حكايتنا الجزء 58 والأخير

2018

محتوى القصة

رواية حكايتنا بقلم سكينة أيت الكبير

محمد:مافيك لا حريق لا والو ياك(قرب منها كيداعب نيفها بنيفو)همم
توبة:هههه لا رتاحييت..ومدارو ليا لا غراز لا والو..ولادة طبيعية مئة بالمىة ههه
ضحك بشوي وهادي عادتو وزاد قرب ليها كثر تاولا صدرها مبعوص مع صدرو وهادي طريقتو فاش كيكون مشتاق اداعبها ماشي اقيسها انما فقط اداعب مفاتنها واضحك معاها خالق بينو وبينها واحد المسافة قصيرة..اعض هنا وابوس هنا وسي مرات مكيبوسهاش كيكتافي هي يتحاك معاها..تكون قريبا ليه وبين احضانو وكيكتافي وتاهي كيعجبها الحلل حيت تيجيب ليها الله بلي بوحدها لي كتنفارد بهاد الميزة معاه
عضها فحنكها وهي تأوه وقالت:حشوما عليك
محمد:(كيداعب حنكها بحنكو)حشومة علي يااك هه محشوماش ربعين يوم ونبقا انا بلا منقيسك
توبة:ههههه هادشي فاش فكرتي ههه
محمد:وكثر هههه شنو انا مناخد والو ههه
قربات بغات تبوسو ففمو وعينيها لتحت وهو يبعد..هزاتهم فيه بغرابة وقال:غنشعل ومندي والو هههه
ضحكات وتخشات فصدرو معنقااه وقالت:فرحاانة بزااف..gلبي بيgول بم هههه
محمد:هههه الله يدومها ان شاء الله
بقاو معانقيين شحاال تا دقات الممرضة لي هازا ماكلتها عاد.بعدو على بعضهم حيت العائلة دخلات
عطاوها تاكل ودارو بيها كاملييين تاكلات وبقاو معاها كيطلو على جبران لي فسابع نومة..مكيديرش الصوت
بقات توبة حالا عينيها وتتكابر انها تبقا حالا عينيها ولكن رجع معاها العياا وبداو عينيها ميتغمضو تاتسدو كلياا ومشات فنوم عميق..من أريح المرات لي كتنعس فيهن المرا هي مورا ماتولد والبنت هي مورا مكيحيد منها الوجع تالعادة الشهرية نعسة حلوة

محمد:نعساات هه(صايب عليها الغطا)
وردة:انا نبات معاها هنا
وفاء:تانا
محمد:سيؤو مامليين انا لي غنبقا معاها..غدا غتخرج فالعشية
وردة:لا لا انا منفرقش بنتي تاتخرج..وفاء سيري نتي رتاحي ودي معاك لولو مغتبيش تمشي 
وفاء:واخا..نيت باش نوحدو للسيوع والطهارة ههه
الساجدي:نبات معاك أوردة؟؟
وردة:لا لا هي سيرو
محمد:سيرو نتوما انا غنبقا معاها انا زخالتي
وردة:هس سير تانتا اولدي
حؤك راسو بالنفي ومزاد تاكلمة وتاهوما متقابحوش معاه..باسو الولد ومشاو مخلينهم بجوج تعشااو كيهضرو عليها ..خلا ليها الفوتوي وتكات عليه تاهيا عيانة ومشا لفوتوي اخر جلس فيه..حيد صباطو وتقاشر وفك صدايف القاميجة ورد راسو لور كيفكر مبتااسم انه من اليوم ولا عندو ولد
بذكر ولدو ناض حفياان جيهتو لقاه فايق ومداير تا غوتا ولا بكية هي تيشوف وارمش فعينيه لي ممحلولينش اصلا ويخرج راس تلسانو بشوي
بتاسم ومد صبعو داعب حنكو بشوي وتيشد فصباعو فرحاان..قال مع راسو اهزو شوي
مد يديه هزو بين يديه وتيشم فريحتو لي عندو كي المسك..باسو فحنوكة جوج مرات وهو يديماري الولد بالبكاا مبقا بغا يسكن..فيق وردة من نعاسها لي عاد شد فيهاوقالت:فاق
محمد:كان غايق هزيتو وبكا
وردة:با يرضع..صبر نفيقها
محمد:لا لا خليها..اجي عاونيني نحطوه لبها وجبدي نتي بزولتها تايرضع ونبقا انا شادو
وبالفعل مشاو جيهتها هي لي غارقا فنعاس..حلات ليها وردة اللبسة وجبدات بزولتها وشد محمد الولد قريب ليها وحطو ليه البزولة وهو كاسر القنت بالغوات والاخت والا على بالها غارقا فنعااس..
هي شد البزولة صقل وبدا كيرضع تااني ووردة ومحمد كيشوفو فيه تارضع وشبع جهدنص ساعا وهو شادها تاشد فيه النعاس عاد حيدو وخلا وردة تاصايب ليهاحوايجها..رجعو لبلاصتو وحطو وغرق فنعاسو هو الاخر
محمد:صافي نعس هي رجعي تنعسي
وردة:ونتا اولدي؟؟
محمد:نعس فالفوتوي لهيه هي رتاحي
وبالفعل كل واحد توجه لفوتوي تكا عليه..
تكا محمدودار يدو على عينيه مغنضهم وعقلو خداتم كيفكر فمرتو وولدو والفرحة ماخلاتو ينعس
****
رأيت في الزهور العديد..وأهديت نساء الكون الياسمين
قدمت الاقحوان للفرنسيات والجوري للايطاليات
تغزلت في رائحة العربيات لكن عطرك يا شقية
كان يفوح برائحة التراب الممزوجة بالممطر..رائحة نجدها مرة واحدة في السنة
اخترت لك من كل زهور زهرةومن كل وروود وردة
فكانت رائحة فجر جديد معك زهرا من نوع أخر وباقة لا يذبل بريقها

طول الليل وهو فايق منعسش بتاتا..الفرحة مخلاتوش انعس اوقف عند راس توبة تبوسها وامشي لجبران تاهو اشبع فيه شوف..تا امر الله بالفجر اطلع وصونا تيلي ديالو بأذان الفجر..دخل للحمام توضا وخرج كيشهد..فرش ايزار حاطينو احتياط للمرضى وقلب على لقبلة بتيلي وصلى الفجر والصبح بخشوووع وتلاقهم ركعتين شكر لله سبحانه..داردعاء وجمع ليزار ثم مشا انعس واخيرا النعاس زاارو

مع شروق شمس جديدة ونهار جديد فاقت توبة على صوت جبران كيغوت بغا يرضع..حلات عينيها بخوف وقالت:جبراان
مشاو عينيها ديريكت لبلاصتو لقات مها هازاخ وجايباه ليها وقالت:بشوي عليك ابنتي هاهو
توبة:(مدات يدبها)اريه ليا ارييه
حطاتو ليها بين يديها باقي كيبكي وجبدات بزولتها حطاتها ليه ففمو وبدا كيتبعصص عليها تا شدها وعصرها مزياان تا تعصراات توبة وغمضان عينيها بألم وقالت:نااري ناااري اعععع تيعض تيعض اععع
وردة:اشمن تيعض الله يهديك راه هي تايجر
توبة:(بغات تبكي جامعا يديها قبضة)اععع قاسحة وااععع وابشوي 
وردة:ههههه واصبري هههه 
اما سي جبران تيرضع ممسوقش واجر فالبزولة وارضع ..مسحات ليه توبة حنوكو وشدات يديه باستها بحب كتصبر راسها وقالت؛باينا كي بطلع شويطيين 
وردة:الحاجة لي متشبه ماليها حرام ههه
توبة:حححح والله تكيعض..فيناهو محمد
وردة:فقت مالقيتوووش بيكون مشا لدار
توبة:اه

