حبيبي أنت الجزء الثاني

2018

محتوى القصة

رواية حبيبي أنت

تصدمت ملي شفتها ...كانت واحد البنت من طنجة...كنت كنىقص ضدها فرقص الشوارع...شحال من مرة كنغلبها...شافتني وهي تخنزر وتمات جايا عندي كتعوج وهي توقف وقالت فاستهزاء:وفاء ههه ترقيتي وليتي ترقصي فالافنت راقيين😕😕
حطيت يدي على جنابي وقلت:هههه الغزالة منستيش اخر مرة غلبتك فيها هههه
هي حسيتها تزيرات وقالت:هههه ده كان زمان...اليوم نتفرجو فهزيمتك
شفت فيها بتحدي وقلت:show me how
مشات وانا كنخنزر فيها وهو يقول داك دري:وفااااء ردي بالك منها
انا:ههههه وجد راسك تتفرج ليوم ففوفاء 😈😈
مشا وانا بقيت كنتغدد ومشيت عند الدراري وقلت:طارت معزا نزلات معزة غنقصيو دوك الفرق...
الدراري:اكيد هههه
بدات المسابقة وحنا اللولين طلعنا للمسرح...كلشي ساكت وضواو خافتين وحنا طلعنا كي الجيش...بدات الموسيقى وانا نتحرك معاها وتبعوني الدراري....كانت هيب هوب اغنيية(bezuban) كنشطح وتحرك والحركات خدامين واحد الشوي وانا نغفل الفرقة ورجعت اللور وجست كنجري نقزت واحد من الدراري لي معايا وجيت طايرة حتا نزلت في الارض...وديك اللحظة الجمهور كيصفق وانا مكملة شطيحي بحال شي عزري هههه...وجيهان هي ولبنى واقفين كيصفروووو...وتبعاتنا الفرقة الاخرى ..ولينا بجوج فوق الستيج...كنشطحو وواحد كيرد الاخر....جابو المخيرين عندهم في الهيب هوب وخرجت ليه انا ودراري....كنديرو فالحركات ومعاونين بملامحنل....مخنزرين...حتا تسمع صوت الصافرة يعلن عن اقصاء الفرقة الاخرى...انا بتاسمت وكملت الشطيح حتا سالينا وكلشي كيصفق ....
خرجنا كنجريو الكواليس تلقات لينا سلمى كتصفق وكتنهنأنا وكتزرب فينا باش نبدلو حيواجنا بينما جوج فرق خرين كيتباراو...
بدلنا...وهاد المرة كانت الرقصة هادئة...تعمدنا نوعو الرقص باش اللجنة تعرف اننا متمكنين....لبست هاد المرة كسوة طويلة وفيها فرقة فجنب طويلة واصلا حتاب الفخد وكدلك البنات لي معايا نفس الشيء....مكياج غامق...لعبو على العينين...وابدراري سراول فالبيض ومعريين من الفوق...
سالات الفرق الاخرين وتقصاو وحدين خرين بقينا ثلاثة الفرق....
خرجنا وشدينا بلايصنا والستار منزل علىينا....طفاو الضوء والسكات...حتا تحل الستار وتشعلو ضواو فالبيض...علينا وحنا دايرين ملامح معبسة....وحزينة وبدينا كنشطحو ببطء وحزن وشي كيهز شي...انا كندور ونحي فيد سليم....طاح عليا الضيم وتفكرت فؤاد وانا كنرقص...حتا بديت كنبكي ونرقص..والجمهور ظن بلي البكاء داخل فالعرض...كنشطح وممسوقاش لشي حد...شريط الدكريات كلو كيدوز قدامي...ماشي الخايب ولكن الزوين...مفيقني كن سهوتي هي دخول الفرقة الاخرى لي كانت فيها ديك العوجة...وكضت وجمعت راسي معاهت....بقاو كيشطحو ضدنا فنفس الريتم زيدورو حركات واللجنة باقي مدارت حتا ردة فعل حتا بدينا كنحسو بالما كينزل علينا....وقف كلشي اشوف اش كاين...الما كيهبط هي على المسرح بوحدو...الطمهور مواصلو والو....كلشي وقف...وشي كيشوف غشي واللجنة مبردا...ديك ساعا فهمت بلي راه هوما دايرينها بالعاني....نغزت الدري وغمزتو زعما كمل ....بتاسمنا بتسامة شر...والما كيهبط عليا فزكنا كاملين...مشيت كنبعد الفرقة الاخرى لي باينا مغدير والو حيت تصدمو من الماء...وبقينا حنا مكملين فالشطيح بحال الى موقع والو ..كندورو ونقزو ونحركو كلشي ودموعي باقي فعينيا ....واحظ اللحظة جا لحن عالي خصني نوقف برجل وحدا وندور....كندور وعيني فالجمهور وانا نقشع عينين كيشوفو فيا....كانو عينيه....هو فؤاد....جالس حدا ختو لبنى وكيتفرج ومداير حتا ردة فعل....تبدل فشكلو كيبان صحيح ولحيتو كبرها...كان كيحكها بيديه وكيشوف فيا...للحظة تبلوكيت وبقيت مسمرا بلاصتي حتا وعييت عاد بديت كنكمل وكنشوف فيه ونبكي ...نشطح ونبكي والفرقة الاخرى مقدروش اشطحو فالماء حتا سمعنا جرس اللجنة كيعلن على اقصاء الفرقة الاخرى...عاد وقفت...فبلاصة منفرح ...تخلعت حيت شتو ...وخاصة مداير حتا ردة فعل هي كيشوف فيا...عيني فعينيه وهو متبعني فحركاتو...فجنبو فدوى وجنب الاخر جيهان لي حاتها الصدمة قويى بحالي...خرحوني من الستيج وانا كنترعد وكنقطر بالما....تلقات لينا سلمى كتصفق وفرحانة حيت ضمنات الفوز واخا باقي فرقة خصنا نواجهوها بلحق مهمنيش الامر...
خفت ادير شي حاحة ليا...كاع داك الجهد لي عندي تقادا...خلعني خفتو اعاود اضربني
مشيت كنحري بدلت حوايجي وانا مرفوعة...شعري خليتو فازك...وخرحت لقيت الدراري واحدين للعرض الاخر....يالاه دخلنا وانا كندور بعينيا عليه...شفت فبلاصتو مكينش...غيكون مشا...دارت ليا ختو بيديها كملي ومتخافيش....رتاحيت نوعا ما..وبدينا تاني زهاد المرة لمد عشرة تدقايق وانا مع للخلعة تهديت....مسالات ديك العشرة تدقايق حتا صافي سخفت حيت كنتحرك بزربة وعاد دخلت مسخوناش....
تسمع الجرس واعلن على فوزنا ...ودراري فرحانين وكينقزو انا فرحت ولكن مقدرتش نعبر على فرحي حيت الخلعة شاداني منو....توحشتووووو بزاااف ولكن هي كنشوفو كنفشل...
وقفنا كنتسلمو الجائزة ودخلان سلمى فرحانة بينا.......

وكتغنق وتبوس فينا وعائلتها كتصفق ليها فخورة بيها...تسلمنا الجائزة وفؤاد مكينش..غبر بحال الى هي تهيأ ليا....خرجنا لكواليس كنضحكو...او بالاحرى هوما لي كيضحكو اما انا هي كنشاركهم الابتسامة...شكراتني سلمى على مجهودي وجاو عندنا عائلتها...جيهان عنقاتني وفرحانة وقالت:اوووووو😍😍😍😍 كيكنت؟؟؟ غزااالة عرضك هائل 
انا:خهههه ياك بعدا ...شكرا بزاااف
مامات فؤاد:تبارك الله عليكم كنتو غزاالين....وقاء كنت غزاالة ماشاء الله عليك...بكيتيني معاك فالرقصة التانية ععهه
انا:هههه ياك...فرحت ملي عجباتكم الىقصة
مامات سلمى:ويلي انا والحاجة رديتينا لايام زمان...يامات الشباب هههه
سلمى:😂😂😂 ويلي يا ماما على شطيح ديك ساعة هو ديال دابا هههه
لبنى:ديك الوقت كان هي الشعبي والتلواز...دابا شطيح اخر خهه
الكل:هههههه
حسيت بيهم فرحانين وانا عينيا كيقلبو عليه ووالو...حتا جريت لبنى وقلت فوذنها:واش فؤاد نيت لي شفت؟؟؟
لبنى:اه هو هذاك...جا البارح
انا:😢😢😢
لبنى:متخافيش مغيدير ليك والو...هو تعصب ملي عرفك غتشطحي ولكن لنا حبستو عليك...ودابا كاينا ماما والحاجة متخافي والو
انا:اويلي😨😨 هي كان معول على خلا عشتي اهئ اهئ
ردات لينا جيهان البال وقالت:مالكم مكبرين الموضوع...راه سيد مشا فحالو صافي تهناي😊😊
انا بتاسمت فراحة واخا باقي فيا الخوف وبقينا مجمعين حتا جا سعد كيبارك لينا ...وشةي جا كريم اخر واحد ننصور انه ايجي لهنا...قرب حدانا وقال:لالة وفاء مبررووووك عليك😊😊
انا تصدمت ملي شتو ...صافي كملات ...عوالين يسكتو ليا القلب دقة وحدا...بتاسمت ليه بزز وقلت:الله يبارك فيك شكرا😕😕
كريم:عمرني فراسي بلي كتشطحي!!!!
جيهان:(تدخلات) ايوا هاهيا فىاسك اموسيو😏😏😏
دار شاف فيها وعاود رجع سولني :ممكن نهضرو بوخدنا؟؟؟
انا مبغيتش نتناقش معاه قدام كلشي بعدت منهم شوي وجا قال:وفاااء اربع شهور مخليك تفكري فيه واش باقي كاع مبردتي؟؟؟؟
انا:كريم راه هضرنا...مبقا فاش نفكر...قراري خديتو ممستاعظاش نتزوح بيك
كريم:نتسناك حتا تستاعدي...انا كنبغيك اوفاااء😊😊
انا:(تصدمت)😳😳 هاااا....كيفاش....كت...لا لا شوف هادشي مستحيل...انا هضرت معاك نساني عليك(بغيت نمشي وهو يجرني من دراعي )
كريم:(معصب) واش كاين شي واحد اخر ها دوي😡😡😡
انا:(كنتتر منو)طلق مني طلق....اش بافي عندي...لي بيني وبينك سالا😠😠😠
تعصبت كن طريقة باش جرني وضرني فيدي وعاد مكيزيد ازير عليا...وانا ندفعو وقلت:عمرك باقي طوف بساحتي الحيوان😠😠😠
جيت غاديا وهو صعر ملي سمع ديك حيوااان..وجرني من شعري حتا تلفت لينا كلسي ومع غوت وكنحاول نتنتر منو...وقال من تحت سنانو ومعصب:لقيتي البديل هااات....انا مباغانيش...شكون نت حتا ترفضي😡😡😡
جا سعد كيجري بغا يفكو مني ولكن مبغاش اطلق وكنتحر ليع ووالو...شاد فيا معصب وحيهان كتغوت عليه اطلقني ووالو...وكلشي تما كيتفرج فينا...انا تحجرو الدموع فعيني...وحسيت بشعري تطلق...درت نشوف لقيت فؤاد شاد ليه فيديه وعينيه معصبين وعرقو خارجين...وحمر وميسوك...مجيت فين نتوكد حتا بان ليا عطاه واحد الدقة...بدقتو بدمو سال...وناض كيضرب فيه لوجه ودمو كيسيل...كان معصب وحتا حد مقدر افكو...انا هربت لجيهة البنات ويديت كنبكي ومخلوعة من منظرو...نفس الغضب لي كنشوف فيه فاش كيضربني...وتأكدت انه غيخلي عشتي اميد
بقيت كنبكي والبنات كيسكتو فيا وهو كيضرب فيه مزكاش وكريم مكيتجاوبش معاه...وبسيف راه مخلا ليه فين يهضر...ردو كلو دمايات وسعد كيبغي افرق كيدفعو حتا دخل سفيان خوه وجا شدو بمساعدة سعد وهو صاعر وكنطق معصب:بربي حتا نفرع ديلمك...(كيتنتر ليهم بغا يمشي ليه) نت تحط ايديك عليها😡😡😡اش كتسحاب كرك...يلعن البوك ازامل...طلقوني عليه
بقا كيتجبد ويطير حتا تنتر منهم ومشا كمل عليه دامشي لي بقا وكريم ولا حالتو بدم وكينهج حيت سخفو...دخلو الامن ومعاهم شي وحدين كيبانو كي البوديكارد...كيشدو ففؤاد...وكريم نوضوه الامن وخرجوه وفؤاد كينهج...وانا كنرعظ بالبكا وكنتنخصص...انا لبنى وسلمى مصدومين منو ومو ومرت باه شاديني معاهم...عارفينو غيكمل بيا...
انا:اهئ اهئ هالعار اخالتي عتقيني😭😭😫 غيضربني اهئ اهئ
ماماه:لا متخافيش ابنتي...ميقيسكش
هو حتا برد وتكالما ودراري شادين فيه والفوار خارج منو ...بقا كيدور فعينيه عرفتو كيقلب عليا...صافي جمدو الدنوع فعيني كنقول هادي اخرتي...نطر منهم وجاي جيهتي معصب وانا كنتخشا فمو بكثرة الخوف...وقف قدامنا كينهج وعاقد حجبانو كي الثور وقال:الوالدة حيدي من قدامي😠
مو دارتني وراها كثر وقالت وعي كتهدد فيه:شوف سبر بدل ساعة بخرا...البنت مدارت ليك والو😠😠
انا:اهئ اهئ 😭😭😭😭
فؤاد:(صاعر) واش باغين تسطيوني؟؟؟...بغيت هي نهضر معاها😡😡😡
انا:اهئ لا لا عفاااك اخالتي
الحاجة:فؤاد سير فحالك البنت مغتقيسهاش....واش مبقاتش فيك...ديما معصيها...😠😠
فؤاد:(بغضب)مغنقيسهلش راه هي غنهضر معاها...(بالغوات) وحيدي خلاص😡😡😡😡
الحاجة:مغنعاودهاش معاك....ولدي وكنعرفك ..

غتضربها...اللهم سير حتا تبرد
فؤاد:(صاعر) والله منقيسهاش..راه حبيبتي هاديك😠😠😠
انا هي سمعتو قال حبيبتي والدموع نزلو ليا وبديت كنترعد كلي وكنتنخصص بالبكا حتا نطقات مو:شوف والله وتقيسها...مانا مك مانتا ولدي😠😠😠
فؤاد مسح على راسو بعصبية وصاط وقال بحال الى كيحاول يخبي عصبيتو:مغنقيهاش😆😆😆
الحاجة:(موجهة كلامها ليا)بنتي سمعي ليه...راه والله ميقيسك كنواعدك😟😟
انا:اهئ اهئ اهئ لا لا عفاك متخلينيش😢😢😢
لبنى:فؤاد بدل ساعة بخرا...البنت خايفا ...
دار ساف فيها ومخنزر وهو ينطق خوه:فؤاد فرق عليك البنت اخويا...راه خلعتيها😡😦
فؤاد:(معصب) خرجو خليوني معاها...مغنقيسهاش😠😠
شاف فيه سفيان قال:كلمة الرجال؟؟؟
فؤاد:كلمة الرجال...
بداو كيخرجو كاملين واحد مورا للاخر وانا بديت كنبكي تاني...خفت منو بزاااف...بقيت انا وياه راس فالراس...وحادرة راسي كنبكي ونهرنن وهو كيقرب مني ...عرفتو كيشوف فيا وهز يديه بغا يميح راسو انا تسحابني غيضربني وانا نغوت ومدرقة وجهي بيدي:اهئ لا لا عفاااك مضربنيش😭😫😭
فؤاد:(قرب ليا حتا لاصقني معاه وقال) علاه انا نقدر نضربك
وجرني لعندو خشاني فصدرو وعنقني ليه ومزير عليا انا ترفعت تاني وبديت كنبكي فحضنو ونتنخصص ...سبحان الله هادا لي عاد دابا كيغوت وهايج كي الثور دابا معنقني وكيبوس ليا راسي...بقيت شخال كنبكي فحضنو ونفس الوقت كنحيد منو شوقي ليه...باقي هو هو...نفس الريحة ونفس الحنان...صدرو كان كيطلع ويهبط ...عرفتو معصب وكيبرد هلى راسو بسكات...متليتش دويت حتا هو هز ليا راسي وباس جبهتي بوسة طويلة وقال بحب:شوووووو متبكيش...مباقيش قادر نستحملك كتبكي...(باس عيني)هاد العوينات مخصهومش ابكيو شووو
انا بقيت كنشوف فالارض وتوترت من قربو ليا والدموع كيتحبسو فعيني شوي بشوي...بقا كيدوز يديه على دراعي بطريقة مثيرة ويد حاطها على حناكي كيمسح فالدموع وانا باقي كنشهق وهو يقربني معاه تاني وقرب لوجهي وكيجمع شعري بيديه حيت مشتت على وجهي وخو يقول:كنتي زوينة اليوم فالعرض هعه
انا لاول مرة ملي عنقني هزيت فيه ىاسي وقلت ببراءة:ممممم بصح
فؤاد:ههههه كتقتليني بهاد البراءة لي فيك....اه الالة كنت غزااالة اليوم(وكيقرب لوجهي) وكلشي فيك كان زوين..يديك(وباسهم) ووجهك (باس حنكي) وعينيك(باس ليا عيني بجوج) وحتا فمك(كيقرب باش ابوسني وانا مرفوعةمعاه)
كيقرب حتا كيوصل لعندي وهويتحنا جيهتي...ظنيت غادي يبوسني ولكن لا...باس ليا حدا فمي بوسة حنينة وفيها شوي تزلال هههه وهو يقول:نخاف نبدا ومنحبسش ههههه
انا تزنكت وحدرت راسي وفال:كتحشمي ياك ههههه باز لوجهك عاد كنت كتشطحي بكسوة فيها الفتحة تال الفخض هاااا😠😠
انا:😳😳😳 هااااا...كي...كي..فاش
ناري عاود رحع كيف كان وتخلعت بعدت عليه وردني وقال بجدية:عمرك تعاوديها. ....راه سكتت هي بزز اما والله لا شطحتها
انا:😢😢😢 اه ....واخا اهئ 
عنقني تاني وبقا شحال كيشوف فيا وقال:نت هو صراحة غي ديال العصا ولكن حمدي الله كنبغيك...وداك الزامل غنتفاهم معاه من بعد😠😠
انا:(حدرت راسي) مالك وليتي كتسب؟؟؟
فؤاد:هههخهخ من ديما كنسب هه
انا هزيت فيه راسي وقلت حشمانة:توحشتك☺☺
فؤاد:هااا عاوديها مسمعتش هههههه
ضربتو لصدرو وقلت:باراكاااتت
فؤاد:(كيقلدني)باراكاااا هههههه ....حتا توحشتك احبيبتي😍😍
انا طرت عليه عنقتو ...يدي مورا عنقو ويديه فوق خصري وبقيت كنحيد منو شوقؤ حتا تحل الباب ودخل سفيان وقال ملي شافنا هكام؛شتكم سكتو قلت ياكما قتلتيها هههه
انا حشمت بلاصتي وحاولت نتر منو ولكن بقا شادني عندو زقال:تمشي تقاود لا هههه
انا تزنكت ووليت حمرا وخوه خرج وهز يدور عندي وقال:نديك للدار
اوميت ليه براسي اه...شد فيدي وخرجنا من القاعة ولقيناهم تما كلهوم واقفين...شافونا مشادين وكلهم مبتاسمين وهي تقول مامات سلمى:الله يحجبكم...جيتو غزااالين😍😍
المل:اها 😍😍😍
انا حادرا راسي حشمت منهم وهو ينطق هو بهدوء ومبتاسم:شكرا الحب هههه سفيان ديهم للدار انا نوصل وفاء ونجي
سفيان:اه واخا كوني هاني هههه عنداك تبقا عندها فالدار راه كنعرفك كطير 😂😂😂
الكل كيضحكو وانا تزنكت وغرقت فحوايجي وهو يحاوبو فؤاد كيضحك وغادي بيا:الى شتيني تعطلت عرفني خدام على ولادي هههه
الدراري مشتتين بالضحك والبنات كذلك ...خاصة خواتاتو ولفوه كيهضر هكاك..ومو ومرت باه حشمو وقالو:الله يمسخك هههه
انا هي تابعاه حتا زصلنا الطنوبيل وهو يشوفني حادرا راسي مزنكة وهو يقول:ههههههه مالكي؟؟؟؟
انا:واش محشمتيش؟؟؟ غيتسحابهوم بصح😳😳
فؤاد:(كيحل ليا الباب)وراه بصح نيت هههه
انا طلعان معايا السخانة بهضرتو حتا طلع وقال:بلحق ماشي دابا هههه حتا نتزوجو
انا:😍😍😍😍😍..
فؤاد:ههههه عحباتك هادي ياك هههه
انا:اه(حشمانة)
فؤاد؛هههه يخليلي لي كيحشم قدامي ههه وقدام الناس كيشطح ههه
انا:وصافي براكا(بدلع)
فؤاد:ههههه حمدي الله كان شطيحك زوين اما كون تهججت عليك 
انا:😍😍😍 بصح عجبك؟؟؟
فؤاد:وي زوين...كتشطحي مزيام...ولكن ماشي بحال التلواز تشعبي ههه كتقنيه ههه

