فضيلة: الله ينجييك ابنيتي متقوليش هكاك..يلاه سيري شوفيه ويكون خير
ميرا: يا يما انا لي غنبقا بايرة سير يا خالي بغيتك لاسهال. ( ayna hna nki ra sol ibour ayf irbi ikhali tamondi) جمعات شعرها وخرجات بديك البيجامة نيت وكلاكيط نيشان تتجر فرجليها تا وصلات للقهوى. .
نعرفوكم بعدا على ميرا.سماتها مها ميرا حيت عزيز عليها واحد الفيلم سمية البطل ديالو ميرا..وهي.بنت زوينه20 عام كلشي فيها مقاد بيضة وشعر حرير وطويل فم صغير غوز ونيف مقاد لطاي هي هذيك طويلة وعندها حقها فالتضاريس عايشه هي و ماماها مع خالها سعيد ومراتو جميلة وجوج بناتو .جميلة تتخدم معاه فالقهوى وبناتو وحدة هبة مزوجة واية تتقرا..باها مات شي عامين هذي وجاو سكنو مع خالها وعايشين على قد الحال فحومة بسيطة..وكدير لفاك اول عام . #وصلات للقهوى سلمات على خالها.
سعيد: اجي ابنتي اجي
ميرا: هاني اخالو..
سعيد: كلسي...
كلسات تتشوف فيه وتتسنى على حر من الجمر واش موافق على زواجها بعمر لي تتحماق عليه وناوي معاها المعقول. . سعيد: اوا سمعيني ابنتي الله يرضي عليك.
ميرا: تنسمعك اخالي..
سعيد: مك هضرات لي البارح على .على.
ميرا: على عمر .عمر اخالي ههه😀
سعيد: ويني وجهك صحيح ...
ميرا: حاشى ل لالا.
سعيد: المهم الى كان ولد الناس ومزيان وباغي المعقول يجي .مرحبا. ..
ميرا: اه اه اخالي ناوي المعقول اخالي.😊
سعيد: اوا علميه يجي مرحبا..دابا غنوض الخدمة مزيرة اليوم ..غيجيو شي ضياف لعندنا.
ميرا: شكون هذ ضياف اخالي ؟😨
سعيد: كتعرفي سهام؟؟..
ميرا: ل لا. 😕
سعيد: ومها مريم؟ ..
ميرا: ل 😕 لا..
سعيد: مرات سي حسن.
ميرا: اااه سي حسن كنعرفو ولد سي المعطي لي ساكن فالحومة لاخرى را ولدو هشام خدام كوميسير ياك وعندو صاحبو ياسين كيجي لهنا لقهوى مع امين ولد سي على لي كاري لمحمد مول المخبزة را ولد ختو واحد طويل وعريض و..و..و(شافت خالها ساهي فيها. بقات كتقفقف.)
ميرا: اا ب ه هاني مشيت ب بسلامه..
خرجات صكعه بعدما فضحات راسها جبدات تليفونها كتاصل بعمر.
. بقاو داوين والجوجات تيشكرو فميرا وهي طالقة ودنيها فحال الباربول وتضحك بينها وبين راسها يا يما شحال تيكذبو اوا باز وجهم صحيح بقات تتلعب بشعرها طويل والعكوزة تتشوف فيها باين عجباتها وميرا دايره رجل على رجل زعما تقدات فالكلسه والبلغة تتشعش باينه جديدة عجبوها وهي كتشوف فيهم وطلع رجلها باش تشوفهم تا عكوزتها وتتقول ااحح ا اية فين جبتي هذ البليغات سطاوني..والله لابقا شفتيهم غيجيوني كيووط مع ديك جلابه لي فالبيج...ياي..
صفية: اوا نخليكم دابا. .
فضيلة: اويلي كلسي تا تعشاي .
صفية: ربي يخليك..مرة اخرى ان شاء الله .
جميلة: مرحبا والف مرحبا الدار دارك😊 .
صفيه: بارك الله فيك ..
فضيلة: ربي يخطييك
صفية: بنتي.. عطيني بلغتي يرضي عليك😑
ميرا: (بصدمة) هاااااااااء و و ..😨😲😲
فضيلة: *تزنكات)هه اويلي هه يمكن تخلطو لك مع دياولك.
ميرا: اااا ما نعرف ..زعما كاع معدنا فحال هذو فالدار.😟.زونين.😊
اي يا يما طيبتي ظهري اااححح..بدا تلفونها كيصوني هزاتو ولقات عمر بدا قلبها كيضرب ومبتاسمة ميرا: الووو. عمر: الحب صافا.. ميرا: هه صافا😍 عمر: الحمدلله..اممن فخبارك عحبتي الواليده. ميرا: ب بصاح بصاح😀 عمر: اه بصااح ههه. ميرا: تاهي ضريفه بزااف.. عمر: الله يخليكم ليا .نتوما حياتي 😘😘 ميرا: امين😗 بقاو داوين تا دخلات اية لي مشاركة البيت مع ميرا شافتها وقطعات حيت هي واية هي مناكرين. اية: قالو ليا جاو خطبوك.😒 ميرا: اوااا زعما مكاين مبروك. اية: مبروك😒 ميرا: العتبة ليك. اية: لهلا يحييك. ميرا: ويعنسك ههه😂😂 . اية: الله يمسخك . ميرا: ويحرقك . خرجات من البيت تتضحك وخلات اية تتقلى بوحدها .لقات ماماها وجميلة مجمعين. فضيلة: اجي المصيبة اجي. جميلة: هههه سراقة البلغة😂. ميرا: لا انا كاع مسرقتهم هي لبستهم..وزايد نقولها تجيبهم لي فالدفووع يلاه😅 فضيلة: اودي هي تبثي تا نوصلو لدفوع..لديري شي مصيبة ونصدقو فالدفيع . ميرا: بديتي تاني فحشيان الهضرة😕 جميلة: اوا امتى قاليك داك عريس الغفلة غيجي يخطبوك. ميرا: ياك جات مو اوا را خطباتني فضيلة: هذ المرة غتجي تخبطك الى درتي شي مصيبة ثاني😬 ههه. بقاو شادين فيها تا حطو العشا وكل واحد مشا ينعس غير هي غاده جاية من قنط لقنط فين تشد ليها الكونيكسيون وتجلس .شدات لها فوق طبلة د الكوزينه كلسات جامعه راجليها تتشاطي تا دخل خالها باغي يشرب شعل الضو وهو ينقز. ميرا: والله هذي غير انا كاع متخاف😕 سعيد: تفوو خلعتيني اش كديري هنا فهذ الوقيته غير قولي . ميرا: و واالو..ه هاني مشيت نعس . مشات طايره تتجري البيت تكات على نموسيتها ونعسات . #اصبحنا واصبح الملك لله رب العالمين ناضت تتكسل دخلات للدوش بغا دوش وهو يقطع لها الماء مزال كاع مشللات راسها من شومبوان😂😂 ميرا: و زبل ..شكون قطع الماء تفوو😬😬 مسحات ولاحت عليها بينوار خرجات تتسمع صوت شي حد فالصالون..دازت على الكوزينه هزات ماء كان فقرعة كبيرة وتمات غدا لدوش زلقات ليها القرعه وتخوا الما وزلقات. ميرا: تفوو هذشي لي ناقص باش غنشلل شعري دابا اووف. ناضت تاني ودخلات للصالون كاع مشافت فضيوف لي كاينين جات عنيها غير على القرعة د الماء لي محطوطه فوق طبلة واتاي والحلوى.مشات هزاتو وخرجات بلا متشوف فحد..وتتجري تشلل شعرها. فضيلة وجميلة تزنكو صفارو وخضارو وعكوزت هبة تتشوف فيها مصدومة...مالقاو مايقولو..ناضت فضيلة : هه ماعرفت مالها نوض نشوفها.. هذ البنت غتخرج لي العقل. ناضت ولقاتها يلاه خرجات من الدوش جراتها لبيت تتقرص وتنتف فيها فضيلة: اش درتي ابنت الحرااام...مادرتي بوج الضيفه هااا. ميرا: اي اهئ اهئ را تقطع الما ومشللتش شعري ومالقيت فين نجبب الما..كاع مشتها..بالله. اي اي 😢😢 فضيلة: ها تسناي تخرح وتفرجي. خرجات فضيلة وخلاتها مهامها حد تتنشف شعرها..صونا تليفونها وجوبات كان عمر هضرو شويه وعرض عليهم العشا..فرحات وبقات هي تنقز خرجات عكوزت هدى ودخلات جميلة وفضيلة جميلة: اويلي اش درتي ..تشوهتي مع عكوزتك بيتي تشوهينا مع هذي. هااا دوي. فضيلة: هذ البنت غتسطيني اووف 😠 ميرا: تانا غنتسطى بالله..لقيتوني تنقلب على شنو نلبس اليوم. 😤 فضيلة وجميلة هي تيشوفو فبعضياتهم. جميلة: فين بسلامه 😈 ميرا: متقولوش ليا مغتمشيوش را والله تا..ن فضيلة: وفيييين المصيبة فييين. ميرا: اويلى فين تتسطاو عليا..عمر عارض علينا العشا اليووووم فضيلة: هااا . ميرا: اه عارض عليينا الله الله..شوفو بلا متصاوبو لغدا ..باش يكون فينا الجوع ونعركوها تماك ههه . فضيلة: الله يتسر على قلة الماكة ..مصيبة صافي😮 ميرا: خالتي فين داك سيرو د الشهية هاا ب برنابول سميتو ي ياك ولا نورافيت جميلة : اش بغتييه . ميرا: ماشي شغلكم ..حيدو. خرجات تتقلب عليه لقاتو فبلاكار د الكوزينه بقات نهار كامل تتوجد اش تلبس..تا من سيرو شرباتو باش تبداه من اليوم وتغلاض 😂😂.
