هنية:(شادا راسها)الله ياربي الله ليل و لين نصد لين عااااار ربي لمسكتو انا لطرطرت غ سكتو واش مجكومش جوع.
ربيعة و العربي:(بجوج و بحماس)فينا فينا
هنية: يالله زيدو نشوفو شيواحد إعونا
~~~~~~~~~~~~~✈✈
الوجهة بانكوك داخل حانة من حاناتو المشهورة كتسمع صوت موسيقة قديمة و عريقة كتعزفها الفرقة توراتية ...كتمايل على انغامها بنت رقيقة بزيها تقليدي ومكياجها تقليدي المعروف عندهم ..فوق منصة زوجاجية و لا نقولو قفص زوجاجي وسط منو منضر مرعب راجل مصارع مع كلاب جيعانة كول صرخة طلقا كتعلى معاه الموسيقة .
حاضيها بعينيه الشبه غابرين بحكم شينوي مراضيش على رقصها فنفس الوقت مستمتع بالمنضر لداخل القفص هوسو تغديب وحوبو التورات.
سالا العزف مع صوت الراجل لتقطع مات و كلاب كتنهش لحمو ...طلق إيدو على كرسيه الملكي إيد فيها كأس من شراب و تانية سيكار متبع رقيصة بعينيه كصقر اوما ليها تجيه.
خطوات قصار ومشية مزروبة على صبيعات رجليها وصلت حداه و جلست على ركبيها إحتراما ليه أو خوفا منو.
بتاسم بخبت كاشف على سنانو لمن ذهاب و نيابو لمن نقرة .
الحوار باللغتهم .
.....:(همس بصوت كفحيح الافاعي)ممم قربي
زات قربت وقلبها من الخلعة قرب إسكت خانوها دموعها...هز راسها بطراف صباعو خصر سيفتو فاش شاف دموعها.
اومات براسها بمعنى اه عاضا على شفايفها لكيرجفو..سل ادو الحزامها المعقود على خصرها جارها منو مقربها ليه كتر حلو وتحل معاه زيها تقليدي بدا كيهبطو شوية بشوية معري على كتافها وهيا صوتها مقطوع و دموعها شلال شعندها مدير موتها هذي .
رجالو حاضينها بشهوة و الخدمات بحصرة وقلة حيلا ماشي اللولة و لا تانية هذي ولفوها .
اشار بدو الرجالو احلو القفص ونقوه المشهد تاني رماها بنضرات شيطانية جسمها عاري بالكامل وشهوتو ليها من نوع خاص طلع ادو الشعرها محيد العواد باش كانت جمعاه على شكل سفنجة كبيرة تطلق على طولو ساترها رجع جمعو بيد وحدا ..مدلو واحد من رجال مقص قطع بيه سالف .
كولشي بدا كيضحك و هيا مسكينة موتها بين عنيها وصلات القفص وتبعوها رجالو كولها شاد فيدو كلب جيعان عاشيق الحم البشار طلقوهم بربعة عليها و تسد القفص وبدات الموسيقة مع غواتها و رغيبها كيتزاد حتى طلعت الروح مع اخير قضمة الكلب لجبد قلبها .
يانغ يان او تنين الاحمر ملقب بالبوص حاكم عصابت تنانين لمعروفة فبانكوك أسوء و اخبت راجل هوسو الدم و تعذيب بطريقة بشيعة لا رحمة لا شفقة عندو 40 عام طويل و عريض رسو قرع مخلي واحد القنت فيه ضفرة طويلة واشم جسمو برسم التنين الاحمر و جميع رجالو بنفس الوشم مأخرا قرر إوسع نشاطاتو لكانت محصورا فالقتل و تيجارة البشر ودبا زاد التهريب و لكين العملية الولى ليه خسرت بسباب هنية و لديها لجااياا نوبتها من بعد واخا دايرا ملاك لسمعتها سابقها هيا و عائليها دراع ضروري من الانتقام خلاليها ريسالة مع هارون و قيس باش توتر و تخاف على عائلتها من الخطر لمشكلاه هنية ومنها اشتت نتباها على عمليت اليوم .
شيشاا او القطة سوداء إدو ليمنا هوا مكيخرج من حفرتو حيت الموت كتسناه فأي بلاصة اعدائو كتار ملهم عدد دكشي علاش معضم نشاطاتو الخارجية كتكلف بيهم شيشاا و صيااو اصلهم من بانكوك خواتات توام ذكائهم محدود و لكين مهاراتهم القتالية عالية و عالية.
~~~~~~~~~~
نرجعو الهنية و لديها لتحركو من بلاصتهم غير غاديان بين زناقي الراقية فيلا حدا ختها رجليهم طابو و جوع هلكهم شدت ربيعة الارض.
ربيعة: صافي صافي انا عيات
هنية: وغانوضي اما را مبقا والو (كضور فراسها) ضلام هنا .
العربي:(تجبد حدا مرتو) لا لا ابنتي جهد باش نزيدو مبقاا والو (شد ركابيه)تحشو تحشو أوف.
ربيعة: سكتو سكتو هذا صوت شيخة تسونامي سمعي سمعي زيدو زيدو ...جرتهم تابعين صوت حتى وقفو حدا واحد الفيلا كبيرة قدامها مسطوكي بالطونوبيلات انواع و اشكال .
هنية:😒لا عبيدات رماا لا شيخة تسونامي هاذي غ غنا الغربي ديالهم شميكيرا و لا شكيرا معرفت سميتها هيا لتغني ورتهالي توبة البارح فجاجة .
العربي: و ياا الهبيلة كشتي الشعبي عندهم هكااا داير سوليني انا لنعرفهم .
هنية :فين كتعرفهم اباا؟؛
العربي:(قندش) 😤ونتي سوقك شتك من صباح و نتي تقابحي معنا بغيتي دخلي دخلي مبغتيش شدي الارض تنجيبوليك حقك فخبييز.
ربيعة: (حتى هيا كتخاصم) 😤ايه عندو صح ضسرتي و ليتي باغا تحكمي فينا حنى لولدينك لا ضربينا نتي حسن (جرت رجلها)زيد نتا .
هنية (كترمش زربو عليها مشاو و خلاوها) 😮والله حتى دخلو اححح مساكن جوع جوع (كتعيط تبعتهم) و تسناو تسناو.
وقفو قدام باب جردة الكبير دار جات الوسط بابها مسدود و كاينين جوج طرقان كيدو الجردة منين جايا الموسيقى المجهدة.
ربيعة : 😬ايه ايه الوقت سااابت (كطل على البنت لمعها وجها صفر)نتي في عار الله غ انا غ انا خالتك ربيعة اليوم نربي ولديكم.
هنية:(كتجر فمها) خليهم لربي العلامين اما الله اهديك.
ربيعة:(شداتهم بجوج من شعرهم) 😬ابدا ابدا لعصة القوم اللوط.
