قلبوها ضحك وتجوااق اخيرا صفات القلووب بيناتهووم كل وحدة فيهوم اكتاشفاات جاانب من اللخرة مكاانتش كتعرفو خلاتها ضحى تا تاكداات بلي صافي نااضت وغا تمشي تشووف خدمتها نساات محالها لتنشيط الحفلااات غا يزربو عليها الشيخاات ههه دخلات ضحى لدارها وسدات الباب موركة عليه وصدرها كيطلع ويهبط سدات عينيها فغفلة منهااا ودازت قداامها واحد الصورة متصورااتش تشوفها كانت صورة جبراان حلاات عينيها بالزربة كتضرب ضرباات خفااف فوجهها
ضحى:اويييلي شنوو كتخرخري فيقي وصحااي على رااسك اووف
شغلات رااسها بزز باش متفكرش معرفااتش علااش صورة جبراان تحفراات فذاكرتها وبزز منها كانت كتفرض رااسها عليها واخا مبااغااش خصوصا عينيه كانت كتكون مشغولة بشي حاجة تا كتخطف وهي كترجف كتحس بحال الصاعقة فااش كتفكر عوينااتو الملونين يأساات فالتالي ومشات تجبدات بما انها غا تخدم الليل خصها تنعس باش تقدر تسهر فالليل و هااكة داازت عشيتهااا وصلات وقيتة الخدمة فاقت و خرجات من بعد ما هزات ليغاتحتااج معاها عشاها و هرااوة ههه زعما غا تعسس توجهات للقهوة مدخلاتش عند الرووبيو هااد المرة مشات عند روجر ليكان رااقد فبرااكتو
ضحى:رووجر هااني جيييت(وكتفكلو السلسلة)للخدمة ا بب
سمعها فؤاد من الداخل وخرج
فؤاد:صاافي مبقيتييش تدخلي عنا ولا هاد الكلب نسااك فينا
ضحى:اييه يا فواد شحاال فييك ههه ماشي هاكاك والله راني ما مساليااش خصني نمشي للخدمة
فؤاد:غا تبدااي اليوومة كيدرتييلها😮
ضحى:تيسيير ربي هو ليسرلنا هاد الخديمة فكلشي دياالها و الليلة أول ليلة ليا فالعسة متحمسة بزااف
فؤاد:هو الصرااحة تصلااحي لهادالخدمة يخرجلك شي وااحد تنقزييه بقوة ما كتفتني ههههه(وكيطنز)
خلااتو كيترطا ويعااير فيها وخرجاات هاادشي بااش كيعجبها فواد و عزيز عليها قشاابتوو وااسعة ومكيتقلقش منها واخا ضحكها دالبنااية بقات غاادة وجارة الكلب ليكيشوفها معااه كيرجف لانو شكلو مخييف وهي عاجبها الحاال مبغاات تحبسلها تا طااكسي حيث الكلب مخيف وكيخافو يعضهووم الكليان ولا يوسخلهووم الطااكسي بقات غادية على رجليها وكتهدر مع الكلب ليغامخرج لساانو و كيلهث
ضحى:معلييش ارووجر غداا نجبد بشكيلطتي و نبقا نتور انا ويااك فالليالي من شحال هاادي ماركبتها منكبرووه لتاا واحد يبقااو يتنفخو عليناا
وصلات للمنطقة السكنية ليفيها الفيلا ورووجر بحال الى عرف فين هو بدا كيلهث وضحى جارااه خاايفة لايهربلها للفيلا د جبراان ماقالت فالدنيا و الديين تا وصلات للفيلا دشنطال ودخلاات بلا ميشوفهووم جبراان خصها تلقااا شي حل لروجر باش مايفضحهااش الداخل لقاات شنطال فالانتظار غي شافت الكلب بتااسماات وقرباات منووو
شنطال:وااو هجبني نهاال نهاال
تلفتات ضحى كتشوف شكون هاد نهال تا جات الخدامة عاد اكتاشفات ضحى بلي هي ليسميتها نهال
نهال:وي مدام
شنطال:جيبي ماكلة لوشيان ويونيفورم لضهى
الخدامة:واخا
مشات ورجعاات بطويسة ديال المااكلة دالكلااب فيها مرسوومة طبعة ديال رجليهوم وفيها ليكخوكيط والماكلة الخاصة بيهوم بقات ضحى غي كتشوف مبهوورة
شنطال:كانو د مايك كلبي ليمات هليها (عليها)بغيت يكون هندك كلب
ضحى:امم اه(وكتشوف فاليونيفورم ليشادااه الخدامة)
شنطال:بغيتك تبقاي تلبسي هاد اليونيفورم فخدمتك
مداتو الخدامة لضحى ليتفحصاتو كاان بحال ديال العسكر مي فالازرق بصمطة فالاسود فالخصر وقبعة فالراس عطاتها معااه تا بروطكاال هنا فهمات ضحى بلي فعلاا هاد السيدة من النااس دالبريستيج خصها كلشي يكون هو هادااك شداتو من عند الخدامة ومشات معاها للفيستيير كاين فالجردة الخلفية خلات شنطال فرحانة وكتلعب مع روجر دخلو للفيستيير وكلسات ضحى كتبدل حوايجها و نهال موركة على الحيط وكتشوف فيها
نهال:متعرفتش علييك عن قرب مي عرفت سميتك ضحى
ضحى:(وكتعقد سيور البروطكال)وي تا انا عرفت سميتك نهاال يااك
نهال:اه والله مزيان ليجيتي تونسيني شوية مدام شنطال الله يعمرها داار متخصك معاها تاخير هادي كثر من عامين وانا خدامة عندها
نهال:وي مسكينة نهار سرقولها الفيلاا كانت ناعسة مع كتشرب مظادات الاكتئاب محسااتش بشنو كيوقع و كان هنا مايك كلبها وبغا زعما يدافع على الفيلا هجم على وااحد السرااق وضربو قتلو تما قررات تجيب باديغارد ولا عسااس ليلي تكون بنت و بكلب تعوض شوية الفرااغ لذلك متضايقييش الى شفتي معامالتها للكلب
ضحى:لا اويلي بالعكس نفرح بلي يهتم برووجر كلبي
نهال:مهم اختي نخلييك مجرد ما تنعس مدام شنطال هاني معااك ندردشو نشد معااك شوية الليل
خلاتها ودخلات لداخل و جرات ضحى روجر كدوور بيه بالفيلا وكتحضي السووار و كتأكد من البيباان بغاات تعرف كااع البلاايص ليكدخلو منهووم باش تقدر ترد الباال للفيلا على أتم وجه
#واشنطن_مقر_المايكروسفت
كالعاادة كالس فبيرووه وغااطس رااسو فخدمتو ضغطو وتوترو كلوو كيفرغو فخدمتو وكيخرج منو الطووب د الطووب مشرووعو غاادي على اتم وجه واخا محطم من الدااخل ومن المااضي وغدر الزمن عيسى من النوع ليمكيجمعش بيين الحيااة الشخصية والعملية فحياتو العملية مكااينش بلااصة للعاطفة والاحاسيس مجرد ماكيدخل لبيرووه كينساا شي حاجة سميتها مشااكل ولهذا هو ناااجح وهادشي ليكميز كاع النااس دالعاالم الناجحين مجهوودو مضااعفو فخدمتو لانو غا يساافر تحت اصرار من جداتو زليخة للمغرب وخصو على الاقل يكوون مخطط المشرووع الجديد ديالو وااجد باش يخلييه للتقنيين يوجدووه و يصمموه هو علييه رسملهووم المخطط وقاد السنداات والبياانات دالبرناامج هو هاكاك دخلات عندو جينيفير هز راسو فيها معصب من قوااعد خدمتو ممنوع نهاائيا يتقااطع بدون اي سبب باش ميتشوش تفكييرو
جنيفير:(اعتاذرات قبل ما ينفااجر فيها)موسيو سلطان عندك ضيفة
عيسى:(باستغراب)شكوون!!
