فريسة في أرض الشهوة الجزء 12

من تأليف Ikram Pancholi
2018

محتوى القصة

رواية فريسة في أرض الشهوة

سنايا بقات جالسة كتفرج فالفيلم غي بسمية اما عقلها سارح لبعيد حاسة بشي حاجة ماشي حتى لهييه من صباح فاش فاقت. .كتحاول تفكر شي حاجة من احدات لباارح و والو آخر حاجة كتعقل عليها كانت كتستنشق الهوى على برى. ..هزات تيلي دوزات لباباها
علي : وي بنتي ..لبااس علييك فيينك
سنايا تقادات فالجلسة : بابا مال صوتك مبدل..وااش صافا يكما مريض
علي بصوت يائس : رجل ختك..ابنتي 
سنايا مفزوعة : ماالو أمير. .اشنو وااقع
علي : نتاااحر هاد الصبااح
سنايا غوتاات : كككفاااش هههه ويلي بابا اشنو كتقول علاش غادي انتاحر
ازار جا موراها مصدوم من الخبر باغي اعرف شكون
سنايا بصوت ترجي : متقولهاش ابابا..كيف حالة يارا دابا😢
علي تنهد : كيف غادي تكون...ممتيقااش وحتى حنا تصدمنا من الخبر 
سنايا : هاني جاية لعندكم منقدرش نخليها فهاد الوضع 
علي : مزيان ابنتي غادي تكون محتاجة لييك فهاد الوقت
سنايا تنهدات بقلق : ياربي تصبرها..بسلامة ابابا
حطات تيلي من ايدها مصدومة. .هزت عينيها فازار لكيتسنا تفسير : أمير ماات
ازار مصدوم : الله أكبر. ..كفااش مات 
سنايا تنهدات : معرفتش قالي بابا نتاحر..ولكن هادشي مدخلش لياا لمخي علاش غادي انتاحر زعما 
ازار باقي مصدوم : الله اصبر ختك
سنايا : اميين😢
جات توقف غمضات عينيها من لحريق باقي مقصحة. .عاق بيها مشا لعندها جلسها 
ازار: حتا تبرااي ونديك عندها..غي رتاحي دابا
سنايا : منقدرش نخليها فهاد الوضع. .غادي تكون فحالة خيبة 
ازار : ربي غادي اكون معاها..براي بعدا وديك ساعة سيري عندها 
سنايا تنهدات : هادشي بزااف هييء. ..اليوم نهار غريب بزااف
ازار تنهد فخاطرو تفكر احدات لباارح ...مشا جاب ليها شي فيتامينات كان وصاهم اجيبوهم لييه وعاد بلاطو دالماكلة 
حطهم قدامها : كولي بااش تشربي دوى
سنايا : مفيااش ..كنحس بخاطري ماشي حتى لهيه
ازار بقلق : كفااش. ..
سنايا رجعات راسها للور كتحس بالمطارق كيدقو فييه. .كتفكر ختها وأمير قلبها ضرها من جيهتهم ..
ازار : كولي هادشي ضروري
سنايا دارت لييه خاطرو بزز باش قدرت تاكل شوية. .بقا معاها حتى كملت الطبسيل عاد عطاها دواها 
ازار : اجي معايا نعسي رتاحي لييك
سنايا مقدراتش توقف كتحس بالمواس كيدكو فيها من لتحت : هييء منقدرش نوقف
ازار مسح على راسو هزها بين ايديه : عندك السوفل ميت على هاد الحساب
سنايا بعفوية : كفااش! !
ازار دخل بيها للبيت : والو..والو
حطها على الناموسية كيغطي فيها. .قاد ليها المخدة عاد خرج بقات متبعااه بعينيها. .كتشوف تعاملو معاها كيف مزياان ماحملاش راسها حيت كتكدب علييه بالنسبة للكويين اكيد غادي اكرها هادو هوما الأفكار لكانو كيراودوها...تنهدات بقلق مكرهاتش تكون عندها الشجاعة وتمشي تعتارف لييه براسها و شخصيتها للمجهولة..امكن غادي اجي هاد الوقت غادا تنفد هادشي هدا هو القرار لتخداتو قبل تنعس وتدخل فسبات عمييق ناتج عن العيااء والاضطراب النفسي..
ازار مجرد مخرج من عندها تاصل بعمار لجالس فالشرفة سارح بتفكيرو لبعيد. .خلا خلود داخلا للحمام من قبيلة. .
سمع تيلي بتاسم : فيين غبرتي..مناويش ترجع
ازار كيمسح على راسو : فخبارك أمير بناني نتاحر
عمار تقاد فالوقفة : هههههه من نيتك 
ازار بجدية : معاك بصح
عمار : كفااش ا صحبي علاش غادي انتاحر...واش ماات 
ازار : بفف من عرف..هادشي كيدوخ
عمار : حتا انا مبقيت فااهم والو..حتى خطف ريماس باش اربح المناقصة عاد نتاحر ..غريب هاد بنادم الله ارحمو على كل حال
ازار: كلشي ممكن فهاد الدنيا
عمار : نتا بااش عرفتيها امكن اشاعة 
ازار : لا حيت سنايا. .كنقصد أخصائية تغدية ختها مرت أمير 
عمار : هممم ونتا فين شفتي سنايا 
ازار كيمسح على راسو بارتباك : رااه معايا دابا. .بفف معصب من راسي بزااف مغاديش نقدر نواجها
عمار : اش كين صوتك معاجبنيش
ازار تنهد: خليها على الله وصافي..
عمار :ستغفر الله. .دابا اتقاد كولشي. .نسيت خاصي نقول لواليدة على ختي
ازار : علا بااقي مرجعتش
عمار : لا قاتلك هاد بنادم لي مات ..رجالو تهلاو فيها بالعصا بغات حتى تبرى عاد تجي باش متخلعش لواليدة 
ازار : سلم عليها بيناا خاافت 
عمار : هههه هاديك سليعفانة انا لعارفها..مهم تلاح خاصي نسولها على صاحبتها باش نرجعها معايا للقصر 
ازار : اه..سولها 
قطع عليه بتنهيدة حارة طالعة من القلب وقعو بزااف دالحوايج خلال هاد اليومين..
مشا طل عليها تأكد بيلا ناعسة عاد مشا للبيتو تكا على الناموسية موسد ايدو كيفكر فلي جااي وبالو معاها فاش غادي تعرف بيلا فقدت دم عذريتها وشرفها لي حافظت علييه طول هاد المدة..

صبح الصباح بنهار جديد. .
كانت جامعة رجليها كتزعلل بيهم فوق جدع شجرة كبير. .عينيها حمرين بدموع معرفاتوش فين زاد وخلاها بوحدها بغات تحماق بكترة مفكرت فييه. .مسحات دمعة نزلات على خدها بصبعها..هزاتو لعندها بقات كتشوف فييه بتاسمات باستهزاء : علاش مبغيتيش تمشي من هناا ا ريمااس لمرابطي همم علاش. .شش متخافيش مغاديش اسمعك ..وليت حمقة اه رااه بصح انا حمقة. .اووه الالة ريماس بديتي كتنساي لمخدرات كتحاولي تزيدي لقدام. .علاش باغا تخطي هاد الخطوة همم هو ممعتابركش بااش تحاولي تصلحي راسك. .
شدات موس كان مغروس فالجدع قبطاتو وسط ايديها موركة علييه منتبهااتش للقطرات الدم لهوادة فالأرض. .سمعات لوطو حبسات للفران تلافتت دغيا كتمنى اكون هو. .بتاسمات عاد مشات لعندو. .
وقفات مقابلة معاه ملي شافتو خرج من لوطو. .تلاشات ابتسامتها فااش لمحات ملامحو لي ماليها الحزن ..قربات لييه كتسول فيه بعينيها سكتات شحال عااد نطقات : فاروق ماالك
فاروق منطق بواالو كيحس بقلبو مقبوط غادي انفاجر. .جا امشي شداتو من دراعو بقا واقف بلاما اشوف فييها حتى جات مقابلة معاه وعينيها فعينيه 
ريماس بصوت خوفاان : اشنو وااقع 
فاروق عينيه كيشوفو فجيهة وحدة حتى طاح على ركابيه مهزوم ومحطم ..ريماس عينيها دمعو هبطات لعندو كتشوف فييه بغات تعرف ماالو
نطقات بصوت باكي : متخلعنيش اش وااقع. .راه سولتك زعما 
فاروق هز كفوفو للسما غوت بأحرى جهدو حتى زعزع للمكان كاان بااغي اخرج للغصة وضيق لساكن لداخل ديالو. .ريماس بقات ساكتة حاطة ايدها على فمها شافتو هبط راسو للارض مهزوم من جديد 
تكحزات حداه شادة وجهو بايديها : هييء ماالك كتصرف هااكة
فاروق دفعها حتى طاحت على الأرض وناض زاعف قبل امشي تلافت لعندها نطق بحدة وعينيه كيطلقو الشرارة موجه صبعو ليها: مبغيتكش تبقااي هناا كلكم بحال بحال. .غداريين كتخليو روح شخص آخر معلقة وكتمشو بحالا موااقع واالو..بغيتك تمشي من هناا منعاودش كلامي. .
ريماس عرفاتو مجروح غي من نبرة دصوتو..وقفات تهزات على طراف صباعها عنقاتو خاشية راسها فصدرو : مستحيل نخلييك فهاد الحالة
فاروق مقدرش اكتم جرحو بقا جامد فبلاصتو بلاما ابادلها التعنيقة عكسها هياا لمزيرة علييه بحاليلا باغا تحسو بالاماان..
تنهد مطول نطق بصوت منكاسر : كان توأم روحي. .مشاا وخلانا بحاليلا عمرنا كناا هادشي علاش مكنبغيش نخلي قلبي ضعيف حيت عارف غادي تجي واحد اللحظة غادي نتصدم..عرفتي اريمااس خوياا ماات
ريماس هزات راسها فييه لقات عينيه من ورااهم بحر دالدموع مخبيهم : الله اصبرك ..واكون من أهل الجنة
بتاسم باستهزاء : ههههه مات منتاحر هههه هو جباان طول عمرو جباان
طاح فالأرض كيغوت بجهد وعينيه كيشوفو فالسما : امييير بنااني..نتااا جباان اه جباان بزااف ديما كتهرب من المشاكل ديما اععععع امييير رجع اخوياا رجع بغيت نعلمك كيفااش تركب البسكليط بحال شحال هاادي. .عقلتي فااش هرستي تيليفون دالواليد الله ارحمو وحاميت علييك ههههههه كتعقل..اجي نعاودو هااد اللحظات اجي اعععع اميييرررر جبااان جبااان 
ريماس مقدراتش تكمل الشوفة فييه. .قلبها ضرها علييه بقاات غي كتشهق عمرها كانت كتوقع غادي تولي وااحد الوقت عاطفية.. فرحانة حيت نزلو دموعها وحزينة حيت كتشوفو فهاد الحالة..مشات لعندو عنقاتو كارزة علييه حطات راسو على صدرها كتهدن فييه 
نطقات بصوت كيرجف : شش..نقدر نسولك 
فااروق منطق بوالو بقا حاط راسو على صدرها لا غير 
ريماس تنهدات : اقدر ميكونش ماات..كفااش عرفتوه نتاحر وااش دفنتيه بايدك
فاروق سكت شحال عاد نطق : تلاح باللوطو فالبحر 
ريماس : وااش لقيتو الجثة
فاروق هز راسو بلا 
ريماس كتمسح على شعرو : شفتي كين أمل. .انشالله اكون حي
بتاسم باستهزاء : ههه من نيتك
ريماس هزات وجهو لعندها محوطاه بايديها : مكنتش كنآمن بالمعجزات ولكن فااش بنتي فحياتي عرفت رااه مزاال كينين
فاروق بقا غي كيشوف فيها منطق بواالو. .

نبدلو البلاصة. .

كانت جالسة مربعة رجليها على الرملة الاموااج كيوصلو حتى لحد رجليها..تفكرات فاش مشات للفيلة بزز بااش دخلات ليها خدات الرسالة..وهاهيا دابا معنقاها وكتبكي كيف الحمقة كيقولو مكتعرف بقيمة الشخص حتى كتفقدو تمنات ترجع بالزمن لور امكن كانو غادي اعيشو حسن من هااكة..بتاسمات ابتسامة شاحبة وهيا كتمسح دموعها : يارا ..ههههه كولشي بسبابك كولشي نتيي كنتي باغا تهنااي من روحو فرحي دابا ماالك حازنة ههههه اصلا هو مماتش ميمكنش امشي واخليني انا وولدو ميمكنش..ههههههه أمير باان فيين مخبيي هييء باان صاافي متلعبش معايا هااكة نتاا كتدمرني 😭😭
سفيان كان جالس بعيد عليها بزز بااش قنع واليديها بأنو هو لغادي اقابلها حتى تهدن..شاف فعينيها شحال كتبغي أمير فرحان حيت فتحات قلبها وخا فوقت متأخر ..تنهد بقلق مكرهش احييه وقوليها هاهو رااجلك..بلاش متبكي طيبتي هاد العويناات..مسح على راسو بتوتر ومشا لعندها حط ايدو على كتافها.

تلافتت عندو مفزوعة : لقيتييه فيين هو هاا. .قول
سفيان كيحس بالمواس كيدكو فييه مبغااش اشوفها ضعيفة حتى لهاد الدرجة : راه مزال الدوريات كيقلبو
تلافتت قدامها ميلات شفايفها بطريقة طفولية : اصلا هو غي كيضحك معايا..شوية اباان لييك جاي اهرس صباعي لاخرين هييء توحشتو بزااف. .كنكرهو والله كنكرهو فوق مكتصور من نهار شفتو رجعات حياتي جحيم..ومشا وخلاني كنعيش جحيم اخر عمري نسامحو عمري. .غادي نمشي لعندو بااش نغوت علييه 
سفيان بلامح خوف ولات كتجيه كتهدر بحال شي حمقة : يارا اش كتبركمي ..
يارا بابتسامة شاحبة : غادي نلقااه هو مزال حي انا متأكدة. .

