حكايتنا الجزء 54

2018

محتوى القصة

رواية حكايتنا بقلم سكينة أيت الكبير

فتيحة:هاد زمرو هادي متتعرفيش تنشطي ..
توبة:واش نتي بقا ليك شبر لقبر وعاد بيتي تركزي؟؟سيري شدي ليك شي تسبيح حسن ليك
فتيحة:ياكيتك المغمومة(شافت فنحمد)باينا معيشاك فالغم متضحك على شحال 
ضحك محمد وقال:بحالا علمك الله
توبة:يااك؟؟
محمد:هههه هي كنضحك بالعكس كضحك
فتيحة:ههههعهه راه قشايبية كان المختار الله يواليه برحمة الله تيديها معاه للقهوة وللحانوت عندو وتبقا تمارغ مع السواقة
توبة:هههههه الله يرحمو مسكيين كان دايرني كي القرد فوق راسو
ضحكو كامليت وبقاو جالسبن مجمعين معاها ويهضرو واتعاودو على الاحوال وفتيحة تتعاود النكات تا طاح الضلام وحطو العشا فاخر فرحانين بقدومها عندهم ومكبرين بيها وكلشي كيمد ليها حشموها وهي لي وجهها كي الكاغط الحرش

تسالات ليلتهم وطلعات وفاء ورات لفتيحة بيتها ومسات عليها وكلها طلع لبيتو انعس..اما الكوبل تاعنا طلعو معانقيين وكيهضر فوذنيها وهادي عادة عندو فاش كيوصل ليل كيولي اهضر فوذنيها بهمس وتضحك ليه
دخلو لبيتهن بدلو عليهم وتخشاو فالفراش معنقين بعضياتهم وتيعضرو على كيداز النهار بأدق التفاصيل
التفاصيل الصغيرة لي خلاتهم اتعلقو ببعضهم..كان ممكن ادوزو من ظروف صعيبة باش ابرهنو مدى حبهم ومدى صدقهم فالزواج وانهم قادين بمسؤوليتو لكن الله حطهم فمواقف تضحية كاختبار لحبهم ولتشبتهم ببعض وكل واحد فيهم عبر على تشبتو بالاخر..

