كاتبغيه .. و ماتقدرش تكون قاسية معاه و تتجاهل حالتو قدامها.. ضعفو و مرضو .. كاتبغيه .. بغو اعمق من انها تسمع كلام و يزعزع حبو فقلبها بكل سهولة .. كاتبغييه .. و ماتقدرش تتناسى كل ما كان بينهم بعد زواجهم .. كاتبغييه .. و ديما مستعدة تضحي مادام هااد الحل واارد .. كاتبغيه .. لدرجة حتى و هي فقمة غضبها و استياءها منو كاتفكر ليه .. زواجهم و العلاقة لي بينهم .. اعمق بكتير من انها تهز فلمحة عين .. او على الاقل من جيهتها هي ..
بعيدا على المشاعر ... فالوضع لي هي فيه داابا .. عارفة بلي كولشي بين يديها... يا إما تتجاهل مشاعرها و تتصرف بحكمة .. التصرف ديال امرأة قوية نااضجة ..و يا إما تتبع مشاعرها الغاضبة و المجرووحة .. المستاءة و المشككة فزواجهم و حبهم ..كل التخيلات الدراامية لي ممكن تخليها تاخد قرار تندم عليه حيااتها ... كوولشي بيين يدييها .. و المحركين لي مخلينها تتصرف بهاد الطريقة و تقسو على نفسها بهاد الطريقة هما .. حبهاا ليه و حملها لي مزال مفترض .. الحمل غايلعب دور كبيير فقراراتها ...دمعاات و هي ماتفكر الى ماكانتش روح رابطة بينهم .. واش غايبقى حبها ليه داافع قوي بااش تحاافظ على هااد الزوااج ؟ للحظة حسات برااسها مزال ماتابتااش بافكاارها و مزاال خااصها الوقت فين تبلع هاادشي و تريح رااسها و تريت على نفسها.. و اشنو تحسن تصرف لحد داابا هو تكبت و تحتافظ بكولشي لنفسها .. ماتبين والو و تحاول تتصرف باكتر طبيعية ممكنة .. على قبل صحتو و على قبل مستقبل علاقتهم ..
طاال عنااقهم و كون ماتحركاات هي متكانش غايطلقها .. واجهت عينيه و تبسماات بألم و قالت :"" نمشييو لداارنا ؟""
تبسم بدورو و وقف شااد يدها .. وقفات حتى هي و لبساات الهودي ديالها .. طاحت عينها على تيست حتى هو و هزاتو دارتو فجيبها .. رجعات شدات فيدو و خرجو من الغرفة .. لقاو كوولشي جالس فالصالة كايتسنى ..
مررات الاء بعينيها عليهم .. فتحات فمها بعد لحظة و قالت :"" احنا هابطين للدار ""
شيماء ؛"" فطرو بعدااا ""
الاء :"" لا غانفطرو فالداار .. زين العابدين خااصو يرتااح .. *شافت فيه*انا متأكدة طلع كايجري كيف الحمق .. ""
و ماكان ليه غير هز يدها و باسها قدام كولشي و بلا مايدير اعتباار لحتى احد كيف كان كايدير قبل .. شيء لي غير مازاد اكسر قلبها .. لهااد الدرجة الواقعة لي وقعات ليها اترات فييه ...
و كاان جاارها ورااه زرباان متجاهل كلاام البقية لي مصرين يبقاو معاهم مزال شوية ..
كانت عائشة فالداار .. و فالكوزينة كاتطيب الفطوور .. سمعااتهم طلعو للغرفة و خرجات من الكوزينة كاتطل عليهم و عيونها كاتلمع بقلق ..
دخلو للغرفة .. جرات الغطا و قالت ليه :" تكا رتااح شوية .. انا نطلع نوجد الحمام *تبسمات* غادي نغسل ليك حتى ترخى ترتااح .. من بعد نفطرو ب2 .. هنا فبيتنا .. و ندردشو كيف موالفين .. ""
جرها لعندو عنقها و قال :"" مابغيت واالو .. غير تبقااي فجنبي ""
رجعات شاافت فيه و قالت :"" غانديرو هادشي و اناا معااك .. *و كملات بغصة * قلت ليك .. عمرني غانخلييك .. مزال ""
و تبسم برضى و قال :"" وااخاا .. ""
تبسمات و وقفاات .. خرجات من الغرفة و هي كانمسح دمووعهااا .. كيفااش غاترتب افكاارها و فقط وجوودها معااه كايقطع قلبها لاشلااء و كايكتف يدييهااا ..
خرجو ب2 من الحماام فالسطح لابسين و الفووطات على شعوورهم .. و ماطلقش يدها .. و كانت يدها الاخرى فيها التيست لي مزاال ماجات الفرصة فين تنفارد بييه و تعرف ديك النتييجة اللعينة لي مزاال ماكتااب تعرفهاا ..
