حبيبي الأصم الجزء 101

رتاج : خويا ؟؟؟؟ ياك لاباس شوشتيني ؟؟؟؟

اسد : ( كينفض الكارو ) امتى نعسات 

رتاج : لامار ؟ قبيلة شوية... بقينا نهضرو تا غفات 

اسد : تغدات ولا نعسات هاكاك تاني ...

رتاج : لا تغدينا مجموعبن ... واش غير عليها ؟

ايد : ( بابتسامة مواضحاش ) اوا نسول فمرتي هي لولا اولا

رتاج : ههههه اكيد 

اسد : معاودش عيط !؟

رتاج : شكون !؟

اسد : رتاج حضري معايا عقلك... جني وجنوني البلاهة ...

رتاج : الى كتقصد عدنان ... لا .. اصلا داك تيليفون هرستو بيه بداك نمرة .. وخديت هاد جديد ورقم جديد ... 

اسد : ممم كتحاولي تنسايه ؟

رتاج : اااه ... حيت مكيستاهلش نفكر فيه ... هو اصلا غامض ومستقبلي معاه مواضحش ... فعلا بغيتو .. ولاكن كان غير حب حمق .. ربما نزوة مراهقة متأخرة ( ضحكة جانيبة ) منكرش دخلت لانستاقرام هزيت اجمل فوطو عندو احتفظت بيها ... ولاكن كنحاول مافجهدي شي نهار نقدر نكليكي على اوافق المسح وماشي تراااجع 

اسد : قلبك عامر ... سؤال كان فيه جوج كلمات .. جاوبتي بهادشي كامل 

رتاج : ( راسها فالارض ) بااينا عليا لهاد درجة 

اسد : غاتحضري معايا عقلك ياك ارتاج ؟

رتاج : ( طلعات فيه عينيها ) ياك لاباس !!! بديت نتشوش دابا ...

اسد : مالك تخلعتي ... بحالا كتسناي غي شي صدمة فهاد الموضوع ... 

رتاج : اااه فعلا متوقعاها وكنستناها ولاكن غانكون كدبت عليك لاقتليك مستعدة ليها .. 

اسد : فكل الاحوال خاصك تواجهيها ..

رتاج : شكون هو ا اخوويااا؟ يستاهل حبي ليه اولا ؟ 

اسد : معرفتش ... مي خلينا نتأكدو من شي شكوك كيزنزنو ليا فراسي ... وشكي ديما كيكون فمحلو .. ومافيها باس نقطعوه باليقين ياك ؟ باش نرتاحو ونعيشو كليغ ..

رتاج : اهاه ؟!؟؟؟ 

اسد : ( رجع كيكمي و كيشوف فسما ويسوط ويتدكر و رتاج غير متبعاه ومستعدة لاي صدمة فموضوع عدنان من بعد كل الشكوك لي تعرضات ليهم ليوم ) 

Flash back 

اسد : ؟؟؟ اشكادير هنا 

عدنان : ( قرب كلس ) دقيت بزاف ... معطتنيش اذن و قررت ندخل ...

اسد : ياك لاباس ...

عدنان شاف للكادر ( صورة لامار ) و دور لسانو على شفايفو ... و أسد مراقبوو ....

عدنان : مراتك هادي ...

اسد غي كيشوف فيه ...

عدنان : ممم مزيان ( رجع تقاد فكلسة ) الله يكمل بالخير .. سمحليا مجبتش الهدية د عرسك ...مي راك كتسالهالي ... ( اسد حاس براسو ممارتاحش لشوفاتو و من لول ماباغيش يضسرو تايتيق فيه ) 

اسد : حياتي شخصية من الاحسن مدخلش فيها باش ماتشوفش لي مايعجبك .. الى معندك ماتقول راه باغي نخرج ... مامساليش و 5 دقايق ديالي ...كتسوا بزاف

عدنان : ممم .. بصح .... حيت يقدر الواحد ف ( علا يدو ✋ ) فخمسة دقايق يخسر كولشي

رجع اسد بذاكرتو كيسوط دخاااان وضار هعند رتاج لي مزالا كتسنا على جمارها 

اسد : قلتي ليا تلاقيتو فطيارة ياك ؟ 

رتاج : اااه ... فيهااا 

اسد : ومن بعد !

