*(رعد تعصب جرها من يديها او ركبها فاللوطو)*رعد:غير نوصلك البلاصة لهزيتك
منها او ديك الساعة ديري لبغيتي ماسوقيش
فيك *(ديمارا وزاد ماحبس حتا وصل قدام ا
لعمارة فين ساكنة ) *رعد: يالاه نزلي
تقودي *مسك:(شافت فيه بحتقار)شكرا
على اسلوبك
او على حسن ضيافتك (ضربت الباب او ز
ادت دخلت او هو ديمارا كاعي وصل الفيلا
دخل لقا اسراء وسيف عندو سلم عليهم
طلع البيت شمس حطها نعسها او هبط
عندهم لتحت مريح معاهم نمشيو عند مسك
لغادخلات لدار لقات مها واقفا كتسناها
*مروى:على السلامة ابنتي فين كنتي *
مسك: حتا من بعد اماما مافي ليهدر دابا
*مروى:شكون هداك لكنتي راكبا معاه
فالطونوبيل *مسك:(كتغوت ) واصااافي
امااامااا صااافي راااه كنتخنق ماااقدراااش
نهدر (نزلو دموعها) هئ هئ هئ حسي
بي هئ هئ كنبغيه هئ كنبغيه مروى:
(عنقاتها كتهدنها) صافي صافي ابنتي تهدني
مهم داز هاد النهار عادي خالي من الأحذات
*أصبحنا وأصبح الملك لله هاد النهار غيوقعو
فيه بزااااف الأحذات لغيتقلب فيه كلشي فاق
رعد او فيق شمس لبسها حوايجها او فطرها
جات اسراء خداتها من عندو او هي لغتوصلها لمدراستها* *اسراء: واش نرجع نجيبها
*رعد:لا ملي غيوصل وقت خروجها انا
غنجيبها *اسراء: اممم صافي واخا ** فحين
كانت مسك ناضت بلي فيها دوشات او لبسات
حوايجها او خرجت غادا المدرسة وخا معندها
كانة الى انها توحشات شمس او بغات
تشوفها وصلت الباب شافت شمس جاية مع
شي بنت شمس غا شافت مسك طلقت من يد
اسراء او مشات عندها كترجي عنقاتها
شمس: ثحبتي توحشتك *مسك:(معنقاها
كتبوسها) حتا أنا احبيبتي بزاااف
*اسراء:(ببتسامة) بلا شك نتي هي مسك
*مسك: اه انا *اسراء:ههه كنسمع عليك
بزاااف ديما شمس كتقيل تعاود عليك ههه
عزيزة عليها نتي *مسك:حتا انا كنحمااق
عليها *اسراء:أنا عمتها او فنفس الوقت
تقدري تكولي حتا خالتها *مسك:نتي
خت رعد *اسراء:اه ختو *مسك:(صافحتها)
تشرف بمعرفتك *اسراء: أنا كثر ....
بسلامة نخليك...
(اسراء مشات او مسك هزات شمس
او دخلت هي وياها دوزو نهاار طوب
بجوج حتا وصل وقت الخروج مسك
شدات شمس من يديها او خارجين كان
رعد محبس اللوطو ديالو فجنب شانطي
من الجهةا للخرة شمس غاشافت باها
واقف على اللوطو ترخات من يد مسك
او مشات كتجري وسط الشانطي عامر
طونوبيلات كانت جاية طونوبيل بجهد
مسك تصدمت معرفت شنو دير غوتت
غا غوتة او زيرت على راسها رعد فاللحظة
كان كيشوف بلي بنتو غضيغ قداامو بلا
ميفكر دفعها حتا جات طايحة الحمد الله
موقعلها والو قدر ينقد بنتو شدها معنقها
خااف خااف كون تعاودلو الحاذت هاد
المرة مكانش غيصبر مكانش غيقدر يتحمل
سيغتو ان آخر حاجة لبقاتلو من اسلام
حتا هي كانت غتمشي حس براسو تهدن
او حتا شمس باقا فاتحة عينيها كتلعبلو
فشعرو بحال الى موقع والو كدور عينيه
كيلقى مسك طايحة الأرض او سادا
فراسها مزيرا عليه بجهد او كلها عرقانة
عند مسك غير كانت اللوطو غضرب شمس
حسات بقلبها مشا وجا او راسها بدا
يعطيها الحريق بزاااف آلام كبير بحاال
الجناوا كيضربولها فرااسها شاتو مزيرة
او كدور فعينيها شوي بشوي بداات كتفكر
او كترجعليها سينتا اللور كانت كتشوف
بزاااف الناس ولكن وجهوم مباينيش كانت
كتشوف بنت هازة ليصانص كتخويه عليها
شوي بدات كتفكر بحاال شي عرس او هي
لابسة كسوة بيضة او شخص واقف معاها
كيدوز يدو على راسها ولكن وجهو مباينش
شوي شوي الصورة بدات كتوضاحلها حتا
شافتو قداامها مقدرااتش تستحمل الألام
ديال راسها عينيها تقاالو او بداات كتفقد
الوعي *مسك: ررعد *رعد:(مشا عندها كيجري) مسك مالكي شنو وقعلك *مسك:امممممم *رعد:مسك كتسمعيني مسك (سخفت هزها رعد حطها فاللوطو او ديمارا الطبيب دخلوها دارو ليها شي اسعااافاات أولية او عطاوها برا كتهدن الأعصاب او خرج الطبيب) *ارعد: كبقات ادكتور*رعد: المريضة كانت فاقدة الذاكرة او يمكن تعرضات لشي صدمة او بدات عملية الاسترجاع عندها او هادا هو السباب لخلاها تفقد الوعي دياالها *رعد:(بلامبالاة) امممم او كيبقات دابا واش فاقت *الدكتور:لا باقي مغتفيقش دابا حتا الليل حيت عطيتها شي مهدئات غيعونوها باش تزيد تسترجع *رعد:امممم مزيان غنمشي حتا نولي نرجع (طيلي ديالها كان كيصوني حيت رعد كان هزو )*رعد:آلو وي *مروى: شكون نتا اولدي *رعد:احمنن بنتك سخفات او انا سعفتها الطبيب لفوسط المدينة *مرى:أأأا هاني جاايا دابا (رعد قطع او عطا الطيلي الطبيب او هو هز شمس او مشا بحااالو ديمارا اللوطو او مشا الفيلا ديال سيف دخل لكاهم كالسين مجمعين بثلاتة بيهم او نضم ليهم *اسراء:(شافت فرعد) رعد ماالك شفتك ماشي على برجك ياك لاباس *رعد:أأأ لا والو غير تخلعت شوي كانت شمس غضربها طونوبيل كون مجريتهاش *اسراء:أويلي *رعد:بلا متخلعي موقع واالو *اسراء:بفففف الحمد الله ياربي دازت سالمة *رعد:ولكن ديك البنت مسك ملي كانت شمس غتعرض الحاذت سخفت او ديتها الطبيب *سيف:ياك لاباس شعندها
