حلم الراقصة الصغيرة الجزء السادس

من تأليف Salma Err
2018

محتوى القصة

رواية حلم الراقصة الصغيرة

في الليل...
جا احمد(اب نور)...و جلس فالصالون رفقة نهال و نور هاد الاخيرة لي كانت دايرة راسها تاتفرج فالتلفاوة و لكن هي بالها مع باباها و كاتساينة يقول البشرى...حيت قبل ساعات اخبرها اياد انه دوى مع بابها...مما خلاها جالسة معاهوم فالصالون و قلبها تايدردك و انفاسها مخربقين تاتساين فيه غير يطلقها...بعد دقائق نن التفكير...حنحن احمد مما خلا قلب نور يتهز تالفوق خصوصا بعدما نطق اسمها...
احمد:احم احم نور...
دورات نور وجهها بالعرض البطيء و هي تاترمش بزربة و تاتنفس بصعوبة حيت التوتر ماخلاهاش على خاطرها...
احمد(بعدما دارت عندها بتاسم نصف ابتسامة):ايوا كيدايرة مع واحاد اياد هههه
نور:(خرجات عينيها حيت خرج ليها طايطاي بدون مقدمات...تعقد فمها حشماااات بزاااف من باها حيت ماموالفينش تايهضرو فهاد المواضيع...خرجو ليها شي حروف بالزز و هي تاتفيبري)ب..يخير
احمد(ضحك عليها حيت لاحظ توترها): ههههعه ايوا ابنتي الشارفة كبرتي و غاتزوجي!!!! اياد راه قاليا انه باغيك للزواج...و غايجي يخطبك السيمانة جايا!..

ماقدراتش نور تمنع الابتسامة لي خرجات غصبا عندها و حسات بالمشاعر تخلطو علبها و خصوصا ديك الفرحة لي دارت ليها الهرة فكرشها و حسات براسها تهزات من بلاصة و تحطات فبلاصة اخرى...حنات رايها و ماقدراتش تشوف فباباها واخا زاعمة عليه فالايام العادية...لكن حسات بهاد الموضوع فشكل...قررات باش ماتشككش باها و تخليه يفكر فيها بشي شكل ماهواش نطقات بتردد: ا..ك..يفاش (حكات ورى عنقها و عينيها تايشوفو فكل مكان الا فيه)م..مافراسيش
دخلات غيتة و حطات الصينية و تبسمات و شافت فنور: النااس راهوم متااافقييين!!
خرجات نور عينيها فمها و نطقات بعصبيبية:مامااا!
احمد: ههه و انا تسحابيني ماعارفش!! اصلا انا كنت عارف اياد باغيك حيت كان ديما تايجبدك فالهضرة واخا تانكونو تانهضرو على الخدمة...و انا راه ماشي غير جيت و خليك تبقاي تخرجي معاه...راه حيت عرفتو راجل و قد المسؤولية!!..انا عارف قصتو! انسان يتيم ماتو واليديه ففترة مراهقتو بكسيدة...و رغم هادشي كمل قرايتو و تفوق فيها و سكن مع عمو واحاد الفترة و لكن ملي دبر على خدمة سكن بوحدو و عول على راسو و بنى شركتو بشوية بشوية حتى ولات من اكبر الشركات فالمجال!!!!...و اهم حاجة لفتاتني فيه انه ماشي من النوع الطايش لي كايتصاحب و يتفلى!! هادا راااجل ابنتي!!(انه الخيال يا فتيات هادشي عمري شفتو فالحقيقة...كانشوفو غافلمسلسلات و القصص 😂) عارفو دوى معاك قبل مني ههه...ابنتي انا ماغانزيدكم غالخير و ماعمرك تلقاي حسن من اياد!!!
هاد الهضرة خلات قلب نور يرفرف و يطير فالصالون كلو هضرة فرحااااااتها كتر ما هي فرحانة!! باها كال فيه هضرة زوينة و اهم حاجة انه راضي عليه!
اكتافات نور بالابتسام بخجل...و لوخرين تايضحكو عليها..

✨✨✨اصبحتا و اصبح الملك لله✨✨✨

حلات ريم عينيها و بدات تاترمشهوم بالزربة...تفوهات و بدات تاتكسل فناموسيتها دورات وجهها للجنب و هوما يتحلو عينيها لي كانو معمشين بالنعاس على الاخير....غاشافتو كحلات بالعمى...و من غيره...! عمر! كان عريان من الفوق ااشيء لي خلاها ترتاعب...حنات رلسها شافت جسمها لقات راسها مغطية بليزار...و تفكرات انها ماكانتش مغطية بيه فالليل!...كنشات حجبانها و سرطات ريقها بتوخف.ظ..و هزات ليزار بشوية بشوية باش تشوف راسها اش لابسة..هي كاتهز و عي كاترعد....هي كاتهز و هي ماتزيد تخاف....
و اخيرا تنفسات الصعداااااء ملي لقات راسها باقا لابسة البيجامة لي نعسات بيها لبارح..!؟..دارت شافت فيه و حجبانها تفردو...و تحولو نضراتها من تخوف الى حب و راحة...مافهماتش امتى و كيفاش و علاش جى و لكن مابغاتش تصدع راسها بهاد الشي...بغات تستاغل الفرصة و تأمل فوجهو الملائكي و هو نائم...هزات يديها بشويييية و هي تاترعد و حطاتها على لحيتو و بدات تاتقييسها...اول مرة غاتقيسها فحياتها...بدات تادوز صباعها بحنان و هي تاتبسم...و علات تاني صباعها و بدات تقيس فعينيه المغمضين و رموشو و حجبانو...لاحظات ان نعاسو ثقيييل و رغم لمساتها مافاقش...داكشي علاش السيدة زعمات كتر و ناضت جلسات فوق الناموسية و خر٠ات لسانها و حطاتو فوق شفتها العلوية...و بدات تاتشوف فضهرو الكبييير و كتافو العرااااااض و عضلات كتافو خنزرات و قلبها بدى تايضرب بجهد و قالت فراسها"اهياميمتي داباااا هادا كوووولو غاجلييييي يتلفت عليا يبجغني"...حولات نضرها لجهة المجر بان ليها محطوط تيليفونها ...و هي ضرب ليها فراسها تصورو و هو ناعس....مدات يديها جهة التيليفون..و بدات تاتجبد باش توصل ليه..لهاد اللقطة كانت كيبحالا معنقاه و فوق منو.....هنا حل السي عمر عينو و تايشوف لالة ريم فوق منو..دغيا شقمها و شدها من يدها و بسرعة البرق جابها تحت منو ماخلاش ليها الفرصة حتى باش تفهم اش وقع و...

بدات تاترمش ريم بزربة مافاهماش شنو طرى للتو!! عينيها مقابلين مع عينيه و و جسمعا تحت من جسمو...شداتها القفقافة و الترعيدة و تزنكات...و حجبانها تقرنو بخوف.. و عاد قلبها قرب يسكت...
عمر(بابتسامة جانبية رجولية و حاجبين واحد مهزوز و واحط محطوط):حصلتي...كنتي باغا تغتاصبيني؟!
حلات ريم عينيها على الاخييير و و بدات تاتحرك راسها يمين شمال بزربة و نطقات بتوتر:ا..اويلي !!! لا ك..كن باغا غانهز تيليفون!!!
عمر(عمر قرب وجهو بزاااف حتى قرب نيفو يتلاصق مع نيفها..و غمزها )امممم التيلليفون؟؟! ....هههه انا دبا غا راجلك ماكاين لاش تحشمي مني..!(زاد وسع ابتسامتو)اش بان ليك نطيرو البلاكة دبا؟!(زاد قرب بزااااف حتى قرب فمو يجي على فمها)
ريم(ماحدو تايقرب و هي تاتخنزر...و تاتجمع فمها عندها و كاتزيد تخشي راسها فالمخدة و قلبها تايضب الف ضربة فتانية نطقات فاخر لحظة بجهد): لا اعمر لااااااا!!!
رجع عمر راسو اللور و عقد حجبانو : شنو لي لا؟!
ريم(بقلق):🙁 عمر ماتزربش عليا انا مامستاعداش!!
عمر:(تنهد و ناض من فوقها و هو باقي مخنزر و وقف تايلبس تيشرت ديالو لي كان مليوح تما)
ريم:(ناضت جلسات و شدات فيه من تريكوه بحال شي طفلة صغيرة و هي تاتشوف ببرائة)عوووومااار!!! عافاك ماتقلقش!!!
عمر(حنى عينو جيهتها و و شاف فيها بحنان و عينين مبتسمتين رغم ديك تخينيزيرة لي داير...بتاسف فمو شويييييييية و نطق و هو تايشوف فعينيها لي هازاهوم فيه)هههه كون كنت كانتقلق كون تقلق نهار فلقتي ليا*** (شد ذقنها بكفو) نتي غير بقاي تشوفي فيا هاد الشوفة و ايفريثينكز كانا بي اولرايت..!
حنات ريم عينيها بخجل و عاودات هزاتهوم فيه و وقفات تقادات معاه و هي باقا هازة فيه عينيها حيت طويل عليها بزاف...: عمر سمح ليا عارفاك نتا راجلي قرة عيني و لكن و الله مازال مامستاعداش لداكشي(كاتلعاب بصباعها)راك عارف!!
عمر(تبسم و شد فمها بيدو و كمش ليا فمها بحال شي بنيتة صغيورة):هههههه و شكون كاليك انا باغي داكشي! انا باغي غا بوسة برييييئة بحال هاكا(باسها من فمها لي كان باقي جامعو)ههههه شتي !!(طلق منها خلاها مصدومة و بانت عليه الفرحة)عرفتي دبا كيغايدوز نهاري فالخدمة!! ياسلاااام!!!(طلق منها و تم خارج)
طربات ليها طن فراسها و تبعاتو شدات يدو قبل مايخرج : غاتمشي للخدمة؟!
عمر:هههههه بيان سييييغ امراتي العزيزة 😍
ريم:(خنزرات بشكل طفولي)معاكم البنات فالخدمة؟!
عمر:(ضحك باستهزاء)طبعا اكيد معانا بنات!! علاه حنا خدمتنا ماشي شركة دالماكياج(هز كتافو) فاكيد كاينين بنات!!!
هزات ريم حاجبها و كان واضح عليها الانزعاج: كلتي كتينين بنات؟!
حىك عمر راسو بالايجاب...