انا:(ويلي هادا اش كيقول؟؟؟)
فؤاد(صايق وكيشوف فيا بنص عين):تسحابك نسيت هههه
انا:هااا....ا ...لا عادي
فؤاد:هههههه غنشوفو حتا الشرقي
انا:ههههههه
سكتت شوي وانا نقول بدلع:فؤااااد
فؤاد:ممممم😅😀
انا:فين كنت فعاد الفترة؟؟؟
شفت فيه لقيت ملامحو تبدلو وقال:كنت هي حداك هههه
انا:باراكا من الطنز
فؤاد:شهر دوزتو فامريكا ورجعت للمغرب
انا:هااا😳😳😳 من نيتك؟؟؟
فؤاد شاف فيا بنص عين وقال وهو سايق:ممممم وي ههه
انا:وعلاش كنت غابر؟؟؟
فؤاد:من بعد ونشرح ليك هادشي...
انا :وعلاش ماشي دابا😠😠
فؤاد:(مخنزر)راه هضرت...
انا تصدمت فيه تاني دغيا كيتقلب...تقلقت وقبلت وجهي جيهة زاج...كنشوف فالطريق...حتا حسيت بيدي شدها ليا وباسها ليا وقال:سمحي ليا احبيبتي
انا مدرتش عندو حيت بقا فيا الحااال ملي غوت عليا ...وهو مطلقش من يدي...حتا شفتو بدل الطريق وانا ندور عندو معفرة :راه ماشي طريق دارنا هادي!!!!😒😒
فؤاد:عارف...
انا:الله يخليك ديني لدارنا...
فؤاد:ياك باغا تفهمي...ايوا هاني غنديك تفهمي
انا:(هازا خنافري)مبقيتش باغا نعرف والو باقي😠😠
فؤاد:وايلي ههههه وراه باينا الفضول واكلك ههه
خنزرت فيه ومهضرتش...حتا وقف بينا حدا واحد القهوة ىاقية....هبط ودار العندي وحل ليا الباب وسولتو اش بغينا نديرو هنا...مجوبنيش طرني من يدي وبقا داخل بيا للقهوة وكلشي كيسلم عليه...جلسنا فبلاصة بعيدة على الناس...طلبت انا حليب بشكلاط وهز خدا قهوة...كان جالس حدايا مشا السرباي وهو يدور عندي يد فطبلة ويد مدورها على الكرشي فاش جالسة وقال:اش باغا تفهمي ةتعرفي نقولو ليك...؟؟؟
انا:مبغبت باقي نعرف والو...وصلني غي لدارنا😠😠
فؤاد:وتعلمت تخنزري هاااا...حلي ديك سبعة فربعة وسمعيني مزيان حيت اخر مرة غنقول هضرتي..انا مشيت لامريما شهر وضطريت نرجع المغرب على قبلك...
انا:ممممم على قبلي(بطنز)
فؤاد:مقدرتش بلا بيك تما....واخا كنت مراقبك وتحركاتك كتوصلني ولكن كنت باغي نشوفك(بحب) مقدرتش نيعد عليك وانا بحرااا ملقيتك..
انا دورت عندو وجهي بشوي وشفت فيه وقلت مفششة:مممم باينا...داكشي لاش جاي معول على خلا عشتي...
فؤاد:(بضحة جانبية)مكدبتيش...نت عي ديال العصا هههه ولكن اش غندير ليك...كتجننيني...كنطرطق بالغيرة😠😠
انا:بااااز ليك....اش كمدير ليك انا حتا عطيتيني ديك القتلة ؟؟؟
فؤاد:والو هههه هي حزمت على ترمتك وطالعة كتشطحي ليا وتلوزي وفينما كان شي قواااد تشهاك😡😡😡
انا حسيت بيه تعصب حيت جمع ااقبضة تيديه وانا نشد ليه فيديه لمزيرة وقلت بدلال:وراه هي كنت بغيت نشطح وصافي...هااا وعلاش قبل مكنتيش كتحكر على هادشي...😢😢
فؤاد:حيت قبل كنت باقا صغيورة...كتلبسي عادي ومكديريش مكياج وزيادة حتا فصالتك مكنتش باينا....دابا وليتي تعكري وتخرجي...وتقادي داك الوجه وتزيري عليك الحوايج وتخرجي😠😠😠
انا:هاااا....اه راه هي(تلفات ليا الهضرة)...وكاع البنات كيديرو ...علاش انا لا😟😟
فؤاد:(باس ليا يدي)ولكن انا بغيتك حيت نت ماشي بحال البنات...حيت مختالفة عليهم...حيت نت لالاهم ...
انا(عجبني الحال):😍😍😍😍
فؤاد:ههههه هادي عجباتك ياك...لالة وفاء
انا:ههههه وراني لالة نيت ههه راه بسمية...لالة وفاء العلوي😊😊😊
فؤاد:هههه وفرحانة بيها...اجي علاش بدلتي كنيتك؟؟؟؟
انا:اه ....فصراحة...خانتا غنقول ليك الصراحة..دابا ماشي وقتها...شي نهار ونعاود ليك علاش...
فؤاد:واخا الالة ههن لي بغات حبيبتي...😘😘😘
انا:☺☺☺
ضحك ودار كيشرب قهوتو...بيد ويد محاوطني بيها...وبقيت مجمعة معاه وفرحانة...واخيرا فؤاد رجع ليا...كنحس بيه مهدن وكيسمع ليا وكيضحك معاها...وحنين فهضرتو...عكس داك لي شفت قبيل...دوزنا وقت زوين مجمعين فيه ومرا مرااا كيتغزل بيا حتا كنحشم ....
وصلني للدار والطريق كاملة وهو كيهضر معايا وفرحان...زلكن ميكونش كثر مني انا لي قربت نطلع للسما ونقول للطيور هبطو انا نطير بلاستكم ههه...وصلني وجيت هابطة وانا نقول بدلع:فؤااااد
فؤاد:هههههه حتا انا ههههه 
انا:ههههه باقي عاقل😍😍😍
فؤاد:كاين لي كينسا روحو...
حشمني وهبطت..ودخلت للدار طايرو بالفرحة لقيت بابا وانا نطير هليه عنقتو وكندور ونضحك ونقول:ربحنااااا ابابا....ربحنا هههه
بابا:هههه بشوية عليك ابنتي هههه مبرووووك عليكم😙😙😙
انا:ههخخخ فرحانة بزاااااف
بابا:الله يدومها فرحة عليك...
انا :امييين😘
دخلت لبيتي فرحانة وكنغني تاني اغنيتي المفضلة...وناشطة هههه فرحت حيت رجعت ليه...كاع المشاكل تحلو وانا وياه بجوج تاني...قررت ننسا كلشي ونبدا معاه من اللول...

احسن حاجة فحياة الانسان هي يلقى رفيق روحو...وانا لقيتو...فؤاد...قلبي كيزدح وكيضرب...دائما كنحس معاه اني امرأة كاملة الانوثة...فكرة تديني وتجيبني حتا صونا التليفون وهزيت لقيت نمرة معرفتهاش وقلت:الو
...:توحشتك
انا:😍😍😍 فؤاد
فؤاد:وي حبيبة فؤاد...عمر فؤاد
انا::هههههه وليتي رومانسي😂😂
فؤاد:على اساس كنت خايب معاك ههه
انا:(بغيت نشد فيه)هههههخ شوي ههههه
فؤاد:باغاني نتعنب عليك هههه خلينا رجال معاك
انا:هههه لا لا بقا هكا...معنديش مع التحلوين فالهضرة ههه
فؤاد:يااااك....اه بعدا راه الحاجة عارداك غدا الغدا
انا:هاااا😳😳😳 وعلاس؟؟؟
فؤاد:ههههه بغات تعمر عينيها بيك هههه وانا باش غنعرف هههه
انا:واخاااا غدا نجي...ولكن معرفتش فين؟؟؟؟
فؤاد:الفيرما لي برا المدينة...غنجي نديك مع الواحظة
انا:الفيرمة لي ضربتني فيها😏😏😏
فؤاد:هههههه وي...ولي غنضربك فيها الى جيتي غدا مزوقا ولا لابسة شي حاحة مزيرا
انا:مالك هكا مالك؟؟؟ كلشي عندك بالعصا يخخ 😠
فؤاد:هههه تحل ليك الفم هاااا
انا:فؤاد بعد مني...لباقيش تفكرني بداكشي راه كنمرض
فؤاد:شووووو ولو دمعة متنزليهاش...هي ضحكت معاك...حبيبا سيري تنعسي راه عييتي اليوم بزاااف
انا:اوك😏😏 تصبح على خير
فؤاد:كنبغيك
انا:😍😍😍
قطع فؤاد وخلا قلبي كيزدح بجهد بالفرحة والخلعة...صوتو ديما كنسمعو قلبي كيزدح...وكتحس بدنيا كتغني معايا اغنيتي...طحت على ناموسيتي وعينيا كيبريو بالفرحة بحال سي مراهقة عاد واقعة فالحب....اه افؤاد اش درتي فيا...خليتيني ننسا العالم...بقيت هكاك حتا نعست....
مفقت حتال الصباح على يدين بابا كيفيقوني ...ضحكت وفقت طرت عليه بتعنيقة وكنبوس فيه :صباح الخير
بابا:ياربي مني كنشوف هاد الفرحة فيك مباقي كنتمنا والو من الدنيا...😍😍😍
انا:ديما غنبقى هكا ان شاء الله
بابا:وانوضي ازوينة تفطري ههه
نضت كنتعوج والابتسامة مفارقاتش وجهي....دخلت دوشت دوش خفيف وخرجت لبست حوايجي وكنغني وناشطة...وخرجت فطرت مع بابا وكنضخك معاه وهو كيضخك ملي كيشوفني فرحانة...سالينا هو خرج لخدمتو وانا نضت جمعت الداااار وكنتموسق بصوتي ههههه والغدا طيبتو لبابا ومشيت كنقلب على تلفوني لقيت 25 مكالمة من فؤاد واناري قفىتها مجاوبتش...عاودت صونيط ليه وفلبلاصة جاوب وقال معصب:فين كنتي؟؟😡😡😡
انا:سمح لي مشفتوش...والله
فؤاد:(بالغوات) هاد النليفون راه دايرينو الناس باش ابقا معاهم...صبحنا على الله😡😡
انا معجبنيش الحال فاش بدا كيغوت عليا...وبقيت ساكتة حتا قال:وجدي راسك نجي نديك من هنا ساعة
انا:نتلقاو حدا المعهد...منقدرش نخرج ونركب معاك من هنا😢😢
فؤاد:وعلاش؟؟؟😠😠
انا:حيت هنا حي شعبي والناس غتفهم غلط...😢😢
قطعت عليه وعيني محجرين بالدموع...مبغيتوش يغوت عليا هكا وانا مكنقدرش نجاوبو...مسحت دموعي ونضت كنلبس بالتنتار ومغددة ...لبست سروال فالبوردو قصير وشوميز فالبوردو وفيها شوي تلحكل...شعري خليتو سامبل ...درت جلوس وايكرون وخرجت عند بابا لقهوة باش نعلمو...دخلت للقهوة وكيف العادة بنادم حاضيك...خصو هي فين يشوف...متسوقتش لشي حد...مشيت ديركت عندو بستو وخبرتو بلي غنمشي مع جيهان ندورو...ممنعنيش ...بستو وخرجت وانا عاقدا شوكتي ...شديت طاكسي ومشيت لحدا المعهد ولقيت فؤاد كيتساني...طلعت مغوبشة مهضرتش معاه وهو بقا حاضيني وقال منرفز:بايت معاك انااا...هااا😠
انا:اشنو؟؟؟
فؤاد:طالعا لا سلام لا كلام ...مالكي اش كاين؟؟؟؟
انا:والو😠😠😠...خلينا نمشيو
فؤاد:مغنمشيو حتا تقولي مالكي مقندشة على الصباح...(سكت مجاوبتوش وهو ينطق بالغوات) هضري😠😠
انا نفاجرت عليه بالبكا حيت خلعني...كنت على سبة وخصني هي فين نبرد جنون المعاملة لي عاملني الصباح..
انا:اهئ اهئ اهئ😭😭😭 بعد من الحكاااار اهى هنهنه😢😢😢😢
هو كتفى انه يسوط وجرني ليه ...حضني وبدا كيسكت فيا وصدرو طالع هابط...انا بغيت نتتر منو ولكن كان شادني مزيان 
انا:اهى اهئ اهئ😭😭 طلق مني متهضرش معايا اهئ اهئ😢😢😢
فؤاد خاشيني فحضنو وساكت كنسمع هي صوت نفسو لي كيسوط بيه ....هز ليا راسي و شاف فيا وهو يقول:بااااز ليك....دموعك على سبة...سالاه مسحي عليا دوك الدموع خلاص....
شفت فيه بحزن وهو يقرب ليا وجهو وباس ليا رايي وقال:يا ثافي متقلقيش راه غير تشغلت عليك ملي محاوبتنيش...
انا:😢😢😢
فؤاد:كون تعرفي دموعك اش كيديرو فيا....شووووو صافي براكة...(باس ليا عيني ولصق ليه شوي تدموع فشفايفو..هز راسو شاف فيا ) عفاااااك سمحي ليا...
انا اكتفيت اني نشوف فيه ببراءة وقلت:ومتبقاش تغوت ولا تضرب راه كنتخلع منك😢😢😢
فؤاد:ههههه نضرب كنواعدك ولكن الغوات منقدرش ههه
انا حدرت راسي وهزو ليا وقال:الغوات لي بيبكي ليا هاد العوينات نحيد مو كاع...المهم هو نت..
انا:(تنهدت وعنقتو)كون غوت عليا قبل منقول والو ولكن دابا راها صعيبة عليا😟😟😟
فؤاد باعدني عليه وقال؛علاش مال دابا؟؟؟
انا:(حادرة راسي) دابا انا مريضة ومكنستحملش شي حاجة خايبة من عند ناس لي كيبغيوني وكنبغيهم😢😢

فؤاد:(جامع وجهي فيديه بجوج وعلامات التخنزير بداو عليه)كريضة؟؟؟مااللكي؟؟؟
انا:فيا العصب افؤاد...وكنشرب دوا باش نتكالما اهئ اهئ اهئ يعني هبيلة😢😢😢
فؤاد:شوووو لا متقوليش هكا....نت ماشي هبيلة نت لالى النسا...وحياتي وعمري وكلشي...نت هي الكل فالكل....(باس ليا حنكي) كنواعدك عمري مزاااال نقلقك..
انا سمعت كلامو ورتاحيت نسبيا...وشفت فيه شحال وقربت لعندو وبستو فحنكو...حسيت بلحمي تبورش عليا ملي شفايفي قاسو لحيتو...كم هائل من الرجولة كتقطر منو...شاف فيا وقال مطلع حاجب ومهبط لاخر ومبتاسم بتسامة شريرة :وفاااء كتقلبي على شب حاحة....راه حابس راسي غير بزز.هههه خلينا هانيبن 😂😂
انا ضربتو لصدرو وضحكت:تفوووو على راجل مكيفهمش الرومانسية هنننن
فؤاد:الرومانسية ههههه حتا نفارد بحبيبتي ونوريعا للرومانسية على حقها هههه
انا تزنكت وسكت حيت عرفتو اش قصد من كلامو...وهو سايق ومرا مرا يشوف فيا ويصيفط ليا بوسة غالهواء اولا يغمزني وانا كنبتاسم ليه فحب...ياااه افؤاد شحال بدلتي فيا...كلمة منك كتخليني نضحك بزز مني ...
بعد مسافة الطريق لي محسيتش بيها...وصلنا للفيرمة ودخلنا لنفس الفيرمة لي كنت حيت ليها المرا الفايتة...نزلنا وهاد المرا دخلنا من الباب ديال الدار...ياله هبطنا وشد ليا فيدي وهي تخرج مو وخواتاتو ومرات باه بالزغاريد والصلا والسلام هههه ضحكوني وصدموني وحتا لالة جيهان معاهم...كيزغرتو قول مستقبلين عروووسة وصينية فيها الحليب والتمر...فرحت للمنظر وحسيت براسي فعلا عروسة...شفت ففؤاد لقيتو مبتاسم وكيشوف فبهم...كملو زغاريتهم وهي تجي عندي مو كتعنق وتبوس وتقول :مرحبا بمرات ولدي عندي مرحبا
انا بادلتها العتاق وقلت بحشمة:ربي يخليك اخالتي ☺☺
جاو البنات كيسلمو علينا وكانت معاهم حتا مرات سفيان ...غمراتني فرحة مكتصورش..شربت من الحليب ولكن فؤاد لا بحكم انه مكيشربوش...قالت سلمى:كان علينا نحطو ليك الفودكا ههه.
خنزر فيعا وهي تسكت ههه مدني فؤاد ليهم وقال:تهلاو ليا فحبيبتي...انا خارج
انا:مغتبقاش معانا؟؟؟
لبنى:زيدي قدامي كالاك...ههههه 
دخلت من بعد مودعتو بعينيا وواو كانت فيلا هائلة...تقليدية بطابع عصري ... الفراش راق وكلشي فبلاصتو...نطقات جيهان:نت شتك البارح هي خرجت وزدتي فين مشيتي يالقخبة هههه
سمعاتها لبنى وهي تقول:طمري اصاحبتي راه سيدة كانت خدامة على ولادها 😂😂😂😂
جيهان:ههههه😂😂😂😂 اه هكاك
انا حشمت قدامهم مفكاتني منهم هي خالتي لي قرصاتهم بجوج وقالت:بعدو ليا من مرات ولدي هههه
لبنى :هههه صافي نسيتينا حنا يالك
سلمى:جات مرات ولدها....واخا اخالتي هاهيا فيك
ليعاتها مها بقرصة وقالت:هاهيا فيك...قدك قدها ها
الكل:ههههههه
دخلنا لواحد الصالة كبيرة مفرشة بتقليدي فالاسود والاحمر...وحلسنا كاملين وبقينا محمعين وانا تطلقت معاهم دغيا...ماماه ضريفة بزاااف كتعاملني مزيان وحتا مرات باه ....عائلة حنونة جدا...حطوني فوق راسهم...
خالتي:بنتي كيدارين داركم؟؟؟
انا:مزيان الحمد لله☺☺
جيهان:شوف ليك البنت كي حشمات(قالتها فوذن لبنى وسلمى)
لبنى(بصوت منخفض) محاااال واس فراسهوم على الكوميسارية هههه غيعرفو وجها مقزدر ههه
سلمى:😂😂😂 كون يسمعو هضرتها...يلوحوها من الشرجم
انا سمعتهم وميكت خفت ليفرشوني مع حماتي هههه...بقينا مجمعين وضاحكين وكلشي فرحان الا ديك منال بانت ليا مقلقة شوي وهي كطلع وتهبط فيا تحاهلتها وكملت هضرتي معاهم فضحك ونشاط حتا حطو لينا الخدامات الغدا ...وتغدينا فجو مرح ونشيط وفؤاد مبانش ليا حتا انا نسيتو ملي لقيت الجماعة هههه وخالتي مكاين خي مرات ولدي على فمها....كملنا الغدا وخرجنا للجردة نشربو القهوة...منال طلعات لبيتها بحجة بغات ترتاح...وخالتي والحاجة مشاو يصايبوها...بقينا بيناتنا حنا فالجردة وهي تنطق جيهان:شحال من نهار عندك دابا ؟؟؟
انا:(باستفهام) مفهمتش؟؟؟
جيهان:ياك خدمتو البارح على ولادكم هههه 
البنات تكرشخو بالضحك وانا خنزرت فيها وانا نقول:تقااااودي يالقخبة....واش انا نديرها؟؟؟😠😠
لبتى:ههههه نت لا بلحق فؤاد اكبد😂😂😂
سلمى وجيهان:ههههههه😂😂
حتا ضحكوني معاهم وبقينا على تكركير والضحك الفاسد ديالنا وعاودت ليهم كلشي من غير فاش كيتقرب مني...حتا جاو مالين القهوة وحلسنا نضحكو ونشربو فالقهوة...حتا جا واحد السيد معرفتوش فيديه بنيتة صغيورة كتحمق بالزين...عطاها للبنى وسلم عليها من حنكها...عاد عرفتو راجلها والبنت بنتها...جلس معانا وتعرفنا عليه سميتو محمد والبنوتة كتحمق...شافت فيا وهي تقول:ثون نت(شكون نت)؟؟؟
انا بدلع:انا وفاااء
هي :😍😍😍😍 حتا انا ههن
انا: اهاااا... شفارة شفرتي ليا سميتي هههه
هي:لا لا....انا كبرمنك...
انا :😂😂😂😂
لبنى:هانتي اماما هادي طاطاك وفاء مرات خالك فؤاد احبيبة ...سيري بوسيها
جات عندي كتجري عنقاتني فعفوية وقالت:ياي....ولات عندي طاطا😍😍😍
عنقتها وبستها فحناكها وبقيت هازاها كنلعب معاها انا وحيهان....جيهان كتدير ليها تعابير بوجهها وكتبقا تضحك وتفركل...بريئة هاد البنت.....

بريئة هاد البنت بزاااف وعفوية كتخليك ترجعي لتبرهيش ديالك ههههه بقيت كنهضر معاها باش نسمعها كتهضر حيت هضرتها كتقتل بالضحك هههه...حتا دخل فؤاد سلم عليهم كاملين ومو ومرات باه باس ليها راسها وانا باسني فحنكي...حشمت قدامهم بزااااف ولكن بانو لي مدارو حتا ردة فعل خايبة يعني عاااادي....قبط من عندي وفااااء الصغيرة وبقا كيهرها وهي كتفركل ليه وضحك..حتا مشات تلعب فالجردة بتاسم ليا فؤاد وسولني:كيدوزوتي النهار؟؟؟
كان كلشي مشغول بالهضرة مع سفيان لي كان يالاه دخل....جاوبتو بفرحة:😍😍😍😍😍 غزاااال 
فؤاد:(بضحكة جانبية)نت لي غزااالة ههه
انا:ههه عارفة ههه....ماماك ضريفة بزاااااف....وحتا مرات باباك ضريفة ...سعداتك بيهم😍😍😘
فؤاد:هههه علاه نت معندكش؟؟؟
انا:(بابتسامة حزينة)لا😌😌
فؤاد حس بيا وشد يدي وباسها وقال؛الواليدة ماماك حتا نت...بالفرحات عليها تزيدك نت الثالثة...وحتا الحاجة راه تعاملك بحال بنتها 
انا:عارفة ههه
بقينا مجمعين معاهم حتا نطقات لبنى:لبنات اش غديرو ملي كملتو القراية وخديتو الديبلوم؟؟؟؟
جيهان:بلاتي حتا نتساراحو شوي من القرايا ههههن
انا:عندها الحق راه متخرجت حتا شحفت...البحث عياني بزااااف
سلمى:نت اوفاء غتبقاي معانا فالمعهد واحد الشهر ...غتبلاصيني حيت غنتزوج
فؤاد:اشنو؟؟؟
لبنى:هههههه قفرتها(قالتها بصوت خافض)
فؤاد:مكاين لا معهد لا جوج....بغات تخدم ها الشركة المعهد لا😠😠
انا:مممممم ولكن راه هي غنعوضها بينما ترجع
فؤاد:(صونا تيليفون وناض يجاوب) لا هي لا
بقا فيا الحال ونطقات ماماه:متديش عليه...راع كيخاف عليك 
سفيان:هههههه ومزير هاد خونا فالله هههه
انا ضحكني وقلت:ههههه معامن هو ههه
جيهان:واييبه راه واخد شاطة ماطا ....فعايلية😂😉
سلمى:هههه والله مكدبتي😂😉
مرات باه:فرقو عليك مرات ولدي راه درويشة 
سلمى:😳😳😳 هااااا
جيهان:انا لي دريويشة ماشي هي هههه
الحاجة :هههه
بعد هاد القرار لي خدا فؤاد نيابة علي كملنا هضرتنا...حتا استأذنت بغيت نمشي وجا فؤاااد وقال:باقي الحال
انا: لا راه خليت بابا بوحدو ومعلمتوش بلي غنتعطل
الحاجة:علميه بلي نهار السبت غنجيو عندكم
انت:😍😍😍😍 علاش(درت راسي هبيلة ههن)
سفيان:باش تاكلي العصا ديال داك النهار فدار باك هههه
الكل:😂😂😉😉
انا:ههههه براكا من الطنز...
فؤاد:شد فيدي وقال:باش متبقايش تمشي لداركم وتبقاااي هنا معايا
اتا تزنكت وحشمت وحدرت راسي وجرني ليه وقال ليهم:انا لي واخد الزينهههه تاوحد مجوجش
ضحكو كاملين وانا الحشمة كتقطر مني...جرني منيدي نسلم عليهم حيت غيديني...اما جيهان فشدوها البنات تبات معاهم حيت واليديها مسافرين...سلمت تليهم وشكرتهم على استقبالهم وخرجت معاه يوصلني...في الطريق سولتو :فؤاااد علاش مبغيتيش تخليني نرجع المعهد؟؟؟
فؤاد:(مركز مع الطريق)حيت هكاك
انا:نت اخرتي على يديك والله 
فؤاد:ههههه الله ينجيك...ببساطة حيت مبغيتش مراتي يتفرجو فيها عباد الله
انا:راه مكنشطحش هي كندرب...وزايدون باقي موليتش مراتك 😏😏
فؤاد:هههه من نهار حملات بيك مك ونت ديالي 😂😉
انا:ولكن انا باغا نخدم😕😕
فؤاد:محبستكش....اجي للشركة تخدمي تبقاي تحت عيني هنن
انا:اش غنخدم معاااك ؟؟؟
باقي معفرة غليه وجاوب:اش بان ليك مساعدة ديااالي(غمزني)😉😉
انا:من نيتك كطنز...راه ديبلوم فالتجارة والتسويق ونخدم مساعدة ديااالك
فؤاد:خهههه ضحكت معاك ازمر...جي غدا ونوريك اش غديري
انا:(بفرحة) حلف ههه ياي😍😍
فؤاد:اويلي على برهوشة هههههه اه 
انا:(مطلعا حاجب )ومالي كيجيتك هههه
فؤاد:مزيان ملي سماوك لالة وفااء ههه
انا:هههه عارفا هههه
فؤاد:باقي مبغيتيش تقولي ليا علاس بدلتي كنيتك؟؟
انا:مبدلتهاش ولكن رديت كنيتي الحقيقية...ايت الحاج ماشي كنيتي الحقيقية كنيت بابا...وانا محطوطة بكنية ماما...(وحدرت ىاسي)
فؤاد:(باستغراب) وعلاش؟؟؟
انا:وقف لينا فشي بلاصة نعاود ليك حسن تعرف مني ولا من غيري...
بقيت ساكتة حتا وقف بطنوبيل حدا واحد البلاصة خاوية ودار عندي وقال:كنسمعك
انا:(حادرة راسي) بابا ماشي هو بابا الحقيقي...انا كنت عايشة مع والديا ومني عندي ثلاث سنين شعلات العافية فدارنا وماتو واليديا الحقيقين وجابتني عمتي لعندها ورباتني هي وراجلها لي هو بابا دابا...وبدلو لي السمية من وفاااء العلوي لوفاء ايت الحاج...انا مكنتش عارفا حتا حاجة هادي هي الحقيقة لي عىفت...كبرت فجو عائلي عمرني حسيت اني يتيمة...ماما الحقيقية معاقلاش عليها غي تصاورها لي بقاو عند عمتي ....ومني كانت كتموت عمتي قالت لي بلي انا ممحطوطاش باسم بابا وانما بسمية ماما...حيت انا...(وحبست غلبوني الدموع) اهئ اهئ😭😭😭 حيت انا بنت الزنقة...
جرني فؤاد لي معنقني وكيسكت فيا وانا طلقت دموعي وكنعاود ليه:ماما حاطاني على سميتها حيت الراجل لي غتاصبها لاحها ورفض يعتارف بيا اهئ اهئ انا جيت هن طريق اغتصاب...
فؤاد:شوووووووو عارف هادشي كامل....شووزز نت ماشي بنت الزنقة عندك باباك وانا....
انا:كون تعرف فاش كنشوف راسي بسمية ماما