فالجيهة لخرى. .
قصدات بيت ليناا لبساتها كسيوة خفيفة منبتة بوريدات وقادات ليها طريبيش مزوق دالاطفال ..حتى جا لعندهم عمار قصد خلود باسها على شفايفها عاد خدا لينا 
نطق وهو كيلعب معاها : زين دباباه غادي نمشو لحديقة نتصورو ونشبعو دوراان..وااجدة ههه
خلود : ههه فبلاصة متهدر يله رااه تعطلناا
عمار شعكك ليها راسها : يله قبل نديرو بنااقص ندوزو نهار غي فالفراش😂
خلود : اوعدي انا حمقتي نتاا هنيناا كتفسد لليناا اخلاقها اراها لياا ارى
عطاها ليها كيضحك : يله نزلو تبعوني
خلود كتقاد لينا فالهزة : اوكي شااف هه
قبل تجرج لمحات كاميرا ديالها هزاتها معاها كيعجبها تلتاقط صور حافلة بالاحدات لي عاشوها ديك اللحظة. .بتاسمات براحة مجرد مخرجات من الباب قلبها تزير عليهاا معرفاتش علاش حسات هااكة. .هبطات للتحت خرجات نيشان لعندو باان ليها كيقاد سليلات الماكلة دالنزهة..عجبها الحال مشات فتحات الباب قادات لينا لور فكرسيها لخاص مع حزام السلامة بتاسمات ليها عاد سدات الباب خلاتها كتصفق فرحانة بالخرجة خخ. .
خلود : صافي مشيناا
عمار مشا لعندها باسها فعضمة عنقها : كون غي درنا بنااقص اش بان لييك
مخلاتوش كمل هدرتو ركباات دغيا فاللوطو وحتى هو تبعها كيضحك على عفويتها ..كسيرا للوجهة ديالهم. .
داز الوقت وقفو قدام حديقة كبيرة بزااف بساط اخضر كيغطيها من الوروود على الأشكال والأنواع وطريقة كيفااش مغروسة بتفنن كتخلي المنظر احلى..نزل عمار هو اللول دار لور حل الباب على ليناا لواضح عليها فرحانة ..
هزها بين ايديه : اووه اجي عند بابا اجي اكتكوتي 
خلود نزلات شافتو كفااش هازها مشات طيرة لعندو خداتها لييه : اويلي نتاا حماقيتي مافيهااش ..بحال هااكة غادي اجيها تشنج عضلي هادي هزة هاادي..شي نهار تجيب لياا جلطة
عمار : شفتك كتعيري..وزيدون هادي بنتي ندير لبغييت
خلود كتخنزر : بااز لييك. .حتى انا بنتي يله موت كااع 
عمار مسح على راسو كيخبي ضحكتو : خريامي غادي نولي كنتعاير مع برهوشة
خلود نطقات وهيا ماشيا : بزااف علييك انا
عمار قصد الكوفخ حلو هز منو سليلات الماكلة : عيري وقيدي هادشي غادي تخلصيه احبيبة 
خلود سكتات منطقات بواالو كملات خطواتها حدى نافورة كبيرة كيترش منها الما وبجنبها بركات كيعومو ..بتاسمات عجبها الجو
حطات لينا بعدما سرحات طابي فالأرض : اجي حبيبة دماامي تيتي هنااا
ليينا : ممم..ماامي هههخ😄
خلود بتاسمات ليها مع قبلة على جبينها جلسات خدات الكاميرا حطاتها قدامها. .تبعهم عمار بالماكلة حطها حداهم. .دازو ساعات وهما كيضحكو مرة مضاربة بين عمار وخلود واكيد لينا الحكم كتسكتهم ببكاها خخ. .
خلود : بلاتي نتصورو صورة جماعية 
عمار : وقفي بااش تشدينا كاملين
خلود وقفات بقات كتقلب على البوزيسيو المزيانة مصدقاتش ليها شافت فعمار : وخا تجيب لياا كلي ديالها حيت صورة مضبة
عمار وقف : جلسي حداها هاني ماجي
خلود هزات راسها باه وجلسات حداها خلات ليناا كتغزز فالخوخ ومرة مرة تعبز بنانة بايديها هه..خلود بقات ملاهية مع الكاميرا منتبهاتش للينا لكتحاول تمشى وسط الكازو
هزات عينيها فيها : بنوتي غي بشوية..عندك متمشيش بزااف. .هههه برافو يله اجي اجي
هبطات راسها للكاميرا بقات ملاهية معاها حتى جا عمار : فينها لينااا
خلود هزات عينيها فيه وشافت جنابها ناضت قافزة : اويلي ميمكنش اتكرر هادشي
عمار كيقلب بعينيه نطق بالغوات : لينااا لييناا
تلافت عند خلود : فين كنتي نتي...فينها البنت
خلود كترجف الدموع تحجرو فعينيها يله غادي تنطق لمحات سيارة سوداء هزات لينا من حوايجها وخشاتها فاللوطو عاد ديمارات بسرعة..تبعاتهم كتجري : بنتييييي بنننتييي...وووقفف وقففف شكون نتوماا هيييء لييناا 
عمار تبعها كيجري هو الآخر مصدوم من المشهد. ..

فاقت حاسة براسها بيخير على لبارح. .تفكرات موت أمير معرفاتش كفااش غادي تكون حالة ختها دابا. .تنهدات بقلق مشات نيشان للحمام ولات كتمشى طبيعية. .عوالة تخبرو بيلا غادي تمشي من هناا ميمكنش تخلي ختها فهااد الوضع. .داز الوقت خرجات كتمسح بفوطة على وجها ..قصدات للفاليز جبدات منها تريكو دالسوف فالموطارد بارد مع سروال فالاسود كيتلبس قصير شوية ستايلو زويين..هزاتهم حطاتهم على الناموسية. .ومشات قربات ليها لمشطة جلسات كتنسل فحوايجها بدات بتريكوها هو لول مبغاش اتحيد لييها وحل فعنقها ..حتى حسات بايدين رجوليين كيعاونوها..
ازار : هبطي رااسك. .غادي اتحيد
سنايا نفدات داكشي لقاال ليها. .ساعدها حتى نسلاتو .هزات عينيها فييه : صباح الخير 
ازار بابتسامة : شوية دابا
سنايا هزات راسها باه : شوية..بغيت نمشي شكراا على الاستضافة. .
ازار هااز حاجبو : علاش باغا تمشي بالسلامة
سنايا : بغيت نكون مع ختي ..بيناا مجروحة بزااف ربي لعالم بيها هييء 
ازار هبط لمستواها جالس على ركابيه وهيا مقابلة معااه. .جات عينو على صدرها ملابسة والو من لفوق من غير سوتياان كيتفكر كيفاش رجع لبسها بايديه وهي مغيبة نهار الحادث
رجع شاف فيها : لبسي علييك..البرد
سنايا عاد سحات على راسها. .هزات دوني كان فوق الكوافوز هبطات راسها تلبسو..جات عينيها على زروقية فخصرها وحدا صدرها هزات حاجبها باستغراب : منين هادشي
ازار وقف عاطيها بالضهر كيحك لحيتو بتوتر : اشنوو 
سنايا باستغراب : هااد...امكن قرصاتني شي حاجة نساا ماشي مهم..
ازار تلافت لعندها لقاها كتلبس رجع ساعدها. .وصلات لسروال هزات عينيها فيه : نقدر نلبس بوحدي 
ازار عاق على راسو : احم..جات واحد المرأة مقابلة لفيرمة. .خرجي على برى للفطور وااجد 
سنايا : واخة
ازار كتافا بسكات. .خرج وسد مورااه نطق وهو كيضرب على راسو ضريبات خفااف : وليتي كتبدل لبناات ...هاادشي بزااف ترجل اديفل ترجل بففف..
كمل بخطواتو كيضحك على راسو خرج نيشان للبرى باان لييه نفس الراجل لكيقابل الأحصنة فالاسطبل..جالس كيضفر فالدوم وبجنبو بزااف دالقبعات مصيبين بيه "ترازة تحياا لغادي اعرفوها😍"...هز كااس دالقهوة ومشا حدااه 
الراجل كان كبير فالعمر هز عينو فييه : شي حاجة اسيدي انا موجود
ازار جلس حداه : خلييك فبلاصتك..ومتقوليش سيدي انا قد ولدك..
الراجل بتاسم : اه ياا لياام...كان المرحوم عاايش.. الله ارحمو كنا ديماا كنخرجو للصيد..كيعجبو اسطاد الفريسة بايدو وخصوصا القنص كيتفنن فييه 
ازار عاجبو الحال وهو كيسمع مااضي جدو : توحشتو بزااف 
الراجل كان مزال كيضفر..هز عينو فيه : عندكم نفس الطيبة اولدي..هاهاك كون تشبه لجدك
ازار يله جا انطق قاطعاتو سنايا : وااوو..عموو كفااش صيبتي هااد القبعاات ..😍
ازار شاف فيها : مكين لا سلام لا كلام
سنايا جلسات حداهم : سلام علييكم
الراجل :ههههه كوني تسمعي لراجلك ابنتي..بحال نااس زماان
سنايا يله جات تنطق قاطعها ازار : هانتا تشوف..كتسنى شي قتلة دالعصا من عندي
سنايا بقات مفكسية مخرجة عينيها فييه : من نيتك 
الراجل تنهد : كاانت المرة مكتشوف الراجل حتى كيدخل علييها. .ماشي دابا اشبعو فبعضياتهم شوفاان ومن بعد اتفارقو بحاليلا عمرهم بغااو بعضياتهم. ..
سنايا : ههه ولاهيلة...احم عموو عمرك بغيتي 
ازار كيرشف من القهوة مرة مرة عاجبو الجو : حكي ليينا شوية نستافدو من خبرتك
الراجل تنهد تنهيدة مطولا : احيااني..كنت كنبغي لمرحومة بزااف مشات وبقيت وحداني...أول مرة شفتها كانت كتصبن فالبير ديرا للتام على وجها كيبانو غي عينيها لكوحل..
سنايا القلوبة خارجين من عينيها : شحال دام زوااجكم 
الراجل بتاسم باستهزاء : عاام بعدها مااتت
سنايا عينيها دمعو : الله ارحمها.😢..عمرك فكرتي تزوج من بعدها
ازار نطق ساهي كيشوف لبعييد : فالعمر كيكون حب حقيقي وااحد ماشي اي واحد كيحضي بييه 
سنايا نطقات متبتة نضراتها فعينيه: نتاا عطيتي هااد لحب لكاميليا ..الله أكمل علييكم
ازار كتافا بالصمت مكيعجبوش احكر فالموضوع بزااف. .بتاسم للراجل وناض قاصد طابلة دالفطور. .
جات تبعو سنايا وقفها الراجل بصوتو : كتبغيه يااك 
سنايا شافت فيه باستغراب : ههه هو مكيبغينيش..شنو الفرق إلا بغيتو
الراجل هبط راسو للارض كيكمل لحزييم : واخا شرفت بااقي كنعرف نقرا نضرات للحب ..حتى هو كيبغييك ابنتي ..
سنايا تمات ماشيا كتحاول تطرد هدرتو من بالها مبغاتش تحس بأمل وفالاخير تصدم..

عمار وقف حداها كينهج : اش هاادشي. ..شكون هاادو 
خلود كترجف : هييء مدرت واالو. .مشفتهاش فااش مشاات 
عمار كيمسح على راسو بعصبية : سكتي سكتيي متهدرييش..قبل نقتلك هنااا... اش هاد الزهر ..
خلود كتشهق : اشنو غادي نديرو دابا هييء 😢
عمار مشا شدها من دراعها : اخر مرة تدوري بي بنتي..نتي والمسؤولية مستحيل تافقو سمعتي آخر مرة. .فيين هياا ...بسبابك خطفوها
بقا كيخدخد فيها وكشاكشو خارجين ناوي على خزيت. .رخى منها حتى جات مزدوحة على الأرض عاد مشى بجرية للوطو اتبعهم لا لقا ميتبع..خلود بقات غي كتبكي وقفات بزز وتبعاتو معرفاتش منين جابت الجهد باش ركبات حداه كاع مشاف فييها. .مجرد مركبت ديمرا بالوطو حتى تسمعو تكشاط الروايد..خبط ديريكسون بعصبية : اش هااد الزهر بفف ....اعععع
خلود مخشية وسط ضلوعها خيفا من شي قتلة دالعصا من عندو ..زيد عليها مشوشة بزااف على لينا شكون هاد السيارة لدارت هااكة واشنو بغاو منهم..
عمار كيدور من بلاصة لبلاصة بحال لحمق. .كيهدر بالغوات : كلشي بسبابك..مكانش علياا نتيق فييه ونفتح لييك باب حياتي لسديتو من شحال هاادي. .كولشي كولشي بسبابك ا انسة خلود 
خلود غي ساكتة كاتمة شهقاتها وصابرة لهدرتو لكتجرح بحال لخنجر ...تشجعات وتلافتت لعندو : خاصنا نعلمو لبوليس
محساتش الا بصفعة تلاثية الأبعاد صمرتها فبلاصتها 
غوت بأحرى جهدو : كان علييك تفكري فهاد الخراا من قبل. .سكتي...س
خلاها مفكسية كتشهق ... .
قبل ايزيد السرعة تلافت لعندها نطق بحدة وعينيه كيطلقو الشرارة : نشووف مكك كدوري بياا ولا ببنتي..نقتلك كتسمعي..نقتلك مغاديش نتردد باش نديرها...
خلود مخرجة عينيها من تاتير الصدمة. .مقدرات تقول واالو بقات غي كتشوف فيه بنضرات منكاسرين كلها عتاب فعتاب..
تنهد بعصبية حل صدافي لولين دالقاميجة عاد جهد السرعة كتر من لول علاين اطيرو ..بقات شادة فالسمطة خيفا تخرج من زاج دلوطو بكترة السرعة..معندهاش الشجاعة الكافية بااش تقولو نقص..
عمار بغا احماق كااع الشوارع لقراب للحديقة قلبهم مكين حتى اتر لييهم..كأن الأرض تشقات وبلعاتهم
نطق بعصبية وهو كيخبط ديريكسون : اش هااد الزمر شكون هاادو...نااري ومنلقاهاش نقتلك الالة خلود نقتلك
خلود بقات غي ساكتة كتطلب الله فخاطرها وقلبها مفزوع. . .
دوزو النهار فالتقلاب بحال الحماق و والو مكين حتى نتيجة ابدا..
تنهد بعصبية عوال امشي عند البوليس هوما ليقدرو اساعدوهم .قلب الدروة للقصر عاد امشي للمركز. .
طول الطريق وهو كارز على سنانو مكرهاش تهدر ابرد فيها غديدو ..كملو طريقهم فجو مكهرب وخوف مالي كلا الطرفين. .
عمار قرب للبوابة وسع عينيه على جهدهم فااش لمحهم جلسوها فالأرض عاد ديمراو..للون مشا من وجهو خرج من لوطو طير كيشوفها كتبكي فبلاصتها و لوطو لنزلاتها مخلياا العجاجة مورااها..هز عينو فلكارد لعاد جايين عندو 
نطق بالغوات وهو هاز بين ايديه لينا لي صراخها معبي لمكان : وااش ز*** بووكم اشنو كديرو هناا كنعلفوكم على واالو..تفووو على حبس. .خدمة دالخرااا
خلود نزلات بجرية وقفات حداه بغات تاخد من عندو لينا لوجها حمار بالبكا باين عليها خلعها عمار بصوتو. .
تلافت عندها مخرج عينيه نطق بحدة موجه صبعو ليها : نتي بذاات نشوفك كدوري ببنتي نحييك من الوجود. ..وااش مفهوم يله حيدي من قدامي .سربي سربي معنديش الوقت
دفعها حتى طاحت فالأرض مصدومة من تصرفو تعامل معاها بحاليلا دارتها بلعاني وخلاتهم اخطفوها..جمعات رجليها عندها بقات غي كتبكي وتنخصص عمرها توقعت هاد الإهانة من شخص قدر اغيرها وافتح قلبها. .بتاسمات باستهزاء كتفكر انو كانت غالطة فااش ستسلمات لييه وعطاتو كل ما كتملك كانت خايفة اجي هاد النهار لغادي اتقلب عليها..وامكن وصل حيت عارفة انو مزال كيبغي مرتو وانما كيستعملها غي باش انساها واحيدها من قلبو..جمعات الوقفة بزز عاد تمات غادا داخلا للقصر تحت عينيها حومر. .

عمار كان شاعل دبصح مكيشوفش قدامو خااف ليخسر بنتو..مفهمش هاد الحركة لوقعات ليوم اشنو لهدف منها. .مسح على راسو وهو طالع فالدروج تجاه بيت بنتو كيفكر افتاتح مع ازار الموضوع لي عاشو ليوم حيت عرف القضية ماشي ساهلة بالمرة..دخل بيها حطها فوق الناموسية. .وصى عليها المربية وخرج خلاها كدوش ليها بزز باش سكتات من البكا..يله غادي اهبط فالدروج خرج فيها كانت غادي طيح كون مشدهاش من خصرها. .خلود هزات عينيها فيه كتحاول تخبي دموعها ..بعدات منو خلاتو كيرمقها بنضرات باردة..مهتماتش كملات على طريقها حادرة راسها مقوية قلبها فبالها من اليوم غادي ترجع خلود لقديمة..بنت متصلبة لقلب مستحيل اقدر شي واحد اكسرو..دخلات لبيتهم مشات نيشان للحمام.. طلقات الما بارد بقات بحوايجها كتحسس قطرات لما. .كتشفات انها عمرها غادي تقدر تنسيه فماضيه..رجعات شعرها ورى ودنيها هازا راسها للفوق كتفكر تنفد الشرط لتحط عليه هاد الزواج لكادب..امكن احسن حل لكلا الطرفين ممطرينش امثلو انهم عائلة سعيدة

كمل طريقو هواد فالدروج كيمسح على راسو بعصبية كلما تفكر أحداث اليوم. .معرفش واش قصى على خلود ولا عادي ..يله غادي اخرج بانت ليه فخرية وعزيز جايين كيتناقشو..
عمار : ماالكم عاود...
فخرية بصوت باكي : ولدي قالي بااك عرفتو ريمااس فين كيناا. . علاش مقلتي لياا والو ...😢
عمار باس على راسها : عند شي صاحبتها راك عارفة بنتك وعنادها منحتاجش نقولك علييها 
فخرية : كفااش هاد المدة كاملة وهيا عندها ما فكرت تاصل بينا ما واالو 
عزيز باغي اقنعها بالفكرة : علا اساس كانت كتصل بينا فاش كتمشي لشي بلاصة..يااك من ديمة هااكة 
عمار : صافي ا لواليدة كوني هانية..نقضي شي شغال عاد نمشي نجيبها اوكي
هزات راسها باه : الله ارضي علييك اولدي..رجعها دغياا 
عمار كتافا بابتسامة لبقة وخرج خلاهم داويين..ركب لوطو وكسيرا للشركة كاره راسو كلما تفكر معاملتو مع خلود..