✨✨⭐⭐⭐بعد ساعة و نصف⭐⭐⭐✨✨ 

(هاد اللقطة بالعرض البطيء)داخل عمر للشركة بكوستيمو الفخم و نضاضرو الكوحل...داخل بابتسامة و هو تايدوز يدو على شعرو و تايردو للوراء...كان لي داز من حداه تايبدى يشووووف فيه....او بالاحرى تايشوفو فواحاد الفرصادة جديدة داهلة معاه...كانت شادا فدراعو و تاتمشى بانوتة و هي لابسة فستان بينك فايت الركبة و دايرة نضاراتها...بقى غادي عمر و تايصبح على كل عامل تايدوز من حداه(يعني تايقولهوم صباح الخير)...دخل للبيرو ديالو و مد ليها يديه بمعنى تفضلي...
عمر:هههه يلاه تفضلي للمكتب ديالي!
دخلات ريم كاتعوج و مشات جلسات فالكرسي ديالو...
ريم:(بابتسامة حماس)اممممم شحال زوييييينة تكون مدير😍
عمر:(حيد نضاضر و حطهوم فوق البيرو) يليق بكِ حبيبتي 
ريم(شافت فيه من تحت النضاضر بحماس ):ياك ابايبي😍
عمر(حط يدو على المكتب و بدى تايقرب وجهو ليها):شحال تاتخرج هاد بايبي زوينة من فمك😍
حطات نضاضر و شافت فيه بجرأة و تحدي:ايوا خاصك تعود عليها مادام وليتي ماي هازبند😍(دفعات الكرسي للوراء و ناضت تادور فالمكتب...لي كان فيه واحاد الحيط كلو من زجاج و تايطل على الزنقة)هادشي عندك زويييين مممم و هاد الشرجم الكبيييييير😍😍 نقدر نشوف طوموبيلتك من هنا اطط نقلب عليها!!!
دور عمر راسو يمين شمال :مزوج بهبيلة انا حق الله😂😂....
(دق دق)
عمر(بعدما جلس فكرسيه):دخل...
تحل الباب و تسمعات طرق طرق (ديال الطالون) دورات ريم دغيا وجهها بعدنا كانت تاطل....طلعات فالبنت لي دخلات و هبطات...كانت لابسة ساية مزيرة فوق الركبة و فالكحل...و قاميجة بيضة سامبل...و شعرها زعر و كيرلي و شامعاه على شكل كو دشوفال و كيرلاتها مطلوقين...دخلات بمشية متوازنة و وقفات على عمر و حطات ليه شي وراق..
البنت:بونجوغ مسيو عمر...هادو هوما المعلومات لي بغيتيهوم على ود المنتوجات الجديدة....
عمر:(كايشوف فالوراق باهتمام)امم شكراا..
البنت:(حطات ملف اخور)اه و اهادو تصاور ديال المودلز لي ترشحو باش نصوروهوم بالمنتجات على قبل كاطالوك هاد الشهر...كاينين تما تصاور تاع 20 بنت قالك مسيو اياد ختار منهوم عشرة..

عمر(شاف فيهو تاهوما بتخنزيرة ديال التركيز)اوك غانشوفهوم..
البنت(حركات راسها بالايجاب و تمات غادة تاقربات الباب و هيد دور و دوات بتردد): اه مبروك عليطم امسيو عمر..!
عمر(هز فيها راسو و ابتاسم):شكرا ا رحاب!
ابتاسمات و خرجات....هاد اللقطة كلعا دازت قدام عينين لي كانت غامخنزرة فيها...غير خرجات و هي تزيد فحدة تخنزيرة و كمشات فمها بعصبية و وقفات قدام عمر...
ريم: عمر!! شكون هاد راس الشطابة لي لابسة حوايج الخدامات لي فالمسلسلات التركية؟؟!
ضحك عمر و هز فيها راسو بعينين مبتسمتين ضحكاتو هضرتها:هههه عاوظي شنو كلتي😂😂😂 واش لباس الخدامات؟!😂
ريم(رمشات زوج رمشات بزربة و بدات تاتحرك حجبانها بزربة)قاميجة بيضة و ساية كح...موهيم ماشي موضوعنا ياكما هادي سيكريتيرتك!
عمر(ابتاسم وهز كتافو و هو تايشوف فكل مكان):ههه اه😶
ربم(خنزرات):كيفاش؟!!! دبا هاد المقزبة تاضل تشوفيها كل نهار؟!!!! انا لي مرتك و مازال ماشفتينيش بساية بديك القصورية!
عمر(وقف و مشى وقف حداها و شد يديها و هو تايشوف وسط عينيها بحب)اصلا انا عيني من هار شافوك مابقاوش تايديوها فغيرك نتي هي مراتي! (ضرب نيفها)المغيارة ديالي😍
ريم عضات جنب شفتيها و حنات راسها بخجل...هزو عمر من ذقنها و خنزر فيها بحب(😂): واش غاتبقاي تحشمي مني؟!!! راني راجلك زعما !!!
ريم(هزات حاجب و نزلات حاجب و شافت فيه):شكون هضر على شي حشمة ...غير مازال ماتأقلمت مع الوضع!..
شد وجهها بيديها بزوج....و بدون دستور....تحل الباب ...دغيا طلق منها و دارو شافو جهة الباب...كان اياد لي لي حنى راسو و ضرب يدو مع الحيط باسف حنا راسو و قال: سورييي ماسحابليش تاتساليو...!
حنى راسو و بغى يسد الباب و هو ينطق عمر: اا اياد دخل مالنا اش كنا كانديرو؟!!
حنات ريم راسها زعما حشمات و مشات جلسات فوق الكرسي لي قدام البيرو...هنا دخل اياد مبتاسم...
اياد:(تايشوف فريم )ههه ماقدرتوش تفارقو و جيتو بزوج..
عمر: ههههه شتي اصاحبي الزواج باش زوين!
اياد:ههههه(مشى وقف حداه و هز الملف لي فيه التصاور)جيت نشوف انا وياك المودلز لي غانختاروهوم هاد الشهر! حيت خاصنا ندفعو التصاور فهاد الخمسطاشر يوم!
عمر:(باهتمام)اهاه! زيد...
ريم ناضت من بلاصتها و وقفات حداهوم تاتشوف فالملف بترقب...حل عمر الملف و نا حلات ريم عينيها و سداتو دغيا و حطات عليه يديها بزوج و هي تاتشوف فيهوم بزوج بصدمة و ملامح غير مفسرة

عمر(شاف فيها بتساؤل)ريم؟! مالكي؟!-
ريم(باقة على نفس الوضعية حاطة يديها على الملف..و مخرجة عينيها):لا لا مايمكنش ه..هادو!! راه (هزاتالملف و هربات جخة الباب)ماغانخليكومش تشوفوهوم!
اياد(بنفس نضرات اياد مشى جهتها): ريم اري لينا الميلف رته الخدمة هادي ماشي لعب!
عمر حتى هو مشى جهتها مخنزر: ريم ماشي جبتك باش ماتخليناش نخدمو اري!!!
حاصروها مع الحبط و هي هازة راسها تشوف فهادا و تشوف فلاخور من لتحت فين ييان طولها قدامهم..دوروها بمعنا اخور و داخت خصوصا بعدما بقاو عليا"اري! اري!"😂
ريم(غوتات بشوية):اااا (لاحت الملف)صافي عاعو !هاهو! انا عارفة اش غاندير...
تحنى اياد هز الملف...و عمر شاف فيها بنظرة "واخا عليك"
خنزرات فيه ريم بعصبية و خبطات فالارض و خرجات كاتجري....خرجات وقفات ام الشركة و جبدات تيليفونها..

