هاد سلمى علام خدامة في قسم الحسابات عطياهاا غير لتبركيك مكتزكل حتى حاجة
دقيت الباب ودخلت
أنا:وي موسيو
المدير:آنسة إيمان شركة تباعت وغدا إن شاء الله غيجي المالك جديد
أنا:لاا عافاك متقولش ليا غتجريو علياا
المدير:أنا مبقاتش عندي صالاحيات باش نفصل شي موظف كنظن ماغاديش يخرجوك من خدمتك على حساب مكنعرف المسؤول جديد غادي يخليكم كاملين ومتنسايش عند كونطرا لمدة عامين مبقدروش يديرو معاك شي اجراء
أنا:الحمد لله
المدير:بغيتك تجمعي ليا الملفات وكاع لي كيخصني ديريهم في دوك الكراطن ومن بعد قادي البروكرام لغدا على حساب المدير جديد
أنا:أوكي
قاديت كلشي وأخيرا وصلات 4h خرجت شديت طوبيس وصلت لريسطو في الوقت
محسين:سربي دنياا عامرة
أنا:5دقايق وأنا معاك
دخلت بدلت حوايجي لبست ميني ساية في الكحل وقميجة بيضة مع بابييو وخرجت كنسربي تفو دنياا مدكوكة عييت وصلاات 9h ووالو عاد مااكتزيد دنياا كتبلوكاا
دخلات واحد القحبة مطلسة وجها كيف شيخة تسنيتها حتى كلسات ومشيت عندها
أنا:مدموزيل شنو غطلبي
العوجة:كنتسناا خطيبي حتى يجي وندومندي أنا وياه
خليتها ومشيت كنسربي في ناس لاخرين حتى تزعزع لياا قلبي من واحد بنادم جاي داخل كنت غنسخف بزز باش شديت في راسي آش منك ياطولة آش منك ياقلدة والعوينات آحح في الكري وأهم حاجة لحية آه لحية😍 ولكن سرعان مغنتزعزع للمرة ثانية فاش غنشوفو كلس مع ديك القردة غرت عليه😢 آه واخا يالاه شفتو دابا 3دقايق ولكن حبيتو وجاتني الغيرة
مشيت عندهم ووقفت بلا منهضر
العوجة:بب شنو تاخد
توتوز😍: غير قهوة
العوجة:مبغيتيش تعشاا
توتوز😍: لاا
العوجة:جيبي لياا سلاد كروبيط
جبت ليهم لي بغاو حطيت ليهاا لبلاا ديالها وفاش جيت نحط ليه القهوة شفت في وجهو تلفت في عيواد نحطها على طبلة خويتها عليه
شد فهاديك القحبة وخرجو بجوج صراحة بقا فيا الحال حيث كاع ماداها فيا خخ
صبني عمي مصطفى مزيان كملت مع 12h وأخيرا وصلني محسين بالموطور عزيز علياا هاذ دري ديما كيتعامل معايا
دق دق
فاطنة:زيدي دخلي
أنا:لاا غير آري ليا ملاك راه فيا الموت ديال نعاس
دخلات جابتهاا ليا هازاها حيث نعسات
أنا:تصبحي على خير
دخلت الدار حطيت ملاكي في بلاصتها غطيتهاا وتجبدت حتى أناا
أصبحنا وأصبح الملك لله
الماكانة كتصوني ليا مع 6 ندت ندوش على منسالي نعرفكم برااسي ومن بعد نعاود ليكم قصتي وشنو طراا لياا
أنا سميتي إيمان عندي 21عام بنت زوينة بيضة وشعري كحل عويناتي كحلين بحال ليل وفورمتي مثيرة ونزيدكم متواضعة عايشة غير أنا وختي لي عندها 5سنين واليديا ماتو هاذي فاش تحرقات لينا دار😂 خدامة في واحد شركة سكريتيرة كنخرج مع 4 كنمشي لواحد ريسطو حتى هو كنخدم فيه كنبدا مع 5 وكنسالي مع 12حيت محتاجة الفلوس واخا كنعيا بزااف ولكن معنديش البديل على قبل ختي ندير المستحيل حيث كيخاصهاا دوا غالي ومحتاجة العملية ب10المليون وعاد كنخلص روض لي كتبقا فيه من 8 صباح حتال 8ليل وكندور مع واحد جارتي باش تجيبها من روض وتخليها عندها حتى نجي من الخدمة واخا هي مسكينة مكتبغيش تشد من عندي الفلوس ولكن أنا كنحلف عليهاا.. كيف كيقولو إلا كان صاحبك عسل متلحسوش كامل..
كملت وخرجت لبست كسوة كحلة قصيرة مع سندالة عالية درت مايكاب خفيف فيقت ملااكي غير بزز طالعة معكازة لبستها وفطرتهاا مشيت ديتها لروض وشديت طوبيس الشركة ومن زهر المكوز لي عندي خسر بينا بقينا شي ساعة كنتسناو في طوبيس لاخر لي غيديبلاسيه الحاصول وصلت معطلة اليوم المدير جديد يدهشرني
غير دخلت لقيت كلشي مجموع في القاعة مشيت عندهم لقيت وجهم مكيتفسرش قلبت على البركاكة
أنا:وي وي آش كاين
سلمى:قودتيهاا نتي بعدا غير سكتي
أنا:هضري أزمر
سلمى:المدير جديد جا قبيلة ونتي ماكنتيش عيط غير لسيهام هي لي قادات هاذ الاجتماع ديال الموظفين
أنا:لاش دارو زعمة
سلمى:يمكن باش نعرفوه ويحط القواعد ديالو
أنا:مم قواعيد حاسة بلي هاذ نهار مغيخرش على خير
سلمى:فمك لاحسو كلب
...:سلام عليكم معاكم ليث العمراني المدير العام للشركة منطولش عليكم كيعجبني الانضباط والمجاهدة في العمل أي غلط الباب بالثوفيق
مهزيتش راسي حيث هاد صوت مألوف خفت غير يكون داكشي لي فبالي 😦
سلمى:واش شفتيه😍 واعر ياختي
أنا:مشفتوش أنا نمشي البوسط ديالي قبل مايجي يكركبني برا
مشيت البيرو ديالي يالاه كلست شعلات البولة الخظرا معرت لاش لاغيني غادة عندو وكنطلب الله ميكونش هو لي في بالي
دق دق
ليث:تفضلي
عيني في عينيه صدمة العمر😢
أنا:نت😲
ليث:نتي😡
أنا:هو أنا
ناض من بلاصتو
ليث:آش كديري هنا
أنا:خدامة سكريتيرة ديالك
طلع وهبط فياا دار ديك شوفة ديال الاحتقار مكرهتش نتلاح عليه بشي قجة ولكن محتاجة الخدمة
مبغيتش نضيع الوقت بقيت خدامة على داك شي ساليتهم في الوقت مع 4h
دخلت عندو لقيتو كالس في جنب ديال البيرو شاد تيليفون وكيبتاسم
أنا:هاهماا أنا غادة
ليث:مم مزيان وغدا جي معطلة والله لاا دخلتي
أنا:😠😠
خرجت حاقدة على الوضعية مشيت لريسطو لقيتو مقلوب آش واقع عاوتاني😓
أنا:محسين مالكم
محسين:ريسطو تباع
أنا:وايلي فين هو عمي
محسين:ماكينش
أنا:شكون شراه
محسين:معرفتش
كريمة:إيمان سمعتي الخبار
أنا:واييه مصيبة معرت شكون هاذ تامل لي غيجي ليناا
ليث:آحم آحم
أنا: باسم الله رحمان رحيم آش كدير هناا
ليث:هاكا ناس كيدويو مع لي مخدمينهم
أنا:حنا دابا ماشي في الخدمة😒
ليث:مم إوى خرجي
أنا:كيفاش
ليث:مكنتيش غتخدمي لاش غنخلصك
أنا:بلاتي دقيقة واش نت لي
ليث:وي ودابا سالاا وقت ترحيب كل واحد يمشي لخدمتو
أووووف شنو زعمة نبقاا نشوف فيه ليل ونهار بزاف آآو😡 بصح كيحمق بزين ولكن راه كيمحني دخل هو الداخل وأنا بقيت في ثمارة مكملت حتى عضامي حسيث بيهم ماتو علياا
محسين:يالاه آ إيمان
أنا:يالاه
ليث:فين غادين
محسين:نوصلهاا
ليث:أوكي
وصلني مشيت ناخد ختي
فاطنة:إيمان غذا ابنتي مغنكونش حيث مات ليا ولد عمي في العروبية مغنجي حتال لغد ليه
أنا:واخا ماشي مشكيل
دخلت الدار حطيت ختي وكلست كنخمم كيف غندير ليها غدا ماكين لي نأمن على ختي معاه وزايدها المصيبة ديال ليث
بغيت غير ناكل لقيت ثلاجة كتصفر نهار كامل محطيتش نعمة في كرشي أووف معرفتش على دنيا معكسة معايا هاكا.. الحمد لله كيفما كان الحال أنا راضية بمكتابي
بقيت مقردة حتى صبح الصباح مبغاش يجيني نعاس لبست حوايجي ولبست ختي ديتها لروض ومشيت الشركة تلاقيت مع بوراس في الباب كنشوف فيه بحال شي وحدة مبوقة
ليث:جيبي ليا القهوة وجي باش نوريك الفاكس شنو تكتبي فيه
أنا:ناري أصاحبي حشومة عليك واش يحساب ليك أنا ماكينة
ليث:لاش خدامة جوج خدامي
أنا:ونت مالك
ليث:أوكي
مشا وخلاني كنتغدد وصلات 7h عيطت على الأستاذة ديال ملاك قلت ليها غنتعطل شي نص ساعة من صوتها عرفتها ماعجبهاش الحال معندي مندير نصبر كملت خرجت أنا وليث بجوج
ليث:أنا غادي يالاه نديك معايا
أنا:لاا
ليث:بلااش😒
شديت طاكسي عند حبيبتي لقيتها هي والعساس كيتسناو فياا
كمشت ليه ربعمية في إيديه وهزيت ملاكي شديت طاكسي آخر لريسطو فلوسي غيضيعو ليا غير فطاكسيات بسباب داك لخراي
وصلت دخلت بتخبية كلست ملاك في واحد طبلة حطيت ليها أدواتها ومشيت بدلت حوايجي
كريمة:فين تعطلتي
أنا:غير سكتي من بعد ونعاود ليك
كريمة:سربي راك عارفة اليوم محسين روبو
أنا:أوكي شوفي كيفاش ضبري ليا على شي حاجة نقصيهاا يومين مكليت كرشي كتقطع
كريمة:غنشوف غير بداي سيربيس
بديت ومامرتاحاش حيث كان واحد المكبوت غير حاضيني وكيدير فيا شوفة ديال شهوة سربيتو بغيت نحط ليه الكوموند شد ليا في إيدي
هو:معاش كتسالي أنتهلا فيك😉
مقدرتش نجوبو نخاف نخرج على خدمتي نترت إيدي منو و رجعت حدا ملاك حيث ساليت
ملاك:فيا نعاس
أنا:ماكينش فين غتنعسي تكاي على طابلة
ملاك:بغيت نمشي الدار
أنا:نكمل خدمتي ونمشيو
ملاك:للا دابا😠
كريمة:هاكي كولي قبل متسخفي ليناا
أنا:داك بنادم باقي ماجاش
كريمة:مازال
أنا:شوفي هاديك البنت لي دخلات
كريمة:أوكي وسربي
ملاك:دوقيني
أنا:شدي غير مديريش ليا صداع
كليت أنا وملاك وشربتها دواها...
