أنين العشق الجزء 12

خيوط ضوء الصباح داخل من سرجم للغرفة فين ناعس مراد وكوتر ..فاق مراد هو الاول شاف فساعة وفيقها كايلعب فشعرها ..

مراد: نوووضي ..الحب نوضي غايمشي علينا لحال على طيارة 

كوتر:"ناض قافزة" الااا تمشي علينا طياارة ..صافي فقت ..

مراد:"كايضحك" هكاك الله ارضي عليك ..ناضو كل واخد دخل غسل وتوضى وصلاو بجوج ..هزات كوتر حوايجها لموجدة لهاد النهار لكانت كتسناه بفارغ الصبر ..لبسات عباية فبلونكاصي بشالها قداتو مزيان دهنات وجها بكريم مرطب وايدها ولبسات بالغينة مرصعة باحجار من القدام راقيين فالبيج ..وضارت كتشوف فمراد كايقاد ساعتو فايديه لابس قميص بيض جديد فيه طرزات خفاف فالكول خشا الفون فجيبو ولبس سبرديلة خفيفة وسامبل فالماغو ..هز عينيه فيها واثارت اعجابو بلباسها ووجها صافي وشال لفوق راسها قرب لعندها وشد وجها بين ايديه وباسها فجبهتها وعنقها زير عليهاا 

مراد: الله ارضي علييييك ..الله ارضي علييك ..الله ارضي عليك

كوتر: الله اخليك ليا ياربي ..عاود باسها فراسها ..وبعد جر باليزة كبيرة وهي باليزة متوسطة وهازة صاك صغير فيديها فالبيج ..خرجو ركبو فسيارة وتوجهو لمطار دبي الدولي ..نزلو ودخلو كان كبيير بزاااف كوتر كتشوف يمين ويسار حيت لمرة لفات خرجات ديريكت مدخلااش تشوفو كولو ..توجه مراد اطبع لوراق وبقات هي واقفة مسرحة عينيها ولداز من حداها كاتحاول تفرز لغتو ..رجع مراد لعندها ومشاو كلسو كايتسناو وقتهوم ..

مراد: ماباقيش غاتركبي بوحدك فطيارة ..من اليوم غاتركبي كيفك كيف ناس ..

كوتر: مفهمتش شنو كتقصد..

مراد: كنا كنركبو فطيارة بجوج ..دابا غاتركبي فطيارة كبييرة لكايسافرو فيها كاع ناس وتكلسي حتى نتي بحالهوم 

كوتر: احسن حاااجة ...باش نحس بمتعة السفر ..

مراد: من اليوم كولشي غايرجع عااادي وغانعيشو كاي ناس طبيعين 

كوتر: مالنا كنا عايشين كيف رسوم متحركة ..بالنسبة ليا كنت عايشة عادي مكنحس بحتى تغير من غير لمشاكل لكتجي حتى لعندنا 

مراد: مابقا واالو ان شاء الله ..سمعو الاعلان ديال الطائرة وناضو متوجهين لبوابة كتأدي لطائرة وناس كتار غاديين ..شاد فيديها وهي فرحانة كتشوفيه وتعاود تشوف قدامها ..طلعو لطائرة وشدو اماكنهوم قاد ليها سمطة وشدو طريييق ....

بعد ساعااات ..وصلو نزلو من لمطار وركبو فحافلة صغيرة خداتهوم الاوطيل لكان قريب من الحرم المكي ..كوتر طول طريق حاطة وجها على زاج وكتشوف تصميم الاوطيلات والعلو الكبير عينيها كايبريو بالفرحة وقلبها كايشطح ..باقي مامتيقاش ان الله عز وجل حقق ليها حلم كانت كتحلمو مع صحاباتها لكانو كايدعيو انهم امشيو مجموعين باش يأدو مناسك الحج ..هي تحقق وزارتو وخا عمرة ولكن بنسبة ليها كاافية وفرحتها لا توصف ..غمضات عينيها لثواني ودعات فخاطرها مع كولشي باش اجيو تاهوما ...وصلو ونزل مراد تبعاتو ودخلو هازين ليهوم ليفاليز ..وقف مراد فالاستقبال خدا سوارت حيت ديجا حاجز كولشي طلعو فسانسور ودخلو لغرفة ..كانت جميلة وبسيطة وواسعة ضاير بيها زاج كاملة وفالوسط سرير ابيض وجنبو فطويات وقدامهوم طبلة تزاج مربعة ..تكا مراد على ناموسية كايشوف فبها ..

مراد: حيدي حوايجك واجي ترتاحي ..معيتيش بطريق 

كوتر:"وقفات قدام زاج كطل" وااااااو مرااااد "بالغوات" مراااااد

مراد:"وقف" مالكي 

كوتر: اجيييي اجييي تشوف "كتشير بصبعها" شوووف مكة كتبان شووف ناس كيف كتاار وضواااو ..احسن منضر شفت وغانشوف حياتي كااملة 

مراد:"عنقها من كتفها" بصحتك ..مركز الكرة الرضية ..وعرفتي صوت الآذان ديال تماك" كايوريها بصبعو" كان سمعو واحد لعالم وهو فوق سطح لقمر ..

كوتر: سبحاان الله ..دابا فاش كايكونو كايضورو ناس هكاك كضور الكرة الارضية 

مراد: بحال هكاااك ..جبد مراد الفون ديالو وبدا كايصور وهي كتشوفيه حتى سالا وخدات الفون كتشوف ..

كوتر: وااااااو ..كتعرف تصور كيف كايبان لمنظر وضواو والغيوم فسماء ..

مراد: وحيدي حوايجك وسيري دوشي باش نطلبو لعشا ونعسو ونفيقو بكري ..

كوتر: حااااضر هي لمتعاود ... حيدات شال وعباية بقات بكولون بيض لايق وتريكو فنفس اللون بكميمات ..وحلات باليزة جبدات غوطة واطروسة ديالها وبيجامة ودخلات دوشات وتوضات وخرجات ..

كوتر: سير توضى بيدما نشفت شعري ..دخل بسرعة دوش وتوضى وخرج لاوي عليه فوطة صغيرة على خصرو جبد سروال سورفيت وتريكو غري لبسهوم ونشف شعرو لبسات حوايج صلاة وصلاو بجوج وختم صلاة مراد بادعية كتيرة وهي كتردد "أميين" من وراه ...طلبو لعشاء كلاو وتلاحو نعسو بسرعة ...

➖➖>بعد شهر....

كوتر: صافي غانمشيو ماسخيتش والله ..سبحان الله على راحة فهاد المكان 

مراد: عقبال شي حجة ان شاء الله ..

كوتر: ان شاء الله يااااربي "قربات وعنقاتو من كرشو" شكرااا بزاااف على هاد لعمرة ..

مراد:"باس راسها" متقوليش هكاك احبيبة تستاهلي عينيا ..نطلب منك واحد لحاجة ومتقوليش ليا لا..

كوتر: اويلي على نقول لاا ..وانا نقدر عطيتك عهد فاحسن مكان فالعالم بلي عمري نقلقك عمري ندير شيحاجة وراك عمري نتعصب وغانعيش باش نسعدك ..غير قووول شنو حب لخاطر ههه.

مراد: ماتحيديش الفولار ..طول هاد لمدة لكاينين هنا فاش كتلبسيه كنحس بغرحة كايجيك غزاال وزاد زينك كتر وحتى ماكياج نقسي منو 

كوتر:"ابتاسمات" امرااا وطاعة يا بعد قلبي بانور عيني انا لك الله اخليك تاج فوق راسي ههه جات معايا هضرتهوم تعلمت

مراد: هههه حمقة اجي اجي ...خشاها فصدرو وزير عليها وكايبوس فراسها وكايردد "الله ارضي عليك " 

كوتر: يلاه نخرجو بزربة نشري شيحاجة ونرجع 

مراد: حماقتي راه طيارة عندنا بليل يلاه تجمعي كولشي شوفي شحال تقيديتي براكة عليك 

كوتر: نزيد شي عبايات ليا انا ديال اخروج غير نعدي بيهوم حتى نزل لمغرب ونشري حوايج الفولار 

مراد: الى هكاا نخرجوو ...مشات كوتر جبدات عباية طويلة وواسعة فالغري وفكمامها دونتيل فسومو بااارد ولاحت شال حريري غالغري ولبسات بالغينة بيضة وهزات صاك بيض ..لبس مراد سروال سورفيت غالكحل وتريكو كحل لاسق ولبس كويرة وسبرديلة فالخضر ودار كاسكيط بيضة على راسو ..

كوتر: حيد كاسكيط والله الى جات معاك لحسانة 

مراد: ههه وبراكة ونتي حاضية ليا راسي منهار نقصتو 

كوتر: والله العظيم جاك زوين ..

مراد: كايبان راسي كيف شي كوجاكة ..مدرت هاد لحسانة من ايام السطاج هههه 

كوتر: انا عجباتني ..

مراد: عرفت عجباتك غير خلي كاسكيط راه لبرد ..زيدي راه غايمشي لحال ..خرجو من الاوطيل شادة ليه فدراعو وتمشاو على رجليهوم حتى وصلو فين كاينين محلات مشات ديريكت لمحل ديجا تقدات منو ..دخلات هي ومراد وبقات كضور وتختار فالالوان والاشكال هزات خمسة بفولاراتهوم واعتامدات سامبل والوان مختالفين ..خرجو وجراتو خدات حوايج خرين وكلسو تعشاو برااا عاد رجعو محملة والفرحة مقاداها ..دخلو تكا مراد بحوايجو وسبرديلة ..حيدات هي عباية وبقات بشورط ومايو وجمعات داكشي لشرات كتكدس فشوانط وتسد جمعات برودويات ديالها كاملين دخلات دوشات بزربة وخرجات نشفات شعرها ولبسات كولون بيض وتريكو فنفس اللون ومشات كتفيق فمراد لدغيا نعس ..

كوتر: نوووض غايمشي علينا لحال ..

مراد:هممم .."كايتعكز" 

كوتر: ونووووض انا ساليت نوض الى غاتبدل حوايجك ..

مراد: "هز راسو" غانمشي هكا ..ناري ياكوتر شحال تالقش منزلين ..ياكما شفرتي زرابي تجوامع ..

كوتر: هههه نوووض نووض ..

مراد: شوفي عندي فكرة ..هزي شوانط فيهوم حوايجنا ولعامرين بالكادويات نصيفطهوم ديريكت لمغرب حتى نجيو 

كوتر: لااا بغييت نعطيهوم ليهوم بيدي

مراد: غاتسناونا حتى نجيو ..انا نهضر مع امين اصيفط ليتلقا ليهوم واديوهوم لفيلا ديريكت شنو بان ليك ؟

كوتر: صافي حتى هادي فكرة "كتشير بصبعها" دوك ثلاثة المتوسطين غانزلوهوم حنا وداكشي لاخور صيفطو لمغرب 

مراد: وكدويات كريم وهشام وغزال؟؟ 

كوتر: ويلييي فكرتيني ..مشات كتحل وتجبد وعمرات باليزة خرا ونقصات من عندها وعاود سدات كولشي وناض سخفانة لبسات عباية بيضة ناصعة بشال فالماغو بارد وبالغينة فنفس لون شال وهازة صاك لويس فويتون المفضل عندها ونزلو متبعين ليهوم لبكاج شدو طريق لمطار ودخلو كلسات كوتر فكافي ومشا مراد تكلف بالاجرائات وصيفط داكشي لمغرب وتاصل بامين قالها ليه..وصلات وقتهوم وطلعو شدو بلايصهوم وقلعات طيارة وكوتر كتشوف من زاج وكتدعي فخاطرها وابتسامة على شفايفها ...

وصل كوتر ومراد دبي وبضبط دارهوم شميسة بدات كتشرق ..داخلين مهدودين بنعاس ..حطو كولشي وسط دار ومشاو لبيت حيدو حوايجهوم ودخلو توضاو خرجو صلاو وتلاحو فوق ناموسية ..جر مراد كوتر بين دراعو مزير عليها كايستنشق ريحة شعرها حتى غفاااو بجوج ..بعد سوايع طويلة فاق مراد على صوت دقاان وصونيط فالباب ناض كايتسلت من جنبها باش متفيقش لابس شورط هز تريكو من ماريو لبسو وخرج عاقد حجبانو حل لباب ولقاه كريم حاط ايديه على صونيط جرو من لكول ودخلو ..

مراد: الزمر ..مالناا هارب ولا تابعينك لاش ملسق ايديك على صونيط 

كريم: ايهااااي بان فيك الايمان كايشعشع منك حتى ضريتيني فعينيا ..جيت نقوليكوم على سلامتكوم ونشد كادوياتي 

مراد: لاحول ولا قوة الا بالله ..عمرك تبدل دير عقلك تفوو 

كريم: نجر شي باليزة من هادو نديها كولها ديالي ..

مراد:دخل لصالون وهضر بشوي كوتر ناعسة ..دخل كريم لصالون ومشا مراد لبيت دخل غسل وجهو وجا لعند راس كوتر كلس كايفيق فيها وابوس ليها راسها حتى حلات عينيها بزز 

مراد: صباح نور الحب ..كريم كاين مهم الى غاتخرجي تسلمي عليه لبسي 

كوتر: وخااا ..وعلاش جاي مع صباح كايحلم بينا 

مراد: ههه راه قريب تأدن لمغرب ..المسا هدا ازين 

كوتر: اواااااه ..عفاك تاصل بشي ريسطو اصيفطو لينا لغدا فيا جوع وماقاداش نوض نطيب شيحاجة ..

مراد: وخا .."باسها فشفايفها"كنبغيييك ..خرج وخلاها لقا كريم شعل تلفازة ومسرح رجليه ..

مراد: ورتيني فالحياة 

كريم: اجي بعدا ...امتا غاتعطيهوم دار 

مراد: كون غير اتباعاو معايا فيها نخليها هنا الى جيت 

كريم: موحاال هادشي ديالهوم ..شوف ليك شي بارطمة خرا خودها 

مراد: حتى نشوووف ..نتا شنو ناوي ديير 

كريم: فاش بضبط 

مراد: فكوولشي ..

كريم: اواخر العام غايعطيوني الانتقال حيت قدمت ليهوم سبب الرئيسي لغايخليني نزل لمغرب ..وبخصوص ريهام غانزل معاكوم لمغرب ونفضي كولشي 

مراد: متيقن ..فكرتي مزيان 

كريم: وي صااافي ..خديت وقت طوييل وفكرت 

مراد: اعاونك الله ...وقفات عليهوم كوتر وابتسامة على فمها لابسة قميص طويل بالكميمات ولايحة شال على راسها وحناكها حمرين بالنعاس ..دخلات تسالمات مع كريم وكلسات ..

كوتر: ناري ياخوياا لااش جاااي لاش ؟

كريم: جات معاك لعمرة جيتو منورين 

كوتر: عقبال عندك 

كريم: ان شاء الله راه لخدمة مكايكونش وقت اما ماكرهناها هي وشي حجة 

كوتر: متعرف امتا تجي وقتها .."شافت فمراد" واش طلبتي لينا لغدا ..

مراد: وي بحرا دومونضيت من واحد لابليكاسيو صبري شوي وتكون عندك 

كوتر: نوض نطحن لعصير ..ناض لبيت هزات الفون ديالها وصيفطات مسج لغزال 💬 عفاأااك جيو دابا نتي وهشام راه كريم حتى هو كاين💬..هزاتو معاها ومشات لكوزينة حلات تلاجة وجبدات ديسير لكاين ماعجبهاش ولاحتو وبقات واقفة كتسنى الجواب "ترن" حلات لمسج💬 اوكي حبيبة هاني نوض هشام ربع ساعة ونكونو عندكوم💬 ..حطاتو وبقات واقفة كتلعب بايديها وتفتف بوحدها بحالا دايرة شي زبلة وخايفة تحصل او كتسنى شيحاجة حتى سمعات صونيط فالباب وقدات شالها وخرجات شدات ساشيات ودخلات هي ومراد كتقاد فطباسل وهو كايدي بلاطو احط وارجع ..قادو طبلة وكلسو بثلاتة كاياكلو وكايضحكو واعاودو لكريم على العمرة والاجواء ..عاود صونا لباب وناض كوتر قافزة ..