جات صفية مع 5 تقريبا باش يمشيو معاها حيت معارفينش الدار.. لبسات ميرا كسوة طويلة بلا كمام ومشبكة من الظهر فلبلو وفيست بوكلات شعرها وسرقات صنادل اية خشاتهم فالصاك باش متشوفهمش اية وخرجات..لقات فضيلة وجميلة لابسين جلاباتهم واية ممشاتش معاهم.. فضيلة: على سلامه يلاه سربينا. ميرا: يلاه جميلة: اويلي اتمشي بصنادل الميكة . فضيلة :شنوووو ناويه تسكتي لي لقلب لموك بدلي زبل😠 ميرا: توما زيدو قدامي ماشي شغلكم.. دفعاتهم وخرجو من الدار جبدات دوك صندال لبساتهم ولاحت لاخرين واية تتحلف عليها وطلقات رجليها للريح..لقاو سعيد وصفية كيتسانهم فراس درب.. شدو طاكسي ومشاو. وصلو حدى لي باطيمون هبطو وطلعو للبرطمون ديال عمر. عمر: اهلا مرحبا مرحبا. سعيد: ربي يحفظك اولدي... صفية: مرحبا بكم تفضلو دخلو. دخلات صفية هي الاولى وتبعاتها جميلة وسعيد اما ميرا بقات ساهية فعمر لي بان بكامل اناقتو حشم هز وتقول واش حشمات هي تا جبداتها فضيلة باش تخرج.(ومير تتوشوش ليها ) ميرا: غي دخلي امي وا زعمي زعمي دار بنتك فحال دارك 😅 فضيلة: دخلي لنوري باباك دارك ..دخلي.😬 عمر:( حابس الضحكة) تفضلي اخالتي دخلي الدار دارك. ميرا: هه هذشي لي لقتيني غنقولو..زعما ق قلتو. فضيلة : بارك الله فيك اولدي..ميرا تبعيني . ميرا: واخا وخا هاني جايه غير سيري دخلات فضيلة وبقات ميرا وعمر. عمر: ههههه مصيبة نتي 😂.اجي خلينا نخرجو. شويه ميرا: ف فين.😑 عمر: نشربو شي حاجه..ومنها نيت ندويو شويه😆 ميرا: ويلي تبغي فضيلة ذبحني.😨 عمر: تذبحك..راني خطيبك زعما. لا ميرا: امم عندك الحق..اوا يلاه بزربة عمر: تسناي ناخد تليفوني والبزطام. ميرا: ل لا الى دخلتي مغتخليناش مي نمشيو..يلاه طلقنا دغيا. مشاو هابطين وكيهضرو وقف عند واحد مول الكروسة خدا 4 د بنانات وعطاهم لميرا ميرا: شتي نت كتفهمني والله ههه. بقاو غادين وهي تتاكل فالبنان تا وصلو حدى واحد المحلبه دخلو وكلسو عمر: عطيني داك البنان باش يعصروه لينا. ميرا هي سمعاتو بدت تكح: كح كح اينا بنان. 😨😨 عمر : لي خدينا فطريق . ميرا: اييه هذاااك اه اه عرفو ..را كليتو. 😊😊 عمر: كلتيه؟ هههه اربي بصاح هههه. ميرا : را كان فيا الجوع..قوليه يعصر لك غيرو. عمر: معنديش الفلوس. ميرا: اويحي معندك..اجي ياك ما سقرام😨 عمر: ياربي صبر ..را ماهزيتش معايا البزظام نسيتي..هذوك باش شريت البنان لي كانو فجيبي. ميرا: اااه..اوا قيدهم عليا ههه 😉😂 عمر: ههه ماشي مشكل بصحة. ميرا: ورضاااااااا هههه خرجو من المحلبة ومشاو للدار دخلو وجلسات هي حدا مها. فضيلة: فين مشيتي ابنت الحرام..واخا نوصلو لدار ونتفاهمو . ميرا: تي مالكي امي هذي داري. 😅 صفية: ميرا بنتي ياك عجباتك الدار. ميرا: اه زوينه اخالتي..تبارك الله. بقاو داوين العيالات ب 3 و سعيد وعمر .حيث باباه مسافر للبلاد.. اما ميرا من داك سيرو د شهية لي شربات جاها نعاس عيات ما تقاومو والو عنيها تيتغمضو بوحدهم تا طاحت ناعسة.. ردات ليها جميلة البال بقات تدير اشارات لفضيلة باش تفيقها. فضيلة: اوعدي على شوهتي..نوضي نوضي الله اغبر بوك شفف..نوضي ابنت الحرام. ميرا كاع محساش بها عيات ما تقرصها وضربها والو وجميلة لهات صفية بالهضرة باش ماتشوفهاش تا تفيقها فضيلة. عمر: واش نعساات فضيلة تزنكات معرفات ماتقول. جميلة: ت ن م مسكينه غتكون عيات. فضيلة: اه داكشي لاش نعسات مسكينة. صفية: فقيها تا تعشى وترجع تنعس . فضيلة عرفا بنتها كي دايره الى مشات تا فيقاتها غتقلب عليهم بالدار وماشي من مصلاحتهم. فضيلة: د دايرة ريجيم م مكتعشاش. جميلة: اه اه راك عارفه بنات اليوم عدوهم الغلض .. شوهاتهم بالبيان وفضيلة تتسب وتحلف عليها فخاطرها .تا تعشاو الناس وجاو يفيقوها والو مبغاتش جميلة : من العيا شد فيها نعاس صفية: اوا خليوها تنعس هنا نيت غدا يجيبها عمر . سعيد: لا لا غا فيقوها.. جميلة بدات تنغزها والو..تا رشاتها فضيلة بشويه د الماء. فضيلة: حبيبه نوضي اجي نوضي. عوناتهم جميلة تا وقفوها ومسانديها وهي دايخة. ميرا شافت فيهم واحد بواحد شافت فمها وقالت. ميرا: علاش مفيقتونيش العشا هااا😤 تكربكات فضيلة وجميلة تزنكات مكرهات كير تنتفها وتيسبو فخاطرهم. وعمر حابس الضحكه على الهبيلة لي بلاه بيه الله ديما مزبلاها ولكن كيبغيها بزاف. سلمو عليهم ومشاو صلهم عمر دخلو للدار .هي طلقوها وهي تنعس ليهم فالارض هزوها تاني لبيتها هي
شافتها اية مشات تتجري حيدات لها صندال تتقلب فيهم ياك ماتقطعو وتتسب فيها. جميلة :تي همك غير صباط ماشفتي حنا لي تشوهنا 😴 فضيلة: ايما انا لي وليت شوهة فاخر ايامي . عاودو كلشي لاية وهي تتموت عليهم بالضحك. اية: هههه هي شربات سيرو د شهية باش تاكل مزيان فالعشا ههه ساعة نعسات بلا عشا😂😂 . جميلة: اففف شوهة صافي..هذي نهار الاول يلوحوها. فضيلة: اووف راسي غيطرطق..عطيني كينه د الراس ا اية سربي. اية: واخا اعمتي. 😑 عطاتها الكينة وشرباتها ونعسو اما ميرا فسابع نوما كاع محساش واش باقا عايشة. فاقو صباح تيعاود لها اش دارت ويسبو فيها وينتفو وهي شاده حنكها فضيلة: دابا تنادم معاك الحال من شوهتينا المصيبة. 😠 جميلة: وشاده حنكك ..يشدك بوغطاط.😈 ميرا: هي كاع متعشييت البارح. فضيلة وجميلة(بالصدمة)هاااااااا.. فضيلة: طلفوني عليها اليوم ندفنها. جميلة: تاكلي جغديد ان شاء الله.. ناضت تتخنزر فيهم وخرجات لبيتها ويقات اداويه مع عمر وتيعاود لها على البارح..ماااات عليها بالضحك وهي عاد تنادم معاها الحال من ضحك عليها.. . مشات للكوزينه وجبدات خبزة دهناتها بالفرماج وحكات عليها الكاشير وخرجات لبيتها تتاكل باش تبرد هوايشها. دازت سيمانة هكاك وهي مصيبة ورا اخرى شبعاتهم الفقايص ... فاقت فصباح على نكير مها. فضيلة: هي واهياااتااا فيقي نوضي. ميرا: اممم هي جوج دقايق احمباك. فضيلة: وانوضي خلاث را 10 هذي نوضي ناضت تتجر فرجليها لبسات صنادل ودخلات فركات حالتها وخرجات لبسات حوايجها ومشات تفطر .. جميلة: ميرا بنتي ..سيري شوفي هبة معرفت اش بغاتك تصلات مع ذيك 7 . ميرا: واخا نسول عمر..الى غيخليني.. فضيلة: الله الله البنت ولات تشاور جميلة: موحال واش يخليك تمشي.. ميرا: زعما.😕 فضيلة: على مكتعرفيش رجال كي دايرين ميرا : اوا والله تا نمشي يلاه ههه😂 ناضت لبسات حوايجها ومشات عند هبة عوناتها تا سلاو شي شعال عاد رجعات للدار تمات غدا تا تلقات مع صحبتها نوال..هي ساكنه بعيد مي عمتها ساكنه هنا. نوال : اووه الحب توحشتك. ميرا: نواااال اووه اش كديري هنا . نوال: جيت عند عمتي باش نعاونها ماحدنا فالعطلة. 😚 ميرا: درتيها زينة والله تا توحشناك. نوال: عرفتي اليوم كاينة حفلة عند ناس لباس عليييهم..اش بان لك نمشيو...هااا. ميرا: لا متخلنيش ماما وخالي نوال: اوا تانتي خلاص..را مغنباتوش مع 12 نكونو فالدار. ميرا: موحال واش تبغي ماما..و زايد نت فين كتعرفي هذ الناس؟؟ . نوال: عمتي خدامه عندهم. ميرا: سعداتكم..😣 نوال: الى قنعت خالتي فضيلة توافق.. ميرا: لا كاع مغتوافقش. نوال: اوا نقوليها غير تباتي عندي حينت عمتي مغتكونش فالدار. ميرا: زعما تبغبي😕 نوال: خلينا نجربو يلاه هههه مشاو البنت تيضحكو وميرا تتعاود ليها على عمر وزبابلها ولاخرى تتموت بالضحك..وصلو للدار دخلو وسلمات عليهم فضيلة: كيدايره عمتك ابنتي نوال لباس..كيدايره مع شي خدمة. نوال: لباس عليها اخالتي..تا هي مكتكونش مسالية مع الخدمة . فضيلة: الله يحسن عوانها. نوال: اميين..اليوم نيت كاينه حفلة عند شي ناس تتخدم عندهم...و غتبات تماك. . فضيلة: اوا اجي باتي عدنا نتي..بلا متبقاي فالدار بوحدك. نوال: ربي يخليك اخالتي..قلت الى قدرتي تخلي ميرا تباث معايا😆
فضيلة: صعيبه شويه ابنتي..اجي باتو هنا حسن.😑 نوال: منقدرش .غا شوفي اخالتي ربي يخليك را منقدرش نبات بوحدي كنخاف..خليها تبات عندي عفاك😣 فضيلة: موحال واش يبغي خطيبها. يلاه جات ميرا تهضر وهي تقاطعها نواال نوال: علماتو وقاليها غير سيري..حنا را صحابات زعما وكتعرفو عمتي وتتعرفكم والدار قريبة لهنا. فضيلة: واخا ولكن سدو الباب ونعسو بكري. ميرا ونوال فرحو .. ميرا: يخليك ليلي ههه نوال: يلاه بسلامه اخالتي 😊😆 مشاو البنات فرحانين ميرا: ياااي عحب من خلاتني ههه . نوال: وتي خرجي شوفي الدنيا نشطي وحوسي. ميرا: اجي كي غتكون هذ الحفلة .فنظرك. نوال: فحال داكشي ديال المسلسلات الهاي والكلاث والزين هههه😍 ميرا: بصااااح واووو هي نشوفو لاجواء..تا نتي اش بغينا بالزين يخلي لي عمورتي. وصلو لبنات لدار نوال دارو كسكروط وطلعو لبيت خواو كاع حوايج ولي غوب صواغي والمكياج وكيقلبو على شنو يلبسو.. .ختارت ميرا غوب فالحمر بعدما دبزات عليها هي ونوال بسيف باش خداتها ونوال ختارت وحدة فالمونطارد. دارت 8 دوشو و يلاه بداو يلبسو ويضحكو لبسو لي غوب ديالهم دارو مايك اب كل واحدة صوبات لاخرى شعرها ميرا سرحاتو وخلاتو مطلوق ونوال بوكلاتو .هزات ميرا كاب لبساتو على ديك الكسوة بحكم هي ممولفاش تعرا .. . خرجو من الدار كيسلتو شدو الطاكسي ووصلاتهم حدى الاوطيل الراقي 5 نجوم كبير ومزوق من برا بالاضواء الخافتة .سمحو ليهم ليبوديكارد يدخلو حيت كيعرفو عمتها تتخدم تماك..دخلات ميرا مبلكة عنيها فكلشي تتشوف هنا ولهيه رجال وعيالات وموسيقى هادئة جابت ليها نعاس بقاو غادين تيشوفو فالناس وفهذ العالم لي مختالف على العالم لي خلاوه وراهم.. كلسو شويه ونوال ناضت تشوف عمتها...وميرا تتفرج فالجاي والغادي وتبركك بوحدها تا دخل شي حد والضجة والصحافيين كلشي تيجري وهي تخلع سحاب ليها حرب ولا هاجم عليهم شي حد شويه وهي تشوفهم كيصورو .كان جود العمري راجل ف 33 فعمرو رجل اعمال وصاحب شركات النتيج .الرجولة تتنحني له طويل وعريض فورمة رياضية ووجه بيض عنين كحلين ومشفرين ولحية مطراسية واقف وقفة رجولية ببدلتو الرسمية كوستيم كحل والابتسامة متحلم تشوفها على وجهو عاقد غوباشتو والناس مجموعين عليه تيسلمو عليه ولكارد من موراه.. بدا تليفونها يصوني لقاتو عمر تمات داخلة لداخل باش تجاوبو تا دخلات فيها بنت وكبات عليها عصير. ميرا: اووووه ياربي. البنت: سمحي لي ماشفتكش... ميرا: ياربي توسخات كامله اليوم تشويني نوال..اووف. البنت : اجي اجي معايا نشوفو شي حل. مشات معاها دخلو لبيت ميرا: اوف على شوهة.. البنت: هانتي دخلي الحمام وعطيني الكسوة نديها باش نشفها لك. ميرا: ل لا ماشي مشكل.. البنت: لا را توسخات بزااف شوفي شي كي ولات ..دخلي حيديها وبقاي هنا .وسدي البيت موراك تانجي واخا . دخلات ميرا على نيتها حيدات الكسوة حيت مبغاتش نوال تقلق منها وعطاتها للبنت وخرجات وبقات بكسيوة صغيرة حدا ركبة...تتشوف فالمراية وتصاوب شعرها شحال ومبانتش ديك البنت حولات تصال بنوال تجي لعندها مي والو مكتجاوبش تشوشات. وكملات عليها الضو لي تقطع وظلامت البيت .
