آلاء و المنحوس الجزء 105

من تأليف غزلان ش.
2018

محتوى القصة

رواية آلاء والمنحوس

تبعد زيد للردهة و جر دراعو وقفو و فال بانفعال :"" فيين غاادي .. صبر حتى نشووفو اش غانعرفوو .. رااه ماعندنااش فكرة نبداو التقلااب .. لي عارفين هو فين تخطفاات و اشمن نوع سيارة هزاتها ""
زين بانفعال :"" مااغاديش نجلس نتسنااا مربع يديا وانا عاارف بلي ممكن تكون تخطفاات من شي عصابة ديال السحاارة ..غانخرج نقلب على مراتي رااسي .. ""
و خرج كايجري .. ضرب زيد فعرض الحيط .. و تم تاابعو .. وقف داار لقا هدى واقفة كاتبمي فاخر الردهة .. صااح :"" تحركي اهدىىى ""
و جرات باتجااهو و تبعااتو .. 

افرانا زين العابدين بسيارتو امام دارو .. خرج كايجري جابد مفاتحو .. حل الباب و دخل مباشرة كايغوت .. خرجات عندو عاىشة من الكوزينة مخلووعة و قالت 
عائشة :"" اويلي مالك اش جابك غهاد الوقت ،""
زين العابدين و هو كاينهج :"" مرااتي تخطفت .. تخطفت من حدا السووق ... ""
قاطعت كلامو كاتولو و تشد على فمها و الذعر انبتق فعيوونها .. 
شد كتافها كايهززها و قال :"" توكظي معابا الوالدة .. هما ماغايكوونو غير حيت عرفووها بيلساانة ... و باينة ماتكشفاات جتى تحجبات حيت هنا فين حيظات الصباغة من شعرها .. عقلي رااسك الوالدة واش فايتة خرجات قدام الدار بشعرها عرياان ؟ ""
عائشة :"" ل.. لا .. لا ولدي عمرها داارنها .. ""
دار زين العابدين شااد رااسو غادي جااي .. حتى دخل زيد و هدى معااه .. شاف فيهم و خاااطب عائشة .. 
زيد :"" الاء تخطفاات .. واش ماعندكش شي فكرة كيفاش ممكن يكون وقع هاادشي ؟""
دورات عائشة عينيها بينهم و هي حاايرة .. حتى شهقاات و دمعو عيونها .. 
تنبه طل من زبد و زين و تجمعو عليها .. 
زين بحمااس :"" تفكرتي شي حااجة ؟"
عضات عائشة على شفاايفها و هي كاتبكي و قالت :"" الله يااربي .. حبيبة .. حبيبة جاات عندي غير مؤخرا .. و شاافتها.. ""
زين العابدين :"" شكون هاد حبيبة ؟":
عاىشة ؛"" جارة قديمة .. *اضافت و هي كترجف* جاات عندي هي و اختها .. هي لي كانت ورااتني السحاارة لي عاوناتني بااش ولدتك .. و شكاات عليا و قالت بلي بغاتوتىجع عند السحاارة باش تعاون بنتها تولد .. ""
تسارعت نبضاات زين .. اما زيد فشك وااش مزاال كايضرب .. 
شدها بقسوة و صاااح :"" كيفاااش وقع هاادشي .. ياك تبرييت منك تقطعي صيلتك بدوووك الزباااال .. كيفااش دخلتييهم و انت عااارفة الااء فالداااار ؟""
عائشة :"" كا.. كانت نااعسة .. ماعرفتهااش غاتهبط .. و هي راه غير لمحااتها ""
زيد :"" لمحاتها و لا لااا .. رااه ماغايفيدنا فواالو .. البنت تخطفاات و ماغااتكوون غير هي .. لبسي حوايجك .. و يالله ..دابا غاتورينا فين جاات دار هاد السحاارة ""

وقفات السيارة .. و ترجل كل وااحد منها و جروها معااهم بيناتهم .. 
مافاقتش و ماوعااتش او هادشي باش وهماتهم .. 
تفتح البااب و سمعات صوت حرش من كونو نسوي .. بااح و مدعدع .. قدراات تستنتج انو صووت عجوزز .. 
نطق لي شادها و قال :"" هاهي جبنااها ""
حسات بيد تحطت على وجهها و هزااتو .. دوراتو من يمين لشمال و قالت :"" مالها سخفاانة ""
جاوبها :"" الطريق كاملة و هي هكا "'
الساحرة :"" احسن .. دخلوها و دخلو ""