رتاج : صافي تاجبتنا صدفة فالكلووب كنا انا واريج كالسين وهو يمكن كان مورانا ... تالقيتو وقف عليناااا تفاجأت و( قاطعها ) 

اسد : علاش كنتو كتهضرو نتي وختك؟

رتاج : ( كتفكر ) ممممم .. معقلش بضبط ... فففف ... ااااه على تيشورطات دالحوامل للامار كنا كنشوفوهم باش ناخدوه ليها ونفرحوها شوية فداك المشاكل لي دازت منهم و كانت قربت تجهض 

اسد علااا راسو لسماااا ... لي كان شاك فيه ... صدق بصح ... طلع كيستغلهااا ...

اسد : اوا .... ومنبعد 

رتاج : خوووياااا شكون هاد الراجل!؟؟؟؟؟ هادشي بدا يخوفني ...

اسد : جاوبي على اسئلتي ونجاوب على أسئلتك خطوة خطوة اوكاي ؟ 

رتاج : ( تنهدات حاسة براسها خصهاا تعااود هادشي لي محيرها كامل باغا تلقا اجوبة لاسئلتها كاملة وحاسة بلي غاتلقاها عند اسد حيت شوفة فعينيه اوطوماتيكمون كتريح الواحد وتحسسو بالامان واخا كيييخلع ) ... منبعد مشات اريج خلاتنا بوحدنا حيت كانت عارفاني معجبة بيه وملي نزلت من طيارة و حديثي كولو عليه .... تمشينا شوية فالكلوب .. تاوقفني واحد كنعرفو ... معرفتش علاش جن جنونو ونوض روينة ودابز معاه ... جاااتني بيزاااغ يغير من اول لقاااء ... وبدا عليه متقااااطعنيش باش دوي نتااا ومخلاش ليه تفرج فينا لكلوب كامل ..... منكدبش عليك فلحظة فرحت ظنيتها غيرة .. وملي كنعاود سيناريو مع مخي .. كنحسها حاجة اخرى مبغاتش توضاح ليا ... و كندير راسي حمقة غير باش منفكرش فحاجة اخرى و نخرب صورتو جميلة لي راسمة ليه فقلبي وبين عينيا ... ونرجع نقول اااه غار عليا مكاين تاشي حاجة اخرى غامضة ....

اسد : اش قلتي قال ليه ؟؟؟ متقاطعنيش ؟؟؟؟ علاش كنتو كدويو !؟ 

رتاج : فففف راه مكنعقلش بضبط

اسد : لا خصك تفكري اي تفصيل انا محتاجو .... تففكري اش كنتو كتقولو كاع واشمن موضوع جابد ليك

رتاج : ( مدة كتغزز فضفارنا كتفكر عاد فتحات عينيها ) ااااه .. على لاماررر 

اسد : نوووو !!!

رتاج : علييها اه ... لحظاتي مع عدنان منقدرش ننسا فيها تاتفصيييل كلشي كان مميز عندي و غي كنمشي لدار كنعاود نهار معاه فمخيلتي تاكنحفظو ... سولني كيدوزت يومي .. وقلت ليه صافااا دوزوتو مع صاحبتي ... وبديت نعاود ليه على لامار 

اسد : وااااااش مررريضة ولا ماااالك ... واش غي لي جا غاتهضري عليه على لامار ... واش عارفا رجالي كييتقتلووو لاخرج حررررف من اسرااااري الخااصة !!!!!!ونتي ببساطة كتعاودي لغريب كولشي على مرااااااتي ... وااااش مريييسيضة ولا مااااالك 

رتاج : ( ززعععععزعهاااا ولات غاترررعععد ونطقات بخوف ) خخ خ خوياا انا مكنت قاااااااصدة والو تيقني .. كنت كنضنو بعييييييييد عليكم ... هو قالي غي مرة مرة لي كيدخل للمغرب اما هو مستقر بالمانيا .. مكنتشش عارفاه شريكك ... ومكنتش عارفا تااا قواانينك .. وبلي هادو من اسرارك .. تااتعاششرت معاااااكم وتعرفت عليكم كتر ... 

اسد : ( كيضور ويدوز و على راسو تامن يضرررربها ماااعندوش كيفاش اللهم يتحكم فأعصابو تايوصل لداكشي لي بغا ) طططلعتي هبييلة كترررر من هاديك لي داااااخل لامار دابا كتبااااان ليا فيها ضو على هاد الفععععلة ... ككملي كككملي...

