فكلوب للرياضة بنت كاتريض بمرونة كاتلعب السكواتش حركاتها مرنة و متوازنة جسم أنوثي واعر جميع التضاريس فمكانها الطبيعي شعرها طويل بندقي عينيها كبار مشفرين مميزين عندها وحدة فالزرق ووحدة فالعسلي فمها فحال حبة فريز منفوخة واجدة باش تنكل لابسة كولون و اكس شعرها ذيل حصان مشات لألة المشي كاتجري فوقها و العرق هابطلعا مع وجهها بقات شي نص ساعة عاد حبسات مشات قبالت المراية كاتشوف فجسمها المتناسق بابتسامة مشات للدوش لي كاين فالنادي دوشات و خرجات لبسات حوايج أخرين من غير هادوك لي كانت لابسة خرجات كاتسلم على الناس و ابتسامتها مزينة وجهها محبوبة عند الناس لي كايعرفوها صغار و كبار خرجات من الكلوب مشات قدام مطورها Tmax دارت الكاسك ديالها و خلات شعرها مطلوق طلقات موسيقى و نطالقات بسرعة كاتسابق مع الريح كاتبتاسم مع شعرها لي كايتطاير بفعل تصادم الريح معاها وصلات قدام واحد القهوة جيهت البحر فمدينة طنجة عروس الشمال هبطات من الموطور و حيدات خودتها صايبات شعرها و دخلات لديك القهوة لقات شخص كايتسناها بابتسامة هو سمر و طويل لحية مطراسية و شعرو فالقهوي مطلعو عينيه فالزيتي و العضلات عندو زينين مشات عندو عنقها كايبتاسمو لبعضهم
الشخص:رميم توحشتك 😘😘
رميم:أوسي عمار تقول كاع مامخطوبين كول واحد و خدمتو هههه😂
عمار:أنا الخدمة واخدالي وقتي و نتي رياضتك واخدالك وقتك
رميم:بسلامة *تسالمو بلابيز و مشا عمار رميم بقات كاتشوف فيه و ركبات فمطورها وصلات لواحد القصر قداش بالكبر فتحولها الكارد الباب و هما حانيين راسهم دخلات بمطورها حتى وصلات حيدات الكاسك ديالها و دخلات كاتنقز شعرها كايتطاير بالغربي مشات نيشان للجردة
رميم كاتصفر:فيو فيو كوكوو كوكو..بقات كاتعيط حتى سمعات نبيح جاي من بعيد حتى ضهر كلب بيض من نوع كانيش نقز عليها حتى طيحها فالأرض و بظا كايلحسلها وجهها وهي كاضحك صوت ضحكتها واصل لعندي انا كانكتب هنا هههه😂 بعدات عليها الكلب و بدات كاتلعب معاه كاتلوحلو العصا بعيد و كايرجعهالها حتى لرجلها بقاو كايلعبو حتى سمعات رميم صوت انثوي كايعيطلها سميتها ياسمين زوينة فوجهها و عينيها فيهم واحد اللون بين الخضر الكري والزرق مخلط شعرها حد الكتاف و صابغاه فورمتها زوينة بزااف الموهيم توتوزة هي صاحبت رميم ملي خلقات حيت بابات رميم كان لقاها فشي بلاصة و جابها عيشها معاه
ياسمين:بيبتي جيتي
رميم:جييت ألحوب قوليلي بابا هنا
ياسمين:اه و هو قالي نعيطلك راه فالجردة قدام لابيسين
رميم:اوكي انا جايا
ربتات على الراس د كوكو و مشات كاتحنقز و ياسمين كاتشوف فيها و كاتبتاسملها
#رميم
هلاو فريزاتي ءنا رميم ءكيد عرفاتكم بيا هاد القردة د هناء ههه واتكونو عرفتوني كي دايرة من حيث شكلي توتوزة ياكو وراتكم هناء التصويرة الموهيم كيما قالتلكم داكشي صحيح وانا عندي قولة فالحياة عيش اليوم و نسى الأمس و المستقبل كل حاجة بوقتها زوينة هاديك ياسمين عرفتوها ياكو هاديك صاحيبتي الروح بالروح عزيزة عليا بزاف حيت مللي عاقلة على راسي وانا كانعقل عليها معانا بابا لاباس عليه بزاف هو رجل أعمال عندو شركات متعددة فجميع انحاء المغرب و عندو خارج المغرب كذلك ماعرفتش علاش كايخاف عليا بزاف و دايرلي لي كارد كايتبعوني فينما مشيت وانا عارفة هادشي طبعا اصلا انا عزازين عليا رجال بابا كولهوم حيت ضريفين و كايعاملوني مزيان ماما ماعندهاش عائلة فتحات عينها و هي فالميتم فاش دارت 18 عام خرجات دوزات شهر كرات بيت مع الجيران كتاكل غير وجبة فالنهار حيت مكانوش عندها الفلوس و الخدمة كاتقلب مكاتلقاش حتى لواحد النهار حالفها الحظ لقات خدمة بدات خدامة غير فالكوزينة حتى لواحد النهار شافها هداك لي خدامين عندهوم لي هو بابا عجباتو و تزوجها و جا خويا الكبير مروان هو كايقرا دابا فأمريكا باش هو ياخذ رئاسة الشركة من بعد بابا أنا كانحماق على شي حاجة سميتها الرياضة هي حياتي كاتحمقني و دابا باغا نتعلم الملاكمة غير خاصني شي حد يعلمني و يكون قوي و كيما عرفتو عن حياتي العاطفية فأنا مخطوبة لعمار ولد عمي ملي خلقت و هوما كايقولو اننا لبعضنا فاش درت 18 عام تمت خطوبتنا بنجاح ولكن علاقتنا فحدود حيت عمار كايعشق شي خاجة سميتها الخدمة و عمر بينلي انه كايبغيني ولا شي حاجة و حتى انا مكانبغيهش الصراحة هي هادي وهاد العام انا خديت الباك و تسجلت فواحد المعهد د الموسيقى حيت اضافة للرياضة كانحناق على شي حاجة سميتها الغنا و صوتي زوين بشهادة الجميع دابا قلتلكم كولشي ياكو واتلاحو حتى انا نتلاح عند الواليد نعرف لاش باغيني
مشات رميم لجيهت الجردة لقات باباها جالس فيدو جريدة كايقراها و مرة مرة كايجر من السيكار لي فيدو ليسرا هو رجل فالخمسينيات شعرو كايتخللو الشيب و بعض التجاعيد باينين فوجهو ولكن جسمو مزيان يعني معندوش الكرش ولا شي حاجة بالعكس كايدير الرياضة و غير من الشوفة فيه تعرفو كان تيتيز فشبابو مشات بالحس و بشوية على الراس د صباطها باغا تخلعو غير وصلات موراه و هي تسمع صوتو
عبيد:ماتحاوليش 😏
رميم بدات كاتغبن:اععععع علاش مابقيتيش كاتخلع اهئ واديرها غير بالضحك و صافي
ناضت رميم لبسات عليها و دارت مكياج خفيف مع بارفانها ميس ديور هزات سوارت الطموبيل حيت ملابساش حوايج يجيو مع الموطور خرجات من القصر ركبات فطموبيلتها الحمرة جابهالها باباها ملي كملات 18 عام (سعداتها مشبعينها طموبيلات هههه 😂😂) طلقات موسيقى عالية و نطالقات فحال الريح لي كارد تصدمو بيها عاد مشاو كايجريو ركبو فطموبيلات اخرين تابعينها اما هي غادا مجهدة للأغاني وصلات للنايت كلوب دخلات من بعد ماوراتهم لاكارط و داكشي لقات جو أخر و الصداع د الاغاني شي كايسكر شي كايشطح شي كايفلورطي هي بقات غادا مامداياهاش فالبشر كاتقلب على كوثر بعينيها حتى لقاتها واقفة مع واحد الولد مشات من موراها هراتها حتى نقزات