فقدات الوعي اووكالي الطيبب سخفاات حيت ذاكرتها بدات كسترجع *سراء: الحمد الله هنية عليها فرحتلها *رعد:علاش كتعرفيها *اسراء: اه حيت كنت تلاقيت معاها واحد المرة ملي مشيت نوصل شمس باينة فيها ضريفة والله *رعد:(حك لحيتو برتباك) اممم عرفتو شنو كنحس بمسك كأنها قريبة بزاااف *سيف: شنو كتقصد *رعد:معرفتش ولكن عندها نفس العينين نفس الشوفات او بعد المرات كنحس بلي حتا نفس الصوت بيناتهم واحد الشبه كبير *اسراء:(صغرات عينيها) اممم ياكما طحتي *رعد:(خنز فيها معصب)لاواه خريت شحال من مرة غنكوليك انا سديت .... تهلاو نخليكم عندي من قدي ....اه شمس حتا نسالي ونرجع نديها *اسراء: صافي غا سير كون هاني *خرج رعد ديمارا اللوطو او فتجاهو المستشفى بغا يمشي يطل عليها او يشوفها كيف بقات * عند مسك لبدات كتحل عينيها بتقالة تحلهم او ترجع تسدهم او تولي ترجع تحلهم حتا بدات كتوضاحليها الرؤية او كتحس بواحد الألام كبير فراااسها او عقلها خداام كفكر فشحال من حاجة فتحات عينها لقاات مروى حدها شاداليها فيديها او على وجها علامات الفرح حيت فاقت *مروى:(كتبوس فيها) بنتي حبيبتي مسك فقتي كيف وليتي مزيان كضرك شي حاجة *مسك:(كتشوف فيها بشك او عينيها غرغرو) *مروى:مالك ابنتي مسك كتشوفي في هوكاك واش كاين شي حاجة *مسك:(عينيها مغرغرن) شكون أنا *مروى:(بلعت ريقها) نتي مسك بنتي *مسك:(نزلو دموعها)...بنتك؟؟؟؟ (نفاعلت محساتش براسها حتا قطعت الخيط تاع السيروم لكان فيدها وقفات على رجليها كتغوت مروى تخلعت من ردة فعلها) *مسك:(كتغوت) بنتك ؟؟؟ بنتك ياااك واش كضحكي علي أأأأأ على اينا بنت كتهدري *مروى:(كتبكي) مسك بنتي *مسك: مسك ياااك انا رااا ضخت مبقيت فاهمة وااالو مبقيت عارفة من راسي من رجليا مابقيتش عاارفة راسي شكون بالظبط وااش أنا بصح مسك ولاااا اسلاااام *مروى:(عرفاتها تفكرت كلشي) لاا لااا لاا نتي مسك نتي بنتي...
*مسك:(كتبكي وشادا فرااسها) أناااا راااه تفكرت كلشي ....تفكرت كلشي عرفت رااسي شكون انا را اسلاام (تقابلات مع المراية كتقيس فوجها) نفسي ديال اسلام ولكن هاد الوجه معرفتش ديالمن او حتا شكون لعطاهلي انا معاقلاش حدي عاقلة ملي هربت من غزلان او ركبت فاللوطو او شوي فقدت توازوني ولكن من بعد معقلتش شنو وقع حتا فقت او لقيتك نتي حدايا ....شافت فيها بعينيها دامعين كترجها بعينيها**مسك:(كتبكي) كولي شنو وقعلي او كيفاش قدية وجهي شكون لغيرولي عااااافاااك حسي بيا را كنتعذب كنحس برااسي ماشي هي هااديك(طاحت الأرض كالسة كتبكي) *مروى:(كلسات فوق السرير كتبكي) انا ديما كنت خايفة من النهار لغترجعليك فيه ذاكيرتك لدرجة كنت كندعي الله باش مترجعليكش...حيت كنت خايفة انكي ملي تعرفي راسك شكون تمشي وتخليني كيف مخلاتني هي ...قبل ثلت سنين كنت عايشة حياة سعيدة مع راجلي او بنتي الوحيدة مسك لكنت كنموت عليها او هي ضو عينيا او فرحة حيااتي حتا النهار لخرجو بجوج هي وباباها فاللوطو حتا وصلاتني خبارهم بلي دارو كسيدة او هوما بجوج مااتو فالحاذت كانت بنسبالية صدمة العمر بكيت او تعذبت مقدرتش نصبر على فرااقهم او خصوصا بنتي جاتني فشكل حيت كنت مولفها بزاااف او من بعد فترة قليلة على موتهم جاني تليفون بلي تنقلات حالة مستعجلة مشيت الطبيب كندخل كنلقى بنت باقا صغيرة او قاصر او فنفس عمر بنتي مسك كنتي نتي هي ديك البنت كان وجهك كلو مشوه دارو معاك هوما الازم او بقات غير عملية التجميل لغنديرهاليك أنا دخلتك الغرفة العماليات او يلاه غنجي نبدا بلا منفكر بقات كتبانلي غاصورة بنتي قدااامي او شيطان غرني قررت نعطيك وجه بنتي او فعلا ساليت العملية او كنتي نتي مسك نسخة طبق الأصل او ملي فقتي معاقلة على واالو او فاقدة الذاكرة تم عطيت عهد رااسي او انك غتكوني نتي هي بنتي مسك او انني غنسى ان فكرة بنتي مسك ماتت او بواسطة معارفي قدرت نخفيك او ندير بحالي الى عمر شي مريضة سميتها اسلام مدخلت لهاد المستشفى او نتي عارفة بقية القصة *(اسلام كانت كتسمع او دموعها كينزلو شلااال سيدة ضاخت مابقات فاهمة واالو او بلأحرى كتفكر او خايفة من دااك الشي لغيوقع من بعد ) *مسك:(كتشهق بالبكا غوتت ) هئ هئ هئ حراااام عليك واالله محال نتي واش تكون فيك الانسانية هئ هئ علاااش درتيلي بحاال هاكا هئ هئ علاش معودتليش او كذبتي علي علااش عطيتيني وجه ماشي ديالي او بعدتيني على ناسي نتي راك بعدتيني على بنتي او على الراجل لكنبغي نتي رااك كنتي ام يااك او مقدرتيش تصبري على فراق بنتك حتا شهر مقاد هئ هئ اما نتي راك بعدتيني على بنتي مدة ثلت سنين هئ هئ (كتشهق) عرفتي شحاال صعيبة تخلي بنتك صغيرة يالاه تزادت او ملي ترجي تلقايها كبرات او ولات كتمشا او كتهدر كنحس بقلبي كيتقطع حيت مشفتهاش ملي تمشات اول خطوة كنحس براسي كنموت حيت مسمعتش ..