كوتر: انا نحل ..خنزر فيها مراد ورجعات كلسات ومشا هو حل سمعات صوت عرفاتهوم جااو دخلو تسالمو وكوتر عنقات غزال وكتنغز فيها والخرا مافهمات والوو كلسو معاهوم فطبلة ناض كوتر زاد طباسل وبقاو مجمعين مدة طويلة وكوتر كترعد بحالا حابساها لبولة ..سالاو وناض كتجمع وغمزات غزال تبعها دخلو كوزينة وضارت شدات فيها وعينيها خارجين ...

غزال: مالكي اش واااااقع من قبيلة كتفيبري وتشوفي فيا ...

كوتر: متوقعيش شنو لجديد 

غزال: حاملة ..

كوتر:"هبطات راسها" ياريث ..لا غير هادشي قبيلة جا كريم وكان هو ومراد فصالون وانا فالبيت فاش قربت لصالون سمعت سميت ريهام وانا نقرب وقطعت لحس "هزات راسها" الله اسمح ليا ياربي 

غزال: وشنو قاليه 

كوتر: قاليه شنو غادير فقضية ريهام .قاليه كريم غانزل معاكوم ونفضي كولشي 

غزال: متقوليش صافي خرجها من بالو 

كوتر: وبااينة شوفي شحال دااز وقتما هضرت معاها وسولتها كتقوليا مابانش ليه الاثر ومابقاش ضار بساحتها ..

غزال: داكشي باش كان مهدن وكايتعامل ببرودة 

كوتر: صراااحة وخا مابغيتش نتدخل فقرارتها ولكن فرطااات فيه وغاتندم وسعدات لغاتديه ضريف والله اعمرها ضار 

غزال: وييه تنا كنت بغيتها ليه ولكن صافي اقدر شاف مابقا أمل وديما كتردو اللهم انساحب 

كوتر: شوفي نقطع ايدي الى مكانت تاهي باغياه 

غزال: اوا تحرك الى باغاه وخا غير تصيفط ليه تقوليه غبرتي ياك لباس او دير بحالا صيفطات مسج بالغلط وجا فيه 

كوتر: ختي وكنعرفها خرية صافي ..من صغرها خواافة وكتنساحب دغيا وابسط حاجة الي ضراتها كتبقا دمع وخا تشوفيها كضحك ولهضرة كتيرة داكشي هو راس مالها ..دابا هي عمرها تصاحبات او عطات فرصة لشيري اتقرب منها وجاها كريم زرب عليها وشخصيتو جاتها بعييييدة كل لبعد على شخصيتها وخافت ودارت داك لفلم 

غزال: شنو لحل دابا ..علاش من عاونوهوم حنا؟

كوتر: كيفاش ادادا لفهيمة 

غزال: ماشي دابا ..زيدي نكملو جميع ومن بعد نهضرو 

كوتر: وخا ...قدات كوتر شالها فوق راسها باش اخرجو وهي تشدها غزال من دراعها 

غزال: مالكي مدابزة مع هاد شال 

كوتر: تحجبت الحبيبة ههه 

غزال: ربيي ربي ..مبروك جا معاااك والله لعقبال ليا 

كوتر: أمين ياااربي 

غزال: دعيتي معايااا 

كوتر: والله الى دعيييت معااااك ومعايا ربي افرحنا فاقرب وقت يااااربي 

غزال: ياااربي بغيت نفرح غير هشام وخا مسكين عمرو قاليا شحاجة 

كوتر: ان شاء الله ربي غارزقنا بدرية الصالحة وعن قرييب ...خرجو لبنات جمعو طبلة وخلاو دراري كايهضرو ودخلو هوما لبيت نعاس ودخلو ليفاليز حلاتهوم كوتر وجبدات كادويات ديال غزال وهشام وهزات زوج ساشيات كبااار وخرجو لصالون ..

كوتر: كريم هاك كادو ديالك ..

شدهوم وحل كايجبد قدامهوم واشوف : ديالمن هاد لعابايات وتواب راني زوفري معنديش لمرا 

مراد: عرفناا ههه داكشي ديال لوليدة ديالك وختك 

كريم: شكراااا بزااف لاش عدبتو راسكوم 

مراد: جااا معاك صواااب 

كريم: مراا مراا ..امتا نازلين لمغرب 

كوتر: غاتنزل حتى نتا؟

كريم: نوصل كادويات لماليهوم 

مراد: ولاش غاتعدب معانا ونتا فيك متنزل فطيارة خاصة 

كريم: لاا بغيت معامن نتوانس ...ياك غاتتزلو فكازا 

مراد: وي فكازا ..بعد غدا غانركبو غدا غايخصني نكمل شي وراق هنا ونفضي كولشي لاش نزل مهني 

هشام: هنييئا لك والله "شاف فغزال" عقبال لينا نزلو نستاقرو فبلادنا 

غزال:😢 حتى ولفت كوتر معايا وكنتوانسو غاتمشي وتخليني بوحدي بين ربعة الحيوط نهار كامل 

كوتر: جمعي دموعك مافيا ليبكي ..ياااربي ترجعو فاقرب وقت وتجيو تسكنو فمراكش حدانا 

كريم: تيييراااااا راااااا ..مسلسل هندي صافي 

كوتر: الله امسخك نتايا .."شافت فغزال وغمزاتها" 

غزال: ونتا حتى لإمتا غاتبقى زوفري وتفرع لينا راسنا 

كريم: ديهاا فرااسك وفراااجلك ..غانبقا على قلبكوم وديال راسي مالقيتش لتعاوني فيكوم 

كوتر: الله اجيب ليك شي فرااااعة كتر منك تسالي منك هاد لفريع ديالك 

كريم:"هز ايديه" أمييييييييين ديك ساعة دعي قدام لكعبة 

مراد: دعيييت معاكوووم والله نتا وهشاام 

هشام: لهلا اخطييك اخوياا ..غاتخلي بلاصتك كبييرة ومدوزناش القليل 

مراد: الله ايسر الجميييع ...كملو حديثهوم حتى ليل وخرجو مجموعن تعشاو برا ومن بعد كل واحد قصد دارو رجعات كوتر ومراد لدار دخلات ديريكت دوشات وخرجات لاوية عليها فوطة غوز وشعرها مطلوق لجنب فازك كايقطر وحنيكاتها حمرين وشفرانها مخربقين بالما ..هز مراد راسو لكان خاشيه فالبيسي ووقف لحركة مقابلها كتحرك بين باليزات ومن بعد حلات لماريو وقفات قدامو كتشوف ..حط بيسي فوق كوافوز وناض قفز وقف وراها وحاوطها بايديه حتى قفزات ..هبط راسو خاشيه فعنقها 

مراد: توحشتك "كايشم ريحت لحمها لمعطرو بجيل دوش تشكلاط والفاني وشعرها فايحة منو ريحة شومبوا ..ضارت بالعرض لبطيئ وقبلاتو فمو ...

كوتر: وترثي 

مراد: وي قبل منخرجو صليت كولشي ونتي 

كوتر: حتى انااا 

مراد:"غارق فعنقها كايبوس" توحشتك 

كوتر: سير دوش احبيبة حتى انا توحشتك ..على ديك لكلمة هزها بلخف ولاحها فوق ناموسية ونسل الفوطة وبقا غارق فجسمها كايشوف ومقوس حجبانو وهي كضحك وتحرك رجليها 

مراد: قفرتييهاااا ..شحال جامع ليك 

كوتر: هههههه نزل لمستاواها كايقبل فجسمها بلهفة وشوق وهي كتركل تحت منو ..هز راسو حيد تريكو ونزل شورط بقا بالبوكسر ورجع لفمها كايمص والعب بلسانو وهي مضورة ايديها على راسو .نزل لصدرها كايعصر بكل قوة وعينيه تعابير وجها وكايزيد اعصر حتى كتغوت ...

...⛅⛅ يوم جديد فاق مراد هو الاول ضار جهة كوتر وهو ابتاسم شعرها على وجها وصدرها مدفق قدامها وكولو مطبع وعنقها مزوق بزرق والخضر وقليل من الغوز مغلوق.. والغطا عند كرشها ولايحة ايديها حدا راسها ..قرب ليها وبعد زغيبات على وجها ونزل كايقبل شفايفها والعب بلسانو وكايضحك بعد وجهو وهز صبعو حطو على حنكها ونزل كايتحسس عنقها وصل صدرها وبقا كالعب فيه وكايرسم دوائر وكايضحك كيف شي وليد صغير حتى تحركات وبعد صبعو عاود نزل باسها فمها وبين عينيها وغطاها وناض دخل دوش وخرج لبس سروال دجين زرق وتريكو فالبيض ولاح عليه تجاكيت فالورونج وكاسكيط كحلة وسبرديلة كحلة هز كونطاكت طوموبيل والفون وخرج سد عليها لبابا وخرج داز لاقرب ريسطو فطر بالخف وناض مشا لخدمة دخل تسالم مع كولشي وداز الادارة كمل اجرائات الاستقالة وسلم ليهوم وراق دار واي حاجة كانت عندو وتوادع معاهوم وخرج مشا لاجونوص طوموبيلات ديال صديق ديالو ..باع ليه طوموبيل حيت مابقاش محتاجها سلاو وتفاهمو وتافقو غاخليها لبه فالمطار غدا ..من بعد داز لسوبر مارشي تقدى لغايحتاجو ليوم وغدا ..ورجع لدار بسرعة دخل لقا سكات كيف خلاه حط بلاستيكات فالكوزينة ومشا حل لباب على كوتر لقاها غارقة فنعاس ناعسة على كرشها ..دخل بدل وخرج لكوزينة ستف كولشي بلاصتو وقاد لفطور عاد مشا فيقها ..

مراد:"كايبوس فيها" نووووضي ...واا نووضي 

كوتر:هممم خليني فيا نعااس ..

مراد: نووووضي "كايعضها فعنقها" 

كوتر: آيي آيي 😢 براكة لحمي كايضرني 

مراد:"عضها فصدرها" ونوووضي ..دفعاتو وحلات عينيها كتغبن وتشوفيه 

كوتر: وااااااع ضريتيني ..خليني غير شوي رجع نعس شوي ونوضو 

مراد: انا خرجت وجيت ووجد لفطور ونتي باقي باغا ترجعي تنعسي ..

كوتر: كيفااااش ..

مراد: نوضي لبسي حوايجك ..الى بقيتي هكا غاناكلك 

كوتر:"رجعات تكات" بغيت نعس "كتشير بايديها" سيير فحالك بغيت نعس ...شد ايديها طلعهوم لفوق وخشا وجهو فعنقها كايمص واقبلها بكل وحشية وهي كتغوت حيت كايضرها طلع فوقها وشد فمها وصط فمو وغرق فقبل متتالية حتى سخن وحيد حوايجو بالخف وعراها نزل لصدرها كايلعب فيه واقبل حتى ترخات واستسلمات ....

☁اليوم لغايرجع فيه كوتر ومراد لبلادهوم بعد معانااات مراد مع الخدمة ..قدر افضي امورو بدون مشاكل وخسائر والاهم انا هاد امدة زاد قرباتو لكوتر كثر وكثر وقدرو افضيو جميع لخلافات او مشاكل لتقدر تشوش علاقتهوم وقفو قدام الكعبة وعطاو وعود لبعضهوم ان تاحاجة مغاتقدر تفرقهوم او تدخل بينهوم ..خلاو جميع الدكريات سوداء وراهوم وراجعين بنفيسية صافية وتغيرات إيجابية على حياتهوم توادعات مع غزاال بدموع وكل وحدة كادعي مع الاخرى بنفس الدعوة ...تلاقو بكريم فالمطار كملو الاجرائات وطلعو شدو بلايصهوم ..بعد ساعات كانو وصلو مطار كازا نزل كريم وراه كوتر كتشوف فغروب الشمس من ورا ضبابة ..نازلة لابسة سروال دجين شوي واسع متني من التحت وتريكو خيط فالبيض ومن الفوق مونطو طويل فالكحل كايتسد بحزام عريض وفيه جباب فجناب ..لاوية شال فالخزي بطريقة راقية ولابسة بوتينغ قصير فالخزي وصاك طويل فالبيض ونضارات تالشمس فعينيها ..وراها مراد بسروال دجين وتجاكيط فالكحل وكاسكيط فالبوردو وسبرديلة فالبوردو ..نزلو كايضحكو شدو باكاج ديالهوم وخرجو لبرا ..

كريم: "كايشير بايديه" شيفروليت البوردو ديالي ونتا 

مراد: راهيا رونج البيضة ..

كريم: يلاه معايا لسلا رتاحو وغدا شدو طريق ..

مراد: طريق تابعانا تابعانا اللهم نمشيو دابا غانوصلو مع 9 تالليل غانمشيو ديريكت لدارنا نرتاحو ..

كريم: علاه مافراسهومش جايين اليوم؟

نقزات كوتر: قلتها لريهام وقلت ليها متقولهاش ليهوم ..

مراد: زعما متكون قالت ليهوم واالو ..

كوتر: وصيتها متقولهاش ..

كريم: ويلاهو معايا غير رتاحو ..

مراد: غير خليناا ..."ضربو على كتفو" بلغ سلامي لواليدة ونتقاشعو 

كريم: مبلغ حتى نتا سلم على مالين دار "شاف فكوتر" سلمي على دار بزاااف 

كوتر: مبلغ وعنداك تغبر جي عندنا ..

كريم: الى لقيت الوقت اكيد غانجي ..توادعو وكل واحد ركب فسيارتو وشدو طريق ..بعد ساعتين ديال طريق دخلو على مراكش دنيا عامرة نزلات كوتر زاج كتشوف ..

مراد: نشدو لعشا من ماكدو ..

كوتر: اوكي ..وقفو فماكدو تكليز ونزلو بجوج شادة فيديو وشارع عامر دخلو شدو شنو بغاو وخرجو ..

كوتر: توحشت هاد الجو ..والله مكاين ماحسن من مراكش دبي ولا زمر شووف شووف 

مراد: الله استر ..مراكش زوين ولكن بدى كايتوسخ هادا هو لمشكيل 

كوتر: على اساس لهيه مكاين والوو خييخ خييخ ..غير تماك مدرقين ورا الاقنعة وهنا كولشي باين فشاشة ..

مراد: اوا هوما لتلقو ليهوم اللعب حتى رجع لمشرى اتنزه ..

كوتر: مهم كايبقا مراكش زويين والجو تاعو زوين وسالينا 

مراد: باغا تخاصمي ..ركبو وشدو طريق الفيلا دخلو هازين باليزاتهوم ولقاو باليزات لصيفطو وسط دار كايتسناوهوم ..

مراد: والله لا هزيت شيحاجة حتى لغدا ونطلعهوم 

كوتر: اودي اودي هه شرفتي يا صكع 

مراد: نوريك واش شرفت 😈

⛅⛅فاقت كوتر هي الاولى ..نازلة مع دروج لابسة بيجامة قطنية سروال وفوقاني ديالو فالغري ومزوق بالغوز والصفر جامعة شعرها كعكة وبانطوفة فالبيض مزغبة وهازة الفون فايديها ..دخلات لكوزينة ومشات حلات تلاجة لقاتها عامرة مناقسها والو ومستفة حتى لكوزينة نقية وكدالك دار مخملة وريحتها معطرة عارفات مراد لكلف شيحد كيف ديما ..دوزات ابيل فيديو لغزال حطاتو فوق البوطاجي ومشات لتلاجة كتجبد وتهضر ..