.....:اناااا
دخلاات من البااب ووقفات شاادة فخصرها و الابتساامة عريضة على محياها
عيسى:(ابتاسم ابتسامة خفيفة دغيا و جمعها)جنيفر تقدري تخرجي
خرجات جنيفير ووقف عيسى تقدم وداير يديه فالجيب كيشووف فالبنت ليف مقتبل العمر شقرااء دايرة طاكية مدورة فالاسود ولابسة كسيوة من الجلد سوداء حد الفخاد مع ليبووط طالع تا لركبة وعكار احمر كتباان زويينة وكيووت بزااف غي قرب عيسى عندها تلاحت عليه عنقااتو
لبنى:(قربات منو وهمسات)ملقييتش كيف ندير عرفتي علااش حيث العاائلة فخباارها بلي جايين لهنا غا نتسوقو على قبل عرس ختي أحلاام و راك عارف منبغييكش تعصب نهاائياا الى شفتيهوم
عيسى:(زير على فقبضتو)امم مشافووكش ونتي جاية لهنا يااك
لبنى:لا اويلي اخووياا راني الفاار تا واحد مايقد عليا ههه
عيسى:ليشووفك فعمرك 18 لعاام وفريفرة انا وميمة غا نجيو لعرس زليخة ماشي حبا فيهووم اكيد غي على قبل الميمة حيث بغات تكون معاكوم
لبنى:(بفرح)بصاااااااح واخييرا غا نتعرف على جدااتي اخييرااا متشوقة بزاااف
عيسى:لبنى متنساااايش تا وااحد مخصو يعرف انا ويااك كندويو متخلينيش نندم حيث هدرت مع شي وااحد من تاصيلت سلطاان نتي الوحييدة ليعندها علااقة بيا مبغيتش يعرفو لا كيفااش تعرفنا على بعض ولا حتا اننا كنعرفو بعضيااتنا من الاسااس
لبنى:اوييلي يا بروو كون هااني هادي كثر من عاام وحنا معاارفين عااقو بينا لالا اواااا اتس اوووك ههه
عنكش شعرها بابتساامة خاافتة و كلس معاها شوية غي عاوداتلو جديدها ومشاات متقدرش تغبر بزااف لانو احلام ختها والوفد ليمعاهوم غا يعيقو بيهاا غي خرجات ورك عيسي على الاريكة فين كانت كالسة معااه كيتنهد سد عينيه ورجعات بيه الذااكرة اللور بالضبذ لقبل عاام فااش جاتو دوموند دابونمو فانستاغرام من عند لبنى سلطان مجرد ما شاافها سعر لانو كيكره هااد الاسم من اقلو مسحها وعاودات صرداتها دازت تا للتويتر و الفايسبوك وجميع مواقع التوااصل الاجتمااعي مرضاتو واكسيبطاها باااغي يعرف شنو هاد اللعبة الجديدة ليكلعبوها هاد العاائلة فاللول مكانش كيجاوب على ميساجاها مي فالاخير جااوب باش يعرف شنو تحت رااسها خصووصا فاش بحث فموضوعها ولقاها بنت جلال يعني ختو لانو جلال هو الاب ديالو ليتخلاا عليه هدر معاها و اكتااشف انها عرفات بلي هو خوها سمعات والديها كيهدرو عليه وبغاات تعرف علييه فاللول اكيد عاارض لانو مأكد وعلى يقين بلي كااع ليكينتمي لعاائلة سلطاان خصو يبيدو و ينهييه من طريقو مي من بعد ما طاالت مدة تعارفهووم ارتااحلها لقاها فعلاا برييئة واخا استغرب كيفاش وحدة منهووم بقات بهاد البراااءة تااق فيها وجربها شحال من مرة وااش متغدرووش وفعلا طلعات نيتها صاافية وجات بهدف انها تعرف على خوها لذلك خلاها جنبو بلا مايعرف علاقتهوم تاواحد تا من جداتو معارفاش نااض ورجع يكمل خدمتو من بعد مكاان وقفهاا غي على قبل لبنى كعاادتو نسا الدنيا ومافيها و كمل يومو فالعمل عاادي
#المنزل_الأسود
كالسة زليخة كتخمم فلقااءها بعاائلتها من بعد غيااب سنين متشوفة تعرف على حفاادها ولدوولها الولاد طزيينة دالدرااري و البناات ممصدقااش بلي قدرات تقنع عيسى يمشي معاها واخا عارفااه صعيبب علييه مي كلشي يهوون على ودها هي هاكاك لمحات ليلياان داخلة بانااقتها كالعاادة ابتااسمات هاد البنت كترتااحلها بزااف
زليخة:حبيبتي جات تزورني(كتهدر معاها بلغة مايلة للفصحة باش تقدر تفهمها وتجاوبها لانو ليليان لبنانية)
ليليان:طانط زليخة(وعنقاتها)مييس يو
زليخة:تا انا ا بنتي عليها كتزوريني مقلقة منك
ليليان:والله المشاغل كثيرة ونساتنا رااسنا صحتك مزيان
الدنياا مقلوووبة والخدم كيجرييو كيف لاا وهو عرس أول بنت فهااد العاائلة احلاام سلطاان عندها 27 عاام وغاتزوج بوااحد البروفيسور ديال الجناياات والتشرييح بعد قصة حب داامت لكثر من 5 سنين واكييد حدث بحاال هداا خصو يدخل التااااريخ لانو مااشي ديما كيكونو عرااس فعاائلة سلطاان حبسو اللوطوويات وحدة موور وحدة ونزلات منها لبنى و احلاام من بعد رحلة التسوق للولاياات معاهوم الباديكاارد محمليين بلي شرااوه تلقااولهووم فالباب بالزغاارت وكيرشو عليهوم الريحة وماا ورد ودخلووو كلشي ملااهي ومشغوول بشنو كيديرو دخلات احلام لبيتها ترتااح بااش توجد لحنتها ليغداا تا تحل البااب ودخل أسامة خوها وزدخ الباب مشا عندها نيشاان وشدها من يدها زير علييها
اساامة:(وبارك على دراعهاا)فييين همااا دويييي فيييين
خلاها عيسى و طلع لبيتو وبقاات محرجة معرفاات مدير اكييد بلاانااا كلشي وقااد امور السفر على قبل جوج دالنااس وهي مقاالت تا واافقلها متجييش تا لداابا وتخلييه يبدل المخطط ديالو كاامل على قبل ليلياان تنفسات بيأس و فكرات مع رااسها تخلي الامور كيف هي وليلياان من بعد وتتاصل بيها تا تمشي للمغرب تعلمها بلي نسات موضوعها مع الكبر فالسن وتعتااذر منها
طااعتها المسااعدة وطلعااتها لبيتها بداو كيقاادوها لبسوها حوايج نقيين فالابيض و جمعولها ادويتها ولواازمها كلهووم مجا فين يفووت عليها عيسى تا كاانت واجدة طلعات عيسى وهبطاتو كان فقمة انااقتو مع الجو بدا كيدفى لاابس سروال فالباج مع صبااط لاامع فالاسود كتشوف وجهك فييه وبودي فالاسود كوول v اكسسواراتو اكيد وريحتو لا غنى عنهم حصناتو من عينيها بدعاائها فالسر وتبسماتلو
زليخة:مشينا اولدي
عيسى:(بادلها الابتسامة)اه ا ميمتي
دفع بيها الكرسي ونزلو فالمصعد ديالها اما الخدم فهودو الحقاائب ديالهوم وحطوهوم فالسيارات ديالهووم ليكانو عبارة على 3 ديال السيارات رباعية الدفع كباار فالاسود تسطر فيهوم الطاقم الطبي و المساعدين والخدم ليغايرافقوهوم للمغرب وبقاات وحدة عندها فالباب وااحد الحديدة حاادرة بااش كطلع فيها كرووسة زليخة بسهوولة دفعها عيسى وطلعها بالكروسة من بعد ما تاكد بلي كلشي طلع فالسيارات هزها حطها فالكرسي مقابلة معاه وجمع الكرووسة ديالها سد الشيفور الباب وانطاالق
عيسى:(كيحااول ما أمكن يخبع تضاايقو من الموضووع)المهم هو فرحتك اجدااتي
زليخة:متخاافش اولدي كلشي غا يكوون مزياان غي ندوزوو المنااسبة دختك و نجيبو بنت بنتي ونرجعو بحالنا لهناا
عيسى:(كيساايرها)انشااء الله
وصلو السيارات للمطار وطلعو فالطياارة الخااصة ليفيها جهة مخصصة للسيارات تسد الباب العملااق للكاراج دالطيارة وعاد نزل عيسى وهو داخل الطاائرة هز جداتو بين احضانو وطلعها لوااحد الغرفة مخصصة بااش ترتااح تبعوها المساعداات دياولها خلاها تجبد وترتااح ومشاا كلس فمقعد فالطاائرة طلب مشرووب قااسح جابتولو المضيفة وربط الحزاام استعدااد للاقلااع ما هي الاا دقااق كان طاير فالسماا كيخمم فهااد المشية للمغرب وشنو ممكن يجي موراهاا
#ضحى
كعاادتها وصلاات وقيتة الخدمة وهااد المرة متقولبااتش هزات البيسيكلييط ديالها درت فيها قفة فالقداام كبيرة وركباات رووجر غاادة وكتور بييه وتهضر معااه داازت من حدا الفيلا د جبراان وهي كتدعي ميشووفهااش ولا الكلب ينبح و يفرشها مي هاد المرة كانت الفيلة ديالو مسطرة بالطمووبيلااات والهرج والغاادي والجااي نزلات على البيسيكليط وبقات دافعااها وعينيها كيتفحصو المكاان بغاات غي تفهم شنوو واااقع تا من روجر هز راسو كيطل نساات رااسها وهي غاادة تا دخلاات فبنت آية فالجماال بعداات كتشووف فيها باستغرااب و تا البنت كتشووف فيها
البنت:اا سمحيلي اختي مشفتكش
واحد الخدامة كتعيطلها: مدام لبنى كيتسنااوك الدااخل
مشاات زااعفة اصلاان قشاابتها وااسعة تقلق دابا وتنسى من بعد غي خرجات زفر جبراان شغا تجي دير ضحى هنا اول ما فكر فيه نكوون شي عصاابة من بعد ما خدااولو الكلب بالحيلة وعرفو بلي عندو الفلووس جاو يسرقووه هز رجليه بخطوات سرااع و توجه عند العساس دالباب
خلات جبران كيغلي و دخلات مع نهال كدور موراها وتشووف فيه بتحدي تعصب بزااف والمشكل مقدر يحدد تا حاجة من تصرفااتها ولا تحركااتها كتباان مرااوغة وهااد النااس كيشوشووه ومكيخلييوه عاارف تا حااجة تلف الوقت بين ماجاات شنطال وقدر يجبد منها الموضووع ديال ضحى واخا كان منقسم لجووج واحد الجزء منو كيقولو بلي هادشي مجرد صدفة وبما انو كيف ماقاالت شنطال بوليسية جابتها غا تكون فعلا جات بنية حسنة وعقل واحد اخور كيقولو بلي هاد النووع كيكوون لعووب بزااف وكيدرس جمييع التحركاات دالخصم قبل ما يدير اي حااجة لقاا بلي الكلسة هنا ما فيها تاشي فاايدة وهز رااسو ومشاا رجع بحالاتو اما ضحى فماقربااتش لجيهتو نهاائيا ومخلااتووش يشووف كماارتها تا مشاا عاد كملات مناوبتها الليلة ان فوا صبح الصلااح هزات رااسها ودات الكلب للقهوة و اتاجهات لدارها تنعس وتفدي الغبينة دالنعااس دالليل
#المطار
حطات الطياارة الخااصة ديال عيسى و نزل منها دافع كرووسة جداتو ليغالاامس وجهها هوااء البلد الأم بداات كتصلي على النبي وتكبر
زليخة:الله اكبر الله أكبر علييك يا بلاادي الله أكبر الله أكبر
عيسى بقا غي كيشووف فيها تا لهااد الدرجة كاانت متهلفة للبلااد رااه هو فالاصل اي وااحد كبر فحضن البلد ديالنا غا يحصلو هااكة نزلو السيارات وكلشي التااحق ببلاصتو تا من عيسى وجداتو طلعو والوجهة الفيلا ليخداها عيسى مخووص فيين يبقااو على ما يدوزو هااد المنااسبة دعاائلة سلطاان ليغايحااول فيها جاااهدا مايقلبهااش ركييل وصبااط معاهوم😂😂
وصلو للفيلا ونزلو الخدم اللوالة عاد تبعهووم عيسى هاز جداتو دخلو للفيلا ليكانت عصرية بزااف وزوينة ودخل جداتو لوااحد الغرفة كلها من اللون الابيض لا من الاثااث ولا الحيوطة وحتا الفرااش كتكوون فالسفلي بااش متعدبش نزل لمستواها شاد يديها و كيشووف فيها وهي كتدور فعينيها باعجااب
عيسى:ميمة كيجااتك عجبااتك??