♡♡♡♡عند نور♡♡♡♡ 

ناضت نور كلها تفائل و نشاط و فرح و سعادة و حب بعدما دارت روتبنها الصباحي و فطرات و جمعات مع مها الدار طلعات لبيتها و جبدات الادوات ديال الرسم لي شرات ليها ريم فعيد ميلادها و لي عمرها مازال ماستعملاتهوم...جلسات فبيروها...و حطات ورقة بيضة قدامها و جبدات تصويرة ديال اياد فالبيسي و طرطقات صباعها و يالاه باتقول بسمالله و هي طلع ليها لابيل ديال ريم فالتيليفون...
نور:الووو ريم
ريم:سنعي غاتنوضي دبا تلبسي حوايجك و تجي للشركة تاع اياد و عمر
نور(كمشات حجبانها بتساؤل):علاش؟!!!
ريم:اجي و نكوليك سربيي!!! اه و دوزي على صوفيا جيبيها معاك ايغجووووون سربي 
نور(دفعات الكرسي و ناضت): كاتعصبيني المرض هاكا كولي اش كاين؟!!!
ريم:اوف وا اجي اصاحبتي بزربة هادشي راه خطير!
نور:اوووففف قطعي قطعي هانا غانلبس !! صوني على بنت خالتك نلقاها واجدة!
ناضت نور دغيا لبسات حوايج الخروج و جمعات شهرها سفنجة(مع شعرها كيرلي تاتجيها زوينة) و هزات داكشي لي غاتحتاجو فساكها لبسات سندالة و هبطات تاتجري بعدما خبرات امها انها غادة عند ريم..شدات طاكسي و تاجهات عند صوفيا لي لقاتها خارجة لراس الدرب طلعات نعاها فالطاكسي ...
صوفيا(دخلات تاتنهج):اش واقع؟! عيطات عليا ديك المسعورة خلعاتني
نور: تانا ماعرفتش شنو واقع!!
صوفيا:و الله تانا خلعاتني!
بعد دقائق وصلو للشركة نزلو بعدما خلصو الطاكسي..و تمو غادين جهة باب الشركة الكبيييييييرة و لي بابها كان اكبر!..
صوفيا:تباركالله تباركالله خيورات هادي!!!
نور:هههه فكرتيني فواحاد الفيلم مغربي😂😂😂(موهيم واحاد اللقطة فداك ولد مو ماعرفتش واش عرفتوها😅)
صوفيا:ههه راهيا ريم..
كانت واقفة ريم غادا جايا قدام الباب..
نور(بعدما وقفو عليها):ريم!!
ريم(دورات وجهها جهتهوم حيت كانت كاتشوف فبلاصة اخرى):هاء جيتو انا كانستينكوم تجيو من لهيه!!
صوفيا: تي اش بغيتي مافهمنا والو!
ريم(عوجات فمها بعصبية و بدات تاتعاود ليهوم على المودلز):قالك الالة بغاو يختارو منهوم 10 و هوما اختي وحدة تنسيك فالاخرى! بغيتينا نخليوهوم يخونونا؟!!! 
نور:(خرجات عينيها)اويلييي وا راه هادي خدمتهم الهبيلة!!
ريم(شافت فيها ببرود):خدمتهم!؟...(خنزرات فيها)واش كيدارة تي ولا شنو؟!! و زايدون انا عيطت عليكوم باش نحلو هاد المشكل!
صوفيا:نكولو هي هاداك لي لفوق خطيبها و انا اش حرق شطاطتي
ريم:......

بعد دقائق...طلعو البنات لبيرو و حلو الباب بدون دستور...هزو الرجال بزوج راسهوم بتفاجئ بعدما كانو تايشوفو فالتصاور باهتمام..
ريم:هاحنا!!!
نور(بابتاسمة عريضة):احم غانتنازل و غانقتارح عليكوم راسي باش نكون مودل و نخدم معاكم!
صوفيا:(بنفس الابتسامة بعدما ردات شعر٠٩ها للوراء بتعجرف)و حتى انا
ريم(هزات حاجب و نزلا حاجب و هي تادوز ابهامها على ضفارها):واخا ماشي األا hوطوغ مي حتى انا!
شاف عمر فاياد و تفرشحو بزوج بالظحك😂
اياد(و هو مازال تايضحك):واش تادويو من نيتكم؟!😂
نور(هزات حاجب و نزلات لاخور): علاه مالنا كيجاناكم؟!!!
عمر(سكت من الظحك و مرر عينو عليهوم وحدة بوحدة):لا لا بلاتي واش ماتاضحكوش؟!
ريم:(ببرود)لا واش بنت ليك تانضحك؟!
عمر:اجيو اجيو! جلسو !!
شافو البنات فبعضياتهوم و مشاو للفوتوي و جلسو...
ناض اباد من الكرسي و جلس فوق اليرو و شاف فيهوم : ههههه نتوما منين عرفتو اننا محتاجين لمودلز؟!
نقزات ريم و جاوبات بتحدي: انا لي كلتها ليهوم و من بعد؟!
عمر(تا هو ناض و وقف عليهوم و شاف فريم: واقيلا مامانش خاصني نجيبك معايا!
ريم:ايييييييه باش دير ما بغيتي..! و تجيب هاد المودلز و تصورهوم و شوف ليك كااااع شي وحدة و جيبها عليا ضرة ياك!
عمر(ابتاسم باستهزاء و هو هاز حاجب و منزل لاخور):ما شاء الله يالخيالك الواسع!
سكتات ريم ماجاوباتش كتتافات بتخنزيرة...
عمر:راه خاصكوم تفهمو ان هادي مجرد خدمة و صافي...راه ماشي غانتصاحبو معاعم راه هادي خدمة!...و تاهوما عارفين هادشي..!
اياد:ماعندكومش مناش تخافو(ابتاسم)نتوما عارفات هادشي راه غير تايجيكوم الهبال خطرة خطرة...!
نور(بتشكيك و هي تاتشوف فاياد): نفهم من هضرتكوم انكم ما وافقتوش اننا نكونو الموديلز ديال هاد الشهر ياك؟!
اياد: اه..لاننا دائما تانتعاملو مع نفس الوجوه و عارضات حقيقيات!
نور:(ضحمات باستهزاء و شافت فالبنات)بغى يقول اننا مازويناتش تالديك الدرجة!!
ريم(هزات حاجب و نزلات لاخور):ايييييااااه ايوا شووووووووكرااان!
ناضو و تمو غاديات
عمر:ب..بلاتي!!
حبسو البنات و دارو شافو فيه..
شاف فيه اياد بتساؤل حيت ماعرفوش اش غايكول...
عمر:بقاو!! خليونا نتفاهمو و نلقاو حل وسط...
ريم(هزات حاجب)و شنو هاد الحل؟!!
عمر:مثلا نتوما لي ختاروهوم!!
شافت ريم فالبنات و تاهوما شافو فيها و نطقات: و لكن علاش مابغيتوناش حنا مالنا كيجيناكم؟!
عمر(قرب ليا و شد يديها):وا راه ماشي قلنا ليكوم خايبات راه غير حيت هاد البنات نوالفين تايخدمو معانا!!و سانيين معانا عقد حنا ماغانختاروهمش حيت عجبونا انما غانختاروهوم حيت فيهوم المعايير لي بغينا...حنا اصلا ماغانكونوش ملي غايكونو تايتصورو..! حنا غاظين غير نعزلوهوم و صافي
شافو البنات فبعضهوم و ستاسلمو فالنهاية و مشاو تايقلبو فالتصاور بعدما جلسو فالكراسة...
نور(هزات تصويرة ديال وحدة زعرة و عينيها زورق): شو كيدايرة هادي اوف خايبة ماعجباتنيش(لاحت التصويرة)
هزات ريم تصويرة وحدة بشرتها قمحية و عينيها خوضر و فيها النمش كانت زوينة)بففف اش هادشي هادو هوما الموديلز ديالكم؟!!! بففف خايبة!!!(لاحت التصويرة)
صوفيا(هزات وحدة شفايفها مملؤين و عينيها كبار و عسليين و شعرها برتقالي كانت جميلة):ما فهمتش هادو باش داهلين للمجال خايبة!!(لاحت تاهيا التصويرة)
شافو الدراري فبعضهوم و رجعو شافو فيهوم غير تايعيبو فالبنات و يلوحو فالتصاور....حتى كملو..و ماخلاو تاتصويرة وحدة فالملف..
هزات ريم راسها فيهوم: تاوحدة مازوينة...!
عمر:(ابتاسم ليها)اه احبيبة عندك الصح..(شاف باحتقار فالتصاور)حنا اصلا كاعما غانديروهوم...طاحت فبالي فكرة اخرى...ا اياد
شاف فيه اياد بتخنزيرة ديال التساؤل و كمل(عمر لي تايدوي دابا): نصورو حنا منتجاتنا فالطبيعة ولا شي حاجة ماشي ضاروري نديرو بنات!!
اياد: و..ول
عمر(خرج فيه عينيه باش يفهم):اصاحبي هاكا حسن باش نديرو الخاطر لعيالاتنا اخويا من حقهوم!!!
ريم(وقفات مبتاسمة):هااااااا هانتا دويييييتيي!
اياد(فهم البلان و كمل على هضرتو):بصح اخويا تانا طاحت فبالي هاد الفكرة مااان اللول و خفتك ماتوافقش....الموهيم حيد عليا هاد الشي!!! يالاه نمشيو نتغداو!
ابتاسمات نور: هههه يالاه...