كان كيبوس فكرشها واضحك وهي عبنيها تلسقو بالنعاس ساداهم نص نص شافها بتنعس وقال:هي نعسي خليني نهضر مع ولادي
توبة:(نتفاتو من شعرو مغمضة عينيها)ولد ولا بنت
محمد:هههه متعرفي تواام
توبة:تولدهم من عيينيك خليني نعس
طلع حداها راسو وباسها فحنكها وففمها وقال:لشفاه الوردية وللحدائق الخضراء ولمئات النجوم في السماء أقول زوجتي اجمل النساء
ضخكات وجراتو عنقاتو وقالت:بوندودو القباني😂😂
ضحك وعنقها تاهو ونعساات وتاهو تبعها بشوي وغفا
*****
صباح جديد على توبة فاقت فحضن حبيبهل ناضت توضات وصلات الفجر لي مكتفبقش ليه حيت كتبوق بالنعاس..لبسات حوايجها عاد مشات فيقات محمد ببوسات صباحين تا سيد شدها كرجة ولا بغا كثر متفكات منو هي بزز..دوش وخرج لقاها حاطا ليه حوايجو وكتعكر شاف فيها بنص عين وتوجه البس وقال:نقصي شوي احبيبة
توبة:هي شوي والله باش ميبقاوش شواربي صفرين
محمد:نفس السيديا حفضتها ونتي تتعمريهم
توبة:اوا تايعجبني بالفريتي كااع ههههه
مشات جيهة مجر ساعاتو وجبدات ساعة على ذوفها وتوجهات عندو تسناتو تالبس عليه كلشي وشدات يديه كتصايب ليه المكانة وتشوف فيه بنص عين تتضحك وهو مبتاسم وتيشوف فيها:وابلحاسة مع رااسك هههه
توبة:هههههههع(بدلال)هي عليك ههههه
محمد:اوا نقصيه عفااك زوينة بلا بيه ديري مرطب لفمك حسن يخلي شفايفك غوز زوين حسن نن هاد الحمر
توبة:(عوجات فمها)عفااك؟؟
محمد:عفااك نتي..مكنطلبكش بزااف حيديه
شافت فيه مغزبشا ومشات حيداتو وقالت:صافي هاكا
محمد:الله يرضي عليك ههه نتي زوينة بلا هادشي..بيخسر ليك هي بشرتك(باسها فحنكها)
جرها خارجين تيهضرو وقال:قلت ليك كملت كتابي لاخر
توبة:(بفرخة)حلف😍😍
محمد:والله هههه كملتو البارح قبل مانجي نجيبك من لافاك
توبو:اححح هي بيطلقوو
محمد:باقي شوي خصني نعاود نقراه ونشوف ياكما كاين شي اخطاء املائية ولا شي حاجة عاد نعطيه لمطبعة
توبة:فرحت ليك هههه بيكون زويين..واعطيني نقرااه
محمد:نمودبفيه ونعطي لعمري تقراا الكتاب
توبة؛لقيتي العنوان
محمد:(حك راسو)صراحة باقي داكشي باش بنعاود نقراه عالله يطيح فبالي شي حاجة
توبة:على حساب القصة لي عاودتي ليا راه gلت ليك اشمن عنوان مناسب
محمد:(كيفكر)لا عمرك قلتي؟؟
توبة:سي سي gلت..سميه #حكايتنا
محمد:اه عقلت هه ان شاء الله نفكر و نشوف
نزلو لتحت لقاو كلشي فايق مجموين على الطبلة الكبيرا وفتيحة لابسا ليك قفطاان ودايرا عكافة وتتفطر..والفطور مية فالمية مغربي..باستهم توبة وجلسات وقالت:اش هذا؟؟عهههه 
فتيحة:فقت بكري وكرصت واحد طرح اابمسمن بأكريش والخليع
توبة:ومنين جبتيهم؟؟
فتيحة:جيت وجبت معايا كلسي تا من صابون البلدي جبتو والحنة واداد والحرمل والورد والخزامة
توبة:(كطنز)والسطولا وخرقة الحمام
فتيحة:ايييه(كتاكل فكراوصة)هادي بنينة هشيشة يادلي سناني على سبة
محمد:بصحتك الميمة
فتيحى:الله يكبر بيك اولد الخير
توبة:والله تا مساليا ههههه شتي انا كون كنت فالبوليس كون ش.يتك فالمطار الخليع فامريكا
فتيحة:تساليني نتي ولا غيرك وانا كي الهبيلة فايقا نصايبو ليك بالعشق ونgول كبيدتي تيعجبها تفطر بيه
ضحكات توبة وقالت:هي تنضحك معاك المصيبة راه ماكلتك مابحالها فدنيا كاملة..بنينة 
فتيحة:هاكي كولي(حطات ليها جوج مسمنات)كولي تاتشبعي والى خصك نزيدك
حطات لكل واحد فطبسيلو وقالت :بصحة
فؤاد:الله وامشمن هو ههه الله يعطيك الصحة
وفاء:العشية تصايبي بغرير
فتيحة:ويلي العشية نصايب تاغريبة وفتلة الشطبة
أشرف:ههههه انا مشهي كسكسو مراكشي
فتيحة:نصايبو ليك ههههه اجي بعدا ديك سفود العواشر تسليمة؟؟

فؤاد:باقي فالمغرب واقفا على سونطر ديالها
فتيحة:ايييه اوا مزياان الله يسر ليها(حطات لتوبة مسمنة خرا)كولي كولي
توبة:بشوي تانكمل هادي..محمد بيتي؟؟
محمد:لا لا المسمن على الصباح قاسح علي
فتيحة:معندو ميدير ليك هي كول
محمد:مموالفش والله ممكن فالعشية ناكلو
توبة:خليه هذاك ماكلتو فشكل ههه
فتيحة:تاع القنان

*****
مرت شهوور على تواجد فتيحة فالفيلا عند الكلاوي لي ولا فيها ضحك وتكركير على جهدو..تضل تضحكهم وتطيب ليهم الشهيوات ومقابلة توبة فالداخلة والخارجا كل مرة اش طابخا ليها باش احيد ليها الرضان تا مشا ليها بمرة بعد مرور شهور الوحم ونقص داك الفشوش ديالها ووحمها على فؤاد

كبرات كريشتها بشكل خطير..صغيورة ومدورة وبيضة ديما معرينها ليها كيشوفو البيبي كيضرب بحكم وصلات شهرها السابع..مكرشاتش بزااف هي ثقلات..ولاو حاضينها هي هي اش كلات واش شربات واش لبسات واش نعساات
فهاد الشهور ولدات اميرة بنية تتحمق بزين نسخة من باها سماوها كومود نيت..دار ليها راجلها حفل غزاال بلا سبووع تاع باها لي ذبح عليها وعاود مخلا مدار ليها ويضور ضورة وامشي اهزها وابقا العب معاها