تحل لباب ودخل منو محمد هاز ساشيات كثار فيد وحدا وبوكي دفلوغ فاليد لوخراا مبتاسم كيف عادتو وقال:صباح الخييير
هزو فيه ريوسهم وبتاسمو ليه وجازبوه..تقدم جيهتهن سلم على وردة من الحنك عاد توجه لتوبة باسها فحنكها بوسة حارة وقال:كيصبحتي أماما هه
توبة:(عاجبها الحال اقوليها ماما)بخييير هههه تاعمن هاد الورد
محمد:ليك ههه هاهو(حطو فطبلة حداها وباسها فراسها)رتاحيتي شوي
هزات فيه عينيها بعشق وهاد سيد فين باديرو بهاد الرقة لي فيه..والابتسامة لي مكتخطاش وجهو
وردة:وهي بوحدها لي تستاهل الورد ههه 
محمد:تستاهلي..نتي الجردة دتا الفيلا نكتبها ليك هه
وردة:ولد الخير ههه
هبط باس حنوك ولدو وقال:فاق كيغوت ياك
توبة:اه تاخلعني ههه(نزلات عينيها فيه)كيجر البزولة بجهد ضرني فيها
حط محمد صباعو على بزولتها كيمررهم بحال ماساج مقاصد والو هي باش متبقاش تحس بالحريق وعينيه فجبران؛شويطين ههه
توبة:عهه باينا كي بيطلع خهه محمد علاش مبقاش فالقرعة
محمد:علاش خصو يكون فيها؟؟
وردة:نورمالمون خصو اكون مي كاينين حالات استثنائية بحال هادي..جبران واخا ضعيف مي صحتو مزياانة ماشي بحال لولو تزادت قبل ماتكمل نمو تاعها
محمد:هضرت مع طبيبة هاد صباح وقالت لياصحتو مزيانة عادي بجال اي بب
توبة:(باستو فجبهتو حيت بدا كيغمض عينيه)حبيبي انا
محمد:رضعيه واجي تفطري
بتاسمات ليه وخلاتو تا رضع على خاطرو وحيدات ليه لبزولة لي كان مكنزز عليها تتألم:اححح اي اي اربييي
طلقها بستة وستين كشيفة وهزاتو وردة داتو لبلاصتو عاطياهم بظهر فحين توبة باقي مخرجا بزةلتها تتقطر بالحليب ومنفوخى وحمراا
تحنا محمد بشوي باسها فيها وقال:هي صبري غتولفي ههه
حماارت بالحشمة ورجعات بزولتها دغيا وقالت:هبيييل هههه ارا نشوف اش جبتي
ضحك وناض جاب ليها من كل حاجة حاجة وحطهم قدامها فبلاطو وفطرومعاها تاهوما..وكل مرة مبزز عليها حاجة باش ترد صحتها حيت فغيمون صفراا ومجايبا لدنيا خباار تادخللت العائلة كاملة عمامو كامليين ماعرفاتهم امتا جاو وعماتو وولادهم ووخوالو وعيالاتهم وولادهم..فرقة الكورة بالاحتياط..ايرفي رونار ووليداتو
عادل:تباارك الله ماشاء الله هههه ولدتي القصيورة
توبة:هههه اهلان الخويبل(قرب باسها فراسها*عاش من شافك
عادل:مبروووك عليكم الزيادة
محمد:اللع يبارك فيك
تقدمو عمام محمد وباقي خوالو وعماتو سلمو عليها وباركو ليها فرحاانين عاد توجهو لجبران لي كان ناعس ويديه مليوحين حداه
كلشي باسوه وعلقو ليه لويز والذهب فلبيستو وملها لمن شبهو..شي فؤاد شي محمد شي توبة شي اكليل..
رجعات الغرفة سوق صافي عاامرة وفيها الهضرةوكلشي وافف على راس جبران لي ولا بحال القيصاربة تذهب وعند توبة راه كي جردة حاطين حداها الورد بجميع اشكاالو
فرحانين ليها ماقاداهم فرحة تافاق جبىان كيدور فعينيه ولقانم عند رااسو كلشي وسع عينيه كيشوفو فيه بدهشة بحالا عمرهم شافو دراري صغار..تاطلق بكية صغيرة وهزاتو لبنى عمة محمد بدلال وقالت:الا الا متبكييش متبكييش ههه ياحتي اش هاد زييين ههه
سلمى:واري نهزو تانا
شدانو عندها مزيان؛سيري لهيه خههه اححح اعمري نتا على هاد الحمورية اححح(سكت)تححح على لفنون 
فؤاد:سكت ليك ههه اري ليا حفيدي نعطيه كاادووه
لبنى:واسير خليني نهزو هههه
عطاتو ليه بزز بااسو وحطو فحضن مو وجبد بواطاا حمرا حلها فيها كورمييط صغير من الالمااس كيبري..رقيوق وعاطي للعين منقوش عليه"جبران"
لبسو ليه بزز مع كيتعافر تابدا كيبكي وتوبى تتشوف فالبراسلي باعجااب..هزات عينيها ففؤاد وقالت:لهلا يخطيك اعمي
فؤاد:كلشي ديالو ههه
جبد بواطا خرا غيهامجموعة من الالمااس بحلقات وبراسلي وخاتم وسنسلة

توبة:(باعجاب)😍😍😍😍وينوووو شجال زوييينة هههخخخخ واعرى هههه قرب قرب نبوسك ههه
تحنا فؤاد تا باستو فحنكو وقال:بصحتك ابنتي..كادو تالولادة الله يربيه فعزكم
توبة:اميين

ومن بعيد كان الساجدي معنق وردة وكيشوفو فبنتهم فرحاانة وفؤاد ووفاء دايرينها كي الورد النادر بيناتهم..كلشي طيعطيها ويتهلا فيها مبينين ليها قيمتها بيناتهم
همسات ليه وردة فوذنو:شرفنا
شاف فيها وعض على شفايفو وعطاها قبلة رضى فراسها:تال لموت بجوج هههه 
وردة:ان شاء الله

تعانق محمد مع باه كيشكرو على هديتو وكذلك مع كاع العائلة..مفرحيتها وهوما كيبديو اعجابهم بيها..كتولي تحشم ويعجبها الحال وهي تضور فعينيها

دوزو معاها الصباح كولو ومشااو فانتظار السبووع الاسطوري لي غيتقام لاول حفيد فعائلة الكلاوي
وردة:نمشي نصايب ليك فراشك وكلشي باش تجي وترتاحي
توبة:(باسنها)واخا احبيبتي
الساجدي:رتاحي
باسها وخرج تاهو مخلينها مه محمد لي جلس جنبها ولاح يدو ورا ظهرها..شافت فجبران لي كينشر فيديه وقالت:واش باقي مببحل عينيه ههه
محمد:باقي صغير خصو اولف الشعا ههه بشوي عليه
توبة:بنشوف واش خضرين بحالي
محمد:واحبيبة صراحة محاال هههه حيت بيبانوو
توبة:ههه زعما هي تسخرت ههه
محمد:تماما(رد شعرها ورا وذنها)ان شاء الله تولدي بنية خرا زوينة تشبهك كولك
توبة:امتا؟؟
محمد:تاتقراي وتخرجي وعاودي حملي هي رضي البال راه هذا وهي زلق هههه
توبة:نتا لي جيتي سخون تانسيت اش تندير هههه
ضحك محمد مفكر ديك الليلة هلكها وتاهو تهلك ههه حشم من راسو وقال:اودي..شي مرات مكنعقلش على راسي هههه كنشوفك كنتسيف ههه
توبة:(باستو فحنكو)هههههه راه تنgولها ليك راك زلال
ضحك وداعب ولدو فحنكو وباسو وبقاو مجمعيين هضرة تجيب هضرة ومرا افيق جبران وترضعو واهزو بااه اراري بيه عاجبو الحال خاصة فاش كيبغي اديماري ابكي كيبان كيووت

وصلات الستة تالعشية ودخللت الطبيبة فحصات توبة وخرجات بعدما سمحات ليها بالخروج وطمنات على صحتها وحيت والدا بلا غراز جاتها ساهلى..ممقصحاش بزاف مي مكتقدرش توقف

حط محمد الولد فبلاصتو ومشا هز الصاك لي جابت ليه مو فيه حوايجها وحوايج جبران..وجا وقف عليها حيد ليها اللبيسة تسبيطار وبقات بسليب فيه اولويز ياله غيحيدو وهي تحبسو وقالت:لا لا خلييه تانمشي لدار وتعاوني ماما ندوش
محمد:على حسب ماعرفت راه باقي مكيدوشوش
توبة:ونبقا هاكا..ميمكنش ويلي..اجي مجابوش ليا تخووس تاع الماكيااج
شاف فيها هاز حاجبو وقال:من نبتك نتي عاد والدة والماكيااج؟؟
توبة:واش فيها شو كي صفراا
محمد:صفرا ولا خضىة أتوبة راك عاد والدة..ماكيااج لا
توبة:ومالك دابا مgلنا والو
محمد:تانا مgلت والو..بغيتي نطرف لييك دابا؟؟
توبة:لا لا بلاش نمشي لدار ونطرف نيت بيدما تشري ليا المطهراات
محمد:واخا
جبد سروال لبسو ليها ولبسها سوتيان وفوقاني تاع جبادور مقطن شوي وقالت:محمد هادشي سخوون
محمد:كون جابو حسن شي جوج سراول راه بيشربك البرد ونتي دغيا كتمرضي
توبة:واسخااان فففف
جبد كااب تقليدي طوييل فالبيج مطرز كولو بالبيج مغلوق لبسو ليها ولاح ليها بلغة لبساتها وقالت:اهيا راه فاش خارجا من دار با عروسة ملبستوني هوكا
محمد:بيفرعك البرد أتوبة..شعروخصك تغطيه
توبة:عار تالله شكون gاليك هاد تخرميز؟؟متكون هي ديك جدا
ضحك ومحمد وقال:تماما هههنهه عمرات ليا راسي
توبة:(مغوبشا)عقلية ااراقدون تحت التراب
ضحك وجر حناكها باسهم وهز مشطة سرح ليها شعرها وجمعو وجمع لباقي فصاك وقال:قادرو توقفي ولانجيبو ليك كرسي سبنو نهزك
توبة:لا هي زيد نحاول وصافي
محمد:مكتحيش بالحريق تحتك؟؟
توبة؛شوياا وصافي..نشووف
تقادات فالوقفة وناضت كتحاول نصايب الوقفة على رجليها وحسات ببعض الالم تحتها وعضات على شفايفها وقالت؛احححح 
محمد:صبري نهزك
توبة:والولد؟؟
محمد:نرجغ ليه..نحطك فالاوطو ونرجع ليه
خرجات فيه عينيها وقالت:البعابع لوااه تخلي ليا ولدي هنا وتزيد
محمد:ياهاد البنت راه سبيطار بكاميراات
توبة:متنفهمش انا ديك الهضرة هز الولد وياله
حرك راسو ومشا هزو بين يديه ووقف حداها وقال:خشي يديك فذراعي
ودارت المثل وخرجات هي وياه كينمشا على حساب جهدها لي ولا ضئيل كيبان لبها من نااس جوج..وعياات..شافت فيه كتنهج وقالت:محمد عييت والله
محمد:(بقلق)عاد.كنتي مزياانةجلسب فهاد الكرسي رتااحي
وبالفعل مشاات جلساات فيه تتنهج وقالت:نشرب
شير لكارد لي تابعو من لور هاز صاك ديالهم وطلبو اجيب قرعة تالما زمشا كيجري اجيبها فحين هو جلس حداها بقلق والولد فيدو ناعس وقال:توبة نعيط لطبيب
توبة:لا لا هي عبييت وصافي بيكون هي طونسيو
محمد:متأكدة
جاب الكارد الما حل ليها القرعة وشربات منها شوي وجلسات رتاحت شوي عاد ستأنفو المشي وغادي معاها دقا دقا تال سانسور ونزلو لتحت مسندة عليه وخرجو لقاز ااسيارة فانتظارهم طلعو لور وجلس حداها دوزيدو على شعرها وقال؛صافا داباا؟؟
توبة:لا الحمد لله ففف (صايبات الغطا لجبران)
تحرك الشيفور بيهم والوجهة الفيلا لي كانت تتنغل بالعائلة

