فريسة في أرض الشهوة الجزء 15

من تأليف Ikram Pancholi
2018

محتوى القصة

رواية فريسة في أرض الشهوة

ازار كان كيجغم من كأس دالويسكي وعينو على ايد سفيان لحطها على ايد سنايا. .كان كارز على قبضة ايدو كيصطانع لا مبالات..بانت ليه طلقات من سفيان ومشات داخلا جيهت لقصر. .محسش على راسو امتى تبعها ناوي على خزيت. .قبل تدخل للحمام زدحها مع الحيط 
سنايا هزات عينيها فيه نطقات بقوة : اشنو كدير 
ازار مكاليها بايديه. .بقا كيشوف فعينيها و اطلع واهبط فيها : مكانش عليك تلبسي. .كون جيتي عريانة حسن
سنايا كترجف وفنفس الوقت مبغاتش تبين لييه أن قربو ليها كيوترها ..تبتات راسها ونطقات بجدية : ممكن تبعد خنقتيني 
ازار زاد قرب ليها كتر مهبط راسو كيشوف فعينيها بحكم انها قصر منو : خنقتك ؟...هاداك لكاان حاط ايدو علييك عاجبك لحاال ياااك
سنايا نفعلات من كلامو ضرباتو لصدرو باش ابعد عليها : لا نتااا. .حمق مفيهاش. ..اشنو دخلك فياا واااش كتعرفني ؟...كنعرفك ؟ لا ...الوغ متبقااش تجي فطريقي كتقولي فينما ندور نتساطح معااك. ..ودابا شكون جاا عند لاخر 
ازار كان واقف كيحك فلحيتو باهتمام. .داير راسو كعما مسوق لكلامها ..خلاها حتى سالات كتنهج : ساليتي. .اشنو كنتي كتقولي بعداا 
سنايا حسات بالدموع تحجرو فعينيها. .ممتيقاش راسها أنها كتبغي واحد بحالو قلبو مصنوع من لحجر. .شافت فيه بنضرات عتااب : خسااارة !...حياتي مشات على واالو 
ازار عصباتو ببرودتها ..شد دراعها كارز عليه ومحاوط خصرها بالايد لاخرة حتى تأوهات. شاف فعينيها مباشرة مركز فشوفة : طواال لييك لساان همم. ..اشنو قلت لييك انا هااا..اشنو جاابك معندكش نفس 
سنايا تعصبات دبصح : رخي منيي ...رااك مقصحني
ازار : مزيان خاصك تقصحي
سنايا دورات وجها لجيهة لخرا مكتشوفش فعينيه : دادة طلبات مني نجي نحضر للحفل مبغيتش نخسر لييها...هادا مكاان
سكتات وهي كترجف بين ايديه وشفايفها فاضحين توترها وهي بين دراعو..تبتات راسها ورجعات شافت فيه : ودابا رخي مني بغيت ..نجمع حوايجي ندرق زلافتي من هااد لقنت 
ازار هاز حاجبو : احسن حاجة انك غادي تخوي
سنايا تجننات من كلامو ..تنترات منو بقوة حتى بعدات عليه كتنهج وصدرها كيطلع واهبط كتلهت غي بوحدها : اه احسن حاااجة
ازار بغا اعصبها كتر باش اشفي خليلو : هي لجمعتيهم دابا نيت
سكت وهو موجه صبعو ليها. .ورجع نطق بحدة : اخر مرة نشوفك قدامي ...هاد لمرة غمضت عيني لمرة جاية مغاديش نغمضهم 
سنايا بغات تعصبو ..قربات حداه ملاصقة مع صدور هازة عينيها لعندو. .نطقات ببرودة كتميل شفايفها بطريقة زوينة بلاما احس بقا متبعهم بعينيه : نتاا خااايف نبقى هنااا. ..حيت
سكتات وهي حاطة ايدها على قلبو عاد رجعات شافت فيه : كيتهز من بلاصتو فااش كنقرب لييه 
بتاسمات باستهزاء وبعدات عليه ببرودة خلاتو مفكسي عينيه عليها. .رجعات شعرها لور بطريقة متيرة وانتوية : اخر حاجة كتهمني هي نبقا هناا...اه نسيت مبروك زوااج مسبقاا 
كتفات بهاد لكلام ومشات دخلات للحمام خلاتو مزير على ايدو ومغمض عينيه كيحاول انظم نفس ديالو. .حيت حس بالاكسجين مبقاش كيدور فصدرو بالمرة ..تلافت أكمل طريقو صااعر..حتى جات عينو على عايدة واقفة مربعة إيديها. .كانت فكامل اناقتها صاية حد ركبة فيها فتحة فالوسط مع شوميزة بيضة وفوقها كااب فيه لهدالب انيق جااي مع لبيسة و مخليها تباان انيقة بلا قياس. .خصوصا تصريحة دشعر وهي جمعاه لفوق كعكة مناسبة ..جات غزالة بطبعها ديما كتهتم بلباسها ..
قربات حداه متبتة شوفة فعينيه : كتبغيهاا ؟
ازار باستهزاء : لواليدة ...نااس على برى شوية غادي ابغييك لواليد على قبل كلمة دالحفل
عايدة شافتو غادي وهي تشدو من دراعو : وااش فرحان بهاد زوااج ؟...كيهمني رأيك 
ورجعات وقفات قدامو كتسنى جوابو
ازار مسح على راسو بتاسم ليها بزز : اكيد فرحان. ..علاش غادي نتزوج إلا مكنتش فرحاان 
عايدة بتشكيك : عندي ولد وااحد بغيتو اعيش حياة مثالية و سعييدة
ازار باس على راسها : هاني خارج ...مديريش فبالك 
عايدة كتفات بتنهيدة وهي كتشوفو خارج من ملامحو بااين عليه مهموم...مبغاتوش اكون فهاد لوضع حيت فالاخير كتبقى أم وغادي تبغي لييه غي لخيير ..
يله اتمشي وهي تلمح سنايا خارجة كتمسح فدموعها. .و كتنخصص فصمت 
شافت فعايدا : بونسوااغ😊
عايدة كتطلع وتهبط فيها : كتبغييه؟ 
سنايا حسات بمااا برك ليها فركابي..شافت فيها مخرجة عينيها و صدمة بينا على وجها. .آخر سؤال توقعو منها : كك..كفااش 
عايدة قربات عندها كتقاد ليها شعرها حيت تخسر ليها : بلاما نسولك لجوااب واضح....معلينا إلا كان كيبغيك كوني أكيدة عمرو اخلييك ولدي وعرفااه اش كيسوى 
سنايا حدرات راسها بزز باش حابسة دموعها :هو مكيبغينيش. ..باش اخلينيي 
عايدة بتسمات نطقات وهيا ماشيا : لوقت كتبين كلشي 
سنايا تنهدات بقلق. .ستجمعات قوتها و رجعات للحمام مقابلة مع لمرايا كتقاد حوايجها وحالتها من جديد. .حتى سالات عاد خرجات فطريقها لبرى لمحات كاميليا خارجة حتى هيا
كاميليا شافت فيها : اووووه جيتي وااعرة...

كاميليا شافت فيها : اووووه جيتي وااعرة...كون كنتي عارضة ازياء بيناا اتسرقي كااع الأضواء 
سنايا بقا فيها لحال. ..كاميليا ضريفة وهي كتبغي راجل خاطب علاين اتزوج. .تنهدات و بتاسمات ليها : اه. ..نسيت مبروك عليك زوااج 
كاميليا رجعات ليها الابتسامة : شكراا. ..غادي تجي يااك 
سنايا كتفات بسكات مع ابتسامة خفيفة : غادي نكون مشيت للفرانسا..انقرى تمااك
كاميليا : اوووه...بون شااانس 
سنايا : مغسيي😊
هزات عينيها بان ليها سفيان واقف بوحدو كيجغم من كاس دالمشروب و كيدور فعينيه بين عليه كيقلب عليها : اطط نمشي عند سفياان خليتو بوحدو 
كاميليا حلات عينيها : بصح....وااش جاا😍
سنايا هزات راسها باه مع ابتسامة : يله سلمي عليه 
كاميليا : وااخة
مشات معاها كتجر فكسوتها زرقاء لكتجرجر فالارض بحكم انها طويلة ومعرية كلها من الظهر مع لكمام. .جات كيووت ومستيلية وشعرها لبوكلي جمعاه على جنب زاد بين جادبيتها مع أحمر شفااه لتقشعو من بعيد. .
كاميليا طارت على سفيان خلعاتو : واااو جيتي. ..شحال متشاوفنا
سفيان عاد فاق من الصدمة حيت كان ساهي. .بتاسم ليها ومد ايدو ليها...لكن كاميليا تجهلاتها ومشات عنقاتو وباستو على خدو حتى تطبع عليه لعكر 
سفيان بعد عليها مخرج عينيه : وااايلي...خطيبك اختي تكحازي لهييه مقااد على صداع
سنايا كتشوف فيهم حابسة الضحكة..خدات من سيرفور منديل عطاتو لسفيان باش امسح لعكر من على خدو 
سفيان هز عينو مخنزر
كاميليا نطق ببراءة : مدرت واالو😌
سنايا : هههه امالك اساااط بغاات ترحب بييك 
سفيان كيقاد لكول :ترحب بيا ماشي تلصق على وجهي كيلو دلعكر 😒
كاميليا ممسوقاش لهدرتو كل همها تنشط..نتبهات لعايدة وفخرية جالسين حدا لابسين بعاد على صداع. .حتى جات حداهم لحاجة و كملو حديتهم
سنايا : فين سهيتي
كاميليا : هاا....واالو 
شافت فسفيان : يله نرقصو ...عفااك عفااك 
سفيان شاف فسنايا مخنزر : وااش جيباني نربي دراري صغاار 
سنايا كتفات بضحيكة حتى بانو لغمازات ..سفيان فرح فاش شاف ضحيكتها مبغاهاش تقلق داكشي باش وافق ارقص مع كاميليا لدارت ليه خبلة روناتو فراسو بلبهلان ديالها 
سنايا خدات مشروب من عند سيرفور بغات تجرب تذوقو ..خصوصا انها كتسمع انه كينسي للحظة..وحتى هي فوضعية لا يحسد عليها بغات غي تنسا. .شدات للكاس فايدها تفكرات نهار مشات هي ويارا للبار وطلبو ويسكي..بقات كتضحك على لموقف 
يله جات تشرب حسات بشي واحد نتر منها لكاس .عينو مزولهاش عليها ملي رجعات للحفلة ..هزات عينيها فيه 
ازار ببرودة نطق وهو كيجغم من كأسا لخدات : لبراهش مخصهمش اشربو
سنايا كتقلا فبلاصتها بغات تدير ليه ضد..شافت فسيرفور ماشي عيطات ليه يله بغات تاخد كأس من عندو. .شدها ازار من معصمها مزير عليها علاين اقسمو 
نطق وهو موجه كلامو للسيرفور : نشوف شي قوااد منكم عاطيها شي كااس دلمشروب احسب راسو برى. ..لبغات شي حاجة عطيها عصير برااك 
سيرفور حادر راسو وهو كيسمع لكلامو : وااخة اسيدي 
ومشا أكمل شغالو واعلم صحابو بتعليمات ازار
ازار رخف من معصمها وتم غادي فايدو كأسها دالمشروب. .
وقفاتو بصوتها باين عليه نبرة دالبكا : ماااشي سوقك فاشنو نديير
ازار نطق وهو عاطيها بالظهر : الا بغيتي تشربي ..خرجي للبرى ولا سيري لشي بلاصة من مستوااك ..هناا معندناش بلاصة لوحدة بحالك
سنايا حسات برجليها فاشلين عليها ودموع كيشقو طريقهم على خدودها .خصوصا فاش شافتو غادي ممسوقش وكيتكلم مع جوج رجال بطريقة لبقة. .رجعات مربعة إيديها كتشوف فسفيان وكاميليا منوضينها برقص معلابالهمش ..مرة مرة كتشوف لجيهتو كتلقاه كيشوف فيها بنص عيين. .

فالجيهة لخرى. . 

كانت يله قطعات معاه..جات تحيد طابلية ديالها وهي تدخل ماريا بحال لعجاجة : ساطة مشا للحال..يله نمشيو 
خلود وجها شاحب : وييه تعطلت عيطلي عمار بين عليه معصب 
ماريا : بسيف ونتي نهار كامل هنا..خاصك تنظمي وقتك اصاحيبة ...متهمليش راجلك وزيدون ممخصوصاش من لفلوس باش تخدمي 
خلود خنزرات فيها : انا مكنخدمش على قبل لفلوس. .بغيت شي حاجة نساعد بيها لمرضى 
ماريا شافتها عيانة..قربات عندها : هاد الايام ماشي على بعضك..ماالك كتباني شاحبة 
خلود جلسات كتحس بخاطرها مروع عليها: امكن غي لعيا و صاافي
ماريا بتشكيك : اشنو كيضرك..قوليلي الأعراض 
خلود : واالو غي كتجيني دوخة وكنستفرغ كلا صباح. .امكن لمعدة 
ماريا مصغرة عينيها : امتى آخر مرة جاتك دورة شهرية 
خلود هزات عينيها فيها مصدومة : متقوليهاااش
ماريا ضربات على راسها : سيي
خلود مبنجة : خاصي نتأكد. .كفااش وااش انا طبيبة زعماا؟ 
ماريا : سولك نتي 😒...قاتلك لمعدة. ..مهم خاصك اختيار لحمل متعوليش دابا باش متصدميش
خلود وقفات تقابلت مع لمرايا كينا فالمكتب كتشوف فكريشتها. .بلاما تحس حطات ايديها كتحسسها : زعما. .نكوون 😍...واااش غادي اكون عندي بيبي 
ماريا كتشوف فيها مبتاسمة : نسااي دابا. ..ويله نخرجو راه مشا لحال 
خلود تلافتت عندها 

خلود تلافتت عندها :كحلتها. .ايبقى داوي فوق رااسي 
ماريا سبقاتها حيدات طابليتها حتى هي وخرجات على برى كتسناها..خلود هزات ساكها وخرجات من لمكتب فطريقها دازت على واحد لجناح خاص. .نتبهات للنفس لمرأة جالسة فوق سرير وشعرها مغطي وجها. .خلود تنهدات ودخلات لعندها : ماجدوليين. .لبااس 
ماجدولين تلافتت عندها ورجعات شافت قدامها منطقات بواالو 
خلود حاسة بيها كأيبة بزااف..تنهدات بقلق جات تخرج دخلات وحدة من لممرضات
خلود نطقات وهيا كتشوف فمجدولين: علاش كينا هنا
الممرضة : مريضة بديق تنفس فرئتين مسكينة ...شحال وهي هناا حتى واحد من عائلتها مزارها
خلود : اواااه..وااش مقالتش ليكم شكون عائلتها اقدر ميكونش فخبارهم هي هناا
الممرضة هزات راسها بلا : مقالتش ليناا..بين عليها كانت فصدمة حيت مكتهدرش بالمرة
خلود شافت فيها بقات فيها بزااف : خاص ضروري نعرف عائلتها. .ميمكنش تبقى هااكة 
الممرضة : وييه..انمشي نعطيها دواها
خلود بتاسمات ليها وخرجات..فحين ماجدولين دورات وجها لعندها مركزة مع خلود حتى غبات من قدامها. .
خرجات على برى لقات ماريا كتسناها ..تودعات معاها وركبات لوطو ديالها بزز باش خلاها عمار تولي تستعملها وتمشي بيها بوحدها ..
ماشي بزااف دالوقت بلاصات للوطو ودخلات للقصر كلشي غادي جااي كيتجرااو..عااد تفكرات ليوم ذكرى سنوية دتاسيس الشركة ..طلعات فالدروج قصدات نيشان بيتهم..حلات لباب بجهد حتى قفز عمار فاش كان واقف كيقاد لكرفاط قدام لمرايا 
عمار خنزر فيها : عاد تفكرتي عندك رااجلك 
خلود باش تسكتو مشات حطات ساكها و عاد مشات لعندو تعلات على طراف صباعها وباستو على شفايفو : كنت مشغولة محسيتش بالوقت 
عمار : هاني ناازل...لبسي عليك وهبطي صحافة باغا غي فااش تهدر 
خلود معوجة فمها : باغيني نزل على قبل صحافة 
عمار قرصها من حنكها : ماشي هااكة. .لبسي شي حاجة مقادة ونزلي..ويااويلك تعري لياا صدرك ولا شي خرية ندبحك قدامهم
خلود بتميااق : اواامر أخرى 😒
عمار باسها على خدها بعجرفة وخرج على برى 
خلود قبل اسد للباب تلافتت عندو : عماار 
تلافت عندها هاز حاجبو اول مرة تعيط ليه بهاد طريقة :اش كيين 
مشات كتنقز عندو..جراتو لداخل وسدات لباب مدورا ايدها على عنقو.باستو فعنقو ورجعات لبلاصتها : صافي تقدر تخرج
عمار موسع عينيه : هههههه لا بزااف...ممتيقش 
خلود جات تمشي زدحها مع صدرو : جبدتيني
خلود كتحلون فالهدرة : حتا تسالي لحفلة و ديك ساعة جبدني
عمار باسها على شفايفها : اخخ منك اخخ
خرج قبل اصدق مفلعصها ..وخلاها كتندب فحناكها : ويلي اشنو وليت كندير 😨. ..اعودو بالله ناري تشوهت وكراامتي طاحت لأرض. .تفوو مكنقدرش نقاوم كتعجبني ريحتو😭
تنهدات ودخلات للحمام..