كوثر:واااع اللينعلطبنمك يالكلبة ماشي هاكا كايديرو الناس
رميم:انا هاكا كاندير ههههه شكاديري هنا شكون هذا *شافت فهاداك لي كان معاها*
كوثر:هذا ولد عمتي ناذر طلاقيتو هنا سلمي عليه
غرميم مداتلو يديها سلمات عليه و مشاو جلسو فواحد الطبلة طلب ناذر قرعة دويسكي داك الغالي جابوه و حطوهلهوم رميم مكاتشربش طلبات بومس دالتفاح (شكون مللي كاتشربها كاتخايل راسها كاتسكر😂😂😂 ) أما كوثر فهي كاتشرب و تحشش و كوولشي مجموع فيها بقاو جالسين كايشربو و كوثر دابا و ساعة كاتلاح على ناذر كاتبوس فيه و هو كايبعدها عليها هي سكرااانة محاساش براسها شكادير
ناذر:لالالا هادي خاصها لي يديها للدار ختي رميم سمحيلي انديها للدار زيدي نوصلك حتى نتي
رميم:نونو غير سيرو انا بغيت نبقا مزال
ناذر:اوكي يلاه بسلامة *هز كوثر لي كاتشطحلو فيدو بقا غادي بيها حطها فالطموبيل وساك بيها لدارهوم شاف فيها لقاها نعسات هزها و دخلها لدارهم و هو مشا بحالو*
__رميم بقات جاالسة كاتمنضر فالناس بدات أغنية Chantaje ديال Maluma و shakira و هي كاتحمقها ناضت مشات عند الديجي قالتلو يعطيها تغنيها عطاها الميكرو و بدات كاتغني و تتمايل بخصرها و الناس لي كانو كايشطحو خواولها البلاصة خلاوها بوحدها سلات غناها حسات براسها كاتجر شافت شكون جارها كان عمار خطيبها جرها و داها لبرا حتى تنترات منو هي
عمار كايمسح على وجهو:نقدر نعرف شكاديري هنا
رميم:قنطت و جيت نطيرها
عمار بالغوات:و طيريها هنا هاااا كاين شلاا بلايص مبانولك غير البيران
رميم:و نتا شكادير هنا ماشي عندك خدمة
عمار:كان عندي اجتماع مهم
رميم قرباتلو للكول دقاميجتوشافت عندو طابع حمر بتاسمات بسخرية و بعدات:هه باين اجتماع مهم بزااف مسح بعدا داك العكر و عاد اجي هضر معايا
كانت غادا و جرها عمار عندو
عمار:ماتفهميش غلاط راه غير..
رميم:لا فهمت كولشي صحيح هه لا لا باينا فيك كاتبغيني بصح
عمار:انا انا ارميم كانحماق عليك ماشي غير كانبغيك هاديك غير نزوة و صافي
رميم دفعاتو:بعد مني و سير عند قحبتك اما انا بزاف عليك
مشات كاتجري ركبات فالفيراري ديالها و مشات طايرة و عمار مشا تبعها بطموبيلتو هوما مشاو و خرج واحد الشخص من واحد الركينة مضلمة وجهو مباينش فيدو كارو جبد منو واحد الجرة طويييلة و نفخ من فمو الدخان لاح البقايا د الكارو فالأرض و بدا كايمسح واحد المضى كانت عندو فاليد التانية من الدم و عاود دخل للكلوب خدا معاه بنت يدوز ليلتو بيها و مشا
وصلات رميم للقصر كان السكات غير صوت خطواتها و صوت طموبيلت عمار لي جا خرج منها و تبعها كايجري شدها من يدها دورها عندو
عمار عنقها و هي باغا تنتر منو:عفاك رميم انا أنا ماشي غير كانبغيك كانحماااق عليك انا مباغيش نديرلك شي حاجة تكرهيني بيها ماتخايليش شحال من مرة فالنهار كانتخايلك و نتي ملكي انا وياك فنفس الفراش فوضعيات مخلة انا كاندير هاكا و كانحاول نبعد منك ماأمكن باش مانأديكش انا كانبغيك و بغيتك تكوني ليا حلااالي هادوك غير نزوات عفاك سامحيني هاد المرة و كانواااعدك كانواعدك عمري باقي نعس مع شي وحدة كانواعدك أعمري أنا كانتهرب منك بالخدمة ماكرهتش نتزوجو اليوم قبل غدا ولكن نتي باغا تحققي حلمك بأنك تكملي قرايتك راني صابر عليك كانحلفلك أي وحدة نعست معاها كانعس وانا مغمض عيني كانتخايلك نتي ماتخايليش شحال انا مهووس بيك اي وحدة عرفتها مكاندوزش معاها الليلة غير السوايع و صافي عفاك احبيبة عطيني فرصة عفاااك راني مابغيتش نأديك و صافي عفاااك أحياتي
رميم تنترات منو وشافت فيه بكره:سير خوي مكبوتاتك فينما بغيتي اما انا ماتبقاش تحلم بيا انهضر مع بابا وانفسخو هاد الخرا لي بيناتنا و كل واحد يشد طريقو حيت انا و نتا مستحيل نكملو
حلات رميم عينيها مصدومة حاسة بشي حاجة كاتحرك فوقها و شي سائل لزج كايدور على جسمها شافت شنو داكشي و لقاتو كوكو جاي كايفيقهاهي شداتو و بدات كاتلعب معاه و تضحك معاه حتى سمعات الدقان فباب بيتها دخلات ياسمين بعجاجتها
ياسمين:نوووضيييي نوووضيييي نوووضييي *شافت فكوكو مصدومة* هاء سبقني هاد ولد الطيط واااع بغيت نكون انا اول وحدة كاتفيقك فيقي فيقي راه خطيبك الجميل لتحت مع باباك
رميم قلبات عينيها:اوووف داك الحمق شنو جا يدير هنا
ياسمين:i don't know نوضي شوفي شنو باغي ميمي بليييز بغيت اليوم نخرجو شي خريجة قنطت هنا فالدار
رميم:اوكي بب غير نشوف داك الحمار شنو باغي انا نبدل عليا و نجي يلاه سيري
ياسمين:اوك بب
خرجات ياسمين و ناضت رميم مشات تحت الدوش شللات لحمها اما شعرها مقاصتوش مشات للدريسبنغ تاعها جبدات حوايجها لبساتهم و هزات كوكو هبطات لتحت مشات جيهت صالا مونجي لقات باباها و ماماها و عمار و ياسمين جالسين كياكلو مشات عند باباها باستو و ماماها كذلك و نقزات على عمار باست ياسمين و جلسات قدامها عمار كرز على يدو بالأعصاب و دوا بصوت مبحوح
عمار:عمي عندي واحد المشروع دواحد الأوطيل بديتو فلوس انجلوس خاصني نمشي غدا جيت نقولكم بسلامة
عبيد:اه اولدي ولكن شحال اتبقى
عمار:ماعرفتش كانضن انطول تما ولكن انجي قبل عيد ميلاد د رميم باش ندوزو معاها
عبيد:اه بزاف راه باقي كتر من شهر و نص لعيد ميلادها
عمار:اه والمشروع باقي جديد خاصني ضروري نكون تما مممم ماكرهتش اليوم ندوزوه انا و رميم مع بعضنا حيت انتوحشها
عبيد:الله ياودي ماتحتاجش تاخذ الإذن راها..
