فريسة في أرض الشهوة الجزء 18 والأخير

من تأليف Ikram Pancholi
2018

محتوى القصة

رواية فريسة في أرض الشهوة

بقا موسع عينيه كيشوف هاد لهبيلة اش كدير : هههه بااز ..غادي تحمقيني
ريماس جلسات : اجي نتفرجو فشي فيلم 
فاروق : بااغي نعس ..عياان
ريماس بإلحاح :صاافي نوض عفااك ..نعس عليا ونتا كتفرج 
فاروق تنهد و وقف: كنحس براسي كنربي شي بنت صغيرة 
ريماس ركبات فوق ظهرو كتلعب فشعرو : لا انا كبيرة 
فاروق تنهد ومشا بخطواتو لصالون مجرد موصل خبطها فوق لكنباي: جلسي هاني غادي نركب فيلم 
ريماس حسات بضهرها تقسم : فلعصني نتاا كااع 
فاروق كيقلب فالصدياات : مالك كبرتي علييها
ريماس خلاتو مضارب ومشات للكوزينة لقات ذرى ..كلاتها حتى تصيب ليها فوشار قداتو ورجعات لعندو لقاتو جالس. .حطات قدامهم لفوشار وتكات على صدرو كتفرج وتنقب ..كان فييلم رومنسي عجبها بزااف خصوصا فااش كتوقع شي لقطة رومانتيك بين الأبطال كتهز عينيها لعندو حتى كيضحك ..داز الوقت وهوما كيتفرجو
فاروق شافها ساهية ممسوقاش ليه ..كل تركيزها مع لفيلم. .هز حاجبو ومشا طفاا تيفي
ريماس وقفات مخرجة عينيها : بربي حتى ترجع تشعلو 
فاروق خنزر فيها وتم قاصدها : رجعتي لتشمكير دياالك 
ريماس جلسات مكمشة وسط ضلوعها : مدرت والو😨
جرها لعندو محاوط خصرها وعينيه على شفايفها كفااش كتحركهم بطريقة عفوية :اشنو درتي لياا همم 
ريماس حنيكاتها توردو بقات مهبطة راسها حتى هزو لييها: غي اتقادو شي أمور وغادي نمشي عند لواليد ديالك نطلب ايدك
ريماس باستفهام : شناهيا نطلب ايدك ..ومن عند بابا! !!
مدات لييه ايدها : هاهياا ..لاش غادي تمشي عند بابا
فاروق بقا مبلوكي : وااش متأكدة نتي مغربية 
ريماس :نص نص
فاروق :هه هادشي ليبان لياا ..نص مغريبي والنص لاخر اشنو هو
ريماس : امريكي ..شحال من عام وانا ساكنة فيها وبوحدي 
فاروق مركز مع السؤال لطرح عليها :عمرك درتي شي علاقة 
ريماس هزات راسها بلا : كاانو عندي أصدقاء صاافي 
فاروق بتاسم : انا كيهمني حاضرك معايا. . لماضي كيبقا مااضي 
ريماس شافت الساعة : خاصي نرجع للدار 
فاروق قاطعها بقبلة شرسة على شفايفها كان هو لمتحكم فييها. .حتى تجاوباات معاه حسات بدم تخلط مع انفاسهم لحارة ..تواني وهوما فالقبل لمتتالية عاد بعدات ريماس بعدما حسات بروحها غادي تخرج 
فاروق فرحاان حيت قلبو دق من جديد و لا عندو هدف فهاد الحياة : مشيناا
ريماس مزال كتسترجع انفاسها : اه ..وااخة
نبدلو البلاصة. .
دخل عندها مبتاسم كيشوفها شادة أسامة بين ايديها كترضعو ..وحورية واقفة حداها كتجمع حوايج لبيبي 
أمير : سلام و علييكم 
يارا حسات بوجودو :اسامة شووف شكون جاا ...باابي 
أمير قرب لعندها سلم على حورية بالايد وباس يارا على جبينها : حبيبة كيبقيتي شوية 
يارا : لحمدالله مبقاش كيجيني لحريق ..شوف أسامة يكما طلعالو لحرارة 
حورية : لا ابنتي غي خيفا علييه داكشي علاش كتشكي فابسط الامور
يارا عنقاتو كتشم عطرو الطفولي : هادا هو لغادي اعودني على جروحي واذاويها وخا عميقة😢
أمير :صاافي نسااي ..حاولي تسنااي على قبلي 
يارا هزات راسها باه و وقفات لبسات بانطوفة فرجليها وبين دراعها أسامة مبغاتش تحطو 
أمير : اري لياا نشد ولدي 
يارا مداتو لييه وهي مبتاسمة : غي بالشوية 
شدو من عندها .وراتو كفااش اهزو. .عجبها لحال وهي كتشوف أب و ولدو 
تلافتت عند حورية : صافي اماما جمعتي داكشي لي مهم يله نخرجو
حورية مدات ليها ساك لبيبي : انا غادي نبقى مع سنايا. .غي سيرو نتوما رتاحي لييك وتهلاي فالبيبي متخليهش اضربو لبرد كيف طلب منك الطبيب ..ومتشدوهش بزااف
أمير : هه اوامرك. .قولي غي لبنتك تخليه شوية 
يارا خنزرات فيه : يله نمشيو😒
مشات معاهم حورية حتى وصلو للوطو 
يارا هبطات زاج : بوسي ليا سنايا. .غي نقاد اموري ونزورها 
حورية :انشالله ابنتي ديها غي فصحتك و لبيبي
أمير لوح ليها بايدو وكسيرا نيشان لفيلة ديالهم 
يارا كتوزع نضراتها بين أسامة وأمير : وااش كنحلم 
أمير :هه علاش
يارا تنهدات براحة كتحاول متفكرش موت باها باش متعكرش مزاجها : الله اخلييكم لياا ياربي 
أمير شد ايدها باسها : غادي نجيب موربية تعاونك 
يارا : ولكن
أمير قاطعها : بلا نيقاش خاصك حتى نتي الراحة شوية. .وعااد كلا صباح غادي نوضك بكري نديرو بجوج سبور قبل نمشي للشركة
يارا كتشوف فجسمها : غلاضيت😢
امير بغا اعصبها : بزااف خاصك تنقصي
يارا موسعة عينيها ودموعها علاين اطيحو : وااش بصح😢
أمير فرانة وسط الشارع قربها لييه باسها على شفايفها مطول والسيارات مورااه بغاو احماقو بلكلاكصون ..متسوق لحتى واحد بالنسبة لييه هو اروي عطشو من نكهات شفايفها لحومر 
يارا بعدات عليه ضامة أسامة : حماقيتي شوف الزحام ورانا 
أمير رجع باسها بعجرفة عاد كسيرا نطق بصوت رجولي وهو مركز مع سوكان : كنبغييك
يارا بتاسمات :وانا كتر 
أمير كتفا بابتسامة مرة مرة اخطف منها بوسة حتى وصلو. .لقاو لخدامة كتسنا فييهم على برى. .هزات الساك لفيه حوايج أسامة وطلعاتو .فحيين يارا نزلات بالشوية هازة ولدها بين ايديها ..

ساعدها أمير حتى تمشات مع باقا مريضة بحكم العملية دلولادة دازت فظروف غير ملائمة. .مكانوش ضاربين ليها لحساب. .مجرد مدخلو جات عندهم كنزة حيت كانت جالسة فالصالون كتنقي شي أعشاب 
أمير :لواليدة. .مزيان ملي جيتي 
كنزة سلمات علييهم : مرحبا بيكم فداركم
يارا بتاسمات :ربي اخلييك اخالتي 
كنزة:طلعي رتاحي لييك راه وقفت بيدي على لخدامة عرفاك بغيتي ولدك انعس معاك داكشي علاش درت لكونة والسرير ديالو حدا الناموسية 
يارا: لهلا اخطيك هاني طالعة
أمير:تسناي نطلع معاك
فاروق دخل بعجاجتو : اهلا اهلا ..شكون بااغي اشوف عموو
أمير عنقو :هههه صغر منك اصحبي ودرت لولاد. .كفااش قاضيتك مناويش تبغي حتى نتا وتزوج 
كنزة :هدااو على ولدي ..واصلا رااه حاط عينو 
فاروق كيوزع نضراتو عليهم وهو مبتاسم 
يارا : اوا قولينا شكون. .معلينا غي نجيبوها لييك 
فاروق مسح على راسو : حتا لوقت لمناسب متعمروش راسكم 
يارا كتفات بابتسامة وطلعات ..أما كنزة مشات للكوزينة تعاون لخدامة فتوجاد لماكلة
أمير مشا جلس فالصالون : اجي نسولك. ..زيد زيد 
فاروق مشا جلس حداه منشور فوق لكنباي :اش كين 
أمير :شكون هاد لبنت لخدات قلبك 
فاروق :ريمااس 
أمير بقا ساكت شحال كيحاول اتفكر هاد الاسم فين سامعو حتى قفز من بلاصتو موسع عينيه :متقولش لياا ريماس لمرابطي. ..لا مستحيل هههه حنا قلنا لييك خطفها صدقتي طيح فييها😂
فاروق زف عليه بمخدة : رااه خوك لكبير حتارمني
أمير كيحرك ايدو بمعنى تهدن بزز باش حابس الضحكة
فاروق تقاد فالجلسة : عاود لياا قاضية اختفاءك 
أمير تنهد :قصة طوييلة 
فاروق: هاني كنسمع
أمير :غادي نقوليك لمهم 
فاروق :غي طلقنا
أمير : متسولنيش علاش بغيت نتاحر. .غي فوت هاد السؤال. .معلينا لي كنعقل عليه فاش حليت عيني لقيت راسي فواحد الدار مكنعرفش مولاها ..فاش فقت من لغيبوبة لكنت فيها جمعت لوقفة بزز وخرجت وخا مزال كان راسي كيحرقني وذاكرتي كتمشي وتجي 
فاروق مركز معاه : كمل 
أمير : مهم فااش بديت كنصح شوية وخا كيرجع وضعي كيتدهور من جديد. .مشيت لعند يارا للكلينيك حيت كنت موصي رجالي باش اراقبو تحروكاتها
فاروق :فخبارك كانت غادي تحماق بلا بييك 
أمير :دارت معايا واحد التصرف لي كينفي كااع حبها. .ولكن دابا عارفها كتبغيني كيف كنبغيها 
فاروق : تهلا فييها ..فرحات فاش عرفتك فين كين وعطيتها عنوانك
أمير بتاسم : دابا صفحة جديدة لي فاات فاات 

نرجعو عند سنايا ..
كانت متكية فوق السرير ومذكرتها فايدها بعدما طلبات ماماها تجيبها ليها. .شادة لقلم وشاردة لبعيد كتفكر حملها ومرضها لمفاجئ. عينيها ضروها بالبكا فاش كتفكر ازار. .تنهدات خرج مولاش رجع 
قاطع تفكيرا صوت الطبيب بعدما دخل: اهلن بشمس هاد المستشفى ..شوية دابا 
سنايا بابتسامة شاحبة : قلبي كيعطيني صداع بزاف 
الطبيب تنهد :خااص ضروري نلقاو متبرع .حدما لحمل ديالك باقي فالبدايات ديالو 
سنايا هبطات عينيها لكرشها : مبغيتش نموت حتى اعيش ولدي. .باغا نشدو بين ايديا 
الطبيب مسح على شعرها :ضروري خاصنا نعلمو راجلك 
سنايا هزات راسها بلا : لفييه اكفييه مبغيتوش اتعدب مزال 
الطبيب تنهد : ربي معاك ابنتي
سنايا كتفات بابتسامة وهي كتشوفو خارج. .تنهدات بقلق وشدات للمذكرة كتكتب ..عن قصتهم 

"💎فكل زمان ومكان هناك حب يتولد عبر الاحساس رغم لبعد ...ابتسامات تكشف عنها الافواه عند رؤية خصوصياته ولتكن صورة له فهي بحد ذاتها تسعد الطرف الآخر. .غريبة هذه لحياة تحقق حلمك لمستحيل حتى تطمأن وترجعه منك فلمحة لبصر 💎"
سدات لمذكرة فاش شافتو دخل مبتاسم: مرتيي يكما بقيتي كتسناي
سنايا :مال وجهك كتبان معصب
ازار تنهد وجلس حداها معنقها بعدما باسها على جبينها : مديريش فبالك .متفكري فوالو 
سنايا حاسة بيه مخبي شي حاجة : بغيت نخرج غدا من لمستشفى منقدرش نبقى فيها مزال 
ازار باسها على شفايفها : ميكون غي خاطرك
سنايا تخشات فيه كتحاول متحركش بزاف باش متقصحهاش للفتحة : قولي مالك 
ازار كيشم شعرها وايدو كتلعب فيه بإرياحية : اشنو باغا تعرفي بالضبط كين بزاف 
سنايا : قوليا هاد بزااف
ازار تقاد فالجلسة شاد وجها بين ايديه : اجي يكما كضرك شي حاجة. متكذبيش
سنايا كتحاول تهرب عينيها من عينيه : لا متخافش ..انا بيخير 
ازار : خاصك تهلاي فصحتك وفولدنا نتوما هوما نقطة ضعفي 
سنايا باستو على صدرو وهزات عينيها لعندو : يله عاود ليا شوشتيني
ازار : كين واحد لحاجة مكتعرفيهاش عليا
سنايا باستغراب كتسناه أكمل 
ازار تنهد وعاود لييها كولشي على حياتو وخدمت باباها حتى هي. .بقات مصدومة كتحل فمها مع كل حرف كيقولو 
ازار شافها ساكتة :مغادي تقولي واالو
سنايا بدات كتبكي: اشنو باغي منك هءءؤؤ شكون هادا لي باغي يأذيك وبسبابو مات بابا هءءءؤ 
ازار عنقها :شش ..قريب غادي نتواجهو ..انا خيف على دادة مسكينة 
سنايا هزات راسها : مالها دادة 
ازار تنهد بقلق وهو جامع ايدو على شكل قبضة. بدا كيعاود ليها قصة ماجدولين

بدا كيعاود ليها قصة ماجدولين ..والقنبلة لي حطات لعمار وخلود فالهليكوبتر ..حيت عمار قال لييه كولشي 
سنايا حاطة ايدها على فمها :يااربي السلامة. .هادشي كيخلع و دادة كفااش. مخلوعا عليها مفهمتش 
ازار :هااد خيتي لي منتاحلة شخصية ماجدولين خطفات معاها دادة باش تضمن خروجها من لقصر بلا مشاكيل 
سنايا عنقاتو : نااري هاادشي بزااف كفااش قادر تحمل. واشنو بغاات منكم هاادي اشنو لهدف ديالها 
ازار باستهزاء: اكيد مسيفطها لبوص ..شكون من غيرو 
سنايا: ودابا اشنو غادي ديرو
ازار: غادي نتسنى مكالمتو حيت ضروري غادي اتاصل بياا. وبالنسبة لدادة راه درنا بحت على GPS ولكن متوصلنا لوالو ..هادو عارفين اشنو كيديرو 
سنايا : ياربي تسترناا وتكون مع دادة بااش تحمل 😢. .
ازار نعسها علييه : صاافي متخافيش مستحيل نخلي شي حاجة توقع لييكم نتي و ولدي
سنايا بتاسمات :حاسة بيها بنت 
ازار :هه مزياان حتى نفكرو فالسمية
سنايا : واخة 
ازار : نعسي دابا حتى لغدا و نوجد إجراءات باش تخرجي من لمستشفى 
سنايا :بقا حدايا
ازار باسها فعضمة د عنقها : انا ديماا معااك..متفكري فوالو هادشي غادي اتحل ..غمضي عينيك ونعسي ..