ركبها الخوف هزات بورطابلها باش تضوي به ..وهو يتحل الباب عليها. ميرا: ختي هذي نت...نشفتي لي الكسوة. ؟ تاحد مجوبها...تخلعات وبدات تترعد وتقفقف مكتشوف والو فداك ظلام ميرا: وا واش هذي نت...؟ تاحد مجوبهاش عاود. ميرا: ش شكون هنا..😣 شويه حسات بشي خطوات جايين جيهتها وشي انفاس سخونين مجهدين تيضريو فوجهها وكيسوط.. تخلعات كثر وزاد من حط يدو على كتفها وقاسها من ظهرها غوتات😭😭 وهربات منو . ميرا: اهئ اهئ ش شكون ن نت ي بعد مني و ولا نغوت ب بعد مني اهئ اهئ😭😭 الشخص: ششششوووت . ميرا: ع عفاك ب عد مني اهئ اهئ ب خ خرح من هنا بعد مني اهئ اهئ😭😭 رجليها تيترعدو فشلو عليها وقلبها تيضرب بزربة وشفايفها تيرجفو وهي معانقة راسها وتترجع للور كلما تتبعد وهو كيقرب بخطواتو وريحتو الرجولية المجهدة تتختارق رئتها كيسمع هي صوت سنان كيتكربو ففمها وشهيق زاد قرب منها كثر..شدها فيدها تا تقصحات غوتات غوتة وحدة مخنوقة مخلطة بالخوف عضاتو فيدو وطلق منها جات تهرب وهو يفكرشها برجلو طاحت وتضرب راسها بحديدة الناموسية وفقدات الوعي... اما الشخص بقا واقف مفهمش علاش خايفه وهي لي باغا هذشي حساب ليه بلي هي وحدة من بنات لليل حيت هذشي لي قالا ليه البنت لي خدات الكسوة من عندها بأمر من شي حد ..هزها وحطها على الناموسية تيقيس شعرها الحريري ويمشطو بصباعو غمض عنيه ومسح على راسو وناض خارج... مريم: س سي جود 😦 جود: منين جبتي هذ البنت .😠 مريم: هي هي ل لي جات ب بوحدها. جود: (بالغوات)دوووووووي مريم: هي م محتاجة لفلوس. جود طلعات ليه القردة للراس يلاه بغا يكروشيها وهي تهضر. مريم: ص صحبتها هي لي وصاتتي ن ن. جود: رجعي لبنت فين جبتوها ودي ليها حوايجها ..يلاه. مشات مريم تطير وهو عاود دخل لعندها والضو باقي طافي قرب لعندها ولقاها تتمتم. ميرا: ب بعد مني..بعد مني ماما عتقيني .ماتقربش مني متقسنيش .بعد مني مني. ابتاسم وزاد خرج مشا فحالو اما مريم خبرات نوال بلي مدار ليها والو..صافي تعصبات. نوال :ضبري على واحد اخر..يلاه. مريم: ما نقدرش قالي رجعي البنت..سي جود الى عرف لا انا لا نتي غيمحينا من الدنيا. خنزرات فيها نوال ومشات للبيت شعلات الضو لقاتها باقي ناعسة وتتقول هضرة ممفهوماش . هبطاات هزات شي صباغة حمراء فحال الدم وكبات شويه منها فالناموسية وضربات ميرا بين رجليها باش من تفيق تحس بالحريق فديك البلاصة وعراتها من كاع حوايجها وغطاتها هي بليزار .هزات 200 dh حطاتهم حداها وخلات مريم تكتب لها فورقة" اجمل ليلة دوزتها معاك..كتهبلي الق...ة" حيت خطها هي تتعرفو. وخرجات ففمها ابتسامة مكر .. #بدات ميرا تتفيق وضربة لي فراسها تتعطيها الحريق.حلات عنيها بشويه تتشوف فين كاينه فبيت ماشي بيتها جات وتنوض وهي تشوف راسها عريانه غوتاااااات وبدات تتفكر داكشي ديال البارك ظلام والراجل ومن طاحت .. الحريق كيقطع فراسها ومن تحتها فالاول مفهمات والو تا ناضت هزا ليزار تستر بيه وهي تشوف نقاط دم على الناموسية .
خرجو عنيها وشهقات عاود طلات على راسها طاحت على ركبيها ودموع فعنيها...مصدومة...ساهيو عنيها مكترمش والحريق فتحتها .تقوس فمها للتحت عاد حلاتو على جهدها وغوتاااااات وهي كتقطع من لداخل جات تنوض طاحت .رمقات فلوس وورقة بقات تتزحف تا هزاتهم قرات داكشي وزادت صدمة على صدمة ساهية فالورقة والدم لي على الناموسية...بقات هكاك تا صونا تليفونها لي فيقها من صدمتها ..هزاتو حينت كان فوق كوافوة..وحطاتو على وذنها ويديها تترجف. نوال: الووو تي فييينك الصكعه عييت مانقلب عليك من البارح فييينك.(مكتجوبهاش) الوو الوو تتسمعيني . ميرا: ن نوال اهئ اهئ اهئ ن نوال ختي 😢😢 نوال: كتبكي؟؟ مالكي ..فينك واش رجعتي لداركم هاني جاية ميرا: لل لا لا ما تمشيش انا باقا فالاوطيل اهئ اهئ...ا اجي لغرفة 5 ع عفاك اهئ اهئ😭😭 نوال: ويلي اش كديري تماااك..هاني جاية. طاح تيلي من يدها وهي باقا ساهية فالناموسية والدم وساكته فحال جماد مكتحرك..تا دخلات عليها نوال. نوال : فينك اصحبتي هي شافتها ميرا مشات جارا ليزار عنقاتها وطاحت تتبكي. نوال: م مالكي ا اش وقع😨😨 ..مالكي. ميرا: اهئ اهئ اهئ اهئ😭😭 نوال:( قاستها بلعاني) اويلي حاي ملابسه والو فين حوايجك 😨😨 ميرا: ا انا تد مر رت اختي اهئ اهئ..انا تدمرت اهئ اهئ اهئ😢😢😭😭 نوال: اجي اجي معايا احبيبه..فهنيني اش واقع. . نوضاتها وبغات تكلسها على الناموسية..ميرا هي عاود شافت الدم شهقات وابتسمات نوال نوال: ا اش هذشي د دم د ديال م من شافت فيها باقا مصدومة فبلاصتها . نوال:و نتي ع علاش ع عريانه اميرا ..م تقوليش ن نتي اهئ اهئ😢😢 ميرا: لااااااااااااااااااااااااااااااااااااااااااااااااااااااااااا اهئ اهئ اهئ😭😭😭 لاااااااااااااااااااااااالل ياربي لاااااااااااااااااااا عنقاتها نوال دايره راسها تتبكي وتحسر على صاحبتها لي وهمتها بلي شرفها ضاع...وهي اصلا سباب هذشي حيت تتبغي عمر "هما تعرفو عليه بجوج فالجامعة ولكن بغا ميرا ونوال بعدما عرفات بلي تيبغيو بعضياتهم وخطبها حلفاات مياخدها وخططات هكا. #بقاو شحال معانقين نوال تتبكي والاخرى ساهية. نوال: نوضي اجي لدوش اجي. نوضاتها ودخلاتها للدوش دوشات ليها والاخرى باقا ساهية وتتوجع من حريق تحتها نشفاتها وخرجات لبساتها ديك كسوة نيت هزات 200 درهم وخرجاتها شدو طاكسي لدار نوال..وميرا بقا فنفس الوضعية مكتفكر فوالو هي ساهية.. وصلو ودخلاتها تكات وعطاتها نشرب..شويه صونا تليفونها...هزاتو نوال ولقات عمر .خنزرات وقالت نوال: حبيبه عمر كيتاصل هاكي جاوبي. ميرا هي سمعات سمية عمر ترعدات وشدات راسها تتبكي وتشير ليها براسها بمعني لا لا لا. نوال: واش نجاوب انا .. جوبات نوال على عمر وقالت ليه بلي ميرا باقا ناعسه وبايته عندها..عمر تعصب حيث كاع معلماتوش .. نوال: ميرا شكون هذاك لي دار فيك هذ الحالة؟ ميرا هي تتشوف فيها وتتبكي باقا فحالة صدمة. نوال: واش كتعرفيه. ميرا شرات براسها لا نوال: يعني اغتصاب ياك😢😯 ميرا هي سمعات اغتصاب غوتاااااات وتتبكي ونوال تتعنقها