وصلو بعد مسافة الطريق للفيلا ودخلو غلى لباب الرئيسي فاتحاه الباب ديال الفيلا
وقفات بيهم السيارة قدام الباب وحل ليهم ااشيفور نزل هو لول هاز دري ونزلات هي بشوي تأبطات ذراعو..وتحل الباب من طرف وفاء لي لابسا قفطان خفيف ولايحا عليها شال خفيف وشي تشعرها باين مبتااسمة وحداها الخدامات هازيين صواني..وحدا فيها جوج جبانيات تالحليب ووحدا هازا صينية فيها طبسيل كبير تاع الطاوس الحر فيه تمر مستف على شكل هرم وعلى يسارهل العائلة كااملة لابسين مأنقيين وكيتسناو فيهم..دخلو برجليهم اليمنى مبتااسمين كيبانو عائلة سعيدة جدا حيت لاصقا حداه وهو هاز دري
شربات من الحليب وكلات من تمر وتاهو عطاوه فرحانين مقاداهم فؤحة وسيدي جبران كيتهز من يد ليد..شوي يهزو عم باه شوي يهزو خال باه شوب جدو شوي جداه شوي خالتو شوي صاحبة جداه شوي عماتو كلشي فرحان بيه ماقاداهم فرحة..ولي معلق ليه فالصباح اعلق ليه فالعشية..مكاين هي لويز كيتشاير
شدات وردة فبنتها هب وفتيحة ودخلوها لداخل وقالت:ماما بيت ندوش
وردة:نطلعو درووك وندوش لييك مي خلييك مع جبراان
توبة؛والى بكاا
فتيحة:نطلعو ليك ترضعييه هي شيري اه وتوضاي بشوي تالخزامة والما دافي راه حطينهم ليك تما
توبة:جاب ليا محمد شي مطهراات
وردة:وصا عليهم وجاو عاد دابا هي زيدي
توبة:(عيطات)محمد محمد
تلفت ليها حيت كان مع عمو كيهضرو ومشا عندها وقال:طلعي تنعسي؟؟
توبة؛ندوش ونرتااح
محمد:واخا احبيبة
ياله بغات تزيد وهو يغفلها وهزها بين يديه وقال:تقسحتي؟؟
ضحكات بخجل وقالت:ويلي اهيااا
كلشي نلفت ليهم وضحك ولي هبيل راه كيصفر..طلعها للفوق ممسوقش ليهم حيت جاه جيست عادي طالما مريضة ..ووردى تابعاهم من لور كي نكاافة
دخلها البيت وحطها فالناموسية وقال كيلعب فشعرها من لفوق:ندوش ليك
وردة:(من وراهم)ندوش ليها انا اضلا هي غنطرف مكاين بو تدوااش
محمد:(مالقا مايقول) واخا..ياك وصلوك المطهراات
وردة:كلشي عندي ههه نزل ننا بقا مع ولدك
بناسم ليهم زخرج مساخيش اخليها مكرهش ادوش ليها ولايني حشم من مها ابقا انقابح معاها..
وردة:(جمعات شعرها)ياله بلاتي 
شدات فيها ودخلاتها للحمام بشوي وحيدات ليخا حوايجها ودخلاتها للبينوار فيه ما دافي بشوي تالخزاامة افيدها وبدات مها كتمسد ليها عظاامها وتكمدهم بالما حيت على بالها المرا كتحل كلها وخصخا تجمع وتسخن باش ميشربهاش البرد
وداكشي لي دارت..ترخات توبة مزياان على يد مها وستمتعات بمااساجها تا سالات وغسلات ليها شعرها وشللاتو عاد عطاتها المطهر وقالن:هاكي تبنتي توضاي بهادا بحال كي تتوضاي بالماا
توبة:واخا صافي هي خرجي
وردة؛ها البينوار والفوطة تلقايني موجدة ليك ماتلبسي
بناسمات ليها وقالت:احفظك الحب
خرجات وردة وخلات توبة تتوضا بالما وتحاول متفورصيش على راسها حيت واخا بلا غراز ولاكن راه تحتها كان محلول ...كملات ولبسات بينوار وفزطة على راسها جارا نعالة قطنية فرجليها وخرجات لقات مها حاطا ليها حواايج عبارة عن بيجامة قطنية بفوقاني وتحتاني تاعها تريكو وسروال فالبيض ومكتوب فيها بالرمادي مع سوتياان وسليب فيه فوطة صحية
عاوناتها مها تالبسات ونشفات ليها شعرها بسوشوار تاحسات براسها سخن..خلاتو مسرح تتكات بلاصتها وقالت:ماما gوليهم اطلعو ليا ولدي توحشتو هههه
وردة:ههههه ولدك ولا كي قيصارية تاع ذهب هههه عمام محمد سخيين بزااف ماخلاو ماجابو ليه وتا خوالو
توبة:الله يعمرها داار..شوفي عطيني شي كريم نرطب بيه زجهي ولا صفر
مشات لبلاصة كريماتها وجابتو لبها دارتو لوجها لاغير وتكات تا تحل لباب ودخل محمد هاز جبران كيبكي وقال؛بغا يرضع
توبة:تراه ارا ليا حبيب ماماه اححح على فنكووشي 
عطاه ليها شداتو بااستو وجبدات بزولتها عطاتها ليه شدها وسقل زبقات تتفرج فيه مستمتعة بالمنظر وتا محمد ماشي قل منها وقالت:ماما جبران منبدلوش ليه؟؟
وردة:خليه ناعس دابا افيق ونمسح ليه بالانجييت اما تدواش تا دوز 48 ساعة ونبدل ليه
توبة:واخا..محمد نوض احبيبي دوش ورتااح
كان متكي على مرفقو طيشوف فجبران وفيها وقال:ممحتاجا والو؟؟
توبة:لا هي نووض
باسها فؤاسها ونااض دخل لدووش شافت فيها مها وقالت:هاد سيد سكر هههه واطرني gاع محمادات حلويين ههههه
توبة؛كلهم ياختشي حلويين ولايني تاعي انا عسل
وردة:ههههه اوا عنداك تلعقييه..اما نزل نشوف سكرتي تانا هههه
توبة:سيري ههه
خرجات وردة مخلياها كترضع جبرانو وتبووسو تتشبع وباقي شاد لبزولة كيغزز فيها وهي تتألم وتصبر وتكمدها مبردا على راسها بشوفتو

وأجمل حاجة فحياة اي امرأة هي تشوف فلذة كبدها❤❤❤

خرج محمد لقاها كيما هي بتاسم وقال:حبينوو
هزات فيه راسها وقالت ببراءة:محمد ولدنا زويين بزاف
ضحك مبين على سنانو وقال:ههههه وايلي باه زوين ومو وااعرة وميطلعش زيين
توبة:حمقني هههه شو كي داير فن يااخوياا
محمد:تتي تفليبيتي هههه نمشي نلبس
دخل كيضحك لدريسينغ لبس عليه وخرج لقاها حطاتو حداها وتتدوز على كرشوو حيت شافت عينيه شاد فيهم نعاس نوعا ماا..تا جاتها البوسة فالعنق بورشاتها وصوتو قال فوذنها:جا معاك تكوني ماما

تهرات من للبوسة وتلفتات شافت فيه وقالت:تانتا جا معاك تكون بابا هههه شو دابا هاد زيين كولو بيكبر وبيبدا اعيط لينا ماما بابا هههه
محمد:(بوسة خرا فعنقها)هاد زيين كولو بيشركني فيك اعباد الله ههههه بدا بصدر وخاحنا طالعيين هههه
ضحكات عليه وقالت:وااش حمق ههه
تلاح حداها لايح يدو وراها وحيت هي ناعسة وسط الناموسية وقال:وااحمق ههه وكنبغييك ودابا عاد فاش وليتي ماما ولات فبك توبة حنانة وحدا خرا هههه
توبة:نهههه منكونش بحالك(تلفتات باستو فحنكو)
درها بيدو وجلسو كيشوفو فجبران لي نااعس وكيتنفس بانتظاام وكرشو كطلع وتهبط..عم صمت للحظات تاناض من حداها وقال:انا جاي
دخل للدريسينغ وخرج راجع عندها جلس جيهة رجليها الغلاض ونقيين باقي مصبوغيين بالبوردو وقال:وقغ ليا واحد البلان مع رجلييك ههه
توبة:شنوو؟؟
محمد:رجلييك كيعجبوني ههه(مسح على وجهو)بزااف حيت غلاض ههه ةفاش كديري ليهم الحمر ولا لبوردو خلاص مكنكرهش نبووسهم
ضحكات على نيتها وقالت:اهيا نتا اه تزاديتي نغزة شوي ههههه
محمد:سري لي جالس نتعنب عليك هههع
بتاسمات ليه وقالت:اجي عنقني
سكت مافالو والو حدو خرج بواطة صغيرة من جيبو وجبد منها خلخاال رائع فالاسود وفيه اجراس صغيرة بزااف...ركبو ليها فرجليها وجاها خطيير مع كديمات رطبين وحمريين..وتاهي تفاجأت بجهد وقالت باعجااب:واااو غزاال هههه اححح هليك واجب نبوووسك هههه
تحنا باسهم ليها بجوح وقال:عاد زياانو 
ناض جيهتها ياله بيجلس وهي تجرو من عنقو وبااستو فشفايفو بوووسة حاارة وقالت:انا لي تزوجت هههه اححح عليك(عنقاتو)زويين بجهد ههه
محمد:بصحتك احبيبة(باسها فراسعا)رتاخي مزياان باش ندير لولدي وماماه أحسن سبووةع
توبة:شي سبوووع مطرطق هههه مكرهتش نديروخ فالمغرب
محمد:السفر قاسح عليك احبي..نديروه هنا ونطهروه هناا
توية:ان شاء الله ههههه كنحبك أنا..
محمد:تانا ياله نعسي تساراحي
توبة:حك ليا شعري حمبااك هههه
وبالفعل لبى ليها طلبها وبدا كيحك ليها راسها مغمضة عينيها مستمتعى بلمسااتو وكثرمن هاد السعادة مكتصورهاش..عائلة كتيغيها وراجب كيتسطا عليها ومستقبل زاهر كيتسناها والباقي اجمل
بقا كيشوف فيها شجال وكيشوف كيفاش بدلات مبادئ عديدة فحياتو..نظرتو لبزاف تابحوايج بدلاتهم ليه..كان مغيتزوج تال 30 وهاهو فين صغيرة زوج وأب..كان مكيعتارفش بالعشق وهاهو اليوم غارق فيه..
بقا كيشوف فيها شحاال وتذكر كلمات أغنية كيعزها بزااف كتعبر عليها..
كل القصايد