دازت اليلة على خير وجا نهار جديد. .
عمار غادي جاي بااغي احماق و باه وخالد عند راسو كيهدرو من الصباح خايفين على لحاجة 
شاف جيهت لولد لي شاد لبيسي قدامو : اشنو لقيتي 
هز عينو فيه بعدما كان غارق وسط تركيزو : هادشي صعيب خاص شوية دلوقت باش نعرفو مكانها 
عمار كيحاول اكون هادئ : زعما رااك احسن هااكر ..كنتيقو فييك غي دير جهدك
لولد هز راسو باه وحدرو كيكمل شغلو
خالد : يااربي اش هاادشي كيوقع ليينا. ..خاصنا نعلمو لبوليس هادشي طول 
عمار بتاسم باستهزاء :الا علمنااهم غاادي اقتلوها مفكرتيش فييها
سكت شحال عاد نطق : رااه ولدك عميل سري 
خالد كان شاد كأس دالما ريقو نشف حتى بدأ كيكحب وحلات لييه دبصح ..اما عزيز بقا واقف مخرج عينيه 
عمار كيمسح على راسو : نااري مساكن تصدمو 
قاطعهم صوت موراهم : اشنو مزال ملقيتي لبلاصة 
خالد هز عينو فيه : ن نن نتااا
ازار باستغراب :ماالكم
عزيز مبلوكي : نتاا عميل سري وحنا مفراسنا واالو 
ازار شاف فعمار خنزر فيه : لا قولييهم كلشي تمحنتي ملي قلتي غي هاد لمعلومة
عمار :بففف مناقسكش بعد مني
ازار مشا عند باه وقفو بعدما كان مكوانسي ومخرج عينيه :لواليد نساا ..وصد هاد لموضوع 
خالد :ولكن...
ازار قاطعو : متفكرش بزااف ودادة غادي ترجع ميمكنش تبقى ونزيدك متأكد مغاديش ياذيوها هوما حسابهم معايا 
عزيز جلس فالدروج وبالضبط الدرجة لخرا: يااربي اتفك هادشي 
ازار :هاني غادي للمركز 
وجه كلامو للولد : تمشي معايا ولا تبقى هناا 
عمار :غي خلييه 
ازار حرك راسو بالإيجاب ومشا خارج. .ركب لفيراري ديالو وكسيرا للمستشفى ..خلاها ناعسة بينما هو قاد جميع الإجراءات بقا غي تفيق واخرجو..مسافة طريق حتى وقف باللوطو ..خرج بخطوات ثابتة قاصد غرفتها. .حل لباب مبتاسم حتى هز حاجبو كان سفيان متكي حداها كيلعب ليها فشعرها 
سنايا :وااش سافرات داكشي علاش مبقيتي كتسمع عليها والو 
سفيان : حيدي علينا هاد لموضوع ...نتي شوية بعدا 
سنايا يله غادي تنطق وهي تشم ريحتو الرجولية. .تلافتت جيهة لباب وهيا تخرج عينيها
ازار كيصفق: واااو على زوجتي لمخلصة ...الله الله زيدو هدرو مالكم سكتو
سفيان بعد عليها عاد وقف :بديتي عوتااني😒
ازار تم قاصدو جاعر حتى وقفاتو سنايا : حبيبي متبداش من جديد راه بحال خويا 
ازار خنزر فسفيان ومشا وقف عند راسها : هانتي قلتيها بحال خوك ..ماشي خوك 
شاف فسفيان :ولي توزن تصرفاتك قبل ندير فييك شرع ايديا والا كانت صديقتك بزعطة راها مرتي 
سنايا :ازار مالك كتكبر لموضوع
رمقها بنضرات حادة : اشنو ندير فييك. .مكرهتش نبرد فيك شي صقلة عندك الزهر حاملة 
سنايا الدموع تحجرو فعينيها هبطات راسها وبدات كتبكي 
سفيان : فكها دابا😒
ازار خنزر فييه نطق وهو موجه صبعو ليه: كيبانلي غادي نوحل معااك 
تنهد جلس حداها كيمسح دموعها : شش صاافي خلينا نتصالحو
سنايا :هءهءءء بعد منيي متقربش لياا
ازار : منقربش لييك وااخة 
يله غادي تهز عينيها فيه وهو اطيح على شفايفها كيلتاهم فييهم بشغف 
سفيان تنهد..نطق وهو خارج : حتارمونا حناا زعما 
سنايا كتحاول تبعد فيه ولكن حاكمها. .تفكرات سفيان حسات بحرارة دبشرتها و وجها ولا حمر بحال قرعة دالكيتشوب
ازار حتى حس على راسو بيلا مريضة عاد بعد عليها : كنغير علييه من لهوى لكتنفسي ..متبقايش ديري عاد لفعاايل 
سنايا مبغاتش تزايد معاه فالهدرة :صافي
دخلات حورية :صباح الخير 
ازار : كيف بقيتي
حورية :لحمدالله اولدي...غادي تخرجي ليوم يااك 
سنايا :اه اماما مبقيتش قادرة على هاد لجو 
حورية قربات لعندها باست جبينها : ميكون غي خاطرك 
داز الوقت. .
كان كيتمشى مع لكولوار هازها بين ايديه 
سنايا كتشوف فالناس حاضينهم : ازار 
ازار : همم اش وااقع 
سنايا حسات بقلبها تزير

سنايا حسات بقلبها تزير عليها مقدراتش تنطق مزال كتفات بالصمت حتى سولها : مالك 
سنايا بتاسمات لييه بزز: كنبغيك 
ازار زاد خشاها فييه :عندي لييك مفاجأة 
سنايا :وااو قولهالي
ازار خرج لعلى برى ركبها فاللوطو كان سفيان حال لييه لباب :الا قلتها لييك مغاديش تبقى مفاجأة 
سنايا مجرد مضرب فيها برد برى تفكرات لحادثة لوقعات لييهم وكان موت باباها هو النتيجة
ازار شافها كتفكر باس جبينها :بتاسمي مكيجيش معاك لحزن 
سنايا حركات راسها بالإيجاب وبتاسمات لييه. .سد لباب ودار لعندهم : بغييتكم هاد ليومين تبقاو معانا ..نتوما قراب ليها بزاف 
حورية :انشالله اولدي 
سفيان هاز حاجبو :درتي عقلك
ازار وجه صبعو لييه : نقص من تعناق فييها ..نشوفك نقتلك كتسمع وزيدون الا بااغي تهدر معاها هدر من بعيد 
سفيان :كالم كاالم ...متنساش انا لكانت كتجي فيا الدقة فااش كتجرحها
ازار خبطو لراسو :شوفي اخالتي راه مكنجبدوش
حورية حابسة الضحكة جرات سفيان لي كيضحك حتى هو :متديش علييه
ركبات حورية مع سفيان فاللوطو ديالو كتفكر انه من نهار مات لمرحوم وهو فجنبها بغاا أبين لييها بأن هاد لعائلة مزال فيها راجل ليحميها ..لطالما كان كيعتابرهم عائلتو ولكن دابا مجبر انه اهتم لأمرهم واوقف قدام أي مكروه اقدر اصيبهم. .ديمارا تابع اللوطو د ازار كيف طلب منهم..
ازار كان سايق وسنايا موصدة كتفو وحاطة ايدها على قلبها بلاما تخليه احس بشي حاجة 
حتى قفزها :اوااااه متقوليهاش ...نسيت الدوى وشي فحوصات ديالك فالمستشفى 
سنايا مشا بالها لبعيد : لا بلاما تعدب راسك حتى تصيفط شي واحد
ازار : دابا نشوف ..مشات من بالي هاد لقضية تلاهيت مع داك صديقك ولا منعرف
سنايا :ازار بديتي 
ازار ضرب الديركسون : قسما بالله ونشوفكم فداك لوضع مرة أخرى غاادي نفلقو ولا نخلي فيه شي عاهة مستديمة. .مكنضلموش
سنايا باستو على كتفو : راجلي لغيور
ازار : كيف قلت حتى تكون مدة صحيحة على وفات عمي علي عاد نديرو لعرس
سنايا بتاسمات 
ازار :على الاقل اربعين يوم ..فكرتيني خاص نديرو صداقة 
سنايا :ماما قالت ليا باغا دير صداقة ...ويارا حتى هي مكرهاتش دير حفلة لولدها ولكن موت بابا منقدروش 😢
سكتات وهي كتبكي كلما كتفكرو كترجع بيها الذكريات لور :كان باغي اشري ليا سكوتر 😢..كنعقل شحال ضاربنا انا ويارا ههه
ازار مشبك ايدو مع ايدها ومركز مع الطريق : حتا نوصلو وعاودي ليا علييك ..شحال من حاجة باقا ليا مجهولة 
سنايا بتاسمات وسط دموعها: لمذكرة فيها كلشي 
ازار : هيا خاصي نقراها
سنايا : تمام🙈

فالجيهة لخرى. .بعيدة على كااع الضوضاء
جالس وفوق راسو لكاسكيط كاع ملامح وجهو مخبية : هاااديك الشارفة ديرا الصداع
حدر راسو :لا اسيدي غي ساكتة
وقف كيطفي السيغار ديالو : تهلاو فيها. .ماشي حتى لهاد الدرجة ..الشوراف خليوهم بعاد 
شاف فييه باستغراب :حتا داك لعميل لي سميتو علي كان متقدم فالعمر
بتاسم باستهزاء وهو كيشعل سيغار جديد :جاا فطريقي كاان خاصو اموت
يله جا خارج وهو اقاطعو : اشنو بااقي فلائحة د ضحايا 
الراجل بتاسم بخبت وهو كيعري على ريدو كان مغطي سبورة عاامرة تصاور وفالوسط كينا تصويرة ازار عليها خط احمر وعلامة كبيرة 
قرب لجيهتو : هممم مبقاوش بزااف
الراجل حادر راسو : باقي فاروق بناني 
هز راسو بالنفي : هاداك قتلنا لييه حبيبتو ..ذاق من لعداب هادشي كافي 
الراجل : ادن داكشي لبغينا وصلنا لييه 
نتر من السيغار وهو متبت عينو من تحت لكاسكيط على تصويرة وحدة : شكون هاداك 
الراجل :أمير بناني ومرتو ..ولي بين ايديهم مولودهم لجديد 
بتاسم باستهزاء : ادن نوبتهم ..وصلات لعائلة خاصها تدفع الثمن حيت عندهم سيلا بداك لحقير د ازار 
الراجل مستغرب حدر راسو وخرج وخا عندو فضول اشوف لبوص ديالهم عمرو عرى على وجهو 
سمع الصداع بعجاجتها لمدخلاها معاها: ااااش واااقع هناا 
قربات لعندو : سيدي وااش هادا هو مصيري مطحت على واالو 
وجه ليها لمسدس : نسمع مككك كتهزي صوتك مرة أخرى حسبي راسك تحت التراب ...كتسمعيي ا رؤيا 
رؤيا حدرات راسها : كنعتادر اسيدي 
سكتات شحال عااد نطقات : سمحليا غي بغيت نسولك امتى غادي نديو هاد الشارفة من هناا 
عطاها بالضهر نطق وهو جالس : سمعت بيلا بااغين اديرو صدقة...اذن غادي تنوض لحرب عااد غادي اتقاد كلشي 
رؤيا بتاسمات بمكر وخا كتفكر راسها خسرات عمار فمرة وكااع خطتها مشات هباءا منتورا ..معرفاتش كفااش عاق بيها .حتى وصلو ليها بانه كان طالب أمر باش اتفتح لقبر كون كانت عارفة هاد لمعلومة من قبل كانت غادي دير احتياط منو بااش متكشفش هويتها. .

نبدلو لبلاصة. .
كان جالس فالجريدة حدا لابسين كيتسناها تهبط لعندو. .وخا مزال مقلق منها الا انه توحشها حيت كتبقى مراتو لكيبغي رغم انه كتاشف هاد لمشاعر وعتارف بيها فظروف غير ملائمة 
خلود نزلات لعندو خرجات لجريدة كتقلب عليه وايدها على كرشها والايد لاخرة شادة بيها شي وراق. .كانت كتراجع فييهم لفيها ممهنيها 

لفيها ممهنيها لقراية هيا لقراية ..تقدمات لعندو كتمشى بكسيوتها زرقاء وشعرها لعسلي كيتطاير وراها كتديه الريح وتجيبو ..بتاسمات فاش جات عينيها فعينيه 
عمار وقف لعندها فيساع هبط على ركبتو وطلع لكسيوة حتى بان سترينغ باس كريشتها لمدورة عاد وقف شد فايدها وجلسها 
خلود: حسابلي مغاديش تجي😢
عمار : بلاما تشوفي فيا دوك الشوفات مزال مقلق منك 
خلود يله جات تنطق شافت لمربية جاية لعندهم فايدها ليناا لي كتنقز بالفرحة
وقفات مشات لعندها : وينووو شكون جااا
عمار شاف فالمربية بمعنى غي سيري 
خلود رجعات لعندو فايدها ليناا : وااش نتا لقلتي لييهم اجيبوها
عمار بتاسم وخدا من عندها لينا كيبوس فيها : زيين ديال بااباه 
ليناا : با باا بب😄
خلود : هههه مزيان ملي جابوها توحشتها
عمار : هي كون بقيتي من لول متخرجيش من دار راجلك 
خلود مخرجة عينيها : واااش كتحماق علياا ..كفااش بغيتيني نشوف داك لمنظر و نبقى جالسة 
عمار بصوت استفزازي : غرتي علياا
خلود : اه غرت علييك وغادي نبقى نغير علييك 
لينا كتشوف فييهم كيهدرو بصوت مرتافع ضروها فراسها وهي تنتف عمار ودازت لخلود جراتها من شعرها حتى طيرات ليها الزغبة خخ
عمار :هههههه عبراات عليييك
خلود ضرباتو لصدرو : رجع عند مرتك ملي كانت عاجبااك ديك الليلة ماشي من حقي نهدر 
عمار رمقها بنضرات حادة : زميي خليني نعاود لييك 
خلود شدات ليناا : يله عااود😒
عمار عاود لييها كلشي من الأول حتى الاخيير
خلود موسعة عينيها : ههه كك كفااش ..وااش خدعاتنا ولكن مفهمتش. ..عندها نفس لوجه وعارفة كااع لعائلة هه مفهمت والو هادشي فشي شكل 
عمار تنهد : متأكد موراها شي سر كبير 
خلود حطات ايديها على فمها : ودادة مسكينة. .اشنو جالس كدير حدايا سير قلب متبقااش جالس 
عمار خنزر فييها : رااه كااع رجالنا كيقلبو وحتى لولد لي احسن هاكر كيبحث و والو هااادو أخطر مما توقعنا 
خلود : الله أكبر. .ياربي تحمي دادة مسكينة هادي شيطان فصفة انسان كفااش قدرات دير هاد لفعلة 
عمار تنهد :متوثريش ممزيانش لصحتك
شاف فلينا : بنوتي عندي لييك مفاجأة. .غادي تعجبك 
خلود عرفاتو اشنو باغي اقول كتفات بابتسامة 
عمار حط ايدو على كرش خلود : قريب اتزاد عندنا بيبي غادي اكون خوك ولا ختك
لينا : مم ما باا ممم ههخخخ😄
عمار باس راسها كيمسح على شعرها رطيطب :الله اخليكم لياا
خلود ببراءة مصطنعة : هيا سمحتي لياا 
عمار : مزال
خلود : اشنو ندير باش تسمح لياا😢
عمار همس ليها : وااخة هاني غادي نوريك اشنو غادي ديري 
شاف جعفر جاي لعندهم : مسيو جعفر وااخة تحضي معاك لينا
جعفر بتاسم وجلس حداهم شادها فايدها: على رأس والعين حتى هاادي حفيدتي ..يااك ابنتيي 
خلود وقفات: عنداك ليها ابابا راه كتنسى راسها وهي كتمشى رد لبال لاتمشي جيهت لبيسين 
جعفر : كوني هانية ابنتي ..غي ردي لييك لبال وديها فماكلتك.حاملة خاصك تاكلي
خلود هزات راسها باه دخلات للقصر وتبعها عمار مجرد ما غبى على جعفر هزها بين ايديه: هممم طحتي بين ايديا 
خلود دورات ايديها مور عنقو : انا كلي لييك 
عمار : نتي طبيبة ..زعما الا كانت لممارسة فهاد لحالة مغاديش تاتر على لبيبي
خلود: وي مغاديش تأتر حيت يله تلت شهور😳😳
عمار بتاسم فاش شافها حشمات ..طلع بيها لبيتها ..مجرد محلو رجعات بيه الذاكرة لاول لقاء بيناتهم 
خلود بتاسمات : هه عاقل فااش تلاقينا اول مرة 
عمار هبطها بالشوية حاطها فوق الناموسية : هه اه عاقل درتي لياا فيها متكبرة ومنعرف شنو. ..ولكن كنتي كتباني كتحمقي
هبط راسو كيشم فشعرها وعنقها حتى دخل معاها فقبلة طويلة ..كانت متجاوبة معاه مع حتى هيا توحشاتو. .حسات براسها باغا كتر خصوصا أن لوحم جاها عليه وخا بدا كيقل 
خلود بعدات عليه شوية : كنبغيك بزااف 
عمار بتاسم برضى اول مرة كيسمعها من فمها: وانا كتر 
خلود عنقاتو وكملو قبلهم لمتتالية بكل شغف وحب حتى لقاو راسهم مجردين من لحوايج تحت غطاء وااحد. .كانت اجسامهم ملتاحمة كجسد وااحد. .هادي اول مرة كيمارسو فيها بهاد الطريقة خصوصا انهم عتارفو بحبهم لبعضياتهم..

