- سي صااخر .. حل لباب جدك كايتسناك لتحت باش تفطر معاهوم .
غمض صخر عينيه بغيظ وهو شانق على صوفي وكاتم أنفاسها بيديه .. ملي فاقت ولقات راسها لابسا تيشرت ديالو وسروالها محيد .. دارت ليه فضيحة .. هرست كل أثاث الغرفة حتى المصباح لي فسقف ضرباتو بصندالتها فركعاتو .. وهو مانجاش من ضرباتها وشتائمها حتى بدات الخالة مريم كادق فالباب فمكانش عندو شي حل من غير يسد ليها فمها باش ماتفضحوش ..
- اااام .. اااام
تمتمت بيها صوفي وهي كاتحاول تفك نفسها فزير عليها صخر أكثر وتمتم بصوت منخفض :
- شوووو ... سكتي غادي تشوهينا .
تحلفات فيه صوفي تحت أنفاسها وهي كاضرب فيه بيديها
- ام ام ام اااام ام {ترجمة} والله لابقات فيك الحرامي.
لكن الخالة مريم كانت مصرة ماتهبط حتى تهبط صخر معاها ولا تجرو من رجليه كيف طلب منها بهجت بيك :
- سي صخر ماغاديش نمشي حتى تحل الباب .
تأفف صخر بغضب ومكانش عندو شي حل أخر دخلها للحمام وسد عليها فالدوش الزجاجي باش حتى الى غوتات مايتسمعش صوتها مجهد وداكشي لي كان وقف كايتأكد بلي ماغاديش تقدر تحلو واخا كانت كاضربو بيديها وبرجليها وتغوت ..
تراجع للخلف وهو كايقول :
- ماتغوتيش بزاف شويا وغادي نجي
تنفس أخيرا الصعداء وعدل حوايجو ثم سد باب الحمام .. بعثر شعرو وخربقو وحك عينيه مزيااان باش يبان بلي كان ناعس ثم تقدم للباب وحلو لكن بقا شاد فيه باش ماتقدرش الخالة مريم تدخل ..
- ياك لاباس ؟؟.
حاولت مريم تتلصص النظر خلف ظهرو لكن كلما علات راسها كلما على صخر حتى هو راسو باش مايخليها تشوف حتى حاجة حتى فقدت الأمل وتأففت وهي كاتقول بملل :
- من صباح وانا كاندق عليك !! .
رد عليها صخر بفضاضة .
- وانا من صباح وانا ناعس ..
طلعت وهبطت فيه واخا كان منظرو ديال واحد كان ناعس إلى أن الخبشة لي كانت فعنقو مكاطمنش .. فتحت فمها باش تهضر لكن قاطعتها بعض الأصوات جايا من الداخل ..شافت فيه وقالت بشك :
- بحالي سمعت شي صوت !!.
توتر صخر وقال وهو كايحرك راسو بالنفي:
- لا .. أنا ماسمعت والو ....
وكمل باش يبدل الموضوع:
- أشنو بغيتي لاش مصدعاني على صباح ؟
ربعت الخالة مريم يديها لصدرها وقالت بتثاقل :
- سي بهجت بغاك تهبط تفطر ! .
توتر صخر أكثر فاش سمع ضربة من داخل وكانت باينا ان صوفي كاضرب الباب الزجاجية برجليها فقال بصوت عالي باش يشتت الصوت :
وحتى غبرات عاد دخل وسد لباب مزيان وهو كايحرك راسو وكايتمتم بين سنانو :
- هادشي لي كان ناقص !!.
ضار بعينيه فأرجاء الغرفة وتنهد بغيظ من ديك المجنونة لهبيلة .. فثواني قلبات الغرفة رأسا على عقب من حد حتى صباطو شيرات عليه بيه لكن لحسن لحظ خوا ليه وجا فوق الناموسية اما كون فرق ليه راسو .. قلب راسو ناحية باب الحمام وماكرهش يبقا ساد عليها حتى تموت ويتهنا منها ولا على الأقل غير تنعس ويهزها يخرجها بلا صداع .. اما زويينة هي إلى خرج ليها شي جن من القادوس وعطاها ضربة يعوقها وتزيزن.. ساعتها غادي يرتاح .. لكنه مايقدر يدير لاهادي ولا ديك حيت هي بنت دون ماركيز وهبيلة بحالو وباينا غادي يموت على يديها بما ان القنابل ماقضاو فيه والو .