;كنحس براسي كنموت حيت مسمعتش اول كلمة نطقات بيها دبا حتا الى رجعت هي محاال واش تعقل حتا عليه هئ هئ نتي انانية قلبتي غير على راحتك نسولك واش كان ضميرك مرتاح او كنتي فرحانة ملي كنتي كتشوفي فعينيا او كتكدبي مروى:(كتبكي ) هئ هئ سمحيلي ابنتي عاافااك *اسلام:هئ هئ فااش غيفيدني عتذارك أأأ فاش غيفيدني كوليلي كيغندير نقدر نواجه رعد هو مستحيل يتيقني وخا ندير لدرت مستحيل يتيق بلي أنا مرتو اسلااام اكيد غيكولي غير كضحكي علي او باغا نصبلو أنا لكنعرف رعد او عارفا تفكيرو كيداااير هئ هئ كغندير نشوف فيهم هئ هئ رعد مغيتيقنيش مستحيل انا صاافي ضعت حياتي ضاعت هئ هئ ياااربي شغندير ياربي عاوني هئ هئ انا مغنقدرش نشوف فرعد مرة خرا مغنقدرش نشوف فوجهو او نكولو انا اسلام هئ هئ انا متأكدة بلي غيستهزأ بي ويجري علي انا متأكدة غيكولي سيري عطيني التيساع او متبقايش تورني وجهك او سيري ضحكي على شي واحد خر هئ هئ انا متأكدة بلي حتا واحد مغيصدقني حتا اسراء وخا ندير لدرت هئ هئ هئ *مروى:(حطات يديها عليه او كتبكي) بنتي مسك *اسلام:(غوتات) اسلاااام انا سميتي اسلاااام ماشي مسك فهمتي دخليها راسك أنا اسلاااام (بقات كتبكي او كتنخصص او كتفكر شنو غدير او كيف غادير تواجه رعد لكان هو واقف من مور الباب او كلشي داز على مساميعو او طرا على عينيه رعد كان وصل الطبيب او غادي جيهة غرفتها حل الباب بشوي كيشوفها متكية فالسرير او مها حداها كيهدرو حتا ناضت مسك وقفات كتغوت او مروى ملي بدات كتعاودليها او مع كل كلمة كيسمعها كان عينيه كيخرجو معاها او عرق او عرقو برزو لدرجة التيشورت لصق عليه من كثرة الصدمة حس براسو تفافا ماشي نورمال ضاخ من داك الشي لسمع بقا كيكول فنفسو لا مستحيل اكيد انا كنشوف شي فلم رجع جوج خطوات اللور..
*رعد:(دوز يدو على شعرو من كثرة الأعصاب) لا لااا ميمكنش ياربي لا مستحيل ميمكنش تكون مسك هي نفسها اسلام اكيد كين شي غلط لا لا اكيد شي لعبة هاادي ميمكنش يكون هاد الشي كامل صدفة مخصنيش نتخدع ولكن داك الشي لكالتو مسك كياكد بلي فعلا هاد الشي صحيح لاا لا صافي انا غنحمااق ماافيهاش (شد فراسو) رعد تبت راسك او بلا متسرع تبث حتا تشوف هاد الشي باش غيسالي (جبد كارو شعلو كماه بزربة او دق الباب ديال الغرفة او دخل بحااالي الى مواقع والو او بحال الى مسمع والو وخا هو شاد رااسو بزز مابغاش يتهور مسك غا شافتو تخلعت بحالي الى شافت شي جن بقات كتشوف فيه بنظرات كلهم حزن مكرهاتش فديك اللحظة طير عليه تعنقو او تكولو انا هي اسلام انا هي حبيبتك او مرتك لباقي حازن عليها مكرهاتش تكولو توحشتك او تبوسو او تبكي فحضنو ولكن عارفا شنو غتكون ردة فعلو او جوابو عارفاه مغاديش يصدقها او غير غتزيد تبعدو عليها كتار مهو بعيد )*رعد:(شاف فمسك لكان كالسة فالأرض او باقي فوجها آثار البكا او خدا نفس عميق) مسك صافا مالي آش وقعلك علاش كتبكي *اسلام:(شافت فيه بيأس او تنهد) لاواالو غير كنت كنتناقش مع ماما شوي *رعد:نتي مزيان *اسلام:اممم مزيان *رعد: اكي باي نخليك *خرج من عندها ضايخ مكلوب على القبلة لدرجة انه مكيسمع والو من غير هدرة مسك او مروى او او كيحاول يربط الأحذات فراسو او يستنتج شي حاجة زير على قبضة يدو بجهد من كثرة الأعصاب #بلسان رعد * سمعت شي حوايج لصدموني لا لا ميمكنش يكونو بصح ميمكنش يكونو اسلام او مسك هوما نفس الشخص ميمكنش تكون كاع هادي صدفة واش الله لهاد الدرجة كيبغيني او حن في او قبلي دعاواتي او رجعلي حبيبتي ..... كن مشديتش راسي فآخر اللحظة كنت غنمشي عندها كنجري نعنقها او نكولها شحال توحشتها ولكن خفت خفت لتكون هادي غير شي لعبة جديدة او حتا نولف من جديد او نتيق او نتصدم فالآخر مغاديش نقدر نستحمل غنموت او فنفس الوقت مغاديش نقدر نعس او نعيش مع هاد الشك غيبقا .......الشك كيااكلني خصني نتأكد واش فعلا هاد الشي بصح ولا لا عليها طاحت فبالي واحد الفكرة شمس هي لغتفك المشكل غندير تحاليل لادئين لشمس او نشوف واش فعلا مها واش فعلا مسك هي حبيبتي اسلام او بلي كاع داك الشي لعاوداتو مها بصح ... مكرهتش تكون هي مكرهتش يكون داك الشي حقيقي .... #وصل فيلا هبط بزربة دخل طلع كيجري البيت هز شمس او هبط بنفس الطريقة سيف او اسراء تخلعو بقاو غير كيشوفو *اسراء: مالك اخويا ياك لاباس *رعد:حتا المنبعد او نعاودلك (خرج ديمارا اللوطو او زاد المستشفى وصل دخل نيشان عند الدكتور *الدكتور:وي آش حب الخاطر أسيدي *رعد:بغيت ندير تحاليل الأمومة ديال المريضة مسك برادة مع بنتي ولكن بلا خبار الأنيسة مسك *الدكتور:لا سمحلي أسيدي ميمكنش لي ندير هاد الشي بلا منعلم المعنية بالأمر هاد الشي كيخالف القانون *...