فالجيهة لخرى. .وبالضبط حدا لبحر 
دخل بيها للفيلة كانت صغيرة مكبيرااش بزاف مناسبة لعائلتهم الصغرى ..
سنايا كدور فعينيها : ديالمن هاد لفيلة 
ازار باسها على شفايفها : ديالنا حنا و ولدنا
سنايا حطات ايدها على كرشها : غادي نطير بالفرحة 
ازار ضمها لييه وطلعها للفوق. .قاد ليها لمخدة عاد هبط لعندهم ..لمح حورية فالكوزينة كتوجد ليهم لماكلة بايديها والخدامة كتسخر لييها
سفيان كان عيان ملقا غي الصالون مشا تجبد فييه حتى وقف عند راسو ازار : كين بيت الضياف طلع ترتاح 
سفيان كيتلافت شمال ويمين : وااش كتهدر معايا 
ازار خنزر فيه : مع لي ورااك
سفيان تلافت وراه : مكين حتى واحد 
ازار جعرو هز مخدة ضربو بيها لراسو :بااركة من التبعصيص ..هاني خارج رد لبال لخالتي وسنايا الا بغات شي حاجة متمشيش عندها نتا سيفط خالتي حورية 
سفيان : أوامر اخرى

ازار :هادشي لكين. .حتى الليل ونرجع خاصي نحل شي أمور 
سفيان بجدية : كون هاني. .خليتي راجل مورااك 
ازار بتاسم لييه وخرج

جا الليل ..
صونا لباب مشات لخدامة فتحاتو تبعاتها حورية تشوف شكون حتى بتاسمات فااش شافتهم 
حورية : مرحبا فداكم دخلو 
تقدمات عايدة سلمات عليها وتبعاتها فخرية عزاوها على موت راجلها حيت ولاو عائلة 
خالد سلم عليها هو وعزيز بكل احترام وعزوها حتى هوما حيت مجاتش لفرصة من قبل
سفيان مشا لعندهم سلم عليهم واحد بواحد 
خالد : تبركالله الدار زويينة ..فينو ازار بعدا 
حورية : قالينا هاني خارج ..دابا تلقاه جااي 
بتاسمو ليها ومشاو جلسو فالصالون ..
لخدامة جابت لييهم الضيافة بقاو جالسين كيتسناو ازار منها نيت اسولوه وااش لقا شي حاجة. .حيت بالنسبة لييهم اللمة بلا لحاجة مكملاش غي كيكابرو وصاافي اما قلبهم طيب كلا وهمو
عايدة : سنايا ناعسة 
حورية : بحرى لقيتوني نزلت من عندها خليتها فيقا. .طلعي لعندها
خالد : غادي نجي معاك
فخرية : وحنا مامنحقناش نشوفو مرت ولدنا 
عزيز : اه حتى حنا
حورية : ههه طلعو كاملكم اش خاسرين
داكشي لدارو طلعو كلهم ..دقات حورية عليها لباب كانت فيقا عاد دخلو موراها
عايدة باست جبينها : مرت ولدي كيبقاات
سنايا: لحمدالله. .انا بخير
خالد : ممتيقينش هادي لدات قلب ازار كنا كنقولو امتى تبان 
فخرية : ربي احفضك ابنتي 
سنايا كتفات بابتسامة كتشكرهم بيها ومن ورى هاد الابتسامة كين جرح كبير كلما كتحرك كتحس بقلبها كيتزير وكيعطيها لحريق حتى كتبغي تغوت وتعبر على آلمها
قاطعهم صوت موراهم : اهلا اهلا. ..زارتنا لباركة
سلم عليهم كاملين واحد بواحد عاد مشا جلس حداها باس جبينها : توحشتك
سنايا بالشوية : هه غي ساعات توحشتيني
ازار : غي دقيقة غادي نتوحشك 
بقات كتشوف فييه مطولا كفااش كيهدر هاكة وهيا مهددة فاي لحظة بأنها غادي تمشي وتخليه وتحيد من هاد لعالم 
ازار :احم عندي لييكم واحد لخبر 
خالد : خبار لخير
كلشي كان كيتسناه اهدر 
ازار نطق كيمسح على شعرو مخبي عينيه لتجي فعينيهم : احم قريب غادي اتزاد عندكم حفيد 
عايدة غوتات بالفرحة حتى قفزاتهم : كنحمدك ياربي وكنشكرك
عنقات خالد : غادي نوليو جدود شرفنا
حورية بقات مصمرة فبلاصتها بالفرحة وخا مستغربة امتى وقع لحمل مفهمات والو حتى ربطات الاحدات ببعضياتها عرفات انها وقعات شي حاجة بيناتهم من قبل. شافت فسنايا لكتحاول تخبى متشوفش فيها حيت تفرشات 
حورية :مبروك عليينا ..غادي نولي جدة لبناتي بجوج 
عايدة : سعداتك حنا يله غادي نعيشو هاد الاحساس 
عزيز : الله افرحنا حتى حنا
ازار :هه حتى مرت عمار حاملة مفراسكمش
فخرية موسعة عينيها : كك كفااش هااا هههه😍..
عزيز عنقها : موتو حتى حنا غادي اتزاد عندنا حفيد آخر من غير بنتنا لينا
عايدة مشات لعند سنايا باستها : ياربي تحفضك لينا كيف دخلتي لفرحة لقلوبنا 
سنايا : امين😊

دازت الليلة على خير وجا نهار جديد. .
حورية وصلها سفيان للدارها بغات تمشي بكري حيت فالعشية عندهم صداقة على قبر للمرحوم 
سنايا فاقت راسها كيضرها وقلبها كتحسو غادي اوقف. .دورات عينيها ملقاتوش حداها .مقدراتش تبقى ساكتة فيساع طلقات لعنان لدموعها كتبكي وتشهق على قدرها وخصوصا انها كتفكر بزااف د اللحظات جمعوها بباباها صعيب عليها تقبل موتو 
نطقات بصوت باكي : الله ارحمك ابابا واجعلك من أهل الجنة ياارب 
تنهدات بغات تنوض مقدراتش مزال كتجيها الدوخة. .ولكن كابرت بزز باش وقفات مشات للحمام قضات حاجتها وخرجات لعلى برى فالشرفة جلسات بالشوية على واحد لكريسي ..حطات ايديها على كرشها : ياربي تطول عمري حتى نشوف ولدي بين ايديا يااربي 
تفكرات ليوم صداقة باها غادي تقام فدارهم .بغات تصوني لازار باش تعرف فين هو ولكن تيلي بعيد عليها خاصها حتى تنوض تجيبو ..وقفات بالشوية كتطل على جريدة لديرا بالفيلة .حتى وسعات عينيها بزااف دليكارد واقفين على برى والسلاح فايدهم غادين جايين : ويلي وااش هادو لارهاب ..غادي تحمقني ا ازار. .
بتاسمات وهيا كتفكرو : كنبغيك كتر من حياتي 

فالجيهة لخرى. .
وقف باللوطو قدام لمستشفى .نزل قاصد غرفة دالطبيب لي جرى لعملية لسنايا. .باغي اياخد لفحوصات ديالها 
وصل لعندو دق فالباب عاد حلو 
الطبيب بتاسم ليه : اهلان مسيو ازار ..تفضل
ازار سلم عليه وجلس :بغيت ناخد فحوصات مرتي .عطيهوملي دابا الله اخلييك. .زربان
الطبيب : بصارحة مقدرتش نبقا سااكت ..خاصي نصارحك بواحد لموضوع
ازار قلبو تفزع :اشنو كين ..متخبيش علياا 
الطبيب : لأسف مدام سنايا كتعاني
ازار قاطعو مخرج عينيه : منااش كتعاني
الطبيب حادر راسو : كتعاني من ثقب فالقلب وخاصها عملية فورية ..ولكن 
ازار مزال مصدوم : ولكن شنو
الطبيب: خاصنا متبرع ..لقلب ديالها متضرر بزااف. .ضروري خاصنا متبرع وفأسرع وقت قبل تمشي من بين ايدينا. .زيادة على ذلك حاملة يعني الا درناها دابا مزيان حدما باقي متطورش حملها ومزال فالاشهر الأولى 

ازار حادر راسو وكلام الطبيب كيتردد فالمسمع ديالو حتى قال كلشي بدا كيتقاد وهو اخرب من جديد ..صمت طويل وهو كيحاول استوعب لفكرة حتى هز عينو لعندو ونطق بصوت جدي : انا بااغي نتبرع لييها
الطبيب مخرج عينيه : اشنو كتقول ..غاادي تموت 
ازار بابتسامة شاحبة : الا مشات معندي منبقى ندير بوحدي. .دير كااع لفحوصات شوف واش قلبي غادي اتوافق معا خلايا جسمها 
الطبيب مزال مصدوم من ردت فعلو : غاادي نلقاو متبرع غي صبر 
ازار عاض على سنانو : نوض دير شغلك ..
الطبيب تنهد بقلق وناض كيدير لييه كااع لفحوصات لمطلوبة 
داز الوقت عاد خرج على برى ركب وكسيرا غادي لعندها. .مميتقيش انها مريضة ومخبيا علييه كون مقلهاش لييه الطبيب مكانش غادي اعرف. .بالنسبة ليه هو اشوف راحتها الا كان خاصو اضحي بحياتو باش تعيش معندوش مشكيل..وصل قدام لباب وهبط تحت تحية دليكارد ..دخل نيشان طلع لعندها. .حل لباب لقاها مكمشة فناموسية موركة على قلبها..ضرو خاطرو فااش شافها فداك لوضع ..قرب لعندها بالشوية معنقها من لور: حياتي 
سنايا حسات بوجودو وهي دور لعندو : حبيبي جيتي. .فين مشيتي الصباح 
ازار مبغا اقول لييها والو : غي شي خدمة ضرورية. .فطرتي
سنايا هزات راسها بلا : كنت كنتسناك
ازار :يله نهبطو 
هزها بين ايديه :يكما ولدي معدبك
سنايا: قلت لييك حاسة بيها بنت
ازار :هه مهم منك 
سنايا تخشات فييه حتى هبطو لتحت. .كانت لخدامة موجدة لييهم لفطور..جلسو كياكلو فجو زويين وخا مرة مرة سنايا كتزير على قلبها باش تطرد لألم لي كيجيها. .
ازار كان كيشوف كلشي على عينيه كلما كتألم كيحس بقلبو كيضرو حتى هو : كولي 
سنايا كتنقب غي شوية. .معندهاش مع لماكلة لمسلوقة مكتبغيهاش ولكن مضطرة تاكلها حيت يله خرجات من لمستشفى. .
ازار : حتا لشوية ونمشيو لداركم غادي اكونو وجدو كلشي 
سنايا هزات راسها باه كتخبي دموعها 
ازار مشا هزها جلسها على رجليه : متصوريش شحال كنموت علييك 
سنايا تخشات فصدرو :وانا كتر 
ازار بتاسم وهو كيدوز ايدو على شعرها : سنايا 
هزات راسها لعندو: اشنو
بتاسم وباسها على شفايفها : واالو 
سنايا ضحكات ورجعات تخشات فييه. .

جات اللعشية..
كلهم كانو مجموعيين لعيالات فجيهة ورجال فالجيهة لخرى كيتسنتو للقرآن الكريم. .
حورية جالسة كتشوف لبعيد بجنبها يارا وسنايا متكيين على كتفها وساهيين مخليين دموعهم اياخدو راحتهم 
كنزة خلات أسامة فالبيت لكان ديال يارا وهبطات حداهم. .أما عايدة وفخرية جالسين مقابلين معاهم وفجنبهم ريماس حتى هيا بغات تجي حيت بابات سنايا وعاد انه كان عزيز على فاروق. .
دازو ساعات وهوما كيتسنتو لكلمات القرآن الكريم بكل تخشع واستعقال ..
فالجيهة لجالسين فيها الرجالة 
ازار وجه كلامو لامير بعدما سلاو لفقهى :اجي معايا 
أمير وقف تبعو : وااش نحطو لغدا دابا 
ازار هز راسو باه : يله يله نجيو حساب 
أمير تنهد : خاصي نشوف يارا بعدا ..أسامة بوحدو لفوق
ازار : دابا طلع عندو متخافش
تكلفو الدراري بتوجاد والسخرة للراجل خلاو كلشي على حقوق وطريقو ..مخلاو حتى حاجة ناقصة بحاليلا الله كاان راضي على علي فااش بعت لييه نساب بحال ازار وأمير بقاو موراه الدراع لحامي لبناتو 
سفيان كان حتى هو كيعاونهم لا بغاو شي حاجة كيوريها لييهم فين كينا بحكم انه عارف الدار وحافضها بلاصة ببلاصة 
دازو ساعات. .
كانو الناس كيخرجو واحد بواحد بعدما كيعزيوهم ..فهاد الاتناء جا عمار ومعاه خلود 
سلم على ازار : سمح لياا ملقيتش لوقت كنت ناوي نجي بكري عاد لعنوان بقيت كنقلب شحال عاد لقيتو
شاف فامير : واخيراا شفناك هه 
أمير سلم عليه : رجعنا تلاقيناا
عمار : منسااش لييك لبلان لي درتي ليناا ديرها فبالك 
خلود قطعاتو : لبراكة فرااسكم ...الله اجعلو من أهل الجنة 
أمير وازار :اميين
عمار : دخلي غادي تلقاي سنايا لداخل 
دخلات خلود مشات لعندهم سلمات عليهم وحدة بوحدة وعزات لي خاصو اتعزا عاد جلسات حداهم 
أمير : اجي دخل
عمار قرفد ازار : مزوج وانا مفراسي ميتعاود
ازار : كتقلب عليا😒
يارا كانت جالسة حتى عينيها ضروها بالبكا بغات تخرج اضربها لبرد ..تفكرات ولدها توحشاتو
وجهات كلامها لكنزة : خالتي أسامة ناعس 
كنزة : اه ابنتي ..طلعي شوفيه امكن فااق 
يارا هزات راسها باه وشافت فحورية : ماما هاني طالعة 
حورية كتفات بابتسامة حزينة : طلعي ابنتي 
سنايا متكية على كتف حورية : غاادي نتوحشو بزااف 
حورية نزلو دموعها :خاصنا نرضاو بقضاء لقدر
سنايا مسحات دموعها : اه
طلعات يارا للفوق ..حتى حسات بأمير موراها : خلعتيني 
أمير شد فايدها: غي انا ..يله نشوفو ولدنا امكن تسطا بالغوات 
يارا زربات فالمشية خاطرها ممهنيهاش قالت مع راسها غي حزن موت باها ولكن هادشي جهد. .
حلات لباب بجهد .حتى قلبها تفزع عليها ..بدات كدور فعينيها بحال لحمقة : اميير هءءءؤ امييير ولدنااا...اميييييييير هءءءءءءهءههءءءء ولدنااا اسااامة فييينو 
أمير بقا مسمر فالباب كيدور فعينيه 

أمير بقا مسمر فالباب كيدور فعينيه عليه مكينش الأثر ديالو. .مشا بجرية كيقلب لبيوتة لاخرين 
ازار سمع الصداع و لبكا لفوق دخلو الشك ..طلع لعندهم بجرية لقا امير كيجري من بلاصة لبلاصة 
نطق بالغوات: اااش وااقع
أمير مخرج عينيه : ولدي مكينش
ازار : شوف لتحت تقدر تكون شداه شي وحدة 
يارا طاحت لارض كتبكي وتشهق معرفاتو فين كين. .ناضت كتمسح دموعها بعجرفة شعرها تطلق على طولتو بكترة ما نتفات راسها وهي كتبكي. .هبطات لتحت تبعات أمير بحال لحمقة 
ازار مسح على راسو شاد تيلي فايدو عرفهم غي هوما. .بتاسم فااش شاف نفس الرقم جاوب ديك الساعة : بقااا لييك غي الدراري الصغااار ...كفااااااش قدرتي ديرهااا بااقي مكملش النمو الطبيعي ديالو
بتاسم باستهزاء وهو كيسوط الدخان: كتهدر بزااف هااا 
ازار : اشنوو باااغي ...وااااش الانتقااام مكفااكش هاادشي 
وقف وخبط لمكتب بعجرفة : مزااال مبرد جوفي ..خاااصي نشوفك كتقطع عااد نهنى
ازار كيحاول اسيس معااه حيت الا تعصب مغادي اوصل لوالو : اوكي ..تهدن دابا دادة و لبيبي خديتيهم نوبت شكوون هااد لمرة
نطق وهو غادي جااي : دابا عجبتيني ..هااد لمرة نوبتك نتااا 
ازار باغي اقرع راسو بكترة ما كيمسح علييه : اوكيي خااصنا نتوااجهو 
نطق عاض على سنانو : انا لكنهدر هناا 
ازار كيحاول اتمالك اعصابو : بياان ..كنسمعك
ضحك باستهزاء :غدا مع 8 غاادي تكون فهاد لعنوان. .وجييب معااك لعائلة نيت باش نتيريو فييهم واحد بوااحد
ازار جمع ايدو على شكل قبضة : اوكي ..فين بالضبط 
جلس كينثر من السيغار : لعنوان هو هادا *****
ازار : متأذيش لبيبي حسابك معايا 
قطع علييه وهو كيضحك. .هز علييه لكاسكيط ورجعها فيسااع فاش دخل واحد من رجالو. .
ازار بقا واقف الدنيا كدور بييه حتى سمع لغوات لتحت وهو انزل ..ضم سنايا لعندو لي واقفة مخلوعة مفاهمة والو كتشوف ختها بغات تحماق بالبكا وأمير كيسكت فييها باين عليه حتى هو حزين 
ازار ضروه فرااسو بالغوااات : صااااافي سكتووو
كلشي صقل كيشوفو فييه
ازار كينطق كل حرف بجدية : غداا غادي اكون عندكم ولدكم. .كونو هانيين 
أمير :بااش عرفتيها 
ازار : متفكرش بزااف خلي كلشي علياا 
وجه كلامو لفاروق: اجي معايا 
خرج على برى وفاروق موراه ..ركبو وكسيراو نيشان للمركز 
خلاو الدار نيضا فيها قربالة كلا وهمو ..سنايا ضرها المنظر فقلبها مقدراتش تحمل ..حتى جات لعندها خلود عرفاتها مريضة طلعاتها بزز لبيتها ..نعساتها فوق الناموسية 
خلود : وااش مريضة 
سنايا هزات راسها بلا : انا بيخير 
خلود جلسات حداها مطولة فيها الشوفة : يكما مريضة بالقلب هادو أعراضو
سنايا طلقات لعنان لدموعها : اه عندي تقب ..وقالي الطبيب خاصي متبرع ولكن مكينش 
خلود حطات ايديها على فمها رجعات بيها الذاكرة لمرض لأم ديالها حتى هيا كانت كتعاني من مرض لقلب. .داكشي علاش بغات تكمل قرايتها فهاد لمجال باش تقدر تساعد كااع لمرضى 
سنايا تنهدات بقلق كتحس بقلبها كيتزير عليها..بقات ساكتة كتفكر منظر ختها وهي كتبكي مبغاتش تجرب إحساسها حيت بينا غادي تعدب حتى هيا 
خلود طمأنات عليها نعسات عاد هبطات لعندهم لقات لوضع تهدن شوية ويارا ضاربين ليها شوكة كتهدر بصوت تقيل والدموع شاقين طريقهم على خدها. .