رتاج : خ خ خويا سمح ليا عفااااك .... هادشي خلق مشكل ياك ؟؟؟؟

اسد : دااابااا كممملي راه لي طراا طراا 

رتاج : ( ولات كتهضر وترعد وبالخوف ولات تسرسب بكولشي ) صاافي وصلني لدااررر ... وسولني فين غانتلاقاو غدا ورفضت حيت كنت ماشيا مع لامار لصااالون ... مععرفتش كيفاش خلاني قبلت نتلاقاااه .. يمكن طريقتو كانت ساااحرة .. تقررب منيييي وباسني فللحظة متوقعتهاش تاخلاني قبلت بكل سهولة انني نتلاقاه ونقوليه فين غادة 

اسد : ( كيصوط ولاح داك الكارو زطم عليه برجلو كيبرد فيه غدايدو ) اهاه

رتاج : مشينا لصالون مجموعين ... تما فف فين ... فين لامار قطعات شعرها ... فاش جينا خاجين تلاقانا داك فهدد ... وعطا للمار نمرتو وبدا عليها لاحتاجيتي شي حد تفضفضي ولامعرت اش كان كيخربق ... و اريج جرات عليه ... 

اسد : اشنو كان كيدير هو فصالون العيلات ؟؟؟؟؟؟؟ مجاتكمش غريبة !!! تككلختووو 

رتاج : لاااا راه قاتلينا واحد البنت تما بلي هو مول الصااالون 

اسد : اشمن صالون هذا 

رتاج : لي فسونطر ... سميتو صوفيا 

اسد : اوا الكلااااخ سميتوووو صوفيااا وباااطرووون يكون فهد !!!مال دينمكم متقلين بداك دماغ الى مغاتخدموهش ! تبعيييني وريني فين جا هاد الصالون وطلعيييلي هاد البنت من تحت ارضو ... ( زااد لطموبيل وهي غي واقفة مشعوطة وركابيها كيترعدو )

لقاها متبعاتوش وضار موراه شاف فيها 

اسد : غانباتو هنا 

مشات كتجري كطلب الله يكون فعوان لاماررر لي كتعيش معاه وراجلها كيدكدير تستحملو ... غي كيطلع حاحبو كتبغي تبول فحوايجها .. . وتبعاتو ركبات و ضربات الطم هو طااير جاب ليها الدوخة فطموبيل بقوة مكيزيكزاكي بين طموبيلات ويضرب فالفلون لاجا شي حد قدامووو تاتتخطف شة فاليد دالبااااب ومغمضة عينيها كتطلب سلامة .. مشعشع غي مع راسو .. حاااس بالششششششششمتة وبلي جا دارها بيه على ضهر العيلاااات ... ماحمدات الله رتاج تالقات راسها قدام الصالون ... 

اسد : هبطي عيطلي ليا لهاد البنت .... بلا متشوفي فياااا هاكاك ... هبطي وغاتعرفي ... 

حلات لباااب و قطعات طريق مشات لصالون بلا هواها .. وهو كيتسنا وكيضرب بصبعانووو فالفولون بشوووية ....شكو كان فمحلووو عدنان اكيد لقا رتاج كتعرف لامار و كالس كيستغلها باش يعرف اخبارها ويدخل فهد بيناتهم ولا مكانش غايخبي عليها كيعرف اسد ... حيت منهار شافو معاه فالمزاد وبغا يبين فهد بطل قدام لامار ودار داك اللعبة ... وهو عارف انوو هو لي موراه وداعمو .. و ولا متأكد فاش عرف مسافر على يدو مخبع عندو ... ولاكن مابغاش يتيق هادشي كيتسنا شي امل يكدبو ولو يكون بنسبة 0.5 فالمية ... وميكرهش خوه ... وكيف قالت رتاج تبقى صورتو فقلبهم زوينة .... باقي كيفكر تاكتيان ليه رتاج خارجة بالبنت ... ونزل من طموبيل .. داك البنت شافت اسد بغات طير مع طيووررررر شدات على فمهااا و شهقات عينيها ولاو كيلمعو ولات حممررررة و قربااات بززرية وهو وازن 90 غي مع راسو ...