البنات (بالغوات)هااي اليو كريزي (واش نتي مسطية).
ربيعة:(كتدي راسهم و تجيبو)غاا شوري شوري نكرز على باباكم هذا غالفتوح.
طلقت من شعرهم لبنات كتوجعو عن بالهم تفكو ولكين مع من حيدت صباطها و هوما غير معجبين فيها ..اشمناك ياقريص اشمناك ياعضان كلست عليهم بجوج هنية عيات متجر و تجر تفك محيدتها غ بزز هربو البنات و ربيعة مزال مطفات دارت الهنية مكشكشة وجها حمر بالعصاب.
ربيعة:😬اش درتي دبا هاا
هنية:(خافت) م م مدرت والو اميمتي
ربيعة:(قبل متهرب شداتها درتها تحتها) وليتي تفكي ياك و هااا( طلعت معها فقرصة بين الفخاض) لفك صوبيصات هاااا لجبد مووو.
هنية:(كتحك بهسترياا) وااااع و ميمتك ميمتك والله منعود منعود😭.
ربيعة: (ناضت من فوقها) لا غ عودي لمشويتك (طلعت رسها كتقلب على بنات بنولها كيحاولو اهربو جراهم تقيل شراب و ميدير بالغوات) واااا فين حدكم فين ...
جمعت الوقفة تبعهم بجرا مخليا هنية تكمد قرصتها .
جايا قبلتهم كي العجاجة خافو و هربو سلكين بعضامهم .
~~~~~~~~~~~~~~
نرجعو العربي لبقا تابع داك سكرن وصل وحبس مصدوم و تالف اش هذا معرف ازيد و لا إرجع .
هالصابغ شعرو بالحمر نص فيه هالواشم هالداير طانكة فنيفي و شي فمو وحدا كرشو شعب كولشي عاري مكاين غ دوبياس و شورطات لبسين و الحالة .
العربي:🙈اسغفر الله استغفر الله و توما فين مالين العرس (كضور فراسو)المنكر المنكر ..تحطت عليه اد من اللور دار اشوف حل فمو 😮.
كانت بنت بدوبياس فالحمر شعرها زعر ومرا مرا تحك نيفها بينا كتعاط...قربت جيهتو فبالها فكرة شيطانية باش ازيدو نشاط شداتو من الكول وهوا مسكين غ كيشوف شهاد العجب.
بنت:😈هااي بب
العربي:😮تحط العشاء و فين رجال
اودي شكون فهمك مكلفت راسها حتى تعرفك شكون وشكدير هنا جرتو جيهت صحابها و الروبلة شفوها و شافو المخلوق الغريب لمعاها كولشي سكت معجبين فيه..اشارت الشي بنات معاها اخويو حلبة المصارعة
كانت على شكل بسين كبير من البلاستيك عامر بتوت البري مطحون .
وقفو قدامو العربي كيشوف شهاد العجب عند بالو الباربة مطحونة .
العربي:(حيد اديها بشوية) 😕الباربة لا لا ابنتي كديرلي سريسرة جبيلي غ خبييز و بلول فاش نغمس لتعشيتو .
كل ما تقدمت جيهتو بعااد خطوة بخطوة حتى تعكل و طاح وسط حلبة المصارعة بمجرد مطاح حماوها الغوات و ضحك خلعوه عاد غتبدا القصارة .
حوايجو عمرو كولو تطلا حمر ميجي اوفق تيعود اطيح تمدتلو اد شد فيها هز راسو كانت نفس البنت مع تلاتة من صحبتها داخلين معاه ضوروه بنتهم وبقاو لعبين بيه .
العربي:(مسكين داخ و بدا إعيط على لفكو) واااا هنية وااااع ربيعة وااا عباد الله طلقو طلقو ياعديان الله وااا...
هذ المرا مع الحلا دفمو شربوه بزز شراب مذاقو مررر و حااار قطع فيه نفس و كوانساه زادوه تاني و تالت طلعتو تبويقا و سكر فالبلاصة الموسيقى جاتو بحال شيخات بدا بالغناء و شطيح محيح .
حركات غراب و جداد كولشي بدا كيقلدو ناشطين معه تحت انغام صوتو لسلبك وصمك ودنيك مكاين غير
وامك امك ضرب شيشاة و صبح منك شوية قبها عيساوا اراك الجدبة و صحاب الحال 😂
العربي:(كيجدب) واااااااااشد شد وااا الحفيظ الله.
وقفت اللوط من نوع رونج كحلة قدام الڤيلا لفيها الحفلة..نزلت منها بنت بلبسها الجلدي سروال كحل لاصق و جيلي فنفس اللون بلا كمام هازا شنطة صغيرة باللون الفضي فديها ،عليها وشم تنين الاحمر بحالو فعنق شيشاا و رجال لمعاها .
تقدمت سبقاهم بخطوات تابتة و نضرات تاقبة من عينيها شبه غبرين اشرت ليهم بديها كول جوج امشو من جيهة كانو ربعة اشمو ياك مكاين ريحت البوليس.
سرسرت جوج مرات واخا الموسيقى مجهدة تسمع و تحل الباب..طلعت شوفة فيها و سبقتها كانت خدامة فمقتبل العمر بجيب قصيرة نواغ و قميجة بيضة شعر صفر مجموع شفنجة .
رافقتها الصالة فاش كاينين رجال بنفس زي رسمي لرجالها غير فيدهم وشام العقرب و نفسو على شنطة صغيرة لونها رمادي لكان هاز واحد منهم ...
تقدم جيهتها و تم تبادل شوانط بينتهم كلها حل ديالو ..هيا سلمتو حبوب مهلوسة و مخدير شيرا الخطير بالمقابيل هوا عطاها سباط موكاسة لونو زرق غامق شوية عالي .
تاكدت منو وزناتو فميزان خاص جابو واحد من رجالها سدت شانطة و بتسمت ،تصافحو ...تاكد بدورو من سلعتو هزها برفقة رجالو و زاد خارج من باب لدخلها هيا .
مدليها واحد من رجالها تيلي دوزت الخط و تسنات
شيشاا: 😈تمت العملية بنجاح بوص...سمعها ضحكتو العاجيبة و قطع هزت شنطتها وزادت خارجة هذ المرة من باب زوجاجي لكيدي الجردة .
~~~~~~~~~~~~
زدااااااف هذا كان صوت كوؤس النبيد لكانت على شكل هرم كبير بحجرة وحدا من ربيعة تشت و رجع فرتات عمل ايام محاتو فجزء من تانية ...و تبعوها شلا مصايب هاا لرماتو فالبسين هاا هرست عليه ديكور و هاا لفلقتو بصباطها .