فالجيهة لخرى. .
ازار جالس فالمكتب ديالو وكااع الأوراق والمعلومات قدامو 
فاروق: اشنو نااوي دير
ازار : هااد لبوص كيعرفني مزياان
فاروق: كفااش 
ازار : شي واحد قريب لياا ..خاصي نعرفو بطريقتي ماشي حتى اكشف هويتو قدامي خاصي نسبقو بخطوة 
فاروق تنهد : عندك لحق. ..دابا اش لزوم هاد لملفات دالقضيا لقدام
ازار هز عينو فيه : غادي نراجع كااع لخليات لي قبضنا علييهم ماروبما اكون هاد لحيوان ولد شي واحد 
فاروق سكت شحال عاد نطق : شكون قاليك هو. .اقدر اكون هيا
ازار شاف فيه شحال : كك كفااش مفكرتش فيها
تفكر فاش سنايا كانت كتهدر معاه بصفة كويين ولكن ماشي نفس الصوت هادشي كيعني أنها كانت كتغيرو بشي ابليكاسيو
فاروق : ااش بان لييك
ازار : اه ..عندك لحق مطاحتش فبالي ..يعني كلشي خاص نشكو فييه 
فاروق : شكون كتظن
ازار بتاسم باستهزاء : انا عارف كفااش غادي اطيح بين ايدي. .دقائق ونعرفو 
بقااو خداميين مرة على لبسي مرة كيراجعو لملفات لقدام 
كل معلومة كتاشفها ازار كان فاروق كيكتبها فالحيط واسطر علييها ..اي دليل ولو بسيط كيكتبوه ..حتى داز الوقت وهوما خارقين 
فاروق شد كاس دالقهوة فايدو كيشوف فالسبورة عامرة معلومات ..حتى وقف حداه ازار كيجغم من قهوتو بااش اصحصح
فاروق : اااش باان لييك 
ازار مسح على راسو متصدمش بزااف ولا كيتقبل كلشي : كنت متأكد
فاروق : مفهمتش 
ازار حط لكأس ولبس لجاكيط ديالو : دابا تفهم 
هز سلاح ديالو دارو لور ضهرو : شحال الساعة 
فاروق : طلع الصباح ..سبعة هاادي 
ازار : مزيان بقات لينا ساعة .وغادي نساليو هادشي 
فاروق حط كاسو وتبعو وهو كيلبس واقاد السلاح حتى هو: وليتي كتخلعني
خرجو للعلى برى 

ركبو للوطو وكسيراو
فاروق :اشنو غادي نديرو دابا 
ازار :عيط لييهم اجيو لهاد لعنوان****
فاروق موسع عينيه : عارف راسك اشنو كتقول. .وااش كلهم ولا كفااش 
ازار هز راسو باه : كلهم ..خااص اشوفو كلشي بعينيهم 
فاروق : وااش كلهم كلهم
ازار : وااااه اصحبي كلهم ..اوو غادي نباتو هنا 
فاروق: وحتى مرتك
ازار فرانة : نسيتها ..ناااري على خراا ..مخصهاش تبقى بوحدها 
فاروق : وقف بياا هنا ..غادي نقول لرجالنا اجيبو ليا لوطو ديالي 
ازار : تمام ..نزل
فاروق هبط ولوح لييه بايديه 
ازار كسيرا لعندها مبغاش اخليها بوحدها ..فطريقو صونا ليه تيلي. .هزو لعندو طلع ليه رقم لمستشفى جاوب ديك الساعة : اشنو لقيتي
الطبيب واقف كيشوف فالفوحوصات : كين تطابق كبير 
ازار بتاسم : اكيد كين تطابق وهو قلبي كينبض باسمها. .معلينا امتى لعملية بغيتك تسرعها فاقرب وقت 
الطبيب تنهد : وااش عاارف راسك اش كدير 
ازار : اه عارف متخافش
الطبيب : باااين كتبغيها بزااف
ازار مركز مع الطريق : كتر من رااسي
الطبيب ثأتر بقصة حبهم عرفو غادي اكون حب حقيقي :حتا تجيبها بااش نبداو فالفوحوصات لي خاص تجرى قبل لعملية 
ازار : واخة ..هادشي ابقا بيني وبينك
الطبيب : الله أيسر لييكم
ازار :امين 
قطع عليه وزاد فالسرعة ..
"💎ماجدوى وجود قلب ان لم يكن انيسه ..انسب حل هو خلعه ومساعدت هواءه ...إنه انسب حل ..اتدري ان الحب ليس شعور فارغ ..إن حدوده أكبر من ذلك وخير مثال التضحية من أجل بقاءه 
#ديفل_كويين💎"
وصل لدار. .خرج من لوطو بسرعة يله غادي ادخل وهو المحها جالسة حدا سكوترها ساهية وهيا كتشوف فييه 
ازار مشا جلس حداها باس جبينها : حبيبة فيينهم لخريين
سنايا تخشات فيه كتبكي : سمح لياا 
ازار : علاش 
سنايا هزات عينيها فيه : الا خليتك شي نهار متقلقش مني 
ازار فهمها اشنو بغات تقصد. بتاسم ليها عاد باسها على شفايفها مطول : كنبغييك 
سنايا ضحكات وسط دموعها : ولدك معدبني
ازار :حتا اتزاد ونتفاهمو معااه هه 
سنايا : هبطت لتحت ملقيت حتى واحد معرفتهمش فين مشاو 
ازار تنهد : اجي معايا ..ولا بغيتي تبقاي
سنايا : لا رجلي برجلك
ازار : واخة شدي فيا نهزك
سنايا دورات ايديها على عنقو عاد هزها بين ايديه. .وصل للوطو حل لباب وركبها عاد دار لجيهة لخرا ركب وكسيرا. .شاف لوقت بقات لييه 15 دقيقة 
سنايا : فيين غاديين
ازار بتاسم ليها : بااش نساليو هادشي 
سنايا مفهماتوش ..كتفات انها تكا على الزاج وايدها على كريشتها كتغمض عينيها كلما ضرها قلبها 
ازار كيخطف الشوفة فيها عارف انها كتألم فصمت. .نطق بالشوية : غاادي نقاد كلشي ومن بعد نهنييك من هاد لعداب 
زاد فالسرعة حتى كان باغي اطير ..مسافة دالطريق حتى وصلو لحدا واحد الديبو كبير بزااف دايريين بييه الجبال والاراضي لقاحلة مكينش حس دالتراب
سنايا باستغراب : ااش جابنا لهنا
ازار دار لعندها : نزلي بالشوية 
نزلات كيف قاليها ..تمو غاديين كيقربو لديبو. .حتى كيبتاسم باستهزاء كانو كااع العائلة هازيين ايديهم ورجال لبوص موجهين لييهم السلاح 
فاروق جا لعندو شاد المسدس فايدو موجهة للرجال ليتهورو : هااحنا جبنااهم ..هادشي لبغيتي تهنيتي 
ازار : وي هادشي لبغيت ..ليوم خاص اتوضعو النقط على لحروف 
فاروق تنهد : مرااتك اصحبي مريضة وجايبها حتى هيا😒
ازار شد فسنايا :دخل سوق راسك 
فاروق :هاهو ساكت 
قربو حداهم شاد فسنايا بالشوية هاد الاخيرة لي مفاهمة واالو كتشوف السلاح ورجال بلبسة موحدة. .رجعات بيها الذاكرة لنهار لحادث 
شافت فازار : ممكن تفسير
ازار :غادي تفهمي كلشي. .غي صبري
سكتات كتشوف فمها ويارا ..امير ..عمار خلود كلشي كلشي واحد بواحد
كتحس براسها غادي تحماق 
ازار وجه كلامو للراجل ديال البوص : غادي تبقاو مصمرين. .فينو لميخي ديالكم
نقز وااحد منهم : غاادي تمشي توقف فديك الأرض. .حتى اخرج لبوص ..نفد هادشي قبل نتيريو فهااد لبشار لقدامنا
ازار : قبل نوقف تماك غادي تخرجو دادة و لبيبي ..بلا كلمة بلا جوج
نطق نفس الشخص : تيق فراسك 
ازار : وبزااف
دخل واحد من رجال لبوص ..خرج شاد لحاجة من قرفادتها وفايدها لبيبي كيبكي لي مجرد مشافتو يارا جلسات على ركابيها والدموع فعينيها 
ازار حتى بانت لييه لحاجة وصلات عند لعائلة ويارا خدات ولدها بين ايديها كان كلشي كيعنق فالحاجة. .حين عزيزة عندهم
لحاجة شافت فازار من بعيد بنضرات باهتة كانت ضعافت شوية بسباب لخلعة لي ركبو فيها حيت معدبوهاش يكفي انهم اخلعوها فقط : الله اخلييك ليا اولدي 
ازار بتاسم ليها 
...........: غادي تبقى وااقف دوز لفيين قلت لييك 
ازار عارف انهم غادي ابغيو اخدعوه ..ولكن باغي اوضع النقط على لحروف داكشي علاش مشا خلا سنايا مبلوكية كتحاول تفهم تصرفاتو بعد المرات كيجيها غي كيخربق
سفيان حاس بشي حاجة ماشي حتى لهييه. .مشا تبع ازار لفين وااقف 
ازار شاف فيه : صافي غي دي معااك لعائلة. .خاصي نحل هادشي 
سفيان بتاسم ليه : مستحيل نخلييك نتاا هو ...

سفيان بتاسم ليه : مستحيل نخلييك نتاا هو الأكسجين لكتنفس منو ختي 
ازار سمع صوت خطوات خارجين من الديبو و كيتقدمو لتيجاهم 
حتى كيبان لييه شخص داير كاسكيط على وجهو لي مخبية ملامحو ولابس مونطو كبير مع بوط و لمسدس فايدو مع كاتم الصوت 
فاروق تكا على اللوطو كيتفرج فهاد لحرب لغادي تنوض ولحد الآن مفهمش لاش بغا اجيب لعائلة. .ديما كيبقى هدفو مجهول مكتعرف اش تحت راسو 
ازار بتاسم باستهزاء : واخيراا 
قرب بخطوات ثابتة كيلعب بالمسدس فايدو : ديما غادي تبقى غبي
ازار باستغراب : هه هدرتك مغاديش ثأتر فيا 
طلق رصاصة فالأرض حتى غوت كلشي : ششش كااالم كااالم ..خليو غواتكم ملي اموت هااد لحقير قدامكم 
ازار : ههه كيحسابلي ذكا من هاكة 
البوص : اكيد انا ذكا منك ...وخير مثال قلت لييك وقف هنا وقفتي ..مغاديش تسولني علاش
ازار عرف غادي تكون شي حاجة : علاش!!
البوص نطق مورك على كلامو : حيت هاد لبلاصة فيها الأغنام عندك الزهر حيت فاش تمشيتي منفاجرتيش هه. .ولكن ماشي ديما غادي اكون الزهر 
سنايا طاحت على ركابيها والدموع هوادين : ازااار ...لا لا 😢
سفيان مهتمش لكلامو : ماشي غي هو لغادي اموت حتى انا مستاعد نفديه بروحي
عمار بغا امشي اوقف فنفس لبلاصة وهو اوقفو أمير : متصرعش
عمار : خااص نبينو لييه حنا مكتخلعناش لموت وايد وحدة عمرنا نتفرقو
البوص بقا مهبط عينيه ومزير على ايدو كلام سفيان كيتردد فالمسمع ديالو. .عصبوه كلا كيهدر من جيهة وابكي 
سنايا بغات تمشي عند ازار وهي كتبكيي حتى كيوقفها فاروق بزز باش هدات بقات كتنتر مقدراتش تشوفو فهاد لوضع لا هو لا سفيان
ازار : مغاديش نتعرفو علييك ولا نقوليهم شكون 
البوص ضربو الضوء من كلامو ..عرف رااسو تفضح قدامو وهادا هو الوقت ..بتاسم بمكر وهو كيرمي لمونطو. .خلا كلشي مصدوم وكيدور فعينيه. .حط ايدو على لكاسكيط حيدها حتى تمرى شعرو 
ازار بتاسم : كيف توقعت
سفيان مشوكي فبلاصتو : ميمكنش😨

ازار : مغاديش نتعرفو علييك ولا نقوليهم شكون 
البوص ضربو الضوء من كلامو ..عرف رااسو تفضح قدامو وهادا هو الوقت ..بتاسم بمكر وهو كيرمي لمونطو..خلا كلشي مصدوم وكيدور فعينيه. .حط ايدو على لكاسكيط حيدها حتى تمرى شعرو 
ازار بتاسم : كيف توقعت
سفيان مشوكي فبلاصتو :ميمكنش😨
سنايا مخرجة عينيها وهيا حاطة ايدها على فمها : كك ك كميليا 
قربات لعندهم بخطوات تابتة كتمشى بكل تقة وشعرها لبوكلي كيتطاير موراها..نسلات لجهاز لكيغير ليها صوتها واغلضو رماتو لبعيد
الرجال لي معاها بقاو مخرجين عينيهم عمرهم تصورو انهم اكونو عبيد عند امرأة
شافت فيهم بنظرات كلها قرطاس حتى جات عينيها فعينين سفيان بتاسمات ليه : مكانش علييك تجي. .خاصك تبقى بعيد 
ازار بقا فييه لحال بزاف فاش تأكد مكرهش كون مكانتش هيا ديما الدقة كتجي من عند الناس لي قراب منك : علاش بغا تنتاقمي مني
ريماس بكترة الصدمة بدات كتضحك عكس كلشي لي مزاليين تحت تاتير الصدمة : كاميليا هههه كك كفااش مفهمت واالو هههه و وااش كاميليا نفسها ..بغيت نفهم كاميليا لهبيلة 
كاميليا رمقاتها بنظرات حادة لدرجة تطلقها فسروالك : نسمع صوتك حسبي روحك خرجات 
فخرية عنقات ريماس : سكتي ابنتي..ياربي اش هادشي ولينا كنعيشوه
دقائق صمت كلا وكفااش تقبل الصدمة 
سنايا دموعها بقاو هوادين محبسوش : اشنوو درت لييك هءءءؤ علاش قتلتي بابا ءههءههءءؤؤ حشومة علييك. منك لربي عمري توقعتها منك
كاميليا مخسرة ملامح وجها. .شاف فازار : هدر مع هاد لمشة ديالك تسكت ضرتني فرااسي 
سفيان نطق بصوت تقيل : كاميليا هادي نتي 
كاميليا شاف فييه: مااشي لخاطري 
سفيان مزال مصدوم : عارفة رااسك اشنو كديري
كاميليا وجهات كلامها لواحد من رجالها : جيب ليا ديك خيتي لمخزونة لداخل. .خليني نكافأها على هاد الذكاء لعندها 
نفد كلامها فالحين وخرج جار فايدو رؤيا كتنتر وتركل : رخييي منيي ..قتلييك طلق
كاميليا تيرات بالمسدس حدا رجليها عاد ضربات الطم : مااالك ديرا ليناا خبلة يااك لباس 
رؤيا مخسرة ملامح وجها يله غادي تلافت وهي تجي عينيها على لعائلة كاملة 
خلود شدات فعمار : وااش كنحلم ..كتشبه لماجدولين بزااف 
عمار : كتختالف عليها فالعينين
خلود تبتات نضراتها على عدسات عينيها مبدلين : اه بصح
كاميليا بقات غادة جاية كتلعب بالمسدس فايدها : هاااد لغبية مقداتش على لمسؤولية بسبابها تغيرات لخطة كاملة 
رؤيا معوجة قنانفها محملاش هاد لوضع. .متصدماتش ان البوص امرأة حيت ديما كانت كتحسو غريب ورجولتو مصطنعة 
كاميليا : هدريي المسخة ...فسري لييهم علاش كتشبهي لماجدولين ههه ..كيبان ليا كلشي داخ
عمار جمع ايدو على شكل قبضة وضام لعندو خلود كيتسناها تهدر باش حتى هو ارتب أجوبتو فراسو 
رؤيا :انا تويمية ديك لحقيرة دماجدولين 
عمار بنضرات عتاب نطق عاض على سنانو : بغيتي تاخدي بلاصة ختك
رؤيا نطقات بالغوات : هيااا لخداات لياا بلاصتي ..أول مرة شفتيني انا ماشي هيا ..خلاتني دخلت لحبس و طيراتك منيي ..تستاهل لوقع لييها. .وانا لحرقتها فاللوطو. .بغيتها تعدب كيف تحرقت ولكن مزيان فاش ماتت بردت دقتي
عمار بغا امشي لعندها اقتلها ولكن شداتو خلود : عمار عفااك تهدن ..مديرش راسك فيها 
كاميليا شافت فيها مطولا : بما انك منفعتيني بوالو. .إذن غادي تبعي ختك
رؤيا يله جات باغا تستفسر على كلامها حتى لقات راسها مليوحة فالأرض و رصاصة مختارقة جبينها حتى خرجات روحها فالبلاصة 
خلات كلشي مبلوكي من لمشهد ..وايديهم على فمهم بسباب الصدمة 
كاميليا قلبات عينيها: بقااات فييكم ..شكون باغي اتبعها 
ازار نطق بصوت حاد : كااااميليااا
شافت فيه ببرودة : بااغي تموت ..خطي خطوة نشوف خلينا نتفرجو فييك ونتا كتفرتت طراف طراف 
نتبهات لسفيان : نتااااا اااش جابك لتمااك 
سفيان نطق بالغوات : عندك لوجه باااش تهدري ...اااشنو دارو لييك هااد لعائلة فاااش آذوك
كاميليا : آذوني بزااف 
سنايا خلات فاروق ساهي و تمات غادة بخطوات سريعة لعند ازار حتى كيوقفها صوت كاميليا : تزيدي خطوة نقتلك. ..تنقصي على لبشار شوية 
ازار عينيه كيطلقو الشرارة : علاش هادشي كاامل 
كاميليا وجهات ليه السلاح : نتااااا سكت ...ب بساابك خسرت باااابااا 😢...بسبااابك متهدرش
حسات براسها غادي تبكي وهي تقوي نفسها ورجعات كتنطق بقوة : بسباابك تحرمت من الدارع لحاامي ...كلشي نتااا سبابو داكشي علاش خااصك تموت 
ازار مخرج عينيه كيحاول افهم هدرتها : نتي بنت شكون. .حيت بينا ديك العائلة لعرفتينا عليها ماشي عائلتك 
كاميليا باستهزاء : صوتك كيهرني ..سكت قلللللت سكت 
ازار : غاادي تبقااي هااكة مغااديش تهدري. ..ولا كنتي غادي تقتليني بااش ترتاحي ..قتليني اش كتسناي
كاميليا شافت فيه بنظرات دامعين وهي موجهة تيجاهو السلاح : مكااانش علييك تقتل بابا ..وخااا كيبيع فاعضاء الدراري الصغار مكانش علييك تقتلو
ازار رجعات بيه الذاكرة لاول قضية ..شاف فيها مخرج عينيه : وااش نتي بنت دانييل 

