نصف عذراء بين أحضان الوحش الجزء الرابع والأخير

اما جود مشا حدا البحر حاس براسو تالف مخنوق ولبحر كيفوج علييه شويه لعله يحيد صدى بكاها وصراخها من وذنييه كلما يتفكر كيفاش كان تيضرب فيها وهي مكمشة وحاضنة راسها وتغوت من الحر يبغي يحمااق معارفش من يرجع كيفاش غيشوف فيها مغيقدرش عمرو مامد يدو على مرا كانت اول مره يضرب فيها بنت ولكن كانت تستاهل ضحكات علييه ومثلات علييه الشرف والبراءة وهي وحدة موسخة ..غرق فتخمام والتفكير وتوصل بقرار يعاونها ترجع من ديك طريق وتوب غيحاول يعاونها تحيد داكشي من راسها ولكن لابد تعتارف وتقوليه كيفاش تا وصلات لديك المواصيل..

# رجع من تماك مشا لفارماسي خدا ليها دواء ووصا على الفطور ومشا طالع..

. #سمعات حس الباب كيتحل دخل ملقهاش فالبيت 

جود: ميرااااااااااا.... 

مجوبتوش سمع هي صوت بكاها وشهيقها وجلس على الناموسية مباغيش يشوفها ويشوف الحالة لي وصلها لييه اكيد غيضعاف تاني من يشوفها غتسحرو بدموعها وببرائتها..ولكن ضروري يدخل يهضر معاها ويعرف كلشي...ناض بخطوات بطيئة دخل لدوش لقاها ماجالسة مامنشورة جروحها عامرين دم ويديها مشرطين بليطراس د الصمطة غمظ عنييه من قساوة المنظر معصرهم جلس مقابل معاها وحيد شعرها على وجهها وهي كترعد وتقفقف وتحاول تبعد منو هز يدها كيشوفيها كيفاش ولات تنهد باسى بندم وحزن... 

جود: كنسمعك..دوي..

سكتات تتشهق وترعد وتحاول تبعد منو.. 

جود: كيفاش تا شديتي داك طرييق وعلااش ؟...

ميرا:(بصوت ميترعد مخنوق )م مضربنيش ع عفااك اهئ اهئ😭😭. 

جود:مغنضربكش دوي... 

ميرا: م ماشي ب بص صاح ك كذوب ا انا... 

جود: ميييرا(بالغوات) دويييييي حسن ليييك... 

ميرا: و والله م م... 

جود: متحلفيش متحلفييش دوووووي😡... 

ميرا: ع عفاك م مكنكذبش.. 

ناض كيمسح على راسو بقوة الاعصاب كينهج ويعرق ضرب الباب برجلو قفزها...

جود: واش ناويه تحمقي ديلميي دوي حسن ليييك دوووي عتارفي بحقيقتك😠... 

ميرا: ل لا اهئ اهئ...😭😭 

عصباتو وركبات فييه جنون جرها للجاكوزي وخشا لييها وجهها فالماء كضرب بيديها ورجليها بغات تغلت ولكن كان حاكمها مزيان.. 

جود: دووووي ولا نقتل ديلمك هناااا دويييي.. 

طلعها كتكح وتسترجع انفاسها خنقها ولات حمرا شاادة على رقبتها تتحاول تتنفس.... 

جود: دوي ميرا: و والله كح كح كح..... 

رجع خشاها فالماء وهي كضرب فرجلو باش يطلقها والوووو تا حس بها مبقاتش تحركات...جبدها من الما بزربة طاحت بين يديه مخلوووع كيضرب فحناكها مبغاتش تفيق قاس عروق رقبتها بافي كينبضو وقلبها كيضرب بزربة دار ليها التنفس الاصطناعي كيمص الماء من فمها تا ناضت قافزة تتقيئ عاد رجعات فيه الروح...هزها حطها فالجاكوزي كيخوي علييها الما ..خرجها وتكاها على الناموسية بحوايجها لي كيقطرو بالما وزاد خرج خلاها جثة هامدة على ديك الناموسية... خرج لصالون كينهج ويضرب يدو مع الحيط تدق الباب وحل كانت فالخمسينيات ذات وجه بشوش وهادئ مبتاسمة لابسة جلابة فالموف وشالها وصاك يد وفاليز صغيرة سلمات على جود واوما ليها براسها دخل..دخلات..

جود: هي فالبيت عالجي جروحها و بلا منوصييك عليبها..

زهرة: كن هاني اسيدي... 

جود: ربي يخلييك..

دخل لبيت شافيها تنهد بشفقة وهز جاكيطو وخرج اما زهرة دحطات صاكها ودخلات لعندها قربات وشافت فحوايجها الفازكيين هزات خرين لقاتهم فالبلكار بدلات ليها وهزات دوا كتدهن لييها وفين ما تقيسها تغوت وزهرة كتحصر وتبكي معاها...جابت ليها الفطور بزز باش فطراتها وجلسات تمسح ليها على شعرها بلا متنطق تا وحدة فيهم بكلمة..

#اما جود مشا للفيلا تلقاتو الحاجه كتسولو علاش مشاو البارح بلا ميقولوها الحد قنعها بلي ميرا مرتاحتش وداها تعشاو برا...فرحات على بالها ولا ييغيها ومهتم بها ومخيباتش ميرا ظنها قدرات تخلييه يبغييها اما هو طلع للبيتو دوش ولبس وخرج للشركة 

#فحيين ميرا كتلوى من الحريق وزهرة كتهدن فييها.. 

زهرة: شكون وصلك ابنتي لهذ الحالة... 

مجوبتهاش وسكتات تتبكي فصمت..

زهرة: عارفة نتي مراتو....

ميرا: الله ياخد فيه الحق اهئ اهئ اهئ😭... 

زهرة: الله يسامحو الى كان هو لي دار ليك هكاك...

ميرا: ع عاونيني نمشي من هنا اهئ اهئ غ غيقتلني الى ب بقيت مزال...

ميرا: ع عفاك اهئ اهئ😭😭...

زهرة: ماحدي هنا ماغيقدر يضربك ولا يدير لك تا حاجه...ديري عقلك ابنيني وحاولي تصلحي الامور بيناتكم...المشاكل كطرا مع اي جوج مزوجين.. 

ميرا: ح حنا ما مزوجينش اهئ اهئ...زواجنا هي على الاوراق .

زهرة: كيبقى راجلك ابنتي قدام الله وقدام القانون..شنو قصتكم شنو وصلك لهذ الحال..خوي قلبك ابنيتي .... 

ميرا: و واعديني ماتفضحيش سري اهئ اهئ

زهرة: كنواعد ابنتي قدام الله سرك فبير مسدود.. 

تنهدات ميرا بارتياح وعلات عنيها تتشوف فيها وبدات تعاود من نهار تعرفات على عمر وبغاتو وكيفاش خطبها وعلى ديك لليلة وشنو وقع ليها ونهار تعرفات على جود وزواجهم ونوال لي غدراتها وكذباات وهو تيق..تتعاود وتبكي داز شريط حياتها قدام عنييها...تا سلات شدات راسها ومغمضة عنييها لي كيفيضو بدموع...وزهرة مخبية وجهها بين يديها فحال كانت حاضرة لهذشي كمل..

زهرة: و وعمر و واش س سمح فيك ب بهذ البساطة😢 

ميرا: ك كيكرهني .. زهرة: كنت تعاودي لييه كلشي .الى كيبغيك را غيبقلك كيما نتي... 

ميرا: تا شي راجل مغيقبلش بوحدة فحالي اهئ اهئ..

زهرة: وعلاش ممشيتي تشوفي طبيبه ليكون هي جرح ونزف😢 

ميرا: شفت الدم بعيينا اخالتي كنت كنموت بالحريق نهار كامل...الى مشيت غير غنزيد جرح على اخر.

. زهرة: الله ينتاقم من هذاك لي دمر ليك حياتك الله يعطيه شي كسيدة تفتتو... 

ميرا: ا امين امييين.. 

زهرة: تاحد يابنيتي مالقاها كيف بغاها..حاولي تعيشي حياتك وتنساي عاود لجود كلشي... 

ميرا: مغيتيقنيش.. 

زهرة: غيتيقك ابنتي غيتيقك...

جود انسان مزيان واخا عصبي ولكن حنين ونيشان راك شفتي من كنتو ففرنسا كيفاش كان يعاملك... 

ميرا: كان اخالتي كان... 

زهرة: كان ومزال تا لدابا...انا مدينة لهذ الراجل بحياتي عاوني بزااف...تبغي تسمعي قصتي..؟ 

ميرا: اااه عاودي لي... 

زهرة: (تنهدات بحزن)ااااح انا من عائلة محافظة عايشين فدوار على قد الحال كنت وقتها باقا صغيرة عمري 17 عام...فرحانة بحياتي وبعيشتي ومرتاح بالي تا بغييت ولد كان جارنا الله يعمر ليه الدار لا هو لا عائلتو كان تاهو كيبغيني وناويني لحلال قال صبري عليا يا فلانة نمشي لمدينة نخدم ونجي ونتزوج بك مشا للمدينة يخدم وانا بقيت فالدوار كنحسب لايام وشهور امتى غيجي ..تا تكتاب يخطبني راجل من الدوار لباس علييه وهبة وشان وكلشي كيخاف منو عييت منقول لا كليت العصا والقهرة من با وخوتي الله يوليهم بالرحمة وبززو عليا ذاك زواج..وكلت امري لسيدي ربي وسكت درنا العرس ومشيت فطريق وحنا غادين المدينة ضرب شيفور راجلي واحد بالطوموبيل وهرب بلا ميوقف يشوف حالة ااراجل حسيت بقلبي كيتقطع وروحي كلطع ..دازت سيمانة وانا فدارو جسد فبلاصة وقلب فبلاصة جا با ومي زاروني سولتها على فلان وقالت لي عطاك عمرو من كان جاي من المدينة ضرباتو طوموبيل فطريق الفلانية نهار فلاني اهئ اهئ كانت نفس نهار عرسنا ونفس طريقنا...عرفت بلي الطوموبيل لي كنت راكبة فيها هي لي دعساتو وقتلاتو مت وقتها الف موتة ابنتي تمنيت نلحق به ومانزيد دقيقة فهذ دنيا كلما نشوف راجلي نشوف دم حبيبي على وجهو كرهتو بزاف...وهربت من الدار مخليا كلشي ورايا من قنط لقنط ومن مدينة لاخرى تا وصلت لهنا تلاقيت بالصدفة مع سي جود عاوني وعطاني خدمة وشرا لي دار الله يجزيه بالخير وعايشه على ذكرياتو وعلى امل يلاقيني به ربي فالجنة اهئ اهئ اهئ مكانش النصييب والقدر فصفنا .. 

#فاضو عنيها بدموع وعنقاتها ميرا كيتبكاو تا صونا تليفونها وجات تجاوب وهو يقطع وجاها ميساج " الراجل لي غتاصبك ودمرك فهذ العنوااان..... انا فاعل خير" رجفات وطلقا تيليفون خرجو عنيها صفار وجهها وحمار غمضات عنيها تتسترجع انفاسها خافت لتكون هذي شي لعبة ولكن اش غتخسر هي تمشي تشوف والمكان عام وعاود هزاتو وقراتو الميساج ناضت بالزربة لاحت جاكيط عليها ومشات جيهة الباب تا وقفاتها 

زهرة: ميرا فين غادة ابنتي..

ميرا: ا انا م م ماما م مريضة شويه انمشي ن نشوفها ونرجع.

زهرة: ولكن جود.. .

يرا: م غنتعطلش.. جات تحل الباب وهو يطيح شي فبالها مشات للكوزينة تتقلب فالمجرات وهزات مووس خشاتو فصاكها وخرجات شدات طاكسي 

#اما جود كان جالس تا جاه ميساج هز تيلفونو شافو وتبدلات ملامح وجهو كان مغوبش ودغيا خنزر يمكن فرح يمكن حزن ممفسرش حيت مخنزر ديما ناض بزربة هز الفيست ديالو . 

محمد: فين غادي.. 

جود: تفكرت شي خدمة.. 

خرج وتن هابط خدا اوطو ديالو وكسيرا

طريق كامل وهي تدعي تلقا هذا لي دمر حياتها غتنتاقم منو على كل لحظة تألمات فييها غتدفعو ثمن شرفها لي ضاع وعلى كل عذاب مرات فيه مغترحموش داز حدا عنيها شريط لايام لي شافو حالهم عليها ايام العذاب والقهرة وهي تترمش باش ميطيحوش دموعها وتشوف جيهة شرجم وساهية قلبها كيردخ ويديها مزيرين على الصاك كيكمشوه. وقفات الطاكسي حدى رومبوان.. .... الطريق مبلوكية اختي... ميرا: اااا...😕

...:منقدروش ندوزو ...

ميرا: و واخا انا غ غنهبط هي هنا..البلاصة قريبة... 

خلصات طاكسي ومشات تتمشى ورجليها كيترعدو وتتسوط بجهد من الخوف تتلعب بصبيعاتها بتوثر وقلبها شويه وغيسكت...قربات توصل حدى لكافي لي جا فالميساج وقفات باش تقطع الشارع وهي تشوفو جاي جيهتها جاي هذي محسبات ليها حساب ماشي وقتو دابا حولات تدير فحال ماشفتوش ولكن قبل ماتقطع وقف عليها..داير ضحكة مستهزأة... 

عمر: اووه للاله ميرا عاش من شااافك... 

لتزمات الصمت وتجهلاتو وجات تقطع الشارع بلا تا ما تشوفيه تا شدها من ذراعها.. 

عمر: هييي راني كنهضر معااااك.... 

ميرا؛(نثرات منو يدها) نت شنو باغي مني اه؟؟؟ ... 

عمر: اشنو باغي منك !! بببففف يمكن كتشوفي راسك شي حاجه واعرة😕...

تجهلات هضرتو وتصرفات ببرود رضات وجهها لجهة لاخرى بلا مبالاة وهو كيتمعن فوجها لي موحشو الوجه لي كان تيفرح من يشوفو ولي كيدخل السرور لقلبو رجعاتو هذ النظرات لزمان وهما مخطوبين وعايشين بخير داز كلشي قدام عنيه فأقل من ثانية فحال كابوس مرعب... 

عمر: علاش تزوحتي بذاك شماتة!؟ على قبل الفلوس ياك... 

ميرا: هضر علييه باحترااام... 

عمر: اهاااه وكدافعي علييه واخا نشوفو من تسمعي هذشي واش غتبقاي على هضرتك... 

ميرا: م مافهمتش...

عمر: دابا نفهمك..داك الراجل المحترم ديالك قبل زواجكم بيومين جاي كيعرض عليا نرجع معاك ونتزو بك... 

ميرا: ش اش كترون... 

عمر: الى ممتيقانيش سيري سوليييه..كاع مكانش باغي يتزوج بك وجاي كيعرضك علييا وقالك شنو غنخلصك هاهاها..علام هذ خونا.... 

ميرا: سحاب لييك انتيقك اه....

عمر: وغلا الميمة الى انا داوي بصاح.... 

ميرا(عرفات عمر من كيحلف بغلاوة مو بلي مكيكذبش واقفه مسمرة فبلاصتها كترمش وتستوعب هذشي)... 

عمر: شفناك تصدمتي فراجلك الحبيب..اييه هذشي كامل حيث مباغييكش وشكون يرضى بوحدة متسواش وقحب...

مجا تا يكملها تا حس بحنكو غييطر من صفعة لي جاتو من ميرا خرجو عنيييه تيشوف فيها بصظمة مزال ممتيقش بلي تجرأات وضرباتو كرز على سنانو وحمارو عنييه من الاعصاب... ميرا: هذي فحق ديك الكلمة..ودابا درك عليا زلافتك..كنكرهك.. ضارت راجعة فحالها مخلياه مبلوكي فبلاصتو غادا تا سمعات صوت روايض محككين مع لارض بقوة ضارت وطاحو عنييها على وجهو خنزرات فييه وهضرة عمر كيتسمع صداها فوذنيها هبط وتم جاي لعندها...

جود: براافو هذي هي حق الوعود عندك..شنو كنت كديري معاه هاااا قولي اش قلنا....

ميرا: داكشي لي قال بصاااح....

جود: متجوبنيش بسؤال....

ميرا: (علات صوتها) واش داكشي لي قال بصاح واش عرضتي علييه يرجع ليا ونت تخلصو دوووووي...

. جود: خنزر ممسوقش لهضرتها تيشوف فيها باحتقار...

ميرا: يعني مكذبش... 

جود: كذب ولا صدق مكيهمنيش..لي كيهم شنو كديري معااااه.... 

ميرا: .شكون نت باش تدخل فيا اااااا....قووول😡...

جود: متعليييش صوتك😡....

ميرا: طلعتي واحد مكيسواش..نت لي تستاهل ديك الصفعة لي خداااا..بنتي على حقيقتك... 

جود: طلعي تا الدار ونتافهمو على هذ الهضرة... 

ميرا: مطلعااااش... 

جرها من يدها لايحها فالاوطو وهي تتقاومو مي بدون جدوى وطلع كسيييرا وهي تتغوت وهو ساكت مركز مع طريق...تا وصلو للدار جرها تاني مطلعها دخلها وهي كتغوت دفعها على الحيط وسد البااااب خرجات الحاجة وزهرة كيجريو مخلوعيين وهو مصدوم من شاف الحاجة محسابش ليه غتكون هنااا... 

الحاجة: جود😨 ميرا😨 اش وااقع.... 

جود: واااالوووو غير سوء تفاهم الحاجة ... 

الحاجة: سوء تفاهم كيتحا بالخاطر ماشي بالغوات ميرا بنتي... 

دخلات رادخة الباب موراها وهو مشا للصالون وتبعاتو الحاجة...

الحاجة: جود اش واقع اولدي...شنو طرى بيناتكم...

جود: والو الحاجة غير تناقشنا شويه وتقلقات..مكاين والو.... 

الحاجة: فاي حياة زوجية اولدي لابد مايوقعو فيها مشاكل بين جوج ولكن يتحلو بالخاطر والتفاهم ماشي هكا.... 

جود: واخاااا صافييي... 

الحاجة: انا مشييت غير جيت نطل علييكم وصافي.. 

جود: بارك الله فييك حنا راجعين غدا ان شاء الله...

الحاجة: مترجعوش قبل ماتحلو مشاكلكم..واخا اولدي...

جود: كوني هانية..

مشات الحاجة فحالها وهو ناض للبيت لقا الباب مسدود دق مبغااتش تحل وعاود دق والووو ..

جود: مييرا حلييي هذ زبل ولا نفركع بووه حلييي.. مجوباتوش ومسمعش حسها زاد صعر وضرب الباب كيف تحل تحل فمو من الصدمة...

كيشوفيها بصدمة ممستوعبش هذ التصرف ..

.كانت هازة الموس مصوباه جيهتو...

جود: غتقلتني... 

ميرا: تقرب مني نديرها... 

جود: درييها...

بدا كيقرب بشويه بهدوء وهي كتبعد وتترعد تا لصقات مع الحيط وقرب لعندها كثر...

جود: يلاه قتليني اش كتسناي... 

غمضات عنييها ودموعها كيسيلو دمعة مورا اخرى وشنايفها كيترعدو وتتنفس بصعوبة وطلقات الموس وهو خنزر وهبط هزو... 

جود: الى بغيتي تلعبي لعبي بشي حاجة اخرى خلييك بعييدة على هذشي... 

دفعها لجهة لاخرى طاحت تم خارج ولكن مبقاش سمع صوت بكاها ولا تا حركة ضار لقاها منشورة فالارض على كرشها... مشا بزربة لعندها تيحركها ويصرفق فييها مبغاتش تفيق مغيبة مشا للدوش عمر صطل د الماء ورجع خواه علييها عاد نقزات وتحل فعنييها مخلوعة ومشا جلس فالفوتوي قبالتها .. ناضت بتناقل تتشوف فحوايجها لي فزكو بالماء وكيقطرو وشافت فييه راسها عاطيها الحريق هبطو دموعها وجلسات حادرة راسها جامعه رجليها لعندها معنقة راسها تتشهق وهو كيشوف فييها تا عيا وناض هز ليزار لاحو عليبها وخرج للبيت لاخر جلس شاد راسو لي غيطرطق بقوة التفكير عيااان مابقاش فاهم راسوو ياريثها تعاونو وتنهي هذ الصراع لي بين قلبو لي متعلق بها وعقلو لي نافرها وبالخصوص من موفاتش بوعدها وشافت عمر مرة اخرى كن ما لي كارد لي كلفهم يراقبوها كاع مغيعرف بلي تلقات به.. 

#وهي باقا على حالتها جالسة تتبكي من الالم والقهر من لي عاشتو ولي عيشاه ولي كيتسناها تعيشو... ناضت بالحيل تتحيد دوك الحوايج لي فزكو ونشفات شعرها ولبسات حوايج خرين لي لقات تم مع حوايجها كامل مخلياهم فالفيلا... رجعات تكات فوق الناموسية وعنييها منفوخين وجهها شاحب ولحمها زرق من ضرب لبارح شوية دخل علييها غمضات عنييها بزربة دايره راسها ناعسة باش تفادى كلامو وضربو...حسات به جاي جيهتها واقف على راسها تيشوف فييها عرفها منعساش... 

جود: دابا غتعاودي ليا كلشي... 

ساكتة وصاقلة فبلاصتها... 

جود: دوييي كنسمعك... 

حلات عنييها بشويه تتشوف فييه بخوف.. 

جود: تجمعي.. 

ناضت وجلسات وجرا الغطا علييها كتخبي رجلييها..خنزر فييها.. 

جود: بلا مثمتلي عليا دور الشريفة..واخا...

ميرا: نت شنو باغي مني اهئ اهئ.... 

جود: الحقيقة.... 

ميرا: م مانحقكش تعرف..باش كيهمك... 

جود: موحشا العصااا لا؟!!....

ميرا: ن نت علاش كدير معايا هذشي اهئ اهئ..شنو بيناتنا باش تحاسبني وعلاش تمد عليا يدك اهئ اهئ😢...

جود: كنسمعك...

ميرا: ا اش درت ليك انا ب باش ا ذيتك هي قوليا اهئ اهئ😢... 

جود: علاش خبيتي علييا حقييقتك علااااش...واخا زواجنا هي بسمية ولكن ممنحقكش تخبي علييا..غلاش سكتي علااااش...