غربات شميسة وطاح الضلام. .
سنايا عيات بالجلسة بوحدها فالحديقة..نهار كامل مشافتوش معرفاتوش فين مشا حتى بان ليها داخل باللوطو فرانة قدام الدار ..بقا شحال عاد نزل قصدها نيشان 
ازار كيلعب بالسوارت فايدو : كيبقيتي
سنايا هزات راسها باه : خاصي نمشي ضروري
ازار سكت شحال عاد نطق : لبغيتي..حتى نوصلك
سنايا هبطات راسها : واخة 
مشا جلس حداها : اش كيين
سنايا : الا قتلييك شي حاجة مغاديش تقلق مني
ازار مسح على راسها : علاش غادي نتقلق
سكتات كتشوف لبعيد عاد تلافتت لعندو : عطيني تيليفونك نصوني لختي معرفتش حالتها دابا. .تيلي ديالي لداخل 
ازار جبدو من جيبو .عطاه لييها ..خداتو من عندو شداه بين ايديها بقات كتشوف فالصورة لي فالشاشة كانت لحضة فاش الصحافة لتقطات المشهد ملي عنقاتو وسط الحلبة. .بتاسمات بلا هواها 
ازار هز عينو فيها : ماالك
سنايا : احم..هاد التصويرة فاش كنتي فالمقابلة يااك 
ازار طول الشوفة فالصورة : كانت احسن مقابلة كنلعبها 
سنايا شافت فيه : شكون هاد البنت
ازار بتاسم باستهزاء : كويين..شكون من غيرها
سنايا : علاش كتقلب علييها
ازار رمقها بنضرات حادة : دابا غادي تصوني لختك ولا تفرعي لياا مخي بالأسئلة. .
سنايا رجعات شافت قدامها كتحاول تخبي توترها ..كان الكود بتاسمات فخاطرها بلاما تردد بركات على "كويين" عاد تحل 
ازار نتابه للحركة لدارتها بعفوية رجع شاف فيها: كفااش عرفتي الكود 
سنايا حسات بالرعبة طلعات معاها : هاا...قلت بيما زعماا
ازار مصغر عينيه : زعما شنوو
سنايا كتمسح لعرق لخارج منها : بغيت نقول ..احم بيما انك داير تصويرة كويين فاكيد غادي اكون الكود كويين 
ازار كيحك فلحيتو : هممم كضحكي عليياا .هاا 
سنايا مدات ليه تيلي :شد ديالك ملي غادي دير لينا هاد الحالة بلاش كااع..
ازار تنهد : خودييه الالة ..خودييه
سنايا هزاتو حطاتو على ودنها بعدما دوزت نمرت يارا بقات شحال كتصوني كتجوبها غي بواط فوكال
تنهدات بقلق حتى لاخر لحظة عاد فتحات الخط. .
سنايا بصوت خوفاان : يارا حبيبة...لبااس علييك هاني جاية لعندك سمحليا حيت مكنتش جنبك
يارا ببرودة : علاش اشنو وااقع...مالكم كلكم كتسولو علياا وااش كينا شي حاجة معرفهاش
سنايا عينيها دمعو عارفاها متأثرة بالحادث : يارا. .وااش لبااس..فيينك نتي كنسمع صوت لامواج
يارا سكتات شحال وهي كتشوف قدامها. .بتاسمات ابتسامة شاحبة وحطات ايدها على كرشها كتحسسها : فخباارك هو مماتش.غي كيكدبو متيقيهمش
سنايا وقفات كتمسح دموعها لخانوها : فينك نتي دابا 
يارا : انا فالبلاصة لمشى وخلاني فيها ...هو غي كيلعب معايا باش اعدبني .انا عيقا بيه..هو ميقدرش اعيش بلا بياا يااك هو كيبغيني كفااش غادي اسمح فياا
سنايا حابسة شهقاتها : يارا هو ماات..تقبلي الامر هادشي مكتبو الله 
يارا غوتاات على حر جهدها : الا كنتي غادي تبقاي تقولي لياا ماات متبقايش تصوني لياا اولا تسولي فياا. .هييء هو باقي عاايش فهمتي بااقي واحساسي مكيخيبنيش..حتى نشوف جثة ديالو قدام عيني عااد نتيق هييء 😭
سنايا بعدات عليها تيلي كتبكي فصمت عااد رجعاتو لودنها : اشنو ناوية ديري.نوضي من حدا لبحر لبرد علييك متنسايش راك حاملة 
يارا : غادي تعاونيني نلقااه يااك هييء ضروري تعاونيني هو مماتش تيقي بيااا
سنايا بقلق : انشالله. ..انا ديما معااك غادي نجي لعندك تسنايني
يارا كتنخصص : متجيبيش معااك شي صديق هههههه. .اقدر اهرس ايدي 😢
سنايا بعدات تيلي عليها بعدما قطعات ممتيقاش انو ختها عاشت هااد الصعوبات كاملة مكرهاتش تعدب فبلاصتها مقابل راحتها هيا
ازار كان كيشوف فيها طول لمكالمة مجرد ما سلات جرها لعندو خاشيها فصدرو. .بقات كتبكي بحرقة وهي فحضنو. .
بعدها عليه كيمسح على راسها : بيما انو مزال ملقااو الجثة هادشي كيعني موتو ماشي مطلق..تقدر توقع شي معجزة من عند الله واكون مزاال حي
سنايا : يااربي اسمع منك..يااربي 😢
ازار تنهد : اجي معايا نورييك شي حاجة. .حتى لغدا ونمشو منها ندوزو على الصالونات لقلتي لياا ..غادي نفرح بزااف الا لقيت كويين ..

ريمااس شافتو خارج ناضت لعندو :فين غاادي 
رمقها بنضرات باردة عاد خرج. .مكانتش من العاكزين تبعاتو ديك الساعة 
فاروق تلافت عندها : فين جاايا
ريماس كترجع شعرها لور بتوتر : بغيت نمشي معااك مستحيل نخلييك فهاد الوضع 
فاروق طول فيها الشوفة : الا مشيتي معايا مغادي اتبدل واالو 
ريماس شدات فايدو : متعرف😢
فاروق تنهد : لبسي جاكيط ديالي واجي خلاص
ريماس عنقاو وباستو على خدو عاد مشات بقا مصمر متبع خطواتها. .خيف ليكون داكشي لفبالو بصح حيت غادي تعدب هو مستحيل اخليها تدخل لحياتو وتولي عنصر مهم فييها هادو هوما الأفكار لكانو كيراودوه بينما رجعت لعندو
نطقات وهيا كتلبس : مشيينا
فاروق مسح على راسو ...عاد ركب : طلعي
ريماس ضارت لجيهة لخرى ركبات حداه عاد كسيرا بسرعة كدل على عصبيتو لكاتمها ..
ريماس سكتات شحال عااد نطقات : نقوليييك
فاروق مركز مع السوكان : اش كيين 
ريماس : احم ...ماشي دابا حتى تكون راشقة لييك كتبانلي معصب
فاروق : هياا لسكتي نييت
ريماس تخشات فضلوعها كتدور فعينيها. .تلافتت جيهة زاج دالنافدة بقات كتشوف فطريق دالبحر لكيسلكوها والشميسة كتغرب بقاو غي شي اشعة قلال علاين اختفيو..منظر أقل مايقال علييه روعة..شافتو حبس حدا وااحد الحافة فيها البوليس مجموعين ودوريات فالبحر كيقلبو بالباطوات ..نزلات تبعاتو فين غادي حتى تلافت عندها مع نضرات شرسة: فيين تبعاني
ريماس : اا..اا انا زعماا
فاروق نطق وهو مااشي : رجعي للوطو بينما جيت 
ريماس بقات كتلعب بايديها وهيا كتشوف فيه كيف كيتمشى بثقة حتى وصل لعند البوليس. .
فاروق : كين الجديد
البوليسي : شااف ملقيناا واالو من الصباح وحنا كنقلبو وحتى الاعماق قلبوهم الغواسة..امكن البحر لاح الجثة ديالو للبر..
فاروق نطق عاض على سنانو : منعاودش نسمع منك شااف. .فهمتي اخر مرة هويتي حتى واحد مخصو اعرفها من غيرك....داكشي علاش سد الموضوع
البوليسي حادر راسو : استسمح شاا...
فاروق قاطعو قبل اكملها : توحشتي دقاتي لكنعطييك
البوليسي بابتسامة : هههه وييه
فاروق كتفا بابتسامة شاحبة ومشى لعند الغواسة اعرف منهم شي حاجة جديدة..كانت هدرتهم بحال البوليسي تنهد بقلق وبتاسم فنفس الوقت كيتمنا اكون مزال عاايش. .بعد عليهم خدا تيلي دوز لفيكس فدار الأم ديالو. .
جوباتو الخدامة : وي شكون معايا
فاروق : الواليدة فين هياا
الخدامة تقادات فالوقفة : سي فاروق نهار كبير هادا
نطق عاض على سنانو : سولتك جاوبي
الخدامة بتوتر شافت فكنزة لجالسة فالصالون مدورة بيها تصاور امير ملي كان صغير وكتبكي : كينا اسيدي فالصالون ..غي كتبكي على المرحوم الله اجعل محبتو صبر 
فاروق تنهد : قوليها غادي نجي لعندها
الخدامة : وااخة اسيدي مرحباا بييك فداركم
فاروق قطع عليها ورجع تيلي لجيبو لمح ريماس ماشيا تجاه يارا..مبغاش اقاطعهم..
ريماس قربات ليها : احم
يارا تلافتت عندها كتساءل شكون هيا بقات غي ساكتة كتشوف فيها
ريماس جلسات حداها : علاش كتبكي ..لبرد عليك هناا 
يارا رجعات كتشوف قدامها : هو مشاا😢
ريماس باستغراب :وااش كتجي شي حاجة لخو فاروق 
يارا شافت لعندها : امير راجلي ..😭
ريماس : اووه سمحيلي معرفتكش..تشرفت بمعرفتك
يارا بتاسمات باستهزاء : بقيت بوحدي هييء 
ريماس : باقي ملقااوه يعني كين امل 
يارا كتزعلل برجليها وهيا جمعاهم: هو عيش انا متأكدة من هدرتي خاصو غي اباان ..عمري نتخاصم معااه هييء ياربي ارجع يااربي لبغاها نديرها لييه
ريماس مسحات على شعرها : كتبغيه بزااف 
يارا نطقات بصوت مخنوق : انا كنكرهو كنكرهو بزااف. .ديما كيعدبني
ريماس بتاسمات : انشالله غادي تجمعي نتي ويااه خلي ايمانك قوي..مديريش بحالي مكنتش كنعرف بانو الحياة زوينة بزااف خاصنا غي نعطوها فرصة لاغير
يارا شافت فيها : سمحيلي مسولتكش شكون نتيي
ريماس : ههه انا..ريماس المرابطي منضنش تعرفيني
يارا بتاسمات : اشنو كتجي ديفل
ريماس : كتقصدي ازار..ولد عمي علاش
يارا : غي سولت..سيري عند فاروق شفتو جاي لعندنا
ريماس شافت فيه وجعات تلافتت لعند يارا: الله اكون معاك فهاد المحنة..وتشرفت بمعرفتك مرة خرا 
يارا كتفات بابتسامة شاحبة ورجعات كتشوف قدامها. 
ريماس مشات لعندو : عندك تكون تقلقتي مني
فاروق : علاش غادي نتقلق 
ريماس : حيت مشيت عند مرت خووك
فاروق شدها فايدها : معندي علاش نتقلق..اجي نمشو عند الواليدة
ريماس موسعة عينيها : غادي نشوفها بهاد الحالة 
فاروق : اش كين
ريماس : لابسة بحال الشمكار..مغاديش نعجبها
فاروق مصغر عينيه : فاش كيهمك تعجبيها..علا اساس غادي تكوني مرت ولدها..زيدي وهنيناا
ريماس قلبها تقبط كتفاات بابتسامة صفراا بزز باش مخرجاها ..تبعاتو ركبات لوطو حداه عاد ديمارا للوجهة ديالهم. .

