نضاضر فوق الراس و الطالونات نورا حلات عينيها فيهم و كتشوف فيهم
سكينة : صافي اخالتي سالينا
نورا : والله يخرج كلشي على خير زيدو من مورايا .....مشاو طلعو في طموبيل طويلة شوية سايق بيهم الشيفور سكينة جالسة حدا نورا لور و من موراهم جالسين دوك ثلاتة بقاو غاديين في الطريق داوييين فرعو لنورا مخها و كون غير كانت شي حاجة عامرة مرة يضحكو مرة يغنيو مرا يسكتو شوية بداو كيتعابزو حتى غوتت عليهم نورا عاد سكتو ولاو يضحكو بالهمس غيخرجو ليها العقل حتى وصلو لمول (ديال بابت سكينة احمد) على خاطرهم عاد خرجو من طموبيل و كانت شي طموبيل تبعاهم خرجو منها لي كاردكور غاديين من موراهم مي بعاد منهم شوية باش يحضيوهم ايوا اسيدنا دخلو لداك المول نورا قدامهم دايرا نضاضر و مستيلية و من موراها هما غير زينة على ختها و غاديين و كيضحكو و يهدرو بجهد (ههه اش كتعرفو على الشيخات ) ماعالينا دخلو لوحد المحل ديال الملابس جاو الخدمات تما كيجريو لعند نورا يستقبلوها
الخدامة : مرحبا الالة
نورا بتكبر : شكرا عاوني البنات يختارو ...دارت من موراها ملقات حتى وحدة طارو على الحوايج كل وحدة في قنت
نورا مع تقمعت رجعت دارت عند الخدامة : جبتو شي جديد ......بقاو تما هما كيختارو هادي زوينة هادا شورط هادا طريكو ياك غير خالتهم مكين مشكيل كين غير دخل قيس حط رونو المحل بالمزيان و داكشي غير المعرييي و المينيي (ناري و تشوفهم لالهم نورا ) و مجات فين توقف نورا في لاكيس حتى وقفو كاملين كل وحدة هازا جطية ديال الحوايج نورا ماهمهاش الكمية داروهم ليها في سشيات و يلاه بغاو يهزوهم
نورا : اش كديرو ؟؟
سكينة : غنهزوهم
سمية : يكما اخالتي رجعتي في كلامك
نورا : نوو راه غيجي شيفور يهبطهم ليا
نرجس : اووف رتاحيت سحابلي مغتشريهمش .....خرجو من تما مشاو لسبابط ولاو كيتسابقو مع الناس عليهم و غير العالي (اودي نتوما طوال فين باغين تزيدو طوالو ) حط قيس حط قيس حتى سلاو خداو لي بغاو مشاو لملابس الداخلية ولاو كيقسوهم علناا فوق الحويج مهامهم حد
جات نورا لعندهم عطاتهم كاملين العصا في دوك ليدين عاد تقادو معاها و اختارو لي عجبهم و خرجو و هي دور عندهم نورا بفرحة : كتعرفو من بعد كل شوبين خاصنا نديرو كافي....هما غير كيشوفو فيها شافوها كضحك صحاب ليهم حماقت
سكينة بشوية : م م مالها
نرجس دارت الزيف عل فمها : مشات فيها خالتي مسيكينة
قمر : اش قالت
سمية : شيفور كافر بالله
قمر : علاش
سمية : و اش عرفني انا انا غير ترجمت ليك .......
نورا القدام و هما غاديين من موراها خرجو من المول و قطعو الكافي لي كانت قبالت المول كافيي وااعرة بزاف و انيقة غير دخلو كتسمعي الصقيل في القهوة و كيشوفو فيهم خاصة الرجال نورا شافت في البنات بنص عين لقاتهم كي البهلات كيشوفو راسهم في الكميرة و كيضحكو و يتلواو كي الحلوات
نورا :زيدو ....مشاو جلسو في واحد القنيتة نورا مجلساهم قدامها و عاطياهم الموني و وكل جوج مجاوقين على واحد و نورا غير كتشوف فيهم
سكينة : فهمتي شي حاجة من هادشي
نرجس : وتقولي شي حاجة
سمية : فينهيا شورما و بانيني
قمر : منعرف اختي هادشي مفهمتش ليه ..