مصعورة كلمة قليلة فحقها المنكر و العجب لمعمرها شفتو عماها و كفرها و بالها فكرة وحدة تربي زمر كامل
ربيعة:(هازا الحجر) وااااا بقااا البابكم غ العرااا و تقزاااب حتى من ضو زرعتوه فالارض (البولات لكيلسقو فالارض 😂) هااااكاااواا حكلووو ميوصلنا الدوار (عار ربي جاب مريكان الدوارهم🙈)
هنية :(كطل عليها من ورا واحد الكرسي )واا ميمتي اهديك الله اش درت انا اشدرت تا شركتيني معاهم...رمات كلامها و رجعت تخبات من الحجرة لتصيفطات قصدها حفضها الله جات فالحيط .
ربيعة: 😬و زيدي بيني قمقومك المرا جايا نطير البوك الرس كون كنتي تشدي مكافشك كااع ميهربو المنتوفات(طاح فبالها العربي و بدات تعيط)واااااا العربي واااااا العربي فينك يااا وااا العربي.
سيد جايب الكاو لمعاه هربو شي تحت طبلة و شي بين شجر و شي كاتم نفسو وسط الما.
موقف غاا بزز كيشوفها قدامو على جوج و هيا مشافتو مع كولو مطلي وبينتهم اميال قليلة .
العربي:(بصوت تقيل كيشالي بيدو) وهاااا ناااا
ربيعة:(شافتو ضربت فخاضها) و هيااا ناري تاا باش طلاوك.
العربي:(داير فيها واعر) و تي سوقك سوقك مكاينة شي طلية كدك سيري انا مسمحت الباك را عيني فختك زينة شهباا ..ملسقك فيا يا تريكة العوجة اتفوو.
ربيعة:(كتقلب فجنبها على حجرة لقاتها) 😤دبا انا تريكة عوجة شد المك ... شيرت بيها حفضو الله حناا راسو وعاود هزو.
العربي:(كيشطح و غني قاليليها سم)واااا ربيعة و المرضية و تي جمعي مكافشك عليا .
ربيعة:😬 بلاتي اشيباا العاصية بلاتي ...مشات كتقلب على باش ضربو جات عنيها على سطيلة ديال الحديد فوق طبلة عامرة تلج خواتها ورجعت ليه.
حكمتها من اديها ديال حديد و بدات ضور فيها بحال لكتالعب الحبل مرا جوج تالتة طلقتها نيشان صاروخ العربي 😨لطاح فالبسين قبل متوصلو .
خارجا مخسرا صيفتها فروينة لقداهما كولشي مقلوب ...عند بالها البرهاش مطايفين بينتهم من زهرها العوج نزلت ضربة من سما على راسها جابتها على نصها رجليها السما ومطيرا شانطة صغيرة البعيييد.
ربيعة:(كطوي كمامها )😈غ شي قريصات و شي نتيفات نبرد بيهم الهوايش و ترباو نتوما اش كلتو هاا را تربية زييينااا باش لتعودو تعراو .
شفوها قربت تشتو هاربين من جلادهم و حامينها الغوات برفقة دراري لبانو حتى هوما كولشي جمعتو ربيعة لكتسارا فجردة نافخة صدرها و جامعا كمامها و شوفة عندها سلامة يارب ...عكلاتها شي حاجة و طاحت .
ربيعة:(مكاليا بديها شوية مجات على فمها) ااااي اربي دارت تشوف شعكلها لقتها شانطة صغيرة ...جمعت الوقفة وهزت شانطة بركلة حتى رضها الحيط تحلت و بان صباط.
عند شيشاا لتجلات ليها القبلة مع روينة و صداع و زيد عليها دقة لكلات مسندا مع الحيط كتمشاا بزز جات عنها على ربيعة لكتسركل و بينا عجبها الحال توقف شوية تشوف فسبطها و تزيد تكمل .
فالاول ستغربات من تصروفاتها و لكين غير شافتها اش دايرا فرجليها خرجو عنيها و مشات طايرا جيهتها
شيشاا: 😬هاااي نتي
ربيعة:😕(كتشوف فجنابها واش معاها و معا غيرها)
طرت شيشاا على رجليها فنيتها تحيد صباط و ربيعة معافرة معاها نصلتو و بتسمت بنصر عندبالها دارت مزياا.
ربيعةوقفت بشوية عليها حاضيها بشوفات معناهم باين من وراها شي قتلة ديال الكلاب.
شيشاا طلعت فيها شوفة و دفعتها مرة تانية ورجعت تقلب صباط ياك متحل من شي قنت .
تانية مرا جمعت الوقفت و هذا المرا لا سلام لا كلام طفات البولة لشاعلا فراسها.
خرج راسو من وسط الما 👀👀 كيطل ياك مكاينا باش اخرج ..تاكد و خرج كلس على عتبت البسين ورجليه مزال فيه شاد راسو لعطيه صداع ..عند بالو الما هايج و ماجوو عالية.
العربي:وا الواحد هو لصيد (هز راسو فسما ظلام) الجو زين نوض نجيب الكصبة.
قلب حتى عياا والو فالخر هز عصة ديال البيار القها طيحاا عقد فيها زيف صغير جر كورسي تقابل مع البسين ورما سنارتو😂إصيد .
العربي: هااا و دباا مزيان الواحد هوا لصيد مزال مصبت شتاا.
جايا كتقلب على باها اما مها ساهل حالها ..حتى كتشوفو كالس على كورسي وشاد عصة وعايش دور .
العربي:(قندش حط عصاتو و ناض ليها) تي شخص بوك شخصك من صباح و تي طيري فوق راسي سيري لنصمكك (شافها هربت و رجع كلس) شارب لواه واكل ياااخ متهنات المتعوسة تا هربت الحوت.
~~~~~~~~~~~~
هربت منو مر مر دور تشوف ياك متبعها رجعت تقلب على مها تعونها عليه اتحركو من هنا شوية سمعت غواتها مشات كتجري.
هنية:😵😲ق ق ق ق ق قتلتيها .
كانت ربيعة دايرا تحتها شيشاا لغيبت من كترت العصة ربيعة:(وقفت لبست صباطها) بالعمى يابنتي غ سلمت عليها 😠شفتي نتي شي حاجة هاا.
1 2 3 4 و جوج مزال فطريق سيارات شرطة حاصرو الڤيلا شدو كولشي لفيها من بعد معلمتهم الخدامة بالروينة لنايضة و بلي تهجمو عليهم شي ناس فاش تم تفتيش القاو حبوب مهلوسة و الكوكيان لممنوع .
هزو شيشاا لمغيبة رجالها هاربو وهنية و ربيعة درولهم المينوط ربيعة كما العادة ضربت طم و هنية شاغل بالها هذ الحريرة كيفاش غيخرجو منها .
جات نوبت العربي لحلف لناض لهم سكر و جعر و من الكرسي متفرق عصاتو فيدو .