تتهدن فيها تا سكتات وعاد غطاتها تنعس خرجات وتصلات بهبة لي هي بنت خالها وعزازين على بعضياتهم قالت لها تجي لعندها للدار ضروري راه ميرا عندها.. #بدات لاخرى تتفيق عيانه والحريق تياكل فيها ..حلات عنيها ولقات هبة حداها شاده راسها وجها مكيبشرش بالخير باين نوال عودات لها كلشي.. جات ميرا تنوض وهي توقفها هبة بكلامها هبة:غير تكاي نت مزال عيانة. شافت فيها ميرا بنظرة استفهام هبة:انا عارفه كلشي . ميرا حدرات راسها وطلقات لعنان لدموعها. هبة:ماشي وقت لبكا هذا.(قربات لعندها وشدااتها من شعرها ) اش داك لتماك ها 😠.صافي صفاوها لك..اش غتقولو لماماك وخالك دابا اش.؟؟😠 ميرا هي تتبكي حادرة راسها معرفات باش تجاوب معندهاش . باقا فصدمة هي تدمرات طفات شمعة الامل فحياتها خسرات اغلى حاجه عندها. نوال: دابا خليونا نفكرو فشي حل . هبة: اش من حل..الى عرفو را غيقتلوها مافيهاش..اويلي نوليو ضحكة قدام الناس 😥 نوال: مصيبة اووف 😣😣 هبة : واش كاع مشفتي وجهو كي داير هو طويل قصير...😢😭 ميرا: اهئ اهئ ماع-رفت-ش ماعرفتش😭😭 هبة: اميمتي على مصيبة..كن شفتي وجهو كن كان ساهل نلقاوه ونديكلاريو به كاع. نوال(هي سمعاات لبوليس خرجات عنيها) اويلي على البوليس ل لالل..هكا غتشوه و ك كلشي غيولي يهضر عليكم..لالا هذا ماشي حل.. هبة: واشنو نديرو..شكون غيقبل بها 😕وهي هكا؟؟ نوال: عمر..خصنا نعاودو كلشي لعمر هو غيعاونا. ميرا هي سمعات سميتو زادت من وثيرة بكاها تضرب فراسها وتخبطو مع الحيط وتقمش وجهها وتركل. هبة: لالا الى قلناها لعمر غيمشي ويخليها وتولي سيرتنا على كل لسان خصنا نفكرو فشي حل اخر..اووووف . نوال( خنزرات وبدات تفكر فحل باش توصل لعمر لخبار ويتلغى هذ زواج ..ولكن هبة ممقتنعاش بالفكرة...اما ميرا دموعها واد وتتقمش راسها ومن لداهل تتقطع وتحرق.. كلسو تيفكرو ينبرو ماقدرو يوصلو لتا حل.. هبة: يلاه 4هذي خلينا نوصلك للدار ونمشي تانا تعطلت. نوال: و اش غتقولو ليهم الى شافوها فهذ الحالة . هبة: غتقول غبر مريضة .تا يحن الله ونشوفو كيفاش تفكو هذ الحريرة نوضوها بزز اما رجليها مبقاو هازينها لبسات وسلمو على نوال وخرجو جيهت الدار وهبة تتوصي فيها ماتقول والو لحد تا تفكر فشي حل .. وصلو للدار دخلو ولقاو هي اية فالدار اما جميلة وفضيلة خرجو للسوق يتقداو. دخلاتها للبيت واية غير تتشوف فيهم..غطاتها وخرجات. اية: مالها هذي؟ هبة: غير مريضة..سلمي على مي وعمتي..غدا نجي اوكي . اية: واخا بوسي لي امنية . هبة: واخا باي. مشات هبة واية دخلات لبيتها لقات ميرا متكية على جنبها وساهية عنيها عامرين دموع وحمرو ومنفوخين ووجها صفر .قريات اية لعندها اية: ميرا مالك.اش كيضرك.؟ مجوبتهاش هي ساكتة وعلى حالتها . اية: قولي ليا مالك. شافت فيها ميرا وعنقااتها وبدات تبكي واية بدلاتها نفس العناق تتحاول تفهم اش وقع. اية: واش طرا قولي لي..تخاصمتي شي مع عمر؟ . ميرا: اهئ اهئ اهئ ا انا م ت مت ا اية: ششش سكتي..هانتي عاودي لي اش كاين. اشرات ليها براسها زعما لا اية: ميرا دوي را تشوشت علييك. ميرا: م مغتقوليهاش لحد ي ياك . اية: لا غير دوي راك خلعتيتي 😦 ميرا: ا انا ت تعرضت لاغتصاب اختي اهئ اهئ اهئ😭😭 ااية: اشنوووووووووو(حاطه يدها على فمها ومخرجا فيها عنيها) ميرا: اهئ لهئ تدمرت اختي تدمرت 😭😭 اية: ولد الحرام كيفاش قدر يدير هكا ..ولد الحرام تفوو ميرا: م ماشي هو اهئ اهئ. 😢 اية: م ماشي هو؟ و وشكون😨 ميرا: ما عرفتوش اهئ اهئ..كان ظلام مقدرتش نشوف وجهو اية: اوييييييلي . ميرا: غبت من فقت ل لقيت ر راسي اهئ اهئ لهئ اية: ف فين هذشي دوي. . ميرا: فاوطيل لهئ اهئ. اية: اوطيل..و ماشي لخاطرك..وشنو كنتي تديري تماك..دوي. ميرا؛ ا انا غنعاود لك كلشي . بدات تتعاود ليها وتشهق وتعطيها اية تشرب وتيبكيو بجوج...عنقاتها اية تتصبر فيها وتهدن وتقول واش باغا تهدن
سمعو حس شي حد داخل عاد سكتو دخلاتها اية لحمام وغسلو وجههم اية: بلا مايعرف تا واحد هذشي..حاولي تباني عادي..واخا.. سكتات ميرا وكلسو دايرين ريوسهم مواقع والو تا دخلات فضيلة . فضيلة: على سلاااامة من رجعتي. علاش مكتجوبيش عمر هااا؟؟؟!!!. . ميرا:(سكتات شويه وحدرات راسها مقدراتش تشوف فوجه مها) را غ غير ديشارجا تلفوني . فضيلة: مال صوتك؟ جات وكلسات حداها وخرجات عنيها فوجهها لي ولا حالتو حالة. فضيلة: مالكي علاش وجهك هكا😨😨 اية: كانت مريضة اخالتي بسخانة وردة حريق الراس..خليها ترتاح..واحي نصايبو ليها شي حاجه. جرات اية فضيلة وخرجو وميرا هي تسد الباب هبطو دموعها لي خافت بفضحوها قدام مها ..حسات براسها غتفضح كن ما خرجاتها اية كانت غطلق صرااخ وطيح لارض وتكري كاع داكشي لي وقع ليها .ولكن فين غتبدا..ومنين غتسالي..كيفاش غتشوف فوجه مها وتهضر. اما فضيلة ماهنهاش قلبها على بنتها وحالتها حسات بلي كاينة شي حاجة. فضيلة: اية مالها ؟ اية: مريضة اعمتي .. فضيلة: زعما هذشي لي كاين اية: ا اه و وشنو غيكون زعما . فضيلة: واخا.. خدات دواء وشي عشوب تتغلي فيهم وداتهم ليها لقاتها ناعسة فيقاتها وشرباتها ديك العشوب من مكانتش سخانة طالعة ليها وحالتها حالة مكانتش مها غتيق .. دازت سيمانة وميرا مكتخرجش من البيت حدها فراشها وكلشي تيق بلي هب مريضة تا من عمر كلما يتاصل كيقولو ليه را مريضة ومتقدرش تهضر. اية هي تتفمر فحريرة بنت عمتها . #اليوم صباح جديد..قاقت مغوبشه مصبحا على دموع كيف ديما..ناضت ودخلات لحمام غسلات وجهها وخرجات تكات تا دخلات ماماها تتبكي ميرا: م ماما م مالك. فضيلة مشات عنقاتها تتشهق..ميرا ركبها الخوف يسحاب ليها عرفاات كلشي بدا قلبها يضرب بجهد ووجها يصفار ويخضار..عقلها توقف على تفكير.. مقداتش تهضر وتسولها مره اخرى مالها هي معنقاها تل هي تتبكي معاها.. فضيلة: الله يصبرنا ابنتي ويررقنا صبر.😢😢 ميرا: اهئ اهئ اهئ..س سمحي ليا اماما اهئ اهئ😭😭 فضيلة: ربي لي خداه ابنيتي ..الله يرحمو😢 ميرا(حبسات من البكا) ش شكون. فضيلة: ج جدك ابنتي م مات هذ صباح مسكين. ميرا: كيفاش😨 فضيلة : وعلاش كنتي تتبكي ؟ ميرا: ها!! و والو ايمتا هذشي.؟ فضيلة: اليوم فصباح.. ميرا :الله يرحمو. (تنهدات بارتياح ..شحال خافت تكون ماماها عرفاات بداكشي هنا غتموت ليها مافيهاش.) فضيلة: وجدي راسك ابنيتي غنمشيو نعزيو. . هي مبغاش تمشي مافيها مايمشي وهي فهذ الحالة ..ولكن مغداش اخسر لخاطر لمها. ناضت كارهة للوضع لبسات حوايجها هي لاحت عليها جلابة فالموف غامق بالراندا افازي .هزات صاكها وخرجات .لقات مها واجدة وخرجو .بعد ما سلمو على جميلة وسعيد واية تتوصي فميرا ترد لبال لراسها يلاه بغاو يمشيو وهما يتلقاو بعمر. مجات عنيه غير فوجهو شهقات بصوت مخنوق مزيرة على صاكها قلبها كيتهز كلما يقرب رجليها فشلو عليها وهي تترمش فعنيها وتبلع ريقها ..تا قرب لعندهم. عمر: خالتي فضيلة البركة فراسكم... فضيلة: لهلا يخطيك اولييدي. شاف عمر لعندها ولقاها ساهية فيه يلاه بغا يهضر وهي تهرب بعنيها مقدراتش تشوف فيه. عمر: ميرا..كي بقيتي مكنتيش كتجاوبي على ليزابيل ديالي. جات اية بزربة غير هي لي غا تعتقها. اية: اهلا خويا عمر..را كانت مريضة بزااف اليوم يلاه خرجات من الدار وغبر بزز ومصدومة من موت جده ا. عمر: الله يرحمو ويوسع عليه. ميرا:( وباقا حادرة عنيها لارض) ما مشا معاك باس