وقف قدام دارهم شحال مجا للهنا بيناتهم زمن طويل على آخر مرة جا فييها. .تلافت عندها : نزلي ومتهدريش بزااف 
ريماس حركات راسها باه عاد نزلات كتكتاشف بعينيها الفيلة من برى قريبة للبحر لدرجة نسمات الريح باردة كتحوم على المكان كون البحر قريب..
شافت لعندو بعدما نزل : هادي هيا دار الام ديالك 
فاروق هز راسو باه : اجي لهناا
مشات لعندو كتلعب بايديها وقفات مقابلة معااه وعلى وجها ابتسامة خفيفة 
فاروق هاز حاجبو : من صباح ونتي مبينة هاد السنان يااك لبااس 
ريماس خنزرات .ربعات ايديها كتشوف في بنص عين :نبكي متلا
فاروق جرها لعندو كيقاد ليها الجاكيط بحال لبنيتة صغيرة وعينو فعينيها كانت كتفصلهم الا سنتمترات قلال على بعض..
ريماس طولات الشوفة فيه محدراتش عينيها : نتاا زويين بزااف 
فاروق باستهزاء : عاارف
ريماس : نتاا متكبر دير حتى هادي فبالك 😒
فاروق بتاسم : اجي المشة ديالي اجي..وليت دير راسي فبرهوشة 
ريماس موسعة عينيها كتنتر من ايدو لكارزة على ايدها : بعد منيي ..كفااش برهوشة بنت لييك كنغمج وجهي بالشكلاط متلا
فاروق تلافت عندها حاط صبعو على فمها : شش...فييك الهدرة بلا فيدا
ريماس حسات بالرعشة من صبعها صغير. .كتخايل انو غادي اجي واحد النهار وتبعد علييك كتشدها غصة فقلبها مكرهتش تبقى ديما فجنبو وتشم ريحتو كلا صبااح. .
فاروق بعد صبعو : فيين سهيتي
ريماس عاقت على راسها : هااا..لا والو
فاروق دق فالباب حتى فتحات لييهم الخدامة 
دخل وجر معااه ريمااس للداخل بقات الخدامة متبعاهم بعينيها و ملامحها كلها استغراب. .ممتيقاش انو جا لهنا بعد وقت طوييل ومعاه بنت شابة من لفوق ..راسها ضرها سدات الباب ومشات للكوزينة توجد ليهم العشا 
فاروق لمح الام ديالو جالسة فالصالون كتهز فالتصاور امير3 تعنقهم وكتبكي
تلافت عند ريماس لكتشوف فيها : اجي جلسي
ريماس : شوف الام ديالك بعداا
فاروق تلافت لجيهتها تنهد بقلق ومشا لعندها خلا ريماس جالسة فوق الكنباي كتشوف فييهم. .محساتش الا بدمعة حارقة على خدها. .فهاد اللحظة توحشت فخرية وقلبها البيض عمرها خسرت ليها خاطرها بالعكس كدير لبغات زيد عليها عمرها رفضت ليها شي طلب ..مسحات دموعها وتبتات نضراتها على فاروق لجالس حداها 
كنزة تلافتت عندو كتشوف فييه ببرودة : وااش بصح ماات 
فاروق تنهد بقلق :لواليدة مديريش فرااسك هااكة 
كنزة وجهات صبعها لييه نطقات موركة على كلامها : متقربش لياا..سير من هناا عاد جااي عرفتي فااش مشيتي أمير هو اكتر وااحد هتم بياا و دار بالو لصحتي لتدهورات بسباب غياابك هييء..فالاول بااك وتبعتيه نتاا ودابا خووك انا عييت... عييت ومليت هييء.. 😭
فاروق بقا غي ساكت كيشوف فيها بعينين حمرين وراهم بزااف دالدموع مخبيهم باش ميبعثروش رجولتو : ماشي غي نتيي لتعدبتي ...عمرك سولتي رااسك علاش مشيت وخلييتكم هاا ...اكيد محاولتيش
كنزة كتنخصص : سير من هناا مبغيتش نولفك من جديد وتمشي تبعد علياا ..حيت لقلب لغادي اتحمل مبقاش
فاروق جا واقف امشي. قطعاتو ريماس فاش شدات فايدو. .
كنزة هزات عينيها فيها : شكون نتي ابنتي 
ريماس كتحاول تبان بعقلها ومرزنة : احم..سميتي ريماس اخالتو
كنزة جمعات الوقفة بسيف كتمسح دموعها شافت ففاروق : مشالله زويينة بزااف
ريماس اول مرة كتشدها الحشمة : عوينااتك خالتو...😍
فاروق كيوزع نضراتو بيناتهم يله كانت كتقوليه سير من هناا : نسيتيني الواليدة
كنزة : ربي لما بقاا اولدي مديش علياا..قلبي طيب من جيهة خوك مغادي نهنا حتى ندفنو بايدي😭
فاروق طلق من ريماس وعنقها : دعيي اكون عاايش..بااقي ملقينا لجتة ديالو 
كنزة : هييء. ..ياربي ياربي 
ريماس مبتاسمة وهيا كتشوف لجو لعائلي لفييه 
كنزة بعدات عليه طارت لريماس معنقاها فرحانة حيت ولدو بجنبو بنت : شحال فعمرك ابنتي
ريماس بتوتر : 20 عاام
كنزة : سبحان الله. ..غزاالة مكرهتش واحد لمسخوط ايدير عقلو ونشوف حفادي خلاص
فاروق: احم احم...واقيلة كتهدري عليياا
ريماس ولات بحال الكتشوب كتلعب بايديها حتى من فاروق لاحض هادشي تعجب حتى ولات هااكة كتعرف الحمشة بحال كااع لبناات 
كنزة جراها لجيهة طابلة : اجي تعشاو...راه وااجد
فاروق : غي بداو هاني جااي
كنزة تلافتت عندو بابتسامة شاحبة : توحشتي بيتك 
فاروق كتفا بابتسامة وطلع نيشان للفوق كيقلب على بيتو شحال توحشو..وتوحش ذكرياتو لبقااو فييه. .

ملي جا لشركة وهو خدام كيحاول ميشغلش تفكيرو بيها. .تنهد بقلق حل لكرفاط لاحها بعيدة علييه. .جمع الوقفة شاف ساعتو اليدوية عشرة دالليل هادي. .مسح على راسو بعصبية. هز فايدو لفيست ديالو وخرج هبط نيشان حتى للقدام الباب جابو لييه لوطو ركبها وكسيرا. .نيشان للقصر اول حاجة دارها فاش طلع فالدروج... شاف بنتو ناعسة براحة ونفسها كتطلع وتهبط بانتضام. بتاسم عاد سد الباب كيكمل خطواتو تجاه بيتهم..مجرد محلو دور عينيه علييها. .مبانتش لييه تلافت للجيهة لخرا بان ليه كنباي عاد ولا مكانش فالبيت. .ستغرب هز عينو فيها فاش سمع خطواتها كيقربو تجاهو لمحها مشات لناموسية هازة مخدة و ملاية باش تغطا..حط لفيست ديالو وربع ايديه بعدما سد الباب بانت ليه كااع ممسوقة لوجودو عقد غباشتو فاش شافها نعسات على الكنباي وتغطات مرداش مشا نيشان للحمام دخل وخبط موراه الباب حتى قفزت من بلاصتها بغا ابين ليها عدم اهتمامو ولكن عصبيتو فضحاه..تنهدات مطولا عاد توسدات لمخدة كتشوف فالسقف وتفكيرها بعيد طريق تديها ولاخرة تجيبها..كتحس بالخنقة مكرهاتش تغوت تخرج كااع داكشي لفقلبها عيات تصطانع القوة وعدم ضعفها عيات بزااف..رجعات للغطا فاش سمعات باب دالحمام تحل عرفاتو هو مبغاتش تشوف لجيهتو تكمشات وسط عضامها كتحاول تنغامس فالنعاس. .
عمار شافها تغطات ودورات وجها لجيهة لخرا بتاسم باستهزاء ودخل لدريسينغ لبس عليه تيشورط خفيف و شورط عاد خرج كيلعب بتيلي فايدو وعينو عليها ..مشا تكا على الناموسية موسد ايدو ومرة مرة كيهز عينو لعندها. .تنهد بعصبية وناض طير عندها رمى عليها الغطا. .كيحسابليه كتمتل نعااسها 
لكن كانت نعست بصح محساتش بييه هبط لمستواها بانو لييه شفارها فازكين عرفها كانت كتبكي. .مسح على راسو و هزها بين ايديه حطها على الناموسية جنبو ورجع جاب لغطاا غطاها ونعس معنقها من ضهرها خاشي وجهو فعنقها 
نطق بصوت منكاسر : شكوون نتيي...شكون علاش كيوقعلي هااكة انا مزال كنبغي مراتي لولا ...
نعس بعد مضاربة وصراع كبير بين افكارو بغاا احمااق مقدرش انعس الا بعد ساعات من التفكير. .

صبح الصباح بنهار جديد. ..
كانت جالسة فبيتها والبيسي قدامها كتشوف تصاورها فمواقع الموضة بتسمات حيت عندها شعبية كبيرة على المستوى الدولي. .تنهدات مرجعة راسها لور كتفكر هاد الايام كيف دازو حاولات تبقى منعازلة مندمجات مع حتى وااحد وهادشي لخلا الخوف اتملكها مبغاتش تخسر كولشي فلمح البصر بغات تمشي دقة بدقة وهناا غادي تكون قدرت توصل لهدف ديالها. .فاقت من سهوتها على صوت الباب 
نطقات وهيا كتسد البيسي : دخل..
كانت الخدامة راسمة على وجها ابتسامة خفيفة : انسة للفطور وااجد قاتلي لحاجة نكلمك
كاميليا : ازار بااقي مجااش
الخدامة هزات راسها بلا : باقيي
كاميليا ربعات ايديها متبتة نضراتها على عينيها وقفات مقابلة معاها كتهدر بثقة ورزانة : متبقايش تجي لعندي مبغيتهمش اشكو فيااا
الخدامة حدرات راسها :سمحلي الالة نسيت رااسي 
كاميليا :تقدري تمشي ...
حدرات راسها وخرجات ديك الساعة خلات كاميليا كتختار اش تلبس بااش تنزل لعندهم وتندامج معاهم. ..حدا لبلكار لمحات تيلي ديالها بتاسمات وهيا كتشوف رقمو كيصوني. .
هزاتو فيسااع جوبات بحاليلا كانت كتسنى مكالمتو : لبااس عليك
سفيان تنهد نطق بصوت مغموم : شوية. ..نقدر نشوفك اليوم 
كاميليا لقلوبة خارجين من عينيها : اه ...احم زعما وااخة. ..معااش 
سفيان : اجي نفطرو بجوج...الا كنتي مزال مفطرتي
كاميليا حاطة ايدها على فمها كتقلب بعينيها على اشنو تلبس : اوكي. ..سيفطلي لعنوان هاني عندك 
قطع الخط و بعث ليها فمساج العنوان ..رجع شعرو لور كيحس بالعياا و الهموم فوق رااسو بزز بااش بعد على يارا مبغاش احكر عليها حاول اخليها بوحدها كيف بغات وخا كتجرحو ولكن راحتها اهم بالنسبة لييه ...
نرجعو عند كامي لطول الوقت وهيا مبتاسمة ختارت جينز فالازرق مع تريكو فالرمادي طويل شوية ملبوس عليها. .خلات شعرها بوكلي كيف ديما مكتملش من نفس التصريحة ..حطات ميكاب خفيف وخرجات فايدها ساكها وسوارت لوطو ديالها ...هبطات نيشان بانو ليها مجموعين متلافتتش لجيهتهم كملت على خطواتها حتى لبرى ركبات لوطو عاد فتحات لمساج عرفات لمكان. ..ديمارات بسرعة بعدما فتحو ليها لكارد الباب بكل احترام. ..طول الطريق وهيا شاردة كتفكر وتحلل فمصير مستقبلها مبغاتش تكون اخرتها كيف راسمة فبالها بعد هااد المخاطرة. ..

فاقت ناشطة كتحس براسها خاصها تكون قوية بااش تقدر توقف مع ختها ...أول حاجة دارتها لبسات عليها وقدات الصكادو ديالها عاد خرجات كتجول فأرجاء الفيرمة. ..لمحات حصان للون ديالو بني عجبها بزااف محساتش على راسها امتى وقفات حداه تحدات خوفها بحكم كتحسس من قربهم..بدات كتمسح على شعرو والابتسامة مرسومة على وجها جات ترجع تعكلات كانت غادي طيح كون ما تحكمات بايدين رجوليين غطاو خصرها النحيف ..رجفات وهيا كتلافت بالعرض البطيء لعندو وتوتر ماليها من قربو لييها..محساتش على ايديها لحطاهم مباشرة على صدرو كتحاول تحكم فتوازنها. .بقات شحال مهبطة راسها عاد هزاتو ..حتى لقات شفايفها طارو من بلاصتهم بسباب قبلتو المفاجأة لصدماتها خلاتها مكوانسية معرفات مدير كااع الاحساسيس تخلطو عليها معرفات تجاوب معااه ولاتدفعو ابعد عليها. ..غمضات عينيها كترجف من لمساتو السحرية على شفايفها لفاضحين توترها وثاتير حركاتو اش كيدير فييها. .وعات على راسها عاد دفعاتو على حر جهدها كتمسح فمها بطريقة متعجرفة وكأنو معجبهاش لحال عكس مشاعرها لخفية. ..
هزات عينيها فيه موجهة صبعها ليه :اخر مرة تقرب لياا كتسمع...اشنو كيحسابليك رااسك. ..هااا 
ازار كيمسح على راسو بعصبية هو بنفسو معرفش كفااش صدر منو هااد الفعل مشعرش على راسو حتى قربها لييه ودخل معاها فقبلة شرسة تبرد خليلو. ..
سنايا : بغيت نمشي من هناا... وعمرك تقربلي مزاال 
ازار كيحك لحيتو باهتمام مصغر عينيه فيها : عاودي نسمع...بحاليلا كترفعي صوتك ولا شي حاجة امكن. ..
سنايا كتخبي خوفها من شوفاتو لغريبة : ههااا كفااش. ..انا هدرت عاادي. بااش كتفسر هاد القبلة هااا وااش انا مونيكة حناا مكتربطنا حتى علاقة بااش اصدر منك هاد الفعل...
ازار مكانش ناقصو غواتها قبطها من معصمها خبطها على واحد البودرة حتى جات مزدوحة على ضهرها كتحسو تفصل نطق بجدية وعينيه فعينيها : فااش كنبغي ندير شي حاجة مكنعطيش تفسير ..وملي كيقولي رااسي شي بلاان كنفدو مكنفكرش بزااف. ..فهمتي...ونزيدك نقدر نعاودها ماشي مشكيل. ..
هبط لشفايفها حاط شفايفو على ديالها لباردين حركهم برفق وحنية حتى كتهز من بلاصتها خصوصا ايدو لي حاطها على خصرها لعاري بحكم لبسا بيل قصير شوية ملبوس عليها...باسها بشوية وهز عينو فيها 
ازار :بحال هااكة مزياان...
سنايا مبنجة بقات مبرقة عينيها فييه جاها شخص آخر ماشي ازار نفسو : هااا....كك ك كفااش وااش مكتحشمش 
ازار بتاسم بمكر ورجع باسها مع عضة عنيفة حتى تاوهات مغمضة عينيها حيت تقصحات مسح ليها الدم لنزم منها : بغيتي تقولي شي حاجة. ..
سنايا الدموع تغرغرو فعينيها كتحسو كيستاغلها : هيييء...و وو واالو..😢
ازار حس بيها مردااش على الموقف جرها من ايدها لعندو حتى تصاطحت مع صدرو لفلادي. .هز وجها لعندو. .
نطق بصوت رجولي خشن : نسااي هادشي. ..ونقدرو نديرو ما كتر معنديش مشكل
سنايا تنترات منو نطقات بعجرفة : حكاار...سير عند خطيبتك ولا انا لقيتيني معنديش لداافع علياا 
ازار هااز حاجبو : كتوريني اشنو ندير ولا شنو 
سنايا دخلات فييه ومشات كتخبط فرجليها حيت وخا كتموت علييه وكتعشقو والا وانها عندها كرامة وعزت نفس خصها تحافظ عليها
ازار نطق وهو متبت عينو على مشيتها : شتفيي نتيي كااع. ..بففف
شاف فالحصان لكيلعب برجليه نطق وهو كيمسح على راسو : مدرت فييها ميصلح يااك. ..حتى انا مفهمتش لاش درت هااكة ... خاصي لقا شي حل بااش نقوليها على الحادثة بعداا ..
الحصان بقاا غي كيحنحن بصوتو بحاليلا كيجوبو على هدرتو ....كمل على مشاكستو فلعب بينما ازار كمل على طريقو لدار لقاها مخرجة لفاليز ديالها لصالون وفالايد لاخرة تيلي كتلعب بييه متصوقش وكانو مدير واالو قصد لكوزينة لقاا نفس لمراا لمقابلة دار كتوجد للفطور بتاسم ليها وخدا كااس دالما...يله غادي اشرب سمع مساج جااه..رجع لكأس وفتح كيقرا فييه. .مخرج عيينيه. .

" 💎كنت باغا نعتارف لييك ونكشف لييك على هويتي ولكن يبدو عندك نااس خراا اهم مني ...لدرجة تاخد راحتك فالقبلات .. . عرف رااسك اشنو بااغي 😒. .
كويين💎"

حط تيلي هااز حاجبو مجاا فباالو غي سنايا لشادة تيلي ديالها حيت كفااش غادي تعرف كويين بيلا هو بااس سنايا. ..خبط لكااس عاد خرج طير عندها اا 
نطق بالغواات كيقلب بعينيه علييها : سنااااااايااا فيينك. ...اليووم غا نعرف كولشي سناااايااا ..