هبطو لغرفتهم .. و لقااو عائشة حاطة ليهم فطوورهم فووق المكتب .. صلااو قبل كوولشي و بعدها تكا زين فووق السرير و هي جاابت البلاطو لقداامو و حطااتو .. كانو فقط كايقومو بامورهم فسكاات .. كاتحس بعينيه مختارقينها كلما بعدات عليه بخطواات .. و كانها غاتهرب تااني و مايبقااش يشووفها ...
تبسمات ليه و قالت :""فطر .. انا جاايا ""
شد يدها و قال :"" لا جلسي فطري معايا ""
الاء :"" غانفطر معاك .. غير ندخل الحمام و نجي ""
طلقها بانزعاج و قال :"" ماتعطلييش ""
نااضت خرجاات للحمام و سدات الباب وراها .. تغيراات ملاامحها من ديك الابتساامة البااهتة .. لملامح وااجمة ضاايعة و مألمة ..
بقات جالسة فبلاصتها و هي هاازة التيست قدام عينيها بدوون ماترمش .. لمدة 10 دق بلا ماتغير سهم انظاارها من عليه.. و اخيرا بداا يباان الجوااب .. كايبان و حوايها كاتنبه .. و غير ظهر الجواب النهائي غمضاات عينيها و انساابت دمعة كاتجري فووق خدها و حلاات عينيها على دقة فالبااب و صووت زاين كايناادي :"" الاااء .. ماالك تعطلتييي ... وااش بييك شيي حااجة ؟.. ""
وجهااات بانظارها للباب كاتبكي .. و بدون جوااب .. فاشتد الدقاان و صووت زاين صااح بنبرة قلق :"" آلاااااء ""
تفتح الباب فدامو ... و طلع على وجهها كايتفحصو ... كانت ساكنة و الدمووع فعينييها .. جرها من دراعها خرجهاومن عتبة الحمام و هو كايوزن و يقيس فيها بعينو بغير فهم و بقلق ..
سولها بتلعتم :"" الاء .. ماالك ؟"
لانت ملامحها و تبسماات بحناان .. قربات تكتر ليه و شداات فيدييه .. فتحاتتهم و عطاتو التيست .. شاف فيه و عيوونو مفتووحة بصدمة.. رجع شااف فيها بلهفة كايسولها بعينيه .. هززات رااسها كاتبسم و قالت بشبه همس :"" ااااه ... *حطات يدو منبسطة على كرشها* قرييب ان شاء تولي بابا .. ""
شاافت سدرو كايتنهد بارتياااح و عينيه كايتغمضو بارتيااح .. الظااهر ان انفااسو تحبست حين تذكر موضوع المرض و الحمل .. كان معلق اماال كبييرة على حملها .. ماقدرااتش تمنع رااسها و تعنقوو .. تشاركو فرحتهم و توااسيه و تخفف علييه هااد العبء لي كان شااغلو قبل الواقعة.. حسات باضلعها غاتحطم بين درااعيه .. لدرجة رفعها من الارض ..و دخل بيها لغرفتهم و سد الباب ..
شاافت فيه كاتبسم و قالت :"" فرحاان ؟ ""
امام عيوونها تبسم مقر ليها :"" فرحان .. راضي .. و مرتااح.. كيفاش ماغانفرحش و مراتي هازة طرف مني و ماشي مريضة .. *رفع راسها بين يديه* غير كانت كاتفشش عليا .. *دفعها بلطف باتجاه السرير* انا دابا لي غادي نتهلا و نفشش مراتي .. لي طلبتيها تحضر .. انت غير آمري ""
ميلات راسها و حتى فمها ... شعوور حلو كايدغدغ احاسيسها باهتماامو .. لو انها ماعرفااتش بالحقيقة كاان هااد الخبر غايكوون ليه سيناريو اخر من غيير هذا ..
شافتو كاتسنى جواابها بلهفة .. حطاات البلاطو فجنبها .. و شدات يدو و قالت :"" خاطري مروع .. بلاتي شوية و نااكل .. انا بغييت غير نعس على صدرك و نساا كوولشي ""
اعترى القلق وجهو من جديد و سولها :"" اشنو تنسااي .. ؟ *بلع ريقو و كمل* اشنو وقع لييك الباارح ؟ ""
ذرفات دمعة حااارة كوااتها و قالت :"" عاافاك .. عنقني و نسيني كوولشي .. ""
منين شاافها غاتبكي داار بكلامها دغية .. استلقى و جرها معااه حضنها .. حيد البونية من شعرها و طلقو و لي كان مزال ساارد و خلل اصابعو بين خصلاتو كايدعك مؤخر راسها .. و عارف مزيان هااد الحركة كاتريح اعصاابها .. طل على وجها و لقااها مغمضة عينيها .. و كانت حاطة يديها على سدرو بحاال شي بنيتة صغيرة .. قربات اكتر للفجوة بين عنقو و راسو و كمشات حوايجو فيديها متشبتة بيه اكتر ..