دارو لي قالت و جرووها .. كانت الاء معتمادة فقط على 2 حواس .. الشم و السمع .. 
روائح غريبة الى كريهة ..اتارت فيها الغتياان .. زيادة على اصواات الهدووء و حفيف الاشجاار .. و خبييط شرجم من قريب .. يمكن مع الريح المحرك .. 
حسات بيهم حطووها على فرااش ارضي .. و بقاات كيفما تحطاات .. 
سمعات صووت العجووز قائل :"" خرجو عندي ... البيلساانة مافايقااش ؟""
و سمعات وقع اقدام يقترب و بعدها سمعات صووت نسوي قائل :"" واش متأكديين مافايقااش ؟ الى شاافتنا رااه تعرفناا .. و ديك السااعة غانمشييو فييها ""
نطق صوت نسوي اخر:"" لا احبيبة .. راها ماشافتناش موحال تعقل علينا .. و زايدون راكي كاتشوفيها سخفاانة ""
نطق صوت رجل :"" احنا جبنا الامانة .. فلووسنا فين هما .. ""
ارتااعشت الاء من نبرة كلاامهم .. اكيد ماناويينش خير و لحد دابا باقي مافهماات سبب وجودها هنا.. و اشنو قضية بيلساانة .. علاش نعتاتها العجوز ببيلساانة .. اول ماطاح فبالها هو لقب لي عاطيها زين "بيلسانة ربيعي" اشنو علاقة الامر بهاادشي ؟ حاارت و ترونت ..
نطق صوت حبيبة المفترض :"" تسنااو مزال .. حنا مزال غانحتاجوكم ترجعووها "" 
نطق رجل :""ماتافقناش على هادشي .. حنا جبناها و هنا سلات مهمتنا .. خلصوما نمشيو فحالنا مقادين على منتييف ""
نطقات هاد المرة العجووز :"" بلاتي .. خلصيهم يمشيو .. و منين نساليو منها .. انا غاديا نرجعهاا ""
جاوبت حبيبة :"" واخا .. "" سمعات بعدها تقرقيب فهمات انها حلاات السااك .. 
حاطرت الاء و فتحات طرف عينهاة.. و بين رمووشها قدرات تشووف وجووه الرجال ال3 .. اضافة الى وجه حبيبة و لي معاها .. و كيف المتوقع عرفااتها فور رؤيتهم و تفكراات اليوم لي جاو عندهم .. 
بعدما خداو الفلووس سمعاتهم راجعين فحالهم باتجااه الباب و كايقولو :"" الله يعااون "" و كأن الله كايعااون من واالاا .. 