حل الباب غير بشوية وطل براسو عليها لقاها حانيا على قفل الباب كاتحاول تحلو بالمقبط لي كان فراسها .. ضحك بسخرية وهو كايتخيلها بطلة فشي فيلم فالدور ديال وحدا باغيا تشفر خزنة بمقبط الشعر .. حل الباب ودخل كايتخنتر وهو داير يديه فجيابو وقال :
- أشنو كاتحاولي ديري؟؟ .
ماعلاتش راسها فيه .. حاولت تحافض على تركيزها وقالت بهدوء :
-تفرجتي فمسلسل لاكاسا دي بابيل (la casa de babel)
رد عليها بإستغراب :
- لا ماتفرجتلوش علاش !!.
حاولت ما أمكن تحافض على تركيزها وهي كاتحشي فالمقبط الصغير فالباب باش تحلو وقالت بصوت هادئ:
-فيه واحد السيد مسمي راسو بروفيسور كايخطط مع راسو باش ينظم أكبر عملية سرقة وباش تنجح ليه جند تقريبا 8 ديال شفارة باش يعاونوه ولي هوما
عض صخر على شفتو وهو كايستمتع بخوفها حتى أنه جزم بلي سمع صوت دقات قلبها وإستنشق رائحة توترها من قربو ليها ... على يد وحدا ودخلها تحت التيشرت تحسس خصرها العاري وهو كايقول :
- علاه شنو هو زواج فنظرك !!.. لعبة ديال عروسا وعريس طاحو فباب لخميس .
بدات كاترجف تحت رحمة يديه حتى أن أنفاسها إنقطعت للحظة ... هاد الإحساس ماعمرها جرباتو .. لمسة رجل على جسمها كانت مثيرة لكنها خطيرة ... إقترب صخر من عنقها وهمس بصوت مثير وأنفاسو ترتطب برقبتها :
- مستعدة تكوني مرتي
لكنها ماجاوباتوش .. غمضت عينيها بقوة خوفها منو والهيبة لي نزلت عليه فجأة ضعفت أمامه وكأنها ماشي هي نفسها البنت لي خربت الغرفة فوق راسو .. إستسلمت ليه حتى إرتعشت كل أطرافها وهو كايطبع قبلة على رقبتها صعودا إلى أدنها وخدها حتى قرب من شفايفها عاد إستوعب شنو كايدير .. بعدها عليه بسرعة وقال وهو كايتنفس بسرعة :
- خرجي ... خرجي .. خرجي .
بسرعة هزات صوفي حوايجها من الأرض وخرجات كاتجري من الغرفة ودخلت لأول غرفة قابلتها وزدحات الباب بقوة وهي كاتحاول ماتبكيش لكن فاش لقات قدامها تاليا لي كانت بدورها غضبانة ومنزوية فغرفتها تلاحت فحظنها وبدات كاتشهق وتبكي .. وماعارفاش علاش كاتبكي واش حيت ضعفت قدامو ؟ ولا حيت استسلمت ليه وخلاتو يلمس جسمها؟ ولا حيت كان قراب يسرق أول قبلة ليها ؟ ولا حيت شعرت بقلبها كاينبض بقوة الأحاسيس الجديدة لي تولدت فقلبها ليه فديك اللحظة ماعرفاتش !!!....لموهيم .. كان خصها تبكي وتخوي قلبها! .