عمر: توحشتك بزااف . شافت فيه فحال صدمها مقداتش تحرك لسانها ولا تنطق بحرف (وكأن كلمته تلك تسربت لقلبي وزادته وجعا وكأنها مزقته اشلاء اشلاء..) عمر: ممم مقلقة مني يااك.. .😕 ميرا: ل لا غي غير عمر: غير اش؟ ميرا: و والو... فضيلة: ميرا يلاه ابنتي مخصناش نتعلطو. جميلة: عزيهم فبلاصتي راك عارفه منقدرش نتعطل على القهوة. فضيلة: الله يعاونك..غير كوني هانيه عمر: انا نوصلكم اخالتي😊😊 فضيلة: لا اوليدي بلا ماتعذب راسك . عمر: ولو اخالتي مافيها عذاب..تفضلو . مشا وتبعاتو فضيلة اما ميرا مبغااتش يوصلهم حابسه راسها بزز باش متغوتش باش مطيحش لارض باش متفضحش..مكرهاتش طير تعنقو شحال توحشاتو شحال تمنات تهضر معاه كيف ديما ويضحكو مع بعضياتهم تمنات لو يرجع بها زمان للور..مافيقها غير صوت فضيلة تتعيط عليها وني باقا واقفه بلاصتها. مشات تتجر فرجليها بخطى ثقيلة ركبات حدا مها وسكتات طريق كامل وهي ساهية فالمراية وتتشوف فعمر وبعض المرات تيتلقاو عنيهم ويبتاسم وهي تهرب بهم وتقطع من لداخل مكانش ساهل عليها تسكت وتبت هكا وتلتزم الصمت مع لي مولفه تضحك معاه وتهضر معاه..حساتو غريب عليها اما هو عاق بلي بها شي حاجه مي بررها بلي غير مريضة وزاد اثر عليها موت جدها .. #وصلو للدار هبطات تتسارع فالخطى ديالها هي باش متهضرش معاه عاود ولا توقف حداه ..مشات فضيلة تبعاتها بعد ما شكرات عمر لي تقلق من تصرف ميرا..واخا زربانه تشوف عائلتها كان خاص تقوليه هي بسلامه ولكن مكلفات راسها هي تشوف فيه ومشات . دخلو للدار ني وفضيلة وبداو الناس يعزيوهم شي كيبكي شي كيتفلا ..سلمات على جداها وعماتها وجلسو كلشي كيتباكى الله ياربي شحال كان حنين الله ياربي مشا عمارة داركم باربي خلا ولادو باقي مشبعو منو...ودموع التماسيح وما شابه.. طلعو لميرا فالراس خرجات من الصالون مخلياهم مابقاش فيها لاجدها كيف بقا فيها راسها وحياتها لي ضاعت لقات فرصة لاتعوض باش تفرغ ديك الطاقة البكائية لي مكانتش تقدر تفرغها وهي فدارهم جلسات فدروج تتبكي وتشهق وتقول ما بكات ..كلما تفكرات عمر وماماها ومن يعرفو اش غتعمل باش غتشرح ليهم منين غتبدا ليهم..مها غتموت وعمر مغيقلبش بها غيخليها ويمشي..وهي غتبقا بوحدها تا حد مغيبغيهاش تاحد مغيرحمهاش حيت مجتمعنا ظالم ماكيشوف والو من غير دوك نقاطي الى هبطو فكيعتبروك من شريفات الدنيا واخا تكوني بنت شارع ولي زهرها فحال زهر ميرا را كاتكل جوج دقات من جهة شرفها وحياتها لي ضاعت ومن جهة المجتمع لي غيولي يقذفها بابشع الالفاظ ويهضر عليها خايب ويتبعوها صباع الناس..وهي مدارت لا بيدها لا برجلها..كانت مجرد ضحية للعبة او حقد كان ثمنو غالي... كلما تفكر اش غيكون كيتسناها كتذوب ويتقطع قلبها كثر وكثر وصوتها مكانش كيطلع باقي اربطات حلاقمها بحبال الوجع بحبال الألم لي كياكل فيها ويحرقها...كانت تتبكي فصمت ودموع تيهبطو كواري من عنيها ويتلقاو فذقنها لي ولا حمر ومنفوخ بكثرة البكا.. الناس تييبكيو حيت مات جدها وهي كتبكي حيت بابا عايشه وفهذ الوضع فهذ الحالة المرة..تتمسح دمعه تهبط لاخرى وهكذا تنفسات بكل حزن بكل اسى تتحاول تطرد داك الشعور لي كياكلها من لداخل .. #شويه تحل الباب وتم شخص جاي يطلع فدروج وهي كالسه فيهم جود: يمكن تسمحي ليا ندوز؟ جات تنوض وهي مساندة على الحيط . باقي حادرة راسها كان باين عليها عيانة. جود: نقدر نعاونك؟؟ . مجوباتوش تاني مسحات عنيها وشافت فيه ولكن دغيا نقلات عنيها لشي عيالات كانو معاه..(ماماه نجاة ، وجداه حفيظة) ومشات اما هو بقا تابعها بعنيه تا غبرات. . نجاة: اففف خليونا نطلعو يلاه. حفيظة: يلاه زيدي.
دازت ليلة هكاك ميرا حدا مها تتعصر فعنيها مافكرها داك الموقف غير فيدك لليلة نفس الظلام ونفس الاحساس نفس الطريقة باش قاسها هذاك..وهي معرفاش انه نفس الشخص...وكون مجاتش مها تمالك خنقها جود وهرس ليها ديك ليدين..مشا للفيلا معصب متسرطاتش ليه تضربو بنت ..كان مخلي سوارت شي درجة عند جداه حينت هي لي عزيزه عليه كثر من ماماه وتربى على يدها..تاصل بها باغي سوارا قالت ليه انصيفطهم لك ..بقا حدا الباب كيتسنى فسوارت تا باتت ليه تتقلب عليه وجات داخله وقفها وهو يحس بيد خبطاتو واخا الضربة مقوياش..كان ناوي يجمعها معاها بكروشيه مي تشعل الضو وتصدم من شاف بنت قبيله لي كانت تتبكي فدروج هي لي ضرباتو وكانت خايفه بزااف..فالاول عجباتو مي ماتسوقش ومن بعد ما صرفقاتو كاع تقلب داك الاعجاب لكره وحقد وياويلها يا سواد ليلها من تجرءات وضرباتو.. #طلع صباح كلشي فاق فدار جداات ميرا ..وكل واحد غادي فحالو..ميرا منعساتش ليل كامل تا صبح الحال عاد غفات فيقاتها مها وفطرو لعيلات اما ميرا مذاقتش نعمة من البارح.. فضيلة: يلاه اميرا سربي. خرجات فضيلة وتتهضر مع حفيظة لي هي بنت خالت جدات ميرا رحمة.. وهما تسناو فميرا وقف عليهم جود
حفيظة: ولدي ..صباح الخير 😍😍
جود: صباح النور الحنانة..الى واجده يلاه.
حفيظة: واخا اوليدي هي تسنى تجي ميرا..
خرجات ميرا وتم جاية عند مها..غير شافتو وهي ترعد وهو رمقها بنظرة كره وخنزر فيها خوا ليها الما فركابي وترعدات
جود: نمشيو ؟
حفيظة: بسم الله..يلاه ابنتي
. يلاه غيركبو تا هما..وهو يجي عمر فرانا حداهم...شافتو فضيلة اما ميرا مكيناش فهذ العالم.
فضيلة: اه هاهو عمر.... خرج عمر من الاوطو وفين تبان قدام لاوطو ديال جود..اما ميرا هي سمعات سميتو غمضات عنيها بألم معصراهم تنفسات وعاد ضارت لعندو وهو كيشوف فيها مبتاسم..
فضيلة : عذبتي راسك اوليدي كان سي جود غيوصلنا معاه.
عمر: مكاين عذاب اخالتي .تفضلو..
سلمو على حفيظة وشكراتها اما جود هي تيشوف فميرا..يمكن سحاب ليه غتجي تعتذر منو مراقب كيفاش مغوبشه ومتوثرة كان باين الحزن من عنيها لي سرحاتهم بعيد على عمر لي قبالتها تيشوف فيها ويقرا ملامحها مزيان ونظرة ديال الاعجاب والحب مكتفارفش عنيه.. طلعو لاطو وكسيرا عمر وعاد مشى جود مخنزر وعاقد غوباشتو وكيحلف علييها....
#طريق كامل ساكتين من غير فضيلة وعمر تيدويو مرة مرة...وميرا ساكته وشاردة تا قطع عمر شرودها
عمر: ميرا كي بقيتي لباس ميرا: لباس..
فضيلة: وتشوفها شبعات لبكا مسكينة..كان عزيز عليها بزااف
عمر: لله ما اخد واعطي..الله يرحمو. فضيلة اميين.
#وصلو للدار هبطات فضيلة وهبطات ميرا موراها يلاه بغات تمشي وهو يجرها عمر من يدها..
عمر: ميرا علاش كتهربي مني...؟؟
ميرا( بتوتر ) ل لا هي هي عيانه غ غنمشي.
عمر: ميرا ..واش درت لك شي حاجه..؟
ميرا: (تغرغرو عنيها بدموع) ل لا و والو..انا مريضة شويه.
عمر: الى كان والو علاش كتهربي مني .علاش مكتشوفيش ليا فوجهي...؟
هبة: كلكم مادرتو والو. صافيي هنيونا ونتي قوليها لعمتي تشوف لك شي حل..حنا مباغينش يدوي علينا لي يسوى ولي ميسواش وكيف قالو ناس زمان لي دارها بيديه يفكها بسنيه..😠😠 خرجات وخبطات الباب من موراها ..خلات اية تتخنزر فيها وميرا تتبكي ..اما نوال دايره راسها ندمات من داتها معاها..
ميرا: انا تدمرت ..تدمرت اهئ اهئ😭😭
اية: ميرا..كوني قوية ..متخليش هذشي يأثر فيك .الف وحدة طرا لها هكا ودابا بخير .ماشي نهاية دنيا وربي عارفم مظلومة وعالم بك مدرتي والو.. الى تفارقتي مع عمر هو ماشي اول راجل ولا اخر راجل الى مشي حيت ممكتابش ويرزقك ربي بما حسن منو غتكملي قرايتك وتخدمي تديري دارك وتولي قدوة لكاع لبنات لي تظلمو ..فحالك لي غيخرجو المجتمع من هذ الظلام والسبات لي هما فيه...كوني قويه وانا معاك ومسنداك... طارت ميرا عنقاتها وتتبكي وتتبكي معاها ونوال تتخنزر فيهم ميرا: ربي نعم عليا بيك باش تعاونيني فهذ المحنة. اية: ههه انا اصلا ديما معاك واخا كنا كي المش والفار ديما مضاربين ومناكرين ولكن فالمحنة عمرنا نتخلاو على بعضياتنا.
ميرا: شكرا بزااف..خففتي علييا بزااااف.