بان ليا مسخوط الوالدين داخل هو وديك جلاخة نضت بزربة ونسيت ملاك لي باغا تنيني خرجت عندهم طلعات وهبطات فيا مزيان
العوجة:بب باقي مجريتيش عليها
أنا:شوية لاباس أختي
العوجة:لاباس لاباس ودابا
شيرات على الباب بصبعهاا
أنا:شو كيدايرا 😝
روان:بكل ثقة في نفس واعرة عليك
أنا:الواحد قبل متكون عندو ثقة في نفس خاصو تكون عندو نفس بعدا أحبيبة
روان:كتقلبي عليا
ليث:روان كلسي بلا صداع
أنا:😛
ليث:ونتي قابلي شغالك
أنا:ماكين حد دابا
ليث:تلاهاي في شي حاجة متبقايش واقفة
أنا:فيك مثلاا😉
صرفقني ولد القحبة قدام الكليان حسيت بوجهي تشرشم نكذب مرضيتش خصوصا قدام ديك الموسخة وأصلا بأشمن حق يحط إيدو علياا أودي غير سلااك
ليث:تجاوبي معايا لمرة جايا
آه يااليام كون ماعلى وجه ختي والله منصبر لهاذ دل كامل حدرت راسي ودخلت الداخل ملقيتش ملاك في بلاصتهاا مشيت الكوزينة ماكيناش دخلت لبيستيار ملقيتهاش
أنا:كريمة عتقي مابانتش ليك ملاك
كريمة:لاا علاش
أنا:معرفتش فين مشات😭😭
كريمة:غير تكالماي غلقاوها معندها فين تمشي
قربلنا ريسطو عليهاا ووالو
ليث:واش معندكم شغل طابلة 3 من قبيلة وهما كيتسناو شكون غيسربيهم أنا
خليتو كينكر وخرجت براا بانت لياا ملاك وسط شانطي وطوموبيل جايا جيهتهاا جريت عندهاا عنقتهاا وكنتسناا في طوموبيل طوعني حتى جرناا شي حد بزربة
ليث:مال دين مك ماكتشوفيش
ملاك:متغوتش أليهاا 😡😭
نزل عندها باسها وهزها بين إيديه دخلها صدمني ولكن عادي أصلا ملاك زوينة وكتدخل القلب
ليث:شنو سميتك
ملاك:نت شنو سميتك
ليث:ليث
ملاك:سميتك خايبة أنا ملاك
ليث:نتي شوفي شغالك هاهي معايا حتى تكملي
أنا:واخا
ديك شيطانة قودات فحالها وأنا دازت عليا ساليت مع 12h
مشيت لقيتو ناعس وحاط ملاك قدامو مبغيتش نفيقو كيبان كيوت ولكن لدرورة أحكام قصتو في كتفو
ليث:آش باغا
أنا:ختي
ليث:حتى تكملي
أنا:آش غنكمل
ليث:ماجيتي حتال 8h تعطلتي 3سوايع غتزيديهم دابا
أنا:ولكن راه سديناا
ليث:مسحي الغبرة ولا جففي عطا الله مديري
رجع غمض عينيه وخلاني كنتغدد على وعدي وسعدي صبرت حتى وصلات 3h بدلت شطايطي وجريت ليه ختي فاق مخنزر
ليث:نوصلك
أنا:وي ليل دابا
حط القطيطة القدام دار ليها صمطة وأنا لور وصلناا حتى نص طريق ووقف
أنا:مالك
ليث:سالا ليصانص
أنا:واش كتهضر من نيتك
ليث:موالف كنضحك معاك
أنا:زعمة عندك الفلوس وكتسقرم على ليصانص
ليث:حسدتيني
أنا:نحسدك😒 إوى صافي
ليث:نزلي نكملو على رجليناا
أنا:شكون قااد أوف
هزيت ختي وتمينا غادين من شافني معنكشاا معاها شدها من عندي
أنا:صافي هاهي دار
ليث:مم أوكي
أنا:دخل بات معانا مغتلقاش طرونسبور
ليث:لا غنديباني راسي
أنا:متخافش مغنغتاصبكش غير آجي راه 4h دابا
ليث:ووالديك
أنا:ماكين حد غير زيد
دخلنا عطيتو بيتي
أنا:نعس هنا وشوف إلا صبحتي معنز بلا مدعي عليا يرحم باباك
ليث:شكرا
أنا:😊
خديت بيجامة من لمارييو وخليتو يرتاح شورط ودوني لبستهم وتلاحيث نعست في صالون باقا مسخنت حتى بلاصتي صونات لارام
شداتني البكية مقدرتش نود عييت بزااف جهد سالاا وليت كنطلب غير نهار ديال راحة تفكرت العز لي كنت فيه..
فينك أبابا مشيتي وخليتيني فهاذ الحالة والعذاب ماكين لي يشد بإيدي
جدة الله يرحمها كانت كتقول لياا ديماا إيلا كان باك عايش ديري فبالك بللي راك مخبية مور جبل حيت نهار داك الجبل يتهدم ثيقي بيا غادي تتبهدلي مهما كنتي قوية .. وماشي غير من الناحية المادية تا من ناحية النفسية وهاذ شي لي واقع لياا دابا بحال إلا كانت حاسة
دعيت الله يعاوني ويعطيني القوة باش منضعفش نضت غسلت وجهي وصايبت لياا قهوة شربتهاا طليت على ليث لقيتو غارق في نعاسو كيبان زوين ولد الحرام غير ديال لكوا هه عقلي بدا كيتوسخ أستغفر الله على أفكار كيطيحو علياا غطيتو ورجعت نودت ملاك بزز بقات كدمع لياا لبستها وفطرتها مشيت ديتهاا لروض
أنا:هاديك خايتي باقا تخلي لياا ختي في زنقة نوريك
الأستاذة:هي لاجيتي ليهاا في الوقت
أنا:آخر مرة أنا علمتك
بست حبوبتي ومشيت الشركة
خدمت عادي ولاخر باقي ماجاش
دخلات عليا روان
روان:الموسخة كاينة هناا
مجوبتهااش
روان:بشحال كيحويك
أنا:آش هاذ الهضرة يمكن معلموكش داركم ترابي
روان:حتى تكوني معلماهم نتي تلقاي واليديك هما لي رباوك على تصكيط
درت شهيق زفير باش منديرش شي حاجة ندم عليهاا
روان:ولا يمكن حتى ماماك😉😱
هنا وركات ليا على جرحة هزيت كاس لما خويتو ليها على كمارتها وتلاحيت ليها على دوك جوج زغبات لي طالقة هي كتغوت وأنا كنبكي فكراتي في المحاين لي دوزت غدايدي كاملين بردتهم فيهاا كاع لي في شركة تجمعو عندناا ولكن حتى حد مقدر يقرب خلعتهم
ليث:إيمان طلقيها
روان:ليث عتقني هاذي راه مجرمة باغا تقتلني
أنا مدويتش غير كنبكي بزز باش طلقتهاا مشات تجري الطواليط تشوف حالتهاا
ليث:وا سيرو لخدمتكم البشار
تفرتكو دار عندي مخنزر
ليث:مخدمك على قبل هاذ الفاعيل دوي😠
شفت فيه بحزن وقهرة بغيتو غير يسكت
ليث:إيمان عصبتيني علاش ضربتو
أنا:سير سولها هي تعاود ليك
ليث:بغيت نسمع منك
أنا:عيرات ليا واليدياا وهما ميتين حشومة عليهاا أنا كنبغي نسا وهي فكراتني😔
ليث: الله يرحمهم صافي مسحي خنونتك ومتبقايش تخلي أي واحد يستفزك
أنا:بغيت نعنقك
ليث:شناوا
أنا:محتاجة نبكي على كثف شي حد
ليث:وأنا مالي
أنا:معنديش علامن
ليث:بفف أوكي
عنقتو بكيت حتى بردت ولكن في لخر داك العناق ولا فشيشكل تخلطو الأحاسيس حسيت بإيديه كتسارا في ظهري وجهو خشاه في عنقي باسني فيه ضرب فياا ضو بعدني وهز لياا وجهي باسني بوسة خفيفة غمض عينيه وتا أنا بديناا الفلوطاج حط إيدو بجوج على قزيبتي كيبجغ فيهاا
تحل الباب
روان:ليث
بعدت عليه دغية وهو متسوقش كيبان عادي
ليث:مكتعرفيش دقي قبل مدرمي
روان:بدلتيني بهاذي😐
ليث:خرجي قودي قبل مندير فيك إيدي
روان:غادي نوريك كيفاش تضحك عليا
ردخات الباب ومشات