رعد:(صعر ضرب يدو مع الطابلة ) شوف حسن ليك بلا متعارض حيت غتجبد على راسك غير الصداااع او ماشي من مصلاحتك تجبد عداوة رعد السودري والله حتا نغبرك خليني معاك اازوين او ضريف *الدكتور:(غا سمع سميتو بدا يفيفري) واااش سيادتكم هو رعد سويدري *رعد:(مخنزر) ايوا الله اوعلم *الدكتور:كنسمع عليك بزاااف سمحلي الى قللت منك هاني ميكون غير خاطر غندير لكتطلبو مني بالحرف *رعد:(تبسم بستهزاء) مزيااااان ;*عند مسك لكانت متكية فوف السرير او دموعها كينزلو مروى كانت كالسة حداها مابغاتش تمشي وخا عيات متجري عليها دخل الدكتور لعندها *الدكتور: كيف كتحسي براسك أأنيسة مزيان *مسك:(بصوت مخنوق) اه الحمدالله مزيان *الدكتور:غنحاتاجو من عندك شوي الدم باش نديرو تحاليل أخيرة او نتاكدو بلي معندك حتا شي حاجة او بلي كلشي مزيان عاد تقدري تخرجي *مسك:اه واخا *(خدا من عندها دكتور عينة الدم او من عند شمس حتا هي او داهم المختبر) *رعد:شحال ديال الوقت باش يخرجو النتائج *الدكتور: شي جوج السوايع هاكاك ويكونو عندك *رعد:أكي (بقا رعد كالس او شاد شمس معاه كيتسنا بفارغ الصبر باش يكتاشف الحقيقة حتا دازت تقريبا جوج سوايع او كيشوف الدكتور جاي او هاز طرد فيديه مشا عندو كيجري *الدكتور:هاك السيدي هاهي النتيجة عندك *(رعد خداها او رجع كلس فبلاصتو بقا كيكول نحلها ولا منحلهاش خاف من أنه يتصدم بقا كيفكر شحاال او فالأخير بدا يحلها بتقالة هز الورقة فتحها او بدا يقرا عينيه غرغرو كيشوف فشمس او كيشوف فالورقة او فالأخير ترسمات على وجهو بتسامة عريضة النتيجة كانت ايجابية هز بنتو بقا كيبوس فيها او ناض بجرى لحتا الغرفة مسك غمض عينيه او فتح الباب شافت فيه مسك بعينها دامعين او هو بادلها ببتسامة حط شمس او مشا عندها كيجري طار عليها عنقها كيبوس فيها فوجها كامل مانسا واالو مسك مفهمات وااالو بقات كتشوف فيه بشك ..
;*رعد:(شاف فيها بعينين دامعن) اسلااااام *(اسلام غاسمعت سميتها العطرية كاملة زارتها فوجها عرقت ) شنو ؟؟؟ كتكول *رعد:(شاد وجها بين يديه)اسلاااام حبيبتي انا عرفت كلشي *اسلام:(غمضات عينيها اوفتحاتهم حيت خافت من راسها لتكون غير كتحلم) منين عرفتي *رعد:انا سمعت كلشي او من الفوق تأكدت تاكدت منك بلي نتي فعلا اسلااام *مسك:(نزلو دموعها)هئ هئ هئ رعد هئ(عنقاتو مزيرة عليه او هو تاني كان خصو غير معامن عنقها بجهد بحال الى خايف منها انها تهرب بقا معنقها او كيدوز يدو على شعرها او كيهز شوي منو كيشمو ) *رعد:اسلاااام اسلااام هااادي نتي (تنهد) حمد الله ياربي واخيرااا ربي شاف في او رحمني او جابك لي عرفتي شحال كنت كندعي الله كان هادا هو حلمي لكنت كنضن بلي مستحيل يتحقق *اسلااام:(كتشهق بالبكا) هئ هئ هئ رعد *رعد:عيونو *(شاف فيها او مسحلها دموعها من بعد مباسها فعينيها بجوج شاف فمروى لكانت كتشوف فيهم بندم اووكتبكي *مروى:(كتبكي) هئ هئ هئ سمحولي *رعد:(طلع فيها حاجبو او مع عينيه كانو حمر بان ماشأالله بدا يغوت او يدكدك) نسمحول؟؟؟؟ نسمحولك يااك فااااش غيفيدنا عتذارك أأأا نتي وقيلا معارفاش راسك شنو درتي نتي راك بعدتي علي روحي راك بعدتي على حياتي او اوكسجيني كنت غنحمااااق وليت انسان آخر فراقها خلاني نفقد تواازني او دابا جاية بدم بارد كتكوليلنا سمحولي*مروى:هئ هئ هئ *اسلام:(كتبكي شدات على راسها) رعد هئ هئ هئ رعد عاااافاااك *رعد:(كغوت ضرب يدو مع الحيط) لااا ااسلاام لااا معافااايااش (شاف فمروى) نتي باش ترضي انانيتك بعدتي علي الإنسانة لكانت كتعنيلي كلشي (شير صبعو الاسلام) فراااق هااااد البنت حمقني او خلاااني بلا عقل فراااقها ظلم عليا الدنيا واااش فهمتي دابا راسك شنو درتى *مروى:(حسات بغلاطها) هئ هئ هئ سمحولو او كولولي شنو ندير باش نكفر على غلاطي *رعد:(ببرودة) ايوا دابا دويتي (شاف فاسلام او مشا عنقها باسلها جبهتها) وجه اسلااام القديم غيرجع وجه حبيبتي بغيتو يرجع حيت هادي لقداامي مكنعرفهاش *مروى:لا لا انا منقدرش ندير هاد الشي انا صاافي عتازلت الطب *رعد:(مخنزر او مشا عندها كيهدر بتهديد) ماسوقيش فيك الى كنتي عتازلتي غترجعيلو المهم نتي هي لغاديري العملية نني لحولتي من اسلام لمسك او نتي لغترجعي من مسك الاسلام او الى رفضتي غتحملي العواقب او منصحكش انك تحطي راسك فراسي حيت غنخرج عليك او غتشوفي مني شي حاجة مغتعجبكش حيت نتي ملعبتيش معايا على الخفيف راك قصتيلي النبض مشيتيلي لأغلى حاجة كنملكها *مروى:هئ هئ هئ صاافي واخا فوقاش غندير ليها العملية *رعد:(شاف فاسلام) دابا نيت أنا معنديش الصبر لنزيد نصبر بيه مزال *مروى:لا منقدرش دابا او بهاد النفسية *رعد:ماسوقيش فيك كلت دابا يعني دابا...