- ( كتنقز ) رووووكان ناااري ماااامتبقاش واااش نتا هو ؟؟؟؟ ياااك ؟؟؟

اسد : ( لرتاج ) هي هادي !؟ 

- ييييييي مااااااامتيقااااااااششششش ناري نننفس الصوووت واااش واقفة قدام الرووووكااااان ... ناااري ص صبر نعيط لللبنات راخ كنحمااااااقو عليك كاملين ومجلاتنا كاع لي فصالون فيهم اخبارك 

رتاج : ( شداتهاا ) ووقفي غانهضرو معاك شوية وسيري 

- ( جمعات ضحتها وبدات تشوف لوجوههم المغووبشة مرة لرتاج مرة الاسد ) ها !؟

اسد : خدامة تما ؟ ( اشار بعينو لصالون ) 

- لا .. ا ااه .. اه ( بحماس ) تماا خدامة اسيدي ا اانا اليد ليييييمنة دمااادام صوووفيااا وكولشي كيدوز علي يدي لااابغيتي شي حاجة مررحبااا والف مرحبااا 

اسد : صووفيا!؟

- اااه اسيدي .. هي البااطرونة 

رتاج : ياااك ؟؟؟؟؟ مااابقاااااش فهد ؟؟؟؟؟

- اا اشمن فهد !؟؟؟؟ 

اسد ضار ضحكة مستهزأة بالوضع فنفس الوقت معصبة

رتاج : فااااش حيت انا وجوج بنات ودخل علينا وجيتي نتي قلتي هو الباطرون صااااافي نسيتي 

اسد : ( بصرامة ) علاش كدبتي 

- ( كتقزقز بغات تهبط ليها البولة من هاد تخنزيرة لي داير و صرطات فريقها ) ااا س سمحووولي .. م معقلتش حيت بزااف لي كيجيو .. ا اا اه راااه هو .. غ غي مااابقاش ولات صوفيا داباااا 

ايد : ( تنهد بجججهد بحالا كيقوليها كري بلا منتقققلب )

رتاج : شوووفي عندي .. راه غاندخل داباا لعند باطرونتك ونفضح كوووولشي الى مكرييتيش و قلتي علاش كدبتي .... بربي لازدتي نهار فداك الخدمة 

- اااء ( بدات تشوف بخوف لعندها ولعند اسد وعارفا مكانتو فالمغرب ينحيها من الكرة لارضية ماشي غي من صالون وبدات تغبن ) انا رااااااه مدددددرت وااالو .. تيقووووني مدرت والو ... ع عفااااكم راه غي هاد الخدمة مناااش عايشة و كنسستررزق مضيعوونيش فيهاااا الله يرحم ليم الواليدين 

اسد : واااا داابا غادوي ... شكون قالك تكدبي ؟

- اا .. و احد السيد .. ع ع عطاني الفلوس و نتوما عارفين الطمع طاعون اسيدي ... وجاني فوقيتة كنت محتاجاهم نخلص واحد دين ... و و قلت مافيها باس كدبة بيضة ...

اسد : ممم ... عاقلة عليه

- اا ااااه ااه .. ع عااقلة ... عفااااكم انا مدددررررت والووووو 

اسد ووما لبعينو لرتاج تعطيه تيليفونها فهماتو وعطاتو ليه يديها كيترعدو مافاهما والو من هادشي ولاش كيلمح اسد او بالاحرى ماباغاش تفهم ... وبدا يقلب تاطلع صورة عدنان ووراه ليها 

اسد : هذا 

- اا هذااا هذاااا اسيييديي هو هذاااا 

رتاج : ( شادة على فمها ركااابيها فشلوو بيهاا جات طيح ماكالاتها غي طموبيل موراها ) شش شنو ؟؟؟؟؟ ( شافت عنها ) واش عارفا راسك اش كتقووووولي .. ( كتشوف عند اسد بصدمة ) ااش دخل عدنان فففهادشي ؟؟؟؟؟؟؟؟ و وففهد ؟؟؟؟؟؟ ووفلامار ؟؟؟؟؟؟؟

اسد بقا كيشوف عند رتاج وتنهد وقال لداك البنت تمشي ووما ليها غي باشارة تسد فمها فهماتو ومشات كتجري وتفكر اشمن خير دارت لي نجاها هاد ليلة ... 

رتاج : مااابقيت فاااااهمة والو ..... اش هادشي ؟؟؟؟ ....اسد لا ااا .. ماشي هادشي لي كيضورلي فبالي يااااك ؟؟؟؟ ياك اسد ؟؟؟؟؟؟

اسد : ططلعي ... 

رتاج : ( بالغوات ماحاساش بررااسها ) لااااا . مغاانطلعش مغااانمشي فييين تاتفهمني ... وتجاوب على اسئلتي حتا انا... شكوووووون هووو عدناااان .