ليث:قربي نكملو
مكرهتش الأرض تشق ونتخشاا فيها ويلي حاي بقا ليا غير نعطيه طبوني
أنا:آش نكملو
ليث:والو آه واحد 6المليون لقيتها عندك في دار كيفاش قاضيتهاا
أنا:كتبقشش😒
ليث:نتي لي مخلياهم حدا راسي
أنا:رزقي جمعتو لاش كتسول
ليث:من عندك الفلوس رخفي على راسك شوية ونتي لا نعاس لا ماكلة
أنا:معنديش راه خاصني بزاف
ليث:لااش
أنا:ماشي سوقك😐
ليث:نقدر نعاونك
أنا:ولاش غتعاوني
ليث:كلشي بثمانو😉
أنا:مفهمتش
ليث:فهمتيني المهم راه غادي ريسطو يالاه نوصلك معايا
أنا:أوكي
ركبناا بانت ليا طريق مبدلة
أنا:هاذي ماشي هي طريق
ليث:فيا جوع نمشيو ناكلو بعدا
أنا:وا المكلخ علاه هاذاك ماشي ريسطو تاكل فيه
ليث:لاا
وقفناا قدام ميني فيلاا
أنا:ياكما حيث بستك يحساب ليك كنبيع راسي
ليث:باغي غير ناكل والله
أنا:تاكل جنابك
ليث:شفتي هانتي بديتي كتزعمي
أنا:هه كنضحك😓
ليث:نزلي ولا غنباتو هناا
هودنا من طوموبيل جبد واحد تيليكومند صغير ورك عليه وهو يتحل الباب الكبير دخلناا لقينا واحد لعيبة بحال لوطو صغيرة كلسنا فيها كتمشي وسط ربيع وصلاتناا الباب الداخل
ليث:كتعرفي طيبي
أنا:لاا علاش
ليث:غير سولت
شد ليا في إيدي وجرني الكوزينة حليت فمي كامل الهربة ناري على بلاكارات والماعن فنين مصبوغة ببزافت لوان
ليث:الموت كدور
أنا:سعداتك الفيلا عندك واعرة
ليث:مم شكرا
أنا:فين الخدامة
ليث:ماعنديش خدامة
أنا:وشكون كيطيب ليك😕
ليث:راسي
أنا:وايلي
ليث:من جيناا ونتي كتعجبي
أنا:وشكون كيجمع روينة ويسيق ويغسل الماعن نت😮
ليث:كل 3أيام كتجي وحدة من لاجونص كتقاد دنيا وتمشي بحالاتها
أنا:وعائلتك
ليث:مالاحظتيش كترتي ليا الأسئلة
أنا:بغيت غير نخلقو جو زوين باش منملوش
ليث:غابصحة
أنا:😒😒
هاد بنادم عاطيهاا غير لقميع تفو ولكن صراحة شوفاا فيه كتحل شاهية 😍 شحال خايبة يكون قدامك هاد القلدة كاملة متقدريش تكويه😢 ويلي المخ طار لياا مافيهااش إلا بقيت ساكتة مغنصبرش في أي لحظة نقدر نطير عليه لذلك قررت نهضر فاشماا كان
أنا:آش غطيب
ليث:ليباط بالبيشاميل الفرماج و الكفتة
أنا:😍😍
ليث:كيعجبوك
أنا:بزاااف كانت ماما ديما كديرهم لياا
ليث:كيفاش ماتو
أنا:داكشي بعيد عليك
ليث:😠
أنا:مالك
ليث:سيري كلسي في صال سينيماا
أنا:سينيماا
ليث:وي
أنا:خليني معاك
ليث:تبعيني
هو غادي وأنا تابعاه حتى وصلناا لواحد صال آحح قلبي صغير لايتحمل فيهاا البلاصة ديال الفراجة بحال سينيماا وفين كيكلسو لااموسية كبيرة في الحمر دايرين بيها شموع والورد شي حاجة فوق الخيال
أنا:واااو ليث هاذ شي
ليث:ريحي تفرجي ومتقيسي والو
أنا:واخا☺
مشا وخلاني نشرت كراوعي تما وبلقت عويناني في الفيلم لي بادي من نوع كوميدي قتلني غابضحك فيما يديرو شي لقطة نتشقلب ونتركل بحال شي هايشة معرفتش كيفاش ضربات إيدي واحد شمعة طاحت على الكوفرلي في عيواض نطفيها سهيت في الماضي آخر حاجة عقلت عليها هي شي حد هازني...
كنحل عيني في لول بانت لياا غير ضبابة رمشت عويناتي شحال من مرة عاد وضاحت لياا صورة لقيت ليث واقف على راسي ومخنزر بحال ملك الموت خلعني
أنا:شنو وقع ليا
ليث:والو غير حرقتي لياا داري أوجه نحس 😠
أنا:معقلت على تاحاجة
ليث:نتي مصيبة لي كتحطي فيها إيديك كتمشي داكشي علاش ماجاتنيش غريبة والديك يكونو ماتو
توشااني بهضرتو قلبي حسيت بيه غيخرج من بلااصتو متوقعتش منو هاذ الكلام لي كيجرح دنياا دارت بياا زعمة أنا سباب في موتهم آه تا ختي مريضة واش حيث أنا معاها😭 أنا صابرة على مكتابك أربي عاوني ووقف معايا حيث كنتقطع من الداخل
أنا:😭😭
ليث:مقصدتش
وقفت تمشيت جيهت الباب باش نخرج ساعة حبسني زامل الحمار كنكرهو
ليث:راه قلت ليك مقصدتش
أنا:قصد متقصدش العيب فاش كيخرج مكيرجعش أسي ليث😠
ليث:إيمان
أنا:لي جات على فمك كتخرجهاا عادي راك ماعرفش آش داز علياا كون كنتي بلاصتي بربي متصبر أنا أسيدي شفت واليدياا كيتحرقو قدامي ومقدرتش نعاونهم ختي كتموت حدايا وحتى هي مالقيت ليها جهد
حطيت إيدي على قلبي
أنا:شفتي هذا ضارني بزااف ونت زدتي عكرتيني فيه
ليث:سمعي أنا عصبي شوية وديك الهضرة خرجات ليا بالغلط
أنا:ماشي مشكيل خليني نمشي بحالي دابا
باسني في حنكي وعض لياا نيفي عضيضة صغيورة بورشني ولد الكلبة نساني في كلشي😂تامن وجهي رجعو ليا كيماطيشة
أنا:حشم 🙈☺
ليث:سمحي لياا
أنا:موقع والو😒
ليث:مبغيتيش ناكلو
أنا:مابغيتش
ليث:بليز
مشيناا الكوزينة كلست وهو حط لياا في طبسيل آحح ولا خدام ديالي 😂 بديت كنفرنس أبوحدي
ليث:لاش كضحكي
أنا:والو
ليث:ختك شنو عندها
أنا:دخل ليها دخان رية ديالها وديق تنفس
ليث:تقدر تعالج
أنا:العملية ب 10المليون منين غنجيبهم😔
ليث:عاد فهمت علاش كتخدمي جوج خدامي
أنا:وي باش نقدر نجمعهم
ليث:أنا نعطيهم ليك
أنا:شي سبب يخليك تعاوني
ليث:حيث كتعجبيني وبغيتك
قاطعتو
أنا:سمح ليا ولكن شرفي منفرطش فيه وختي قادة بيها
ليث:خليني نكمل هضرتي
أنا:آش غتكمل مقصودك واضح
ليث:كيف جاك طيابي
أنا:مابيهش
ليث:مابيهش!!
أنا:آه مابيهش😠
ليث:آش قلتي
أنا:كدوخني كل مرة كتبدل الموضوع
ليث:فكري مزيان ختك أولى ليك من كلشي خودي من عندي فلوس العملية وعتقيهاا سمعت بلي فهاذ الحالات قد ماتعطلتي كانت الخطورة أكبر ونسبة نجاح العملية قليلة
أنا:هذا كيتسماا استغلال عاطفي
ليث:آه لاا
سكت وبقيت كنفكر عندو الحق من واحد ناحية ملاك هي لولة ينعل بو شرف ولا خرا أهم حاجة ختي تبرا ونشوفها كتلعب بحالها بحال دراري لي قدهاا
أنا:آه
بتاسم حتى بانت ليه ضرسة العقل المكبوت لاخر
ليث:سيري نتي الدار أنا غدا نقاد ليك أمور سبيطار
أنا:خاصني ندوي مع طبيب ديالها
ليث:نساي أنا غنتكلف غدا مع 10h نلقاكم واجدين
مزدت تاكلمة خرجت قدوت بحالاتي ماراضياش على هاذ الوضع ولكن فاش فكرت مزيان ليلة وحدة معاه غادي تحيد علياا حمل كبير أصلا كيعجبني الحمد لله ماشي شي واحد لي خانز ولا بوكريشة...