لتحت فالحديقة... 

سفيان وكاميليا مزال مجلسو ملي ناضو 
فهاد اللحظة حبسات لموسيقى وناض خالد فجنبو عزيز وعمار 
خالد واقف فالمنصة شاد لمكرو : مرحبا بضيوفنا لكراام. ..كيف كتشوفو احتفال جديد بذكرى تأسيس الشركة. .فرحانيين بمجيأكم بااش تشاركونا سعادتنا وفرحتنا وحنا كنشوفو شركاتنا كيزيدو اتطورو نهار على نهار..
لكل كان شاد فايدو كأس ولا سيغار على حساب الشخص. .أغلبية كانو غي رجال الأعمال وصحاب لبزنس..ازار كان واقف بعيد بزز باش حاضر غي دار لخاطر للخالد على قبل صحافة وصاافي ..
صحافة كتصور مركزة مع كل كلمة كيقولها خالد 
نقز واحد منهم : مسيو خالد. ..فينها مدموزيل ريماس لمرابطي ..حنا عرفنا أنها دخلات للمغرب ولكن طول هاد لمدة مختفية 
عزيز حدر راسو مغمض عينيه مراديش على أفعال بنتو ومعرفهاش اشمن قرنة شادة دابا 
خالد بتوتر :ريماس فعطلة..سيياحة داكشي باش غابرة 
قبل أنزل من لمنصة عطا آخر كلمة : بغيتكم تستمتعو بهاد الأغنية لهادئة كترحيب بيكم ..
مشا عند عزيز : شفتي فعااايل بنتك
عزيز شاف فعمار لي معجبوش لحال: قلتي غادي تجيب ختك مبانلي واالو
عمار : كنصوني ليها مكتجاوبش من غير ديك لمرة قاتلي عند صاحبتها..نتوما لضسرتوها متجيوش تلوموني على فعايلها ..خاصها تعلم ترباا باش متعاودش هاد لفعاايل 
خالد بابتسامة صفرا كيشوف فالصحافة:شش...بتاسم صحافة بااغين غي فااش اشدوناا 
عمار بزعااف : خليت ليكم هادشي..هاني غادي عند ازار هو لمهني سوق مخرج راسو من عالم البزنس
خالد :هدااك بوحدو😒
للحظة كلشي سكت بدااو كيتسمعو رناات لبيانو فقط 
خالد تلافت للمصدر :هاااديك ماشي سنايا 
عزيز :ولاهيلة هيا هه...محسابليش كتعرف تعزف على لبيانو

عمار جغم من الكاس ونغز ازار : شووف
ازار معصب غي بوحدو معلابالوش : غي تفرقو علياا. ..شوية وندرق زلافتي هادشي ممل 
بقا مدور وجهو كيقلب عليها بعينيه حتى سمع صوتها لانثوي مساير مقاطع لعزف وطبقاتو لهادئة

"💎oui ,tu sais que je te regarde depuis un moment 
Je veux danser avec toi maintenant 💎"

تلافت لعندها كيشوفها جالسة على لكرسي بطريقة انيقة وصباعها كيتحركو بسلاسة على لبياانو..بتاسم باستهزاء ورجع كيشرب

بتاسم باستهزاء ورجع كيشرب وخا حاس براسو تقل. .ولكن باغي انسي بييه علاما اتكالمى ملي تغبر من قدامو ..هز عينو فملامحها كيفااش مغمضة عينيها وكتنطق كل حرف بهدوء كترفع وتهبط فطبقات صوتها على حساب لحن الأغنية. .

"💎j'ai déjà remarqué comment tes yeux m'appelaient 
Donne-moi le chemin je le suivrai...💎"

حس بيها بحاليلا كتهدر على علاقتهم و نضراتهم لمخبية ورى عينيهم ..
خلود كانت واقفة بعيد مبتاسمة وهي كتسمع لصوتها كان جداب متقدرش متركزش معاها..كملات طريقها عند عمار خشات ايدها فدراعو بلاما تشوف فيه..كان كل تركيزها مع لأغنية وكلماتها لمعبرة 
عمار شاف فيها جات كيوت وسط فستانها الأحمر حد ركبة مع كعب عالي مخليا شعرها على راحتو مع ميكاب مناسب. .كان متبت نضراتو عليها وكلمات الأغنية كتسلل ليه فودنو حس بواحد لحنين لخدود..مقدرش امنع راسو شد فايدها بعدما عطا لازار أشد ليه كاسو كان شوية واطيحو بسباب تركيزو مع سنايا. .
خلود شافت فيه بتاسمات شدات فايدو لاخرة و تبعو نغمات الأغنية كيرقصو بهدوء على اوتارها ..
سنايا كانت كتنطق كل حرف مع حبة الماس من دموعها كتزل..هاد الأغنية كتعني بزااف دحوايج حساتها كتمعني عليها و على علمها لي صنعااه بوحدها وكتعدب فيه بمفردها
هزات راسها مغمضة عينيها ورجعات حلاتهم مركزة مع لبيانو ..بدات كتعزف بسرعة وتغني بسلالة وفنفس الوقت بزربة حيت لحن الأغنية هاكة مبني. .

"💎Tout doucement ...
Moi je veux respirer ce parfum dans ton cou
Permet -moi de te dire à l'oreille des mots dous ....  💎"
كان لكل مبهور بصوتها ومهارتها فاتقان الأغنية " تحية لناس لقراو لمقاطع باللحن ..هادي اغنية ديال ديسباسيتو مترجة بالفرنسي 😍..زويينة ومعناها معبر تسنتو ليها خخ " 
مجرد مسالات لغنااء كلشي بداا كيصفق ليها بشغف. .وقفات كتمسح دموعها وكتشوفيهم بابتسامة شاحبة ..
خالد مقدرش اصبر مشا لعندها رتب على شعرها. .خصوصا كيشوف لحضور فرحاان وكلشي مبتاسم 
سنايا :احم سمحلي عمو .. كانت بلاصة لبيانو خاوية مشعرتش على امتى جلست وبديت كنعزف 
خالد بابتسامة عريضة :بالعكس براافو علييك...كلشي جدبو صوتك مشالله 
سنايا كتفات بابتسامة خفيفة و مشات غادة عند سفيان صحافة كتصور مهداوش
عايدة عيطات عليها : سنايا
تلافتت عندهم شافتهم مجموعين مشات حداهم : مساء لخير 
لحاجة : هاي على سليعفانة كتعرف تغني. وعمرك فكرتي تغنيلي شي حاجة
سنايا حشمانة :هه...ياك ادادة
فخرية :صوتك زويين. الله احجبك
سنايا بابتسامة لبقة : اميين ...من ذوقك زويين 
عايدة كتفات بابتسامة كتعبر على اعجابها بصوتها 
سنايا :نخليكم دابا 
عايدة :فين مااشياا..بقاي 
سنايا : خليت لخدمة داخصائية تغدية .ولكن غادي نأمن للحاجة وحدة مزيانة وتيقة تهتم بصحتها كتر مني 
لحاجة :هادشي مكيعنيش انك غادي تغبري فمرة. ..زورينا مرة مرة
سنايا بابتسامة شاحبة واخدة قرار عمرها تعتب برجليها لهاد لبلاصة ولكن مبغاتش تجرحهم : انشالله 
كلهم بتاسمو ليها. .خلاتهم ومشات عند سفياان كتنهد فخاطرها 
هاد المشهد كاامل كان تحت عينيه لتعسلو بكترة ما شرب. ..كان متبعها بعينيه ملي نزلات من حدا لبيانو. .شافها كترقص مع سفيان باين عليها فرحانة. .
حتى فيقاتو كاميليا من سهوتو : حبيبي ..يله نرقصو شوف كلشي نااشط
ازار هز راسو باه بحاليلا كيدير ضد لسنايا. .مشا معاها كيحاول اتحكم فراسو حيت كيحسو ثقيل وخا مكيأثرش عليه بزااف ..
كاميليا شدات فايدو وبداو رقص كيتمايلو : ياااي ممتيقااش قبلتي ترقص معايا 
ازار عقلو ماشي معايا كيشوف فسنايا بنص عين كيفااش كتضحك هي وسفيان معلابلهااش بيه. .
ازار رجع شاف فكاميليا تبسم بزز ودورها بايدو حتى بقات غادة كتدور وشدات فسفيان كيتمايلو...فحين سنايا بقات كدور حتى شدات فازار مكانتش معولة ترقص معاه حيت مشافتوش امتى بدا رقص مع كاميليا 
ازار زير على خصرها مقربها ليه وراسها مخشي فصدرو لكيطلع واهبط..
حسات بضفارو مغروسين فخصرها. .هزات عينيها فيه : ممكن ترخي مني
ازار زاد قربها لييه كلشي لاحظ ان بيناتهم شي خلاف : بحال هااكة مزياان
سنايا كتحاول تفك ايدها من ايدو حيت زير عليها علاين اهرسها : واااش حماقيتي. ..رخف مني قصحتيني 
ازار نتر ايدها و قلب دورة غادي كينهج بحال ثور وبنادم كيخوي ليه طريق باش ادوز..طلع نيشان للبيتو حيد لجاكيط وتيشورط كيلهت بحال الاعصار. .لجات قدامو كيشخشخها واهرس بااش تبرد لعافية لشاعلة فقلبو ..شاف فالمرايا تقابل معاها مطول شوفة. .حتى خبطها بلكمة ايدو تهرسات كلا زاجة مشات للقنت وايدو كتنزف وهو محاسش بالحريق بالنسبة لييه والو مقارنة مع لبركان لكينغل فيه من لداخل...

لتحت
معرفاتش كفااش تصرف فاش دار ديك ردة لفعل لصدرات منو..شد فيها سفيان خلا كاميليا كتعيط لييه باش اكملو رقص 
سفيان بعدها على صداع : انمشيو دابا

سنايا كتمسح دمعة خانتها :اه..تسناني نهبط لفاليز ديالي ..ونمشيو 
سفيان تنهد بقلق :انتسنااك 
بتاسمات ليه ابتسامة شاحبة وطلعات بجرية للبيتها. .خلات سفيان ركب للوطو كيتسناها حتى تنزل. 
دورات عينيها على أركان لبيت و الدمعة على طرف شفارها. .قواات راسها بزز و خدات لفاليز ديالها عمراتها بحوايجها و خشات حتى لبيسي ..قدات كلشي وجات خارجة حتى كتشوف ورقة بيضاء راسمة عليها وجهو. غمضات عينيها كتسترجع نفسها ومشات هزات للورقة كمشاتها فايدها ..ورماتها فسلة لمهملات عاد خرجات قبل تنزل تلافتت لكولوار لكيدي لبيتو... نزلات من عينيها دمعة حارة حرقاتها فخدها. .مسحاتها ونزلات عند سفيان عاونها قدات لفاليز لور. .قبل تطلع مشات سلمات على للحاجة ومن بعد عليهم كاملين واحد بواحد حتى عمار وخلود ودعاتهم ..عاد رجعات عند سفيان ركبات وزاد بييها مخلي للعجاجة مورااه. .
لفوق وبالضبط فالشرفة كان صدرو لعريض كيطلع واهبط وهو متبع للوطو حتى غبات من قدام عينيه. .هاد الاخيرين كانوا حومر بحال جغمة د الدم. .زير على قبضة ايدو لكتنزف ..خرج بسرعة قصد بيتها. .فرع لباب وشاف لبلاكارات كانو محلولين خاويين من لحوايج. .بتاسم باستهزاء وجا خارج حتى بانت ليه سلة لمهملات عامرة وراق ..جات عينو على وحدة فيها نص د وجهو بااين مشا ليها .هزها بين ايديه كيشوف وجهو مرسوم نطق باستهزاء :هادشي فااش حاادكة...اما بااش تجي تواجهيني ...لا 
رماها وخرج على برى. .لبس عليه وخرج ركب لوطو وكسيرا للوجهة هو براسو معرفهاش..

دازو ساعات و أيام حتى كملات شهرين دازت طيرا وتغيرو فيها بزااف دحوايج ...
فالكلينيك. .
كلشي فرحان حيت واخيرا حلات عويناتها. كانو جالسين عند راسها 
حورية : كيف بقيتي ابنتي. .متجهديش راسك ونتي غي هاد ليومين عاد رجعتي لعافيتك
علي جالس فوق لكنبااي فرحان ببنتو رجعات بيخير : خليها ترتاح متحكريش عليها 
يارا : فينها سنايا ..من نهار حليت عيني مشفتها
حورية تنهدات بقلق :ماشي دابا ...حتى تولي شوية ويله تشوفيها
علي بجدية : متفكري فوالو دابا
يارا هزات راسها باه 
دخلات كنزة كيف عادتها من نهار فاقت يارا من لغيبوبة ديما كتصبح عليها و فايدها لورد : كيف بقات بنتي وحفيدي 
يارا بتاسمات ليها وحطات ايدها على كرشها لكبرات ولات عندها ستشهور : حمدالله بيخير😊
كنزة جلسات بعدما سلمات عليهم :فاروق. .قالي باغيك فشي حاجة 
يارا : قوليه ادخل
كنزة :خليتو كيبلاصي لوطو ..دابا ادخل
كلهم هزو عينيهم فاش دخل : سلام و علييكم 
علي بتاسم ليه سلم عليه كيخبيو لعلاقة لبيناتهم من غير نسااب 
فاروق سلم على حورية وباس ليارا راسها كيحسها بحال ختو وعزيزة عليه :كيف بقات مرت خويا 
يارا بتاسمات : لبااس عليهاا هه
فاروق : مزياان
سكت ورجع شاف فيهم :ممكن تخلوناا بوحدنا
كلهم ناضو على برى. .داهم علي لكافيتيريا جلسو افطرو حيت جاو بلاكا يحطو ففمهم شي حاجة 
اما فاروق مشا جاب كرسي جلس حداها : عرفت أمير فيين كيين
يارا موسعة عينيها : واااش بصصح😍
فاروق هز راسو باه ..وجبد من جيبو للعنوان : هاهو. ..سيري جيبي رااجلك
يارا خداتها من عندو : انمشي حتال جزيرة داسياا😨
فاروق هز راسو باه : الا وليتي شوية قوليها لياا. .نقولهم اوجدو لييك طيارة 

يارا حركات راسها باه وهي فرحانة..بدات كتحسس فكرشها نطقات وهيا كتخاطبها وخا مزال معارفة واش بنت ولا ولد بغات تخليها مفاجأة حتى اكون معاها أمير : سمعتيي...غاادي نشوفو بابااك😍
فاروق مبتاسم : يله نخلييك دابا. ..رتاحي لييك 
يارا هزات عينيها فيه : انا وليت بخير. ..بغيت نمشي لليوم للجزيرة
فاروق : منقدرش نخلييك تمشي ونتي عياانة. ..فاش ايشوفك أمير هااكة ايبقى داوي فوق رااسي. ..ونتي عرفااه 
يارا مشا بالها للبلانات لكان كيدير ليها بتاسمات بلاما تحس ورجعات شافت ففاروق : الله اخلييك. ..بغيت نمشي شحال وانا كنتسنى هاد اللحظة 
فاروق تنهد : بلاتي نشوف داركم وااش مواافقين
يارا : مغاديش ارفضو..غي قوم بالإجراءات 
فاروق وخا هاكاك باغي اتأكد. .عيط لييهم دخلو عندهم 
علي : يااك لبااس 
فاروق : شااف ...احم كنقصد عميي. .عرفت أمير فيين كين دابا ويارا بغاات تمشي لعندو 
حورية شافت فيارا : ولكن باقا مريضة ابنتي 
يارا هزات راسها بلا : انا ولييت لبااس اماما...متشوشيش علياا
حورية كتفات بسكات مع تنهيدة 
كنزة شافت ففاروق : مقلتي لياا واالو على أمير 
فاروق : تلاهيت ا لواليدة. .كنت دير فبالي خاصي نقولها ليارا ونسيتك 
كنزة : ماشي مشكيل. ..مهم ولدي عاايش 
علي : فين كين بعداا...وملي عاايش علاش مجاش اشوف مرتو فاش كنت فغيبوبة 
فاروق تنهد : هادشي هو لوحيد لعارف الإجابة علييه 
حورية شافت فيارا : مهم هو رااحتك ...إلا كنتي باغا تمشي ..سيري غي ردي لباال لراسك 
يارا حركات راسها باه و الفرحة بينا فعينيها 
فاروق وجه كلامو ليارا : شي ساعات ايدوز عندك وااحد من الرجال غادي اديك لبلاصة لهليكوبتر ...تماك غادي تلقاي طياار وااجد ايديك حتى لبلاصة لمعلومة
يارا مركزة مع كلامو
قاطعو علي : صافي دابا ندي بنتي حتى لبلاصة لهليكوبتر 
فاروق : مزياان ...يله نخليكم
يارا قبل اخرج قطعاتو : فااروق
تلافت عندها كيتسناها تهدر 
يارا بابتسامة : شكرااا بزاااف
فاروق كتفا بابتسامة خفيفة وخرج على برى ركب وزاد مكسيري. .