ميرا: اهئ اهئ خ خفت... 

جود: خفتي من شكون مني ولا من عائلتك..كتخافي اه؟ وفين خوفك من لي خالقك اه ...

ميرا: نت معارف والو اهئ اهئ😢... 

جود: اش غنعرف باقي كثر من هذشي ااه.؟...

ميرا: انا تظلمت اهئ مادرت والو اهئ اهئ😭... 

بغا يدوي وهي يصوني تلفونو هزو وخرج على براا كيهضر سالا هضرتو و رجع لقاها ناعسة تنهد بحسرة بقلة حيلة بندم بكره معارفش يوصف احساسو وجلس قبالتها كيتمعن فيها وفيديها لي زرقو من ضربو غمص عنييه معصرهم بألم فحال ذاك جرح جرحو : علاش هذشي اميرا علاش دمرتي راسك اش داك اش دفعك لداك طريق. شنو مخبيه مزال يا ويلك نعرف كثر من هكا مغنتشرقش عليك شمس الغد..ياريثني تعرفت علييك قبل ماتمشي فداك طريق .ياريث تلاقينا فضروف احسن من هذي..عارف راسي بالنسبة ليك والو غير زواج على الوراق ويكمل كلشي.. ولكن نتي بالنسبة ليا. نتي نتي اميرا اوووف... ناض كيمسح على راسو بعصبية وخرج لبيت لاخر دوش وبدل حوايجو وهز البيسي كيخدم .... 

#بدات تحل عنيها وتتسةف ظلام كان طاح ظلام تتشوف هنا ولهييه كيبان ليها هي سواد حالك مالئ المكان وكيتهيء ليها شي حد قريب منها غيقيس كتفها مرة اخرى تتنفس بصعوبة وتترجف ناضت تتقلب على ساروت دالضو كضور وتبكي مع كل خطوة كيتزاد خوفها دخلات ففاز كبير وطاااح تسمع صوت تهراس والغواات فبيت جود ناااض كيجري...

وصل لبيت شعل الضو ورمقها مخشية فقنط والجاج عاامر لارض... 

ميرا: اهئ اهئ جوووووود... 

جات غدا لعندو وهو كيمنعها 

جود: ميييرا بقااااي بلاصتك بقاااااي... 

فحالا وذنيها تصمكو من الخلعة وطارت لعندو هي عفطات على الجاج طلقات غوته...

جود: شفتي ااااش قلت شفتيييي....

ميرا: اااااااي هئ اهئ اهئ😭😭... 

جود: اجي اجي جلسي..

جر كرسي وجلسها... 

جود: ارى نشوووف...

ميرا: ل لا لا كضرني بزااف اهئ اهئ...

هز رجلها لي عامر دمايات وطرف جاج داخل فيه.. 

جود: ترصااااي... 

حرك جاجه بشويه ولقاه دخل بزااف وكينزف.. 

ناض كيمسح على راسو وهي كتبكي وشادة رجلها من الوجع..ناض هزها وهبط بزربة حطها فالاوطو وكسيرا للوبيطال طريق كامل تتبكي وتغوت وهو صايك بلا عقل بعد ما علم المستشفى وصلو بزربة هبط وهزها وتلاقاوهم الاطباء بالنقالة ودخلوها بنجوها عاد نضفو ليها جرح لي كان عمييق وحيدو داك الطرف لي داخل فيها و الجاج لي تفتت عاد عقموها... اما جود غادي جاي فالكلواار...من خرج طبيب طار لعندو.. 

دكتور: ولات بخير..جرح كان عميق ونزف بزاف مي عمقناه ليها..الحمدلله على سلامتها اولدي... 

جود: يسلمك... 

دكتور: تقدر تدخل لعندها دابا.. 

مشا دخل لقاها فايقة هي شافها تنهد بارتياح وهي تبسمات ليه...قرب لعندها وجلس حداها... 

جود: على سلامتك.. دابا بخيير ياك...

ميرا: الله يسلمك لباااس...

جود: مبقاتش ضراك ياك...

ميرا: لا... 

جود: اممم تمام...

جا غادي وهي تبغي تجي تنوض تلفت كيسولها بعنيه(فين غادة) 

ميرا: ف فين غادي... 

جود: انا راجع..جلسي... 

خرج وهي بقات تا جا فيديه بلاطو د الماكلة...

جود: نزفتي بزااف خصك تعوضي داك الدم...

ميرا: ش شكرا... 

جود: كولي دااابا.... 

حط ليها البلاطو فوق رجليها وتتاكل وهو مشا جلس بعيد علييها شويه وملهي مع تلفونو تا سلات...

جود: ما كليتي والو..

. ميرا: شبعت شكرا.... 

جود: احم واش رجعتي حلمتي نفس الحلم ياك... 

ميرا:ل لا... 

جود: وعلاش داك الغوات كامل....

ميرا: خ خفت...

جود: عارف بلي هذا ماشي وقت هذ الهضرة.... 

ميرا: ك كيفاش... 

جود: بغييتك تعاودي ليا كلشي...

ميرا: ش شنو....

جود: عاودي لي اميرا...

ميرا: م من نكون جاهزة غ غنعاود ليك كلشي... 

جود: وعد؟!... 

ميرا: وعد... 

جود: المهم رتاحي دابا انا برا.. 

ميرا: ااا ل لا... 

جود:؟!!... 

ميرا: ب بيت نمشي للدار.... 

جود: تا لغدا وتخرجي... 

ميرا: و ولكن.... 

جود: تصبحي على خير تا لغدا.. 

ميرا: جوووود... 

جود: نعااام اش كاين تاني... 

ميرا: م متخلنيش بوحدي..خايفه.. 

جود: واخا...

رجع وجلس على الفوطوي وهي عاد تنهدات بارتياح وتكات تا غفاات..اما هو جلس مقابلها تا صبح الحال... فاقت تتحك عنييها لقاتو مكاينش دخل طبيب بدل ليها الفاصمة ومشا ..جات تنوض وهو يدخل... 

جود: فقتي...

ميرا: صباح الخيير... 

جود: صباح النوور...فطري عاد نخرجو اوكي... 

ميرا: مفياش الجوع خلينا نمشيو دابا... 

جود: واخا...

عطاها الفيست ودخلات الممرضة بكرسي متحرك جلساتها فييه وخرجو من للوبيطال هزها تا حطها فالاوطو ومشاو للفيلا... وصلو وتم هازها تاني ودخلها لقاوهم فاالصالون كيفطرو هي شافوهم بدا كلشي كيضور فعويناتو مفاهمينش لاش كل هذ الدلال وعلاش هازها.. 

الحاجة: مرحبا اولدي..على سلامتكم😊 ..

نجاة: احم احم..تقدر تحطها دابا را وصلتو للدار... 

جود: ميرا مضروبة فرجلها يلاه جينا من للوبيطال.. 

الحاجة: هاويلي مالها... 

ميرا( كتهمس فوذن جود) جود حطني... 

جود: انا غنلطعها لبييتها... 

طلعها لبييت والحاجة تبعاتهم حطها على الناموسية وغطاها.. 

جود: ياك ماكضرك...

ميرا: لا بخير...

دخل للدوش والحاجة جلسات عندها... 

الحاجة: بنتي ياك لباس.. 

ميرا: لباس اخالتي هي عفط على الجاج وجرحني...

الحاجة: اوا بقاي تردي البال ابنتي...

ميرا: واخا اخالتي شكرا...

الحاجة: تصالحتو ياك ابنتي...

ميرا: ا اه تصالحنا...

الحاجة: مزيان الله يزيد المحبة بيناتكم... 

بتسمات ليها وبدلاتها لاخرى نفس الابتسامة وخرجات...طلعات ليها الخدامة الفطور وجلسات تتفطر .. 

اما جود دوش ولبس حوايجو وخرج كيسد فصدايف القميجة... 

جود: انا خارج متحركيش من بلاصتك... 

ميرا: و واخا... 

جود: خصاك شي حاجه نجيبها ليك وانا جاي... 

ميرا: لا... 

خرج للشركة وهي كملات فطورها وناضت تتعرج دوشات وبدلات حوايجها وجلسات تتشوف تيلي وميساج فاعل الخير كن ما تلقات مع عمر داك نهار كون عرفاات شكون هذا لي دمر ليها حياتها وقهرها فشبابها وضيع شرفها...

داز نهارها هكا تا العشية من جا جود دخل ولقاها كتفرج... قرب لعندها هاز صاك صغييور فيديو وحطو ليها حداها...

ميرا: ش شنو هذا....!

جود: حلييه وشوفي.. 

هزات الصاك حلاتو ولقات مكانة فالبيض مرصعة باحجار الالماس ..شافت فيه وعاود شافت فالمكانة.. بعدم الفهم... 

ميرا: ش شنو هذي... 

جود: هدية صغييرة... 

ميرا: ا ليا؟...

جود: اش بان لييك..غترفضيها تاني... 

ميرا: م م.. 

جود: ميرا... 

ميرا: ن نعم...

جود: خلينا نساو كلشي ونبداو من جديد...

ميرا: م مافمهتش... 

جود: انا ظلمتك وغطلت بزاف فحقك..طبعا ومعنديش الحق نحاسبك على تا حاجة...ميرا سمحي ليا على كلشي... 

صاقلة غير كترمش فيه معرفات باش تجاوب.. 

جود: خلينا نديرو لعبة. نتعارفو من جديد..انا جود العمري 36 سنة رجل اعمال فمجال النسيج...ونت؟!...

ميرا( ابتسمات ليه) انا ميرا 20 سنة بنت بسيطة... 

جود:(مد ليها يدو) اصدقاء...

ميرا(صافحتو) اصدقاء... 

جود: دابا خصكي تعقمي جرحك وتبدلي الفاصمة...

ميرا: و واخا انا نبدلها.. 

جود: رتاحي انا نداويه... 

مشا وجاب معاه علبة الاسعافات وجلس كيداوي جرحها وهي تا سلا..

ميرا: ش شكرا...

بتاسم وناض دخل لدرسينغ خلاها فحال ضربتيها الضو شي حاجه كتغلل فقلبها وتحرك مشاعرها حسات باحساس زوين وقتها والابتسامة باقي مرسومة على فمها.. خرج من الدوش وجا تكا حداها مغمض عنييه وهي كتفرج وتشوف فيه مرة مرة... تا علموهم يهبطو يتعشاو.. ناض وعاونها تا ناضت كتعرج وهبطو تعشاو وطلعو للبيت سبقات وبدلات حوايجها وتخشات فالفراش وهو جلس كيتفرج تا عيا عاد مشا نعس على الفوطوي...

#صبح صباح فاقت ملقاتوش ناض بكري للخدمة وفالليل عندهم حفلة فاوطيل محمد.. دوشات ولبسات حوايجها وهبطات تفطر.. 

الحاجة: صباح النووور ابنتي كيف صبحتي... 

ميرا: صباح الخير اخالتي ..لباس ونتي..

الحاجة: الحمدلله...كي بقات رجلك لباس...

ميرا: ولات لباس ومبقيتش تنعرج بها... 

الحاجة: حسن نيت باش تباني بكامل اناقتك فالحفلة ديال اليوم...

ميرا: حفلة..اينا حفلة..؟!!.. 

الحاجة: غتداى حفلة فاوطيل محمد ولد هبة..

ميرا: ا اه... 

الحاجة: وجدي راسك مع ديك 7 د العشية..را وصيتهم يجيبو ليك لي غوب صواغي تعزلي لي بغيتي..

ميرا: ربي يخلييك... 

كملات فطورها وطلعات لبيت تصلات بماماها واية ومبقاو مجمعيين شحال تا وصلو للفريق لي غيجهزوها للحفلة... تغدات ودوشات عاد طلعات لعندهم 3 د البنات مكلفين يوجدوها وراجل مكلف بالمكياج...ختارت غوب فالكحل طوييلة ومشبكة من الظهر ومرصعة بحجيرات رقاق من الصدر مع مايك_اب...دازت العشية كامل تيوجدوها كل واحد وباش مشغول المنييكير والبدكيير والمكياج وشعر ... ماوصلات 7 تا كملو ليييها وجات سوو كيوووت 

#رجع جود من الشركة سول على ميرا قالو ليه را كاينة فالبيت لاخر تتوجد راسها لحفلة.. طلع لبيتو دوش ولبس كوستيم فالكري غاامق مع قميجة بيضة وبابيون وساعة فالذهبي وهبط للتحت لقا ماماه موجودة والحاجة تتفرج مغداش...قالو للخدامة تعلم ميرا بلي واجدين وكيتسناوها...

تمات هابطة تتقرقب بالطالون وهازة الكسوة بيدها من القدام وجرا من للور حيت كلووش جود كان تيخربق فتيلي تا سمع صوت طالون وتلفت لمعو عنييه وتدغدغ قلبو وقشعر فحال ضربو الضو من شدة الاعجاب بها ساهي ومبتاسم تا فاتو ومشاات عند الحاجة لي كتحمحم ومايتة بضحك من جود لي ساهي فييها وميرا عجبها الحال وحمارت.. 

رجع خنزر يخبي داك الاعجاب اما را تفضح... 

الحاجة: تبارك الله وصلى على نبي جيتي كتحمقي سعدات ولدي بيك❤❤... 

نجاة: هي لي سعداتها بولدي لي كاع البنات كيتمناوه... 

الحاجة: ما يلقى حسن من ميرا...

ميرا: شكرا الحاجة😍... 

جود: خليونا نمشيو..الحاجة ردي البال لراسك وشربي دواك فالوقت واخا.. 

الحاجة: هي كون هاني اولدي...

باسها ومشا وتبعاتو نجاة ..

اما ميرا سلمات على الحاجة عاد مشات طلعات مع جود للقدام ونجاة ركبات فاوطو اخرى.. 

ميرا: كاع مقلتي لي كاينه حفلة... 

جود: قلت لسهام تعلمك باش توجدي راسك...

ميرا: الاوطيل مبعييدش ياك...

جود: ماشي بزااف... 

ميرا:وكي.. 

جود: بالمناسبة..جيتي زوينة.. 

بتسمات وحدرات راسها: شكرا...

هزات تيلي تلف بيه الوقت وهو كيشوف فيها تا وصلو هبطات غدا وتتخشي التليفون فالصاك بلا متشوف فين كاينة جود: ندخلو... ميرا( هي طلعات راسها باش تجاوبو وهي يبان ليها المكان صفااارت وخرجو عنييها تتشوف فالبلاصة ودموع عمرو عنيها هو نفس الاوطيل لي جات ليه هي ونوال هنا خسرات شرفها هنا فين تدمرات فين تحطمات ..جود كيشوف فيها مفاهمش.. 

جود: ضراك شي حاجة...

ميرا: م ن ن ب...

هجمو الصحافة دغيا كيصورو فيهم شد جود فيدها لي كترعد وتعرق وهمس فوذنها: نت لباس...

ميرا: ا لباس لباس... 

دخلو مع بعضياتهم وهي تتشوف فالمكان بصدمة وتتحاول تبتاسم باش متيرش انتباه الصحافة مبتاسمة وكلشي فالداخل ديالها كيبكي ويغوت...حاصرة دموعها بزز باش ميفيضوش رجعات لنفس البلاصة نفس الاوطيل نفس النقطة... كيسلمو على الناس وهي مرفوعه غير كتصافح بزز باش واقفة كتمشى ورجليها كيرجفو شويه وطيح وقلبها كيزدح ويردخ سالو دموعها ودغيا مسحاتهم واستأذانت منهم ومشات بزربة داخلة وتخبات مورا لباب تتبكي خايفة ترون مكياجها كامل ومشات جررا رجليها بزز تتقلب على الحمام دخلات غسلات وجهها وعاود صوبات المكياج كتستعاذ بالله وتقنع راسها بلي داكشي داز وهي دابا بخيير تمات غدا خارجه تا رمقات دروج لي كيديو للغرف الفوق لابد ماطلع هي باقا عاقلة على الغرفة يمكن تلقى دليل ولا تسول شي موضفة شكون شاد ديك الغرفو نهار 15/6/2017...مسحات على وجهها كتهذن راسها وتمات غدا طالعه مع كل درجة قلبها كيبغي يطيح ورجليها كيفشلو كثر طلعات وتمات غدا جيهة ديك البيت تا وقفات مقابله معاها فهذ البييت بالضبط تسلب منها شرفها تسرقات ليها شي حاجه غاليية وتعذبات تقهرات وبكات تا كلات العصا كااع...هزات رجلها لبيت تتقرب وترجف تا بغات تحل باب لغرفة وهي تسمع صوت بنت موراها.

.. .....: مدام ممنوع دخلي لهذ الببت حيث خاص... ب

دا ليها هذ الصوت مغريبش فحال سمعاتو من قبل ضارت وهي تصدم ولاخرى تصدمات كثر منها... 

ميرا: ن نت😨😨😢...

(مريم هي لي تفقات مع نوال باش يوقعو مبر فالفخ و كبات عليها العصير وداتها لبيت) 

مريم: م ميرا😨 ش شنو كديري هنا... 

ميرا: ن نت لي م مستحيل هذشي اه ك كنت نتي..نتي لي جبتيني لهذ لبيت و و😭...

مريم: م مافهم متش😢😢... 

ميرا: د دابا غتقولي ليا كلشي...ش شكون هو شكون لي كان فهذ البيت ديك لليله وعلاش ا انا دووييي😠😠...

مريم: ماعرفتكش على شنو كدوي😢... 

ميرا: لا فاهمة وعارفة مزيان..دابا اما دوي واما ودعي حياتك.. 

مريم بقات هي كتقفقف ماعرفات اش تعمل واش تفضح كلشي ولا تسكت..الى دوات نوال غتندمها واي حاجه متعلقة بديك لليلة الى صرحات ليه غيقتلها جود..ومن جهة هذي لي معصبة قدامها علم الله شنو غدير ليها..وميرا تتقرب منها وكتنهج ولات حمرة بالاعصاب... 

ميرا: يلاه دوي😠😠

.. مريم: و واخا انا غن نعاود لك ك كلشي هي تهذني... 

#فحيين جود لي تشغل مع معارفو وكيتسنى فميرا لي تعطلات وتشوش عليها حيت من دخلو مكانتش لباس وصيفط واحد الموضفة تعيط ليها من الحمام مي من رجعات قالت ليه مكيناش تماك...ومشا براسو دخل وسول لكارد لي وقف تماك وقاليه را طلعات للفوق وتم غادي طالع يشوفها.. سمع صوتها وتبعو منين جاي وتم غادي لديك الجهة...

ميرا: دوي حسسسن ليييك😠...شكون صيفطك لعندي شكون هذاك دووووي.😢.. 

مريم: ن نوال... 

ميرا: ش شنو...

مريم: نوال صاحبتك هي مور داكشي كاامل...

ميرا(بقات مدة جامدة فبلاصتها تصمكات ومتحركاتش من الصدمة مبقاوش عنييها لي عمرو بدموع كيرمشو.. 

مريم: هي لي وصاتني نكب عليك العصير ودارت لك داكشي... 

وقف علييهم جود كيشوف مرة فمريم ومرة فميرا ومنين كيعرفو بعضياتهم الله اعلم ولكن شاك بلي وقعات شي حاجة من وجههم... 

جود: مييييرا...!! 

تلفتات ميرا تتشوف فيه ومريم كتقفف معرفاش بلي جود كيعرف ميرا ولا بلي هي مراتو... 

جود: شنو واقع هنا؟....

مريم: ا ا لا لا و والو هي سولاتني على الحمام... 

نقل عنييه كيشوف فميرا تابثة فبلاصتها حلا فمها ودموعها كيهبطو... 

جود: (بشك) ميرا اش كاااين... 

مريم ستغلات الفرصة ومشاات هاربة..قرب لعندها كيضربها فحنكها بشويه.. 

جود: مييرا اش وااااقع ...

مالك..؟!.. ميرا: دمراتني .كانت صحبتي وختي وولات سباب عذابي..

جود: مافهمتش..شكون ؟... 

ميرا: مغنرحمهاش غتقتلها غنقتلهم كامليييين دمروني وقهروني فشرفي...ضحكو عليا اهئ اهئ اهئ 😭ضحكو علييا... 

جود: ميرا خليبنا تا الدار ونهضرو دابا تبثي الصحافة وكاع المعارف هنا مناقصنيش شوهات..انا علمتك..

ميرا: (الصمت)... 

جود: كلامي مفهموم...

اومات ليه براسها باه هي كاع مكيناش فهذ العالم ولا سمعات كلامو ..شدها من يدها وجرها هابطيين للتحت وكل العيون عليهم تا واحد فيهم ممبتاسم هو بملامح عادية خالية من الحزن والفرح وهي علامات الصدمة كسات وجهها... 

ميرا: ب بيت نمشي لدار... 

جود: واخا... 

تماو خارجين وحل ليها لكارد الاوطو وطلعات... 

جود: الشيفور غيوصلك..

. رجع واوما لواحد من لكارد ديالو براسو باش يتبعو ودخل للمكتب ولقا مريم جالسة وجوج رجال ضخام واقفين على راسها اوما ليهم براسو يخرجو... وجلس مخنزر فمريم لي ركباتها الخلعة وكترعد....

جود: فين كتعرفي مييرا... 

مريم: م مكنعرفهاش... 

رمقهها بنظرة تهديد وبلعات ريقها ... 

مريم: ك كنت شفتها ف فواحد الحفلة هنا فالاوطيل... 

جود: مع من... 

مريم: م مع راجل اسيدي... 

جود: (كرز على سنانو) ومن بعد...

مريم: من ب بعد باتث مع سيادتكم ديك لليلة... 

خرجو عنييين جود فييها حمار من الصدمة ومن الاعصاب تا ولاو عروق جبيو بازين ووجهو كيعرق فك لكرفاط بعصبية حاس براسو كيتخنق ماقدرش يستوعب كلام هذي بلي ميرا كانت معاه تاهي فشي ليلة فحال لاخرببن اما مربم خلعها شكل جود غير كتقفف وخايفه لتفضح بغات هي يكمل هذشي وتهرب من تهديدات نوال معرفاش علاش جود مهتم بميرا وعلاش كيسول هكا ومعرفاش تا بلي هي مراتو... 

جود: متأكدة من كلامك... 

مريم: ا اه متأكدة اسيدي... 

جود: خرجي... 

مريم: اااا😮!...

جود( بالغوات) قلت لك خرجيييييي😠😠...