اسد : ( كيشوف فيها ) شكون هو بنسبة ليك ؟

رتاج : ( بدموووع ) كاان كوووولشي ( شهقة د البكا ) 

اسد :كااان 

رتاج : ااااااااه كاااااااان كااااان (بحرقة ) 

اسد : ويلا قتليك كان كيستغلك ؟ ....

رتاج : مااااايمكنننش و لاااا ومااايمكنش ( كضرب فطموبيل وتبكي ) هوووو راه كان فعينيه كااايبان كااايبغيني .... مكيلغيييش يقلقنننننني كااان كيشد فيدااا لابغييينا نقطعووو شااارع ... كيصوووني عليا مع ربعة دصباااح باش غير يسممع الو ويقولي تصصصبحي على خير ويسيفطلي ميساااج بلي صووووتي علاش كيييحلاااا نعااااسوووو ... ... ولاااااااااا عععع لا ميييمكنش هادشي كاكل ثثثثثمتييييييل

اسد : ياك بفمك قلتي غامض ... ومستقبلك معاه مواااضحش .. اوا علاش حطيتي فيه كلللشي 

رتاج : ماااااشي لخاطري .....كدوي بحالا انا كنت كنتصرف ببببعلقي ... قلبي تحكم فيا اش ندير ... تيقني واخا تحطوووو دابا قدامي غير غانشوف فيعنيه غانضعااف ..... بغيييييتووو ( بشهقة ) والله زززربي شاااهد على قبللللبي تااابغييييتوو بنيتي صاااااااااااافية عمرني نويت شي دغل .. كلامووو ووشوووفاتووو غغغي حضووروو كان كاافي ندوز نهار واااعررررر ... واخا عمرني شفت منو شي حاجة مبااااشرة ... ولاكن كنت باغا غير نبقاااا معاه ... ونسمع لكلاامووو وهو كيهضر معايا .... قووول عليا حمقة قول عليا لي بغيتي .... قللللبي بغااااه اش ندير 

اسد : ( تنهد وحل لباب طموبيل جبد قرعة د الما عطاها ليها وهي متكية كتتتبكي وتشششهق قلبها كسااايتحرق ملي كتفكر بلي حلم عدنان فقط ححححححلم و مكايش فالواقع ... حلمها لي حلمات وتخلات راسها ملي غمضات عينيها عروسة معاه ... حلمات بيه كيعترف ليها ويتقدم لخطبتها حلمات ليه كالس حدا باها ... وجابتو يتعرف على صجابها .... كان غيييييير حلم ومن المستحيل يتحقق.... هادشي كافي يمزق قليها ... وخا طبيبة لحبها مالقات تا دوا .... شربااات ونص القرعة كتزلع عليها ولاحتها كتشهق بحالا داك الما فيقها ) 

رتاج : (شافت فيه بعينين دمعانين ) شكون هاد سيد مم ؟؟؟؟ شنو كان باغي ؟ ... هو لي مور فهد ؟؟؟ ياك 

اسد : من لول كنت عارفها ... ولاكن مضنييتش توصل بيه يستغلك ... مجاتش فبالي يتبخا مور مرا ... كان لابد مانثبت شكي ونجيبك لهنا ونثبت ليك حتا نتي ..( كيشوف لناس كل واحد منين كيشير ليه وكيقولو اش هو ) طلعي نبعدو منهنا ... 

طلهات لطموبيل كتبكيي وتمسح فدموعها وكحولها لي تجخطن و ديمارا مشاا تابعد على داك منطقة عاد وقف باش يهضرو حيت صايك متيقدرش يشوف عندها يزاف ... 

اسد : مسحي عليا دابا هاد دمووووع دابااا ..... بغيتك تعاودي ليا كوولشي ... بتفااصصصصيل 

رتاج غي سكتات هو كيتسناها تنطق حيت باغي يتأكد واش بصح عدنان كيبغيها حيت تاهو داز مع لامار فنفس الشيء فلحظة كان كيستغلها باش تعترف تالقا راسو فحبها غارق تالوذنيه ... خصوووووصي ملي وصليه تقرير رصاااصة من اينا فرظي خرجات وشكون مولاه فالرخصة .... وعرف بلي عدنان لي قتل فهد ملي قرب لرتااااج ..... اذن هادشي فصالحو .. لاكان هو مزيرو بلامار ... اسد يزيرو برتاج .... 