*مروى: هئ هئ هئ صافي واخا هاني غنمشي نهدر مع الدكتور لغيدخل معايا العملية او شوي غيجيو يوجدها باش دخل *(خرجت مروى كتشهق بالبكا مشات عند الدكتور او وجدات كلشي بحكم انها هادي هي نفس المستشفى لكانت خداما فيها من قبل رعد قرب اسلام باسليها راسها او عنقها ولكن مقادرش يشوفليها فوجها حيت كان كيشوف بنت خرا ) *اسلام:(كتبكي) رعد هئ هئ بلااش مندير العملية غير خليني هكا حسن *رعد:لا لا انا باغي نشوف وجه حبيبتي او روحي اسلام انا باغي نشوف وجهك الملاكي لحافظو او مكنتش نسخا نحيد عيني عليه *اسلام: هئ هئ ولكن انا خايفا *رعد: لا لا احبي متخافيش كلشي غيدوز مزيان غير تفكري بلي ديما أنا معاااك *دخلات عليهم الممرضة *الممرضة;:انيسة واجدة *اسلام:(شافت فرعد) اممم واجدة (مشاو دخلوها او رعد جبد تصويرة اسلام عطها المروى ) *رعد:مانبغي حتا شي خطأ كنحدرك انك تلعبي معايا *مروى:(شافت فيه) كون هاني (دخلت او بداو فالعملية واخا كانت كتحس بخصة فقلبها او تفكرات بنتها ولكن تمالكات راسها او كملات العملية لمواجهو فيها حتا شي خطورة اما رعد صونا لسيف او جاو هو واسراء المستشفى عاود ليهم كلشي ستغربو او ضاخو كالو بلي هاد الشي صعيب يصدقو شي عقل او كاع هادا زهر عند رعد اسراء كانت غطير بالفرحة حيت وأخيرا غتشوف صحبتها لتوحشاتها *مروى:(خرجات كتمسح لعرق طار عليها رعد لكان باين عليه التخوف شافت فيه مع ابتسامة) الحمد الله داز كلشي مزيان شوي وتفيق *رعد:(تنهد برتياح) الحمد الله ياربي دازت 2 سوايع بالظبط فاقت اسلام او كان باقي البانضة مدورة على وجها دخل كلشي عندها او بدات مروى كتحيد ليها الفاصمة من على وجها او كلشي كيطلب الله تكون نتيجة اجابية او فعلا ان وجها يرجع بدات كتحيدها بشوى او رعد مقدرش يشوف خاف من انه يتصدم او انه تصدق شي حاجة خرا انه ميشوفش وجه حبيبتو لتوحشو اوتحرم منو مدة ثلت سنين مهم هو غمض عينيه حتا سمع اسراء نضات بسميتها او صوت البكا فتح عينيه كيلقا اسراء معنقا اسلام او كتبكي او اسلام بوجها الطبيعي ديال هادذا شحاال وجها الملاكي البريئ رجع بقا واقف كيشوف فيها مدة مقدرش يزيد يقرب بحالي الى تصدم اولا عاد بدا يوعا بداك الشي لوقع عاد وعا بلي اسلام مرتو او روحو رجعاتلو مرة خرا او بلي ربي ستجاب الدعاء ديااالو *...
*اسراء:(كتبوس فيها) ختي هئ هئ ختي توحشتك *اسلام:(معنقها ) هئ هي حتا انا هئ *سيف:(شعكك ليها شعرها او عنقها) توحشتك المسخوطة *اسلام:حتا انا متصورش شحاال *سيف:علاش غير كلما ترشقليك كتغبري غبرا وحدا اسلاام هاد المرة ملي تنوي تعاوديها كوليهالي حيت بان لي هنا شي ناس مبقاوش حامليني (كمعني على اسراء)ههه *اسلام:ههه باقي نتا هو نتا *اسراء:راه كيقلب علي هذاا ههههه *اسلام:(شافت فرعد لكان باقي واقف بعيد منهم) رعد *(شاف فيها او منطق بحتا شي كلمة مشا خرج طاير ديمارا اللوطو او وصل الدار طلع نيشان البيتو دخل الحمام بدا يغسل وجهو بالزربة او كيشوف فالمراية مفيكسي عينيه فيها )*رعد: لا لا ارعد اكيد هاذا غير حلم اكيد غتفيق منو اكيد تاني غتفيق او مغتلقاهاش حداك اكيد انا غير كنحلم او اسلام ماتت لا مستحيل نتيق مستحيل نتيق بلي صافي انا جاني الإفراج أو بلي كاع هذاك العذاب سالا او بلي اسلام بصح رجعااات ياربي يكون هاذ شي بصح مبغيتش نكون غير كنحلم عند اسلام غير خرج رعد بديك الطريقة شافت فسيف *اسلام:(بخوف)مال مال رعد *سيف: هههه غايكون مسكين غير من فرحة صدمااتو يالاه دابا نمشيو الدار ...اسراء عاونيها تلبس نمشي نجيب شمس او نجي *اسلام:علا شمس فين ناهي او حتا ماما فين *سيف: ماماك مقدراتش تصبر على موتك او مشات عند شي صاحبتها فالخارج او شمس ملي كنتي فالعملية عيات او دخلنها الواحد الغرفة تنعس غنمشي نجيبها او نجي (مشا سيف او اسلام لبسات حوايجها لعبارة عن سروال تجين او تيشورت او سبيداري كتلبس او هي عقلها ماشي معاها كخمم فرعد علاش تصرف هوكاك او حتا معا كيفاش غتواجه شمس او تكولها انا ماماك او واش غتصدقها ولا لا جاب سيف اسراء او شمس مشات عندها كتجري عنقتها *شمس: (كتبوس فيها) ياااااس مااامااا جيتي بابا وفا بوعدو كان كلي بلي ماماك غترجع او هانتي رجعتي *اسلام:(عنقاها او بقات غير كتشوف فاسراء بعلامات الاستفهام يعني كيفاش شمس عاقلة عليا ) اسراء:(تبسمت) بلا متستغربي ااسلام حيت تقدري تكولي بلي شمس كتعرفك كتر مني حيت رعد كان ديما او كل نهار كيعاود لشمس عليك او ديما كيوريها تصااورك لدرجة كنا كنحسوك ديما معانا من كثرة ما سميتك كانت ففم رعد *اسلام:(فرحت او عنقات شمس كتبوس فيها ) رجعت رجعت احبيبتي *شمس: ماما مغتوليش تعاودي تمشي ياااك *اسلام:(باستها او هزتها) لا هاد المرة مستحيل *سيف:يالاه مشينا *(ركبو فاللوطو او مشاو الفيلا تاع رعد دخلو كان سكير فالدار عرفاتو كاينة حيت اللطو ديالو كانت حابسة ) اسراء:معرفت فين هو رعد *اسلام:خلي حداك شمس غنطلع نشوفو فبيتو (طلعت بالحس او بشوي فتحات الباب تاع بيتو لقاتو معري لابس غير سروال الكيطمة او عاطي بظهر شاد كاس الويسكي كيشربو او عينيه حمر جمرة *اسلام:(بصوت حنين ) رعد *(رعد ظار او هبطات لعينيها لصدرو كانت مكتوبة بالحرف اسلاااام جنتي شادالو صدرو كامل