في الأسفل :
إنتهى الفطور أخيرا وإجتمعو كولهوم فالصالة كايتبادلو بعض الأحاديث الجادة احيانا وساخرا فأحيان أخرى لكن الجو مكانش يخلو من المشاحنات البصرية بين مدام علياء والدون ماركيز ، قبل مانتوض علياء وتخرج وتبعها داوود بعد دقائق ... وبين الملاطفات بين جبل وروعة العرسان الجداد و التفكير العميق بين أسد ونورسين ورافاييل وبين الهدوء بين بهجت وديانا وياسين وأسية لي كانت مع تاليا حتى رجعت ليها عقلها وهبطات نضمت ليهم
فالمقابل كان رافاييل كايقلب بعينيه على تاليا وحاضي دروج لاتهبط لكن فاش غبرات فخطرا بغا ينوض يطلع لعندها لكن مكانش عندو شي طريقة باش يخرج ويطلع تحت أنظارهم بالخصوص أن الدروج كانو قبالة الصالة .. جبد التلفون من جيبو ودوز رقم تاليا واخا يسمع غير صوتها باش يتأكد أنها مكاتبكيش وداكساع عاد غادي يرتاح لكن الرقمها كان مغلق وخارج نطاق التغضية ..
قطع رافايييل الخط وضغط على التلفون بيديه بعصبية حتى لاحظاتو ديانا لي كانت كالسة فجنبو .. قربت منو بلاما تلفت الأنظار وقالت بصوت منخفض :
- علاش معصب ؟؟.
تمتم رافاييل بعصبية :
- شوفي نتي !!.. واش هادشي علاياش تافقنا ؟؟.
لوات ديانا شفايفها وردت عليه بفضاضة :
- ياك عجبك لحال فاش عنقتك داك نهار وسيدة غارت عليك وكرهتني .. من تما ونتا فاضحلي راسي باش نعاونك ونخليها تغير
- اه ولكن ماشي فقلب دارهم وحدا خوها ... ضيعتي كاع الخطة اديانا من الأحسن تسكتي !.
تأففت ديانا وقالت بغيظ :
- ايوا دير لخير مايطرا باس .. إلى عرف حبيبي "جون" أنني كانمثل معاك هاد التمثيلية السخيفة غادي يجمعني انا وياك فطرشا وحدا .
ضحك رافاييل وقال بسخرية :
- تاهداك بوخبزا عندك كاتسميه راجل !!.
ايوا صافي هادشي لي بقا تعاونو ويزيد يستهزء بحبيبها ... شافت فيه بغيظ وقالت :
- بزاف عليك راجل وسيد رجال الله يخليه ليا .. نتا كون كان فيك نفع كاع ماتلجأش ليا نعاونك الفاشل .
إحتفض رافاييل بإبتسامتو الساخرة ورد عليها :
- صافي صافي سكتي غادي تشوهينا .
إبتسمت ديانا بمكر وقالت :
- ايوا هكاك .. و دابا شوف كيف دير تفكها مع حبيبتك المغيارة .
قبالتهوم كانو بعض العيون مترصدينهم وحاضين كل تصرفاتهم وضحكاتهم ...
-نورسين .. شفتيها كيف كاتهضر معاه وهو كايضحك بلا حياء بلا حشمة !!!... معدر تاليا تعصبات ! .. غير كاتلسق فيه بحال العلقة .
قالتها روعة وهي كاتشوف فديانا بغيظ فردت عليها نورسين وهي نيت كاتشوف فديانا :
- بغيتي تقولي لحم الراس .
كان منظرهم مضحك كالسين وحدا حدا وحدا ومربعين يديهوم وكايشوفو فديانا بنظرات ثاقبة شريرة حتى ان ديانا لاحظت الأمر وبعدات على رافاييل .. همهمت روعة وقالت :
- هممم نفس الشئ ... شنو قررتي دابا واش غادي تهضري ولا نهضر انا .
كان منظرهم مضحك كالسين وحدا حدا وحدا ومربعين يديهوم وكايشوفو فديانا بنظرات ثاقبة شريرة حتى ان ديانا لاحظت الأمر وبعدات على رافاييل .. همهمت روعة وقالت :
- هممم نفس الشئ ... شنو قررتي دابا واش غادي تهضري ولا نهضر انا .
شافت فيها نورسين وقالت بسرعة :
- لا ... انا لي غانهضر .