نورا : هادي كافي درينك زعما المشروبات و لي بتي ديجوني مغتلقاوش هادشي لي قلتو ...مفهمو تالعبة من هادشي ليقالت
جا النادل لعندهم باش ياخد الطلبات : مدام ( هما بداو يترعدو زعما جا و هما مزال مختاروش )
نورا طلعات فيه عينيها : بازونكور
سكينة : تانا خودي ليا فحالك
نورا : شناهوا
سكينة : هادا بيزانو ولا منعرف
نورا : بازونكور؟؟؟
سكينة : اياااه هو هادا
النادل شداتو الضحكة نورا شدات من راسها : ياربي تصبرني عفاك سير تانعيط ليك ......خطفت من عندهم الموني و بدات تقرا ليهم و ترجم ليهم بالعربية حتى تافقو على عاصير البنان و ملفاية جا النادل خدا من عندهم طلبات نورا خدات ليها كافي كريم و هما بقاو كيضحكو قدامها
نورا : والله هيما كدبو فاش قالو شيخات
سكينة : خااالتيي حنا لعابات ماشي شيخاات
نورا : علاه شنو الفرق فحال فحال
نرجس : لا لا ا خالتي كاين فرق و فرق كبير كاع الشيخات كيشطحو قدام عيلاات و رجالة حنا لعابات غير كنقصرو مع العيالات و كيعطيونا لبياض حتى تشهرنا في إقليم الجديدة و نواحيها
سمية : اوهوووي مكنهدروش حتى معاهم من غير لكان شي حد جاي عندو شي عرس ولا ختانة و سيفطاتو مرتو لعندنا
نورا : مممم و ما خفتوش ليديكم شي حد شي نهار و يغتاصبكم مع نتوما تباركالله
سكينة : لا لا ا خالتي كي تشوفينا حنا واخا هاكا لي غيقرب لينا غنجبدو العصي و نعطيوه و حتى ولاد دوار معاونينا فينما يشوفو شي حد غريب جا لدوار عندنا كيتبعوه حتى لعندنا باش لا غوتنا و لا شي حاجة يهجمو عليهم
نورا : ممم هي نتوما باقين بنات
سكينة : ههه اويلي اخالتي باقين متزوجناش
نورا قلبت عينيها : اجا ما يفهم هادي زعمة نتوما هاكا و مطمع فيكم حد
نرجس : حربش يقرب ولد المرا لما تنوض ليه القبيلة
سكينة : هادي هي وصية مي يزا (نورا قلبت عليها عينيها ) خلات دوار كامل يحتارمها و يحتارمنا واخا كانت غير لعابة في ديور و كلشي كان كيقول عليها بلي خيرها سابق
نورا : علاش اش دارت هاد موك يزا كاع
نرجس : هي لي وقفت معاهم و حاربت حتى دخل الما و الضو لدوار و من تم هما حاضيينا و يوصلونا و لا خصتنا شي حاجة يعطيوها لينا
نورا : ممممم فهمت و هاد لاطاي كي درتو ليها بلاما تقولو ليا من عند الله و زعمة نتوما تقادا وحدا
سكينة : ولاااا كي شتي قمر كانت غليضة بزااف بزاااف و كانت دايما تتبكي و من بعد الموت ديال مي يزا خلات لينا الدهب و الفلوس هبطنا لجديدة و تقيدنا في اغلى لاصال كاملين بيما رقاقت قمر و دخلنا حنا غير باش نونسوها زدقت واحد النصرانية سميتها بونجور ولا سبور و لا منعرف حرتت علينا مزيان وحد العامين عاد رجعنا كلنا فحال هاكا
نورا : ممم داكشي علاش و كيفاش حتى وليتو لعابات
قمر : انا منين عقلت على راسي و انا لعابة
نورا : نتي بنت يزا و نتوما شكون
نرجس : انا بنت طامو خت خالتي يزا و سمية بنت عمي لاحتها مها و هي صغيرة و قمر لقاتها مي يزا برا جالسة في الجديدة و كتبيع كلينيكس في الشتا و جابتها لعندنا تبقا معانا ....جا نادل حط ليهم داكشي قدامهم و بداو فرحانين بيه
سكينة : جغموه كلو راه هادا هو الغدا
نورا كتشوف فيهم : لي شافهم هاكا يقول كيحركو الجبال من بلاستهم و هما ما فاهمين حتى تاحجة لا حولة و لا قوة الا بالله ايه (طلعو فيها ريوسهم ) سربيو خلاص باش ندوزو نتغداو