غزال: كيف داير لجو فمراكش

كوتر: زويين ودافئ على دبي

غزال: اواا كاين شي جديد؟؟ 

كوتر: ياختي تلفت فاش تفرقنا مع كريم فالمطار قلت ليه دوز عندنا لمراكش قاليا الى لقيت وقت

غزال: وياك قال نازل افضي القضية 

كوتر: معرفتش ..واكيد مراد عارف وماغايقول واالو وحتى انا ماقادراش نسولو

غزال: اكيييد وحتى هشام غايكون عارف 

كوتر: هكا مراد داير ماعمرو اعطيك راس الخيط ..وديما سباب مشاكلنا هو سكات ديالو ومكايعطيش لحاجة اهمية كبيرة 

غزال: وبحاااال هشام راك كتشوفي هضرتو قليلة ..سبحان الله غير كريم لمغاير عليهوم 

كوتر: عزييز عليا كريم وبغيتو لختي مهما كان كنعرفو وغاتهلا فيها جيت باين كايبغيها بزااف 

غزال: تنااا والله ..خاصنا نديرو شيحاجة باش نعاونوهوم 

كوتر: صبري عليا نمشي لدار ونشوف ريهام ونتفاهم معاها الى بغاتو تعطيه فرصة مابغاتوش تفضي معاه 

غزال: نقطع ايديا الى عاجبها ..اويلي دري غزال عينين خضرين ضحوكي وكايفوج على لقلب وراااجل شنو بغات مزال 

كوتر: بغات ليشخشخها هه مهم نخليك نمشي نفيق مراد باش نفطرو ونخرجو نشوفوهوم ..مواح

غزال: بلغي ليهوم سلامي ..مواح باي ..قطعات وكانت سلات توجاد وستفات طبلة مشكلة مناقصها والوو ..غسلات ايديها مزيان وطلعات لبيت حلات شعرها طلقاتو ودارت كلوس خفيف ورشات شوي من ريحة مخصصها لدار ومشات كلسات عند راس مراد وبدات كتوزع قبلات فوجهو وشعرها مدلي عليه

كوتر: مراااد ..مرااااد فييق برااكة ونووض 

مراد: همم حداكة فايقة بكري 

كوتر:"باستو" ونوض باش نفطرو ونخرجو 

مراد: وانا نقول كيف طرا فقتي بكري ..سبقيني نغسل وجهي ونجي ..باستو فحنكو ونزلات ..بعد دقايق دخل كلس فطبلة لابس سروال سورفيت وتريكو نص كم فالبيض ..فطرو فجو من ضحك والغزل ..سلاو جمعات بزربة وطلعات حلات باليزة كتقلب متلبس خدات عباية فالكريمي ومزوقة بوريدات فالنفس اللون ومن التحت دونتيل لبسات سروال سليم زرق وتريكو قطني فالزرق ولاحت عليها العباية وسداتها بحزام من الوسط ..وقفات قدام مراية دارت كريم شمس وجبدات شال فالزرق قداتو ورشات بارفان ودارت عند مراد كان سالا كايرش حتى هو ريحتو لابس سروال دجين وتريكو ومن فوق كويرة خفيفة وسبرديلة وكاسكيط هزات صاك فالكريمي وزرق ونضارات شمسية ..خرجو متقلين بساشيات كبار وكتار نزل مراد لاكاف وخلا كوتر تفقد سياراتو وخدا لومبريغيني فالكحل مات بزاف فيمي طلع وحل لباب لكوتر طلعات كلسات حداه وخرج شد طريق ..

كوتر: توحشتيهوم ..

مراد: بزااف ..صافي دابا ساليت غانعطي لوقت كامل لمشروع

كوتر: الله ايسر احبيبي ..متنساش باش واعديني 

مراد: اكون خير ..فين نسبقو 

كوتر: داركوم غايكونو متوحشينك كتر نتا غبتي كتر مني 

مراد: عادي اصلا مولفين 

كوتر: وخا مولفين خلينا نسبقوهوم خالتي غاتكون موحشاك ..جر ايديها لعندو باسها من داخل وبراا وردد بصوت مسمسوع" الله ارضي عليك" شافت فيه بفرحة وعويناتها كايبريو وقتما قاليها هاد لكلمة كاتحس بلي مالكة دنيا وقلبها كايبغي اطير من بلاصتو ..وصلو باب لفيلا شافوه وحلو دخل ونزلو ..جبد ساروت باش احل وهو اتحل لباب كان خوه صغير" رشيد" ..شافو طار عليه بتعنيقة ومراد كايطبطب على راسو ..

رشيد: خويا توحشناك ..إمتا جيتي 

مراد: دابا جيت طحت من سما ههه حتى انا توحشتك البطل فين غادي؟

رشيد: سمعت صوت طوموبيل قلت نشوف شكون ..مافراسيش جاي 

مراد: دخل دخل راه مافراس حد هه دخلو لوسط دار وبدا رشيد كايعيط بالغوات على ماماه وهي تخرج من لكوزينة كتمسك بمشوار اديها لفازكين بالما علات عينيها وشافت مراد فاتح ايديه ليها 

مراد: تيتيييييييييز تووووحشتك ...قرب ليها عنقها وهي كتبكي بصمت ..كايبوس ليها راسها واديها 

لالا لطيفة: 😢 امتا جيتو 

كوتر: بغينا نفاجئكوم ..ماقلناها لتاحد ..

لالا لطيفة بعدات على مراد وحلات دراعها لكوتر: بنتي حبيبتي توحشتك .."تعانقو" زيانيتي يابنتي 

كوتر: اناري ياخالتي علاه كنت خايبة 

مراد: تهليبت فيها ياك الوليدة 

لالا لطيفة: بنتي زييييينة وغزااالة ربي احفظها ..توجهو لصالون كايهضرو واضحكو وتعاودو على لداز نزلات اخت مراد صغيرة وحتا هي شبعات فيه تعناق حيت قريب ليهوم بزاااف تسالمات مع كوتر وكلسات جنبها ..خرج مراد جاب ليهوم كادويات ديالهوم وعطا لكل واحد ساشي ديالو ..جبدات كوتر بواطة صغيرة من صاكها ومداتها لخت مراد : سنة سعييدة الفن ديالي تعيدي وتعاودي مكناش معاك ولكن منسيناكش ..خداتها كطير بالفرحة عنقاتها وباستها وحلاتها كانت سنسلة دهب فيها جوج قلوبا صغار

دخلات لالا لطيفة الكوزينة مع سيدة لكتعاونها ولحقات عليها كوتر عاوناتهوم بزز حيت مابغاتش ام مراد تعدبها ..وجدو غدا فاعل تارك بشلايظ والعصيرات ..جا الاب تاعو وتاهو فرح مني شافهوم وتبدلات علاقتو بمراد ورجعو متقربين وكايهضرو وتناقشو تغداو كلسو شوي وخرجو توجهو لدار كوتر كيف وقف طوموبيل فالحي شافت لفيراري عرفات ريهام فدار نزلات كتزرب جبدات ساروت وحلات دخلات كتسلت وتبعها مراد وقفات عليهوم كانو كاتفرجو وريهام شادة لفون فيديها وباباها متكي على ايديه كايتفرج ..

كوتر:"بالغوااات" واااااااااااع هااااااني جييت ..كولشي قفز من بلاصتو مامصدقينش ناضت ريهام كتجري عنقاتها كايتغاوتو دخل مراد سلم على نسابو وفرحو بيهوم كايرحبو واعاودو كلس وباقي لخرين معانقين ..

كوتر: براااكة يازمرة خليني نتسلام ..دفعاتها ودخلات عنقات ماماها ودازت لباباها عنقااو وباست ليه راسو وايديه ..

ريهام: متقووووليش ليا درتي لحجاااب 

كوتر:"كضور" ويي جا معايااا 

ريهام: بجههههد بين ليك دوك لحنيكات 

باباها: مبروك عليك ابنتي "شاف فمراد" مرحبا اولدي مالكوم مقلتوها 

مراد: بغينا نديروها مفاجئة هه وصلنا لبارح مع 9 تليل لدار 

ماماها: على سلامتكوووم اولدي نورتوتا وتوحشناكوم ...نقزات ريهام كلسات حدا كوتر وقربات لودنيها 

ريهام: مقودة عبايتك ..جبتي ليا بحال هادشي ياك؟ 

كوتر: قادي فمك هه وي جبتو ليك 

ريهام: ارضي علييك ..وقفات ومشات حدا مراد لكان كايهضر وقربات لودنيه 

ريهام: نسيبي لعزيز جبتي ليا داكشي لقلت ليك 

مراد: ناريي لكريساج صافي جبت لييك غير تهناي "مد ليها لكونطاكت" سيري جيبي داكشي لفطوموبيل 

ريهام شدات لكونطاكت وشافت فيه: لومبرغيني اييه اسيدي نتا لعطاتك..نجيب بيها ضورة 

مراد: ضسرتي نتي ..سيري جيبي داكشي واجي ..خرجات بزربة ورجعات محملة ومتقلة حطات كولشي وبدات كتقلب على كادوياتها 

كوتر: الموصيبة كل واحد معزوول بلا تبقشيش ..فينوو آدم مابانش ليا 

ماماها: فسونطر واحد شوي واجي ..غايفرح فاش اشوفك ديما كايدكرك فدار 

كوتر: تووحشتو وتوحشتكوووم والله ..

ريهام: مرااد فينو داكشي علاش طلبتك ؟

الام: اويلي حشمي 

مراد: هههه هانيا علاش تحشم ..معرفتيش تقلبي ههه سيري عاودي قلبي طوموبيل مزيان "رما ليها لكونطاكت" خرجات كتجري ورجعات هازة ساشية صغيرة فايديها وكضحك

ريهام: كدير لخير وكتمرمد بنادم عليه ..ولكن معليكش جبتيها كيف قلت ليك 

مراد: بصحتك هههههه ناض مامات كوتر طيب اتاي وجرات ريهام ختها طلعاتها لبيت وطلعات كولشي لجابو ليها ..وبقا مراد مجمع مع نسيبو ..دخلو لبيت وسداتو ريهام حلات كوتر شال وطلقات شعرها ارتاح وكلسات فوق ناموسية 

ريهام: جاك لفوولار والله عجبني فيك وحتى عبايتك صطاتني 

كوتر: شوفي شحال من وحدة جبت ليك طمعتي فهادي 

ريهام: عطيها ليا عفاااك

كوتر: قلت نتزوج نتهنى من عطيني ..نشري لحوايج مانلبس ونعطيها ليك تفوو 

ريهام: اخليك ليليي ..ناض كتقيس قدام لمراية وكوتر حاضياها وكضحك 

كوتر: فراسك جا معانا كريم 

ريهام:"بدهشة" اواااااه وفينو دابا ؟

كوتر: فدارهوم فسلا

ريهام: مغايجيش لمراكش 

كوتر: معرفتش ولكن علاش كتسولي .."شيرات بعينيها لسنسلة" ولا توحشتيه 

ريهام: عادي غيير سولت وصافي 

كوتر: شوفي ماعمري تدخلت ليك فحايتك وكنخليك تعرفي زينة من لخايبة ولكن كريم الى ضيعتيه بربي حتى تندمي 

ريهام: وانا بغييت نقرا بغيت نخدم ..يلاه غانشد لباك شحال باقي ليا باش نكمل 

كوتر: دابا غير انا وياك ودوك لحركات ديال تبعصيص خليهوم عندك كايعجبك إييه لااا ..

ريهام: وريني شيحاجة فيه متعجبش بوكووص ولد لحرام وكايضحك بزااف كيف لهبيل هه والى خنزر كايبقا بوكوص ولكن كنبقا نفكر بلي كبير عليا وزائد هو فدبي وانا بغيت نكمل قرايتي هنا وبغيت ندفع لبوليس 

كوتر: كيفاااااش ..لبوليس واصلا بايخصك حتى توصلي 21 عام شحال بايخصك 

ريهام: داكشي باش مترددة ..هو مغايبغيش وانا الحلم ديالي نكون بوليسية 

كوتر: تزوجيه فالمخزن هههه اشبغيتي شي تمارة قراي ادارة الاعمال زوينة وكلاص ..

ريهام: لااا انا بغيييت بوليسية ..

كوتر: ضبري لرااااسك ..صافي خليه امشي اتزوج لتخلا على كولشي غير اضحك ليها ..اما نتي قاليك اخليك تقراي وتخدمي

ريهام: مغايبغيش اصبر معايا حتى نحقق احلامي 

كوتر: حتى ادير لعكاز اقدر عاد تحققي احلامك ..وديك ساعة غاتلقاي بشي كوفرة وجهو كيف البرويطة لا زين لا مجي بكري

ريهام: اصلا كريم خوا دماغو مني وشاف جهة خرا 

كوتر: بصحتووووو استاهل 

ريهام: شكون مشارك معاك دم انا ولا هو 

كوتر:"مدات ليها صبع" هاااكي ..قلبي عليا لموضوع توحشت البنات كون غير اخليني مراد نمشي انا وياك دابا نشوفهوم

ريهام: يلاه نمشيو هو كالس ملهي فالهضرة 

كوتر: ياااك ابنتي ..حتى نسولو الى مابغاش ماعندي فين نتمرمر

ريهام: شايلاااااه مرضية زوجي ...شكون قال كوتر تدير عقلها وتصنط ايهااااي ..شاكة داك لدبي وفلاشاك 

كوتر: فلاشينا بعضياتنا فالعمرة ..ياااربي تسهل ونمشيو لحج.

ريهام: ان شاء الله تمشيو تحجو نتوما وليداتكوم ..

كوتر:"حدرات راسها " امييين 

ريهام: واش باقي مكاين والو 

كوتر: وااالو ومتبعة تريتمو وكناكل مزيان ومابقيتش كنتعصب ولكن مكاين والو كتجيني لغيكل كل شهر فوقتها 

ريهام: غير صبري راك جهضتي وضروري تعطلي شوي 

كوتر: انا صابرة والله وكلي تقة فالله عز وجل غايسر ليا فلي فيه لخيير وقرييب ان شاء الله ..

ريهام: ان شاء الله ..وقولي لراجلك واش اخليك تمشي عند لبنات 

كوتر: اطط نعيط نسولو ..خرجات من البيت وقفات فراس دروج كاتعيط عليه حتى طل عليها عاقد حجبانو 

مراد: مالكي ياك لباس

كوتر: ههه والوو مالك تخلعتي ..طلع طلع بغيت نسولك 

مراد:"طالع لعندها" نتي تخلعي دوار ..نعم الالا ...قربات ليه كوتر كتلعب فتريكو وكتقيس كرشو وتلحن فصوتها : تخليني نمشي انا وريهام دغيا نشوف لبنات ونرجعو 

مراد:"شد ليها شعرها بين صباعو كايلعب وقرب باسها فشايفها" لاا احبيبتي مشا لحاال والى مشيتي مغايقدكش الوقت تشوفيهوم كاملين غداا وندوزك تشوفيهوم اوكي حبيبة "عاود باسها" 

كوتر: غدا غانفيقو نمشيو لدار جدة هو الاول اوكي حبيبي 

مراد: صافي نسبقوهوم ونحط عند شوحدة من لبنات ونمشي نشوف خدمتي 

كوتر: صافي لبان ليك ..يلاه سير فحالك 

مراد: صافي سالات ساعتي الله امسخك 

كوتر: حاشا احبيبي ..نزل هو ورجعات هي عند ريهام وضحيكة على شفايفها وعويناتها كايبريو 

ريهام: شنو نلبس فهادو 

كوتر: تبتي الارض مغادين فيين حتى لغدا ونشمي

ريهام: ومالكي كتفرنسي ..تفوو قلت خلاك 

كوتر: هههه اصلا فيها خيير خاصني نخرج نشري حوايج حيت عندي غير عبايات وكابات طوال خاصني شالات 

ريهام: هي غاتصدقي على ختك حوايجك ..

كوتر: طالعة واكلة نازلة واكلة كيف لمنشار ...غانعطيك شيحاجة ونعطي لبسمة هي كتلبس قدي قدها 

ريهام: ياااسلاااام ..ياختي هاد تسافيرة ديالك شحال من حاجة جات زينة من وراها ..فيراري حوايج عبايات .كادويات حتى كريم 

كوتر: الله امسخك دابا كريم رجع حاجة زينة 

ريهام: جا طرطق ليا عنيين العديان وااااع خلاهوم تالفين 

كوتر: الى تزوجتي بيه غاتلفيهوم لديما ..