إعتدلت فجلستها وشافت فأسد لي كان فجنبها بتوتر ثم شافت فديانا وقالت وهي كاتصنع اللباقة :
- أحم ... مادموزيل ديانا .. كيف الأحوال مع الخدمة ؟
علات ديانا حواجبها بإستغراب .. ماشي هي لي كانت كاتشوف فيها بشوفات قتالة غير قبيلة !! .. تنحنحت وقالت :
- اجي قوليلي .. ااام واش خرج تقرير تشريح جثة إيزيك؟
شافت ديانا فرافاييل لي مسح وجهو بتوتر وقالت :
- اه خرج اليوم فصباح .
تبادل أسد النظرات مع أسية وياسين بطريقة خلات نورسين أكثر فضول باش تعرف شنو واقع خلف ضهرها .. شافت فديانا وسولتها:
- وقدرتو تعرفو شنو هو نوع السم لي تقتل بيه؟؟ .
كان بإمكان ديانا ماتردش عليها لأن الأمر كايبقا من أسرار مهنتها لكن حتى ديانا جات لهنا باش تهضر فهاد الموضوع نيت :
- اام فتقرير مدكور واحد السم إسمو التيترودوكسين .. ولكن الغريب فالأمر امدام نورسين أن تقرير كايقول بلي السم دخل لجسم إيزيك قبل مايوصل لمقر الإنتربول .. واش عندك شي تفسير منطقي لهاد الأمر ؟؟.
صدمة أسد ورافاييل وياسين وأسية كانت كبيرة بقدر صدمة بهجت و جبل لي كان متكي وغير سمع كلامها تقدم بجسمو للأمام وقال بإستنكار :
- كيفاش دخل لجسمو قبل مايوصل للإنتربول ؟؟..
إنتقلت ديانا بأنظارها لجبل وقالت بهدوء :
- يعني اسي جبل الخائن كاين بيناتكم ماشي وسط الإنتربول ... كيف كاتتهمونا !!... ايزيك جا للإنتربول مسمم ورجال الشرطة لي مشاو جابوه قالو لي بلي كنتو ساجنينو فشي دار مهجورة ورجالك لي كانو حارسينو بالإضافة أنه كان مصاب فرجليه برصاصة ومضروب بطريقة وحشية .
شاف جبل فرافاييل وأسد وإنتقل بأنظارو لبهجت لي شاف فأسد وياسين وأسية بغضب حيت هو وصاهوم يقولو لأسد يأمن ليهم طريق باش يدخلو يقتلو إيزيك تما والشرطة ماغاديش يجيبو لخبار يعني القضية غادي تطمس وجبل فاش غادي يموت إيزيك فديك الدار ماغاديش يدقق فالأمر بزاف ويدفنو ويتهنا لكن لو عرف بهجت ان أسد ماشي هو لي قتل إيزيك غادي يتعصب بزااف ...
لو كانو دقات القلب طبول لتسمعو قلوب أسد ورافاييل وياسين وأسية كسنفونية عسكرية بقوة لي توترو ... لو يعرف جبل انهم كانو ناوين يقتلوه يمكن كان يتفهم الأمر لكن دابا رجالو لي تحطو مشتبهين فيهم مع الإنتربول .. وهادشي كولو بسبب غبائهم .. ممكن يتسجن عصام ودانيال والباقية بتهم باطلة وهادشي لي خلع روعة وهي كاتسمع ان اصدقائها فخطر .
إستقامت ديانا واقفة بحلتها الرسمية وقالت:
- كانتمنا تاخدو الأمر بعين الإعتبار .. حيت إبتداءً من اليوم غادي نستدعي رجالك للتحقيق فالمقر واحد بواحد وحتى نتا اسي جبل غادي نستاضفوك واحد الفترة .
صافي مشاو فيها كاملين لا اسد ولا اسية لي ولات صفرة ولا ياسين .. ملي لأمر وصل لحفيد البارون الأعضم بهجت مستحيل يسكت ليهم ..