نورا : صافي مسولتكش على فين جات داركم كتشدو الهدرة مكطلقوهاش و عنداكو شي نهار شي برهوشة فيكم دير شي حاجة بلا خباري راه نقطع لمها الجدر منين نبتات
نرجس : اويلي ا خالتي عليك امان سكينة : غير خرجنا من الدوار كنعرفوك غير نتي و سيدي ثائيير و با الله ينوضو بصحيحتو نورا : و شربو شربو باش نمشيو فحالنا مزادوش معاها الدقة الميلفوي داروه في جوج دخغمات و منين تكاو على العاصير مناضوش و يلاه سكينة هزات الكاس و غادي تخشي صبعها تلحسو فحال دانون نورا : ايه ايه اش كديري سكينة : بغيت غير نلحسو واه ياناري نورا : حطي الكاس مالك كابرا في الجوع قمر : خالتي ماشربتيش هاد القهوة نورا : شربيها نتي ( معاودتش معاها الهدرة جغماتها ) ياربي السلامة مهيفات نوضو نمشيو ....مشاو ناضو معاها طلعو لطموبيل دارو ليها الارارة بالطليب باش تخليهم يغنيو ليها عاد خلاتهم كين غير تزغريت و تطبال في الباب ديال طموبيل و سكينة تغني : و يا ختي تي كاري كاري راني نقتل و ندبح عليه ستك ستك ... نورا : وصافي درتو ليا شقيقة بهاد الاغنية و الله يرضي عليكم ....سكتو و بقاو يعاودو ليها على شي حد سميتو حمو طاحت ليه الضالة حداهم حتى وصلو لوحد الريسطو نورا : يلاه نزلو....هما شافو في بعضياتهم سكينة : شوفي خالتي مبغينياش نتغداو هنا نورا : و على فين باغين بالسلامة سكينة : شفنا في الاشهار واحد الفخودة ديال دجاج بليموني الله وعلم لا قلينهم سميتو الله وعلم دجاج على كيتي نورا مكمشة وجهها مافهمتش : شنوو نرجس : بغات تقول دجاج الكتاكيت اخالتي نورا : كيفاش ؟؟واش كتقصدو كنتاكي سمية : واهو يكون كتاكيتي ولا كراتي اهم حاجة يكون فيه دجاج نورا تنفست الصعداء : قلب الدورا لكينتاكي الله يصبرني قالت ليك كتاكيت ....تاني جبدو معاها طولة ديال الطريق كيهدرو العصيدة ديال لسان الطير حتى وصلو على خاطرهم نزلو شافو الشعار ديال كنتاكي و بداو عليك اه ياناري هو هادا واهيا العالي هو هادا حتى جمعتها معاهم نورا بقرصة كاملين هاد المرة كانت انسانة راقية شوف كي ردوها جرتهم دخلو لداخل كانت الكافي خاوية شوية دخلو تصافو من مورا نورا و هي مطلعة عينيها الفوق كتشوف في الموني نورا : ممم كين بيركر كين فاير زينكر ممم شوفو اش بغيتو هادو ....دارت عندهم لقاتهم مطردكين فيها عينيهم عارفتهم مفهمو حتى زفتا نورا : اووف اش شفتو في الاشهار اش عجبكم اش بغيتو تحنجرو نرجس ببراءة : فخوضة ديال دجاج سكينة : اه شفنا السطولة ديال فخوضة ديال دجاج سمية : لا انا بغيت ديك الخبيزة لي فيها دجاج نورا كتشوف في هاد البلاء المبين : سيرو تريحو انا انا غنشوف ليكم سكينة : شوفي اخالتي قوليهم الحار عفاك نورا : صافي غير سيري....مشاو هما كي كي بضحك كيقلبو على قنت حدا شرجم عاد جلسو بداو يطقطقو بصباعهم فوق طبلة و حتى جات نورا نورا : نوضو هزو لي بلاطو ديالكم ...ناضو تبعوها كل وحدة هزات بلاطو و مشاو جلسو و كل وحدة اش خدات سمية بغات بركر هي و نورا قمر و نرجس خداو سطل سطل عامر فخودة و سكينة جابت بلا دجاج حاار نورا : يلاه كولو ....كانت هادي اشارة انطلاقة لعميلية الافتراس الادمية نرجس بدت تخشي فخض مورا فخض كتخشيه على طولو و كيتجبد خاوي و داكشي بسرعة الضوء نورا : ايه نتياااا بشوية مالك على هاد الجهالة ...