اما لالة توبة لي مغرقها محمد حب وحنان ودلال مكيخليهاش تقول اح من غير فالمعاشرة🙈🙈ديما مخرجها ومسفرها مدن فامريكا مي معمرها خرجات منها حيت حاملة..كملات عامها الاول لي تكلل بنجاح حتافلو بيها ودارو ليها مفاجئة جايبين ليها والديها وخواتاتها وبفضل تدخلات فؤاد تا خوالعا جاو مع عيالاتهم..اكبر فرحة كانت ديالها لدرجة ربع يام وهي تتنعس مع مها وتبقت سهرانة مع خوالها تال اشمن وقيتة بضحك وتكركير والضرب

دوزات اجمل سبع شهور فحياتها احساس الامومة دخل معاها..ولات تتنعس وتتحس بالجنين كيتحرك ويضرب كرشها ..
كل ليلة فاحضان محمد لي كيغرقها حب وولات كل ليلة معاشراه تقريبا..زاد اعجابو بيها فاش غلاضت وولات عندها كريشة سابقاها وصدرها تنفخ مع كلف فوجهها لي ولا معقدها واخا قليل كاع مكيباان هي شوي فوجها اما لحمها صافي جداا..كتهلى فيه ولا تطله فتيحة تدوش ليها وتكسلها..ومحند كل ليلة كيدوش ليها وادير ليها مساج لعضامها كامليين تاكترتاح وتنعس مرتااحة

اليوم فاقت على حركات ااجنين فكرشها ويد تتمسح عليها حلات عينيها بانزعاج وسرحات رجليها لي تنفخو ولاو مطبزين كثر..حكات عينيها بلور ايديها وعرفاتو هو لي مفيقها وقالت مغمضة عينيها:محمد عفااك حك ليا رجلي كياكلوني مكنوصلهمش
بتاسم وطبع قبلات كثار على فمها عاد ناض جيهة رجليها سرحهم وكيفركهم بيديه وهي عاد مكتحركهم..شافها غترجع تنعس وقال:فيقي الحلوفة خلاص 
توبة؛ننن خليني نعس
محمد:نوضي ندوش لزين ديالي دوش زويين
حلات هينيها بشوي وقالت:حلف
محمد:والله هه
مشا وقف عليها عند راسها شدها من يديها تاتكعدات وجلسات تتفوه..تحنا وجلس القرفصاء باس كرشها ويديها وطلع لوجها غرقو بووسان وقال:كنبغييك
توبة؛هه انا ولا ولدنا؟؟
محمد:بجوجكم هه عذبتك البارح؟؟
توبو:لا ههه ولفت ههه فيا جوع
محمد:العار متقوليش هي شي حاجة ماكاينااش هههه امنيتي طلبيها قريبة
توبة:بيت هي بغرير بالعسل ههه
محمد:حالو ساهل ههه ياله نوضي ندوش ليك
وقفها وهي تزيد نبان كرشها لي مغطية بتوب رطب تاع ديباردور ..شدات فيه وبديه كداعب جنابها مبرزطاها..دخلها للحمام وبدا كيقلع ليها حوايجها تا خلاها هي بسليب بجسم بيض وصدر منفوخ بزااف وتاهيا عمرات ونيفها تبعص..نزل قبلها فشقة تصدرها بشغف وقال:كتزيدي تحلاي كثر اش كديري هاا(جرها وخشا وجهو فعنقها وهي كتكركر)
توبةههههه واهي لبارح كنا بجوج
محمد:(عضها فعنقها)اخرتي على يديك بهاد الزين هههه اجي ندوش ليك
شد فيها تا دخلات تحت الرشاشة وطلق الما كيغسل ليها شعرها ولحمها تا سالا ولواها ففوطى وخرجها حط ليها حوايجها ورجع دوش دغيا وخرج لقاها جالسا باقي بفوطتها تاتسناه..ضحك ومشا على وعدو وسعدو كيبدل ليها وادهن ليها لحمها تا سالا عاد رجع غسل يدو من كريماتها ورجع لبس تاهو خلاها تتنشف شعرها جالسا
سالا ورجع ليها شد فيها ونزلو لتحت لابسا كسوة صيفية فالبيج طويلة بكمامها وخفيفة محلولة تال الركبة من القدام وشعرها مطلوق..
نزلو لقاو كلشي كيفطر صبحات عليهم وجلسات ومابان ليها هي طبسيل بغرير كيشقشق بالعسل يشهي..حلات فمهت وقالت:عطبيني عطيني شي ثلاثة
فتيحة:شدي هاهو كولي هير
سليمة:طرطقتي ابنتي ههههه مبقا فيك والو
توبة:بصحتي(تتاكل فالبغرير)بنين اجداا
محمد:هي خلطي تاني ها البغرير ها المسمن..ميما راه ضسرتيها
وفاء:فرق عليك اابنت وخليها تاكل
ضحك محمد وعتادل فجلستو وقال بجدية؛من هنا سيمانة غيكون اطلاق كتابي جديد
الكل:😳😳😳
توبة:(فمها عامر)حننف
محمد:نحنف كااع هههه
فؤاد:ومالك عاد كايلها؟؟
محمد:ياك قلت ليكن ساليتو وغندفعز وعاد البارح جاوبوني وقالو ليا غيتطلق
وفاء؛مبروووك اولدي مبروووك
محمد:الله يبارك فيك
فتيحة:لةلولولولولولولو فرحي سعدي بنسيبس هههه الله يكمل عليك واخا معرفتك اش تدير
محمد:هههه امين
ناضت سليمة عنقاتو وقالت:مبرووك