☆☆☆☆☆☆

فمكان اخور و بالضبط فابارتومون صغيرة وسط واحاد ليموبل...صونى شخص فالباب...
ناضت بنت بشعرها الطويل الاصفر حلات الباب..كان شاب طويل مبودر...
الشاب: واش نتي هي مروة؟!
مروة(بابتسامة خبيثة):ههه ماغلطتيش فالعنوان (كحزات من الباب 

كحزات مروة من الباب و مدات يديها: تفضل...
دخل سامي و هو تايدور راسو فالدار بتساؤل..مشى جلس فالصالون...
سامي: شنو بغيتي ا انسة مروى شنو هاد نوضوع الحياة او الموت لي بغيتيني فيه؟! وا انا ماتانعرفك ماكاندريك!
مروى(هزات كاس دالعاصير لي كانت موجداه و شربات منو جغيمة و ابتاسمات بخبث ): موضوعي على نور..!
سامي(خنزر فيها )و نتي منين كاتعرفي نور!
مروى:(هزات عينيها الفوق بحالا تاتفكر)خليني نفكر! كاتبغيها ياك؟!
سامي(وقف و هو مخنزر و تايغوت): اش دخلك فيا نتي و شنو باغا مني؟!! و منين تاتعرفيني؟!!!
مروى:(حطات العاصير و وقفات تاهيا شافت فيه نيشان)انا خطيبة اياد! الولد لي شفتيه داك النهار جاي عند نور و قباي انها تاتبغيه...انا هي لي كنت معاه.!
شاف فيها سامي بتشكيك و طول فيها الشوفة بحالا تايذكر فين شايفها...نطق بتخنزيرة: او من بعد(ضحك باستهزاء) ياكما خانك داك خطيبك و بغيتي ديريني طريق باش توصلي ليه!
مروى(فاجئها بهنتوو دغيا داركات الوضع و شافت فيه بجدية):لا ماغانديركش طريق!! نتا باغي نور و انا باغا اياد!!! يعني خاصنا نتعاونو باش كل واحد فينا ياخد داكشي لي بغى!
سامي(ضحك عليها باستهزاء و خنزر فيها مزيااااان):على ما بان ليا نتي متأثرة بالمسلسلات!! كايسحاب ليك ايلا كلتي ليا هاد الهضرة غانتافقو و غانديرو يد فيد و ناو نديرو فالخطط؟!! هههه سمعي نقوليك زوج كلمات انا ماعرفتش منين جبتي نمرتي و منين تعرفتي عليا...و لكن نهار باقا تصوني عليا غاندبر معاك...و ديك نزور لي تادوي عليها...ملي جلست و فكرت مع راسي لقيت انها بنت عمي و كابر انا وياها بحال الخوت من حقها ماتبغينيش!! و انا ماغانبقاش نلح عليها كتر حيت اصلا لقيت لي كاتبغيني (حتى لقيت لي تبغيني عاد جايا تسولي فياااااااا ملييييي كنت انا وحدي فين كنتي و نتياااااااا😂😂)و ماجاتش نبقى نضيع وقتي مع وحدة ماكاتبغينيش و ماغاتبغينيش!...سمعتي الالا و دبا كانحدرك توقفي فطريقي مرة اخرى!!(حمر فيها)مانضمنش ليك اش نقدر ندير...
خلاها مصدومة و كاترمش مازادت معاه تاكلمة! خرج و زدح الباب...!
يالاه طلعات مع مروى و هي تجمع التخنزيرة مزيااااااان و قلبات طبلة بالعصب!!!

♡♡♡♡♡♡♡♡♡♡♡

جالسين الشباب فالبيتزيريا تايلتاهمو فالبيتزا...
عمر: وقتاش غاتخطب اسي اياد!
خرجات نور عينيها و وحلات ليها
ريم و هي كاتخبط فضهرها رفقة صوفيا: اشمن خطبة اعمر!؟
عمر: هه وا اياد غايخطب نور..!
دارت ريم شافت فنور بتفاجئ و حبسات من الخبيط: نووو واااي!! بصح؟!!!
اياد(ابتاسم و هو تايشوف فنور لي عاملة فيها حشمانة):بصح و ان شاء الله الاسبوع الجاي!!ياك انور!
نور(دوات و هي حانية راسها): اه دوى معايا بابا!
اكتفى اياد بابتسامة...
صوفيا: اوووه ايوا علاش مادربوش الكحل فالبيض دغيا و ديرو العرس مع عمر و ريم!
ريم: (شدات فيد نور)او مااااي كاد فكرة واعرة نتزوج انا و ماي بيستي فنهار واحد!!! كان حلم بالنسبة لينا!!!
اياد(شاف باهتمام):حتى هدا نظر بصح نديروها!!!(شاف فنور)ياك انور!!
نور(هزاات فيه راسها و هي مرسومة ففمها شبه ابتسامة):ل..لي بان ليكم!
اياد:ههههه باقا حشمانة!!
عنر:ههه كون شفتي ري...
عفطات عليه ريم حتى خرج عينيه و شاف فيها..

دازت سيمانة فجو روتيني...كانو الشباب ديما تايتلاقاو كل اتيحت الفرصة..و اليوم هو النهار لي غايجي فيه امير يخطب نور..كان يوم مشمس و حار..كانت جالسة نور قدام بيروها محنية على الورقة و كل مرة تشد قلم فشكل...
ريم(جالسة فطرف الناموسية): ا ويليييييي حاااي ما بقى والو للخطاب باش يجيو و تتب مازال محنية علىيك الورقة؟!!!
نور(و هي نركزة فداكشي لي تاترسم):حلفت تانكملها دبا !! زايدون حتى نويت نبداها داك النهار و كنت غانعصر عليها النهار كامل ولكن مابديتهاش حيت نتي صونيتي علي!
ريم:لا لا لا اختي ماطيحي عليا باطل!! الموهيم دبا فين وصلتي؟!
نور:(خنزرات و هي مركزة)شوووت ما بقى والو...كانبرز التفاصيل خاصني نركز مادويش معايا!
ريم:بفف هايا سكتات!(هزات راسها زعما بغات تشوف)وا وريني مالك!
نور: وا لااا الرسمات ديالي بحال البغرير ايلا بداو تايشوفو فيهم بزاف ديال الناس ماتايصدقوش!!
ريم(ضحكات باستهزاء و هي تادور راسها لليمين و الشمال): شي امثلة اختي عالاااااااام!!!!
ماجاوباتهاش نور لي كانت حاطة لسانها على شفتها العلوية بتركيز...و بعد دقائق خزات راسها...
نور (هزات الورقة و هي تاتشوف فيها بحب): احسسشششن رسمة رسمت فحيااااااتي!!!! هادشي هو لي تايطرى ملي تانرسم بحب!!!😍😍😍
ريم(نضت تاتجري وقفات حداها و بدات تاتشوف فالورقة و هي منبهرة و مصدومة) او مااااااي كاااااد (كاتشوف فالورقة و فالبيسي لي فيه التصويرة لي نقلاتها)ماكاينش فرق!!! كون ماشفتكش بعيني كاترسميها كون قلت غير طبعتيها و صافي!!!! تباركالله عليك!!!
نور(شافت فيها بحماس و رجعات شافت فالورقة*:احح واش بصح!!! رسمتها بمشاااعر😍 
ريم:واااااااعرة و الله!!!! ناااري يا بنت الحرام ماعرت شحال من عام و انا تانعرفك و فينما نقوليك رسميني تقولي ليا واخا و مازال شي ماشفتو
ضحكات نور : ههه لا لا و الله تانرسمك هاد المرة و ايلا نسيت فكريني!
ريم: ههههه وا عانداك!!!....الموهيم (شدات يدها و حطات منها الورقة)دبا غاتنوضي بشوية عليك و تغسلي يدبك و غايكون حسن كون خديتي شاور سريع! و غاتخرجي غاتلقايني موجدة ليك شنو تلبسي..!
نور(دفعات الكرسي و ناضت تاتكسل) اوكاااااي! ربع ساعة و انا معاك!!

عمر: وا سربي اصاحبي راه الوحدة هادي و حنا مازال ماتحركتا!!
حل اياد الباب و هو تايقاد كرافاطتو: هانا هانا!! 
عمر:على السلامة اصاحبي!! الموهيم انا غانسخن الطوموبيل سربي هبط !
اياد:هبطتي داك الشي؟!
عنر ناتخافش الواليدة تكلفات بكلشي!...
دخل اياد لبس صباطو و رش ريحتو الرجولية...و خرج مبتاسم و متفائل و كلو وسامة...
ركب مع عمر القدام و ام هاد الاخير كانت جالسة اللور...
نادية:صافي اولدي مانسيتي والو؟؟
اياد(شاف فيها من المراية مبتاسم):لا لا اخالتي ماتخافيش..!
ديمارا عمر...باتجاه منزل نور...

☆☆☆☆☆☆

احمد: غبتة...ها هي الحلوة واكشي لي قلتي ليا جيب!...هانا غانمشي نجلس مع السي يونس فالصالون ..
غيتة: نعمر ليكم اتاي؟!!
صفية(تاهيا كانت معاها كاتعاونها فالكوزينة):لا لا اختي غيتة خلي حتى يجيو الاخرين و نحطوه دقة وحكة راه غا راجلي هاداك بحالي بحالو...
غيتة(تبسمات ليها): عندك الصح..!!...
احمد: (كايدوي و هو خارج من الكوزينة) وا طلعي شوفي نور واش وجدات راسها بحال والو يكون عطاوها للجميع و تساو راسهم...
غيتة: ههههه ..صفية كملي اختي حركي معاك الكاميلة انا نمشي نطل عليهم..
طلعات غيتة تاتجري فالدروج تاتجري...

ريم:وا ماتبقايش اصاخبتي ترمشي بزاف باش نقاد ليك الخط مزيان(كانت تاتقاد ليها الايلاينر)
نور: اوففف واراه مانقدرش داكشي لاش كتليك اري نقادو بوحدي!

*تحل الباب*

غيتة(مخرجة راسها من الباب بلا ما تدخل): البنات ساليتو؟!
ريم: هانا اخالتي انقاد ليها غا الماكياج و صافي!
غيتة: وا ماتكتريش ليها ابنتي راه غاخطوبة عادية هادي
ريم:ماتخافيش اخالتي
غيتة: يالاه و سربيو راهوم علاين يوصلو!
نور:(كاظوي و هي مازال مغمضة عينيها)واخااا امااامااااا

*مشات غيتة*

ريم(شافت فنور بتعجب...هاد الاخيرة كانت مغمضة عينيها ببراءة و ماباين عليها لا توتر لا هم يحزنون): نور
نور(و هي على نفس الوضعية):امممممم
ريم:واش مافيك توتر ما فيك طخاك...مافرحانة!! ماوالو!! راك غاتخطبي اساطة غاتخطبي يعني غاتولي رسميا (هزات عينيها للفوق بحالا مامتأكداش من لي قالتو)تاااقريييييبا!! ديال اياد و شوية غاتزوجو!!!
فجأة حلات نور عينيها و سهات فالفراغ و هي تنطق ببرود بدون اي رد فعل: ريم خليني ناسية ماتفكرينيش غانتوتر على والو!...!!!!(غمضات عينيها تاني و نطقات بنفس البرود)كملي الايلاينر!!!