غنبغي نحماااق...وضطريت نردها حيت الدار لي شعلات فيها العافية ففاس وماتت فيها ماما كانو بغاوها خوالي وعمتي كتحلف بلي مغتخليهاش ليهم...معرفتش علاش...وملي تفارقت معاااك داني بابا وبدلت سميتي ورديت العلوي..اهئ اهئ😢😢😢
فؤاد هز ليا رايي وفال:شووووو يلعن بو لي غيحل عليك فمو....
انا:اهئ اهئ😭😭 لي مرضني هو اني معرفت هاد الحقيقة حتا كانت ماما كتموت وقالت بيا بلي هي هي صاحبة ماما الانتيم وخوالي لاحوني حيت بنت الزنقة...(بغضب) حيت داك الحيوان متتارفش بيا...
وطحت كنبكي عليه وكنشهق وهو معنقني وكيسكت فيا حتا تهديت بالبكا وليت كنترعد ...وكنشهق وهو محاوطني بيديه حتا عيا وهو يهزني عندو حطني فحجرو ومعنقني وانا باقي كنبكي منطق بحتا كلمة كنحس بيديه كيدوزهوم على ضهري كيبرد فيا وكنحس بفمو كيبوس شعري...كنت محتاجة نفرغ هادشي لي حابسا فقلبي من نهار ماتت عمتي...حقيقة ان بابا مبغاش اعتارف بيا كتمرضني....كرهتو باقي كاع معرفتو.ظ.تخلا عليا باقي مشفتش النور..
كملت بكايا ورتاحيت وهزيت ليه راسي لقيت عينه حمرين بالغضب وعرقو خارجين سولتو بواحد العفوية:ماالك؟؟؟
شاف فيا وبتاسم:كنغييك
انا تمخششت فيه وقلت :حتا انا احبيبي
عنقني وزير عليا وانا حاطا راسي ويدي على صدرو وهو قال:نساي كلشي...من اليوم كاين غي انا وياااك....انا معاك ديما مغنخليكش....غنعوضك على كلشي احبيبتي
انا :☺☺☺
بقينا هكاك شحااال عاد نتابهت لراسي كي جالسة هزيت راسي وقلت:ويلي على حالة😳😳
فؤاد ضحك ضحكة رجولية تسمعات مزيان وقال: وانت هي حال وعقل هههه عاد كنت كتبكي حالسة مزيان ههههه
انا حشمت منو وبغيت نوض عليه ولكن شدني وقربني فيه وقال:مبقيش تبكي....هاد العوينات مديالش البكا(وقرب ليا وحط نيفو على نيفب)وبلا منحس حط شفايفو على شفايفي...ترفعت معاه هو بقا كيبوس ويعاود وانا هي مصدومة اول قبلة ليا ...جاتني غريبة حسيت بالنشوة ويديه شاد بيهم وحهي كيبوس ومغمض هينيه ومستمتع فالبوس...كنسمع هي صوت شفايفو فاش كيتلقو من شفايفي ويعاود اردهم..د....بقا هكاك شحال وانا مكندير حتا ردة فعل حتا هز ليا يديى وحطها فوق وجهو عاد توكضت وتجاوبت معاه واخا مكنعرفةمندير...دوز يديه ورا خصري وجرني ليه كثر.ك.ولا كيبوس بعصبية كيقبط الشفة الفوقانية حتا يعيا ويشد الاخرى ...كل شفة عاطيها حقها حتا وليت كنحس بيه كيعضني وكيورك عليهم..تقسحت بزاااف وكنحاول نبعد عليه ولكن حاكمني حتا خرج ليا الدم من شفايفي عاد حبس ..شاف فيا وبتاسم وقاى:عمري دقت النيوتيلا حتال عندك ههههه
انا حدرت راسي حشمت منو...باش من وجه غنشوف فيه من بعد هز ليا راسي وقال:كنبغيك...
بقيت حادرة راسي وفمي كيقطر منو شوي تدم مسحو ليا بطرف صباعو وعاوك باسني بوسة خفيفة ورجعت انا لبلاصتي وهو يقول :ممممم معرفتكش حلوة حتال هاد الدرجة هههه
انا سكت مجاوبتوش وهو الطريق كاملة وهو يلوح ليا الهضرة وفىحان حتا وصلنا وجيت بغيت نزل وهو يقول:غتهبطي هاكا هههه
انا:(باقي حادرة اسي)كيفاش هكا؟؟.
فؤاد:هههههه بلا متسلمي عليا...واخا هي بيزو كاع ههه
انا:هزيت راسي😤 وهادشي لي عاد درتي اش اكون؟؟.
فؤاد:هادشي قليل فداكشي لي غندير فيك من بعد ههههه
انا:ناري عل وجهك شحال صحيح😠😠😠
فؤاد:سيري احبيبة قبل منخلطك هنا هههه
انا:او ووف
هبطت ودخلت للدار واخا البركاكة كلشي حاضي وهو مشا....

غنبغي نحماااق...وضطريت نردها حيت الدار لي شعلات فيها العافية ففاس وماتت فيها ماما كانو بغاوها خوالي وعمتي كتحلف بلي مغتخليهاش ليهم...معرفتش علاش...وملي تفارقت معاااك داني بابا وبدلت سميتي ورديت العلوي..اهئ اهئ😢😢😢
فؤاد هز ليا رايي وفال:شووووو يلعن بو لي غيحل عليك فمو....
انا:اهئ اهئ😭😭 لي مرضني هو اني معرفت هاد الحقيقة حتا كانت ماما كتموت وقالت بيا بلي هي هي صاحبة ماما الانتيم وخوالي لاحوني حيت بنت الزنقة...(بغضب) حيت داك الحيوان متتارفش بيا...
وطحت كنبكي عليه وكنشهق وهو معنقني وكيسكت فيا حتا تهديت بالبكا وليت كنترعد ...وكنشهق وهو محاوطني بيديه حتا عيا وهو يهزني عندو حطني فحجرو ومعنقني وانا باقي كنبكي منطق بحتا كلمة كنحس بيديه كيدوزهوم على ضهري كيبرد فيا وكنحس بفمو كيبوس شعري...كنت محتاجة نفرغ هادشي لي حابسا فقلبي من نهار ماتت عمتي...حقيقة ان بابا مبغاش اعتارف بيا كتمرضني....كرهتو باقي كاع معرفتو.ظ.تخلا عليا باقي مشفتش النور..
كملت بكايا ورتاحيت وهزيت ليه راسي لقيت عينه حمرين بالغضب وعرقو خارجين سولتو بواحد العفوية:ماالك؟؟؟
شاف فيا وبتاسم:كنغييك
انا تمخششت فيه وقلت :حتا انا احبيبي
عنقني وزير عليا وانا حاطا راسي ويدي على صدرو وهو قال:نساي كلشي...من اليوم كاين غي انا وياااك....انا معاك ديما مغنخليكش....غنعوضك على كلشي احبيبتي
انا :☺☺☺
بقينا هكاك شحااال عاد نتابهت لراسي كي جالسة هزيت راسي وقلت:ويلي على حالة😳😳
فؤاد ضحك ضحكة رجولية تسمعات مزيان وقال: وانت هي حال وعقل هههه عاد كنت كتبكي حالسة مزيان ههههه
انا حشمت منو وبغيت نوض عليه ولكن شدني وقربني فيه وقال:مبقيش تبكي....هاد العوينات مديالش البكا(وقرب ليا وحط نيفو على نيفب)وبلا منحس حط شفايفو على شفايفي...ترفعت معاه هو بقا كيبوس ويعاود وانا هي مصدومة اول قبلة ليا ...جاتني غريبة حسيت بالنشوة ويديه شاد بيهم وحهي كيبوس ومغمض هينيه ومستمتع فالبوس...كنسمع هي صوت شفايفو فاش كيتلقو من شفايفي ويعاود اردهم..د....بقا هكاك شحال وانا مكندير حتا ردة فعل حتا هز ليا يديى وحطها فوق وجهو عاد توكضت وتجاوبت معاه واخا مكنعرفةمندير...دوز يديه ورا خصري وجرني ليه كثر.ك.ولا كيبوس بعصبية كيقبط الشفة الفوقانية حتا يعيا ويشد الاخرى ...كل شفة عاطيها حقها حتا وليت كنحس بيه كيعضني وكيورك عليهم..تقسحت بزاااف وكنحاول نبعد عليه ولكن حاكمني حتا خرج ليا الدم من شفايفي عاد حبس ..شاف فيا وبتاسم وقاى:عمري دقت النيوتيلا حتال عندك ههههه
انا حدرت راسي حشمت منو...باش من وجه غنشوف فيه من بعد هز ليا راسي وقال:كنبغيك...
بقيت حادرة راسي وفمي كيقطر منو شوي تدم مسحو ليا بطرف صباعو وعاوك باسني بوسة خفيفة ورجعت انا لبلاصتي وهو يقول :ممممم معرفتكش حلوة حتال هاد الدرجة هههه
انا سكت مجاوبتوش وهو الطريق كاملة وهو يلوح ليا الهضرة وفىحان حتا وصلنا وجيت بغيت نزل وهو يقول:غتهبطي هاكا هههه
انا:(باقي حادرة اسي)كيفاش هكا؟؟.
فؤاد:هههههه بلا متسلمي عليا...واخا هي بيزو كاع ههه
انا:هزيت راسي😤 وهادشي لي عاد درتي اش اكون؟؟.
فؤاد:هادشي قليل فداكشي لي غندير فيك من بعد ههههه
انا:ناري عل وجهك شحال صحيح😠😠😠
فؤاد:سيري احبيبة قبل منخلطك هنا هههه
انا:او ووف
هبطت ودخلت للدار واخا البركاكة كلشي حاضي وهو مشا....

تعجبت فراسي وضحكت فخاطري ...اخيرا خديت اول بوسة ليا ومن راجل لي كنبغي...واخا مجاتش فوقتها...فشيت قلبي ودوزت نهار غزااال وختمتو بحاجة زوينة وهي بوستو...وشفايفو...حسيت بانوثثي كان متحكم وعارف اش كيدير...
دخلت للدار وانا ناشطة وفرحانة وكل مرة نقيس فشفايفي ونضحك واخا كيضروني حيت عضني المكبوت لاخر هههه
جا بابا ولقاني ضاحكة هي بوحدي وعجبو الحال حطيت العشا وبقينا مجمعين حتا قررت اني نفاتحو بموضوع فؤاااد قلت ليه: بابا
بابا:ممممم نعاااام ههه
انا:فصراحة...بغيت نفاتحك فواحد الموضوع كيخصني...
بابا:خههه اش نا هو؟؟؟
انا:مممظ فصراحة(متوترة)...غي...غييي(غمضت عيني) جايين ليا الخطاب
قلتها وتسنيت نسمع صوتو مسمعتوش حليت عينو لقيتو كيشوف فيا مداير حتا ردة فعل وسولتو:بابا واش سمعتني؟؟؟؟
بابا:سمعتك ولكن....ابنتي نني بحرا تفسخات خطوبتك وخايف عليك لتصدمي..
انا:(شديت فيدو)بابا ياك كتيق فيا؟؟؟
بابا:اكيد انا هي...
قاطعتو:هاد المرة ابابا منخافش...راه كنبغيه☺☺
بابا:ههههههه كتبغيه...كبرتي يابنتي وليتي تحبي ههههه....واخا شكون هو واش كنعرفو؟؟؟؟
انا:(حشمت)اه كتعرفو شوي...فؤاااد ...المدير ديال الشركة لي سطاجيت فيها
شاف فيا وطلع حاجب وهبطو وقال:من ايمتا ونت كتعرليه؟؟؟
انا:هاااا لا راه...عاد عرفتو والله😳😳
بابا :واخا يكون خير....ايمتا جايين؟؟؟
انا:(بفرحة)ااسبت الجاي😍😍😍
بابا:خهههههه مرحبا بيهم المهم نت تكوني فرحانة
انا:(بلهفة) غنكون فرحانة معاه ابابا والله
بابا:شوف ليك البنت هههه
انا حشمت ورصيت بلاصتي نهههه كملنا لعشا وجمعت الماعن وطرت لبيتي هزيت تيلي وعيطت لفؤاد جاوبني وقال:حبيبتي
انا:فؤاد عندي ليك خبار غزااال 😍😍😍
فؤاد:كثر منك محال ههه
انا:مممظ طنز طنز ههه
فؤاد:مالك مغزالاش....هههه
انا:😘😍😍😍 عارفا ههه....لمهم سمعني راه دويت مع بابا عليك اليوم وموافق على انكم تجيو نهار سبت 
فؤاد:هههه هادشي لي مفرحك😂😂
انا:وفنظرك طاينا شي حاجة كثر من هاكا؟؟؟
فؤاااد:هههه كاينا...بوستك الحب😍😍😍😍
انا سكت وحشمت وانا نقطع عليه...مكيحشمش...عاود صونا وانا نقطع وهو يصيفط ميساج حليتو :ايلا بقات فيك راه الكلاوي مولد فيا هي الخلاهههه وراك وراك والزمن طويل...
ضحكني ميساجو مجاوبتوش...وحطيت راسي على المخدة مبناسمة وفرحانة....واخيرا الدنيا ضحكات فوجهي وغنتجمع مع الشخص لي كنبغي....كاع هادا زهر عندي ....ياربي متخيبنيش...
نعست وستسلمت لنوم المريح لي شحال هادي منعست بحالو...

فقت فالصباح بكري على صوت العجاجة ديااال جيهان ...ماشي كتفيقتي كتتنخضني حليت عيني صرفقتها وانا نحط راسي تحت المخدة وهي تجيب كاس ديال الما بارد وخواتو ليا فترمتي...نضت كنصعر وكنقز هي بوحدي بشعري مخربق تبعتها وجريتها من شعرها وهي كتغوت ودخلتها للدوش وتلقت الماء البارد وفزكتها وهربت لعند بابا ....قلت مع راسي غنلقاه فالكوزينة ولكن ملقيتوش...مشيت لبيتو لقيتو ناعس استغربت ممولفاش ليه...فيقتو وناض عيان سولتو مالك قالي هي منعسش مزيان....نضت خرجت وجدت الفطور عاد خرجات جيهان مخنزرة قلت ليها:😂😂😂😂😂 بالصحة تدويشة خهه
جيهان:(معصبة) زاش غتسدي فمك ولا نضرب مك؟؟؟ قحبة مامعااك ضحك 
انا:ونت يالكلبة لي كارما ليا ترمتي على الصباح 
جيهان:هههههه عبرت عليك 😂😂😂😂
انا:ايوا حتا انا عبرت عليك.هههه
جسهان:اه نسيت...نت واقفة هاد الايام على ترمتك محتاجاها ههههه😂😂😂
انا فهمتها اش قصدات وانا نخنزر فيها وقلت:نوضي تقاودي يالقحبة تفكيرك مقود بحالك😠😠😠😠
جيهان شادا كرشها بالضحك حتا دخل بابا مبتاسم ابتسامة متعبة حسيت بيه وسولتو:بابا حبيبي زاش متأكد راك مزيان؟؟؟
بابا:واش لي يصبح على هاد الزين(كيشير فجيهان) ميصبحش مزيان هههه
جيهان:اح اسي العربي كتحشمني هههه😍😍😍
انا حسيت بيه بغا يتلق الموضوع ومحكرتش عليه وبتاسمت وقلت: منين اودي...يخ تريكة ناقصة ههه
جيهان:ربي اسي العربي الا مشد عليا بنتك هههه
بابا:فطرو فطرو هههه 
كملنا الفطور فنكير ومشيت لبست لي عبارة عن كسوة طويلة فالبيض وفيها شوي تلحكل ومحلولة من جيهة الصدر..وشعري درت ليه ميكاب...جيهان شافتني كنلبس وهي تقول:فين غاديا؟؟؟
انا:عندي مقابلة عمل مع حبيبي ههههه غنخدم فالشركة
جيهان:(بفرحة)😍😍 هاي ....بخالي...انا لبارح هضرات معايا لبنى وعرضات عليا نخدم معاها فشركة فؤاد
انا نقزت عليها وعنقتها وقلت:ياي حتا الخدمة غنخدمو بجوج ههههه
جيهان:صعر يالقحبة زويتيني ههههه اه انا غنبدا غدا
انا:عاد غنمشي نشوف
جيهان:نوضي نوصلك وندوز للدار...ره من البارح مشافت
وجهي ههه
انا:واخا
خرجنا بست بابا ومشيت وصلاتني جيهان للشركة ودخلت ديريكت لمكتب فؤااد وصلت لعند سكريتيرة وقلت:صباح الخير....عفاااك نقدر نشوف موسيو فؤاااد
هي:اه وفاااء راه كيتسناك
شكرتها ودقيت سمعتو قال دخل وانا ندخل هي شفتو وانا نتفكر الموقف تلبارح وحماريت...كان جالس كيف عادتو قاميجة فالاسود وحال فيها شوي وطاوي الكمام وخدام مسكين فشي وراااق...شافني وهو يبتاسم وناض عندي...بلسني فحنكي وقال:مرحبا بحبيبتي عندي😊😊
مدرت حتا ردة فعل بتاسمت فقط رجع جلس فبيروه وانا جالسة فكرسي قدااامو ...
فؤاد:كيصبحتي الحب؟؟؟
انا:هههه بخير ونتا؟؟☺
فؤاد:فوق بخير هههه...جيتي على قبل الخدمة ياك هههه
انا:اه☺☺
فؤاد:بوسطك واجد غتكوني نائبة سي عماد...هو كيسافر بزاااف وكيخصو لي يبقا مقابل هنا ..دونك نت لي غتبقاي
انا:بفرحة😍😍😍😍
فؤاد شاف فيا وهو يعقد غوباشتو وطلع حاجب وهو يقول مخنزر:اش داك زمر لابسة؟؟؟ صدرك كلو باين؟؟؟
اويلي عاد كان صحة سلام كيتقلب دغيا..صرطت ريقي وهبطت راسي نشوف ونا لقا داك شوي تصدر لي كان كيبان ولا باين...هزيت عيني ببطء وجاوبت:هاااا😳😳😳 لا راه هي...
ضرب الطبلة بيديه حتا تخلعت وقال:واش باغا تسطي دين مي...صدرك كلو باين..كاع الناس تفرجو فيك...😠😠
انا:(كنترغد)لا ا والله وصلاتني جيهان مشافني حد...
فؤاد:السكيريتي والموضفين مرجالش
اناري على هذا حاسب كلشي ملقيت مندير وقلت نبرد معاه وانا نقول:هاننا فؤااد راه والله حتا كانت طالعة على صدري هس فاش جلست هبطات والله
خنزر فيا وهو يحل لمجر لي حداااه جبد كارو وشعلو...نتر منو عاد جاوب:اليوم مكاينا خدمة تال غدا وبداي ملي تولي تلبسي حوايجك😠😠😠
انا كنشوف فيه وفالكارو لي فيديه وعقلي مرفوع حتا قفزني وقلت:فؤااااد مباقيش تكمي راه كيقتل والله...ندير لي بغيتي...ندير حتا الحجاب هي عفاااك الكارو لا...😣😣
فؤاد طفا الكارو وناض عندي باقي مخنزر حنا على رجليه وشد يدي وقال:مكنقولش ليك لبسي حوايجك حيت بغيت نتحكم فيك ولا نزيرك راه كنقولها حيت مبغيت حد اشوف فيك شوفة خايبا...(بصوت حنين) حيت نتي ديااالي بوحدي
هزيت فيه راسي وحطيت يدي على وجهو وقلت:عارفا هادشي...وعفاااك قطع الكارز...مكنتيش كتكمي علاش دابا ؟؟؟
فؤاد:حيت كنحبس راسي عليك باش منضربكش ولا نغوت عليك بيه...من نهار مشيتي من الصبيطا فطنجة وانا كنكميه باش نساااك ونصبر راسي بلي ضعت مني...
انا:(كندوز يدي على وجهو) ودابا هامي معاااك ...لباقيش تكميه وندير لي بغيتي.
باس ليا يدي بلا ميحرك عينيه عليا وقال:منواغدكش ولكن نحاااول😊
بناسم ليه وقلت:اكيد غتحيدوو
فؤاد بقا شحال كيشوف فيا وهو يقول:غدا اتبداي الخدمة نت وصاحبتك...يالاه سيري دابا...وديريكت للدار
انا وقفت وقلت ليه:اوك ...نشوفك غدا
جيت غاديا وهو يردني ليه وقال:وبوستي؟؟؟عهههه
انا:الهريسة ان شاء الله
فؤاد:ههههههه كتقتليني بهضورك عندك شي هضور معرفتش منين كتجبيبهم هههه
انا:كنتليشارجيهم من بلاي سطور 
فؤاد:باقي قويسحة مع راسك هههه
مخلانيش نحاوبو وجرني لعندو باسني فخدي وقال :كنبغيك
تزنكت ومجاوبتوش..وهو يقول:هههه واقولي تاني ديك فؤاااد (كيقلدني*) بتبعكيك هههه
انا:هههههه الله يمسخك...خليني نمشي
فؤاد :نهضرو من بعد ديريكت الدار...تمشي هاك ولا هاك نسلخك
خرجت ليه لساني وخرجت