آهٍ على قلبٍ هواهُ محكّمُ ؛
فاض الجوى منه فظلما يكتمُ
ويحَيِّى أنا بحت لها بِســــــــــــرِّه ؛
أشكو لهــــا قلباً بنارها مغرمُ
ولمحت من عينيها نارى وحرقتى ؛
قالت على قلبى هواها محرَّمُ
كانت حياتى فلمَّـــــــا بانت بنأيها ؛
صارت الرَّدى آه علىَّ أرحـــــمُ

كل القصايد من حلا عينيكي من دفا ايديكي كتبتن وقلتن 
هودي القصايد مش حكي يا روحي هو بكي القصايد هو لكي كلن

هودي الاغاني غرامي سنين هودي دموع ونغم وحنين 
هودي ايامي معك قلبي اللي بيوجعك 
انا لو لا الهوى انا مين

كل القصايد من حلا عينيكي من دفى يديكي كتبتن وقلتن

باسها فرااسها وماض من حداها نازل لنحت مخليها ترتااح بعدما تأكد انها غفاات
وللعشق في تفاصيله جنون

للحياة قواعد يتدخل العشق ويلغيها
بعد مرور أسبوع على خروج توبة من سبيطار ..قضاتها رفقة عائلتها لي دايرين بيها وممخلينعاش تخصها شي حاجة..زائد محمد لي جالس من الخدمة على قبلها..مقابلها ..يوماين وهو
حداها..ولا هو لي كبدوش ليها ويفيق جبران واجيبو ليها ترضعو..
هاد الاخير لي شاطن الكل..كلشي ككاين هي جبران جبران الفنكوش جبراان اغوت جبران اجي مالو تا كيغوت
الكل فرحان بييه وتجمعات العائلة عندهم كاملة من غير خوال توبة لي باقي فمراكش وعيطو باركو ليهم وماقاداهم فرحة

اليوم كيف العادة توبةناعسة على كتف محمد لي تاوو غارق فالنعاس وجبران فسريرو لي جابوه ليه فالنهار فاش رجعات من سبيطار..زرق وفيه لعيبة لفوق بحال الثريا فيها لعيبات صغار تيدورو وضو خفيف عليه

طلق غوتو المعتادة لي كتبدا بريتم صغير وغاديا ومطلع تافبقات توبة من نعاسها..تتهضر معاه عالاه اسكت:وااصاافي هاني هاني
ناصت من حدا محمد بشوي عليها بعدما وكدات شوي وصوت جبران فارع القنت تاحل محمد عينيه وقال بصوت عيان بنعاس:مالو؟؟
توبة؛با يرضع هي رجع تنعس
ناضت مشات ليه هزاتو كطبطب عليه حاطاه فحضنها ومشات جلسات فطرف ااسرير عاطيا بظهرها لمحمد وجبدات بزولتها عطاتها لييه وشدها دغيا وبدات تنخصيصتو تاتنقص..تفوهاات وحكات عينيها بيد ورجعات شدات فبزولتها ليه لتزلق ويطلق حلوقو...
حط محمد راسو فعنقها وقال:واش هاد الولد كيرضع كل ساعة 
توبة:زريغتك ههه شغبني مانعست ماشتو هههه
محمد:(شد رجليلاتو صغار كيلعب فبهم)خليه ارضه تا يشبع بصحتو
توبة:حيت ماشي نتا لي تيجر فلحمك هنه(مسحات على وجهو)بصحتو حبيب ماماه
محمد:رتاحيتب شوي؟؟
توبة:شوي ههه نوض تدوش
محمد:سي عندي شي اغراض
توبة:اشناهوما
محمد:هضرت مع طبيبة تاعك(تعجز وتنشر على السرير وتلفتات ليه)سمحات ليك بالسفر..السبوع بيكون فالمغرب
ضحكات تابانت ضرسة العقل والفرحة طلعات على وجهها؛حلف😍😍😍😍ايييي ههههه احححح المغرب هههه مراكش
محمد:لا لربااط ههه ااسبوع بيكون تما ومن بعد نزلو لمرااكش
توبة:هههههه واخا وتا طهارة تمااا؟؟
محمد:سي اححح عظامي خصهم شي طرطيقة هههه
توبة:نوض تكركب مع درووج ههه
محمد:دومااج راك والدة اما نطرطقهم علييك ههههه
ضحكات وقالت:نوض لزلال لي ولدك تدوش وخرج قضي ليك غرض
ناض من بلاصتو باسها ففمها بجهد وقال:هاهو غادي(تحنا باس جبران)
دهل لدوش وخلاها كتضحك وترضع قيه تاشبع وطلقها راسو وباقي حال عينيه باستو فحنوكو وتكاتز على الناموسية تضحك وعاجبها ولدها

مشات جابت صاك صغير زرق ديالو فيه اي حاجةتحتاجها باش تبدل ليه..وبدات تتحيد ليه حوايجو وتضحك معااه وتبوسو فكرشو تا كيتحرك بوحدو ويبتاسم كيضحكوه الملايكة..وتحماق هي وتضحك ليه..باستو فكريستو وحيدات ليه ليكوش ومسحات ليه بلانجييت وتبوسو فكرشو ورجليه..خرج محمد لقاها تضحك ليه وتهرو فكرشو..وقف عليه كيقطر وتحنا باسو تابتاسم جبران
محمد:شووو كيضحك هههه
توبة؛خنفووسي هههه
محمد:لبسيه دغياا هههه
صايبات ليه ليكوش ومسحات ليه بزيت عاد لبساتو لبيسة خرا فالابيض وهزاتو فحضنها باستو فحنوكو وقالت بصوت طفولي:هانا ابابا هاني نقي ههه نقي وزوين
محمد:(باسها فمها)ياربي تاصبر راه سيمانة هههه
توبة:هههه بااقي باااقي
محمد:عاقلة على نهار قستك مورا مابرات رجلي
توبة:ههههه اييه مالو تف تف الله ينجينا وينجيك منو
ضحك وقرب عضها فحنكعا بشوي وقال:زيدي زيدي هههه
توبة:واسبر لبس 
مشا لدريسينغ لبس حوابجو وخرج لقاها باقي تتلعب معاه وتهرو بشعرها وتضحك
محمد:برهوشة هههه
توبة:جدااك انااا هههه 
محمد:تنزلي تفطري ولا يطلعوه لييك
توبة:عييت بنعااس امحمد وتنمشي مزياام بيت نزل نفطر معاكم
محمد:واخاا..الى عيانة ناجلو ااسفر غدا
توبة(خرجات عينيها)مسافريين غدا😳😳😳
محمد:وي ههههه مديري والو جوايجم انا نجمعهم نتي رضعي ولدك وشديه انا ندير كلشي
توبة:بنسافرو عادي ولا خااص
محمد:خااص اريه لياا
عطاتو ليه ومسحات ليه فمو عاد مشات خدات دوش خفيف ولبسات عليها حوايجها عادخرجات دارت كريم مرطب لوجهها ومرطب شفاه لا غير وطلقات شعرها مسرح وزاد طوال شوي
خرجات عندو وباسها فحنكها وقال:تتزيااني ابمت الساجدي
توبة:عينيك احبيبي ياله مشينا
بتاسم وناض معاها نازلين لتحت لقاو طلشي تما والطبلة عامرة بالعائلة وبالماكلة كلشي تفاجأ 
توبة:صباح النووور
الكل:صباح الخير
وفاء:مالك ابنتي نايضاا جلسي كنت عوالة نطلع ليك فطورك
توبة؛عييت بالنعااس
سعيد:اريه اريي ليا ولد الغاالي نهزوو
توبة:هاد الولد طيبتوه بالهزان ههههه
تكرشخ سعييد بضحك وضرب على كتافها حيت جلسات حداه وقال:مسخيطة مع راسك(قرب لوذنها)الهزان كااع
توبة:😂😂😂😂😂😂😂(ضرباتو لكتفو)الله يمسخك صبا صباا😂😂😂
سفيان؛اهيااا اداك الفاسد هههه
اشراق؛انا بعدا وجهي وليت تنخبييه ههههه
وردة:مقزدر يااخووياا هههه
فتيحة:واخا مافهمت والو ولايني الله يمسخك 😂😂😂
سعيد:ههههههه انا كووول
عطاه محمد جبران وقال:ناس تكبر دير عقلها ونتا عاد مكيهرب ليك
ي
سعيد:عقل هليها اوليدي الى مطلعتو بحالي راه مخلاو فيا الكلاويين هي الخلا
سليمة:السلامة معاك هههههه فوت عليك ولد خوياا 
لبنى"كتفقص كتفقص ههههه باز
توبة:حليوه خليوه ههههه ولدي بيطلع مهدن بحال بااه
فؤاد:زعما راه بااه كان مهدي فالصغر هههه
وفاء:مكبر وتهدن تارد لياهذاا(حطات يدها على جبهتها)لهنا(دارت يدها ورا راسها)
الساجدي:اوا المهم هو كبر هههه اما رىه كان ضاسر 
محمد:عفا الله هههه
وردة:مكبرتي ياوليدي وتهدنتي تا شغبتينا هههه 
اكليل:زعما تبارك الله زين تصافي تبنتك كانت حلوة واكوااك
فتيحة:أييي اييي واكوااك انا لي عرفتها أنا لي جبدات ليا قلبي احححح كونت تنشدها فاش مها تتمشي تقرا واامااري السلامة ملي تيجيبها مراد من المدرسة وهي تتهبش وتلعب وتقلب وتضرب تتجبد ليا gلبي ههههههههه واحد نهار لقيتها هازا سبسي تاع المختار الله يرحموو تتفنكش فيه
توبة:(جابو ليها ضحك)هننهههههه اكنت حشايشية ههههههه
الكل:😂😉😂😂
وفاء:هههههه السبسي كااع الحمد لله محمد واخا كان تيطير ولايني البلية متبلاش وماعمؤو دارها
فؤاد:حم حم
شاف محمد قدامو مطمر كيحط لتوبة فطبسلها وتا فؤاد حم حم أما توبة تتدوؤ فعينيها فحين وفاء معاقتش بتاتا 
فطرو مجموعين كيضحكو كيف ديما واهضرو على السفر تاع غداا للرباط باش انظمو سبووع لولي عهد الكلاوي ولي طلشي فرحان بيه