نزل اياد من الطوموبيل بكل وسامة و هو تايقاد فالكول ديال قاميجتو...نزل موراه عمر و مشاو هزو داكشي لي جايبين من الكوفر (بوكيه دفلوغ شكلاط الخ...)..فوق منهوم كانو زوج بنات تايطلو من الشرجم...
البنت1:شوووفي اختييي الناس لي عندهوم الزهر ...هاهو جى خطبها سعداتها!
البنت2: صوري صوري اصحبتي و زومي هادي راه خبار سخونة خلينا ندبرو على البوز على ضهرهوم!
البنت1(جبدات تيليفونها و بدات تاتصور):عندك الصح لي ما شرى بعدا يتنزه!

ريم:جاو جاو!!! نوضي نوضي طلي !
مسات ريم تاتجري للشرجم و هي تلمحو بمل وساااامتو هاز الورد و تايساين الباب يتحل...حسات بحاجة غريبة فقلبها واحاد النغيزة ديال الفرحة...حسات بالحب الخب!! و ماتيقاتش راسها!
نور(كاتنش على راسها):جى جى!!!
ريم:(و هي باقا كاطل بفرحة حاضيا راجلها):اه اياد! جى!
نور:والا توتر!! جى ازمر اش غاندير!
ريم: وا تايكت ايييزلي اصاخبتي راه غا اياد مادوزتوش لقليل اونسومبل شحال من مرة قاليك كانبغيك و تانتي شحال من مرة كلتيها ليه نتي! دابا راه ماغايطرى والو غادي غير يجي يخطبك من واليديك...باش توليو تخرجو مرتااااحين و وقتما بغيتو! 
نور: (سرطات ريقها و شافت فيها ببراءة)اوففف ياك بصح هادشي ماتانحلمش؟!
ليعاتها ريم من فخاضها...
نور: اوف صافي صافي (كاتحك بلاصة القرصة و هي مخصرو وجهها)اححح قرصتك مسمومة

°• كانت نور لابسة كسوة فالغوز بااارد طويلة و فيها فتحة من الجنب واصلة تالركبة •°

*بداو تايسمعو الصداع ديال التسلام و داكشي*

نور(كاتمشي و تجي و هي تاتعض شفايفها و تاتطرطق صباعها):احححح كون غاتزوجنا و تهنينا!!!
ريم:(شافت فيها بعينين شبه مسدودين)هاي هاي هاي بغيتي ت...طننننننننن
نور(خرجات فيها عينيها):اويلي الله يمسخك! راه بغيت غير باش نتهنى فخطرة وحدة! (تحولو ملامحها لقلق) شوفي غالخطبة و شاداني فيها التبوريشة! اما نهار العرس نقدر نبول فحوايجي!
ريم(تفرشخات عليها بالضحك):ههههه كانتخيل...!
خنزرات فيها ريم بقلق: وارا ماكانظحكش المرض!

*تحل الباب*

غيتة: البنات تبعوني للكوزينة!
ربم: واخا اخالتي...
هرجو البنات تبعو غيتة و دخلو نيشان للكوزينة لي كانت مدرقة على الصالون..
صفية(هزات صينية و حطاتها فيد نور بدون سبق اندار):هاكي سيري حطيها فوق الطبلة و سلمي على ختي بالوجه و الدراري مدي ليهوم يديك عانداك تسلمي عليهوم بالحنك !
نور(خرجات عينيها):ا..ا..زربتو عليا!!!
غيتة(خرجات فيها عينيها):سيرييييي!!
صفية(مدات طبسيل دالحلوى لريم)و نتي حطي هادا! هاحنا مازال غانجيبو الشي لاخور(كرواصا..كيكة..الخ..)
تمو غاديات البنات باتجاه صالون...تشجعات نور و خدات شهيق طويييل و ثم زفير...و دخلات للصالون حانيا راسها بعدما حطات سندالتها فالباب..حسات بمشاعر غريبة...ماشي بحال اي نهار عادي..غاتحط فيه الصينية للضياف..!
هاظ النرة حسات بالمسؤولية..حسات بجميع الانظار عليها! وصلات و اخيرا للطبلة و اول مرة تاتحس بالمسافة بعيدة بين الباب و الطبلة!..حطات الصينية و هزات راسها فيهوم...عينيها ماجاو غير فاياد لي كان حاضيها و تايشوف فيها بابتسامة جانبية التي ان دلت على شيء فانها تدل على الحب و الاعجاب!..زاظو دقات قلبها فالنبض و خسات بحناكحا حمارو و داتها كلها سخنات...مدات يدها ليه...و استغرق ثانية باش حتى هو يمد يدو...و اهيرا مدها و تلامسو يديهوم...و تمررو عبر هاد المسة مجموعة من المشاعر الخام و الخالصة💕...هاد السلام ماخداش اكتر من تلاث ثواتي و لكن بالنبة ليهوم توقف الوقت....واخا كان سلام عادي مي فهاد الظروف كان فشكل!...بعدنا سلمات على عمر حتى هو باليد و سلمات على ام عمر...جلسات حدى هاد الاخيرة لي ماسكتاتش من الصلاة على النبي و شكر نور...و الشكر ماحبسش غير عند نور بل شكرات حتى مرت ولدها لي جلسات حداها من الجهة الاخرى...و بدات تاتبسم فوجه عمر...
كانت جالسة نور مرفوعة تااشوف فالارض و تاتأمل فالزواق لي فالزربية..حتى سمعات سميتها...

احمد:نور! بنتي واش موافقة؟ نور(خرجات غينيها فيه ببلاهة و اسنفهام كانها مافناتش اش قال لان ودنيها كانو مسدودين و ماستاطعاتش تسمع شنو لي تقال قبل من سؤال باها):علاياش؟؟ شافو كلهم فبعضهمو ضحكو على بلادتها و لي عتابرها اياد عفوية لانو ماكايشوفش فتصرفاتها العيوب قد ماكايشوف الايجابيات! نطق احمد بابتسامة عريضة و هو تايعاود يشرح ليها:لالة نادية و سي يونس طلبو يدك لاياد واش نتي موافقة؟! نور (بنفس البلاهة نطقات كانها جات من كوكب المريخ): كيفاش كايطلب يدي؟!! ياك عندو يدو!!واش غاتحيدوها ولا..م..نافه..متش بدات تاتتوتر شيئا فشيئا و هضرتها تاتنقص رويدا رويدا حتى سكتات...لانها شافت الجميع تايشوفو فيها بصدمة حسات بانها قالت شي حاجة ماشي تالتما!!!...و بدات تاترجع بذاكرتها للتتذكر ماذا قالت للتو بدون ان تفمر و لو لثانية خرجات ليها ديك لجملة بشكل استعباطي...اول حاجة طاحت فبالها كالتها....ملي تذكرات عرفات انها اكبر كيدارة فهمات لبلان و ان احمد قصد بانو باغي يخطبها و هنا تزنكات من جديد بعدما كان برد فيها داك تزناك اللول و بدات تالعن راسها فنفسها"كيدارة! حمارة! مكلخة! اتفوووووو ! وانااااري تانكوليهم انا ماشي ديال هادشي ديال الخطبة و التخربيق و لكن ماكايتيقوش!!! اوففف اوفف!" بعد لحظة الصمت لي عمت لثواني نطق احمد لتلطيف الجو.. احمد:(بضحكة مصطنعة)هاهاها دمها خفيف!! ضحكو كلهم ضحكات ديال التصنع لان الموقف كان محرج شوية😅 احمد: ههههه اياد بغاك تكوني ليه زوجة ابنتي طلبك للزواج! نور سرطات ريقها و حشمات تعلي راسها لانها حطات نفسها فموائف بايخاااااا!.. لاحظات ريم سكوت نور و لي تايدل على انها مركااااات و هي تنطق بتوتر لانو ماموالفاش ليها تتعاطى مع الكبار و تقول هاد العضرةيال الشارفين😂:السكوت من علامات الرضى😅😅 دور عمر راسو تايتأكد شكون قال هاد الجملة و لقاها نيت ريم كيما سمعو ودنيه ..كانت دايرة ابتسامة بليدة و تاتساين شي حد يوافقها الرأي و هو ينطق بابتسامة عريضة و هو تايشوف فيها: هههه داكشي لي بان ليا تانا! احمد: اذن نقراو الفاتحة!! تبسم اياد ابتسامة عرييييضة و عينو على نور لي سهات مجددا فالزواق لي فزربية و صباع رجليها تايطواو و يطلقو كدليل على التوتر و عدم الراحة.. كان باين عليها الحشمة و السر 😂....هز يدو و بدى تايقرى الفاتحة مع الباقين...و ختموها بالضحك و التزغريت و نور مرفووووعة!!!! *طن طن(الصونيط)* صفية:غاتكون غاختي سناء و رقية و صوفيا جاو! ناضت جاوبات فالانترفون وكانو فعلا هوما!...دخلو للدار بالصلاة و السلام و هوما هازين كاويات مغلفين ستاقبلاتهوم غيتة بعد ما شدات الكادوات و قالت "لاش عذبتو راسكوم ماكان لاش!" جاوباتها رقية بلباقة "لا لا اختي ماجاتش نجيو بيدينا خاويين!!"...دخلو جلسو فالصالون بعدما سلمو على الحاضرين...و منهوم نور لي كانت غير تاتمد راسها و تادورو يمين شمال(يعني تاتسلم) بلاما تعرف تاشكون تايبوسها كانت سااااااهي في اللا شيء!.... تعاشات العشية....و بعدما جمعو و تغداو...جابو العيالات صينيات و طباسل شكال انواع غلى قبل الكوتي (كاصكروط)...كانت نور باقا جالسةحانية راسها بلاصتها تحفرات لانها مانضتش منها ملي جلسات! حتى فالغداء ماملات وابو الا ندغات قليلة بسبب الالحاح!..