خرجت من عندو ناشطة واخا عصبنني بهضرتو ولكن عاااادي ولفت غواتو وصداعو وهو هكاك داير معندي منبدل فيه..تبليت بيه ههه
##### عند جيهان
وصلات وفااااء ومشات في اتجاه دار...وفي الطريق مشافتش الضوء وهي تحركو ...وحصلها واحد البوليسي وقف عليها وهي هبطات زاج تالشرجم وقال:مدموزيل تسحابك الطريق ديالك؟؟؟
هي كانت بغات تهضر بالصواب زلكن ملي سمعاتو قال هكاك وهي تجاوبو:لا كنت عارفاها ديال باك نتا...
هو سمعها وهو يصعر وهو يقول لها: هبطي😠
هبطات وسدات الطنوبيل وشافت فيه مخنزرة:هانا اش كاين؟؟؟ بغيتي وراقي انا نعطيهم ليك راه ممساليلش
البوليسي:قاصحة معا راسك....نت مغرديش بوراقك غنديك فين ترباي حسن...حتا يتقاااد ليك داك الفم😡😡😡
جيهان:وايلي ههه(باستهزاء) وباشمن تهمة؟؟؟لقيتيني حاطة يدي فجيبك ولا كنفرق فالحشيش؟؟؟
البوليسي:عيط لواحد اخر معاه وقال ليه:دي هاد خيتي فين تربا😡😡😡
شافتو جاي وبدات كتغوت وتفركل ليه...شدها وحطها فالسطافيط وهي كتسب فيه وتعاير....محشماتش...طلعوها وداوها وهي كتغدد وتعصب هي بوحدها....وصلو الكوميسارية وحطوها كتسنى تذخل عند الظابط ...بقات شوي حتا طلع ليها الدم وهي تقول مخنزىة فهداك لي جابها:واش غنباتو هنا؟؟؟😠😠😠 تلقونا خلاص...دخلونا عند هاد سي الحبس نتفاهمو حتا هو معاه يخ
البوليسي:غتسكتي ولا غنضرب مك 😠😠😠
جيهان:الى قديتي غير ديرها الحيوان
هز يديه بغا يضربها وهي تشدها ليه وقالت:بربي حتا تودع هاد الخدمة😠😠😠
عاود بغا يضربها وهي تغوت وهربات ليه دخلات عند الظابط وهنا كانت الصدمة....لقاتو امين ولكن ماشي هادشي هو لي صدمهاااا...لقاتو كيبوس فوحدة معاه باينا حتا هي بوليسية شهقات وهي تقول:الله يلعن لي ميحشم...واش هادي كوميسارية ولا دار القحاب؟؟😠😠😠😠
امين عاد نتابه ليها ملي هضرات شاف فيها معصب..ناض من حدا ديك لي حداه وتوجه لجيهتها معصب وقف كيشوف فيا بغضب وقال لديك الاخرى تخرج...خرجات وهو ينطق:اش جابك لهنا تاني؟؟؟😡😡😡
جيهان:كان كيتيحابني جايا لكوميسارية ساعا صدقت لقيت راسي فدار الدعارة تفوووو😠😠😠
باقي مكملاتهاش هبط عليها بواخد التسرفيقة حتا دوخ ليها الحنك وفمها هبط منو الدم ...ضارت عندو خزرات فيه بغضب وهزات يدبها بغات تردها ليه وهو يشدها ليها ولواها ليها ورا ضهرها وقربهت ليه وقال بغضب:الى دخلتي لدار القخاب كتولي حتا نت بحالهم الغزالة(باسهزاء)انا نوريك اش كيديرو هنا....
وتلاح على فمها كيبوس فيه وهي كتنتر ليه وضربو على صدري بيد وحدة...وهو مراهش هنا...منسجم فالبوسة وكيعض فيها...حتا زيرها بزاااف وهبطو دموعها...ضرباتو برجلها لمعلم وطلق منها فالبلاصة وهي دموعها وصلو فين وفين ...شد فاغراضو ههه وكيتوجع وهي تقول بصوت مخنوق بالبكا:حيواااان😭😭😫 حمااااار...
وخرجات من عندو كتجري وكتبكي....مالقات متدير من غير انها تهرب...بحال الى تعدا هليها...كتبكي وتتنخصص...ومهزا والو معاها...كلشي بقا فالطنوبيل...شدات طاكسي لبلاصة فين خلاتهاودموعها هوادين...والدم خارج من فمها...وصلات وهبطات خلصات الطاكسي وركبات فالطنوبيل مكسيرية لدارهم...سايقة وتبكي وتضرب فالفلون...حتا وصلت والحمد لله ملقات حتا حد فالدار ودخلات ديريكت لبيتها كتبكي فيه وتتنخصص ...وتبعاتو دوش باش تحيد داك اللوسخ لي فمها...حتا تهدات عاد عيطات لوفاااء وطلبات منها تجي عندها....
بعد ربع ساعة ...جات وفاااء كتجري حيت خلعها صوتها فالتيلي...حلات ليها الخدامة وطلعات عندها ديريكت...لقاتها كتبكي وغارقة فالدموع..جرات عندها كتسولها مالكي وهي مكتجاوش غي كتبكي ومعنقاها وكتنخصص....عمر وفاااء مشافت جيهان بديك الحالة....بكات حتا فشات قلبها وبردات ووقااااء مقدرات تسولها على وااالو...حيت ملقاتش فرصة...تهدنات شوي ودموعها تحبسو وهي تقول ليها وفاء:حبيبة دياااالي...مالكي اش وقع؟؟؟
جيهان:اهى اهئ😢😢😢 ضربني الحيواااان اهى اهئ
وفاء:شكون ؟؟؟
جيهان:😭😭😭😭😭😫....ا...ا ..امين البزليسي...اهى اهئ..(وعاودات ليها كلشي)
وفاااء تصدمات وبقات كتسكت فيها حتا تهدنات...عطاتها تشرب وخلاتها ترتاح...ناضت من حداها وتيلي ديالها كيصوني لقاتو فؤاااد جاوبات بصوت عيان:الو
فؤاد:حبيبة صافا؟؟؟
وفااء:(تنهدات)بخير وانت؟؟؟
فؤااد:مالكي كتهضري ياكا؟؟؟واش مريضة؟؟؟
وفااء:لا لا ماشي انا...جيهان لي مريضة...انا عندها دابا فالدار😢😢
فؤاد:عاد البارح كانت مزيانة...
وفاء(بغضب):سول صاحبك امين اعاود ليم😠😠😠
فؤاد:ومال صاحبي اش دخلو لهضرة؟؟؟
وفاااء:سولو وهو يقول ليك...
فؤاد:واااخا...محتاجة شي حاجة احبيبة
وفاااء:لا لا لهلا يخطيك...
فؤاد:يالاه نخليك دابا...ميكون باس عند جيهان
فؤاد:لهلا يوريك باس...بسلامة...
وقطعات وهبطات لتحت توجد لحيهان شي حاجة متاكل...

عند فؤاد
قطع مع وتاصل بأمين وطلبو بجي عندو واخا لقاه طالعا ليه الكناوية ..بعد نصف ساعة جا عندو لدارو...حلو عليه الخدم...لاح السوارت فوق الطبلة وجلس حدا فؤاااد ومهضرش معاه..حتا نطق فؤاد:مااالك اش كاين؟؟
امين:(تنهد)درت اليوم واحد الخطأ عمري نسامح راسي عليه😧😧
فؤاد:(كيشعل كارو)اش درتي؟؟؟
امين:(عاود ليه كلشي) اووووف ندمت اخاي....كون تشوفها كتبكي حسيت راسي مسخ اصاحبي
فؤاد:(مخنزر) ومالك نت على ديك الجهالة ...تسحابك راه بنت الزنقة😠😠
امين:متزيدش عليا حتا نت ...باراكا عليا هي تأنيب الضمير لي فيا
فؤاد:لبنت مرضات فالبلاصة تصدمات...واقلة نت اول واحد
امين:😳😳اواااه على مرضات...اووووف(تعصب)
فؤاد:خصك تعتاذر منها واخا راه الاعتذار معندو فاش يفيدك ...
امين:نبوس رجليها غي تسمح ليا...بقات فيا...عمر شي وحدا مدارت ليا هكا...😡😡😡
فؤاد:عنداااك تكون طحتي ههههه
امين:كطنز ياك...بقات فيا حيت بستها بزز منها...ولكن..
فؤاد:لكن اش ههه
امين:هههههه واحد الشفايف عندها ...حلوة هههه
فؤاد طلق واحد الضحكة عليه وقال:ها لي قلنا ههههه 
امين:باقا بميكتها هههه ولكن صعيبة بزاااف...عرفتي شحال من هضرة سمعاتني هي من سمطة لتحت ههههه كون ما الدقة لي عطاتني لمعلم والله منطلقها ههههه
فؤاد:😂😂😂 متقولش ليا دارت ليك ترويض ههههه
امين:اودي كثرة الهم كتضحك...
فؤاد:هههههه نوض تكعد اعتاذر من البنت باراكا من دوك فعايل الزوامل مع بنات الناس
امين:فين غنلقاها؟؟؟
فؤاد:اليوم لا...حتال الغدا واحي عندي للشركة راه غتولي خدامة مع وفاااء...جي والباقي عليا...
امين:صافي واخا...(سكت وهو يعاود يقول) فكرتيني شحال غتبقا فالمغرب؟؟؟
فؤاد:ههه مالو ديال باك هاد المغرب ههه غي كنجي كتبغي تسرسبني
امين:هههههه حشا...راك عارفني علاش كنقول هكا...قضيتك باقي متسداتش...والمغرب خطر عليك
فؤاد(كيكمي): ههههه وايلي...عارفني مهامنيش هادشي كلو...وزايدون راه الكارد تابعيني فينما مشيت
امين:مشفت حد معاااك!!!
فؤاد:باغبهم ايبانو ههه راه مغبرين
امين:فؤاااد وكد معايا الله يحفظك...خصك تقطع الرجل من المغرب...راه شي نهار يصفيوها ليك....
فؤاد:هههههه عشر سنين ونفس التهديدات كتوصلني....عمرهم دارو شي حاحة عارفهم ميقدروش اقتلوني....امريكا غتقلب كلها الا وقعات ليا شي حاجة...باغيني نخوي السوق
امين:المهم رد بالك...
فؤاد:ههههه كملت محاضرتك ...يالاه تلاح قود خليني نكمل شغلي...غدا تكون عندي باش تعتاذر من البنت
امين:هاهو غادي ههههه نقشعوك ههه
مشا امين وخلا فؤاد كيكمي مغدد...قضية تهديدات باقي شاغلا بالو....وخافهم ادوزو لوفاااء...خواتاتو عليهم الحراسة 24/24 واخا محاسينش بيها....ولكن وفااء لا...وقرر يعين ليها حراس..
#####عند وفاء
قاديت لجيهان متكل وطلعت لعندها لقيتها باقي كتبكي ولكن هاد المرة فصمت...حطيت البلاطو ومشيت لغندها:جوجو....حبيبة نوضي تاكلي شي حاجة راه من الفطور مكليتي...
جيهان:(بصوت مبحوح) لا مبغيتش😢😢
انا:ولا احبيبة مديريش هكا فراسك...خصك تاكلي باش متمرضيش...عفااااك هي على قبلي
ناضت بالعكز وجلسات وحطيت قدامها البلاطو وبقات كتنقب شوي...حتا عصباتني وانا نبدا كنكل فيها حتا ضحكات شوي....الحمد لله ملي فاتها الحال...عارفاها هبيلة مكتشدش فخاطرها ولكن هادي محااال واخا تبغي تنسى...كملات الماكلة وحيدت ليها البلاطو وانا نسولها:واش واليديك مكينينش؟؟؟
جيهان:علاه فين عمرهم كانو...كل مرة فين راهم...ممسوقينش واش عندهم شي بنت😏😏😏
انا:متقوليش هكا..راه هي مشاغل...
جيهان:(نفاجرات بالبكا)مشاغل😭😭😭 مشاغل غتبعدهم على بنتهم الوحيدة...عمرهم كانو معابا...شديت الباك مكنوش ...عيد ميلادو قليل فاش كيمونو والسبب هو انهم بغاو يوفرو ليا كلشي اهى اهى...انا مخصنيش فلوس ولا حوايح...بغيت ماما وبابا يكونو معايا...بغيت نحس اني عندي لي يحن فيا...كنمرض كنلقا الخدم😭😭😭 وهي لا...كتكون فشي حفلة كدير معارف باش تبني بلاصتها...وبابا كيكون عاطيها القصاير مع صحابو وانا فين فين فهادشي كاملو اهئ اهئ
خليتها حتا كملات بكاها وفرغات على لي عندها ومشيت عنقتها وكنسكت فيها وانا نهز ليها راسها وقلت:نوضي معايا للدار...تما عنرتاحي كثر
اومات ليا بىاسها بأه...ومشينا
ديتها للدار انا لي سقت طنوبيلتها...وصلنا وهبطات عيانا مدويناش دخلات ولقات بابا وتلاحت عليه كتبكي...هو معرف باش تبلا عنقها وكيسكت فيها...وانا اوميت ليه براسي زعما من بعد ونشرح ليك...
عنقها وكيسكت فيها حتا تهدنات ودخلها لبيتي وبقا معاها حتا داها نعاس...

فاش شفت جيهان بديك الحالة بقات فيا وفنفس الوقت فتحات جراحي انا...اكتشفت انها خي كتعاني كثر مني،على الاقل اني لقيت عمتي وراجلها...عمري حسيت اني بوحدي واخا حقيقة اني غير معترف بيا من طرف بابا كتضرني ولكن الحمد لله..
خرج بابا مم عند جيهان وسولني:مااالها؟؟؟ 
انا معرفت منقول ليه....وانا نقول:راك عارفها مع دارهم وصافي....غتبقى معايا شي يامات
بابا:مرحبا بيها ابنتي....بقات فيا 😦😦
وفاء:حتا انا عمري شفتها هكا....
بابا:ونت اش درتي في المعهد باقي..شتك مكتمشيش؟؟؟
انا:لا راه جلست...عنبدا الخدمة فشركة غدا☺☺
بابا:(بفرحة)😍😍الله الله على اخبار(عنقني)مبروووووك ابنتي...الحمد لله لي عشت حتا شفتك بخدمتك هههد
انا تمخششت فيه بحال شي درية صغيرة وكنضحك وانا نقول ليه:بفضلك ابابا☺☺
بابا:وايوا اشمن شركة هادي(مطلع حاجب)ديال فؤاد يااااك هههه
انا حشمت منو وحدرت راسي وجاوبتو:اه ☺☺
فؤاد:داك سيد معقول بزاااف...الله يخليكم لبعضكم...
انا:امين
خليتو ومشيت دخلت عند جيهان لقيتها ناعسة والدموع هلى خدها...بستها فحكنكها وبدلت حوايحي وخرجت نوجد الغدا ...حتا عيط ليا فؤاد وجاوبتو...
انا:الو
فؤاد:حبيبتي فين غاطسة؟؟؟
انا:هههههه فكوزينة
فؤاد:وايلي....تعلمت الطياب ههه
انا:وراه من ديما ههه
فؤاد:كيفبقات جيهان؟؟؟
تنهدت زانا نقول:نقولو شوي وصافي...جبتها معايا للدار ترتاح شوي...مكين لي يبرزطها😔😔
فؤاد:مزيان ملي درت هكا...راه هضرت مع امين وراه ندمان...
انا:كاع لا يندم...😠😠 داير دوك فعايل الزوا....
فؤاد:تكمليها نجي نسلخك😠😠 مالكي على سبان...صافي الموضوع غادي يتحل...
انا:😒😒 مممم
فؤاد:صافي سدي الموضوع...غيتحل وكلشي يتقاد...
انا:واخاااا
فؤاد:باغي نشوفك...(بحب)
انا:ممممم وعاد الصباح شفتني..!!!
فؤاد:مهضرتش معاااك ومشبعتش منك ....نشوفك فالعشية؟؟؟
انا:الى رجع بابا للدار بكري باش نخلي معاه جيهان ...منقدرش نخليها بوحدها..
فؤاد:مممممم واخا...الى بغيتي انا نجي نشوفها عندكم هههه
انا:كطنز هههه
فؤاد:نديرها ليك على قد فمك ههه
انا:وباشمن صفة هههه؟؟؟
فؤاد:جاي نشوف حبيبتي....اما جيهان دايرها هي طريق ههه
انا:تلاح قرب يتحرق ليا الغدا....وخاصني من الحانوت هههه
فؤاد:هههه كتجري عليا هي بالفن هههه واخا تلاحي غدا جي الخدمة معرية تاني وشوفي اش غندير فمك...
انا:تلاح ههههه(سكت وعاودت قلت)فؤااااد(بدلع)
فؤاد: هههههه الله يعطيك شي عقل...حتا انا ...😊😊
انا:ههههه بسلامة
قطعت معاه وخرجت نتقدا من الزنقة ...لبست كابي وخرجت تقديت ورجعت...لقيت جيهان جالسة فصالة كتفرج...بتاسمات ليا وقالت:مع من كنت كتهضري وكضحكي؟؟؟
انا:(قربت جلست حداها )ههههه مع عبيقة مول الكارو عرفتيه؟؟؟؟
جيهان:😂😂😂عرفتي ويسمعك قلت عليه هكا هههه بربي حتا يسلخك هههه
انا:ههههخ عارفة ....ولفت هههه
جيهان:كامونية مع راسك ههههخ هو لي كيعرف ليك
انا:ضرب الحبيب زي اكل الزبيب😂😂
جيهان:زي الزمر...نوضي تقاودي نت لحمك لي كياكلك وكديري الزبلة هههههه
انا:(عنقتها) ههههه هادي هي صحبتي لي كنعرف...فمها خانز كيخرح هي الهضور الزنين هههع
جيهان:يخ بعدي كني مشبعاش حنان ههههه 
انا:هههههه اح شابعاه(وتنهدت)
جيهان:شوف ليك القحبة هلى تنهيدة عندها هههه....دقت الحلوة وضسرتي ههههه
انا:حلوة وفيها لاكريم من الفوق😂😉😂
جيهان:(تفرشات بالضحك)هههههه😂😂😂😂 من ديما كنقولها ليك...قحبة اصيلة
قلبناها ضحك...هادي هي جيهان...دغيا كترجع لوعيها وكتبدا تضحك...دخل بابا فيديه التقدية وشافنا كنضحكو وهو يقول:ضحكوني معاكم هههه
انا جمعت الضحكة اما جسهان باقا كتضحك وكتقول ليا:ههههههه نقول ليه 😂😂 نعاود ليهههههه
انا كنغمز فيها تسكت ساعا هي عاد مزادت فالضحك ...حتا بردات عاد سكتات...مشيت الكوزينة كملت الغدا وهي وبابا بقاو عاطينها للضحك كي ديما....بابا ممشاش القهوة على قبلها هادشي لي قال واخا انا متيقتش...
حطيت الغدا وتغدينا بالضحك والمناكرة ديالي انا وجيهان هههه...بابا خرج يشوف شي صحابو وبقينا بجوج كنتناكرو وهي تقول ليا:يالاه نخرجو مع البنات
انا:هبلتي لا...الناس خدامين
جيهان:سلمى معندهاش المعهد العشية ....ولبنى راه مولات شي تقدر تخرج وقتما بغات
انا:دغيا لقيتي الحل ههههه واخا عيطو ليهم ايجيو عندنا لهنا...شي عشية زاهية ديال البنات😍😍😍
جيهان:ههههه ياي😍😍😍
وفعلا عيطات ليهم ولقاتهم الوقت مسالية عندهم كثر منا...عطيناهم العنوان..ونضت كنوجد كاسكروط...ودازت ساعة وهوما يجيو...رحبات بيهم جيهان وانا كنت فالكوزينة...ساليت التوجاد...وخرجت عندهمظ...جمعنا وهضرنا وضحكنا..
سلمى:ايهاي على مرت الكلاوي حادكة ههههه
انا:هههههههه ياك
لبنى:داكشي باش خويا كيقول هو لي واخد الزين ههه
جيهان:ههههه وباراكا راه نفختوها هههههه راه واحد بنت الحرااام مقطرة
سلمى:هههه😂😂😂😂 كتقهريني فيها هههه
انا:ده انا متعودة هههه كملناها ضحك وتقشاب حتا جا بابا عرفتو عليهم وخوما فرحو ملي عرفوه ...
جيهان:شتكم عجبكم سي لعربي هههه راه حبي بوحدي ههه
لبنى:ههههه لقيتسني مزوجة اما كن طرت ليك بيه😂😂😂😂
انا:ههههه افينك ابابا تشوفهم كيتخاطفو عليك هههههه 
سلمى:هاد باك عللام كيقول لجيهان حبي ههههه
جيهان:هههههه وي حين انا حبوهههه
كملنا الضحك والماكلة وفوجنا....الله يعطيكم بحال هاد اللويسات لي عندي هههه.....
طاح الليل والبنات مشاو وبقات معايا جيهان كنتنامرو تاني هههه حتا نعسنا..

ضربات شميسة ديال الصباح فبيتي...ضراتني فعيني...وبديت كنغز فديك موكا لي حدايا ..سيدة منشورة على ناموسية ويديها خانقاني ييهم ....كنزعزعها بيدي والو قول فغيبوبة حتا عضيتها فيدها عاد حيداتها....نضت دخلت الحمام ولقيت لويلة هابطة تفوووو...بدلت ولبست حوايجي وفيقت ديك القحبة بسبان حتا فاقت كتنكر...خرجت وجدت الفكور...عيطت لبابا ...وخرجات الاخت كتخنزر...واتا ميتة عليها بالضحك...فطرنا وخرجنا بطنوبيلتها...قصدنا الشركة وكل وحدة مشات لخدمتها...جيهان كتحاول تتناسى دامشي لي وقع....جلست فالبيرو لي حدا سي عماد وجابو ليا الخدمة لي خصني ندير...بقيت حادرا فيها رايي حتا وقف عليا فؤاد مبتاسم وقال:حتا فاش كتكوني خدامة كتكوني زوينة ههه
حشمني الزغبي وجاوبتو:صباح الخير ☺☺☺
فؤاد:صباح الحب ههههه هاني وليت رومانسي ههه
انا:ههههه الى بحال خكا ماشي مشكل ....
فؤاد: ههههه شوفي الغدا غنتغداو مع امين وجيهان
انا غوبشت وقلت:ولاش معاه....جيهان مباغاش تشوفو😠😠😠
فؤاد:ىاه قلت ليك تعلمت تقندشي ههه...السيد بغا يعتاذر منها...
انا:يخليه عندو...معندو باش ينفعها 😠😠
فؤاد:غتحلي ديك الغوباشة وتسمعيني ..امين ندم بزااااف هي ستافزاتو ونت عارفا صاحبتك قافزة ولسانها سابق
انا:مقلتش لا....فمها سابقها ولكن ماشي لدرجة اضربها وايب....
سكتت مقدرتش نقوبها وهو يقول ضاحك:هههههه ايبوسها 😉😂😂😂 ونت مالك اقدر هي هاجبها الحااال ههه
انا:من نيتك افؤاد....راه ضلات كتبكي البارح وهي عندها مشاكل ....كون ما بابا لي سكتها مشات تطرطق بالبكا...
فؤاد:ومتعرفي تكون هاد العداوة بداية للحب بيناتهم هههه
انا:ههههه جيهان وعارفاها...مكيعجبها حد....😏😏
فؤاد:ونت معاجبك حد؟؟؟ههههه
انا:(حشمانة) هههههه واحد خينا معدبني معان نههههه حلف هو لا حن فيا...
فؤاد:(هاز حاجب ومطلع حاجب)اهاه ومتعرفي نت كديري فعايل ديال العصا
انا:هنهههههه واخا هكاك....عاجبني...عارفا راسي كامونية😂😂
فؤاد:الحمد لله مكنضلمكش ههه
انا:ههههههه ولكن بزاااف...هضرة جوج صلاي هههه
فؤاد:كوني كتسمعي الهضرة ويلعن اليد لي تحط عليك
انا:ممممممم 
فؤاد:(ناض خارج)هههههه يالاه كملي خدمتك... وغندوز موراك للغدا وعلمي صاحبتك...
انا:واخا...
كملت خدمتي وانا كنتوجع...الحزاق ديال خالتي دارت فيا حالة وشحفت....وصل وقت الغدا وجا فؤاااد ومشيت معاه ....دزت عند جيهان وقلت ليها بلي غنتغداو مجموعين...
انا:جيهان نوضي بالاه غنتغداو مع فؤاد
جيهان:نت غتغداي مع خطيبك وانا اش غندير معاكم؟؟؟
انا:(درت يمين وشمال مشفت حد)نوضي تقاودي قبل كنجي نتفك يالقحبة😠😠😠
طلقات واحد الضحكة ....كتضحك وتعاود...واتا مافهما والو وكتشوف من ورايا...درت وانا نتصدم لقيت فؤاااد ورايا كيشوف فيا شوفات تلقتيلة ...صرطت الريق ...اربي نسيت واش خليتو كيهضر فالتيلي حدايل...خنزر فيا ولالة جيهان مبغاتش تحبس الضحك...ناضت هزات صاكها وتبعاتنا...وهي كتضحك عليا...قالت ليا:بربي حتا مكيضلمكش ههه تستاهلي العصا لي كيعطيك 😂😉
سمعها ودار عندنا وقال:ياك بعدا مكنضلمهاش...😠😠
انا خنزرت فجيهان زعما تسكت ووالو...عارفا مها فضيحة...ركبت مع فؤاد ومدواتيش وجيهان تابعانا بالاوطو ديالها...كنشوف ففؤاد بنص عين مغوبش وسايق ومع هضرنيش....انا عرفتو مقاق وحاولت نصلح الوضع قبل منوصلو للمطعم....وقلت بتحلوين:فؤاااد(مجاوبنيش) وفؤاااد
دار عندي وخنزر فيا واحد التخنزيرة طيراتني من بلاصتي وقاى:اش كاين؟؟؟؟
انا بديت كنترعد وانا نطق:س...س...سمحلي والله مشفتك...
سكت وهو يقزل:اش دوك الهضور كتقولي....تقزدرت مع راسك😡😡
انا:وصافي والله مرديت البال راه حين مولفا معاها ديك الهضرة...
فؤاد:(معصب)ولفتي بحال دوك الهضور واش مريضة فكرك لا....فين عمرك كنت هاكا....مال مك وليتي بحال هكا....ماشي هي هادي هي وفاااء لي حبيت😠😠😠
انا سمعتو قال هكاك وتحجرو الدموع فعيني ودورت وجهي للجهة الاخرى كنبكي فصمت وهو كمل السياقة...ضراتني هضرتو بزاااف جاب ليا الله بحال الى مبقاش كيبغيني....انا تقبلت فؤاد جديد لي عصبي وكيضرب وكيسب وهو مجرد مسمع مني ديك الهضرة قال عليا هاكا....بقيت كنبكي فصمت الدموع عندي دغيا كيهبطو...وليت حمرااا وكنترعد ...بقا فيا الحال...حتا وقف الطنوبيل...شفت بلي وصلنا بلاصاها...يالاه بغيت نهبط وهو يشدني من يدي معصب وقال:تسناي😠😠
شير لجيهان بيديه باش تدخل وتسبقنا...وانا بقيت حادرا راسي كنبكي فصمت ...سكت شخال وهو ينطق:دابا لاش كدمعي؟؟؟؟
مجاوبتوش وهو هي كيسوط بوحدو...شدني من يدي وجرني من يدي لعندو فحضنو كيف العادة وانا كنبغي نتنتر منو وهو حاكمني ومزيرني حتا بديت كنهضر:طلق مني اهئ اهئ اهئ😭😭 اش باغي عندي ياك ماشي انا هي لي بغيتي...دابا كبرت ومبقيتش عاجبااااك ايوا عطيني بتيساع😭😭
محيدنيش من حضنو حتا وليت انا لي شادا ليه فالكول تتريكو وكنبكي...هز ليا راسي وقال:واخا نتولد من جديد نت لي غنبغي...واخا نموت ونعاود نحيا نت لي غنبقا نبغي....نفقد للداكرة غنعاود نبغيك...نت هي كلشي عندي،قلت بيك هكاك حيت مبغيتش فمك اخسر(باسني ففمي بوسة خفيفة) حيت نت هي عويناتي....