العربي: 😬ااااا و الله لانت لكوم توما بعدو نصيد (هزو بكرسيه) واااااا حطووو تحميتو كتحماوو يالهود جوني را جوج بجوج وااا هنية وااافينك اهنية عادو إهزو بوك
هنية لدخلوها اللوطو هيا و مها لمحتو مهزوز مخرجينو خرجت رسها من شرجم .
هنية:بااا و باااا لا تخاف شاااي و بااا
العربي:(خاف تفكر اخير مرا ليه فالمركز دار إدو مغطي حنوكو )واااااع و الله لمشيت و هنية تعالي فكي بوك .
هنية قلبها تهز عليه عيات تعافر توصلو والو حكمها البوليسي ممخليهاش تخرج و مها حامياها البكاا.
هاهوما تشدو تاني شغديرو ....بمشقت الانفاس هدنت باها لكون مسكت كان غيصعقو واحد من البوليس بالضوء حيت خرج عن سيطرة و فهذ الحالة العنف مطلوب.
~~~~~~~~~~~~~
🌞🌞طلع الصباح على عائلة الادريسي صدمة و الخلعة و زيد الخوف على الحالة للقاو فيها الكارد وقيس و حتى هارون مسلك منها و بلا منساو إختفاء هنية ولديها.
تسجيل كاميرات المراقبة قبلتها و تيلي فيدها كارزا عليه من كترت التوتور فبالها مئة سوؤال علاش خرجو و فين مشااو واش حياان و لا ماتوو ياك متكرفس عليهم شي واحد لا حنين لا رحيم فبلاد الغربة .
عدنان:(ضمها الصدرو) شووو صافي دبا إبانو غير تهدني .
وصلت نوبتو دوات الممرضة جرحة صغيرة لورا راسو ...غباشتو معقود كما العادة منكرش بلي كان قاسي عليها البارح هاهيا خرجات دبا كتبقا بنت ومع ولديها مراض شنو دنبها لربي بتلاها فيهم .
هز عينو فيهم كولشي على وجهو نضرت حزن مو و توبة لشفتو ودورت وجها متجاهلاه حاس بنظراتها محملينو ذنب خروجها .
هارون:(سول ملاك لشافت ندم فوجهو)سولتي فالمركز؟
توبة:(بحزن)لا سيفط الكارد اقلبو فناواحي عليها امكان تكون مبعداتش بزااف .
قيس:(شاد راسو يالله دواه جاتو ضربة فجبينو) من احسن تاصلي و تشوفي .
هارون:(وقف) انا عندي فكرة حسن يالله تبعوني بجوج
ملاك :الفين ؟!
هارون:(خارج)المركز مغديش نبقاو شدين ادينا
توبة:(بفرحة تبعتو كتجري)حتى انا حتى انا نقلب معاكم .
هارون:(بتاسم الهبالها و خشاها تحت دراعو اللوجها المركز)....ركبو بجوج و زادو تبعتو ملاك و قيس فاللوط مع بعض.
~~~~~~~~~~~~~~~
فغرفة مساج راقية و تقليدية كتسمع موسيقى هاديا ...طالق دراعو على سرير الخشبي مغطي نصو بفوطة وختصاصية تدليك دايرا خدمتها ...شوية تحل الباب و دخل راجل من رجالو كولو مرعود تيلي فيدو طلب الاذن سمع مممم تقدم جيهتو و حط تيلي على ودنو لبمجرد مسمع خبر إختفاء صباط ناض جاعر
بوص:ااااااااااااااع شيشاااااا غنقتلك.......سب و شتم ولمعاه فنفس شومبر مسلكو من بطتو خرجو واحد مورا واحد معطوبين .
بوص:(بالغوات) صياااااو
سمعت سميتها جات كتجري الخلعة شدها جليت على ركبيها قدامو..كانت بنت نوسخة طبق الاصل على شيشاا.
امرها شد اول طيارة النيويورك تقلب على ختها و جيبو صباط و لا متهم محتوم.
من بعد ساعات فسجن الانفيراد تحل الباب ودخلت شرطية خرجتها منو وحدرتها من اي تصرف عنيف تاني واخا مفهمت والو
تنهدت بتعب عنيها حمرين من قلة نعاس جااا فبالها الموشكل ديال البارح حطوهم كملين فالحبس و كانت معاهم حتى شيشاا لفاقت ورجعت كتحرب مع ربيعة على صباط مصبرت هنية نزلت عليها بروسية مبخرا كااع مهراتها القتالية .
سمعو الحوراس صداع تدخلو إفكو حكمو هنية وخرجوها ومن زهرها مكاين لحط ادو عليها غرفة باردة وضوها مجهد اعمي العنين كان عيقبها .
مفيقتها من سهواتها غير شرطية لحلات غرفة زيارة ودفعتها.
هنية:(شدت فراسها قبل مطيح) واااغ بشوية كولو ندخلو و ندخلو لاش دفيع لاش.
مخلات فيها غير لنسات عند بالها بوحدها لكاينا تماا
.....:احم احم كانو كافين افيقوها و ترد البال لشكون معها دارت مخرجاا عنيها و فنفس الوقت فرحانة .
عنقتها حتى زادو خرجو عنيها حمرت حنوكها بالبوسان ...هدشي بزاف على المحبة .
توبة: توحشك علاش خرجتي علاش حشوما عليك شوشتينا.
هنية:(بعدت منها ترد نفس ودايرا نص عين فلمعاها) سمحليا حنى ناس عندهم نفس ابدا نسمعو المنقي و نبقاو كالسين عند واحد محاملنا مقابلنا.
كان كلس و حاضيها بعنيه وتصروفتها لجيبو ضحكة شابك ادو عند فمو باش متفرش و طلقها ...
هارون: ممم و شكون كاليك مكنحملكش.
هنية:فين ما شتيني متخلي فيا غ لنسيتي لا انا لا وليديا تكول مشاركين الورت كذبني تاني .
جمع الوقفة و تقدم جيهتها لحظة خافت و لكين تبتت تحني شوية عند وجها هيا قصيرة عليه.
هارون :و هذا مكيعنيش بلي محاملاك نقدرو نكولو مزال ممتقبل وجودك معانا سي تو (دار شاف فتوبة لحالا فمها فصروفاتو )بس هنا خرجت خودو رحتكم 😉.
توبة:😮واخاا...خرج و خلاهم ساهين كيحللو فهذ تصروف جديد كان فين ميشوفها اقلبوها صباط ...مفيقهم غير ربيعة و العربي لجبتهم ملاك كيعنقو و بوسو فبنتهم لبلا بيها ميسواو والو .
دايرا الباب كالا و حضياهم جات فبلها اول مرا شفتهم و من نفس البلاصة داتهم ...كان تصرف فمحلو من هارون المجية المركز جابت نتيجة حسن واخا سمعت المنقي من شاف ديالها هذا كان اهمال منها واخا ماشي بدها و لكين كيبقاو تحت مسؤليتها و لتعاود نفس الخطأ غيتخدو اجرءات قنونية ضددها .