رتاج شمرات وتكات راسها على لكوسان مغمضة عينيها 

اش تقول ومينن تبدا ... واش تعاااود على حبها فهاد المدة و لا على جرح الكبدة ... بااش غاتباشر و ب أينا وحدة ... تعاودو على سحر عينيو ؟ .. على نور زينووو... ولا على حلاوة لسانو ... على ريحتو؟ على جاديبتو ... على عصبيتوو ... باااش غاتبدا ؟... وكل لقائتكم مفكراها لحظة بلحظة ... وكلها ولات كتمزقهاا وحدة وحدة .... زمان غدار .. لي حبيتيه واحد نهار ... فللحظة يقدر يحول حبك للبخار .. يتلاشى مع الغيوم .. ويخلي عينيك مثقلين هموم ....و قلبك باكي مضيوم .. كسوووول امتى يتقاضاو دموع غدا ولا ليوم ..عمرك فالحاجة تحطي املك كامل ...حطي نصو ... باش الى طلع فالصو .. تكوني متوقعاها وعينبك يقدررو ينعسو ...مااااتعلقو املكم بالفرااغ من اساسو ... ولا بلي مواضحش ساسو .. ولي معطاكش للخيط راسو ... ماتبنيوش عليه احلام .. ماتقولو غايبقا منا على طول الايام ... يقدر فللحظة ... كلشي يتللشا ويتسلا ... ولي سولكم على اش وقع ؟ ماااااتعرفو للمعادة منين تبداااو

يتبع

نتمنى تكونو استفذتو من نصيحة ليوم 😉

متحطوش املكم كامل حطو غي نصو ☺ 

نص ديال يقدر يصدق ولاخور ديال فالصو 😉 

موعدنا غدا و الاحداث جاية نار ... ولي نبغي نقولكم احداث الموسم الثالث مزااااااال مبداو هادو غير تمهيدات وتسخينات 😂😂😂😂😂 تشهلاو 😊😊😊😊😊😊😊😊😊

♦️♦️♦️

مهم قبل مانبدا خطاب القاعدة جيت نتساااامحو ههههه سمحولي راكم عارفين قصارة العرس وزيد شديت طريق .. وصلت كي فلوس قاجينو خصني غي فين نتكور 😂 مهم بماااا أنه تقشف وتقرززت وتعيقت قررررت ان أكرمكم 😂
اااح امي اجزاء دوبان ودااااك لي توحشتوها ههه ااااه هادييييك الله يعفو عليكم 😂
نبغي نقولكم عاااااد بدااا موسمنا الثالث والموسم الثالث مذا يعني ؟ بعني ودااااعااااا قوة المووووشاااكيل الطويلة المسووسسسسة ومرحباااا بالععععشق ووالهياااااام والرووومانسية... كيعني وداااع الملل والرتاااابة و مرحبااا بتشويق و الاثااارة ... كيعني مرحبا بتكريكير و تجرجير و انا اطير عهههه الاجزاء لي بديت بيهم هاد موسم طان فيهم نوع من الرتابة و مابدعتش علاش ؟ حيت كنت مشطونة بهاد العرس والسفررر كنت غي كنخطف الكتبة ... اماااا داابااا هاد غاترجع حبيبي للاصم الى أصلهااااااا و لي اسلوبها كان هو
- تركيز مع الابطال
- قلة المشاكل المصتعصية الطويلة
-الضحك و الزبايل
- السفااااااااااااااااالة
- الحب و الحب و الحب و الكثير من الحب
مهم كخلاصة باش منلقاش معاكم مشكل ... لي عنها مشكل فالجرأة ياريت متكملش معايا موسم الثالث جريء شوية لا فكلام لا فالاحداث كنعلم باش نتفادا بعض الانتقادات وقد اعذر من انذر .. لا انذر من اعدر مهم شي حاجة بحال هاكا ...
الموسم الاول : اختيار الخيوط
الموسم الثاني: شعبكة ونسج الخيوط
الموسم الثالث: الحصووووول على زربية من داكشي ههه معرفتش اش دخل زربية فلموضوع مهم نتمنى تكون الفكرة وصلات .... اذن موسمي الثالث و أقصرهم وأجملهم واروعهم ... بدايتووو ليوووووووووووووووووم يا أحلى فانز يا احلى جيش روكاني 😊
وااااع شحال فيكم د الهضرة 😏
#كاميليا