إستقام بهجت فاش سمع داكشي لي قالت على حفودو وقال بصرامة :
- حفيدي ... خرجيه من هاد القضية الالة ديانا ... جبل ماقتلش إيزيك حيت جبل كان معايا فاليوم لي مات فيه إيزيك وكان مصاب فيديه برصاصة من سلاح الكاريبي .. وزوجتو كانو خاطفينها رجال شاهين فين كنتو نتوما ؟؟
إعتدلت ديانا فوقفتها وقالت:
- تقدم سي رافاييل بشكوى ورجالنا كانو دايرين خدمتهم .
ضحك بهجت وقال بإستهزاء :
- دايرين خدمتكم ههههه ... لا باينا درتو خدمتكم لدرجة نتوما لي خرجتوها من تحت الأرض قبل ماتموت .. باراكا من تخربيق كاتسمعي ... حفيدي كان مشغول وكونا كاملين مشغولين فالبحث عليها ... وتقدري تشوفي حالتها هاهي قبالتك .. رجليها مهرسة ويديها مضروبة ووجهها مضروب .. تعداو عليها كيما تعداو على حفادي بجوح وكانو غادي يقتلوهم ... اش بان ليك تستدعي حتى. شاهين باشا وتحققي معاه حتى هو .
تسمرت ديانا بصمت امامو فكمل بهجت بلهجة قاسية:
- هذاك ماغاديش تقدري عليه ياك ... خدامة معاه .. شحال كايعطيك ديال لفلوس باش دافعي عليه هاااه .
تحول لون ديانا للأحمر بقوة الغضب وغوتت:
- أنا مكانبيعش مبادئي بلفلوس اسي لبارون وكـ
لكنه قاطعها بصراخ مماثل :
- مبادئ .. لو كانو رجال الشرطة عندهم مبادئ مكانش هاد العالم عامر بالخرااااب ....و لو كان فعلا حفيدي ناوي يقتل إيزيك .. مكانش غادي يخلي لإنتربول بوصلو لمكانو وكان غادي يقتلو ويخفيه بالمرة .. ماشي يدير حركة غبية بحال هادي .. مول هاد الفعلة نيتو واضحة بزاف هي انه يورط حفيدي ويجرو للسجن .. وانا مستحيل نسمح لحاجة بحال هادي توقاع ...
حاولت ديانا تتحكم فأعصابها وقالت :
- وانا كاندير غير خدمتي اسي البارون .. فاش يجي سي جبل ورجالو للمقر داك ساع يعطي اسباب غيابو هو ورجالو أمام القاضي ويدافع على نفسو هو ورجالو . والعيب والعار الى ضلمنا شي واحد .
وكملت بحدة :
- عن إذنكم دابا .. حتى نطلاقاو فالمحكمة .
حركت ديانا رجليها باش تخرج لكن جبل جرها من دراعها بقوة وقال بغضب :
- فخبارك انه بإمكاني مانخليكش تخرجي من هنا عايشا .
حاولت ديانا تفك دراعها لكنه كان مزير عليها فتدخلت روعة وهي كاتجر جبل وكاتقول :
- جبل .. ماتزيدش تورط راسك .. طلق منها .
لكنه تجاهل كلام روعة وقال بغضب :
- أنا مكاتحميني لا منظمة العدالة ولا منظمة الماسونية .. انا كانحمي راسي براسي ... والى بغيت دابا غادي نطير ليك راسك من فوق أكتافك.
تسمرو كاملين كايشوفو فيه بصدمة من الهضرة لي قال بالخصوص ديانا لي وقفات امام المنظمة الماسونية مسعوقة بينما تأكدو ياسين وأسية وبهجت أن جبل عارف عليهم كوووولشي .
تقدم بهجت لعند جبل جرو من دراعو وقال بصرامة :
- طلق منها خليها تمشي .
لكن جبل مابغاش وهو كايشوف فيها بشر فكرر بهجت بصرامة:
- جبل طلق منهاااا .
وقالت روعة بتوسل وهي كاتجرو من يديه :
- طلق منها عافاك اجبل .
فقط صوت روعة لي خلا قلبو يرطاب فطلق منها ضار عندو روعة خداها فحضنو وهو كايقول بصوت هاودء ولطيف و كايشوف فديانا خارجا كاتجري وخايفا:
- شووو ماتخافيش اعمري .