هزات راسها باه وعينيها كيطلقو الشرارة : ودابا جات نوبتك بااش ذوق لمرار 
سنايا غي واقفة كتوزع نضراتها علييهم من جيهة بقات فيها كاميليا. .ولكن هيا ختارت الطريق لخطأ فاش بغات تنتاقم 
ازار : قتليني بااش تهنااي وتطفا لعافية لشاعلة فييك 
كاميليا ايديها كيرجفو وهي موجهة ليه سلاح. .وعينيها مدمعين حيت فتحات ماضي قديم : اكيد غادي تموت 
بتاسمات باستهزاء : ولكن مااشي نتاا. .حبيبتك 
رجعات وجهات السلاح تجاه سنايا :شهدي قبل تموتي. .حيت الا قتلتك غادي نقتل هاد لمجرم. .لمعادلة عندها حل
سنايا بقات كتشوف فيها :انا متأكدة قلبك بيض ..نتي غي كتصطانعي لقوة
كاميليا : مسووووقكش ...انااا قوية مسوووق حتى وااحد فياا كلكم غاادي تموتو بااش اتحرق هو
سفيان : كاااامليااا اشنوو كديري ...حيدي السلاح 
كاميليا شافت فسفيان : منقدرش ..خاصي نقتلهاا 😢
سفيان كيحاول اهدن فيها :سلمي رااسك. .بلاما تزيدي على جرائمك
كاميليا: انااا مظلمتهمش هومااا لكيستاهلو ..أي وااحد شارك فديك القضية ذااق من لعداب 
شافت ففاروق: اشنو احساسك فاش لقيتي حبيبتك مدبوحة فالصالون هههه ...احساس زويين يااك 
رجعات شافت فازار نطقات بصوت منخافض كتحرك راسها بحال لحمقة :ودابا نوبتك هههه 
سنايا حاطة ايدها على قلبها بدا كيتزير عليها بزااف 
كاميليا وجهات كلامها لسنايا: قلت شهدي قبل تموتي 
سنايا بتاسمات لييها بابتسامة شاحبة : قتليني ااش كتسنااي 
كاملين نطقات عاضة على سنانها : انا لكنأمر هناا مااشي نتي 
ازار وجه ليها السلاح وضعط على زناد : الا مهبطتيش السلاح نتي لي عتابري راسك ميتة 
كاميليا باستهزاء : هدرتك مكتخلعنيش ...اخطيبي السابق هه 
سنايا غمضات عينيها حاطة ايدها على قلبها مكرهاتش تخشي ايدها تحيد هاد الألم لكيراودها حتى كتبغي تموت 
ازار خرج عينيه فااش شافها ضغطات على الزناد وغادي ترخي ايدها باش تخرج الرصاصة. .حتى لمحهاا ترمات فالأرض و رصاصة فجبينها مختارقاها ..
سنايا غوتاات وهيا سادة عينيها كتسنى ضربها بالمسدس ..حتى حلات عينيها بالشوية ملي سمعات الصقيل ..خرجات عينيها فااش بانت ليها كاميليا مرمية فالأرض غارقة وسط دمها ..
دورات عينيها عند ازار مبغاتوش اتيري فيها : علاش قتلتيها 😢
ازار كيشوف فكاميليا والمسدس : انا مقتلتهااش ...شكون ضربها بالرصاص 
نطق صوت قاطع تفكيرهم : انا لي قتلتهاا 
هزو عينيهم تابعين مصدر الصوت. .سنايا حطات ايديها على فمها : سفياان. !!!..علاش هءه 
سفيان طاح على ركابيه. .تفكرها نهار قالت لييه فااش تعصب مني قتلني بلاما تردد ليوم عاد فهم لمغزى من كلامها 
سنايا مشات بجرية تحنات لعندها كانت مزال حالة عينيها كترمش و تشوف ببطء : كك كاا مييلياا كاميليا. ..حلي عينييك متسديهمش
كاميليا بتاسمات ابتسامة شاحبة ونطقات بالشوية : قولييهم غي اهربو ديك الأرض مافيهاش الأغنام كح. ..كح غي كدبت علييهم ههه ...هومااا أغبياء 
سنايا وجهات كلامها لازار وسفياان : اجيييو مكينش الاغناام غي اجييو
ازار مشا بجرية لعندهم تحنى لعند كاميليا كيشوفها كتغمض وتحل عينيها بالعرض لبطيء مع ابتسامة ممفهوماش 
فاروق ستغل لفرصة و آمر لبوليس لي معاهم اتكلفو بالرجال دالبوص ..
سفيان بقا مهبط راسو ومغمض عينيه حتى نطق بصوت بااح : مكانش علييك تسلكي هاد الطريق
ازار خدا لمسدس دكاميليا بغاا اخوييه من الرصاص لتوقع شي حاجة مفاجئة وتقتل شي واحد بييه 
كاميليا بقات كتشوف فييه بنفس النضرات وهو كيحاول افرغو
ازار قلب لخزان مكين لاتر لحتى رصاصة يعني هيا كانت موجهة السلاح تيجاه سنايا وهو فارغ 
شاف فيها بنضرات عتاب وهز راسها حطو على رجلو : علاش. ..درتيي بحال هااكة علاللاش!!! ...مكانش علييك تصرفي بهاد الطريقة 
سنايا كتفات انها تبكي مبغاتهاش تكون فهاد لوضع خصوصا أن لمسدس كان خاوي من الرصاص يعني هدفها كان هو تخلعهم : هءءءؤ هءءءه مكانش عليييك هءءءؤؤ 
البوليس طاوقو كااع لمكان وكااع الرجال لقاو علييهم لقبض ..
العائلة كاملة تجمعات على كاميليا كلهم مزاليين مأثرين بالصدمة وفنفس لوقت مبغوهااش تموت بهاد الطريقة 
كاميليا كتحس بروحها غادي تخرج حاولات تنطق بزز : كاميليا مغاديش تموت هه ...انا ديما معااكم هءهءء فااش غادي تزوري قبر باباك غادي تفكريني حيت قتلتو هه ...
سنايا غاطسة وجها بين ايديها : علاش وجهتي لياا السلاح فارغ ..نتي قلبك طيب غي كتطردي هاد الصفة منو 
كاميليا : هه حتى موتي بغيتو اكون مميز ..داكشي علاش ختاريت هاد الطريقة
لمحات سفيان فاش دورات راسها ..للحظة جات عينيها فعينيه ملي هز راسو ..غمضات عينيها وحلاتهم بحاليلا كتقوليه مديرش فبالك 
سفيان بقا كيشوف فيها حتى ترسمات على وجهو ابتسامة فاش بتاسمات لييه ..نطق بالشوية وهو كيخاطب راسو : سمحيلي كان خاصي ندير هاكة 
كاميليا عرفات انها مبقاش ليها بزاف دالوقت بااش تودع. .شدات فايد سنايا ونطقات بصوت باح : غاادي تسمعيني مبقااش ليا بزاف باش نموت

ازار بقا حادر رااسو كانت عزيزة علييه متوقعش منها هاد التصروفات 
سنايا كرزات على ايد كاميليا : قولي هءءهءه كنسمعك 😢
كاميليا بتاسمات : فااش نموت خودي قلبي عيشي بييه. .كنت ضاربة لحساب وجريت فحوصات قلبي غادي اتوافق مع لخلايا ديالك 
سكتات وهي كتهز بسباب لحريق : هاادي وصيتيي ..وخاا كنكرهك ولكن مبغيتكش تموتي 
ازار دور وجها لعندو : كاان عليك تجي لعندي وتقتليني مكنتش غادي نتقلق منك
كاميليا :هه مقدرتش شي حاجة كانت كتمنعني ..ولكن فااش كنتفكر اشنو خسرت بسبابك هءءؤ كنحقد علييك وكنكمل على الانتقام ديالي. ..مغاديش نطلب منك السماحة حيت مكتستهلهاش
ازار حط راسو على جبينها نطق وهو مبتاسم وعينيه حمرين بحال لجمرة : قولي لياا شي نكتة ديالك هه
كاميليا ضحكات وسط ألمها : قنع سنايا تاخد لقلب ديالي. ..هادي أمنيتي الأخيرة هءء 
ازار شاف فسنايا لكتبكي 
سنايا : هءءءؤؤ منقدرش ناخد قلبك
كاميليا :هه متخافيش غادي امشي لحقد منو ..مغاديش تكوني بحالي 
سنايا :هءءء باااش عرفتي هادشي كامل 😢
كاميليا باستهزاء :هه انا كنعرف لهوى لكتنفسو بييه. .خاصك تفرحي حيت بسبابي غادي تعيشي نتي وهاد لحقير هانيين ..مسكين كان باغي اتبرعلك هو هه
ازار مسح على شعر كاميليا :مغاديش تبدلي 
كاميليا شافت فسنايا بحاليلا كتقوليها وااش غادي تنفدي امنيتي 
سنايا هزات راسها باه وهي كتنخصص : سمحي ليينا 
كاميليا ضحكات : انا كنكرهك ولكن مبغيتش باباك اموت جا فطريقي 
سنايا هبطات راسها عينيها ضروها بالبكا 
ازار شافها كتغمض عينيها بحاليلا غادي تخرج منها الروح : شش ..قولي لياا النكتة لقلت لييك هه
كاميليا كتكابر بزز : قول لسفيان بيلا كنتي كتعجبني هه..عنداك تنسا
سنايا ضحكات وسط دموعها : هه وااخة😢
كاميليا بتاسمات لييهم كامليين وهي كتشوف لعائلة ديرا بييها : أحيانا يكونو الصمت كالموت لبطيء. ..
ازار كمل لييها لمقولة : صرخة مخنوقة ..
كاميليا :هه ودقات قلب متسارعة ..
ازار بتاسم :لا يراها أحد. .
حط جبينو على جبينها فاش عرفها فارقت لحياة وخرجات روحها عند الله 
سنايا زادت فوتيرة دالبكا : هءءء يااربي تغفر ليييها😭
ازار غمض ليها عينيها : غاادي نتوحشك اصديقتي لغبية
سفيان كان كيسمع كل كلمة قالتها مشعرش براسو حتى نزلات دمعة من عينيه ..رجعات بييه الذاكرة لصدف لي كانت كتوقع ليهم وكيتلقاو بسبابها ..عرف بأن لحياة فيها بزااف د الأسرار ماشي دائما داكشي لكنشوفوه راه حقيقة 
ازار خاطب أمير : قولييهم اجيبو الاسعاف اديو لجثة 
أمير هز راسو باه ومشا دوز لييهم. .
سنايا غمضات عينيها فاش حسات بقلبها تزير ..وهدرتهم كتسمعها ولكن ممفرزاش ..وقفات بزز كتبعد علييهم مزيرة على قلبها بقوة الألم غادي وكيزيد ..بقات غادة بخطوات بطيئة جيهت لوطو وراسها فالأرض حتى حسات بشي حاجة كتقطر منها. .وقفات كتحس بنيفها كينزف. .خرجات عينيها فاش تطلات ايدها دم كان كينزف بغزارة بحاليلا خاوية عليها سطل دالدم ..
حورية شافت سنايا مدورة وجها عطياهم بالضهر. .دخلها الشك مشات لعندها بخطوات سريعة حتى كتلقاها كتحبس الدم من نيفها 
خرجات عينيها : بنتيييي😢
سنايا يله غادي تشوف لعندها وهي تحس بالدنيا كدور بيها محساتش على راسها حتى جات مزدوحة على الأرض حتى تجرح راسها بسباب لحجرة لكانت تماك ومنتابهتش لييها 
ازار تلافت لمصدر الصوت. .خرج عينيه : سناااااياااا 
مشا لعندها كيتعتر هزها بين ايديه ومشا بييها طير متسوق لحتى وااحد مورااه 
فاروق كيشوف لبوليس شادين سفيان ديرين لييه لمينوط تنهد مبغاش نيهايتو تكون هااكة. .قبل اطلعوه لفاركونيط قاطعهم : بااغي نهدر معاه على انفراد 
لبوليس حدرو رااسهم ومشاو 
فاروق : كوون هااني غادي نحاولو انك تاخد أقل عقوبة ممكنة هادا هو لقانون خاصنا نتقبلوه
سفيان نطق وهو ساهي : قولييهم اتحركو 
فاروق تنهد عرفو بااقي مصدوم. .ثواني وتحركات لفاركونيط للمركز لتحقيق عاد انقلوه للحبس بعد لمحاكمة 
تبعاتهم الاسعاف هازة جثة كاميليا 
ريماس جات عند فاروق عنقاتو : حياتي هءءؤ 
فاروق عنقها : ششش. ..سيري لدار من بعد ونهدرو 
ريماس بعدات عليه و شدات فايدو : متجهدش رااسك. .متافقيين
فاروق : وااخة 
كاااع أفراد لعائلة ركبو السيارات ديالهم نيشاان للمستشفى تابعيين ازار ومخلوعين على سنايا 
خلود شافت عمار كيسوك بسرعة : بقاات فيا سنايا بزاف 
عمار تنهد :كلشي كيجي فمرة 
خلود كتفات بالسكات وخاطرها مخنوق حيت هاد المرض كتحسس منو 
داز الوقت كان كلشي فالمستشفى كيتسنا شي خبر 
ازار باغي اقرع راسو غادي جاي كياكل فضفارو بالاعصاب. .
الطبيب جا كيجري : ازار
مشا لعندو : وااش جااي هاد لجراح
الطبيب : متخافش نص ساعة واوصل مكانش فالمغرب خدا اول طيارة باش رجع 
ازار بصوت مخلوع : ولكن هاد نص ساعة تقدر تمشي من بين ايدينا
خلود شافتهم مناقشين مشات وقفات عليهم : دكتور اش وااقع 
الطبيب : انسة خلود ترك لا
خلود : لا مدام خلود لمرابطي ..مالك متوتر 

الطبيب : أكبر جراح كان خارج كونجي مضربناش لحساب 
خلود مسحات على شعرها :واش مغاديش اجي 
الطبيب :نص ساعة واكون هنا 
ازار : يااربي. .صبر كفااش راه غادي توقع لييها شي حاجة إلا تعطلتو ...واااش غادي نوريييك خدمتك 
خلود شافت ازار متوتر :ازار تهدن اخويا. .انشالله خير ضروري مغادي اديرو ليها الاسعافات الاولية قبل لجراحة 
الطبيب : خبرتي مكفيااش بزاف حيت ما متمكنش بحال لجراح ..ولكن غادي ندير كل مافجهدي بينما وصل علينا 
ازار ضرب على كتفو :دير جهدك كامل 
الطبيب تنهد وقلب الدورة لغرفة تبدال حتى وقف فبلاصتو. .وتلافت عند خلود :اجي معايا 
خلود باستفهام : اشنو لمطلوب مني
الطبيب نطق وهو ماشي :غادي تكوني يدي ليمنى فاجراء لعملية .لبسي عليك ولحقي علينا 
شافت فعمار لي جا لعندهم : منقدرش
عمار : هادي هيا فرصتك
ازار بتاسم ليها : كنتيق فييك وسنايا غادي تبرى على ايدك 
خلود تنهدات :أكون خير 
كتفات بهاد لكلام ومشات تبعات الطبيب لغرفة تبدال لبسات بحالو وقصدو غرفة لعمليات مباشرة باللبسة الزرقاء والمعقمة لقاو كلشي وااجد 
دازت نص ساعة 
ازار مزال مخلوع كيدعي الله متوقع حتى مضاعفات لسنايا أثناء لعملية. 
لمح شي واحد جاي لعندهم كان طبيب باللبسة الزرقاء وليكونات فايدو 
ازار مشا لعندو : وااش نتا هو لجراح لمنصوري
الطبيب هز راسو باه : كون هاني مرتك فالحفض والصون. .نخليكم دابا خاصي نلحق علييهم 
مشا طبيب دخل عليهم لغرفة لعمليات كلشي فرح حيت متمكن خدا من عندهم لمعدات وبدا فالجراحة وزرع لقلب. .كانت خلود غادة جاية فينما كيطلب منها مساعدة كيلقاها واجدة 
لجراح شاف آلة تخطيط لقلب مرسوم عليها خط متدرج ولكن خفيف شيء لخلاه اقلق : دكتورة خلود. .وااش تاكدتو من خزان السكر 
خلود :وي دكتور .كلشي هو هداك
لجراح :ولكن علاش تخطيط لقلب ضعيف .خاص أكون توافق
خلود مشات بسرعة دكات إبرة فالسيروم حتى رجع تخطيط لقلب لوضعو الطبيعي
لجراح :تحياتي 
خلود عجبها لحال كانت محتاجة هاد لعملية بااش تبين لييهم محبتها لهاد لمجال وخا مزال مكملات قرايتها فييه يله عندها لعام الأول فهاد التخصص وقدرات تفرض راسها قدام جراح كبير بحال سي لمنصوري..