سمعااتهم قربو تااني لجهتها .. و سرطاات ريقها بمشقة .. يمكن ان الاواان بااش يديرو لي ناويين يديرو .. 
سمعات صووت حبيبة قائل :"" يااك غير غاادي نااخدو من دمهاا و نطلقووها ""
ترددات كلمة دم بصدااها فودن الاء .. في حين جواب العجوز جا معطل و قاالت "معلووم" بطريقة بوورشااتها و شوكات لحمها .. 
رجع صوت حبيبة من جديد قائل :"" واش متأكدة غادي تحمل بنتي فاقرب وقت غير من دم هاد البنت ؟ رااني تايقة فيك .. بنتي خاصها تحمل رااه حيااتها واقفة على هادشي ""
العجووز :"" غاتحمل و تفووت الحماالة اديك الحييه .. انت ماعارفااش بقيمة هاد الكنز لي جبتي .. بسبابها ممكن يتقضااو ليك حوايج اكبر كن هاادشي .. *سكتات شوية و قالت بفحيح شيطاني* على ولد عايشة كيفاش تخلص من لعنتوو ..*غير سمعات ولد عايشة و ركزاات بكل ماليها من قوة * ولايني بنت الحراام لقاات البيلساانة و طمراات عليها.. حلبووها هي و ولدها و خلاوها ليهم بووحدهم ... *حسات بيد الساحرة كاتمشي على ذااتها و منعات راسها بقدرة عجيبة من انها ماتنتافضش و كملت الساحرة* بحاالها .. ماكايبااانو غير من زماان لزماان .. و استافدت منها لرااسها .. حساابي معاها من بعد ""
حبيبة :"" احنا الالة الشريفة مابغينا غير يتقضى لينا الغرض و نرجعو البنت لدارها .. ماشغلوولناش فعائشة اولا ولدها ""
صااحت الساحرة قائلة :"" و انا سوووقي .. اناا لي عاونتها بااش ولداات ولد .. كنت حذرتها من الطرييقة حيت ممكن تكلفها .. و لكن ماسمعاتتش .. منين تزاد الولد تزاد بلعنة النحس لي كانت غاتبعو حياتو كااملة و تورت من ولدو لولدو .. كانت جااات عندي كاتشكاا باش نفكها .. و الحل لي كاان هو نضحيو للجن المكلف بشغلها ببيلسانة .. و لكن ماكانتش موولوودة ديك السااعة .. البنت كاتباان مزاال صغيييرة ""
كل كلمة من فم السااحرة كانت كاتخلي الاء غير ماكاتغرق وسط دواامة كاتحركها طاقات الخوف بل الذعر و الحيرة ... 
كملات السااحرة قائلة :"" كان عندهم 2 حلوول .. ياإما تذبح و يتضحى بيها .. يإماا .. ""
كاس صبر عند الاء فااض .. و كانت بدات تفكر جديا .. تنووض تجري و تهرب قدماا قدراات .. و لكن خاافت لاتتهور و مالقات غير تكمل التصناات .. على كل حاال كلاامها حتى هو متيير لاهتماام .. فهمات الحل الاول و لي كاان بشع و لكن ماكانتش كاتنتاظر الحل التااني .. و لي كااع ابشع من الاول ..
الساحرة :"" اولا ... يتزوجها .. و تحمل منوو .. زعما لي هاز اللعنة .. بااقي هاادشي غاامض و مامفهوومش و لكن لي معرووف هو انها ضروري تحمل منو .. كنت قلت ليها .. حتى الشعر اولا نقطة من دمها او اي حااجة منها .. ممكن تحصنو من اللعنة مؤقتا .. و لكن الحل الكاامل هو التضحية اولا .... الزوااج .. ""
و كانت اخر كلمة كاتسمعها قبل ماتفقد وعيها .. ماشي جسديا و انما الوعي بالوااقع لي هي فييه ... زواجها صدق غير كذبة .. 