رميم قاطعاتو:اليوم خارجة مع ياسمين و اصلا اليوم كانمشي لدار الأيتام
عمار:هه بصح و تقدر ياسمين تمشي معانا و نيت حتى انا نمشي معاكم لدار الأيتام
رميم كانت كتاكل حبسات الماكلة و شافت فعمار بسخرية:هه راك عندك خدمة ولا بحال الخدمة دالبارح كاتسناك
عمار ضرب يدو فالطابلة:عرفي راسك شكاتخرجي من ظاك الفم لا نهرسوليك
رميم لعناد:مالني شنو قلت غير الحقيقة كيفما نتا كاتكون مشغول حتى انا دابا مشغولة
عبيد قاطعهم:صافي حبسو براكة من التبرهيش ديالكم مابقيتوش تحتارموني رميم اليوم اتخوي نهارك كووولو و كاع البروكرامات لي دايرة ليوم واتمشي مع خطيبك دوزو هاد النهار راه ايغيب كتر من شهر صافي تسالا النقاش
ناض باها و مشا و شافت فيها ماماها مألمة لجيهتها حيت عارفاها مكاتبغيش عمار و غير بالزز عليها و لكن كلمة راجلها فوق كولشي ناضت و مشات تبعاتو اما ياسمين فجالسة كتاكل و هي ولا هنا
رميم شافت فعمار:مالك كاتشوف فيا هاكا انا باقا عند كلمتي ماتحلمش نخرج مع خاين بحالك
عمار قربلها:عفاك احبيبة انا عارف راسي غالط ولكن كانحلفليك عمري باقي نقيص شي وحدة اخرى و مستعد نبرهنلك هادشي
رميم:التقة لي كنت عاطياك مشات و لي كايحب بصح مكايخونش
عمار:عطيني فرصة تانية و كانواعدك ماتندميش كانت غلطة و ندمان عليها
رميم:ماعرفتش
عمار:عفاك
رميم:اوووف غير على قبل بابا لي تايق فيك انسامحك دابا ولكن اذا عاودت شفتك مع شي قحبة ولا حصلت عليك شي حاجة ماتلوم غير راسك
عمار عنقها:نوو بب تيقي فيا مغاداش تندمي
رميم تنترات منو:هاحنا غانشوفو ممم فين انمشيو اليوم
عمار:فينما بغات حبيبتي
رميم:بغيت نمشيو نتفرجو فالماتش د اليوم عفاااك
عمار:ولكن انا بغيت شي موعد رومانسي
رميم:مممم عفااك
عمار:اووف واخا زيدي يلاه اصلا مباقيلو والو و يبدا
رميم:اصلا نتا كاتحماق على الكرة كنتي طالب عليها
عمار:للصراحة اه هههههه يلاه زيدي
ميمي:يلاه هههه
خرجو رميم و عمار من بعد ماعتاذرات لياسمين وواعداتها يخرجو فنهار اخر مشاو للكامبو د الكورة خداو التيكيتات كانت الدنيا عامرة بزاف جلسو كايتفرجو كانت لاعبة اتحاد طنجة مع الوداد داز الماتش كولو حماس و رميم كاتشجع اتحاد طنجة 😍 ربحو 2:1 خرجات كاتصفق و تضحك اما عمار فأول مرة كايشوفها هاكا مامولفهاش بهاد الحيوية و الحماس بقاو غاديين شوية ووقفات رميم قبالت عمار
رميم:عييت هزني فضهرك
عمار:شنو
رميم:هزني
عمار:هههه اجي اجي
مشات رميم تشعبقاتلو فضهرو و كاتصفرلو فوسط وذنو كرهاتو حياتو و النهار لي وافق يهزها فيه وصلو للطموبيل و ركبو بجوج و هي كاتغني بصوت عالي و حتى عمار بدا كايغني معاها وصلو لواحد الريسطو جا حدا البحر مشاو كلاو فيه الحوت حتى تكنفو و دوزو العشية فالتسركيل وصلها عمار فالعشية للقصر و قبل ماتمشي زرب عليها و باسها ففمها هي مشات كاتجري لداخل دايرة يديها على فمها
#رميم
يييع تفو تفو خليتو يبوسني ويلي اعععع مشيت كانجري غسلت فمي و عاودتو و عاودتو كوكو فاش كايبوسني مكانعيفش بيه ويييع تفو عليه دابا هداك انكمل معاه حياتي وانا مكانحملوش اوووف اهئ علاش انا هاكا ماعندي زهر مشيت تكيت فبلاصتي مجانيش النعاس وانا نمشي لبيت ياسمين كانت كاتسرح عجول الأخرة ناعسة على كرشها مشيت جلستلها على ضهرها قولو بعزتها ههههه ناضت كاتوجع عليا هنا
رميم:فيقي و نتي ناعسالي دابا يلاه 8 دالعشية نوضي نخرجو
رميم:وعفااك عفاااك بليييز نمشيو للبلاصة ديال الملاكمة الحرة عفااك عارفاني من شحال هذا باغا نتعلمها
ياسمين:وييع مباغاش
رميم:وييع عفاك
ياسمين:اوف واخا وانوضي عليا نلبس حوايجي
رميم:اوكي انا انتسناك فبلاصتنا باش مايتبعوناش لي كارد
ياسمين:اوكي
خرجت من بيت ياسمين و هبطت لتحت بقيت كانشوف يمين و شمال مكاين حتى حد مشيت لواحد الباب سري عندنا هنا خرجت منو ووصلت جيهت مطوري الحبيب هذا مطور اخر شريتو مؤخرا بفلوسي كنت كانجمعهوم و هاد المطور دايرة فيه خاصيات فشكل و زايدة السرعة ديالو كاتوصل 220 والزيادة بعدت عليه الغطا و لبست الكاسك جات ياسمين حتى هي لبسات كاسك اخر و ركبات فمطورها واحد أخر و نطالقنا انا و ياها كانتسابقو حتى ربحتها انا طبعاا وصلنا للبلاصة د الكومبا دخلنا لداخل لقيناهم جالسين كايدابزو بحال لا عمرهم تلاكمو ويلي حركاتهم خايبين بقينا واقفين انا وياسمين وانا جاني النعاس كنت انقولها يلاه و هو يجي المقدم كايقدم شي وحدين جداد ايبداو دابا نيت
المقدم:سيداتي انساتي سادتي كانقدم ليكم تنين الحلبة أقوى ملاكم على الصعيد الجهوي لمدينة طنجة تطوان واخد عدة مداليات فالملاكمة الحرة و عندنا حنا ربح عدة مبارزات معانا و معاكم التنيين بداو الناس كايغوتو و يشجعو وانا سبقلي شفت هاد التنين واالو حتى هو سوقو خاوي غير كايتبودر على الخوا الخاوي
المقدم:اما من جهة اخرى لدينا شخص لطالما تبارز هنا فهاد الحلبة و ديما رابح الخصم ديالو عمرنا شفنا وجهو كانقدملكم المقنع
ويييع المقنع كاين اليوم من ديما باغا نشوفو ويييي دابا مغاداش نمشي جا داك المقنع فالهيكل ديالو واعر بزااف عضلاتو السداسية فحال الشكلاط و لحمو مبرونزي عندو واحد الضربة فصدرو جيهت ليمن و عامر وشوم وجهو ماعرفتوش باش نقولكم كي داير ولكن باينا فيه توتوووووز😍