فالجيهة لخرى. .
فاروق كان فالمكتب : جيبو لعندي سفيان 
لبوليسي هز راسو باه ومشا ..دقائق حتى جا لعندو ومعاه سفيان لي ملامحو ممحية غي ساهي
فاروق : صافي غي خرج 
لبوليسي حدر راسو ونفد كلامو فالحين 
فاروق : جلس اصحبي بغيت نفهمك اشنو غادي تقول. .باش نقدرو نساعدوك
سفيان جلس كيمسح على راسو : انا قتلتهاا
فاروق تنهد : ماشي وقت هااد لهدرة. .سمعني مزياان 
سفيان باستهزاء : مغادي اتغير واالو. .ولكن هدر هاني كنسمع
فاروق شرح لييها كااع النقط لي خااص اذكر و اهم الشروط وداكشي دالقانون ...إلخ
سفيان : هادشي كامل 
فاروق : ضروري. .معندناش حل 

نرجعو للمستشفى. .
خرجات خلود هيا لولا بملامح بشوشة عاد تبعها لجراح مبتاسم 
كلشي فرح بحاليلا بشروهم بابتسامتهم
ازار : كلشي مزيان يااك 
خلود هزات راسها باه :لحمدالله. .عملية زرع لقلب كانت ناجحة 
لجراح : كلشي بفضل دكتورة خلود ساعدتني بزااف 
عمار هز حاجبو يله غادي اهدر وهو اشدو ازار : شكرا لييك. .عدبنااك
لجراح : خدمتنا هاادي ...نهاركم مبروك
خلود شافت لجراح مشا وهيا تخنزر فعمار :اش كيين😒
عمار مطول فيها الشوفة : اجي لهنا
مشات لعندو شدها من دراعها وتمو خارجيين
ازار تلافت عندهم مبتاسم : لحمدالله. .غادي تبرى 
أمير ضرب على كتفو : نسيبتي قوية هه
يارا ضامة عندها أسامة مغمض : هااديك ختي وانا لكنعرفها
أمير عنقها : كلشي تحل
يارا شافت أسامة كيبكي : خاصي نرضعو
أمير شدها فايدها : اجي لشي غرفة خاوية 
يارا : واخة. ..غي بشوية غادي تنتر ليا ايدي 
أمير : كتر فييك نكير
يارا بتاسمات : عاجبني رااسي😌
ازار كتفا بابتسامة. .مكرهاش تحل عينيها كلشي تحل دابا بقات غي هيا 
لحاجة جات لعندو : مبروك عليك الزواج اولدي. ..مكتابش نحضر معاكم
ازار باس على راسها : غي كتبنا كتابنا ..مزال لعرس انشالله نضحكو ونشطو
لحاجة : انشالله 😊
خرج لعلى برى حس براسو تخنق. .تفكر كاميليا بتاسم عارف ان وخا عاد التصرفات كاملين قلبها بيض غي لحقد لي عمى ليها بصيرتها ..ولكن هاديك خدمتو كون مقتلش باها كان غادي اشكل خطر على الناس حيت كان غادي ابدا فالعمليات الإرهابية و التفجيرات ..من غير تجارة فالاعضاء
تنهد : الله اغفر لييك

دازو أيام واسابيع ..🌝
كانت يله خارجة من لحمام ملويا عليها فوطة. .لحمها كلو مزوق بالطبايع لي خلا فييها 
حسات بانفاسو مور عنقها ..شهقات فاش بغا احيد ليها لفوطة. .تلافتت عندو : اميير عفااك مكفاتكش هاد لحالة. .شوف كيف رجعتيني كفااش غادي نحضر للعرس والخطبة حشومة علييك 
أمير متبع حركات شفايفها : هممم زيدي هدري مالك سكتي
يارا بنفاد صبر : اميير
أمير كيقرب ليها وهيا راجعة بلور كتدور فعينيها حتى وصلات لناموسية ملقات باش تكالي ..شافتو باغي اقرب 

شافتو باغي اقرب كتر. .وهي ترجع بخطوة لور حتى جات مزدوحة على الناموسية 
أمير بتاسم وطاح عليها بتقلو شاد لفوطة : مكنشبعش منك 
يارا : اسامة كيبكي😨
أمير : معااه لمربية. .نهار ومطال ونتي شداه غادي نبدا نغيير. .مكتهتميش براجلك مبقيتيش كتبغيني
يارا ستافزها بكلامو ..رجعات هيا لقلباتو تحتها مهبطة شعرها لفازك لعندو كيقطر على وجهو
أمير يله بغا انطق وهي تطيح على شفايفو كتلتاهم فييهم باش تعكس هدرتو ..مشعراتش براسها حتى لقاتو حيد ليها لفوطة من جديد ودخل معاها فحرب أخرى كتخرج منها مهدودة
يارا : أمير باراااك ..اميير وااش بااغي تحملني ولا شنو هءء واااع
أمير جابو فيها وناض تكا حداها سخفاان : باغي بنيتة تكون كتشبه لييك
يارا جرات عليها لغطا : لحقير. .خاصي نعاود ندوش معرفتش امتى غادي نمشيو لهاد لعرس 
أمير جرها لعندو باسها على شفايفها : نشوف شي لبسة معرية نهرس لييك رجلييك
يارا : غاادي نلبس قفطان غي رتاح

نبدلو لبلاصة. .وبالضبط فالقصر 
كانو مجموعيين فغرفة وحدة
خلود واقفة كتشوف فييهم وايدها على كريشتها لي كبرات ولات عندها خمس أشهر على لحمالة ..بانت فاحسن حلتها بقفطانها لموطارد مع طريزات خفاف جيهت الصدر ..كان تقليدي وفنفس لوقت داخلة علييك لموضة لعصرية ..شعرها خلاتو سامبل مع بوكلي من لتحت وميكاب مناسب وفرجليها كتفات ببليغة تفادات لكعب لعالي على قبل حملها
شافت فسنايا لمضاربين معاها باش اقادو ليها الايلينر .مخلاتهمش.. هوما اصيبو وهيا تدمع: هه سنايا تبتي خلييهم اكملو 
سنايا : هااااه واااع مبقيت باغا عرس 
لكوافورة : صاافي ساليت ..نوضي شوفي راسك 
سنايا تنهدات : لحمدالله. .راحة 
شافت فريماس لي ليحا رجليها على الناموسية وحالة عينيها وفمها فتيلي : نوضي اقادو ليييك. .ونتي خطبتك ليوم 
ريماس ممسوقاش لييهم ..ثواني وهيا مكوانسية عاد ناضت لعندهم هازة تيلي كتوريهم الشاشة : بغييت نلبس بحال هاادي ماشي قفطان😢
خلود وسنايا مخرجين عينيهم : من نيتك 
سنايا : وااش باغا تلبسي هاديك لكسيوة ..اويلي حي تجي قد بنتي لي بااقي متزادتش ..كلها معرية وقصيرة بزااف 
ريماس ناضت : الوغ. .تخطبو نتوما انا مزال صغيرة وباغا نكمل قرايتي 
خلود كتحاول مضحكش حيت كرشها كضرها : ناااري على لبرهوشة بااقي مبغات دير عقلها كيبقى فيها فاروق ههه 
ريماس تفكرات فاروق وسعات عينيها : ويلي تعطلت. .سربي قاديلي نسيت لعريس هو فاروق 
سنايا مشادة معاها لكوافورة باش ماضحكش حيت كيتخسر ليها لميكاب: وااش نبكي. ..نااري لحبس 
خلود عيات بالوقفة ..مشات جلسات على لكنباي : سنايا وقفي نشوفوك
سنايا وقفات مشات تقابلت مع مرايا طويلة. .وسعات عينيها : وااو هادي انا😍
ريماس جاها لفضول تحل عينيها..خاطبت لكوافورة بعصبية : بربي ونتعصب حتى نخشي لييك وجهك فهاد لفغاجو
خلود : ريمااس حتى تسالي وشوفيهاا ..ديري عقلك اصحبتي
ريماس تنهدات : كملي هاد لميكاب ...تفو على حالة 😒
سنايا كانت كدور بجسمها كامل يمين و شمال عاجبها راسها. .لقفطان جاها ملبوس على جسمها لمنحوث ..كان فالغوز بارد جاها كيوت بتصميمو لعصري ..حطات ايديها على كرشها يله بدات كتبان شوية ولكن مع موضيل لقفطان خباها ..بتاسمات فرحانة براسها كتشوف ثاج خفيف فوق شعرها لبوكلي وميكاب سارخ مناسب للتصميم لقفطان 
خلود : مشالله جيتي غزالة. .
سنايا كتطير بالفرحة : عويناتك احبيبة😍
داز الوقت. .
كملو لريماس بزز بااش بغات تلبس لييهم لقفطان. .عجبها واحد حيت كلو شبكة من جيهة الظهر و لكتاف داكشي علاش بغاتو ..خلاو لييها شعرها سامبل مع فرقة فالوسط ورجعوه ليها ورى ودنيها بانت انيقة فلباسها وجذابة بمكياجها سموكي ..تنهدات براحة راضية على راسها. .ودعاتهم وخرجات قاصدة بيتها فطريقها تلاقات ازار 
ريماس : اوووه نااس والكوستيم ..جيتي وااعر 
ازار : هه يااك
ريماس شافتو مضارب مع لكرفاط : ارى نسيبها لييك 
ازار : بعدي مني ..فينها مرتي
ريماس : مع خلود فالغرفة
ازار : اوكي 
ريماس شافتو غادي لعندها وقفاتو بصوتها: تمشي لعندها نقولها لدادة ..سيمانة متشوفها😎
ازار تفكر كلام لحاجة : لبرهوشة. .بفف
قلب دورة هواد لتحت وهو مضارب مع لكرفاط مبغاتش تصيب لييه ..فطريقو تلاقا عايدة قادتها لييه فعنقو عاد خرج كيشوف التحضيرات كان كلشي هو هداك. .فضلو انهم اديرو عرسهم وفنفس لوقت خطوبة ريماس وفاروق 
عمار كان يله جا من الشركة : اهلان سي لعريس ..بااش كتحس 
ازار تلافت عندو : كنفيبري ..من نيتك😒...تفاوت على شركة شوية دابا تخول 
عمار : هههه مرتاح هااكة 
ازار : اوا الله اغرقك خدمة 😂

عند ريماس. .
دخلات لبيتها كتكمل لبسها بغات تكسر لالوان بشي براسلي فايدها بقات كتقلب حتى حسات بايدين محاوطينها ..بتاسمات فاش شمات عطرو رجولي 
همس ليها حدا ودنها : توحشتك
ريماس ضارت لعندو عنقاتو : حبيبي ..متصورش شحال توحشتك. .شحال متلاقينا 
فاروق باسها على شفايفها بشوية باش ميخسرش ليها لميكاب. .

هبط عينو مع لقفطان : جيتي كتحمقي 
ريماس حسات بحنيكاتها حمارو : شكرا☺
فاروق قربها ليه كارز على خصرها : غادي نقربو موعد الزواج بعد لخطبة ..مبقيتش صابر 
ريماس :حتا انا هه
فاروق ضحك على عفويتها :مغاديش تبدلي ..يله نخليك دابا غادي نرجع منين جيت 
ريماس شافتو خارج من باب لبالكو حتى وقف بحاليلا نسى شي حاجة 
ريماس :بغيتي شي حاجة 
فاروق رجع لعندها باسها على شفايفها مطول حتى دخل معاها فسلسة من لقبلة و تخلطات انفاسهم بالدم. .حتى حس بيلا نسا راسو عاد بعد : هاد لعكر بلاش منو 
ريماس باغا تبكي : كيعجبني
فاروق بحدة : مكنعاودش هدرتي 
ريماس سكات حيت خلعها. .عاد نطقات : واخة
فاروق بتاسم وخرج منين دخل. .

داز لوقت ..
كانت الموسيقى الاندلسسية خدامة وكلشي جالس فبلاصتو مبتاسم. .فرحة فرحتين عرس ازار وسنايا وخطبت ريماس وفاروق 
أمير يله وقف باللوطو قبل أنزل تلافت عندها : بحاليلا كترتي لميكاب
يارا : أمير. .متبداش عاود 
أمير تنهد :نزلي. .نزلي
هبطات يارا من لوطو بكعبها لعالي جات كيوت وسط قفطانها كان فالازرق لونها لمفضل جات كتحمق بييه. .تقدمات لعند أمير كترجع شعرها الاشقر ورى ودنيها 
أمير باسها على جبينها : الله اخلييك ليا 
يارا بتاسمات ليه وخشات ايدها فدراعو : يله نمشيو. ..مكرهتش كون جبنا معانا أسامة 
أمير : لبرد علييه ...متخافيش نسااي شوية 
يارا كتفات بابتسامة ومشاو بخطواتهم حتى جلسو فالطابلة كانت جالسة فيها حورية وعايدة كيتبادلو اطراف لحديث 
يارا :سلام و علييكم 
حورية :بنتي ..جيتي فينو حفيدي
يارا : خليناه مع لمربية 
عايدة :الله اخليه لييكم
أمير ويارا :امين 😊
حورية: نمشي نشوف سنايا فين وصلات 
عايدة :اه. .سيري انا غادي نتكلف هنا
حورية كتفات بابتسامة ومشات دخلات للقصر طلعات نيشان لعندها فتحات لباب حتى جات عينيها فعينين سنايا شيء لخلا دموعها انزلو بتاسمات وهيا كتمسحهم: يااربي تحفظك لياا جيتي غزالة مشالله 
سنايا قلبها كيفرفر : هادا هو لوقت يااك 
حورية هزات راسها باه وعنقاتها :يله نهبطو 
سنايا كانت على نار باغا غي امتى تشوف ازار حيت لحاجة منعات عليهم اشوفو بعضياتهم لمدة أسبوع 
خرجو من لبيت وهبطو بالشوية على سلالم الدرج. .جات موراهم النكافة كتردد كلامها على شكل غناء حتى كيقفزو من صوتها 
ازار كان لتحت كيتسنا اشدها فايدها. .باغيها تهز راسها باش تجي عينيها فعينيه. هبطو لعندو 
حورية مدات ليه سنايا :هاهيا بنتي أمانة عندك 
ازار باس ايدها من لداخل :هادي حياتي 
سنايا مهبطة راسها حسات بحنيكاتها حمارو .مشات حورية سبقاتهم لعلى برى وبقاو هوما بجوج 
ازار قرب ليها خشا وجهو فعنقها وطبع قبلة بورشتها : كنبغيك 
سنايا هزات عينيها فيه : حتا انا 
ازار حط طراف صباعو على شفايفها : لا قوليها نسمعها 
سنايا شفايفها رجفو من لمساتو السحرية : كنبغيك بزااف 
ازار باس جبينها وخرجو لعلى برى كيبتاسمو للناس كلشي فرحان بييهم ..بغاو عرسهم أكون تقليدي داكشي علاش جابو لميسترو كيطربهم بالاغاني ثراتية والاندلسية..
فهاد الاتناء خرجات ريماس قابطة فدراع فاروق لي حتى هو فكامل اناقتو بكوستيمو وربطة لعنق زيادة على تسريحة شعرو بان مختالف وجداب 
سنايا :جااو زوينين
ازار حاوط خصرها وحط ايدو على كرشها: نتي لزويينة. .احبيبة. فراسك توحشتك 
سنايا فهماتو :ازار كتحشمني😳
ازار :ههه غادي نشوفو هااد لحشمة واش غادي تبقى 
فاروق وريماس وقفو فخشبة كبيرة مقابلة مع جليسة الضيوف ..كانت الأضواء علييهم ..والصحافة كتلتاقط صور تذكارية
جنب ريماس واقف عزيز وفخرية فرحانين ببنتهم و جنب فاروق واقفة كنزة وامير عاد يارا ..سعيدين لييه حيت غادي ابني حياتو الزوجية
عزيز شاف وحدة مكلفة بلبلاطو لفيه خواتم لخطوبة ولحليب وثمر دار ليها إشارة بايدو باش تقرب لعندهم. .وداكشي لكان 
فاروق شد فايدها وخدا لخاتم لخاص البسو لييها : واخيراا غادي تولي ديالي
ريماس مكرهاتش تنقز عليه غي كتفكر باها وخوها لي مراقبها كتبت شوية :ركبو دغيا 😍
عمار جا لحداهم محاوط خلود من خصرها : قبل تركب ليها لخاتم خاصك تقبل هاد الشروط
عزيز :عمار هنينا
فاروق بتاسم :من حقو خوها غادي اخاف عليها 
عمار :لا مخيفش عليها ..غي بغيت نوصيك بلاما ضسرها غي عاود ليها تربية راه مكتحشمش ..زيد عليها مغموجة الله معاك 
ريماس باغا تبكي: خويا😭
عمار باس جبينها:غي كنضحك معااك ..بغيتي نافق خطيبك قلت لي كين 
فاروق :هه انا باغيها كيما هيا
ريماس شافت فعمار بحاليلا كتقلي ليه السم:ضور 100
دورات عينيها عند فاروق وهي تلقاه كيحمر فيها. .تخلعات دارت ديك الساعة عند عمار :سمحليا اخويا 
عزيز :ههه نتا لغادي تليق لييها 
عمار عاجبو لحال حيت ختو بين ايدين امينة وغادي اصونها واحميها
خلود عرفاتو فرحان :الله اسعدهم
عمار باس ايدها: اميين
ركبو خواتمهم تحت انضار الضيوف والصحافة ..شربوهم لحليب والثمر حسب لعادات والتقاليد ..هاكة داز لوقت جميع الضيوف كانو مبتاسمين 