اية: دابا نعسي ورتاحي ومتفكري فوالو حنا معاك😆
ابتسمات ليها ومشاو خرجو وميرا تنهدات بارتياح شيءا ما كلام اية ريحها شويه.. تكات تتفكر فعمر وفلحظاتهم هضرتهم وحبهم ..وفاية لي مكانتش تيتاحملو وديما مدابزين ودابا وقفاات معاها. فحين هبة لي معتبراها فحال ختها وتتعاونها فكلشي تتحيد لراسها وتعطيها ومعاها فشادة والفادة وشحال كانت تفضلها على اية..ولكن فالمحنة تيبان ذهب من نحاس ويبان لي ممسوق ليك ولي واكل همك وماذاق حس نعاس..لي حسبتيه عدوك صدق صديق ولي حسيبتيه صديق مخليك فالضيق..تيقولو ماشي نت لي تتختار الاصدقاء ديالك..المواقف هي لي كتختارهم لييك
بقات ميرا فالدار داك نهار كامل وهبة مبقات طلات عليها صونا تليفون ديال الدار ناضت ميرا تجاوب ميرا : الو. عمر: علاش تلفونك مخداامش😠 ميرا: مهرس...مالك ياك لباس 😦 عمر: خرجي بغيت نشوفك.. ميرا: و ولكن...(قطع عليها) حطات طيلي ومشات لبيتها زعما شنو بغها وعلاش معصب هكاك ياك ما عرف بشي حاجة ..اويلي زعما يكون عرف بلي انا انا..ل لالا مستحيل مستحيل اهئ لهئ . #لاحت كسوة وخرجات بزرب مع الضوره لقاتو غادي جاي خنزر فيها وجرها من دراعها لعندو.. عمر: دابا غتفهميني اشنووو واقع... ميرا( هي قالها هكاك تخوا ليها الما فركابي بدات تقفقف وترعد ..يلاه بغات تكري وهو يقول عمر: علاش تبدلتي علاش ..علاش كتهربي مني ومكتجاوبنيش علاش 😬 ميرا: ط طلق مني اي ضرتيني طلق مني عفاك اهئ اهئ😢😢 عمر: تا ضرتيني بهذ التصرفات اشنو عندك ها قولي اشنو عندك😡 ميرا: بعد مني برااكاااا انا مكنبغييكش واش كتفهم مكنبغيييكش مبقييتش..بعد مني وفارقني علييك الله يخليييييييك جات تمشي وهو يجرها عمر: ا اش كتقولي اميرا واش عارفه شنو كتقولي . ميرا: اه عارفه..هذ العلاقة مستحيل تنجح..بلا منعذبو ريوسنا... عمر: ل ميرا عفاك ب بلا هذ اللعب الباسل..مكنحملوش..عارفك كضحكي 😑 ميرا: واش باين عليا كنضحك ااه..عمر لي كنحسو بجيهتك عمرو ما كان حب كان غير اعجاب وصافي..عارفه تعطلت تافهمت هذشي و ولكن. عمر بداو دموع يهبطو من عنيه كيشوف فيها محطم ..خلاتو ومشات تتجري للدار دخلات وسدات الباب وطلقااا غووتة تسمع صداها فالشارع كانت محملة بالالم بالوجع بالفراق الاجباري..متصورش شحال كان صعيب عليها توقف وتشوف ليه فوجهو وتهضر هكاك.استلزم تجمع قوتها وشجاعتها كامله هي باش تقول هكااك...مكانش ساهل عليها ابدا . جا عمر تيدق فالباب بجهد عمر: ميراا حلي البااب..لابد مانهضرو...ميرا حلي ولا نفركعووو حلييي. ميرا: سيير من هنا.. عمر: ميييرا حلي خصنا نهضرووو. ميرا: لا مبقى فاش نهضروو ..خطيني عليييك ونساني. عمر: قولي راك هي تضحكي قولي را غير مزحة وصافي..مديريش فيا هكا اميرا متخلنييش متقتليش هذ القلب لي بغااك متقتلنيش منقدرش بلا بييك كنبغييييك اميراا كنبغييك. حلي الباب خلينا ندويو عفاك امييرا. ميرا مبقاتش تتجاوبو هي كالسة فالارض تتبكي كل كلمة تيقولها تدخل فقليها فحال الموس .الالم لي ساكنها فهذ اللحظة كان اكبر من كاع الاحاسيس لي يمكن تحسي بهم فهذ الدنيا.. مقدهاش الالم لي فيها ماحيلتها تبكي على شرفها لي ضاع ولا تبكي على فراقها لعمر ولا لعذاب لي تسببات ليه بيه..انك تسمع حبيبك كيترجاك ويبكي من لالم ونت مقادر تدير والو اكبر وجع يمكن تعيشة فدنيا.... بقات داخل دار وهو برا باب واحد لي فاصلهم على بعضياتهم ولكن .بزااف د العتبات مانعاهم يكونو مع بعضياتهم
شويه سمعات حسو تقطع من برا..عاد ناضت تتجر فرجليها للبيت وطاحت على كرشها تتبكي وتخنصص مستحيل يكون عقاب كبر من هكا مستحيل تعيش حياة بلا عمر بلا مايكون معاها بلا متشوفو كل نهار بلا متهضر معاه تدوي معاه. صعيب علييها بزاااف... سمعات غوات قدام الدار ناضت جالسة تتأكدت من صوت ديال من..مشات تتجري هي حلات الباب لقات خالها وصفية وعمر ومها وجميلة..الجوقة كلشي كيخاصم عمر ساعر ومو خلاص بغا ضارب مع فضيلة لي تتهدن فعمر وجميلة واقفه شاده راسها.. حلات لباب وخرجات.. فضيلة: (خرجات فيها عنيها) واش هذشي لي كيقول عمر بصاح. جميلة: دوي اميرا...فهمييينا اش واقع. ميرا( هي ساهية فيهم خايفه وعمر قطع لها قلبها غادي جاي ودموع فعنيه حالتو حالة ) م ماما .انا. جراتها مها من يدها لعندها. فضيلة: هاااا...دوي..علاش مبغاهش اه؟ ميرا( تتطلب الله يقويها باش تقدر هي تهضر) صفية: شفتي ..انا كنت عارفه من نهار الاول معجبتنيش. فضيلة: مييرا تكلمييييييييي😠 ميرا: ااااااااه ااااه انا مبقاش باغا هذ زواااج ..مبغييتش نتزوج مكنفكرش فييه. فضيلة:( تضرب ففخادها) اويحي ابنت الحرااام على مبغاااش تزوج...ياك هي الباااارح تتهددي فعباد الله الى متزوجتي به عمرك تزوجي. ميرا : هذا لبااارح اماما..هذا الييييوووم. فضيلة: اويلي امييرا اميمتي على شوهتي..اميمتي على ميغاهش .. صفية: الى كنت مبغاش زواج كنت تقوليها من الاول ماشي تجلسي تا لدابا عاد تضربي لينا كلشي ف0...اصلا نت متستهليش ولدي اقليلة ترابي ابنت زنقة ربي نجاه منك. فضيلة: و لوااااه الاله صفية حتارمي راسك بنتي بزااف علييك تكون بنت زنقه.. سعيد: صااافيييي داباااااا صافييييي سكتونا..خليونا نتفارقو على الخير دكيما تجمعنا...الولاد ما مفاهمينش يتفارقو وكل واحد الله يسهل علييه. صفية: يلاه اوليدي يلاه هذي متصلاح لييييك.. عمر: (باقي ساهي فميرا لي دموعها شلال وتتشهق ) عمري نسامحك .. مشا ومشات مو من وراه وميرا طاحت سخفات والغواات هزاها خالها دخلها للدار تيشروها بالماء عاد فاقت ..جات هبة بزربة بعد ما سمعات الفضيحة .. هبة: ماما وااااش بصصااح داااكشي ليي سمعت.. جميلة: اااه..مصيييبة صافييي. هبة: فيين هي دااابااااا. جميلة: سخفاااات وهزوها لبيييت.. هبة: س سخفات😨..وعمتي اش تتقول فهذشي ؟ جميلة: واش عندها ماتقول مسكينه .. #فاقت ميرا ولقااات حدا راسها.. فضيلة: دابا شويه.. ميرا: اهئ لهئ اهئ.. 😭😭 فضيلة: بنتي عاودي لي اش طرا..علاش مبغااش هذ زواج يتم. مجةبتهاش فضلات تسكت وخلات دموعها يدويو وبلاصة لسانها لي جامد ومقدرش ينطق بكلمة.. عيات معاها مها خرجات خلاتها وهي تدخل اية من للفاك..دخلات نيشان لبيت عند ميرا..عنقاتها والاخرى تتبكي.. اية: صافي احبيبه ديالي متبكيش ششش كلشي غيكون بخير..محنة وغتدوز.. ميرا: اهئ اهئ اهئ...ياريثك تشوفي وجهو من قلت ليه مبقيتش كتبغيييك اهئ اهئ تيقطع القلب اهئ اهئ😢😢 اية: ششش صافي اميرا...دابا نت تخطيتي اول خطوة وهانتي ماوقع والة .صافي براكا من البكا طيبتي عنييك😥 #دازت سيمانه فحال البرق ميرا تدهورات صحتها مكتاكل مكتشرب ولا كتخرج مكدوي مع حد من غبر اية ...فضيلة عيات معاها باش تعرف السبب ولكن مقدراتش تعتارف ليها بالحقيقة..من غير تتقوليها موت جدي فكرني فموت بابا وممستعداش للزواج دابا..تقريبا كلشي تيقها وخلاوها على راحتها..نوال تتجي لعندها مرة مرة طل على حالتها وهي مقداها فرحة من تفرق ميرا وعمر ...