محمد:الله يبارك فيك ازين
باستو فحنكو ورجعات بلاصتها وناضو كاملين كيباركو ليه الا توبة لي بقاات جالسة مناضتش حيت جالسا حداه كتافات تشد يديه بيديها وتبتاسم ليه فخورة بيه..صغير فالعمر وعندو جوج كتوبا ورجل اعمال صاعد..هنا الارادة كتلعب دور كبير
تلقا التهاني من كاع عائلتو عاد.رجعو جلسو كيفكرو تا سالا وقال:نخليكم دابا غنمشي
توبة:(وقفات )نمشي معاك تال باب
فؤاد:الخدمة مزيانة؟؟
محمد:نتا هي جلس مع راسك جات معاك الراحة
فؤاد:سير خدم على ولدك سير
محمد:باش عرفتوه ولد هههه
توبة:سي سي ولد دابا تشوف
محمد؛ان شاء الله
شد فيها وتمو غاديين مبتاسميين لبعضهم تاوصلو عند الباب..حلو وباسها فراسها وقال:كنبغييك
توبة:انا كثر مند(شدات وجهو بين يديها وتعلقات باستو فمو)مبروووك عليييك احبيبي فرحت لييك
محمد:كلشي لييك وعلييك..حكايتنا غيكون كولو علييك
توبة:(حشمانة)اش فيه ههه
محمد:نرحع فليل ونعطيك تقرايه عندي نسخة
توبة:واخا احبيبي
محمد:ردي لبال لراسك ومولي فاالوقت وشربي فيتامين ديالك متبقايش تنقزي تا طيحي ولا شي حاجة
توبة:الله يحفض احبي..سير لخدمتك وكون هاني 
محمد:كنمشي وعقلي كيبقا معاك(قبلة فالفم)
توبة:وايلي معايا كلهم وتشوش سير اعمري تخدم
نزل باس كرشها وفمها وقال:ياله بسلامة
عنقاتو ومشا خرج لهدمتو ورجعات هي لطابلة ..كرشها سابقاها وكتحرك بخطوات ثابثة جدا..كتشوف قدامها تتفكر وتقارن حياتها كي كانت وكي ولات..مكانتش دايرا فبالها بتاتا بلي غتزوج فسن باكرة وتحمل وتولي ام كانت تتقول تاا تكمل قرايتها وتخدم عاد تزوج وتفرغ للحب
لكن هاد الاخير دق بابها بلا موجب شرع وختارق قلبها وقلبو وخلاهم اطيحو فعشق بعضهم
بزاف تالامور بدلاتها ووعاتها وخلاتها تولي مسؤولة واخا الزواج مابدل فيها والو بالعكس غاد تزادها الفشوش والدلال..
ظهرات بتسامة بريئة على فمها وهي تتفكركيفاش قربات تكمل عام تزواج وعاشت حياة يحسد عليها..رفاهية ودلال وحب وفشوش ..قرات عام ونجخات فيه بتميز..غاديا فطريق تحقيق احلامها مع رجل حياتها وبقلبها طفل او طفلة غيزيد اقوي هلاقتهم وحبهم بطريقة غريبة
دائما الولاد كيكونو الحاجة لي كتزيد توطد العلاقة بين زوجين..
وصلات عندهم لطبلة وجلسات تتكمل فطورها وتهضر نعاهم عادي تانطقات وفاء:توبة منخرجوش ابنتي نشريو حوايج البيبي
توبة:هههه حلفي
وفاء:والله ههه اصلا وصيت فؤاد على لي يجي اوجد لحفيدي بيتو
توبة:باش عرفتيه ولد؟؟
فتيحة:(بثقة)ولد ولد ابنيتي مغتخفاش علي المرا الحاملة بالولد ولا لبنت
توبة:ان شاء الله هههه عرفتو محمد با الى جانا ولد اسميه جبران وبنت بيسميها عفراء
فؤاد:هههههه جبران متافقين عفراء لاش ههه
فتيحة:زعفران لوااه كان عليه اعلمني ياله نصايبها ففمي
توبة:ههههه الى ولد هانيا جبران زويينة البنت بنسمي شي سمية زويينة
سليمة:سميو eva
توبة:بيت سمية عربية
فتيحة:سميو خديجة زييينة
توبة:vu
فتيحة:سبة هادي؟؟يا كيتك راه مرت الرسول سميتها خديجة
فؤاد:جبران الكلاوي هههه شي سبع تاني
وفاء:الله يفكك على خير ابنتي 
توبة:اميين واخا محد الوقت تيقرب وانا كنترعد
وفاء:اش نgول انا لي كنت هازا 3 وسليمة كانت غليضة ووازنا..واحد ساهل ابنتي انا اشرف كاع محسيت بييه ههه
توبة:يكون خيير
فتيخة:ياله فطري باش نخرجوو
ضحكات زكملات فطورها بدلع وتفشش وكلشي كيقرب ليها الماكلة وكثر من هاكا مغتبغييش..سالات وطلعات مرافقاهم للفوق لبسات سروال توب فالكري والكحل فضفاض ودارت معاه تريكو بيض طايح شوي من الكتف مفضفض عليها مبين كرشها المنفوخة..خشات رجليها لي ممصبوغيينش فنعالة خفيفة كنخشي فيها هي صبيعات بحكم مبقاتش كتقدر على الطالون..هزات ساك خفيف فيه بزطامها ولي كارت كيشي تاعها..كتافات بمرطب شفاه وماسكارا ونظاظر فوق راسها وخرجات نازلة فسانسوى تسناتهم لتحت نع فؤاد حتا تمات جايا وفاء لابسا كسوة حجابية بالفولار والطالون..وفتيحة بجلابة جديدة وبلغة قرجليها وفولار سبدة مبقاتش تدير النقاب بتاتا لاحتو خهه
ناضت وقفات وخرجو كاملين تحت توصيات فؤااد طلعو فسيارة كبيرة وفخمة والوجهة بعض المولات 
ماهي الا مسافة الطريق تاكانو وصلو نزلو وقالت توبة:جاني العطش
وفاء:بلاتي(شيؤات للكارد وجا)عفااك قرعة تالما
حنا راسو بالايجاب ومشا كيزرب اجيبها فحين هوما دخلو كيضوروواشوفو..تا جا الما وشداتها فيديها تشرب وتعاود شحفاات عاد كملو مسيرتهم فالتقلاب..مخلاو ماشراو صاك للبيبي وحوايجو وكراسيه وكلشي شدو فلون محايد باش ميزربوش..وتوبة تتشوف وتعجب فرحانة رغم انها شحال من مرة خرجات مع محمد وشراو ليه شحال من حاجة على ذوقهم من سبيبطات صغار وسكاتات وحويجات فنين تتبقا تشوف فيهم باعجاب
عزلات وتخيراات وتخلص والكارد موراهم اخلصو هازا عصير فيديها تتشرب منو..وزادو كذلك خداو ماتلبس بيجامات رطبين كيشربز العرق كتنعس بيهم حيت ولات كتعرق بجهد..وكذلك مانساوش راسهم هوما خداو شحال من حاجة
دازت توبة خدات لمحمد تاهو شي حوايج بااعشقا شراتهم..كانت كتهز ليه شي حوايج تا صونا ليها تيلي