بقاو تايدويو فمواضيع مختلفة...
اياد:تانفكر نديرو الكاغيط و العرس فنهار واحد
احمد:اه اولدي حتى هاظي فكرة زوينة علاش لا...غير هو وقتاش غاديرو العرس
عمر:نشاء الله نديرو انا وياه مجموعين فنهار واحد 
احمد:و اللهيلا مزيان ..صافي تافقنا دبا 
صفية:البه يكنل عليكم بالخير اوليداتي
احمد:غير و هو دوك الفيديوات خاصكم تحبسوهم حيت دبا غاتزوجو 
هزات نور راسها بعدما سمعات الجملة الاخيرة ...و بدات تاتشوف فاياد اش غايقول...
اياد(دار شاف فنور بوجه خالي من التعابير و رجع شاف فباها:غانحاولو نبدلو الكونسبت دبالنا فالسوضل ميديا حيت دبا ولينا كوبل مشهور فالسوشل ميديا..!
نادية:و لكن اولدي اش بيديرو بابشهرة فيها غالعين
نور(ستجمعات شجاعتها و نطقات بتردد):بابا راه الرقص هو لي جامعنا مانقدروش نحبسو
احمد: (جمع خواجبو) لا ابنتي راك غاتجوجي من الاحسن تحبسو
نور:(بنفس الجرأة)ولكن رقصنا را مافيهش العيب!
قاطعها اياد و هو تايشوف فيها بجدية بحالا كال ليها انا غانتكلف: ديك الساعة غاتولي على دمتي و انا غانعرف شنو لي مزيان لينا و شنو لي لا!
احمد: اه اولدي عندك الصح فهادي ملي تولي مرتك ديرو لي بغيتو ..!!
بقاو تايدويو بحال هاكا فكلام حول الزواج و نور كانت حنات راسها و طلقات ودنيها حتى وصلات التمنية دالعشية و بدى يضلام الحال...نغزات ريم نور و لمحات ليها بعينيها باش يطلعو الفوق حيت ماتحركاتش من بلاصتها و اصلا الرجال تحولات هضرتهوم للخدمة و الهيالات مشاو للكوزينة كاملات بقات غير نور و ريم و صوفيا....ناضت ريم هي اللولة تبعاتها نور و عاد صوفيا غير فاتو الصالة و هوما يطلقو رجليهوم للريح و بداو تايجريو فالدروج...دخلو البيت و....
نور(خصرات و جهها و شدات مؤخرتها و بدات تاتمشي و تجي و هي محنية) : واااااا ميمتيييي ماي ass!!!!!! اححححح وا ضراتني تغمتي بالكلسة!!!
ريم(جالسة فوق الناموسية هي و صوفيا كايموتو عليها بالظحك):هههههه وا نااااااري طيرتييييني!!! ملي جلستي مانضتي!!! ههههه واااااع من الوحدة تال التمنية! راه بزاااااااف😣😂😂😂😂😂😂😂😂 و عاد مادويتي ماتكلمتي
صوفيا(تاتشير لتيليفون نور لي فوق الكوافوز و هي تاضحك):ويلي ويلي و تاتيليفون مخلياه هنا😂😂 تالهاد الدرجة هادشي كايتلف
دارت نور خنزرات فيهوم تخنزيرة خلاتهوم يقطعو الحس و يجمعو الضحكة..حبسات من المشي و المجي و تكوانسات تاتشوف بنفس التخنزيرة: كاتشفاو فيا الكيدارات تاوحدة فيكوم مانغزاتني و لا جبدات معايا الهضرة و حاشاتها ليا الله يمسخكوم خليتوني بوحدي و دبا تاضحكو!!!؟ ايوا الله يعطيني وجهكوم(تلات فوق الناموسية تاتهزات و تحطات و ناضو منها):و اجي حقا نتي(حولات نظرها لريم)مال مك ماكلتي ليا داك الشي صعيب تالهاد الدرجة؟!!!! اويليييي انا راه حسيت براسي بحالا فشي حبس
جمعات ريم الضحكة تاجمعاتها و تفرشخات بالظحك: هههه واااااااع طيرتيني اختي ملي سولوك واش موافقة راه بزااااف 
نور(خصرات وجهها و هي تاتشوف فتلسقف):و انا اش عرفني فهاد التخربيق ديال التقاليد و المرض(تلفتات للجهة الاخرى و عنقات واحاك المخدة حداها و سهات) غانتزوج باياد!!!(بدات تاتمرغ و تاتردد)غانتزوج باياد!!!! غانتزوج باياد!!!! (ناضت و بدات تاتمشي و تجي و هي مبتاسمة)غانتزوج ياياد!!
الينات: الله بهديك...!
جلسات حداهوم و بدات كاضحك.....

⏳بعد مرور شهر⌛

داز شهر بالزربة دازو فيه مواقف كتييييرة غاندكر اهمها ف#الفلاش_باك...فهاد الشهر علاقة نور و اياد تطورات و ديك الحشمة ولات شبه منعدمة ولاو بيست فريندز كتر من زوج مخطوبين تايتصرفو عادي مع بعضياتهوم تايضحكو و تايتسطاو..! 
اليوم ناضت نور كلها فرح و سعادة و كرشها تاتهرها كلما و قلبها كايتسارعو دقاتو كلما تذكرات يوم لبارح!..طرات حاجة ماكانتش كاتخيلها والا طيح ليها على بال ! اياد برهن على رومانسيتو و ذكائو بشكل ولا اروع بشكل خلاها طير فالسمى كتاااااار من لحظة الاعتراف بدرجات....! 

في جهة اخرى كان اياد متكي فنموسيتو و تايشوفىفالسقف و تايذكر البارح و تايتبسم كلما تفكر رد فعل نور و ضحكاتها و بكائها كانت لحظات لا تنسى!! و يوم غايبقى متورخ بالنسبة ليهوم...!...ضحك حتى بانو سنانو و ناض دخل للدوش و سد عليه....

في مكان اخر...
كانت ريم ناعسة فحضن راجلها كيما هاد الشهر كامل لي داز...فبعد اسبوع من خطوبة نور مشات امها و باها للبلجيكا باش تشوف صفية الدار و تشوف بلجيكا كيدايرا و واش تقدر تعيش تما اولا و من المفروض يجيو قبل العرس بخمسطاشر يوم... يعني بعد غدا...و ريم فهاظ الاثناء تحولات لدار عمر لي ساكن فيها هو و امو..و حتى هي علاقتها مع راجلها تطورات كتر و كتر خصوصا بعدما ولاو تاينعسو فبيت واحد...(مازال مادارو داكشي لي على بالكم) ولفات نور تنعس فحضنو ولا بحال الرضاعة هههه....ايلا مانعساتش فحضنو ماكايجيهاش النعاس!..
ريم هزات عينيها فعمر لي كان باقي مغمض عينيه و ناعس حال فمو...ناضت جلسات فوق الناموسية و و بدات تاتأنل فشكلو لي كان مظحك نوعا ما...!..ابتاسمات بخبث و هي تنوض تاتسلت حلات الماريو و هزات لاتروس ديال الميكاب و تفكرات دوك الفبديوات ديال الكوبلز ...ملي تادير البنت لراجلها الميكاب😂😂...فاللول خافت من رد فعلو و لكن الجانب الشرير لي فيها ماخلاهاش..! و بما ان نعاسو ثقيل فالياطة خدااااات راحتها...بدات ليه بالفونديشن...و عاد صاوبات ليه الكونتورين...و داكشي على حقو و طريقو....دارت ليه سموكي آيز ...و هادالشي كلو و هو باقي ناعس!.. كملات ليه الميكاب كلو و بقا ليها غير العكر ...طاحت فبالها فكرة! منها دير العكر منها تفيقو بطريقة رومانسية..! مشات خبات لاتروس ديال الماكياج و شدات العكر دارتو ففمها مزياااااااان و قادات فمها بحال كيف داير لفمو المحلول...و تحنات عليه و طبعات شفتيها فشفتيه و وركاات...هنا السي عمر حس بوجودها و شدها من عنقها و باسها ديال بصح صدمها فاللول و تخلعات و لكن نسااات راسها...!
طلق منها و بدى تايشوف وسط عينيها بعينين نايمين و مبتاسمين: شكون لي بحالي مراتي تاتفيقني بهاد الطريقة!!!...يا ربي يخليك ليا!(تكعد و تقاد فالناموسية و هو مازال تايشوف فيها حنا عينو ف فمها و لاحظ وجود العكر)مالكي على هاد العكر كامل!!! (حط يدو على شفتيه كايتلمس) هههه يمكن لسق ليا ففمي(نوى ينوض)غانوض نغسل وجهي و نحيدو!
خرجات ريم عينيها و حبساتو..!: عمر! صبر صبر بغيت نصورك!
عمر:(تبسم ابتسامة جانبية)خلي تانغسل وجهي و نتصورو
ريم(خنزرات):والاااا دابا عجبتيني هاكااا!!
ربع عمر يديه و شاف فيها: هاها صوري يالاه!!!