نرجس بقا على نفس الحالة نقست غير من السرعة اما قمر فمع كين تحت السطل الروز كفدت يديها و بدات تلكم فحال الطعام عاد ضربات ليها يديها و عطاتها معلقة تاكل بيها اما سمية فشدات داك البركر الساعة لي عضاتو كاع لي وسط البركر تخوا كلو من لور سمية كتشوف راسها ولات تاكل غير الخبز حرفي و كانت غتسكن عاد نورا وراتها بالنهيض كيف كيتكال و عطاتها البركر ديالها وهي تسمع خبااااط فوق الطبلة كلهم دارو لقاو سكينة وجهها حمر و عينيها عامرين بالدموع و كطلع و تنزل خباط (علاش حيت هي لي قلبت عليها شافت نورا ملاهية و عاطياها بضهرها و بدات تخشي ليك في داك الدجاج لي في البلا بزربة في فمها حتى عمرت فمها كولو عاد طلعت معاها الحرورية (لي ديق هاد دجاج غيعرف الحار ديال كينتاكي غيفهمني)) عاد ناضو يجريو يجيبو ليها الحليب و نورا جالسا تعطيها في الما حتى شربت الحليب عاد رتاحت كاع صلقت لسانها غبرت ليه حاست الدوق عاد نورا شونجات ليها البلا بواحد اخر محارش ساعة لي صكع صكع داك البلا لي جابوه ليها كلاتو بلا مداق ....حتى سلاو و جمعتهم نورا و زادت بيهم للدار قبل ميديرو شي مصيبة اخرى غير دخلو مشاو يتجراو تجمعو في بيت سكينة يقلبو اش شراو نورا : هادوك ربعة الثمنيات عندكم ساعة باش تهبطو توجدو العشا كلهم : واخا اخالتي ....طلعو الفوق في بيت سكينة كين غير حط قيس خشي في الماريو شوية قلبوها شطيح و تطبال طلعت عندهم نورا باش تهدر معاهم زدقو مدخلينها بيناتهم و يشطحو معاها منكرش بلي هي عجبها الحال و لكن دغيا نوضاتهم يبدلو باش يوجدو في الكوزينة
ناضو هما دربو ليها لي سواري لي شراو و فرحانين كلهم لابسين نفس السواري كسوة داربا حتى الفخض بسميطات و لكن بالوان مختلفين سكينة بالبلو مارين و جمعت شعرها كود شوفال و نرجس بصفر و خلت شعرها مطلوق و سمية بالغوز دارت ضفيرات كرينات و قمر بالكحل جمعت شعرها بقراسة و هبطو عند نورا يوريوها اش غنقوليكم فاش شافتهم نورا كيسمعو غير المعيار و كتقرصهم من دوك السيقان لي معريين منهم نرجس : اي وعفاك اخااالتي سكينة : الله يخلي لييك ما عزيز عليك ما غير خليناا اخالتي سمية بغات تبوس ليها يديها : نبوس ليك يديك اخالتي حنا غير في الدار نوراا : صافيي غتبقاو لبسنهم ولكم غتجمعو عليا دوك السوالف راه والله و نلقا زغبة في العشا نحسن المكم الشعر هما بفرحة : كوني هانية اخالتي نورا : وراه خليت ليكم القائمة اش غديرو فيها بلاما نلقا ديك المهزلة ديال البارح سكينة : صافي اخالتي غير نعسي على جنب الراحة يلاه البنات ....مشاو يتراشقو و وحدة ضرب لوخرا المؤخرة ديالها و يشطحو و يغنيو شوية استصعب عليهم الحال حيت القائمة لي عطاتها ليهم فيها مقادير عمرهم سمعو بيها ولاو كل مرة يمشيو يسولو نورا مخلاوهاش حتى تتفرج في خاطرها حتى صايبو لي صلاد و صايبو اللحم بطريقة راقية بعيدا على المرقا و ماجورها عاد واحد الصوص سكينة : هادشي فشكال نرجس : وييه عمرك شفتي لاصوص مسيبة بالسكار مكبوبة فوق لللحم سمية : سيري حطي هادشي في الطبلة مشات قمر كتحط فوق الطبلة هي و سكينة نورا : خلي لولدي ثائر عشاه غيتعطل في ليل ...