فاقت ميرا صباح كما العادة دوشات ورجعات تكات تا دخلات فضيلة ... فضيلة: بنتي الحبيبه فقتي ميرا: صباح الخير اماما. فضيلة: صبااح النور ابنتي..يلاه كنتسناوك على الفطور. ميرا : واخا هاني جاية ناضت وتبعاتها فطرو .جميلة وسعيد خرجو للقهوة..وبقات اية وفضيلة معاها. اية: ميرا..الجو زوين اليوم اش بان لك نخرجو.. ميرا: لا مافيا لي يخرج... فضيلة: اووا ولفاك را الناس بدااو ميرا: ما من فضيلة: خصك تمشي..صافي مبغاش زواج على الاقل كملي قرايتك. اية: امم اذن هاني مشا نلبس حوايجي ونمشيو بجوج. ناضت اية تلبس وتبعاتها ميرا ..لبسات سروال دجينز فزرق وكاب طويل فالكحل جمعات شعرها وخرجو بقاو غادين اية تتهضر وميرا طريق كامل ساهية ..طلو فلفاك ودغيا خرجو. اية: مييرا اش بان لييك نكلسو فشي كافي نشربو شي حاجة. ميرا: خليها تا لمرة لخرى ..كنحس براسي عيانه بزااف. اية: وصافي حيدي منك العكز ..يلااااه جراتها اية وجاو داخلين لكافي ...مع دخلة وهي ترمق عمر جالس مع شي دراري..تجمدات فبلاصتها ساهية فييه وشفايفها تيرجفو استعدادا للبكا دغيا عمرو عنيها دموع..توحشاتو بزااف توحشات تشوف داك الوجه لي عابس كان باين عليه العيا بزااف تحت عنيه كحال ووجهو صفر..انتبهات ليها ايه ورجعات بغا تجرها وهي تشوف شافت فميرا لي ساهية فييه عاود جراتها للخارج . ميرا: اهئ اهئ اهئ😢😢 اية: ميرا كوني قويه اصاحبتي...يلاه. بقاو غادين وميرا متوقفاتش من البكا جرح لي مزال كاع مبراش تحال من جديد.. واية تتهدن فيها ..وصلو لواحد للجردة كلسو فيها حيت ميرا مبقاوش رجليها قادرين يهزوها كلما تفكرو تحس بخناجر تيتغرزو فقلبها خبات وجها بين يديها تتبكي وتشهق عيات معانا اية وهي تبكي معاها...تارتاحت شويه ..عاد ناضو مشاو للدار ... #اما عمر بقا مع صحابو شويه وتم غادي ..وتلقا بنوال فطريق دار فحال مشفهاش وبقا غادي .. نوال: واش تا انا مقلق مني اعمر مجوبهاش تا شدات من يدو نوال: اش درت لييك انا باش تعاملني هكا..هي لي منها كلشي..😥 عمر: جيني من الاخر وقولي اش بغيتي😑 نوال: بغيت نهضر معاك فموضوع.. عمر: سمحي ليا ممساليش. نوال: واخا كيخص ميرا.. عمر: متجبديش لي سميتها مرة اخرى..وحيدي من طريقي 😠 نوال: انا عارفه بلي كتحاول تنساها..انا نقدر نعاونك .. عمر: هذشي مكيعنيكش .بقاي بعييدة واخا..😠(تم غادي) نوال: انا عارفه السبب لي خلا مبرا تخليك... هي سمعها وقف وجات لعندو نوال: يمكن هذشي لي غنقوليك غيصدمك ولكن هذي هي الحقيقة. عمر: ؟؟ نوال: يمكن نجلسو فشي بلاصه ونهضرو.. زاد معاها وهو كاره للوضع مي باش يعرف علاش خلاتو ميرا لابظ مايصبر .وصلو لواحظ الكافي جلسو عمر: كنسمعك. نوال: المهم غنبدا دريكت..ميرا مكانتش كتبغيك كانت ديما كتقولي غير كدوز بيك الوقت ..شحال حاولت معاها مديرش معاك هكا ..ولكن ماسمعاتش مني..مؤخرا تعرفات على واحد لباس علييه طمعها بزواج والفلوس تا تا....زعما ت. عمر: تا اااش. نوال: (حدرات راسها) تا خدا منها لي بغا. عمر هي سمعها خرج عنيه ممستوعبش ولا هي يحاول واش سمع بصاح ولا هي كيتخيل ..ساكت مصدوم نوال: عارفه بلي هذشي صدمك..ولكن هذي هي الحقيقة .ميرا ماشي غير خلاتك وانما لعبات بك وغدراتك. عمر: نتي اش كتخوري اه واش عارفه اش كتقولي هااا 😠😠 نوال: انا قلت لي كاين وميرا صحبتي هي بقيتي فيا وقلت نقول لك كلشي ..ودابا تيق ولا بلاش..بسلامه..
مشات وخلاتو فبلاصتو مصدوووم كيغمض عنييه ويحل فيهم ميمكنش ميرا دير داكشي ميمكنش يوصل فيها الغدر لهذ الدرجة..ولكن راخلاتو بلا حتى متفكر فييه مشات.. كلس تا استوعب ديك الهضرة عاد صعر بدا يضرب طبالي ويخبط فالكراسا كلشي فالكافي تخلع هي شدوه سربايا بزز ... #اما ميرا لي ماعلى بالها والو تغدااو وكلسو كيتفرجو طبعا هما اما هي ساهية وفعالم اخر مع ذكرياتها هي وعمر صورتو باقا قدام عنيها .. شويه سمعو الباب كيتدق بجهد ناضو مفزوعييين ومشات فضيلة تتجري حلات الباب وهو يدخل عمر فحال الوحش للدار وفضيلة مافاهمة والو كانت حالتو حالة ..مشا دخل للصالون هي شافتو ميرا هكاااك طاحت لارض وعمر نزل عليها بالضرب وركيل وكيسب فيها واية وفضيلة كيفكو فييه وتقول واش بغااا يطلق منها تا سخفاااات ورجعات كلها دمايات عاد وقف تيشوف فيها مصدوم اما اية وفضيلة هرسو دنيا بالغواات وفضيلة تتفيق فميرا وتتبكي مشات اية تاصلات بباها وتتعابر فعمر لي جالس شاد راسو تيشوف فميرا لي رجع حالتها حالة.. جا سعيد ولقا الحاله ضرب عمر لي محاولش يدافع على راسو...عيطو للاسعاف وداوها للوبيطال بزربة ..وصلو ودخلوها وبقات فضيلة واية وسعيد الخارج شي شاد راسو وشي تيبكي اما عمر مادخلش يدخل للداخل بقا هي براال ماعرفش كيفاش فقد اعصابو تا دار ليها هكاااك ولكن تستاهل داكشي لي دارت ليه ماقليلش... فضيلة: الله ياربي هذو تعطلو اهئ اهئ ياربي تحفظها لي ياربي اهر اهئ. اية: غتكون بخير اعمتي اهئ اهئ.. فضيلة: سير سير اعمر الله ياخد فيك الحق..الله يعطيك شي كسيدا تفتكك . اية: ولد الحرااام صافي.. بقاو جالسين كيتسناو طبيب يخرج من عندها وهي تدوز حفيظة ورمقاتهم وتمات جاية لعندهم. حفيظة: بنتي فضيلة هذي نتي ..ياك لبااس اش كديري هنا😮 فضيلة: الله يا خالتي الله بنتي كتموت اهئ اهئ اهئ. حفيظة: اويلي مالها ميرااا. فضيلة: تهجم عليينا واحد ولد الحرام كان خاطبها وتفارقو مخلا فيها عظم صحيح مسكينة اهئ اهئ الله ابنتي الله 😢😢 حفيظة: ويلي تهجم علييها..واش كاينه السيبة فالبلاد وكي بقات دابا.. فضيلة: مزال معرفنا علييها والو اهئ اهئ😢😢 ..خرج.طبيب ومشاو لعندو تيجريو. فضيلة: دكتوور بنتي ..بنتي كي بقااات. طبيب: متخافيش الالة ولات لباس .غتبقا هنا هذ ليله غدا تقدرو تخرجوها...على سلامتها. اية : اووف الحمدلله. فضيلة: حمدتك اربي وشكرتك .. حفيظة: على سلامتها. فضيلة: الله يسلمك اخالتي. حفيظة: واش ناوين ديرو مع داك قليل ترابي لي دار فيها ديك الحالة. فضيلة: الله ياخد فيه الحق..وكلنا عليبه ربي. حفيظة: خصكم ديكلاريو به..اويلي اليوم ضرب وغدا يقتلها..خصو يتربا باش ميبقاش يحط يدو على بنات الناس. فضيلة: يجي سعيد ويمشي يديكلاري به. حفيظة: هذشي خليه عليا..دابا نتاصل بجود.. هزات الحاجة تلفونها عيطات لجود وعطااتو العنوان يجي دابا..وماهي غير شي دقايق وجا.. جود: الحاجة ياك لباس..نت بخير ؟؟ حفيظة: انا لباس اوليدي لباااس جود: مرحبا اخالتي فضيلة لباس علييكم يا ماواقعه شي حاجة. فضيلة: اهئ اهئ اش من لباس اوليدي اهئ اهئ😢 جود: اش واقع؟ حفيظة: بنتها ميرا تهجم علييها وااحد وضربها.. جود: ميرا؟؟ حفيظة: اااه اولدي وبغاو يديكلاريو به. جود: واخا ..غنتكلف .. تاصل جود بصاحبو عميد الشرطة وخبرو بالقضية حا فالحين ودوى مع فضيلة لي عطاتو كاع المعلومات على عمر.... سلمات علييهم حفيظة ومشات وتا لاخرين قاليهم طبيب مكاين لاش يبقاو تا لغد يخرجوها. ومشا كلشي فحالو للدار .. #بداات ميرا تتفيق وراسها عاطيها الحريق وكل بلاصه فلحمها حلات عنيها وبان ليها كلشي بيض عاود غمضاتهم وحلاتهم باش تبان ليها الصورة اوضح..لقات راسها فالمستشفر عصرات عنيها تتفكر اش وقع ناضت قافزة مخلوعه تتبكي وتتفكر عمر من كان تيضربها