ريهام: زيدي نزلوو ..غمقات عليها وفهماتها كوتر نزلو بجوج كيف وصلو لباب سمعو دقان حلات كوتر وهي تلقا خوها صغير طار عليها بتعنيقة كايتعلق باش ابوسها ..سدات لباب ودخلو كلسو فصالون مجمعين وطابلة عامرة بحلاوي ومملحات وصنية مدهبة بالكيسان وبراد اتاي ..تجمعات طابلة وناضو قادو لعشا وتعشاو جميع عاد مشاو مراد وكوتر لدارهوم ..وصلو دخلات كوتر لاحت صاكها وقربات لمراد عنقاتو من كرشو 

كوتر: فيااااا نعااااس هزني مقديتش نطلع 

مراد:"جرها لفوطوي كلس وكلسها فحجرو" سمعيني نتي دابا درتي لحجاب يااك ؟

كوتر: وي شنو بان ليك 

مراد: فدااارك لبسي لعجبك حماقي كيف بغيتي ولكن فزنقة وقدام لبراني انتابهي لحركاتك وتصرفاتك 

كوتر:"بتوثر" شنو درت؟

مراد: قبيلة فاش صونا خوك كنت نايض نحل حيت صحابني نتومت باقي لفوق حتى شفتك واقفة والباب محلول على جهدو وشعرك مطلوق وداز واحد لحيماري وضار خطف شوفة تعصبت ولكن عرفتك مقصديهاش 

كوتر: قسما بالله مشفتو ..سمح ليا والله ماقصد 😢

مراد: عرفت مقصديهاش ..مهم مرة خرا انتابهي وشعرك ولحمك مايشوفها حد من غيري وباك وخوك وخوالك وعمامك وجدك هه

كوتر: صافي كوني هاني " عنقاتو" كنبغيك وهزني عفاااك 

مراد: ههه حمقة ديالي حتى انا كنموت عليك ..هزها بين ايديه وطلعها لفوق بدلو حوايجهوم ودخلو نعسو ..

⛅ فاقو وفطرو وجبدات كوتر عبايات تشوف اش تلبس حيت هوما لجاتها عليهوم لكانة وعجبوها مع لفولار ...جبدات وحدة فالماغو بارد ضايرة بشيشيات صغار فالكحل وكتسد بحزام فالكحل لبسات تحتها تريكو كم قطني وسليم كحل ودارت كريم شمس وكلوس فلون شفايفها قدات شال فالكحل وهزات صاك بسنسلة طويلة فالبييج وبالغينة فالبيج ونضاراتها هزات ساشيات ديال كادويات لخدات لدار جداها وحتى تالبنات ..ونزلات متقلة ومعدبة خرجات لباب وحطاتهوم ونزلات عند مراد لاكاف ..

كوتر: عرفتي شنو غانلقا مشكيل ..الى حطيتي عند شي وحدة فالبنات كيف ندير نمشي عند لخرا ..

مراد: همم شنو نمشيو مفرقين كل واحد فطوموبيل 

كوتر: اوا وشنو لحل 

مراد: نخليها ليك ونمشي انا فطاكسي الاوطيل عند امين 

كوتر: صافي وفاش نسالي ندوز عندك 

مراد: وي خلي ريما هي اللخرة صيفط ليا مسج نمشيو نتعشاو عندهوم ..

كوتر: اوكي صاافي ..متهزش لومبريغيني مكتعجبنيش 

مراد: غاناخد رونج 

كوتر: اوكي غير دغيا راه مشا لحال ..خرجو شدو طريق وصلو لدار جدها كلسو معاهوم شوي وخرجو دوزها عند هداية هي الاولى خلاها وما هو هزات ساشي ديال هداية ومشات كتصوني حلات ليها وتصدمات تلاحت عنقاتها دخلو كاتعانقو واتعاودو وفرحات ليها فاش دارت لفولار كلسو شوي وخرجو مشاو عند بسمة دقات هداية وتخبات كوتر حتى حلات عاد طارت عليها بتعنيقة ..

بسمة: واااع مووصيبة يالقحبة الخانزة طيرتيها مني خلعة 

كوتر:"ضرباتها لكتفها" قادي فمك احرقك يلاه غسلنا شوي تدنوب ..

دخلو لبنات كلسو فصالون وجابت ليهوم مامات بسمة عصيرة وحلوة فطبسيل ..عطاتهوم كوتر كادويات لجابت ليهوم مشات مامات بسمة لكوزينة وضارو بيها لبنات كايسولو واستنتقوها على لجديد وكيف اقتانعات بلحجاب سخفووها بالاسئلة ولكن صبرات حيت توحشاتهوم بزااااف ..

كوتر: يلاه نخرجو نتغداو برا ومن بعد نمشيو عند غفران وتخرجو معايا نشري حوايج تالحجاب راه ماعندي منلبس 

بسمة: تعرضي علينا 

كوتر: الله اغصبك غير زيدوو توحشتكوم والله 

هداية: خليتي بلاصتك وقتما تجمعنا كندكروك 

كوتر: كتصيفطو ليا تصاوركوم كنتفقس انا تماك مكنخرجش يلاه غزال كتجي عندي مرة مرة 

بسمة: خليتيها بوحدها غاتكوم ولفاتك 

كوتر: بزاااف ..الله ارزقها باش تفرح واعمرو عليها دار ..اوا نتوما مكاين حتى جديد 

هداية:"شافت فبسمة" هي انااا والو لجفاف 

بسمة: ههههه تعرفت على واحد لولد حتى انا فالفايسبوك اسمو زكرياء 

كوتر: وريني شي تصويرة ديالوو نشوفوو ..جبدات بسمة لفون وراتها تصويرة 

كوتر: غزاااال عويناتو كيف حرشين ومشفرين كايحمق الله ايسر ليكوم والى باغي اتفلا الله ابعدو عليك 

بسمة: أمييين دعيواتك تقبلو هههه بقات نوبة هداية 

كوتر: هههه قريب ...جبدات كوتر الفون وصيفطات مساج لمراد💬 حبيبي غانخرج نتغدا انا وبسمة وهداية ومن بعد نمشيو عند غفران ونخرجو نتقدا حوايج لخاصيني 💬..

هداية: توحشتيه دغياا ههههه 

كوتر: قلت ليه غي فين غادين "ترن" هاهو جاوبني ..💬 اوكي حضي راسك والى خصاتك شيحاجة تاصلي بيا انا باقي مع امين فالاوطيل كانشوف شي وراق ديالي 💬 ردات عليه 💬 شكرا بيبي ماخصني والو هزيت لكارت معايا جوتيم💬....ناضت بسمة وجدات راسها وخرجو ركبو مع كوتر وتاجهو لمطعم فسونطر كلسو شدو لغدا وبقاو مجمعين وكايضحكو..تفكرات كوتر ريهام وتاصلات بيها ودارت معاها لوقت وفين اتلقاو كملو وناضو ديريكت لدار غفران بداو كايدقو بلا مايحبسو وهي جايا كتغوت 

غفران: هرسووه اعطيييك لحكة ابسمة .."حلات" دقة تزعزع ليك لعظام .."خرجات كوتر من وراهوم" 

كوتر: الللللحححبب ..

غفران: إمتاااااااا جيتيييي ومالك مقلتيها " تلاحت عنقاتها" توووحشنااك ..عنقاتها كوتر وحسات بكرش غفران لبينهوم وكيف كبراات بزااف وقاصحة ..حسات بغصة فقلبها 

كوتر: تنفختي هههه وليتي كيف كرة ريكبي مع نتي قصيرة 

غفران: ههههه مابقا ليا واالو وفيا لخلعة ..دخلوو دخلو .."ضربات بسمة على كتفها" شي نهار توليديني بلا وقت بهاد دقان ديال لحبس 

بسمة: ماشي انا الخرااا كوتر لحطات ايديها مابقات هزاتها 

كوتر: تكدبي عليا وانا يلاه جايا من بيت الله 

بسمة: عيقتي علينا نتي غير مشيتي لعمرة صافي وليتي فقيهة

غفران:مالكوم ماجيتو بكري تغداو معايا ليوم سيد رجال مجاش لغدا

هداية: مافراسناش والله الى تغدينا فزنقة حيت قلنا ديك لوقت راجلك كايكون مابغيناش نبرزطوكوم 

غفران: مشييي كوون غا جيتوو ..كلسو مجموعين فصالون ومدات ليها كوتر ساشية كبيرة ووحدة صغير ديالها وراجلها والبيبي لجاي ..داز وقت وناضت تاهي لبسات ونزلو ركبو جميع وتاجهو لمول فكيليز نزلو وقفو كايتسناو ريهام حتى بانت ليهوم جايا من بعيد وقفات طوموبيل ونزلات تسالمات معاهوم ودخلو دارو بوتيكات كاملين واختارت كوتر ستيلات متنوعة لجميع لمناسابات وجميع الالوان ..حتى لبنات شراو شيحاجة وغفران مشات بيهوم لبوتيك ليبيبي ودخلو كايقلبو ليها حتى تلفاتهوم خرجو كلسو فكافي ..

كوتر: ويااااكوم توصلو لريما بلي كاينة 

بسمة: ماقلنا ليها والوو غير تهناي عنداك غير اقولها ليها أمين

كوتر: نوو وصيت مراد انبهو 

غفران: عيييت البنات ورجليا ضروني بجهد 

ريهام: هههه وااع شوفي رجليك قداش تنفخو وليتي كتلبسي مع راجلك 

غفران: كنلبس مع مك 😡 غانهزها لبسها ليك فوجهك 

ريهام؛ الى قدرتي وصليها ..اورونجينا مقلوبة 

غفران: بلاتي نولدها ونحرشها عليك فينما شافتك طير عليك بعضة تزوق ليك ديك اللحم ..

ريهام:"ناض" دراكولا هههه هاني جاياي من طواليط ..خلاتهوم كالسين وناض دخلات لطواليط قدات حاجتها وخرجات وقفات قدام لمراية كاتغسل ايديها ودندن حتى تحل لباب بجهد وضارت مفزوعة...

ضارت ريهام مفزوعة وبسرعة قلبات ملامحها وابتاسمات كانت مرأة فسن الاربعين طويلة وكلاس باينة من لباسها عبارة على مونطو حد ركبة وسروال توب طالقة شعرها على كتافها ..

المرأة: sorry خلعتك ..

ريهام: ماشي مشكيل "ابتاسمات" ..بقات المرأة كتشوف فريهام وتضحك وقفات جنبها كتغسل ايديها وكل مرة تطلع وتهبط فريهام الاخييرة توثرات ودغيا نشفات ايديها وضارت باتخرج حتى وقفاتها 

المرأة: نتي هي ريهام 

ريهام:"تصدمات" وي كتعرفيني 

المرأة: وي تبارك الله غزالة ربي احفظك ..

ريهام: ممكن نعرف شكون نتي ومنين كتعرفيني 

المرأة: متخلعيش احبيبة ...نتي مغاتعرفينيش حيت عمرك شفتيني ولكن انا كنعرفك ..سلمي على ختك لكبيرة بزاف 

ريهام: شكون نقوليها 

المرأة: قريب غانجي وندير ليكوم مفاجأة ..خلات ريهام واقفة ودخلات لطواليط بكل برودة الاعصاب ..خرجات ريهام مشات كلسات فطبلة وشافت فكوتر

ريهام: واحد لمرا دابا دخلات عليا لطواليط كتعرف سميتي وانا عمري شفتها ..

كوتر: كيف دايرة هاد لمراا ومنين كتعرفك 

ريهام: كاتبان كلاص وحركاتها كايعصبو واتقة من راسها ..قالت ليا سلمي على ختك لكبيرة وقريب غانجي ندير ليكوم مفاجئة

كوتر: شكووون هادي ...ياكما شي صاحبة ماما 

ريهام: منضنش ستيلها فشكل ..يلاه نوضي تشوفيها راه خليتها فطواليط 

بسمة: شي جنية هاديك سييري معاها غاتسرفق مكوم بجوج...ناض كوتر هي وريهام وتوجهو لحمام دخلو ماكاين حد ولبيبان طواليطات محلولين وخاويين ...

كوتر: ويلي فينها طااارت 

ريهام: ياكما خرجااات ..دخلات ليا لوسواس وخلعاتني حيت كتهضر وتشوفيا 

كوتر: ياكما خت كريم هههه جاياي تخطبك 

ريهام: خرااا حتى نتي سيدة كبيرة تكون كتر من 40 عام وزايدون مكتشبه لكريم فوالو 

كوتر: اوا صافي حتى تمشي وصفيها لماما تقدر تكون شي صاحبتها 

ريهام؛ وخااا ...ضارو خارجين وهي تشد ريهام كوتر من يديها

ريهام:متجبديش لبنات سيرة كريم ..عارفاني مكنبغيش كترت زنزن تالهضرة 

كوتر: ههههه وخاا زيدي زيدي ...خرجو عند لبنات كملو قهوتهوم وناضو تفارقو ريهام دات هداية حيت قريبة ليها وكوتر وصلات بسمة وغفران وبعدها مشات الاوطيل ..دخلات وطلعات ديريكت لبيرو عند امين دقان ودخلات ..كان مراد كالس فكورسي تالمكتب وامين كالس قدامو وكايتناقشو 

كوتر: استسمح ..ياكما خدامين 

أمين: يااا هلااا يااهلااا ..زيدي مرحبا والف مرحبا ..دخلات تسالمات مع أمين باليدين وضارت عند مراد باستو فحنكو وقفات فجنبو ..

كوتر: امين اش خبارك وريما وفاتي كولشي بخيير 

أمين: حمد لله علا سلامتك ومبروك لحجاب جا معاك 

كوتر: لزين زيين هه كيف داير لبيبي 

أمين: مايخرج حتى اصطيني انا ههه ريما خرجاتها مني والله 

كوتر: غير صبر لوحم هداك ..انا كان جاني على نعاس سول مراد....هز مراد شافيها وابتاسم وعينيه فعينيها حسات بيه 

مراد: نعااااس نعااااس ...مكتحملش تحرك ..

امين: اناا نكيير ولفريع وغير كتبكي 

كوتر: عاادي ..باقي بعاااد نسبقكوم عند ريما 

مراد:"هز عينيه خنزر فيها" سيري كلسي لهيه قربنا نساليو 

كوتر: حااااضر ..مشات كلسات فالفوطوي فجنب الحيط ..وجبدات الفون ديالها كتبقشش ودخلات كتشوف آخر صيحات الحجاب وكتعلم كيف دير لفولار ..بعد ساعة وقف مراد وجا كلس جنبها 

مراد: الحب 

كوتر:"هزات راسها" سالييتو ..فينو أمين

مراد: مشا اشوف شحاجة ...فين مشيتو وشنو شريتي 

كوتر: مشينا تغدينا فواحد مطعم جهت كلوب تينيس يلاه حل وفالعشية مشيت شريت حوااايج بزاااااف ههه ساليت اقدر لفلوس ..حتى لدار ونورك وبعدها كلسنا فكافي "لوبو" فكاري ايدين ..وحطيت لبنات وجيت عندك 

مراد: بصحتك ..ماعيتيش من ضوران باغا تسبقي عند ريما وتخليني وانا توحشتك ولفت نشوفك حدايا لوقت كامل "قرب باسها فشفايفها" 

كوتر:"عنقاتو" حتى انا العمر ..غير مابغيتش نبرزطكوم ..وعلاش كنتي كالس بلاصت أمين 

مراد: كنشوف لخدمة ..انا شريك بنسبة قليلة فالاوطيل 

كوتر: اوااااه ماعمرها فراسي 

مراد: حتى انا كنسى غي امين كايفرعني نقابل عليه شوي ...وكان دخلني معاه بزز باش تبقا علاقتنا ديما مربوطة وعمرنا نتفرقو 

كوتر: ههههه داكشي باش كنتي بزاااف كتجي لاوطيل 

مراد: وي هانتي فهمتي ...اجي نقوليك شيحاجة ف فمك ..قرب شدها من حناكها وحط شفايفو على دياولها ونساجمو فقبلة حارة وشرسة كل واحد كايجر واعض شفايف الاخر حتى سمعو دقان فالباب ..بعدها وحنيكاتها حمرين نطق مراد بصوت خشن "دخل" ..دخل امين 

مراد: مزيااان درتي صوااب ههه 

أمين: نووضو نوضوو نمشيو ...خرجو ركب امين فمرسيديس كلاص فالكحل لاسقة فالارض ومراد طلع وطلعات كوتر جنبو شاف ساشيات كتاار من مرايا 

مراد: وااااااو نقلتي كولشي 

كوتر: هادشي غيير لقليل باقي غايخصني نشري 

مراد: ههههه بصحتك احبيبة ...بسرعة وصلو لفيلا تامين دخلو بجوج ..ريما لمحات طوموبيل خرا وبقا كتشوف من سرجم حتى نزل مراد وتبعاتو كوتر ..وضارت كتزرب حلات لباب كريشتها باينة لابسة بيجامة قطنية وجامعة شعرها الفوق وحنيكاتها تزادو على قبل ..