بدات الكومبا و المقنع كايتصدا لأي ضربة للتنين بكل سهولة تقول عارفو فين يضربو اي حركة كايديرها التنين كايكون المقنع سابقو بجوج خطوات بقات غادا الكومبا عاادية يعني ماشي شي حاجة من غير حركات المقنع لي بهروني تسالات الجولة الأولى بدات التانية و هو يتحرك المقنع ضرب التنين جوج دقات طيحو كااو و انتهت الكومبا بالفوز ديالو وااااه😍هذا لي خاصو يدربني خاصني نمشي ندوي معاه شفتو خارج وانا بقيت تابعاه ياسمين خليتها تما بقيت تابعاه بالحس سابقني بشي 3 دالخطوات حيد القناع لي دايرو فجأة وقف و دار البنات شدوني انموتلكم هنا يا خراااشي ايه الجمال ده 😍وييينو والمقنع صدق تيتيز شفتو جاي مغوبش وصل قدامي عليت فيه عيني بحال السلوم طولتو و فورمتو دير مني 3 بقيت كانشوف فكل شبر منو واااعر هو سمر و عويناتو فالقهوي فحال العسل شعرو قهوي شوية و اللحية مطراسية اوووف شدوني لانطيح لكم هنا فجأة دوا عندوواحد الصوت رجولي حرش أححححح يالبنات أنا بديت كانحب فين يبان هذا مع عمار
المقنع:شكون نتي
مديتلو يدي:انا رميم😊
خنزر فيا و خلاني بلاكا مامدش يدو على مرgة يخ جمعت يدي رجعت القصة مور وذني و شفت فيه كانرمش بعويناتي هاد النضرة عندي كاذوب اي واحد
رميم:احم انا شفتك فاش كنتي كاتلاكم لهيه و الصراحة عجبوني حركاتك بزااف بززاااف ماكرهتكش تدربني حيت اخرين عندهوم حركات خايبين ماعجبونيش ولكن نتا وااااو عندك حركات واعرين عفااك دربنييي عفاااك شفت فيه بعينين الجرو فحال كوكو ملي كايبغي شي حاجة
بقا كايشوف فيا مطولا و خصوصا عينيا بتاسمت بشر غادي يقبل ياااي
المقنع حمحم و دوا:ماعنديش مع التبرهيش سيري لعبي مع اللي قدك
شنوووو انا يقول عليا برهوشة دار كان غادي وانا نشد الحجر بديت كانلوحهم عليه شفتو دار عندي كان جاي وانا نضربها بجرية ضرت كان حتى هو غادي
رجعت للبلاصة لي خليت فيها ياسمين لقيتها واقفة مع واحد الولد هو زوين فوجهو و حتى فورمتو زوينة باينا كايلعب الحديد وقفت قدامهم لقيتهم كايشوفو فبعضهم فشكاال فحال لا غارقين
فاقت رميم اليوم مع 6 د الصباح متفائلة بهاد النهار هذا لبسات حوايج السبور ديالها و مشات لبيت ياسمين لقاتها كاتشخر بقات كاتفكر شنو دير باش تفيقها جاتها فكرة مشات هبطات الريدوات و قرباتلها لوذنها هضرات بصوت مرتفع
رميم:هل تعرفووون من هو همتارو مخلوق حلو لطيف همتااارو يعييش في بيت لطيييييف يدووور في دولاب خفييييييف
فاقت ياسمين مخلوعة شافت فرميم كاتحلف عليها و رميم مشات كاتجري خرجات من البيت و هي تبعها ياسمين وصلات قدامها و شداتها من شعرها نتفاتها مزيااان عاد طلقاتها و مشات للطواليط اما رميم فجلسات فالأرض كاتبكي و تغبن خرجات ياسمين من بعد ماطرفات راسها لقاتها كيما كانت
ياسمين:نوضي براكة من التبوحيط
رميم:لا نتي خايبة شوفي شعري الجميل كيفاش رديتيه
ياسمين:هه و نتي قفزتيني فنعاسي العين بالعين و السن بالسن
رميم:نتي خاايبةةةة
ياسمين:حسن منك نوضي نشوفو المقنع ديالك
رميم ناضت واقفة:هاء نسيتو يلاهي ايكونو وصلو هه ومنها حتى نتي تشوفي أنير ديالك ههههه كنتو اتاكلو بعضكم البارح
ياسمين:وااه ياختي راه تووتة
رميم:ماشفتييش المقنع حسن منو بألف درجة
ياسمين:زعما نتي مخطوبة😏
رميم:ومن بعد زيدي زيدي دغيا
خرجو من الباب المعلومة و مشاو كايجريو حتى وصلو قدام البحر واحد البلاصة كايتريضو فيها الناس كاينا فطنجة غير وصلو بدات رميم كاتقلب بعينيها على المقنع حتى شافتو من بعيد كايحيطش واحد البنيتة صغيرة و لابس شورط رياضي و تيشرت قطني كول v لاصق علييه جاا توتووز مشات جيهتو كاتجري و ياسمين تابعاها وقفات موراه و دارت يديها على ضهرو حتى حسات بيديها اتقرض
حسات رميم بيديها أتقرض بسبب المقنع لوالها يديها مور ضهرها و مزير عليها
المقنع كايهمسلها فوذنها:شكون مصيفط جذر جد بوك عندي أنا هاااا
رميم:أيي واطلق طلق ازمر عفاك كاتقصحني أحححح
المقنع زيرها عندها:ومالكي كاتوحوحي عليا بحال لا كان*ويك براكة من التقحبين و دوي مسغدة شكون مصيفطك
رميم توسعولها عينيها من الجرأة لي دوا بيها:أ أ واطلقني و نقولك
*طلقها المقنع و هي دارت عندو معوجة فمها و عينيها مدمعين فحال بنيتة صغيرة*
رميم:شوف يدي رجعات حمرة نتا خايب كاضرب البنات
المقنع:اه خايب و من بعد جاوبيني على سؤالي ولا أندم جد طواسلك
رميم علات فيها عينيها و ضرب فيهم شعاع الشمس:عفااك على داك الموضوع دالبارح بغيتك تدربني عفاااك انا كانحماق على الملاكمة و بغيتك تدربني عفااااااك
المقنع بقا كايشوف فعينيها شحاال ساااهي من بعد حمحم:احم احم انا مامساليش للتبرهيش و التقحبين ديالك سيري خطيني عليك راه عندي خدمتي
بقا غادي و رميم تابعاه كايوقف كاتوقف كايزيد كاتزيد وصلو لواحد المنطقة شبه خاوية عصباتو و دار عندها مغزف هاز سلاح موجهو لراسها
المقنع بالغوات:أتقودي من قدامي دابا نيت ولا نخوي فيك هذا