عاود باس ليا راصي حتا وليت نقول السيد ولفها ...عنقتو ...درت يدي ورا عنقو ويديه مور خصري...وقلت فودنيه:سمح بيا مبقيش نعاود اهئ اهئ 😢😢😢
فؤاد:لا هي عاودي باش نسلخك هههه
انا:(ضحكت ليع فودنيه)هههههه ضرب الحبيب زي اكل الزبيب 
فؤاد:(باعدني عليه)هههههه وايلي 
انا:متولفهاش ههههه
مسح ليا دموعي وقال:يخليلي البكايا ديااالي😙
بتاسمت فخجل وهو يقول:ايوا يالاه راه غتلقاي جيهان منوضاها مع امين عهه
انا:هاا😳😳😳
هبطنا ديك ساعة يدي فيدو...كنحس اني ديالو فاش كنشد فيه وهو كيبين لناس كاملين اني حبيبتو...دخلنا لقينا جيهان مشادة هي وامين ....وكلشي كيشوف فيهم...مشينا عندهم وشديت جيهان كنبرد فيها وفؤاد كيبعد فامين لي اكيد بغا يخلطها....جا مول المطعم وقاال ليه فؤاد يخوي ليه المطعم....وفعلا خواو المطعم ولالة جيهان باقا متعاير:اش جابك لهنا الحيوان؟؟؟جاي تكمل على داكشي لي بديتي اشماتة😠😠😠
امين:غنضرب مك على هاد الهضرو😠😠😠 سري لي جاي نعتاذر منك اما نت متستاهليش
جيهان:واخا حتا تعتاذر اعتذارك مرفوض  😤😠 نت بوليسي نتا..يخ من المخزن الى بحالك
انا:وا جيهان زالله يهديك....مال لسانك سليط راه سيد باغي يعتاذر😆😆
جيهان:اعاود لمو هو واعتذارو..اش غينفعني الاعتذار خاا😠😤😤
فؤاد:وابردي حتا نت واااه....صافي مسحيها فيا...عمرو باقي يطوف بساحنك
جيهان:(دافعة سنطيحة) لا يطوف نيت...للاما نخلي عشتو...😡😡😡
امين:(حابس الضحكة ) ههه وابربي حتا غي ديااال العصاااا....يخ
جيهان:بناظم كيف داير...(هزات صبعها كتهدد فيه)هاد المرا هاهيا دازت على وجه فؤاااد....بربي حتا نوريك وجهي الخايب😡😡
امين :هادشي كلو وهي مورتيهش ههه(باستهزلء)
انا وفؤاد هي كنتفرجو....جيهان سابقعا لسانها وامين سابقاه يديه هههه ضحكني منظرهم وجيهان كتقز بوحدها ههه عارفا كاين فؤاد احبس عليها الدقة ههه
جا امين خارج وهو يشدو فؤاااد يبقا يجلس انغدا وهي تنطق فليفلة:لاش شادو؟؟؟خلبه امشي ادرك كمارتو 😠😠
امين صاط ودوز يديه على راسو وفؤاد خنزر فيها وهي تكمش حدايا ....طلسنا كنتغداو ودوك طوم وجيري مناكرين وانا وفؤاد ميتين غليهم بالضحك...حتا سالينا وخرجنا كاملين...انا مشيت مع فؤاد اردني للشركة وجيهان ىكبات فالاطو ديالها وكتخنزر فامين وتبركم وهز بغا يطيرها بعينيه هههه
ركبت مع فؤاد واحنا مينين بالضخك عليهم وانا نقول:ناري كيروني هههه
فؤاد:😂😂😂 عمرني ضحكت هاكا هههه واشاطا ماطا ديك صاحبتك هههه
انا:ههههه مشفتي والو وهبيلة ....عرفتي شحال من وحدا فالمعهد خلات عشتها...والنتيف ههههه ولكن قلبها بيض واخا هكاك
فؤاد:عارف قلبها بيض...طالما صاحبتك اذن راها مزيانة...ههههه كتنتف عباد الله
انا:ههههه واييه العصا...
فؤاد:وكتعاونبها ههههه راه عارفك حتا نت كطيري...غي انا لي كنقاديهم ليك 😂😂
انا:هههه اكيد نعاونها...نت راه هي حيت يدك سابقاك اما كون حليت عليك حلوقي ههه
فؤاااد:واخا الالة هههه حليه
وصلني ودخلت متسنيتوش كان كيهضر فالتيلي وطلبني نسبقو....فعلا مشت وكملت خدمتي عادي...حتا ساليت ووصلاتني جيهان للدار....
دخلت لقيت بابا متكي عيااان...قستو لقيتو طايب بالسخانة تخلعت...كنهضر معاه كيحرك هي راسو...لحت الصاك وانا نجري للكوزينة جبت بانيو فيه الما وفوطة...قادينو فبلاصتو وحيدت ليه السباط وبديت كنفزكها ونحطها ليه على راسو وكندمع...غمري شفتو مريض هكاك...وهو هي كيتنهد مقادرش اهضر بقيت هكام حتا هبطات السخانة ولا عرقااان ونضت جبت ليه واحد الكينة ديال السخانة ...عطيتها ليه وهو محاسش بيا...
بقا فيا وتوترت...وبقيت جالسة حداااه كنقيس ليه فراسو وندير ليه الفوكة حتا تهدنات السخانة ....

بقيت معاه حتا توكض وعيني دايزين بالدموع...حتا كيتحرك وكيقول غي بنتي ...عيط ليا فؤاد ونضت من حداه وجاوبت بصوت مخنوق:الو
فؤاد:مالكي؟؟؟كنت كتبكي؟؟؟
انا:اهئ اهى اهئ😭😭😭😭 بابا اهئ هنهنه مريض اهئ اهئ
فؤاد:حبيبتي تهدني ...وسمغيني اش واقع ليه؟؟؟
انا:اهى اهئ😭😭😭😭😭😭😫😭😭😭😭
فؤاد:صافي قطعي هانا جاي...
مجوبتوش حيت معنديش جهد...ورجعت عند بابا كنشوف فيه وهو كيتقطع قظامي...وسخانة كتطلع وتهبط وقابي بغا يخرح معاها...متصورتش بابا نشوفو هكا كان ديما قوي اعئ....دازت 10 دقايق وانا كنبكي حداه ونتنخصص وهو مسامعنيش....حتا سمعت دقان نضت بجرا حليت عرفتو فؤاااد هب حليت وانا تتلاخ علبه كنبكي ونتخصص ونشهق وهو معنقني كيسكت فيا وكيحاول افهم اش وقع ليه وانا كنعاود ليه بالبكا...شدني من دراعي ودخل لصالة فين ناعس...قاسو ولقاه طايب بالسخانة...وقال:خصنا نديوه لسبيطار...راه حرارتو مرتفعة بزاااف...شوفي تهدني راه مغيوقع ليه ولو واخا احبيبتي...
انا:و...واخا اهئ😭😭😭
هزو فؤاد على كتافو وخرجو دهلو للطموبيل ورجع ليا انا لي باقا واقفة مصدومة ومستريسيا...رجع شدني من كتافبي وكيحرك فيا زكيقول:وفااااء وكدي احبيبة وكدي...غنديوه الصبيطار راع غي حرارة بسيطة...
شدني من دراعي ودخلني للور تلاوطو حدا بابا...شديت ليه فيديه وكنبكي ونبوس ليه راسو ونطلبو يبقا معايا والتنخصيص....حتا سمعت قؤاد كيهضر فالتيلي وكيقول:انا جاااي دابا....بغيت الاطباء كلهم تما...
وصلنا واخيرا وتلقاو لينا بالبياص خرجوه من الاوطو وحطوه فيه وانا تابعاهم بالبكا ولكن فؤاد حبسني وقال:خليهوم يديرو خدمتهوم...
بقيت واقفة وكنبكي فحضنو ونتنخصث ونقول:غنموت الى طرات ليه سي حاحة اهى اهئ😭😭
عنقني ليه وحلسني على كرسي وقال:شووووو مغيوقع ليه والو خي سخانة خفيفة وصافي...
انا شادة فيه وكنبكي حتا خرج الطبيب وانا نطير عندو:كيبقا بابا؟؟،😭😭
الطبيب:شوي ...عطيناه شوكة تخفف ليه الحرارة...و..
قاطعتو(بغيت نشوفو عفاااك)
الطبيب:واخاااا دخلي عندو ولكن متعطليش
انا دخلت كنطير لعندو لقيتو ناعس ودايربن ليه ااسيروم والاكسجين ولونو رحع لطبيعتو ماشي بحال قبيل كان حمر....قربت ليه والدموع فعيتي...بست ليه راسو ويديه وقلت:ياك اسي العربي باغي تسكت ليا القلب اهئ اهئ
حسيت بيه شد ليا يدي وكيحكب وعو يقول:ههههه تخلعتي هي كنت كنضحك معاه...
هبطو الدموع من عيني وقربت ليه بستو فراسو وقلت:ههه باغي تجربني ياك 😢😢😢 رتاح دابا من بعد ونتحاسبو
غمض عينيه وخليتو وخرجت...لقيت فؤاد برا كيتسناني وانا نطير عليه عنفتو كنبكي ونعاود بقا فيا بزاااف وهو كيسكتني ...مرا يمسح على راسي مرا ايبوستي فراسي...حتا بردت وسكتت وبقيت فحضني حتا غفييت معقلت على والو حتا نعست

حليت عيني فغرفة بيضاء وراسي ضارني ...بقيت كنشوف لسقف بحال الى فاقدا الذاكرة...حتا تفكرت بابا وانا نقز من بلاصتي بان ليا فؤاد جالس فالكرسي لي حدايا مربع يديه ومغمض عينيه ومرجع راسو لور....شفت فيه وعز عليا نفيقو...خرجت من البيت بزربة ومشيت ديركت لبيت فاش كان...دخلت بان ليا بابا معتادل فالجلسة والسيروم فيديه وعينيه دابلين...بين اليوم والبارح ولى صفر...دور وجهو وشاف فيا وانا ندخل مبتاسمة...عنقتو وبست ليه راسو وحنكو...وهو بقا معنقني وكيدوز تلى ضهري حتا قال:بقبتي بايتا هنا؟؟؟
انا:(بعدت عليه)اه..كيف بقيتي؟؟؟؟
بابا:(مبتاسم بتعب)الحمد لله ...هي سخانة وصافي خخخ
انا:خلعتيني عليك والله....(عاودت عنقتو) مغنخلكش بوحدك باش متمرضش
بابا:هههههه بقاي مقابلاني...انا غنزوجك ونتزوج بحبي جيهان هههه
انا:وحتا ونتا مريض كتبغي تضحك ههه
بابا:معلووم...مالي غنموت ههه
دخل الطبيب وطلب مني نخرج حتا يعاينوه....خرجت ولقيت فؤاد جاي من للخر ديال الكلوار كيزرب ومعنكر هي بوحدو ومغوبش زقال:مالك مفيقتينيش😠😠؟؟؟
انا دورت يدي على جنبو وشفت فيه مبتاسمة:عزيتي عليا نفيقك...
هو ترفع من الشدة لي شديت فيه...وحاوطني بيديه وقال:كيف بقا باباك؟؟؟
انا:(كنمسح ليه لحيتو )الحمد لله...شكرا بزاااف احبيبي☺
فؤاد ترفع ملي هضرت معاه هكاك ولا غي حال فمو وجاوب مصدوم:مزيان....متبقايش تقلقي راسك...باباك غيولي بخير...(حط نيفو كيحكو مع نيفي) مبغيتش هاد العوينات يبقاو يبكيو ههه
انا:عدبتك البارح معايا...
فؤااد:مممممم عدابك راحة احبيبتي....
انا:😍😍😍
بقينا هكاك حتا خرج طبيب وقال بلي ممكن نديوه للدار ونردو ليه البال....دخلنا عندو بجوج...شاف فؤاد وهو يبتاسم وقال:شكرا اولدي حيت عاونتينا لثاني مرة😊
فؤاد:(قرب ليه وباس ليه راسز)لا متقولش هكا....على سلامتك الحاج😊😊
بابا:الله يرضي عليك اولدي...بغيت نخرج من هنا دغيا توحشت داري
انا:ههههه دغيا توحشتيها ههن....واخا انا نعيط لي يعاونك باش تلبس
وقفني فؤاد وقال:لا لا هي خرجي نت انا نعاونو....
بتاسم لهاد الموقف وخرجت نتسنا هم برااا...بيدما يخرجو مشيت نخلص الصبيطار...وصلت عند المحاسبة وقلت:عفاااك المريض العربي ايت الحاح الفاتورة ديالو شحال فيها؟؟؟
المحاسبة:بلاتي نشوف...(بقات كتبقشش فالبيسي) الالة الفاتورة مخلصة
انا:(باستغراب)شكون مخلصها؟؟؟؟
المحاسبة:راجلك...سي فؤاد الكلاوي
انا:كمممممم واخا صافي شكرا...
مشيت من عندها واحاسيس كثيرة ضارباني....من جهة حسيت باحساس زوين وهي كتقول عليه راجلي...هادا هو حلمي...واحساس اخر اني عندي لي واقف معايا..ديما سابقني بخطوة....وصلت لقيتهم قدام الغرفة وبابا واقف على رجليه...مشيت شديتو من يديه وخرجنا كاملين مع فؤاد فالاوطو ديالو...انا حداه وبابا لور...مجمع مع فؤااد وفرحان..فرحت ملي شفت التفاهم بيناتهم...وصلنا وعاوني فؤاد حتا هبطو...حليت الدار ودخلنا كاملين...اول مرة يجي عندنا فؤاد جا فهاد الضروف...عاوني دخلتو لبيتو وخرجت باش نوجد ليه مياكل...خرج معايا فؤاد وتنهدت وهو يقول:مالكي؟؟؟
انا:الحمد لله خرجات طريفة....😔😔
فؤاد:متخافيش...اي واحد فعمرو كيمرض...هي ارد البال لصحتو وكلشي اكون مزيان...
عنقتو وقلت ليه فودنو:شكراااا بزاااف
ضمني ليه وقال لي:معرت منين نزل عليك هاد الحنان ههههه وديك شكرا كوليها ههه
انا بعدت عليه وضحكت وهو بقا كيدور عينيه فالدار وقال:هنا فين كبرتي؟؟؟
انا:اه تقريبا...ملي عندي 3 سنين وانا هنا...ولكن الزيادة ففاس..
فؤاد:فين بيتك؟؟؟
انا قلت مع راسي ويلي ياكما فهم التعناق والتعناب غلط وانا نقول:لاش بغيتيه ؟؟؟
فؤاد:عارف تفكيرك مسخ ههههه بغيت هي نعرف فين كتبات حبيبتي😊😊
بتاسمت ليه وجريتو من يدو وديتو لبيتي...بقا كيشوف فيه شحال وهو يقول :هههه مبرهش بحالك ههه
انا غوبشت وربعت يدي وقلت:دابا انا برهوشة 😠😠
فؤاد:ههههههه عقلك صغير ههه
درت راسي بقا فيا الحال وكنتسناه احزرني ولكن مجاش...مشا لواحد الرف فيه تصاور بزاااف فالكادر ديالهم...وقف وقال:هادي نت؟؟؟(كيشير بصبعو لواحد تصويرة ديالي وانا صغيورة باقي فالكماط)
انا مشيت عندو وبتاسمت ليه وقلت:ههههه وي عندي 4 ايام😍😍😍
فؤاد:(هز الصورة كيشوف فيها ويحقق فيها قول كيفليها)زويونة ورطيطبة
انا:ههههه ياك
فؤاد:(هز تصويرة خرا وانباقي صغيرة تاني وهازاني ماما الحقيقية) مممممم هادي مماك؟؟؟
انا:اه...التصويرة الوحيدة لي عندي معاها😔😔
فؤاد:(جرني عندو معنقني بيديه من عنقي) مممم زوينة بحالك...ولكن مكتشبهيش ليها...هي زوينة عليك ههه
انا:هههههه وي عارفا مكنجيبش منها ههههه....(خنزرت)واقلة كنشبه لداك خينا...
دارعندي هو وشاف فيا وهو يدور وجهو يكمل التصاور فهمتو مبغاش احكر على الموضوع وقال:ههههه هادي نت فالبحر بالدوبياس ههه
انا هزيتها وبقيت كنشوف فيها بحال الى مكيكونوش دسما قدام عيني وقلت:ههههه وي كانت عندي 5سنين...كنت كنغوت ليهم على البحر حيت كان صيف ههه داوني ولبسوني هاكا ههه


فؤاد:مممم(بابتسامة شريرة)فيك توحيمة فصدرك هههه
انا تزنكت وحشمت واناري قشعها يخ على بركاك...جاوبتو وانا مدورة وجهي:اه
فؤاد:باقا عندك(كيهضر بجدية)
انا:لا حيدات ...من نيتك راه وحمة ههه
فؤاد:(بضحة)ههههه دابا غتكون مغطياها بزولتك 😂😂😂
انا غرقت فحوايجي من هضرتو...كندور فعيني على البيت علاه لقا شي حاجة باش نتلقو ولكن سبحان الله عقلي حلف للقا شي حاجة وهو مكمل الضحك مجازبتوش وداز للصور كاملين وانا كنشرح ليه كل تصويرة فين تصورتها وهو مبتاسم ...حسيت بيه فرحان حيت كيتعرف عليا كثر...شاف حتا نصاور ديال العروض لي كنت كندير عجبوه ولكن بركم على اللباس..مديتهاش فيه نهه
انا:فؤاد مغنقدرش نجي للشركة هاد الايام...بابا مكاينش لي يقابلو
فؤاد:لا لا هي بقاي معاه...كنت عنقولها ليك انا نيت..هههن
انا:لهلا يخطيك عليا ديما مفكرني☺☺
فؤاد:ممممم ياربي تبقا هكا ديما كتقول كلام زوين هههه
انا:زههههه هبيل
خرجنا من البيت وقلت:جلس فطر معايا...بابا راه فطر فالسبيطار...
فؤاد:مكرهتش ولكن عندي ميدار...نشوفك نهار السبت اوكي
انا:(جريت معاه حتال الباب)واخا نشوفك...شكرا☺☺
فؤاد:كوليها هههه
انا:هههه (بدلع)فؤاااد
فؤاد:ههههه حتا انا😘😘😘
ومشا...رجعت للدار دزت الكوزينة وطيبت صوبا لبابا وانا فطرت واخا معندي كانا...ديت ليه صوبا وقفت عليه حتا شربها ...عطيتو دواه لي لقيت فؤاد تكلف بيه جابوه ليه....وخليتو يرتاح ومشيت حتا انا نطرف حالتي ونغسل ...دوشت وترخيت حتا حيدت العيا....خرجت كنلبس حوايحي..والتيلي كيصوني لقيت جيهان جاوبتها..
انا:صباح الخير
جيهان:صباح النور...مالك مجيتيش الخدمة؟؟؟
انا:لعلا يعطيك بابا لبارح مرض وطلعات ليه السخانة وديناه السبيطار...ليل كامل وحنا فالسبيطار😔😔
جيهان:😱😱😱😱 اويلي مال عمي؟؟؟ وكيف بقا؟؟؟
انا:السخانة وصافي...جاب الله فؤاد عتقني وعاوني ...دابا راه مزيان جبناه للدار
جيهان:احاي هادشي كولو طاري وانا مفراسيش...لعشية نخرج من الخدمة ونجي نشوفو😢😢
انا:واخا يالاه سيري...انا مغنجيش هاد الايام عطاني فؤاد كونجي
جيهان:واخا يالاه بسلامة
قطعت معاها وكملت لبسي وخرجت نطل على بابا لقيتو ناعس...ومشيت نجمع اىدار ونوجد شي حاجة خفيفة باش اتغدا....وصلات جوج وهو يصوتي الباب...مشيت نحل دخلات جيهان كي العجاجة دازت فيا ودخلات وقالت:فين عمي؟؟؟
انا:صعر يالكلبة ههه راهو فبيتو و...
مخلاتنيش نكمل ومشات عندو كتجر ...دخلات عليه كي الرعدة...باست ليه راسو وقالت:اح عوينة وخرجات فيك اعمي...
بابا:هههه ياك
جيهان:الحمد لله على سلامتك ...(قلباتها ضحك وقالت)ياك كنتي باغي تخليني ...باقي حتا مدرنا فالطاجين ميتحرق هههه
بابا:ههههه بت فالدنيا نبت ههه 
جيهان:الله يطول عمرك اعمي
وباستو وهي تخرج عندي وقالت:وفاااء اش عندو؟؟؟
وفاء:والو هي سخانة راكي عارفاه كبير فالعمر
جيهان:ممممم عاونك فؤاد ياك؟؟؟
انا:اخ اه😍😍😍😍 حبيبي هداك...مخلانيش الليل كامل وخلص الصبيطار وجابنا...
جيهان:يالالة على الحب فالسبيطار عهههه المهم هو صحة عمي...يالاه تلاحي جيبي ليا نتغدا...ؤاه خرجت هي وقت الغدا وعندي ساعتين ههه
انا:ومقدرتيش تسناي حتال العشية خههه
جيهان:وتقووودي راه الحب هداك ههه
انا:هههه واخا زيدي تاكلي
مشينا لكوزينة وتغدينا وحنا مجمعين حتا قربات وقت خدمتها ومشات وبقيت انا فالدار بوحدي ديت لبابا ماكلتو...جمعت معاه شوي وعطستو الدوا وخليتو يرتاح...دور ليا فؤاااد وسولني على بابا...وهكا داز النهار عادي..