فالجيهة لخرى. .
كان جالس جنب الناموسية حاط ايدو على راسو كيحس بالمطارق كيضربو فييه. ..تنهد وهو كيفكر هاد شهرين كيف داازو ..كان مكيهدر مع حتى وااحد. .ديما جالس بوحدو تحت الظلام و فصباح كينوض بكري اتريني بااش اخرج لعافية لشاعلة فقلبو. .هز عينو جيهت سنسلتها لمرسومة عليها اسم "كويين" بتاسم كيضحك على راسو وفنفس الوقت محاملش ابقى أفكر فييها ستعمرات عقلو فينما ادور كيربط لأحداث بيها...أي حاجة كتفكرو فيها وكيتخايل صورتها قدام عينيه..وقف كيلهت ديما كيوقع لييه هااكة فااش كيسترجع ذكرياتو معاها ..
نسل تيشورط وشورط بقا غي بالبوكسور كيقلب على لفوطة ..لمحها خداها ودخل دوش عليه على الله ابرد شوية. .كمل وخرج لاوي فوطة على نصو تحتاني و حدة خرا كيمسح بيها شعرو. .فهاد الاتناء سمع دقاان 
ازار : دخل
عايدة حلات لباب : فين وصلتي ..تقريبا كلشي واجد بقيتي غي نتااا 
ازار تلافت كيمسح على شعرو بالفوطة وعروقو بارزين فاضحين عصبيتو لكاتمها. .
عايدة حاسة بيه مهموم تنهدات ودخلات لعندو : اش وااقع. .من امتى وليتي هااكة 
ازار ببرودة : من ديماا 
عايدة : لا ..من نهار مشات سنايا تقلبتي مبقيتيش كيف كنتي 
ازار كان على سبة : سنايا. ..سنايا. ..سنايا 
سكت وهو كيلهت نطق بالغوات : واااش فينما ندور لقاا سميت سنااايا ..شكون هي لغاادي نتبدل فااش مشاات. ..شكووون هيااا؟؟
عايدة بقات مربعة ايدها خلاتو حتى سكت : كتبغيها 
ازار دور وجهو جيت لمرايا كيكمل لمسيح : مكنبغيهااش
عايدة : كتبغيها 
ازار بنفاد صبر نطق مورك على كلامو : مكنبغيهااش
عايدة بابتسامة انتصار : كتبغيها 
ازار تلافت عندها : اه...كنموووت عليييها رتااحيتي دابا. ..تقدري تنزلي علمييهم بيلا نلبس ونهبط
عايدة قربات حداه هزات ايدها ونزلات عليه بصفعة :وجهك حمر. ...علاش كضيع رااسك هااا. ..واش بااغي ضحك على كاميليا مسكينة لكتبغيييك...مخاصكش تكون أناني مع قلبك وتسرق سعادة لاخرين
ازار بقا مدور وجهو وكارز على ايدو ميقدرش اتجاوب معاها كتبقى الأم ديالو :لواليدة بغيت نبقى بوحدي 
عايدة شداتو من دراعو و قبلاتو مع لمرايا : ديماا كنخلييك على رااحتك ..ولكن ماشي هاد لمرة مبغييتكش تخلي سعادتك ضيع من بين ايديك 
ازار عروق عنقو تزادو تنفخو : انا فرحاان بهااد لقراار 
عايدة : متأكد 
ازار هز راسو باه : هبطي علمييهم 
عايدة رخفات من دراعو وخرجات صاعرة. ..مبغاتوش اضمر حياتو بايديه
بينما ازار صطانع لا مبالات وبدا كيختار شي كوستيم منااسب. .فضل انه اديرو لاكط دابا وفالليل اخلي لييهم لحرية لبغااو اديرو حفلة كبيرة بمناسبة إعلان زواج حفيد لعائلة. .
مقدرش مزال أبين انه ممسوقش جلس على جنب دالناموسية كيلهت وعينيه حمرين بحال الجمرة. .شد راسو بايدو نطق مورك على الحروف : خاصك تنساااها. ..هي مكتسوى واالو بالنسبة ليك...صافي نسااها ...نزوة ودااازت

لتحت
كانو جالسين مقابلين مع لابسين. .حتى جا واحد من لكارد فايدو ورقة. .مدها لخالد 
عزيز وجه كلامو للكارد : عرفتو مكانها 
لكارد حادر راسو: اه اسيدي. ..راه لعنوان 
خالد : خاصنا نمشيو نجيبوها...ميحسبلنااش درية مزاال مخطوفة وحنا ناعسين بحالا ميتيين
عزيز وقف معصب :غاادي نتفاهمو معااه ..هادا لتجرأ ودار هاد لفعلة
خالد وقف حتى هو وجه كلامو لكارد : جمع لياا رجال. .عندنا مهمة 
لكارد حدر راسو :كون هاني اسيدي 
عزيز نطق بعدما مشا لكارد :خاص نعلمو عماار. ..مفهمتش كفااش علماتو عند صاحبتها وهي مزاال مخطوفة..الله على بنتي عنداك اكونو آذوهاا 
خالد رتب على كتافو : خااص نجيبوها قبل لليل. .ضروري تحضر لحفلة لخاصة بإعلان زوااج ازار. .شفتي صحافة ديك لمرة اش دارو. ..وعااد لا علمنا لبوليس انجيبوها فراسنا وخبارنا غادي تولي على كل لساان
عزيز : يله نتحركو مبقيتش قاادر...عندي بنت وحدة مقدرتش نحميها
خالد كتفا بسكات ومشا تبعو يله غادي اركبو للوطو كانت مرسيديس فالاسود.. .خرجات عندهم للحاجة 
خالد هبط زاج : لوالييدة ماالك
لحاجة : فيين غاادين لعدول مبقى لييه واالو و اوصل 
خالد : عندنا شي حاجة مهمة. .ساعة بالكثير نرجعو. .تكلفي نتي بينما جيناا..راه عمار ايجي دابا من شركة 
عزيز : لا غي تكلفي نتي الواليدة...عمار غادي امشي معانا عاد غادي نجيو فايدنا ريمااس 
لحاجة حاطة ايدها على قلبها : خلعتوني ...ممولفااش ليكم 
عزيز : ملي نجيو نعاودو لييك 
خالد وجه كلامو لشيفور : تحرك لدااك لعنوان 
شيفور كان كيتسنا التعليمات. .ديمارا بسرعة خرج من بوابة دلقصر وتبعوهم سيارات عامرين كاردكور
عزيز هز تيلي : جيي عندنا دابا لهااد لعنواان ****
كمل وحط تيلي 
خالد :علمتييه
عزيز هز راسو باه:هاهو جاااي

نرجعو للقصر
كانت حاطة ايدها على كرشها ومقابلة مع لمرايا. .متبتة نضراتها على انعكاسها كتشوف واش كريشتها بدات كتباان 
نطقات مع تنهيدة : ليوم غادي نقولو لبابي. ..بيلا نتاا غادي تزااد عندنا😍..ياربي لهلا تحرمني من هاد للفرحة 
دارت هزات ساكها و خرجات كتقاد شعرها لمبعثر. .لحد الآن مزال حتى واحد معارف بحملها لدام شهرين. .بغاات تخلي للوقت لمناسب بااش تفرحهم.. والسبب رئيسي لي خلاها تخبي على عمار هو تعاملو معاها. .بزااف دالمرات كتلقااه فالمكتب ديالو كيشوف فصورة مراتو. ..كتحس بقلبها كيضرهاا. .ديما كتقول مع راسها هو غي كيحاول انسي بيا حبو لمراتو ..مسحات دمعة خانتها ولات حساسة بزااف وعلى سبا. .كمشات عينيها كتطرد افعالو سيئة معاها.حيت لجات تعاندهم مخصهااش تبقى معااه وهو مكيحس من جيهتها بواالو مبغااتش تقيدو بالجنين لجااي..بغاتو ابغيها هي لولا ماشي حيت هازة فكرشها طرف منو. .
قبل تخرج لمحات فخرية :بنتي فيين غادة. ..من دابا شوية غادي اجي للعدول باش ازار وكاميليا اكتبوا كتابهم
خلود سلمات عليها : غادي نوصل شي ملفات لمستشفى ونرجع دابا
فخرية : اااه...حاولي متعطليش
خلود هزات راسها باه مع ابتسامة. .و خرجات على برى ركبات للوطو وديمارات للوجهة ديالها. .ماشي بزااف دالوقت وصلات دخلات نيشان للمكتب لخاص بصحاب سطاج..لمحات ماريا يله اتهدر معاها حسات بدوخة غلباتها 
ماريا شافتها كانت اتطيح مشات شداتها..عونوها لبنات جلسات وبداو كيرشو عليها لما 
ماريا تخلعات عليها وجهات كلامها لوحدة من لبنات : جيبي نقيس ليها الضغط..
لمحات تيلي دخلود هزاتو و دوزات لعمار تعلمو على حالتها حيت من حقو اعرف. .ماشي بزااف دالوقت جاوبها : اوووه مراتي عيطات لياا. ..اش كين 
ماريا :احم انا صاحبتها
عمار حبس لفراان بجهد وسط لوطوروت ولاو سيارات كيطوطو باش اخوي طريق. . نطق بصوت مخلوع : مالها خلود. .علاش نتي لكتهدري فينهاا هي 
ماريا : تهدن..خلود رااه عيانة شوية اجي ديها للدار. .حيت فاش جات لمستشفى سخفاات 
عمار مخرج عينيه : ص..صااافي هاني جاي دابا
نهى لمكالمة وقلب طريق رجعة غادي لعندها 
مجرد موصل دخل كيجري مشا مع واحد لكولواار حتى لمحها جاية وجها صفر وماريا شادة فيها..
مشا لعندها شدها من خصرها حاط راسها على صدرو : مالها اشنو وقع حتى ولات هااكة 
ماريا عارفة سبب ولكن مبغاتش تقوليه حتى تخبرو خلود :غي ضغط ..هادا مكان. ديها للدار ترتاح 
عمار هز وجه خلود لعندو :بااش كتحسي 
خلود :مزياان..بغيت غي نعس 
عمار :اه وخاا
مشاات ماريا تكمل شغالها وخلات عمار غادي بخلود بشوية عليها بغا اهزها ورفضات ..دازو على نفس لغرفة لناعسة فيها ماجدولين. .عمار هز عينو حيت كلها زااج من لقدام تقدر تشوف اشنو لداخل 
كانت متكية ..عيات وناضت كتجر فرجليها مجرد مخرجات من باب دالغرفة شافتو وااقف مبنج كيشوف فيها مخرج عينيه كيدقق فملامحها 
خلود شافتو وقف هزات راسها لعندو..شافتو مفكسي عينيه فواحد جيهة تلافتت ليها حتا هي : اه ماجدولين. ..لبااس 
عمار ضربو ضو وزع عينيه بين خلود و ماجدولين كيحاول افهم شي حاجة. .بلاما احس رخف من خلود وقرب لعندها

مجرد موصل. .خرج من لوطو كيقلب عليها بعينيه. .باانت لييه جاية فوق الحصان وشعرها كيتطاير فالهوى كتلعب برجليها والابتسامة مرسومة على وجها 
فاروق نطق بملامح جدية فاش قربات لعندو ونزلات من فوق لحصان : ريماس بغيتك فشي حاجة 
ريماس قربات لعندو بغات تبوسو ..بعدها بايدو : كنهدر جدي 
ريماس بلعات ريقها : واخة. ..كنسمعك
فاروق مشا ركب للوطو :طلعي نتحركو من هنا 
ريماس حاسة بأنها غادي تسمع شي حاجة خيبة. .تنهدات وطلعات حداه. .كسيرا بلاما انطق طول طريق وهوما ساكتين كان كيسلك لممر رئيسي دالغابة. .وهي متبعاه كتشوفو فين غادي مقدراتش تسولو يكفي نضراتو لمكتبشرش بالخير. .بتاسمات فاش شافتو وقف باللوطو قدام نهر كبير كيتوسطو جسر مبني بالخشب بطريقة زويينة. .نزلات سبقاتو والفرحة فعينيها 
شافتو نزل : واااو هااد لبلاصة وااعرة 😍
فاروق بملامح صارمة شد فايدها ومشا بيها فوق لجسر حتى وصلو للحافة ديالو لتحتها ميااه نهر كتجري 
ريماس معجبهاش سكاتو : اشنو وااقع ...معجبتينيش
فاروق خشا ايديه فجيابو نطق ببرودة : فخبارك ليوم عرس ازار 
ريماس :اواااه بصح 
فاروق هز راسو باه : و فخبارك جلوسك هناا طول. .مفكرتيش فعائلتك واش مشطونيين علييك ؟ ..عمري قلت لييك سيري لداركم وخسرت لييك خاطرك طول هاد شهرين 
ريماس دموع تحجرو فعينيها فهماتو اشنو بغا اوصل : اشنو بغيتي تقول 
فاروق :دابا مزياان ملي فهمتيني...غادي نركبو دابا للوطو نديك لداركم ...يكفي انك وليتي بخير وحاولتي تبعدي على ذاك السم لكتاكلي بتخبية علياا
ريماس كترجف و عينيها حومر : اشنو كتجري علياا 
فاروق : حسبيها كيف بغيتي. ..أول مرة كنسمح لشي وحدة تبقى فالمكان لجالس فييه 
ريماس شنقات عليه كتبكي وايديها كيرجفو: وداكشي لبيناتنا
فاروق خلاها شادة لكول بينما هو خاشي ايديه فجيابو. .نطق وهو هاز حاجبو : اشنو بيناتناا 
ريماس دموع شلال نازلين من عينيها : هءءهءه. .أول وااحد سلمتو شرفيي هو نتااا
فاروق تنتر منها باستهزاء : من نيتك. .عااد بأن لييك شرفك..شكون لكيقلب على لاخر. .اناا فقط عطيتك داكشي لكدوري وترجعي لييه. .دابا راسي ضارني وصدعتيني ..اتسكتي وتزيدي نديك لداركم نهنا فمخي..تسنيتك حتى تبرااي وهانتي دابا مزياان 
شدها من دراعها باغي اديها لعند لوطو 
ريماس كتنتر وتشهق وحدة مور لاخرة ولات بحال شي حمقة كترجف كلها ونيفها حومر بالبكا. .: عفاااك كنطلبك خلينيي حداااك هءهءء عفاااك 
فاروق عصباتو و قفها قدامو ونطق بغوااات حتى قفزات : واااش نتيي حمقة هااا 
ريماس كتحاول تعنق فييه : هءءهءه هءءهءه عفاااك 
سكتات وهي شادة وجهو بين ايديها كتنخصص : اناا هءهءء. .اناا كنبغييك اه كنبغييك وكنعشقك ..علاااش مباااغيش تفهم😭
فاروق صدماتو بهدرتها ..بعدها عليه بدفعة : ااااش كتخوريي... واااش قلت لييك بغيييني هااا ...هاداك مااشي حب نتيي مزاال صغيرة بااش تعرفييه 
ريماس وقفات كتمسح دموعها. .جسمها كلو كيرجف كتطيح فبالها انها مغاديش تبقى تشوفو كتجنن ..رجعات شدات فييه : نتاا كتبغييني ياااك ...هاا نتااا كتحس بشي حاجة من جيهتيي😭...واااش نسيتيي ليلتنااا؟ ...انا عمري نساااها هءءهءه 
فاروق جعرااتو تنتر منها من جديد ونطق بالغوات: صااافي بااركة ضريتيني فرااسي. ..انااا عمري نبغيييك قلبيي ماات من شحاال هداا ودااتو وحدة خراا دابا هي تحت ترااب...
كان كيهدر بيأس وعينيه حمرين : كنت كنموت عليهاا. ..طعنوني فغياابي ملي رجعت لقيتها مقتولة ...عرفتي اريماااس كاانت حاملة بولدي ههه...لقيتها مذبوحة ودم دير بيها 
ريماس حاطة ايدها على فمها كتبكي بحرقة. .بقات ساكتة كتسمع لييه 
فاروق وجه صبعو ليها : اناا عمري...نبغيييك غي كتضحكي على رااسك...دابا غادي تزيدي معايا بالخاطر ولا بسيف ..لكنعرف هو كمااارتك منبقااش نشوفها 
ريماس مبعدة كترجع باللور مبغاتوش ابعدها علييه 
فاروق شدها من معصمها وجا راجع بادراجو حتى كيوسع عينيه كيشوف بزااف درجال بلبسة موحدة موجهين لييه السلاح..
ريماس هزات عينيها مخرجاهم : بابااا 😨
عزيز نطق بالغوات : طلق بنتيي ولا مغادي اعجبكش لحاال. .انا كنحدرك
خالد شادو باش ميتهورش
فاروق شاف فريماس :باباك جاا ...سيري معااه 
ريماس تخباات ورا ضهرو : هءهءءءه عفاااك. ..غاادي نموت إلا بعدت علييك هءءهءه 
فاروق جمع ايدو على شكل قبضة ودورها قدامو شعل معاها بصقلة حارة عوجات حنكها: صااافيي فيييقي من هااد لحلم. ..باااركة .سيري مع باااك رااه كيتسنا 
عزيز مخرج عينيه كفااش قدر اضرب بنتو. وجه كلامو للكارد :تيريو فيييه
خالد شدو من دراعو :تهدن
وجه كلامو للكارد :هبطو سلاحكم
لكارد نفدو تعليماتو
ريماس تلاحت علييه عنقاتو مبغاتش تطلق منو بقات مزيرة عليه بلاما ابادلها لعنااق قربات لودنو ونطقات بهمس مع شهقاتها : كنبغيك 😢
بعدااات عليه شادة فايدها لمسدس لخدات من سروالو فاش عنقاتو.فاروق خرج عينيه مصدوم وعزيز وخالد حتى هوما كيشوفوها حاطاه فوق راسها