دوزو نهارهم عااادي جداا بيناتهم فضحك وتقشااب تا تعشاو وكلها قصد بيتو ارتااح

فبيت توبة كان محمد واقف كيجمع حوايجها وهي تتنعت ليه اش يجيب ليها حاطا قدامها جبران فرولاكس ديالو دايرسكااتة ومغمض عينيه نوعا ماا..باقي مشد فيه النعاس وتوبة تتحرك فيه برجليها
محمد:داز وقت دغياا جاب ليا الله هي لبارح تزوجنا
توبة؛شكون gال انا لي كنت ضاربا دنيا بركلة نتزوج ونكون ام فسن صغغيرة هههه ونهز مسؤولية
محمد:الامومة أحبيبتي متبدل فيك والو(كيحط فشانطا ديالها)بدل الزواج قيك شي حاجة؟؟
توبة؛هو مبدلش بزااف ولاكن شوي..
محمد:(هز فيها عينو)بحالاش؟؟
توبة:مثلا تنعود نفيق بكري ونوجد ليك حوايجك وفاش غيرجعو لامغرب بنرجع انا وياك هنا وبنرحعو لابارطمون تاعك يعني غتطون مسؤولية خراا
محمد:مكاين حتا مسؤولية..مطيبي ماديري والو..قرااي وردي لبال لولدك صاافي
توية:وراه هي ولدي مسؤولية
محمد:نجيب ليك لي تعاونك فيه
توبة:لا لا منخليش ولدي مع شي وحدا خراا
محمد:راه غتبقا معاه هي فاش متكونييش صافي..متخاافييش غتكون ثقة..مبغيت زواج ابظل فيك والو بقاي كيما نتي بالعكس باقي صغااار وغنعييشو هي ترجعي صحتك شوس واشد جبران فراسو ونمشيو لاكبر جولة فالعالم
توبة؛(بحماس)احححح فيم فين؟؟
محمد:طوكيو...فينبس..باريس..يابان..يونان ..برلين برشلونة ولي بغيتي 
توبة:هههه وتاتركياا هههه
محمد:خههه فينما بغيتي هههه(وقف غليها باسا فراسها)ساليت
توبة:ممم ودابا سير هز ليا ماكياجي وكريماتي من لهيه 
محمد؛واالعذاب معااك هههه
مشا جابهم وجمعهم عاد زاد كيجمع لوخريين ديالو..خدا وقت ولاكن ونساتو بالهضرة تا سالاو وخرجو هازين الولد داروه بلاصتو باسوه بجوج ومشاو تخشاو ففراشهم معانقبين كيبوس فراسها ويدو على خضرها كتمشي وتجي مجمعيين كيتذكرو أيامهم وضحكهم واتعاودو على شحال من حاجة تا غفااو
***
الزواج يا ايها الناس ماشي بضرورة تولي نلبسي جلابة وخرقة على راسك وتولي تجري صابوو وخصك تغلاضي موراه وتولي مرة تزمان..وتولي ديري جماعات وتجمعي نتي وصحاباتك على رجالكم
الزواج ماشي هو تولي عندك الكرش افلان وتولي تدخل لدار بكري وتعود تدهل وتسول على الغدا وللعشاا
الزواج هو تقسمو الصبر لانو قبل مايكون عقد راه قسم قدام الله باش ديرو جهدكم وكثر انكم تسعدو بعضكم وتكملو بعضكم

ماعمر الزواج مكان هو نبدل من ذاتي ونولي نهز مسؤولية ونضرب على ضحابي..الى بقات الحياة كيما هي وعاشو الطرفين كيما هوما مع شوي تابمسؤولية والتضحية غيكون الزووج ناجح مئة بالمئة
بشوي تصبر وقليل من التفاهم وبعض النضحية واكيد الكثير من الحب..مع تغيير بعض التصرفات لي كتأدي الطرف الاخر وهاهو الزواج ناجح

الزواج هو تكون مستاعد باش تحمي الطرف الاخر وتعطيه مستحقاتو..ندير المستحيل باش ابقا مرتاح تخاف عليه تحميه تهز هم لماكلتو لشرابو لصحتو لاش كيضرو لاش مكيضرووش..تحافظ على اسراركم ومتفشيهاش..تناقشو الامور تجلسو أطابل وفالاخير عناق حلو يسالي بين النقاش

الزواج هو تدخل او تدخلي فليل عياانة من خدمنك او نن تعب يومك وتلقاي او تلقا الطرف الاخر منتاظرك بحضن انسييك تعبك
سواءكنتي خدامة او لا..كنتي ربة بيت أو ام كتستاحقي حضن تحسي فيه بالامان..ولسان يعتارف بالجميل ديالك..ولهذا ختاري صح باش تعيشي خياتك كاملة صح..ختاري لي يعيشك ملكة وديري ليه عيشة الامراء

كل الحكايات في كفة وقصة محمد وتوبة فكفة اخرى كبيرة..برهنو فيها انهم قد المسؤولية وانهم اقدرو يكونو قد الظن.. ماشي بضرورة اطيحو فمواقف خايبة واطيحو فالغيرة او الطيش انما اطيحو فمواقف ضعف وابقاو قويين

الى ان يجف الالم والى ان تكتمل حكايتنا..ستظل كلماتنا تتردد على السنة الناس

واقفا توبة حدا محمد لابسا سروال جينز كحل وشوميز بيضة شعرها شاداه بمقبط ووجها نقي مافيه والو هازا فيدها جبراان وحداها محمد لابس سرزال دجين وتيشورت وسبرديلة وهاز تياي فيديه ومعاه العائلة أكيد..مو باه خواتاتو وخوه وعاد خوالو وعمامو لي كلها بيقصد طائرتو الخاصة فاتجاه المغرب واكيد مع فتينوح

طلعو للطيارة وحطات ولدها فرولاكس حيت ناعس وتتزعزع بيه ولفها سيد تاولا كينعس بيها
حطات كتفها على راس محمد وطلعات الطيارة فاتجاه المغرب وبضبط الربااط..
فؤاد ووفاء فقنت متكية عليه ومجمعين وكينكو ووردة فقنت كيهضرو واتعاودو فنكات وأميرة فقنت مع راجلها وبنتهم..اما اكليل وسليمة واشىف راه مع فتيتوح لي كتنكر عليهم وتعاود كرهاتخم فالسفر

ماهي الا فترة السفر حتا حطات الطائرة الخاصة بهائلة الكلاوي فمطار فاارباط..نزلو منها كامللين فرحاانين..شمات توبة الهواا بصدر رحب وقالت:لهلا يخطي علينا البلاد ماكاين ماحسن منها.
وفاء:كنتوحشها بزااف هههه اححح الله
تحنات وفاء لارض باست الارض وقالت:تنضورو الدنيا كاملة ونرجعو لبلادنا
وردة:انا الى محكيت رجلي فمراكش متنgولش راه جيت للمغرب خههه
الساجدي:ههههه نتي مشكودرة ههههه
فتيحة:الله على راحة الله مكاين ماحسن من بلادنة
سليمة:ممممم واعرة ههه
أشرف:مفهمتش راه هوا هنا ولهيخ اش مبدل
اكليل:تريكة ابو لهب تحركووو
نعمة:ماما ماشي مراكش هنا
وردة:ندوزو سبوع ونمشيو لمرااكش ههه
خرجو من المطاار مجموعين لقاو سيارات كثيرة فانتظارهم كل جوج طلعو لوحدا والوجهة فيلا الكلاوي لي كان فانتظارهم فيها جيهان صاحبة وفاء وأمين صديق فؤاد وكذلك العائلة لي سبقوهم بشوي باش جاو من المطار

فالسيارة لي فيها محمد وتوية..باسها فحنكها وقال:توحشتي المغرب
توبة:بزااف..انفكر فهاد العمر لي باقي ليا فالغربة(شافت فيه بحزن)محمد نطلبك
محمد:امري احبيبتي(كيلعب بيديها فيدو)
توبة:نعودو نزلو فرمضان وفالعياد نزلو تاني..الغربة صعيبة..بعدا الى نزلنا فالعياد بنحس بالعيد 
محمد:(باس يديها)تزلووقتما بغيتي ماشي بضرورة العيد
تكات راسها على طتفوو وسكتات تتشوف الزنقة من الشرجم فرحانة

وقفو السيارات قدام الباب الكبير ونحل ليهم من طرف الكارد ودخلو لداخل لقاو كلشي فانتظاارهم..نزلو تعانقز مع لي شحال ماشافوه وتسالمو معاه..وجيهان لصقات على جبران تبوسو وتحضنو ومكاين هي ولد الغالي ولد الغالي نظرا لحبها لمحمد

أمين:مبرزوك عليك الزيادة السبع
محمد:الله يبارك فييك
امين:ياله زيد تذبح على ولدك
فؤاد:دابا؟؟
أمين :هي لولة..السبوع غدا وذبيحة اليوم
محمد:واخا ههه
الساجدي:تانا غندبح تلى حفيدي
فؤاد:وانا يادلي ضروري ههه
تجمعات العائلة بعد غيااب وبحال هاد المناسبة فاش كيتلاقاو الحباب والصحاب اتشاركو الهموم والافراح..مشاو للجردة فين الكاردشادين حولي سردي قرونو ملوييين..عطاو الجنوي لمحمد هو لول باش انحر واسمي عليه..مشا قرب وتحنا مواطي على رجل ورجل واقف بيها سماا الله وكبر ودوز بالموس على حنجرة الكبش لي سرعان ماهزوه الكارد اكملو ليه الذبيحة من طرف الجزارين لان الغرض كان فقط النحر
جابو لفؤاد ديالو نحروو وكذلك الساجدي..وكلشي حاضر وكيشوف فرحاان يالدم لي نزل على شرف جبران الكلاوي لي كانت هازاه جيهان 