قربات ليها كوتر وتلاحت عليها بتعنيقة والخرا كدالك ودموعها دغيا سالو وكتسمعها كوتر كتنخصص وهي تبعد وجها وشافت فيها 

كوتر: اويليي جمعي دموعك "ضارت عند أمين" عندك لحق سيدة رجعات حسااسة كتر من لقياس 

ريما: "ضرباتها لكتفها" حيت تووحشتك تفو عليك ..إمتا جيتي وعلاش مقلتيها 

كوتر: مقلتها لتاحد بغيت نفاجئكوم ..وجينا لبارح بليل 

ريما:"طلات على راجلها" فرااااسك ومقلتيهاش ياااك ..كتخبي عليا 

مراد: ههه مافراسوش تاهو حتى جيت عندو دابا الاوطيل 

أمين: نااري باغا ها علاش تقندش ..دخلوو دخلو ونتوما واقفين ..قربو دراري تسالم مراد مع ريما ومد ليها جوج ساشيات ودخلو مجموعين كلسو فالصالون ناض ريما تالفة لكوزينة وتبعها أمين 

أمين: بلا متعصبي راه وصيتهوم فالاوطيل غايجيبو لعشا دابا 

ريما: فراااسك ومقلتيهاش 

أمين: راه جاو عندي خليتهوم فالمكتب ونزلت وصيت على العشا وكوتر كطلبني باش منقولهاش ليك 

ريما: اوكي ..دابا بلا منوجد والوو 

قرب ليها وجرها من خصرها لسقها معاه ونزل طبع قبلة فعتقها: لا اعويناتي سيري غير رتاحي "باسها فشفايفها" 

ريما: ههه وصافي سير فحالك وكلم ليا كوتر

أمين: عطيني بوسة ونمشي ...قربت حطات شفايفها على ديالو وجرها زير عليها حتى عضها هاد طلقها وخرج خلاها كتبرد فشفايفها بالما حتى حسات بكوتر واقفة من وراها 

كوتر: ههه قنتك هنا 

ريما: ههه شنو بان ليك ..اهياتا درتي لحجاب 

كوتر: وي فاش مشيت لعمرة رجعت مابقاش حيدتو 

ريما: جااااك غزااال ..وحتى لبيستك فنة 

كوتر: راه جبت ليك داكشي علاش وصيتيني كيف صفطي ليا فتصاور قلبت حتى لقيتهوم 

ريما: فين فالسعودية ولا دبي 

كوتر: دبي ..ههه من نيتك غانبقا نقلب على شوميزات تماك اوا لمسخ 

ريما: وانا عرفت ههه اوا كاين شي جديد 

كوتر: واالوو كولشي كانقولو ليكوم فالفون ..نتي عندك شي جديد 

ريما: هاد ساعة قهرني لوحم ..مكنحمل أمين اقيصني او اقرب ليا ..كانبغي نرد وصابرة كندير ليه خاطرو ومرة مرة كنبقا نبكي حيت كديق عليا خاطري تشهييتو اسافر منشوفو باقي 

كوتر: لواااه راه غير لوحم داكشي دوز هاد لفترة وتنادم معاك لحال ..وزايدون تاهو باينة شاد ليك لخاطر 

ريما: وي ولكن دغيااا كايشعل ..والى طلع ليه زعف كايرجع كيف شي ثور هايج 

كوتر: غير صبري الحب ..غايفوت كولشي ..بقاو لبنات مجمعين بوحدهوم فالكوزينة كالسين فكراسة وقدامهوم طبلة مربعة كبيرة ..حتى دخلو دراري محملين بالعشا مقاد فطباسل وسخون خرجاتهوم ريما لصالون ستفو كولشي ..انواع واشكال من الماكولات والعصائر وشلايض ..خرجو وكلسو بربعة كاتعشاو وكاتحاورو فجميع المواضيع... وصل لوقت وناضو كوتر ومراد توادعو معاهوم وخرجو شدو طريق لفيلا ..وصلو وهز مراد وكوتر داكشي لشرات دخلوهوم وطلعو لبيت ديريكت ..بدل مراد حوايجو ولبس سروال سورفيت والفوق عريان وكوتر حديات حوايجها ولبسات بيجامة قطنية فوق ركبة بكميمات لاسقين وجمعات شعرها ودخلات غسلات وجها وخرجات لقات مراد خاشي وجهو فالفون ..

كوتر: نوريك شنو شريت 

مراد: كنتسناك تسالي ..اري لهنااا نشووف انا وياك ..قربات ليه وبدات كتجبد وتوريه وتاهو داير شرع ايديه كايبقشش حتى وصل لداكشي علاش كايقلب وكان متقين غايلقاه ..جبد شوميز دونوي فالبيض بيس وحدة سليب سترينغ وطالع بشبكة خفيفة كتبين اللحم وفيها وريدات عند حلمات تصدر وسنيسلات رقاق عند الكتاف شافيها بمكر 

مراد: بغيت نشوفوو 

كوتر: هه راك شادو فيدييك كتشوفيه 

مراد:"غمزها" نوو نشوفوو شووفة خراا 

كوتر: هممم اراا لهنا ...لاحو ليها خداتوو ودخلات لطواليط حيدات حوايجها كاملين وجبدات برودوياتها ستفاتهوم قدامها فلافابو دهنات لحمها بكريم دهبي تالفاني خلا لحمها كتلمع ..جبدات زيت الورد وخوات شوي فيديها ودهنات طوطو مزيان طلعات شوميز وقداتو من الكتاف طلقات شعرها وشعككاتو شوي ..دارت عكر موف مغلوق بين حجم شفايفها وقليل من ماسكارة وفاغاجو رشات شوي من ريحة جنب ودنيها ..فزكات ايديها وعنقها مزيان وحركات راسها يمين ويسار حتى لسقو بعض خصلات شعرها على عنقها وشافت فالمراية بابتسامة كلها تقة ...حلات لباب وخرجات كتمشا على صباعها وقفات مايلة ومطلعا ترمتها بطريقة متيرة ..علا عينيه فيها وحس بضو ضربو فكرشو ونزل لتحت سرتو ...

مراد: أووووهااااا "وقف مقرب ليها" فين درتي ليا مرتي 

كوتر: "ضارت بالعرض البطيئ كتشوف فالحمام" هممم راه لداخل واحلة معا شي حاجة بتلبسها .."كتلحن لهضرة" قالت ليط دخل عاونها ..

مراد: مندخلش فيك نتي اللولة ...بغيت نقول كاين فاش نعاونك قربات ولسقات معاه ..علات عينيها كتشوفيه ببرائة : مقادراش نتمشى تهزني حتى لهييه " كتشير بايديها جهت ناموسية" حطني ورجع عند مرتك 

مراد:"هزها بالخف بين دراعو" آمريي واناا نفد ...حطها وتكات على ايديها ومسبقة صدرها لقدام ..وكتشوف فعينين مراد لقربو ياكلوها ..كايطلع اهبط فيها ..

كوتر: صافي شك..قطع فيها الهضرة بقبلة على شفايفها قوية وشرسة ..تكاها وطلع فوقها وفمو على فمها كايلتاهم ..

بعد مابقاو سهرانين حتى سمعو الادن دخلو دوشو بجوج وخرجو صلاو وتخشاو فبعضهوم وانتاقلو لعالم آخر ...

فاقت كوتر مع الفون كايفيبري فطابلة حدا راسها ..لاحت ايديها هزاتو وقرباتو لوجها حالة عين وسادة الخرا ..لقات نمرة ريهام سكتاتو ورجعاتو لبلاصتو وضارت بشوي ..عند مراد لقات وجهو قريب ليها ناعس على كرشو ولايح ايديه عليها بقات كتشوفيه وقربات صباعها كتحسس اللحية طبعات قبلة على شفايفو وتسلتات بلا مايحس لبسات بانطوفة وهزات الفون خرجات وسدات لباب ..نازلة مع دروج تاصلات بريهام

كوتر: صباح لله لاش مصدعاني شنو كاين؟

ريهام: خرااا راه ظهر هدا اش بقا من نعاس 

كوتر: ديها فراااسك نضل ناعسة كاتساليني شيحاجة

ريهام: انتاحري كاع ..مهم سولت مك على ديك المرا قالت ليا معرفاتهاش وانا دخلني الشك 

كوتر: بااااز لقيتك مساليا والله ..راه ممكن شي مرا كتعرف خالاتك ولا من لعائلة وعقلات علينا صغار كولشي ممكن

ريهام: خاصني نعرفها ..حيت راه طريقة باش دوات معايا غريبة 

كوتر: ياك قالت غادير لينا مفاجئة وصافي صبري حتى تبان

ريهام: غاتجي عندنا فالعشية 

كوتر: معرفتش ..واصلا اوجه السيزي طوموبيل عندك باش نجي ومقلتيش حشومة مولاتها جات نرد ليها امانتها 

ريهام: وباااز عزيتي فيها نص كيلو تالحديد و100 غرام تزاج و2 دراهم تالمسامر ونص قرعة تصباغة هادا هو الدم لمشاركين والنسب والام والاب..

كوتر: بكيي بكيي ..منعرفكش فاقرب وقت نجي ناخد قجقالتي

ريهام: كون فراسي منتاصلش بيك ..سيري فحالك ..قطعات كوتر ومشات الكوينة وجدات فطور وخا كان وقت لغدا ..طلعات فيقات مراد توضاو وصلاو ظهر حيت فات ونزلو فطرو بجوج سالاو وهي تنوض كوتر كلسات فوق رجليه 

كوتر:حبيبييي ..راجلي لغزااال ..سيد الرجال

مراد: ههههه من اللخر شنو بغيتي 

كوتر: نمشي فالعشية لدار 

مراد: نوو بلاش اليوم 

كوتر: علااش

مراد: غاتكلسي حدايا نكمل شي خدمة عندي فالبيسي نسالي ونخرجو نتغداو براا ومن بعد نجيبو ضورة توحشت الجو تمراكش ونتعشاو عاد نجيو

كوتر:"عنقاتو" هي لمتعاود "باستو فشفايفو" نجمع لكوزينة ونطلع نجمع البيت ونجي نكلس حدا حبيبي 

مراد: غاتلقايني فجردة برااا ..بليز قادي ليا شي كاش تالقهوة وجيبيه معاك 

كوتر: حاااضر ..ناض جاب بيسي وشي وراق وخرج ..هي جمعات لكوزينة ومسحاتها بزربة خلات ريحتها معطرة ..وطلعات البيت حلات سراجم دخلات شميسة ..بدلات لغطا تناموسية وجمعات كولشي خلاتو مقاد وبدلات لبسات كسوة قطنية بالكميمات حد الفخاض فالغوز وبانطوفة نفس اللون طلقات شعرها ورشات ريحة ونزلات لغطا لكان حطاتو فالماكينة وقدات كاس تالقهوة وخوات عصير ليها وخرجات كتعوج وشميسة دافية حيت آواخر فصل الشتاء ..حطات ليه داكشي وتخشات حطاه فوق رولاكس طويل شدات كاسها كتشم لهواء وتبقشش فالفون ..حتى سالا مراد وطلعو اوجدو باش اخرجو اتغداو صلاو العصر لأدن عاد لبسو ...وقفات كوتر قدام لماريو تالفة وباغا تلبس كولشي ضارت شافت مراد شنو باغي البس عاد جبدات تاهي ..تريكو طويل حد ركبة تالخيط فالبلو وسليم دجين غري وشال حريري فلون سروال وسبرديلة ..لبسات وقفات دارت كريم مرطب تنهار وكلوس فلون شفايفها هزات سكادو جلد كحل ولبسات نضارات ..خرجو بجوج حتى مراد لابس سبور كابيتشو وسروال سورفيت وسبرديلة وكاسكيط ..خرجو مشاو لريسطو فشارع محمد سادس شدو غدا متنوع وكلسو عمرو كريشة ...من بعد خرجو خلاو طوموبيل وتمشاو فشارع كايهضرو وشميسة كاتغرب وتصورو بجوج ..رجعو ادراجهوم ونزلو لكيليز كلسو فكافي ناس غادة جايا وكوتر كتشوف بعينيها عكس مراد مقابل الفون وكوتر صافي .."ترن ..ترن..ترن"..كان لفون تكوتر جبداتو لقاتها ريهام ...

كوتر: الوووو ...مجايااش متسناونيش ..كنضور انا ومراد 

ريهام: ضرووس ..لحلاقم .خليني نهضر ونتي كتعرضي 

كوتر: اش بغيتي هاد الايام درتي ليا تزنزين 

ريهام: ديك لمراا عندنا فدااار ..

كوتر: اوااااااه وشكون تكون 

ريهام: صاحبة خالتي ..ساكنة حداها فرباط 

كوتر: ولاش جااات ومنين كتعرفنا ..

ريهام: صبري نزل نكلس ونباسي ليك الاخبار فميساجات خليك اون لين 

كوتر: اوكي ...قطعات كوتر لقات مراد كايشوف فيها بمعنى شكون 

كوتر: صاحبة خالتي جات عندنا لدار ..وديجا فاش خرجنا شافتها ريهام فطواليط وقالت ليها سلمي على ختك الكبيرة وريهام معرفاتهاش وتخلعات منها 

مراد: ههههه ديك ريهام عزيز عليها الاكشن .."ترن" 

ريهام💬كتشوفيا شي شوفات كايخلعو ..

ريهام💬كتعوج فهضرتها ..محملتها 

ريها💬 كتسول علييك ...ونسيت شافتنا فتصاور تالعرس لدات معاها خالتي.....كوتر شادة الفون كتقرا على اعصابها ومتبعة الفلم مع ريهام ومراد كايشوفها وابتاسم ..تعطلات ريهام حتى داز 15 دقيقة عاد صيفطات ليها ..

ريهام💬جايا تخطبني لولدها 😣..عتقيني إني اغرق أغرق أغرق...والصدمة الاخرى ولدها جاي بليل باش اتعرف على باباها..شتي لمفاجعااات كيف دايرين ...

كوتر:"بصوت مسموع" كيفااااااااش ..مرااد ديك لمرا جات باغا تخطب ريهام لولدها ....

مراد:مبروووك عليها ..وفين شافتها 

كوتر: فالعرس ديالنا ..شافتها فتصاور ..

مراد: اوا الله اكمل عليها بالخير ..وريهام شنو نظرها فهادشي 

كوتر: قالت ليا حتى تشوفو واش ارتاحت ليه ..

مراد: همم اوا فيها خيير ..امتا غايجي 

كوتر: ليوم غايلحق على ماماها اتعرف عليها واهضر مع بابا 

مراد: تبغي تمشي ..

كوتر: معرفتش اصلا ماتاصلاتش بيا ماما والى غانمشي خاصني نرجع لدار نبدل ..

مراد: نوضي هي دابا ..نمشيو بدلي ونديك نحطك عندهوم ..

كوتر: ونتا مغاتمشيش معايا 

مراد: لاا هوما دابا غير غايتعارفو بلاش انا مكنعرف حد ..

كوتر: اوكي ..خلصو وخرجو بسرعة وصلو لدار بقا مراد لتحت وطلعات هي حيدات حوايجها ودخلات لحمام غسلات وجها ونشفاتو ..حلات لماريو وجبدات جلابة خيطاتها فاش كانت عروسة فصومو مخيطة باليد جبدات ليها شال غري وسندالة عالية فلون شال لبسات ودارت شوي ماسكارة وكلوس ورشان بارفان هزات صاك مربع صغير بسنسلة دهبية طويلة ونزلات كتقرقب وريحتها سابقاها هز مراد راسو بقا كايشوف فيها حتى وقفات قدامو 

مراد: هممم جات معاك جيليلبة 

كوتر: عويناتك احبيبي ..ونوض يلاه نوصل قبل مايجي لخطيب

مراد: اوكي واصلا باقي لحال غير بشوي عليك ...خرجو ورجعها بسرعة كبيرة وقفها فالباب باسها فحنكها وتافق معاها تسالي وتاصل بيه ..نزلات جبدات ساروت حلات ودخلات كتسلت مشات ديريكت لكوزينة لقات ماماها كتوجد لعشا ..