ناضت تتجري خرجات وقلبها غيوقف من الخلعة اما هو ضرب داك الكرسي تا تفلق وغادي جاي فالمكتب صااعر مصدوم تاهو صدق داير معاها علاقة ومن ولات تتجي تا لهذ الاوطيل غيكونو كاع صحابو ومعارفو دازو علييها وفوقها جابها معااه كزوجة ولا ضحكة بيين الناس صافي شوهاتو بمعنى الكلمة جود: علاش اميرا درتي هكاا علاش خليتي لي يسوا ولي ميسواش يقيسك ويلعب بيك..علاش اميرا دمرتي راسك وغتكوني سباب دماري تا انا..علاش قتلتي ديك البراءة لي فوجهك ولطختي طهارتك عمري ماتخيلت بلي يمكن شي بنت من هذوك تولي مراتي شي نهار..وعمري تصورت نبغي شي وحدة تكون هكا..عارف ماعنديش الحق نحاسبك حيت هذيك حياتك ولكن علاش كنتحرق من لدااخل علااااش ..علاش كنموت من نتفكر هذشي ياربي لطفك بيا ..

#وصلات ميرا للدار طلعات وبدلات حوايجها وتكات كتبكي وتفكر فهضرة مريم..كتفكر ايامها معا نوال فلفاك وزبابلهم هضرتهم اسرارهم ضحكاتهم وهبالهم...شحال ضحكو مع بعضياتهم وبكاو مع بعضياتهم لسنوات فالاخير طعناتها على ظهرها ما حسبات حساب ديك الصداقة ولا دارت بوجه دوك الايام..البنت لي عتبراتها صحبتها وختها غدرات بها ودمرات لييها حياتها كلييا وقضات على شرفها وعذباتها.. واش كاين احقر من هذ الانسانة واش هذي صداقة يبني بنادم سعادتو على حساب تعاسة انسان اخر واش ذيك السعادة غتكون مع راحة البال والضمير... منعساتش لليل كامل مرة تكى ومرة تضور فالبيت تسنى جود لي مرجعش خايفه بزاف وجود هو الشخص الوحيد لي كيحسسها بالامان واخا من تيكون معصب تتخاف منو #باث فاوطيل فايق فحالها تماما فكرة تديه وفكرة تجيبيو تاصبح الحال يمكن توصل لقرار مي مقادرش يطبقو شي حاجه كتمنعو..

#نااض دوش ولبس حوايجو ومشا للشركة...

محمد: صبااح الخير..

جود: اهلا...

محمد: مال وجهك نت لباس.. 

جود: بخيير...تاصل ليا بالمحامي..

محمد: ياك لباس.. واقعة شي حاجة؟...

جود: قلت تاصل... 

محمد: احم واخا...

خرج محمد وجود هز شي وراق كيشوفيهم باينه شي حاجه فراسو هذ البرود كامل مكيبشرش بالخيير...

اما ميرا هي صبح الحال دوشات ولبسات حوايجها وخرجات شدات طاكسي وصلاتها حدا دار نواال.. هبطات تتشوف فدوك زناقي لي لطالما شهدو على صداقتهم ووفائهم لي كان زمان..دقات الباب وطلات كريمة ..

كريمة(عمة نوال): ميرا مرحبا وسهلا تفضلي...

ميرا: نوال كايينه...

كريمة: اه كاينة ابنتي... 

دخلات وطلعات جييهة الصالون لقاتها تتقاد الصالون هي شافتها خنزرات.. 

نوال: ياك لباس اش جاب لعندي مع صباااح... 

مزال مكملات هضرتها تاجاتها تصرفييقة من حيث لاتعلم وهي مصدومة مخرحة عنييها فميرا.. 

نوال: اش كيسحاب ليك راسك. ..

جات تضربها وهي تصدها... 

ميرا: اش كيسحاب لي اه؟!...كيسحاب لي عرفت نختار صحباات وختارتك نتي درتك ختي لي معنديش..شاركتك الحلوة والمرة فحياتي .عمري خبيت عليك شي حاجة ولا بخلت عليك شي نهار بلي عندي. عطيتك كل ماعندي عطيتك الحب والثقة وقفت بجنبك وساندتك فرحت لفرجك وحزنت لهمك كنتي ختي كنتي كلشي اهئ اهئ ولكن نت شنو درتي نت طعنتيني فظهري ونويتي دمريني ونجحتي ديتي لي اعز ما عندي اهئ اهئ عذبتيني فشبابي وقهرتيني فشرفي اهئ اهئ اش درت لك انوال علاش قتلتيني اختي تقث بك ومشيت معاك وتت حافرة لي قبري اهئ اهئ😣... 

نوال: انا مادرت ليك والو ومعرفاش كاع على شنو كدوي😑...

ميرا: مدرتي والو اه،...شنو لي مزال مادرتيه..درتي كلشي ودمرتيني... 

نوال: انا مادرت والو عجبك تيقني ولا بلاش وبلا متصدعيني سيري من هنا... 

ميرا: اه غنمشي غنمشي ولكن بعد ماتبيني على حقيقتك...

نوال: بببفففف...

ميرا: وتا من عمر خصو يعرف كلشي...

نوال: ع عنداااااك خلي عمر فتيساع ونحلو هذشي بيناتنا...

ميرا: غنشوفو... 

خلاتها ومشات ونوال لبسات برزبة ومشات تبعاها فطريق... 

نوال: تسناااي ميييرا وقفييي.... 

مدتهاش فيها وهزات تيلي خرجات ابيل لعمر وحطات تيلي فالجيب عاد وقفات...

نوال: وقفي خليبنا نصلحو الامر بلا مدخلي عمر عفااك...

ميرا: (متحكمة فاعصابها بزز) علاش مابغتيهش يعرف بلي نت سباب فهذشي كامل لي انا فييه...

نوال: انا ماسباب والو راك هي ظلماني... 

ميرا: براكه ماتنكري ..عتارفي بلي خدتيني لديك الحفلة باش تغدري بيا و وصيتيي داك الراجل يتعدا عليا...

نوال: نتي لي مشيتي بخاطرك... 

ميرا: ومن تغتاصب واش بخاطري ؟..

. نوال: شوفي انا ..

ميرا: مريم عودات لي كلشي وادابا اما تعتارفي و اما غنمشي نعاود لعمر كلشي... 

نوال: هاها وسحاب ليك غيتيقك...

ميرا: غيتيقني حيث عندي دليل وشهود...

نوال: دليل؟.. 

ميرا: اه تسجيل الكاميرا(كذووب😂) فالاوطيل فيه كلشي..

نوال: ش شوفي ا اميرا ا انا ب ب...

ميرا: انا غنعاود لعمر كلشي وغيعرف بلي نت لي فرقتينا وصيفطي راجل يتعدى عليا... 

نوال: ا انا ندمانة بزاااف اهئ اهئ لعب بيا شيطان ودرت د داكشي.. ع عفاك ماتقولي لعمر والو...

ميرا: الى كان تيسحاب ليك غنسكت فراك غالطة... 

جات تمشي وهما يشوفو عمر نوال خضارت وصفارت وضارت بها الدنيا اما ميرا بلغات مرادها جات نوال تهضر باش تأكد بلي سمع شي حاجة ولا يلاه جا.. 

نوال: ع عمر ل لقتيني ج ح ...

شدها من شعرها ودفعها على الحيط تا تفلق ظهرها...

عمر: ياك ابنت الحراااام انا تقت بك ونت شنو درتي ااه😡... 

نوال: اهئ اهئ ا انا درت ك كلشي على قبلك..حيت كنبغييك...

عمر: والله يامك تا تخلصي كلشي بالضوبل... 

خنقها بديه وهي كتحاول تفك منو اما ميرا بقات واقفه تتفرج مقصحة قلبها وضارت تمشي تا وقفها عمر...

عمر: م ميرا... 😢

ضارت لعندو تتشوف فييه بمعنى شنو باغي.. 

عمر: س سمحي ليا... 

ميرا: فات الوقت على سماح اعمر..مي مزيان من توضح كلشي وبانت هذ الغدارة على حقيقتها... 

عمر:(جا يشد يدها وهي تهربها وبعدات علييه)ب بقا كتبغيني ياك...

ميرا: اي وحدة مزوجة ماكتبغي هي راجلها اعمر... 

عمر( دمعو عنييه وحدر راسو بأسف وهي واقفة كتحلل داك الشعور لي كانت تتحس به جيهتو فين مشا... اما نوال هزات تيلي صوراتهم وصيفطاتها لجود مع العنوان وناضت تتبكي باش تلهيهم بالهضرة وقفات قبالتهم.

نوال: ا انا ع عارفه راسي غ غلط فحقكم بزااف..مكانش خصني ندير هكاك ونفرق جوج كيبغيو بعضياتهم لهذ الدرجة اهئ اهئ..س سمحوليا بزااف😢..

عمر: تصبحي وتباتي طلبي السماح عمري نسامحك انا بعدا... 

نوال: اهئ اهئ الحب عمى لي قلبي..ولكن م مزال الحال باش ترجعو لبعضياتكم و وانا غ غنعاونكم.. 

شدات فيد عمر ويد ميرا لي واقفه مصدومة من هضرتها وحطاتهم فيد بعضياتهم مبتاسمة وهما مستوعبوش كيفاش ستسلمات ديك نوال وولات كتهضر هكا...

نوال: ا انا غنعاونكم ت ترجعو لبعضياتكم... 

ميرا: (جات تحيد يدها من يد عمر وهو زير علييها..

عمر: ع عفاك اميرا..خلينا نعطيو فرصة اخرى لحبنا..

ميرا: عمر طلق مني يدي😡... 

عمر: ميرا عارف راسي جرحتك بزااف وخليتك تعاني ومساندتكش غلط فحقك بزاف وكنتمنى تسامحيني..رجعي ليا اميرا غنعوضك على كل لحظة بكيتي فيبها..(هز يدو كيقيس شعرها شعرها وهي مفاهمة والو ومحضراش غارقة فالتفكير.. كيفاش باغي ترجع ليه وهي مزوجة وعلاش متيقهاش فالاول علاش مسمعش ليها.. وقف جود كي رعدة كيشوفيهم و فيد عمر لي شادة فيدها وليد لاخرى كيقيس بها شعرها حس بالعافيه شاعلة فيه لداخل وقلبو كيتقطع طروفا كيشوف شي حاجة كتخصكو بين يدين شخص اخر وهو عمرو قرب ليها كيما عمر قرييب لييها دابا... 

عمر: ميرا انا كنبغييك وعارف بلي باقي كتبغيني...

جود:(كيصفق) برافو برافو برافو... تلفتو بثلاثة مصدومين.. 

جود: احم سمحو ليا خسرت ليكم هذ المشهد الرومانسي... 

ميرا: فكات يدها من يد عمر وزيرات على الصاك بخوف كاان فحال ثور هايج...

جود: تفضلو ..كملوو..

نقزات نوال: تا انا هذا رأيي نخليوهم يكملو حياتهم مع بعضياتهم حراام جوج كيبغيو بعضياتهم يتفارقو... 

عمر: اه نوال عندها الحق...

نوال: اوا حسن طلقو بزربة بلا مضيعو فالوقت... 

جود هي كيشوف فميرا لي فضحوها دموعها وبداو يهبطو.. عمر: طلقها... 

علات عنيها مصدومة من هضرة عمر وجود وبدا يقرب لييه تا لصق معاه وبان عمر حداه فحال برهوش صغيور دفعو جود.. وعمر تم جاي باغي يكروشيه ولكن لوا ليه يدو للور صعر بالبيان وكيضربو ببونيات فكل جهة من جسمو وميرا عاد فاقت من سباتها وتدخلات تتفك ولاخر جبد الموس..

عمر: يلاه قرب.... 

جود بتاسم باستهزاء وبدا كيقرب بلا مبالاة...

ميرا: عمر حيد داكشي واش حماقيتي..جود بعد علييه جوود...

كتحاصرو وهو كيصدها بيد وحدة وعنييه عامرين بالحقد و الكره حمارو من الاعصاب. برزو عروق يدو وجبهتو والقميجة غطرطق من ضخامة ذراعو.. 

عمر: خليه جاي لموت برجلييه...

ميرا: جووود عفاااااك تهدن..عمر حيد داكشي برااكاااا... 

دفعها بيد وحدة تا طاحت ومشا لعمر ضربو وطيح الموس وبقا عليه بركيل ولاخرى كتغوت ونوال كتفك تا دخلو شي رجال عاد فرقوه علييه بعد ماصبح كلو دمايات وجود قاد كوستيمو فحال ما واقع والو وجر ميرا وهي كتبكي وخايفه. تا طارت من بلاصتها دفعها للاوطو بجهالة تا عواجت وكسيييرا...

ميرا: فيين غادي بيا وقف وقففف....

جود: سديييي فمك😠... 

ضربات طم وسكتات كتبكي وتشهق وهو صاك طاااير تا من الاضواء مبقاش حتارمهم وهي شادة فالكوسان مخلوعة ومغمضة عنييها تا مشات بهم الاوطو ورجعات وقف وهبط وعاد حلات عنيها تتشوف فالبلاصة خاوية وكرااج كبيير محوطو صور عالي زادت تخلعات كثر وكمل عليها من حل الباب بجهد وجرها من شعرها كتغوت طاحت لارض وبقا جارها مغمض عنييه كيضعاف وهو كيشوفها كتعذب مي تستاهل كيفاش فكرات فطلاق ومدارتش بحسابو. كيفاش سمحات لراسها تخليه يشد فيدها ويغازلها. كيفاش باقي تتبغيه بعد هذشي كاامل. علاش موفات بوعدها ليه..علاش دخلات لقلبو وهي كتفكر تبعد علييه.. كضرب بالاحجار والشوك تغوت مخليا صاكها وصنادل كل وحدة فين طيحاتها ماوصلها لكراج تا غفر ليها ربي. دخلها ودفعها ودخل لواحد الغرفة وهي كتغوت النفس كيتقطع ليها ويديها سالو بالدم اما راسها مابقات حسات به من تجرجير وحوايجها فحال غمستيهم فتراب جات تنوض تهرب وهي عاود طيح خرج وفيدو قنبة شافتهم وتحل فمها 

ميرا: ا هئ اهئ اهئ لا لا ..اش باغي دير خلينييييي اهئ اهئ ااااااااااااااااااااهئ😭😭..

جود: باغا طلاق ييياك غدا كتلقاي ليا الخ.... 

ميرا: ل لا لا عفااااااااك اهئ اهئ لااااا خليني...

جر رجلييها وربطهم وربط يدها وهي كتركل وتلوى فالارض باش يفكها... 

ميرا: ااااااااهئ اهئ ااااااااااااه طلقنييييي اعباااد اللله وافكنيييييي اهئ اهئ😭😭.. 

جود: نتي لي جنيتي على راسك ودابا لابد ما دفعي الثمن...

ميرا: ااااااااااااااااااهئ اهئ جووود جووود عفااااك... 

جود: عنداااااك تخرجي سميتي من فمك نذبحك واش كتفهمي نذبحك😡... 

ميرا: اهئ اهئ الله ياخد فييك الحق الله ينتاقم منك تفوووو حماااار...

هز يدو تا لسبع سموات وعطاها للوجه داخت وزادت فالغواات والبكا وشهيق... 

جود: دابا غتهضري بزز منك..اش مشيتي ديري عند داك الشماتة هااا...

ميرا: اهئ اهئ فكني خلنيي نمشي فحالي ع عفاك..واعبااااااااد الله عتقوووووووووووني...

جود: غوتي خدي راحتك مكاين لي يسمعك.. .

ميرا:حشومة علييك طلقني مديرش فيا هكا اهئ اهئ...😢 

جود: علاش مشيتي لعندو اش قلنا هاا ..لا و شادين فيدين بعضياتكم..(شد يدها )كنت شدا ليه فيدو بهذ اليد..

(رجعها لارض وركلها طلقات غووووته من الحر والالم مقداتش تحركها باقي ولا حسات بها.). .

جود: وبقا كيقيس فشعررك تاهو ونتي عاجبك الحال ومخلياه...

ميرا: ع عفاك براكا اهئ اهئ اهئ...

تجاهل بكاها لي اصلا كيقتلو مي من يشوف القلب شي حاجة مبغيهاش كيقصاح كان باغي يعذبها كثر ولكن ماقدرش قلبو كيمنعو...

قرب لعندها وهي كترعد وتشهق... جود: شفتي فين وصلتي راسك ووصلتيني معااك شنو دابا ااه واش مقدرتيش توفي بوعدك ليا غير تا نطلقو وتمشي لجهنم لي بغيتيي المهم ماحدك على رقبتي تاحد مايقرب لييييك واااش كتفهميي😡.. ميرا: اهئ اهئ اهئ.. جود: اوووف فرعتي لي راسي بالبكا سكتيينا😡.. ضار وفك ليها يدها جمعاتهم تتفرك فيهم من الحريق والالم والخدوش حمارو وخلات القنبة لاطراس.. ميرا: اهئ اهئ...الله ياخد فييك الحق ..الله يلكييها ليك اهئ اهئ... مدهاش فييها وفك ليها رجليها تاهما... ميرا: الله ينتاقم منك..اهئ اهئ.. جود: تزيدي كلمة اخرى بربي نعلقك تم... ميرا: اهئ اهئ واش ماعندكش قلب يحس ماعندك ضمير اهئ اهئ..ربي ينتاقم منك... جود: اتسكتي لا😡... سكتات وكتخنصص وكتشوف فيديها ورجليها وحوايجها دخلات بحالة وغتخرج بحالة.. جود: قدااامي يلاه... دفعها تا جات طايحة وعاود هزها ولاحها فالاوطو وكسيرا .. ومشاو لبرطمون وصلو وطلعها بزز وتجرجير دفعها البيت وسورتو ميرا: حل البااااب جوووود حللللل اهئ اهئ حل البااااب جوووووود جوووود... طفا الضو من برا وخرج وخلاها كضرب فالباب وتغوت بصوتها العيان تا سمعاتو خرج طاحت لارض كتبكي وتنوح وتشهق مدازش علييها قلييل الموت اهون وارحم من هذ الحياة كاع الالام واوجاع دنيا دازو عليبها من فقدان الاب والحبيب والشرف..والغدر من صاحبتها وتجبرات على زواج. تسلخات وتعذبات تقهرات وسهرات ليالي وضاع الامل...ناضت للدوش تتجر رجليها ومسندا على الحيط طلقات الرشاشة وطرفات حالتها وخرجات تكات... #اما جود رجع للفيلا دوش ولبس حوايجو وخرج .طريق كامل كيتفكر كيفا كانت تتبكي كيفاش كانت ضعيفة قدامو ندم يايثو ماضربها ياريثو بعد فديك الوقيتة من كان معصب ومقسهاش مي تستاهل باش عمرها تفكر فطلاق تاني مكانش باغي يطلقها حيت وضع الحاجه باقي فخطر ومباغيش يقلقها ويحشمها مع ختها رحمة(جدة ميرا)...ولكن لابد مايحط لهذشي حد لابد من طلاق وكل واحد يمشي فحال سبيلو مكتناسبوش ولا كيناسبها.. قلبها ملك راجل اخر وجسدها كما داز علييه دازو علييه اخرييين.. كلما حاول ينسى مايقدرش مع انه عطا فرصة باش يبداو من جديد ولكن هي مقدرتهاش ..عافها من جديد وضرب الفولون ووقف حدا البحر باغي يرخي اعصابو لي تلفو من نهار دخلات ميرا لحياتو قلباتها.. #بدا الحال كيظلام وميرا محبوسة فالبيت كطل فشرجم ليمكن يبان ليها جاي وميخليهاش فداك الظلام لي تتخاف وترعب منو راسها ضارها وجروح لي فكاع جسمها عاطينها الحرييق. وقلبها لي تكسر وتمزق اشلاء ماكاين لي يداويه جالسة فحال بنت يتيمة وحيدة فهذ دنيا.. فحال غصن شجرة تكسر وطارت بيه الريح لبعييد.. فحال وردة قطفوها وتلاحت تتعفط عليها اقدام المارة .. ضائعة فدنيا تتشوف فلي غادي ولي جاي وهي حياتها كما هي باقا فنفس البلاصة بعدما كلشي خلاها شي كيضرب شي كيحكم وشي كيغدر ..دموع وقفو فحجر عنيها غمضاتهم بألم. بوجع لي كيقطع قلبها وكينزف..قدرات تمحي عمر من قلبها ولكن مقدراتش تمنع جود ميدخلش ليه.. اما هو باقي قدام البحر ساهي ضائع فحالها تمام معارفش شكون الظالم وشكون المظلوم واش هو لي بغاها وصدق فما يحمد عقباه ولا هي لي تسلب منها كلشي..يمكن اي جوج مجروحين يتجمعو ويداويو جروح بعضياتهم..الا هذو مجروحين وكلما تلقاو كلما تزادت جروحهم وتعمقااات( احم هذي كان قالها لي راجلي قبل منتزوجو😂)...ظلام الحال وتفكرها بلي كتخاف من ظلام مباغيش يعذبها كثر .رجع للاوطو ديالو وتم راجع للدار حلو بشويه ومشا لجيهة بيتها.. وهي نتاشر ظلام فبيتها ناضت مفزوعه بعدما كانت ساهية خافت وبقات كتقرا للقران شافت للسما وبدات تخرج لي فقلبها.. ميرا: اهئ اهئ ياربي عاوني..ياربي مابقيت قاده نتحمل هذ العذاب. ياربي شوف من حالي راني عييت..باش من ذنب كندفع الثمن وتبليت..باش من حق كيأذيوني اش درت ليهم باش يعذبوني. انا عمري اذيت حد اهئ اهئ عمري تشكيت من حد ياربي..اشنو لي باقي مدازش عليا تعذبت بما فيه الكفاية..ياربي كيف قدرتي تجمد مشاعري وانا قدام عمر .كيما قدرتي تخرجو من قلبي .حررني من هذ الوحش ياربي فكني منو ياربي ونجيني من عذابو... ياربي مادرت لابيدي ولا برجلي وتمحنت ..ياربي ماغدرت وماكذبت وتعذبت..ياربي نت عارف لي داز عليا و شاهد عليا وعارف لي فقلبي من نية.. شد فيدي وغفرلي ياربي الى خطأت وعوضني على كلشي وخد لي حقي من لي غدرني وقهرني ياربي... #سمع دعائها لي تسرب لقلبو فحال الخناجر بعد بشويه بلا مايصدر حس ومشا لببت اخر حيط لمونطو وصوتها وهي كدعي كيتسمع صداه فوذنييه اش غيدير بلاتو تلفاتو مابقاش قادر يحسم امورو.. ناض غادي لبيبتها حل الباب وتلفتات ليه ناضت بزربة كتبعد منو وهو كيقرب...