صوراتو و ناض بعدما تكسل لدوش وقف قدام لافابو و حل الروبيني بلامايشوف فالمراية...شوية قبل مايحط المى على وجهو هز راسو فالمراية و هنا تصدم و و خرج عينيه و دور وجهو عندها لقاها جامعا شافتيها و حابسة الضحكة...غير شافتو شاف فيها مشات تخبات ورى الخامية و قالت و عي كاضحك: ههههه ناري عانداك ضربني..!
عمر:(باقي علامات الصدمة على وجهو و باقي تايضوف فالمراية) ريم!!! اش هاد الشي!
ريم:(خرجات راسها من مور الخامية وهي مازال تاتفرنس)مامياج هاداك جاك كيوت!!!
جمع عمر حجبانو و تم غادي جهتها و هي تاتخبى غير قربو و هي زوز للجهة الاخرى و بدات تاتجري فالبيت و هو تابعها 😂
عمر(مخنزر و حابس الضحكة فنفس الوقت):اجي للهنى فين هاربا غانشدك! غانشدك!!!
مشات تاتجري دخلات للطوليط و يلاه بغات تسد و هو يحبس الباب برجليه و دخل وقف عليها مانت تاضحك بجهد ...شدها من دراعها و بدا تايتأمل فضحكتها العفوية و نسى كاع لاش كان كايتبعها!...سكتات ريم من الظحك ملي شافت تخنزيرتو تفردات و طول فيها الشوفة و عاوتاني قلبها بدى تايضرب..! و لكن دغيا ابتاسمات و هزات يدسها قرصات حناكو بغنج و خصرات وجهها بحال شي طفلة و بدات تادور راسو لليمين و الشمال..!
ريم: ويييينووووو هاظ راجلي شحال جا كيوووووت بالماكيااااج!!! غانبقى ديما نديرو ليك!!!
بلا مايحس تبسم ليها و ح يدو على خنكها هو الاخر: ونتي ديما كيوت بكل حالاتك حتى بهاد التشعكيكة
هزات ريم عينيها فالمراية لي كانت قدامها و هوما يبانو ليها الريزوات طالعين و دار تاعو شاف فالمرايا و هوما تفرشخو بزوج بالظحك...
ريم: ههههههه حيد حيد مت قدام الكراية لا تزعط فيك شي جنية عاشقة
عمر:😂😂😂 و الله تا مزوج بهبيلة حيدي حيدي خليني نغسل هاد الشوهة!!!(مشى جهة الروبيني)
ريم:الا لا كنتي غاتخصر كولشي و تجلخو و مايحيد غابزز راه خاصك ميكاب ريموفر..!
عمر(باستسلام):يالاه فكيها يا من وحلتيها ماتخليش فيا نقطة ميكاب!! راه غادي للخدمة!
ريم: ههههه واخا..!

⏳قبل ثلات ايام⌛

جالسة نور رفقة اياد فكافي و شادين فيدين بعضهم..!

نور: غدا غانصور داك البرنامج المباشر ههه ماعرفتش كيفاش غانتصرف و كيفاش غاندير اول مرة قدام الكاميرا على المباشر و شحاااال من واحد غايكون تايتفرج فيا!!
اياد: تصرفي بعفوية! العفوية لي تاتشوفي فيا دابا بيها دابا! و استاعدي لاي حاجة!
نور:كيفاش بحالاش؟!
اياد: نساي!.. يكفي تصرفي بعفوية..!
تبسمات ليه و زيرات على يديه
نور:كلشي بفضلك لهلا يحرمني منك و البه يخليك ليا ياااا ربي!!!
اياد(تنهد فوشاف الفوق بحالا تايدعي): ياا ربي وقتاش نعيش مع البنت تحت دار وحدة و نشوفو ولادنا تايجريو!
نور: ولادنا كاع😂
اياد: مالكي راه مابقى والو و نتزوجو عولي من الشهر اللول غاتحملي ليا!
نور(خرجات عنيها و هي تاضحك): الشهر اللول اويلي تا مالنا مولفين داكشي(شافت للجنب بحالا حشمات)خليني بعدا غاتانولف و زايدون ااشهر اللول خلينا فيه غا بحال المصاحبين😂 نعيشو داك التبرهيش تاع الكوبلز خلي داكشي لي تايدير الولاد تالمن بعد
تفرشخ عليها بالضحك: وااااع ههههههع اقسم بالله تا نتي بزاااف!!! اخسن حاجة وقعات فحياتي الهبيلة ديالي!!!ماعندك عقل!
نور(ضحكات و شافت فيه بغنج):ههه و الله تا كاين مرة مرة تايهرب ليه السينيال...و زايدون نتا لي تادوي عندك هادا(حطات صبعها على راسو)
اياد(و هو مبتاسم): راك على كانتي ماتهافيش بغيتي غا الهبال انا معاك فيه!!!
نور: عرفتي فاللول كنتي تاتجيني غاااامض و مامفهومش و شوية بشوية تاتزيد طلق كتر و كتر بحال العجينة!
اياد(ضحك من جديد): على لي معاك نتي بغيتيه يبقى مكنزز الا كنت انا العجينة نتي راه المدلك ابيب!!
نور: ههههههه و الله تا عالاااام!!!(خصرات وجهها بفرحة) احححح علبك و صافي
اياد: احح عليا؟!! سكتي لا نصدقو والدين نن دابا
طلعات نور و هبطات حاجبها و بدات تادور راسها يمين شمال

بعدما وجدات نور راسها على الصباح حيت البرنامج مع الحداش دالصباح!...لبسات ملابس لائقة و صاوبات شوية دالماكياج برفقة صديقتها لي باتت عندها و خرجات بعدما علمات واليديها لي دعاو معاها بالتوفيق...
خرجات هي و ريم لقاو اياد واقف باللوطو تايتسناهوم لتحت...
نور:(سلمات عليه بالوجه و بدات تاتقاد فالسمطة بتوتر)صباح الخير...اوفف متوترة (شافت فالساعة) العشرة!!! تعطلنا يالاه نوصلو..!
اياد: هههه غابشوية عليك ماتوتريش كلشي غايدوز بيخير و زايدون دغيا غانوصلو!
ريم: عااادي غادين غير يسولوك و جاوبيهوم!
خدات نفس عميق:غانحاول...!
خدم اياد الموسيقى باش تنقص شوية من داك التوتر و ديمارا...!
مسافة طريق(ربع ساعة)وصلو لمقر ديك القناة..! و نزلو من اللوطو و تاجهو للمكان فين غاتصور كانو كاميرات محطوطين و الاضاءة و داك التخربيق...بقات نور تادور فعينيها فكاع داك الشي اول مرة تاتشوف كواليس تصوير شي برنامج كانو بزاف دالناس غادين جايين و تايجريو!...قربات بنت جهتهوم..
البنت: نور شمسي؟!
نور:(تبسمات ليها بتوتر و هي كاتعلى كنوع من تخفيف التونر بالنسبة ليها)اه انا!
البنت: مرخبا بيك كنا تانساينوك!
مدات ليها حنكها باش تسلم عليها و هنا نور بقات ساكنة فبلاصتها واحاد التانيتين تانغزاتها ريم و هي تبادلها السلام...
تبسمات ريم بحرج: عدريها راها متوترة
البنت: ماتخافيش كلشي غايدوز مزيان و غاتفرحي بزاف
شافت فاياد و هي تاتبسم و هو الاخر بادلها الابتسامة...و طبعا نور لاحظات هادشي و خنزرات ..!

بعدا تحضيرات مكان التصوير ...و بعدما جهزو نور(لصقو ليها الميكرو)بقات عشر دقائق على بداية التصوير شد اياد فيدين نور و باسهوم و هو تايشوف فعينيها: ماتوتريش حافظي على هاد الابتسامة! و فينما تحسي برتسك توترتي تفكري كاع اللحظات الزوينة لي دوزنا و غاتبتاسمي! نور(حركات راسها بالايجاب و هي تاتشوف وسط عينيه بشوية الخوف) البنت: (موجهة كلامها لاياد)صافي اسيدي تقدر تمشي شوية و غانبداو! هرج اياد بعدما عاود قبل يديها و غير خرج لتاحق بعمر و ريم لي كانو برى....و مشاو يكملو خطتهوم..! المقدمة(تقادات فداك الكرسي ديالها و شدات دوك الوراق ديال الاسئلة): نور ماتوتري ما والو اسئلة عاديين و بغيت جوابك الصريح! نور:(تبسمات ليها بزز) اوك.. بعد دقائق... المخرج: واحاد زوج تلاتى اكسيون!! المقدمة: السلام عليكم متابعين برنامج مشاهير دوت كوم! اليوم و تحت طلبكم! جبنا وحدة من مشاهير السوشل ميديا...قدرات تكسب شعبية كبيرة فاخر شهريين..! فاللول تشهرات بوجه غير مكشوف و خلقات جدل كبيييير..! و من بعد ولينا تانشوفوها كذلك بوجه غير مكشوف و لكن هاد المرة مع شخص اخر من مشاهير السوشل ميديا! الى ان شفنا وجهها فوده مسرب من احد الحفلات باش تولي بعد هادوالفيديو تاضهر بوجه مكشوف!(دارت شافت فالكاميرة الاخرى بامر من المخرج لي كايكوي فودنها) الا قلت ليكم تشهرات عن طريق موهبتها فالرقص!! و بالظبط الفري ستايل !! كاتشطح بحال الروبو!!! طبعا عرفتوني علامن تاندوي ...!(شافت فنور ليكانت جالسة بلباقة فوق الكرسي و تاتشوف فيها بثقة و ابتسامة لي وصاها اياد تبقى عليها! )لكيد تانهضر على نور شمسي!!...نور مرحبا بيك مرة اخرى فبرنامجنا! 