طبع قبلة على فروة راسها وكمل :
- طلعي ترتاحي فغرفتك اصغيوة ديالي ... واخا.
حركت روعة راسها بالرفض وقالت:
- واش بصح غادي تدخل للحبس ؟.
إبتسم جبل وقال بسخرية :
- مكاينش ماحسن من الحبس لي داير ليكم فالكونتيسا .. هذا علاش كانفضل الحبس لي فيه مرتي لحبيبة .. ماتخافيش ماغاديش نبعد عليك حتى نهار .
إستنشق عبير شعرها الخزامي وهو كايبوس ليها راسها قدامهم ثم بعد عليها وقال بصرامة .
- بغيتكم كاملييين ... فإجتماع مغلق ...
ثم خرج مخليهم موراه كايتناقشو غير بعينيهم على هاد الكارثة لي تورطو فيها جبل بدون قصد لكن فاش وصل للباب تصادم كتفو مع كتف صخر لكنه تجاهلو ونزل لمكتبو وهو كايسب فيهم كاملين ..
- شنو واقع هنا ؟؟.. كايبان ليا الجو مشحون !!
حتى شي واحد ماجاوبو لأن كل شخص كان كايفكر كيفاش يخرج راسو من الورطة لي طايح فيها حتى لودنيه ... قربت روعة من نورسين وقالت :
-سمعيني .. راجلي حتى هو تورط فهاد الموصيبة لكحلة .. وانا ماغانتفكش معاك حتى نحلو هاد المشكل ونعرفو شكون لي قتل داك الحيوان دإيزيك ونبرأ جبل ... و الى ماخرجناش فهاد الوقت لي رجال فيه مشغولين ماغاديش نقدروا نخرجو بالمرة .
أومأت نورسين بتفهم فمعطيات الإجتماع ممكن تعرفهم من أي واحد فيهم لكن هاد الفرصة مكاتجيش كل مرة بالخصوص أن روعة متحمسة تنقد راجلها وهادشي لصالحها ..
دقت روعة فباب غرفة تاليا حتى أذنت ليها ودخلات .. كانت كالسة وسط سريرها وشادة التليكوموند فيديها وكاتقلب بين القنوات بملل وغير طلت عليها روعة حطت التيليكوموند وهي كاتقول :
- صافي اختي غير أسية راها طيبتلي راسي بالمواعض .. والله حتى عرفت أنني غالطة.
إبتسمت روعة وسدت الباب وهي كاتقول :
- ماشي داكشي علاياش جيت ... نوضي أنا ونورسين باغين نديرو واحد المغامرة وبغيناك تمشي معانا .
غير سمعت تاليا كلمة مغامرة نقزات من بلاصتها وقالت :
- فين غانمشيو ؟؟ .. بلاتي نلبس حوايجي .
نقزات من على السرير ومشات كاتجري تقلب بين حوايجها لكن توقفت فلحظة وضارت عند روعة كاتقول :
- ولكن بلاتي كيفاش غانديرو نخرجو من هاد الحبس ؟؟.
ردت عليها روعة بهدوء :
- واش عرفتي علاش ختاريتك باش تمشي معانا بعدا ؟
حركت تاليا راسها بالنفي وكملت روعة :
- حيت نتي عندك بزاف ديال لأصدقاء .. غادي تهضري مع شي واحد فيهم وتقوليلو يسلفنا سيارتو .. اما منين غادي نخرجو مكاينش شي طريق سرية من غير معبر الحرائق .. الباب الإحتياطية اتاليا .. ودابا لبسي دغيا غادي نتسناك فالقبو تافقنا .
ردت عليها تاليا بحماس وهي كاتحيد حوايجها :
- اوكيييي .. ثواني وانا معاااااك.
حركت روعة رجليها باش تخرج لكن توقفت وضارت شافت فتاليا وقالت بصرامة :
- تاليا .. مانحتاجش نوصيك الأمر يبقا سر بيناتنا .. وإلى ماعمرنا غانخرجو من هنا .