كلسات تتبكي وجروح فيدها وفكاع جسمها مي ماشي هما لي بكاوها بكاها الشخص لي تسبب لها فيهم ماحيلتها لجرح قلبها ولا لجرح جسمها حسات بدنيا كحالت فوجهها اخر شخص توقعاتو ياذيها ولا يضربها كان عمر وصدق اولهم...شويه بدااات كتغوت وتبكي جات الفرملية تتهدن فيها وميرا مقداتش خرجات عيطات لطبيب وهو عيط على جود . دخل طبيب عطاها مسكن عاد ترخاات شويه ولكن مقدرش ذاك المسكن يحبس المها ويفكها من داك الوجع لي كيقتلها بشويه من لداخل.. وصل جود لاوبيطال لقا طبيب يلاه خرج من عندها جود: اش واقع.. طبيب: سي جود مرحبا..فاقت وبدات تغوت وتبكي..دابا عطيتها مهدئ وكترتاح. زاد جود دخل لعندها لقاها ناعسه وفوجها ضربات خنزر حيت باقا ماتسرطاتش ليه ضربو ..ركل الكرسي لي كان تم وخرج. # صباح صباح..جاو عائلة ميرا خرجوها وداوها للدار فضيلة: بشويه ابنتي تكاي بالخاطر... ميرا: ااحح..ااي. اية: حبيبة نعسي شويه ..غتكوني عييتي فضيلة: هاني مشيت نصاوب لك شي حاجة. خرجات فضيلة وخلاتهم. ميرا: اية.. اية: اممم نعم ميرا: عمر م اية: مبغيتش نسمع سمييتو ..ولد الحرام..الله يلكيها ليه. ميرا: و واش جا لاوبيطال؟ اية: كيفاش غيجي وهو مشدود . ميرا(بصدمة) مشدوود اهئ اهئ اش كتقولي..واش ديكلاريتو به. اية: ااه عمتي ديكلارات به و حفيد الحاجة حفيظة مكلف بداكشي..الله يكثر خيرو. ميرا : ش شكون؟ واش هذا لي س سميتو ج جود. اية: ايييه هذاك اححح ياختي وتشوفيه تيتيز. ميرا: ولكن علاش ماما ديكلارات به علاش اية: واش نتي حمقة لمك ولا مالكي .شوفي اش دار فيك وباقي كدافعي عليه ميرا: ما كندافعش عليه ولكن..مخاصش تديكلاريو به .را. اية: مييرا...هو تهجم علييك وضربك كنتي غتمشي فيها..يستاهل يتعاقب . ميرا: ولكن... اية( قطعاتها) وبراكاااا اميرا نساي زيل نساايه ..وشوفي متجبديش هذ الموضوع قدام عمتي غتعصب منك. ميرا اوووف مقدوش داكشي لي درت فيه نزيدو عليه الحبس .مستحسل نخليه لابد ماندير شي حاجة... دخلات فضيلة جايبة ليها الماكلة تغدات وارتاحت فالدار نهار كامل تتفكر هي كيفاش تفك عمر باش ميدخلش للحبس غيتعذب ويخسر خدمتو هي عذباتو بزاف من خلاتو ودابا تدخلو الحبس مستحيل.. #صبح صباح فاقت فطرات حسات براسها لباس ناضت لبسات حوايجها فضيلة: فين غادة ابنتي ؟؟ ميرا: غنمشي للفاك.. فضيلة: كلسي نتي باقا مريضة .. ميرا: مغنتعطلش اماما . خرجات ومشات عند نوال. نوال: ميرا حبيبه ديالي ..لقيتيني يلاه جايه لعندك. ميرا: اوا هاني جييت. نوال: كي بقيتي بعدا شويه. ميرا: وصلوك لخبار ياك؟ نوال: اااه وصلوني..الله ي ميرا: نوال متدعيش علييه تانتي..انا نستاهل . نوال: وفينو دابا عمر ميرا: اففف مشدوود.😢 نوال: اشنووو😨 ميرا: ااه ودابا خصك تعاونيني بغيت نسحب ديك الشكوى. نوال: اه اه واخا..يلاه. ليسات نوال حوايحخا ومشاو للكوميسارية دخلات غير ميرا عند العميد. العميد: وي تفضلي ابنتي . ميرا: شكرا العميد: اش حب الخاطر؟ ميرا: .انا جيت بخصوص الشكوى لي تقدمات بخصوص عمر مساوي. العميد: ااييه تفضلي ميرا: بغييت نسحب الشكوى. العميد: ولكن هو ممتهمش غير بالضرب متاهم بحوايج خرين. ميرا: ب بحال اش😨 العميد: سمحي ليا دقيقة ونرجع
خرج العميد تاصل بجود. جود: الو سفيان.. العميد: الو سي جود لباس. جود: الحمدلله . العميد: الحمدلله ..المهم را البنت لي قدمات شكوى جات باش تسحبه وانا قلت نعلمك.. جود: ميرا...ميرا تماك؟ العميد: اه يلاه جات. جود: مادير والو هاني جاي. كلم السكرتيره تلغي لي الاجتماع لي عندو من هنا لنص ساعة هبط وخدا طومو ديالو ومشا للكوميسارية.. اما ميرا بقات فالمكتب تتسنا سفيان لي مزال مرجعش ..شويه تحل الباب ودخل شي حد ضارت باش تهضر وهي تصدم من شافت جود قدامها. ميرا: ن نت😨 جود: يمكن نعرف علاش باغا تسحبي الشكوى،؟ ميرا: و والو ..غ غير كان سوء تفاهم . جود:(ضار ضحكة جانبيه باستهزاء) سوء تفاهم من شبعك العصا. ميرا(الصمت) جود: انا غنتكلف بالقضية...وهو غيتعاقب.. ميرا: انا مبغاهش يتعاقب..واصلا نت اش دخلك اه؟ جود: و.. قطعاتهم نول لي جات داخله نوال: ميرا ..واش غيطلقوه. قربات لعندهم وشافت فجود تزعطاات. نوال: سلام انا صاحبة ميرا (مدات ليه يدها وهو يخنزر فيها..عاد جمعاتها ميرا: ب بغيت نشوفو. نوال: شكون عمر..اويلي 😨واش بغيتي يقتلك ميرا:( سكتينا) جود: ما يمكنش حيت دابا غيكون نقلوه للمحكمة. ميرا: المحكمة😢 جود: مادموزيل ميرا..تقدرو تمشيو دابا. ميرا: ع عفاك لما طلقوه هو مدار والو. نوال: اه اه بصااح مسكين هي مظلوم.. رجعات ميرا قرصاتها تسكت. جود: مظلوم؟ نوال: ااه مظلوم..اي واحد بلاصتو يقدر يدير هكا من تخليه خطييتو . ميرا: نواااال .... جود:( باستغراب) خطيبتو؟؟ بمعنى نتوما مخطوبين؟ ميرا: اه..زعما كناا مخطوبين..يمكن طلقوه دابا.. جود: نشوفو... نوال: انا خصني نمشي دابا تعطلت..(شافت فجود) تشرفت بالمعرفة ديالك اسي جود خرجات وضارت ميرا تتسمح دموعها لي غدروها وهبطو. ميرا: شكرا... (تمات غدا تا وقفها) جود: مزال مكملناش هضرتنا ميرا: ش شنو ب بغيتي تقول؟ جود: شوفي كااع. ميرا( سكتات شويه حادرة راسها عارفه بلي داوي على تصرفيقة) س سمحليا م مقصدتش.. كنت مخلوعه ..كنعتذر منك. جود: واعتذارك ممقبولش..انا مكنسامحش بسهولة. ميرا: ك كيفاش؟؟ ز زعما ترجعها لي و وضربني جود: انا راجل مكنضربش العيالات ماشي فحال خطيبك..ولكن كنرجع الكف بكفووووف☺ ميرا: ا انا قلت لك ما ما قصدتش واعتذرت منك..ولي عليا درتو.. زادت غاده وهو يحبسها ليها طريق.
حبسها وقال: جود: نت مزال مكتعرفنيش😏 ميرا: ونتمنى منعرفكش😒. زادت كملات طريقها ومشات اما هو بتاسم بخبث علم الله اش تحت راسو.. تلقات بالعميد. سفيان: انسة ميرا..شكور نسحبات ميرا: غ غتخرجوه ياك. سفيان: اه. ميرا: ش شكرا. مشات تا لبرا وكلسات تتسناه باش تأكد بلي غخرج...بقات ساعة كتسنى تا شافتو خرج خبات وجهها بصاك وهو يمشي طلع فالاوطو ديالو وكسيرا..عاد تنهدات بارتياح وشدات طاكسي مشات للدار.. هي دخلات وهي تشنقها مها. فضيلة: خرجتيه ياك..مشيتي لعندو😠 ميرا: ماما ..صافي الله يسامح خلينا نطويو هذ الصفحة مشات لبيتها لاحت الصاك وبدلات حوايجها عاد مشات تغدا ..نهار كامل مها تتخنزر فيها وتحشي ليها الهضرة ولكن مكتجوبهاش ...هكاك داز عندها النهار.. طيبات ليها ودنيها بالهضرة تامشات تنعس. #صبح صباح جديد ..مفاقت ميرا تا 10 ناضت دوشات وخرجات تلبس حوايجها. اية: ميرا فقتي؟؟ ميرا: اه هانا. اية: غاده لفاك؟ ميرا: لا مفيا ميمشي ..خليني هي فالدار. اية: ميرا ..تقواي اصحبتي صافي تظلمتي غتنهي حياتك غتفقدي الامل وتحبسي راسك ..باش من ذنب اه مكفاش داكشي لي عشتيه تزيدي على راسك تحبسي راسك وتغرقيه فتخمام والخوا..دنيا مستمره واخا يوقع لي وقع ...هي نتي لي غضيعي راسك..يلاه نوضي تفطري ونشميو سريي نوضاتها بسيف فطرات ولبساات حوايجها وخرجوها غادين على رجليهم بحيت لفاك مبعيدش عليهم..دخلو ساعتين وخرجو مشاو لعند هبة هبة: ااه هذو نتوماا دخلووو. اية: فييين امنية ؟؟ هبة: ناعسة....فين كنتو؟ اية: فلفاك😀😀 هبة(شافت فميرا) تا نتي. ميرا: اااه. هبة: امم مزيان شفتك تجاوزتي الصدمة دغيا..ولكن را مزال متحلش الموضوع... اية: اوووف😠 جينا عندك باش نفوجو شويه ونتي تندميينا... ميرا: شوفي اهبة. هبة: انا بغبيت غيير مصلحتك...مقدينش اختي على كلام الناس. اية: نتي هامك غير كلام الناس مهماكش باش كتحس هي وكيفاش غتعيش كيفاش غتكمل حياتها..لي هامك هو راجلك وعكوزتك المحترمة ميعرفو والو . هبة: واشنو غيهمني..را الى عرفو ز اية: نوضي نوضي اميرا نمشيو فحالنا .. ناضت ميرا لي عمرو عنيها بدموع وخرجو ..طريق كامل اية زعفانة اما ميرا هي تتبكي كلما تحاول تنسى تفكر من جديد هذشي عمرو غيتمحى من حياتها.. وصلو لدار دخلو ولقاو الحاجه حفيظة فالصالون مع فضيلة وجميلة فضيلة: جييتو اية: اه كنا عند هبة. جميلة: لباس عليها.. اية: اه لباس..سلام خالتي كيدايره.. ميرا: مرحبا خالتي حفيظة لباس حفيظة: لباس الحمدلله ابنياتي..ونتوما لباس. ميرا: لباس. حفيظة: مي بقيتي شويه دابا. ميرا: الحمدلله شويه.. فضيلة : بدلو حوايجكم واجيو تغداو ..بدلو حوايجهم وكلسو كيتغداو وهضرة تجيب خرى..فالعشية عاد سلمات عليهم باش تمشي .. ميرا: ماما ..انا خارجه نشوف نوال. فضيلة: واخا مي متعطلييش . ميرا: بسلامه علييك اخالتي حفيظة: بسلامه ابنيتي لبسات كسوه فالبوردو وفيست كحله عليها وكونفيرسا وصاك ....يلاه حلات الباب وهي تلقا جود يلاه بغا يدق..هي شافتو خسرات سيفتها اما هو كيف ديما مغوبش ومخنزر وشايف راسو . جود: الحاجه مزال مخرجات... ميرا: خليتها كتسلم علييهم..دابا تجي.. زادت ومشات وهو متبعها بعنيه وداير نصف ابتسامة تا غبرات ..ماعرف كيف وقفات عليه الحاجه تتفرنس الحاجه: غتكلها بعنيك😅 جود: (خلعاتو وحشم بدا غير يحمحم) ش شكون؟ الحاجه: اممم شكون ههه ..سحاب ليك مشفتك. جود: ههه يلاه اللاله.. مشاو فحين سمعات فضيلة هضرتهم بقات هي كتفرنس بوحدها تتقول زعما تكون عجباتو والله ماتلقى بنتي حسن منو سيد رجال وشخصية تبارك الله
قصة نصف عذراء بين أحضان الوحش
محتوى القصة
التنقل بين الأجزاء