تدبحو الحوالا وتسلخو وتهزات الكبدة ولي يتشوا مشا لكوزينة تنقا وتصايب وتقاد فالقطبان وتحط لاعائلة فالجردة كانو جالسين مجمعييم الا توبة لي دخلات ترضع جبران..حطاتو فوق ناموسبة وحداه جهاز الى غوت كيصوني ليها جهاز اخر فيديها مكتفارقوش..نزلات لتحت ونضامات ليهم كتاكل وتقول ماكلييت..ضربات حقها وتاع محمد لي شافها عجبها وعطاها حقو وزادوها مزال..سيدة رجعات ليها الشهية كثر تاني
تعشاو قضحك ونشااط والتكركيير تال اشكن وقيتة وطلع كل واحد لبيتو لي مخصص ليه حيت دار الوراثة تاع الكلاوي
دخلات توبة للبيت رفقة محمد لي كان شاد يديها بشوي هي دخلو وقربز لسرير تتهضر معاه تا لاحها فوقو وتلاح عليها مكالي ثقلو وقال:والله تا حراام حدايا ومنقيسكش ههه
توبة:هههههههه مالك سخوون هههه مكنتش هاكا فلول ههه
محمد:فلول هي ذقت ودابا تبننت ابنت النااس هههه
توبة:اوا ماعليك هي تصبر راه ربعين يوم هيي ههه
مهضرش حدو بتاسم بتسامتو الساحرة وتحنا بااسها ففمها بشوي قبلات متقطعة تاحس بيها كتبعو ليهم وزاد تعمق معاها فالبوووسة..كيروي عطشو منها وهي الاخرى كتبرد رغبتها فيه 
تا صافي حس براسو قرب اوضل فين بغاا وناض من فوقهت قاطع اابوسة زعفاان ودخل للحمام بلاهضرة بلا جوج مخايها كدور فهينيها وتضحك

دخل محمد للدوش مخليهل كدور عينيها تاعياات وهي طرطق بضحك بوحدها فوق الناموسية وتكركر عرفات راسها دارت ليه الخدمة..
ضحكات تاشبعات وناضت لعندو لحمام حلاتو ودحلات لقاتو تحت الرشاشة وضجكات:محمد شكادير
محمد:الصمت
توبة:واهياا اش تدير😉😂😂😂
محمد:والله ومتمشي تانخرج نعصي فيك الله 
توبة:ههههه وا صاحبي تنضل عليك فوت ساحتي فوتني ونتا لاصقني
محمد:الصمت
توبة:وااهياا مالك عاطيني مشي أهضر
محمد:توبة خرجي عفااك
شافتو كيهضر بجدية وخرجات حابسا ضحكة علبه..مشات تكات بجنب حدا جبران تتبوس فرجيلاتو وفوجهو والسيد باقي مطول..
دازت نص ساعة عاد تم خارج لاوي عليه فوطة عاقد حجبانو..تلفتات فاش سمعان باب الحمام تحل .شافتو كيمسح وجهو بزعفة وحبسات ضحكة وقالت:بصحتو هههه
شاف فبها مخنزر وقال:تديريها بلعاني؟؟
توبة:ويلي على بلعاني هعههه وا تتا لي جريتيني واش انا تلاحت علييك(غلبها الضحك)هههعههه
تلاحت على ضهرها تضحك بجهد ومشا هو لفاليز ظيالو تيهز حوايجو مبغاش اهضر..لاح الفوطة ولبس بوكسر وياله غيكمل لبسو حس بيها معنقاه من لور كضحك وقالت؛واصافي سمح ليي ههه
محمد:(بدون حركة)توبة بعدي دابا طالع ليا دم
بتاسمات وجات قدامو تعلات على قرون صباعها وباستو حدا فمو وقالت راسمة بتسامة على وجها بريئة ...
مدار حتا ردة فعل وهي تقرب منو كثر دورات يديها على كرشو وحطان راسها على صدرو معنقاه وقالت بصوت خافت:والله ماباقي نعااود عفاااك
هز يدو حاوطها بيها وباسها فراسها وقال كيزفر:معلييش
توبة:سمحتي لياا والله متنديرها بلعاني
محمد:معلييش
زادت زيرات عليه كثر وتاهو وتم جارها تال الفوتوي..جلس وجلسها على رجليه باقي معنقاه وتاهو حط راسو على كتفها باسو وبقا دافن راسو فعنقها كيتنهد بجهد واصلا فيه لفين..جهد شي ربع ساعة مهضرش وتاهي محكراتش علبه ومقالت والو واخا يديه كتجري فجسدها وكيتحسسو برقة كأنو كيصبر راسو بدوك اللمساات تاحس براسو برد عاد بعد راسو على كتفها وباسها فعنقها وقال:نوضي نلبس
توبة:مقلق؟؟
بتاسم بيها وقال:دبريها قد راسك وقولي مقلق هههه نوضي
ناضت كضحك باستو فحنكو وقالت:وعد بعد ااربعين ندير لحبيبي شي ليلة حلوة ههه
محمد:ههههه معنديش مع داكشي كيعجبني كلشي على غفلة مديريش بحسابو وتوجدي كي نلقاك كين هههه
ضحكات ومشات تتبدل حوايجها قدامو عاطيها بضهر ماباغي مشاكل لبس تاهو عاد مشاو تخشااو فالفرااش بعدما حطو جبران وسطهم كيلعبوو برجليلاتو تافاق ورضعاتو وعاود نعس وفالاخير غفاو تاهوما ويديهم مشابكيين فوق كرش جبران بي كطلع وتنعس بالتنفس ديالو
****

إنك ياحبيبتي تنشرين عبيرك على صباحي فتصبح الصباحات لدي كالسكر الذي نضعه على القهوة المرة
طعم جديد للحياة
***
شرقات شمس جديدة على ضفاف الرباط العاصمة الادارية للمغرب..وبضبط ففيلا الكلاوي كان جبران مفيق توبة مع صبااح تترضع فييه شاد لبزولة بفمو ويدو حاطها على البزولة كيجلبد فيها
بدلات ليه موراها ونقاتو وباستو وقالت تضحك:منعست ماشتو ههههه واش مكتعيااش تفيق عاا هااا(هراتو فكرشو تاضحك)هههه خنفوووش
جبران؛عععع
حطاتو حدا باه كيشوف فسقف ودخلات لدوش دوشات دوش خفيف حيدات بيه ريحة النعاس مقاستش شعرها حيت عرفات غتغسبلو فاش توجد للسبوع لي غيتقام فالجردة بحضور كااع العائلة

خرجات فبينوار نشفات ودهنات بكريماتها تتهضر مع جبران بحالا كيسمعها ويزيد يبتاسم شوي واحبس كيضحكوه الملايكة
توبة:ءخزفووسي انا حزووقي فنكوشي كتكووتي انااا هههه طبوزي انا
لبسات دوبياس بيضين ومشات باستو فحنوكو بجوج بعصاتهم ليه وقالت:يخليلي الزين عههه

وفهاد الاثناء فاق محمد وحل عينيه عليها متبوس فجبران وصدرها مدفق من السوتيان ومنفوخ بالحليب..خشا وجهو فالمخدة وقال:ناعس فالهم وفايق علييه..لبسي حوايجك
ضحكات وهزات فيه عينيها وقالت:صباااح الحب هههه
محمد:صباح نوور لحبيبة سبري لبسي عليك بيشربك البرد
دازت باستو فحنكو هو لول عاد مشات كملات لبسها مخلياه كيلعب مع جبران..حاطو فوق صدرو وتيلعب برجليه وتا لاخر هي مخرج لساانو وعينيه مغرقو ريوك

سالات وسرحات شعرها دارن عكر وريحة ومشات حداهم هزاتو عندها وقالت:عاد رضع ونتا تنخض فيه بيرد عليك
محمد:بصحة دووش
توبة:يعطيك صحة اعمري نوض تانتا دوش 
محمد:اايوما عامر بزااف(باسها فكتفها قريب لوجهها)بيطهروه
توبة:(خرجات عينيها)حربو ش باقي صغير
محمد:هههههه خليه احبيبة تا ياخد الباك باش احس بيها مزياان
توبة:(كمشات وجهها بحزن)بيتقسح ياك؟؟نتا مطهر بعدا؟؟
شاف فيها شحال وبدا كيضحك تا كيتهز صدرو وقال:هههههههههه لا لا ممطهرش عاد بنطهر انا وولدي دقا وحدا ههههههههه تتسولي شي أسئلة نحلف هليك ماقاريا الاسلاميات
توبة:ههه وازمر راه خايفاا بيضرووه بزااف
محمد:سيمانة وابراا..وعاد دواا متنسايش راه ولدي تانا والسنة هي هادي
توبة:واخا(عنقات جبران)حبيبي انا
شاف فيها بنص عين وناض كيمرك راسو يمين شمال..دخل لحمام قضا روتينو الصباحي وخرج لبس قدامها عاد نزلو لتحت لقاو كلشي كيفطر والدار عاامؤة بزااف والناس كيوجدو فالجردة

توبة:صبااح الخير
محمد:صباح الخير
الكل:صباح النور
جلسو حداهن وحطات جبران فرولاكس ديالو ودغيا تهافتو عليه هزوه من يد ليد تيبوسوه وفالاخير ستقر بين يدين الساحدي كيبوس فيه ويعنقو مكرهش ياكلو
الساجدي:مجاب فيك والة ابنتي ههههه
توبة:لوااه شو بيوليو عندو الحنوك ههه
الساجدي:والو ابنيتي هههه انا عاقل عليك فلش تزدتي راه كنتي منفوخى بزااف وعينيك كبار..جبران راه هي محمد
فؤاد:سي سي تيشبه لييه وعندو العينين بحال وفاء
توبة:هي دابا تسخرت هههه ميشبهش ليا هي لعمو(شافت بنص عين سعيد)ضااسر
تزل عليها لبين كتافها وقال:مال حسك كي جيتك هههه
توبة:ينعل ننننن وحلتيها ليا هههههه
محمد؛(مد ليها الما)باغي تقتلها ليا هههه شربي..الولد بيطلع مهدن هي بردو
وفاء:تكون هي صحتو مزيانة ويشبه تال اوباما هههه
ضحكو كانليين وكملو فطورهم تا دخل أنور ومراتو لطيفة وولادو بجوج مع السالكة وكذلك مراد زمراتو نسيمة مع ثلاثة ولادهم معندوش البنات هي العزارا
شافتهم توبة من بعيد وناضت من بلاصتخا تضحك وتحاول تزرب :خااالييي هههه
ضحك مراد ومشا كيجري عندها عنقها تاتهزات من الارض وتاهي عنقااتو بجهد وقالت:توحشتك توحشتك هههههه(نتفاتو من لحيتو)زيانيتي أضبع
مراد:اههههه ازين ياامك البغلة ههههه ماما جديدة هههه
دازت عنقاات انور وتاهو تتبوص فيه وتعنقو وتعنكشو فلحيتو ولصقات عليه
انور؛تش هادا زيانتي نتي هههه جات معاك ماما البرهوشة هي البارح تنضور معاك بدرهم
توبة:ههههههه وتتعاود فيها نييت كاين شي حد كيضور باقي بدرهم😂😂😂(عنقاتو)توحشتك ههههه(طارت تاعلى مراتو)لبيببة هههههه
لطيفة:لطييفة هههههه واكوااط توحشتك العفريتى
توبة:تانا اخالتووو
باست نسيمة مرات مراد لي معنظهاش معاها حيت منفخة هلى والو...وعنقات ولاد خوالها بجهدوباستعم ومشات لسالكة لي لقاتها هي وفايحة معانقيين واتباوسوو ماقاداهم فرحة ..عنقاتها تاهي وتمازحات معاها عاد دازت لالة فتيحة لمرااد خشاتو تحت باطها تعنق فيه وتعاود وتاهو تيبوس راسها ويديها موحشها..
دازت لحفايدعا دراري بثلاثة الكبير فيهم عندو 14لعام..تتعنق وتبوس فيهم وتجرهم عندها مقاداها فرحة