وكيف العادة مشيت هزيت ختي ورجعناا الدار
أنا:ملاك آجي حدايا
ملاك:كنحفظ لاميطخاص عطاتني ليديبواغ
أنا:خليهم غدا مغتمشيش
ملاك:بصح ختي ياي
أنا:غنديك دوزي منبغيكش تخافي
ملاك:يدكو ليا لبرا😭😭
أنا:ههه لاا مغيدكو ليك والو
وكلتها وشربتها دواها تسنيتهاا حتى نعسات وندت توضيت وصليت قياام ليل دعيت الله يغفر لياا المعصية لي غندير ماشي الخاطري أذن الفجر عاد حطيت راسي على المخدة
أصبحنا وأصبح الملك لله
كنفيق على تقرقيب غير حليت عينياا مكرهتش ندب زكي فبلاصت وجهيأنا:أميمتي على غدايدي تي آش درتي المسخوطة باغا تقتليني
ملاك:كنلعب
أنا:سيري الله يلقيها ليك خرجتي عليا
ملاك:😯😦😢😭
أنا:صافي سكتي الله يرضي عليك باش متخنقيش
غسلت ليها وجها ولبستها حوايجها وكلست كنخمم في هاذ المصيبة لي طيحاتني فيها شدات الوراق ديال المنقاصة نسيت وجبتهم معايا الدار قطعاتهم وخشاتهم في سطلة ديال الما شنو غنقول ليث دابا أوووف
دق دق
ندت حليت الباب
ليث:مالكي
أنا:والو
ليث:أتخليني في الباب
أنا:آه سمح ليا دخل
ملاك:عمي ليث
ليث:زين عمو آجي بوسيني
جات عندو باستو كلس وكلسها في حجرو
أنا:فطرتي ولا باقي
ليث:باقي
أنا:آش بغيتي قهوة ولا أتاي
ملاك:قهوة
أنا:نتي ماغتاكلي والو 😠 حيث غنديك الطبيب
ملاك:فيا جوع
ليث:قهوة كحلة بلا سكار
أنا:أوكي
خليتو كيلعب مع ختي ودخلت الكوزينة صايب ليه قهوة بالحليب ودرت فيها سكار وحطيت شوية الحلوة رجعت عندهم
ليث:ولكن
أنا:هاكا كيكون الفطور قهوة كحلة ديماا واعرة على صحتك
ملاك:دوقني
ليث:ناري مبقيتش بغيت نفطر
أنا:هه كول كالاك آديك شنيولة آجي عندي
ملاك:ماناكلش غير خلينا حدا عمي
شرب غير القهوة ماكلاش الحلوة مزيان حيث غاملة كون دارها في فمو كان غيتقياا
ليث: يالاه باش منتعطلوش
أنا:أوكي
ركبت ملاك لور وأنا حدا ليث شدينا طريق لسبيطار كنشوف في ليث بان لياا لون دوجهو تبدل
أنا:ليث مالك
ليث:غنقول ومتخلعيش
أنا:آش كاين دوي الله ارحم باك
ليث:الفران ماخدامش
أنا:كضحك
ليث:وقت ضحك أزبي
أنا:أويلي أليث آش غانديرو واش غتموتو
ليث:معرفتش أنا غندوز من طريق الغابة خاوية على الله يسالي ليصانص
أنا:عندااااااااك الموطور أووف شوية كنا غنمشيو
ملاك:😭😭😭
درت عند ملاك الحمد لله بعدا دايرا ليها صمطة جبدت تيليفوني عطيتو لختي هو والكيت ودرت ليها الموسيقى باش متبقاش تسمع هضرتنا وتخلع
مقدرتش نحبس دموعي خفت نموت وأنا مقصرة مع سيدي ربي خفت نمشي القبر ويجيو الملاكان يسولوني
من هو ربك ويكون الجواب ديالي لاا أعلم خفت من نهار الحساب
جرني ليث من شعري حتى تحط راسي على ركابيه تزدحاات طوموبيل بجهد رجلي ضربات حسيت بيها غتقطع ودم كيهود لياا على وجهي صوت ختي كتغوت داكشي داز بزربة
هزيت راسي غير بزز شفت ليث كلو دم راسو مضروب ضربة خايبة درت عند ملاك لقيتهاا نفس مقطوعة ليهاا دنياا دارت بياا بغيت نرجع لور عند ختي باش نعطيهاا رابوز مقدرتش رجلي واحلة مخشي فيهاا عود ديال شجرة كون ماليث كوراه تخشاا ليا في الجمجمة
أنا:ملاك شوفي فياا شووووفي فياا آري صاك حاولي عافاك نتي بنت قوية يالاااه
مسكينة وجههاا ولاا حمر بقلت الأوكسجين في الجسم ديالهاا جرات صاك ولاحتو لياا جبدت ليها رابوز تعافرت حتى درتو ليهاا خليتها شاداه بإيديها ودرت عند ليث لقيتو كينزف بزااف إلا بقا على هاد الحال يقدر يموت المشكيلة البلاصة خاوية ماكين فيها حد
ماكانش عندي شي حل من غير نتشجع غمضت عيني وخرجت العود من رجلي
أنا:آآآآآآآآآآآآآآآآآآآآآآآآآه وااااا رجلي😭😭
روحي حسيت بيها غتخرج ودم كيترش منها بحال شي روبيني متسوقتش ليهاا واخا الألم قوي ولكن الارادة ديالي قوى منو هودت من طوموبيل خرجت ملاك كلستها فوق واحد الحجرة ورجعت لعند ليث جريتو بست وستينون كشيفة حيث تقيل ورجلي تاهي مكملا عليا
ملاك:عمي مالو😭
أنا:معرفتش ولكن متخافيش مغيوقع ليه والو ليث ليث فيق عافاك
شبعت فيه تصرفيق باش يفيق ولكن دري ماكنش فهاد العالم حيدت القبية لي كنت لابسة قطعتها وحزمتها ليها على راسو باش يتحبس ليه دم واخا غير شوية مشيت الطوموبيل لقيت قرعة الما رجعت عندو خويتها ليه على وجهو وكنطلب الله يعيش إلا وقعات ليه شي حاجة نقدر نموت عاد حسيت شحال أنا كنبغيه ومتعلقة بيه تلتيام خلاني فيها نعشقو ..
بدا كيرمش
أنا:ليث😭😭 كتسمعني بقا حال عينيك عافاك ملاك أجي أحبيبة
ملاك:😭😭
أنا:كلسي حدا عمو تنرجع واخا
ملاك:متخليناش😭
أنا:غنقلب على ليعاونا ونجي متحركيش من حداه
ملاك:واخا
مشيت مسافة طويلة وباقي ملقيت والو شداتني دوخة ورجلي مابقيتش حسيت بيها وليت غادة وكنحبو وفي لاخر قلبتهاا زحف بحال شي حنش تا تهديت بديت كنسمع الكلاكسون الحمد لله ياسيدي ربي وقف كاميو وهبطو منو شي رجال وجهم ماواضحش لياا حدي قلت ليهم القدام كاينة كسيدة ختي وراجلي صافي وغيبت
أنا:بابا توحشتك ماما علاش ماشيتو وخليتونا بوحدناا
بابا:العمر تقادا آجي عندناا
أنا:وملاك
بابا:جيبيها معاك
ماما:لا ابنتي بلاصتك تما حدا ختك
بابا:بلاصتهم حدانا
ماما:باقين صغار خاصهم يعيشو نهار يبغي الله غادي ياخد آمانتو
خرجات وخلاتني بنت القحبة معقلاتش عليا أتكون باغا ندور معاها كون أكانو عندي شي فلوس نعطيهم ليهاا تفوو منقدرش نريح خاصني نشوفهم بعيني عاد نرتاح عليهم حيدت سيروم وهزيت رجلي بشوية تاتحطات في الأرض وجرجرتهاا واخا توعت هانية مولفة خرجت كنقلب بيت ببيت لقيت ليث هو لول مدورين ليه الباندة على راسو وإيدو ناعس بحال شي ملاك دموع هودي ليا بلا شعور مبغيتوش يتآدى لي كنقرب منو كنحرقو معاياا أنا هي نحس كون كان بنادم دخلت وسديت الباب كلست في الكرسي وشديت ليه فإيديه زدت في لبكي تاوليت كنشهق
ليث:إيمان
عنقتو كنشم في ريحتو
أنا: الحمد لله الحمد لله
ليث:حيدي علياا راكي وعتيني
أنا:سمح ليا الخلعة ومادير كيف بقيتي
ليث:صافا ونتي
أنا:بيخير
ليث:وملاك
أنا:دارو ليها العملية مفهمتش
دق دق
أنا:دخل
عماد:خويا على سلامتك
ليث: الله يسلمك
عماد:سلام أنا عماد صاحب ليث وبحال خوه
أنا:سلام أنا إيمان
عماد:متشرفين أزوينة
ليث:آحم
عماد:😂😊
ليث:عماد هو لي تكلف بالعملية دختك
أنا:وباش عرفتينا في سبيطار
عماد:ليث داير كاميرا في طوموبيل وبصدفة وقعات سرقة في المكتب ديالي كنت كنقلب في الكاميرات وجاني الفضول نعرف ليث فين كاين ولكن تصدمت من شفت روان حدا طوموبيل تحنات شي 6دقايق بالحساب من بعد عاودات وقفات
ليث:هي لي قطعات الفران ياك
أنا:مسطية هادي كانت غتقتلناا
ليث:أنا لي غنقتلها غير نخرج من هنا ونوريهاا
عماد:ماكين لاش شدوها البوليس
أنا:تستاهل عماد واخا تديني عند ختي حيث مخلاونيش نشوفها
خرجت وخليتهم نيت تلاقيت مع واحد خايتي عطيتها ديك 200dhs كيف قاليا عماد داتني عند ختي مقدرتش نشوف فيهاا بنت صغيورة بحالهاا منعسينها فوق الباياص كلها سلوكة ومغيمضة عويناتهاا بحال إلا ميتة بقيت معاها غير شوية ورجعات عندي جابت لياا كرسي متحرك كلست فيه
أنا:إمتا غتفيق
الفرملية:يمكن غذا
أنا:يمكن😕
الفرملية:خاصك ترجعي لبلاصتك
داتني شومبر ديالي
أنا:ختي رجلي كتعطيني الحريق
الفرملية:هاكا كيطرا لي مكيسمعوش الهضرة ماكانش عليك تحركي بيها
أما واحد سيدهم الآلام غادي وكيتزاد تقولوه حالف علياا عضيت غير المخدة باش صوتي ميتسمعش وصل ليل وطبيب ماجاش ..