نور(بنفس الابتسامة الواثقة لي مخبية بزاف د مشاعر التوتر وراها):شكرا ليكم نتوما على الاستضافة! النقدمة:(بابتسامة و هي تاتشوف فدوك الوراق): اذن كيما تانعرفو اسمك نور الشمسي! بزاف تايقولو ان هادا اسم شهرة ماشي اسمك الحقيقي شنو تاتقولي فهاد الموضوع! نور(بنفس الابتسلمة لي زادت وساعت شوية): هادا اسني الحقيقي (ضحكات )الا بغاو نوريهم لاكارط ناسيونال ديالي مرحبا هههه المقدمة: ههعهه لا لا ماكاين علاش! حنا تايقين فيك! و اسمك عطاك واحاد التميز خاص.... ماشاء الله تشهرتي بموهبتك الخارقة فالرقص!!من امتى و نتي عندك هاد الموهبة! نور: (هزات عينيها الفوق بعفوية كاتفكر)اممم نقدر نقول ليك على سن عشر سنين كنت تانشوف دوك لي غوبو و كانجرب نتحرك بحالهوم..! فاللول كنت غاكانخربق و تانحس براسي سيي حااااجة!!! تالنهار لي اكتاشفت من خلال الانترنت ان هادا نوع من انواع الرقص و لي هو الفري ستايل(كادوي و تاتحرك يديها)من داك النهار و انا تانشوف الفيديوات و كانحاول ندير بحالهوم بقيت بشوية بشوية كل مرة تانتعلم حركة بمجهودي الخاص!..و مع تقدم التكنولوجيا وليت تانشوف تيطوريالز (tutorials) فيوتيوب و تانحاول ندير بحالهوم و تانتعلم بشوية بشوية و عام على عام تانزيد نتعلم حركات كتر..! و وليت كانألف رقصات غير بوحدي بلاما نقلهوم من عند شي يوتيوبر و الاج دو سايز اون حسيت بموهبتي تطورات و نقر نقول اني وليت شوييية محترفة! المقدمة: مما لا شك فيه انك وليتي محترفة ماتحتاجيش تفكري فيها!..واش عمرك تعلمتي فشي مدرسة ديال الرقص؟! نور:لا (ابتاسمات بخجل)حيت بابا ماكانش تايخليني! قاطعاتها المقدمة بتساؤل: يعني كان الرفض ديال الواليدين نور: وي شوية كنت تاندرب بالتخبية...بعد المرات تانشارك فشي انشطة فالمدرسة بلا مانقوها ليه(شافت فالكاميرا)بابا سمح ليا!! هههه■■ {(كان احمد جالس هو و غيتة و نهال تايتفرجو و تايضحكو)}■■ المقدمة: و كيفاش كانت رد فعل الواليد ديالك ملي شاف الفيظيو ديالك فالانترنت! 

نور(خرجات عينيها حيت باها مازال ماعارفش بالفيديو😂😂):احم..! اممم على ذكر الفيديو!..الفيديو مشى بالغلط يعني ماشي انا لي حطيتو...كان عنظي انا و صاحبتي المقربة ريم..! و هاد الاخيرة سيفطاتو بنية صاااافية فواحاد الكروب ديال البنات بوجه غير مكشوف كيما قلتي فاللول! و من هنا بدات الشهرة ديالي و تعرفت على اياد عن طريق الصدفة...و btw(بالمناسبة)كنت بيg فان ديالو!...هنا بدات مسيرتنا!...و بابا ملي عرف بانني تاترقص مع ايادوافق على موضوع الرقص...لان اياد بالاضافة لمواهبو هو رجل اعمال و شائت الاقدار انه بخدم مع بابا! المقدمة:على ذكر اياد! مبروك خطوبتكم! سمعنا انكم غشتو قصة حب زوينة...عاودي لينا على قصتكم شوية! نور : فاللول كنا مجرد اصدقاء تلاقينا فبزااااف دالمواقف! من جهة كان صاحب و شريك راجل صاحبتي..! و من جهة اخرى كان شريكي فالرقص و من جهة اخرى كان خدام مع بابا..! حسينا ان القدر كان غايجمعنا غايجمعنا!...اكتاشفنا بزاف دالنقط المشتركة بيناتنا مواهبنا تايتشابهو! اهدافنا متقاربة...و بزاف دالحوايج!...بشوية بشوية بدينا تانبغيو بعضنا! و عتارف ليا فيوم زواج اصدقائنا و هنا بدات قصتنا لي واجهوها شوية العراقيل مي تخيناهوم! المقدمة: واش عند داك الفيديو لي نتاشر مؤهرا فالسوشل ميظيا علاقة؟! ملي دابزتي مع ديك البنت لي وبخها اياد! نور(باتسامة عريضة): تانفضل ماندويش على هاظالشي و نعطي للموضوع اكبر من حجمو! لانو مايستاهلش!! المقدمة: (شافت فوراقها و ابتاسسمات)قداش كاتبغي اياد كمال؟! نور:(تفاجئات من سؤالها الغريب و ترددات فالجواب فالاخير ابتاسمات ابتسامة جانبية و جاوبات حانية راسها)اياد كانعتابرو صديق و اخ و اب و كلشي اكثر انسان تايفهمني بعد صديقتي ريم لي الله يخليها ليا(ابتاسمات ريم بتأثر خلف الكواليس)...و اكثر شخص تانرتاح معاه...مانقدرش نجاوبك على سؤالك لانو ماكاينش حدود لحبي ليه... *ساطة تعمقااااات و نسااااات بلي الاب ديالها تااايتفرج فيها طيرااات البلاكة و نسات مصطلح الحشمة* المقدمة(ابتسمات ابتسامة اعرض):الا قلنا ليك قولي ليه رسالة عبر برنامجنا؟! نور: الله يخليك ليا و الله يجعلنا نحققو كل امنيتنا و اي حاجة تانحلمو نديروعا بزوج!...تانبغي نقوليه اياد كمال !! نور الشمسي و ي كاتسنيها نتا نور قلبي! كتبغيك! هنا تعالاو تصفيقات من حيث لا تدري و دورات راسها تشف فين كانت تاتشوف المقدمة...و كانت الصدمة! 

كان اياد واقف بكل وسامة بكوستيمو الاسود و ابتسامتو الخلابة...و كان واقف حداه روبوت...و موراهوم واقفين عمر و ريم كايضحكو و فرحانين..كانت صدمة نور لا توصف و كان وجهها لا يوحي الا لهاد الصدمة...!
تحرك الروبو و اياد و وقفو قدامها...و طلقات اغنية )marry you -bruno mars(
و هنا بدى الروبوت تايشطح و اياد تايدير بحالو فاي حركة دارها..! كان كلشي منباهر بهاد اللوحة لي قدمها اياد...! و نور غير كاتشوف و غير كلمات الاغنية لمحو ليها شنو كايدير اياد!..حسات بعينيها غرغرو و يديها بداو تايترعدو ولبهابدى تايرقص رقصاتو المشهورة!! بقى اياد تايرقض بكل احترافية مع حركات الروبوت..! قربات الاعنية تسالي و هنا تحناو بزوج على ركابيهوم (الروبو و اياد) و هو يخشي اياد يدو فجيبو و غوبش(هادشي و الاغنية باقا خدامة...)و بداو يدو تايقلبو فجيابو الاخرين و هنا كان الروبوت جبد شي حاجة و مدعا لاياد اياد شد من عندو الشيء لي كان عبارة عن بواطة حمراء على شكل قلب ..!كبيرة شوية (يعني ماشي بواطة عادية ديال الخاتم)..شاف اياد بابتسامة فنور و رجع خنزر فالروبوت هنا ناض الروبوت و تاجه بحركاتو البطيئة جهة ريم و عمر...
رجع اياد شاف بابتسامة عريييضة فنور...هاد الاخيرة لي كانت متأثرة وهاد الشي واضح على وجهها البريء...
حط ليها البواطة فيديها...لي كانو كايترعدو شداتها من عندو و هنا طاحت دمعة فرحة من عينها...
اياد:(و هو باقي على نفس الوضعية)حلي البواطة و قراي لي فيها بجهد!
شافت وسط عينيه بتأثر كبير و حلاك البواطة و هنا لقات وسط منها بواطة اصغر منها بشوية..و فوق هاد الاخيرة كانت ورقة!..هزاتها بيدين مرتعشتين و قرباتها لعينيها باش تقراها و لكن ما بان ليها غير الضباب حيت عينيها كانو حابسين الدموع...لذلك رمشات وهنا طاحو زوج دمعات بحال الحجرات و هنا وضاحت ليها الكتبة...نطقات بصوت كالهمس لكن مع المايكرفون تسمع مجهد...
نور(بصوت مرتعش):ل..انك ج..ميلة الوجه و الق..لب!(هزات عينيها فيه لقاتو تايشوف فيها بابتسامتو العريضة لتاتبين اسنانو البيضاء و المتراصة!...و عينيه لكايوحيو للفرحة و الحب....حسات بقلبها غايخرج من بلاصتو و كرشها بحالا كاطير وسط منها شي حاجة بالفرحة)....
حلات نور البواطة الاخرى و نفس الشيء لقات وسط منها بواطة اخرى و فوق منها ورقة...

يتبع فالجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.