زليخة:زوينة بزااف ا ولدي غا ناخد راحتي فيها مفوهة وكتفااجي على الخااطر
تبسملها عيسى وخرج طلع بدورو لبيتو وتوجه للشرفة ليكطل على الحديقة والمسبح جبد سيكاار من شحال هادي ما كماا و هااد الجو ليعاايش فيه كيدفعو يكمي
بقا كيكمي فالسيكار تا تسالالو لاحو فالارض و عفط عليه من تحت رجلييه خلااه رمااد مرمد توجه للفاليز ديالو ليكانو طلعووهالو الخدم كيتسنااوه غي يخرج باش يدخلو يرتبوهوم فالدريسينغ جبد حوايجو ليكانو عبارة على سروال جين مع بيل بيض الجو فالمغرب دافي ولبس فرجلو صبادري فالابيض اكسسواراتو وريحتو وزااد كاسكيط فالاسود هز سارة اللوطو ليمن نوع فيراري سودااء دومونضا عليها من المغرب ونزل للكاراج خرجها وحط تيليفونو كيحدد ب جي بي اص الموقع ليباغي يمشيلو فعلااا ماشي مدة طويلة كاان قداام كافي راقي ديال النااس الأبهة وحيث معلوووم المغربياات عاشقاات الجمال و الثراااء والفخاامة ويستااهلو غي التحفات البنية(تهلييت فيكوم😍) غي شاافوه حوالو ليكانت مع راجلها سهات فيه اما العذراوات بقاو جامدين كيشوفو ممصدقينش نزل وسد اللوطو ووقف كيشووف جا عندو السيرفور حيث من هيأتو بااين علييه ماشي مواالف على هاد البلااصة وبحال الى أول مرة يجيلها
السيرفور:مرحبا موسيو تفضل وعطيني اللوطو نبلاصيها
تنحنح عيسى و لاحلو الساروت ودخل والبناات حاضيين غي مشيتو وكيحلفو بلي الترااب كيتنفض من تحت رجلييه من نيتهووم بنات العبد😠
دخل للداخل وعينيه كيدورو على لبنى دااير معاها فهااد البلااصة تا لمحها من بعيد كاالسة وهاازة كتااب بلا ميحتااج يقرا عارفو ديالمن ومن غيره باولووو كوييلو معشووقها تبسم وتقدم كانت ساهية وغااطسة رااسها فالكتاااب تا نقزها
ناضت من بلاصتها ومشات جراات عندو تلاحت فحضنو العريض هو جرها عندو وعنقها كيواسيها لبنى اكثر وحدة كيتعااطف معاها هو عااش الوحدة بعيد علئ العاائلة ولقا جدااتو ليغمرااتو بحبها تا نسا العاائلة ليتخلاات عليه اما هي فعاايشة وسطهووم وغرييبة ووحيدة تا وااحد مكيعرف عليها شي حااجة بقاو هاكاك كيدردشو تا صونا التيلي ديالها ليمن نوع الايفون وبانت صورة احلام خطف عيسى الشوفة فيها غي بالخف تقادات لبنى فالكلسة وجاوباتها وعينيها على عيسى لممهتمش كااع كيلعب بشي وراق قبالتو
بقا كيضحك على هبالها بقا واقف داير يديه فالجيب حتاا مشاات ورجع للداخل المقهى كلس وجبد تيليفوونو فضولو قاادو وطابا سمية جران اسماعيلي فغووغل بغا يعرف علييه طلعولو عناصر البحث ودخل لواحد المقالة مكتووبة عليه وكلس يقراا وكل مرة يهز حااجب مستغرب كيباان هاد جبراان شخص متعلم ومفقه مزياان عندو سجل حاافل فخدمتو ومتخرج من اوكسفوورد شخص كومبيطوون بزااف وبشهااداات عالمية رسم ابتساامة استهزااااء حس بييه تنصب علييه تحت ذرييعة الحب وطااح مع عاائلة سلطاان ليسجلها خاانز معرووف علييهووم ديما كيعتقو رااسهووم من الورطاات وكيمشييو امورهووم بالفلووس بانيين سمعة مزيفة وهما ضوسيهووم خاانز كمل نهاارو فالمقهى دار اتصاال للفيلا مع المدبرة سول على جداتو وعلمها تخبرها بلي راه مغايرجعش كيستاكشف المدينة خلص ليكنصوماه وخرج ركب سيارتو غاادي وكيسركل فالدرووبة و الطرقااان واخا معمرو جا للمغرب حس باحسااس فشكل هادي هي الوطنية المغربية كتخلييك تكبر الحب للبلااد وااخا نتااا معشتييش فييه لوهلة ندم على جنسيتوو المغربية ليتهضماات فكل نجااحااتو تعرف بجنسية ايطالية امريكية مي بمجرد ما تفكر بلي تامغربيتو كتربطو بعااائلة سلطان كشر و كمل طرييقو تا قاادوه يدييه للمنطقة السكنية ليفيها فيلا جبراان كاان ظلاام الحااال ووقف بعييد كيشووف فالفيلا ليبااين فيها جو الفرح و العرس ربط يديه كيشوف من بعيد تا دازت من حداه بنت فوق بيسيكلييط صدماتو وشتت انتبااهو ليها
#ضحى
النهااار كامل وهي نااعسة محسااتش نهاائيا بالوقت تا بداات كتدق عليها اسمهاان الباب حيث وصلات وقيتة الخدمة ديالها وهي مزالة نااعسة كانت فسبع نوومة وفاقت دايرة وضعية جاكيشان😂 وكتهدر مع كانت كتحلم بالفيلا كيتهجم عليها
ضحى:وقف وقفو حدكووم تما غا نقتلكووم كاملين
نقزااات فاش عاودات سمعات الباب كيتدق وصوت اسمهاان شافت فالسااعة ليمعلقة فالحيط وهي تغوت
ضحى:ويلي الخدمة ويلي قودتهااا
نااضت بالزربة حلاات الباب لاسمهان
اسمهان:اويلي نااعسة عرفتك غا تكوني هنا حيث منين دخلتي ماخرجتي يا الصكعة مشا علييك الحاال
ضحى:(وكتجري للطواليط)هااد النهاار تعلقني شنطال كانت معايا واضحة مكتبغيش ليتعطل اسمهان الحب العمر صيبيلي معاك شي سندويتشات بالفرماج ولونشوون من الثلاجة وجبديلي اليونيفوورم ديالي غا نلبسو هنا حيث رااني معطلة
اسمهان:غي طلقي رااسك انا نوجدلك ماكلتك وماكلة تا روجر
لبسات واحد الجيلي ديال الشانطيات فالاخضر ومخطط بالفضي و كفضات كمامها شعرها بقا مطلووق كتحنى كيتحنا معاها مجعد واسود بحال سواد الليل هزات الما فيه الرغوة وبدات كتغسل اللوطو على سعدها ووعدها غسلاتها ورداتها كشعل ووقفات مربعة بعيد كتشووف وجهها فيه
ضحى:اووف سااليت واخييرا
يالله تلفتاات غا تدخل الدااخل وهي تسمع كلاكصون تلفتات وهي تبانلها فيراري بعيدة ويد صاحبها كيشيرلها هزات حاجب وهودات لاخور شباغي منها هاد خينا مع ال 12 دالليل
وقفات مخنزرة كتفكر تمشي تخلي دار بووه ولا تنعل الشيطان و تدخل بحالها لوهلة اقتانعاات بالاحتمال الثااني يالله غا تهز السطل وتدخل عااود كلاكسوونا مول الفيراري وهاادشي ليخلاا حماادشة يلعبو فووق رااسها هزاات رااسها معصبة وتوجهات عندو كتغلي كان طلع السرجم فااش شافها جاية وصلات عندو ونااوية تخرقلو السطل ديال الرغوة ليفيدها علي راسو دقاات علي الزااج ليكان فيمي وبدا كينزل يالله غا تحل فمها ليبحال الرووكار و تهجم عليه تسمكات فاش شاافت العينين الحاادين باش رمقهاا تبكمات بقات غي كتشووف فيه هو بدورو بقا كيتفحصها قبل مايدير اشارة براسو بمعنى الزااج عاد طلعاات معاها وتلفتات لين كيشيرلها فهماتو بلي عيطلها حسابلو عساسة الباركينغ وكتغسل اللوطويات تعصبات كثر كتمات غيضها و تنهدات الله يخرج هاد الليلة على خير بما انها غسلات وحدة تغسل الثاانية وتهني السووق
عيسى:(مزال ممصدقش بلي فعلا كااين بناات كيخدمو هاد المهنة الخطيرة فالليل هو اصلان فااش شافها دايزة مصدقش كتبان بحال شي باديغارد وبقا مبلوكي زاد كمل فاش شافها كتغسل اللوطو معارف شنو وااقع هناا جذبااتو بقوتها وباينة شخصيتها قوية هادشي فضلا عن انها فاائقة الجمااال كتفتن)متعطلييش خصني نمشي دغياا
جون:(جون كون صااب يقطعلها اللسان على هاد الهدرة ليكتقوول حداه مي معندو ميدير غا يسايرها تا يوصل ليبغا)غا تفرح بزااف الوالدة بمشيتنا عندهااا
ليليان:امم وغا نشوفو عيسى يااك
جون:(عيسي عيسى عيسى بفف غا نسييك فيه غي بلااتي عليك)امم مي تا نرتاحو عند الام ديالي
خاول ما امكن يقلب الموضووع لليلياان وينسيها عيسى مي بلا فاائدة دور دور وتجبدولو تا عصباتو وناض مشا ومخليها كتهبرت غي بوحدها بعيسى ليساكنلها فالدم والقلب والحيااة كلهاا
الساااعة تشير لل 17:00 مساااءا كتفييق ضحى على صووت التيليفون ديالها عوجاات سيفتها وهزات التيلي بلا متشووف المتصل جاوبات وبصوت نااعس جاوبات
ضحى:الووو وي
باغتها صووت شنطاال وخلااها تنوووض قاافزة ومصحصحة
شنطال:ضحى
ضحى:ااا مداام شنطاال يااك لباااس
شنطال:بغييتك تجي دابا لعندي رااهو محتاجااك
ضحى:علااش وااقعة شي حااجة???