هزات تيلي لقات نمرتو تبسمات وشدات الخط وقالت بتحلوين:الو
محمد:زين الفتاك فين راك؟؟
توبة:فالمول كنتقدا اش خصني
محمد:اش شريتي؟؟
توبة:(بحماس)بزااف تالحوايج هههه شي حويجات فنبن ترجع لدار ونوريك اححح فنيونين عسل
محمد:هههه نتي لي عسل الفكرونة هههه خودي ليك تانتي شي حاجة
توبة:ضرزري شرين شحال من حاجة هههه
محمد:بصحتك احبيبة عيطت هي باش نشوفك اش كديري وغنرجع للخدمة
توبة:اححح عليك اطريفات اللوز تاعي هههه تنحبك انا نديرك فخبيز وناكلك مع شوي تطيحال
محمد:ههههههههههه الله يكبر بيك انا وطيحاان
توبة:اش تتعرف راه طيحال بنين ههه
محمد:سيري اجبيبة كملي شوبينغ ديالك..بصحة ههه وشربي شي حاجة باش متشحفيش
توبة:اخا هه باي لوفيوو
قطعات معاه ورجعات عندهم كيختارو تاني..دوزو الصباح كامل تمااك وتغداو تماا وبقاو تا دارت ليهم طن ومشاو لسبا فاغلى وارقى صالون نسائي فالمدينة..دارو بيهم ونقاوهم ومسدوهم اما فتيحة رجعات لدار لي مولف بالحمام مغيبغيش سبا هه
مرجعو لدار تال الربعة تالعشية جات مسخسخة بمعنى الكلمة هي تتهدا فطريق كي البطا