بقات كتشوف فيها عينيها غرغرو )اسلام:(قربتلو كدوز يديها على صدرو فوق سميتها او طلعتها الوجهو ) رعد حبيبي توحشتك *رعد:(شاف فيها بعينيه الحمر دامعن) اسلااام كوليلي أنا مكنحلمش يااكي هاذي فعلا نتي ياك نتي اسلام واقفة حداية دابا ماشي حلم لكنت كنشوفو كل مرة نتي فعلا رحمتيني او رجعتي *اسلام:(كتبكي) هئ هئ اه هئ أنا رجعت او عمري مغنولي نمشي ;*رعد:(تنتر منها كغوت) لااااا نتي كتكذبي نتي غير كضحكي علي نتي ديما كتمشي ماشي هاذي اول مرة نتي ديما كتمشي وكتخليني *اسلام:(كتشهق) هئ هئ انا عمرني مامشيت الخاطري ارعد كيكون غير مكتاب او كيتسرف *رعد:لا لا نتي غير كضحكي واش عارفة شنو قاااصيت أأأ واش عارفة شنو داز علي فراااقك سطاني حمااااقيت وليت نشوفك وليت نشوفك فكل بلاصة كنمشيلها مابقيتش نحتاج حتا نكن ناعس عاد نحلم بيك لا وليت حتا ملي كنكون فايق كنحلم بيك نتي سكنتيلي جسمي او عششتي فيه عقلي مابقاش كفكر فشي حاجة خرا من غير اسلام وليت ديما ساهي وتالف لدرجة شحال من مرة فكرت فالموت (شاف فيها ) اه الموت ااسلام فكرت فالموت حيت عيت منصبر اسلااام علاش مبغيتيش تفهمي بلي حبك سالا معايا جابلي تمااام (اسلام قربتلو باغا تعنقو هو يحبسها بيديه) رعد:لا لا نصحك ااسلام متقربيش مني متقربيش الى كنتي غترجعي تغيبي الى كنتي غترجعي تمشي متقربيليش *اسلام:(كتشهق بالبكا) هئ هئ رعد رعد انا عمري مغنمشي ونخليك صااافي هادي أخر مرة انا غنبقا ديما معااك بلاصتي حداك أبابا *رعد:تواعديني *اسلام:(تبسمت) كنوااعدك (كانت هاد الكلمة كافية باش تخلي رعد يجرها من يديها حتا تلاوحت عليه عنقها بجهد او خشا راسو فعنقها كينهج او كيبوسها شوي اسلام حسات بعنقها فازك هزاتلو راسو بيديها لقات عينيه حمرو او كينزلو منهم الدموع ) اسلام:(تفاجئت) رعد كتبكي *رعد:(شاف فيها بعينين دامعن) اسلام حببتي الى زعما كتليك توحشتك بزاااف تحسي بيا أأأا*اسلام: اه اه نحس بيك حيت حتا انا بحاالك توحشتك بزاااف (جراتو السرير كلس او جات قدامو ) *رعد: متكونيش قدي توحشت نعنقك او عليك نشكي (جرها مرا خرا لعندو ولكن تكاها او حط راسو على صدرها كان بحال شي بيبي او هي حواطاتو بيدها او باستلو راسو) كتاشفت او عرفت بلي انا نعيش بلا بيك مستحيل عمري مكنت كنظن ولا نتخيل بالحب يقدر يهبل ولكن ملي مشيتي نتي حتا العقل مشاالي *اسلام:(كتحكلو راسو او كتبكي بيني وبينكم بقا فيها تاكدات بلي فغي كيبغيها) هئ هئ حتا انا كنت ديما كنحس بيك كنت ديما حاسة بلي عندي شي واحد كيتسناني*رعد:(شد يدها باس كفهم او او صبيعات يديها واحد واحد ) عرفتي شنو توحشتك بزاااف توحشت كلشي فيك توحشت يامنا لدوزناها او ذكرياتك هوما لكانو مصبريني على فراقك توحشت ضحكتك او حتا دموعك توحشت تعنيقتك او هبالك توحشت غيرتك او جنانك او عشقك توحشتك ملي تكوني معصبة او تغوتي او تقلقي او نجي نراضيك ..
من بعدك نتي كلشي تبدل من بعد خسارتك مابقات حتا شي حاجة تعجب ...حيت اينفوا خسرتك نتي خسرت حتا الدنيا معاك كنت كنتعذب كنت كنموت روحي كانت كل نهار كتخرج كانو كيكولو من بعد الموت دنيا مكتوقف على حتا شي واحد ولكن ملي مشيتي نتي الدنيا توقفات عندي بدا يبالي كلشي ظلام كل دقيقة او كل تانية دوزتها بلا بيك كانت بمثابة كثر من جحيم لي عيت من حاول نوقف على رجلي ولكن مقدرتش نكمل حياتي بلا بيك منجمتش نتي راك وليتي كتعيشي في مشيتي او ديتي روحي معاك ديتي كلشي مابقالي واالو (هز راسو او باسها ففمها مطول او هي تجاوبات معاه بقاو مدة كيفرقو شوقهم لبعضياتهم كل واحد كيعبر من خلالها على مدى شوقو للأخر تخلطو كلشي حتا دموعهم تخلطت بقاو هاكاك حتا تقطعات فيهم النفس بجوج عاد رخاو بعضياتهم رعد شاف فيها او نزلات دمعة من عينيه) اسلام نتي هي روحي نتي هي دنيا ديالي نتي جنتي نتي هي الروح لكتعيش فيا ببساطة نتي كلشي كانت اجمل الأيام هي لدوزتها معاك او أصعبها هي لدوزتها بعيد عليك انا راه معنديش من غير عنداكي تفكري تمشي او تخليني مرة خرا رحميني او بقاي معايا*اسلام:(باستلو عينيه او راسو)انا بغيتك او ختاريتيك او فضلتك على كل الخلق وليتي كتعنيلي كلشي او مستحيل نمشي او نخليك وخا يوقع لوقع حيت هاد المرة غنبقاو مع بعضياتنا حتا نمشيو بجوج *رعد:(باسها فخدها او عنقها خشالها راسها فصدرو او دور رجليه عليها حتا مابقاتش كتبان) فوقت اشتياقي ليك كانو كاع أفكاري كيتجمعو او كيهربو ليك لدرجة كنت ديما ساهي الى كتليك كنبغيك فغتكون هاد الكلمة قليلة حبي ليك شي حاجة خيالية معندو مثيل لدرجة ان حبك ولا كيجري فدمي او نتي اعمري سكنتيلي فالشريان انا مبقيت باغي حتا شي حاجة من الدنيا حيت كنعتارف بلي ملي بغيتك او ربي رجعك لي مرا خرا فاصافي راني خديت نصيبي من السعادة حيت غير ملي نتي كاينة فحياتي كيخليني نحشم نزيد نطلب شي حاجة خرااا انا كنعيش ليك او على قبلك او كنبغيك كثر من راسي او اهلك كنبغيك لدرجة منين كتغيبي كيغيب معاك كلشي او الى جاك هاد الشي غربيب سولي قلبي او هو يكولك مجرالي فغيابك *اسلام:(هزات عينيها فيه لكانو حمر او مدمعين بحال شي قطيطة) لهاد الدرجة كتبغيني ارعد *رعد:(تبسم او باسها من عينيها) واش كاين شي واحد مكيبغيش نفسو ااسلام نتي راك نفسي.... (هبط يدو لشعرها بداكيحك ليها راسها او يهز طرف منو يشمو كيحس بريحتها كتغلغل فكاع جسمو صافي تأكد فعلا بلي هي ولا ادمانو وخا يعيا يتهرب تأكد بلا بيها لحياة مكتسوا واالو او بلي بيها يعيش او بلا بيها يموت طلع ليها راسها لقها غارقة فنعاسها بتاسم او شد فمها بيديه او بدا يبوسها بحنية خاف ليفيقها بدا يوزع بوساتو على وجها كامل لتحرم منو ثلت سنين كنسا والو عينيها حجبانها جبهتها نيفها دقنها حنيكاتها ودينها شعرها كلشي عاد حس براسو خدا جرعة من ادمانو ...