شنطال:غي اجي وتفهمي وبلا متجيبي رووجر اليوومة
قطعاات عليها قبل متخليها تفهم شنو وااقع
ضحى:بفف(وكترجع شعرها اللور وهي كتشووف فالساعة)مزال الحاال كلاتلي بزااف من وقت راحتي اووف
غماات رااسها تحت المخدة ومشات كتجر فرجليها خداات دووش خفيف بلا متقييس شعرهاا وخرجات لبسات حوايجها البساط جدا وهزات اليونيفورم ديالها معاها ونزلاات هزات البيسيكلييط جااتها المشية غريبة بلا روووجر ولفااتو كتوانس معاه فالطريق وصلاات للمنطقة السكنية كانت الدنيا سااهتة بحاال متقولكش جو عرس تامن فيلا جبران سااقرة دخلات للفيلا دشنطال لقااتها بكاامل الاناااقة ديالها كيفما هو متوقع ولكن حييث النصاارى هرفووو صدماتها حيث ماشي د لاج ديالها مي كتماات الضحكة كاانت لابسة كسوة طويلة فالبااج فيها فتحة تا للفخد و صدرها عريان مع وااحد العقد اما الماكيااج والشعر فكثرااتو و لابسة صندالة عالية فالذهبي مع صباغة حمرة فصبيعاتها رغم انو لابسة تبهديلة الا انها على لامووض وكتباان زويينة
ضحى:(وكطلعها وتهبطها)مداام شنطال!!!
شنطال:سربي سربي سربي
ضحى???
شنطال:لبسي هاد اليونيفورم الجديد غا ندييك معايا للقااعة ليغايتقاام فيها عرس جبراان
ضحى:ااا ولكن علااش
شنطال:خصني شي وااحد يكوون معايا ومنلقااش ما حسن منك ضغياا
زرباات عليها صغيا وعطاتها كوستيم نساائي فالاسود مع قميجة فالبيض محلولة كيباان منها صدرها لبسااتو على سعدها ووعدها وزادت كملات عليها بطالون فالاسود لبسااتو جاات كيووت وانييقة كتباان حداا شنطااال بحال الشمس والقمر ههه ركبو فالسيارة دشنطال هي اللور وضحى حدا الساائق مكشرة جاامعة يديها عندها وعاقدة 17 كتزيد تعصب فااش شافت الشاارفة كالسة كتعكر وماعلى بالهاش بدات معاها بعساسة لغسالة داللوطويات ودابا رجعاتها مراافقة شخصية غا تبقاا صابراالها صاابرة تا شي نهااار تنفااجر فيها حاولات تباان عاادية واخا الدااخل منها العواافي غا تمشي للعرس د جبران عالله غي متنووضش الحاايحة تما لانو الى استاافزها اي وااحد كيف ماكاان غا تقلب الدنيا عليهووم سرحاات وكتفكر تا حبساات اللوطو قداام وااحد من أفخم الفناادق فالمدينة لمحات من البعييد سجااد احمر منشور على طوول المدخل واللوطويات كيحبسو وحدة مور وحدة و كيدخلو المدعويين جاتها الضحكة فااش سمعاات شنطال نطقات
شنطال:(للشيفور)غا نبقااو حنا اخر وحدين يدخلو بااش نثيرو الانتبااه
شافت فيها ضحى باستغراااب بنااادم مكتعرفو فااش كيفكر ولا تا علااش مطوي ليشووفها يقوول البرااءة وهو فهااد العاالم النفااق كيلعب دور كبير تسنااو تا كانو المدعويين كلهووم الدااخل و عاد قرب بيهوم الشيفور اللوطو ونزل حل لشنطال البال نزلات ونطقات
شنطال:ضحى مورايا
ضحى نزلات بتأفف وزدحاات الباب غاادة و غاطرطق دخلات الدااخل مع شنطال والاعين كلهووم عليهوم معجبهااش الجو العراس دالاغنيااء كيكونو حاامضيين وقفات بحال الباديغاارد جنب شنطال ليكتنقل بين الحضوور وتسلم تا تسمعو تصفيقات حاارة والاهاازيج تلفتاات بحال الجميع كانو العرساان داخلين باللباس التقليدي المغربي لمحات ديك البنت الزعرة ليكانت دخلات فيها شاادة فيد العرووسة ليدايرة شهدة فالابيض مع القفطان ليلابسة اما جبراان فجا كيهبل بالكووستيم ابتاسمات لا ارااديا فرحااتلو هي هاكاك بعدات عليها شنطال باش تقرب تبارك للعرسان وخلاتها وسط النااس المجهولين ليمكتعرفش بقات حاضية بعينيها تا لمحاات اخر وجه تمناات تشوفو موور هاد السنين كااملة شهقات شاادة على فمهااا كاان أسااامة مورك على الحييط و هاز كاس مشرووب فيدو غي شاافتو الدنيا ضاارت بيها والذكرياات القداام رجعوولها بعداات بالتدريج مصدوومة ممصدقااش تا شافت وجه العرووسة كان جبران هزلها الشهدة وتصدمات احلاام ميمكنش يتنساالها وجهها بداو يديها كيترعدوو شاافت فالمحيط وهي تلمح جلال ومراتو هنا وضااحت الصوورة قداامها جاات برجلييها لعند وكر الافااعي ممصدقااش بلي هي راها وسط عاائلة دمرااتها وقتلااتها مشعرااتش بدموعها امتا بداو كينزلووو الخووف من كلشي رجعلهااا و طيف المرااهقة ليغصبوها فحيااتها بان قداامها بلا متشعر هزات رجليها خاارجة بهيستيرية كتبكي قبل لا يشووفها شي وااحد الاا هادي ليمكاانتلهااش على الباال واي لعبة كيلعبها القدر معاها انساحباات بعااصفتها قبل ماتنفااجر دمووعها شلاال مرادااتش البال بلي فطرييقها تا دخلاات فاخر وااحد تسناات تشووفو وهي فهااد الوضع حدها هزاات عينيها المدمعيين فيه ليولااو بحال الجمرة و خرجات كتوااسي رااسها متسنات لا شنطال لا زفت بانتلها طااكسي شدااتها وتوجهات للمرصة البلااصة الوحييدة ليكتلقا الرااحة فيها وتقدر تكمي بلا تا وااحد ميقاااطعها ولا تحشم من راااسها حيث نزلااات دمعة قداام شي وااحد
#عيسى
حبسات اللوطو ديالو قداام الاوطيل ونزل بطقمو الفخم المطرطق على عضلااتو كان فاللون الازرق الملكي منقط بلون بلوسييل مع سرواال ابيض و قاميجة فالازرق بارد وداير بابيوونة فنفس اللون صباط ازرق داكن فرجلو كيباان بحال شي عاارض ازياااء كيحمق حل الباب لجدااتو ليكانت لابسة قفطاان بلدي فالابيض محزماه بمضمة الذهب ودايرة شاالها الابيض السر والملح طاايح عليها نزلهااا فالكروسة ديالها رفضات انو يدفع بيها بغات تحركها بوحدها عن بعد وتمو داخلين هي دافعة الكروسة ديالها بالجهااز ديال التحكم وعيسى كيتمشى حداها بخطواات ثابتة وداير يديه فالجيب هما هاكا تا دخلاات فييه ملاك الليل هه كانت غا طيح كون ماشدهااش غي شااافها تصعق ممصدقش على جااذبية عندها وعينيها مدمعيين كتهبل تنترات منو ومشاات بحال الباارح فاش كانت كتمسح الزااج هاد المرة كيشووف نظرة الانكساار فعينيها عكس النظرة ليشافها بيها الباارح تلفت بالعرض البطيئ موراه كيشوفها كتجري وبلا تواازن مفهمش ماالها غريبة بزااف رجع للوعي ديالو وبعد الافكار كولها وهو كيسمع لصوت جداتو
زليخة:ااا مالها دااك البنية اولدي شفااتني مسكينة وقطعااتلي قلبي واش من ليخدامين فالاوطيل
كملو طريقهووم الدااخل تا وصلو لوسط القااعة والانظاار كلها علييهوم حيث غرااب على الوسط ومعمرهووم شافووهووم انتاابهاات عاائلة سلطاان لوجوودهوم من البعيد والقريب وفاش كنقوول القريب كنخص جلال و مراتو لطيفة و عثمان ومراتو أناهيد هادو الولااد ديال زليخة تصعقو فااش شافو مهمووم بعد غياب السنين تعوود لبنى عينيها كانو كيشعو بالفرح اما احلام كانت غي كتشوف هي وجبران مفاهمين والو وبقية الاحفااد كل وااحد كيتسنى يعرف شكوون هاد المجهولين ليشرفوهوم للحفل تقدم عثمان الابن الاصغر لزليخة ويديه كيترعدو ممصدقش
عثمان:الوااااااالدة
زليخة كانت مصممة انها متضعاافش قداام عااطفة الاموومة ولكن مجرد ماشاافت ولدها لاانت وحلاتلو درااعها وعينيها كيفيضو بدمع الشوق والاشتيااق لمعاانقة فلدة الكبد تا عثماان بنفسو واخا يعياا ميقصح فرااسو ويوهم رااسو بلي نااسي الام فااش كيتحط امام الامر الوااقع كيرجع دااك الطفل الرضييع ليكانت الام ديالو الملجأ الوحيد