الام: بسم الله الرحمان الرحيم ..امتا جيتي 

كوتر: داباا ..قالت ليا ريهام على ضياف وجيت كنجري 

الام: ويييه جاو على غفلة تلفت كنوجد ..جابك الله تكلسي معا سيدة راه ريهام مدعوقة وغير كتبلق بعينيها 

كوتر: هه وخاا قولي ليا خاصاك شيحاجة نصيفط ايجيبوها ليك دابا 

الام:يلاه درت اللحم طيب وغانعسل البرقوق وندير دجاج تاهو

كوتر: حبسي غسلي ايديك ...انا نتاصل بمراد اهضر معاهوم فالاوطيل اقادو جوج بسطيلات ونتاصل بشي باتيسري اصيفطو لينا طبسيل تالحلوة مشكل 

الام: فين تلقايهوم فهاد الليل 

كوتر: كولشي كاين الله اهدييك غير تهناي ..داكشي لدارت كوتر بالفون حلات كولشي خرجات وتوجهات لصالون كتمختر بكل تقة فنفس وقفات فالباب وقالت سلام ..ضارو شافو فيها ريهام بتاسمات ..اما الشخص لاخر بقات كطلعها وتهبطها وتضحك بالعبار لابسة كلاس والوجه مجبد ومقاد بماكياج خفيف ولابسة اكسيسوارات رقاق وراقين..دخلات كوتر تسالمات معاها ورحبات بيها تعارفو وكلسات جنب ريهام ..

كوتر: تبارك الله عليك الالا عتيقة ..كاتباني صغييرة 

عتيقة: سبووور ..عندي شيحاجة روتينية مكتفرقنيش ..تعرفت على خالتكوم بسبابها ..كنت انا وشي صحاباتي كنديرو لحركات جنب لبحر وهي كانت مع شي عيالات خرين ومن بعدها ولينا كنتلقاو ديما حتى تعارفنا 

كوتر: وي خالتي عزيزة عليها سبور ..

عتيقة: مبرووك العرس ..تبارك الله كنتي تخي بييل 

كوتر: شكراا ربي اخلييك ..كون جيتي مع خالتي مرحباا بيك 

عتيقة: قالت ليا يلاه معايا هاجر بنتي مكايناش لتعمر عليا فطريق..

كوتر: وي بقا فيا لحال محضراتش مي شنو نديرو لغربة دارتها 

عتيقة: عقبال شي فرح ونتجمعو فيه كاملييين ..قالتها وشافت فريهام لكانت تحت تاتير الصدمة كالسة لابسة بيجامة وجامعة شعرها وتقاشر فرجليها بيضين ووجها مخربق مافيه حتى تعبير ومقابلة لحديث لكايضور وكتحسب ثواني امتا تفيق من الكابوس ...داز الوقت وهوما مجمعين وحتى مامات كوتر غسلات ايديها وطلعات بدلات وجات كلسات ..وكل ساعة تغمز ريهام باش طلع تبدل والاخرى حالفة متحرك من بلاصتها ...وصل ليل وجا باباهوم تسالم وكلس فصالون آخر هو وادم كايتفرجو ..حتى سمعو صونيط فالباب..كولشي سكت ..ريهام كتسمع صفارة فودنيها وكلمة وحدة اختارقات ودنيها هي" مولاي سلطان هدا لجا" ..صوت عتيقة كايتردد على مسامعها شافت فيها كوتر والاخرى تاهي مرادياش على هادشي ...ناض الاب حل لباب كولهوم كايسمعو ..مرحبااا ...مرحبااااا

ريهام عصرات على ايديها وعينيها مبلقين جهت الباب وكدالك كوتر كاتسنا بفارغ الصبر تشوف هدا لبغا ختها وبمعنى آخر باغا دير لمقارنة ..تقدم الاب كايرحب بايديه عاد وقف الشخص المنتضر ..داخل حاني راسو فقط البنية الجسدية الضخمة والمتوازنة لظاهرة ..هز راسو وبكل احترام ابتاسم وردد بصوت خشن ورجولي " سلام" ..كوتر طلعاتو ونزلاتو وبسرعة دوزاتو من سكانير ..شاب سمر عوينات كحلين ومشفرين ولحية خفيفة ومطراسية مرجع شعرو اللور وفالابتسامة بانو سنينات بيضين ومستفين ..لابس سروال دجين مغلوق وتريكو خيط كول V وفيتس فالغري وسبرديلة فالغري ..وفيدو ساعة ..دخل محمل جوج بواطات كبار مسدودين بشريط فالاحمر..حطهوم فوق طبلة تسالم مع كولشي وعينيه فالارض كلس جنب بابات كوتر ..

عتيقة: هدا هو ولدي زهير .."شافت فيه" ولدي هادي كوتر خت ريهام وهادي ماماها ...

زهير: مشرفين ..

الاب: مرحباا اولدي ..كيف درتي مع طريق 

زهير: مزيان..لهلا اخطيك..

الام: نورتينا اولدي ومرحبا بيك ...

زهير:"هز عينيه ببطئ باش اجاوبها ومرر عينيه جهة ريهام لقاها مبلقة فيه عينها" ترحب بيك الجنة ..

عتيقة: ولدي هادي هي طبيعتو هضرتو قليلة ولكن درويش ومافيه صداع ولا مشاكل ..

الاب: ولاد ناس كايبانو من مظهرهوم ..ودير راسك فداركوم اولدي ..

عتيقة: وحتى فدار هضرتو معانا قليلة ....زهير كالس حاط ايديه على ركابيه وشابك كفوفو وكتافو عراضو ..كوتر تلفات ومكانتش متوقعة اكون بهاد الشكل ..بدات كتشوف فختها وتشوف فزهير وخايفة تغرم بيه ..مهما كان هي بغاتها لكريم حيت كتعرفو ..ناض الام وغمزات كوتر تبعاتها ومشاو لكوزينة

كوتر: نتاصل نقوليهوم اصيفطو داكشي ..

الام: وي دابااا وطلبيهوم مايتعطلوش ..تاصلات كوتر علمات مراد باش اصفطهوم وادوزو اجيبو ليها لحلوة...

الام: تباااارك الله الولد غزاااال وكايبان معقوول ..فكرني غا فمراد

كوتر: لوااه مراد حبيبيي سيد الرجال مامنوش جوج ..

الام: مشيي ...مافقصني ختك كالشة مشمكرة قدام ناس

كوتر: غير كتعيي راسك هي مابغاتش تزوج وباغا تكمل قرايتها 

الام: والى غايخليها تكمل ورا زواج

كوتر: مغايخليهاش تخدم وهي باغا تخدم ..هاد ناس غايرجعو منين جااو 

الام: ماتعرفي ...شفتها كتبلق فييه 

كوتر: بنت جيبي ليها عتروس شهب اعجبها ..تابعا زين فينما كان خليها تمتع عويناتها غير تسمع لمعقول تسيف عليكوم ..

الام: اكووون خيير زيدي نرجعو حتى اوصلو بالعشا ...رجعو كلسو ودخلو فنقاشات وزهير كايجواب بالقياس ومرة مرة ارمي ابتسامة لريهام ..وهي كالسة جامدة مكتحرك مكتهضر ..وكوتر مشاركة فنقاش وعينيها على ختها ..سمعو دقان ناضت كوتر حلات لباب دخلو كولشي لكوزينة مقاد فطباسل مشات مسحات طبلة وعطاتهوم اغسلو وواحلة مع شالها ..دخلو سرباية قادو طبلة وعمرها ..خرجو وضارو جميع على طبلة كياكلو ..عتيقة متفاجئة بالمأكولات وكتمد ايديها بتقالة ونفخة ..اما زهير كياكل وعينيه كتمشي لريهام ..سالاو جمعو وحطو اتاي وجوج طباسل حلوة ..

عتيقة: إوا اسيادنا ندخلو فصوب الموضوع ..حنا اليوم جينا غير باش نتعارفو 

الام: مرحباا بيك اختي عتيقة دار دارك 

عتيقة: ربي اخليك احبيبتي ..ونتمنى نوليو عائلة الى قبلتو على طلبنا ...

زهير:"قاطع الام ديالو ونطق بكل تقة " صراحة الحاج انا جاي طالب يد بنتك الصغيرة الى قبلتي وبكل رضاها وموافقتها 

الاب: شوار اللول واللخر غايبقا ليها هي ..انا من زيدكوم غير لخير والاحسان ..

زهير: خليها تاخد وقتها ..ان شاء الله نهاية الاسبوع لماجي عندي شي خدمة فمراكش ..

الام: إكون خيير اولدي 

عتيقة: غييير الخيير ان شاء الله .."وقفات" هدا هو الوقت فين نمشيو حنا 

الام: كلسو باتو حشوومة تمشيو هاد الوقت 

عتيقة: مرة خرا ان شاء الله ..راه المرحوم خلا لينا بارتما هنا فمراكش ..كنجيو ليها بزاااف الله ارحمو كان كايحماق على الجو تمراكش 

الاب: الله ارحمو ويوسع عليه ...

زهير: تصبحو على خير وسمحو لينا ...توادعو وخرجو وتبعاتهوم كوتر لباب ..رجعات لقات ريهام باقي كالسة ومبلقة عينيها ..

كوتر: ريهام يلاه نطلعو لفوق 

الاب: ريهام شنو بان ليك ابنتي ..

كوتر: خليها ابابا حتى لغدا وتقوليك ..ناضت ريهام وطلعات هي وكوتر لبيت عندها وسدات عليهوم من لداخل حيدات شالها ووقفات على ريهام ..

كوتر: شنوو بان لييك ..لكلسة كاملة ونتي مبلقة عينيك بحال شي بوهالية عصبتيني وكتبرقي فالولد ....

ريهام: وتيتيييييييييز ..ناري ستيل لكايعجبني ندمت لمطلعت تقاديت .."بنفخة" ولكن لزين زين 

كوتر:"تعصبات"😡😡 بربي حتى نسرفقك ...هدا تحليتي ليه وكريم كتعطيه لقاصح ..شنو لفرق ها دوي 

ريهام: كالماا كالماا ..انا مقلتش ليك باغا نتزوج بيك ..غير عجبني وصافي وراك عارفة كايعجبني مليون واحد فنهار 

كوتر: هاااا إواا وشنو غاتقولي ليهومم ..الى غدا سولك بابا باش غاتجاوبيه 

ريهام: كيف ديما بغييت نقرااا ..ونخدم 

كوتر: والى وافق على شروطك؟

ريهام: همم صراحة ديك ساعة نقدر نفكر 

كوتر: كييفاااااش 

ريهام:"وقفات" كيف سمعتي ..هدا عايش فالمغرب اولا تانيا احتارمني وماقالش عليا برهوشة ..تالثا زوييين عجبني 

كوتر: كريم زوييين علييه وكرييم قاليك كايبغيك ..هاد ولد مو لجاا راه غير شافتك فتصاور وقالتها ليه وزايدون مارتاحيتش ليها غير كتعوج وتنفخ بحالا كتمشي على لبيض وهضرتها كلها عندنا درنا مشينا ..

ريهام: حتى نتي ماخليتي من حقك ..عطيتيها اول مرة نشوفك كاتبوزاي قدام شيحد بداكشي لعند راجلك ..أجي بعدا واش بصح عندو اسهم فالاوطيل 

كوتر: وي ماقالها ليا حتى البارح ..خلينا فموضوعنا فكري مزيان وماتبقاش تخرااي وتبرهشي 

ريهام:"تعصبات" كيفاش نتبرهش ..كوتر خليني محتارماك نتي بحالا مصيفطك كريم تحامي عليه ..هو ابنتي غايكون نسا حتى سميتي وكايوجد لخطبة ..

كوتر: انا غانمشي دابا ..ضبري لرااسك نتي تعرفي ..هزات شالها ونزلات لتحت تاصلات بمراد وكلسات كتسناه حتى جا صونا عليها تسالمات مع واليديها قدات شالها وخرجات ..ركبات تسالمات معاه بلابيز ..

مراد: امدرا؟؟

كوتر: جا لولد ..تبارك الله زوين وبعقلو وتبااتة والاحتراام 

مراد: شنو عجبهاا 

كوتر: بزااااااف ..قالت ليك هدا هو ستيل ديالها ..انا موو ماحملتها فيها نفخة بزااف 

مراد: ونتي مالكي ..الى بغاتو الله ايسر ليها مغاتزوجش بمو

كوتر: ولكن باينة من نوع لكايتدخل فكولشي ..وريهام درويشة ماغاتعرفش تعامل معاها 

مراد: كاين راجلها الى كايبغيها غايهزها فعينيه ومايخلي حد آديها ..

كوتر: إكوون خيير ..عييت بغيت غير نعس 

مراد: هممم نوصلو دوشي ونعسي ...سكتات كوتر ورجعات راسها اللور كتشوف فطريق وعقلها كايضور ..وصلو وطلعات ديريكت الدوش حيدات حوايجها كاملين ودخلات تحت رشاشة طلقات عليها لماء غسلات خرجات لابسة بنوار وشعرها نزل على ظهرها فازك كلسات قدام مراية نشفاتو ودهنات وجها واديها وقفات ضارت لقات مراد وراها جرها من خصرها ولسقها معاه

مراد: مالكي ..منين جيتي ونتي ساكتة وساهية ماشي من عوايدك ..

كوتر:"باستو فشفايفو" غير عياانة صافي احبيبي 

مراد: همم متيقنا مكاين واالوو 

كوتر: وي احبيبي بغيت نعس 

مراد: اوكي ..جرها خشا راسو فعنقها باسها ودخل لدوش لبسات هي بيجامة شورط وتريكو تخشات بلاصتها وغمضات عينيها بسرعة نعسات ...

يوم جديد ..فاقت كوتر بكري لبسات سورفيت بكولون لاسق جمعات شعرها ونزلات لجردة كتجري وتوقف دير حركات وكتنهج بسخفة حيت شحال مدارت سبور ..وقفها صوت مراد ضارت شافت فيه ..

مراد: منين جانك هاد الحداكة ليوم ..

كوتر: هههه حسيت براسي خمرت ...سيدة لبارح كرشها لاسقة فظهرها وعندها كتر من 40 عام 

مراد: ههههه ديك لمرا دارت ليك روينة فعقلك ..زيدي تفطري 

دخلو غسلات ايديها ووحدو لفطور بجوج سلات طلعات دوشات وخلات مراد لتحت ..هزات الفون وطلات ياكما مراد جاي وتاصلات بغزال ..

كوتر: ريهام جاويها الخطاب وعجبها واقدر توافق 

غزال: كيييييفاااااش ..اش هاد تسرفيقة عطيتيني إمتا هادشي وكيف طرا وعلاش هدا إييه وكريم لاا 

كوتر: عصبااااتني لبارك تغاوتنا ..قالت ليا كريم كاع مامسوق ونتي كاتحامي عليه 

غزال: واش كريم مبانش ..

كوتر: لاا وحتى مراد باين ليا عارف شيحاجة ..حيت البارح كالس عليا الله اكمل عليها ..زاد عصبني تاهو 

غزال: اش هاد لبروود فهاد ناس ..تفووو مايعطيوكش راس الخيط 

كوتر: ماباقي عرفت مندير ..بغيت نبكي انا بغيتها تزوج بكريم

غزال: شوفي ماتبقايش تمرضي راسك نتي دغيا كتعصبي خلي كولشي لمكاتيب ...

كوتر: دااكشي لكاين .."تييت تيييت" قطعي قطعي ريهام كاتاصل نشوف اش بغات 

غزال: اوكي ..قطعات ودوزات كوتر لخط..

ريهام:"بالغوات" علااااش قلتيها لييه ..علاش تكبري ليه البعرة واصحاب راسو ميتة علييييه 

كوتر:"بالغوات كتر منها" هييييييييييه ..حبسي حبسي مالكي علاش كتهضري ..

ريهام: راك عارفة علاش كنهضر ..داك لخراا واقف باب ليسي وانا حاصلة فطواليط 

كوتر: كرييييم 

ريهام: إيييه هو ..وصلتوها ليه عايقول انا لمصيفطاكوم 

كوتر: شوفي انا مهضرت مع حد ومقلت لحد ..ومرة خرا ماتبقايش تغوتي .."قطعات عليها"

قطعات كوتر على ريهام وخلاتها كتسوط وضرب برجليها مع الارض ..غادة جايا وسط طواليطات واكرام صابحتها واقفة كتشوفيها مربعة ايديها ...كتمشي وتجي كيف لمرا لغاتولد ..

إكرام: جبتي ليا دوخة ..قربت نرد 

ريهام:😡 تعصبت أ إكراام والله غايقول فبالو انا لقلت ليها تقولها ليه باش اجي 

إكرام: وياك قالت ليك مقالتهاش ليه 

ريهام:"وقفات دارت ايديها على نصها" وكيف عرف ..نزل عليه الوحي مثلا ..