دخلو للفيلا لقاو فؤاد كيشرب فقهوتو سلمو عليه وجلسو وقاا:بصحة
وفاء:يعطيك الصحا ابب
فؤاد:(غمزها)زيانيتي تاني هههه
توبة:طياب العنب صافي هههه عمي فين محمد
فؤاد:لفوق عاد.دخل
وقفات تاني كتنهد:ففف نطلع لفوق
هزات ساشيات لي قدرات عليهم وطلهات للفوق لبيتها..دخلات لقاتو مسرح على الناموسية بالبوكسر وقالت:دراكومبوول هههه
حل عينو وهز راسو شاف فيها:فكرونتي جيتي هههه فين تعطلتي كاع هذا شوبينغ
توبة:(حيدات صندالة)مشيت لسباا وعظامي ثقال علي
محمد:نورمالمون السبا كترخي العظام لا
جلسات حداه وتكات:اححح انا بديت تنعيا والله ثقلت ووليت كي البوطة كتنتفس ونهج وهي هازا الما بحالا فيا سكر
ضحك وحاوطها بيديه ونزل باس كرشها:عاادي راه قربتي توصلي تسع شهور ههههه كيعذبك؟؟
توبة:بحالا مركب ليه اابريز هههه اجي ياله عطيني نقرا الكتاب
محمد:نوضي بدلي وكولي عاد نعطيك
توبة:كلت براا شي ثلاثة تللمرات هههه واالحوايج(شافت فيه شوفة تتمسكن)
فهمها دغيا وقال:راه وليتي معجاازة هههه 
توبة:واعييت رجليا ضروني
ناض من بلاصتو متوجه لدريسبنك:واش جايا غلى رجليك ههه
دخل جاب ليها حوايجها وبدا كيبدل ليها واعنكش فيها ها بوسة ها قرصة تا لبسها شوميز رطبة فالبيض بلا حمالات الصدر..وقال:ياله نعسي
توبة:واعطيني نقرا
بتاسم ومشا لمجر جبد منو مطبوع كبير وكثير وجا قدامها حطو ليها بين يديها وقال:هاهو..قراي علاش قديني نتي اول وحدا تقرا
توبة(بفرحة)حكايتنا هههه
محمد:سي حكايتنا انا نمشي نقرا شوي تالقراءان توبة:اجي قبل نزريك اش شريت ليك؟؟
شاف فيها بغرابة:شريتي ليا شي حاجة؟؟
توبة:اه ههه ارا يديك نوض
محمد:هي نعتي فيناهوما دياولي
شيرات لساشيات:ديك الكحلة والزرقة اراهم
مشا جابهم وكيبقشش فيهم تا حطهم ق.امها وبدا كيجيد وقال:نشوفو الحب ديالي اش جاب ليا
ضحكات بخجل وقالت؛شتهم وحمقوني
جبد لقا جوج سراول دجين وتيشورتات ومعاهم سبرديلة..ةهي مترقبا ردة فعلو من الملامح..شاف فيها مبتاسم ونحنا باسها ففمها قال:زوينين
توبة:بصح عجبووك حنف
ضحك وقال:اش هاد حنف عاوتاني هههه
توبة:ههههه تضحكتي ههه بيجيوك زوينين
محمد:هي حيت نتي لي شارياهم
توبة:بصحتك احبيبي مجاتش نشري انا ونتا لا
محمد:بحال بحاال(جبد بواطة صغيرة)اش فيها
توبة:براسلي زويين تاع اليد
حلو لقاه زويين ومنقوش بحرف m..شاف فيها وقال:يعني مشريتي لراسك والو ههه 
توبة:سي سي شريت ههه عجبك؟؟
محمد:اكيد اعجبني(تحنا تاني باسها بعمق ففمها)لهلا يخطيك
لبسو ديك ساعا فيديه وقال:بحال خاتم زواج مغنخيدوش
توبة:😍😍😍
داهم حطهم بعيد وقال:ياله قراب علل خاطرك
تبعاتو بعينيها تا غبر مشا لبس قميص كحل اما هي تكات فناموسبة وهزات المطبوع لقات اول صفحة فيها التالي:

أحببت الابحار معك..وعشقت اامعجزات برفقنك..اكبر مغامرة في تاريخ كبريائي كانت حبك..وأصدق تعابير في تاريخ كلماتي كانت لك
ومابين اسماء التفضيل اعلاه..خلقت انتي بين سطوري..تتهجئين كلماتي وتبعثرين خيوط تعابيري
تشتت الكلمات في ذهني فعلمت اني وصلت لحد العشق
فما لي مهووس مثلي باالكتابة الا ان ينحني لتدرجات خصرك المتوج
وما لي راوي لحكاية الا ان يتبع القدر فيها
انت قصة البارح ورواية اليوم وحكاية المستقبل

نعامسات فقراءة المطبوع لي بين يديها وكل مرة تقرا حاجة كتعرفو كيلمح عليها تهز راسها تشوف فيه ..هو الاخر لي كان كيقرا فكتاب الله كيف كل نهار..من نهار الكسيدة خصص وقت لقراءة القرءان ولا كل نهار كيقرا فيه علاش قد والصلاة فوقتها وكذلك توبة زيدعا تصلي واخا كتصلي بالجلاس مكتقدرش تحنا حيت كرشها حابساها

معرفاتش شحال تالوقت قرات قبل ماتغفا والمطبوع فيديها..سالا محمد القراءة وسد المصحف وباسو وحطو بلاصتو عاد شاف فيها بقاها كمخاات سبدة..ضحك ومشا حيد ليها الكتاب وصايب ليها غطا تلى كرشها..وهي تحرك بغات تقلب تنعس على كرشها تا شدها بزربة وقاا:اهيا غتبجغييها هههه
توبة:نمنمنمم
محمد:هههه
صايبها ودار ليها مخاد باش ماقلبش ومشا حيد عليه الفةقية ولبس حوايج مريحين ونزل لتحت عندهم لقاخم مجموعين على كاس تالقهوة ودوازو..جلس حداهم بعدما سلم وبقاو مجمعيين تا فاقت توبة ونزلات لعندهم باقي مخربقة بالنعااس..ووجها مبوص بنهاس..جلسات حداه مهضرات ماوالو هزات طبسيل صغير فيه الفواكه الجافة وبدات تتاكل فيه..تغدد الوز وتاكل الكركاع وتهرمش الحمص وهي كيشوفو فيها تانطقات فتيحة:الله يقل حياك لا سلام لا كلام
توبة:مممم بنين هاد لوز
محمد:بغيتيه مزاال؟؟
توبة:اه اه ههه واه باله فقت من نعاس اصاجبتي
فتيحة:(ميفات فيها)تريكة طلع وهبط
عيط محمد لخدامة وطلب منها تزيدها فواكه جافة خرين هزاتهم ضرباتهم كامليين عاد تكلقات كضحك وتهضؤ معاهم تا شهقاات بوجعة:اييييي(غمضات عينيها بالم)اش هذاا
كلشي تخلع وناضو واقفين عليها وهي مخرجا عينيها والوجع كينخز فيها
محمد:مالكي؟؟اش ضارك
توبة:اي اي الوجع اححح واربي اي اي كينغززز واااعععع
وفاء:ويلي ياكما غتولديي..راه باقي عليك الحال
سليمى:توبة تنفسي تنفسي متغوتييش بيمشي ليك سووفل..
فتيحة:راه اكليل تزادت على سبع شهور(كتمسح على كرشها)
توبة:(طلقات غووتة)واااااعععععععع اربيييي وااااعع
تخلعو عليها ووقفها محمد وقال:ياله لسبيطاار
وفاء؛طرطقات ليك السقيى ولا لا
توبة:؛وااااع اشمن سقية ولا نميي اععععععع واعتقوووو واااااععععع واماماااا مااامااا(بدات تتبكيزيديها على كرشها)واعبااد الله
تحنا محمد هزها بصعوبة حيت ثقالت وقال:ياله لسبيطار