ديك الليلة نعست حدا بابا...مبغيتش نفارقو...تخشيت فيه بحال كي كنت كندير شحال هادا...حتا ضرباتني الفيقة فالصباح تلفتت ملقيتوش...تخلعت ونضت كنجري نقلب عليه لقيتو كيوجد الفطور وقلت:بابا اش كدير؟؟؟راك باقي مريض؟؟؟
بابا:هههه لا انا صحيح فصيح بحال العود ههه
مشيت حيدت ليه داكشي لي فيديه وقلت:اش قال ليك الطبيب؟؟ منحركش ومتجهدش راسك بزاااف...
بابا:انا بخير واش باغاني نبقا فالفراش هههه
انا:لا حبيبي هي خفت عليك😊😊 يالاه حط هادشي من ايدك انا نكملو
بابا:هههه نتفشش عليك دابا
وفعلا حطو زمشا جلس وانا كملت توجاد الفطور ....فطرنا بجوج وعطيتو دواه وجا بغا يخرج وانا نقول ليه:فين غادي؟؟؟
بابا:للقهوة ابنتي...
انا:واش تسطيتي😠😠 عاد خارج من السبيطار وباغي تخرج...راه غنتقلق منك...
بابا:والقهوة شكون غيوقف عليهم؟؟؟
انا:نتا رجع ترتاح انا نمشي نطل على المعالمية ديالك ىاه حافظا خدمتك...
بقا كيشوف فيا شحال وانا نطق:بالا حتا عذر راه والله لخرجتي...
بابا:ههههه حلوفك بحال مك ههه
انا:هههه
كملت جميع الطبلة وعطيت لبابا الدوا ولبست سورفيط كري وخرجت نطل علل القهوة....دخلت ليه وكلشي دار كيشوف فيا...مشيت ديريكت عند دراري لي خدامين تما وعلمتهم ان بابا مريض مغيجيش...ويديرو خدمتهم بحال الى هو كاين...هزيت الفواتير لي كيخدم بابا حسبتهوم وراجعتهم...وتحاسبت مع لي شاد لا كيص..محسيت براسي حتا وصل الظهر...خرجت ومشي لادار...خليت للباب وانا نسمع الهضرة بزاااف...دخلت وهوما يبانو ليا خواتات فؤاد ومو ومرات باه حالسين فالصالة مع بابا...مشيت واخا مصدومى...سلمت عليهم ورحبت بيهم وعرفت بلي فؤاد لي قالها ليهم وجاو يديرو الصواب...
خالتي:وفاااء ميكون باس عند باباك...😊😊
انا:لهلا يوريك باس اخالتي
مرات باه:كنا بغينا نتعرفو عليك اسي العربي فضروف حسن من هادي ولكن مكتاب هاما
بابا:حتا هاكا مزيان هههه نتعارفو قبل ههه
ضحك كلشي على الخفة لي فيه وبقاو مجمعين بيناتهم...ستادذنت منهم نمشي للكوزينة...ويبي على حصلة مموجدا والو...باش غنبدا...تلفت اربي...عمرت اتاي وحطيتو مع حليوات وحطيتو ليهم...صونا الباب ونضت حليت لقيتو فؤاد فرحت ملي شفتو ...دخل مبتاسم كالعادة الابتسامة لي كتفرفرني هههه دخل معانا اللصالة وخليتهوم تما...ونضت على وعدي كنوجد الغدا...جمعت شعري ويدت فالطياب كنقاد ونحط...درت بسطيلة بالدجاج علماتها ليا ماما الله يرحمها..ودرت معاها عصائر مختلفة شي ساعتين وانا فالكوزينة غابرا...حتا وقفو عيا البنات كيشمو الريحة تلبسطيلة ويتبننو وقالت سلمى:الله على ريحة غزااالة...مالك غبرتي من المجمع؟؟
انا:ههههه كنوحد الغدا...ههه
لبنى:وراك حادكة مع راسك هههه 
انا:هههه ماما لي كانت كتعلمني
سلمى:وغتعلميني حتا انا...سعد كيموت على الاكلات التقليدية
لبنى:😏😏😏 ناس فاش وفاش والقرع فمشيط الراس ههه
انا:ربي واش نتوما نيت خواتات هههه
لبنى :عههههه اييه
سلمى:هي كتبقا تحبدني عهه
انا:اووووف كملت واخيرا...غنوجد الطبلة
لبنى:خليك نت ترتاحي...حنا نوجدوها ورينا فين كاين
انا:لا حبيبة نتوما ضيافي
لبنى:دابا نبربقك هههه حنا دابا عائلة وحدا 
انا:لهلا يخطيك اخبيبة...راه الطبلة لهيه
خرجو يوجدو الطبلة وانا كندريسي الماكلة...ومشيت لبتي بدلت حوايجي حيت توسخو بالتوجاد...خرجت ولقيتهوم فالطبلة...وادغيا ولفو بعضهم ومجمعين اما فؤاد قلبل فاش كيشارك...مقابل التليفون...بديت كنحط الغدا وعينين فؤاد مقابليني وحشمني محيدش عينيه عليا...خالتي:تبارك الله من ريحة باينا طيابك غزااال
سلمى:غتعلمني نطيب هههه
الحاحة:ههههه محال تتعلمي
انا:ربي يخليك اخالتي😍😍
يالاه جلست وهو يصوني لباب ومشيت نحل ولقيتها جيهان دازت فيا تاني هههه وكتقلب على بابا وكتقول:سي العربي واعمي...والحب فينك؟؟؟
دخلات للصالةلقات ملشي مجموع وكيضحكو عليها هههه وهي منسوقاش سلمات عليهم وجلسات معاهم كتاكل هههه مشيت جلست حدا فؤاد...وبديت كناكل وهو يقول فودني:طيابك غزاااال احبيبة
انا حشمني ولد اللدينة وحدرت راسي حتا نطقات سلمى:وفاااء مقلتيش لينا بلي فايتا مشدودة ونت عندك 11سنة ههه
انا هي قالتها وانا نبدا نكحب ونعاود 
انا":كح كح كح...(مد ليا فؤاد الما ..شربت)هااا😳😳 شكون قالها ليك؟؟؟(تلفت لبابا)ياك فرشتيني العربي
كلهم تيضحكو وانا منخس براسي تحطيت بوجهي حتا قال بابا:هههههه ومالي كدبت؟؟؟😂😂😉
جيهان:ههههه وبربي حتا نت ماشي نورمال...اواه شاقا للسيد راسو بجاجة...مالك هترتي؟؟😉😂😂😂
انا:(نسيت راسي وقلت ببراءة) وهو لي كيبقا تابعني وكيقول عنتزوج بيك ونبعدك على باباك
فؤاد طلق واحد الضحكة تسمعات فالدار كاملة وتبعوه الاخرين كيضحكو عليا هههه عارفا راسي كنت ضاسرة فصغري...وبابا لي لقاه كيعاود ليه على فعايبي...شيبتو فصغري ولا يطلب الشرع معايا...
خالتي:ههه😂😂😂من نيتك ابنيتي هههه
انا:ههههه كنت باقا صغيرة معرفاس اش كندير ههه
لبنى:واخا....والمرا لي زوقتيها فالحمام ونت عند 17 سنة حتا هي صغيرة ههههه

انا:(اويلي ابابا اذ درتي فرشتيني مع الناس باقي حتا مدرنا فالطاجين ميتحرق)هااا😳 حتا هي قالها ليكم 
فؤاد:وجهك هاداك ولا قفاك ههههه واصدقتي شاطا ماطا...
انا:الا راه هي....(تلفت)هي ضربات ماما بسطل لرجليها ومعتادراتش(دىت عند بابا مغوبشة فيه ببراءة) اكيد قلتي ليهم حتا على النجار لي خليت عشتو وطيرت ليه الجلدة😏😏
الكل:هههههه
كملنا الغدا فجو الضحك والمرح...حسيت اني لقيت عائلتي...كاع لي كنبغي مجموع وميضحك وبابا حالتو ولان شوي...فرحت بمجيتهوم...فوجو عليل وواحد سيدي فؤاد هي مقابلني...كيشوف فيا ويضحك ...وانا مراقباه بنص عين هههه
كملنا واستأذنو بغاو يمشي ولكن قبل قالو لبابا بلي سبت غيجيو يخطبو ويلبسو الخواتم...رحب بيهم وقال:مرحبا بيكم...راه غتديو ليا نوارتي هههه
خالتي:فرموشي نحطها كون هاني 😊😊
دار عند فؤاد وقال:نهار تقلقها نتخاصم معاك ههههه
خالتي:حربوش اقلقها والله حتا نعاود ليه الترابي ههه
فؤاد:في عينيا نحطها...كون هاني(شاف فيا)راها حبيبتي
انا جمدت فبلاصتي من هضرتو...اويلي ناس اندبو لتحت انا ندب لفوق....مكيحشمش مكيرمش...وبابا كمل عليه ضحك معاه ووصلهم حتال الباب وانا بقيت بعيدة سلمت عليهم...ومشاو ودخلت للدار وقلبي بغا يخرج من بلاصتو...كاع هادا زهر عندي كل اموري مقادا...فؤاد غيولي راحلي وغنعيش معاه فسعادة...جمعت الدار وعطبت لبابا دواه ومشا يتكا حتا ساليت ومشيت طليت عليع وقلت:ربي واش حشمتي ولا لا ؟؟؟مشوهمي مع الناس
بابا:ونت محشمتيش ملي كنت كتشوهي ليا وجهي مع عباد للله...ديما مضاربا وانا تابعك نفك ههه
انا:ههههه باقي عاقل ههه
بابا:عائلة فؤاد متواضعة بزاااف لي شافهوم ميقولش راهم من اغنياء العالم
انا:اع بزاااف...
بابا:الله يسر ليك معاه....وراه كيبغيك غيحطك فعبنيه
انا:ههههه عارفا

فقت هاد الصباح كعادتي فرحانة...كيف لا وانا نهار السبت غنتخطب لحب حياتي لراجل بمعنى الكلمة..فقت معولة نخرج اليوم نتقدا اشنو غتحتاح للخطبة...اليوم الخميس بقات لي يومين...نضت فطرت مع بابا عطيتو دواه وخرجت نطل على القهوة ونشوف اشنو طاري فيها...طليت عليها بقيت فيها ساعة كنراقب الخدمة وعباد للله حاضيني..جاتهم عجب مرا فوسط قهوة ديال الرجال...متسوقتش ليهم حيت خدمتي هاديك ...انا جبت بلاصت بابا...كملت شغلي وخرحت ديريكت للسوق...الائحة طويلة كاين بزاااف ميتقدا...بقيت فالسوق ساعتين...عييت تقديت بزاااف مقدرتش نهز كلشي وشديت طاكسي حتال الدار...دخلت لقيت بابا جالس كيشرب اتاي وكيقرا الجورنال ...سلمت عليه وتلاحت حداه عيانة:اووووف عييت
بابا:كيف غادا الامور فالقهوة؟؟؟
انا:مزيان والله...نتا بقا حتا ترتاح وسير راه صحابك كلشي كيسول عليك...مبغيتش نقول ليهم بلي نتا مريض غيتشوشو
بابا:حسن نيت...الا فراسهم بلي مريض غيتكبو كاملين علينا ونت بوحدك مغنلحقيش 
انا:ههههه كتفكر ههه..غنوض نوجد الغدا باش تشرب دواك...
بابا:واخا الزين ترباط ههه
بتاسمت ليه ومشيت نوجد ليه مياكل...وجدت ليه وتغدا وشرب دواه وانا بديت نقاد فالحلاوي المغربية الاصيلة...مبغيتش نجيبهم من الزنقة طالما انا كنعرف نفادهم...ماما كانت تريتورة عهه كانت كتولى كلشي وكنت كنعاونها حتا تعلمت للطياب والحلاوي....نسيت راسي وبقيت كنصايب حتا قاديت اربعة تشكال وغرقت فالكوزينة حتا تعاشات العشية وبابا معايا مونسني...صونا الباب ومشيت حليت لقيت لالة جيهان ...سلمات عليا ودخلات تبعاتني للكوزينة سلمات على بابا وقالت:😱😱 ياختي اش هاد الروينة؟؟؟
انا:هههه كنت كنقاد الحلوة لنهار السبت
جيهان:مالك متشريها من الزنقة؟؟؟
بابا:حتى متكنش بنت خديجة ههههه
انا:هههههه واييه...علاش غنشري وانا كنعرف نقادهم
جيهان:احيانا عليك ههه قولي بغيتي توكليهم من يديك ههه
بابا:هههههه كتعجبيني اجيهان كتجيبيها لاصقة 
جيهام:ههه معلوم ازين
كملت شغلي فالضحك والتقشاب معاهم...عاونوني فجموع باش منملش...حتا ساليت وتيلي ديالي صونا...هزيت لقيتو فؤااد..خرجت من الكوزينة ومشيت للصالة باش نعضر على خاطري...
انا:الو
فؤاد:حبيبتي؟؟؟
انا:لباس عليك☺☺
فؤاد:هههه بخير...سمحي لي معيطش ليك اليوم كنت مشغول بزاااف....ودابا بغيت نشوفك
انا:هااا...راه منقدرش..الليل قرب يطيح..
فؤاد:عهههه غياكلوك الناس...من هنا ساعة غنجي ندوز عندك...
انا:وبابا؟؟؟
فؤاد:خلي جيهان معاه ههه
انا:هااا...باش عرفتي جيهان هنا؟؟؟
فؤاد:(اربي اش قلت انا)باينة ههه
انا:واخا من هنا ساعة...
فؤاد:بالسلامة
قطعت معاه ومشيت عندهم وقلت ليهم بلي غنخرج نتقدا شي حاجة وطلبت من جيهان تبقا مع بابا...وافقات ومشيت لبست حوايجي بي عبارة عن سروال دجين وتيشورط فالبيض مزير عليا...وسبرديلة وهزيت شعري كعكة ...درت كلوس وخرجت...لقيت فؤاد قدام دارنا...طلعت معاه سلمت عليه بالوجه اكيد...السيدة زعمات ههه ومشينا بطوموبيل شحال وحنا مجمعين حتا وقفنا حدا واحد المنظر زوين...الغروب ومادراك مالغروب...
هبطنا من الطنوبيل كان منظر هائل...وقفت حداه شادا ليه فدراعو وكنتمنظرو ومجمعين حتا نطق:خصك تعرفي واحد الحاجة...نهار الاحد مسافر لامريكا 
انا:(بنظرة حزن)هااا...وعلاش؟؟؟😔
فؤاد:عندي خدمة تما...غنجلس سيمانة ونرجع على قبل العرس
انا:لا متقولهاش...غتخليني بوحدي😢😢
دوز يديه على كتفي معنقني وقال:كاع هادا حب فيك ههههه متخافيش غنبقا نهضر معاااك كل نهار ...والبنات كغيخليوكش بوحدك
انا:(خاشية راسي فحضنو)مممم
فؤاد:والله حتا برهوشة هههه
انا:وبراكا من الطنز...راه مناقسنيش😠😠
فؤاد:راه قلت ليك تعلمتي تخنزري هههه
مجاوبتوش وبقيت كنفكر فعاد السفر على غفلة ممريحنيش....حتا شفتو جبد من جيبو بيد وحدا كارو وشعلو..هزيت فيه راسي وقلت:باقي كتكميه؟؟؟
فؤاد:(كيتكيف ويرد الدخان لجنبو باش منشموش)اه
انا:اش قلنا عليه؟؟؟
فؤاد:ههن مقلنا والو
طلقت منو وبعدت مخنزرة حتا عاود حرني ليه وقال :كنكميه هي فاشكنكون فرحان ولا معصب..
انا:(بتحلوين)ودابا معصب ولا فرحان؟؟؟
فؤاد:هههه(بنظرة شريرة)كتجبديني اوفاء هكا ...فرحان ههه
حيدتو ليه من يديه وممناعش...متبعني بعينيه اش غندير...لحتو فالارض وعسفت عليه نطفيه وقلت ببراءة:ههه ايوا خليني حتا انا فرحانة
باس ليا راسي وقال:برب حتا هبيلة ههه
ضحكت ليه وقلت:مغتتطلش ياك؟؟؟
فؤاد:(كيلعب فشعري )ههههه لا..
سيمانة دغيا تدوز...
انا:واخا😔😔
فؤاد:مخرجتكش باش تقلقي....
انا:اوووف وصافي
بقينا ساكتين شحال وهو ينطق:غا قوليها غتوحشيني وصافي ههه
انا:(ضربتو لصدرو)هيهي هي جاب ليد لله...عاد غنتهنا من داك الحكام الزايد ديالك ععه
فؤاد:هههه...راه واخا نمشي عيني راه عليك...بربي ديري شي حاجة هكا ولا هكا...نرجع من تما نسلخك😠😠
انا:وناري دغيا كتقلب اووف...صافي فهمنا...بلاتي بلاتي نوريك(بعدت عليه وغوبشت بغيت نعيبو وقلت)احم احم...اش داك اللباس دليرا؟؟صدرك كلو كيبان؟؟

كاع دوك ....(مغنقولهاش) تشهاوك 😠😠...واش باغا تسطي دين مي ها...كثر ما انا حمق بيك(رجعت لوعي)كاع هادشؤ وكتكملها بتصرفيقة مكنعرفها منين جاتني 😠😠
فؤاد:😂😂😂😂😂😂😂😂😂😂😂 ناري خطر
انا:كنت بغيت نمثل ليك حتا العصا ولكن خفت نجيبها فعظامي😏😏
فؤاد:لا ديريها نيت خهههخ(جرني ليه وباسني فحنكي)والله حتا هبيلة ههه واكبري شوي
انا:ووحلت معاك...مرا كتقول ليا رجعي البنت الصغيورة لي عرفت ومرا كبري شوي ههن
فؤاد:ههههههه كوني صغيرة فاللبس وفداك الوجه والعقل كبري هنه
انا:(منفخة)مممم ومالي راه بعقلي ههه
فؤاد:ههههه باينا 
بقينا مجمعين حتا ظلام الحال وقلت ليه يوصلني وقبل مندخلو الاوطو جا عندي هز ليا راسي وباسني بوسة خفيفة ففمي وقال:غنتوحشك بزاااف
انا تزنكت...وزرب عليا محسيتش حتا اش وقع ...وبقيت كنبرق فعويانتي وندورهم فالارض...اما الوجه لي يشوف فيه مكاينش...هز ليا راسي وقال:غتشوفي فيا ولا نغتاصب مك هنا
انا يالاه كملها شفت فيه حيت والله حتا يديرها وزيد هاد للخلا وقلت:هااا😳 خلينا نمشيو..
طلعت ومزادش معايا الهضرة هي كيضحك عليا وبلوح ليا الهضرة كي كيقولو اللبنانيين بتسم البدن ههن حتا قربنا نوصلو وانا ندور عنقتو وهو سايق..حبس الطنوبيل بجهد ودار عندي عنقني ولقاني هبطت دوك للدميعات ههه وقلت:اهى اخئ😭😭😭😭 غنتوحشك 
فؤاد:هههه والله حتا كنت عارف غتديري مندبة فالاخر هههه وصافي براكا ههه
انا نبكي وهو ميت علي بالضحك ونطقت:شوف ولله ومتعود تهضر معايا كل نهار لداك الزواج لكمل😠😠
فؤاد:ههههههه واخا ندور ليك ولكن الغزالة العرس غيدار بموافقتك ولا بلاش...تزوجي بيا بسيف عليك ههه
انا:حلم حلم(بديت كنمسح دموعي)والله كون محبيتك لا ديتها فيك
فؤاد:ههههههه واخا
وصلني لادار ودخلت لقيت جيهان وبابا مقصرين لاعبين كارطة وكيضحكو ...ضحكت عليهم ومشيت جلست معاهم...نكمل حتا انا الطرح....وجدت ليهم العشا ووتعشينا وبابا خدا دواه ومشا ينعس وهو تنطق جيهان:وفاااء بغيت نطلبك واحد الطليبة
انا:ياربي تستر على هاد الطليبة هههه اش بغيتي؟؟.
جيهان:(حادرة راسها)انا مبقيتش غنعيش فدارنا...خليت ليهم كلشي وغنستقر بوحي
انا:هااا😳😳😳 وعلاش؟؟
جيهان:معرفتي كاع علاش...حيت انا زايد ناقص عندهم...دابا مردينش البال واش كاينا فالدار ولا لا..😢😢
وفاء:جيهان شوفي احبيبةراه غتسرعي
جيهان:لا مترعتش...انا حطيت الطنوبيل وكلشي وغنبدا من جديد...نهار يتفكروني غيسولو عليا..غنتقل لشي دار وحدا مرا
انا:مممم صراحة وضعك صعيب وانا حاسة بيم...
جيهان:وداكشي باش بغيت نطلبك نبقا معاكم هنا شي ايام بيدما نتخلص ونكري شي دار😔😔😔
انا:(بتمياق)نطلبك....انوضي تقاودي هادي راه داركم حتا نت...جلسي قداش بغيتي اولا عيشي هنا كاع...بابا غيفرح
ناضت عنقاتني وقالت وهي كتبكي:اهئ اهى كون غير كنت ختي...😭😭😫
انا بادلتها العناق وقلت:حنا راه خوت دايا ياك هههه
جيهان:(طلقات مني)اه خواتات...ومرت باك هههه
انا:😉😂😂😂 لي فيك مهناك ههههه
حيهان:راه هضرت مع عمي ووافق بالفرحة
انا:هههه بابا راك عزيزة عليه 
جيهان:ههههه عارفا
تعانقنا ونضنا نعسو...حيت فعلا انا عييت وبزاااف

#بعد يومين..
هاد النهار خطبتي ...دوزت هاد اليوماين كاملة فالتوجاد وحط منهنا وهز منهنا...جيهان عاوناتني بزاااف هاك المرة كثر من المرة لي فاتت حيت كتشوفني كنوجد فرحانة ...بابا تحسنات حالتو وبزز باش كنخليه يمشي للقهوة...فؤاد بيناتنا هي التيليفون ...كنبقاو مجمعين شحال...صدق رومانسي ولكن رومانسية حرشة هههه
فقت اليوم ناشطة وفرحانة...ولاول مرة لقيت جيهان فاقت قبل مني ووجدات الفطور...استغربت ...لبست فراشة فالبيض وجلست نفطر انا وبابا وجيهان وهي تقول:سربي خلاص...راه غنمشيو نشوفو القفطان لي غتلبسي...اه وراه غتمشي معانا حتا ختي...باش هي تبقا معاك ملي دوزي عند الكوافورة وانا نجي نكمب التوجاد..
عنقتها وقلت:يخليلي الحب لي كيفكر فيا😘😘
(سكينة:حبهان عندها ختها صغر منها من باباها...واحد الفترة والديها تفارقو وباباها تعرف على وحدة وحملات منو...وديك ساعة رجع لماما...ولدات بلا خبارو وملي ولدات جاتها ايموغاجي وماتت وبقات فعنق باباها...واخا ام جيهان رفضات فالاول ولكن تقبلات الوضع)
كملنا فطورنا وجمعات جيهان لماعن وخرجنا قاصدبن نفس المحل لي كريت من عندو المرة لي فاتت...بقينا كندورو شحال وجيهان شحفتها عاد ختاريت...قفطان مبيض منبت بالعقيق...خفيف وعاطي للعين...مرجعنا للدار حتال الوحدا...رتاحينا وتغدينا... ودخلاتني جيهان للدوش...فركت راسي مزيان...خرجت كنشعل والعوينات فرحانين وكيبريو...لقيت ختها جات رحبت بيها..وجلسنا كنشربو قهوة...حتا زصلات الربعة وخرجت مع خت جيهان للكوافورة...ناري وانتفاني وغوت ليها حتى عييت وشعري مبقيتش حاسا بيه...درت مشيطة زوينة خفيفة وخلات ليا ليا شعري خفيف...يالاه غتبدا وجهي وانا نقول ليها:شوفي عيني متحكريش عليهم
الكوافورة:علاش؟؟؟
انا:(فخاطري)والله حتا يتقبهم ليا
انا:هههه غي مبغيتش وصافي
محكراتش عليا وفهلا معمراتهومش ليا من الداخل دارت ريسيل خفيف...ومسكارا كثراتها وعكر خفيف وشفايفي واخدين وضع البوسة ههه(تحية لمي عز الدين ههه) كملات ليا...وخت جيهان سبقات للزنقة تشد ليا طاكسي باش نركب ديريكت...وفعلا شداتها ليا وركبت ودايرة شال على راسي اح والسر طايح عليا ههه...وصلت وهبطت تحت لنظار الجيران لي حاضيني وباغيين اجيبو خباري ههه...
دخلت للدار وتعرض ليا بابا كيضحك وكيقول:تبارك الله تبارك الله😍😍لولو لولو ههه
انا:هههههه ناري يا بابا متزيدش فيه
بابا:انااليوم فرحااان وبزاااف ...بنتي غتزوج وبراجل لي كتبغي...
جيهان:(زغرتات واحد مولاتي التزعريطة طيراتني من بلاصتي)واو على زين تشرفا هههه
انا:هههه صمكتيني يالحمقة ههه
جيهان ظاتني لبيتي وقالت :نت غتلبسي وغتبقاي هنا حتا نغيطو ليك ههه
انا:واخا اماما ههه
خرجات وخلاتني كنفرفر بالفرحة وكنضحك غي بوحدي...وكلشي هو هداك...لبست قفطاني وجلست كنتسنى قدري ههه والحشمة انا تزعطت فراسي هههه احساس فشكل انك تخطبي لي كتبغي...كتحسي ان كلشي مقاد والحياة زوينة(البنات لي تخطبو هوما لي غيحسو هكا)....بقيت جالسة ساهية حتا دخلات جيهان لابسة قفطان اسود خفيف وشعرها طلقاتو ودايرا ميكاب خفيف..تعجبت فين لبسات...قالت لي راه جاو وبدا قلبي كيزدح وكنترعد وتوترت..
جيهان:😂😂😂 مالكي كترعدي بوحدك؟؟
انا:سيري قاودي عليا لي فيا كافيني😠😠
جيهان:هههه وازيدي نت قودي قدامي راه بغاوك
انا:(متوترة)اش بغاوني؟؟؟
جيهان:ههههه ويلي رجوع الله....راه جاو يخطبو...يخ جاي معاهم داك البغل تأمين😠😠
انا:وفؤاد جا؟؟؟
جيهان:عهههههه😂😂😂😂😂 لا لا نن تشيرتي..ويلي راه هو العريس ههه زيدي زيدي...
خرجت معاها ورجلي كيترعدو...كنخطي خطوة وقلبي كيضرب على جهد..وصلت الصالة مهزيتش عيني كنسمع غي صوتهم كيقولو تبارك الله...اما واحد جيهان ميتة بالصحك وحابساهت...جلست حدا بابا ومهزيتش هيني حتا هضرات خالتي:الصلاة على نبي...غزالة يا بنيني😘😍😍
انا هزيت راسي نجاوبها...مع الهزة بان ليا حبيبي جالس ولابس واحد الكوستيم بلا كىافاط كيف العادة وحاط يديه على ركابيه وحلضيني فابتسامة غزل...انا حليت فيه فمي...محال واش انا غنتزوح بهاد الجمال كلو...بقينا شوف فيا نشوف فيك اطاجين الحوت ههه ونسينا راسنا...فعلا نسيت راسي فيه...هو حاضي عيني وانا حاضيله هو...كيف جالس وكيف كيشوف ..حتا حمحم بابا عاد وعيت وانا نجاوب خالتي :ها لهلا يخطيك
هزيت عيني نشوف شكون جا...لقبت سفيان خوه ومراتو لي هي مخنزرة ومعاجبها حال...ولبنى سلمى مبتاسمين وفرحلنين وحداهم جيهان...شفت فيها وبزقات ليا القحبة هههه حتا ضحكاتني...وكاينا حداهم مرات باباهم مبتاسمة ومقاداها فرحة...وصافي ههه هادشي لي كاين...
خالتي:سي العربي ...راه حنا باين غراضنا ....ولدي كيبغي بنتك وبغاها على سنة الله ورسوله
بابا:انا بنية وحدا لي عندي...وعارفاها باغاه منزيدكم هي الله يكمل بالخير
انا:(فخاطري)احححح لربي....هادا كلو سعد هههه نموت فيك ابابا دركتيني ههه
جيهان طلقات واحد التزغريطة ومبقاتش بغااات تتطلقها وسي امين فرعات ليه ودنيه وهي شادا الضدد..