تحل الباب فرحت عند بالي طبيب صدق ليث
أنا:ليث لاش نضتي من بلاصتك
ليث:أنا بيخير
أنا:بغيتي شي حاجة
ليث:مال وجهك صفر
أنا: rien
ليث:متأكذة
أنا:صراحة لاا طبيب باقي ماشافش ليا رجلي
ليث:كضرك
أنا:بزاااف 😔😭
جبد تيليفون معرت آش دار فيه شاف فيا بحزن وبدا كيشخشخ لي لقاها قدامو كيهرسها خلا ديك شومبر رايبة
أنا:كتخلعني
مدواش جا عندي وهزني بين إيديه الكبار آحح صافي بريت مبقيت كنحس بوالو من غير زملة😂 ثم غادي بيا وكاع الأطباء والفرمليات مصدومين جااو سيكيريتي كيجريو عندنا بغاو يحبسونا ساعة معرت منين خرجو شي رجال لابسين الكومبليات شبعو فيهم تفرشيخ ركبنا في لاسانسور
سمعت لهيليكوبتير زدت تخنششت فيه تا هودات وطلعنا فيهاا تعطلو شحال غنبقاو
أنا:مغنتحركوش
ليث:تسناي
طلعو ختي بانت ليا فوق باياص شفت في ليث بواحد الفرحة حسيت بيه ملاكي الحارس من ماتو واليدين ديالي محسيت بالامان وطمأنينة تلهاد نهار قادو البلاصة ليها ودرنا الحزام ولأول مرة أحلق في سماء واو على شعور كيبان كلشي مختالف من الفوق البنايات وناس ظواو كلشي كيبان صغير وبسيط مسخيتش مكرهتش نبقاا طايرة ولكن للأسف سالات رحلة القصيرة
هبطناا فوق واحد سطح عاود هزني وختي هزوها شي وحدين هودنا كان يحساب ليا سبيطار ولكن كنت غالطة هادي فيلا ماشي لي مشيت ليها ديك المرة وحدة آخرى
عماد:عصافير الحب
ليث:وجدتي لي قلت ليك
عماد:yes bro
دخلني لبيت كبير مجهز بأدوات طبية فيه جوج لاموسيات وحدة كبيرة ولاخرى صغيرة حطني فيهاا وجابو ختي حدايا شوية دخل فريق طبي
شي تكلف بختي شي بيا أنا وغير حطو إيديهم على رجلي زعزعت ليهم البيت بالغوات
ليث:بشوية عليهاا
طبيب:سمح لينا
داواوها لياا ودكو ليا جوج براوات الله ياخد فيهم الحق😢صافي ونعست
أصبحناا وأصبح الملك لله
صباح ضرباتني الفيقة ولكن مبغيتش نوض حيث كنحلم براسي كنتباوس مع ليث قلت نكملها واخا غير من راسي بقيت مغمضة عيني وكنحك في نيفي شي حاجة كتهرني كنحيد إيدي كتجيني الحكة عوتاني تعصبت درت بناقص من شي حواا وأنا نتكعد
أنا:صبحناا على الله ضحك عزاوا هذا تفو😠
ليث:عاودي دفلي
أنا:هه لاا مدفلتش غير فيا قاعيدة😁
ليث:المهم هاهو فطورك أنا غنمشي الخدمة إلا حتاجيتي شي حاجة وركي على ديك لعيبة غيجيو عندك
أنا:أتخليني بوحدي
ليث:كاينين الخدامة
أنا:آش غندير بيهم بغيتك نت
ليث:عنداك تكوني
أنا:نكون كنبغيك مثلا
ليث:وي
كنهضرو وعيني في عينو
أنا:ولا قلت آه شنو غيوقع
ليث:أنقمعك
أنا:علاش قلبك قاصح
ليث:بدلي الموضوع
أنا:كتجيني بحال إلا مخبي موراك شي مصيبة
ليث:حالياا المصيبة الوحيدة لي عندي هي نتي وباغي غير إمتا نتفك منها
أنا:إلا كنت متقلة عليك خود مني لي بغيتي وخليني نهز ختي ونمشي
ليث:مبغيتش نكون مامأذبش ونجرحك ولكن نتي كتخلي لواحد يخرج الهضرة بزز منو دابا أنا آش غنقيص فيك ونتي فهاد الحالة ممهلياش تافراسك إيديك حرش من إيدي ورجليك كاع مزغبين شعرك ديما مخربق
حاولت منبينش ليه راه بقا فيا الحال واخا زامل عطاني غير القرطااص بسيف حالتي رجعات كيف عايشة قنديشة من نهار عرفتو مبقاش عندي الوقت تاباش نغسل سناني عاد نتهلا في كري الله يعطيه دقة با
أنا:ساليتي من المعيور ياك دابا متمشيش عافاك غنمل وزايدون نت باقي مريض لاش غادي لشي خدمة
ليث:أنا برا إلا حتاجيتيني عيطي ليا
أنا:خرجني الجردة
بغاا يهزني دفعتو شاف فيا باستغراب
أنا:راه الكرسي آراه
ليث:ضبري راسك أنا ماشي خدام عند باك
خرج ورضخ الباب تفو الحمار لاخر ماربيش واش أعيباد الله كاين شي واحد كيتعامل هاكا مع الجنس لاطيف بحالي☺
تقاتلت باش نضت كلست في الكرسي وخرجت آش هاذ زهر حاطني ولد طحبة في طبق ثاني وصلت الدروج كلست فيهم وبديت هابطة درجة درجة كنسمع شي خطوات من ورايا حبست في لول قلت مع راسي ليث باغي يخلعني ساعة تحط ليا موس على عنقي وشي وحدة همسات ليا في ودني
هي:إلا مخرجتيش اليوم من هناا غدا تلقاي ختك مجيفة
أنا باقا غير كنحاول نستوعب هاذ الموقف و سيدة غبرات تبخرات درت بزبة ملقيتهاش
آش هاذ شي يا ربي رعدة شداتني نكون كنتخايل زعمة بسباب دوا لي خديت ولكن صوت كان واضح والموس تاهو بقيت في بلاصتي متململتش منها شي ساعة ونص
عماد:إيمان مالك أختي كالسة في البرودة
أنا:أنا
عماد:صافا؟؟
أنا:آه آه بيخير
عماد:نعاونك فين باغا تمشي
أنا:بغيت نمشي فحالاتي😭
عماد:متبكيش ءشرحي ليا شنو عندك يكما قلقك شي واحد
عطيتها غير لبكا معرف مايدير مشا كيجري عيط ل ليث جا لقاني كنتنخصص كيف العادة ياسادة
ليث:وا راه عادي هي عندها بحر فدوك العينين
عماد:يهديك الله شوف البنت كيف كتقفقف
هزني وخرجني الجردة
كلسني في زعلولة وكلس حدايا مقابلين مع الورد
ليث:كنسمعك
أنا:شكون ساكن هنا
ليث:علاش كتسولي
أنا:جاااوبنيي😡
ليث:الخدامة
أنا:وشكون آخر
ليث:تاحد
أنا:كذاب
ناض من حدايا وعينيه حمرين
ليث:راه غاذي نفوت في دين مك شي دقة وماشي سوقك آلالة فهاذ شي مراتي ولا شكون تكوني لي تسولي على لي ساكن
أنا:لطبونمك يحساب ليك طامعة فيك سبر تقود أنا مكنحملكش خرجني من هناا بغيت نمشيي فحااااااالي
هز إيدو تالسما وعطاني لحنك
شديت في وجهي والعافية خارجة من عيني شنو يحساب ليه كرو كااع القرد لي حطو يدور يدور ويصليهاا معايا كرهت زامل بوه بهاذ الفعايل
بغيت نوض صدقت طايحة أوووووف
ليث:شفتي طيران ديالك فين كيوصلك😑
أنا: والله مديني لداري حتى نقتلك ونقتل راسي 😭😡
ليث:مغتمشي فين
أنا: الله يرحم باك أليث متبقاش شاد معايا ضد وخليني نمشي
ليث:صافي المرض غير قبيلا كنتي بعقلك
أنا:😭😭
تحدر عندي
ليث:إيمان مالكي إلا كان على ديك الهضرة ديال قبيلاا أنا كنطلب منك سماحة من لول قلت ليك كنتعصب ومكنتحكمش في راسي
أنا:لاا ماشي😭 داك الكلام
ليث:وشنو
عنقتو وخشيت ظفاري في ظهرو هو مادار تاردت فعل بكيت عليه مزيان ومسحت خنونتي في تريكوه عاد بعدت عليه
ليث:ساليتي
أنا:مم وديني بحالي
ليث:عطيني شي سبب
أنا:قبيلاا ........