كتبعد وهو كيقرب.. 

ميرا: ب بعد مني اهئ اهئ😢😢.. 

جود: ششش ماتخافيش.. 

ميرا: اهئ اهة بعد مني😢... 

يلاه بغا يشد يدها وهو يشوف داك الجسم صغييور لي كان واقف قدامو منشور فالارض..هزها بزربة حطها على الناموسية وكيهزز فيها مبغاتش تفييق ليه جاب الما رشها وشمها الريحة عاد بدات تفيق وتحل عنييها ببطئ وكتكح حلات عنيها تتشوف فيه ولونو مخطوف..هرب عيينو بزربة كيتفادى يشوفيبها كيتفادى نظراتها لي كلهم لوم وندم ويمكن تا حقد واخا مزال مفهماتش داك الشعور لي كتحس به وهو حداها علاش مكتكرهوش.. قاس جبهتها ملقاش فيها سخانة...وتفكر بلي مكلاتش وناض طلب الماكلة وبدل حوايجو بين ما وصلات .. وهي غمضات عنييها بألم مدواتش باش متقفرها تاني ويصبح سالخها ياذوب جسمها يتحمل لي مر به اليوم..

دخل هاز معاه لماكلة رمقاتو بنظرة فشكل وقرب حط الماكلة حداها.. 

جود: نوضي تاكلي... 

ميرا: الصمت..

جود: ماكتسمعيش.. 

جات تنوض مقداتش عاونها تا ناضت وحط ليها الماكلة يدها ليمنية لي ركلها مقداتش تحركها شاف فيديها لفاهم مجروحين ومخدوشين ضار لجهة لاخرى غمض عنيه بندم هز الفورشيط كيوكلها وهي كتاكل محولاتش تمنعو ولا تهضر كاع جامدة وصاقلة قبلاصتها سلات وجا يهز البلاطو وهي تطيح دمعة سخونة مي جمرة على يدو علا فيها عنييه لقا عنييها عامرين بدمووع وكترمش فيه فحال كتوسلو ميبقاش يضربها ميبقاش يأذيها راها كتموت من لداخل فصمت راها كتحطم.. تنهد وهز لبلاطو وخرج وهي عاود تكات وكل يد لاحتها فجهة... عاود دخل هاز دواء فيدية شافت فيه وشافت فدواء ونقلا عنيها لسقف بلا مبالاة وهو جلس

جود: احم هذ البوماد غتخفف ليك حريق جروح لي فيديك..

ميرا: ع علاش تتجرحني وتعاود داويني...

جود:( شد يدها كيذهنها) حيث كديري علاش ولكن قريب غتفكي مني... 

ميرا: م مافهمتش..

. جود: والو... 

حط ليها دوا ورجع جلس قبالتها وفمو كلام ولكن معارفش منين يبدا.... 

جود: علاش اميرا؟...

ميرا: علاش كتأذيني.. 

جود: حيث كديري علاش...

ميرا: عمري نسامحك... 

جود: مكاين لاش... 

سكت وسكتات تاهي تا قال..

جود: علاش مشيتي لعندو...

ميرا:ما مشيتش...

جود: قولي لحقيقة ولو مرة وحدة فحياتك...

ميرا: انا عمري كذبت عليك... 

جود: علاش خلتيه يشد فييديك ولاش مشيتي لعندو اصلا... 

ميرا: مشيت عند نوال وتلاقينا معاه... 

جود: واش داك عندها...

ميرا: كان لازم نحاسبها بداكشي لي دارت... 

جود: وحاسبتيها...

ميرا: اه..تفرقات مع عمر... 

جود: وشنو مصلاحتك نتي الى تفرقات معاه..غترجعي لييه...

ميرا: الصمت... 

جود: وديك الهضرة لي قالت ليا باش غنفسرها... 

ميرا: كذوب... 

ضرب يدو مع طبلة تا معصب... 

جود: باقي منوياش تعتارفي اه...لامتى غتخبي... 

ميرا: يمكن وصل لوقت باش تعرف فييه كلشي... 

جود: على سلامتك من فهمتي... 

ميرا: واعدني تيقني وماتقاطعنييش...

جود: من صواب نسمع ليك تا تكملي هضرتك ولكن من حقي نكذب ذيك الهضرة ولا نصدقها... 

ميرا: ا انا كنواعدك نقول غير الحقيقة... 

جود: كنسمعك... 

ميرا( تنهدات بأسى وسبقو دموعها كلماتها) كنت داك نهار خاجة لعند بنت خالي هبة وفطريق تلاقيت بنوال هضرنا وقالت لي كاينة حفلة فاوطيل الى بغيت نمشي معاها...

جود: اوا ومشيتي...

ميرا: مشييت وياريثني مامشيت...قنعنا ماما وكذبنا علييها بلي غيير غنباث عندها وفقات ومشينا للدارهم وجدنا مانلبسو وحنا فرحانين وصل الوقت وخرجنا وصلنا حدى لاوطيل بانت لينا دنيا تماك فشكل غير لي كنشوفوها حنا فحينا دخلنا فرحانين وجلسنا..ناضت نوال تشوف عمتها لي خدامة تمااك..وانا بقيت فبلاصتي تعطلات ومشيت نشوفها ودخلت بالغلط فواحد البنت وتكبات عليا العصير..عتذرات مني وقالت والو غير طلعي معايا وباش نشف ليك الكسوة ... 

جود: اهااااه اوا...

ميرا: طلعت معاها للبيت اهئ اهئ حيدت الكسوة وبقيت هي بحوايج نعاس خرجات باش تنشفها وانا بقييت فالبيت كنتسناها ..شويه اهئ اهئ وهو يتقطع الضو فالاوطيل كامل كانت ظلمة بزااف سمعت الباب تحل سحاب لي واش ديك البنت ولكن مكانتش هي اهئ اهئ اهئ😭😭 

جود: وشكون كان... 

ميرا: م ماعرفتش..

جود:؟؟؟؟؟؟

ميرا: كان ظلام بزاااف ماشفت وجهو كنت كنبكي ونغوت باش ميقيصنيش مياذنيش ميضيعنييش فشرفي اهئ اهئ ولكن ماسمعش ليا ماحنش فيا اهئ اهئ ودا ليا كلشي 😭😭..

جود:(تفكر ديك لليلة فاش كانت ديك البنت كتغوت وتبكي فلحظة دق قلبو بجهد وطلعات معاه سخونية..

ميرا: من ف فقت صباح لقييت فراشي عامر بالدم وفيا الحرييق وحاط لي رسالة اهئ اهئ وفلوس حدايه اهئ اهئ...

جود:( تمحى داك الشك صغييور من سمع سيرة الدم والفلوس والرسالة ) 

ميرا: تصدمت متيقتش بلي خسرت شرفي غدر تمنيت نمووت وماطلعش عليا شمس الغد اهئ اهئ.. 

غمض عنيييه معصرهم من ألم هضرتها ناض جلس حداها كيمسح على شعرها غمضات عنييها وكتفكر ديك لليلة تعلقات به شداه من ذراعو. 

جود: صافي شششش صافي ماتبكيش كلشي فات حاولي تنساي....

ميرا: اهئ اهئ كيفاش نقدر نسى راني نموت من داخلي كل يوم يا جود اهئ اهئ من داك نهار وانا فالعذاب كنقول هو هي كابوس وكنتسمى على امل نفيق منو شي صباح..اهئ اهئ حشمت نشوف فوجه الناس كيسحاب لي كلشي غيكون عارف اهئ اهئ من تنخرج متنقدش نهز عنيا فالناس كنخاف يشيرولي بصباعهم اهئ اهئ طفات شمعات امل فحياتي اجود ..حلمت ببزاف د لحوايج مشا داك نهار ودا معاه كل احلامي اهئ اهئ..

جود: شششوووت صافي ربي كيعاقب كل واحد على افعالو.. 

ميرا: انا تعاقبت بلا ماندير والو...

جود: ماشي تعاقبتي اميرا..انما ابتليتي واذا احب الله عبدا ابتلاه..ربي مكيحملش نفس فوق طاقتها اميرا..تيقي بالله☺... 

ميرا: كنمووووووووووت كلما نتفكرو كنبغي نموووت اهئ اهئ😢...

جود: (هز يدها صغيورة المجروحة كيطبطب عليها وشويه جرها بها وخشاها فحضنو محوطها بيدييه وهي كتبكي كيمسح على شعرها ومغمض عنييه وتاهي متحركاتش تا غفااات وهي بين يدييه.. لقاها ناعسه بتاسم وهز يدها باسها وحط خدو على شعرها سبحان الله هذا حال دنيا صباح كيسلخها وفالليل معانقها يمكن حب من نوع خاص.. كيشوفيها كيفاش ناعسة بريئة لابعد الحدود ناعسة نعاس هادئ ولكن كيفاش نعسات بين يديه مقدرش يستوعبها ولكن قدر يستوعب شحال قلبها بيض وحنين اذاها بزاااف ولكن متردداتش تاخد حضنو بلاصة ترتاح فييها ياترى غيجي نهار تسامحو على هذشي كامل لي دار فييها..وزعما غتبعد عليه وتمشي لعند عمر لي عرف تاهو حقيقة الامر وبغا يرجعها...كيفاش غيعيش من تخرج من حياتو وتولي فحال عمرها ما كانت...واش نيت كيبغييها ولا غير ولف..واش يقدر ينساها ولا صعييب...كان الصدق كيشعش من كلامها المخنوق العامر بالاسى والحزن..زعما هي تغتصباات وما توسخاتش .ولا هي لقات الفرصة وتغراات..لابد مايدفع هذا لي دار ليخا هكا ثمن واخا ماعرف فين يجبدو ..ولكن اينا بلاصة اينا اوطيل هذا. وشكون ذيك البنت لي هضرات عليبها وهضرة مريم بلي كانت معاه ياربي كلشي تخلط وتجمع علييه بمرة والاكثر كيسول شنو مخبيه ليه الايام معاها..مي ضروري تجاوبو على كاع هذ الاسئلة لي كضور فراسو..الغد غيعرف كلشي ويتخلص من هذ الشكوك كااامل.. 

تنهد كيطرد ديك الافكار من راسو وهزها تكاها فبلاصتها وتكا حداها مقربها لعندو كيشوف فملامحها ويحفظهم حيت غيجي نهار وغتبعد علييه ...

صبح الحال ناض هو الاول خلاها ناعسة طلب لفطور من برا وحطو ليها وعيط لزهرة تجي تقابلها حيت عندو مييداار وخرج للشركة...

#بدات كتحل عنييها على شي دقان فالباب..ناضت بزز كتجر رجلييها حلات الباب وهي تبان لييها نجاة كطلعها وتهبطها وتخنزر (مامات جود).. 

مبيرا: خ خالتي...

نجاة: جود كاااااين... 

ميرا ل لا مكاينش...

نجاة: مزيان نييت..باش ناخدو راحتنا فالهضرة... 

دخلات وميرا سدات الباب وتبعاتها.. جلسات نجاة تتحنزز فيها.. 

نجاة: جلسي...

جلسات ميرا مقابله معاها... 

نجاة: مال وجهك ويديك مجروحين... 

ميرا: ااا غ غير ط طحت...

نجاة: (بابتسامة مستهزأة) طحتي ولا جود لي طيحك ههه...

ميرا: لا انا لي تفكرشت...

نجاة: بلا متخبي والو ازويينه انا عارفه كلشي... 

ميرا: م مفهمتكش... 

نجاة: مكاينه تا علاقة بينك وبين جود ولدي مكيخبي عليا والو وعارفه شنو وقع لييك فديك ليلة عندنا فالفندق..

ميرا( خرجو عنييها تترمش وتبلع ريقها) ك كيفاش زعما... 

نجاة: شوفي نجيك نيشان ماعزيزش عليا نلف ونضور... 

ميرا: احم ااه تفضلي... 

نجاة(حلات صاكها وجبدات شي وراق حطاتهم فوق طبلة) بما ان هذ زوااج مالوش معنى ومستحيل يستمر وتا ولدي مغيقلبش بيك... 

ميرا: وضحي كلامك اخالتي...

نجاة:(خنزران فيها) غطلقو...

ميرا( بصدمة) اااشنووووو😨.. 

نجاة: كيما سمعتي خصكم طلقو فاقرب وقت ممكن..وانا غنتكلف ترجعي لقرايتك وحتى تكاليفها...

ميرا: خالتي نجاة...

نجاة: مدام..مدام نجاة😡☺ 

ميرا: (سوطات بجهد بقلة صبر) هذ الموضوع كيخصنا انا وجود ..بوحدنا....

نجاة: شوفي بلا ماديري فيها معرفت اش..سيني وقلعي من قدامي... 

ميرا: لا مغنسنيش...

نجاة: هذي اخر هضرة عندك.... 

ميرا: تقدري تمشي دابا... 

نجاة: وكتجري علييا من الفوق😡... 

ميرا( الصمت) نجاة: غنشوفو...

ناضت هازة صاكها غادا ..

ميرا: نسيتي وراقك امدااام... 

ضارت نجاة باستهزاء: فكري مزيان... 

ميرا( هزات الوراق وحطاتهم فيد نجاة) سلمي على الحاجة...

خنزرات فيها ونترات منها الاوراق وخرجات وميرا سدات موراها الباب..فطرات وتصلات بدارهم علماتهم بلي غتجي دابا لشوية دوشات لبسات حوايجها بودي بالكمام باش يخبو جروح ومكياج غطات بهم بعض جروح لي كتبان والجروح لاخر اتلقى ليهم شي عذر.. هبطات بشويه وهي تلاقا بجود... 

جود: فين غادا... ؟!

ميرا: لدارنا... 

جود:؟؟؟..

ميرا: غنشوفهم ونرجع... 

جود: غنوصلك... 

ميرا: مكاين لاش... 

جود: زيدي...

مشا وتبعاتو طلعو وكسيرا صايك وساكت.. 

جود: شنو غتقولي ليهم الى سولوك على جروح لي فوجهك... 

ميرا: متخافش مغنقولش ليهم ضربتيني...

ضرب الطم ساكت تاوصل جات تهبط وهو يشدها من ذراعها قرب لجبهتها باسها وبتاسم اما هي بقات هي تترمش فييه . 

جود: احم احم..

عاد فاقت وهبطاا بزربة مشا وكسيرا هو... 

دقات وحلات ليها اية سلمو وكيهضرو مع دخلة ديال الصالون تخطف لونها من شافت نجاة عندهم فالدار ممولفاش تجي لعندهم.. 

فضيلة: بنني الحبيبه الله الله شحال توحشتك(عنقاتها)

ميرا: تا انا توحشتكم بزااف فين خالي ومراتو؟....

فضيلة: فالمحال😁 ...

ميرا: خالتي ن احم مدااام نجاة نجاة ماقلتي ليا راكي جاية... 

نجاة: ماكنتش معولة...هي دزت من هنا وقلت نسول... 

فضيلة: مرحبااااا بييييك....

نجاة: بارك الله افييك احبيبه..ميرا كي بقى وجهك😑.. 

فضيلة: ويلي على مال وجهها( شفت فميرا) بنتي شكون دار فييك هذ الحالة😨...

ميرا: (خنزرات فنجاة) و والو اماما هي تفركشت... 

نجاة: ميرا بلا ماتكذبي على ماماك ابنتي..(شافت ففضيلة) جود لي ضربها... 

فضيلة: هاااااويلييييي علاش.... 

ميرا: خالتي نجاة😡.. 

نجاة: ختي فضيلة مكاين لاش نخبيو عليكم. لاولاد يا اختي را ممفاهمينش وديما مدابزين وسالخها... 

ميرا: ل لا مكاين والو من هذشي... 

نجاة: بنني هذو غير حنا عائلتك هي دوي...بلا ماتخبي على ماماك انا ولدي جود مكيخبي عليا والو (وهي نوال لي عودات ليها كلشي)

فضيلة: اويلي وعلاش يمد علييها يدو متمنحقوش.. 

نجاة: اوعدي على مامنحقوش حمدي الله من من قتلها لك تلقى مراتك متقوبة وتسكت را شمة هذييك😡...

فضيلة: ك كيفاش...تتي اش كتخوري😡.. 

نجاة: ها بنتك قدامك سولييها😊..

فضيلة: م ميرا ه هذي ا اش كتقول.. 

ميرا: اهئ اهئ اهئ...

فضيلة: دويييي....😢

نجاة: اش عندها ما تقول تاتتي سحاب ليك غنكذب😑... 

فضيلة: دوي ابنت الحراااااام دويييي واك واك اعباا الله ايما يا يما على تربيتي يا يما على شبابي لي ضاااع يايما على تضحيتي ..هكا تجازيني ابنت الحرام هاا قولي..

ميرا: اهئ اهئ ماما انا انا ...

فضيلة: انا بالله وبالشرع معاك انا ماشي ماماك تبرييت منك طيحتي بيينا الله يلكييها لييك ..الله ياخد فيك الحق خرجي من هناااا خرجيييييييي... 

طاحت سخفات وتعوجات ليهم.. 

ميرا: ماما اهئ اهئ مااااامااااااااااااا 

جات اية كتجري وكيفيقو فييها مبغااتش تفبييق مشات بزربة عيطات للاسعاف وميرا حطا راسها على ركبتها كتبكي ونجاة كتفرك يديها زبلاتها الى عرف جوود اينحرها...

جاات الاسعاف خرجوها واية وميرا شدوو طاكسي وتبعووهم وصلو للوبيطال دخلوها بزربة وميرا كطيح وتعاود تنوض تاوصلات حدا لغرفة لي دخلو ليها فضيلة..

ميرا: ماااماااااا اهئ اهئ متموتيش اهئ متخلنييييش اماااماااااااا ماتخلنييييش اااااااااهئ اااللااااااااااااهئ... 

اية: اهئ غتولي لباس اختي متبكييش غتولي بخيير😢...

رمقو نجاة جاية وناضت ميرا بجهالة لعندها شنقاتها.. 

ميرا: صافي تهنيتي دااابا قتلتيييها قتااااله الله ياخد فييييك الحق اهئ اهئ...

نجاة: لزمي حدودك معايا ..اش درت انا قلت هي لي كاين وزايد جود لي صيفطني نعاود ليها... 

حلات فمها من صدمة وهبطو دموعها ممتيقاش جات الحاجة تتجري... 

الحاجة: اويلي على بنتي مشات فييها يا يما على بنتي انا..ميرا ميييرا...

ميرا: اهئ اهئ خالتي... 

جات عنقاتها كيبكيو ونجاة كتخنزر فييهم...

جا جود ومشا دريكت عند ميرا والحاجة.. 

جود: ميرا كي بقات خالتي فضييلة... 

ميرا: خسرات فيه سيفتها وناضت مخلياه بلاكة تتغلي من لداخل جلس حدا الحاجه مفاهمش مالها مي مبغاش يزيد عليها وهي فهذ الضروف..

. جلسو كيتسناو على حر من الجمر طبيب يخرج اية جالسة ومعنقة ميرا لي كتبكي ونجاة واقفة والحاجة حداها وجود غادي جاي مرة يجلس مرة ينوض والوقت كامل عيينو فمييرا شحال تمنى هذ اللحظة يعنقها ويواسيها تمنى يخشيها فصدرو ويحوطخا بيديه وتلف يديها صغيورين على خصرو...تمنى يخرجها من هذ الحزن وميبقاش يشوف دموعها ويسنع شهيقها حيت تاهو عذبها ومدوزش علييها قلييل.. دازت ساعة ونص عاد خرج طبيب مشاو طاييرين لعندو...

ميرا: دكتور دكتور مي بقات ماما عايشه ياك اهئ قولي... 

جود؛ كي بقااات.... 

طبيب:ولات لباس هي طلع ليه الضغط...الحمدلله على سلامتها.. .

الحاجة: حمدناك ياربي وشكرناك... 

ميرا: اووف الحمدلله...واش نقدرو نشوفوها...

طبيب: دابا ناعسة تقدرو تخرجوها فالعشية مي ردو ليها البال وتاخدواها فالوقت..

الحاجة: واخا ربي يخلييك... 

بداو يتعانقو فرحاننبن وجود مشا يتكلف بتكاليف المشفى....

الحاجة: اوا يلاهو للدار العشية نجيو كامل ونخرجوها... 

ميرا: ل لا انا مغداش هي سيرو نتوما...

اية: لا انا غنبقى معاااك.... 

الحاجة: واخا الى حتاجيتو شي حاجة را ليكارد قدام الباب.. 

ميرا: واخا اخالتي... 

مشات الحاجة وتبعاتها نجاة خرجو وميرا واية جلسو كتعاود ليها شنو دارت نجاة.. ا

ية: والله الى لفعة حية هذ المرا..الله ياخد فيها الحق... 

ميرا: هي عرفناها حية ولكن جود صدمني صدق معاود كلشي لمو وصيفطها تقولها لماما...

اية: مانظنش جود غيدير هذشي...

ميرا: واخا وشكون عاود ليها كلشي... 

اية:😕😕😕 ..

ميرا: اكيد هو..كل يوم كنتصدم فيه كثر... 

سكتو وكل وحدة فين ساهية تا شافو جود تم جاي لعندهم... 

جود: ميرا..على سلامت خالتي..

. مجوباتوش وخنزرات فييه وهي تنقز اية تعتق الموقف.. 

اية: شكرا ربي يخليييك..ميرا عيانة شويه حبيبه اجي نشوفو عمتي ومنها نيت ترتاحي شويه..

مشاو دخلو لعند فضيلة لقاوها بقا ناعسة..وجلسو كيتعاودو بيناتهم اما جود معجيوش داك التصرف لي دارت نهائيا مي عذرها... 

#بدات فضيلة تتحل عنيها هي شافت ميرا قدامها بدات تبكي جات تعنفقها وهي تقمعها..

.فضيلة: بعد لهيه...

ميرا: م ماما اهئ اهئ مدريش هكا ع عفااك...

دخل طبيب وعلمهم بلي تقدر تخرج دابا خرجوها غادين اية معوناها..