ردت عليها تاليا بسرعة وهي كاتحشي تيشرت فراسها :
- صم بكم عمي .. كوني هانيا من هاد الناحية.
مرت الدقائق ثقيلة على نورسين وروعة وهوما واقفين فالقبو كايتسناو تاليا تهبط عندهم .. نورسين وصات أسية باش تحكي ليها على معطيات الإجتماع فاش يساليو و إستثنت أسد لأنها فقدت فيه الثقة ... كانت عارفا أنه ماغاديش يوصل ليها كل المعلومات هذا علاش إستعانت بأسية .. وقالت لأسد بلي هي كاتحس براسها عيانة ومحتاجة ترتاح وأسد جاتو من الجنة والناس باش نورسين ماتسمعش الموضوع لي باغي يتكلم فيه جبل ولي هو اكييييد المنظمة .. أيدها بسرعة وطلعها للغرفة حتى دخلها تحت لفراش وغطاها مزيان قبل مايتمنالها الراحة والشفاء مع قبلة حنينة وطفا الضوء وغير خرج ناضت كاتجري هبطات للقبو فين كانت كاتسناها روعة .
تأففت نورسين بضجر وهي كاتلمس كتفها المصاب بألم وقالت:
-فين تعطلات هادي اروعة ؟؟ .
ردت عليها الأخرى بملل:
- قالت لي ثواني وغادي تنزل !.
قلبت نورسين عينيها بملل وقالت؛
- هادو راه دقائق ماشي ثواني !!.
شافت فيها روعة بصمت وهي كاتفكر فهادشي لي غادي يديروه ، ولأول مرة حست بالخوف والتردد .. ماعمرها تنسا تجربة الإختطاف لي مرت منها أبدا حتى تموت ، وهوما دابا خارجين للهلاك برجليهم بلا حراسة بلا وااالو .
- واش مكاتحسيش بقلبك كايضرب بسرعة ولا غير انا !!
قالتها روعة بتوتر فإبتسمت نورسين وردت عليها :
- لا حيت درت مغامرات أصعب من هادي قبل تسع سنين .. انا كانحس بالحماس والأدرينالين كايتدفق فدمي ... أخيرا غادي نحيي الأيام الخوالي .
حسداتها روعة فديك اللحظة على ثقتها وتمنات تحس بحالها لكن الخوف لي فقلبها كان أقوى منها فقالت بتردد:
- مثلا و لا قدر الله وقاعت شي حاجة !!.. كيفاش غادي ندافعو على راسنا ؟؟ .
رفعت نورسين حواجبها فاش تفكرات حاجة مهمة.. هزات طرف من فستانها وجبدت مسدس ماغنوم أسود من فخضها ومداتولها وهي كاتقول :
- خليه معاك ممكن نحتاحوه .
بقات روعة مصدومة من البلاصة لي جبدات منها المسدس وبلاما تشعر إبتسمت وقالت بسخرية :
- هاد لحركة لي درتي فكراتني فأفلام أنجيلينا جولي .. عجباتني ديك لعيبة لي رابطا ففخضك وحاطا فيها المسدس .
ضحكت نورسين وردت عليها :
- الى رجعنا عايشين غادي نوريك كيف كاندير ليها .. وغادي نعلمك بزااف ديال الطرق فإخفاء السلاح فالجسم .
ردت عليها روعة بحماس :
- اووه حمستيني .
وكملت بهدوء:
- قوليلي واش تأكدتي من الشكوك لي فعقلك من الهضرة لي قالت ديانا ..
تنهدت نورسين وقالت :
ماغادي نتأكد حتى يخرجو تحاليل الحقنة و
لكن روعة قاطعتها وهي كاتقول فاش حسات بدعسات أقدام كايقربو منهم :
- شوو .. واقيلة تاليا جاية وغـ!!!!.
ماكملتش هضرتها حتى بانت ليها تاليا ومعاها ضياف .. رؤية لي كانت كاتبان مهمومة وصوفي لي كانو عينيها منفووخين بالبكاء ...
البارون الأعظم الجزء 75 أنتم الخونة
محتوى القصة
التنقل بين الأجزاء