عثمان:(ومعنقهاا بكل قوة ناازل على ركابيه)الواااالدة الحمد الحمد الله مزاالة حية وكتاابلنا نشووفووك من جديد الحمد الله
جو كان شااعري خلا كل الحضوور يشووف فيهوم اما عيسى محملش الوضع بالنسبة لييه اي فرد من افرااد عائلةسلطاان كيدااعيو الحب ومكيعرفووش يبغيبو غي كيستااغلو تقدمات اناهيد وهي كتشووف رااجلها ركع فالارض و كيبكي معنق الام ديالو وهي ليعاارفة شحال الأم ديالو كانت مشوشااه و مخليااه عاايش معذب وهو معارف عليها والو نزلات يدها وبااستها
اناهيد:خاالتي الحمد الله ليتاااحتلي الفرصة نتعرف علييك(وعاودات طبعة قبلة حاارة على جبينها)
بعد عثمان على الام ديالو وخلاها تلفتاات لمراتو كانت مزيونة بزااف وباينة الطيبوبة من وجهاا
زليخة:مرااتك يااك ا عثمان
عثمان:اه ا مي اناهيد
بقات كتشوف فيهوم زليخة باعجاب قبل ما تقلب عينيها لجلال و لطيفة ليكيقربو اما عيسى ان فواا شافهووم كيقربو بعد شوية بحال الى شي ميكرووب جااي وخدا الاحتياطات الاحتراازية سبقاات لطيفة جلال وتلاحت مبعدة يد اناهيد من يد زليخة وكتمثل بحكم انها الكنة اللولة وعاارفاها زليخة عكس اناهيد ليكان عثمان يالله تزوج بيها ومتاحتلهااش الفرصة تعرف عليها
لطيفة:😭😭😭😭يااك اخاالتي من نهاار دفنووه ما زاارووه هزييتي رااسك وغبرتي علينا 30 سنة مفكرتي فينا ماا واالو شحال قلبنا علييك😭😭ياك اجلاال
جلال:(ومد يديه ليكيترعدو حطها على راسها)الوااالدة هادي نتي بصااح
زليخة:(وكتبكي)😢😢اه انا ماك ا جلاال مااك
تحنى جلاال و عنقها غي هو السلاام ديالها لييه مكاانش حاار بحال ديال عثمان يمكن لانو نية عثمان فعلا صاادقة و كان مشطوون من جهة الام ديالو عكس جلال ليتعود على بعدها فقط الصدمة خلاتو يدير هااكة سلمات عليها تا لطييفة كدير وجهها وبعدو خلاو زليخة كتلفت بين الاحفااد ليواقفين بعييد شافت فلبنى واحلام وجبران ليمزال بارزين وكيتبعو الاحداث أساامة لمزال كيشرب وهو كيتفرج فهاد المشهد الدرامي و هدى و ورشااد ولاد عثمان وانااهيد وابتاسمات
زليخة:كبرو الحفاايد تباركلااه عاائلاات سلطاان ولداات النسل وخلاتو تا هو يتزوج ويجيب الخليفة(وكتشووف فاحلام بابتساامة)
عثمان:(تلفت لعيسى ليواقف مبعد شوية مزال داير يديه فالجيب و كيشووف فهاد الدرااما الكاذبة ليلاعبينها على جداتو)الوالدة شكوون هذا ليمعااك
زليخة:(بافتخار و كتفخم سميتو)هذا عيسى حفيدي و ولدي ليعاااش معاايا
الصدمة البكمة الاعااقة اي حاااجة المهم تقدموو خصووصااا جلال ولطييفة ليعاارفين شكوون هو عيسى وشكا يجي لجلال اما البقية فكانو غا ساااكتين وكيحاولو يستاوعبو كيفااش حفيد زليخة ...
عثمان:كيفااش حفيييدك???
زليخة:(تبسمات وهي كتشووف فعيسى)حفيدي ولد ولدي هذااك
اناهيد:(وكتشوف فعثمان بتشكك)كيفااش شكوون ولدك
قيل ما تنطق زليخة تقدم عيسى وتكلم بصوت مبحوح رجووولي قح
عيسى:ميمة كنظنو خصنا نمشييو مبقا عنا منديرو هنا درتي لي علييك
زليخة:غي تسناا اولدي غي نباارك لبنت ولدي ونتعرف على حفاايدي
بعد عليها عيسى وحلاها على رااحتها دفعات كروستها وتقدماات بانتلها لبنى هي اللولة ليكاانت كتحرق شوقا باااش تعرف علييها مجرد ماوصلاات ليها تلاحت عليها لبنى كتعنق وتبووس معمرها تعرفت علييها
لبنى:لياا الشرف كل الشرف اجدة زلييخة
زليخة:الله ابنتي نويويرة تباركلااه عليييك
لبنى:(كتمسح عينيها ليدمعو من حميمية المشهد)منورة بييك اجدااتي (وباست يديها)
خلاتها زليخة وتقدمات عندها هدى وكلها كتدمع مصدوومة من ديما كاانت كتمنى تشووف جداها حييث باباها كان كيدوي عليها بزااف
هدى:جداااتي الله ما احلااها كلمة كونا محرومين منهاا(وتلاحت علييها كتبكي وهي معنقاها)
زليخة:(ومبادلاها العنااق)شمس يا شمووسة اخيرا تااحتلي الفرصة نحضنك ونشم فريييحتك ريحة ماماك الله يرحمها الله يا بنتي
بعدات هدى منها مصدومة وشافت فانااهيد تا هي مفااهمة والو
عثمان:مي شنو كتقوولي هادي راها بنتي هدى وهدااك ليلهيه رشاد تا هو ولدي
زليخة:بصااح😍😍😍هدى بنتك حسابلي شمس الضحى بنت بنتي نجمة فيين هي بعدا متشوقة نتعرف عليها
تا وااحد مجااوبهااا وتلفتاات كتشووف فالكبايرية ديال العاائلة يعني جلال عيسى مجرد ما شااف هاد ردة الفعل بدا كيتفحصهووم اكيد كيطبخو شي طبخة من طبخاتهووم الخاانزة والخبيثة
زليخة(كتسول وهي كتشووف فجلال)فيين هي بنت بنتي فيين هي شمس الضحى
جلال:احم احم مي راها كااينة غي مغاتجييش لهنااا معندهااش مع الجو دالحفلات
لطيفة:شنووو
جلال:(نغزها)خلي عرس احلاام يكمل و نديكووم للدار تشوفوها
عيسى:(ممتيقش هاد التمثيلية)لا ميمة مغاتمشي مع تا وااحد مكنتييق فتاوااحد وكلشي هنا بااغي يآدييها(ضربة ثلاثية الابعااد👊🏻👊🏻)
غا قال هاد الهدرة كان غا يطرطق فييه عيسى لولى تدخل زليخة
زليخة:خليني اولدي مغانتعطلووش عارفااك خايف عليا ولكن خصني ضروري نتعرف على بنت بنتي
حاول عيسى يتحكم فرااسو و أعصاابو و سايرها تعرفاات زليخة على الاحفااد كلهووم و باركات للعرسان باستثناااء اسااامة لي مجرد ما سمع اسم شمس الضحى تفكر الذكرى ليكتجمعو بيها وليخلفااتلو عااهة مستدييمة طييلة الحيااة وجه مشوه غا يعييش بيه مدى الحيااة غي تذكر سميتها خرج صااعر هز الكولف دياالو وكسييرااا غاادي وكيضرب فالفولوون مزاالة فيه الشمتة ديالهااا اولاا مخدااش ليبغاا وبرهووشة ديال ستمية ضحكاات عليه وضربااتو خلااتو يعااني مدى الحيااة وزييد عليها معمرو ينسى انها الوحييدة ليقرب منها و رفضااتو ومن الفوووق عاافتو مجرد ماكيتفكر شنو داارت فييه كيبغي يحمااق وكوون يرجع يلعب القدر ورااقو ويطيحهاا بين يدوو غايديير فيها كثر وينتااقم لكبرياااءووو ليهاانتو
كاالسة قداام البحر الصباط لايحاااه من رجلها وكتشهق بالبكا اخر حااجة توقعااتها تعاود تشووف نفس الاشخااص لي بالنسبة ليهاا كوااابييس مخلينها تخااف تنعس بكاات وشهقاات تا عياات وهي تنووض وااقفة كتشووف فالبحر ليلونو اسود بحال لوون السماا الحاالكة وكتصووط بغضب مكتبغييش تشووف رااسها ضعييفة هاااكة مسحاات دمووعها والهواا الباارد دالبحر كيسووط ويطير خصلات شعرها وهمساات
ضحى:انا قوية وغا نبقاا قوية واخا يوقع ليوقع مغايقدررووش يعدوونذ مغاايقدروووش يمسووني مرة ثاانية اليد ليغاتحط علياا غا نقطعها ووعد من شمس الضحى سلطاااان
تبسماات بزز وهزات صبااطها فيدها وكتمشى بغاات يلاامسو رجلييها ما البحر لذلك تمشاات باتجااه البلااج غادة وسااهية وصلاات للشاطئ وبدات كتمشى على طولو و المواااج كيضربو فرجلييها محاسااش بلي دااير بيها تا لمحاات واحد الرااجل بعييد كالس هااز رجليين سرواالو وحدااه قرعة ديال الشرااب بقاات بعيدة علييه بمساافة لانو بااين سكراان وهي مامستااعدااش لتا شي مفااجأة لوهلا نسات راسها وبقاات كاشووق فالفرااغ تا تلفتاات وهي تنقز كان دااك الشخص بعينين حمريين تلفت لجيهتها و خلااوها تشهق بعداات وعااادت ادرااجها وهي مستااغربة كيفااش عينيبه لونهووم حمر خلعووها من بعد ليشاافتو بداات كتقوول ميكوون غي شي جن فرجعاات للمرصة شداات طااكسي ونيشاان لدار شنطال من بعد ما خلاتها فالحفل اكييد غا تزبلهاا وتعصب عليها هاادشي الى ماجرااتش عليها وصلات ودخلاات كتسااراا الجردة وسااهية وبااش كتعكس كتعكس بمرة يالله كدور شاافت خيال ديال رااجل كيحل الباب و كيدخل للفيلا تصمكاات همسات بالشوية صحى:شفاار ولد الحرااام انا غا خورييه