او فنفس الوقت نسا الكوكايين حيت كوكايينو هاهي ناعسة حداه ) *رعد:(عنقها او باس جبهتها او خشاها فيه راسها جيهة معدتو) احححح عليك ابريهيشتي شدرتيلي أأأ شدرتيلي هاد ااشي مابقاش عندي نورمال وليت ننسطى عليك يااربي انا بغيت عبد من عبدك متحرمنيش منها او خليها ديما معايا يا دينا بجوج يخلينا بجوج حيت ميمكنلياش نعيش بلا بيها هي نصي ثاني او روحي مرتابطة بهاد البرهوشة ههههه (باسلها راسها او زاد خشاها فيه او زير بحال الى خايف أنه يفتح عينيه او ميلقاهاش حدااه ولا انه يكون غير كيحلم ❤ أصبحنا وأصبح الملك لله ❤ فاق رعد كيحل فعينه كمد يدو مكيلقاش اسلام ناض مسكين مخلوع او كلو عرق بقا كيقلب فالبيت او الحمام او واالو هااابط كيجري فالدروج او كردد ففمو بحال شي حمق *رعد: لا لا لا مستحيل نكون كنت كنحلم حبيبتي بصح رجعات ميمكنش تكون غير ضحكت علي لااا انا كنعرف اسلام مدرهاش * بقا نازل حتا بانتلو واقفة مع اسراء او كيوجدو شي حاجةةمشغولين كانت لابسة سروال فزيتي لاسق مع تيشوروت فالبيض هابط على دريعتين او سبيداري خا شافها دغيا ترسمات على وجهو ابتسامة عريضة حتا بانو سنيناتو مشا عندها طااير هزها معنقها رجليها ترفعو من الأرض بحال شي أب هاز بنتو هي تصدمت او كلشي بقا حال فمو حتا هادوك الخدمات لجابوهم ليوم باش يعاونوهم *رعد:(كيبوسها من فمها او هبط لعنقها دار على وجها كامل)حبيبتي نتي ننا مامشيتيش ياااك *اسلام: اويلي ارعد مالك *رعد: (هبطها او حنا عندها حاطلها راسها على معدتو او كيحك ليها فشعرها) كنت خايف كنت خايف لمنلقاكش ملي فقت او ملقيتكش حدايا خفت لنكون غير كنحلم *اسلام:(باستو)هاني حداك معندي فين نمشي *اسراء:(عينيها دمعو شاف فسيف) بقاو في والله *سيف:(معنقها جنب) حتا انا *رعد:(باقي معنق اسلام جنب او نيفو مخشي فشعرها كيستنشق لادروكو ) شكاديرو *اسراء:اممم فكرت نيدرو حفلة بمناسبة رجوع اسلاام *رعد:شي نتي لكتفهميني اختي او كتقراي أفكاري كاااع *اسلام:(درباتو بكوعها) انا لكنفهمك ماكيفهمك حتا حد من غيري..
*رعد:(زعما تقصح او هي غا هراتو) أي أي (جا من موراها او عنقها او خشا راسو فعنقها باسها مطول عاد داز لودنيها همس) بقا غيارة مع راسك كنموت عليك ابريهشتي ليوم ناكلك او ميفكك مني حتا واحد *اسلام:(دارت لعندو او تعلات على صبعان رجليها حتا لودنو او همست حس مسكين متبوريشة طالعا معاه ) انا مكنخافش منك حيت عااااارفااك متقدرش تأديني ولا ديرلي شي حاجة لضرني .حيت عمر الأب ميأدي بنتو *رعد:(باس ليها جبهتها او شعكك ليها شعرها) هههه عارفة راسك بعدا * اسلام:هههه معلوم *رعد:هههههه نتي راك حبي نتي *سيف:اححمممم *اسراء:احممممم *سيف: (بلعاني) واااحتارمونا شوي اواااه بغيتو تعاشقو طلعو الفوق *رعد:(عنق اسلام جنب) واااسوق مك اصاحبي حببتي او مرتي وأنا حر ونتا آش خشا كرك معجبكم حاال را الباب *اسراء(غلباتها الضحكة) ايه أخويا اييه صافي حيت دابا جات اسلام *سيف:(شاد ابضحكة بزز) او غاهي لولات معمرليك العين *رعد:(بستفزاز باس راسها) ماشي عاد ولات من ديما وهي لمعمرالي عيني *سيف:(تفرشخ بالضحك) ههههه مانلومكش أخويا تلت سنين ونتا محروم ماشي ساهلة ههههه *اسلام:(تعلات باستو من حنكو) ياااالااه موتو بسم (او خرجاتليهم لسانها) انينين #داز هاداك النهار كامل فتوجاد او رعد فما مشات اسلام تابعاها او ديما مقنتها فشي حيط كيبوس فيها او مغرقها فكلماتو او همساتو حتا الخدمة نساهااا مابقا كيشوف والو من غيرها كيحس بقلبو كيرفرف من كثرة الفرحة حيت غير بمجرد أنها باقا عايشة او كتنفس نفس الهوا كيحس بالروح كتعاود تزرع فيه من جديد وصل الليل كانو دارو حفلة كبيرة فجردة او كلشي معروض حتا مامها جات غاشافت اسلام طارو على بعضياتهم كتبوسها او كتبكي فرحات ببنتها اصلا هي متقبلتش موتها او ماكنت حاسة بيها مزال عايشة احساس الأم فشكل او رعد بوحدو لكان متيقها كانت اسلام لابسة كسوة بيضة سميطات طويلة او طالقها شعرها لزاد طوال او فات لخصرها مع مكياج خفيف جات آية فالجمال خلاها هو آية نازلة من الرحمان رعد لبس كوستيم فالكحل او القميجة فالبيض نتوما عارفن كيجا متوتز (عاد بدا يدخل الالوان) اسراء لبسات كسوة طويلة فالكحل مع ميكاب تقيل شوي جات كيوت سيف كوستيم فالزرق جا نضا هبطو لتحت او كلشي كيجي عند رعد كباركولو فرحة رجوع مرااتو او كل الأعين عليهم او شي بنات حاسدوها كاااع * البنت1:شوفي ياختي كيدايرليها او كيفاش معنقها خايفها لتهرب *البنت2: را بسيف مايديليها هوكا هو ثلت سنين هو حازن عليها جنس البنات مقربلوش هاد الشي بزاااف على الحب والله حمض *البنت 1: آش حمض آش را سيد كيحبها كالاك حمض (مداتلها كاس الشراب بارد) بردي على قلبك اختي بردي *رعد:(جر اسلام ) اسلام يالاه معايا *اسلام:فين ...