سمعاات صووتو قائل بخيبة امل :"" ماكانستااحقكش ... ماقدرتش نحميك و نحاافظ عليك مااقدرتش نلقااك و نعااونك.. ""
سرحات اليد المكمشة و ربتاات عليه.. ربتاات على قلبو لي خاافت عليه من اي ظغط جديد ممكن يرجع يأزمو .. و قالت :"" مااتلوومش رااسك .. انا متأكدة درتي جهدك و اكتر .. انت رااه قلبك تأزم بسبابي .. اشنو اكتر من هاادشي ممكن يوقع لك بسابي ""
و اااه .. اشنو الدليل الاكبر من هذا بااش تعرف قدااش هي غالية على هااد الانساان ؟ .. و تجي سااحرة تقوول بلي زوااجهم كوولو كذبة .. الاء مااشي غبية بااش تنسى دووك الامور اي لا تعد و تحصى لي وقعات بينهم و كانت دليل على حبو ليها .. اهتمامو .. غيرتو .. خوفو .. قلقو .. ضحكو .. ولووجو ليها .. معرفتو ليها حق المعرفة .. حتى من غضبو عليها كان دليل على حبو ليها .. كيفاش غاتجااهل هااذشي .. غاتكوون غير واقعية اذا نساات هادشي و حيدااتو من الحسباان .. و لكن كوولشي هادشي ظهر ورى زواجهم .. اي منين تعااشرو و جمعهم سقف وااحد .. ماذا عن قبل الزوااج ؟ حلاات عينيها و عرفاات راسها دخلات لمرحلة الخطر ..
و مااقدرااتش تحبس نفسها و هي كاتسولو :"" وااش كاتبغيني ازين العابدين ؟""
سكت و هو غير ضاامها .. سؤالها غبي بل الغبااء نفسو .. بحيت فقط السؤاال بووحدو بدد القيمة الحقيقية للشعورو نحوها .. داكشي بااش كايحس من جيهتها اكبر من حب عاادي ... رااه طااح بذبحة صدرية غير من خوفو عليها .. و هادشي لي عاارفة حتى هي بالظبط .. و حسات ببلادة سؤاالها .. داكشي علااش عاودت صاغتو باكتر دقة :"" امتى بغيتيني بالظبط ؟""
سبق ليها سولاتو هاد السؤاال .. فالاول كان رضااءا لغرورها .. و دابا!! .. دابا جوااب حقيقي لسؤاال حقيقي ورااه دواافع اخرى .. انها تعرف ماكانت غافلة علييه ..
"" ماعرفتش لا ايمتى و لا كيفاش .. لي عاارف .. هو انني فقت واحد النهاار و عرفت بلي هاد المرأة لي فجنبي مراتي .. كانبغيها و مانقدرش نعيش بلا بيها "" و كاان هذا جوااابو .. ماقنعاتش بيه و ماكانش مبااشر بحيت خلااها تبحت و تستنتج رااسها .. واحد النهاار فااق و لقاها فجنبو اي ورى الزوااج .. و شيء منطقي .. بحيت قبل الزواج كانت بينهم صداقة .. صداقة ماشي عميقة و ماشي سطحية .. صداقة ماعندهاش اتجااه .. بحيت كانو على اشتبااك دائم و كاان اختلاافهم ديك السااعة شيئا ما مزعج .. مزال مختلفين و لكن مالو لانهم كايتفهمو بعضهم و تعايشو مع هادشي بفعل العشرة و حتى الحب .. و لكن قبل لا حيت ماكانش حاضر الحب .. ماكانش الحب .. ترددات فدمااغها .. و علاش تزوجها إذا؟ .. كانت عرفات من بعد العرس بلي هو كان عاارف بمشاعرها تجاهو .. و لكن وااش هذا سبب كافي باش يتزوجها ؟ مافكرااتش فهاد القضية قبل .. و لكن دابا .. she can t help it .. كاينة الدعاامة لهااد النوع من التساؤلات ..