بغات تحرك حسات بشي وااحد معنقها من ضهرها. .كمشات وجها كتستاعد تفيق يله غادي تلافت جات عينيها عليه مشبح كلا رجل فجيه..بتسمات سرعان متلاشات ابتسامتها فااش تفكراات معاملتو القاصية معاها..بعدات علييه بسرعة خلاتو افيق قافز. .رجع رااسو لمخدة ...
نطق بصوت مدعدع من تاتير النعاس مع بحة رجولية : ماال مكك مكتعرفيش تنوضي مقااد...الصباح هادا 
خلود لبسات بانطوفتها كتحاول متأترش بهدرتو لكتستافزها حساتو تبدل بزااف .. جاها لفضول كفااش حتى وصلات حدااه ولكن مقدراتش تسولو حيت ديرا فبالها مقاطعة معااه الهدرة بالنسبة ليها احسن حل هو تبعد علييه وتعطي لراسها قيمة ..دخلات نيشان للحمام قلبات دوش لسخون و وقفات تحتو بعدما نسلات حوايجها. .كتفات بي باندوش دالفريز منعش مقاصتش شعرها جمعاتو لفوق ..كملات ولوات عليها فوطة عاد خرجات قاصدة دريسينغ كتفادا نضراتو لكيختارقوها خلاتو هاز حاجبو وهو موسد ايدو كيراقب تصرفاتها. .شاف الساعة عشرة دصباح هادي موالف 9 تلقااه فالشركة ولكن تقصد ابقا ناعس حداها. .امكن حيت عارف رااسو زااد فييه ولكن كبرياؤو ميقدرش اتنازل عليه مسحيل اطلب منها السماحة. ..
فهاد الاتناء كانت كتختار اش تلبس وفبالها تندمو على هدرتو...مجات عينيها غي على كسيوة فالخضر ملكي انيقة معرياا كلها من الظهر بالكماام...وقصيرة حد لفخااد ..خدات معاها كعب عاالي بالفضي ..سلات معااهم دوبيااس فالابيض هزاتهم وخرجات على برى لقاتو مزال على نفس وضعيتو..حطات لحوايج على جنب وربعات ايديها كتشوف فييه ببرودة. .
نطقات بعد صمت طويل : بغيت نبدل. .تقدر تخرج 
بقا مشبح على نفس الوضعية وكأنو مكينااش بحاليلا كيقلي ليها السم سكت شحال عاد نطق : بيتي هاادا اجي خرجيني منوو ..
خلود وجهات صبعها لييه بنفاد صبر : سمع اا...اميسو عماار كنضن مستوااك رااقي على تعامل بهاد الأسلوب المنحط... لنرتقي
عمار جمع الوقفة قاصدها : اوووه نسيت رااسي انا مزوج بوزيرة التقافة. ...فهاد البلاصة انا لكنتفلسف فهمتي..دخليها لمخك..غادي نخرج غي حيت ممساليش بااش نوريك مستوااي متاافقيين...يله سيري تلبسي احبيبة ديالي 
خلود مكمشة فمها بغيظ ..نطقات بصوت شبه مسموع : حقيير ...
عمار كان داخل لحمام سمعها تلافت فوراا : قلتي شي حاجة. .ابب 
خلود على نفس الوضعية : نعاام امسيو عماار 
عمار كمل على طريقو وخبط معااه الباب ..خلاها كتغودد غي بوحدها حاولت تهدن ما امكن خدات حوايجها حطاتهم فوق الناموسية. .لبسات دو بيااس عاد تبعاتهم لكسوة لي واتااتها جات ملبوسة على انحناءات جسمها ومفاتنها لكتخبيهم بلباسها لعادي ..تقادات فالوقفة بعدما لبسات لكعب لعالي جات كيووت خصوصا فورمتها مقاادة من جميع النواحي. ..تقابلت مع المرايا كتشوف راسها عجبها التغير لكتحاول دير بااش تفرح راسها. ..بان ليها لميكااب خدات ايلينر ماط حطاتو فوق عينيها لزادو تبرزو على قبل. .تبعاتهم مسكارا كتفات رموشها كتر ماهوما كتيفين ...وأخيرا ختماتها بعكر كرونة مااط انييق بزااف ..خلات شعرها على طبيعتو مسرح على الله اغطي ولاو شوية من ضهرها ..هزات بوشيط وشي ملفاات كانت مقاداهم على قبل امتحاناتها الأخيرة ...يله جات تخرج سمعات التصفااق
عمار : وااووو واااو....فييين خارجة بالسلامة ..ومعامن تشاورتي
خلود حطات نضاراتها السواء بكل تقة نطقات بجدية وملامحها صارمة كتعلن رجوع خلود لقديمة : مسيو عمار بلا شك نسيتي بيلا زواجنا غادي ادوم تلات أشهر وكنضن وصل هااد الوقت...يعني بالمختصر المفيد انا مبقيتش مرتك ولا كاان عندك شي استفسار تقدر تسول المحامي ديالي. .
يله جاا انطق خبطات بااب دالبيت بعدما خرجات كتمشى بكل تقة وتباات..فطريقها تلاقات فخرية بتاسمات لييها : سلام خالتي لبااس علييك
فخرية: حمدالله ابنتي. ..ماشاء الله جيتي زويينة فيين غادا 
خلود : احم غادي نتلاقا مع الأصدقاء ديالو فواحد لكافي حداا لبحر بااش نراجعو شي نقط مهمة 
فخرية : اممم وعمار فرااسو هادشي. .
خلود يلله جاات تجاوب سمعات التهرااس وغوااتو واصل حتى لعندهم
فخرية : وااش عمار هادا. ...ويلي مال ولدي
خلود كدور فعينيها : امكن معصب على وضع الشركة ...وخا مكيعاودش لياا ولكن كنحسو مهموم مأخراا 
فخرية: اه ..بغيت نشوفو ولكن بااين عليه معصب حتى يتهدن شوية. .سيري ابنتي الله اوفقك وردي لباال لرااسك 
خلود سلمات عليها بكل لبااقة : شكراا  😊
هبطات فالدروج قاصدة باب دالقصر. ..غي خرجات جاو عندها لكارد كيتجراو طلبات منهم اجيبو سيارتها الخاصة لكانت عندها فقصر باها. .ركباتها وزادت شاردة لبعيد. ..
نرجعو لقصر ...كانت حالة عماار كتخوف وعينيه حمرين بحال جغمة الدم كيخلعو..هرس كااع الديكورات مخلا غي لنساا مباان لييه ..هز لجاكيط ديالو لبسها عليه حتى كان غادي اخرج عاد رجع لبس عليه سروال دالكيطمة بحكم كان بالشورط..هز سوارتو وتم هابط فطريقو تلاقا فخرية...
نطق بزربة :فينها دييك مراات ولدك...

عمار : فينها دييك مراات ولدك. .
فخرية : شكون !!!
عمار : كنهدر على خلود فيينها. .مشفتيهاش 
فخرية : اه. ..خرجات تلاقا مع الأصدقاء ديالها قالت لياا على قبل شي حاجة. ..علاش مالكم اش وااقع 
عمار : اووه وفيين بسلامة
فخرية : كاافي حدا لبحر.. علاش اا ..
قبل متكمل كلامها زااد وخلاها نطق بصوت خشن مليء بالعصبية لكاتمها : وااخة الالة خلود. ..إلا بقيتي اليوم برجليك صحااح عكري لياا ...

دور عينيه بانت لييه كتحط لفاليز فالكوفغ مشاا طير عندهاا واقف عليها يله غادي تلافت حسات بصفعة تلاتية الأبعاد جامعة كااع وجها. ..صمكت ليها راسها .هزات عينيها فيه ودموع محجرين على طرف شفارها..
خبطها على لوطو مكاليها بايديه وهياا وسط منوو كترجف نطق بالغوات لدرجة موجات صوتو تقبو ودنيها : وااااشش ..كضحكو عليااا ولا شنووو هاااا واااش امككك كيحسابليك جااي من ورى الشمس...
جبد تيلي ديالو عرض قدامها شاشتو وبالضبط المساج
ازار نطق بنفس نبرة : اش هااد شي ...نسمعك كتدوري منها ولا هناا فالهدرة اخرتك علياا. ..سمعتي أقسم بالله العظيم مغادي تفلتي اليوم إلا كان عندك دخل فهادشي وهادا وعد شرف من عند الديفل ماشي ازار لكتعرفي. ..
سنايا مقدراش تحافظ على توازنها فيسااع طلقات لعنان لدموعها ولات كتشهق معرفات بااش تبلات ومعندها حتى فكرة فبالها..
ازار خبط بايديه لوطو وهيا بيناتهم حتى قفزها كتر ماهيا مخلوعة والرعبة شداها : واااااشش كتفلاي علياا ولا شنوو ....شكوون نتيي واشنو لعلاقة لبينك وبيين كويين هااا شكوون نتيي سولتك جاوبي بلاما تمرضي ديميي ...شكوون نتيي غادي نعاودها ونزيد نعاودها. ..كفااش كويين عرفت هادشي لوقع بيناتنا ..
سنايا بقات غي ساكتة كتحاول تاتر فييه ببكاها ودموعها لحقيقيين ..سكتات شحال عااد نفاجرات بحال البركاان : واااش انا فيينماا تكون معصب نباان لييك فالبلان..اشنو كيربطني بييك حتى تعامل معايا بهاد الطريقة هاا هييء عيييت من هاادشي.. بزااف علياا نتحمل اغلاط لا دخل لياا فييهااا ...تكون شكون مبغات تكون هااد كويين انا مكيهمني حتى وااحد صاافي بااركةة بااركة من المشااكيل انا منقصنيش بااش تجي نتاا تطفل لياا فحيااتي..وااش عند باالك انا فرحانة بتعاملك معايا بحال هااكة. .إلا كنتي كتبغي خاطيبتك ولا هااد كوين فهادشي مكيهمنيش انا بعيدة من هااد لخراا ونزيدك انا مشغولة بحبي لشخص لخداا قلبي شحال هادا ..وكيستاهل ايديه واكيد غادي نبقى ديما مخلصة لييه مبغيتكش تلوثني مزاال بغيت نبقى نقية وانا كنتسنااه وهاااد الشخص هو لغادي استاهل نسلمو رااسي وشرفي بكل فرح وفخر يعني آخر مرة تقربلي كتسمع اخر مرة
ازار بقاا غي ساكت كيشوف فيها سنايا لقوية لقدرت تغلب على شهقاتها وهياا كتهدر بقا مصمر كيتردد فالمسمع ديالو "انا مشغولة بحبي لشخص لخدا قلبي"..شاف فيها وعينيه فييهم بريق غريب الاطواار 
نطق بصوت غالب علييه الانكسار مع هدوء مصطنع : فحياتك شخص آخر
سنايا كتمسح دموعها لموقفوش : تماما ...ومغاديش نبقى خدامة عندكم حيت قريب نتزوجو ونعيشو تحت سقف وااحد
ازار شدها من دراعها : مسحيل هادشي لكتقولي ...نتي غي كتكدبي
سنايا : رخي منيي كفااش كنكدب...اه انا غاادي نتزوج ونبني حياتتي شكون نتاا ...انا مجرد أخصائية تغدية جاات تقابل الحاجة وغادي تمشي خصوصا لموسم دراسي جديد غادي نتاقل لفرانساا بااش نكمل قرايتي ونعيش حياة سعيدة مع راجلي. .
ازار طلق منها كيضحك بهستيرية بحال شي حمق هز عينو فيها ميل راسو ونضراتو كتخلع : مستحيل تزوجي. ..نتي مبقيتيش ديال رااسك 
سنايا باستغراب حاولت ما امكن تهرب من المأزق لطاحت فييه ولكن تصدمات من ردة فعلو : كفااش مااشي ديال رااسي 
ازار خبطها على لوطو من جديد : قلت ماشي ديال رااسك وساليناا فهميها كيف بغيتي..وعمرك غاادي تزوجي ومستحيل تكوني مع رااجل آخر حييت اناا. ..
سنايا : حيت انا شنوو...
ازار بعد عليها : طلعي جلسي فبلاصتك...قبل نطيح شي روح هنااا
سنايا معودتهاش معااه جلسات فبلاصتها كتسنااه اطلع مفهمات واالو ..كتحس براسها غاادي انفااجر كتقفز فااش كتفكر نضراتو لكانت كتخلع فااش جا لعندها حمدات الله حيت نجاة منها من جديد. .كانت غادي تفضح وشيء لخلاها تكذب هو تصرفو معاها خافت تقولو هويتها خصوصا هدرتو لكانت بحال لقرطاس بالنسبة لييها. ..فاقت من سهوتها على زدحت الباب تكمشات فبلاصتها فااش حساتو جلس حداها. ..ديمارات بسرعة حتى تسمع تكشاط الروايد. ..

بلاصات لوطو وخرجات كتقاد شعرها لمبعثر. ..هزات ساكها عاد دخلات لريسطو كان وسط لمدينة. .دورات عينيها على أرجاء المكان حتى باان ليها جالس قدامو كأس دالقهوة وايديه فجيابو ساهي فنقطة وحدة. .تعجبات من حالتو قصداتو نيشان جلسات قدامو بحال لعجاجة. .
كاميليا : كوود مورنيين. .
سفيان فاق من سهوتو على صوتها : صباح الخير. .
كاميليا : مالك اشنو وااقع. ..وجهك شاحب 
سفيان بتاسم باستهزاء : موااقع واالو ...سمحلي صدعتك كنت باغي شي وااحد نهدر معاه وجيت فرقمك 
كاميليا بتاسمات ليه نطقات وهيا حاطة ايدها على ايدو كتواسيه : انا ديما موجودة وقتما حتاجيتيني 
سفيان سل ايدو بلطف : شكرا. .
كاميليا :احم مزال مطلبتي واالو..
سفيان :خديت غي قهوة بينما جيتي...
عيط لسيرفور طلب للفطور على ذوقو كيف طلبت كاميليا. ..ماشي بزااف دالوقت حتى حطو قدامهم طلبهم. .بدات كاميليا كتنقب من طبسيلها وعينيها علييه كتشوفو ماشي على عادتو واخة مدة قصيرة بااش عرفاتو إلا أنها قدرت تحفض بعد الصفات لكيتميز بيها. ..
سكتات شحال عااد نطقات : اجي نخرجو بغيت نوريك شي حاجة. .
سفيان رشف من كاسو : بلاش... مفيااش 
كاميليا تقادات فالجلسة نطقات برزانة : بين علييك مجروح ومهموم بزااف. .مديرش فبالك إلا بغيتي تقولي شي حاجة انا موجودة وغادي نكون كلي أدن صاغية. .
سفيان بتاسم : مفهمتش وااش هاد الرزانة لفيك كتبان غي مرة مرة ولا مخبياها..
كاميليا بتوتر :ههه علاش..!!
سفيان : وااالو ماشي شي حاجة. ..ولكن أغلبية دالاوقات زعما فاش كتجمعنا شي صدفة كتكوني بين قوسين غبية ههه
كاميليا خدات منديل مسحات جنب فمها عاد هزات عينيها فيه : ماشي أي وااحد كيشوف شخصيتي 
سفيان باستغراب :كفااش. .
كاميليا جمعات لوقفة هزات ساكها وايد لاخرة قبطات بيها ايدو :اجي نفهمك ..
سفيان شاف ايدها لشداه بيها : بديتي كتخلعيني ههه 
كاميليا بتاسمات :ههه من حقك تخااف 
جمع الوقفة وكلو استغراب فاستغراب خلا لخلاص فبلاصتو. . عاد تبعها بلا هوااه حتى خرجو على برى 
سفيان :فين غاادي نمشيو..
كاميليا تلافتت عندو :مبغيتيش تغير لجو 
سفيان :بصراحة ممساليش بااش نخرج. ..سمحلي غادي نمشي عند واحد الصديقة كتعيش ظروف صعيبة وضروري نوقف معاها 
كاميليا : واش صديقتك سنايا 
سفيان :لا ختها ...راجلها نتاحر وباقي ملقاوش لجثة ديالو 
كاميليا :اه مسكينة بين غادي تكون متأزمة. ..واش كتبغيها !!
سفيان شداتو لكحبة : كح كح...ك كفااش اشنو كتقولي 
كاميليا :هه شفت هادشي فعينيك ...واضح أنك كتبغيها بزااف 
سفيان مسح على راسو : كنت كنبغيها ولكن مبقيتش 
كاميليا قربات لييه حتى مبقا كيفصل بيناتهم واالو نطقات وهيا كتشوف فعينيه : متأكد 
سفيان بعد عليها كيحاول ميبينش توترو من قربها لييه نطق بتلعتم : ش. .ش شفتك بحاليلا كتحقي معايا 
كاميليا رجعات شعرها لور : حاشا ...معلينا تمنيت ندوزو نهار مجموعين ولكن بين مشغول خليت لييك الراحة 
يله جات تمشي وقفها بصوتو : غي بقااي 
كاميليا تلافتت عندو نطقات بابتسامة ممفهوماش : ولكن مكنبغيش صديقي تشاركو وحدة خراا. ..حيت عمري كنت صديقة دشي وااحد 
سفيان هاز حاجبو مع كل كلمة كتقولها كتزيد تجدبو بشخصيتها لغامضة : مبينش علييك أنانية. .
كاميليا : ههه بالعكس انا أكثر وحدة كتسمح فحقها. .خير مثال مكنحاسبش ازار لهوا خطيبي ملمتوش حيت سافر مع سنايا بالعكس مكنبغيش نفرض رااسي لكيهمني هو احتارمني واقدرني فقط..مبغيتش شخص ابغيني حيت غادي اتعدب 
سفيان كيصفق : وااوو منكرش انو شخصيتك لافتة لانتباه ...ممكن ندوزو نهار مجموعين ا انسة كاميليا لغامضة 
كاميليا :هههه مرحبا
كملو طريقهم فاتجاه لوطو دسفيان ...نطالقو للوجهة من اختيار كاميليا لقترحات علييه احضر معاها جلسة تصوير ديالها..
سفيان : فخبارك نتي مميزة 
كاميليا :هههه بصح ...شكرا اشنو للمميز بسلامة 
سفيان :حتا أنا معرفتش بالضبط ولكن مميزة ههه 
كاميليا : اووه حسيت براسي دابا. ..عاقل فاش اول مرة تلاقينا 
سفيان :متفكرينيش كنت بااغي نقتلك. .واش الغبااء كينزل عليك بحال الشتا ولا شنو 
كاميليا :ههه اجي علاش كين الصهد ليوم 
سفيان : يله قلت دارت عقلها...أسئلتك بحال كمارتك هنينا دابا 
كاميليا : اوكي..😒
وقف بيها قدام العنوان بحكم انو فاايت موصلها لنفس لبلاصة ..نزلات كاميليا هيا لولا عاد نزل حتى هو حس براسو خاصو انسا شوية بااش تكون عندو الطاقة الكافية ليقدر اوقف بيها مع يارا 
فاق من سهوتو على صوتها :يله ندخلو 
سفيان منطق بوالو كتافا غي بابتسامة خفيفة : مرحبا بياا عند عارضة دالازياء ديالنا
كاميليا :هه تفضل..
دخلو بجوج قترحات عليه واحد لمكان هادئ جلس فيه بينما هي دخلات لغرفة الخاصة بتجهيزها باش تقدر تكون جدابة امام عدسات لكاميرا...