رميم معوجة فمها:هه بغيتي تقولي راه حقيقي *طارت عليه خداتولو من يدو كاتلعب بيه* هه نو نو باينة غير دالألعاب *علاتو فالسما و تكات على الزناد و هي تسمع طاااق د الرصاصة شافت فيه بعينين موسعين بالصدمة و يديها كايترعدو عطاتو السلاح*
رميم:ويلي هذا بصح صافي هاك اخويا ماتعلمني مانعلمك انا بالله و بالشرع *عطاتو السلاح و دارت غادا فحالها أما المقنع بقا شحال كايشوف فيها و دار غادي حتى هو*
وصلات رميم لواحد الدورة و هي تدور وجهها شافت طموبيل غادا جاابدة جيهت المقنع وواحد شاد سلاح فيدو منيش عليه
رميم بالغواات:عنداااااك
المقنع دار كايتأفأف و شاف ديك الطموبيل بعد من طريقها و جبد سلاحو تيرا فهاداك لي كان منيش عليه فجأة خرجو مجموعة من الرجال بالعصي و الفرادة بتاسم المقنع باستهزاء و حرك عنقو يمين و شمال طرطقو طرطق صبيعات يدو و بدا كايتعارك مع هادوك الرجال تقريبا 20 واحد بقا عليهوم بالدق حتى طاحو كلهوم فالأرض (فيلم اكشن دالهنود😂😂( أما رميم فكانت كاتفرج عاطياه ضهرها كان جاي جيهتها هي بقات كاتقفقف حتى هزات واحد الحديدة قاصحة قداش و مشات كاتجري جيهتو أما هو بقا كايشوف فيها مطلع واحد الحاجب و مهبط لاخر
مشات رميم كاتجري جيهتو فواحد اللحضة تخطاتو و ضربات واحد خينة لراسو طاح شاد راسو و هي تحيد سبرديلتها كاضرب فيه و تعاود و هي كاتغوت
رميم كاضربو:يالحرايمي باغي تضربو هااا اانا لك بالمرصاد *طلعات فوقو كاتنقز عليه و هو كايتوجع جا المقنع حيدها منو و هو مغوبش*
المقنع:صافي براكة يلاه زيدي نوصلك فين لقيتك *دار شاف فهاداك لي فالأرض و عطاه واحد الركلة و هبط شدلو راسو كايهمس بصوت مخيف*
المقنع بهمس:لديلمك أتمشي عند داك النيكرو ديالك واتقولو مهاب المرنيسي عمرك ماتقد عليه فهمتي وصلهالو مزيان قولو يستعد للهجوم ديالي فأي وقت *عطاه بونية هاداك راه بال فسروالو بالخلعة هههه و ناض تفل عليه و شد فرميم و مشاو*
قال عاد الكلمات و مشا اما رميم فكاتشوف بصدمة جيهتو حتى بدات كاتنقز و تشطح فبلاصتها عاجبها الحال جات ياسمين عندها و بدات رميم كاتعاودلها داكشي لي وقع بالتفاصيل و مشاو للقصر دخلو من الباب المعلومة طلعو كل وحدة لبيتها بدلو عليهوم و هبطو قد قد لتحت لقاو العائلة مجموعين كايفطرو
فطرات رميم مع عائلتها لي كاتبغيهم بزاف و عندها باها عزيز بزااف بقاو جالسين و الصمت سيد المكان حيت هادي قاعدتهم هوما فالماكلة سلاو ماكلتهم و كل واحد مشا لبيتو دخلات رميم لبيتها و تبعاتها ياسمين
رميم:سيري قودي لبيتك
ياسمين:لا مابغيتشي بغيت نبقا مع القريدة ديالي
رميم:والمعزة سيري
ياسمين:لاءح مابغيتش
هوما فعز نقاشهم حتى صونا تليفون رميم شافت شكون كان خوها جاوباتو بلهفة حيت من شحال ماصونالهم
بداو كايحكو السم لبعضهم و كايعليو حجبانهم لبعضهم غير براهش و صافي
عند المقنع أو نقولو *مهاب المرنيسي* أكبر مفيوزي فالعالم كولو ماشي غير المغرب أي واحد تقولو سميتو يخرا فسروالو بالخوف منو هو غامض لأقصى درجة و قاسي لأقصى درجة حيت عاش طفولة قاسية شاف عائلتو كاتموت قدامو من طرف واحد الشخص ماعرفلوش وجهو ولكن عندو واحد الحاجة لي أتوصلو ليه و هو طول 14 عام كايتسنا النهار لي يقتلو بيدو و يخرجلو قلبو من بلاصتو يلعب بيه و يشويه و يقطعو طراف طراف و يوكلو للكلاب هذا حلمو من الصغر هو رجع دابا مفيوزي كبير و لاباس عليه بفضل *الزعيم المرنيسي* اللي هو مفيوزي قريب يتقاعد هاد الحرفة ديالو و يسلمها لمهاب ولكن دايرلو شروط من بعد و نعرفوهم الزعيم كان لقا مهاب فالزنقة أول مرة شافو كانت الشتا و البرد غادي بالحفى مواكل ماشارب من هيئتو باينا عليه متشرد ولكن غير شافلو فعينيه شاف خليفة ديالو بحكم انه عندو بنت وحدة فقط عينيه كانو كايبعثو فقلب الواحد الرعب خطيوني من الطمأنينة و الأمان لا لا شغتيه فحال لا شفتي ملاك الموت قدامك خداه من الزنقة و حتواه عندو كبرو بالقصوحية و التداريب المكثفة صيفطو للجيش لمدة عماين خرج أقوى و أشرس لي داز عليه مكايرحموش و هادشي فقط نصف الوحشية ديالو حيت هو مايتهدن حتى يقتل داك الشخص لي قتلو باه قدام عينيه و غتاصبلو ماماه و قتلها و خدا معاه ختو لي كانت رضيعة مامكملاش عام بقا فقط واحد البركان باغي ينفاجر و يدمر العالم بأسره لي هو مهاب هو عندو البنات فقط لعبة مكايأمنش بأحاسيسو و إذا حس براسو شي نهار كون شي إحساس لشي حد كايقتلو فالبلاصة عندو البنات فحال الدمى الجنسية علاقاتو بيهم محصورة بالجنس فقط فهاد اللحضة هادي مهاب جالس فواحد الكرسي هزاز كايتهزهز بيه و شاد قرعة د الشراب مشروبات مخلطين و كارو فيدو مغمض عينيه دخل عند أنير يديه ليمنى و كايعتابرو خوه حيت الزعيم رباهم مع بعضهم
أنير:كيما أمرتي جماعة النيكرو صفيناهم واحد واحد و بالنسبة لداك الموضوع دديما باقي أي وشام كانمشيو عندو كايقولك ديك الوشمة صعيبة و مكايديروهاش
حل مهاب عينيه الحمرة بقوة الشراب ولكن شحال ما شرب مكايتأترش حيت موالف شاف فأنير بنضرات فارغة خلاو انير يترعد فبلاصتو
مهاب بصوت كايزعزع:جبدوه ولو كان تحت الأرض ماشي سوقي