مشات كتختل هزاات هرااوة كبيرة و جاات باتجااهو خلاتو تا داار وغفلااتو وعطاتو بيها للراس طااح مغمى علييه غارق فدمو
ضحى:,يالله خوود ا شفااار باش مرة خراا تعلم تسرق
صوت صرااخ باغتها وخلاتها تلفت كانت نهال
نهال:اويييلي اويييلي شنووو درتي يا المسخووووطة
#حفل_الزفاف
سالا العرس وعيسى على أعصاابو كيتسنااا غي امتا تساالي هاد المهزلة كيتزير كل ما كيشوف لحااسين الكاابة كيدوور بجدااتو ويديرو بلااصة اما وااحد جلاال كاالس بعيد خوه ولطيفة وومصدقيينش بلي الابن ليتخلااو وعلييه داارت الدوورة ولعب القدر قدرو ورجع وقف قداامهوم ومااشي كأي شخص كشخص نااجح العاالم كامل كيحسبلو الف حسااب تلفت عيسى بعينيه وشاافهووم كيشوفو فيه بديك الطرييقة وهو يربع يديه وكيشووف فيهوم بطريقة حاادة ومخييفة كتدل على مدى استياااؤو منهووم وتحدي ليهووم توترات لطيفة ومشات عند احلام ليكتستاعد بااش تغاادر حفل الزفااف لشهر العسل اما جلال فبقا كيشووف فيه معاارفش الاحااسيس ليجاتو اتجااهو تبسم عيسى باستهزااء وهو كيشووف فيه وحوار صاامت كيحكي بيناتهوم سخرية القذر وعداالتو صوت زليخة كينادي على عيسى فيقو من سهوتو وخلاه يتلفت ليها
زليخة:اولدي الله يهديك هااديك ختك ومداارت تا حااجة فماتحااسبهااش
عيسى:ميمتي الله يخلييك راني متحكم فاعصاابي غي بزز فبلا متحمليني ما لا اطييق
زليخة:صافي معلييش ا عيسى مهم نودع ختك ونمشيو نااخدو شمس الضحى
دارلها عيسى امااءة بمعنى اه و هي دفعات كروستها و مشاات عند احلاام عيا متبعها بعينيه وكيتسااءل علااش ميكوونش عندو تا هو قلب بحاالها يساامح دغيا كيحس بقلبو محرووق و مسوورت الى غلط شي وااحد فحقو واخا يعتااذر ميقدرش يسااامحو
روحات أحلاام مع جبرااان وبقااو العاائلة فالصاال كيودعو الضيوف تا مشا كلشي بقااو غي هماااا هنا نطقات زليخة
زليخة:عثمان ولدي يالله نمشيو بااش نشووف شمس الضحى
عثمان:شمس الضحى ااا جلال(ودار كيتلفت لجلال يفكو من هااد الوحلة)
قربو المساااعدات وبدااو كيديرولها الاسعافات الاولية وعيسى غي شادلها فيدها وكيمسد تا تهدنات وغفاات حيت عطاوها مهدئ هزها عيسى فيدو وخرج بلا ميعطي فرصة لتا وااحد يهدر طلعها فالسياارة ديالو وكسيرا تا بعينوالباديغاارد و كيفكر فهااد شمس الضحى شنو وقعلها مع هاادالعاائلة بااشرهربااات
#بعد_ما_مشا_عيسى
لبنى:(طرطقاات بوجه باباها)شنوو درتي ا باابااا علااش كتشوه سمعة شمس هي مهربااتش علاش كاتكدب قولهووم الحقيقة بلي سرقااتنا واذاات خووياااا
لطيفة:سكتي يا هااد فليفلة وااش مبغيتيش تفهمي اي حااجة كنديرروها حنااا راها صح
لبنى:دابا الكدووب عندكووم صح اصلاان شمس فيين هي فانا حبس
جلال:لبنى سكتيييييييي
عثمان:جلاال رااك غالط كظن دييك الولد مغايعرفش فيين هي ودييك السااعة اش جا ميجييرك من غضبو انا حذرتك اصلاان تخليتي علييه وهو صغيير راني عاارفو كيكووون ولدك بلا متنكر
اناهيد:رشااد خوود هدى و سيرو للدار تا نتي ا لبنى
لبنى:عميتو هاادشي غلط فغلط كتسمعوووو و بابا كنتسنااا منك شرح وتفسير كيفااش قضية ولدك ليتخليتي عليه وهاد الشرح يمكن كيخص تا اساامة و احلام(كتمثل بلي معارفة تا حاجة على عيسى)
رشاد:البناات يالله زيدووو
داهووم رشااد وبقاو الكباار واقفيين
لطيفة:خصنا نوقفو مع بعضيااتنا حيث نهاار لحنا البنت للحبس تا نتووما كنتوو ومقلتو تا حااجة
اناهيد:اهاه دابا نتي كتحاولي تورطينا معااك
عثمان:انااهيد هاد النقااش معندو بااش يفييدنا خصنا نشوفو كيفااش نديرو نفكو رااسنا عيسى رااه واااصل غا يعرف الحقيقة و ديك الوقت يريب الدنيا فووق رااسنا
نهال:هه الحمد الله راه حزذاان صحكتينذ والله مي براافو علييك نعولو علييك نخليك دبا يالله تصبحي على خير
ضحى:تصبحي علي خير
خلاتها وخرجات بلا متزيد تسمع طنيزها وتزيد تعصب من راسها شدات طريق داارها وكلااات ودخلات نيشان للفرااش طااحت فيه كاو تا حوايجها مبدلاتهوومش واستاسلماات للنوم
وصل عيسى للفيلا ديالو ودخل جداتو هازها بين درااعو حطها فالفرااش وتلفت عند المسااعدات
عيسى:عينيكووم متفغاااش عليها كتسمعوني بدلوولها وخليوها ترتااح
المساعدة:واخاا موسيو كوون هاني
خرج وخلاها والتمثييلية ليمثلووها علييهووم فالحفل مدخلااتلووش لرااسو عارف مزياان بلي غي كيكدبوو بااينة ولكن شنوو ليوقع مع دييك البنت خصو يعرفووو خرج للجردة لاح الفوقاني دالكوستاار غادي جااي وكيخمم وهو يجبد تيليفونو ودوز اتصاال بعد رنات تشدالخط
عيسى:الوو عندي لييك وااحد المهمة ....وااحد الشخص غااب بغيت نعرف فين هوو و شنو وااقع معاااه....معندييش الصوورة مي عندي السمية....واخا سميتها شمس الضحى سلطان....نبغي معلوومات فأسرع وقت
قطع على هاد الشخص الغريب و بقا على نفس الحركاات تا عيا وطلع ينعس
🌝🌞🌞يوم جديد أطل و حل على أبطالنا🌞🌞🌝
ترنحاات ضحى من بلاصتها مع الباارح نعساات الليل فااقت مع الظهر تقريبااا تجبداات فبلااستها اليووومة بما انها كاالسة معندها مايداار غا تخرج تقدى لداارها نااقصها بزااف دالحوايج ناضت دارت فطورها كلااتو ولبسات سالوبيط دجين وااسع مع بيل فالابيض و كونفيرص بيضة شعرها جمعاتو كو دشوفاال و هزات صكاادو وخرجاات والوجهة فؤاد باغة تمشي للسووق وخصها الونييس مشات عندو للقهوة غي دخلاات شدووها الهوااايش على الجااارو مع كاانت ناسيااه مع هم الخدمة وغي شمات ريحتو رغبتها فيييه نااضت وحياات بانلها فؤاد ومشات وقفاات عليه بلهفة
ضحى:رووبيو برم برم شي وااحد برم
فوأد:باسم الله علييك تا قلت حيدتي علييك من هاد البلية
ضحى:نتقدى ا صااحبي خصني نبروفيطي من هاد النهاار ومنها نيت نعاااودلك الزباايل ليوقعو معايا الباارح
فؤاد:واخا تسنااي هنااا نوصي على القهوة
ضحى:صافي منها نييت ندووز نطل على كليبي
خلاتو ومشات لعند رووجر لقااتو مكسل كيحك ظهرو مع الارض ولااعب مع رااسو
ضحى:(وكتلعب فشعرو)اييه يا صااحييب نتا ليجاات معااك لعب ونشط
حطاتلو شي سردينات ووقفات على صوت فؤاد كيعيط مشات عندوو وشدو طريقهووم للسوق غاديين وكيدردشو وضحى كتعاااودلو شنو وقع معاها الباارح من طاق طاق تا للسلام وعليكم
فؤاد:(وكيمسح دموعو)هههه بالدمووع ا بنت الهم الباارح بونيتي السيد 😂😂
ضحى:اودي غي سكت كون تشووف فاش قاالي واش الشفار كيدخل من البااب حسيت برااسي مكلخة
فؤاد:ورااه حيت نتي اصلاان مكلخة ههه
ضحى:شتك معقبتييش على الموضووع ديال الحفل والنااس ليلقيتهووم تما
ضحى:على ذكر الصدفة جمعااتني بوااحد الشخص اخوور معرفتووش تا شكوون
غؤاد:او شكوون هذاا???