ميرا: انا غنخلص ونلحق علييكم اوكي..

. اية: واخا اختي..

مشات ميرا خلصات وتمات خارجة تا شافت عمر قدام الباب واقف حدا طوموبيلتو تم جاي لعندها ..

عمر: ميرا..على سلامة خالتي...

ميرا: شكرا..

عمر: ميرا..فكرتي فهضرة داك نهار..انا مستاعد نكون كيما بغيتي رجعي ليا اميراا... 

سمعات صوت اوطو وقفات بجهد تلفتات لجهة لاخرى وهي تشوف جود جاي..

جود: ميييرا طلعييي....

عمر: ميرا قرري دابا يا انا يا هو...

#اما هي تصدمات تتشوف فيهم بجوج تحطات فموقف صعيب لا يحسد عليه من جهة مبقاتش كتحس بوالو جيهة عمر من غير الشفقة حيت باقي كيبغيها واخا عرف بلي خسرات شرفها ..ومن جهة جود لي عذبها بزااف وزاد داكشي لي دار هو وماماه عمرها تسامحهم تتشوف فجود وتنقل عنييها لعمر معرفات شكون تختار دابا باش تكفي معاه حياتها وشكون غيقدر يسعدها فييهم..قرار مصيري خصها تاخدو فدقيقة..

جود: شهاذ تخربيييق.. 

عمر: ختاري اميرا انا ولا هو... 

بقات واقفه تتشوف فيهم كتشوف فعمر لي كيشوفيها بأمل وكل نظرة فعنيه كتوحي بالحب والعشق كيتسناها ترجع لو بفارغ الصبر باين كان خايف والتوثر كيفوح منو بجهد مبقا ليه هي يدمع نقلات عنييها لجود لي كان عكس عمر واقف كيشوفيها ببرود فحال الى متأكد بلي مغتختارش الاخر واقف ديك الوقفة الرجولية بحوايج كلاس وجسمو الضخم حدى الاوطو وداير يديه فجياب المونطو.. وتخنزيره مكتفارقش وجهو حولات تقرا ملامحو ولكن توضرات فيهم توضرات فعنيه لي كيشوفو فيها بنظرة حادة ببرود وغموض....

حدرات راسهاوتوكلات على الله وخطات خطوات غدا لجيهة جيهة صدمات واحد فييهم قتلات وامد فييهم وفرحات لاخر... توسعو عنيين جود من الصدمة وجمع يدو على شكل قبضة وخنزر كثر حدر راسو كيستوعب الموقف حس بقلبو كيتقطع كيتغرزو فيه مواس من لداخل مكرهش يتلاح على عمر يشبع فييه عصا ويقطعو طراف طراف كما كيتقطع قلبو دابا ..ولكن حاول يتحكم فأعصابو فالاخير هذا قرارها ومايقدرش يمنعها ويعذبها كثر ماعذبها وكان لابد مايجي هذ نهارو تبعد علييه... وقفات قدام عمر لي كان طاير من الفرحة وكيشوف فجود بانتصار بتاسم لميرا وجا يشد يدها ولكن خوات به وهرباتها مافهمش تصرفها وكيسولها بعنيه.... 

ميرا: ا انا مقدرة هذشي لي كتعمل ب باش نرجع ليك..و ولكن ف فات الفوت... 

عمر: م ميرا اش كتقولي ب باقي الحال احبيبه ع عفاك خليونا نعطيو فرصة اخيرة للحب لي بيناتنا...

ميرا: كان ولكن دابا مبقاش اعمر... 

عمر: ميرا اش كتقولي...

بعدات عليه تترجع للور وكل خطوة كتخطيها للور كترجع الروح فجود وكتقتل عمر..تا وقفات بعيد علييه... 

ميرا: تقدر تمشيي دابا.. 

عمر: ميرا... 

ميرا: كنتمنى لك ماحسن... 

عمر: م ميرا ع عفاااك...انا مزاوك فييك.. 

ميرا: تا نا كنت كنزاوكك اعمر ..حكمتي عليا بلا ماتسمعني تهجمتي عليا وفتاريتي عليا ..ضربتيني وجرحتيني حاولت بزاف نشرح ليك ولكن درتيني بنت زنقة وحسبتني غدارة درتي يدك فيد لي دمراتني..وبغيتني نرجع ليك بعد كل مادرتي فيا اه؟!! وانا خليتك حيت ماقدرتش نضحك عليك ونتسمى غدرت بييك وفضلت نتعذب بوحدي على انك تعذب معايا..ولكن نت شنو درتي اه..عمرك حاولتي هي تسمعني ودابا باغيني نسى كلشي..عندك النسيان ساااهل...

عمر:(دمعو عنييه) ميرا ع عفاك....

ميرا: حاول تبدا حياتك من جديد وتعيش بخير..انا نسييتك اعمر وحتى نت نساني... 

خلاتو بلااااكه وزادت وسطهم طلعات فاوطو ديال جود وتبعها مبتاسم اما عمر جلس شاد راسو... طلعو وكسييرا... 

ميرا: ديني للفيلا... 

جود: مغتشوفيش ماماك... 

مجوباتوش وتا هو مزادش معاها الهضرة... وصلو للفيلا دخلات ودخل موراها جات تطلع وهو يعيط ليها ..

جود: مييرا... وقفات وهي عطياه بالظهر... 

جود: شكرااا...

ضارت كتشوف فييه مخنزرة..

ميرا: على شنو..! كتشكرني حيت خليتو وجيت معاك اصلا مكتختالف عليبه بوالو تيقتي هضرتهم عليا وعذبتيتي قهرتيني وبكتيني...نتوما فحال فحال عندي غير هو حكم عليا ومبغاش يسمعني ونت حكمتي عليا حيت مبغييتش نعاود لييك...ولكن هو على الاقل ندم وعتاذر وسبقك فهذ النقطة... 

زادت طلعات ليبيتها نيشان سدات الباب وسندات علييه بتعب غمضات عنييها وتقوس فمها للتحت وطلقات العنان لدموعها...

ميرا: لامتى يا سيدي ربي هذ العذاب اهئ اهئ لامتى..علاش كلما نقول غنرتاح يخرج لي شي من جنب مكفاش خسرت بابا وخسرت شرفي خسرت عمر من كنت تنبغييه وعلى شويه كنت غنخسر ماما اهئ اهئ..كن وقعات ليها شي حاجة اش غندير شكون غيبقى لي وانا بلا حبيب ولا صديق لا قراية ولا زواج..ااااه ياربي اااااه مسحات دموعها....

دخلات لدرسينغ جبدات فاليزتها حطاتها فوق الناموسية حلات لبلكلار وجبدات حوايجهم لاحتهم فوق الناموسية ومشا للكوافوزة جبداات شي وراق وقعاتهم وكارط لابونك وحيدات الخاتم والمكانة وجبدات البراصلي وحطاتهم فباكي صغيرة وبدات تحط حوايجها فالفاليز... تحل لباب ودخل جود كيشوفيها وكيشوف فالفاليز قرب لعندها .. 

جود: م ميرا شنو كديري..

. مجوباتوش وكملات شغلها... 

جود: ميرا سولتك... 

عاود سكتات...

جود: اممم بغيتي نعاونك... 

هز تاهو حوايجها بدا يحط ففاليزتها وهي كتشوفيه مصدومة متوقعاتش منو هذ التصرف...سلات سداتها ولبسات كابها... 

جود: خلييها.. انا نهزها...

هز الفاليز...ومشا غادي..وهي كتشوف فييه بصدمة..

هز الفالييز ومشا غادي ودخل لدرسينغ وحط الفاليز فالبلكار وسدو دخلات تبعاه كتشوف فييه بعدم فهم..

ميرا: ش شنو كدير..عطيني فالييزتي...

جود: ميرا جلسي نهضرو...

ميرا؛ مكاين فاش نهضرو اجود عطيني فاليزتي...

جود: واخا..غنعطيها لك ولكن بشرط ماتخرجي من الدار... 

ميرا: افففف...نت علاش كدير هكاا كل مرة بوجه.. 

جود: عندي وجه واحد اميرا هو هذا لي كتشوفيه دابا..

ميرا: عطيني فاليزتي حيييد ..

جات تدوز وهو يجرها لعندو كور وجهها بديه بجوج مهبط وجهو لمستوى وجهها.. 

جود:(بصوت حنون) علاش هذ القصوحية كامله همم؟..

بعدات علييه كترمش فييه وضورات وجهها لجهة لاخرى كتفادى نظراتو...

جود: شوفي فيا... 

شافت فييه معليا حاجب ومهبط لاخر: شنو... 

جود: علاش كديري هكا... 

ميرا: انا لي خصني نسولك علاش كدير هكا..وعلاش درتي هكاااك بسبابكم كنت عنخسر ماما واش معندكمش قلب معندكمش ضميير 😮😮... 

جود: كيفاش؟ ما فهمتش... 

ميرا: بلا ماتستغباني..نت عارفني على شنو كندوي... 

جود: ميرا هضري نيشان بلا ما تلفي وضوري..

ميرا: جود بلا ماتمثل علييا..واخا... 

جود: صبرك يااارب..وغير فهمينا اش كاين...

ميرا: نت صيفطي ماماك باش تعاود لماما كلشي.. 

جود: اطون اطون..شنو كتقولي... 

ميرا: وعودات ليها بلي كضربني وبلي حنا ممفاهمنيش وعودات ليها حتى داكشي لي وقع لي اهئ اهئ... 

جود:( وسع عنييه فييها ممتيقش).. 

ميرا: علاش عاودتي ليها اهئ اهئ علاش اجود علاش..؟

جود: يا الله..(كيدوز على شعرو تالف) واش داوية بصاح..ماما عودات ليها هذشي...

ميرا: وكيفاش ماتعاود ليها ونت معاود ليها كلشي.. 

جود(كياومي ليها براسو زعما لا) ل لا معاودت لها والو... 

ميرا: ماتكذبش..

جود(قرب لعندها شد فيدها) كنحلف ليك اميرا معاوت لها والو ..وما فخباري كاع بلي جاااات..

. ميرا: وشكون عاود لييها اانااا....😡.. 

جود: ميييرا...هضرة وحدة قلناها... 

ميرا: ماما كانت غتموت بسبابكم..كنت غنخسرها اهئ اهئ..

جود: و واش طاحت ب بسباب...

ميرا: اااااااااااه بسبابكم.... 

كان واحد الفاز قبالتو خبطو بيدو ومشا هابط كيعيط لماماه...

جود: ماااامااااااا...مااااماااااا.... 

نجاة والحاجة خرجو كيجريو..

الحاجة: جوود اش كاين اولدي...

جود: شاف فماماه بغضب...

نجاة: م مالك اولدي...

جود: شنو هذشي درتي اماما واش ماشي حشومة علييك... 

نجاة: دغيا عاودو ليييك(كتشوف فالحاجه).. 

الحاجة: انا معاودت لييه والو وكان غيعرف بجميع الاحواااال...

جود: ماما علاش كتصرفي من راسك غير قولي ليا....

نجاة: (بالغوات) حيييت منقدرش نشوفك كضيع ونت بين يدين وحدة مكتستاهلك..زواجكم ماشي حقيقي ومغيكملش طلقوووو وبني حياتك مع لي تناسبك...

الحاجة: نجااااة عرفي اش كتخرجي من فمك...

نجاة: نتي مدخلييش..بسبابك ولدي دابا معصب مني نتي لي جبتي ليه هذ البلاء وزوجتيه به.. 

جود: ماما الله يهديييييك...

نجاة: براكاااا علاش غير انا لي ما من حقيش ندخل فييك وهي (الحاجة) كدير مابغاات و زوجااتك بلي بغاااات... 

#سمعات الغوات فتحت وهبطات واقفه فدروج كتشوف نجاة معصبة وجود كيهضر معاها نهذن وهي كتعلي صوتها... 

جود: حيت عمرك ماحسستيني بلي نتي ماما من كنت صغير هذي لي كنت كنلقاها حداي ونا فايق هذي لي كنخليها حداية وانا ناعس..هذي لي كنلقاها وانا داخل ونخلييها وانا خارج..هذي لي كتشوفيها قدامك تحملات مسؤوليتك وعمرها حسباتك ولا هضرااات...

نجاة: شنو كديير كاااع هي عايشه فهذ الخير بفضلنااا..... 

جود: ماااامااااااا بركا الله يخليك....

نجاة: لا مبركااش نتوما عمركم قدرتو مجهودي ..ديما الحاجة الحاجه الحاجه عييت منها ودابا جابت لينا مصييبة اخرى...

جود: ماما راك ماعرفاش شنو كتقولي...

نجاة: ماماك يااااك...ماماك هي لي كتحاسبها وتهضر معاها هكااا اهئ اهئ😢😢... 

جود: يارب صبرك... 

نجاة: طلقها...

جود:(كان كيمسح على راسو هي سمعها علا فيها عنييه مصدوم) ش شنو... 

نجاة: قلت طلقها..انا مستخيل نقبل بها ككنة لهذ العائلة مستحييييل...

جود: وانا مستحييل نطلقها.... 

نجاة: لا غطلقهاااا وبززززززز منك... 

جود: كنبغيييها...... 

نجاة: خرجو عنيها وحمارت اما الحاجة ابتسمات فرحانة..ولي كانت واقفة على دروج كتشوف تصمكات ودارو بها دوك دروج وديك الكلمة كيتعاود صداها فوذنييها... 

نجاة: رمقات ميرا واقفه بعييد ومشات لجييهتها جبداتها ومبقات جراها لجية البااااب.. 

جود: ماما شنو كديييرييي مااماااااااااا الله يهدييك...

نجاة: خرجي من هنااا يلاااااه براااااااااااا...

ميرا: ااااي ااااغاي طلقي مني .... 

الحاجة: نجااااة طلقي من البنت خليييها نجاااة...

# حلااات البااااب ودفعاتها جااات طايحة على الارضو وجود مصدوووووووم..

نجاة: ودااباااااا ياااااا انااااا يا هذ اللفعة..... 

خرج بزربة نوض ميرا لي طايحة لارض وكيمسح حوايجها 

جود: مييرا نتي لبااس...

ميرا: اهئ اهئ ا انا لباس لباس...

جود: حرااام علييك اماما اش هذ التصرف...؟

نجاة: دابا ختااااااار.... 

جود: قلت لييك كنبغيييييييييييييييييهاااااااا... 

جبدها لعندو محوط خصرها بيييدو .

وهي شهقاات ممتيقاش شنو سمعاااااات ..

نجاة: يعني هي... 

جود: اه هي اماما.... 

#ركلات لبااااب وزادت دخلاااات اما جود حيد يدو من خصرها كيمسح وجهو ويستعيذ بالله...

الحاجة: دخلي ابنتي دخلي...وماتديش عليها...

ميرا: ل لا... 

جود: دخلي اميرا....

ميرا: جود واش ماسمعتيهاش قالت يا انا ولا هي.. 

جود: وانا ماسمعتنيش اش قلت...

ميرا: ل لا مانقدرش نفرق ام على ولدها...

جود: نتي مغترفقي تاحد..كلشي غيتحل تيقي بيا... 

ميرا: ماماك كتكرهني اجود...

الحاجة: ولكن انا وجود كنبغييوك ياك اولدي... 

جود: اه...😊.. 

الحاجة: يلاه دخلي ابنتي...

شد جود فيدها ودخلها جلسو فالصالون كل واحد فين ساهي... 

ميرا: ا انا غنمشي نشوف ماما... 

جود: جاي معاااك...

ميرا: و واخا... 

طلعات الفوق هزات صاكها وخرجو...

.طريق كامل وهما ساكتين وكلما تفكر شنو قال لماماه قلبها كيبقى يضرب وتبتاسم دون ماتحس لاحظ ابتسامتها ..

جود: مالكي... 

ميرا: اا و والووو والووو...

وصلو لدار هبطات وخلاتو بلا ماتقوليه يلاه ولا بسلامة دقات الباب وحلات جمييلة خنزرات فيها وخرجات فيها عنيبها... 

جميلة: باش من وجه جيتي لهنا مقدكش شنو درتي جايه تزيدي علييها... 

ميرا: خالتي اهئ اهئ ا انا م م.... 

جميلة: سيري من هنا قبل ماتشوفك وتعصب تاني..سييريي... 

سدات الباااب على وجهها وقفات مصدومة ودموع هابطين من عنييها علات يدها كتقيس الباب وتلمسو وتزير على عنييها كتبكي...تحطات يد على كتفها ضارت ببطئ لقات ..

جود.... 

ميرا: كتكرهني اجود اهئ اهئ ك كتكرهني اهئ اهئ😭... 

جود: ششششوت مكتكرهكش اميرا امكتكرهكش...

ميرا: عمرها تسامحني اهئ اهئ... 

جود: ماتقوليش هكاك نتي مدرتي والو باش تسامحك... 

ميرا: اهئ عيييت ياربي عيييت اهئ اهئ😭😭... 

عنقها كيسكت فييها تا هذات شيئا ما... 

جود:( كيمسح دموعها) متبكييش دابا تشوفك وضحك...

ميرا: موحال... 

دق جود الباب وحلات جميلة عاود يلاه بغات تهضر وهي تشوف جود وتسرط لسانها..وهو دخل شاظ فيد ميرا بلا ميكلمها... 

دخلو للصالون لقاو فضيلة متكية مغطية بمانطة واية فوق راسها...شافت فجود حمااارت وهبطو دموعها حشمااات منو... قرب منها وباس يدها ... 

جود: خالتي كي بقيتي...

فضيلة: كي غنبقى اولدي اهئ اهئ😢...

جود: ميرا جات تشوفك... 

علات عنييها شافت فميرا وحدرات عنييها... 

جود: خالتي نت كتعرفي ميرا كثر مني اكيد... 

فضيلة( اومات براسها زعما اه).. 

جود: واش البنت لي ربتيها تقدر دير هذشي لي فبالك... 

فضيلة( كتبكي اومات براسها لا)... 

جود: ميرا بريئة من هضرت ماما اخالتي..تيقي بيا انا لي راجلها وعارفها مزيان... 

فضيلة: نجاة قال..

جود: متديهاش فهضرة ماما..عاد دابا قلبات عليبنا الدار سفاها على علاها..الله يهديها...

فضيلة: ي يعني م مكاين و والو م من د داكشي... 

جود: ابدا.... 

#نفجرات فضيلة بالبكا وجود اشر لميرا باش تقرب قربات وشد يدها... 

جود: خالتي فضيلة شوفي فيا... 

علات عنييها فيه وفميرا وجبداتها معنقاهاااا كيتبكاو.. 

فضيلة: سمحي ليا ابنتي سمحي ليا اهئ اهئ.😢..

ميرا: نتي مدرتي والو اماما اهئ اهئ😢....

تفارقو وكل وحدة كتمسح دموع لاخرى ..

قربات فضيلة من جود وعنقاتو بيد وعنقات ميرا بيد ومور ضهرها شد فيد ميرا طبطب علييها وبتاسمات ليه بين دموعها...عاد طلقاتهم فضييلة..

فضيلة: الله يخليكم لبعضياتكم.... 

جود وميرا(دقة وحدة) اميييين...

شافو فبعضياتهم هو فرح وهي حشمات... 

جود: نخليكم دااابا...عندي شي خدمة... 

ميرا: واخا..انا غنبقى مع ماما.... 

جود: في امان الله... 

فضيلة: بسلامة اولدي...

تم خارج وجا يطلع فالاوطو وهي تخرج ميرا تبعاتو ...

ميرا: جووووود... 

ضار لعندها وهي طير وترماات بين احضانووو معنقاه اما هو تصدم فرح توثر وبادلها للعناق ذااو زير علييها محوطها بيديه كيشم ريحة شعرها مغمض عنييه وهي حسات بالحنان والدفئ فحضنو الواسع المبودر.. حاسات بالراحة بين يديه القاصحين لي حوطوها ودخلوها فعاااالم اخررررر حسات بالامان حسات بالعالم توقف للحظات . حسات بقلبو كيضرب وهي دقات قلبها كتسارع وهي بين ذراعو ..تفكراات كلامو د قبيلة وتبسمات عاد طلقو من بعضياتهم... 

ميرا( مبتاسمة) شكرااا... 

جود: على اش... 

ميرا: ماعرفت ولكن شكرا.... 

قرب وباسها فجبهتها وضار غادي...

#فحين كان شخص دايز ووقف كيشوف فيهم ودموع فعنيييه...

دخلات فحالها للدار وتلقات بجميلة.. 

جميلة: م ميرا انا ت.. 

ميرا: بتاسمات ومشات عنقاتها كضحك... 

جميلة: سمحي لي احبيييبه... 

ميرا: ماشي مشكل اخالتي... 

دخلو لعند فضيلة فالصالون وبقاو مجمعيين طاح ظلام وتصلات بالحاجة علماتها بلي غتباث عند دارهم...وبقاو هي واية مجمعين فبيتهم كل وحدة وعلى اش كتهضر ويضحكو اول ليلة من بعد وقت طويل تحس ميرا بالسعادة وبالراحة وتضحك من قلبها...وكلما تفكر هضرة جود "كنبغييييها" تبتاسم وتحماااار وتحس بجسدها كيترعد...

اية: اممم مال الزين تيضحك هههه... 

ميرا: و والو.... 

اية: تي هي قولي شنو لي خلاك ضحكي هكاا يحمارو خدودك.. 

ميرا: والو اصاحبتي واش مانضحكوش كااع....

اية: لالا ضحكي ولكن عمري شفتك ضاحكة هكا..واقعة شي حاجة... 

ميرا: وشنو غيوقع تانتي الله يهدييك... 

اية: واخا كتخبي علييا واعقلي علييها....

جات تنوض وهي تجبدها..

ميرا: صافي صافي نعاود ليييك...

اية: يلاه كنسمعك هههه...

بدات ميرا تتعاود ليها شنو دارت ليها نجاة وشنو قاليها جود وتتقلدو كيفاش قال كنبغييها ... 

اية: احححح وماسخفتيييش...

ميرا: هههه لاااااااا....

اية: يااااي سعدااااتك ياااختي والله😍😍...

ميرا: اش من سعداتي تانتي يقدر يكون قالها هي باش يقنع ماماه..ماشي بالضرورة يكون كيبغيني... 

اية: وعلاش ميبغييكش شنو خصك...

ميرا: كلشييي..قولي شنو لي ماخصنيش... 