تلمات العائلة من جديد على طبلة وحدا فرحاامين بهاد المناسبة لي جمعاتهم..كلشي تسالم مع بعضهم جلسو العيالات بوحدهم والرجال بوحدهم وجبران راه كيضور بيناتهم كي ذبانة
تيهزو هذا ويحطو هذا وتاهو ولف ليدين مكيبكيش الا لبغا ارضع..
وصلات وقت طهارتو جابو ليه طبيب وطلعوه لفوق ماخلاوش تا مرا تطلع معاه طلهو هي الرجال ..وبقاو العيالات لتحت وتوبة تتمشي وتجي تاسمعات غوتة قوية ديالو فزعاتها وقالت:هاويلي قطعو لولدي ديالو
وردة: 😂😂😂😂قفارت مابقاش راجل
سليمة:😂😂😂😂مشات الرجولة واتي جلسي راه طهارة هاديك
طلعات تتزرب للفوق مقدراتش تصبر..دخلات عليهم لقاتو كيغوت ورجليه محلولين وخارج ليه دم من بيبيتو..شهقاات وقالت:اويلي زلدي
جا محمد شدها بغا يخرجها وكتنطر منو:طلق اويلي مال الولد
محمد:راه تطهر اجي معايا خليهم اداويوه
تتشوف فولدها حلاقمو بيخرجو وتيجر فيها محمد تاخرجعا صفرة مسقطرة من دم لقاو العيالات كامليين قدام ااباب وهي تترعد
محمد:توبة صافي موقع والو..خالتي جيبي ليها تشرب
بقات واقفا تترعد لايحا راسها على كتفو شربها الما وصوت جبران باقي مسمووع..بتحمااق تا خرجو الرجال ودخلوعا عندو تتبكي والعيالات كيزغرتو
مشات حداه لقاتو ملبسينة حوايجو بكات حظاه تاعياات ومخلات حد اقيسو حطات ليه لبزولة فمو ومباهاش تيبكي وهي تتبكي معاه تاهزاتو فتيحة وتنسكت فيه تا سكت وعكاتو ليها رضعاتو وخلاتو فحضنها ومرا مرا تينوض بالبكا واحميها للغوات

داز عليها الصباح كولو بكا مع ولدعا بقا فيها وااباقي كلهم ضاحكين فرحانين ناشطين عارفين هي طهارة تاوصلات العشية وجاو الكوافورات لي غيصايبو ليها وللعيالات كامليين..
توبة:مابيتش نصايب باقي 
وردى:ويلي ابنتي راه سبوع ولدك
توبة:ولدي مرييض
فتيخة:يا ديك جحمومة راه سنة الحياة..سيمانة وابراا تديري بحالا بوحدك لي والدة
توبة:فففف بحرا منعس 
وفاؤ:نوضي ها الكوافورة جات وتا الستيليست جابت ليك قفطان غزاال ختاريتو ليك انا..لبسي وتقادي باش تحضري
توبة:واعفااك بقاي حداه تانسالي
فتيحة:هي سيري ابنتي تانتي ضايبي انا نبقا حداه انا وسالكة لي بينا هي نكحلو ونوضو نتوما لي نابعكم شلا تطلاس
مشاو بالفعل كل وحدا مع كوافورة ..حرصات وفاء كل الحرص هلى انه السبوع متنقصو والو لا من ناحية التوجاد ولا لبااس..جابت لكل وحدا كوافورة خاصة تصايب ليها وكلها فبيت تيصايب

جلسات توبة على كرسي مقابل مع المراية وبداو كيصايبو ليها وعبنيها فالمراية على ولدها لي حداه فتيحة والسالكة..دارو ليها ماكياج غامق بالوان غامقة والشعر سامبل وبوكلي من لتحت..والضفار تبردو وتصبغو بالكري مااط..
لبسات قفطان فالبيج منبت بالعقيق خطير ودارت بعض مجوهراتها مكثراتش بزااف..لبسات مارياج ديالها ووقفات وقالت موجهة الكلام لجداها:كيجيت؟؟
فتيحة:العين لي متشوفك وماتصلي على نبي تعما

السالكة:زيينة زييينة
توبة:احخخ والله ماعندي خاطر 
فتيحة:أ ثبتي راه السنة هاكة دايرا..ثبتي
جلسات حدا جبران هزات يديها باستو وقالت:بيكون تقسح
السالكة:بسيف راه قطعو ليه من لحمو ههنهه
توبة:ياربي تشافيه
تحل لباب ودخل محمد لقاهم جالسين سلم بفمو ومشا فجيهة ولدو بلا ميشوف فتوبة لانها عاطياه بظهر هي جلس حداه وهو يهز فيها هينيه لقاها ماشاء الله بقا مفيكسي عينيه عليها باعجاب سحراتو بالماكياج واليديات لي مصبوغين بالكري بارد ماط ماشي كيبري..والعنق لي طيبري بسنسلة المااس وعاد شعر لي تصايب وبان طويل كثر..عاد رد لبال للتغيير لي طرا على جسدها..شافت فتيحة فالسالكة وغمزاتها وقالت:اوا هليناكم نوضو تاحنا نوجدو راسنا
توبة:واخا
ناضو مخلينهم بجوج مع ولدهم وتيتغامزو عليهم..فحين توبة مشافتش كاع فمحد حدها تتبوس يد جبران لي ناعس..اما محمد راه حال فيها فمو 

هزات عينيها فيه بصدفة وقالت:بخرا منعس(لقاتة حال فمو)مالك
محمد:مااشاء الله(وقف ووقفها معاه)بزااف على زين
بتاسمات ليه وتقادات فالوقفة وقالت:كي جييت؟؟
فيكسا عينيه فعينيها كيعبر شمو تزاد عليها..للايلاينر وكل حاجة زينات عينيها ركز عليها..محس عي برجليه كيقربوه منها ..علا ليها راسها بهزة بصبعو من فكها وباسها فجبهتهل وقال:toujours tu es la plus belle du monde
ضحكات بخحل وقالت:بصح
محمد:حم حم(قرب لوذنها بشوي وبدا كيهمس بكلمات بورشاتها) ـ أغار عليها من فمي المتكلمِ
أغار عليها من أبيها وأمها ـ إذا حدثاها بالكلام المغمغمِ
أغار عليها من ثيابها ـ إذا لبستها فوق جسم منعّم
فواللّه لولا اللّه فواللّه ـ لولا اللّه والخوف والحياء
لقبلتها، للثمتها، لعضتها - لضممتها بين العقيق وزمزم
ضحكات توبة بخجل وبصوت منخافض وزادت قربات ليه وجها فوجهو هازا رايها لعندو حيت طويل وهو الاخر كيشوف فيها بنظرة احبك مئات المرات..باستو حدا فمو وقالت:هاد الكلمات دياولك
محمد:لا(عينيه فعينيها)ديال مجنون ليلى..كتبهم على قبل شي وحدا تلفاتو بزينها..وعاد عرفت علاش كتبها(باسها ففمها بوسة خفيفة)
توبة:العكر هههه
تنهد وقرب كثر جرها لحضنو وقال:بزااف علي والله هههه تتباني زوييينة بزاااف بزاااف
توبة:ههههه شكراا اعمري..سير تانتا تلبس عليك راه ضلام الحال وكنسمع الهضرة التحت جاو الناس؟؟
بعدها عليه شاد خصلة من شعرها كيلعب فيها من تحت:جاو جااو..انا نلبس فففف
مشا وبقا كيضور يشوف فيها حمقااتو سطاتتو تتبان قرطااسة..مساخيش ادخل البس ها بزز
دوش وتعطر تاهو ولبس جبادور كحلة مخيطة بالكري بسروال قافز وبلغة فالاسود..خرج تريح قداامها وتعطر وعينيه عليها هي لي كتبدل بحذر لجبران وهو ناعس
شافت فيه وقالت؛بصحتك..تتبان زوييين بنغير انا
محمد:(كيدهن فلحيتو)تغارين ممن أنتي أجملهم
توبة:هههه بعدا الجواب عندك نااضي
محمد:كنشوفك كنبقا نسرسر ههههه اش لبستيه(وقف عليها)
توبة:جبادوور خفتو هي يتعكر
محمد:ميوقع والو ان شاء الله...دابا يبرا
باسها فحنكها وقال؛الله يدوز هاد ىبعين على خير ههه
ضحكات وقالت:هز هز ولدك انا طالون بيزلقني
هزو تاهو نااعس وشدات فذراعو وتمو نازلين كأي كوبل سعيد بولادة ابنهم..
الدار كتصفر اةجردة عامرة...خرجو ليها مشادين وجبران ناعس فيد بااه..لقاو الناس جاو من معرفهم وصحابهم وأكيد العائلة السعيدة رونار ووليداتو وولادهم..والغنا والصداع ناييض وكلشي لابس وناضي..