هي متأكدة من حبو ليها دابا .. و لكن ما قبل الزوااج واش كانت نيتو صاافية تمااامااا ؟ .. هادشي كايخليها تتساءل .. امتى بالظبط عرفها بيلساانة ؟ .. و كيفاش عرف ؟ اشنو كانت نواياه الحقيقية تجاهها منين عرف هاادشي ؟ اشنو قصة لعنتوو هاذي ؟ واش كاان كلاام السااحرة حقيقي بخصوص اللعنة ؟ واش بالصح سنين و هما كايقلبو عليها ؟ تذكرات بلي عائشة هي لي اختارتها زوجة لزين العابدين ... علاش هي دون البنات .. فهي كانت لا توفر على ااشروط ديال الزوجة .. كيفاش قبلاات بيها تكوون زوجة لابنها الا اذا ماكانوش دوافع .. كاتحااول الاء تتبع غير المنطق بلا ماتخلي الكلمة لمشاعرها .. و لكن الامر غير مازايد مايتعقد و يسووء .. لا بلااتي .. مزال الحال على هاذ الكلمة ..هي يالله بداات .. و فكرات غير فزين و امو ... و اشنو بخصوص خوتها.. ووالديها .. اكييد كانو عاارفين كوولشي .. من ديما كانت عاارفة بلي دوك ال2 كايخبيو عليها .. رغم انها كانت كاتسول و تعاود و جوابهم كان وااحد .. الطفرة الجينية .. كاانو عارفين اشنو هي ؟ و الخطوورة المحذقة بيها .. هادشي لي كايفسر سبب حجبها و سجنها فطفولتها .. كانو خايفين عليهها من الاختطااف .. اصرارهم على انها ماتوري لحد شكلها .. و تسترهم عليه .. كولشي دابا وضااح و باان .. علاش خبااو عليها و كذبوو عليها .. وااش حتى هما عارفين بلعنة زين العابدين و علاقتها كبلسانة بيه ؟ كانو عارفين و واافقو ؟ تساؤلات لا تنتهي .. سؤاال كايجر للاخر بلا رحمة و لا شفقة .. تمناات لو تقدر تستفهم و تستجوبهم واحد واحد .. و لكن خوفها من انها تدمر كولشي .. و تكون منجاارفة نحو عواطفها بلا ماتحس .. و من جهة اخرى ماعندهااش الجرأة توااجه شي حااجة لي تزيد تأزمها و تغرقها اكتر .. حاارت و مابقااتش عارفة رااسها اشمن منحى غاتسلك ..
حسات بيدييه على خدها و دور وجهها لعندو و كاان عنقها من سيل افكاارها بلا مايحس .. لا كاان حااس منين سولها :"" فين ساارحة ؟ ""
رمشاات الاء بعينيها و قالت :""لا .. معااك .. ""
تأملها للحظات و قال :"" عاودي ليا اش وقع الباارح ؟""
بان الانزعاج فملامحها و رجعات عنقاتو قائلة :"" مابغييتش نتغكر .. ""
زين العابدين :"" عارف انا بااه .. مالها المخدة ؟ و لكن انت لي مارديتبش البال حتى حملتي .. انا كنت نوصيبك و نعاود .. و لكن لي بغاها اللهةمرحبا بيها .. انا دابا فرحان بيه و لا بيها ""
تبددات البسمة شيئا فشيئا و هي كاتذكر التفصيل لي ذكرات الساحرة .. انو لازمو يولد منها على قبل تحميه من اللعنة .. زاين كان مصر انها ماتولدش.. بسباب قرايتها و حتى ظروفهم المادية و هاذشي مامعاونووش فيما يخص اللعنة .. وهاهو دليل اخر على حبو و عدم استغلالو ليها .. الحقائق متضاربة فبعضها و مابقااتش نيييت عارفة اشمن اتجااه غاتسلك ..
و هي فخضاام تساؤلاتها.. رجع الالم شيئا فشيئا .. و لعنت فخاااطرهاا مااشي وقتوو .. مااشي و هي دابا مع زين .. مابفااتش ينهكو القلق من جدييد .. و لقات بلي فوق ماكاتكبت افكاارها و شكووكها .. غاتظطر تكبت حتى ألامهااا ..
و لكن هااذشي ليي كانت كااتظن .. بحيت الالم كاان فووق ماكاتحمل .. و فووق قدرتها باش تكبتو و تخبيه .. كانت كانجبد و تكور فالسرير و هي كاتبكي و زين معنقها من لوور كيف اخر مرة و هو كايهدييها و مافيدوو مايديير اكتر ..
دخلو البقية بمرافقة عائشة لي كانت سمعاات غوااتها و عيطاات ليهم يجييو وسط خوفها..
هز زين عينيه فيهم و كااان مذعوور و قال :"" غاانديها للطبييب و حتى شي واااحد فيكم ماغادي يحبسني .. مستحيييل نتحمل شووفتها هكا كاتعذب و ماانديير واالو ""
زيااد ؛" لبسووها انا غانوجد الطوموبيل ""
و كان لزيد رأي اخر بحيت قال :"" مستحييل نخلييكم تدييوهاا .. ""
ماعارو زين حتى اهتماام .. بحيت نااض لبسها لي باان ليه و هزها .. و كانت عائشة و شبماء و رااه كايطلبو منو ياخد حذرو .. لا ليها .. و لا ليه حتى هو ..
آلاء و المنحوس الجزء 108
محتوى القصة
التنقل بين الأجزاء