كيشوفوها حاطاه فوق راسها
فاروق كيحاول اهدنها عرف أنها بصح كتاعني من شي مرض حيت ماشي طبيعية :ريمااس. .اشنو كديري. ..ريمااس تهدني 
عزيز تم جاي كيجري وخالد موراه تلافتت عندهم متبتة لمسدس فوق راسها نطقات كترجف بحال لحمقة:اقربلي شي وااحد. .غادي نقتلو
عزيز بملامح لخوف :اشنو كديري ابنتي. ..محرامش علييك. .حيدي لمسدس و يله لدار 
ريماس متسوقاتش لهدرتهم اصلا مكانتش كتسمعهم كل همها ترد الاعتبار لراسها وتقطع هاد لحب لذلها..تلافتت عند فاروق بابتسامة شاحبة موجهة ليه سلاح : ماشي ريمااس لمرابطي لي كترفض ...هادو هوما كلمات لوداع ديالي 
عزيز وخالد طاحو على ركابيهم فاش بدات كتطلق نار رصاصة مور رصاصة كتصاوبو فصدرو لعريض 
فاروق مصدوم من ردت فعلها كيتهز مع كل رصاصة كتختارق جسمو وعينيه كيخرجو ..ضرباتو بثلاتة الرصاصات وهي مزيرة على لمسدس و دموعها كيشوقو طريقهم على خدها. .طاحت على ركابيها منهارة فاش شافتو فقد توازنو و غرق وسط النهر خبا مبقاش كيبان. .
نطقات كترجف وهي كتشوف فالخشب : صاافي قتلتو هههه قتلتو 😭

فالجيهة لخرى..
وقف قدام لكلينيك وتلافت عندها : غي سيري نتي. .غادي نتسنااك
سنايا هزات راسها باه ونزلات ..مشات نيشان للغرفة لجالسة فيها يارا. .لقاتهم كلهم مجموعين 
سنايا : احم.. سلام 
يارا شافت فيها مشات لعندها عنقاتها حساتها مختلفة ماشي على طبيعتها :حبيبة توحشتك بزااف. .علاش مجيتيش تشوفيني
سنايا بعدات عليها وهي مبتاسمة :كنت مشغولة مع وراق سفر. .هادا مكان 
يارا حاسة بيها ماشي هي هاديك حيت ميمكنش تخلي ختها فهاد لوضع بلاما تشوفها : امتى غادي تسافري 
سنايا :دابا 
يارا موسعة عينيها : كك..كفااش 
سنايا باست على راسها خلاتها مصدومة ومشات عنقات ماماها لبدات كتبكي ..بعدات عليها بلطف باش متضعفش. عاد مشات عند علي :بابا. ..غادي نتوحشك 
علي عنقها كيحبس دموعو : حتا أنا ابنتي. .تهلاي فراسك بزااف. .غادي نجيو نزوروك مرة مرة. .مجرد متوصلي تاصلي بينا
سنايا هزات راسها باه : يارا غادي تخرج ليوم يااك 
يارا بتاسمات ليها : غادي نسافر حتى انا..عرفت أمير فين كين😍
سنايا عنقاتها بالفرحة عاد بعدات عليها : ردي لباال لراسك. .غادي نبقاو نهدرو وخا بعاد على بعضياتنا 
يارا هزات راسها بالإيجاب 
حورية مشات عنقات سنايا كتبكي : ديما غادي نبقاو نجيو عندك 😢
سنايا حبسات دموعها بزز :ماما ..متديريش هااكة. .كلشي غادي اكون مزياان .مهم خااصي نمشي دابا 
حورية بعدات عليها بزز : الله اعاونك ابنتي 
سنايا تنهدات :اميين 
علي :معااش عندك طيارة 
سنايا شافت ساعة :اووه تعطلت..بقات 15 دقيقة 
علي باس على راسها وخرج معاها حتى لقدام لكلينيك ..خلا حورية ويارا كيبكيو على فراقها
سفيان خرج عند علي : عمي لبااس علييك 
علي سلم عليه : لحمدالله اولدي...وصلها لمطار وتاصل بياا باش نطمأن 
سفيان :كون هاني
سنايا عنقات باباها و ركبات للوطو كتصطانع لقوة. .لوحات ليه بايديها فاش كسيرا سفيان ..ماشي بزااف دالوقت حتى وقف قدام للمطار. .عاونها نزلات لفاليز ديالها و دخل معاها. .شافت الساعة مبقاش بزاف باش تقلع طائرة 
سنايا : يله بسلامة وتهلا فراسك بزااف بزااف 
سفيان عنقها كيمسح على شعرها :متفكري فوالو. .ديها غي فقرايتك
سنايا بعدات عليه :انشالله 😊
مشات و قفات قدام واحد دخيلة باش اتقلبو لي فاليز. .تلافتت عند سفيان بتاسمات ليه وهي كتلوح ليه بايدها كآخر توديع قبل ما تمشي. .قامت بكااع الإجراءات لازمة عاد طلعات للطائرة جلسات فبلاصتها من جيهت زاج. .حطات ايديها كتحسس وكتشوف فهاد لبلاد لي غادي تودعها بااش تبدا حياة جديدة ..بتاسمات ابتسامة شاحبة وخلات دمعة تهبط على خدها كانت حبساها بزز. .شهقاات فااش بدات كتقلع الطائرة حطات ايديها مزيرة على لكرسي. .حتى قلعو للجو وستقرات ..كانت مكمشة عينيها عاد نتابهت بيلا كانت حاطة ايدها على شي حاجة قاصحة. .
فاقت من سهوتها على صوت زعزع كيانها وخلاها كترجف : لالة كويين ...غادة بلا بياا
تلافتت عندو مخرجة عينيها كتشوفو مبتاسم : نتاااا

كانت مكمشة عينيها عاد نتابهت بيلا حاطة ايدها على شي حاجة قاصحة. .
فاقت من سهوتها على صوت زعزع كيانها وخلاها كترجف : لالة كويين ...غادة بلا بياا
تلافتت عندو مخرجة عينيها كتشوفو مبتاسم : نتاااا
شاف فيها بملامح باردة ورجع شاف قدامو : مالك مصدومة 
سنايا بلعات ريقها كتمسح لعرق لخرج من جبينها. حسات بقلبها كيضرب فالمية..تخشات وسط ضلوعها مكمشة فالكرسي ..وعينيها مزاال خارجين مفهات واالو 
ازار ببرودة شد ايدها شابكها مع ايدو مزير عليها ورجع راسو لور كيتنهد
سنايا موسعة عينيها على جهدهم ..نطقات فخاطرها : كفااش كويين. .يااربي وااش كنحلم. وااش هو عاارفني شكون هههنن بغيت نبدا حياتي بعدما حيتو من أفكاري ودابا باان قداامي😢
ازار شاف فيها بنص عين ساهية عرفها كتفكر :نعسي ومن بعد عندا بزااف فااش نتفااهمو 
سنايا بغاات تنتر ايدها من ايدو وهي لاصقة فالزاج كون صابت تلاح من طائرة 
ازار عصباتو نطق وهو ساد عينو :غاادي تشدي لرض قبل نوض نلوحك من هناا...شااد رااسي بزز بلاما تجعريني 
سنايا ضرباات طم وهي كتدور فعينيها. .حنيكاتها حمارو و جسمها كيرجف عياات تحلل وتنااقش ..كتحس براسها غادي طرطق معندها حتا فكرة على جلوسو حداها
دازو ساعات وهي حالة عينيها كتخطف الشوفة فييه مرة مرة ..حتى كتحس بهبوط طائرة غمضات عينيها وعنقاتو مخشية فييه ومزيرة على صدرو. .
ازار حل عينو شاافها مكمشة عينيها. .بتاسم ودور ايدو على ضهرها ضامها لييه حتى ستقرات الطائرة فبلاصتها. .عاد وقف وشدها من ايدها مورك علييها علاين تهرس 
سنايا كتنتر :ف ف فيين غاادي بييا
نزلو من طائرة وتم غادي وهي موراه صوتها بح. .كيحاول ميديرش رااسو فييها .مخليها على راحتها 
وجه كلامو لكارد لكان كيتسنااه :جيب لفااليز ديالها ..فيها كتوبتها غادي تحتاجهم
سنايا مخرجة عينيها : اشنو كيحسابليك رااسك. ..رخيي منيي ا لحقيير اععع رخيي
ازار عصباتو بغواتها ..زير على ايدها وخشا ايدو فجيبو وهو مشبكها مع صبيعاتها 
سنايا تعصبات :واااش كنهدر مع لحييط ...مكتفهمش نتاا ولا صمك
خرجها برى لمطار لقا شيفور وااقف كيتسناه برونج فالابيض. .باان لييه لكارد دار لفاليز ديالها فالكوفغ بعدما جابها من طائرة 
ازار نطق بجدية مع بحة رجولية :تقدرو تمشيو
نفدو كلامو ونساحبو بهدوء 
سنايا تجننات من برودتو ..نترات ايدها ودفعاتو من صدرو : اشنو جاابك فطريقيي ...شكوون نتاا هااا 
ازار ردخها مع رونج وكلاها بايدو ..قرب حتى لوجها ونفسو سخونة كتضرب على ملامحها. .نطق بهمس : زييدي غوتيي ..توحشت صداااعك
سنايا تبنجاات من قربو لييها. حسات براسها غادي تضاف قدامو :ممكن تببعد ..
ازار نفد كلامها حل لباب جلسها وردخو عليها خلاها كتنتر وتركل وتسب..دار لجيهة لخرا ركب وكسيراا 
سنايا كتضرب فالباب باغا تخرج :نزلنييي ...فين غاادي بياا 
ازار ممسوقش مركز مع سوكاان ..وخا فرعاات لييه رااسو كيحااول اصبر 

نرجعو للمغرب خخ..

عمار ضربو ضو وزع عينيه بين خلود و ماجدولين كيحاول افهم شي حاجة. .بلاما احس رخف من خلود وقرب لعندها 
وقف قدامها كيشوف فملامحها هي نفسها ممبدل فيها واالو. .كيطلع واهبط فيها وعينيه خارجين من ثأتير الصدمة كيقول مع راسو غي كنحلم 
ماجدولين دموعها شلال كتشهق وهي كتشوف فييه. .تقابلات مع وجهو وهزات ايدها كتحسسو تأكد وااش نفسو عماار حبيبها .سرعان مترمات فحضنو وتزاد صوت بكاها حتى عبا لمكان
خلود وااقفة مصمرة فبلاصتها كترجف من صبعها صغير حتا لخر دراسها. ودموع فعينيها كتحس بقلبها كيضرهاا مفهمات واالو فالمشهد لكيدوز قدامها 
عمار حاوط بايديه ماجدولين كيبادلها عناااق حاار هبط راسو كيشم ريحت شعرها بحال شي عشااق فراقتهم الأيام ومن بعد رجعات لقاتهم
ماجدولين بعدات عليه شادة وجهو بين ايديها : هءءهءه كنت خيفاا هؤؤههءه حسابلي عمري نشووفك 😭
عمار مزال مصدوم : وااش كنحلم. ..مفهمت واالو 
ماجدولين: هءءهءه انا نفسهاا هءهءءءه مرااتك حبيبتك
خلود طاحت فالأرض كتشوف بعينيها فنقطة وحدة و هدرة ماجدولين مزال كتردد فالمسمع ديالها. .
عمار مسح على شعر ماجدولين :ممتيقش 😢...هااادي معجزة 
ورجع عنقها خاشيها وسط صدرو .مزير علييها عاد بعدها عليه شادها بايديه بجوج من كتافها : كفااش عااايشة. ..مفهمت واالو خيف نكون كنحلم 
خلود مغمضة عينيها و الدموع كيتقطرو فالأرض. .كتسمع كلامهم كتحس بجنااوة كيدكو فييها. .معرفاتش وااش خاصها تفرح ولا تبكيي حيت لقدر مزال موقف فصفها وخلاها تعيش سعادتها كأي بنت عندها أحلام 
ماجدولين كترجف وهي شادة فايديه :عندناا بزااف فااش نهدرو ...مهم هو شفتك هءهءء ممتيقاااش ..ربي كبيير وستجااب لدعوااتي
رجعات عنقااتو مزيرة علييه عاد بعدات ..ودورات وجها عند خلود كتشوفها جالسة فالارض ودموع نازلين من عينيها. 
وجهات كلامها لعمار : حبيبي .شكون هاد لبنت لمعااك 
عمار مزاال ممتيقش باقي تحت ثأتير الصدمة. وزع نضراتو بين خلود و ماجدولين 