سكينة غير سمعات ثائر تفكرات اللقطة ديال البارح سخونية طلعات معاها بقات نورا كتاكل و هما كياكلو معاها كتعلمهم ياكلو بالغرشيط و الموس و الماكلة طلعات بنينة وخا هما مشبعوش باغين تغماس و المرقة جمعو الطابلة و دخلو الكوزينة و عمرو اتاي و جلسو يكملو عشاهم بالخبز و الزبدة و نورا طلعت تنعس سمية كطل من شرجم الكوزينة : واقيلا سيدي ثائيير جا قمر : انا غنوض نسخن ليه داك العشا باش ندير فوق منو لاصوص سكينة تزيرت جالسة فوق الكرسي و بدات تهبط في كسوتها غير راسها نرجس كتشوف فيها : ياك لاباس ا سكينة سكينة بدلتت ااصوت ولات تهدر بشوية : هه لا والو غير غير سربيو دغيا سي ثائيير لا ملقاش العشا غيتعصب سمية هزت فيها حاجب : المعلمة من ايمتا و نتي كتهتمي لسي ثائيير لا تعصب قمر : صدمتينا نرجس : هيا وليتي تخافي من سي ثائيير سكينة : لا ويلي تي اشمن نخاف فين عمر المعلمة كتخاف انا حامياكم و مسكطاكم و هانتي غتشوفي انا غنخرج عندو عادي ....خرجت لقاتو ضرب النص في الدروج سكينة : سيدي ثائييير ثائر بلا ميدور عندها : فاش نهبط لقا العشا واجد رجعت دخلت لكوزينة نرجس : يكما جرا عليك سكينة : سيري كالا اناا سكينة بنت يزا يجري عليها شي حد انا لقايض و كان كينوض و يعطيني كرسيه قمر : و على القايض هو سيدي ثائيير سكينة : و بلاتي وتشوفو هانتو حضيو حضيو مزيان اش غندير و تعلمو من المعلمة ..... نزل ثائر بملابس ديال الدار المعتادة و جلس في كرسي وطلع حاجب ونزل حاجب : واش غنبقاو هنا سكينة : هااانااا جايااا اسيدييي ثائييير ....وغمزت صحباتها هما ضحكو بشوية طلعت الكسوة شوية و طلعت ليك الصدر باش تبان الفرقة ديال الصدر و الشعر كودشفال و هزات طبسيل و مشات خارجة لعندو هو اصلا مطلع الغوباشة و حاني راسو سكينة جايا : هانا اسيدي ثائييير ...هو طلع عينو بغوباشتو و خرجهم فيها و هي جايا دايرا لعندو كتلوا و تلوز بداك الخير لي عندها اللور ثائر : اشهد لباس...هي تنزل الطبسيل شلادا قدامو و نزلت معاه و دورت وجهها عندو و قدات فمها مباشرة مع فما بقا تقريبا شي بضع مليمترات و يتلاصقو فامهم بجوج هو بقا كيشوف فيها مطولا و نزل عينو لصدرها البيض لباين نصو هو يعض شفافو و هي تنوض و مشات غادة لكوزينة و تلعب بلورانية هو دور وجهو لهيه و حاكم على القبضة يدو مزير عليها العروقة ديال دراعو بانو سي سيد تحت السروال بدا يشم الريحة ديال الجنس اللطيف ثائر شد الفورشيط و بدا كياكل في صلاد باش يتلف سيجي سكينة دخلت عندهم لقاتهم حالين فمهم فيها سكينة : ايوا كيف جيتكم نرجس : واواو اختي خطار سمية : هي نبداو نقولو لسي ثائيير نسيبنا سكينة : ههه غير بداي دابا غندي ليه الطبق الرئيسي لي غيجيب ليه التمام ....ضحكو هما و خرجات عندو بنفس الحركات هو حلف ما يطلع عينو فيها راه كتبقا بنت عمو و نورمالمو خاص يكون الاحترام بيناتهم نورمالمو ولكن سكينة لا دين لها جات حداه حطات طبسيل مدهاش فيها و هس توقف و بدات تفكر اشنو دير و هو جالس كيكل باش يتلف السيجي و هي تجي غادية و عوجت رجليها و طاحت عليه جات ديك المؤخرة كلها على بوعروق نيشان و تما سي سيد لقا دكشي لي بغا هو يقيم لسيادتها و تهيا مناضتش دغيا بقات عليه بسمحليا و كتحك معاه حتى نوضها و لاحها على الكرسي و ناض بجرية شاد منو غيطرطق حيد تيشورط قبل ميدخل البيت و تخشا في الدوش