كانت جالسة فالصالون كتاكل فضفارها وبالها معااه. .من لبارح مشافتو
نطقات وهيا كتردح برجليها : فينو علاش بااقي مفااق 
كنزة جات موراها : مالك ابنتي. .اشنو واقع .كتهدري بوحدك
ريماس تلافتت عندها :هاا..احم صباح الخير 
كنزة جلسات مقابلة معاها وجها شاحب وتحت عينيها سود بين عليها كانت كتبكي : رتاحيتي فالنعسة ابنتي 
ريماس : اه رتاحيت... شكراا 😊
كنزة بتاسمات ليها : هادشي لبغيت. .. نسولك ابنتي 
ريماس بارتباك : تفضلي. .مرحبا اخالتو 
كنزة : احم شحال ونتي كتعرفي فااروق 
ريماس معرفات بااش تجاوب بقات ساكتة كتلعب بايديها. .يله جات تنطق سمعات صوتو. .
فاروق :صباح الخير 
ريماس محساتش على راسها امتى وقفت كتباتسم لييه :صباح النور 
كنزة لاحظت شوفات ريماس لفاروق :الله اخليكم لبعضياتكم اولدي 
فاروق كيمسح على شعرو لباقي مبعثر بسباب النعاس : لواليدة حنا مبيناتنا والو فيقي من احلامك الوردية 
ريماس رجعات جلسات كتشوف قدامها وعلى ملامحها اليأس بقات غي ساهية والدموع على طرف شفارها مسمعاتش صوتو لكان كيفيق فيها 
فاروق :هييهه نتي فيين مغيبة
ريماس تلافتت عندو مفزوعة : هاا
شدها فايدها بحال لبنيتة وتم غادي بيها لطابلة دالفطور. .عاد تبعاتهم كنزة عاجبها الانسجام لبيناتهم وخا ولدها ممعتارف بواالو.. جلسو كيفطرو فجو زويين الا ريماس بقات مرونة بسباب هدرتو لمبغاتش تحيد من مخيلتها ..
كنزة وجهات كلامها لريماس : كولي ابنتي مالك ساهية 
فاروق :كتسنا مني نوكلها واقيلة 
ريماس شافت فييه : هااا
فاروق مخلاهاش تكمل هدرتها شد طرف من بتيباا خشاه ليها ففمها : كولي شوية ونتي كارمة بحال السلك 
ريماس كتمضغ نطقات وفمها عامر : علاش فورمتي خيباا...😢 
فاروق : لا بالعكس. ..احم قصدت مزياان 
ريماس بلاما تحس ترسمات على وجها ابتسامة خفيفة كدليل على سعادتها فاش جاملها ..هاد الحركة لي لاحظتها كنزة. .جمعات الوقفة وخلاتهم بجوج كيفطرو على راحتهم وهوما كيتبادلو اطراف الحديث لدرجة محسوش عليها امتى ناضت من حداهم. .
ريماس شافت جيهت فمو : مسح هناا 
فااروق هز لمنديل: فيين غادي نمسح
ريماس :هههه بلاتي 
خدات من ايدو لمنديل عاد قربات ليه جيهت فمو كتمسح ليه و عينيها فعينيه. . فاروق بقا ساهي فيها كيشوفها اشنو كتحاول دير محسوش على راسهم وهوما كيقربو كتر لدرجة شفايفهم مبقا كيفصلهم إلا بعد مليمترات ...يله غادي ادور ايدو على عنقها اقربها لييه قاطعهم صوت موراهم قفزهم بجوج. .
كانت كنزة جاية فايدها شي وراق باغا توريهم لفاروق. .
ريماس جمعات الوقفة كتفادا النضرات لكتختارقها وجها ولا بحال قرعة دالكتشوب ملاقات غي تهرب جاها انسب حل. .خلاتهم بجوج كيشوفو فبعضياتهم 
فاروق ناض عندها كيمسح على راسو بارتباك :اش كين الواليدة 
كنزة : اممم مابيناتكم واالو... قلتي هاا
فاروق بغا اغير الموضوع : اش هادا فايدك 
كنزة هبطات عينيها لوارق : هادو لممتلكات لخلا لييك بااك ومبغيتيش تستاغلهم بحال خوك لمعندي علييه حتى خباار كنتمنى نعرف مصيرو صعيب علياا نعيش بحال هاكة معرفتو حي ولا ميت هييء ..😢
فاروق باس على راسها : انشالله غادي اكون عيش خصنا نخليو ايمانا قوي. ..وعلى قبل هاد الوراق غي رجعيهم ممحتاجهمش
كنزة : ولكن اولدي. ..
يله جات تكمل هدرتها قاطعها : مكين ما ولكين ...غادي نخرج دابا ردي لبال لريماس حتى لعشية عاد غادي نرجع نديهاا...
كنزة : كون هاني اولدي...غادي نرد ليها البال متخافش
فاروق كتافا بابتسامة عاد طلع لفوق بدل عليه و خرج تحت انضار ريماس لجالسة على حافة دالبالكو كتطل علييه. .بقات متبعااه حتى ديمارا بالوطو تنهدات بصوت مسموع
نطقات وهيا كتشوف لبعيد : كنتمنى منتعلقش بييك كتر من هاكة. ..ريماس لمرابطي ولات كتحس بعد هاد الوقت كامل ونسات شي حاجة سميتها الاكتئاب 😢. .معجزة

وقف بالوطو قدام بوابة دالقصر بلاما اتلافت عندها نطق مورك على كلامو : نزلي 
سنايا شافت فييه : هااا 
خبط ديريكسون بعصبية : قتلييك نزليي... ودابا
سنايا قفزات من صوتو جاها بحال البركان لكيغلي ..فيساع عاقت على راسها ونجاة بعضامها حد ما هوما صحاح...
يله غادي تمشي قاطعها بصوتو بعدما نزل : وقفي بلاتي 
سنايا تلافتت عندو وعينيها فعينيه : اشنو كين تااني 
ازار باستهزاء : هزي علياا شطايطك من لكوفغ 
سنايا تمات جاية فاتجاه لكوفغ : اه نسيت سمحلي 
ازار بقا وااقف كيشوف فيها حتى خرجات لفاليز بزز معندها صحة شافها باقا معاقرة تنهد وخداها ليها هبطها. ..بان ليه واحد من لكارد وصاه ادخلها لييها حتى لباب دالقصر 
سنايا حدرات راسها بغات تكمل طريقها حتى كتحس بايدو شداها : ماالك
ازار قرب ليها كتر موجه صبعو لييها : من هناا لقدام حضي رااسك مني حيت مبقيتش غادي نتحكم فييه 
سنايا كترجف فبلاصتها كتستغرب من انفصام الشخصية لعندو مرة حنين.. مرة هادئ ومرات بركان اجا ميطفييه وهدرتو كتجرح بحال لخنجر ...
طلق منها عاد مشا ركب عاود قفزها بصوت تكشاط روايد تنهدات بقلق اول حاجة دارتها دخلات لقصر خدات سكوترها ركباتو وخرجات للوجهة عند ختها تشوفها كيف بقاات ...

نبدلو البلاصة. ..
كانت جالسة مشغولة ومنغامسة فالنقااش على أمور الامتحان والالتباسات لعندها على شي كووغ...
خلود كتشرح ليهم حسب لفهم ديالها : وهكدا غادي نقدرو نقدو لمريض بطريقة سريعة. ..هاد الخطة كتسمى الأولى كبديل للحالات طوارئ رااك عارف. .
أحمد : هممم شكراا فمهت اشنو بغيتي تقصدي
ماريا : خلود وااش باقي عندك فكرة انك تسافري برى على قبل تكملي تخصص لقلب 
خلود رشفات شوية من كأس دالعصير جوباتها وهيا كترجع فييه لطابلة : اه باقي عندي هاد الفكرة. ..وناوية نقدها ...
يله غادي تزيد تفسر لييها قفزها بعجاجتو 
عمار : اوووه مراتي لعزيزة مجمعاا لياا مع أصدقاءها
خلود شافت فيه نطقات بالشوية : اشنو كدير نتاا وااش باغي تشوهنا
ماريا : هادا راجلك ا خلود. ..مشالله بان حسن على مكنتي كتعاودي ليناا😍
خلود كتحمر فييها نطقات بهمس : جمعي عينيك على راجلي. .
عمار شاف فأحمد : يكما صدعتكم وخسرت لييكم لجلسة. .اووه نسيت كتناقشو فامور لقراية 
وجه كلامو لخلود نطق من تحت سنانو : لقارية وتقزيبة لاش هاا وااش باغا تجهلي ديمييي ولا شنوو. .جمعي لوقفة بلاما نخلط بنتي هناا نخلييك فراجة
خلود قلبها كيشطح بالخلعة : وااش حماقيتي. .نااس كتشوف فينا
عمار غوت حتى قفزها: اكيد غادي تشوف فينا ونتي لابسة لياا هاد الحالة. ..نوضي حدما دير معااك لخاطر 
أحمد : مسيو عمار متعقدش الأمور 
محسش على راسو حتى شنق علييه : نتاا غادي دخل سوق جوااك ...ممحتاجش شي واحد اقولي اشنو ندير مراتي وانا حر فيها
خلود كتحاول تفكو منو : اويلي طلق. ..رخي منو اشنو دار لييك 
عمار ما ململش ايدو نطق وهو شانق علييه : بقاا فييك يااك. ..هاا يكما بيناتكم شي حاجة وانا كضحي علياا 
خلود مقدراتش تحمل اهاناتو خدات ساكها وخرجات كتجري. .شافها اشنو دارت رخا من أحمد حتى طاح على لكرسي وماريا كتعون فييه اوقف..
عمار خرج على برى كيجري قبل تركب لوطو ديالها جرها من ايدها لعندو ركبها لوطو ديالو وكسيرا للوجهة دالبحر تماك فااش غادي اقدرو اتناقشو واحلو مشاكلهم ..طول الطريق وهوما ساكتين من غير صوت ريح. .فرانة بجهد نزل وتلافت عندها حل عليها الباب نزلها..قدام لوطو عاد دورها عندو. .
عمار : اشنو كتحاولي ديري هاا...كنحاول منمدش علييك ايدي ولكن نتي لفراسك فرااسك 
خلود مقدراتش تحبس دموعها. .بدات كضرب ليه فصدرو : اشنو كيحسابليك رااسك. ..ديما لبغيتي تمرمدني ديرها وانا خاصي نسكت هاا وااش عند باالك مكنتأترش بهاد لفعاايل 
عمار : ولكن ..
قطعاتو بايديها : بغيت نقول شحال من حاجة عييت صابرة 
عمار بقا ساكت عرفها مجروحة مبغاش ازيد عليها 
خلود نطقات بصوت هادئ مع بحة أنثوية : كنت باغا نبغييك. ..كنت كنشوفك لبطل ديالي لمن شحال وانا كنحلم بييه فالسر حتى واحد معارفو من غيري. ..كنت غادي نحتارمك ونبغييك بكل نبض فقلبي ..كنت غادي نهتم بكلامك وعمري نجرحك حيت بعد مدة طويلة وليت كنتخايل بحال الناس ...بعد زمن طويل غيرت رااسي وحاولت نفااتح ونلبس الألوان بحال الناس..فخبارك شحال كان صعيب علياا هاد التغير ولكن حيت نتاا معايا حسيت بالقوة ...عمري ضنيت انو مركز القوة غادي اولي نقطة ضعفي صاافي فااض الكاس انا ماشي مونيكة كتلبي حاجاتك فقط حتى انا روح كتحس بلي دير بيها ملي عارف راسك بااقي كتبغي مرتك الأولى علاش كتوهمني بالامال وفالاخير كتصدمني..
عمار شاف فعينيها بحر من الدموع كتحاول تخبيهم. .بغا أقرب ليها اشدها من دراعها :خلوود 
بعدات عليه : متقربش لياا...انا مقلتش لييك هاد الهدرة باش تشفق علياا انا قلتها بااش نرتاح ونزول هاد الغمامة لفقلبي. .زواجنا وصلات مدة انتهاء صلاحيتو وحسب العقد انا مبقيتش مرااتك