إكرام: دابا من نيتك غاتبقاي هناا "شافت فساعة" راه 12 قربات وكولشي غايخرج وغاتسد ليسي ..

ريهام: محاملاش نتقابل معاه 

إكرام: وعلاااش ..خايفة منو 

ريهام: نخاااف 😡 مالو غايقطع ليا راسي 

إكرام: اوا هي لخرجنا فحالنا وتواجهي معاه ..وخرجي فيه عينيك كيف مخرجاهوم فيا دابا ...

ريهام: زيديي زيديي ..😡 ..خرجات وتبعاتها اكرام حابسة ضحكة باش متزيدش تعصبها قربات لباب طلعات نفس ونزلاتها ..خرجات هازة راسها لسماء ومخنزرة ...خلات إكرام واقفة وقطعات شانطي عندو ..واقف متكي على طوموبيل بكل اناقتو وابتسامة على وجهو ونضارات تالشمس ..وقفات وبكل تقة 

ريهام: سلام كريم سافا 

كريم: سافاا حمد لله ..نتي بخيير 

ريهام: شنو بان ليك ..

كريم:"قرب ليها" بلاتي نشووف..همم مزياانة وعويناتك كايلمعو

ريهام:"بعدات وجها" اوا حمد لله هادا من فضلي ربي ...

كريم: همم مبروووك عليك الخطبة 

ريهام: معرفتش شكون قالها ليك ولكن شكرااا 

كريم: انا مكايقول ليا حد ..الله اكمل علييك جيت على ود شي خدمة وقلت ندوز نبارك ليك شخصيا 

ريهام: شكراا عدبتي راااسك ..صوابك وصل ..

كريم: "مد ايديه" نخليييك هاد الساعة وتهلاي فراسك 

ريهام: شكراا ...عطاتو بظهر ديريكت لطوموبيل ركبات وتبعاتها اكرام كسيرات خلات العجاج وراها وكولشي متبعها بالعين ..غادة مكسيريا ..واكرام حداها كتغوت وتسب والخرا محاساش على راسها مزيرة على الفولون وكتغزز سنانها ..بقات غادة موقفات حتى لواحد لخلا والشمس حارة نزلات وتبعاتها إكرام

إكرام: مااالكييي ..اش قاليك ومال وجهك حمر 

ريهام: لارد 

إكرام: هضرييي مالكييي ..كنتي غاتقتلينا ."قربات ليها وشداتها من ايديها" ..مالكييي ازمرة 

ريهام: طلقااااات دموعها ورجع وجها حمر ..تخلعات إكرام عنقاتها وخشات ليها وجها فعنقها وخلاتها كتبكي وتشهق كيف شي بنية صغييرة ..حتى بردات عاد بعدات راسها ..

إكرام: قولي ليا شنو وقع .

ريهام: انا براسي معرفتش ..مكنبغي تاواااحد ولكن هضرتوو ضراتني ..عصباتني وحسيت بالحكرة ..

إكرام: شنو قاليك؟

ريهام: جاي ابارك ليا على الخطبة ..وكايهضر بحالا عمر شيحاجة وقعات ..

إكرام: وعلاش نتي بقا فيك الحال ودرتي هاد روينة 

ريهام: معرفتشششش ..انا متقينة مكنبغيهش واصلا انا مكنعرفش اشناهو الحب ..ومكنحملوووش ..شحال من مرة كنت كنشوف كوتر فاش بدات علاقتها بمراد كتبكي بتخبية وكتخشا فبيتها ومكتبغي تهضر مع حد ..كتبقا تعصب علينا فدار وتغوت وشي مرات ضحكة مكطلعش لها وغير ساهية ..انا مابغيتش هادشي وماباغياش نعيشوو..هكا ديال راسي حسن كنضحك ونخرج همي قرايتي والحوايج ..

إكرام: ولكن ختك شوفي شحال بكات وقارنيه بشحال فرحاات ..وشوفي حالها دابا ..راه اي جوج كايدوزو من المر والحلو 

ريهام: انا والله حتى هداك الى ليوم غانقول لبابا مابغيتش باغا نقراا وخا زوين 

إكرام: شكون زوين هو ولا كريم ؟

ريهام: كرييم كايدخل لخاطر ..فيه كولشي زوين ..وزهير حتى هو زوين ولكن سكوتي وكايشوف شي شوفات كايخلعو ..عكس كريم على قلبو على لسانو 

إكرام: يعني كريم لهضر معاك اليوم قال غالحقيقة باش كايحس ويعني خرجك من بالوو ..نتي دابا راضية 

ريهام: ومااااعرفتش ..ماشي كتدكب عليك ولكن قسما بالله معرفت باش كنحس 😢..بقا فيا لحال فاش هضر معايا بديك الطريقة 

إكرام: حيت ولفتيه ديما تابعك وديما مهججك كان داير ليك لومبيونص فحياتك اليومية ومنهار قطعات خبارو حسيتي بنقص ولاحضها فيك 

ريهام: سيي ولفتو فاش كايعصبني ومرة مرة كايضحني وكنبقا نفرنس وانا شادة افون ..طريقة باش كان كايراسلني بحالا حدايا وعايش معايا ...كنحس بيه مراقب خطواتي 

إكرام: وكان عاجبك بداكشي

ريهام: وي ههه بحالا كنمتل برنامج تيليفزيوني واقيعي 😂😂

إكرام: بصرااااحة اعشيرتي ..مزعوطة فيه ولكن كتعاندي مع زكك وكتكابري باش مطيحيش بمرة ..

ريهام: معرفتش وانا نيت مابغيتش نتزعط فيه ونصدق مخليا كولشي على ودو 

إكرام: عطي فرصة لراسك بربي حتى تندمي ..بحالوو راه قلال وعندك الزهر تعطاتك فرصة تعرفي عليه ..ندمت لماجيتش لعرس ختك 😢

ريهام: مابغيتيش.. شحال طلبتك ترجعي من سفر 

إكرام: على وجهي تزوجي بكريم وديرو لعرس نضبر على شي واحد منهوم عفااااااااك 😢😢

ريهام: كل واحد وهمو ..زيدي راه مشا لحاال ..ركبو ورجعو فحالهوم ..دخلات ريهام لدار مغوبشة وجها منفوخ بالبكا طلعات ديريكت لبيت عندها حلات دخلات مهبطة راسها مع الهزا وقفات مسمرة...

وقفات مسمرة عند لباب وكتشوف بواطة كبييرة بيضة فوق ناموسية ..حسات بالخلعة وماقدراتش تقرب تشوف اش فيها خلاتها وخرجات من البيت نزلات كتجري لقات ماماها كتفرج ومسرحة رجليها ..

ريهام: اش داك لعجب فالبيت ..

الام: جا واحد دق قاليا هادي لريهام طلعتها حطيتها ليك 

ريهام: ومجاكش لفضول تحليها تعرفي اش فيها 

الام: مكنتش مساليا وايديا عامرين حطيتها ونزلت اش فيها 

ريهام: ياربي تكون فيها شي قنبلة تمشي لحومة كاملة ففعل كان 

الام: هي حالفينها فيك داعيش وباغين اصفيوها ليك 

ريهام:داعيش هوما نتوما ..شكون مصيفطها مسولتيش 

الام: قاليا خطيبها ..وباينة زهير مصيفط ليك شي كادو باش تحني فيه ..باين مصوااب بزااف ..

ريهام: مسيكيييين مصيفط كارطونة قد سخط ياكما مخشي فيها هو نيت ..خلات مها وطلعات دخلات حطات ساكادو من ظهرها وقربات مخلوعة حطات ايديها على الغطا ومبعدة راسها سادة عين وحالة نص تالخرا ..حيداتو وخرج راس نونوس كبييير فالغوز طارت عليه جبداتو كتشوفيه وتضحك طلات على الكارطونة ماكاين والوو بعداتها وكلسات هازاه فحجرها نغطيها كاملة ..عنقاتو كتمخشش راسها فيه ..ناض كتشوف فين تحطو يلاه تحركات وهي تحس بشيحاجة طاحت ..هبطات راسها كانت كموسة صغيرة تحنات هزاتها وحطات نونس فتحاتها ولقات سنسلة طويلة وفيها قفل صغير مرسع بالكجر كايبري دغيا جا فبالها كريم ..وجرات سنسلة لفعنقها لكان جاب ليها وبقات كتشوفيهوم بجوج ..تقريبا نفش الموضيل عاود خشات ايديها فكوموسة ولقات ورقة صغيرة فتحاتها " شفت سنسنلة لفعنقك وكان ناقصها شيحاجة ..نتمنى تعجبك" ...مابتاسماتش بلعكس خسرات سيفتها ورجعات سنسلة لكموسة وحطاتها فالمجر قدات نونوس جنب ناموسيتها ..بدلات حوايجها ودخلات لدوش خرجات نشفات شعرها وتكات ..رجعات ليها صورة كريم والحوار لضار بيناتهوم ..حسات بغصة فقلبها هزات الفون وتاصلات بكوتر..

كوتر: شنو ثاني ؟

ريهام: وجه الله اختي مقلتيها ليه 

كوتر: كتعاود غير الصلاة على النبي ..

ريهام: ومراد؟

كوتر: منضنش ..حيت مراد عمرو تناقش معايا فموضوعك نتي وياه 

ريهام: ومنيين غايكون عرف 😣

كوتر: معرفتش ..مهم لاش جا عندك شنو بغا 

ريهام: قاليا مبروك ومشا 

كوتر: صافي ..متغاوتو ماوالو 

ريهام: نوو عادي هضر معايا وبكل بروودة ..

كوتر: مابقيت فهمت واالوو 

ريهام:صافي نسااي ..الله ايسر ليه وانا غايجي بابا نقوليه مابغيتش نتزوج ..

كوتر: فيها خيير ..قطعات كوتر وخرجات من الكوزينة لعند مراد لكان متكي كايتفرج فتلفازة ..مشات كوتر تخشات حداها وفمها كياكلها باغا تسولو وخافت اتعصب عليها ..ولات كضرب الف حساب لهضرة قبل متخرجها ..كلسات كتنظم لكلمات عاد نطقات

كوتر: كريم ليوم جا عند ريهام ليسي 

مراد: اوااااه هي كاين فمراكش مقاليا والوو ..وعلاش جا عندها

كوتر: بارك ليها لخطبة ..وصحابها انا قلتها ليه 

مراد:"شافيها" ونتي لقلتيها ليه ؟؟

كوتر: لااا والله ..معرفاتش منين عرف ..

مراد: وكيفاش جا لمراكش ومعلمنيش ..

كوتر: تاصل بيه سولو 

مراد: نصدقوو فهضرة لعيالات ..منين عرفتي من مراتي قالتها ليها ختها ..خليه على راحتو حتى ابغي ..

كوتر: اوكي ....دوزو نهار عادي كل واحد فحالوو وكل واحد بافكارو ومشاكيلو ..كل واحد فبقعة من بقاع لعالم ..

==>داز اسبوع ..وكلشي على نفس الحالة ..ريهام عطات خبر لباباها وهو بلغ زهير بقراراها ..تلهات فقرايتها والامتحانات ..مراد مشغووول بزااف مع افتتاح المشورع ديالوو ..كوتر كتضل فالفيلا مرة تخرج مرة ايجيو عندها لبنات ولا دارهوم او مامات مراد ..الاحوال هادئة الا ريهام لطول لمدة كتسنى ولو خبر صغيير من كريم ..اكيد كيف عرف انها غاتخطب غايعرف بلي فسخات الخطوبة ديالها ..كل نهار كتخرج من ليسي على اساس تشوفو قدامها واقف وابتسامتو سابقاه ..لوحيدة لعارفة بحالتها هي صاحبتها ..

اليوم 🌟 مراد غايعطي الانطلاقة لتسيير الخدمة فالشركة ديالو بعد مجهزها بآخر مستجدات فعالم السيارات ..متكونة من طابقين ولاكاف كبيييير ..الطابق العلوي مفتووح على اوسعه فيه مكتب من الخشب الاسود فالوسط بتصميم راقي جدا وفوطويات فاللون الاسود فجنب مع الحيط الجدران فاللون الرمادي ..وزاج كتيير كايدخل اضائة قوية ..التحت فيه جوج مكاتب مختصين بالعمال القلال كولهوم رجال وفالواجهة 5 سيارات ..واكيد مكتب الامن امام الشركة ..

كولشي كان مجموع الاحتفال العائلة والاصدقاء ..كولشي كايضحك موسيقى مشروبات وحلويات سربايا فكل مكان ..واقف مراد وبجنبو كوتر بكل اناقتها بغوب طويلة سامبل بالكميمات فصومو بارد وطالون فالبيض وشال فالبيض ومراد بكوستيم كامل فالكحل ..كولشي فرحان وكايضحك ..الا ريهام شادة كاس عصير وعينيها على الباب ..كتضحك غير بزز وعقلها مع كريم علاش مجاش مقدراتش تسول شيحد حيت بينات ليهوم بلي خرجاتو من بالها تاهي تقادات على اساس تشوفو ..لبسات صاية حد ركببة وطالعة حتى السرة وشوميز دجين لاسقة مخشية فصايا وصباط طالون فالبوردو طالقة شعرها كورلي وعكر فلون الصباط

دازت الحفلة على خيير وصل لوقت وبداو ضياف كايمشيو وبقاو المقربين ..ريهام فقدات الامل انها تشوفوو خرجو صحابات كوتر مشاو ومشات ومن بعد العائلات بجوج ..بقا امين وريما وكوتر ومراد ..طلعو لمكتب الفوق وبقاو البنات التحت مجمعين وكايتسلفاو ...

مراد: مالك من قبيلة ونتا مخنزر وكضحك بزز 

أمين: مابغيتش نخصر ليك المورال ولكن خصك تعرف باش تشوف شنو دير 

مراد: خير وسلام ..ياكما شيحاجة فالخدمة 

أمين: لااا مات ديك الخانزة ديال إيمان دوجوغ باش دخلات المغرب ..

مراد:"عقد حجبانو" وكيف دارت دخلات انا مزير وساد عليها لبيبان وعاطي امر من زمان باش مترجعش 

أمين: دخلات بهوية خراا ..وباقي مجاتش لمراكش كاينة فالحسيمة 

مراد: يااا سلااام ههه شي بزناز هدا دايراه فجبها هو لوقف معاها حتى جات 

أمين: يعني سيدة مساهلاش ومعرفناهاش لاش كتخطط ..واش جايا على ود شي هميزة ولا دايراك فدماغها 

مراد:كولشي ممكن داكشي باش خصنا نعرفو 

أمين: بصرااااحة حاجة وحدة تخاف عليها هي كوتر ..نتا قاد براسك ولكن هي لاا 

مراد: كيفااااش 

أمين: كاع الاحتمالات ديرهوم فراسك ..الى جايا باش ترد ليك الضربة فغاتمشي لكوتر غاتجيها ساهلة اما نتا قاصح عليها 

مراد: بربي تنقتلها قبل متفكر فيها .اوووف حتى قلت تهنيت هاد لخراا حتى الامتا غايبقا لاسقني والله الى ندمت على نهار لتعرفت عليها ...

أمين: دابا فكر ونسااا الندم ..

مراد: كييف غاندير ..مجرد معانقولها لكوتر غاترجع تاني لحالتها لقديمة ..والى غاندير ليحضيها غاتعيق ومغايعجبهاش لحال ..

أمين: انا نباسي ليك لمعلومات لوصللتني ..ونتا حرك رجالك فأصيلة اشمشمو ليك لخباار..

مراد: اوكي ..مهم نتا متبين واالو حتى نعرف شنو واقع بضبط ..يلاه نمشيو بغيت نرتاح عييت هاد الايام ..

أمين: صافي سيير نتا انا غانبقا حتى اتجمع كولشي ونهضر مع سيكيريتي ونمشي 

مراد:"طبطب على كتفو" الله احفظك اصاحبي ..تصبح على خير 

أمين: في امان الله ..قول لريما طلع عندي ...نزل مراد شد فيدي كوتر توادعو مع ريما طلعات عند امين وهوما خرجو ركبو فطوموبيل ..وصل لفيلا دخلو طلع مراد لبيت حيد حوايجو كاملين قدام كوتر بقا بالبوكسر ودخل لدوش بلا مايهضر ومقوس حجبانو ..حيدات حوايجها بسرعة بقات بسترينغ طلقات شعرها وتبعاتو كتسلت ..لقاتو مسرح فالبينوار متكي راسو اللور ومغمض عينيه والرغوة مغطية ليه نص جيسمو ..حطات رجليها وسط لما وهو هز عينيه فيها ابتاسمات وكلسات فوق حجرو مقابل معاه شدات وجهو بين كفوفها 

كوتر: حبيبي مالك...