أنير:البحث خدام راه عماين و حنا كانقلبو بدون أدنى جدوى يقدر يكون مات هداك لي كانقلبو عليه
مهاب:ولو مات قبرو بغيتو نجبدلو عضامو نتمتع بيهم شويا
انير:أمرك اه حكا اتدرب ديك البنت رنيم ولا رميم
مهاب كايتحرك فالكرسي ديالو مع ضحكة جانبية غمض عينو جاو عينيها فبالو:هادشي لي كايبانلي هه😏
صباح يوم جديد فبيت رميم لي فاقت كاتكسل هزات تليفونها تشوف الساغة لقاتها 5:45 توسعو عينيها بالصدمة و ناضت كاتجري للحمام غسلات وجهها و سنانها لبسات بيل و شورط اديداس فالكحل مع سبرديلة أديداس شعرها خلاتو مطلوق حيت معطلة وخرجات كاتجري من بابنا المعلومة وصلات للبلاصة لي قالها مهاب و هي كاتلهث عيات تقلب بعينيها مالقاتوش دلات شنافتها التحتية و عينيها هبطاتهوم للأرض حتى سمعات صوت رجولي خشن
مهاب:تعطلتي
دارت رميم فرحانة و شافت فيه بعينيها كايبريو:هيهيهي للصراحة صبحت ناعسة عليها البارح سهرت شوية اما انا راه ديما
مهاب دارها حركة دسكتي و شاف فيها معصب:الهضرة فيك بزاف هاد القعيدة حيديها منك زيدي تبعيني
بقا غادي كايجري و رميم فبلاصتها كاتستوعب هضرتو عاد توكضات و تبعاتو بقاو كايجريو شحال شي ساعة وصلو لواحد البلاصة خاوية غير الشجر و الغابة شافت رميم جيهت مهاب و عقلها مشا بعيييد فأفكارو
#رميم
ويييلي فين غادي بيا هذا شحال و حنا كانجريو انا عييت و جلست فالارض ربعت رجلي عندي أما هو فكان غادي حتى حس بيا مابقيتش معاه و دار شاف فيا ماماااا ويلي عينيه كايخلعو انا كايركبو فيا الرعب ولكن واخا هكاك فيهم شوية د الحزن بقيت كانشوف فيه هو جاي جيهتي
مهاب:وقفي
انا وقفت بلهلا يطريه ليا و شفت فيه كانتمسكن
رميم:هيهيهي عييت والله على هاكا جلست شويا نرتاح 😇😇
رميم قفزات حيت قال كلمتو اللخرة بالغوات:و هاء انا قلتلك علمني الملاكمة ماشي الجري السريع ساعة دالمكانة و حنا جري جري جري وااه عييت ياء لاكانو نتا عندك العجلات كبار فأنا لا
بقيت كانبلبل شحااال و كانهضر كانرمش فعيني شفت فيه فالخر بنضرات ثاقبة هو كايشوف فيا و عاقد يديه
مهاب:ساليتي واكملي الجري يلاه
ولد القاف شحال وانا كانهضر و نعبر فلاخر هكا جاوبني جا مورايا و بقا كايدفعني انا بديت كانجري بالزز مني حتى لقيتنا وصلنا لواحد البلاصة فشكل هي فوسط الغابة فيها الات دالرياضة و ديك اللعيبة ديال الملاكمة واااو هادشي زوييين بزااف بقيت كانشووف هادشي حتى حسيت براسي تدفعت
حسيت براسي تدفعت شفت مورايا كان مهاب كايشوف فيا مخنزر
مهاب:انبداو دابا التسخينات بداي تحركي هنا
رميم:ولا واش هاديك الطريق كولها ماشي تسخينات راني فت سخنت
مهاب:هضرة وحدة قلتها
رميم:واخا
بدات كاتحرك نص ساعة و تحرك و تعلي يدها و دير طراكسيون حتى عرقات و شعرها و حوايجها لصقو عليها كانت كادير طراكسيون حتى شافت رجلين قدامها ناضت شافت فمهاب
مهاب:دابا كاتشوفي دوك الحواجز ادوزي منهوم كولهوم و جيبيلي داك العلم الحمر لي فوق التلة
رميم كاتأفأف:بغيت غير نفهم واش الملاكمة هي هادشي لي كاندير
مهاب:ديري لي قلتلك
رميم:واااع وانرتاح غير شويا
مهاب:لا نو راحة هنا يلاه يلاه تحركي👏🏻👏🏻
رميم بدات كاتجري وصلات لفحال شي عجلات نقزات عليهم مشات لواحد البلاصة فيها التراب و هي جات فحال الغار دخلات فيه و بدات كاتزحف بيديها و رجلها خرجات كاملة مغيسة وصلات لواحد الواد خاصها تشعبق فواحد الحبل و تمشي تشعبقات فيه و بقات غادا بشوية بشوية و هي معلقة حتى طاحت فالواد بقات كاتحرك فالما تخنقات بالما عاد ناضت و خرجات كاتلهت نعسات فالارض كاتشوف فالسما مشا عندها مهاب كايهضر ببرود
مهاب:كملي هادشي لي بديتيه
رميم كاتلهت:عييت
مهاب:نوضي تكعدي دويت معاك
ناضت رميم عاودات تعلقات فداك الحبل و دازت من داك الواد كملات الجرا ديالها حتى وصلات لواحد الجبل خاصها تسلقو بقات كاتسلق بشوي بشوي حتى وصلات للقمة و جابت العلم هبطات كاتلهت وتكات فالأرض شافت الخيال د مهاب شافتو فيه شوية بدات كاتشوف منو جوج من الحاجة و الضبابة الكحولية و ودنها كاتسمع غير الطنين غمضات عينيها غايبة عن الوعي
#مهاب
شفت فهاد خيتي هادي نعساتلي هنا هادو هوما كيليمينيات بنت الفشوش قالك باغا تعلم الملاكمة نوريها شنو هي الملاكمة وانا عطيتها غير هاد اللعيبات شنو داير هبطت كانحرك فيها والو ماتحركاتش درت يدي على عنقها كانتحسس نبضها ماشي منتضم زائد حرارة طالعة شغاندير فهادي دابا نضت مشيت ببرود دخلت للكوخ لي عندي هنا حليت الباب و طليت شفت لداخل ديالو كولشي هو هداك رجعت هزيتها شحال خفيفة تقول مكاتكلش دخلتها للكوخ و حطيتها فوق الفراش الخشبي ديالي و مشيت عمرت ما باردين فواحد الطاسة هزيت سوفيطمة قطنية ديالي و مشيت جلست قدامها درتلها كمادات شفتها فازكة كاتهترف حيدتلها السبيدو لي لابسة وانا كانتفحص فجسمها عاض على شنافتي كانعتارف عندها جسد متناسق خلا رجوليتي تتحرك و خلاتني نقيم عليها غير بالشوفة طلعت لفوق و حيدتلها الدوني لي لابسة و تدفق الخير مع لابسة سوتيانات مشبكين خلاتني نتشهاها مانكذبش عليكم ولكن دابا ماشي الوقت دهاد الخرا ديالي درت