خرجو كامليين نابعيينو الا فتيحة لي طلعان تجيب جلابتها..هازها كتغوت لربي لي خلقها بحالا غتولد..نغيزات تالوجع فكرشها من كااع جناااب..وجع تاةغيكل مضروب فعشرة تالمرات..ودموعه هواديين..شادا فذراع محمد لي فوق كرشها هاد الاخير لي شي نهار غتسكت ليه القلب..تتغوت زتزير على يدبه:واااعععع واماما واااا ععععع واربييي اي اييي وااربييي
محمد:متغوتييش اتوبة غتطيحي سوفل..متعرفي تولدي دابا
توبة:(خرجات فيه عينيها)وااااع ولا لا لاااا اعععععععععع لا لا ميمكنش نولد دابا(نفاجرات بالبكا) 😭😭😭😭وااا لاا لاااا اهء اخء هءهءهء
محمد:(ساط معصب وراسو ولا بحال صفارة الكوكوت ادورو لطريق وادورو ليها)واا سكتي راه غتسخفيي تنفسي مزياان ياله احبيبة(كيحرك يدو على كرشها)تنفسي تنفسي خرجي نفس ودخليها باله
توبة:(تتغوت)وااااع واربيي اشمن نتنفس هؤهيهيهيهي اش بيني وبينك تاتحملني😭😭😭😭(طارت عضاتو فكتفو)عععععععععع وكلت عليك الله
محمد:ااااععع واناري على مصعوورة 
توبة:(كتبكي)خءهءهءهءه والاه حراام عليييك هءهءهءهءهء 
محمد:هفاا احبيبة بردي وتنفسي باش متسخفسيش ففففف(كسيرا طاير فطريق)قربنااا صافي
توبة:عفاااك دغيا😭😭😭😭😭😭(تزاد الوجع)واااااععهععهه اماما هؤهءهءهؤ
زاد محمد فالسرعة تحت غواتها الكثير زلي كيتجهد..حضر لختو فاش كتوجع ولاكن هاد الاخت كثر..
ماوصلو لداك سبيطار تا سيدة كسرات الدنيا بالغوات تتنتف فراسها وتبكي ومحمد كلا العصا مزياان تتفقص وتضرب فيه

حبس الفران تاتحكو روايض ونزل كيغوت باش اجيبو ليه فاش اهزوها..حل ليها الباب تتغوت وتبكي جاوبو ليها كرسي حطوها فيه وغاديين بيها ومحمد شاد فيديها وتتغوت تقوليه متخلينيش والعائلة موراهم كيجريو واطمنوها وهي تتغوت بحالا بوحدها لي مرا بوحدها لي غتولد بوحدها..لي دازت من حداه كيشوف فيها ويتعجب اما محمد بيخرج ليه العقل.معرفها غتولد ولا كتوجع ولا مالها تلف وخرج من دار بكلاكيطة

توبة:هءهءهء محمد محمد😭😭😭😭
محمد:(شاد يديها وغادي معاها فنفس الطريق)متخافيش احبيبة ميوقع والو صافي متخافييش
توبة:هءهءهءهءهءه😭😭😭😭😭
دخلوها لغرفة الفحص ودخلات الطبيبة موراها ديركت وغواتها فارع القنت..خلاوهم واقفين كيتقلاو واتشواو على قلبهم..وكيطمنو فمحمد لي تعصب ووجهو كيقطر منو العرق 
محمد:(بعصبية)مافهنتش علاش غتولد دابا علاش؟؟
فؤاد:ابرد اصاحبي شكون قاليك غتولد
وفاء:راه شهرها السابع عادي تولد فيه
فتيحة:الله يفكها على خير ياربي
سليمة:امييين
بقاو واقفين كيدعيو معاها تخرج على خير وتعطلو فغرفة الفحص وكلشي على اعصابو تاخرجات الطبيبو مبتاسمة مشا عندها وقال:ولدات؟؟
الطبيبة:لا مغتولدش دابا..باقي عليها الحال
محمد:وشنو داك الوجع لي كان فيها؟؟

يتبع😉😉

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.