الساحرة :"" سيرو انتوما دابا .. غرضكم غايتقضى كيفما بغاات خاطرك .. و كرش بنتك غاتعمر اليوم قبل غذا .. ""
حبيبة :"" واخا حنا غادي نرجعو .. تايقيين فيك .. مصير بنتي بين يديك .. و منين تحمل غادي نكمل ليك و لي طلبتييها توجد "" 
ضحكات الساحرة ضحكة بتت فاوصال الاء غير الغتياان و النفوور .. و قالت :"" رااك جبتي و وفيتي .. البيلساانة رااه ماكاتقدر بتمن .. سيرو و نعسو على جنب الرااحة .. و حاجتكم مقضية ""
حبيبة :"" وااخا .. احنا غانشووفو .. الله يعاون .. ""
و سمعات اقدامهم كاتبعد .. حتى تحل الباب و صوتهم بعيد.. حلات الاء عينيها كاتطل و لاول مرة كاتشووف فالمكاان ... لي كان مخييف و مهيب بشكلو .. موسخ ..قديم و مغبر .. و فجأة بدا الالم لي ولا ملاازمها .. و لعناات الحظ لانو مااشي وقتو نهائيا .. حساات بالضعف و بنهايتها لي قرباات .. ماكاين لي يفكها من هااد القوم غير مشيئة الله .. فكرات فخوتها .. فهدى و عيالات خووهتها .. فكرات فعائشة .. فالولد لي فكرشها .. و اخيرا فراجلها .. فاش كانت كاتبوسو و تعنقو فالصبااح .. ماكانتش متوقعة بعد ساعات قليلة من ديك اللحظة .. غاتكون بين احضان الخطر و قرب الموت بابشع الطرق .. غاتمشي و هي هازة معاها خيبة امل .. و طعنة من اقرب شخص ليها .. مايمكنش زين .. دااك الرااجل ديال حيااتها يكون فقط استغلها .. كايمكنش يكون هاادشي حقيقي .. بدا يشتد الالم .. مع تفكيرها فيه .. حتى من قلبها كاتجول فيه طاقة سلبية مخلياها فاشلة تمااماا .. باغية غيير تبكي و تفش خلقها ... 
سمعاتها رااجعة و سااكتة .. حتى تكلماات .. سحاب ليها شي احد مازال معاهم فالغرفة و لكن فهمات من بعد بلي فالهااتف و كان كلاامها على شكل :"" فينكم ؟ سربييو خاصنا نقضيو الغرض اليووم .. ماتنسااوش المضى .. و عنداكم بشووفكم شي احد .. يالله سربيو ماحدها مزال سخفاانة ""
تسارعت انفاس الاء .. هادي سااعة الحسم خااصها تبدا تفكر كيغاش تفك رااسها .. مستحيل تبقى سااكنة مستسلمة بدوون حتى ماتحاول تعتق رااسها ..
سمعات صوت الشترفة كاتضحك و كاتقرب .. و كاتقول :"" ههه قالت ليك ناخدو دمها و نرجعووها .. *جلسات فجنبها* سنين و انا نقلب على بيلساانة .. باش منين نلقاها ناخد غير دمها و نطلقها هههه ..*كملات و هي كاتمرر يدها عليها* فين القلب .. اطراافها .. شعرها .. حتى من بوولها فيه المنفعة .. و اخيراا تغنييت .. و اخيراااا وصلت للي بغييت .. *دوراات ليها وجها* البيووضية هي هااديك ..* جراات الفولار من شعرها و تبتات حركتها مصدوومة و حيداتو كاامل و بركات تقلب فيه بشكل هيستيري * فين الشعر الابيض .. فين الشعر الابيض ؟*طملات كلامها كاتخرج عينيها بشكل شيطاني* اشنوو كذبو علياااا بناات الحراام .. تكوون غير صاابغااه ""
الاء بين يديها .. ماحيلتها لوجعها اولا للخلعة اولا للفرصة لي كاتسنااها امتى تهرب قبل مايجيو هادوك لي هضراات معاهم.. فقط قربها .. غير قربها خلاها تقشعر و تشماأز .. لمسااتها تقاال عليها .. حسات بيها شداات وجهها و ضفاارها القذرة مغروزة فوجنتيها .. حلاات ليها عين و هاالها منظرها .. وجهها المكمش و الوشاام لي فجبينها و ذقنها .. لاوية زيف اسود فوق رااسهاو دايرة عقود و سلاسل بيهم رموز غريبة و حتى حجابات .. ريحتها كانت قذرة بحق .. زاد مابيها الشعوور بالغتياان .. 
حتى طلقااتها و هي ماتقول :"" اش هاادشي .. شعرها اشهب و عينيها زورق .. هاادي مااشي بيلساانة .. وااش ضحكوو علياااا .. غانقتلهمم ""
كاانت غاتنووض و لكن رجعاات تااني .. و لكن صاامتة و لا حركة .. حساات بيها هزاات دراااعها .. الم الاء كايزيد حدتو .. غووتت مع انقبااضة قوية من الالم .. و حتى من الم درااعها لي تدبح .. نااضت جلساات بقوة الام و حتى من صرااخها.. السااحرة اتنااء ذلك .. جراات درااعها لعندهاا شمااتو دغية و هي تحط فمها عليه و شفطت منووو .. دفعااتها الاء بكل ماليها من قوة رجلهاا .. حتى طااحت للجهة المقاابلة .. وقفاات الاء و تكات على الحيط و الالم خدا من قوتها ... وقفاات العجووز بصعووبة و هي كاتبسم بشر و تلحي ماتبقى من دم على شفايفها و قالت :"" بيلسااانة .. "" 
قربات بخطواات بطيئة و هي كاتوعدها :"" و اخيرااا لقيتك .. ماعرفتش علااش شكلك مبدل و لكن ماغاتكووني غير مخفية رااسك .. ماعرفتش كيفاش درتي حتى خفيتي كولشي .. حتى دمك مافيه ريحة .. و لكن مذااقو .. مذااقو .. "" وحلاات عند هااد الكلمة و عينيهاا خوورجوو و توقفت من الحركة.. ضاق نفس الاء و لصقات اكتر مع الحيط .. مدات الساحرة يديها فالهوااء قداام الااء .. و اليد الاخرى على كرشها .. و هي كاتقول بشكل مقطع .. بطريقة شخص كايمووت و قالت :"" د .. دمك .. ""و قبل ماتطق اي كلمة بدا يخرج من فمها سائل دموي اسود خااتر .. تقلبوو عينيها و طااحت فالارض قداام الاء جتة هاامدة .. و مابقااش شعور الاء بالغتيان غير شعوور .. بل حطاات كل ماكان متبقي من جووفها فالارض .. ناضت كاتلهت .. بوجعها و دوختها .. خداات بوورطاابل الساحرة المرمي فجنبها و خرجات من بااب هااد الجحييم.. 

يتبع 

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.