كانقلبلها على شي حاجة تلبسها لقيت واحد الكابيتشو ديالي و جبدت فوطة مشيت قدامها عيني كايعبرو فجسمها بكل تفاصيلو بديت كانمسحلها فلحمها البيض داير بحال الحليب و رطب مقارنة مع يدي الخشنة بدون ادنى شعور مني هبطت لعنقها حطيت نيفي كانشمو و يدي مشات لطرمتها عضيتها فعنقها حتى حسيت بيها طلقات انين خفيف بعدت كانبتاسم بمكر و لبستلها داك الكابيتشو غطيتها بواحد المانطة عندي مشيت نشوف شنو نطيب لاكانت شي حاجة طبعا لقيت شي خضرة هنا من اخر مرة جيت طيبت شوربة تدفيها شوية ساليت و مشيت قبالتها وكلتهالها و هي كاتهترف على اخر ايامي نطيب شوربة لبرهوشة فحال هادي هه بقيت جالس فواحد الكورسي مركز عيني عليها حتى سمعت صوت دشي تليفون جاي من الارض تفحصتها بعيني شفت سروال هزيتو كان تليفون دهاد خيتي شكون هذ عمار لي كايصوني و دايرة قدام سميتو خاتم بقيت كانشوف فالتليفون حتى قطع طفيتو و رجعتو فين كان شفت فيها كاتحرك شوية وانا رجعت للكرسي لي كتت جالس عليه
#رميم
فقت حاسة براسي كايضرني و ذاتي كلها مطقطقة اوف ماعرفتش شهادشي شفت فين أنا لقيت غير الخشب و كاين شوية د الضلام ماعرفتش فيني شفت جيهت ليمن وانا نلقا هداك المقنع كايشوف فيا فحال شي نسر لدابا معارفاش سميتو اهئ علاش عينيه كايخلعو هاكا شفت رجلو كايضربهم مع الارض بطريقة كاتوتر و ابتسامة جانبية على فمو
مهاب وقف و دار خارج:يكون فعلمك كل نهار لمدة 3ايام اتعاودي نفس التمرين دابا لبسي حوايجك نرجعك فحالك
رميم:3ايام هه و الله مايحلم بيها مالو عاجبو راسو انا دابا انقولو مابقيتش باغاه يدربني هه زعما كاين غير هو يمشي هو نلقا واحد غيرو
حيدت عليا هاد البطانية لي كانت فوقي وانا نتصدم انا ماكنتش لابسة هاكا شفت فالارض سروالي و الدوني لي كنت لابسة هاااويييلي داك ولد القحبة بدلي حوايجي ولا نضت خرجت عندو معصبة هاكا نيت لقيتو واقف عاطيني بالضهر و كتافو العراض مقابليني اححح ماكرهتش نتشعبق فيه خخخخخ وصلت موراه و حمحمت دار عندي شاف فيا و دوك الشوفات عندو باقي كايخلعو
مهاب مطلع حاجب و مهبط لاخر:شنو
رميم:ش ش شكون ب بدلي ح حوايجي
مهاب:أنا
رميم:شنوووو حماقيتي ولا و شفتيني عريانة هكاك ويلي شوهتي
مهاب:هه اصلا ماعندك مايتشاف تما ماحركتي فيا حتى حاجة والو ماعندكش المؤهلات الكافية لي تخلي مهاب المرنيسي يقيم عليك
هذا مالو عقلو خانز انا مادويتش على هكا و هو نواها عوجة ولكن فاش قال هاد الهضرة ماعجبنيش الحال كيفاش زعما ماعجبتوش فورمتي كانقيل نتريض و ندير الرجيم على قبلها باش يجي هو يقولي هكا
رميم بعصبية:انا مادويتلكش على هكاك اصلا نتا اخر واحد نبغي نثير انتباهو حيت انا عندي خطيبي و كانبغيه يكفي انني عاجباه هو اما نتا مكاتحرك فيا والو قدام انوثتي
انا كاندوي حتى حسيت بيدي تجبدات و قربني عندو كايشوف فيا بعينين حمرة كي الجمر فرمشة عين لقيت راسي طايحة فالارض و كانشوف النجوم كايضورولي عند راسي فحال طوم و جيري وجه الزعبولة ضربني اهئ هبط عندي و طلعني من يدي دوا بصوت كايخلع
مهاب:سيري بدلي عليك نوصلك فحالك و حسنلك ماتزايديش معايا فالهضرة
تخلعت من هاد الصوت و هاد الشوفات و الملامح ديالو دخلت كانجري للكوخ هزيت حوايجي كانو باردين ماشي نلشفين و لبستهم تفقدت تليفوني لي هو مضاد للما يعني واخا طحتفالما مايوقعليه والو لقيتو فالجيب خرجت عند داك الخراي ومشيت عندو وقفت قدامو معوجة سيفتي مكانشوفش فيه ولد القحبة عوجلي حنكي الله يعطيه القرض باقي كايوزوز
وقفت قدامو معوجة سيفتي و هو كايخنزر فيا
رميم:بغيت نقولك واحد الحاجة
شاف فيا بديك التغوبيشة الخرا علاش كايغوبش هكا
رميم:صافي مابقيتش بغاك تعلمني حتى حاجة
مهاب قربلي حتى رجعت اللور حاسة بأنفاسو كاضرب فوجهي:دخول الحمام ماشي بحال خروجو أزين نتي لي جبدتيني و انا ملي كانبدا شي حاجة مكانخرجش منها حتى كانساليها
طلعت فيه عيني كانشوف فيه بحقد حاسة بيه كايقرب مشا لوذني و همس
سالا هضرتو و حط شنافتو على وذني مصلي شحمة وذني وانا طلعات معايا التبوريشة دفعتو بصبيعات يدي و مشيت بالزربة بقيت غادا و هو مورايا شوية درت تزدحت فيه كان مورايا نيشان عليت فيه راسي
رميم:واش انرجعو هاد الطريق كلها على رجلنا انا عييت
مهاب:خاص تكون عندك قدرة التحمل ماجبتش الطموبيل
رميم:وانا باقا مريضة مقاداش نزيد
مهاب قلب عينيه و مشا سبقني شوية حنى انا تبعتو
رميم:شكادير
مهاب:ركبي
ملي قالي ركبي جاتني من الجنة و الناس تشعبقت فيه و هو ناض غادي عادي حطيت وجهي قريب من عنقو كانتنفس و هو حاسة بيه مزير خخخخخ يلاه قبايلة تمنيت نتشعبق فيه بقا غادي شوية حتى شفت واحد الطوبيس واقف فالبلاكة ديالو نغزتو
رميم:هييي نتا شنو سميتك شوف راه الطوبيس زيد نركبو فيه
مشينا طلعنا فالطوبيس كان عامر اضطرينا نوقفو قبالت بعضنا شادين فالحدايد بقا الطوبيس غادي شوية فواحد اللحضة وقف على غفلة كنت انطيح انا ولكن حسيت بشي حد شدني شفت فيه مصدومة من القرب لي كان بيناتنا و هو شادني من خصري عاد شوية بعد بقينا شي نص ساعة عاد وصلنا هبطنا من الطوبيس جيت نسلم عبيه لقيتو غادي انا غوتت