يله جا انطق قاطعاتو بصوتها كتكتم شهقاتها مع ابتسامة خفيفة بزز عليها : انا صديقتو بحال ختو 
ماجدولين شافت فعمار باستغراب :ءءههءه لقدر فرقناا. .لدرجة حتاجيتي صديقة بااش تفش عليها قلبك 😢
عمار بغا اهدر قاطعاتو من جديد وهي كتقرب لعندهم كترجف بزز بااش شادة راسها متفركعش بالبكا : هو. .كان ديما كيهدر علييك ..لحمدالله ربي دار معجزة ولقااكم
عمار كيشوف فخلود مصدوم من كلامها. .مبقى فااهم واالو كيحس بكلشي ترما فوق رااسو 
ماجدولين حسات بالخنقة طاحت لارض كتكحب. .عمار هبط لمستواها بملامح لخوف
خلود عارفة مرضها ..مشات بجرية لغرفة بان ليها لبخااخ مشات قصداتو هزاتو فايدها ورجعات لعندهم 
نطقات بلاما تشوف فعمار :بعد خليني نعاونها 
عمار كارز على قبضة ايدو بعد مخرج عينيه و شعرو علاين اتقرع بكترة ما كيمسح علييه 
خلود عاونتها حتى سترجعات نفسها : خلييه ديما معااك 
عمار : اشنو عندها
خلود كتمسح على شعر ماجدولين وكاتمة دموعها : كتعاني من ديق تنفس فرئتين 
عمار كيحس بقلبو كيضرو تخلطو علييه بزااف دالاحاسيس كيشوفها مكتهزش عينيها لجيهتو 
خلود نطقات بلاما تشوف لعندو :اجيي عااوني ..نوقفوها 
ماجدولين مغمضة عينيها كتحلهم بالشوية نطقات بصوت تقيل : عماار. ..مبغييتش لمستشفى هءهءءءه بغييت نمشيي معاااك لداار..نشوف بنتيي توحشتهاا😭...كبراات ياااك 
عمار كمش عينيه كيحاول اتبت رااسو. .نزل لمستواها فحين خلود بعدات منهم رااجعة بلور ..عاونها وقفاات :لبغييتي ...ليناا غادي تفرح. عندنا بزااف دالامور خاص نهدرو فييهم مزاال مفهمت كفااش عاايشة وانا دفنتك بايدي
ماجدولين كتنخصص : مبغيتش نهدر فحتى حاجة دابا😭...بغييت نشبع منكم نتاا وبنتي قبل نموت 
عمار هزها بين ايديه :شش...رتاااحي غاادي تعفااي انشاء الله 
خلود :بلاتي نجيب لملف ديالها ..بااش نعرف اشمن دوى خاصها 
عمار شاف فييها بملامح باردة وفنفس لوقت مصدوم من تعاملها معااه كدير راسها مكتعرفوش : صاافي سيري. .غادي تلقينا فاللوطو 
خلود حدرات راسها ومشات كتحاول متبكيش وهي كتطرد دوخة لكتجيها مرة مرة. .خدات لملف وخرجات على برى بأن ليها ركبها حدااه
خلود وقفات كتسنااه أنزل عندها :هااكا لملف ...غادي نكلف ممرضة تقابلها فالدار
عمار نزل عندها هاز حاجبو ونضراتو ممفهومينش : طلعيي 
خلود مسحات دمعة خانتها : فرحت حيت ربي رجع لييك مرااتك ..انا سالا دوري
عمار شدها من دراعها مورك عليه نطق عاض على سنانو : مااشي هناا ..طلعي دغياا. دخول لحمام ماشي بحال خروجي 

نبدلو البلاصة و بالضبط جزيرة آسيا. .
وقفات بيها لهليكوبتر بعد ساعات وهي فالجو ..نزل الطياار حل ليها لباب :تفضلي امدام ..مهمتي درتها قالي سي فاروق نوصلك لهاد لبلاصة ونرجع 
يارا نزلات حاطة ايدها على كريشتها :شكرا بزاف 
الطيار حدر راسو : هادا وااجب 
ركب وقلع بالهليكوبتر من جديد. .فحين يارا سرحات عينيها مع لجزييرة اشجار كتيفة والبحر امواجو لخفاف كيضربو عند رجليها ..تفكرات عائلتها خاصها تعلمهم بأنها وصلات بيخير. .هزات تيلي ودوزات لباباها ..
ماشي بزااف باش جاوبها :وصلتي ابنتي 
يارا :اه ابابا ..متصورش شحال فرحانة 😍
علي بتاسم :تهلاي لياا فحفيدي ..وفرااسك ومتنساايش بلغي سلامي لرااجلك
يارا هزات راسها باه :ضروري. .سلم ليا على ماما. .
علي :واخا ابنتي...نخليك دابا
يارا :بسلامة 
رجعات تيلي لساكها وبدات كتمشى بشوية كانت لابسة غي كلاكيطة و كسيوة مفضفضة فالازرق جاات مع بشرتها باانت كيووت..تقدمات بخطواتها فوق الرمال كتدور فعينيها معرفات منين تبداا. .معندهاش فكرة فين اقدر أكون وسط هاد لجزيرة لكبيرة 
بان لييها راجل سمر بحال الافريقيين غادي محمل صندوق تجاه قارب صغير ..وقفاتو بصوتها: عفااك واخا نسولك
راجل قرب حداها وخا مفهمش كلامها ولهجتها 
يارا كتهدر باشارات وبفمها على الله افهمها :كتعرف أمير بنااني...رااجلي 😢
رااجل حس بهاد الاسم فايتليه سامعو ..وسع عينيه وشاف فيها. نطق بالفرونسي : ويي لغواا
يارا : تي كوونيي ..أمير بناني
راجل قرب حداها كيدير اشارات اوريها طريق لغادي تسلك 
يارا فهمات تعليماتو :اوكي ..مغسي😊
راجل كتفا بابتسامة ومشا كمل شغاالو ..خلاها كتمشى فيين دلها بايدو .دازت نص ساعة وهي غادة حسات بالعياا والارهاق ..يله غادي تلافت لمحات كوخ من لخشب مصمم بطريقة زويينة مقاابل مع لبحر مبااشرة. .عينيها خرجو منهم للقلوبة وضربات فؤادها تزادو فالوثيرة. .كملات طريقها بلكشاايف بسباب لعياا. .
شدات كرشها حيت بدات كضرها : نااري. .عييت بزااف مبقا واالو خاصي نصبر
تحكمات فراسها وقواات جسمها حتى وقفات قدام باب لكوخ كانت خامية فالابيض كيديها ريح لبحر واجيبها..قربات بخطوات بطيئة حسات بإحساس فشكل شحال مشعرات بييه ..وصلات للخامية بعداتها بايدها ودخلات بالشوية كدور فعينيها. .لكوخ كيتكون من كوزينة وبييت قدامها فقط .شهقاات فااش شافتو خارج بصدرو عريان و فنجان لقهوة فايدو. ..

شهقاات فااش شافتو خارج بصدرو عريان و فنجان لقهوة فايدو. ..كانت ديكوغاسيو من الزاج حداها محطوطة فوق طابلة صغيرة. قفزات فاش طاحت قدامها وزاج تلاح حدا رجليها . منتبهاتش ليها فاش ضرباتها بايدها ..هبطات راسها كتشوف الزاج ورجعات هزاتهم جيهتو مخرجة عينيها. .لقاتو كيشرب وعينو عليها بملامح ممحية وباردة فنفس الوقت 
يارا حسات بقلبها تفزع من شوفاتو لييها. .تحكمات فراسها وقربات حداه بخطوات بطيئة حتى تقابلات معاه وايدها على كريشتها 
أمير مزال كيرشف من فنجان لقهوة ..شافها ساكتة علا حاجبو : شكون نتيي
هزات عينيها لمدمعيين فييه موسعااهم بالصدمة : هاا. ..كك كفااش هءهءء 
سكتات وهي حاطة ايدها على فمها كتكتم شهقاتها ودموعها نازلين على خدودها 
أمير مزال كيشوف فيها بنضرات باردة : وااش كنعرفك؟
يارا شدات فايدو باستها من لداخل بقاات قبطاها وعينيها فعينيه : كنت غاادي نموت بلا بييك هءهءء. ..توحشتك بزااف بزااف 
سكتات وهي كتبكي وشعرها الاشقر كيتطااير بسباب ريح لداخل من لباب
أمير نتر ايدو منها وتم خارج : مكنهدرش مع لي مكنعرفهمش. .تقدري تمشي قبل نجري علييك 
يارا مسحات دموعها لي شقو طريقهم على شكل شلال. .اصلا كانت متوقعة هااد تصرف منو. حسات بركلة فكرشها غوتاات من لحريق .معرفاتوش امتى وقف قدامها شاد فييها وايدو على ايدها لحطاها على كريشتها 
امير بملامح لخوف : اشنو ..مااالك هاا قولي شي حاجة 
يارا سهاات فتعابير وجهو وهو خيف علييها. .نتبهات لايدو لحاطها على ايدها بتاسمات فلداخل ديالها. .بغااتو ابقى على نفس الوضعية ميبعدش منها. .لذلك ضطرات أنها ثمتل من بعد
نطقات بصوت باكي : ايي هءءءه. .كضرنيي كنحس بالدوخة 
أمير هزها بين ايديه ودخلها لبيت دخيا حطها فوق الناموسية. .وهو كيجري بحال لحمق جاب ليها كاس دالما. .خداتو من عندو كتشوف فيه بنص عيين. شرباتو وحطاتو على جنب يله بغا امشي شداتو فايدو مزيرة عليها 
أمير نطق وهو عاطيها بالضهر : مبقا عندنا فااش نهدرو 
يارا متلات انها كضرها كرشها من جديد : اييي اااي
أمير تلافت دغيا جلس حداها شاد فايدها : كضرك بزااف 
يارا شدات ايدو حطاتها على كريشتها: على الأقل متوحشتيش ولدك لبيناتناا😢
أمير دور وجهو بغا انوض. .شداتو من وجهو بايديها بجوج وعينيها فعينيه. .سرعان محطات شفايفها على شفايفو كتحركهم بالشوية. كتحاول تجرو عندها .بدات كتعض وتمص فشفايفو حتى زادت فالوتيرة بغااتو اتجاوب معاها. بدات كتستسلم حتى جرها لعندو محاوط عنقها كيعض بالشوية على شفايفها وكيحركهم بطريقة حنينة بقااو فقبل متسلسلة حتى بعدات عليه كتلهت .عاق على راسو وجا اوقف. جراتو عاود كتحرك ايدها على صدرو محسش على راسو حتى لقاها ضاماه بقوة موسد صدرها 
يارا نطقات كترجف : إلى مشيتي نقتل رااسي. ..حياتي بلا بييك مكتسوى والو😭...ميمكنش تمشي وتخليني من جديد. ممصدقاش امتى لقيتك قدام عيني 
هزات وجهو شداه بايديها بجوج كتشوف فيه بعينين دامعين و شفايفها زادو حمارو بكترة لبكاا : هءءءه متصورش شحال كنت كنموت ونتاا بعييد علياا 
أمير منطق بواالو بقا ساكت كيشوفها كتشهق بحال لحمقة. .تنهد :مااشي دابا لهدرة 
يارا حطات جبينها على جبينو :خاصنا نهدرو دابا...حنا لبعضياتنا مستحيل نتفاارقو ..من غير لموت لتقدر. إلا مت ديك ساعة عاد عيش حياتك 
أمير حط صبعو على شفايفها متبت نضراتو عليهم كيف كيرجفو. .نطق بهمس :اخر مرة تقولي هااد لهدرة
يارا حطات ايدو على كرشها : دازت 6 شهور. .مبقا والو ونشدوه بين ايديناا😢
أمير باس كرشها : غادي نتسنااه بفارغ الصبر 
قال هاد لكلام وناض خرج خلاها متكية فوق الناموسية كتبكي. عرفاات انه غاادي أكون غاضب عليها ماشي بسهولة اقدر اسامحها 

حدا حافة دالجسر ..
بقات منزلة راسها مصدومة كتشوف قدامها وعلى فمها كلمة وحدة :قتلتو .ءءهء قتلتو ههه
عزيز فاق من الصدمة وجه كلامو للكارد كيغوت : تلاحو جبدوه ..اش كتسنااو
لكارد نفدو كلامو فلحيين ..مشاو طيرين تلاحو فالنهر 
خالد مصدوم معرف راسو باش تبلا : اشنو درتي ابنتيي. ..اشنو درتيي؟
ريماس مكتسمع لحتى واحد كتهدر وتهلوس بوحدها بحال لحمقة 
وقفات بسيف كتشوف فنقطة وحدة. .يله بغات تخطي خطوة لور طاحت على الخشب سخفاانة مكتحسش بلي حداها ..كتسمع اصوات متقدرش تفرزهم 
عزيز كيضرب على وجها: ريمااس ..بنتي ريمااااس فييقي 
خالد شاف لكارد هازين فاروق حطوه فوق لجسر وطلعو كان كلو ملطخ بالدم وعينو مسدودين .كااع جسمو مرخي 
نطق بجدية كيغوت :اش كتسنااو طلعوه لوطو ..قبل اموت بين ايدينا
لكارد طارو بييه للوطو قبل اتيري فييهم خالد 
عزيز هز ريماس بين ايديه. مشا كيطير للوطو وخالد موراه. .فيسااع ركبو وزادو مخليين لغباابر مورااهم..سلكو ممر لاقرب مستشفى قريب لييهم. مسافة طريق حتى وصلو ..لقاو لبياص وااجد مع خالد علمهم فاش كانو جايين بااش اتكلفو
لكارد خرجو فاروق كلو دمايات داوه بسرعة حطوه فوق لبياص ..

و عزيز هز ريماس حطها فوق لبياص تاني ..دخلوهم بسرعة لداخل. .فاروق نيشان لمستعجلات وريماس دخلوها لغرفة أخرى حيت حالتها ماشي سيئة بزااف اضربو ليها لإبرة غادي تحل عينيها 
خالد غادي جاي عيا يسكت وهو انطق كيشوف فعزيز : اشنو غاادي نقولو لنااس...ريمااس حمااقت دعيي رااجل افييق قبل منوحلو فهااد لمصيبة لنزلات على راسنا..وإلا صحافة عرفو كحاالت
عزيز كان مزير على ايدو عيى صابر احتارم خوه لكبير: صحاافة ..صحااافة وااش غادي نعاندوهم غي هوما ..بنتيي حمااقت بسبااب قلت اهتماامي بييها..مبقييت بااغي والو غي بنتي تحل عينيها وترجع مزياان ..مشفتيش نضراتها وهي لاصقة فهادا لتيراات فييه. .بين علييها كتبغييه هادشي مكيعنيش انو خاطفها 
خالد سكت مبغاش اهدر عارفو معصب. .شافو جلس كيتنهد :خاصك تعلم الأم ديالها. .من حقها تعرف 
عزيز تفكر فخرية دوز لييها: غادي تجي دابا للمستشفى أبن ياازيد... مضرنييش فراسي جيي غادي تفهمي كلشي. ..يله بسلامة
قطع عليها ورجع راسو لور. .دازو ساعات وهوما على نفس الوضعية مكين حتى خبار على فاروق من غير ريماس لحلات عينيها كتشوف فالسقف بعدما ضربو لييها شوكة..جمعات قوتها وناضت من فوق سرير شادة راسها كيحرقها. .وفكرت أنها تيراات ففاروق كتبغي تموت كتحس بقلبها غادي اوقف. .معرفاتش كفااش دارتها كااع الأحاسيس تخلطو علييها معرفات تبكي ولا تفرح حيت رجعات ثارها منو كيف رسمات لفكرة فراسها ..خرجات من لغرفة وهي تلمحهم جالسين ايدهم على راسهم. .حسات بالدموع تحجرو فعينيها يله غادي تنطق لمحاات فخرية قدامها يله داخلة للمستشفى ..مشات عندها كتجري ترمات فحضنها مزيرة عليها .كتشهق وتبكيي بحرقة 
فخرية بدات كتبكي معاها وخا مفاهمة والو يله وصلات باغا تعرف اشنو كين :شش ابنتيي..علاش كتبكي ..فييين كنتيي توحشتك بزااف ديماا كيناا فبالي 
ريماس طاحت لارض وهي معنقة فخرية حاطة راسها على صدر منبع لحناان وطمأنينة ..نطقاات بصوت بااكي كيقطع فالقلب :ماما هءءهءه اناا مسطية خاااصي نتعاالج. .هههه انا قتلت رااجل لكنبغيي هءءءه قتلتو😭
فخرية بغات تسكتها واخة مفااهمة والو :شش .. صاافي كلشي غادي اتقااد. .مديريش فرااسك هااكة الله اخليك دموعك غاليين علياا 😢
خرج طبيب كلشي تجمع علييه من غير ريماس بقاات فبلاصتها جامعة رجليها عندها خيفا تصدم بشي خبر كتحس بقلبها ميقدرش اتحمل ..
عزيز طبطب على ضهر فخرية فحين وجه كلامو لطبيب :اشنو كين ادكتور ..
طبيب :لحمدالله نقدنااه فاخر لحظة...كاان نزيف دم غادي أولي داخلي على شوية. .عااد تلاتة رصاصات مااشي ساهلة كنا غادي نفقدو لمريض للحظة توقف قلبو ..ولكن لحمدالله على لعموم لعملية كانت ناجحة. .خاصو لوقت بااش افيق من بعد عاد اجيو لبوليس اسولوه شكون دار فييه ديك لحالة 
ريماس كانت هازة عينيها كتشوف فييهم وتشهق. .حمدات الله حيت ولا بيخيير 