بعدات عليه : متقربش لياا...انا مقلتش لييك هاد الهدرة باش تشفق علياا انا قلتها بااش نرتاح ونزول هاد الغمامة لفقلبي. .زواجنا وصلات مدة انتهاء صلاحيتو وحسب العقد انا مبقيتش مرااتك..
عمار سكت شحال عاد جاوبها ببرودة : ماشي بهاد السهولة امدام خلود عمار لمرابطي ...
جبد من جيبو شي وراق فتحهم قدامها : هاكي قرااي هاادو ولا تقدري تستاعني بالمحامي لمفهمتيش 
خلود : اشنو كتحاول دير ..هاا
عمار : نتي امدام غادي تبقااي تحت ذمتي وحسب العقد حتى تكون عندي الرغبة بااش نهي هاد الزواج عاد نقدر نهييه ودابا مكيناش عندي هاد الفكرة بالمختصر المفيد بلاصتك حدا رااجلك ...دابا كنحس براسي دير معااك لخاطر فوق لقياس ولكن هادشي ممسلكش 
خلود : نتاا متقدرش دير فياا هااكة 
عمار بتاسم باستهزاء : سيي نديرها علاش لا..ياك هادشي لكتقلبي علييه ...باغيا لحرب انا مولاها
خلود بدات راجعة باللور والدموع كتطيح من عينيها بلا اصدار صوت لبكا. .ممتيقاش كلا نهار كتصدم بشخصيتو الماكرة مبقات فاهمة واالو : وليت كنكرهك. .متقدرش تخيال شحال 😢
عمار مسح على راسو وجرها لعندو : شش. ..إلا بقيتي كتفكري بزااف غادي غي تعصبي رااسك وانا مبغيتش مرتي تعصب
خلود كتحاول تفك ايدها منو : وااش حااس براسك مزياان. .مؤخرا تغيرتي بزااف وااش كتحاول تنتاقم مني ولا شنو 
عمار باس جبينها مطول فالبوسة عاد بعد عليها : انا متبدلتش هاكة شخصيتي متزاد والو ومتغير واالو 
خلود بعدات عليه بعجرفة مدورة وجها لجيهة لخرا مكتشوفش فييه : بغيتك تطلقني حناا متفقناش على هادشي 
عمار قبطها من دراعها بسيف لدرجة صباعو تغرسو : اخر حاجة تحلمي بيها هيا طلاقك مني كتسمعي...نسااي هااد الموضوع حدما مهدن معااك ...متحاوليش تجبديني ودابا هدرنا بزااف على مايبدو خااص نمشيو للبلاصة لوليتي كتنتامي لييها ولي هيا حدا راجلك 
خلود شافت فييه بغيظ وعينيها كيطلقو لكره : عمرك تحلم تفرض علياا شي حاجة. ..متنساش إلا كنتي نتا عمار لمرابطي. .فانا خلود ترك وهاد السمية كافية بااش تخليك تاخد الحدر مني ...ودابا ممكن ترخي مني حيت قصحتيني
عمار دار داكشي لقالت خلاها غادا وعينيه عليها ديما كتزيد تجدبو بشخصيتها لقوية كيحسها جليد صعيب اتهرس وهاكة عاد مكتزيد تقربو فبلاصة متبعدو ..
بتاسم على راسو هو بنفسو مبقا فاهم واالو فشخصيتو عساك هيا. .
قبل تركب وقفها بصوتو : تساانيي..
خلود شافت لعندو كتسناه اهدر وبالها مع لهدرة لصدمها بييها : اشنو نسيتي شي حاجة مقلتيهاش لياا هاا. ..يكما غيرتي رأيك وباغي تنهي هاد الزواج كيف طلب منك 
عمار كيصفق بشكل استفزازي : اووه وااو مراتي كتحاول تعصبني واخة عرفاني مغاديش نطلقها ...هههه كتعجبني هاد قصوحية رااس لعندك وااخة خاصها تهرس حيت انا كنشرق وهيا كتغرب
خلود قالبة خليقتها :دابا عيطتيلي بااش تسمعني هااد المهزلة
عمار دار اماءة بايدو باش تقرب لعندو : اجي لهناا
خلود قلبها قفز من بلاصتو حيت عارفة شوفاتو وحفضاه. .مبغاتش تمشي خيفا لتضعف قدامو 
عمار : وااش خاصي نعاود هدرتي 
خلود تنهدات بقلق عاد تمات ماشية لعندو وتوتر ماليها من صبعها صغير حتا لراسها بزز باش قدرت تحكم فرااسها ملي وقفت قدامو مبغاتش تبين لييه ثأتير لحظة قربها لييه كيفاش كتخلي قلبها كينبض وكيتزاد فوثيرة دقاتو. .
عمار خشا ايديه فجيابو كيطلع فيها واهبط : هاديك الساعة خرجي متلبسي واالو مالك تمحنتي 
خلود قالبة وجها مكتشوفش لعندو بقات غي ساكتة منطقات بواالو شيء لخلاه اتعصب وخا حاول اتحكم فييه. .خدا ايدها طلعها لعندو باسها من لداخل حتى رجفات : اخر مرة نشوفك بهاد اللباس. .ملي نخرجو بجوج عاد عندك لحق تلبسيه ..مبغيتش شخص آخر اشوف فييك بنظرت إعجاب ولا.... عرفتي شنو طلعي لسيارة قبل نصدقو فشي طاب وشي مطاب ..حمدي الله حيت ضبطت راسي وما وريتك لعصا لكانت كتسنااك. .
خلود : علاش مهتم ...نلبس اش بغيت فااش كيهمك امري 
عمار : لا نتي باغا طرحت دالعصا مفيهاش ...وااش كين شي راجل غادي ابغي مرتو توري لحمها لسوى ولي ميسوااش ..هااا
خلود نطقات بالغوات : صاافي بااركةة كنهدر على فااش كتهمك خلود مااشي مراتك لمن صباح ونتا كتعاودها لياا 
عمار عرفها لاش كتلمح ..قبط ايديها بجوج : باغا تعرفي اشنو كتعني لياا خلود
هزات راسها باه : و بغيت لجوااب دابا 
عمار بتاسم : خلود نور جديد دخل لحياتي بعدما كانت مظلمة..منكرش انو كنت كنكرهك فالاول حيت مبغيتكش تطفلي على حياتي ولكن دابا صدقيني وليتي عنصر مهم منها..معارفش نوع مشاعيري اتجااهك ولكن لعارف مخاصكش تمشي وتخليني حيت وجودك حدايا هو لكيعطيني الطاقة بااش نفييق الصباح بهدف نحقق أهدافي لباغي نوصل لييها ...كنتمنا تنسااي لفاات ونبداو صفحة جديدة 
قبل اكمل هدرتو نترات ايديها منو عرفاتو مكيبغيهاش ..من ناحية عجبها تصرفو حيت واجها بالحقيقة ومن جيهة أخرى حسات بغصة فقلبها حيت كان كيحساب ليها كيبادلها نفس الشعور ..

مخلاتش لييه لوقت فين ازيد اهدر مزال. .مشات بخطوات سريعة تجاه لوطو ركباتها مدورا وجها لجيهة النافدة حتى حساتو ركب عاد تكمشات فبلاصتها كتر كتحاول متسمعش صوتو حيت دموعها على طرف شفارها ومبغاتش هادشي اشوفو ..
عمار لبدورو مبقا فااهم واالو بااغي اخلي كولشي لوقت بوحدها لتقدر تلقى حل لعلاقتهم يا اما تبعدهم كتر من هاكة ولا تقربهم وتملئ لمسام لمفتحة لخلاتهم انساحبو من هاد العلاقة ..

نبدلو البلاصة. .

سنايا وقفات بسكوترها قدام الفيلة ..نسلات الكاسك كتشوف هاد المكان كيف كيبان مهجور بحاليلا فاارغ أعوام هاادي ..تنهدات بعدم راحة نزلات من فوق السكوتر عاد قدات الصكادو ديالها قصدات الباب بان لييها مفتوح ستغربات ..تقدمات بخطواتها كتر كتكتاشف بعينيها اشنو وااقع ..دورات عينيها لجيهة ليمن باانت لييها شقراء شعرها مرمي على وجها وتصاور دايرين بيها. .تأسفات على حالتها بزااف مشات لعندها كتطلب الله اشوف من حالها وافك هاد الغمامة عليها..قربات ليها كتر. حتى هبطات لمستواها 
سنايا : حبيبة دقلبي ..لبااس علييك
يارا هزات عينيها فيها : جيتي 😢
سنايا بدون سابق إنذار عنقتها خشياها بين دريعاتها مقدراتش تمساك وتبين قوتها قدامها : صاافي احبيبة مديريش فبالك ربيي كبير متنسايش هادشي. ..متأكدة ربي غادي افاجيها غي خلي ايمانك قوي ومتستسلميش بالمرة
يارا بعدات عليها كتمسح دموعها : غادي تعاونيني بااش نلقااه يااك
سنايا باست جبينها : اكييد ..بما انو الجثة بااقي متلقاتش فكين أمل كبيير انو مزال عاايش 
يارا جمعات الوقفة : يله نمشييو نقلبو علييه هييء ضروري نلقااوه
سنايا وقفات حتى هياا : اول حاجة غادي تدوشي تفكي هااد الحالة 
يارا : ممسلياش ندوش مبغيتش نديع الوقت 
سنايا شداتها من كتافها بجوج : وااش حماقيتي غادي تبغي أمير اشوفك هااكة مستسلمة ومنهازمة على الأخير 
يارا : حتا تطلبي سماحة من بابا وماما حيت جريت علييهم ميبقااوش ديرين بياا
سنايا بتاسمات : مديريش فبالك اكيد مغاديش اكونو مقلقين منك حيت عارفين ظروفك
يارا دموع على طرف دشفارها : شكرا حيت جيتي ..كنت محتجاك تكوني حدايا
سنايا رجعات عنقاتها حسات براسها حتى هيا باغا تبكي تفرغ كااع دكشي لفقلبها بسيف باش تملكات راسها وبعدات عليها : انا ديما معااك..معندك منااش تخاافي
يارا كتفات بابتسامة شاحبة كتطلب الله فخاطرها أحقق ليها امنيتها وتلقااه عاايش كيف حاسة ..تمات غادا بيها سنايا لداخل موقفات بيها غي على باب دالحمام 
يارا : هبطي كولي لييك شي حاجة. وجهك صفر 
سنايا هزات راسها بلا : بلاش انا بيخير. ..دخلي دوشي يكما بغيتي نقادو لييك
يارا : لا مكين لاش..انا خاص نكون قوية بااش نستقبلو فدارو 
سنايا : تماما ...هاكة نبغيك يله سربي غادي نتسنااك لتحت 😊
يارا كتفات بالسكات دخلات نيشان للحمام خدات دوش دافي تكمض عضامها ...
بينما سنايا هبطات لتحت كتشوف بعينيها كيفاش الروينة معمرة انحاء المكان والزاج مرمي على الأرض. ..بانت ليها الخدامة يله داخلا
سنايا : سمحيلي نسولك
الخدامة مشات لعندها : نعام الالة 
سنايا كتحاول تجبد منها شي معلومة لتقدر تفيدها فشي حاجة : اخر مرة شفتي مسيو امير اشنو كان واقع 
الخدامة : كان نازل من دروج ..ملي شفتو باان لياا كيشوف بعينيه فأرجاء المكان بحاليلا كيودع هاد البلاصة. ..من بعد خرج ركب سيارة ديالو وللأسف جاتنا خبارو أنو نتاحر 
سنايا : اممم شكراا ...ممكن تجمعي معااك هادشي 
الخدامة : وااخة الالة ..كنت بغيت نجمع هاد الروينة مدام يارا لمخلاتنيش 
سنايا طبطبات على كتفها : عذريها ماشي لخاطرها
الخدامة حدرات راسها ومشات تشوف خدمتها. .خلات سنايا كتسنا فختها بقات غادة جاية حتى بانت لييها نازلة 
يارا قربات لعندها كانت لابسة كسيوة حد الركبة سامبل فالازرق سماوي وجامعة شعرها لجيهة وحدة مواضعة حتى غرام من المكياج على وجها حيت مكينش الوقت فيين تفكر فييه. . 
سنايا هبطات عينيها لصبيبيط : مزيان خاصك تلبسي غي لبلا على قبل لحمل ديالك 
يارا بتاسمات وهيا كتشوف فييه : كان شراه لياا أمير 
سنايا عنقاتها من دراعها : يله نخرجو 
يارا كتفات بالسكات تمات خارجة مع سنايا وايدها على كريشتها لبدات تباان ..موقفو حتى لحدا سيارة كانت مبلاصية عمرها تستخدمات مكانش كيخدم بيها أمير 
يارا : يله نركبو هادي. .السكوتر البرد عليناا 
سنايا : عندك الحق. .نتي حاملة منقدرش نغامر بييك 
ركبو لوطو عاد ديمارات لجيهة دالبحر على الله القااو شي حاجة لتنفعهم .خصوصا سنايا كانت كلها حزم و أمل بااش تفرح ختها وترجع لييها السعادة لتسلبات منها 
طول الطريق والصمت سيد المكان كانت يارا شاردة و عينيها مغرغرين بالدموع لدرجة الضبابة مسيطرة علييهم ...
سنايا فرنات حدا مكان لحادث : ها حناا وصلنا موجودة دابا 
يارا شافت فييها :انا موجودة 
سنايا طبطبات على ايدها عاد نزلات كتبتاسم. .دارت عندها شداتها من ايدها ديرا معاها لخاطر بحكم انو حاملة

كان جالس وقدامو البيسي ديالو حتى قاطع تركيزو صوت سيرفور : مسيو اشنو تبغي تشرب 
ازار نطق بلاما اهز عينو فييه: كيف ديما
السيرفور : داكووغ مسيو 
ماشي بزااف دالوقت حتى حط قدامو لكافي ديالو كيف كيبغيها ..داز الوقت وهو مشغول وغارق بتركيزو فداكشي لقدامو ..حس براسو بدا كيجيه الارهاق هز ساعتو اليدوية شاف الوقت لمدير معااه هو هادا. .يله غادي اخسر ملامح وجهو .. 
قاطعو صوت جاي اتجاهو: كيف ديما عمرك بدلتي هااد العادة 
ازار هز عينو فييه سرعان مترسمات على وجهو ابتسامة : اهلان اهلان عااش من شافك واخيرا جا النهار لبنتي فييه 
جمع الوقفة سلم علييه بالكتف مع تعنيقة رجولية : لبااس علييك
بادلو الابتسامة : هاد الساعة من الحامدين شاكرين 
ازار جلس : هادشي لبغييت فرحت حييت شفتك 
رشف من كأس دالقهوة لكان طلبو ازار : بااقي كتبغيها قاصحة الوقت مبدلاتش ديفل
ازار : هههه وحتى نتاا بااقي ديابلو لكنعرف ...مدة طويلة متواصلنا يااك كولشي مزياان
ديابلو تنهد : نقدرو نقولو مزياان ...حمدالله على كل حال
ازار سد البيسي لقدامو : علاش اش وااقع
ديابلو : أمور عائلية مبغيتش نصدع لييك رااسك 
ازار : اشنو كتقول ا لعشير حنا مكتجمعنااش غي الخدمة واقيلة بيناتنا صداقة متينة اولا 
ديابلو : ههه مكدبتيش ...اجي مغادي طلب لياا والو باقي ممصوابش
ازار : ههه استسمح يله كنتعلم بالشوية بالشوية 
تلافت عند سيرفور طلب منو كاس دالقهوة كيف كيبغيها ديابلو بحكم كانت كتجمعهم عشرة قديمة وعارف ذوقو كيف غادي اكون..
أثناء الحديت ديالهم حط سيرفور طلبهم ومشا 
ديابلو : فيين وصلتي فهاد القضية لغادي نشيبو بااش نوصلو لهدفنا ..
ازار نطق وهو كيشوف لبعيد : قريب غادي نحلها ماشي أي حاجة كتغلبني ...قريب قريب 
ديابلو خدا من عندو شي ملفات كان حاطهم قدامو : وصلوني هااد المعلومات من المركز راجعتهم مزياان ..مهميين وغادي احلو ليينا بزااف دالالغاز ضاهر أنو هادو خلية ماشي ساهلة واكيد متفرقيين وبلا شك انهم متنكرين تحت شخصية عادية مكتيرش الانتبااه
ازار : عندك الحق هادشي كولو فكرت فييه. ..ولكن كيعجبني تحليلك لأمور. ..كيف ديما العشير 
ديابلو : مكضنش انو جا الوقت نعرفو بعضياتنا بأسماءنا الحقيقية ...صداقتنا غريبة ههه
ازار : هادي هياا خدمتنا ماشي كولشي كيسمح لينا نديروه. .اشنو مزال معارفش على حياتي
ديابلو رشف من كاسو وعينو على الوراق : لعارف انك ملاكم مشهور ...هادشي صافي من غير أنك عميل سيري و قائد الفرقة دالبحت لمهتمة بهاد القضية 
ازار : اوضي. ..اوا اسيدي الاسم الحقيقي ديالي ازار لمرابطي 
ديابلو وحلات لييه بدا كيكحكح وحدة مور لاخرة. ..شرب الما فيساع عاد هز عينو فييه : ك كك كفااش 
ازار مستغرب: ماالك شفتي جن قدامك 
ديابلو : اشنو كتجييك ريماس لمرابطي 
ازار : اه ...ريماس .بنت عمي علاش 
عاد سرى معااه لبلان : اجي فيين كتعرف بنت عمي 
ديابلو : احم. .و واالو ماشي شي حاجة 
ازار مصغر عينيه فيه : متأكد...عارف راسك مكتعرفش تكذب 
ديابلو كيمسح على راسو : صافي بديتي تااني 
ازار : ونتاا اشنو سميتك نقدر نعرف عائلتك 
ديابلو : فاروق. ..فاروق بناني
ازار شداتو لكحبة هو الآخر شاف فيه مخرج عينيه : ك كك كفااش ...اشنو كيجيك امير بناني
فاروق نطق سارح بتفكيرو لبعيد : خوياا 
ازار : واشنو قاديت بنت عميي ..فراسك خوك كان خاطفها باش نتنازلو على المناقصة 
فاروق حادر رااسو : انا لكنت خطفتها 
ازار : ولد لحراام ...صاحبي وغدرتيني خاطف لياا بنت عمي مصدقتيش ...دابا اشنو ندير نعطيك شي كروشي ولا شنو ختاار 
فاروق : مالك غادي دير لياا طياارة لسمع خاطفها اقول هناا نباات ديك بنت عمك مسكينة مكانتش شيفا دنيا عاد حسات بيها عطياها لدوران ..قالك خاطفها كتقصد دير ليها السياحة 
ازار : هممم وفينها دابا ..قالي عمار عند صاحبتها 
فاروق : احم شكون عمار 
ازار : خوها
فاروق : رااه عندي دابا ..قاتلك مبغاتش ترجع لدار هاد الايام حتى ترتاح نفسيتها 
ازار فكر بصوت مرتافع : اييه الالة ريمااس بقا كيف نتيي ..لكدوب كتفهمي فييه 
رجع شاف ففاروق : تهلا فييها ..نسمع منها كنتي كتعدا عليها نحيي عشيري ..عرفتي شنو غادي نمشي معااك نرجعها معايا لدار 
فاروق : هدرتي بزااف .ديك البنت ماهيا ختك ماهيا بنتك انا لمسؤول عليها ودابا هنينا خلينا خدامين 
ازار شاد كااس دالقهوة بايديه بجوج كيبتاسم: اييه اسيدي سمح لياا ديرونجيتك مع صديقتك الجديدة 
فاروق شاف فييه بنص عين : الله ما طولك يارووح. ..وقيتة دالغدا ..خلينا نتغداو عاد نمشيو
ازار تقاد فالجلسة : كنتأسف على داكشي لوقع لخوك ...بقا فياا بزااف وخا معرفتش السبب علاش دار هاكة ..
فاروق تنهد : حتا انا معرفتش ...كنتمنى نلقااو لجثة ديالو على الأقل نعرفوه واش عيش ولا ميت ...مع العلم كنتمى من الله اكون بيخير 
ازار طبطب على ايديه: اكون خير انشالله. ..عاقل فاش كنتي كتعاود لياا علييه ديما مصدعني بخويا الصغير