مسحت دمعة هاربة من عنها واخا اعياو اديرو فزبايل معندها مدير ولديها هادوك هزت راسها وجات عنها على ملاك بنضرت شكر و متينان من العنين تقراو قربت جهتها وضمتها الصدرها صوتها مبحوح دليل على البكاا لحابسة مبغتوش انزل .
هذي هنية لحلفت نهار الولى عمر ولديها اشوفو دمعتها ملاك:واش كولا نيقاش بيناتنا تهزي و لديك و تزيدي هم.
هنية:(بحزن)حشمت منكم و مبغيتش نزيد نتقل عليكم درتو فينا خير الله اجزيكم .
توبة: إمكن كتسول على ماما (كتجرهم) يالله يالله كيتسناونا فدار.
هنية: والگفة الگفة توما فين الگفة
توية: 😕 گفة شمن گفة ؟!
هنية: واش جاين خويان هلكنا جوع.
ملاك:هههه زيدو زيدو حتى الدار ارا متكلو كتليك الگفة.
هنية:وزعمة نتوما مالين الخير و تفهمو فصواب يالله زيدو ..جرت باها لتروح من البارح و مها لمبردة بجوجهم ضربين طم مكاينا لا كلمة لا جوج تبعين بنتهم و صافي تشوفهم تحلف ميحركو دجاجة على بيضها .
خرجو برا كان قيس و هارون كيتسنوهم ...سلمو على العربي و ربيعة لشافو هارون و تخشاو فهنية .
ركبت ملاك مع هارون وتوبة مع قيس برفقت هنية و لديها.
قبل ميديماري دار شاف فيها شوفتو فشكل و هازا بزاف ديال المعاني لحضة سهاا وفيقتو هنية .
هنية: (كطبطب على كتفو) وااا سي محمد زيد زيد تحرك بينا عرق واحد لبقا جوع هلكنا.
قيس:( ضحك لعفويتها )هههه واخا هاني ...
توبة:😒اصلان معرفتو فاش ساهي الله استر
قيس :نوريك😉
غمزتو حشمتها و نرفزتها خرجت وضربت الباب مخلياهم معجبين فيها شوية حلات ديال اللور بغات تركب حدا هنية لشافتها و نشرت رجليها.
توبة: كحازي خليني نكلس
هنية: و سيري بحالك لاش تزاحميني مخليا تيساع الكدام و جايا هنا .
هنية: الله اهديكم الله اهديكم جهدي سليتوه تبتو حشومة هدشي عند ناس دارو فينا خير.
العربي و ربيعة : سكات حبس هبالهم زادو تبعين بنتهم الداخل مع دخلا ستقبلتها زهرة و فتيحة و حتي ليزا .
فرحانين برجعتهم طلبو ياكلو عاد ارتاحو نيت ضاهر عليهم العياا و دكشي لكان .
~~~~~~~~~~~~~
🌚في المساء
رجعت الفرحة الدار ضحك و نشاط و كملت فاش جاء ضيف كان غابر هذي مدة ورجع دبا خدمتو كيدرب الفرق العسكرية تابعاا القوبعات زورق في الجيبال ..متال المينورسو .
عدنان:(كيعنقو) المارشل أكرم ههه توحشناك
أكرم :(بعد) هههه حتى انا
زهرة:بعد بعد خليني نشوف نسيبي العزيز وولد ختي الحبيب...عنقها اشبع من خالتو.
ملاك :(هازا زيد فديها و الفرحة ماليا وجها ) راغنبدا نغير باركة عليه..
هارون:(جارها عندو ) علاش تغيري و خوك هنا انا نعنقك .
أكرم: انا لغنبدا نغير حيد من مرتي ...جبدها العندو خاشيها فصدرو وكولشي حاضيح وكيضحك على هبالهم .
ساهياا فيهم وعنيها قلوب علاقتهم من ديمة كتعجبها كيجوها كوبل مكاينش بحالو حست بنفس حدا عنقها دار تشوف القاتو قيس.
قيس:(همس فودنها مبورشها) ونتي مبغيتيش لعقاك
توبة: (خنزت فيه و بعدت) نمشي عند خووويااااا إعنقني ...دارتها مشات تخشات فهارون و كتقليلو سم .
قيس:(كتحلف عليها بعنيه) واخا على مك يالبرهوشة .
فاقت كتجبد بشوية عليها دورت راسها لجيهت شرجم كان ضلام ..نعست بزاف مع العياا محستش على رسها شعلت الفيوز متاجها الدوش توضات و صلات صلاتها ...نغزها جوع وحلت الباب باش تهبط ...فطريقها سمعت صوت الفنيكيش كيلعب قربت البيت ملاك كان مردود دفعت الباب و دخلت طل عليه
هنية:😍يالكتكوت خلاوك بوحدك فين ماما ..تحنات هزاتو كتبوس فيه وتلعبو عجبو الحال وكيضحك ليها .
شوية سمعت باب دوش تحل هزت راسها عند بالها ملاك شوية وسعت عنيها ملي شافت راجل غريب فدار و فبيت دري حماتها الغوات .
هنية:😨واااااااع شفار و عباد الله شفار
أكرم براسو تخلع وزيد عليها غير بفوطة على نصو كول مقرب الجهتها اهدنها عاد مكتزيد تغوت.
أكرم:😰تهدني عفاك ..اي
هنية:( هربت حدا الكوافوز كضربو بأي حاجة جات فديها ) وااااع بعد بعد ياااعدو الله وااااك واااك شفار و عتقو الروح شفار .
كانو جالسين على القهوة مورا العشاء ضاحكين ناشطين والعربي معاهم مزاجو عالي العال...وربيعة حدا زهرة شدين حديت خاص بالعيالات شوية كيقفزو كاملين على غوات جاي من الفوق .
هارون كان حدا دروج بدل درجة نقز جوج من وراه ملاك و توبة و زيد عليها قيس ...اما زهرة فرفر قلبها تبعتهم هيا وربيعة كولشي طلع اشوف اش واقع .
منضرو شاد فوطة بيد و مطاكي بيد ضربات لكيجوه من داخل البيت ها قراعي ريحة ها الكريمات إجيب ضحكة.
ملاك: اويلي اش واقع أكرم
دار إشيف فيها وستنجد بيها تفكو تغفل وجات ضربة فراسو لاحتو على طولو كان ڤأز من إدين هنية الحنينة
شهقو من صدما وجرا هارون جيهتو شدو قبل ميطيح طلع راسو فالبيت شاف هنية شادا زيد و مغمضة عنيها زبلاتها تاني .
تبعو قيس و تعاونو حتى هزوه دخلوه البيت و ملاك مخلوعة.