نرجعو لفرانسا وبالضبط لعاصمة بارييس ..
فرانة برونج حتى تمخدات فبلاصتها مشات وجاات. .يله غادي ترجع لوعيها وتحيد منها دوخة. .حسات بدراعها تنسل من بلاصتو. .تم غادي جارها وهي كتلاوح ورااه. .دورات عينيها على لمكان كانت فيلة صغيرة ديرا بييها حدييقة كلها عاامرة بانوااع لورود الزاهية ..
فتح لباب بسوارت وهي تجي عندو لخدامة :على سلامتك اسيدي
ازار نطق بجدية وهو طالع فدروج فايدو سنايا كتركل باش اطلق منها :دخلي معااه لفاليز راها فالكوفغ
سنايا كتنتر على حر جهدها :رخيي منيي. .الحيوااان رخيي...اشنو عند باالك نتاا هااا 
ازار صدعاتو فرااسو دخلها لبيت وردخ لباب موراه تم غادي عندها كينسل فالجاكيط ..تبعها تيشورط بقا بصدرو عريان وهو كيقرب لعندها 
سنايا كترجع باللور موجهة صبعها ليه : اشنو كتحااول دير هااا. .بعد لهييه لحقييير كنكرهك ..كتسمعع كنكرهك فوق مكتخاايل
ازار متسوقش لكلامها مزال مكمل بخطواتو لعندها :زيدي هدري...وجهك حمر
سنايا كتمسح دموعها لخانوها : اخر مرة نشوفك. .بعد متقربش لياا غاادي نمشي منها دابا 
وصل لعندهاا كالاها مع لحيط حتى ولا صدرو على صدرها مهبط عينو لعندها ..نطق وهو حكمها مزيان و شاد الفك ديالها بايديه الضخمة
ازار :كيحسابيك دخول الحمام بحال خروجو
سنايا كتنتر منو و الدموع محجرين فعينيها :هءءهءه هءءءؤ. ..انا دبا بغيت نعيش حياتي ...خليني عليك
عاد مزاد زير و قابض دراعها :كفاش ...دبا بلاصتك ولات حدايا. .نتي بديتي يعني نتي لغادي تحملي لعواقب
سنايا تنترات منو على حر جهدها...و غوتات فوجهو:صافي بااااركة. ..عييت من هاد شي واش كيحسابليك معنديش مشاعر نتا أناني كتبغي غي راسك 
محست براسها حتى جاتها طرشة لوجه يله هزت راسها تستوعبها كتجيها طرشة خرا فلحنك لآخر. 
رجع شد لفك ديالها كيلهت وصدرو كيطلع و اهبط :كنتي كتلعبي عليا هااا ...حصلتي بيين ايدي الالة كويين 
سنايا مخرجة عينيها :كفااش. ..اشنو كتخربق 
ازار ضرب بقبضة ايدو لحيط حتى قفزاات : لعبتيي بيااا هاد لوقت كاامل ..هااا

سنايا كترجف : ش ش شكوون قالهاا لييك. .نتاا غي كتخربق
ازار جبد من جيبو السنسلة نطق باستهزاء :هاادي دياالمن همم 
سنايا ضرباتو لصدرو : شكون نتاا هاا ..عااد جااي كتحاسب معايا ..حتى قلت صافي نسيتك وغادي نبدا من جديد بلاما نفكر فييك 
ازار شدها من دراعها مقربها ليه وجبينها على جبينو : متقدريش متفكريش فياا ..نتيي كتبغييني
سنايا دفعاتو كتمسح دموعها : تبغيبك لفعة انشالله. ..آخر حاجة هي نبغييك نتاا ماالي عورة
ازار حابس الضحكة عاكسها بتغوبيشة على ملامحو : الا كانت لفعة هي نتي انا قابل تبغيني
سنايا كتعني كلامها : غاادي نخرج من هااد لباب منوليش نشوف وجهك حيت كيستافزني ..كيحسابليك غادي نسى كااع الإهانات بهااد سهولة هءهءء 
سكتات وهي كتبكي خاشية وجها بين ايديها كترعد
ازار مسح على راسو : وزيداها كتعلي صوتك من لفوق. ..شكون لضحك على لاخر هااا ...واااش عند باالك فااش غادي نعرفك نجي كنجري نعنقك ..ديري رااسك بلاصتي وغاادي تفهمي مزياان ..نتيي بوحدك لكنتي أنانية فهااد لعلاقة
سنايا قربات لييه ضرباتو فصدرو : اناا علاقة هااا..اناا علاقة. علايااش داااوي؟
ازار شدهاا مزير على خصرها حتى تأوهات بالشوية : ديرا رااسك مقلوبة علييك لقفة
سنايا دفعاتو على حر جهدها : ليوم عرسك اش جاابك عندي. ..قلتي ليا معندكش النفس هاا ...قلتي لياا نتيي متوصلييش كوييين ..مسولتيش رااسك علاش خبيت هويتي علييك ..
ازار رجعات بيها ذاكرة ..
"كان نزل لتحت شاف كاميليا فأبهر حلتها مقادة مزيان والابتسامة مرسومة على وجها 
ازار وقف حداهم كانو جالسين فالصالون : كاميليا بغييت نهدر معااك
كاميليا شافت فيه : وااو جيتي زويين 
ازار بصوت حااد وجدي : تبعييني
كاميليا وقفات وتبعاتو : خبار لخيير
خرجو على برى كان غادي جاي كيتسناها توقف قدامو 
كاميليا : لعدول وصل ..فاش بغيتي تهدر معايا
ازار : احم بغيت نسولك..وااش كتبغيني 
كاميليا باستغراب : اه هادشي علاش غادي نتزوجو
ازار عنقها وباس على راسها عاد بعد : عرفت لجوااب 
شد فايدها : هادا مااشي حب ..غي كنضحكو على بعضياتنا. لحب مفهوم أخر مااشي هو زوااج 
كاميليا كتشوف فيه ودموع محجرين فعينيها : كفااش 
ازار باس على راسها ونطق وهو ماشي :نهاية هاد لمخطط كانت هناا ..عيشي حيااتك "
سنايا كتضرب فصدرو باش انتابه لكلامها : رااه كنهدر معااك
ازار فاق من سهوتو شاف فيها معلي حاجبو : بحاليلا ضسرتك لا 
سنايا واصلا بيها لعضم : ندمت نهاار لشفتك وبغييتك😭...ولكن لحمدالله لي نسيتك حيت نتاا مكتستاهلش 
ازار عصباتو : فبلاصت متعتادري لياا على لبلانات لكنتي كضحكي علياا بييهم ..كتفركعي دابا وزيداها بأنك كتلوميني اناا
سنايا قربات لوجهو ونطقات موركة على كلامها : نتاا عمرك بغيتيني ..نتااا كان عندك فضول تعرف كويين شكون هي. .هادا مكاان وهاهي قدامك يعني تلاشا فضولك.. تسااوي ندرق زلافتي ومنولييش نشوفك مزاال كيف حيدتك من باالي حيدني حتى نتاا. .سلامات
قبل تخرج من لباب وقفها بكلامو لنزل عليها بحال صاعقة : نتي مبقيتيش دياال رااسك ...شرفك عندي انا وخديتو بايدي 
سنايا تلافتت عندو بالعرض البطيء وملامحها كلها استغراب : مفهمتش 
ازار قرب لعندها حتى كلاها مع لباب نطق بهمس : شرفك ديتو لييك شحال هادي. ..عندك غي تكوني حااملة 
سنايا دفعاتو على حر جهدها وصفعاتو بكل قوتها نطقات وهيا كترجف فبلاصتها :ءءهءءهء اشنو كتقول ءءؤهيي كداااااب كدااااب ...نتتاا غي كتكدب وصاااافيي كفااش نزلتي لهاااد لمستوى هااا كفااش قلتي بحال هااد لكلام هءءءه
سكتات وهي حاطة ايدها على فمها 
ازار رجع شاف فيها كتبكي بحرقة بحال لحمقة عينيها حمارو بكترة لبكاا ..قرب لعندها شدها من وجها بايديه بجوج نطق بصوت حنين : كاان علياا ناخدو ضروري. ..كنتي غادي تموتي بين ايدي..كفااش بغيتي نعييش بعدما تموتي ..هااا عقلتي على نهار لمشينا للفيرمة وغرقتي فالبيسين تمااك وقع لوقع 
سنايا رجعات بيها ذاكرة لحريق لكاان فييها و عضامها لمدكدكيين على واالو .رجعات شافت فيه : نتااا أكبر حقيير شفتو فحياتي. ..كااان علييك تخليني نموووت 😭..هءءؤؤ هءءؤؤ بغيييت نمووت .منقدرش نشوف فوجهك مزاال منقدرش
حلات لباب وخرجات كتجري بحال لحمقة يله غادي تحل باب لفيلا سمعات صوتو : باغاا تمشي وتخلييني
سنايا كتحس بصوتو كيهرها فودنها : كنكرهك 
كتفات بهاد لكلمة وخرجاات لعلى برى. .

دازو ساعات. .
كانت كتقاد حوايجها فالبلاكار. .خلات الشقة لغادي تسكن فيها كتشعل بنقاا .كلا شوية كتمسح دموعها لكيخونوها ولات على سبة. .سمعات صوت لباب ستغربات مشات بخطوات ثابتة حلاتو و وساعو معاها عينيها يله جات تنطق دخل فيها حتى تزعزعات من بلاصتها 
ازار تلاح فوق لفوتااي : اجي ديري لياا مساج 
تلافتت عندو بالعرض لبطيء مخرجة عينيها وجنون كيلعبو فوق راسها : أ ا ااش جااابك هننااا 
ردخات لباب سداتو ومشات عندو طيرة موجة صبعها لييه : وااش مكتفهمش. ..اااش جابك لعندي هااا 
ازار موسد ايدو ورجليه مليوحين فوق لكنباي كيطلع واهبط فيها ببرودة : مكتعرفيش ترحبي بالضيف 
سنايا حااسة براسها غادي تفركع بالبكا مجرد ما كتشوف وجهو قدامها كتخايل ديك الليلة وخا معاقلة على واالو. .تنهدات فخاطرها ونطقات وهي كتخبي شهقاتها : عفااااك خرج من هناا ...اناا كنهدر معااك بالأداب. ..خررررج😭
ازار شافها بدات كتبكي ضرو خاطرو. .جمع لوقفة ومشا لعندها كيشوفها كفااش غاطسة وجها بين ايديها كتنخصص بأعلى صوتها. حاوط خصرها بسرعة ضامها لييه مباغيش اسمع بكاها 
نطق بصوت رجولي مع نبرة هادئة وحنينة فنفس الوقت : ششش ...هاادشي مكتاااب مكنتش بااغي نشوفك فهاد لحالة ...ولكن مااشي بيدي. عدريني مكنتش باغي نخلييك تموتي نتي كتهدري دابا حيت معشتيش لموقف. انا لحسيت بييه 
سنايا تنترات منو وهزات عينيها الدامعين فعينيه نطقات موركةعلى كلامها :قلت لييك خرج من هناا. ..صوتك كيركب لياا شقيقة هءءءه. ..خررررج عفاااك هءء 
ازار تنهد : واااش ماشي من حقي ناخد فرصة 
سنايا ضرباتو لصدرو :اشمن فرصة هااا ...ضمرتي لياا حيااتي فمرة ...بسباابك مكنعسش فالليل بحال بنادم كنقيل فيقة بحال جنية شادة ركنة وكنتفرج يإما فييلم ولا شي مقابلة دياالك هءهؤهءه وفالاخير استهزاءك بياا و تلعب بمشاعري ومن بعد تقولي متستاهليش كويين😭
ازار ملقا ميقول بقا ساكت خلاها تفرغ داكشي لفقلبها ..
سنايا شافتو مهدرش عاودت ضرباتو لصدرو بكل قوتها : وااش بااقي هناا ...خرررج مبغييتش نشووفك مزاال انا مجيتش لهناا بااش نلقاك فوجهي ...جيت بااش نقرأ ونكون رااسي برااسي 
ازار تنهد : بقااي ضربي فهااد الصدر عندي لحديد بلاصت لعضومة وااقيلة 
سنايا مشات كتشتف برجليها فالارض ..كلها كترجف بالاعصاب مبقاتش باغا عينيها تجي فعينيه ..دخلات لكوزينة جبدات موس كبير حااد يله غادي تلافت باش ترجع عندو. تصاطحت معااه
ازار كيشوف فالموس :باغا تدبحي شي دجاجة 
سنايا وجهات ليه لموس كتهدر بجدية وعينيها كيطلقو شرارة :غاادي نغرسها فييك دابا الا ممشيتيش ...عند باالك انا بنت غاادي تحكر علياا 
ازار قرب ليها كتر :يله غرسيها اااش كتسناااي
سنايا حسات بقلبها غادي اسكت من قربو لييها : بعد لهييه..راه مكنضحكش 
ازار بصوت حاد وجدي : وحتى انا مكنضحكش
سنايا رمات لموس ودفعاتو بجهد : واااش مكتفهمممش ...قلللت لييك خرررج عليااا😭... حشووومة عليييك هادشي لكدييير هءءءه 
ازار كيحاول اهدنها بايديه : كلشي غادي اتقاد بالعقل. ..عطيني فرصة نجلسو ونتناقشو ماااشيي بالغوااات ..دابا دير معااك لخااطر حيت عاارفك مجروحة اماا على ديك لفعيل خااصي ندفنك تحت ترااب ونتي كااع لوقت مستحمرااني
سنايا كتمسح دموعها نيفها ولا حومر بكترة لبكاا : مباااغيش تمشيي ياااك؟
ازار كيمسح على راسو بلا مبالات : لا ..اشنو غادي ديري 
سنايا قصدات التلاجة جبدات منها كااس كبير عاامر حلييب ورجعات عندو فايدها لكااس
ازار مستغرب معرفهاش فااش كتفكر فاق من سهوتو ملي كباات عليه لحليب فوق رااسو ولا مبقبق وهو هوااد مع حوايجو ..هز عينو فيها مخرجهم نطق مغزز على سنانو :اش هااد تبرهييش
سنايا بلامح جدية: نتاا لي علنتيي لحرب 
ازار نسل لجاكيط بقا بتيشورط ساارد. .نطق وهو كيمسح وجهو من لحلييب : بااغا لحرب ...وااخا 
دور عينو لمح قرعة من الزااج عاامرة حبوب لقهوة الطبيعية ولكن مدكوكين حتى ولاو غبرة صالحين للاستعمال .
هزها فايدو راسم على وجهو ابتسامة ماكرة. .معرفاتش امتى حلها ورماها عليها كاملة حتى لكوزينة ولات عاامرة بريحة لقهوة
سنايا وجها كلو عمر وشعرها عاام بريحة لقهوة. .هزات عينيها فيه مصدومة ولات كترعد قربات لييه كضرب وتركل وتخبط تبرد جنونهاا : اااعععععع لحقيير ...هاادي صيبتهاا لياا مااما بايديها هءءءؤ كنكرهك اععع😭...كنكرهك الله اغبر ليييك شقف هءءءه لحقيير 😭
ازار حابس ضحكة كيطاكي بايديه مخليها على راحتها كتبرد جنونها ..تعاامل معاها على قد عقلها 
نطق بالغواات : هداااي رااه غاادي نفلعصك ..رصاااي نااري على برهوشة لقاني بييها ربي
سنايا مزال مبرداات نطقات كترجف بالاعصاب كتحس براسها غادي تحماق كيجيب ليها تماام ببرودتو: واخا انا برهووشة ياا لبرهووش لاخر. ..وااخا
دورات عينيها على قرعة دلخل وزييت لبلدية ولات تحل وتكب فوق رااسو وهو كينفض صااعر من فعاايلها 