و طلق الرشاش ديال الما بارد باش يبرد حيت نوضاتو ليه بنت الحرام هو كيحاول يبرد كيغمض عينو كيتفكرها كيزيد يصعر و مبغاش داك الزمر يهنا منفوخ غيطرطق شوية ثائر تعصب و جعر ولا غير يهرس في داك الحمام الما بارد مكفاهش باش يبرد اما لالة سكينة فباركا على البنات جامعاهم عليها سكينة : شفتوني اش درت ليه و مزال هادشي غير لقلة لقليلة سمية : علميني تانا سكينة : غير توصلو قدي نعلمكم نرجس : واه واه تانا بغيت نتعلم سكينة : ولكن وياكم تم ياكم الشرف ديما خاصكم تكونو حاضينو هما : كوني هانية المعلمة سكينة : و نوضو تنعسو ......ناضو لبيتهم و سكينة طلعت لبتها شافت في بيت ثائر و حطات ودنها تسمع سمعاتو هرس شي حاجة ثائر بغصبية : تفووو مييغض ...هي رجعت على صباع رجليها لبتها و سدات لباب و نعسات اما سي ثائر مشافش النعاس ولا داقو لمدة ربعة السويع عاد برد ليه بالكشايف و عاد تكا نعس محناتو البرهوشة ..... اصبحنا و اصبح الملك للله جالسة نورا مع البنات كيفطرو مع عجنو شي مسمنيات مع القهوة و اتاي و ناضو يقديو شغالهم تال ديك التناش عاد جا ثائر هابط كلاص كيفما العادة نورا : ولدي مالك على هاد تعطيبى في النعاس ثائر : غير كنت عيان ....هو دور عينو لقا غير سمية كتشطب نورا : تعالا تفطر بعدا ثائر : لا خاصني نمشي لشركة...خرج كيف عادتو ساكت لقا نرجس و سمية جالسين فوق الدار ديال الكلب على شكل مثلت و كل وحدة شادة جيهة و متكيين على ضهر بعضياتهم خسر عليهم لا حولة وااقوة الا بالله و ديمارا الطموبيل و زاد عاد دازت سكينة بديك الالة لي كتطقع الربيع جمعت بيها الاخضر و اليابس كتخلي موراها غير التراب شوية سكتت ديك الالة سكينة : نرجسس ونوضييي حكي الماعن ديال اينوكس بالجيكس نرجس : خليني عليك يلاه صبنت فركة بقا ليا فركة قمر : انا غنحكهم ...سكينة خدمات تاني ديك الالة و انطالقات حبستها غير وحد الشجرة خرجت فيها هي و الالة و طاحت مجموعة على الارض اما نرجس و قمر فمشاو حدا لابسين و بداو غير لخرا تصبن و لخرا تحك الماعن و شادين تقرقيب الناب حتى خرجت نورا نورا فاش شافت هاد المنظر علاين يجيها نهيار عصابي نورا كتخبط في جنابها : اويليي اش درتو ليا بجردة اويلي لبيسين اويلي ....هما كيشوفو فيها زعمة مالها تهيا عربطت تا عيات و جمعاتهم من شعرهم و دخلاتهم لدار و شداتهم و غسلات ليهم الحالة مخلات ما جبدات ليهم و هما غير كيشوفو فيها عرفت مغيستافدو والو وهي تعاقبهم حرمت عليهم الغدا هما يباداو يزاوكو و يطلبو و هي و تقوول خلاتهم في الشركة في غرفة الاجتماعات كبيييرة و فيهاا طابلة كبيرة الوسط و ديريين بيها كاع الناس الكلاص و الجديين كيترأسهم بطلنا ثائر و قدامو شاشة كبيرة كيشرح فيها واحد المهندس على شي خطة عمل هو جالس و داير رجل على رجل و متكي على الكرسي و حط صباعو على ناضرو و كيشوف في المهندس بنضرات جدية و لكن العقل كان غايب كان مع سكينة كانت تفاصيل الجسد ديالها بين عينيه حاول يكبح المخيلة ديالو ماشي مقدرش مبغاش حيت جسمها فعلا مثير لدرجة انه يخليك تسافر بين الثنايا ديالو ضرب يدو مع الطبلة و ناض ثائر : صافي سالا الجتماع المهندس : ولكن سيدي....