عاودت ليه البلان ديال ديك خايتي
ليث:كتفرجي في الأفلام بزاف
أنا:كندوي معاك 😡
ليث:أتكوني كتخايلي
أنا:ولا بصح دارتها و قتلات ليا ختي آش ندير ديك ساعة
ليث:ماكين لاش تخافي ختك معندها مايوقع ليهاا هناا
أنا:ولا وقع ليها
ليث: اهديك الله آ إيمان
أنا:واخا هاكاك باقا خايفة
ليث:أنا غنحط رجال قدام بيتكم مزيان دابا
أنا:وعلاش مدينيش لداري وتهنينا أسي ليث
ليث:الكسيدة وقعات بسبابي عتابري العناية لي غتاخدي نتي وختك هنا تعويض ليكم
أنا:تاحاجة مابسبابك أليث هاذيك المصطية هي سباب مفهمتش كيفاش كنتي مصاحب مع وحدة بحالها أجي عنداك تكون سحرات ليك
ليث:😴
أنا:ولا نت عور
ليث:كنت كناخد غير حاجتي😉 بيناتناا الفورمة عندها واعرة
أنا:معرت منين
ليث:يمكن نتي لي عورة
أنا:عمرك بغيتي شي وحدة زعمة؟؟
ليث:كاين البرد ندخلو
أنا:يدخل فيك كامييو إن شاء الله
ليث:شنوو
أنا:يالاه ندخلو😆
دخلناا داز نهار بزربة من بعد مهضرت مع ليث رتاحيث شوية وصل ليل جا ليث عندي هودني لصال مونجي باش نتعشاو وتامراد كان
مراد:الأميرة كيف بقيتي
أنا: الحمد لله ونت
مراد:صافا
ليث:غذا في ليل غنسافر رد ليهم البال
مراد:كون غير أجلتي المشروع ماشي وقتو
ليث:تهاونت بزاف خاصني نديها شوية في خدمتي
أنا:إمتى غترجع
ليث:من هناا شهر
أنا:بزااف😠
مراد:أتوحشيه😌
ليث:مرااد😠
أنا:لاا ماشي هاكاك غير
مراد:غير شنو ههه
أنا:غير الفرحة حيث غنتهناا منو وديك بزاف قصدت بيها زهر عندي كيهرس الحجر بزااف
كيهرس لخرا حاشاكم الفقصة وصافي دابا لاسافر غندخل في اكتآب حيث ولفتو😢
زعزعتهاا مزيان مبغاتش تحرك ومكتنفسش فهاذ لحظة الاحساس مشا لياا .. كيفاش ماتت كيفاش وصلت لهاذ المرحلة واش أنا بنت الحرام لي كيوقع ليا هاكا ياربي علاااااش أنا علااااش عييت من كلشي كرهت راسي وكرهت ناس سمحت في كلشي باش نقدر نعالجها حتى شرفي كنتي غادي نفرط فيه على قبل شنو باش نتجازا بهاد طريقة
أبكي في صمت و أنظر إلى من حبيبتي و هي نائمة بقربي لا تشعر بشيء ،أحاول كتمان أنيني و انتحابي جهد إمكاني ،وسادتي قد تبللت و غطائي كذلك ، أقصد غطاؤنا ، عيناي المحمرتان بشدة لا تبصران إلا ظلاما حالكا أمامهما و جسدي المتعب مل كل شيء ، احاول أن أتذكر احلامي الطفولية القديمة آه كم كنت غبية .. آه كم كانت الحياة في نظري مجرد طبق شهي يزداد مذاقه حلاوة بعد كل قضمة ،و ما أمر طبقي الذي يزداد مرارة بعد كل يوم يمر أستيقظ فيه على صوت خشن، أيادي خشنة و نظرات حيوانية خشنة ،فأجد نفسي تائهة لا أتذكر من لحظات السعادة سوى أحلامي الطفولية ، و ها أنا الآن أحاول جهد ما أستطيع أن أحقق أحلامي ، في رحلة بحث عن سعادة ضائعة لا أدري أين و لا كيف سأجدها .شخيره المزمجر يقتل دمعي المنسدل و كأنه يأمرني بأن أكف عن البكاء حالا
أنا:وااااا بعد مني ياالكلب عتقوووني وا عباد الله 😭
جا ليث ومراد
ليث حيد هاداك عليا وأنا هزيت إيدي صليتو
مراد:إيمان
ليث:مدخلش أمراد
شدني من إيدي وعروقو خارجين
أنا:حيد إيديك عليا القتال حيد تفو على دين مك الله ياخد فيك الحق😭 منك الله بغيتك تشوا كيف شويتي ليا قلبي
مراد:تسنا أصاحبي نفهمو كيفاش قتال
شفت في ملاك بحسرة ليث غير شاف فيها وشاف فيا طلق مني بزربة
ليث:أنا
خليتهم ومشيت كنجري رجلي مابقيتش حسيت بالألم لي فيهاا طلعت السطح وقفت في الحاشية كنرجع الكاسيطة ديال حياتي من نهار مشاو الوالدين وأنا في العذاب صبرت وقاسيت قلت على وجه ختي كلشي يهون ولكن باش تمشي ظلم مقبلتهاش أنا سباب كان عليا منبقاش هنا لحث ختي العافية بيدي😭 أنا جايا عندكم توحشتكم بغيت نشوفكم
ليث:إيمان متهوريش حيدي من تما
أنا:حشومة عليك 😭
قرب حدايا
أنا:بعد ولا غلوح راسي
ليث:ثيقيني أنا بحالك مصدوم
أنا:مصدوم هه واش عارف شنو وقع دابا ختي أليث ختي الكبدة ديالي حياتي هاديك مشات عند الله شرح ليا كيف غنقدر نعيش كيييفااااش
جرني دورني جا هو في الحاشية وأنا قدامو وبقا شاد ليا في دراعي
أنا:طلقني عفتك وحقدت عليك بزااف 😭
ليث:منقدرش نخليك ديري شي حاجة فراسك بغيتي تعصاي الله واش بعقلك
أنا:مصطية أسيدي معندي عقل بعد مني وديها فكرك
بقيت مضاربة معاه باش يطلقني مبغاش وفي لحظة لا وعي حطيت إيدي على صدرو وخدمت جهددي كامل دفعتو حتى تلااح من الفوق وفهاذ لحظة نيت طلع مراد
جاا يجري شدني لنتلاح حتى أنا.. شفنا لتحث كيبان لينا طاح في بيسين وداك الما ولا بحال شي بحر ديال دمايات هودنا كنجريو مراد تلاح جبدو
أنا:مات
مراد:إلا وقعات ليه شي حاجة والله تنتبعك ليه
ماكنتش باغا نقتلو أنا ماشي طبيعية معصبة وميتة من لداخل الحاجة الوحيدة لي فكرت فيها هي ندير حد لحياتي وللأسف القدر لعب معايا لعبة خيب من داك شي لي داز ماقادراش نهز مسؤولية روح على كتافي ياربي يعيش يمكن الله كيعاقبني بليث حيث كنت غنعصيه ونتاحر
عيط مراد على الأطباء لي كان جاب ليا ليث الدار دارو ليه الاسعافات على ماجات لابيلونص
مراد:فين هي الإسعاااااف ليث خويا صبر عافاك غادي نعتقوك
صاخروني أنا ومراد ودارو ليه تكهريب حيث دقات القلب ديالو هبطو بزااف
جات لابيلانص هزوه مشا معاه مراد أنا بقيت تا جات سيارة ديال الموتى
معمرني بغيت حياتي تكون مسرحية ولا بغيت أنا نكون ضحية تنا بحالكوم كنت كنحلم بالبطولة ولكن الحياة ديما كتعطينا أدوار مهمشة وحنا كنتقاتلو وكانكولو غانكونو عصاميين وفي كل مرة كنفشلو كنبقاو نسمعو لداكشي ديال التنمية البشرية والدافعية وماتستاسلمش وكنبقاو تال آخر لحظة ولكن الدور كاع مكيتبدل والجمهور كيزيد يكثار وهنا كيباليك غا العدم ودنيا بحال شي فخ وخا معندك مسؤولية أنك فيها غاتعاقب وكتفهم أن الدنيا ماشي قوس قزح ولكن حبر أسود .كتولي شاد تيقارك وفاهم أن الدنيا غير عادلة ومن السهل تقول للآخر صبر ملي الموصيبة متكونش مصيبتك فهاذ الرقعة الكونية تحاجا مكتبدل 😖
هزو ختي قدامي داوهاا وخلاوني في دوامة كلشي مشا لياا ومن الفوق وليت قتالة بزاف عليا هاذ شي
مشيت شديت طاكسي الكنينيك دخلت لقيت مراد كالس في لرض كيبكي وشاد في راسو
أنا:كيف بقا
مراد:مدخلينو العمليات
أنا:هاداك عندو سبع رواح متخافش عليه
مراد:كان يحساب ليا نتي بنت ناس وضريفة
أنا:هاذاك لي كتبكي عليه هو لي كان سباب تاماتت ليا ختي ومتسناش مني نحن فيه ولا يبقا فيا ولا كنت هنا غير حيث مبغيتش نتسما قتالة
مراد:من بعد غتندمي
أنا:ديجا ندمت حيث عرفت باشار بحالكم مافي قلبهم رحمة
طبيب:سي مراد محتاجين دم
مراد:أنا نتبرع ليه
طبيب:عندنا دم المشكيل هو زمرة دم ديالو نادرة
مراد:شنو هي زمرة ديالو
طبيب: -O كتعتابر فصيلة -O من أكثر فصائل الدم ندرة حيث هاذ الفصيلة كتعطي لجميع الفصائل ولكن ماكتاخد الا من نفس الفصيلة، وغير 1٪ من سكان العالم لي عندهم هاذ الفصيلة
مراد:ولا مالقيناهش
طبيب حدر راسو بمعنى غير تسناو خبارو
أنا:J'ai un peloton -O
أنا:أووف الحمد لله
طبيب: سبحان الله معجزة فهاذ الحالات كنتعدبو بزاف باش لقاو دم وبعد المرات كنفقدو المريض
أنا:خليناا نسربيو
مراد:شكرا
أنا:ماشي على قبلو أنا مكرهتوش يموت غير منكونش أنا سباب
دخلت تبرعت ليه معرفتش لاش درت هاكا أنا كنكره دين مو وحاقدة عليه يمكن الإنسانية لي فيا ولا الله أعلم تخربقت مابقيت فهمت والو الإحساس مابقاش عندي
من بعد 5سوايع ديال الإنتظار جا عندنا طبيب
مراد:أندرا
طبيب: الحمد لله العملية كانت ناجحة 99% دخلناه المستعجالات ساعة دابا وراه يالاه فاق دابا
أنا: الحمد لله
شاف فيا مراد متعجب تا أنا تعجبت كيفاش خرجات ليا ديك الحمد لله هو الحمد لله ولكن أووف
مراد:نقدر نشوفو
طبيب:كاين مشكيل
مراد:شنو هو
طبيب: سي ليث عندو فقدان داكرة جزئي
مراد: Comment puis-je penser qu'il y a une erreur?