اية: ولا يا الخانزة والله تا راكي تيتزة... 

ميرا: مانظنش واش دوى بصاااح..انا وجود ههه مستحيل... 

اية: ونتي... 

ميرا: انا اش..مالي...

اية: واش كتبغييه.... 

ميرا( حمارت وخفق قلبها بزربة قشعر لحمها تبورش) ل لا...

اية: جيني نيشان...

ميرا: اااه...افففف معرفتش...من نكون معااه تنكون فرحانة كيعاملني فحال الاميرة..ولكن بعض المرات كيكون وحش ومكيرحمش عذبني بزااااف..ومقدااش نكرهو... 

اية: كتبغييه اصاحبتي باييينه... 

ميرا: ماعرفتش..على الله يكون العكس.. 

اية: وعلاااش😕.... 

ميرا: حيت مستحيل جود العمري يشوف فوحدة فحالي..كيعرف عليا كلشي ا اية.... 

اية: وشنو فييها...عرفتي الى كان كيبغييك مغيهمو والوووو...

ميرا: اففف خلينا دابا من هذشي وقولي ليا شنو خبار هبة... 

اية: لبااس علييها باقي فاسبانيا هي وراجلها يمكن غيستقرو تماااك... 

ميرا: اه مزيييان...

#اما جود دوز عشيتو فالشركة راشقه ليه وكلشي لاحظ هذشي تعنييقة مييرا فادتو بزااف...سالا خدمتو ورجع للدار لقا الحاجة فالصالون... 

جود: مساء الخييير... 

الحاجة: مسا النوور اولدي... 

جود: ماما خرجات.؟؟... 

الحاجة: لا باقا فبيتها مقلقة... 

جود: الله يهديها...وميرا جات... 

الحاجة: تصلات باتث فدارهم...

غوبش وعواج فمو وطلع لبييت دوش وبدل حوايجو وتكى فبلاصتها..حاس بالفرااغ كبيير خواات علييه الدااار واخا مكانش بيناتهم علاقة نييت مي ولف وجودها معااه من نهار تزوجو مفرقهاش هذي اول مرة حس بشعور فشكل مقلق مزير وكااعي ليلة وحدة بعدات علييه كيسح بالنقص فما بالك تبعد علييه للابد كي غتكون حياتو واش غدوز كامل فهذ الاحساس لي كيحس به دابا..ناض هز تلفونو واقف فالبالكو جبد رقمها ومتردد يتاصل ولا ميتاصلش... 

#اية: زييدي نتعشاوو.... 

ميرا: مفيااش الجوع😕... 

اية: ونتي زيدييي... 

ناضت غادة وهو يصوني تليفوتها لقات جوت وبتسمات بقات شحال عاد جوباات... 

ميرا: الو... 

جود: مسا النور...

ميرا: مسا النور... 

جود: يلاه قالت لي لحاجة بلي غتباتي... 

ميرا: امم اه بصاح... 

جود: تعشيتي... 

ميرا: مزال.... 

جود: تا انا نييت..اش بان ليك ندوز علييك ونتعشاو... 

ميرا: وو واخا... 

جود: اوكي شويه وانا عندك....

قطعات وهي مبتاسمة متحمسة...

هزات صاكها كتقاد مكياجها وهي دخل اية..

اية: شكديري... 

ميرا: خاااارجة... 

اية: فيين😦... 

ميرا: جود عرض علييا العشا...

اية:بصاااااح واوووو... 

ميرا: هههه اه.. 

اية: اوا سربي باش متعطليش... 

ميرا: انا واجدة...

اية(غوبشات) اتخرجي هكااا... 

ميرا: اه علاش😑... 

اية دفعاتها ومشات لبلكار حلاتو وكتقلب ليها على ما تلبس فالاخر جبدات ليها كسوة فالبودرة بالسميطات حدى ركبة و مزيرة... 

اية: هاكي... 

ميرا: لا لا...غنلبس هذو نيت مابيهم والو....

اية: لبسي😡 ..

جراتها وكتحيد ليها حوايجها بزز....

لبساتها وعودات المايك اب كيتماشى مع لبسة ولصاك ..

ميرا: نااري فحال الى توثرت شويه...

اية: هههه هذا هي الحوووب.. 

ميرا: لواااه زعلووووووك... 

صونا تليفونها وطارت هزاتو وخرجات بزربة... هبط من لاوطو من شافها جاية وهو لابس تريكو فالحكل وسروال فالبيض ومونطو مع البرد( فحال الابطال😂) وصلا لحداه وهو كيشوفيها ومعجب اما هي حسات بالحرج سحاب ليها مجاوش معاها ولا كيستهزأ بها.... 

ميرا: احم احم... 

جود: اااا ..ب تفضلي... 

حل ليها الباب طلعات وطلع تاهو وكسييرا...ماوقفو تا حظى واحد ريسطو راقي قريب من البحر هبطاات تتشوف فالمكان باعجاب ... مد ليها يدو وشدات فيها وتماو داخليين ..

جر ليبها الكرسي وجلسات وجلس مقابل معاها وهي ضورات وجهها تشوف فالخارج الليل والاضواء مرتبين بشكل زويين ومختالفين فاللون والجو هادئ كتسمع صوت البحر لي كيهدي النفس ويرخيها..وهو كيشوف فييها مبتاااسم سحراتو بعفويتها وبهدوئها سكاتها برائتها وخجلها وجود طلب الماكلة..

جود: عجبك..؟ ..

ميرا: بزاااف كيهدي النفس... 

جود: كنت كلما نتقلق تنجي حدى البحر خصوصا بلاصة خاوية ميكون فيها حد ونعازل تا نرتاح ونرجع قوتي... 

ميرا: بعض المرات كنكونو محتاجين نبعدو شويه على لي ضايرين بينا... 

جود: وتا على ريوسنا... 

ميرا: عاد كنلقاو الراحة... 

جود: وكثر من تفرد بشخص كتبغييه بفحال هذا البلاصة..ليل والنجوم والبحر و.. 

ميرا: و الحب... 

جود: مي العزلة حسن ياك ههه...

ميرا: اممم ممكن... 

سكتو شوية...

ميرا: جود...

جود: مممم... 

ميرا: نسولك... 

جود: تفضلي...

ميرا: يقدر نتجاوز حدودي فسؤالي... 

جود: معليش تفضلي... 

ميرا: كاينة شي وحدة فحياتك... 

جود( بتاسم من سؤالها) اه كاينه..كل واحد فينا عندو شخص مهم فحياتو ولا لا... 

ميرا: اه.. 

ضورات وجهها بعصبية كتشوف الهيه وهو كيشوفيها مبتاسم. وتحط طلبهم وبداو كياكلو... 

جود: ونتي... 

ميرا: ااا انا اش... 

جود: باقي شي واحد فحياتك... 

ميرا: ل لا ب غيت نقول كان... 

جود: ومستقبلا... 

ميرا: لا انا سديت بوابي وانسحبت... 

جود: اممم متفقديش الامل... 

ميرا: الامل مكاينش اصلا... 

جود: تيقني كاين( شد يدها) هي خاصك العزيمة...

ميرا: علاش بعض المرات تتكون قبييح... 

جود: ماعرفتش يمكن من كيتحرق قلبي كنصبح قبييح..

. سكتات حادرة راسها كتاكل..تا كملو عشاهم بجوج..

جود: شنو بان لك نخرجو نتمشاو...

ميرا: اها علاش لا...

خرجو من الريسطو جيهة البحر حيدات صنادلها وكتمشى كتحس بالرمال كدغدغها والريح كضرب بهدوء فوجهها صوت البحر كيطفي النار لي شعلاتها هضرة جود بلي عندو شي وحدة فحياتو..والبرد كيطير بشعرها ويطيحو على وجهها وهي كتردو للور حركاتها العفوية الخالية من كل تصتع قتلوه شاف فيدها لي هازة بهم صندال وحيدهم باش يهزهم هو( احح مايكون هي باغي يشفرهم ليها😂) وقرب ليد لاخر ليدها صغيورة شدها وزير عليها شافت فييه وبتاسم ليها وبدا يقرب تا بصم قبلة على خذها تشوكات وبقات تتشوف فييه تا بدا يتمشى وهي غادا معاااه...شافها كتحمي راسها من البرد..ووقف حيد المونطو ولبسو لييها ودوز يدو على خصرها كيتمشاو وهي فحال ضربها الضو هي مبلكة عنييها فكل تصرف كيديرو كيزيد قلبها يضرب... 

جود: يا ما عييتي نرجعو... 

ميرا: اه شويه... 

رجعو بالخاطر تاني تاوصلو حدى لاوطو وطلعو ومشاو للدار و وقف.. 

ميرا: تصبح على خير... 

جود: دقيقة... 

ميرا: نعام... 

جبد خاتم زواجهم لي حيداتو وشد يدها ودارو ليها... 

جود: مبقاش تحيدييه..

. ميرا: واخا...تصبح على خير... 

جود: وانت بخير...

هبطات وهو كيشوفيها تا دخلات .. حلات لييها اية وهي كتغمزها.. 

اية: الله الله على المونطو... 

ميرا: ويلي نسييتو ..انمشي نرجعو ليه على الله يكون باقي ما مشا... 

مشاات تتجري تردو لييه لقاتو باقي وااقف تم...حلات الباب وطلعات 

ميرا: نسيتي المونطو ديااالك...

جود: ماعليش خلييه عندك... 

ميرا: ل لا اغيضربك البرد... 

جود: خايفه عليا..؟ ..

ميرا: ااا...ك.كيفاش... 

جود: (شد يدها)خلييك معايا...

ميرا: م مافهمتش... 

جود: ماتمشيش...

ميرا: و ولكن... 

جود: عفااااك....

يلاه بغات تهضر وهو يعنقها بجهد.. 

جود: كنبغييييييك مابقييتش قادر نبعد عليييييك امييرا...

زاد زير علييها خاشيها فصدرو خترقات ومغمض عنيييه خترقات قلبو وحيات جمييع احاسيسو 

جود: متبعدييش علييا مزال عفاك... 

#ميرا من كثر من صدمها سحابت راسها صمكة وسمعات بالغلط مي من عاود هضرتو عاد تيقات جمدو عنيها مكيرمشوش حساات بالسخونية طالعه معاها والاوطو فحالا كضور بها ستوعبات هضرتو مزيان عااااد بادلاتو العنااق بدورها مزيره علييه كتبكي سمع شهيقها وحررها.. 

جود: ميرا مالكي... 

ميرا: اهئ اهئ اهئ اهئ😢😭... 

جود: ميرا علاش كتبكي واش قلقاتك هضرتي قولي... 

ميرا: ل لا اهئ اهئ اهئ 😭... 

جود: علاش هذ دموووع اميرا....

ميرا: م ماعرفتش... 

جود: وانا كي الحمق كنسول..اكيد صدمتك بهضرتي.😕...

ميرا شوفي فيا متبكيش شوفي فيا... 

طلع وجهها تتشوف فيه وعنييها كيلمعو من دموع زادتهم جمال وجاذبية... 

جود:(مسح ليها دموعها) عاارف بلي زربت علييك وصارحتك..يمكن غتقولي هذا ممتأكدش من مشاعرو جيهتي ويمكن تقولي مستحيل يبغيني وهو عذبني بزااف...ولكن تأكدي بلي كلما عذبتك كان هذ القلب كيتعذب معااك..

ميرا... حط صبعو على فمها... 

جود: ششش خليني نكمل..انا عارف بلي صعييب تبغيني وصعييب تنساي ما دوزت علييك ولكن كنتمنى يجي نهار تسامحيلي فيه اميرا تسامحيني ولا لا تبغيني ولا لا مغنقدرش نساك انا ولا نحيدك من قلبي.. 

ميرا: م ا ا... 

جود: دوي..قولي لي فقلبك عفااك... 

ميرا: م ماعرفتش...ا انا... 

جود: كنسمعك نتي شنو.... 

ميرا: معارفاش اش نقول ولا باش كنحس ولكن الحاجة الوحيدة لي عرفاها اني بغييت نبقى معاك ديما... 

جود: بصاااااح..كتهضري بصاااح...

ميرا: اه اهئ اهئ😢...

بتاسم وهي ترمات بين ذرعو مغمضة عنييها وكتشم فريحتو لي دوختها وهو معنقها ومغمض عنييه...شحال وهما فعالم اخر ... 

جود: ميرااا.... 

ميرا: اممممم.... 

جود: نمشيو.؟؟؟... 

ميرا: ف فين...

جود: لدار...دارنا... 

ميرا: ولكن م ماما واية غتكون كتسناني...

جود: هاكي تاصلي بيها.... 

عطاها تليفون وتصلات بها ومشاااو..طريق كامل معنقها وشاد فيدها وكيدوز بها الفيتاس ومرة مرة يبوسها فرااسها وهي فرحااانة غطيير... وصلو للدار هبطو وطلعو للبيتهم دخل لدرسينغ بدل حوايجو وهي دوشات وتكات ناعسة على ضهرخا كتشوف فسقف كتفكر كل ثانية فقبيلة وكل حرف من كلماتو لي تسربو لقلبها وخلاوه كيرفرف... خرج جاي لجيهتها وتكى حداها كيشوفيها هز يدو كيلعب بخصلات شعرها... 

جود: رتاحي غتكوني عييتي بزاف داز عليك نهار صعيبب... 

ميرا: اه بصاااح مي مجانيش نعااس... 

جود: نوو ضروري تنعسي را فات الحال... 

ميرا: واخا..تصبح على خير... 

جود: تصبح على خيير.. 

غمضات عنييها مبتاسمة وجرها خاشيها بين ذراعو المبودرين جود: كنبغيييك... محاوطها بيدييه وكيمسح على شعرها ويلعب بخصالتو ويشمهم مرة يبوسها ومرة يمسح على شعرها تا غفاات وطفا الضو وغفاااا تاهو...

#صبح الحال صباح جديد هاز فطياتو احداث جديدة قد تطيب خاطر البعض وتبكي البعض الاخر... فاقت تتحك فراسها حلات عنييها وشافتو ناعس كي بيبي صغييور شعرو الكحل مخربق وهابط على وجهو وعنيه المرمشين نيف صغييور وفم حميمر ولحيتو تخنزيرة مكتفارقش وجهو تا وهو ناعس مي زادتو جمال ورجولة.. بتسمات وهي تتحفظ فملامحو يمكن لاول مرة تكتاشف جمالو وجاذبيتو طبعات بوسة على خدو وجات تنوض ويزيد يزير عليها...خرجو عنييها من تحرك يعني فايق وحس بها... 

جود: ( وهو باقي مغمض عنييه) فين غاده همممم.. .

ميرا: اا ب بيت نوض... 

جود: تبثي وكملي لي بديتي....

ميرا: ااا ش شنو نكمل...را 11 هذي...

جود: اوووه متقولييهاش..

ناض وهي هربات شاف فساعة..

جود: ياك الشنيولة 11... 

ميرا: هههه...

دخلات لدوش دوشات ولبسات حوايجها وهو دخل دوش ولبس خرج من درسينغ كيسد صدايف... 

جود: شنو بان ليك ننغدااو اليوم...

ميرا: صافي واخا... 

جود: يلاه نخليك دابا( جا لجيهتها باسها )...

ميرا: مغتبقاش تا تفطر... 

جود: لا تا للشركة ونفطر... 

ميرا: واخا... 

جود: ردي البال لراااسك...كنموت علييك...

زاد خرج وسد الباب بتسمات شادة على قلبها وعاود حل الباب وصيفط ليها بوسة فالهوا وضحك عاد خرج...

اما هي بقات كضحك وهبطات تفطر فرحانة وعنيخا كيبرقو...فطرات وخرجات للجردة تتهضر مع اية وتعاود لييها... اما هو مشا للاجتماع فرحان وراشقة ليه كمل الاجتماع ودخل لمكتب ديالو وهو يتصدم ... 

جود: نتي..؟!!...

.....: اه انا😊.... 

جود: شنو جابك لعندي... 

نوال: بغييت ندوي معاااك... 

جود: تدوي معايا..فاش..وفين كتعرفيني... 

نوال: انا كنعرفك مي نت لي مكتعرفنيش... 

جود: غندير بوجه الصداقة لي كانت بينك وبين مراتي ونسمعك..شنو باغا...

نوال: واخا انا غندخل فالموضوع نيشان...

جود: تفضلي...

نوال: ا انا البنت لي لقتييها فالغرفة ديك لليلة 17/5 يمكن تقول كيفاش عرفتيني حيت كان ظلام و علاش جيتي لعندي...انا عرفتك من الكاميرا د الفندق وجيت نشكرك حيت رحمتيني فديك ليلة كنت خابفه بزاف لتدي لي شرفي ونولي فحال ميرا و ولكن نت كنت انسان مزيان ومحترم ومضيعتييش شرف بنت بسيطة فحالي.. 

جود(وسعو عنييه وخرجو

كيشوف فييها بصدمة ممتيقش بلي هي البنت لي كان غواتها كيفيقوه كل ليلة..البنت لي كان كيقلب عليها ومالقى ليها اثر ..البنت لي بسببها مبقاش عندو صلة بذاك العالم البنت لي فيقات ضميرو هي نوال صاحبت ميرا...

جود: ك كيفاش نتي شنو كتقولي... 

نوال: لي سمعتييه اسي جود..

جود: خرجي...

نوال: ولكن...

جود: قلت لك خرجي برااااا...

خرجات كتقفف متصوراتش تكون ردة فعلو هكا...

وهو جلس شاد راسو ممتيقش لي سمعو ناض بزربة يلحق عليبها لابد ما يتأكد...

خرجات نوال من الشركة مبتاسمة...

مريم: خلاوك دخلي...

نوال: قلت ليهم انا ميرا عاد خلاوني...

مريم: و قلتيها لييه...

نوال: اه مي كاع مهتامش كانت ردة فعلو باردة..بففف..

مريم: نوال صافي بعدي على هذ الراجل اخني را خطير مغيرحمناش....

نوال: الى ماصدقش عمر يصدق جود....

مريم: الى عرف بلي غير كذبتي علييه و بلي ميرا لي كانت معاه ذيك لليلة غيقتلك ويتبعني لييك...

نوال: عمرو ما غيعرف بلي ميرا لي كانت معاه وماشي انا.. ودابا خلينا نمشييو..زيدي..

جاو يمشيو وهما يتصدمو خرجو عنيييهم من بلايصهم وكل وحدة كتشوف فالاخرى كيقفقفو حمارو وضارت بهم دنيا حيت كلشي تفضح اما هو كان واقف علييهم وقفة عزرائيل و واضح من وجهو بلي سمع كلشي..

نوال: ع عمر😨😨 

عمر: داكشي لي سمعتو بصاااااح..

نوال: س سمعتي..ا اشنو سمعتي..

عمر:(قبضها من ذراعها) هضري دابا..واش هو لي تعدى علييها😡.. 

نوال: ش شنو كتقول م منين جبتي هذ الهضرة😨... 

عمر: انا سمعتك ونتي كتهضري... 

نوال: اااي ضرتينييي طللللق😢.. 

عمر: دوي😠.

. نوال: اه اه هو لي تعدى على ميرا..ودابا ها نت عرفتي اش عندك ما دير لييه. .

خرجو عنييه ودفعها ومشا غادي داخل للشركة ولكن وقفوه ليكارد: 

عمر: حيدو من طريقي فيين داك شماتة😡.. 

....: ماتقدرش تدخل اسيدي هذي اوامر سي جود... 

عمر: غندخل بزز منكم.😡...

.....:منقدروش نخالفو الاوامر. حسن تمشي من هنا بلا مشاكل... 

عمر: انا غندمو غنقتلو ونشرب من دمو جوووووود خرررررج متخبااااااااااااش الخواااااااف جوووووود الى كنت راجل خرج لعندي اشمااااتة جوووووود...

....: هييي اش كديييير سير من هنااا سييير... 

بقاو كيدفعو فيه تا لاحوه فالشارع وهو باقي كيسب وينبح بوحدو اما نوال ومريم هي كيشوفو فييه كيفاش صاعر... 

مريم: اش غنديرو دابا...هذا غيضرب لينا كلشي فالزيرو... 

نوال: اففف معرفتش خليني نفكر....

مريم: سمعي هذ المرة مغنسكتش لييك نت واعدتيني تخلي جود يطلق ميرا ويتزوج بيا..انا عاونتك بزاااف ودابا جات نوبتك.... 

نوال: سكتيينا بلا هضرة خاااوية..فاش عاونتيتي فااش تا من عمر مشا وخلاني...

مريم: ماشي شغلي ..لي كنعرفو هو جود يطلق ديك البنت وتقربيني ليه ولا كنحلف لك تا نفضح كلشي ..

خنزرات فييها ومشاات اما نوال عصابتها هضرتها وتبسمات باستهزاء هي غير ضحكات عليها تا عاونتها تفرق بين ميرا وعمر باش تاهي تعاونها فجود يولي ليها ولكن نوال قلبات الخطة من مخداتش عمر قررات تقرب من جود ويولي لييها تم عمر جاي لعندها.... 

عمر: كنتو متافقيين عليبها نتي واياه ياك هضري😠...

نوال: ااش كتخربق 😑مكايين والو من هذشي... 

عمر: وعلاش مقلتييهاش ليا علاش خبيتي علييا....

نوال: كيفاش نقولها لك وانا فحالي فحالك يلاه سقت لخبار...

عمر: غندموووو مزيان هانتي غتشوفي شنو غندييير لييه... 

كان جاي يلحق علييها بزربة وهو يرمقها واقفة مع عمر كيهضرو زير على يدو مصغر فيهم عنييه وكيمسح على لحيتو بخبث... وتم راجع طالع المكتب ديالو وتاصل بمحمد..

محمد: الو جود...

جود: وجد لي تسجيلات الكاميرا ديال حفلة التخرج ديالك.. 

محمد: حفلة الفندق ؟.. 

جود: اه...

محمد: ياك لباس..؟! ..

جود: محمد نصف ساعه تكون عندي.. 

قطع تيلي وناض كيضور فالمكتب ويدوز يدو على راسو مخنووق راسو غيطرطق من قوة تفكيير..رجع جلس كيحاول يشغل راسو بالخدمة تا يشوف تسجيلات...