هارون:😒شفار كيدوش فبيت نعاس واش شوية لباس هنية:(جاوبت على نيتها)😆لباس و نتاا بخير
توبة: هههههه شتي نتي بزاااف والله
هارون:(شاف فهنية)المرا جاية ردي بالك
هنية: وااخاا ....شهاد لطافة كاملة نزلت من سما مغوت و عرعر سبحان الله .
هارون: يالله على سلامتك (غمز قيس)الخدمة
قيس: سير سير شوية و نتبعك
خرج و خلاهم مزال مقشبين أكرم شخصيتو مريحة بحال قيس 32 عام عندو تزوج بنت خالتو ملاك عن حب بغاها و تعلق بيها ملي كانت مزال فالمراهقة ..قصت حب جنونية تمرتها زيد بعد عامين ديال زواج .
أكرم منرفز عياا إلمح والو مبغاوش افهمو راسهم سيد باغي انفارد بمرتو و لكين شكون خلاك قيس لفاهم ديكور معاند و توبة حتى هيا اما هنية بحال الاطرش فزفة .
ملاك:(كتفوه بالعاني) ياالله الباب براكة سيرو نتعسو
توبة:هههه مزال الحال خلينا مزال
هنية: طلقي نراريلك بدري انعس
قيس:😂عطيها عطيها تراري بيه و نتا أكرم شوية
أكرم: وبرا اصاحبي سير تنعس سير را الخدمة تبعاك سير .
قيس:توحشناك و كالنا نونسوك
توبة : اه بصح و خصوصان انا والله
ملاك وصلات الحد فصبر خرجت جبها فيهم اخوي البيت و ربي كبير
ملاك:(كتجر فيهم )الباب يالله يالباب منعسوش حنى وزتو فيه او...سدت الباب على وجهم .
ملاك: واو على لصقة الله على راحة دبا مزيان.
أكرم: (حل دراعو ) اجي احبيبتي اجي توحشتك...هزت زيد و مشات تخشات فحياتها لتوحشتو.
توبة ؛(جراتها) غدا و تعرفيه صافي زيدي فتيحة بونوي.
هنية :شكلتيليها .
توبة : تصبحي على خير
هنية: تي و الله لنعسنا لما كلتيها شناهيا
توبة: نوبوي تصبحي على خير فهمتي دبا
هنية: ااااه و عودي كوليها من صباح يالله زيدي
~~~~~~~~~
عند قيس و هارون لخدامين على شي ضواسا فالمكتب اليوم تشغلو مع هنية ولديها مخدموش.
قيس:(كيحك عنيه)كملتي
هارون:ممم قريب علاش
قيس : نعاس اصحبي بغيت نعس رحمنا شوية
هارون : إوا سير شكون شدك انا مزال معطل
جمع الوقفااا خارج مشااا حتى نص طريق و رجع
هارون:(بلا ميهز راسو ) هههه شتك جيتي ياك لباس
قيس:(رجع هز الوراق) معطتنيش خاطري نخليك غارق
هارون : بصح واخا سيدي (جبد ضواسا اخرين)هاك الله اكتر خيرك دوز معاك هذو انا نعس اوكي ....زاد و خلاه حال فمو زرب عليه زرباا خايبة باش مرا اخرا إوريه التعطال.
قيس:😮وشوفلك لباغي ادير الخير(بالغوات باش اسمعو) وعقل فيها عقل بفف وكنكول البرهوشة لمن طالعت جوج قوالب فنهار واحد واخا نكون إهودي ...مسكين على وعدو و سعدو بات خدام .
🌞اصبحنا و اصبح الملك لله
صبح جديد مشمس وربيعي على ابطالنا كولشي مجموع على طبلة الفطور فجردة ...الجو لا يخلو من اسئلات العربي و كلاخ ربيعة...مضورين أكرم ضحية اليوم.
العربي:ممم دبا نتا راجل طفلة لمعا جوندارم
أكرم:😐 إيه راجل ملاك
ربيعة :وفين كنتي ؟
توبة :(حابسا ضحكة)فجبال اخالتي
ربيعة:(طلت عليه) جبال علاه اولدي نتا كنتي تسرح فيه.
زاد هارون و قيس ميتين بضحك على أكرم لشداتو صنارة اليوم العربي إكرهو فمجيتو .
غاديا وفبالها بزاف ديال الفكار لدرجة بدات كتخيل عدنان كيغوت عليها ....كالت مع راسها زدنا فيه بزاف وموحال اكون دوز لينا مصايب لدازو...ساهيا حتى دخلت فحيط وجات على نصها .
هنية:(كتحك نصها)😫 احححح اربي اش هذا...هزت راسها القات عضمة ربي بازيا خاص بلكارد واقف عليها ملامح وجهو عادية ممعصب مناشط مدليها إديه باش إعونها توقف ...هيا غير مخرجة عنيها .
.....:ياك متقصحتي
هنية:😮هاا
.......:هيهو واش صاڤا
شاف حتى عيا وتحني عندها هزها من درعانها بجوج حتى وقفها راسو هيا غير كتشوف و تستوعب ..
هنية:(عاد صحات )ش ش شدكشي
...:كنتسناك تحركي امدموزيل .
هنية: هاا واخا..(زات سبقاه شوية رجعت )شكون نتا
......:انا عماار مكلف بليكارد هنا
هنية:😕عوومار الكريدي
عماار: لا امدموزيل انا خدام هنا سميتي عماار ماشي عوماار.
هنية: اه لا تديش عليا ضربني شمس و انا هنية
عماار:☺مشرفين
هنية:(تفكرت عمها و مشات تجري) ناري نسيتو حيد حيد بلاك..
زادت وخلاتو حاضيها بعينيه من اللور ونص بتيسامة على وجهو كيشوف هذ المخلوقة وهبالها.
ومنها نيت اتمنضر ساعة والو خنشة مغضيا على كاع مفتينها .
عمااار مغربي حر عندو 34عام عازيب ... جاء النيويورك عن طريق الكونطرا خدام فشركة تأمين الخاصة بالحراس شخصيان و البارح بدا الخدمة مع هارون مهمتو احمي عيالات دار بصفة عامة .
كان كلس على كرسيه فالمكتب وعاطي بضهرو الباب فاش سمع دقان دار و عطى الاذن بدخول .
عدنان:(تقاد فالجلسة) تفضل
هنية:سلم و عليكم
عدنان: وعليكم سلام جلسي ابنتي
هنية: هنا الله اسمعنا خير ياك مدارو تاني شي زبلا .
عدنان: نونو الحد ساعة مكالمين
هنية: إوا الحمدلله
عدنان: هذ الموضوع متعلق بيهم
هنية: كيفاش بيهم .
عدنان: قررنا ندخلوهم السبيطار.
هنية:(وقفت ) كيفااااش علاش اش درهم ياك هوما صحة سلام.