نطق بلغوااات: سنااايا هداااي اعععع 😤...ناااري على برهووشة هداااي 
سنايا : يله خررج علياا داباا .. قبل نخوي علييك لاسييد نشوطك 
ازار واقف حال عينيه مصدوم من حالتو ..هز راسو لعندها : مااال مككك ملعبااش فصغرك ولا توحشتي لعصا 
سنايا : وااا بعععد منيي ...نتاا لجبدتيني
ازار محاملش رااسو كااع روائح تخلطو علييه. .طاح فبالو فكرة سرعان مترسمات على ملامحو ابتسامة جانبية. .قصدها هزها بين ايديه 
سنايا كتركل :نزلنيي فيين غاادي بياا...قلت لييك نزلني مكتسمعش
ازار هازها كيدور بعينيه على لحماام ..بتاسم فاش عرفو فيين كااين .قصدو نيشان وهي بيين ايديه كتقمش وتعض على الله ارخي منها ..مجننها كيتصرف بحاليلا مكينااش .دخل وسد لباب موراه عااد هبطها
سنايا مخرجة عينيها :اشنو كتحااول دير هاا هءءءه وااش بااغي تحمقني
ازار كلاها مع لحيط نطق بصوت حاد : رااه نتي لمحمقااني
سنايا كدفع فيه باش متضعافش قدامو : عمري نسا اشنو درتي لياا ..بسباابك خسرت شرفي هءءءؤ للحد الآن مقلت واالو ..كنحاول نساا ونبدا حياة جديدة بعيدة علييك
ازار عصباتو بهدرتها : مستحيل نخلييك تبني حياة جديدة بلا بياا 
سنايا هزات عينيها دامعين فيه نطقات بصوت باكي بحال شي بنيتة صغيرة : نتاا مكتسوااش ..خديتي لياا شرفي بلا موافقتي وزيدها كتعصبني 😭
ازار حابس ضحكة : قسماا بالله ياحتى طفييت ضوء مشفت واالو ..خليت حتى تجي لفرصة وتكوني بخاطرك عاد نشوف 
سنايا طاحت فزليج كتمرغ : وااااع هيءءءؤؤ ماماااا  😭...
ازار هزها بين ايديه : لاش لبكاا فالاخير غاادي تكوني مرااتي شراافك كنت غادي ناخدو غادي ناخدو ..غي هو سبقنااه فكري بالمنطق
سنايا شداتو فايدو كرشاات عليه بعضة حتى غرسات سنانهاو تنترات لييه :مستحيل نكون لييك. ..كتسمع خررررجج خرررج
ازار بدا كينسل حوايجو قدام عينيها بقا بالبوكسور. .وقرب لييها كينسل ليها فحوايجها وهي كتركل لييه خلاها بدوبيااس 
سنايا : اشنوو بااغي دييير هءهءء حرااام علييك
ازار ببرودة : ميكونش عقلك مسخ..غاادي نعومو بجوج .نتي لطليتيني بهااد لحالة 
سنايا سكتات كتنخصص وترجع شعرها لور كترجف واصلة بيها لعضم
ازار شاف راسو زاد فيه قرب لعندها حاوط خصرها وطبع قبلة طوييلة على جبينهاا حتى حس برجفتهاا
قرب لحدا ودنها ونطق بهمس : بصح باغاني نمشيي ونخلييك
سنايا خاشية راسها وسط صدرو فصراع مع قلبها وعقلها. .فالاخير تشجعات وبعدات علييه كتمسح دموعها : اه وسير دابا 
ازار : وااخة لبغيتي ..غادي نخلييك على خااطرك
سنايا مدورة وجها : احسن حاجة غادي ديير 
ازار دخل لجيهة لخرا من لحمام كين زااج طلق دوش قلبو سخون ..اما هي بقاات واقفة فبلاصتها هازة شوكتها لفوق حتى فيقها من سهوتها 
ازار : مدي لياا شمواان ولفووطة
سنايا دارت راسها مكتسمعوش 
ازار عايق بيها : وااخة ..مكتسمعييش الا خرجت وشفتي شي حاجة معجباتكش شغلك هدااك 
سنايا وسعات عينيها فهماتو اشنو قصد. .مشات طيرة هزات لفوطة وشمواان ورجعات عندو واقفة مغطية عينيها 
ازار طل عليها خدا لفوطة علقها و الشمواان : تحشمي مترمشيي 

نبدلو لبلاصة. .
كانو واقفيين عند راسها متكية فوق الناموسية. .لكل وااضح علييه الصدمة و بزااف د الأسئلة كدور فرااسهم مفهمو واالو
عمار وقف بعدما قاد لييها لمخدة : بااش كتحسيي
ماجدولين كتشوف فييهم مصدومين : اه مزياان 
فخرية قرباات حداها. .وملامح الصدمة وااضحة على وجهاا : وااش كنحلم
ماجدولين : هءءهءه لا خااالتي هادشي بصح 😭
عمار تنهد وجلس عند راسها :عااودي ليناا بتفاصيل اشنو وقع معااك بااش نفهمو 
لحاجة و عايدة جالسين فوق لكنبااي مصدوميين دبصح 
فهاد الاتناء دخل عندهم عزيز فااش رجع من لمستشفى يله غادي اسولهم اش وااقع حتى كيخرج عينيه حس بدنياا داارت بييه ..غمضهم كيستغفر الله عند باالو تخايلها ورجع حلهم وسعهم فااش لقاها بصح بدمها ولحمها
خالد جاي مدرم : قلتو نطلعو نشوفو. .ماالكم
يله غادي ازيد اهدر جات عينو على ماجدولين دور وجهو : بسم الله الرحمن الرحيم. ..اعودو بالله لعياا أثر علياا حتى ولييت كنتخاايل
عزيز مزال حال فمو من هول الصدمة : لا راه بصح 
خالد رجع شاف فيها : وااش كنحلم ولا شنوو. ..كفااش 
عمار حس بيهم خلعو ماجدولين بردت فعلهم : لواليد بعقلك زعماا ..كاالم حتى حنا تصدمنا ومزاال مصدومين. .جلسو نفهمو اشنو وقع 
خالد وعزيز نفدو كلامو حالين فمهم ..خايفيين ليكون شي شبح رجع من لموت وهوما بايدهم دفنوها هادي لمبغااتش تفهم لييهم ..عيااو افكرو موصلو لحتى جوااب منطقي 
فالبيت لاخر كانت خلود غادة جاية هازة فايدها لينا كتلعب معاها ودموعها شلال مبغااوش احبسو كتحس بقلبها كيتحرق وهي كتشوفو مع مرأة آخرى 
ليناا : ماما مم ما  😄
خلود باست على راسها : ماماك جااات ..بينما جاا بابي ويدييك ليها
سكتات وهي كتكتم شهقاتها : مخصيش نبكي ...صافي هادشي مكتااب مبقى عندي مندير هناا 
ليناا بحاليلا حسات بكلامها بدات كتبكي..

ليناا بحاليلا حسات بكلامها بدات كتبكي..طلقات زواكتها مبغاات تسكت 
خلود كتحاول تسكتها : شش صاافي احبيبة موقع واالو. .مغااديش نمشي يله ضحكي نشوف ههه....براافو هاكااك
نرجعو عندهم كانو ساكتين كيتسناوها تهدر 
ماجدولين حاولات تجلس عاونها عمار قاد لييها لمخدة. .شافت فييهم بتوتر عاد نطقات : لي عارفة هو أنني حلييت عينيي لقييت رااسي فالمستشفى و الأطباء دايرين بياا هءءهءهؤه خفت بزاااف مكنتش كنهدر غي كنشوف دوزت شهورة وانا على نفس لحالة
عمار مسح دموعها : شش...متجهديش رااسك
عزيز : ولكن حنا دفنااك بايدينا ...كفااش هادشي مفهمت واالو 
ماجدولين ترمات فحضن عمار : هءءءؤ هءءءه معااارفة وااالو ...حساابليي نسيتووني وصااافي متوقعتش انكم احسابليكم انا ميتة😭
عمار كيهدن فييها :مديريش فراااسك 
خالد : فااش نفاجرات بييكم السيارة كانت تحرقاات ماجدولين. .و ملامحها مبقااوش مفرزيين بسباب لحريق 
عزيز : اه ...شنو زعما نكونو غلطنا فالجثة فاش خرجناها من لمستشفى ودفناها
خالد : امكن هادشي ..وخاا لحد الآن مصدوم كنحس براسي دفناا ماجدولين نفسها
ماجدولين بقات ساكتة كتنخصص فحضن عمار 
فخرية تنهدات : صاافي بااركة خلعتو لبنت ...
وجهات كلامها لماجدولين : متديش علييهم ابنتيي غي الصدمة لدارت هااكة
لحاجة و عايدة نطقو فدقة وحدة : لحمدالله على سلامتها 
عمار بتاسم ليهم : الله اسلمكم
كلشي خرج بقا غي هو .وفخرية واقفة فالباب 
عمار باس جبينها وناض : رتاحي هااني جااي 
ماجدولين شدات فايدو : متمشييش وتخليني ..
عمار حرك راسو بلا : متفكريش بزااف
ماجدولين بصوت بااكي : بغييت نشوف بنتيي 😢
عمار : هاني غادي نجيبها لييك
ماجدولين بتاسمات ليه ورجعات راسها للمخدة 
عمار خرج وسد لباب كانت فخرية واقفة : اشنو غادي دير مع خلود... والا عرفات ماجدولين انك مزوج 
عمار : خلود مرااتي مستحيل نفرط فييها 
فخرية تنهدات : فهمنا مرااتك ولكن فاش غادي تشوفك مع وحدة أخرى مغااديش تحمل
عمار كيحس براسو مرون كلشي تخلط علييه : نمشي نجيب ليينا بعدا 
فخرية قطعاتو قبل امشي : مغااديش تشوف ختك 
عمار تلافت عندها باستفهام : ختيي. ..ريمااس! ! فيينهاا
فخرية عاوداات لييه كلشي 
عمار مصدوم : واااش هادي من نيتها .. خاصهاا طبيب نفساني ضروري وزيداها كادبة علياا ..حسابي معاها هو لخر 
فخرية : متقوليها واالو ..هي فحالة ماشي مناسبة بااش تلومها ولا تغوت عليهاا
عمار مسح على راسو : فيين هياا دابا
فخرية : فبيتهاا ..حابسة رااسها اول مرة كنشوفها فهااد لحاالة
عمار تنهد : انشالله ..غادي ترجع كيف كانت 
فخرية : يااربي أمين 
عمار مشا لبيت ليناا ملقاهاش وهو ارجع لبيتو الأصلي .دخل لقاها كتنعس فييها وهي متكية على جنب شعرها مخطي وجهاا ..
قرب حدااهم : احم نعسااات
خلود مسحات دموعها بتخبية عاد تلافتت عندو باغا تبين لييه انها ممتأثراش : اه بحرى شوية 
عمار شاف عينيها حمرين عرفها كانت كتبكي معرف ميقول قلب دورة وخرج على برى كيحس براسو غادي اطرطق 
نطق بصوت جدي : خااصي نفتح لقبر ونتاكد من لجثة .. ضروري 
تنهد بعصبية ومشا عند ماجدولين لقاها ناعسة. .جلس مقابل معاها مطول شوفة فملامحها معرفش وااش افتح لقبر اتأكد ولا صافي اقتانع ان ماجدولين راه قدامو. .بغا اخلي لموضوع سيري بااش ميبقاش فيها لحال فاش تعرف على أساس متفكرش انه متيقش فيها هااكة حللها فراسو. .
دازو ساعات وجا الليل ..
على طابلة دلعشا مجموعيين صمت يعم لمكاان حتى نطق خاالد: هي ولدك مشاا بلاما اعلمناا
كاميليا كانت جالسة معااهم كتمسح دموعها : ممكتابش إكمل هاد زوااج
عايدة طبطبات على ايدها : ربي غادي إلاقيك بشريك حيااتك .كلشي بالمكتااب
خالد تنهد : داكشي ابنتيي ..علاما فهمت كون تزوجتو غي غادي ظلمو رااسكم
لحاجة وجهات كلامها لعايدة : معرفتيش فين مشا وعلاش؟ ..امتى غادي اجي؟ 
عايدة : مقاالي واالو ولكن لعارفة انه مشا لفرانسا 
عزيز : امكن شي حاجة مهمة 
عايدة عارفة لكين مبغااتش تهدر قدام كاميليا : احم عمار منزلش
فخرية : طلعات ليهم لخدامة لعشاا
لحاجة : معرفتش وضع خلود كيف غادي اكون. ..الله افاجيها 
لكل :اميين
نطلعو للفوق. .
ماجدولين : حبيبي اجي نعس حدايا 
عمار هز لبلاطو ورجع حداها تكى على ضهرو .بينما هي توسدات صدرو لعريض. .
عمار : ماجدوليين 
هزات راسها فييه : نعااام
عمار : صاافي رتااحي ماشي شي حاجة 
سكتات حتى داز لوقت .غفاات ونعسات فحيين عمار بقا حال عينيه مبغاش اجيه نعااس ..تنهد وجمع لوقفة قادها فبلاصتها وخرج قاصد بيتو معرفش كفااش قادوه خطواتو لعندها شافها ناعسة. .تخشى حداها وجرها لعندو. .حساات بييه من ريحتو 
عمار بصوت منخافض كيحسابليه ناعسة مبغاش افيقها : اشنو درتي فياا منقدرش نعس فبلاصة خراا 
خلود بقات ساكتة كتسمع دقات قلبو. .

بعد مرور تلات أيام. .
كانت جالسة فوق لكرسي حاطة ايدها على كريشتها ساهية فزورق وأمواج لبحر ..سمعات تخرشيش تلافتت للمصدر ديالو. .لمحاتو هاز شي خشب باغي اهرسو. خسرات ملامح وجها وتلافتت قدامها محساتش بدموع امتى نزلو على خدها. .من نهار جات وهو منخلها عياات تصرف وتبين لييه بيلا ندمانة وبغااه ولكن لا حياة لمن تنادي. .تشجعات وجمعات للوقفة بزز بحكم انها بدات كتقل وكرشها كبرات ..رجعات شعرها لور ومشات لعندو 
أمير كيقطع فالخشب وصدرو عريان كيطلع واهبط بسباب لمجهود لكيدير
يارا : حتا لامتى غاادي تبقى هااكة 
أمير مجوبهااش بقا على نفس لوضعية مشغول 
يارا حطات ايدها فوق لخشبة :يله ضرب ايدي على الله ديها فياا ..نصبر للحريق حيت مغاديش اوجعني قد معاملتك لباردة لياا بحاليلا مكينااش قدام عينيك 
أمير شاف فيها :بعدي ايديك ..براااك من تبرهييش
يارا وقفات تقابلت مع وجهو : كتسمي هادشي تبرهييش 😢. ..اشنو ندير بااش تسمح لياا مكفااكش طول هاد لمدة وانا كنتعدب هءهءء مهمكش هاادشي ..عمرك غادي تبدل ديما غادي تبقى انااني
أمير شدها من دراعها مخرج عينيه نطق عاض على سنانو : قلتيي انااني يااك ..شكون لدار سم لاخر بااش امووت ..وخا عرفتك نتي مولات لفعلة مقلت والو بقيت سااكت. .فضلت اني نساحب من حيااتك ملي نتي بغيتي تستعملي السم باش تهنااي من حياتي و وجودي قدام عينيك 
يارا مصدومة من هدرتو ودموعها شلال مبغاوش احبسو : كنتيي عاارف هءء 
أمير رخف منها وعطاها بضهر : اه ...كنت عارف كلشي ودابا من الاحسن نبقاو بعاد على بعضياتنا حيت حتا حاجة مكتجمعنا
يارا مشات وقفات قدامو ..شدات وجهو بايديها بجوج نطقات كترجف : عفاااك سمح لياا هيءءءؤؤ معرفتش كفااش درت لييك سم ..كنت كنكرهك داكشي علاش 😭
أمير بعد ايدها : وعلاش كتبكي ملي نتي كتكرهيني
يارا ضرباتو لصدرو : انا كنبغيييك المكلخ مكتفهمش 😭...كنت غادي نموت ونتا بعييد علياا هءءءه 
سكتات وهي كتنخصص بحرقة عينيها حمارو من ثاتير لبكا 
امير ببرودة : هادا مااشي حب ..الا بغيتي تمشي قوليها لياا نوصي رجالي اوصلوك حتى لدارك .اما انا عتابريني ميت 
يارا بقات كتشوف فيه مخرجة عينيها كتحس بسطل دلما بارد تكب فوق راسها. .هدرتو تخشات فيها بحال لخنجر. طاحت دمعة سخونة فااش داز من حداها بلاما ادير ليها أي اعتباار ..بقات واقفة فبلاصتها دنيا كدور بيها كلشي تخلط عليها كتحس بزمن توقف من غير هدرتو لكتجول فراسها و مستعمرة تفكيرها .
حطات ايديها على كرشها فاش ضراتها ..مسحات دموعها وتمات غادة معرفاش فيين بالنسبة ليها هو تبعد باش تقدر تنفس .بقاات غادة وأمواج لبحر كضرب عند رجليها. عينيها ساهيين وتفكيرها مبعثر مشعرتش بالوقت وهي كتمشى حتى تلفات على طريق رجعة مبقاتش عارفة راسها فين بالضبط ..دورات عينيها مصدومة من لمنظر لقدامها كان بحال سوق كيبيعو ويشريو .بتاسمات ابتسامة شاحبة بغات تنسى حيت كانت موجدة راسها لهاد لكلام مجهاش غريب بزاف فاش سمعاتو .من ديما مولفة على السم لكيخرج من فمو ..تقدمات بخطواتها كتوزع عينيها على الناس مخالطين كيبيعو وشي كيشري حساتهم بحال لعائلة كتشوف كلشي مبتاسم وبااين عليه فرحان. .ستغربات من لباسهم اغلبية عااري ومخلط ببزااف دالالوان بحال شلادة خخ..
فاقت من سهوتها على صوت انثوي : ماذموزيل
يارا تلافتت عندها حاطة ايدها على بطنها : وي 
لبنت شافتها حاملة بتاسمات : بااغداا ..مدام باا مدموزيل 
يارا :ههه وي مدام ..جومابيل يارا بناني😊
لبنت بتاسمات ليها وكبات ليها من لعاصير لكتبيع عاد مداتو ليها بكل لباقة : تيااا
يارا خداتو من عندها : اووه مغسيي ..سي تغي جوونتي
لبنت كتفات بابتسامة أما يارا كانت ملهفة تروي عطشها وتدوز سم أمير بهاد لعاصير يله جات تحطو على فمها حسات بشي واحد دفعو ليها حتا تهرس. .تلافتت مخرجة عينيها 
أمير قرب لعندها شدها من دراعها نطق بالغوات حتى قفزها : توحشتي لعصاا وااقيلة. .شكون قاال لمكك تفااوتتي من داك لقنت هاا
يارا خلعهاا بقات كتشوف فيه ودموعها هابطين على سبة 
أمير عرف راسو خلعها شد وجها بين ايديه نطق بصوت خوفاان : فاش خرجت وملقيتكش وليت بحال لحمق كنقلب ونتي جااية لهناا بلاما تعلميني
يارا بعدات ايديه : يااك قلتي لياا سيري بحالك. ..علاش كتقلب علياا دابا .بفمك قلتي مكيجمعنا واالو 
أمير شد معصمها : وليتي كتهزي علياا صوتك همم 
يارا بقات ساكتة كترجف وعينيها فعينيه. .معرفاتوش امتى هزها بين ايديه 
يارا : نزلنييي اويليي ...نزلنيي قلت لييك 
أمير ممسوقش لصداعها : خااصك تنقصي وليتي بحال لبطريق
يارا قمشاتو فصدرو :شكون لرجعني فهاد لحالة هااا😭...عاد مبقيتش عجبااك حملني وعيب علياا هءءءه 
أمير وقف بعدما بعدو من سوق ..نزلها بالشوية : كتراات فييك لهدرة
يارا دفعاتو وتمات غادة كتشتف و شعرها معنكشها بسباب ريح لبحر 
أمير : اجي نتصالحو غي وقفيي
يارا عضات على شفايفها مبتاسمة ولفرحة خارجة من عينيها.