ضحى:دابا نعاودلك البلاان ومطنزش سينون نغرق جد بووك فهاد المعدة مهم ول بارح طلبات مني شنطال نمسح الطموبيل غسلتها ومسحتها على سعدي ووعدي وشافني واحد السيد تما تا هو طلب مني نمسحها نفذت ليطلب مبغيتش الصداااع وهاد السيد هو نفسوو ليتزادحت بااش كنت خارجة من الحفل المنحووس معرفتش شنو جا يديير تمااا
ضحى:من نيتك ا رووبيووو الله يجيرني منوو. معرفتش مهم خاايفة من شي حااجة غاا تجي فالمستقبل حيد علينا من هااد المرض واجي معايا بااش نتشطرووو يمشييو يزربو عليينا فالثمن
بدااو كيتقدااو ويدابزو مع هادا ويخليو هذا تا يوزنلهوم وميصيبش معاهوم الثمن ويسمحو فييه هاد الزوج فااش كيتلاقااو كيوليو مقطعيين الورااق فخضم انشغالهووم تلفتاات ضحى وهي تخطف فبلاستها كتهتف ب بسم الله الرحمان الرحيم
فؤاد:امالكي ا بنت العبد
ضحى و مدور عينيها معاودااتش شافتووو عليها بدات كتبسمل وكتقوول ميكوون غي شي جن نفسو الشخص ليشاافتو الباارح فالبحر موول العينين الحوومر شافتو كان كيشووف فيها وااحد اللحظة اختاافى معرفااتو منين داز
ضحى:(كتقنع رسها بلي غي تخايلها)صاافي مكااين والو يالله نرجعو بحرا نوجد ما نحنجر ونوجد رااسي للخدمة ما فيا ليزيد يزبلها مع شنطال كثر من الباارح
وصل معاها فؤاد للدار وما مشا تا رزااها ف شي حااجة من ليشراات قاالك ا سيدي ميمشي تا يااخد حقووو هههه عيطات لاسمهان وكلسو يقاادو المشترياات ووجدو الغدااا بجوج بيهوم موانساات بعضيااتهووم
#عيسى
كالس فالجردة داير نظراتو الشمسية التيليفون فيدو وقهوتو بلا سكر فجنبووو و ابرة الانسولين تا هي فجنبو عينيه مفيكسيهوم فالتيليفوون مرااقب سيرورة خدمتو واخا بعيد على البووسط دياالو كيجيري خدمتو بتيليفونو كلشي غادي هو هذااك حط تيليفونو وضرب ابرة الانسولين وحطهااا ضااغط على تورم العرق فين ضربو هز رااسو ولمح المساااعدات داافعين الكرسي المتحرك لجداتو وجايبينها لعندو حيد نظراتو و تبسم مستااعد يستاقبلها غي وصلات عندو نزل لمستواها وقبل يديها
عيسى:ميمتي كيبقيتي مزياان شوية
زليخة:(وكطبطب على يديه)الحمد الله اولدي كنسلكووو هانتا كتشووف
عيسى:الحمد الاه منورة اليوومة
زليخة:(وكتشوف فالابرة د السكري)ولدي تا نتا رد الباال لرااسك متنسااش السكري عندك
عيسى:انا كوني هاانية لا من مااكلتي وتا دواايا حاضييه مزياان ورادلو الباال اميمتي
زليخة:اودي اولدي بغييت نسولك وااش بديتي تقلب على شمس قلبي مقبووض من جيهتها وبغييت نطمن عليها
عيسى:اه ا ميمة ان فوا يوصلووني عليها شي خباار نعلمك نتي غي تهلاايلي فرااسك ونعسي على جنب الرااحة
ابتااسماتلو زليخة وانساحباات لانها كانت مزالة عياانة ضغطات على راسها غي بااش تأكد علييه ميغفلش على موضووع ضحى مجرد ما دخلوها المساعدين للداخل هز عيسى تيليفونو بالزربة كيصوني على الشخص ليكلفوو يقلب عليها وقلبو كيضرب خااايف يخذل جداتو ليمتأكدة بلي غا يلقاا حفيدتها بعد رناات جاوبو
عيسى:جااك فيينك كاين شي اخباار
جاك:نوت ييت مي قرييب بديت كنربط الاحداث
عيسى:اي احدااث???