خسر عليه تخنزيرة سكتاتو و مشا لبيرو ديالو ..... اما البنات مع نورا وصلو ليها ستة العشية و هما يلواو بغاو الماكلة عطاتهم نورا اشارة باش يمشيو ياكلو ناضو كيجريو لكوزينة و الله اسيادي حتة نزلو على الخبز حرفي مخلاوهش نورا غير واقفة ديرا يديها على حنكها و تشوف في هاد المنضر و هاد الحالة لي وصلو ليها هاد الدريات حتى سلاو وجدو العشا و تخشاو حتى مع نورا في العشا مكيتعاتقوش نورا : سمعوني مزيان هادك ااربعة (توحدة مشافت فيها نازلين على الماكلة حتى خبطت الطبلة بيديها عاد طلعو فيها عينهم ) انا غدا و لا بعد غدا غنمشي لباربس باكم احمد مريض و غنديه تما سكينة فمها عامر : فين جات هادي باريس نرجس : شي سيد هادا واقيلا نورا : خليوني ندوي غنمشي شي يمات تما معاه حيت محتاج ليا سمية : و غتخلينا بوحدنا نورا : ميمو باقين كترضعو صبعكم راه غنوصي عليكم ثائر يدير بالو عليكم ولكن نلقا مكم ديرين شي فضيحة نفضح مكم قمر : و امتا غترجعي نورا : والله معرفت ابنيتي صونا ليا ولدي آدام قبيلة و قاليا خاصنا نقلوه الباريس في اقرب وقت ممكن حيت غادي و كيتكفس ماشي العكس كلهم : عندك ولد ؟؟؟؟؟ نورا : اينا ولد سكينة : غير دابا قلتي ولدي ادام نورا : الله يعطيك العداب راه غير طبيب لي مقابل احمد سميتو آدام وهو صاحب ولدي ثائر نرجس : ممم صحابلي خو سكينة نورا باسى : لا انا مكنولدش و لكن ربي جاب ليا ثائر الحمدالله يلاه كولو و نوضو تجمعو تنعسو سكينة : غدا لكنتي قابضة طريق نوجد ليك شي حليوات تملحي بيهم سنانك نورا : عندهم كلشي مهيم انا نيضا النعس سليو و جمعو هادشي سكينة بهمس : اش بان ليكم نصيبوه ليها مفاجأة
قمر: قلبو ليا غير على الطاوات (لطات)و نوضوني مع الستة و نسيب ليها غريبات نرجس : انا عليا السفوف سمية : انا غنعونكم صافي سكينة : يلاه غيى سيرو تنعسو انا غنقلب على طوات و نحطهم ليكم في الكوزينة و نقاد العشا ل سي ثائيير و نمشي النعس و عداكو متفيقوش نرجس : صافي ا سكينة نتي بلا منوضوك سكينة : لا نوضوني ندير الخالتي طياب العرس هي تمحنت مسيكينة و كساتنا ووكلتنا و شربتنا و محنا مع با غادا معاه تال قرطة حنا و هادشي غير شوية باش نردو ليها خيرها نرجس : عليك امان ا المعلمة ...ناضو هما ينعسو و سكينة بقات في الكوزينة تخبش و تخربق و تقلب تطير من هاد الجيه لهاد جيه ملقاتش الطاوات طلعات راسها الفوق لقات لبلاكرات مسدودين بغات تطلع فوق البوطاجي باش توصل ساعة موصلاتش مشات دبر على كرسي خرجات لجردة بانت ليها الدار ديال الكلب (شوف الكلاخ كيدير ) ههزتها دغيا مع ديال الخشب و داتها لكوزينة و قالت ليك غطلع فوقها طلعت ماشي مطلعتش كل رجل في جيه و حلات لبلاكار و بدات تقلب و مع تبركالله هي تقيلة تهرس دار الكلبة من جيهة وحدة و نزلت ليها رجليها و حماتها غوات الساعة شي حد ماجاها بقات تما وهيا مي هاه وهي با حيدت رجليها بشوية بالكشايف من الوسط و تفدعت ليها و مشات غادة و تعرج سمعت الطموبيل ديال ثائر جلست في الدروج تسناه حتى دخل شافها من بعيد ثائر : اش كديري نتي تما سكينة شادة من رجلها : ايي طحت ثائر كيمشي لجيهتها : فين طحتي ؟؟ سكينة : راه بغيت نجبد طوات و طحت ثائر نزل على ركبتو و حيد ليها يديها و شد ليها رجلها كيتفحصها و كيديها و كيجيبها ثائر : كضرك هنا سكينة : ايي اه ....