*رعد: وصافي زيدي *(جرها داها ركبها فاللطو حتا وصلو الشاطئ فين دارو عرسهم كان موجد طابلة او شموع او داك اشي آح على منظر سعادتك وقفو وصلو الرملة تخشاو شوي حتا بدا الما كيقسهم عنقها ا باسها او هي خشات وجها فصدرو مخشية فيه شوي بدات كتسمع شي صوت كغني هزات فيه عينيها لقاتو هو اه اه ياالبنات رعد غنالها )رعد:(بتاسم او نظراتو كلها حب) ❤🎵🎶🎤🎻 شكون لكال نتلاقاو من بعد فرقانا .. كنت نكول محال نلقاك او تلقيني ساعة دار الحال اوربي راه جمعنا تلاقات عمري عينيك مع عينيا شفتك سهيت او الأرض دارت بي تفكرت نهار لفيه خليتيني ديما فالبال او خيالك بين عينيا لا بد علي نخمم بلي راك غضبتيني ذكريات بيني وبينها بلا منشعر ندكر اسمها ديما فالبال او مفكرها هاديك عمري هاديك الطوب خيالك بين عينيا منبدلها كمال الدنيا هي اللولة والتالية غير هي ونير صطوب ❤❤❤❤(تحية للحنوها) *اسلام:(عينيها دمعو) ههههه هه رعد صوتك زوين *رعد:(باسها) ميكونش حسن من مراتي *اسلام:ههههه*رعد: حبيبتي لقد سكنت روحي وتربعت على عرش قلبي حتى تفارق الروح مثواها *اسلام:هههه لا لا ارعد هااااد الشي بزااااف *رعد: مكنين حتا شي حاجة بزااف على حبيبتي*اسلام:(تعلات او دورات يدها عاى عنقو) توحشتيني *رعد:ههههه توحشتك ههه ؟؟؟؟ را كلمة توحشتك قليلة انا كنت كنتوحشتك ديما فكل تانية لدرجة انني حتا ملي كنكون معاك كنتوحشك عاد باقي وانا بعيد .. .... غاااكوليلي ااسلام كيفاش منتوحشكش ونتي روح كيفاش منوحشكش ونتي سكنتي هدا (أشار العقلو) او حتا هذا (أشار لقلبو) انتي عشقي وكل السبيل * اسلام: عرفتي شنو ارعد انا من هاد الكون كامل مابغيت والو بغيتك غير نتا *رعد:(شد وجها بين يديه) كنبغيك احببتي بجنون او كنعشقك بهوس كنموت فالنهار مئة مرة الى مشفتكش او مسمعتش صوتك او مشميتش ريحتك لكتسطيني كنموت فالنهار مئة مرة الى معنقتكش او محسيتش بدفئك نتي كوني او عالمي او مدينة احلامي ....اسلام معرفتش علاش غيابك عاد مزاد علقني بيك كثر مابقيت فاهم والو فراسي واش هاذا حب ام جنون *اسلام: (نزلو دموعها ولكن مع الضحكة) هههههه معرفت منكول * رعد: خصك تعرفي احبيبتي بلي فرحتي فيك او معاك او ليك احياتي *اسلام:(باستو) غنبقا ديما معااك او مكين حتا حتا شي حاجة لتفارقنا حتا الآخر نفس كنبغيك *رعد:وانا اكسيجيني هو صوتك او روحي هي عيونك كنبغيك *اسلام:(كتعض على شفايها او كضحك) كذاب *رعد:نحبك *اسلام:(كضحك) كذاب *رعد:(حتا هو كيضحك) ههههه نموت عليك *اسلام:ههههه كذاب *رعد: هههه نتسطى عليك *اسلام:ههههه كذاب *رعد:هههه نتشروط عليك *اسلام: هههههه كذاب *رعد:(كغوت بجهد)وااااااأاا كنبغييييك *اسلام:(جات الودنو بصوت خافت كيصحبلو شنو غتكول حس بتبورشة) كذاااب...
*رعد:انا كذااب هاني غنوريك (بدا يهرها حتا طاحو فارملة او غفزكو او هو بااقي كيهر فيها او صوت ضحكاتهم لكيتسمع جابولي البكية وللله بقا في فيك شي كيهر شي او شوي كلبو الاداعة ادخلو فالصح بدا يبوسها بحنية بحال الى خايف عليها او حتا هي مقصراتش او بدا يهدر او يحرك شفايفو فوق دياولها *رعد:(كينهج) عرفتي شنو مكرهتش نغوت باعلى صوتي فوجه علماء الدنيا كاملين باش يختارعو لداك الشي لكنهز فقلبي سمية حيت كنشوف ان كلمة كنبغيك قليلة فحقك او كتعبر على شي حاجة قليلة من داك الشي لفقلبي فسمحيلي نكوليك بلي انا مكنبغيكش حيت كنشوف فهاديك الكلمة نقص من داك الشي لهاز او مخلط فيه كلشي من حب وعشق او هوس نتي هي حياتي او أملي كنموت عليك أموصبة قلبي
❤❤❤❤ #💯النهاية💖❤♨
وكم اكره النهايات هههه مغاديش نكوليكم هادي النهاية لا ةإنما بداية حبهم كانت معاكم واحد تخليطة من خلاطاتي او روينة من روناتي نبغي ارائكم فالقصة او حتا انتقداتكم ليها واش عجباتكم ولا غير خربقت بارائكم غنشوف راسي واش نزيد نكتب ولا نحبس واش كنعرف شوي ولا غير خشيت وجهي او معندي حتا شي علاقة بالكتابة ....كنتسناكم ارائكم او كنحبكم او انا غنتقبل ارايكم كيف مكانت
عاصفة الحب الجزء الثامن والأخير
محتوى القصة
التنقل بين الأجزاء