ازار طبطب على ايديه: اكون خير انشالله. ..عاقل فاش كنتي كتعاود لياا علييه ديما مصدعني بخويا الصغير فاش كنا فالجيش ..وحتى دابا غادي اكون عيش باش تصدعني بيه مرة خراا
فاروق كتفى بابتسامة شاحبة : كنتمنى. .
ازار طلب من سيرفور الغدا على ذوقو حيت هو وفاروق مكيختلفوش بزااف تقريبا نفس الذوق ..كملو غداهم فالهدرة على طول هاد السنين كلا واحد كيفاش قداها. .
داز الوقت جمعو الوقفة ازار هز البيسي ديالو والملفات لكان حاط قدامو بينما فاروق مشا خلص عاد خرجو على برى ..
ازار : فين غادي دابا..
فاروق : لعند لواليدة ناخد ريماس عاد نمشي لمغفر نسول على قضية خويا فيين وصلت 
ازار : مزياان غادي نمشي معااك نشوف ريماس 
فاروق : تشوفها ماشي تديها معااك 
ازار خنزر فيه : واش غادي توريني كفااش نتعامل مع ختي صغيرة ولاشنو 
فاروق : زيد ركب ختك الصغيرة مهلي فيها غي هني بالك. .
ازار ركب حداه بعدما كان ركب فاروق : همم هاحنا غادي نشوفو. ..
فاروق ديمارا باللوطو لوجهة دار كنزة : قلتي لياا سميتها كويين
ازار : مبغيتش نهدر فهاد الموضوع حيت وليت كنفاعل منو. ..عمرها كانت لياا برهوشة غادي تلعب بياا والمشكل عاجز على اني نعرفها شكون 
فاروق مبتاسم : يااك قلتي خاطب ..ديك الخطيبة شكون غادي اتزوج بيها 
ازار : وها تخسار لهدرة شكون قاليك تابعني شي زوااج فاروق : حالتك صعيبة ههه 
ازار : ضحك غي نتاا اما انا هاجرو 
فاروق : مديرش فبالك ..دابا تلقا هاد كويين لديرا فييك خبلة وتعيشو حياة سعيدة وتولدو لولاد بحال قصص رسوم سندريلا والامير 😂
ازار رمقو بتخنزيرة حارة : لا توحشتي لكمات ديالي ..
فاروق : الوقت بدلتني تعلمت نصد لكمات متخافش 
ازار فهم اش قصد : مزياان ...حاول تنساا الماضي وعيش حياتك كيف كنتي كتحلم بيها
فاروق نطق وهو مزير على ديريكسون : لكنت كنحلم نعيش معاها حياتي قتلوها وهيا فاحشاءها طرف مني. .مقدرتش نعتقها مقدرتش نوصل فالوقت المناسب ..
ازار تلافت عندو كتافا بالسكات عارفو مجروح بزااف ندم حتى فكرو فماضيه ..رجع راسو لور تنهد تنهيدة مطولا خارجة من القلب كيشوف هاد الاحدات لعاشوها مأخراا تمنى الوقت ترجع باللور كان غادي اغير بزااف دالحوايج وامكن من بينهم ليقاؤو بكويين لشخبط حياتو وعقدها كتر ماهيا معقدا ..

نرجعو عند سنايا. .
يارا : شفتي بااقي كيقلبو هييء كفااش وااش الارض نشقات وبلعاتو
سنايا مسحات على شعرها : شش ...صبري وعطي لراسك فرصة بااش تقدري تكوني قوية. .متافقيين 
يارا حركات راسها باه : غادي نحاول 
سنايا عنقاتها : هاكاك نبغييك. ..يله اجي معايا 
يارا : فيين غادي نمشيو مبغيتش نتعطلو خيفا ليكون رجع لدار وانا مكينااش 
سنايا مسحات دمعة كانت خانتها عارفة ختها مجروحة بزااف وقلبها عامر حزن ..بزز بااش كتحكم فراسها بااش متسقطش حتى هياا حيت واخة ديك سنايا لقوية لكتوريها لنااس كينا سنايا حسااسة و قلبها عامر بكاا كتماه بحكم مبغاتش شفقة دالناس ...ماشي اي واحد كيباان لينا ضاحك ومبتاسم على طول رااه سعيد امكن هاد الأشخاص هوما الأكثر تعاسة على الاطلاق ..
سنايا شدات فايد يارا وهوما هابطين من جيهة لخرى دالبحر هوادة بحال الهضبة كطل على قرية صغيرة كتبان كاملة من جيهة دالهضبة ...كملو طريقهم بحضر حتى وصلو للقرية. .
سنايا : يكما عييتيي
يارا هزات راسها بلا : على قبل راجلي نقدر ندير اي حاجة 
سنايا : اجي بعدا شمس علييك غادي نمشي نجيب لييك ما تاكلي متنسايش كيناا روح فالاحشاء ديالك خاصك تهتمي ييها وبصحتك
يارا حطات ايدها على كرشها : غادي نمشي معااك 
سنايا : يله اجي ...
كملو بخطواتهم حدا واحد لمجمع دالعيالات جالسين كينقيو الزرع و مفرشين الزرابي جالسين عليهم 
سنايا : سلام علييكم. ..سمحولي غادي نصدعكم .ختي حاملة ومواكلة والو الا جات على خاطركم شي حاجة بااش تقدر توقف 
نقزت وحدة من العيالات مرأة فالخمسينات : حشومة تقولي هاكة ابنتي .الا مهزاتها هاد العين تهزها هاد العين مرحبا بضيف الله. ..اجو معايا ابنتي
سنايا شدات فيارا : شكرا اخالتي
هدرو العيالات لكانو جاسين فدقة وحدة : غي جلسي دابا نعيطو لبنات اجيبو صينية حتى لعندنا ...
سنايا جلسات حداهم هيا ويارا : شكراا لهلا اخطيكم ..
المرأة : مرحبا بييك أبنتي دار داركم ..بين عليكم براانيين غي من لبسكم اشنو جابكم لهاد البلاصة يكما بااغين لحوت حيت تبركالله هاد القرية مشهورة بالحوت والصيادة اغلبيتهم ساكنيين هناا 
سنايا تقادات فالجلسة : احم بصارحة بغيت نسولكم على شي حاجة آخرا 
المرأة : على راسي وعيني قولي ابنتي 
سنايا شافت فيارا عاد رجعات شافت فالمرأة : وااش موقعش لييكم شي حادت هاد الآونة الأخيرة. .
المرأة : وضحي كلامك ابنتي 
سنايا: وااش ملقيتوش شي وااحد لاحو لبحر ...

يارا : عفااك جوبيناا اخالتي. .إلا كانت شي حاجة متخبيش عليناا 
المرأة : بلاتي نتفكر ابنتي..
وجهت كلامها لعيالات لجالسين معاها : وااش وقعات شي حاجة بحال هاكة 
هدرات وحدة منهم : سولو ابنتي الصيادة حنى مغاديش نعرفو بحالهم
يارا بدات كتبكي بصوت كيقطع القلب : عفااكم مغاديش نساا خيركم ...الله اخليكم لكانت عندها شي معلومة تعاوناا
المرأة : متخافيش ابنتي غادي نديكم عند وااحد الصياد هو القائد ديالهم اي حاجة كتوقع فالبحر عندو علم بيها. .ولكن علاش كتسولو هااكة 
سنايا : وااحد الشخص من العائلة. .وقعلو حادث فالبحر و متيقنااش انو ماات حيت باقي ملقاو الجثة ودابا أملنا الوحيد انو اكون البحر لاحو لعندكم ..
فهاد لاثناء جاو بنات دالقرية فايديهم صنيات والضيافة على الأشكال والأنواع كاترحيب بيهم حيت معروف عليهم الدار لكبيرة ..
المرأة : كولي ابنتي عتقي رااسك وديها فصحتك ..الله احجبكم زوينات مشالله. .
سنايا كتفات بابتسامة : عيوانتك لشافونا زوينين 😊. .
دوزو الوقت فتبادل اطراف الحديث واستقطاب أكبر قدر من المعلومات لتقدر تفيدهم باش اوصلو لهدف ديالهم..
يارا حاسة بقلبها مروع عليها مقدراتش تبقى مزاال جمعات الوقفة : يله اخالتي وريناا الصياد لنقدرو نسولوه 
المرأة :لأسف ابنتي يله قاتلي البنت مكينش اليوم فالقرية مشا للمرسة رجعو غداا على الله تلقاوه 
سنايا : انا مرسة دلونا نمشيو عندو ..
المرأة : مكرهتش ابنتي ولكن مبغيتش الصداع معااه حيت مكيعجبوش شي واحد الاهييه على خدمتو 
يارا جلسات حدى رجليها : عفااك اخالتي عاونينا نتي هياا أملي الوحيد باش نقدر نعييش 😢
سنايا مشات عند يارا وقفتها كتمسح ليها دموعها : شش مديريش فراسك هاكة. ..خلينا حتى نرجعو غدا غادي نجي معااك نمشيو نسولو الصياد تيقي بياا كولشي بوقتو زوين مخصناش نتسرعو 
يارا: وااخة.. 😢
المرأة : سمحيلي ابنتي هادشي لقدرت علييه 
سنايا : بالعكس شكراا لييكم ..فرحت بزااف حيت شفتكم. ..مكرهتش نهار عرسي نعرض علييكم كاملين مرحبا بيكم
المرأة : مبروك ابنتي هياا قريب تعرسي 
سنايا بهمس : حتا نلقى لعريس بعدا..😒
يارا ضحكها لموقف : يله نمشيو..مكتقشريش 
سنايا شداتها فايدها ودعات لعيالات عاد رجعات بخطواتها هيا ويارا لنقطة لبداية ...
يارا :زعما هادشي لكنديرو غادي اجيب نتيجة 
سنايا : كوني متفائلة ...انشالله مرادنا غادي اتحقق ..
يارا تنهدات مطولا : ياربي اميين ..

فالجيهة لخرى. ..
كاميليا كانت يله خارجة كتقاد حوايجها بحكم انها يله سلات جلسة تصوير. .
سفيان شافها سلات تم ماشي لعندها : على السلامة 
كاميليا : اووه عييت بزااف ...وخا هادشي كيرهق ولكن عندو نكهة خاصة 
سفيان : بالتوفيق فمسيرتك 
كاميليا : شكرا 😊...يكما عطلتك على شغالك 
سفيان : لا كنت فارغ هاد النهار من الاجتماعات وعلى قبل يارا لكنت باغي نمشي عندها ..سنايا سيفطات لياا مساج بانها مشات عندها يعني بلاش منمشي 
كاميليا : اه فمهت ...كنتمنى أنها تولي بيخير وتوقف على رجليها مرحلة صعيبة كتمر منها لاسف ..
سفيان : هادشي مكتاب
كاميليا : يله نتغداو واخة مشا لحال منها غدا و كوتيي ههه 
سفيان شاف ساعتو اليدوية : ولاهيلة بصح نسيت هاد الوقت. .يله نخرجو
كاميليا شدات فايدو مشبكا صباعها مع صباعو خلاتو غي كيبقلل تمات ماشية وهو موراها كيشوفها اشنو كدير...موقفو حتى لبرى 
كاميليا تلافت عندو : انا لغادي نسوك غي ركب نتاا. ..بغيت نديك لواحد لبلاصة زوينة طلعات لياا فاايباد ..
سفيان : خوديي رااحتك الالة 
كاميليا كتفات بابتسامة عاجبها لحال ركبات وتسناتو ركب من تما نطالقو للوجهة ديالهم فطريقهم خادو سندويشات دالكفتة من المحل لمخصص بطيابهم ..عاد كملو مشوارهم لفيين عارفة كاميليا موقفات حتى شافت جيبي إس دار إشارة ان هادي هيا البلاصة. .خرجات من السيارة كتشوف بعينيها و كتكتاشف المكان ..كانت حديقة كلها خضراء والوروود ألوانها زاهية كتعم المكان. .للمميز فهاد الحديقة انها مقابلة مع جباال وفيها الحيوانات. .
سفيان هبط كيقاد الجاكيط ديالو : زويينة هاد البلاصة عمري جيت ليها
كاميليا : إذن هادي هيا الفرصة 
رجعات شداتو فايدو وشوية خشات ايدها فدراعو سفيان مزولش عينو عليها كيشوف تصرفاتها لعفوية عكسها هياا لعيقا بييه كتحاول متشوفش فعينيه
عيات صابرة وهيا تهدر : هبط عينيك غادي تحواال 😂
سفيان :هههه نسيت راسي ..اري سندويشات ناكلوهم 
كاميليا : تسناني هاني جيباهم
سفيان وقف فبلاصتو متحركش حتى مشات جابت البلاستيكة لكين فييها السندويشات عاد رجعات لعندو ...
سفيان : يله نيت نديك لشي سبع اهنيني منك
كاميليا بغباء : هااا بصح 😢
سفيان شاف فيها بنص عين : جاتك الحالة عوتاني 
كاميليا : عندك ديرها 
سفيان :الله ياوضي على انا نقدر. .
كاميليا : عارفة رااسي عزيزة..😌
سفيان : هههه بااز لييك زيدي باركة من الهدرة 

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.