طبيب:ماكين تاغلط لي سبب لي هاذ المشكيل ضربة لي كانت عندو قبل من بعد ماطاح على راسو المرة ثانية وقع ليه ارتجاج في المخ الحمد لله من ماجاهش فقدان ذاكرة كامل
مراد:دابا هو عارف شكون هو
طبيب:وي هو نسا غير شهرين لي فاتو
مراد:شكرا أذكتور نقدر نشوفو
طبيب:وي غير مطولش عندو باش تخليه يرتاح
مشا طبيب ومراد دار لعندي
مراد:ماغيكونش عاقل عليك
أنا:أحسن حاجة😔
مراد:عطيتيه دمك كملي خيرك وعاونيه باش يرجع داكيرتو
مراد:غير يولي بيخير وسيري هو مقتلش ليك ختك كان باغي يديركم في عينيه
أنا:وهاهي عينيه طلعات متقوبة وصدقناا طايحين منهاا قلت ليه راه شي وحدة هداتني ولكن سيد مصمر ودنيه كايدير غير لي قالها ليه مخو
مراد:مكتاب
أنا:سخونية راس كترجع بالبرودة أمراد
مراد:متسمحيش فيه هو لي بقاا ليك كنطلبك أ إيمان وقفي معاه فهاذ المحنة
أنا:مراد😡
مراد:ديري على وجهي
أنا:غير يصح غنغبر كمارتي
مراد:لعز آجي معاياا
تبعتو دخلنا عند ليث شفتو مجبد في لاموسية ودايرين فاصمة في راسو حال عويناتو ولكن العيا غالب عليه بحال إلا فيه دوخة
مراد:خويا على سلامتك خلعتيناا عليك
ليث:دار مفخبارهمش ياك
مراد:لا معلمت تاحد
ليث:مزيان
كيهضر بحال إلا مقرقب هضرتو تقيلة
مراد:كيف كتحس
ليث:دوخة وراسي كيزنزن هه
مراد:دابا تصح ليناا
ليث:كيفاش وقع ليا هاذ شي آخر حاجة عاقل عليها كنت في المكتب
أنا:متبقاش تهضر بزاف باش ميضركش راسك وأصلا راك يالاه خارج من العملية
شاف فيا عاقد غوباشتو فكرني في لول فاش يالاه تلاقيناا نظرة باردة خالية من أي مشاعير أو أحاسيس وعاود شاف في مراد كيسولو أبعينيه
مراد:هاذي إيمان سكريتيرة ديالك
ليث:ديالي؟؟
مراد:نت فقدتي ذاكرة فقدان ذاكرة جزئي هاذ شهرين لي فاتت تمحات ليك من ذماغ كنتي شريتي شركة وهاذ البنت خدامة فيها وفاش وقعات ليك هاذ الأكسيدو هي كانت معاك
ليث:من بعد ونهضرو بغيت نعس خرجو
مراد:واخا خويا رتاح
خرجنا من عندو مشيت بزربة عند طبيب
أنا:واخا تشوف ليث مالو يمكن راسو ضارو بزاف
طبيب:هاذ شي عادي فهاذ المرحلة خصوصا بالاه خارج من المستعجلات
شنقت عليه شوية ونجيفو
أنا:عاذي شنو لي عاذي بربي ومتمشي تشوف مالو حتى نتعرا على زامل بوكم هنا
فكو مني غير مراد
مراد:سمح لينا أذكتور الآنسة مخلوعة عليه
طبيب:نو بروبليم غادي نمشي نطل عليه
مراد:ميغسي
مراد:مالكي على هاذ الفضيحة
أنا:بنادم كاموني كون مدرتش لجدو هاكا ماكانش غيفهم
مراد:ولاش هاذ الحالة
أنا:ماشفتيهش كيف فيه الحريق حشومة عليهم يعطيوه واخا غير مهذئ
مراد:ولا كان فيه الحريق مفهمتش نتي مالك
أنا:حيث تاأنا كنتوجع معااه
مراد:😳😳
أنا:زعمة بغيتو يبرا دغية حيث مبقيتش قادرة نشوف في كمارتو
مراد:آه أوكي إلا بغيتي نقدر نوصلك الدار ترتاحي
أنا:لي بغيت منك هو تعاوني في الإجراءات ديال دفن
مراد:كنظن غيعطو دفين ديالها حيث مقتولة ماشي موتة عادية
بوليسي:سلام عليكم
أنا ومراد:وعليكم سلام
بوليسي:كنتحراو على جريمة قتل طفلة ملاك ومحاولة قتل ليث العمراني
مراد:درية وي تقتلات وليث متعرض لحتى محاولة ديال القتل
بوليسي:هاذ شي أسي غتقولو في الكوميسارية تفضلو معايا إلا كان ممكن
أنا:وهاذاك لي مرمي الداخل نخلوه بوحدو صافا با ولا مالك حتى نطمنو عليه ونتبعوكم
بوليسي:متخلونيش نتعامل بالقوة بلا مقاومة تحركو معانا
أنا:هذا مالو أمراد واش جاي باش يشولناا ولا يشدنا ولا يكما حنا مشتبه فيه
مراد:بردي الوقت وزيدي
جرجرونا ولاد القحاب الكوميسارية بقيناا تما شي 4سوايع يسولو ويعاودو طبناا تماا المشكيل هو هاذ البوليس ديال زب شاكين فينا حنا أنا ومراد عاودنا ليهم كلشي من غير بلي أنا لي دفعت ليث قلنا ليهم غير زلك وطاح
فكيناا داكشي معاهم وصلني مراد عند ليث ومشا يقدي شي غراض دخلت عندو لقيتو ناعس كلست في الكرسي وجبدت تيليفوني درت ليزيات وخدمت أغنية تركوني أحبابي سرحت في الخيال تاجاتني واحد المعلقة لقلقولتي
أنا:وااا الويل الكحل ياكما بغيتي تعميني
ليث:مكتسمعيش إلا كنتي مستوهة غير قودي معندي مندير بخدامة بحالك
أنا:ماشي على gانتك أسي ليث راك مسيني معايا كونطرا وأنا ماشي خدامة عندك كيف كيحساب ليك نونو موسيو أنا خدامة معاك
ليث:متعصبيش دين مي راه ماعلا بالي لابكونطرا لا غيرها خدمي خدمتك ولا غبري كمراتك واش فهمتي
أنا:😡😡
ليث:سولتك واش فهمتي😡
أنا:آه فهمت😔
الحلاقم إن شاء الله مشكيلة كيفاش غنتعامل مع هاذ الغول ماكانش هاكا تافاش كان عاقل
ليث:غدايا فيناهو
في زكي أويلي مال هذا غيهربو ليا
أنا:باقي 5دقايق ويفرقو الغدا
ليث:لاا واش كضحكي علياا باغاني ناكل ماكلتهم
أنا:ومالهاا صحية حسن ليك من ديك صقاطة
ليث:برا
أنا:علاش
ليث:وااا خرجي أبنادم
أنا:واخا واخا بلا متعصب
خرجت شاداني ضحكة طاحت عليا واحد الفكرة زوينة نبدا نعصبو واخا غير باش نتاقم منو شوية
أنا:مالك على هاذ الفعايل تفو نعمة الله عمرها كانت كتلاح في لرض
ليث:حتارميني ولا نوض نلصق مك الحيط عرفتي شنو خرجي من هناا ياك نتي سكريتيرة سيري الشركة وبعدي من دين مي حيث ماحاملكش
ماحاملينيش ياك وأنا لي سرطت القضية ديال ختي وبقيت حداك غير باش تبرا نستاهل ياالموسخ الله عاطيك واحد زين كاع متستاهلو
دق دق
أنا:دخل
روان:حبيبي على سلامتك😢 علاش أنا آخر وحدة نعرف هاذ شي لي وقع ليك
مشات بنت القحبة تلاحت عليه عنقاتو
روان:كيف بقيتي
ليث:صافا
باستو من فمو وتاهو تجاوب معاها محملتش كري فهاذ لحظة ومن الفوق منقدرش نخرج ونخليها معاه مافيها ثيقة تصدق دايرا ليه شي حاجة كيف بغات تقتلو المرة اللولة راه ماشي بعيد ديرها المرة ثانية
أنا:وا البشار شوية الاحترام
روان:بب شكون هاذي
ليث:سكريتيرة
روان:آه ومالها واقفة علينا هاكا
ليث:إيمان خلينا بوحدنا
أنا:منقدرش
روان:وعلاش
أنا:منقدرش
ليث:صافي خليها
أنا:😍😍
ليث:عيطي على سكيريتي هما يتكلفو
أنا:ششنو😳😳
روان:واخا بب
بنت الحرام دغية طارت باش تجيبهم ليا
أنا:محشمتيش أنا نظل نفكر في راحتك ونت باغيهم يجرتلوني
ليث:وراك مجرتلة من عند الله أختي
أنا:ختك لااواه جداك والله تاازدتي فيه
ليث:ومالكي بغيتيني نقول ليك حبيبة
أنا:منديش عليك راك طايح على راسك وطاير ليك الفريخ
معرفتو كيف دار وقف ولصق حدايا
ليث:شفتك كتعيريني بمرضي
أنا:لا أنا
ليث:شي حاجة فيك فشكل
أنا:بحالاش
ليث:معرفتش نتي
أنا:أنا شنو
شد فراسو يمكن بغا يتفكر ولا معرت لجدو حطيت إيدي على إيدو
أنا:ليث واش صافا
ليث:صافا
محسيتش تاتلاحيت على فمو بستو دفعني تاطحت
ليث:هذا هو تقحبين آلالة
مزدتش معاه كلمة وقفت وخرجت ردخت عليه الباب تاكان غيطير من بلاصتو لقيت ديك العوجة جايبا سيكيريتي دزت فيهم ومشيت لطواليط كلست كنبكي ونتخصص حسيت بالخنقة مابقيتش قادرة نهز شي هم ولا شي حمل مازال علاش بستو علااااش أنا حمارة وليت مزمولة ولا مالي شديت ديك ديال صابون ضربتهاا مع جاجة ديال المرايا تا تهرساات غمضت عيني وضربت إيدي دم كيهبط وأنا كنضحك ونبكي شداتني ديك الغصة في قلبي نزفت بزاف حتى بغيت نغيب عاد ندمت ماكانش عليا نتسرع مليوحة تما ومع سادة من الداخل ماكين لي يجيب ليا خبار صافي وليت كنشوف غير ضبابة مقدرتش نمشي عند الله كافرة تعلقت في الباب غير حليتو طحت مبقيت عقلت على والو حتى كنفيق في واحد شومبر معلقين ليا سيروم ولاوين ليا فاصمة على إيدي
دق دق تحل الباب دخل ليث
ليث:كيف بقيتي
أنا:بيخير
ليث:الحمد لله
باقي مريض وخلاوه ناض أيكون دور مهاهم رشايوي مع راسو
دخلت واحد سيدة بواحد البوفي غير الماكلة الواعرة ريحتها كتشهي وتبعوها جوج دراري دخلو لينا طابلة صغيرة بكراساها قادو كلشي في طبلة ومشاو
ليث:خليتيني بلا غدا وتا نتي ماكليتي والو
أنا:غا بصحة كون محشمت نود نشقلب ليك داكشي كيف درتي معايا
ليث:جربي لاما نكملش على بوك
أنا:وراني عارفاك صابقينك مكاشفك😒
من لاخر كنت باغا ندفع كبير مي كريشتي كتصفر وهاد شي لي جاب كيشهي مقدرتش نزيد نصبر ووقفت ساعة كنت غنجيب ربحة كون مشدنيش في الوقت المناسب ههه وا كون غاخلاني طحت شدني زامل لاخر من طرماحتي حسيت بيه عصرها بقوة مامزير عليها بحال إلا كيعبر فيها يالاه أنتلاح عليه تفكرت المعيورة لي قال ليا دفعتو وريحت ..