وهو يتحل لباب ودخلات ميرا سد البيسي وناض بابتسامة وهي جاية لعندو فرحانة بلا ما ينطق بكلمة جبدها لعندو حوطها بيديه وبدلاتو العنااق..رجعات فيه الروح بمجرد ما شافها ورجعات الابتسامة لوجهو تنفس ريحتها بعدما كان مخنوق وغمض عنييه مستمتع بالحظة وهي بين يدييه...

جود: توحشتك.. 

ميرا: وانا حسيت بلي توحشتيني وجييت ههه... 

جود: يا عيوني ( زير علييها كثر وباس على راسها) ..

ميرا: باقي خدااام... 

جود: ا اه اليوم عندي الخدمة بزاااف😑😑...

ميرا: امم يعني غير نمشي.. 

جود: كنواعدك نعوضوها ونتعشاو بجوج...

ميرا: صافي واخاا.... 

جود: مامقلقاش ياك؟.... 

ميرا: لا...المهم انا غنرجع للدار بلا منعطلك.... 

جود:(باسها فخدها) واخا احبيبه طهلاي فرااسك... 

ميرا: واخا رد البال لراسك سلامة... 

جود: وتا نتي... 

تمات غادا فحالها تا عيط ليييها... 

جود: مييرا...

ضارت شافت فييه وكتسولو بعنييه: نعم.. 

جود: كنبغييييييك..

ميرا(حمارو خدودها وحدرات راسها تتضحك وحلات الباب وخرجات.... 

اما هو رجع لبلاصتو مبتاسم كيخدم عنييه فالبيسي وعقلو معاها كيتفكر ليلة البارح عمرو ينساها وينسى كلامها وضحكاتها عفويتها برائتها..شحال كان فرحان ومرتاح لمعو عنييه من جمال الذكريات وترسمات على فمو ابتسامة هادئة قاطع تفكيرو الباب لي تدق... 

جود: تفضل.. 

تحل الباب ودخلات مريم بوجه شاحب وعنين منفوخين كتمشى ببطئ جهة جود وحادرة راسها..

جود: نتي!!..ياك لباس واقعه شي حاجة فاوطيل..

مريم: ل للا.. 

جود: وشنو جايه ديري هنا..

مريم:(تنهدات بخوف) ب بغيت ندوي معاك.. 

جود: كنسمعك هضري.. 

كيهضر وهو كيشوف فالبيسي وكيتسناها تدوي وهي كتفرك يديها بتوثر وتشوف هنا ولهييه بخوف ومقدات تنطلق بكلمة...

جود: غتباتي هنا....!! 

مريم: ااا اب ا انا... 

جود: هممم نتي شنو.... 

مريم: نت كنت سولتيني واحد المرة ش شكون ديك البنت لي كانت معاك فالحفلة محمد... 

جود: ونتي نكرتي بلي كتعرفيها ولا كذبت... 

مريم: البنت لي كانت معاك ماشي هي هذيك لي فبالك...

جود: ممكن توضحي كلامك...

مريم: البنت لي كانت معاك هي ميرا.... 

جود( وساعو عنيييه وصفار كاع الوان الطيف دازو على وجهو وسخونية طالعه معاه من صباع رجلو) ش شنو....

مريم: هي ميرا...ميرا لي كانت معاك ديك ليلة.. 

جود:(ناض لعندها باغي يخنقها وهي توقفو بكلامها) 

مريم: وتسجيل الكاميرا م معايا صيفطو ليك سي محمد..(جبدات تسجيل وعطاتو لييه...)

خدا منها تسجيل ومشا جيهة المكتب ركبو فالبيسي ورجع جلس ببرود ممتيقش هضرتها ولكن قلبو كيضرب بجهد والنفس كيطلعو بصعوبة تقاد فجلستو داير يدو على خدو بان ليه كلوار الفندق وبدا يتفرج فالغادي والجاي تا دازت نوال ومريم مع بعضياتهم وبقا مركز مع الفيديو ماهي الا دقائق تا صفاااار ووساعو عنييه ملامح وجهو كساتها الصدمة ثوب الدهشة والذهول بعد المقطع لي كيشوفو قدامو نطق حروف متقطعة كينادي بسميتها ولا كيستنجد تعتقو من هو المقطع.. كيشوف مييرا داخله لشومبر مع مريم وشويه تخرج لاخرى هازا الكسوة لي كانت ميرا لابساها وتلقات بنوال كيضحكو غمض عنيييه بحرقة ورجع حلهم وهو يشوف راسو داخل لنفس الشومبر عاد زاد تأكد صقل فبلاصتو فحالا توقف العالم كامل عندو حس بخنقة و فك رباط لكرفاط بقوة وعنييه مكيرمشوش حمار وجهو وبدا كيعرق ومريم تتشوف فييه بخوف ومشات تتجري لعندو...مريم: سي جود سي جود ن نت لباااس... 

هزات كأس الماء مداتها ليه باش يشرب وهو يشوفيها بنظرة غضب حادة وطلقات الكأس من الخوف كتبعد وترجف...

وهو كينقل عنييه بينها وبين البيسي باقي مصدوووم.. شحال وهو فداك الوضع تا ناض وقف كيشوفيها...

مريم: اهئ اهئ ا انا ما مدرت والو كلشي من نوال اهئ اهئ😭😭... 

مزال مكملات هضرتها تا تهز كاس كان قدامو وجا على راسها دوخها وطاحت شاداه كتبكي..ومشا لعندخا شادها من شعرها... 

جود(خرج فيها عنييه وكارز على سنانو حمااار) كيفاش قدرتو ديرو فييها هكاااااا كيييييبفاااااااش( بالغوات) ..

مريم: اهئ اهئ مادرت و والو انا مادرت والو اهئ اهئ😭😭... 

جود: دابا غتعاودي ليا كلشي ولا غنقتل مك هنا..دوي..

(وهو باقي كيجبد فشعرها ويصرفقها).. 

مريم: اهئ اهئ ديك ليلة ك كانت عدنا حفلة فاوطيل وجات عندي نواال طلبات مني نعاونها باش ترجع الراجل لي كتبغي وطلبات مني من تحضر ميرا ندير شي سبة وناخدها لدييك البيت هئ اهئ درت لي قالت ليا علييه م مكنتش باغي نأذييها وخصوصا من عرفتها مرااتك ندمت ولكن نوال هددتاني الى قلت شي حاجه غتقتلني اهئ اهئ...

جود: وشكوووون دخلتو عندها هااا قولي😡... 

مريم: تا واحد تا واحد نواال كبات شي سائل فحال الدم فالفراش باش يسحابليها تغتصبات اهئ اهئ وهي مابيها والو... 

طلق منها وكيبعد للور بخطواتو ماعرف واش يفرح حيت حبيبتو ما وقع ليها والو ولا يحزن حيت هو لي خلعها وسحاب ليها دا شرفها جود: الله ينتاقم منكم الله ينتاااقكم منكم.. مستحيل مستحيل ياربي مستحيييل...

مريم ناضت بزربة خارجة قبل مايقتلها وهو بقا كيضور ويهرس لي جات قداامو...القدر رجع كيلعب به من جديييد... 

#اما هي رجعات للدار تغدات مع الحاجه ونجاة غير مغوبشة كتخنزر فييها ومحملهاش وميرا ممسوقاش ليها...كملات غداها طلعات للبيت لبسات وخرجات للشومبينغ...مشات للمول هو لاول تقدات كساوي فلي مارك عادازت على الكوافور دارت لاسيغ وسوان دفيزاج وصبغات شعرها بالماغون مع مايك-اب ثقيل.. رجعات للدار مع 7 دالعشية فرحانة واخييرا ضحكات لييها دنيا طلعات لبيتها ولقات جود مزال مرجعش ختارت لبسة عبارة عن جييب قصيرة فدجينز وشوميز داخل فييها فالبلو مارين ودارت تعديلات على مكياجها وجلسات تتسنى فييه هزات تليفونها وتصلات به لقاتو طافي جلسات كتساين فييه تدوز الوقت بتصاورهم وهما ففرنسا تا طلعات عندها الخدامة تعيط ليها العشا مي فضلات تسناه تا تعشى معاه على الاقل فالدار...دازت ساعة ساعتين 3 والو مجاش كلما تحاول تاصل به تلقاه طافي مي مع ذلك مفقداتش الامل على انو يجي واخا تسناه تا يصبح الحال.....

#اما هو بعد ما رون دنيا فالبيرو خرج معارفش فين يولي وجهو كيحس براسو ضايع كيفاش غيرجع للدار كيفاش غيشوف فعنيها ويقول ليها انا لي تتكرهيه انا لي كنت معاك ديك لليله ولكن ماقربت ليك ماقستك..واش غتسامحو الى عرفات كان على امل انها تبغييه ولكن دابا تا داك شويه د الأمل تلاشى...

#وقف حدى البحر فداك الجو المغيم المغلوق فحال قلبو فهذ اللحظة والبرد كيخربق شعرو ويطير به عنييه حومر ومن وجهو تعرفو عييان تعرفو موضر تعرفو ضااايع....

باث فاايق حدى البحر وذكرياتو معاها ففرنسا فهنا مكتفارقش ذاكرتو ضحكاتها وصوتها مكيفارقوش وذنييه صورتها وبرائتها قداام عنيييه.. كيفاش غيواجهها ويقول ليها انا لي زرعت فييك الخوف من ظلام ! انا لي خليتك تغوتي كل ليلة من الخوف! انا لي بكييتك بزااف! انا لي خلييتك تعذبي اميرا! وزدتك بالضرب والعذاب..اكيد من بعد هذشي كامل مغتسامحوش..غتبعد علييه..موحال تبغي تا تسمع علييه مستحيل تيق بلي مقربليهاش.. #بقات شحال تتسناه تا غفاااات...

#صبح صباح فاقت كتحك فعنييها ملقاتوش يعني مرجعش بالليل من كانت ناعسة هزات تليفونها تجرب تاصل مي والو طافي زادت تشوشات و ناضت غسلات وجهها وبدلات حوايجها وخرجات من الدار غادة للشركة... وصلات وطلعات للبيرو ديالو ملقاتوش وقررات تسناه تا وكان يجي مشات جلسات فبلاصتو كتشوف فضوسيات وفخدمتهم وهزات البيسي ديالو تفرج فشي فيلم بيدمان يجي .تقدات فالجلسة وشعلاتو ولقات فيديو ...

شعلاتو ولقات فيديو يلاه بغات تخدمو وهو يتحل الباب دخل جود طاحو عنييه عليها قدام البيسي خرجو عنييه وتحل فمو وهي كتشوفيه بصدمة ناضت بشويه بلا ماتدوي تقبلات معاه وهو ربي العالم بحالتو داااخ وثقال علييه لسانو مقدش ينطق بكلمة كتفى بالشوفة فيها.. 

ميرا: جود... 

جود: ششش ماتدويش عفااك ششش خليني نشرح لك امييرا عفاااك بوجه ربي متحكميش قبل ماتسمعي... 

ميرا: جوود ماشي مشكل انا ممقلقاش منك حيت مجتيش.. 

جود: ا ك كيفاش...

ميرا: انا ممقلقاش حيت مبقيناش خرجنا لعشا جود باين علييك عيان(هزات يدها كتقيس وجهو).. 

جود: عاد رجعات فيه الروح يعني مشافتش الفيديو قربها لعندو عنقها وهي مكمشة بين يديه مغمضة عنييها توحشاتو بزاااف..توحشات لمسات يديه.. توحشات تشم ريحتو..وتسمع دقات قلبو من كتسارع..توحشات ترمى بين احضانو وانفاسو سخونين كيضربو فوجهها...

جود: توحشتتتتتك بزاااف...

ميرا: تا انا.. 

جود(طلق منها وكور وجهها بيديه كيشوف فيها بحنان بأسف بخوف) كنبغييك... 

ميرا: كتبان عيان اجوود..خلينا نمشيو للدار ترتاح... 

جود: لا خلينا هنا... 

جرها وجلسو على الفوطوي متكيها على صدرو كيمسح على شعرها ويلعب بخصلاتو مكرهش ياخدها لبعيد..هي الوحيدة لي محتاجها فحياتو معارفش كيفاش غيعيش حياتو بلا بيها.. اكيد عذاب فعذااب...قطعات تفكيرو...

ميرا: جووود... 

جود: نعمم يا روح جوود...

ميرا: حاسة بيك مقلقك واش فيك شي حاجة؟.. 

جود: لا انا بخير... 

ميرا: تشوشت عليك بزاااف عييت منتاصل بيك وتلفونك طافي فين كنتي... 

جود: كان عندي مايدااار...

ميرا: اممم وهذ ميدار معندو سمية... 

جود: ههه يا عيني على المحققة ديالي...

ميرا: مبقاش تعاودها عفااك...

جود: تأمري ياعيون جود.. بتسمات وتخشات بين يدييه كثر فحال اخير عناق بيناتهم تا تحل الباب بجهد زعزهم وناضت قافزة اما هو غوبش ونقل عنييه كيشوف شكون لي تجرأ ودخل هكااا يا ويلووو... 

دخل عمر هايج ومن شافهم معانقيين خلاص والسكرتيرة تبعاااه بالغواات... ناض جود كيخنزر فييه وميرا خلعها وشدات فجود وهو اشر ليها بعنييه بارتياح عاد رتاحت نسبيا... 

جود: مالنا على هذ الدخلة ياك لبااااس... 

عمر: نت واحد مكتسواش(جاي جيهتو باش يضرية مي جود صدو بضربة)... 

جود: ترجع طول علييا يدييك نقطعها واش كتفهم😡...

عمر: نت واحد شمااااتة وكذااااااااب كيفاش تجرأتي تقييسها وخي خطييبتي اااااااااااع...... 

جود:(غمض عنييه وشاف بلي كلشي غيتفضح دابا ولكن مغيقبلش تعرف من شي حد اخر غيرو) اشر للسكرتيرة بعنيييه باش تخرج ميرا... جات سكرتيرة شدات فميرا...

السكرتيرة: خلينا نخرجو خليهم يتفاهمو بوحدهم..

ميرا: ل لا انا غنبقى مع جود عمر شنو كتخربق... 

جود: حبيبه سيري معااه..عفاك... 

شاف فيهم بعمر بحقد بالخصوص من نطق ديك حبيبه مكرهش يتلاح علييه يسلخو..

عمر: بقاااااااااي ..متخرجيش باش تسمعي حقيقة رجالك المحترم... 

جود: عمر..تزيد كلمة وحدة ما تلوم غير راااسك... 

تمات خارجة هي وسكرتيرة وخلاتهم الراس فالراس... 

جود: دابا دوي..طلق ماعندك.... 

عمر: خرجتيها باش ماتسمعش حقيقتك ولكن لابد ماتعرف..

تم غادي جاي ما عقل على راسو تا طاااح وجود صاعر كينهج... جود: بربي وتدوز تا فطريقها تا نقطعك طراااف طرااف... 

عمر: نت مغتقدر تمنعني... 

جود: بلا ما تخاطر وتكون نهايتك على يدي.. 

عمر: غنشوفو نهاية شكون فينا لي قربات من تعرف ميرا الحقيقة...وتكرهك .

جود: عمرها غتقدر تكرهني غير رتاح... 

عمر: هههه وقيلا معارفش شحال كانت تتقلب على هذا لي غتاصبها وكتمنى تقتلو...ههه تنازل اصاحبي بلا ماتشوه راسك... 

جود: شفتك نسيت جزء مهم...

عمر: فحال اش... 

جود: انا راجلها... 

عمر: هه واخا تكون باها..عمرها تسامح لي تعدى عليها غتكرهك ويمكن كااع تقتلك..هذيك ميرا وانا كنعرفها....

جود: انا متعديتش علييها يمكن خطيبتك مخبيه عليك بلي ميرا بقا كيما هي شريفه ونظيفة...

عمر:(بقا هي يتمتم مقدرش يقاد جملة مفيدة)... 

جود: اووه شفتك تصدمتي... 

عمر: (مالقا مايقول)...كذوب.. 

جود: ساليتي الباااب قداامك... 

#شافيه بغضب وخرج ونيران طالعه من عنييه اما جود رجع جلس وتاصل بمييرا طمأن بلي وصلات لدار عادوز الاتصال لعند نوال... 

نوال: الو.. 

جود: بغييت نشوفك..

نوال: ا اه واخا فييين... 

جود: من هنا لساعة نلقاك فالشارع....

نوال: اوك.. 

قطع علييها وهي كضحك وتنقز فرحانة.. 

نوال: اوووومايكود شحال انا واااعرة..تا فهذي نجحت هههه غنشوفو الاله ميرا شكون فينا لي غتربح هذ المعركة.. هزات نمرتها المجهولة وصيفطات ميساج لميرا لي وصلات للدار وجلساا مع الحاجة كيدويو بعد ما تغدااو..هزات تليفونها لقات ميساج من نفس النمرة"زوجك يخونك مع صديقتك الاولي" مفهاتش الميساج وعاود قراتو تا جاها العنوان فميساج" شارع.....مع 3:30)... 

ميرا: اش هذ تخربيق تاني جود و نوال يا اعوذ بالله..بنادم مسالي وكيخربق... 

لاحت تيلي وطلعات لبيتها كتفرج والموضوع مبغاش يخرج من بالها وصلات 3 ناضت بزربة هزات صاكها وشدات طاكسي حطها فالشارع..وماهي الا دقائق وهي تشوف نوال مفركسة لابسة كسوة مقزبة..

لابسة كسوة مقزبة واصلة لفوق ركبة بشويه فالغوج ومعرية من صدر وسرحات شعرها على طولو ودايرة مايك-اب وهي تتحقق فييها وشنو لابسة وقفات سيارة جود وطلعات لاخرى خرجو عنيها وكدوز يدها على شعرها وتعاود تحطها على فمها ودموع هابطين كي الواد.. كسيرات الاوطو ديالو ومشات تتجري وشادة على قلبها ورجليها ياذوب هازينها وقفات طاكسي بجهالة وطلعات وطلبات منو يتبع اوطو ديال جود...بقا تابعها تا وقفات حدى اوطيل محمد هبط جود هو الاول ونوال موراه... 

نوال: ما قلتيش ليا شنو جينا نديرو هنا... 

جود: صبري شويه... 

نوال: اممم يعني مفاجأة هه...

جود: تقريبا...

دخلو لاوطيل ونوال فرحانة وضحكها كيتسمع تا لاخر الشارع وجود كيضحك تاهو .. 

هبطاات ميرا وتبعاهم بالخف تا طلعو وطلعات موراهم وشافتهم داخلين لنفس الغرفة لي تغتصبات فييها كانت غطييح كن ما شدات فالحيط داخت وضارت بها الدنييا وقهقهات نوال كيتسمع صداهم فوذنيها... بقات مسندة على الحيط تتمشى بزز وجلسات فدروج كتبكي.. 

دعني ابكي اليوم كي يشبع قلبي... 

فلقد اهلكني قدري ونصيبي... 

احببتك وخدعت انفاسي... 

اهلكتني ونكرتني يا حياتي...

اشفي جروح قلبي الخضراء...

اشفي روحي واحاسيسي الظلماء.. 

يا من سرق قلبي وراح حبي هباء... 

#مخبية وجهها بين يدييها الصغيورين والشعر هابط على وجهها ويديها... 

ميرا: الله ياربي شنو درت اهئ اهئ فين ما كانت شي حاجه تفرحني لابد ما تسلب مني اش من ذنب درت فحياتي ياربي تا نستاحق هكا ..تا لي قلت كيبغيني ووليت نبغييه زاد وغدرني اهئ اهئ علاش ياربي غيير حنا لي نية كنتغدرو علاش حنا لي كنعطيو كلما عدنا تنتألمو اهئ اهئ ... 

حسات بيد تحطات على راسها علات عنييها الحومر وسايلين بدموع تتشوف فييه واقف قدامها بعنيين مدمعيين هبط لمستواها مسح دموعها وهي كتشوف فييه وتألم كثر ..معقول هذ اليدين لي كيسمحو دموعها يخونو ..معقول هذ العنين فغييرها يشوفو... معقول لغييرها يكونو... ناضت كتمسح دموعخا وزايده فوثيرة بكاها كيشوفييها بألم ماقدرش حتى يسولها مالك... 

ميرا: ت تا نت صدقتي فحالهم اهئ اهئ... 

جود: شششش..متحكميش عليا...

ميرا: انا شفتكم بعينيا دخلتو لنفس البيت لي لي انا اهئ اهئ اهئ😭😭... 

جود: دخلت اه ولكن ماخرجت تا تأكدت بلي غتكون دابا كتواجه نفس المصير لي تمنات تواجهيه...

ميرا: م مافهمتش... 

جود: نوال كانت سباب فعذابك ودابا كتعاقب بنفس الطريقة لي ختارت تعاقبك بها نفس البيت ونفس الفراش ونفس الحالة... 

ميرا: ل لا م مايمكنش... 

جود: كل واحد كيعطيه ربي على قد نيتو...

ميرا: و ولكن... 

جود: اجي خليينا نمشييو... 

شد فيدها وجارها وهي عنييها فالبيت وكتخيل نوال وهي كتغتاصب...

ميرا: اهئ اهئ لا لا عفاااك خلييوها... 

جود: ميرا زيدي وسكنيينا.. 

ميرا: لا لا منقدرش اهئ اهئ....

جود: ميرا خليينا نمشيو من هنا(شد وجها بيده مكورو) خليينا نسافرو بعييد نعيشو حياتنا نساو الماضي ونبداو من جديد... 

ميرا( مصدومة) ا اب ش شنو... 

جود: انا مبقييتش قادر نبعد علييك فهميني... 

ميرا: و ولكن... جود: مكاين لا ولكن...عندي شي خدمة مزروبة تماك ومنقدرش نخليك هنا.. .

ميرا: و واخا صافي.... 

باس على راسها وعنقها... 

جود: اليوم غنمشيو... 

ميرا: ش شنو علاش هذ زربة... 

جود: هي شي ايامات ونرجعو.... 

ميرا: و واخا.... 

شد فيدييها وطلعو فالاوطو طريق كامل والجو متوثر هي تأنيب الضمير كياكل فييها وهو باغي ياخدها من هنا قبل ماتعرف من شي واحد...عمرو ماخاف يخسر شي حد فحال هكا ولا عمرو استسلم فحال هكا ولكن غالب الله القلب امره عجييب.. وصلو للدار طلعات وطلع موراها دخل لدرسينغ خرج لي فالييز وقادوهم تصلات بمامها خبراتها بلي جود عندو شي خدمة مزروبه وغيسافرو اليوم مي مغيتعطلوش... هبط لي فاليز يحطهم فالاوطو وهبطات تاهي وتمات خارجة تا وقفات علييها نجاة... 