جاك:البنت كانت فالاصلااحية وموراها تحالت للسجن
عيسى:شنوووو??متأكد
جاك:اه بحثت فسميتها لقيت عندها سواابق قضااائية خمس سنين وهي مسجونة
عيسي:والتهمة
جاك:مبااينش ا موسيوو بحال الي الضوسي ديالها تضمس بشي طرييقة شي وااحد كيحااول يخفييه بغيت نعرف غي شي صورة ديالها مي والو راني كنتبع شحال من وحدة مشكووك فيها ان فوا نلقااا شي رااس خييط نتا اول وااحد تعلم
عيسى:نعول علييك تكوون قد كلمتك نتسنى منك خبر مفرح
جاك:اكيد رااه معاك صاحب العين الحمراء نجيب الخبار من تحت الارض و لا فعلا السماا
عيسى:بغيت تبينلي هاااد العيين الحمرة بالفعل مااشي غي الهدرة حييث مكنآمنش بال بلا بلا
جاك:اكيد ا موسيو غا نكوون عند حسن الظن
قطع عليه عيسى ورجع رااسو اللور انسااب معااه شعرو كيرجعو بيدو اللور كان مأمد بلي عاائلة سلطاان كيكذبو عليهووم غي من توترهوووم ضرب كفوفو بجووج بيهوم معصب وهو كيفكر كيفااش البنت دخلاات للحبس شنو داارت وعلاش كذبو لخريين رااسو ضروو بزااف متأكد كاااينة إن فهااد المهزلة والى ثبت فعلاااا بلي آذااو ديك البنت بزز منو ردا لاعتباار جدااتو وعواطفها ومشاعرها ليلعبو بيهووم بلا حشمة لا خيا غا يحرق جد بوهووم وااحد بوااحد ويبعد ويكلس كيتفرج فيهوووم
#ضحى
من بعد مادوزت عشية واعرة مع اسمهان ديفولاات مزياان خلاتها اسمهاان ومشات وكلسات هي كتوجد رااسها تمشي للخدمة جمعات اليونيفورم ديالها وعشااتها وخرجات من دارها توجهات هزات روجر فالبيسيكليييط غاادة ومبسمة معااه شادة معااه الستوون وكيعجبها الحاال فااش كتقولو شي هدرة
وكينبح بحال الى كيتجااوب معاها هي هاكاك وقفاات عليها كاطكااط سودااء كاانت غا دير اكسيدوون معااها و هي طييح بيها البيسيكليط فااش كانت كتحااول تبعد طاحت جات هي مزدووحة فالارض و روجر نقز من الشبكة بقاو الرواايض د البيسيكلييط كيشطحووو ويدورر بقوة الطيحة
ضحى:ايي ايدي(وكتحااول توقف من بعد ما تزدحات مع الارض)واااش عور كتعرف غي تااخد البيرمي غا تقتلني
وقفات شادة فيدها ليعاطياها الحريق بززاف ومستااعدة تخلي دار بو ساائق السيارة كاانت مفيكسية عينيها على الباب الامامي كتسناه ينزل تا تحل الباب اللوراني وترجل منهووم رجلين نسائية فطالون أحمر هزات عينيها بالشوية وهي تشووف شكون نزل وتصعقاات رجعات جوج خلفاات اللور مرعووبة وروجر فجنبها حس بكمية الخطر وتأهب فوضعية الهجوم و النظراات الثااقبة متباادلة بيناتهووم
ضحى مقدرااتش تنطق اكتافاات انها شدات رووجر عندها وجرااتو لانو كان غا يهجم على الوحش المتمثل قداامو فصفة انساان سااد الصمت تا كسرو صوت لطيفة ليكانت واقفة قدامها داافعة صدرها وبكل عجرفة كتشوف فيها
لطيفة:(ابابتسامة استهزاااء علا وجهها)خرجتي من الحبس يا المجرمة ومخبعة عند باالك صعييب نوصلك
سماتها بهااد الكلااام وهزات البيسيكليط وركباات رووجر وكملاات طريقها رااضية على رااسها وفخورة بقوتها ليماهانتهاااش وهي وااقفة قدام الشيطاانة ليمكترحمش
لطيفة(من بعد ما مشات ضحى)وااها يا الحجممووومة الي ما عااودتلكش التراابي منتسمااش لطيفة حرم جلال سلطاان
جبدات تيليفوونها وعينيها ميطلقو شرار الحقد والشر أما ضحى وصلات لعند الفيلا دشنطال تلاقاات جون الباب كان مورك وكيكمي حاولات تعاامل عادي بحال الى ماوااقع والو
ليليان:جوون لاا غير خلييك بغيت نتلاقا عيسى ونكوون بوحدي اووك راه طانط شنطال وجداتلي اللوطو بالشيفور يديني
قتلااتو بهاد الهدرة متوقعهااش ترفض يراافقها ما لقا كيديير وهو يوافق خرجات ليلياان وبقا متبعها تا غاابت غي مشاات تعصب وهو يضرب واااحد الفااز كان حداه برجلو شخشخو نقز تا ضحى ليدااز الفيلم كلو قداام عينيها هز جوون عينيه المعصوورين فيها وغوت تا قفزها
جون:(بالغوات)فاااش كتفرجي نتي سيري لخدمتك
خلعها وقفزها مرضااتش يغوت عليها اكتافاات انها حدراات رااسها وجرات كلبها وزاادت بناادم الله يحفظ مقرووص خصو غي في من يشد ويطرطق
#نادي_ليلي
كالس عيسى عند البار كيكمي ويسف عينيه فنقطة وحدة عياا ميربط الاحدااث ورقة مفقوودة فقصة شمس الضحى خصو يعرفها وهي شنو وقع معاها تا دخلاات للحبس بقااا ساهي وعقلو كيدي ويجيب تا جا عندو الناادل هاز قرعة نتاع الشمبانياا و حطها قداامو هز فيه عيسى عينيه
عيسى:شنوو هادي انا كااع مطلبتهاا
النادل:وي عرفت ا موسيو هادي هدية من الآنسة لي لهيه
تلفت عيسى يشووف شكوون هدااه هادالقرعة وهو يكحل بالعماا كانت ليلياان وابتاسمااتلو زفر بغضب ووقف تمشى عندها باغي ول عندها قبل ما تخلييه يهدر وينفس غضبو فيها تلااحت علييه وعنقاتو كتنخصص
صوت استنجاادها وصل لمساامع عيسى وخلاه يتلفت باش يلمحها فديك الحاالة مضااربة مع هااد المجهوول معقل على رااسو تا تلااح علييه كيضرب فيييه بكل قوتووو كلشي تفرق وتا من الموسيقى ليكانت مطلووقة قطعها الديدجي بقااو كيتسمعوو غي صووت لكماات عيسى وانين ليلياان ليشبه صاحية بشنو وااقع تدخل الامن ديال الناادي قبل ما يقربوو من عيسى غوت واقف كيمسح يدييه فكلينيكس ليعمرو دم الحقير ليبين يديه
تقلبات ووسدات يدو تحت راسها كيتحسس دمووعها بقا وااقف جااحد كيشووف فيها تا حس بتنفسها تقااد عرفها تكوون نعساات سحب يدوو من تحت رااسها و دارو فجيبو كيشووف فيهاا وهمس
عيسى:كتقلبي على هاادشي ا ليلياان هاد الامل دياللك وعدم استسلااامك غا يخرج علييك هااني فين قلتهاالك تلفت عاطيها بالظهر وغادي باش يخرج تا حلات فمها كتهدر فوسط نعااسها
ليليان:عيسى اي لوووف يوووو صو مااااتش
وقف بلاصتو باارد تلفت ليها وشاف فيها رجعاات غطاات فنوم عميق ابتسم ببرود وهمس
عيسى:حبك غا يخرج عليك ا ليلياان مبغيتيش تفهمي متقربيش مني ومتبعينيش حيث انا ماكنآمنش بالحب ولكن نتي رااسك قااصح فمن هنا الفووق مغا نمنعكش تدمري رااسك
قاال هاد الكلااام ليكلوو ألغااز وخرج وصى عليها الغيسيبسيون يطلعوولها فالصبااح بكري قهوة قااصحة و مسكن لألم الرأس وخرج رجع لداارو
#قهوة_فؤاد
السااعة فاايتة 2 دالليل والقهوة مسدودة كلشي عاادي بحاال أي ليلة ولكن ليوقع فهااد الليل نتج ليغاايوقع فالقهوة هووندا قديمة جاات مكسيرية ونزلو منها 4 ديال الرجال ملثمين وقفو واحد حدا وااحد كيشوفو فالقهوة
تنهدات بحسرة ودموعها فشفاارها و نزلات غادة كتجر رجلييها بقا متبعها تاج0ات تدخل وهو يلمح الباب تحل وخرجات ملاك الليل😂😂 كانت ضحى ليعتباات الباب لقات ليليان فوجهها لقات عليها التحية ودفعات البيسيكلييط روجر قبالتها انطاالقاات بقا متبعها عيسى بعينيه بلا ميشعر ديمارا اللوطو وتبعها
#ضحى
وصلاات للحي دياالها لقات الدنياا نايصة على غير العاادة توجهات مقربة من القهوة تحط رووجر وهما يتلقااولها البرااهش واخد فيهوم نطق
تلفتاات كتقلب على فؤاد و هي تلمحو كااالس فالارض شاااد رااسو وكيديه ويجيبو مقدرووش رجلييها يهزووها عندو بزز باش قربات منو وطاحت حداه شادة فيدييه هي الوحيدة ليكتعرف قيمة القهوة فقلبوو وارثها من عند بااه
ضحى:(والبكية شاداها فحلقها)فؤااااد
فؤاد هز رااسو فيها وشاافها وهو يجرها عندو عنقهااا تا ضحى زيراات علييه كتوااسييه
ضحى:فؤاد مديرش فباالك مكتاااب الله هذااا
فؤاد مزااد تا كلمة بقا غي معنقهاا وسااكت شوية جااو عندهووم شي رجاال وقفو عليهووم هز راسو فؤاد فيهووم
ضحى(منهاارة كلياا)😭😭😭😭فؤااااد 😭😭😭😭شكوون عندو مصلحة يآذييك شكوونن نتاا من أطيب خلق الله علااش 😭😭😭😭
رجاء:(شداتها من كتاافها كتزعزعها)ضحى برااكة الى انهااريتي نتي شنو غايدير هو خصك توقفي معااه من جهة قهوتو تحرقات وهاااد المصيبة دابا شي وااحد كيستااهدفو مبااشرة وخصناا نعرفووه ونوقفووه عند حدو انا من جهتي بالمركز غا نشووف التحقيق ديالو ونتي خصك تعااونيه تكووني قوية دابا غا تنوصي تمشي للدار ارتاحيلك وبدلي ولحقي علياا واخا
ضحى دارتلها غي امااءة برااسها ليزاد كمل عليها جاا اخبار فاللاسيلكي ديال رجاء بلي شدو تا اسمهان حيت كانت كتعاون فواد يهرب زاد كمل البااهية
ضحى:😭😭😭تا اسمهااان الله ياربي شهااد شي
رجاء:مغاانزيدش نتعطل كثر ضحى كووغااج اتقدري ديريها غا نمشي نشووف الوضع فمغفر الشرطة
خلاتها رجااء ولحقات بالدورية ليجاات فيها وهي محطمة على الآخر تنهداات ضحى وسط دمووعها طاحلها الطونسيو الدنيا بدات كدور بيها هزات رجليها بزز بزااف ديال الصدمات تلقااتهوم اليووم ميقدرش الجبل يهزهووم غاادة بزز باش كتحرك وصلات لوااحد الدرب خاوي كتلمح فالرااس ديالو فيراري سوداء وواحد الشخص مورك عليها وداير نظارات شمسية مقدرااتش تعرفو شكون فقط قرباات الدنيا كدور بيها وعينها وتفكيرها كلو مع فؤاد وتا اسمهاان والشخص ليبااغي يغرق فؤاد وشنو مصلاحتو يالله قرباات من الشخص مول النظارات غماات و كتجي غي بيين أحضاانو آخر حااجة عقلاات عليها ريحة باغفاانو القااصح دخل لتجااويفها الانفية شداات فالشوميز ديالو وزيراات من بعد ترخاات وغيباااات
خريجة سجون ولن أنحني الجزء الثاني
محتوى القصة
التنقل بين الأجزاء