هاكة داز لوقت جميع الضيوف كانو مبتاسمين ..وفرحانين لييهم 
ازار نوض سنايا ارقصو فاش تطلقات اغنية رومنسية. .بقاو كيتمايلو على انغامها 
ازار متبت نضراتو على عينيها: حبيبة دقلبي
سنايا كيحشمها بهاد لكلام كتفات بابتسامة غارقة وسط خجلها
شافو جنابهم لقاو كلشي كيرقص مع الشريك ديالو 
ازار :ههه كتعاندو معانا
أمير ويارا مسمعوهش غارقين وسط حبهم كان مزير على خصرها بحاليلا خيفها تهرب
يارا :أمير رخف عليا 
أمير زاد قربها كتر :والا مرخفتش اشنو غادي ديري 
يارا بتاسمات طلعات على طراف صباعها باستو على شفايفو : غادي ندير هاكة هه
أمير عنقاها وهوما كيتراقصو على كلمات ولحن الأغنية. .
فالجيهة لخرى كان عمار كيتمايل هو وخلود غي بالشوية بسباب تقل مع لحمالة
عمار باس جبينها : نسيت مقلت لييك جيتي كتحمقي 
خلود : شكرا😍
عمار بتاسم : ليناا معدبة لواليدة خاص ناخدوها عليها شوية 
خلود : متخافش حطيت ليها الشكلاط غادي تلاها بييه 
عمار حط ايدو على كرشها : قريب ولدنا اجي 
خلود : متشوقة امتى نهزو بين ايدياا ..غادي اكون اخ مزيان للينا 
عمار بتاسم: اشنو نسميوه
خلود : معرفتش حتى لولادة بعدا 

ازار شاف لوقت تعطل هز سنايا تحت أنظار لحضور متسوق لحتى واحد 
عايدة :اويلي على لمسطي غادي افضحنا
خالد :ههه مسكين سيمانة مشافها
تلافت عند لحاجة :عبرتي عليهم
لحاجة : هه باش تزيد محبتهم ..ونيت بااش جلسو معانا هاد الاسبوع مبقاوش فدارهم بوحدهم
فاروق مضارب مع ريماس باش متشربش : تهزي شي كأس نفلقك
ريماس : وعلاش نتا كتشرب😒
فاروق :الله مطولك ياروح...توحشتي لعصا
ريماس تكمشات وخشات ايديها فدراعو : غي كنضحك معااك 😊
فاروق جغم من كاسو : الله اعميها لييك😒

نطلعو للفوق..وبالضبط لجناح ديالو 
كان هازها بين ايديه. .محطهاش حل لباب وسدو برجلو 
سنايا مدورة ايدها على عنقو كتفكر اش كيتسناها قلبها كيقفز باقا مزعماش عليه. .
ازار هبطها بالشوية حطها فوق الناموسية وجلس حداها 
سنايا حادرة راسها وحنيكاتها كتحسهم غادي اطرطقو بالحشمة..فاقت من سهوتها على لمسات ايدو على ايدها 
هزات عينيها فيه : كنحمد الله حيت تحقق حلمي و..
قاطعها بقبلة على شفايفها كان هو لمتحكم فييها. .ثواني وهو كيتلدد بمذاقهم عاد بعد عليها :هاني جاي
سنايا باستغراب بقات جالسة كتشوفو مشا جيهت لكوافوز جبد منو شي حاجة. .بتاسمات فاش شافتو جاي لعندها :اشنو فايدك
ازار جلس حداها باس عينيها بجوج :غمضي عينيك 
سنايا غمضاتهم كيف طلب منها. .حتى كتحس بشي حاجة كيركبها ليها فعنقها 
ازار شافها غادي تحل عينيها : بقاي سداهم
هبط لرجلها هزها لعندو وركب لييها خلخال :حلييهم 
سنايا فتحات عينيها بالشوية كترمش برموشها شافت لخلخال بتاسمات : هه بقيتي محتافظ بييه 
ازار بتاسم : اكيد غادي نحتافظ بييه 
سنايا حطات ايديها كتحسس سنسلة :هه كويين
ازار شد ايديها بجوج باسهم : اه كويين عرش قلبي
سنايا وقفات : بغيت نحيد هاد لقفطان صهدني
ازار : اصلا كنت غادي نحيدو دابا
سنايا: ماسخ😳
قصدات لمرايا كتحيد الثاج ولحلقاات ..خدات بابي كتمسح بيه لميكاب ..حتى حسات بانفاسو السخونة كتضرب على عنقها الشيء لي خلاها رجفات فبلاصتها 
ازار عاونها نسلات لقفطان حتى بقات بدوبياس قدامو. .بتاسم وهو كيدوز بايدو على كريشتها 
سنايا بغات تمشي وهو اشدها من ايدها زدحها مع صدرو لعريض 
حطات ايديها على صدرو كتحكم فالمسافة لي بيناتهم : أ أ ..أنا 
ازار بتاسم وميل راسو حتى قرب لشفايفها لباردين كيحرك شفايفو علييهم ببطء حتى ستسلمات لييه وتجاوبات معاه ..زاد قربها لييه محاوط خصرها و ايدو لاخرة مور ظهرها كيتحسو بلمساتو سحرية 
معرفاتش امتى هزها نيشان حطها فوق الناموسية وجا فوقها كيحاول ميوركش على كرشها : غاادي ناكلك 
سنايا مهبطة راسها كتحس بالسخونية سارية فجسمها إحساس زويين كينتابها فاش كتكون بين ايديه 
تأوهات فاش خشا راسو فعنقها كيدكها بلحيتو. .هبط لصدرها باسها على لفرقة حتى قفزات من بلاصتها. .بتاسم حيت متجاوبة معاه .فيساع هزها لعندو نسل السوتيان وطاح على صدرها كيرضع وابغج بحال الطفل لي محتاج للحنان 
سنايا عاضة على شفتها :ازار ..كضرني همم ازار باارااك
ازار حاول ميفورسيش عليها مع ماشي بزااف باش دارت للعملية خاصها وقت طويل بزاف باش تشافا مئة فالمية 
معرفاتش امتى نسل حوايجو وفرق رجليها بعدما نسل سترينغ. .شهقات فاش حسات بداكشي سخون وكبير تحتها. .بغات ترجع باللور وهو اجرها حتى غوتات فاش حسات بشي حاجة كتختارق جسمها واحشاءها غوتات بحاليلا اول مرة كتمارس معاه ..قاطعها بقبلة حنينة نساتها وجع لألم ..هاكة دوزو ليلتهم بكل حب وشغف معياوش ولا ملو من بعضياتهم. .وخا ازار كيحاول ما امكن ميفورسيش عليها بزاف بسباب لبيبي 
حتى طلع الصباح عاد تلاح حداها مهدود. .بتاسم وهو كيغطي فيها كانت فسابع نومة حالة فمها بحال الداري الصغار. ..تنهد حيت واخيرا ولات كتنعس بالليل ولكن حتى أكون فجنبها.

بعد مرور عام. .
وسط الشركة كلشي كيتجارى من هنا لهنا حتى واحد مكيحك راسو. .لموضفين غادين جايين فايدهم لملفات 
خالد هواد فالمصعد وتركيزو مع لوراق لي فايدو. .مجرد متحل لباب صادف عمار هاز بيسي طالع بيه للمكتب ديالو 
خالد متوتر :كلشي هو هداك
عمار رتب على كتفو : متخافش رااك عارف شكون مكلف. .كلشي غادي ادوز مزيان 
خالد : كنتمنى ..هاد الصفقة مهمة كلشي غادي احضر. وحتى الصحافة واجدة كتسنى لمؤتمر ابدا 
عمار هز راسو باه : هاني طالع ..نقاد شي وراق ونهبط 
خالد :مزيان ..متعطلش
سلا لهدرة مع عمار وقصد قاعة المؤتمرات كانت كبيرة بزااف. .شاف عزيز مشا لعندو : وااش مزال مجات 
عزيز : بما انها هي لمدير تنفيدي للشركة مبقيت كنهز لهم. .متخافش هاد الصفقة من نسيبنا 
فهاد اللحظة دخل عمار فجنبو أمير 
عمار : اشنو رأيك فهاد الصفقة
امير: بما اننا ولينا شركاء ..فنتوما تكلفو كنتيق فييكم 
عمار خدا كاس من عند السيرفور جغم منو : مزياان 
دقائق صمت كلشي شد بلاصتو مقابل مع لخشبة كيتسناوها تبان 
خالد جالس فالمقدمة هو وعزيز 
عزيز قرب حدا ودنو :متبقاش متوتر رااك عارف مرت ولدك قدها وقدود
خالد بتاسم : غادي ترفع راس عائلتنا لفوق 
عزيز هز راسو باه : لحمدالله 
كلشي بدا كيوشوش فااش شافوها داخلا من لباب كتمشى بكل رزانة بسروالها الاسود وشوميزة بيضاء خشياها فيه. وشعرها ديراه كوتشوفال بانت عملية وعارفة راسها اش كدير. .هبطات عينيها لايدها هازة لبيسي لفيه لمشروع ...
خالد فرحان بشخصيتها لقوية 
سنايا طلعات للخشبة حطات لبيسي على جنب و وقفات فمكان لميكرو ..تشجعات كتشوف بنضرات كلها تقة وكأنها عندها خبرة كبير فعالم لبزنس ..بدات كلامها كتنطق باللغة الإنجليزية لي كتعتابر لغة عالمية مسلم بيها كأنها اللغة الرسمية بين دول لعالم : مرحبا بضيوفنا لكراام. .قبل أن ابدأ بتقديم مشروعنا ..اتوجه بالشكر لجزيل لعائلتي التي منحتني الثقة لكاملة كي استلم مشروعا كهذا. .
سكتات فااش بداو كيصفقو ليها والصحافة كتصور محبسوش. .نطقات بالشوية فخاطرها : فينك ا ازار ميمكنش تخليني بوحدي
تنهدات و تبتات راسها : الآن سوف ابدأ بشرح استراتيجيتنا التي تتمحور حول الربح الدائم وعدم تخليف خسائر كبيرة كالحيوانات لبرية كي لا تنقرد. .لهذا ايها لكرام ...
قاطعها صوت من رجال لاعمال ..نطق بالإنجليزية : لماذا ركزتي على عدم الضرر بالحيوانات 
سنايا بابتسامة لبقة : فمسيرتي الدراسية كنت طالبة فمجال لبيولوجيا والكمياء لذلك يجب أن استسمر مكتسباتي لكي نحضى بمستقبل أجمل 
بتاسم لجوابها لمتقون : مجالك بعيد عن عالم البزنس. !!
سنايا : هه أحب التحدي وهذا بحد ذاته شيء يوسعدني لذلك قررت ان اقدم شيئا لعائلتي وتفكيري بالموضوع اوصل بي كي اترأس مشروع هذه الشركة 😊
بتاسمات لييهم وكملات شرح لمشروع بكل إتقان. .شيء لكيخليهم مكيزولوش عينيهم عليها. .داز الوقت وهي كتعبر وتهدر بالإنجليزية بكل طلاقة .شافت الساعة مزال مجا تعصبات وخا مبغاتش تبين لييهم. .يله غادي تهز عينيها جيهت لباب وهي تبتاسم بفرحة. .حاولات متخليش تركيزها اتشتت داكشي علاش كملات شرحها حتى سلات تحت تصفيقاات للحضور ..بتاسمات ليهم وهبطات من لخشبة بسرعة كتمشى لعندو بخطوات سريعة 
ازار شافها جاية لعندو..هز حاجبو 
سنايا باستو على خدو :حبيبي توحشتك
شافت بنتها هازها بين ايديه : وينوو حبيبة دماماها ..نوور اجي عند ماماك 
ازار عطاها نور كتبجغط وتلعب بايديها : حسابلي مخدماش ليوم 
سنايا باستو على شفايفو : بلا تعصب منقدرش نبقى فالدار. .واش غادي ترضى تكون مرتك جالسة بحال الأمانة منفعى لوالو 
ازار باس جبينها وهو كيلعب لنور فايدها : لا احبيبة غي كنضحك معاك ..كنت فالمركز عاد تفكرتك مشيت للقصر جبت نور وجيت لعندك ..كيف داز لمؤتمر جيت معطل 
سنايا بتاسمات : اش كتعرف عليا هه
ازار : بما انك مرتي اكيد غادي تكوني واعرة 
سنايا كتبوس نور : متكبر😒...كيف ديرا خالتو عايدة غادي تكون فرحانة حيت خلينا عندها نور هاد اليومين 
ازار : هه شبعتهم تقية 
سنايا : ههه ...يله نخرجو هادا هو لوقت متشوقة نشوفو 
ازار باس جبينها :تسنايني نسلم على عمار وأمير 
سنايا :واخة احبيبي غادي تلقاني كنتسناك براا حدا لوطو. ..ياك انور ياربي تخليك لياا 
ازار باس نور مكيسخاش بييهم هوما بجوج نور حياتو. .قصد عمار وأمير سلم عليهم بالكتف 
عمار : ونتا لطلعات لييك اخويا ...مراتك ولات على لسان كااع رجال لاعمال محمرة ليك وجهك 
أمير : هه كيغير منها حيت مبقا عندو باش انفع😂
عمار : هه باز لييك 
ازار : جيت نشوفكم ونمشي..يله تهلاو 
ودعهم وخرج لقاها راكبة لقدام شادة نور كتلعب معاها 
ركب ودار ليها السمطة : توحشتك 
سنايا باستو على خدو : كنعرفك لاش كتلمح بهاد توحشتك😒
ازار : هه بيساني من خدي ..خوك انا
سنايا تنهدات وباستو على شفايفو حتى شدها مبغا اطلقها. .مبعد عليها حتى خلا فمها حومر ومنفوخ بالمصان والعضان