رميم بالغوات:هيييي المقنااااع بسلااامة
هو علا يدو كدليل على السلام و انا كملت طريقي للقصر دخلت من الباب دديما نيشان للحمام دوشت و خرجت لاوية عليا فوطة كانشف شعري لقيت ياسمين متكيالي فالفراش شادا التليفون و كاتبتاسم فحال الحمقة
نقزت عليها ضربتها بالفوطة لي فوق راسي
شافت فيا و عاودات شافت فالتليفون انا بدلت عليا و مشيت تكيت قدامها اممممم قولولي القضية فيها أنييير ههههه و القلوبة❤❤
دلرت شافت فيا مخنزرة
ياسمين:ماتشوفيش هادشي خصوصياتي
رميم:سيري تخراي نتي و خصوصياتك
مشيت شعلت تليفوني لقيتو عامر بالإتصالات د عمار هو دة وقتو يمشي ي.. باقا ماكملتهاش ها هو كايصوني جاوبت
رميم:الو
عمار:حبيبة ديالي توحشتك
انا:اه مزيان
عمار:احم فين كنتي قبايلة مجاوبتينيش
انا:التليفون طفالي بالشارج
عمار:اه واخا انا صونيت غير نسمع صوتك الموهيم دابا بسلامةنخليك على راحتك
انا:اوك بسلامة
قطع وانا مشيت تكيت فبلاصتي قدام هاد المعزة بقيت كانشوف فالسقوف حتى داتني عيني نكمل على نعاسي د الصباح
فبلاصة اخرى داخل مهاب للقصر ديالو بهيبتو لي كارد كولهوم حانيين راسهم خوفا منو طبعا راه مكايرحمش مشا نيشان للمكتب ديالو خدام على شي وراق حتى تحل باب المكتب بحال لا جات شي عجاجة علا عينو مع السلاح مستعظ لأي هجوم لقاه غير أنير:أفييين ألخاوا ههه دوزتي هاد الوقت كولو كادرب الأنسة رمييييم هه شي حاجة فشكاال بانتلي فهاد البنت عمرك كنتي تقبل درب شي وحدة ولو حتى تشوف فيها *دار يدو على فمو و شهق* ولييتي كاتح..
قبل مايكمل كلمتو كان واحد المضى داز قدام راسو فلت منها بمقدار شعرة وحدة
شاف فمهاب مصدوم
مهاب ببرود:حريق الراس فيك الهضرة بزاف فحال النسا ترجل ازبي تزيد هضرة وحدة انجيبولك بين حجبانك *هاز مضى فيدو 🔪*
انير دار يدو على فمو 🤐
مهاب:مزياان داك الموضوع ديالنا لقيتي شي حاجة فيه
أنير:والو باقي عييت نقلب
مهاب:ماشي سوقي ألخرا لقاه فينما كان
أنير:وراهم كايقولو ديك الوشمة صعيبة قليل لي كايعرف يديرها و اغلبية مبقاوش كايوشمو
مهاب دفعها ببرودة و دخل للدوش قلع حوايجو كايدوش و فبالو حاجة وحدة رميم حركاتها هضرتها جسدها و لحمها الطب صوتها ضهرات ابتسامة على ثغرو و هو كايتفكرها بالزربة محاها و خرج عند ديك خيتي لصقها مع الحيط و كايبوس فيها بقوةو هو بين عينو غير رميم زدحها مع الفراش و طلع فوقها حيدلها حوايجها و كايمارس معاها بكل عنف باغي يحيد رميم من بالو دوز جوج سعات مع هاديك سالا معاها و ناض من فوقها مشا للدوش دوش و خرج لقاها باقا فبلاصتها
مهاب مخنزر:خرجي قودي عليا
تاليا:ممم عفاك خليني نبقا معاك
مشا ليها جرها من شعرها خرجها من البيت و سدالباب و مشا تلاح نعس
يد ضخمة فيها وشمة جات فيها بزاف د الخطوط مشكلة بيها رسمة اخطبوط مع جمجمة بطريقة معقدة شادا مسدس فيديها ضغط على الزناد و طلقو تلاتة دالرصاصات بتلاتة جاو فالراس د الضحية الغوات د الام كايتسمع مجموعين عليهها تلاتة د الذئاب بشرية غتاصبوها بدون رحمة ولا شفقة صوت البكا د بنيتة صغيرة مشا مول الوشمة هزها و خرج من بعد ما فرغ تلاتة د الرصاصات اخرين فجسد المرأة هوما خرجو و خرج ولد صغير ذو 9 سنوات عينيه كايخرجو الشرار منهم شايف مو و باه عامرين دمايات طلق صيحة خارجة من أعماق أعماقو صيحة شبل صغير قتلولو عائلتو مو و باه الءسد و اللبوة
تيت تيت تيت⏰
ناض مهاب و هو كايتقطر بالعرق من بعد هاد الكابوس ديما و لمدة 20 عام هاد الكابوس كايرافقو و مايتهنا حتى يقتل لي كان السباب ناض كايسب من تحت نيفو دخل للدوش طلق عليه الما كايحيد العرق خرج مشا للدريسينغ لبس حوايج السبور و نطالق بسيارتو الرياضية للقصر فين ساكنة رميم جبد تليفونو و طلب رقمها بقا كايصوني حتى جاوباتو بصوت غالبة عليه بحة النوم
رميم:ممممم
بقا ساكت شحااال عاد جاوب
مهاب:هبطي دابا لتحت
قطع عليها كايتسناها اما رميم فهي ناضت مبوقة بالنعاس كاتستوعب هادشي عاد مشات كاتجري للدوش طرفات حالتها و لبسات عليها خرجات من ديك الباب ديال ديما شافت مهاب واقف بعيد شوية مشات عندو كاتجري
رميم كاتلهت:كيفاش عرفتي الدار و رقم تليفوني
مهاب:حتى حاجة ماتخفى عليا
رميم:بلاتي بلاتي مانتحركش معاك حتى تقولي واخا غير سميتك
مهاب:شغاديري بيها
رميم:باش نعرف شنو نسميك البارح قلتيلي السمية و ماعرفتش نفرزها
مهاب:بلا ماتعرفي..
رميم:عفاك عفاك عفااااك
مهاب:اوك سميتي مهاب تهنيتي دابا زيدي ركبي
رميم ركبات:مممم انا مفاطراش فيا الجوووع
مهاب:واخا
مشاو لواحد الكافي فطرو و عاودو ركبو مشاو للبلاصة دالبارح ربع ساعة كانو وصلو مع السرعة د البورش د مهاب غير وصلو بدات رميم التسخينات فحال البارح و عاودات نفس التمرين غير اليوم دوزاتو بسرعة كتر سلات كاتلهت و مشات عندو
وصل مهاب رميم لدارها مع 11 دخلات من الباب عادية شافو فيها الكارد مستغربين حيت مشافوهاش ملي خرجات دخلات نيشان للصالا مونجي باست عائلتها و جلسات كتاكل الفطور التاني
قصة كرهتك حد العشق
محتوى القصة
التنقل بين الأجزاء