يارا عضات على شفايفها مبتاسمة ولفرحة خارجة من عينيها...ولكن مبغاتش توقف بقات غادة وهو موراها عايق بيها كيطلع واهبط فيها توحش تفاصيل جسمها. .عياا ابقى صابر و مانع راسو اضعاف قدامها. سرع فالمشية حتى عارضها بايديه مصغر عينيه فيها 
يارا بتوتر : أ ا اشنو بااغي ...نتاا جرحتيني😭
أمير : ونتي بغيتي تقتليني اشنو نعنقك ونقولييك شكرا 
يارا نفاجرات بالبكا : رااه طلبت منك سمااحة😭
أمير تنهد بدا كيمسح ليها دموعها وكيرجع شعرها لور : صافي انا سامحتك 
يارا طارت عليه بتعنيقة وخا كرشها منعااهم من أنهم اقربو من بعضياتهم بزاف :وااش بصح 😍
أمير بعد عليها شاد وجها كيمسح على شعرها مرة مرة : ولكن بشرط
يارا شاداها لبكية :اشنو مزال 😢
أمير عاود هزها بين ايديه : حتا نوصلو ..اععع تقاليتي الحلوفة ديالي
يارا معوجة فمها كتشوف بنص عين ايد معنقاه بيها من عنقو وايد على كرشها : رااه هازة روح فكرشي بلاما تبقى تعصبني 
أمير باس جبينها :دابا انا غادي نولي اب 
يارا هزات راسها باه حاسة بقلبها كيرفرف فالسما : اه. .غادي اكون كيشبه ليناا ..فراسك خصنا نعرفو جنس لبيبي
أمير : لي جاا من عند الله مرحباا..مهم حب حياتي هي أم ولدي هادشي لكيهمني
يارا حاسة براسها غادي تسخف بسباب هدرتو بقات كتردد فالمسمع ديالها "حب حياتي" بغاات تطير وتبين سعادتها لكااع الناس 
أمير حس بيها فرحانة عجبو لحال وهي بين ايديه موسدة صدرو ..بقاو على داك لحال حتى دخل للكوخ قصد لبيت حطها فوق الناموسية وقاد ليها لمخدة 
عاد وقف كيسرح دراعو : كاديري رياضة
يارا هزات راسها بلا : فاش مشيتي مبقات حتى حاجة كتبان قدام عيني 
أمير تنهد وجلس شاد فايدها باسها من لداخل عاد هز عينو فيها : قلت مغادي نسامحك حتى اتحقو هاد الشروط 
يارا قلبها كيضرب بسرعة خيفا تسمع شي حاجة خيبة : اه. .قول كنسمعك 
أمير عرفها تخلعات بتاسم وهو كيطلع لكسيوة حتى لفخادها كيدوز عليهم بطراف صباعو حتى كتهز من بلاصتها : اممم اول شرط تعلي صوتك علياا نقطع لييك لساان
يارا هزات راسها باه خيفا اتسيف عليها 
أمير باس كرشها : وتولي تسمعي لكلامي 
يارا :وااخة 😢
أمير عضها من فخضها ومن بعد طبع قبلة حنينة بلاصة لعضة : لبس لمقزب ممعاناش ..نشوفك كتدوري بييه حسبي راسك تحت تراب ..وقدامي وخا تمشي عريانة خدي راحتك
يارا فخاطرها :لمكبوت لاخر😒
أمير مزال كيلعب بطراف صباعو على فخدها : وحاجة خرا وهي الاهم ..خااصك ديري داكشي لكنطلب منك بلا نيقااش
يارا :ضروري 😒
أمير هز عينو فيها قرب لشفايفها نطق بهمس :و كلا صباح خاصك تعطيني قبلتي صباحية 
يارا كتحس بالفراشات كيلعبو فمعدتها نطقات كترجف من قربو ليها : صافي لبغيتي
أمير هز حاجبو : علاه نتي مكنتيش غادي تبوسيني ..كفااش لبغيتي
يارا طارت على شفايفو كتبوس فييه بجنون بقات على دااك لحال وهو متجاوب معاها كانت هي لمتحكمة فالقبلة عاد بعدات عليه كتسترجع نفسها لتقطعات. هزات عينيها فيه : هادو كااع لقبلات صباحية لكنتي كتسالني
أمير ضحك على عفويتها وحط راسها على صدرو : متصوريش شحال كنبغييك
يارا مقداها فرحة :حتا اناا كنموت علييك...عمرك تبعد عليا مزال
امير : منضمنش لييك
هزات راسها فيساع معليا حاجبها ..سرعان مقمشاتو من جديد : مغاديش نخليك تمشي حيت غادي نقتلك 
امير رجع راسها على صدرو :ههه مرااتي لغيورة ...توحشتك بزااف
يارا : بلاما تحلم يله مكافية مع ولدك
أمير تنهد بحاليلا هاز جبل فوق راسو : نصبر. .ولكن فاش غادي طيحي بين ايدي الله ارحمك 
يارا كتسمع دقات قلبو : كتخلعني بعد لمرات 
أمير هز وجها باسها على شفايفها وداز لعينيها بجوج عاد جبينها : متبقاايش تخاافي خاصك تولفي علياا 
يارا هزات راسها باه وهي مبتاسمة : مفيكش جوع 
أمير وقف : غي جلسي. .هاني جااي 

نبدلو لبلاصة وبضبط فرنسا. .
خرجات من الشقة بعدما قادات حالتها مزيان بغات اول نهارها فالقراية ادوز مميز..قصدات لمصعد ركباتو. بقات ساهية مقابلة مع لمرايا كتفكر هاد 3 أيام مشافتش وجهو مبقاش كيدور بساحتها ..قادات الصكادو على كتافها كتحاول تشغل راسها باش تنسااه ..وخا متقدرش تجلس بلما اطيح فبالها ديما مرافقها بحال خيالها. .عرفات انه صعيب عليها تنساه بسهولة. .فاقت من سهوتها على شي واحد دخل متلافتتش جيهتو بحكم انها مكتعرف حتى واحد فهاد لموبل يله بدات كتحفض شي بلايص محسوبين على طراف اصابعها 
حسات بالصهد بدات كتنش عليها : ياااه على صهد 
هز عينو لعندها بعدما خشا تيلي فلكغطابل : احم. .مغربية 
سنايا تلافتت بالعرض البطيء فاش سمعات دارجة :هااا. ..وااش نتا مغريبي
مد ليها ايدو باغي اصافحها : معااك مجد. .حتى انا مغريبي
سنايا صفحاتو بلباقة : مشرفين. ..واااو فرحت فااش شفت ولد بلادي فالغربة 
مجد ضحكاتو : ههه ويييه لغربة صعيبة 
سنايا خسرات ملامح وجها : اش غادي ندير. .صبر وصافي كلشي على قبل قرايتي
مجد : حتا انا هنا على قبل لقرااية 
سنايا : مزياان ..فين كتقرا

مجد :معهد *****
سنايا موسعة عينيها : قول والله. .فخبارك نفس لمعهد لكنقرا فيه
مجد :ههه مزياان هيا غادي نبقااو نقراو بجوج 
سنايا بتاسمات : لقيت معامن نتوانس
تفتح لمصعد وخرجو لعلى برى ..سنايا وقفات بغات تاخد طاكسي 
مجد : عندي سكوتر انا نوصلك 
سنايا : بلاش منعدبك
مجد : مكين لعداب لاوالو بنت بلادي نحطها فوق راسي 
سنايا : اوكي😊
ركب وركبات موراه قبل اديماري وقفاتو بصوتها : طريق رجعة انا لنسوك ..توحشت سكوتري حتى انا 
مجد :علاه كان عندك سكوتر
سنايا هزات راسها باه : يله تحرك تعطلنا
كسيرا مجد شاد طريق لمعهد ..منتابهوش للسيارة لكانت مرقباهم ..هز تيلي دوز ليه كيتسناه اجاوبو : سيدي 
كان غارق وسط لبيسي مركز مع شغلو و على ودنو تيلي كيتسناه اهدر : اش كين
بلع ريقو : لبنت لوصيتينا نراقبوها ركبات مع واحد فوق سكوتر ومشاو
ازار وقف صاعر : كيفااش. .وكتقولها بوجهك حمر. .عااد كتعلمني
لكارد : نتبعوهم اسيدي
ازار : كتحيمرو علياا ولا شنوو ...تبعوووهم هاادي خدمتك. ابانو لييك وقفو سيفط ليا لعنواان 
قطع ورمى تيلي كيغلي بالاعصاب : وااخة الالة سنايا. .قلتي نتفرق علييك باش ديري مبغيتيي .حسااابك على ايدي 

نرجعو للمغرب. .
كان راسو تقيل علييه ..كيتسمع صوت الآلات و نفسو لغير منتظمة. .فاق من سهوتو على صوت كنزة داخلة عندو مخلوعة : ولدي. ..اش هادشي هءءءؤ من امتى ونتاا هناا عااد سقت لخبار ..بااش كتحس كضرك شي حاجة؟ علاش مقالو ليا والو هءءءه؟ شكون دار فييك هااكة؟
فاروق يله بغا انطق دخل طبيب : مدام كنزة. .مخصكش تحكري علييه ..بالشوية بالشوية غادي اتحسن و من الأفضل ميهدرش بزااف حيت مزال لسانو تقيل عليه من لبنج
كنزة بصوت بااكي : وااش غادي اولي مزياان يااك😢
طبيب قاد لفاروق انبوب الأكسجين : متخافيش خااصو راحة وارجع بحال الاسد
كنزة مسحات على شعر فاروق : امين ياربي. ..هادي عين وضربات فيناا فالاول ولدي أمير حساب لينا مات ولحد الآن مزال مشفت وجهو ..و ولدي تاني فالمستشفى مصااوب😭
طبيب بجدية: الله اخليك امدام كنزة فبلاصة متشجعييه باش اصح دغيا ..كتكملي علييه
كنزة قلبها محروق على ولدها : غادي نحاول نسكت هءء 
خرج الطبيب خلا كنزة جالسة مع فاروق كتشوف فيه بعينين دامعين هادا هو قلب الأم مكتبغيش تشوف ولادها ضعاف قدامها ..
فاروق بعد الأكسجين ونطق بشوية : مجااتش
كنزة : شكوون اولدي! !
فاروق كيخرج لحروف بزز : ر ر ييم ااس ..ريمااس 
كنزة : اه كينا على برى من قبيلة وهي كتبكي بقات فيا بزاف. .كينين معاها واليديها امكن ..بتلفة مسلمتش علييهم 
فاروق بصوت تعبان :قوليهم ادخلو
كنزة هزات راسها باه :رتاح ليك ..هاني غادي نعلمهم
فاروق كتفا بسكات سد عينيه كيحاول استرجع قوتو رجع حلهم فاش حس بيهم دخلو 
عزيز حشمان من فعلت بنتو : احم على سلامتك اولدي 
كنزة بابتسامة :الله اسلمك
فخرية شافت ففاروق باغا تشوف وجه راجل لخطف قلب بنتها : بشيفا انشالله 
فاروق غمض عينيه بحاليلا كيجاوبها 
نطق بالشوية : فينها ريماس 
فخرية جراتها حتى وقفاتها قدامو مع كانت مخبية مور لباب مقدراتش تشوف فعينيه
فاروق شافها منزلة راسها مكتشوفش فييه. .ضعافت بزاف و وجها حومر بكترة لبكاا عاد شعرها جمعاه كعكة مهملة كتبين على حالتها لحزينة
نطق موجه كلامو ليهم : وخا تخليونا بوحدنا 
عزيز شاف فبنتو : هاحنا برى ..كنتسناوك
ريماس هزات راسها باه 
كلشي خرج بقاو غي هوما فالغرفة ..صمت يعم لمكاان من غير صوت الآلات ..
فاروق نسل انبوب الأكسجين وحاول اتقاد على سرير : اجي عونيني
ريماس هزات راسها لعندو شافتو معدب مشات قادات ليه سرير طلعاتو من جيهت راسو 
فاروق شافها راجعة باللور مد ايدو شد فايدها : تلاتة رصاصات وخا نكون عدوك البرهوشة 
ريماس بدات كتبكي وتشهق : مقصدتش
فاروق : كنتي باغاني نموت
ريماس هزات راسها بلا : الا متيي كنت غادي نتبعك
فاروق بتاسم : مصيبة تسلطات علياا. .اجي اجي 
ريماس قربات لعندو ..هبط راسها على صدرو حتى كمش عينيه 
هزات راسها فيه : قصحتك😢
فاروق : تلاتت رصاصات ابلاتي غادي تخلسيهم
ريماس : تستاهل😒
فاروق شابك صبعانو مع صبيعات ايدها : شكون نتيي 
ريماس باستغراب :هاا
فاروق ضحكاتو : حتا نصح ونتفاهو على تلاتة رصاصات. ..وليت غرباال فصدري
ريماس حدرات راسها باستو على صدرو ومن بعد قربات لشفايفو لبيضين طبعات قبلة عليهم عاد نطقات وهي مزال مقربة فمها لفمو : غاادي نتوحشك ..رد لبال لرااسك والا بغيتي تشكي بياا عند لبوليس مغاديش نتقلق كنستاهل. .عييش حياتك هاني غادي نخليك كيف كنتي بااغي 
قبل انطق مخرج عينيه. .خرجات مخلاتش ليه لفرصة فين اهدر..كملات طريقها فلكولوار كتمسح دموعها 
شافت واليديها فخرية كانت مجمعة مع كنزة 
ريماس : يله نمشيو
عزيز قرب لعندها باس على راسها :توحشت بنتي. .غادي نمشيو نتغداو هو لول شحال مجلسنا مجموعين 
ريماس نيت كانت محتاجة تبدل لجو ..باغا تنسا للماضي : اه مواافقة😊

#يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.