عدنان:(وقف باش اهدنها)تهدني ابنتي ماشي على صحة البدنية على صحة العقلية المرض النفسي لكيعانيو منو ماشي خطير بزاف و لكين ضروري من علاج .
هنية:(خلاعها شدات رسها شافت فيه) ها نتا اعمي. الله ارحم بيها الولدين شرحلي غير شوية بشوية على قد عقلي .
عدنان:(كيحاول اهدنها) انا عارف بالي صعيبة عليك و لكسن فكري فمصلاحت والديك(بقات فيه)😑هذا هو الحل الوحيد للقينا حيت راك شفتي فعينيك شحال من موقف خطير طرا .
هنية:(راسها فالارض خنوها دموعها)انا انا خرجتهم من دوار غير باش ميحطوهم فبرشيد (مسحت دموعها)را منقدرش ندوز نهار بلا بيهم .
عدنان:(عزت عليه) واش مكتقيش فيا .
هنية: لا حاشة بالعكس اعمي .
عدنان: ولديك غيكونو فيد امينة و تحت رعاية طبيب كتعرفيه مزيان لهوا انا .
هنية:(بدهشة ) 😮عمي علاه نتا طبيب.
عدنان: اكيد انا طبيب و إنشاء الله ولديك تحت رعايتي .
هنية:(بتسمت وسط دموعها )لكان هكاك صافي لبغيتوها انا معاكم .
عادنان: اشنو موافقة
هنية: 😊بالفرحات عليا ادويهم عمي
عدنان :اذن نحسبو هذ المشكيل تحل ياك.
هنية:(باست ادو ) الله اطول فعمرك وخليلك معزيز عليك .
عدنان: هذا واجب ابنتي راك وحدا من بناتي يالله سير فاتحي و لديك فالموضوع باش العشية نديهم
خرجت فرحانة من عندو طمأن قلبها عليهم فاش واحد بحال سي عدنان غيتكلف بيهم ... هوا بدات ليه محبة خاصة عندها ...بتصروفاتو و معمالتو الباها كسب تيقتها العمية ...باش واحد متقف وواعي اعطي قيمة ووقت المسطي را مشي ساهلة .
قلبت البيت مالقاتهم وصالون مكينينش فيه إذن بقات جردة كالت مع راسها أجي نخرج ليها من باب الكوزينة و منها تشوف فتيحة .
مع دخلا جات عينها على 1 2 3 ديال البربورات ممدودين واحد فجرجم الكوزينة وفوق البوطاجي كانت ليزا و جوج حدا باب جردة توبة واقفة كطل و فتيحة جالسة على ركابيها .
قربت بالحس تعرف شكيديرو تما و طلقت و دنيها.
فتيحة:😍ياختي ياختي على العضلات من الكومبلي قربو يخرجو.
فتيحة كتحس بشيحاجة كتكلها فسيقانها مع عريانين ..المرة الاول ضربة برجلها المرة تانيه بغات تحكها دار اديها وقست شي حاجة كتحرك عند بالها كلب و لا مش فتيحة: واااااااااع
توبة: وااااااااع ...طاحت فتيحة و طاحت عليها توبة وليزا من خلعت الغوتة خرجت من جيهة تانية الشرجم .
ملاك ،زهرة ،توبة، أكرم هاز زيد وحتى فتيحة و ليزا لفاقت راسها ... مجموعين قدام الباب برفقت عدنان و شيفور جاو إودعو ربيعة و العربي لممعروش شحال غيغيبو على حساب تفاعلهم مع العيلاج.
هنية هازا شاكوش ومصبرا راسها بزز قلبها كتقطع بغتهم إبراو و فنفس الوقت مقدراش تبعد عليهم .
زهرة:(كتعق ربيعة) الله إجيبكم على خير و بشفاء العاجيل إنشاء الله
دموع و خزن الفراق صعيب واخا ماشي مدة طويلة ...شكون غيدير زبايل شكون غدي اضحكهم .
من بعد عيناق دام عدة دقائق مسح دمعة من عينو وباس بنتو فراسها موصيها و مصبرها ...شد من عندها شاكوش و ركب حدا ربيعة لشافتو وتوسدت راسو مكملة على دموعها و زاااد بيهم عدنان الامستشفى الامراض العقلية.
داااز شهر على هنية فدار عائلة الادريسي بلا ولديها ....كل نهار كيعطيها عدنان تقرير موفصل على الحالة ديالهم و رغبتهم فالعلاج ،شئ لكيخليها مرتاحة فمدة قصيرة دارت بلاصتها بينتهم زبايلها نقصو ديما خاشية راسها ففتيحة و توبة تولاتي خطير لتجمعو إرونوها.
هارون غارق فالخدمة و تحضيرات الحفل لبقالو شهر ونص تقربا بموساعدت قيس لولا قليل فاش كيشوف توبة ...بحال هارون لنيقشاتو مع هنية مبقاشت .
اما أكرم عايش الحب مع مرتو لبغا إموت إموت واخا الفنكوش ديمة معدبهم كيجبهم حتى نص علاقة الحميمة و قفزهم 😂حال لعنو الولاد .
عيات زهرة تفصل و تخيط تجمعهم و لا تفاتح ولدها فموضوع زواج ديما هارب ليها و داير سبا بالخدمة واليوم غتشت هذ رمانة حد صبر هوا هذا
~~~~~~~~
مجموعين فصالة من بعيد تعرفهم كيخططو الشيحاجة
غير الله احفظ منهم و صافي تلاتي جديد ضهر فساحة زهرة و بناتها .
زهرة:صافي اليوم هيا اليوم و سلينا
ملاك: اه بصح هدشي طول و حنى بغينا نفرحو بيهم
توبة : انا خايفا غير اعيق بينا ومشي كولشي
ملاك: مكاين لغيخرج علينا قدك من الاول مدخليش معانا.
زهرة: لا لا وجودها ضروري موهيبتها فتمتيل غتنفعنا(شافت فتوبة) وياويلك و تخوي بيا خبارك اجيبوها تالين.
توبة : هههه لا لا كوني هانية صافي مشات
زهرة: 😈الابتيزاز العاطفي ....ضربو كفوف بعض و جمعو الوقفة التطبيق .
طبيب:سي هارون ممكين واحد دقيقة...جمع طبيب دوزانو خرج و الحق عليه هارون القدام باب البيت.
هارون: وي كنسمعك.
طبيب :(كيحاول ارتب كليماتو وحاضي مع ملاك لكطل عليه) احم كيف شتي الوضع ديال المريضة شوية صعيب.
هارون:(مخنزر)والمعنى شنو خصني ندير ؟
طبيب:🙍بعدوها على اي حاجة كتوترها و لا تقلق حالتها مستقرة دبا ولكين من بعد معرفناش ضروري من الحيطة و الحذر انا غنوصف ليها شي دواء تخدو إهدن ألام قلبها بشيفاء العاجيل إنشاء الله.