مراد: والوو عيان ..هاد الايام لفاتو كانت لخدمة كتيرة 

كوتر: متقن مكاين والوو مقلقك 

مراد:"غمض عينيه وعاود فتحهوم" لاااا ...سكتات كوتر وتكات على صدرو وضورات ايديها على كرشو ..باسها فوسط شعرها ورجع تكا بلور وغمض عينيه كايفكر ودام الصمت وقت طويل.. رجع راسو طل عليها لقاها مغمضة عينيها ..

مراد: كوتر ...كوتر ..ابتاسم حتى غمض عينيه على شكلها وكيف نعسات دغيا ..هز لما كايخوي على لحمها وكايمرر ايديه بلطف باش متفيقش حد ليها سترينغ ..هزها وهي معنقاه كيف شي بنية ضغيرة لاح عليها فوطة وخرجها حطها فوق ناموسية لبسها حوايج ولبس وتخشا حداها ...وخا عيان مقدرش انعس الهضرة لقاليه أمين روناتو وماعرفش منين ابدا ..بقا كايخمم حتى آذن الفجر فيق كوتر توضاو صلاو كيف ديما وتخشاو عنقها زير عليها ونعس ...

...مجرد متشرقات شمس ناض مراد لبس سورفيت خفيفة ونزل لتحت هاز لبيسي والفون ..تاصل برجالو فأصيلة عطاهوم لمعلومات باش ابداو فالبحث ..هز البيسي كايبقشش من بعد تاصل بكريم ...

مراد: باقي كاين فرباط 

كريم: وي علاش 

مراد: اليوم بلييل تكون عندي بغيتك فشيحاجة 

كريم:فين نتلقاو ..

مراد: جي عندي لدار ...مغانخرجش انا ليوم ...

كريم: اش كتخور ...واش عارف اش كتقوول مايمكنش نجي عندك 

مراد: الموضوع مهم اكريم ..ومنقدرش نخلي كوتر ونمشي لشي بلاصة مغانركزش 

كريم: القاضية حامضة ...صافي فيد الله اليوم العشية نكون عندك ..

مراد:ان شاء الله .."قطع" ..وناض خرج الجردة كايستنشق الهواء حتى حس بشي ادين معنقينو من اللور ...

كوتر: صباااح نووور ..فقتي بكري ومقاديتيش الفطور 

مراد: هههه مكابكونش بنين بحال لكتقادي نتي "باسها فحنكها" ..عنقها من كتفها ودخلو لدار ..وجدو الفطور سلاو وبقاو نهار كامل مع بعضهوم ..كوتر استغربات حيت دابا فتح شركة كان خاصو امشي ولكن قاليها بلي عيان وباغي ارتاح ....

وصلات العشية وكريم صيفط مسج لكريم بلي قرب اوصل ..شاف فكوتر لكانت مسرحة رجليها لابسة بيجامة حد فخاضها بالكميمات وتقيشرات بيضين وشعرها مطلوق معنقة جبانية كبيرة عامرة بشيبس وكتفرج ..

مراد: حبيبة طلعي بدلي حوايجك

كوتر:"قاطعاتو" غانخرجوووو ...

مراد:هههه لاا الهبيلة جاي كريم لعندنا 

كوتر:"بصدمة" كريييم ..جاي من دبي

مراد: لاا كاين فالمغرب ..ونوضي براكة من الاسئلة 

كوتر: واخااا وخاااا..طلعات البيت مصدومة ومعارفة مدير ..كتفكر بلي جاتها لفرصة فين تعاود تجمع ختها بكريم ولكن خافت اوقع شي صداع وتصدق مزفتاها عوض تقادها ..حلات لماريو جبدات فراشة طويلة بالكمام سامبل فالبلو ..لاحت على راسها شال فالغري بارد وبلغة فلون شال ..نزلات دخلات الكوزينة كتوجد لعشا وعقلها مرفوع وكاتشوف فساعة ..قبل مايطيح ضلام جاتها لفكرة ...ضربات كاس طاح وحدات البلغة وقاست شوي من زاج حتى خرج دم ومتقصحاتش ..جا مراد كايجري 

مراد: كيف وقع ليييييك؟؟ 

كوتر: اححح 😢 مشفتوش وبغت نهرب رجليها تسلتات ليا البلغة وحطيت رجلي على زاج 😢😢 ايي كتحرقني رجلي ..هزها مراد مخلوع حطها فوق فوطوي ونزل كايقلب رجليها بان ليه دم تخلع مشا جاب فوطة فازكة مسح بقعة تالدم وبقا كايشوف واش كاين شي طرف تزاج ...

كوتر: اييي بشوي ..كتقصحني ..

مراد: مكاين والوو صافي كلسي انا نتاصل بالاوطيل اجيبو لنا العشا ..

كوتر: لااا انا راه بديت ..داكشي غايضيع حشومة 

مراد: نتي مافيكش متوقفي ..كيف غاديري 

كوتر: 😢😢 غانصبر حتى نسالي "وقفات زاد جوج خطوات وغوتات" ايييي كتقصحني ..

مراد:براااكة اكوتر😡 كلسي نداويها ليك وعطي راسط راحة 

كوتر: والعشااا ..عرفتي شنو تاصل بشي وحدة من البنات تجي تعاوني ...

مراد:اوكي شكوون 

كوتر:هداية ..ولكن غايمشي علها لحال فليل ومتبغيش تبات ودارهوم غايغوتو ..بسمة قارية غدا ..

مراد: ريهام..متجيش ؟؟؟

كوتر:"قلبها كاينقز بالفرحة" معرفتش ..تاصل نتا طلبها غاتحشم منك ..

مراد:اوكي ..هز الفون هضر معاها وبزربة وافقات حيت سمعات ختها تضربات وتاهو قاليها جاين عندهوم شي ضياف ..

كوتر: جاياا 

مراد: وي ..فراسط حتى تاصلت بيها وتفكرت بلي هي وكريم مكايتفاهموش ومعرفت منقوليها وكدبت غير الله احضر سلامة 

كوتر: وييييه ..ناض مراد دوا ليها وكلسات حتى جات ريهام دخلات مخلوعة لابسة سورفيت فالحمر كابيتشو وسروال وسبرديلة اديداس وشعرها كورلي على كتافها ..

ريهام: كيف وققع ليك ..واش كضرك بزااف 

كوتر: غير شوي كتحرقتي من الوسط ..زيدي شدي فيا نكملو داكشي للداخل ..

ريهام: زيدي ..دخلو ولبسات ريهام طابلية على حوايجها وقفات حدا لبوطاجي وتحرك وتبع اوامر كوتر وكتنكر وتغبن حيت كتكره الكوزينة وطياب ..

ريهام: شكون جاب عندكوم..

كوتر: معرفتش قاليا مراد لبسي حوايجك جايين شي ضياف 

ريهام: العجب ..كاين شي حد مكايعرفش شكون جاي عندو لدارو ..

كوتر: راه مراد مافيهش كترت الهضرة وحتى انا مكنسولوش بزاف..صبري اجيو ونشوفو ..كملي داباا دغيا 

ريهام: هاااهي تفوو اش بيني وبين هادشي ..وصل كريم حل ليه مراد تسالمو ودخلو كلسو فصالون عيط مراد على كوتر خرجات وخلات ريهام ..وقف كريم تسالم معاها وشاف رجليها كتعرج ..

كريم: مالكي ..

كوتر: تجرحت بزاج دابا 

كريم: وداويتيها ..

مراد: وي وحمد لله مدخل ايها حتى طرف تزاج ..

كوتر: مرحباا بيك عندنا ..كيف دايرة الواليدة والاخت ..

كريم: كولشي بخيير كايسلمو عليكوم ...كيف دايرين الواليدين؟

كوتر: حمد لله بخييير ..نخليكوم نمشي نجيب ليكوم اتاي..

دخلات كوتر الكوزينة وقفات ليها ريهام مخنزرة ..

ريهام: درتوها بلعاني يااااك 😡

كوتر:مافراسيش بحالي بحالك وعلاه غانضرب رجليا بلعاني ..واصلا انا قلت ليه تاصل بشي وحدة من البنات فاش تضربت هو قاليا ريهام ..قلت ليه مكاتعرف والوو فطياب 

ريهام: كيفاش زعما مراد تبرهش لهاد درجة 

كوتر:😡 اوا لواااه اصلا مراد كايتعامل بحالا مافراسو وااالو 

ريهام: وخا الالا ...شنو غاديري دابا ..

كوتر: غانحط ليهوم اتاي والحلوة ..

ريهام: اوكي ..وجدو صنية مدهبة بكيساتها وطبيل فيه شكيلات تالحلوة ..

ريهام: غير خليك العرجة اناااااا لغانديهوم 

كوتر: لميييمة اريهام متزفي عليه بشي كاس وتخصري ليا سربيس ..خرجات ريهام كتنفخ شافتو كايهضر مع مراد ومشافش جهتها تحنات حطات كولشي وضارت باتمشي وهو انطق مراد : شكرااا ريهام ....

مراد: شكرا ريهام ..كريم سمع سمية ولكن ضن انه تهيئ ليه او مراد تلف فالاسماء حتى سمع صوتها ..

ريهام: مرحبااا ..ضار كريم بسرعة وشافيها ..ابتاسمات ليه وعطاتهوم بظهر مشات بقا متبعها حتى غبرات ورجع شاف فمراد وشير بصبعو من طريق لدازت منها ريهام..

كريم: شنو هادشي ...ياكما بلعاني جايبني من سلا تالهنا على ود شي تخويرة فدماغك ونسيتي علاش متافقين 

مراد: سكووووت سكووت ..فاش تضربات كوتر بالخلعة نسيت وتاصلت بيها تجي تعاون ختها ...وحتى هضرت معاها عاد تفكرت كريم: هممم ..قول لاش جايبني ..

مراد: زيد يلاه نزلو لاكاف ونهضرو على راحتنا ..وقفو ومشا مراد بلغ كوتر بلي غايزل هو وكريم التحت ..ومشا خلاهوم غارقين فالروينة ..نزلو دراري بجوج شعل مراد ضوااو كاملين 

كريم: وااااااو ..مكنتش متوقع هادشي عندك زين هكا ..

مراد: عرفتي شحال تالفلوس هنا ههه فاش ندير لغراق تالمشاريع..

كريم: ومكدبتيش ..كتحركهوم كاملين 

مراد: لااا "كاوريه بصبعو" عندك ديك رونج البيضة والاودي ومرة مرة لومبرغيني ..

كريم: دابا هاد لاكاف شاد المساحة تالفيلا كاملة 

مراد: وي كااااملة بجردة ..

كريم: اللهم بارك ..اوا دخل فالموضوع ..

عاود ليه مراد داكشي لقاليه امين بتفصيل الممل وعاود ليه على حتى حياة مامات إيمان ..

كريم: ههه عرفتي حياتك كون كانت فلم غايربح جائزة الاوسكار ههه..كاع ناس كايتزوجو وعيشو طبيعي الى نتا كل مرة قصة وموصيبة فشكل...

مراد: مكتاب عليا نعيش وسط هاد رواين هههه من ايام القراية والله ديما كايوقعو ليا شي مصايب ههه 

كريم: دابا شنو بغيتي مني 

مراد: كمل دماغك الخراا ..تحركات ديالها وشكون ضاير بيها ومعامن كتكلس والبلايص كتمشي ليهوم 

كريم: تفوو حتى قلت شديت كونجي نتهنى ..عطيني اسمها وتهنى ..

مراد: احفضك اصاحبي ..يلاه نطلعو نتعشاو ندوقو طياب ريهام ههههه ..طلعو دراري وحطات ريهام العشا كامل كتمشي وتجي لابسة طابلية ومامسوقاش ..حتى سلات وغسلات ايديها وحيدات طابلية ..وخرجو كلسو مجموعين كايتعشاو واهضرو الى ريهام ساكتة ..

كريم: كوتر مال طيابك اليوم باسل ماشي كيف عادو ..

كوتر:"وحلات ليها" لااا عادي كيف مولفة كنطيب 

كريم: لاا اويلي مالي عمري دقتوو ..

ريهام: اقدر حيت حطيت عليه ايديا وهو ابسال ..

مراد: لاا بلعكس بنيين 

كريم:انا مولف طياب كوتر كايكون متقون ..

ريهام: وي كوتر هي ..اما انا سبحااان الله لحطيت عليها ايديا كاتخياب وكتبسال وتخسر وتقدر حتى تمشي منها الروح 

كريم:"بابتسامة" سبحان الله ...كوتر شافت فمراد وحركات راسها يمين وشمال ..كملو العشا وحطو طارت باردة كلاوها واكيد كريم مسكتش من الهضرة ..ناض ريهام وقفات

ريهام: انا غانمشي ..

مراد:"شاف فساعة" مشا لحال تسناي نوصلك 

ريهام: متخافش غانكسيري حتى نوصل لدار ..

مراد: راه طريق خايبة منهنا لشارع وكاين ظلام ..

كريم: حتى انا غانمشي وندوزو بجوج ..

مراد: اوكي صافي "شاف فكريم" الله احفظك حتى توصل لدار وسوك بشوي ..ريهام تعصبات سلمات عليهوم وخرجات ركبات وكتسناه ..كريم كابتسالم بالعرض البطئ باش ازيد افقسها عاد طلع وخرج من الباب وهي تابعاه ..ظلام فطريق فقط ضوء تطوموبيلات ..بقا غادي كريم بشوية وكل مرة اهز عينيه فزاجة اشوفيها وابتاسم حتى قربو اخرجو لشارع وهو احبس عليها بجهد حتى طلعات الغبرة ..نزل وخلا باب طوموبيل محلول ومشا وقل عليها كايضرب فزاج ...

كريم: نزلييي ..هبطات ريهام زاج وطلات عليه 

ريهام: مالنا ياك لباس ..لاش غانزل 

كريم: نزليييي ..

ريهام: اووووف ..بعد نزل ...حلات الباب نزلات كيف تقابلات معاه شدها من شعرها وتلاح على شفايفها بقبلة عنيفة قبلة كتعبر على كل مكايحس بيه ..قبلة كاتبين مدا عشقو ليها ..هي متحركاتش بقات مصدومة حتى تلقها وحط جبهتو على جبهتها ونفسو كضرب فخصلات شعرها لنازليز جنب وجها ..

كريم:كنتي كتباتي مبوووكصة بطابلية ..حتى فاش كتخنزري كاتباني غزالة ..ونتي كتسممي فمك كايبقا اترعد ..وعروق ايديك كاينبضو بالاعصاب ..عينييك اريهام كيف المراية لكتعكس بشنو كتحسي ..نتي مكتعرفيش تكدبي ومكتعرفيش تمثلي ..عويناتك كايفضحوك ..فراسك عويناتك كايشبهو لعوينات دوك لكليبات صغيورين 😂😂..ابتاسمات ريهام بلا متحس ..

كريم: كنمووووت فضحكتك ..غاتصطيني مابقيتش قادر نصبر فاش كتكوني قريبة ليا كنتوضر ..علاش ماقبلتيش براجل لغفلة

ريهام: مابغيتش نتزوج ..

كريم: وياك عجبك وزوين ولحيتو مطراسية ..وكتافو كبار وسمر 

ريهام: "بعدات راسها من وصط ايديه" باش عرفتي هادشي شكون كايقوليك خباري 

كريم: نعاود نقوليك مكايقوليا حد ..

ريهام: وباش عرفتي هادشي ..

كريم: دابا جاوبيني نتي ..حتى لامتا غانبقاو هكا ..حتى لامتا غاتقتانعي بلي كاتبغيني انااا 

ريهام:"بالغوات" مكنبغي حد واش تسطيتي فعمري 18 العام مابغيتش نحب مابغيتش نتزوج 

كريم:"جرها بجهد" وشنو بغيتي دوييي 😡

ريهام: اي كضرني طلق مني ..

❤❤يتبع❤❤