نور بقات حالة فمها فييهم : خففععخخه😄😂هه
سنايا شافت فنور : هادشي لكتعلم لبنت 
ازار قبل اديماري قرس نور من نيفها : نشوفك اشنويلة كديري هادشي فاش تكبري تاكليها 
نور بدات كتبكي مبغات تسكت 
سنايا : شش صافي احبيبة غي ديري لبغيتي
نور سكتات كتضحك ..خلاتهم بجوج مخرجين عينيهم 
ازار : هادي بينا غادي تشبه ديك لبرهوشة دريماس
سنايا : لبنت تزوجات ونتا مزال هاز عليها برهوشة😒..مكتقشرش
مسافة الطريق حتى فرانة باللوطو..بقاو جالسين كيتسناوه اخرج. .سنايا عينيها دمعو فااش لمحاتو خارج 
هبطات من لوطو شادة نور بين ايديها : خوياا😢
بتاسم فاش لمحهم كيتسناوه ..كمل خطواتو لعندهم بكل تباات لحبس غيرو بزااف من بين هاد الحوايج جسمو الرياضي لي زاد تفورما كتر ولوشام لي مرسوم على كتافو وصدرو حيت لابس غي تيشورط كيبين عضلاتو لمرسومة ..زادت وسامتو بلحيتو لكتيفة ونظراتو لحادة لي قصاحت على قبل. .شاف سيورة دالكات تحلو هبط لعندهم حزمهم و وقف كيمسح على شعرو كيرجعو لور 
سنايا عطات نور لازار وتلاحت عليه بتعنيقة: واااععع خوياا لحبيب هءهءء توحشتك 😢..توحشتك بزااف
سفيان بعدها عليه كيمسح على شعرها : سمعتك ولدتي فنكوشة و وليتي لمدير تنفيدي للشركة 
سنايا هزات راسها باه .خدات نور مداتها لييه : هاهيا بنتي 
سفيان هز نور : كتحمق 
هز عينو لعند ازار. .عطا نور لسنايا وتعانق معاه 
ازار نطق وهو مبتاسم : مرحبا بيك معانا 
سفيان بعد عليه : ربي اخلييك 
شاف فسنايا : خالتي حورية لبااس عليها 
سنايا هزات راسها باه : كتلاهي راسها بالجمعية. .و معظم وقتها فالحديقة كتغرس
سفيان : بغيت نشوفها ..نخليكم دابا وشكرا حيت جيتو حسابني نسيتوني
ازار ضربو على راسو : تنساك لموت
سفيان بتاسم ليه عاود عنقهم بجوج عاد كسيرا شاد طريق لعند حورية. .قبل ميسافر لعند عائلتو. .
كان ساهي كيسترجع ذكرياتو لوقت تبدلات بزااف. .توحش بزاف دالحوايج مكرهش لوقت ارجع باللور كان غادي اغير بزاف دالامور. .فاق من سهوتو على فران مفاجئ كان غادي اضرب شي واحد. .تنهد بقلق وهبط بجرية باغي اشوف شكون. .لمحها مهبطة راسها لعند رجلها كتمسد فيها وكتوجع
سفيان : احم ..سمحليا منتابهتش
هزات راسها حتى تطاير شعرها لعسلي معاها. سهى وهو كيشوف فملامحها الأنثوية بين عليها مزال صغيرة : وااش مكتشوفش
سفيان عقد حواجبو : راااه قلت ليك سمحيلي. .لي عليا درتو بغيتي تقبليه قبليه بغيتي متقبليهش..مكيهمنيش بااش نتفاهمو ✋
وقفات كتعرج ومشات تقابلت مع وجهو كتبان بحال لبغوشة قدام جسمو الضخم : لحقير 
سفيان شافها غادة شدها من دراعها : اشنو سميتك 
دورات وجها لعندو : رخي مني عندي امتحان خاصي ندوزو 
سفيان دور عينيه لقا ليسي مقابل معاه : باقا قاصر😨
خنزرات فيه : قلت ليك رخي مني 
سفيان تنهد : اشنو سميتك ..الا مقلتيش مغاديش نطلقك 
تنهدات بزعاف : سميتي مروى والا بغيتي تشكي بيا عند وليديا لأسف معنديش انا يتيمة وتربيت فالخيرية ...شي سؤال آخر 
سفيان ساهي فملامح وجها. .عاق على راسو : لا. .تقدري تمشي 
تنترات منو ومشات بجرية ..سهى وهو كيشوف فيها حتى حس براسو مبتاسم : بففف بقات لييك غي قاصر 
تنهد جلس على مقدمة لوطو ..حس براسو خاصو اشوفها مرة اخرى..

فالجيهة لخرى. .
كانت ملاهيا مع لحضور ..يله سلات لحديت مع شي فنانة. .تنهدات براحة وهي هازة أسامة كتشمى وسط لمعرض ديالها واخيرا تحقق حلمها وقدرات تفرض راسها وتعتابر من اشهر الرسامين الصاعدين ..
بتاسمات فاش شافتو جاي لعندها كيتمختر فالمشيا ديالو والصحافة كتصور فيه. .نساو طبلوات الرسم ولا كل تركيزهم عليه حتى عنقها قدام لحضور 
يارا : تعطلتي 
أمير : ديك ختك مسلاتش للمؤتمر دغيا
سنايا ضرباتو : هه سميتها سنايا 
أمير باس جبينها : هه غي كنبغي نعصبك وصافي 
شاف أسامة ملبساه كوستيم صغير على قدو والبابيو فعنقو ضحك : ههه هاي هاي على عشيري ...اجي عند بابي 
عطاتولو يارا : بشوية عليه😍
قاطعتهم الصحافة 
نقز واحد منهم : مسيو أمير بناني اشنو هو تعليقك على مرتك لي كتعاتبر رسامة ناجحة
أمير نطق وهو كيشوف فعينيها وايدو مشبكة مع ايدها : فاش كنقولو يارا بناني...هاد الاسم كافي بااش اصنع لراسو بلاصة. ..حيت موهبتها كتهرس كاع لحواجز
الصحافي : وااش كتدخل فاعمالها
أمير بتاسم ونطق بصوتو الرجولي : انا كنتيق فقدراتها ..عارفها قدها وقدود ..تقدرو تستمتعو بالمعرض
الصحافة مشاو من قدامو حيت كيضربو لحساب لهدرتو وعارفينو جدي فكلامو
يارا باست ايدو : الله اخليكم لياا 
أمير : امين احبيبة
يارا : شوية ونمشيو غادي تكون خالتي كنزة جات من لحج 
أمير هز راسو باه: باقي لحال ..شوية ونمشيو..

نبدلو لبلاصة
كانت يله خرجات من لمستشفى. .فرحانة حيت جرات عملية دالقلب ونجحات ..بتاسمات فاش شافت لفرحة فعينين عائلتو ..توحشات ولادها زادت فالسرعة. .مسافة دطريق حتى وقفات قدام لقصر. .طلعات نيشان فطريقها تلقات فخرية والحاجة جايين : سلام و علييكم 

فخرية سلمات عليها: لينا عاد جابها ترونسبور دالمدراسة. .و يانيس منوض خبلة غادي اخرجو لعقل للمربية 
لحاجة : هه كتبقى فيا مسكينة 
خلود : الله الله عرفاهم فاش كيتلقاو ..نخليكم دابا نمشي نشوفهم كوراه حرقو لبيت 
فخرية والحاجة : عتقي اديروها 😂
دخلات خلود بتاسمات براحة فاش لقاتهم كيلعبو بهدوء. .كانت لينا كترسم ويانيس كيعض فنونوس دالميكة مع بدا كينوض السنان
لينا هزات عينيها مشات عندها كتجري : مامي😍...زبت حسرة فالفرونسي " جبت عشرة فالفرونسي"
خلود :وينوو ..عارفة بنتي شطورة ..فينو بابي 
لينا :هاهو فزيبي 😂"هاهو فجيبي"
خلود ضحكتها..هزاتها بين ايديها ومشات لعند يانيس : يله قربتي تكملي 4سنين وليتي تفرسي ..خاص هادوك الافلام متفرجيش فيهم ماشي قدك
لينا مخسرة ملامح وجها :وحتى سبونجبب😢
خلود مصغرة عينيها :قلت لافلام ماشي روسوم ..راه عيقا بييك 
جلستها حداها وشدات يانيس : متوحشتيش مامي هاا
يانيس كرش عليها بعضة كيتعلم اعض داكشي علاش فرحان براسو فينما تبان ليه شي فريسة كيكرش عليها خخ
خلود شهقات كتبرد حريق لعضة ..حتى سمعات لباب تحل بتاسمات فاش شافتو جاي لعندهم
عمار : ملقيتيهمش حرقو لبيت
خلود : ههه لا لقيتهم ساكتين كيلعبو
لينا طارت على عمار باستو : بابي 😍...فخبارك زبت حسرة فالفرونسي 
عمار :ههه سكدي كلامك ..😂
لينا : ههه. .بابي قول جن كيعجن
عمار على نيتو مصدوم من شطارتها :جن كيعجن
لينا سكتات كتفكر لكمالة : نمسي نسول جدة لكمالة نسيتها
خرجات وخلاتهم كيدورو فعينيهم
خلود : هه نهار على نهار كتزيد تشاغب ..ياربي تخليها لينا هيا ويانيس
عمار باس جبينها :كيف دازت للعملية ..مزيان 
خلود : كيف ديما 
عمار خدا من عندها يانيس كيلعب معاه ..شافو نعس حطو فبلاصتو ورجع لعندها هزها وهي كتغوت بين ايديه 
خلود : نزلني حماقيتي
عمار : توحشت مرتي. منهزهاش
خلود دورات ايديها مور عنقو : كنبغيك 
عمار باسها على شفايفها مطول : حتا انا كنموت فييك. .شي نهار ندفنك وسط هاد لقلب 
خلود نزلات ليه و وقفات قدامو كتحل ليه صدافي دالقاميجة : متوحشتنيش 😉
عمار ضحك : هه بقيت عليك حتى حيدت ليك ديك لحشمة لكانت كطيح عليه 
خلود قطعاتو بقبلة شرسة على شفايفو وحتى هو كان متجاوب معاها ..محسوش على راسهم حتى كانو فالفراش مجردين من حوايجهم ..كيحسو بحبهم كيكبر نهار على نهار ..عاد فرحانيين بعائلتهم الصغرى ..

فبلاصة أخرى. 
كانت غارقة وسط تصاميمها لي بدات كتخرج فأول كوليكسيو ديالها ..فرحانة براسها حيت دارت مشروعها لكانت كتحلم بيه كتفكر فاروق مخلاهاش تكمل كعارضة ازياء داكشي علاش قررات تزعم فمجال التصميم وفعلا قدرات تنجح فييه. .الزواج بدلها بزااف تغيرات شحال من حاجة فشخصيتها. .حسات براسها ولات مسؤولة وكضرب لحساب لكلشي ماشي بحال قبل. .سمعات تيلي كيصوني بتاسمات : وي حبيبي ..فينك 
فاروق : نزلي لعندي ..هاني كنتسناك 
ريماس وقفات كتجمع وراق التصاميم :اوكي ..حياتي
عضات على شفايفها كتفكر واش هادا هو لوقت لمناسب باش تفرحو ..تنهدات براحة وهبطات لعندو. .خرجات لعلى برى لمحاتو متكي على للوطو كيتسناها. .قربات لعندو مبتاسمة 
فاروق عنقها : كنت خدام معليا ما بيا ..حتى كطيحي فبالي..اشنو ديرا لياا همم
ريماس كتقاد ليه لكول: حيت انا حبيبتك 😍..داكشي علاش 
فاروق باسها على شفايفها :هه نتي ماشي غي حبيبتي. .كتر من هاكة 
ريماس شافتو باغي اركب وقفاتو بصوتها : احم فاروق
تلافت عندها : هادوك النظرات من ورااهم شي كارثة اش كين 
ريماس :هه والو متخافش. .خبر زوين غادي اعجبك 
فاروق قرب لعندها حاوط خصرها : كنسمعك 
ريماس : انا حاملة😳
فاروق مخرج عينيه. .مشعرش براسو هازها بين ايديه كيدور بيها من هنا لهنا جاب ليها الدوخة 
حتى عاق على راسو وهبطها موقفها قدامو وعينيها فعينيه :واااش بصح
ريماس هزات راسها باه وهي حشمانة :تأكدت هاد الصباح 
فاروق عنقها غادي اطير بالفرحة :مبروك عليناا 
ريماس فرحات حيت شافت لفرحة فعينيه : غادي تولي اب 
فاروق بعدها عليه :مزال معلمتي شي واحد 
ريماس باستو على خدو :نتاا اول واحد 
فاروق حط ايدو على كرشها كيتحسسها :خاص نمشيو عند لعائلة نعلموها
ريماس هزات راسها باه :غادي افرحو 
فاروق باس جبينها ممتيقش غادي أولي اب. .ركبها للوطو ودار لجيهة لخرا. .ركب وكسيرا. .

نرجعو عند سفيان. 
كان مزال واقف متكي على لوطو ..مرة مرة كيهز عينو لعند ليسي معرفش اش مزال كيدير تماك .فاق من سهوتو على صوتها :بااقي هنا
شاف فيها :كيف داز الامتحان
مروى : بقيتي باش تسولني هاد السؤال 
سفيان مسح على راسو: لا ..احم فاش كتقراي 
مروى:عندي لباك
سفيان :بنجاح انشالله 
مروى :شكرا. .يله بسلامة 
يله غادي تمشي وهو اجرها حتى تزدحات مع صدرو. .حسات بقلبها رفرف وهي قريبة لييه نطقات بلاما تحس :مقدرتش نركز فالامتحان بسبابك😒
سفيان بتاسم وطلع راسها لعندو. .تشجع وهبط لشفايفها باسها بوسة خفيفة : من ليوم نتي ديالي 

مروى بعدات عليه مصدومة من تصروفو : هاا 
سفيان شدها من ايدها ركبها للوطو وركب حتى هو 
مروى مخرجة عينيها : فين غادي بياا 
سفيان كسيرا : لداري 
مروى بدات كضرب فالباب : عتقونييي باااغي اخطفني 
سكتات فاش شافتو فرانة نطق بحدة بلاما اشوف لعندها : نزلي
مروى تكمشات فبلاصتها حاسة براسها محتاجة لييه أكون فحياتها : سمح لياا😢
سفيان كسيرا : من ليوم نتي هيا مسؤوليتي ..قرياتك تصرفاتك وحياتك غادي ندخل فييها. ..حيت نتي ديالي بوحدي 
مروى موسعة عينيها كتدور هدرتو فراسها : واااو هادشي زويين 😍
سفيان :هههه غادي ندير راسي فقاصر
مروى ضرباتو لكتفو حتى ضراتها ايدها : اووو نتا هادا جسم عندك ولا حديد 😨
سفيان فرانة : اجي جلسي قدامي 
مروى جلسات على رجليه : واااو فخبارك كتشبه لإبطال لفي الافلام كنت كندعي الله اجيبلي واحد بحالك ونهنى من ديك لخيرية
سفيان باس جبينها :خاصي نربيك ...يله نعرفك على عائلتي 
مروى بتاسمات :واخة. .ولكن باشمن صفة ..واش غادي تقوليهم بقات فيا وبغيت نتكلف بقاريتها
سفيان باس شفايفها مطول : غادي نقوليهم حبيبتي لغادي تنور ليا حياتي من جديد 
مروى عنقاتو : هاااح حسيت براسي كنبغيك 
سفيان كسيرا :ههه لا رااك ضيعا مع دوك الافلام. .

نبدلو لبلاصة. .
كانو جالسين فالحديقة كياكلو وهوما مبتاسمين
ازار جبد من تحت الطابلة كتااب مغلف : احم. .لمفاجأة لي واعدتك بييها
سنايا باستغراب عطاتو نور اشدها وخدات للكتاب كتحيد عليه لغلاف..وسعات عينيها بالفرحة وهي كتشوف لعنوان ديالو "💎كويين💎" : وااااووو وااش خرجوه
ازار باس ايدها : هادي النسخة الأصلية 
سنايا مزال مصدومة : ممتيقااش. ..دابا كااع صفحات مذكرتي ليومية رجعوه كتاب
ازار هز راسو باه مبتاسم حيت شافها فرحانة : عجبتهم قصة حبنا
سنايا طارت عليه بتعنيقة :كنبغييك بزااف 
ازار باسها على جبينها : يله نطلعو لبرد على نور 
سنايا :بلاتي نشوف لمربية ..تديها راه نعسات 
عيطات للمربية باش تطلعها للبيتها وداكشي لكان. .
ازار هزها بين ايديه ومشا جلس على أرجوحة وجلسها فوقو
سنايا بتاسمات كتحس براحة كلشي تقاد : عاقل على أول كارط سيفطت لييك
ازار :هه وي حافض كاع لكلمات لكنتي كتكتبي لياا 
سنايا بغات تجربو : ان لم تكن قادرا على احتواء من تعشق
ازار بتاسم : فلا تزرع فامراة نبضا لا يعرف كيف يهدأ 
سنايا تنهدات وتخشات فيه كتحاول تشبع من ريحتو باش تذكرها ملي تكون فالشركة 
هبط عينو لعندها لقاها ناعسة بتاسم وهو كيدوز بطراف صباعو على ملامح وجها نطق بهمس : كوييين❤

❤أفتح مدرسة للعاشـــــــقينّ
أعلمهم فيها ألف باء الغـــــــرامّ
تكون أنت الــــــدرس الأول 
و الأخيــــــر و سأدرسُ لـــــــــهم 
ملحـــمتيّ تاريـــــــخ عشـــــقي لك
سأبدأ بالفصلَ الأول عـــنواني الأول
هو أنت،،، سأحكي لهم عن قصة حب
رائعة و أحلام مازالت مــــــكبوتة في 
داخلنا، سأشرحُ لهم كيفَ يكـــــــــــون
الحب أملاً،و كيف يكون الحب تضحية
سأعلمهم أبجديات قراءة العيــــــــــــونّ 
و كيف يكون الحــــــــــــب حبا دون كلامّ❤

هادي نهاية #كويين_ديفل حاسة بالبكيا شداني خخ..هادي اول تجربة حاولت نطور فيها أسلوبي أطول قصة لياا 😱..حاسة براسي درت إنجاز خخ كنتمنى نكون كنت قد المسؤولية وعيشتكم مع شخصيات لقصة. .انا براسي غادي نوحشهم بحاليلا عائلتي هه وضحكت معاهم وبكيت معاهم. .تقدر دورلي فالخوا ندير جزء تاني كلشي ممكن😍

السفالة في القصة
كيفاش يمكن نصنفو هاد القصة؟
  • بدون سفالة
  • القليل من السفالة
  • سفالة مفرطة

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.