هارون:(تنهد ) أوكي شكرا تقدر تفضل ....يالله غيشد من عندو الورقة طارت بيها ملاك .
هارون:(مزال ماد إدو)😕مالك؟
ملاك:انا غنجيبو بلا متشطن راسك.
هارون:غير طلقي نعطيه الكارد اجيبو دبا.
ملاك:ها لا لا ماما كتعيط بسميتك فنعسها خليك حداها(بحزن) مسكينة مريضة.
هارون:واخا...شاف حتى عيا وزاد تصروفاتها غراب ولكين مرض مو المزيف مخلاليه عقل باش إحلل وناقش .
كانت كتوشوش التوبة بشوية غير سمعتو رجعت نعست .
توبة:ماما حبيبتي والله مبقيت نعصبك إهئ إهئ غير حلي عنيك.
زهرة:(شدت إدو) كح كح كح اه اه قلبي طايب الاعمار بيد الله اولدي معرفت اليوم و لا غذا أومنيتي نشوفك عريس و بولادك .
هارون:إكون خير نتي غير صحي و نتنقشو من بعد بلا مضغطي على راسك كتر .
أكرم:عندو صح صحتك دبا هيا...
ملاك:(من تحت سنانها) ديها فسوق راسك و سكت
أكرم:😯😯
هنية فين هنية غير حاضيهم من بعيد بقات فيها زهرة لصرعت الدور ...ساهيا حتى جرتها توبة و كلستها حدا مها.
هنية:(شادا إديها) هنا حداك اخالتي قطعتي قلبي.
زهرة: عارفة معزتك عندي ومكانتي عندك راك واحدة من بناتي و بغيتلك غير الخير(شافت فهارون) انا انا كح كح ..
هارون:(خلعتو فاش زيرت على إدو)بشوية عليك متجهديش راسك.
زهرة:(كطلعها بزز)طلب واحد طلب واحد كح كح
هارون:اشنو طلباتك فوق راسي .
زهرة شدات ادو و حطتها على إيد هنية لتصمرت بلاصتها و هارون تشاوكا اش بغات تصنع مو و الخضرين حلو فمهم من غير ملاك و توبة طبعا .
هارون:(حاول إبعد إيدو) شنو كتحولي ديري
زهرة:(عاودت جرتها) أزمنتي الوحيدة منك لكانت مك و عزيزة مطيحش كلمتي و تدي سخطي بغيتها عروسة ليك.
سطل ديال الماء بارد بحل التخوا على راسو موقف لا مفرا منهو وباش زات رابطة السانو ها سخط هارضاا معرف ميقدم و لا ميوخر زواج لديما هارب منو هاهوا تحط قدامو ساهي و سارح بخيالو وعى على صوت مو زهرة: سمعني صوتك كح كح كح مبغتيش.
هارون:(كاتم غضبو ) من بعد من بعد صحي ويكون خير صحتك هيا الاولى.
زهرة:(كتحرك راسها برفض ومتشبتا بكلاهما) كح كح انا بغيت كلمة رجال (شادا قلبها) شوف من حالي و رحمني إهئ إهئ واش ممنحقيش نفرح بيك هذا منسوا عندك.
هارون:(سد عينو وتنهد بعومق شعندو ميدير حط كواريه وستسلم) خاطرك ميكون غير خاطرك نتي غير تهدني و تشفاي.
الفرحة على شوية و تفرشها تحكمت فراسها مزال مسلات باقا هنية لراسها الارض غير ساكتا و كتشوف عرفت تالعب بنفسيتها .
زهرة:كح كح ونتي ابنتي سمعيني جوابك .
مدة صمت لحضة فرح هارون و تمنى من قلبو ترفض و تريحو من هم زواج تقليدي هز راسو فيها بشوفات فشكل إمكن ترجي برفض و لكين هنية قراتهم بطريقة أخرا نزلت راسها الارض حشمانة و حنيكاتها حمارو .
هنية:😳لتشوفيه اخالتي شوار شوارك.
بالفرحة جرتهم بجوج الحوضنها تعنق و تبوس قلبها طااااير ولمعاها طيرين قيس عااااد طفات عليه شمعة وفهم البلان لدار الهارون كون ما توبة غمزت ملاك ميدي ميجيب واخا كعجبوش الحال حيت تخلعو و لكين طال مع راسو هانياا سرو نيت غ القوالب.
🌞اصبحنا و اصبح الملك لله
صباح زين مدخل الفرحة على قلب زهرة لكتصايب زيفها قدام المراية وجها البشوش كاسياه البهجة ...تفكرت البارح فاش كولشي خرج وخلاها ترتاح خصرت صيفتها فاش جا فبالها هارون لمنطق بحتى كلمة حدو كال ^نتي مولات شي و شوار ^.
زهرة: (هزت كتافها) كولنا تزوجنا زواج تقليدي مالو شخصنا ولدنا و كبرنا دبا تشكر ميمتك عليه.
~~~~~~~~~~~
بالها سارح البعيد مرداتش البال بلي بوحدها بقات فطبلة ديال الفطور كولشي فطر و خرج .
قيس كان وراهم كما العادة فالحضات الحنينية وبتصويرة عالمة من نص📡 توبة من زهرو كيجي معاها ممدودة HD .
قيس:(مسح على وجهو بقلة حلية شي نهار تجلطو)سلام.
هنية:😄وعليكم سلام اجي اجي تكلس.
قيس:(جلس) كيدايرا لباس
توبة: 😒كنا لباس غ جيتي زحمتينا.
هنية:(نغزتها) اويلي حشومة لا عندك لباس و نتا
قيس:اولا مسولتكش من الاحسن تكمشي اسنفورة😉..(رجع شاف فهنية) الحمدلله و مبروك الله اكمل بالخير.
توبة:😤😤
هنية:هههه مش و فار تلاقيتو (تنهدت) الله ابارك فيك واخا مزال الحال عليها.
قيس:ههههه لا هذا وقتها
كان حاضيهم من بعيد ،خبار زواجها صدمو ودمر أحلامو لبناها فالخيال رفقت حبيبت قلبو و هبيلتو كيسماها ...معليش ماشي من نصيبو الله إكمل عليها رجع الخدمتو لبداها إ تأكد من الكارد لجابو جداد ...غافل على العيون لمراقباه من شرجم الكوزينة حوبها ليه نهار على نهار كيزيد متنكرش بلي كيضرها قلبها فاش كتشوفو ساهي فهنية ...نضرت الاعجاب بايناا و مخافيا عليها و لمريحها كتر تيقتها العمية فختها و صحبتها لباغا ليها الخير .
هنية فالميريكان الجزء الثالث
محتوى القصة
التنقل بين الأجزاء