تمشاو وسط الناس مبناسمين ليهم وكيرحبو بيهم والاعناق إشرأبت باش تشوف جبراان لي مكمشنو وسط الجبادور..مشاو جيهة طبلة العاىلة لي كبيرة بزااف فيها كلشي الاعمام والخوال والجيران والصحاب وكلشي..كل واحد كيشكر فحبيبتو وفمراتو وامدح فيها والجوق خداام كيدوزو مغنيين معروفين فالساحة المغربية اغنيو وانشطو لجو وامشيو..كل واحد جايبينو بزبابل تالفلوس وهودشي كولو على قبل سي جبران لي حطوه فرولاكس تاعو نااعس معلابالوش خافوه افيق ساعا نعس

تعالات الاهازيج والزغاريد والغنا والشطيح حامي كلشي كيشطح واردح واركز ولي دار ضورة كيجي كيعلق لجبران الذهب..ولويز تذهب نييت والكادوات عليه من كل جهة تافاق وداتو توبة ومحمد رضعاتو وبقات معاه تاسكت من البكا..حيداو عليها حوايجها بقات بدوبياس هازاه كتراري بيه مابقا هامها لا سبوع لا والو هامها هي جبران لي كيغوت وحداها محمد مرة يهزو مرة تهزو هي تا سكت شاد البزولة ونعس والدموع على طرف عينيه

توبة:واخيرااا سكت ففف
محمد:عياا بالبكاا..حطيه انعس وابقاي معاه بلا متنزلي
توبة:نزل شوي ونطلع جات حشومة منزلش وخالتو تعذباات
محمد:والى بكا؟؟
توبة:نهز معايا لاباراي
مقال والو كتفى اعاونها تاتلبس حوايجها وتصايب السمطة..تارجعات كي كانت ونزلو عند ضياف لتحت جلسو معاهم وتصورو معاهم وضحكو معاهم من لخر عطاوهم حقهم وصافي وهي تيصوني ليها لاباراي وتطلع تتزرب ترضعو وتسكتو تاينعس وتعاود تنزل

وهاكا دازت حفلة العقيقة عند عائلة الكلاوي..بهناء وسرور وشطيح والرديح ماساالاو تال 2 تليل عاد بداو ناس كيتسرسبو وكلها قصد بيتو بعدما مساو على بعضهم

دخلات توبة ومحمد لبيتهم مهدودين طلو على جبران هو لول لقاوه ناعس ومجايب لدنيا خبار..
توبة:نحيد ليه جبادور؟؟
محمد:سيري بدلي عليك انا نحيدو ليه
بتاسمات ومشات جيهة دريسينغ حيدات القفطان وبقات بدوبيااس.جلسات قدام مرايتها نظفات وجهها مزيان بمزيل الماكياج تا مخلات فيه والو ودخلات لحمام غسلات وجهها بجيل نيتوايون ودارت كريم ليه عاد مشات لبسات شوميز خفيفة فالبيض ومشات لبلاصتها لقات جبران باقي ناعس بليكوش ومحمد فدوش كيدوش..تخشات حداه تاخرج محمد ولبس عليه وتخشا حداها جرها فحضنو وباسها فكتفها وولدهم بجنب توبة تيشوفو فيه بجوج كي نااعس بهدوء واقصى امانيهم تحققات نسبيا
ولد جامعهم بجوج وحب كيكبر وسطهم وعائلة مجبوبة دايرا بيهم..تلفتات توبة لعندو وباستو فمو بوسة طوييلة وقالت:تنبغييك أ طريفات لوز
محمد:كنموت عليك الحلوفة
ضحكات وتخشاات فحضنو تيهضرو زهو الاخر يديه كيدوزها على ظهرها واهضر فوذنيهل..مرة نكات مرة فحياتهم مرة فقراية تا غفااو بدون ميحسو حاضنين بعضهم للابد

🎀🎀🎀🎀
بعد مرور عامين
الايام تتوالى علينا يا حبيبيتي وبداخلنا عشق يتسرب ليسقي عالم ينقصه الغرام
العشق الذي بنيته معك حرفا حرفا ومجدته في كتبي كلمة كلمة..وكتبت كل جملة عليه من اعماقي

لازلت تتراقصين امامي كالحروف الذي تسقط على مسامعي 
لازلت تتفنين في كلماتك التي جعلت مني كاتبا وسط الادباء

لازلت تتعمقين في قلبي كأنني احببتك البارحة.
أعود أدراجي معك الى سنين مضت بدأت فيها أدرك انك تسيرين مع العشق في خط واحد

جالسة توبة المراة لي ولات عندها 21 سنة..لابسا سروال دجيين وشوميز بوردو بلا كمام جاتها مع فصالتها خطيرة..باقي محافظا على وزنها..عامرة شوي عندها ليهونش والمؤخرة وشوي تالكرشوأكيد صدر بارز بيض مع سنسلة خفيفة فيها فراشا وشعرها لي واصل نص فظهرها طالقاه على راحتو وصندالة فرجليها..
وفاص معاها محمد لي تاهو مزادتو هاد سنتين هي الجدية والوسامة والزين..لابس دجين وتيشورت بيض مع سبرديلة ويدو مزغبيين بجهد وخاتم مارياج فيدو مع ساعة
وفجنب توبة مجلسا وليد صغير بيض بلق وغليوض حنوكو مطبزيين لابس شورط قصير مبين ليه فخاضو لمطبزيين ولفوق تيشورت خفيف..عندو حناك مطبزيين والوجه كوولو ديال باه من العينين للفم ثقبة الزين كلشي هي بااه تا شعر من غير البيوضية والغلض من عند مو

هزات توبة لانجيت من صاكها مسحات ليه يديه صغيورين الغلاض وقالت:متبقاش توسخ حوايجك راه شهمتيني
جبران:هههههه😅😅😅😅ماماا
توبة:ههههه تضحك علي لوالدييك
محمد:(عطاه شكلاطو)هاك أبابا كول شكلاطة
شدها ودارها ففمو كيمص فيها بطفولبة وعينيه كيضورو ..هزات توبة عينيها فمحمد مخنزرة وقالت:واش انا تنمسح ونتا زايظ عاطيه شكلاط دروك بيوسخ حالتو
محمد:(بابتسامة)خلي دري يااكل هعه واجي حدايا
مسحات لجبران ومشات جلسات حداه لاح يدو على كرسيها وبقاو كيشوفو فيه كيضزر عينيه عارفينو نيقلب ادير شي كارثة مافيهاش
توبة:بسكش أداك بوورااص لاش تتخطط تاني وتتبلاني
جبران:هننن ماما هااديك(كيشير بصبعو)هاديك
توبة:نحيدو حنا ديكور للمول باش سي سيد اهزها ههه
جبران:بابا😢😢
محمد:(ضحك)هههه أجي اولدي تانتا اجي
تعافر جبران اابالغ من عمرو سنتين ونزل من الكرسي وتمشا جيهة بااه لي هزو دغيا حطو فحجرو وقال:هاديك أ بابا ديال مومو حشومة نحيدوها ليه
جيران:هننن😡😡😡ناني انا
توبة:نعطيك تاكل اولدي ..مكلتي والو
جبران:فنييت فنييت
محمد:ههههه ازغبي بتولي ضخم هههه عطيه فريت هههه
هزات وحدا مداتها ليه خشاها فمو تيمضغ فيها ويفرنس ليهم وعاود بلوخرين تاكمب طبسييل وهوما كيضكو عليه
توبة:شو شحال كلا هههه تزاد مضعفن وشو دابا
محمد:عندو شهية زوينة بحالك (باسها فحنكها)تزنكتي بشمش
توبة:واييه شمش مراكش سخوونة هههه
محمد:وزيانيتي
ضحكات ليه وقالت:مبقيتي تاتحشم مابقاش لا والناس تيشوفو ههه
محمد:بستك هي فحنكك مالي تكيتك هنا ههههه
جبران:هنهنهن ماما
نوبة:مالك؟؟
تسمعاات طززز طوييلة من عندو سكتو بجوج على اثرها تا كملها وبدا تيضحك على نيتو ويكركر وتاهوما ضحكو عليه..هزاتو توبة عندها تضحك وقالت:اش درتي هاا اش درتي ههه الخانز لاخر..تاكل وتشرب وتخراا ههههه
جبران:هههخههههههههههه
محمد:نوضي بدلي ليه ليعمى حالتو هههه 
عنق جبران ماماه من عنقها وباسها وقال:مامي انا 
محمد:من نهار جيتي ونتا مشاركني فيها هههه
ناضت وقفات هظات صاكو وقالت:نمشي نبدل ليه
محمد:صبري نمشي معاك
توبة:لا لا هي جلس..دروك نرجع
بقا جالسوصيفت لجبران بوسة هوائية ضحك على اثرها بطفولية وبدا كيشير ليه بيديه مع توبة هزه ووجهو حاطو فعنقها وتيشير لييه ويضحك وتا محمد متبعو وكيشير ليه تا غبرو عليه
دور وجهو جيهة الشانطي..كان جالس فمينارا مول فمراكش وكيتغداو بعد جولة كبيرة فمراكش حيت كيجيو ليها هي من صيف لصيف

بتاسم تلقائيا ملي تفكر باي دازت عامين وصرف باش تزوجو قرابة 3 سنوات تبدلات فيها حياتهم لاحسن وبقدوم جبران ولات حياتهم جميلة كيملئها السرور

بعد سنة على ولادة جبران رجع باه ومو وخوتو للمغرب وبقا محمد وتوبة وولدهم فءمريكا تحولو لابارطومون ديالو قاداهم وعاشو فبها حياتهم ببساطة..كيتقداو اش خصهم راسهم واقابلو ولدهم راسهم بعيدا عن حياة الرفاهية..اي نعم لي طلباتها منو مكيفولش لا والمخير فالحوايج لابساه والمخير فالميكاب دايراه والسيارة الفخمة راكباها..معيشها اميرة فقلبو وفالواقع
بقا كيشوف فالسما لي ضاربا منها شميسة خارة كينتاظر محبوبتو وكيفكر فبعض الكلمات لكتابو جديد
***
على طول العمر..رأيت فيك سفينة النجاة
تشبت بها وبنيت عليها أهراما من الاحلام
رغم كل الاقوال على انها ستنهار وستغرق
لكني كنت متأكدا أن من بنى سفينة وغامر بالابحار فيها رفقتك سيكون حتما ربانا ناجحا
***

النهاية

السفالة في القصة
كيفاش يمكن نصنفو هاد القصة؟
  • بدون سفالة
  • القليل من السفالة
  • سفالة مفرطة

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.