بقات كتشوف فيه و حنيكاتها حشمانين و فرحانة و كتطلع نفس و تهبطها (وينو اول مرة نشوف سكينة هاكا ) ثائر منزل عينيه على رجليها : نتي ديما كطيري فين عمرك جلستي لرض ديال العصا نيت راه غير تفدعات ليك ....سكت سكينة : انا كنشكرك بزااف حيت نتا ديما كتهتم بيا ...غمضت عينيها و قربت فمها لحنكو و باستو حدا فمو ديك البوسة جات قريبا من فمو بزاف هو كان كيقلب ليها في رجلها وقف و حل عينو هي حيدت فمها ثائر طلع فيها وجهو كيشوف فيها و هي كيف حانية راسها و كتلعب بصباع يديها و كتدير فيه نضرة خاطفة بعينيها كبار و كتعاود تهبطهم بحشمة هو كيشوف فيها بعينيه الكحلين وملاميحو الرجولية تعابير وجهو ما مفهومينش كانت جدية بزاف سكينة كتمتم : غير ب ب غيت ندير هاكا من دون قصد زعمة غير نساها ....هو شاف فيها و شاف ليها فمها هبط وجهو و غمض عينو و زير على يدو و عاود حلها وطلع فيها عينو و وناض عندها شوية و شد ليها من عنقها من لور : تنتي نساي هادي ....وجرها لعندو جمع ليها فمها وسط فمو و بدا كيمصو ليها بالقنفة بالقنفة و مغمض عينو هي حالا عينيها 180درجة شوية جبد ليها لسانها كيمصو ليها و حكمها مزيان هي ولات كتفيفري بين يدو و سدات عينيها كيحيد فمو عليها باش تلتاقط انفاسها كتسرط الريق و شنيفها كيترعدو هو كيشوف في فمها هو يرجع يكمل تاني بقا كيرضع ليها شفايفها هي صافي فشلت بالبيان حتى الدم نزل في الدقن ديالها هو تدوقو و طلقها هي رجعت راسها اللور و كطلع النفس وتهبطها و هي كترعد و بغات تنوض و رجليها مفدوعا هو ناض و دار يدو في جيوبو و كيشوف في حركاتها ناضت بشوية عطاتو بضهرها ولات تنقز الدروج برجل وحدة ووحدة هازاها و غادية و تقول في ويلي هو حاضيها حتى طلعت وهو يضحك اما داك الكليب مسكين لي هرسات ليه سكينة دارو يدور يدور مسكين و يقلب على دارو ميلقهاش يبداو يعوي يقطع في القلب مسكين دخلت العرجة ديال سكينة لبيتها كلها حمرة و تضرب في حناكها و جلست فوق النموسية سكينة : ناري مي ناري با اش وقع دابا عاد اناري ميمتي ويلي ويلي السخونية طالعا معايا نارييي مي باسني لا لا مصني ماشيي باسني انا لي بستو ميمتي هههه داكشي الزوين اويلي سكينة تجمعي ....تخشات في الفراش و حاطة يديها على فمها حابسة الفرحة و الضحكة اما سي ثائر فراه في الدوش كيبرد مسكين طلق عليه الما بارد باش يفشو حيت هو قيم الساعة لي حط يدو على رجل سكينة احح الزين تعصب هرس الروبيني ههههه اصبحنا و اصبح الملك لله ناضو الشيخات مع الستة للكوزينة لقاو دار الكلب مهرسة تما خرجاتها سمية لجردة و قمر طلعت تفيق سكينة و نرجس كتقلب على اللطات نرجس : اويلي سكينة فين حطات اللطات قالت ليا غتجبدهم اناري فين حطاتهم ...بدات دور في عينها و تقلب وهي طلع عينيها الفوق و بانو ليها شي بلاكارات مسدودين بغات طلع فوق البوطاجي مقداتش (مشهد يتكرر😂😂ههه) نرجس: سمياااا اري ديك الخشبة سمية راجعا بدار الكلب لعندها نيت بقات غير جيهة يكملوها ليها جابتها سمية نرجس يلاه حطات رجلها تخوات ليها رجلها تهرسات الدار من جوج جوايه (اححح على الكليب مسكين) نرجس : احح رجلي حيدي عليا الزمر راشي سمية : و نتي لي بغيتيه ياه نرجس: سيري خرجيه عليا عيني متشوف عينو
قصة الشيخة وولد عمها
محتوى القصة
التنقل بين الأجزاء