بقاو الصلاة والسلام والزغاريت وجسهان جايبا الصينية وكتزغرت لامين فودنو هههه...حطاتها وانا استغربت ونطقالت مرا باه:بنتي راه مبغيناش نتعطلو...غنلبسوكم الخواتم ...فؤاد لي بغا هكا
هزيت فيه عيني حشمانة وغمزني وصيفط ليا بوسة....غرقني فحوايجي حشمت حتا وليت مطيشة...قربني بابا لحداه...ومدو لينا الصينية ...هز فؤاد الخاتم وحطو فيدي..تخت الزغاريد والابتسامة والفرحة...هزيت حتا انا خاتم وشديت يدو وضربني الضو(الحب هداك هه) وحطيت بيه الخاتم وهزيت فيه راسي وقربني ليه باس راسي بوسة حنينة زالابتسامة ممفارقاش وجوهنا...واللخرين كيصورو فينا...وحنا غايبين فعينين بعضنا...انا بعدا تقزدرت وليت كنشزف فيه بلا حشمة بلا حيا ههه...وبابا فرحان بيا...شربني هو الحليب وانا مبغاش يخيليني نشربو ليه...معندوش معاه والله مشربو هههه حدو كلا تمرة وباس ليا صباعي...
بقينا جالسين وهوما مجمعين وضاحكين...وانا هي كنشوف فيهم وساكتة التباثة دياا العريسات هههن...حتا ناض فؤااد بغا يهضر فالتيلي وخلانا جالسين ...قربو ليا البنات وقالت سلمى:وا مبرووووك...بحرا مناض من حداك نجمعو هي شوي ههه
لبنى:سيري اش بغات بيك نت حداها الحب خخمن
انا:هههههه عندها الصح
سلمى:وهانتي ليك على السلكوطة ضرباتها لينا بنكرة ههه 
لبنى:راه نت الى تزوجتي غتنكريني...ههه
بقينا مجمعين وفؤاد باقي مرجعش...وماماه هي حاضياني وتضحك...ومنال جايا بزز باينا فيها...اما سفيان مجمع هو وامين لي باينا طلع ليه الدم...انها جيهان ههه
هزيت كاس اتاي وعيني باقي مع البنات ومشفتش راسي حتا طاح عليا وبرقع ليا الفراشة...وكلهم ناضو عندي قول تضربت بالرصاص...كل واحد فين كيقلب حتا طمأنتهم بلي هي الفراشة اما رجلي مابيها والو...نضت من حداهم بغيت نبدل...دخلت لبيتي وانا ساخطة على الوضع يح...ملقات ايمتا توسخ....حيدتها وبقيت بدوبياس فالاسود ومشيت للماريو كنقلب على من لبس حتا سمعت الباب تالحمام لي فبيتي تحل...ضرت نشوف وانا نتصدم...فؤاااد اويلي ناري على حالة وهو واقف خاشي يديه فجيبو وكيتمنضر ومبتاسم باتشامة شريرة...بغا ياكلني بعينيه ...وانا مركت حيت عمرو شافني هكا...تلفت ومعرفت منقول حبدت ايزار بالخف من الماريو ولحتو عليا وحدرت راسي وقلت:عفااك خرج..☺☺
ضحك واحد الضحكة تهز القلب وتم غادي جيهت الباب وانا متبعاه بعيني حتا بغا يخرج وهو يقول:المؤهلات الجغرافية عندك مقادة هننن
خنزرت فيه وخرج ونزلت انا للارض كندب ونأنب راسي ويلي على شوهة شافني بدوبياس...ناري على زهر مكوز...بقيت هكاك مصدومة حتا جات جيهان تشوفني علاش تعطلت..نضت عندها بيزاري وقات:اهياتا اش كان فؤاد كيدير فبيتي؟؟؟
جيهان:لا غير بغا يدخل للحمام ولاخر عامر وجبتو لهنا
انا:اويلي على القحبة...خرجتي عليا تفووو😱😱😱
جيهان:ويلي مالك اش وقع؟؟؟
انا:هاااا لا لا وللو..حتال من بعد ونشرح ليك
جيهان:ايوا يالان راه حطيت العشا كيتسناوك
انا:هااا .....اه واخا
خرجات وبقيت انا كندب ونعاود هزيت قفطان حكل دبالي خفيف ولبستو وخرجت وكنتمنا تفنا الدنيا قبل منوصل عندهم ونلقا فؤاد وهو عرتو مغيدوزهاش...دخلت للصالة هزيت عيني اووف مكاينش..جلست حدا البنات ومتوترة وسولاتني خالتي:حبيبة ياكما تحرقت؟؟
انا:(كنجازب مرفوعة)هااا...اه...لا لا
منال:راه موقع والو هي كبرتو الموضوع
اول مرة تهضر ملي دخلات وقالتها كي السم...خنزرات فيها لبنى وسكتات انا تجاهلت الموضوع...ومعنديش العقل لي يفكر فهادشي عقلي كولو كع المنظر تقبيل...وتفرح فيا مزيان....ناري هاهو جاي مبتاسم بخبث وجلس حدايا ...مشفتش فيه حاضياه بنص عين وهو شد يدي وقال:تافقتو ايمتا العرس؟؟؟
بابا:هههه بشوية عليا حتا نوجد بنتي ههه
لبنى:خهههه اييه
مامات فؤاد:ههههه هي بغينا نديوها معانا خلاص
فؤاد:اصلا تعطلنا بزاااف...ثلاث سنين واه
انا:(فخاطري:الله يعطيك الحلاقم باغي يفرشني مع بابا )هااا...
بابا:واصبرتي ثلاث سنين تسنا ثلاثة سيمانات...ههه
فؤاد:مورا عرس ختي سلمة بسيمانة ههه
مرات باه(سميتعا)سميرة:ههههه زربان...اه مورا عرس سلمى ان شاء الله
بابا:ان شاء الله
انا مهضرتش...وليت زيزونة ههه وقرب ليا فؤاد وقال:فرحانة؟؟؟
انا:(بلا مندور هندو)وي هه
فؤاد:فصالتك غزالة😂😂😂
انا:(اويلي حاي...الله يغبر لبوك الشقف اش كتفكرني)الصمت
فؤاد:هههههه هي سكتي دابا من بعد ونتحاسبو
مبقيش هضرت ...حتا حطات جسهان العشا...وملشي طياكل وكيشكر فالطياب وانا كنجاوب حشمانة...سالينا العشا وناضو بغاو يمشيو..سلمنا عليهم...وصلت حتال حدا فؤاد وهو يجرني سلم عليا بوجهو وقال فودني:تهلاي فالمؤهلات هههه
زنكني ولد الحرام وطمرت...عاىلتو غادي نتشوه معاهم...سكت وهوما خرطو وحنا دخلنا للصالة انا تلاحت فوق السداري مهلوكة وحدايا جيهان...
انا:شوفي خلي الروينة حتال غدا ونجمعوها راه عيينل
جيهان:وي واخا
بابا:انا غنشرب دوايا ونعس...وفاااء ابنتي مبروووك عليك...ازين ترباط 
انا:ههههه الله يبارك فيك احبيبي
جيهان:لعقبا ليك اعمي ههه
بابا:هننن انا وياك ازين هههه
انا تفرشت عليهم بالضحك....

احلى شعور...تفيق وتلقا خاتم فصبعك ديال شخص ليكتبغي...كتحس براسك ملكتي العالم...خاتم فصبعي كيربطني بفؤاد خلاني نبدا نهاري مبتاسمة وفرحانة...
خرحت من الدار باش نمشي نودع فؤاد لي غيمشي لامريكا اليوم بعدما خبرت بابا...وجيهان خليتها خامرة...اليوم الاحد....وصلني الطاكسي لحدا فيلتهم..دخلوني الكارد ولقيت خالتي تما...رحبات بيا وقالت:مرحبا بلالة وفاء...مرحبا بيك ابنيتي😍😍😍
انا:ترحب بيك الجنة اخالتي ☺☺
خالتي:باقي مهداك الله تقولي لي ماما عهه
انا صدناتني وفرحاتني ومقدرتش نهضر وقالت هي:بالفرحات عليا نعيط ليك ماما اهئ اهئ😭😭
ايوا وطلقت دموعي وعنقتها وهي كتبرد فيا مسكينة وتقولي بنتي...انا توخشت ماما دامشي باش درت هكاك...بقيت معنقاها حتا شبعت...عاد بعدت عليها ومسحات ليا دموعي وقالن:حبيبتي نت...بالفرحات عليا تولي نت ثالثة فبناتي😍😍
بستها وقلت:ههههه غنكون بنت مطيعة
ماما:ههههه من داكشي لي سمعت داك نهار باينا مشاغبة 
انا:عههههه شوية
ماما:هههه حتا حد مكامل هههه وحتا سميرة عيطي ليها ماما....
انا:اكيد....حتا هي عزيزة عليا..
ماما:ياله زيدي دخلي وجلسي معايا...
انا:ياكما فؤاد مشا؟؟؟؟
ماما:فين مشا؟؟؟؟ 
انا:سافر 😱😱😱 ومودعنيش اهى اهى
ماما:ههععهه والله حتا فؤاد عندو الحق ملي قال عليك بكايا ونية هههههه ممشاش راع الفوق فبيتو
انا:هااا....الحمد لله كون مشا وللله حتا ن...
قاطعني صوتو :ن..اش هههه
درت عندو اح ولقيتو هابط من الدروج منكر كيف العادة...لابس تيسورط اسود وسروال ظيال السورفيت اسود وشعرو فازم...اح اربي الى محبيت هادا شكون نحب ههه...جا لعندنا وعنقني من عنقي وشعرو فازك قاسني فحنكي مع هو طويل كيتحنا لعندي...وباسني فحنكي وقال:اش غديري ههه؟؟؟
انا الله يرحمني...دوخني بهضرتو وبوستو وتعنيقتو ومشيتو...وريحتو وحبو ...صافي هدا جهدي عليه مجاوبتش وخليتو يهضر...
ماما:ههههه وانية بزاااف ودغيا كتدمع هه
فؤاد:هضرة جوج كنهضر معاها كتدمع عليا هههه
انا:(مغوبشة فبراءة)ممممم حتا تكون كتهضر بفمك بعدا 
فؤاد:هههه نت لي لحمك كياكلك
ماما جراتني من عندو وقالت:والله وتحط عليها باقي يدك حتا نعاود ليك ترابي...جالس عام كي الهبيل كتقلب عليها ودابا باغي تزوقها...خليتي فيها الاتراس لحد الان
انا:الصمت وحابسة ضحكة جاب ليه الله لي يفرجني فيه ههه
فؤاد:(هاز حاجب)وايلي على الاتراس...ميمكنش!!
انا:ميمكنش باز😏😏😏 نهار ضربتني فالشركة(بتحلوين وبراءة) زوقتيني 
فؤاد:😳😳😳
ماما:اييه ههه ولكن هبيلة وباغك...عطيتيها قتلة تلعصا وقبلات بيك ههه
فؤاد:(خنزر)جرني ليه وقال:الوالدة مغضايفيش عروستك؟؟؟
ماما:ويلي نشيت....ومشات...شاف فيا وقال؛واش بصح باقي فيك الاطراس؟؟؟
انا:صافي نسا داكشي فات... ☺
فؤاد:(مخنزر)واجاوبيني😠😠
انا:(دورت وجهي ورديتو عندو )اوووف اه...فرجلي فاش طحت بالطالون...وشي بلايص ففخاضي...😔😔
فؤاد طلع ليه الظم بالبيان ومكرهش يخنق راسو...تعصب وانا نقرب ليه وشديت فيدو:فؤاااد داكشي فات حنا ولاد اليوم ياك☺
مدارش لجيهتي...كيبانو ليا غي حجبانو معقودين وكيعض شفايفو بالعصب وانا ندور وجهو عندي وقلت:وا فؤاد...وباراكا صافي
فؤاد:انا مكنسواش....😠😠
انا:لا نتا حبيبي(حطيت يدو على لحيتو) وكتسوا عندي الدنيا وشامحت ليك شحال هادي على العصا...
فؤاد:واش بصح راك مسامحاني؟؟
انا:عهههه اه ...(زعمت)حبيبي انت😍😍
جرني ليه عنقني او بالاحرى خنقني فيه...حسيت بعضامي كيتسمعو طراق...حتا جات مرات باه وقالت:هكاك على الخب هههه
طلقت منو وحدرت راسي ومشيت سلمت عليها وقالت:مرحبا ببنيتي عندنا😊😊
انا:لهلا يخطيك اخالتي
فؤاد:خالتي مالقيتي ايمنا تجي هههه
خالتي:الله يقل حياك الماسخ...حفيظة(ماماه) اجي شوفي خاد المقزدر بغا يتعدا على البنت ههه
انا:😳😳😳
فؤاد:ههههه😂😂😂😂 هكاك هههه طيحتي عليا الباطل وايوا خليني بعدا هي نتعدا عليها ههه منتسماش متهوم هي هكاك 😂
انا:😳😳😳😳
خالتي:ههههه الله يمسخك اوليدي...بحالك بحال باك سلعة ناقصة ههه
فؤاد:(خاشي يديه فجيبو)ههههه كان مطور ضارب ثلاثة تزويجات واقلة غندير بحالو هههه
انا:غوبشت وقلت:والله لكانت ليك😠😠
فؤاد:ههههه انا حبيت مرة وحدا ههن
حشمني المسخوط تاني هههه جات ماما وحطات ضيافتها ورحبو بيا ...وفؤاد مشا يوجد راسو للسفر حتا خبط وطلعو الكارد اهبطو شوانطو جا عندنا وسلم هلى ماماه وعلى خالتو ووصل لعندي باسني فحناكي وقال:خليوني معاها ههه حبيبتي كتحشم قدام الناس..
ضحكني واها مفياش...مشاو هوما وانا نقول:غتبقا تعيط لي...ياك😔😔
فؤاد:ههههه اكيد...شوفي قبل منمشي اللبس مزير ممنوع..الماكياج لا...الجماعة مع شي زامل نقتل مك...
انا:يخ هادي هي بسلامة هندك😠😠😠
ضحك وقال:لا هي هادي..وجرني ليه طار علىيا ببوسة نساتني فكلشس...كيبرد حرو فدوك الشفايف...لاصقني معاه كثر...وبقا كيجبد ويبوس حتا بعدتو عليا وقلت:ناري على قلة الادب فيك يخ
فؤاد:(مجاوبش عاود جرتي )كيبوس وممسوقش وانا تبنجت معاه...حركاتو الرجولية لي كتسالي معايا...كيبوس ويجبد ومغدد هههه حتا طيب ليا شفايفي ووليت حتا انا منساجمة معاه شادا ليه فوجهو ومخلياه ادير مبغا هعهه
وقف هو وباس راسي:الى بقيت هنا غنتعدا عليك هههه....خليني نمشي
انا:☺☺
خرجت معاه حدا الباب ...رجع باستي فحنكي وودع مواتو ومشا...بقيت متبعاه حتا مشا...

مشا فؤاد وقلبي متبعو حتا غبر ورجعت للفيلا انا وماما وخالتي...وقلبي متحسر حسين بالمغرب كلو ولا مضيق عليا بلا بيه....مكنتصورش حياتي بلابيه...
دخلنا وبقيت مجمعة معاهم شوي واخا راني مرفوعة..دخلات سلمى ضاحكة وقالت:نت هنا هههه
انا:صباح الخير الحب ههه
باستني وقالت:صباح النور...مشا فؤاد؟؟؟
انا:(بنبرة حزن)اه
سلمى(كتعيبني)اه هههه...متخافيش راه سبمانة وغيرجع...الحمد لله ملي مشا...
ليعاتها ماما وقالت:باش تلقاي راحتك ياك...الى هو مشا انا راخ هنا...ها ولا هاه نوضلها ليه ههه
انا:ههههه...واش مزيرك بزاااف ؟؟؟
سلمى:هههه لا غي انا كيخاف عليا بزاااف حيت انا صغيورة
خالتي:على فم الضبع...ههههه راك قدك قد لينى 27 سنة
ماما:ههههههه والله حتا خبيلة...بقا ليها شوي وتزوج ومازال زايدا فهبالها
سلمى:اي بدكر العرس...وفاءنت لي غتعاونني نوجد لعرسي عفااااك
انا:ههههه كتقطعي في القلب هههه واخا...فين وصلتي؟؟
سلمى:فوالو ههه
انا:😱😱😱هاويلي هلى البهلة...ثلاثة السيمانان ومموجدا والو...
ماما:هعهه لا راه غتشري كلشي موجود...والعرس غيتكلفو بيه الناس تاالتنظيم
انا:اه...والحوايج خضك من دابا تبداي تشريهم...اتا نعوانك
سلمى:يس 😍😍😍كنت عارفاك غتعاونيني...
انا:هههه حمقة والله...يالاه نخليكم دابا...خصني نمشي
خالتي:جلسي ابنتي شوي
انا:والله مكرهت اخالتي ...ولكن خليت بابا بوحدو وخصني نبقا حداه
ماما:واخا احبيبتي...شيفور يوصلك😊😊
انا:لا مكاين لاش...غنشد طاكسي
خالتي:لا بنيتي الشيفور غيوصلك..راه وصاه فؤاد
انا:صافي واخا...
سلمى:متغبريش ههه
بستهم ومشيت...ركبت مع الشيفور ووصلني للدار،وانا فبالي غي فؤاد...وصلت ويالاه دخلت وملقيتش بابا يمكن اكون مشا القهوة...بدلت حوايجي وجلست كنجمع الدار حتا صونا شي حد فالباب..حليت وانا نلقاه بابات كريم وماماه...تصدمت ولكن حاولت منبينش ليهم..بتاسمت وقلت:عمي مرحبا بيك...دخل
بتاسمو ليا ودخلتهم للصالة...قال:لباس عليك اوفاء؟؟
انا:الحمد لله اعمي ونتا لباس عليك؟؟
عمي:بخير...مكاينش باباك؟؟؟سمعناه مريض 
انت:اه كان مريض دابا ولا شوي ...وراه خرج للقهة...خالتي لباس عليك؟؟؟
هزات فيا عينيها بتعفار وقالت:لباس😏😏
مديتهاش فيها ...وقلت:انا غنتصل ببابا يجي..
عمي:لا لا مكاين لاش...حنا جينا نين نهضرو معااك نت
انا:(باستغراب)الله يسمعنا خير
خالة:جينا بغينا نعرفو علاش تفرقت مع كريم؟؟😠😠 كامل مكمول..خليتبه حتا بغاك وخليتيه
عمي نغزها زعما تسكت وهو ينطق:بغينا هي نعرفو السبب..باش الى كان ميتصلح نصلحوه..
انا:عمي انا وكريم مفارقين اربع شهور هادي...
عمي:😳😳😳 هاااا ...
خالة:مالكي كتكدبي ؟؟يالاه يوماين هادي باش تخاصمتو!!😠😠
انا:واش من نيتك اخالتي ...انا من نهار مرضت تفارقت مع ولدك..حيت منفاهمناش...
خالة:وملي تفارقت معاه لاش باقا لابسة خاتمو؟؟😠😠
انا:(هزيت يدي وريتها ليها)واش هدا هو الخاتم لي جاب ليا ولدك...هادا خاتم ديال خطوبتي لي هي البارح درتها...وولدك راه كذب عليك ...انا وياه فسخنا هاد الخطوبة مبي كنت مريضة..
عمي:ولكن ابنتي ماشي هادشي لي قال لينا كريم...
انا:راه هي كذب عليكم..انا وياه سالينا
وقفات مو وهي تقول:اصلا ولدي مزيان ملي خلاك...نت دغيا نسيتيه وبدلتيه بواحد اخر...😠😠ولكن هادو هوما فعايلك بحالك بحال مك..
انا تعصبت ونضت وقفت وقلن ليها:اولا ولدك عمري بغيتو وعمري غنبغيه...ثانيا ماما بزااف عليك هي على الاقل مكانتش كتدوي فالميتين وهي حية😠😠😠 ودابا غتنوضي تخرجي عليا من دارنا😡😡
خالة:ههههه داركم وماماك...ضحكتيني...ياكما تيقت بلي راك نت بنتهم...كلشي عارف انك بنت مينة من الزنقة...سي العربي رباك وظار فيك خير ولكن نت مفيك خير...الحاجة لي متشبه مولاها حرام..بحالك بحال مك...من راجل لاخر...لعبتي على ولدي ودابا كتلعبي على فؤاد...درت فيك خير وقلت نخطبك لولدي ساعا نت باينا تابعا غي الفلوس 😠😠
انا تعصبت وليت كلي كنغزل هي بوحدي والعصب غيطيحني خنزرت فيها وقلت :خرجي براااةا....برااااا(بالغوات)قلت ليك براااا برااا(وكندفع فيها)برااا...خرجي فحالك الحيوانة براااا
خرجتهم وسديت الباب وطحت الارض كنبكي ونضرب فراسي بالفقسة...كلشي كيفكرني فماما..بقيت كنبكي ونهرس لي قدامي وغواتي واصل لفين وفين...حتا بداو الناس كيدقو عليا فالباب وانا مواعياش اش كندير...كنضرب فىاسي مع الحيط ونغوت وكلامها كينعاود فراسي...حتا تحل الباب زدخل بابا ومعاه جيران عيطو ليه جا بغا يشدني وانا نتتر ليه وكنضرب فلي جا قدامي...عارفا راسي عندي العصب وعصب خايب...وبابا كيحاول يشدني هو وجيران وانا كنتنتر منهم حتا غيبت ومبفيت عاقلة على والو...