تحنيت على داكشي مبقيتش هزيت راسي تانطق
ليث:الحمد لله
شفت فيه وعاودت تحنيت على داك الخير
ليث:مكتشبعيش
أنا:سمع أسي نت مولف بصحاب البروطوكول أنا ماشي من هاذوك لي كيخليو في طبسيل باش يبينو بلي راه شبعانين بالعكس أنا كنبقى ناكل ولا مشبعتش كنلحس الطبسيل ومعنديش سوق في البشر
بكيت وهل بكاء القلب يجدي؟ فراق أحبّتي وحنين وجدي فما معنى الحياة إذا افترقنا؟ وهل يجدي النّحيب فلست أدري فلا التّذكار يرحمني فأنسى ولا الأشواق تتركني لنومي فراق أحبّتي كم هزّ وجدي وحتّى لقاءهم سأظلّ أبكي
عاود وصلني ميساج فيه إلا بغيتي ختك خرجي صايبي ليا قهوة مع شي كيك وطلبي مني سماحة قدام ليث
أنا:سمحي ليا على قبيلة ماكانش خاصني ندوي معاك بديك طريقة
روان:ماشي مشكيل
ليث:😇
روان:إوى سيري
ليث:فين تمشي
روان:لبيتها ولا الكوزينة باش نبقاو على راحتناا
ليث:فيا نعاس نتي لي سيري
آحح على قمعة😍
روان:ياك
وقف ومشا لبيتو خلاهاا بلاكة بغات تمشي شنقت عليها
أنا:فين ختي 😡
روان:بعدي مني آهاذ الهيشة ختك أتاخديهاا بشرط تصفيهاا لهذا
أنا:شكون هذا أبنادمة
روان:حبيب القلب
أنا:كضحكي على الوقت
روان:غذا نبغي نسمع خبارو أزوينة
أنا:ياك كتبغيه مابقيت فاهمة والو
روان:أنا من نوع لي كنبغي غير راسي وليث كنت طامعة فيه ولكن من وقع لي وقع غير أترجع ليه داكيرة أيرجعني مين جيث داكشي علاش ساليت منو بغيت نشوفو ميت سمعتي ميت
أنا:والبنت لي دفنات
روان:هاذيك بنت الخدامة ختك عطيناهاا برا باش بينات ليكم راها ماكتنفسش
أنا:وا زمر كنتي كتهضر في موضوع مهم منتعجبش هاذي هي قاعيدتك ديما كتلوا
ليث:آش بان ليك تنعسي حدايا
أنا:هاا😯
ليث: متخافيش ماغنقربش ليك كيجيني جوع بليل وأنا مريض ماغنقدرش نوض كل ساعة نوضك نتي
خدامة ديالك أنا😕 ولكن هانية نشمو ريحتك آحح
أنا:واخا😍
ليث:تلعبي كارطة
أنا:آهاه حكيم
ليث:لي بغيتي
أنا:تسناا نصايب الgلية
مشيت صايبت الGلية والعصير بزربة ورجعت عندو كلسناا فوق ناموسية طرح لول ربحت أنا
أنا:هاهاها ربحتك
ليث:هه بصحتك ألالة يالاه حكمي
أنا:بغيت شي بيت شعري منك لياا
ليث:يهواك ما عشت القلب فإن أمت ..☆★☆.. يتبع صداي صداك في الأقبر.
أنا:طلعتي ماساهلش عندك ماتقول
ليث:كتعجبني المطالعة منهاا تولد عندي حب شعر
أنا:آه وراك واعر 😍
ليث:نكملو
أنا:مم أوكي
طرح ثاني ربحني مركزش حيث دوخني بعقليتو😍😢
ليث:هه طحتي بين إيدي
أنا:لواه نبك الغشاش لاخر
ليث:متكونيش مبرهشة
أنا:😡 حكم نشوف
ليث:شطحي لياا
أنا:ههه آجي يمكن طالعة ليك سخانة
ليث:مافياا والو تحركي أنا غنخدم الموسيقى
بغيتهم يشطحو عليك لمويسخ لاخر آدابا كنت كنشكر في عقليتك.....
خدم ليا أغنية خاليجيه ولد الحرام لعب ليا على نقطة ضعف غير بديت تلواز محبستش تاحسيت بيه زير عليا من لور وكيشم في شعري
ليث:ريحتو زوينة
أنا:بعد عافاك😐
حط إيدو على صدري
ليث:كتعرفي تشطحي
أنا:ليث
دورني عندو شاف لياا في عيني ركز فيهم مزيان بحال إلا كيتعمق وكيقرا ليا أفكاري ... هبط لفمي غير حط شلاقمو علياا العافية شعلات ليا في طبوني حطيت إيدي على عنقو دخلنا فعالم آخر عالم فيه غير أنا وحب حياتي... عالم عامر بالشهوة والشوق بعيد على الواقع مافقناا بريوسناا حتى شرفي ضااع آه ضااع ومانادماش عليه كملنا دخلنا الدوش دوشناا ورجعناا البلاصتناا تخشيت فيه حاوطني بإيديه مادويناش كان الصمت سيد الموقف هو نعس وأنا عاد تفكرت تهديد ديال ديك القحبة لي همها الوحيد هو الفلوس بيمن أربي خاصني نضحي بختي طرف مني ولا بليث حبيبي وقلبي أنا لي كنعرف الله ماكيبتاليناا إلا واكاينة حكمة تماك وكيفما موالفة غنديرهاا في إيد الله
دخلت دوشت بزربة لبست وخرجت عندو الله يسمعنا خبار الخير اليوم ماعرت كيف غيكون ماعندي تافكرة في راسي راه لاا ليث ولا ملاك نقدر نفرط فيهم وإلا كتاب ووقعات ليهم شي حاجة بغيت مانكونش أنا سبابهم ياربي وكلت لي أمري دير لياا لي فيه الخير وحفظ ليا لي كنبغي
أنا:مم موجد الفطور
ليث:كلسي
أنا:واخا
ليث:حلي هاذ البواطة
أنا:😔😔
ليث:بغيتك في الحلال نكبرو بجوج ونولدو وليدات يعمرو عليناا مابغيتش نعيش معاك في الحرام أنا ندمت على داكشي لي وقع البارح
أنا:ليث أنا
ليث:خليني نكمل أنا تفكرت كلشي والوقفة ديالك معايا مغنساهاش واخا نتي كيحساب ليك أنا سباب فداكشي لي وقع لختك الله يرحمها
أنا:إمتى رجعات ليك ذاكرة
ليث:غير البارح فاش كنت كنمارس معاك.. الحب لي كان عندك من جيهتي تلااح عندي يمكن هو سباب باش قدرت نرجع داكشي لي مشا لياا
ليث:دارناا غير تبناوني حيث ماكيولدوش لي بغيت نقول أنا أصلي ولد الخيرية
أنا:ومن بعد ماشي سوقي فداكشي نت لي كتهمني
عنقتو باش يعرفني راه معاه في سراء وضراء
عيط ليث لمراد علمو بالخطة ..
دوزناا نهار بيخير مجمعين كيعاود ليا على حياتو وداكشي لي دوز وحتى أنل شركت معاه كلشي لدرجة ولينا كتاب مفتوح لبعضياتناا ...
وصلات 8h جااو البوليس ومراد
مراد:نبداو
الشرطة:بغيناك ألالة تكوني تايقة في هضرتك ماتخليهاش تشك
أنا:آه واخا
ليث:واجدة
أنا:لاا ولكن نبداو
هزيت تيليفون عيطت عليهاا
روان:أهلاا أهلاا
أنا:درت لي قلتي ليا
روان:نتأكذ وتوصلك الأمانة
أنا:متمركنيش بيا قتلت سيد باش تبداي طالقاها عطيني ختي الله يغبرك
روان:باش قتلتيه بعدا
أنا:سم في الماكلة
روان:إوى حيدي من ثم لايشدوك
أنا:لا سم ماكيبانش بحال إلا سكتة قلبية
روان:داوه ولا باقي
أنا:يالاه غيجيو
روان:أنا جايا نلقاك في شارع ونعلمك من دابا نمشي حتى نشم ريحة الغدر نشرشم لختك راسهاا بلاا تقواديت هاودني منك
أنا:واخا نسمع صوتهاا
قطعات علياا
ليث:تال هنا مزيان
أنا:خايفة
شد ليا في إيدي
ليث:كلشي غيكون بيخير
الشرطة:متوتريش غنكونو قراب ليك غير تشدي ختك في إيديك غنلقيو القبض عليهاا
خرجت كنتسااا فيهاا مافيتاش روبوع ساعة وقفات عليا بواحد طوموبيل
روان:طلعي
طلعت كلست
أنا:فين ختي
روان:دزت من حدا دار بانت ليا دنياا عامرة بوليس ولابيلانص متوقعتش منك ديريها صدمتيني صراحة
أنا:فيين ختي😡
روان:شوفي وراك
أنا:😭😭 ملاك هه ملااك
لقيتهاا سادة ليها فمها ورابطاها هاذ بنادمة مسطية لي دايرة البنوتة صغيرة هاذ الحالة حليت ليهاا رباطي مسكينة حالتهاا
ملاك:😭😭
تلاحت من لور لعندي كتبوس وتنخصص
حطاات ليا الفردي على راسي
روان:يحساب ليك غنخليك تمشي بحال إلا ماكين والو
أنا:ونتي يحساب ليك غنقتل ليث على ودك غالطة أحبيبة
روان:😡😡😡
أنا:طلعت معاك صبع كيقولو دوز على الواد الهرهوري مادوز على الواد سكوتي درويشة بصح ولكن تبغي ضريني نكويك
روان:شهدي
لحظة لي بغات تيري فيا خشيت ليها جنوي في كرشهاا ولويت ليها إيدهاا هاذ شي تعليمات ليث 😍 نصائح ديالو فادوني سبحان الله ديك زعامة معرفتهاش منين جاتني المهم قدرت ندافع على ختي خليتهاا كتخرخر وهربت من طوموبيل ديك لابيلانص لي جابو هزوها فيهاا
ليث:نتي بيخير
أنا:آه بيخير ولكن ملاك
ليث:طلعي الدار غتلقاي طبيب
أنا:ونت
ليث:غنمشي الكوميسارية نشوف آش كاين
أنا:رد البال لراسك
هاكاا طوينا صفحة ديال روان ماماتش ولكن من بعد عرفناا بلي تشللات وكيف أغلب النهايات كانت نهايتي سعيدة بفضل ربي نحمدو ونشكرو على كلشي ختي مالقينا عندها تامشكيل وليث دارها بحال بنتو دازت اليام تزوجت أنا وحبي وسافرناا عشناا في كندا أحلى حب مع أحلى مدير وبصدفة هو يثيم بحالي💔
قصة المدير كايكرهني
محتوى القصة