نجاة: فين غاديين بالسلامة... 

ميرا: مسافرين شي ايامات على ود شي خدمة ديال جود... 

نجاة: شوفي فيا مزيان وسمعيني والله لا خليتط تفرحي بيييه... 

ميرا: غير قولي ليا علاش هذ الكره كامل اه؟...

نجاة: نتي لي خليتي ولدي يبعد عليا ويكرهني...

ميرا: ما كيكرهكش اخالتي غي.. 

جود: ماما ..ميرا ما دارت والو لي كاين بيني وبينك..

نجاة: غي دافع علييها وخلي ماماك... 

جود: الله يهديك وصافي..يلاه اميرا..

ضارو غادين وهي تغوت نجاة 

نجاة: باز لي ما عندها حس كرامة غتاصبها وضربها وباقا تبعاه... 

#وقفات مييرا فذهول كيتعاود صدى "غتاصبها وضريها وباقا تبعاه" فوذنها طلعات معاها سخونية وبدات كتعرق علات عنييها فجود فحال الى خويتي علييه سطل د الماء مصدووم كيشوف فمييرا ونقلات عنييها لنجاة لي مخرجه عنييها...نطقات بصوت مبحبح ومخلط بالبكا مخنووق: شنو... 

نجاة: كيما سمعتي..الراجل لي تعدى علييك ديك ليلة هو هذا جووووووود.... 

جود: ماااااااامااااااااااااا سكتيييييي.... 

ضارت بها الدنييا وكحالت فعنيييها حسات براسها فحال جبل عالي بدا كيتهز وطاح ..

ميرا: ج جود ش شنو تت تتقول ه هذي... 

قرب لعندها وعيينه حمرين ..

ميرا: ع علاش ك كتهضر هكا اجود😢...

جود: ميرا غي سمعيني عفاااك انا... 

نجاة: مالي كذبت ماقلت هي لي كايين..

ميرا: ج جود ق قوليها ت تسكت ع عفاك اهئ اهئ م مستحيل ت تكون نت ل لا م ماشي نت اهئ ياك ماشي نت ياك اهئ اهئ😭😭... 

جود: انا غنشرح ليك كلشي اجي جلسي عفاك اميرا... 

ميرا: قولي كذوب اجود قولي ماشي بصاح هضر..(كتهززو) اجود هضرررررررر.....و واش نت😨؟.... 

جود: ميرا انا ...

ميرا:(بالغوات والبكا) وااااش نتاااااا.😢😨... 

جود: اااااه ااانااااا ااانااا ولكن.... 

ميرا: لااااااااااااااااااااااااااااااااااااااااااااا(سدات وذنيها بيديها وطاحت لارض ) لااااااااااااااااااااااااااااا لاااااااااااااااااا ..

جود: ميرا والله العظيييييم اميييير ما قربت ليييك ورب الكعبة ماقستك....

ميرا: سسسسسسسسسكتتتتتتت لااااااااااااااااااا ياربييييييييييييييي لااااااا لاااااااا لاااااااااا كذوووووووووووب كذوووووووووب ماشي نت لااااااااااااااااا..... 

طاحت وتسمع هي "طراااااااااااااااااااان" فالداااار وسخفات وجود كيجري هزها كيحرك فيييها مخلوووع.. 

جود: مييرا مييييرا لا ميييرا حلي عنيييك مييرا متخلنيييش مييييرا...... 

ناض هزها كيجري بزربة وهي فحال ريشة بين يدييه ونجاة من العافيية لي شعلات فييها قبيلة مبقات عرفات شنو دارت جلسات شادة راسها كتبكي وتنوح وتدعي على نوال لي خبراتها بكاااع الحقيقة بالموت ونوال اصلا عايشة دابا فشي اكفس من الموت... طار كيجري طلعها فالاوطو غادي بها للمستشفى جا كلشي كيجري لعندها من الاطباء ودخلوها نييشان اما هو بقااا على برا غادي جاي ودموع لاول مرة كيطيحو من عنيييه بعد وفاة باباه تغلغل حب ميرا فقلبو خترقاتو بدون اذن وسكنااااتو تجوزات مراااحل العشق انه يبكي علييك راجل قدو قد جبل رجل مكانش كيرحم دمعو عنييه بسبابها راجل كان قلبو حدييييد رطباتو ببساطتها وصبرها الدائم وبرائتها طلعات نقية من قطعة توب ابيض.... جلس جامد ياذوب تميز بينو وبين داك الكرسي ولي داز من الاطباء كيشوفو فييه والممرضات مجمعيين فقنط كيطلو علييه ويتغامزو ببناتهم ولكارد داييرين به وهو ولا فهذ العالم... جود: علاش اماما درتي فيا هكا علاش ماما بغتي تفرقيني علييها..علاش دمرتيني ودمرتيها..اش ندير بلا بها.. كيفاش نقدر نعيش بعييد عليها..اكيد كرهاتني..ومغتبغييش تشوفني.واخا هذشي كامل ماشي مهم حيث لاهم تولي لباس يكفيني نشوفها بخيير واخا العذاب مكاين مهرب منو وهي بعييدة عليا ولكن اهون على توقع لييها شي حاجه..ياربي تشافيها وتكون معاها ياربي متورنيش فيها شي حاجه تبكيني ياربي خد روحي وعطيه ليها .ياربي الا ميرا ياربي متغصبنيش فييها ياربي رجعها لي بخير وبسلام يارب العالميين.... غمض عنييه وسند راسو على الحيط تا سمع الباب تحل حل عنييه بزربة ومشا عند طبيب... 

جود: كي بقااات دزوي سربيني...

طبيب: عطيناها مهدئ ونعسات باين تعرضات لشي صدمة كبيرة علييها... 

جود: ياك مكاين تا خطر على حياتنا ولا نفسيتها.. 

طبيب: نفسيتها عياانة بزااف..وغنتحققو كثر من تفييق... 

مشا طبيب وخلاه فحالة تم داخل لعندها ناعسة فهدوء وباين داخلها اموااااج من الحزن والوجع.. قرب باس على راسها وجلس شاد يدها كيبوس فييها ودموعو سايليين... 

جود: فيقي عفااااك...ولي بخيير على قبل الحب لي كنكنو لييك متخلنييش فنص طريق اميرا...بلا بيك غنضيغ فييها شدي فيدي متخلنييش نطيح عفاك فيقي ولي بخير ..حط على راسو على راسها مغمض عنييه تا سمع صدااع برا والبكا ناض يطل لقا فضيلة والحاجة اية وجميلة وسعييد كلشي ساق لخبار من عند نجاة وجاو كيجريو كلشي كيبكي وجود كيهدن فييهم... 

#بدات كتفييق وتحل عنيها كيبان ليها كلشي بيض وريحة الادوية كضرب فنيفها غمضات عنييها عاود حلاتهم كيبان ليها كلشي كيشوف فييها وخايف علييها نقلات عييينها بيناتهم كتقلب على واحد الشخص مي ملقاتوش ورجعات حدراتهم بلا ما تنطق بتا حرف وهما مستغربيين... 

فضيلة: بنتي كي كتحسي راسك دابا لباس...

ميرا: الصمت.. 

فضيلة: بنتي....😥 

جميلة: حبيبه ديالي نتي بخيير...

ميرا: الصمت... 

فضيلة: اويلي مالها ياك ما البنت مغتبقاش تهضر... 

الحاجة: برا والباس افضيلة..خليني نكملها..

.ميرا بنتي هضري معانا واش نتي بخير.... 

ميرا: الصمت...

فضيلة: هاويلي ياريي يايمااااا يا بنتي ميرا دوي ابنتي قولي ش حاجه مييييرا.... 

اية: عمتي خلييها ترتاح شويه ..انا غنمشي نعيط لطبييب... 

#خرجات اية عطيات على طبيب وخرجهم كاامل بقا مدة عند مييرا عاد خرج..

فضيلة: مال بنتي ادكتووور... 

طبيب: المريضة تعرضات لصدمة واتراث على نفسيتها بزااف حاولو تهضرو معاها بالخاطر متعييوهاش ضروري تهضر ولا تبكي ولا هذشي غيخرج على صحتها...

فضيلة: ش شنو و واش بنتي غتموت😨...

الحاجة: ماحنا على فالك ابنتي تفائلي..

اية: وشنو الحل دابا ادكتور.... 

طبيب: صدمة اخرى..لابد ماتعرض لصدمة لاخرى سواء فرح ولا حزن المهم شي حاجه تخلييها تبكي.. 

فضيلة: الله ياربي ابنتي على اخير ايامك نقلبو ليك على مشاكل اهئ اهئ...

الحاجة: متخافيش غتولي بخيير..😢

فضيلة: فييين هو جود😢...

الحاجة: افف جود حالتو حاله عمري شفتو هكا مدمر خايفه علييه بزااف... 

فضيلة: شنو دار لبنتي علاش وقع لييها هكا...

الحاجة: اويلي الرجوع لله افضيلة شنو غيكون دار ليها راها تا حنا بنتنا... 

جميلة: متديش عليها اخالتي اعصابها متوثرة دابا...

الحاجة: استغفر الله.... 

مشات جميلة وسعييد واية وفضيلة بقاو عندها وهي عطاوها مهدئ تاني ونعسات جا جود لي حالتو تقطع القلب عنييه حومر وتحتهم كحال دخل لعندهم وكانت فضيلة غتنوض تكمل عليه كن ما اية لي خرجاتها... بقا معاها شحال تا حس بها بدات تفيق عاد خرج بلا ماتشوفو وتأزم كثر فضل هذ الفترة يجي يشوفها وهي ناعسة ويبقى بعيد علييها مؤقتا.. دازت سيمانة وميرا على حالتها مكتهضر مع حد خي كتشوفيهم وساكته وتا دموعها نشفو مبقاو طاحو مع انهم عيااو معاها بالنكت باش يضحكوها كذبو علييها شحال من مرة باش يخلييوها تبكي والوو..اما جود فحال الى ماعيش ماماه قطع معاها الهضرة وهي عاد تنادم معاها الحال وتطلب سماح من ولات تشوف حالة جود لي كتبكي الحجر دازو يامو وهو بين الشركة والوبيطال والدار...كيموت الف مرة بنهار وهي بعييدة علييه وهو سباب عذااابها هذا كاامل... 

#صبح صباح فاقت ميرا وفطروها بدلو ليها حوايجها وتكاوها مثل كل نهار كتسنى يزيروها عائلتها او بالاحرى كتسنى جود يزورها خرجوها من للوبيطال اليوم وداوها للدارهم دازت ايام وهي كل نهار كتسنى داك الغايب يجي يطل علييها يسحاب لييها خلاها ومشا من نهار جات للوبيطال مبقات شافتو ..علاش اجود تمشي وتخليني هكا...علاش خلتيني فهذ الوقت..علاش تخليتي عليا وانا فأمس الحاجة لييك .علاش مشدتييش فيدي وانا كنطيح...بصاح كننتي سباب عذابي واوجاعي ولكن وجعي دابا انك ماشي معايا..كل نهار كنتسناك على امل تجي تعنقني و تبوسني وتحوطني يدييك كيما من قبل...فينك اجود علاش خلتيني اهئ اهئ ... بصاح مزال ماسمحت لييك ولكن مقداش نخرجك من قلبي.... 

الى متى سأظل انتظرك يا جود هل سأموت وانا انتظر ذاك الغائب الذي رحل دون وداع..

تركتني دون ان اعرف الى اين رحلت هل رحلت مع امرأة غيري!!...

هل اكتفيت بحبي الذي مضى!!.. 

هل وضعت اسمي لديك في اخر قائمة النسيان.!!. 

تركتني وحيدة اصارع ظلمات الليل...

تركتني ضائعة اتذوق طعم الشوق والويل... 

اتعلم ان اسعد اوقاتي عندما اسمع صوتك..والان لا اسمع الا صوت صداك في اذني.. 

اتعلم اني كنت احلم بأشياء كثيرة..وبعد رحيلك لم اعد احلم ابدا.. .

اتعلم حين رحلت فارقت بعدها الحياة...

اتعلم ان رحيلك ارعبني واختصر مراحل عمري وقذف بي للصفحة الاخيرة...

اتعلم ان الشمس غابت في سماي منذ ذاك اليوم الذي رحلت فيه..كأنك اطفأت انوار الكون ورحلت...

اتعلم ان شعري يسألني عن اصابعك وعيوني تسألني عن عينياك وبريقهما.. 

اتعلم انك #انت_حبي_ووجعي..

اتعلم انك زرعت #شوك_الغدر بحنجرتي ..هل انا من تركك ام انت من تخلى عني فمن #االخائن_بيينا_يا حبيبي...

هل تعلم انك مهما عذبتني وقسوة عني وكنت وحشا يفترسني ستبقى حبي الاول والاخير وابقى تلك الضائعة تلك#النصف_عذراء_التي_ارتمت_بين احضانك_ايها الوحش_اللطيف..

كانت جالسة فبيتها تتشوف فسقف ودموع هابطين من جناب عنيها كيحرقو خدودها المتوردين وصوت جود مكيفارقش وذنييها مابيها ما علييييها تا دخلات اية كتجري حلات الباب بجهالة...

اية: ميييرا جووووود دار حادث...

نقزااااات من ناموسية بزربة.. 

ميرا: ح حادث..جود م مات.. 

اية: هههههه ماماااااا عمتيييي هضراااااات ميراااااا دواااااات مامااااا... 

ميرا: دوي جود مالو دوي اهئ اهئ(وبدات تبكي)

اية:م مالوش جود بخييير لباس علييه ...

جات فضيلة وجميلة كيجريييو ويعنقو ميرا لي كتبكي وتشهق وقلبها غيسكت بالخلعة حسات بروحها طلعات ورجعااات حسات بقلبها فحال تغرزو فيييه مواااس دنيا ...

فضيلة: را غير سبة ابنتي باش تخلييك تبكي اما جود لباس عليييه...

ميرا: ب بصاح ياك مواقعه لييه والو....

اية: لا هو بخيير.... 

ميرا: مجاش يشوفني ياك...

اية: لا مجاش( وهي جود عيا مايوصي فييها متقولش لميرا را ديما كيجي من تكوني ناعسة).. 

ميرا: مزياان نيييت كاع مبغااش نشوفو...

اية: مييرا خليينا نمشيو عند طبييبه.. 

ميرا: ع علاش... 

اية: السيد قال مقاصكش..ماقربش لييك...

ميرا: انا شفت الدم بعييني فالفراش ا اية وحسسيت بالحريق شاعل فيا وتقولي مقاصنيش... 

اية: واخا هكاك خليبنا نشوفو طبييبة عفاااك ديريها على وجهي... 

ميرا: لا... 

اية: ياك اختي مبقا وجهي يسوى عندك والو.... 

ميرا: لل لا ا اية ماشي هكاك ولكن...

اية: لا صافي ماقلنا والو... 

ميرا: اففف واخا موافقة... 

اية: ياااااي نني اجمل اخت فدنييا مووااااااح...

ناضت لبسات حوايجها وناضت ميرا هي لاخرى لبسات وخرجو شدو طاكسي غادين لعيادة وجود تابعهم من للور... وصلو لعند طبيبة جلسو شدو النوبة وميرا كدعي ميخيبش ظنها..

ميرا: ا انا خايفه بزااف..كن غير ماجينا..كلشي منك..

اية: متخافيش كلشي غيدوز مزيان تيقني...

بقا يتسناو نوبتهم على احر من الجمر تا عيطات عليها سكرتيرة ودخلات ورجليها كيترعدو

واية كتزعمها دخلات لفين تيدوزو وطبيبه دارت للازم وخرجات كيتسناو طبيبة فالبيرو ديالها...

اية: فحصاتك...

ميرا: اه...(وكتقمش يديها من التوثر)...

جات طبيبة جلسات وكتشوفيهم بابتسامة... 

طبيبة: كلشي مزيان عندك ابنتي... 

ميرا: ك كيفاش واش ب بقا بنت... 

طبيبة: اه باقا بنت ابنتي... 

من الفرحة غوتات وكتبكي واية معنقاها كضحك.. 

اية: شتي ياك قلتها ليييك ههه..

ميرا: انا فرحانة بزاااف هههه ربي ربي انا بنت ييييااااي ... 

اية: خليبنا نخرجو يلااااه هههه....

تماو غادين هما فرحانين وميرا مبقا ليها والو وطير خرجو من العيادة كيضحكو و يتعانقو وكيشوفو فشهادة العذرية وميرا كتقراها علات عنييها وهما يوساعو ودمعو كان واقف بديك الوقفة الرجولية ديالو جامع يديه مسند على الاوطو وليكارد موراه بطوموبيلتهم مبتاسم ابتسامة جانبية فحال الجاذبيه ههه ..شهقات وهبطو دموعها واشر ليها بيدو لا(ماتبكيش) تمات غادة لعندو بخطوات بطيئة وكتفحص وجهو لي توحشاتو متبدل فيه والو من غير اللحية لي كبرها وزادتو وسامة وجمال توحشات عنييه المرمشين وفمو صغييو .توحشات تقيس ذراعو القاصحين..وشعرو رطيطب... وقفات بعييده علييه مقداتش تزيد حاسه برجلييها فشلو علييها وهو بتاسم وحل ذراعووو المبودرين لي غيطرطقو فالفييست كيتسناها ترمى فحضنو بشوق وهي حطات يدها على فمها بفرح كتكبي وطاااارت ترمات فحضنو الدافئ وحوطها بيدييييه هازها كيضوووور بهااااا كيضحك وهي مرة تشهق مرة ضحك 

شحال واية شويه وتسخف هههه.. حطها كييوس يديها ويبوس راسها وجبينها وهي كتبكي ويمسح دموعها.... 

ميرا: نت ممزيانش مشيتي وخلتيني اهئ اهئ... 

جود: يا عمري انا مشيت باش منزيدش نأزم وضعك... 

ميرا: كنت كنتسناك على حر من الجمر ياجود..مبقيشت قادرة نعيش بعييدة علييك اهئ اهئ ولكن نت قدرتي اهئ اهئ.. 

جود: مكانش يدوز عندي نهار بخير بلا مانشوفك اميرا...وعمرو داز نهار بلا منجي وقت لي تكوني ناعسة ونبقى معااك شحال عاد نرجع...

ميرا: ب بصاح😊...

جود: وعلى انا نقدر نبعد علييه ياريثني نقدر تمكنتي مني😊... 

ميرا: ا انا ا انا... 

جود: نتي شنو هممممم....

ميرا: انا كنبغيييك بزاااف... 

جود: يااااااااالله....

هزها كيضور بها وهي طايرة فسما من الفرحة ....

رجعو للدار داخليين علييهم شادين فيدين بعضياتهم ناضو كيزغرتو ويتغامزو حشومهم وعاد هربو منهم للفيلا حلات لييهم سهام الباب وتلقاتهم الحاجة فرحانة كتعانق هذا وتبوس لاخر اما نجاة واقفة حادرة راسها تا مشا جود باسها وهي تعنقو كتبكي وجات ميرا تسلم علييها وجبداتها كتعنق فييها وتبوس.. 

نجاة: سمحو ليا اهئ اهئ عماتني الغيرة وقلة العقل سمحو ليا... 

ميرا: مسامحيينك اخالتي...

عنقهم جود بثلاثة كيتبكاو وهي تنقز اييمان: نسيتوني... جود خنزر فيها وهي دمعو عنيها تا مشات ميرا شداتها من يدها وجابتها لعندهم وعنقات جود وتلاحت علييهم نجاة معنقاهم تاهي... 

جود: احم احم اوا خليوني نعنق مراتي بوحدي بلا ماطيرو تاني... 

الكل: ههههههه.. جرها لعندو وعنقها..

نجاة: الحمدلله واخيرا شفت ولدي كيضحك فرحان بعدما رجعتي ليه ابنتي..من كنتي مريضة فقدت الامل نشوفو بخير من جديييد...

الحاجة: الحمدلله ربي يدوم المحبو بيناتكم... 

جود و ميرا: امييين...

طلعو عصافيرنا لبيتهم فرحانين وكيعاود ليها على كل نهار وهي بعييد عليييه تا وصل وقت العشا دوشات ميرا ولبسات وهبطاات هي وجود لقاا عائلتها جايين عارضيين علييهم لعشا بداو يتسالمو ويجمعو وكلشي فرحان وضاحك ومحمد كيغمز لاية وهي ضحك وتقرص ميرا وهي تموت بالضحك.. 

ميرا: ناري ابنت الحرام شبعتي فيا قرييص الله يعميها ليك واش كلما يغمزك تقرصيني...

اية: ههه وناري تيتيز ياختي.. 

ميرا: هههه ..سكتو شويه وهي تقرب ميرا لحدى ودن اية...

ميرا: بغييت نسولك... 

اية: امم شنو... 

ميرا: نوال شنو خبارها... 

اية: تعرضات للاغتصاب بوحشية ودابا كتعالج فمستفى الامراض العقلية وداك عمر سافر هو و ماماه... 

ميرا: كل واحد كيحصد لي زرعو وربي كيعطيينا قد نيتنا ..يمكن بعض المرات دنيا كضيق بينا وتكحال فعنينا ولكن كلما ضااقت كلما فرجات كلما ظلام ليل كلما كيقرب صباح وتشرق شمس من جديد...كيقولو ثقة فحال بيت عنكبوت صعييب تبنيها وساهل تهدمها لهذشي خلييو ثقتكم فواليدكم وفنفسكم.. وفالله لي عز وجل لي خلقكم.. وغيرهم ماتيقو را بنادم ضعييف والنفس انانية فاحذرو من النزوات ومن شر الشياطيين.... 

جود: حبيبه ديالي....

ميرا: نعمممم... 

جود: اجي خلييونا نتصورو جمييع...

ناضت لحداه وبداو يتصورو...

جود: كنبغيييك وحياتك وحياة حبي ليك مايخذني منك الا الموت...

ميرا: كنواعدك نبغييك كل يوم اكثر من لي قبلو يا حياتي... 

اييمان: يلاه شوفو فالكاميييرا وقولو تشييييز...

فضيلة: توما قولو هي اسكييييييييييف(askiif)..

الكل: هههههههههه😂

تمت بفضل لله وآخر مانختتم به الحمدلله رب العالميييين..