حليت عيني والضبابة قدامي...عاودت سظيتهم...ضرني الشعا ديال الضو...حليتهم تاني وضحات ليا الصورة ...راسي كيدرني بزاااف..تفكرت اش وقع وانا تبدا كنبكي فصمت ..وهضرتها متعاود فودني وانا منزيد فوثيرة البكا وكنتخصص ونهرنن حتا بديت بالغوات :لا اااااااغ لاااااا انا ماشي بنت الزنقة😭😭😭😭...دخلو الاطباء طيجريو ...بغاو يشدوني وانا كنتتر من السىير...وكنقول:لاااااا انا ماشي بنت الحرام اهى اخئ...شدوني بغاو يضربو ليا شوكة ولكن واحد الصوت مخلاهومش...كان فؤاد:وياااك...تضرب ليها شي حاجة...راه غتحمقها😠😠😠
انا محبستش من الغوات والهضرة والضرب فراسي حتا شدني فؤاد من يدي جمعهوم ليا وانا كنتتر ليه ونبكي وكلمة وحدة منقول انا ماشي بنت الزنقة...بقيت كنغوت وهو شادني حاكمني معاه ممخلينيش نتخرك وصوتي بح بالغوات بحال الى كيصرعوني...هو عينيه حمرين ومعصب ولكن شاد معايا الخاطر...حتا بديت كنضرب فيه ونبعدو عليا ولكن مزيرني وخاشيني فيه...الاطباء خرجو وانا بقيت كنجدب فبلاصتي بوحظي حتا تهديت وترخاو عليا عظامي ...بقيت مخشية فيه وكنبكي بالشهقة وهو معنقني وساكت...يديه كدوز على ضهري...وانا مرفوعة مكنحسش بيع...منشوف قدامي ومدايرا حتا ردة فعل..هي كنشوف وساهيا ومعرفاش فاش وفمي كيتىعد وكنقول :انا ماشي بنت الزنقة اهئ اهئ
فؤاد معنقني وساكت...حتا تهدنت وبداو عيني كيغفاو وحسيت براسي ترخيت وغمضت عيني ونعست...
####عند فؤاد
مشا من فيلتو قاصد المطار...ركب فالطيارة ديالو ومشا لامريكا...وصل الاوتيل وبدل حوايجو وعوال يقضي الغرض علاش جاي لي من بعد وتعرفوه...حتا وصلو اتصال من سلمى ختو كتقولو فيه بلي وفااء فالسبيطار...ترفع مبقاش عارف اش يدير عاد الصباح خلاها صحيحة...خرج ديك الساعة ودار اتصالاتو ووجدو ليه الطيارة ورجع فالبلاصة واعصابو كيغليو وكيفور هي بوحدو...موصلات الطيارة حتا بغا بتفرمع....هبط خدا طونوبيل ديالو وكسيرا كان الليل...موقف فحتا شي بلاصى حتال الكلينيك....سول عليها وطلع الفوق...لقا باها شاد راسو ودموعو فعينيه وجسهان كترعد بالبكا ولبنى وسلمى واقفين كيبكيو على حالتها سولهم بالغوات:فينها؟؟؟اش وقع ليها؟؟
مجاوبو حتا حد وهو يصعر وضرب كرسي حداه وقال معصب بالغوات:فيناهيا؟؟؟
نعتات ليه سلمى بصبعها للغرفة...دخل صاعر...كتبان ليه ناعسة على سرير زصفرة الدم مقطوع منها...والاكسجين فنيفها والالات دايرين بيها ويديها رابطينهوم مع السرير ونفس بحال الى مقطوعة فيها...قرب ليها وباس راسها لقاها باردة بحال الى ميتة سول الطبيب لي حداه بلا ميشوف فيه:مالها؟؟؟
الطبيب:نتا راجلها؟؟؟؟
فؤاد بداك العصب لي فيه والغضب دار عندو شنق عليه وقال معصب من تحت سنانو:سولتك مالها؟؟؟😠😠😠 جاوبني ولا ندفن مك هنا
الطبيب:(كيحاول يتنتر منو)كالم اسيدي....راه جاها انهيار عصبي مشات تموت...
فؤاد سمع مشات تموت وهو يعطيه بونية حتا طاح وخرج كيجري وهو رجع لعمدها كيشوف فيها وهي مكتحس بوالو...باس راسها فاسى وخرج لعندهم معصب وقال:شطون دار فيها هكا؟؟؟😠
مجاوبو حد وهو يقول بواحد الصوت كيزعزع:واهضرو الحبس😡😡
نطقات جيهان برعدة :اهئ اهئ معرفناش....جينا لقينهاها كتغوت فالدار وكتضرب فىاسها وكتقول(وزادت فوثيرة البكا)انا ماشي بنت الزنقة اهى اهى😭😭
فؤاد ضرب يدو مع الحيط وقال:مرض...
وجه السؤال لباها:واش كنت معاها فالدار؟؟؟
سكت شحال وهو ينوض وقال:الى كنت بصح كتبغي بنتي رد ليها حقها من لي ردوهها هكا😢 
فؤاد:غير قولي اش طرا ليها؟؟؟
بابا:انل عيطولب الجبران حيت سمعو الغوات فالدار...(وبدا كبكي) بنتي ماشي بنت الزنقة عندها باها...
جات جيهان عنقاتو وداتو جلساتو على كرسي حتا سخف ليها...ناضت كتغوت حتا جاو الممرضات وهزوه معاهم دخلوه لبيت وعطاوه مهدئ وخلاوه...وواحد البركان هايج كان خرج كيسوق بجهد ومعصب وهدفو يوصل للحي ديالهم...تبعوه الكارد حيت واخا يوقع لي يوقع مخصهومش افرقوه...دخلو للحي هاجمين وكلشي كيشوف...نزل كي الاعصار...عيط لواحد من الكارد وقال:خرج ليا كلشي من دارو😠😠
وفعلا بداو كيدقو على ديور وكلشي خرج...توجه فؤاد عند واحد المرا دارها ملاصقة مع دار وفاء وقال:واش كنت قبيل فاش كانت وفاء متغوت؟؟؟
المرا:(بارعدة)هااا ...اه كنت
فؤاد:وعلاش غوتات؟؟؟
المرا:وانا باش غنعرف
فؤاد:بالغوات مجا عندها حد
المرا تخلعات وبدات تترعد وقالت :زاروها شي ناس
فؤاد:شكون؟؟؟؟😡😡
المرا:دوك....دوك لي كانو خاطبينها لولدهم
فؤاد زاد تعصب وعينيه خرجو ولا كيفور عاود الضورا ومشا للطنوبيل دبالو كسيرا خلا من وراه هي العجاجة...وتبعوه الكارد خلاو الناس كاملين كيهشرو وكل واحد واش كيفسر....
فؤاد مبقا كيشوف قدامو والو ...غي كريم وواليديه قدامو...عفطة وحدا حتال دار واليديخ...فرع الباب بسلاحو ودخل وتبعوه الكارد لقا كريم جالس مع مو وباه وكيضحكو نيش عليه لرجليه برصاص حتا غوت كريم هو ومو دقا وحدا...شنق عليع وقال:دوي هادي هي الرجلة يا زامل مصيفك والديك ليها هااا....اش قلتي ليه؟؟؟

هضر ازامل😡😡😡
كريم معرف باش تبلى ومو كتغوت حيت ضربو وباه كيحاول تفكو ولكن الكارد شادينو...كريم ولا كلو دم...وكيقول بخوف:ع..عل...عل من كتهضر؟؟؟
عطاه فؤاد براسو حتا ىعف وقال:حدرتك وقلت ليك وفاااء لا...لااااا...درت بحساب الصحبة ونتا مسمعتنيش😠😠😠 القحبة تمك باغي تصفيها بيها...
مو:واعباد الله عتقو الروح....اويلي غيقتل ليا ولدي ...واطلق منو بحالك بحالها...ولاد الزنقة...
هنا فؤاد فهم بلي هي مولات الهضرة وجه ليها سلاحو وقال في غضب :يعني نت مولاتها ياك؟؟؟😡😡😡...اش بينك وبينها؟؟؟
مو بدات مترعد وتغزل وهي نقول:شوف اوليدي لمشاكل ماشي هكا كيتحلو ....حلس نتفاهمو...
قرب منها مخصر سيفتو وكون مجاتش مرا كون قتلها فبلاصتها...وقال:نتفاهكو ياك...😠😠 غنتفاهمو ولكن بطريقتي...(دور سلاحو جيهت كريم ووجه ليه ضربة لرجليه بالرصاص وطاح فالبلاصة) دابا هزي ولدك وداويه وعمرك تفكري تزوحيه...ووفاء نهار نسمعك طفت بساحتها منحسبش ربي واش خلقك😠😠(قالها بواحد الرعب كون بقات وفاء قدامو كون بالت فسروالها)
خشا سلاحو لور والغضب باقي فيه...جاتو مرا اما كون قتلها...ودار عند كريم عطاه دقة لكرشو وقال:لمرة جايا فكر مزيام قبل متقيس حاجة الكلاوي متا ومك😡😡
وخرج وخلاخم من وراه كيترعدو بالخوف ....الام طاحت على ولدها كتبكي وتغوت وهو كيتوجع...رجليه مقادرش احركهوم وكيبكي من الالم...اما باه فكيعيط الاسعاف...
كسيرا فؤاد ونار لي فقلبو باقي مبرداتش...حتا حاجة متقدر تطفي النار لي فقلبو ولا تمحي الصورة ديالها وهي ناعسة خاصها هي يغسلوها ويدفنوها...رجع لسبيطار وداخل بنفس الهئىة الغضب وحجبانو عاقدهوم...لقاهم تما وقال:كي بقات؟؟؟
جاوباتو جيهان:😭😭😭 اهئ اهى عاد فاقت وغوتات حتا بغات تسطا وضربو ليها شوكة وتهدنات اهئ اهى عمري شفتها هاما...
فؤاد بلا ميشعر عنقها وقال:صافي غتبرا...راه ندمتهم
بقات جيهان كتبكي حتا تهدنات ودخل هو عندها لقاها بخال كي خلاها...مهلوكة وكتنفس بصعوبة...وصلات فيه العظم قرب ليها لقا يديها باقي مربوطين ومجروحين ودايرين ليهم الفاصمة باس راسها وقال:صافي البرهوشة باغا تخليني
كيقولها وكل كلمة كتخرج كي الخنجر من قلبو...بقا عندها شحال كيتأملها وهو يخرج ولقا باها برا قرب ليه وجلس حداه وقال بلا ميشوف فيه:راه ندمتهم...
الاب:الله يرضي عليك اولدي...بنتي عندها هي نتا من بعدي
دارت جيهان عندو ودموعها هابطين ...وهو يقول:كلشي غيتصلح...انا غنديها معايا للدار مغنخليهاش ترجع لتما غتأزم كثر...حتا نت غتمشي معانا
الاب:(تنهد)خصها هي تفيق ولي بغات نديرو ليها
فؤاد ظار شاف فجيهان وقال:جيهان دي عمي وسيرو للدار
الاب:لا غنبقا هنا حتا تفيق بنتي😢😢
جيهان:حتا انا مغنمشيش من هنا حتا تفيق صاحبتب😔😔
فؤاد:معندنا باش نفيدوها...دي عمي راه مريض خاصو يرتاح...
ملقات باش تجاوبو وهي تنوض عمي وشدات ف السي العربي وخرجات معاه وبجوجهم قلبهم كيتحسر عليها وعلى حالتها....
مشاو وبقا فؤاد كيشوف فيها من الزاج ومخنزر هي بوحدو...معصب ومتحسر عليها....
##### بعد اسبوع
وفاء كتفيق بزاااف وكتغوط ومعاقلاش لمدة اسبوع وهي كلمة وحدا على فمها انا ماشي بنت الزنقة...ومل مرا كيعطيوها مهدئ وكتنعس...حتا ولاو فاقدين الامل من انها ترجع كيف كانت...وفؤاد وعائلتو كل نهار عندها اما باباها فراه عيا ولا شاد الفراش حداها ...بفقسة انها مريضة تحسر وزاد مرض...فؤاد معاها 24/24 مكيفارقهاش كيتستاها تفيق...واحد الصباح فاقت ونفس الشيء كتغوط وتنحر...وتضرب فراسها حتا دخلو الاطباء بغاو يضربو ليها الابرة مخلاهومش فؤاد وخرجو وبقا معاها هي كتجنن وتنتف وتغوت وهو مزيرها حتا تهدات وصوتها بح...وطاحت دودة نعسات على صدرو وهو كيطبطب عليها...كيشوفها كل مرا كتهدئ هي بالمهدئات وقرر انه يكالميها هو...نعسات فيديه وخرج من عندها لقاهم كلشي تمل...بقاو ساكتين كيشوفو فبعضهم حتا نطق فؤاد:غي غتخرج غنتزوج بيها...
الاب:داكشي لي خصو يوقع
بقاو شحال كيطلو عليها حتا شافوها من الزاج فاقت وكتبرق فعينيها فالسقف...ومظايرا حتا ردة فعل بغا فؤاد يدخل عندها وهي تحبسو مو وقالت:خليني انا ندخل عندها
مهضرش معاها وخلاها تدخل....دخلات وقربات ليهاوهي مدايرة حتا ردة فعل غي كتشوف وصافي...باست راسها وبتاسمات وقالت:حبيبةت ديال ماماها كيف بقات؟؟
وفاء بدات كتبكي فصمت ...وبغات تنوض ولكن يديها مشدودين شافت فيا ماماه وقالت:بغيتي تنوضي؟؟؟
اومأت ليها براسها باه وعاودات قالت ماماه:وايلا غوتت؟؟؟
كمشات وفاء عينيها بمعنى لا...خرحات هي وقالتها ليهم ودخلو كاملين عندها مع الطبيب كيسولها وهي مكتجازبش...حل ليها يديها وكيتسناو ردة فعلها بضمت...هي حلو يديها وهي تلاح على مامات فؤاد معنقاها وكتبكي وتتنخصص...ولاخرى كتطبطب عليها فصمت وتبكي وتقول:صافي ابنتي😢...بقات كتبمي شحال وكلهم مراقبينها وفؤاد مخنزر بقات فيه بزاااف وجيهان كتشوف فيها بالبكا وتشهق وهي معنقا مو وتبكي فصمت...شحال عاد تلقات منها وجمعات يديه

وجمعات يديها عندها ومتبكي فصمت وقلوبهم كاملين مقطعين عليها...حتا قرب ليها باها وحط راسها على صدرو وقال:شوووو احبيبتي
هي عنقاتو وبقات كتبكي وتقول:اهى اهئ انا 😭😭😭ماشب بنت الزنقة انا بنتك نتا اهئ
بقا الاب كيطبطب عليها حتا تهدنات وفؤاد مراقبها في صمت ومعضب مبغاش اشوفها هكاك...تهدنات وحطها فالسرير...تكات وعينيها باقي هوادين بالدموع...غمضات عينيها وحولات تستسلم للنوم واخا شبعاتو...خرجو كاملين خلاوها ترتاح الا فؤاد بقا واقف فبلاصتو ميشوف فيها ناعسا وملامحها عيانين ولكن كيقول مزيان ملي هضرات وخرجات داكشي لي فقلبها...بقا شحال كيشوف فيا ...جهد شي ساعة حتا بانت ليه كتحرك قرب حداها وحلات عينيها بطفولية بحال شي بيبي الى فاق فالصباح من النعاس وهو متأملها بواحد الحب والفرحة واغا مغوبش...حتا نطقات:بغيت نشرب
دور راسو لجيهة الما...جابو عونها تجلس وهي شادا ليه فالقاميجة من صدرو بحال شي بنت صغيورة...كتشرب بلا توقف...كانت عطشانة..كملات كاس وقال:باقي بغيت..
متلقاتش منو وهو كيكب ليها الما بيد وحدا مد ليها الكاس وجغماتو فمرة...وهي تنهد تنهيدة العيا...وعطاتو الكاس حطو بلاصتو ورجع كيشوف فيها وهي حالا عينيها فيه كتشوف فيه ببراءة...حتا قرب ليها باس راسها وقال:كنبغيك
باقي مهزش راسو عليها شدات ليه فالكول تلقاميجة وقالت بصوت مبحوح :بقا معايا
هز راسو وشاف فيها بابتسامة وقال:ديري ليا بلاصة 
كحزات وظارت ليه بلاصة وهو يتلاح حداها...دوز حطها على صدرو وهي شادا ليه فقميجتو بحال الى غيهرب ونعسات ويديه على شعرها وهو كيخمم فيها وكيقلب على شي طريقة باش ترجع كيف كانت...حتا غفا حتا هو ولاول مرة براحة من ورا ممرضات..
نعسو ودخل عليهم باها فاليل شافهم هماك...هي مخشية فيه كي البنيتة الصغيورة وشادا فقميجتو..فكراتو فاش كانت يالاه جات..كانت صغيرة بزاااف وخايفة بقات الليل كامل وهي كاتبكي حتا حا عنقها ونعسات هكاك...فرحو منظرهم وقال فنفسو:دابا الى مت غنموت مرتاح😊😊

حلات وفاء عينيها ولقات راسها فنفس السرير ديال البارح وسي حاجة مزيراها..دارت ولقاتو فؤاد شادها حاكمها معاه وخي مخشية فيه بحال شي درية صغيرة...بقات كتشوف فيه شحال وملامحها ممفهومينش...حتا عيات بالنعاس وطابو جنابها وناضت بغات تدخل لحمام...كانت جوج ونص ديال الليل...حيدات يديه عليها...وناضت بغات توقف ومقدراتش حسات بالدوخة فراسها وقبطات راسها وهي جالسة فالسرير وعاطيا بضهرها لفؤاد...لي بدورو هي تحركات فاق حيت نعاسو خفيف ومحلش عينيه كيتسنا يشوف اش غدير بقات شادا راسها بالم حتا تجهد عليها وزادت كتبكي فصمت...وحسات بشي حاجة فعنقها كان فؤاد حاط راسو على كتفها وقال:حبيبة كضرك شي حاجة؟؟؟....
وفاء:اعئ اهئ راسي راسي بغا يتفركع😢😢
ناض من السرير وجا قدامها وقال:هي حيت المهدئات خديتيهم بزاااف...
وفاء:اهئ اهئ ضرني بزاااف
فؤاد عنقها وقال:شووووو غيفوتك دابا...انا نعيط لطبيب يعطيك شي دوا يزكيه اوكي بب
هزات راسها فيه ووجها عامر دموع بحال شي بنينة ضغيرة وقالت:بغيت نمشي لحمام 
فؤاد:واخا انا نعاونك...
ستغربات ولكن ملقات مدير...هزها ودخلها للحمام وبقا واقف كيشوف فيها وهي لابسة لبسة ديال المشفى...قصيرة دارت عندو وقالت:واش غتبقا هنا؟؟....جاوبها نربع يديه:ههههه لا...هاني برا...محتاجة لشي حاجة؟؟
وفاء:هااا...لا
خرج وخلاها ...وهي قضات حاجتها ونطويات وحلات الباب مرخية وعظامها مدكدين عليها متمشى بزز..شافها خرجات وهو يهزها لبلاصتها وعينيها محيداتهومش عليه...هازها كي الريشة ...حطها فبلاصتها وقال:الطبيب شوي ويحي يعجيك دوا يزكي عليك صداااع راس
وفاء:واخا
دخل الطبيب ومد ليها كينة وقال:خصك تحملي شوي راه هادو هي مخلفات المهدئات لي كنت طتاخدي طوال هاد المدة...ان شاء الله افوتك الحال....وخرج..شربات المهدئ وقالت:فين بابا؟؟؟
فؤاد:صيفتو للفيلا يرتاح...
وفاء:(كتقاد فبلاصتها)ممممم وسير حتا نتا ترتاح...كتبان ليا عيان 😊
فؤاد(كيلعب فشعرها):حتا تمشي معايا حبيبتي من هنا عاد نرتاح...
بتاسمات ليه وقالت فتعب:ولكن خاصك ترتاح..😊
فؤاد:باس راسها وقال :نعسي دابا ترتاحي...انا غنبقا معاك هنا اوكي
وفاء:(حدرات راسها)ومغتبقاش معايا بحال قبيل☺☺
فؤاد:ههههه ايوا ديري ليا بلاصة تاني...
حكزات ليه وجا هو تكا حداها وحطها على صدرو وبقا كيحك ليا شعرها شحال...ظنها نعسات حتا قالت:فؤااد نتا عارف بلي انا ماشي بنت الزنقة ياك
وقفات الحركة لي كان كيدير فشعرها وقال:شوووو متبقايش تقولي هكا....نت اشرف من الف وحدا...عندك باباك وعندك انا وكاينا الواليدة وخالتي كلشي راهم عائلتك يعني علاش غتكوني بنت الزنقة...وزايدون نت مربية(وباس راسها) وضريفة(هز راسها وباس عينيها) واهم حاجة عندك توحيمة فصدرك مكاينش شي بنت المرا عندها ههههه
وفاء ضحكات لاول مرة وحدرات راسها مبغاتش تشوف فيه وقالت:فؤاد باركا من البسالة
فؤاد:يخليلي لي ضحك دابت....بقاي ديما هكا ضاحكة😍😍
مجاوباتوش كتافات انها تمخشش فيه ومعنقاه ونعسات فراحة بعد اسبوع مرير داز كلو الم وحزن...
فاقت فالصباح ملقاتش فؤاد حداها...كانت جيهان جالسة فالفوطوي حداها وكتشوف فيها وقالت:حبية صباح الخير
وفاء:صباح النور
جيهان ناضت باستها وقالت :الحمد لله على سلامتك...
وفاء عنقاتها وقالت:ربي يخليك...لهلا يخطيك بقيتي معايا☺☺
جيهان:متقوليش هكا راك ختي الغزالة...ولي خصك تشكري كثر هو فؤاد وعائلتو وباباك راه مخلاوكش
وفاء:مممم عارفا...نتوما عائلتي..
جيهان:نعيط للممرضة تجي تفحصك وتجيب ليك الفطور
وفاء:واخا....وبغيت نشوف بابا توحشتو
جيهان:هههههه واخا...راه كاين برا كيهضر مع الطبيب
خرجات جيهان تعلمهم بلي فاقت...وخلات وفاء متكيى حتا دخل باباها وقال بوجه بشوش:زين ترباط فاق ههه
وفاء:بابا حبيبي...توحشتك😍😍😍
قرب مني وباسني فحنكي وقال:حتا انا...خصك تصحي وتنوضي على رجليك احبيبني 
وفاء:هههه واخا...
دخلات الممرضة والطبيب فحصوها وجابو ليها فطورها...وكتوكلها جيهان وهي ضاحكة وناشطة...حتا دخلات سلمى ولبنى ومهم ومرات باهم...فرحو ملي شافوها فايقة ...جات مو عندي باستني وقالت مبتاسمة:حبيبة ديالي فاقت😘😘
وفاء بتاسمات ليها...
سلمى:لالة وفاء نوضي براكا من الفشوش باغياك نديرو ليلة توديع العزوبية هههه
وفاء:هههه حمقة
لبنى:انا بعدا باغا غير نشوفك درت شي زبلة ونضحك عليك...ههه
الحاجة:ايه نتوما بعدو ليا من بنتي
وفاء حسات بالدفء العائلي ...كلشي معاها...وحولات تتناسا الهضرة لي سمعات وندامجات معاهم وهوما مفششينها...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.