تسللو البنات تحت الكونتيسا عبر ممر الحرائق بحدر حتى قدرو يخرجو فباب صغير ... تقدمت رؤية فتحاتو وغير مدت راسها للخارج ضربتها لوجهها لفحة هواء منعشة استنشقتها وهي مغمضة عينيها باستمتاع ثم ضارت لعندهم وقالت :
توترت رؤية فاش ذكرت روعة إسم عصام وتفكراتو وهو كايبوسها بقسوة حتى قاطعتها روعة وهي كاتقول :
- شنو درتي فسيارة ؟؟
فتحت تاليا قفل تلفونها وهي كاتقول :
- عيطت لواحد الصديق وقالي شويا ويجيبهالي خصني غير نسيفط ليه احداثيات المكان .
أومأت روعة وقالت بملل :
-قوليلو مايتعطلش
ثم حنات للأرض كلسات على واحد الحجرة كبيرة باش تريح رجليها وشافت فنورسين لي بدورها شافت فيها وجات كلست حداها بصمت ...
- ماتخافيش كولشي غادي يدوز بيخير .
قالتها روعة بهدوء وهي كاتفحص ملامح نورسين الدابلة وكاتشوف فالأرض قبل ماتنطق بصوت تعبان :
- لي مخوفني هوما شكوكي .. خايفا يطلعو صحاح اروعة .. خايفا ان أسد يكون عندو يد فموت إيزيك .
- شنو غادي ديري الى كان توقعك فمحلو ؟؟
هزت نورسين اكتافها وقالت:
- ماعرفتش .. ولكن من الأفضل يكون عندو سبب مقنع حيت ماغاديش نقدر نتساهل معاه فقتل روح واخا شاركت معاه حياتي وتشاركنا الدم والحب طول هاد السنين ...
تنهدت روعة وهي كاتفكر قتلها لإيدوارد وفكرت ماذا لو عرفت نورسين بالأمر ممكن تلومها وتأنبها .. يبدو أن نورسين كاتكره القتل بشدة ... فركت روعة يديها بتوتر وقالت:
- أحيانا لإنسان كايكون مضطر يقتل دفاعا على نفسو .
شافت فيها نورسين وتفكرات فاش قال ليهم صخر ان روعة قتلات إيدواررد ودافعت عليه فبسرعة قالت :
- روعة .. انا ماقصدتكش نتي .. نتي دافعتي على راسك لو انك ماقتلتيش إيدوارد كان هو غادي يقتلك .
سكتت شويا وهي كاتفكر اللحظة لي قتلات هذاك الشخص لي حاول يغتصبها بأمر من سماح بنت عمتها وبسببو دوزت 6 سنين فالحبس .. فقط دفاعا على النفس .. علات راسها شافت فيها وقالت :
- حتى أنا .. قتلت باش ندافع على راسي .. ودفعت الثمن ديال 6 سنين من حياتي فالحبس .
توسعو عيون روعة بصدمة وقالت:
- واش بصح .!!
أومأت نورسين وردت عليه :
- للأسف مكانش عندي جبل وصخر وداوود والبارون الأعضم لي يدافعو عليا ويحميوني .. كان عندي فقط الله و حبيب تخلا عليا قبل الحادث ..
- بالمناسبة صحاباتك زوينين .. مانكرهش لعروسة تكون شي وحدا منهم .
ثم مشا على رجليه وهو كايضحك كيما ضحكو معاه لبنات رودو عليه ببعض من السخرية ثم ناضو ركبو داخلها .. تكلفت رؤية بالسياقة وكلست حداها تاليا بينما كلست صوفي فالخلف جنب روعة ونورسين .
فالأول كان الصمت هو السيد الحكيم .. رؤية كاتسوق للمكان لي قالت ليها عليه نورسين بشرود .. صوفي كذلك عقلها مع صخر .. تاليا كاتفكر فرافاييل لي كان معشي مع ديانا حتى لربعة دصباح .. بينما نورسين وروعة ساكتين وكايشوفو فطريق. ... مرت بضع دقائق على نفس الوضع والى قالو بلي غادي يكلسو كيف لحجيرات فراهوم بالفعل ماكدبوش .
لاحظت روعة توتر صوفي وهي كاتفرك أصابعها فشافت فيها وقالت بإستفهام :
- صوفي مال عينيك منفوخين واش كنتي كاتبكي ؟؟
شافت فيها صوفي بدهشة وتمتمت بتوتر :
- انااا ااام لا .
علات فيها روعة حاجب واحد وقالت بشك:
- متأكدا ؟؟..
تنهدت صوفي بيأس .. كانت نيت باغيا تخوي قلبها . وماعندهاش من غير لبنات ، حتى ماماها لي كاتفهمها فهاد الأمور مكايناش .. تنحنحت وقالت بتردد :
- كنت قريبا نتباس من شفايفي هدا علاش كنت كانبكي .
شافو فيها كاملين بصدمة من حد حتى رؤية ضارت شافت فيها حتى إختل توازن السيارة ومالت على الطريق لولا تحذيرات البنات وصراخهم باش تنتابه ...
- غادي تقتلينا ارؤية شوفي فطريق :
غوتت بيها نورسين بغضب وهي شادة فقلبها لكن رؤية ابدا ماهتمتش وقالت وهي كاتشوف فصوفي من المراية لأمامية :
-شكون لي كان غادي يبوسك واش عصاام ؟؟
كانت خايفا تجاوبها وتقولها اه .. ساعتها غادي تتأكد أن عصام انسان منحرف سكايري ماشي كيف كانت كاضنو والى كان هو لي باسها غادي تكون حريصة باش يتطرد من الكونتيسة فالقريب العاجل .. لكن صوفي بقات ساكتة وماقدراتش تجاوبها لأن تاليا ختو كالسا حداهم ..
- جاوبيني اصوفي .. واش عصام لي باسك هاد صباح ؟؟
شافو فيها لبنات كاملين بإستغراب من سيرة عصام لي عرفاتو سيدة عاد هادي اربع أيام تقريبا . فتوترت رؤية وقالت باش تحيد ليهم الشك :
- غير سولتها حـ حيت عصام لي كان متكلف بحراستها ملي جات لإيبيزا .. ياك اصوفي ؟؟ .. عصام هو لي باسك!! .
حركت صوفي راسها بالنفي وقالت بتردد :
- لا ماشي عصام .. سيد بردان .
شافت فيها روعة وقالت بإستفهام ؟؟
- شكون هاد سيد بردان ؟؟
ضارت بسرعة صوفي وقالت بصدمة :
-لا ماتقوليهاااش ... واش خويا صخر
توسعو عيونهم كاملين بقوة الصدمة .. تاليا كانت معاها نهار لي عرفتها على صخر فقلعة ميخور .. وناداتو ساعتها صوفي بـ السيد بردان .. إذن صخر هو مول الفعلة .. ماقدراتش تصدق وقالت :
- صخر كان باغي يبوسك اومايكااااد !!!
تنفست رؤية الصعداء ورتاحت ان مول الفعلة ماشي هو عصام بينما شافت روعة فصوفي وقالت بصدمة :
- واش قال ليك انه معجب بيك ولا كيفاش ؟؟
خافت تعاود ليهم على شنو وقاع ويفهمو الأمر غلط .. هذا علاش حركت راسها بالنفي وقالت :.
- مكانضنش واش معجب بيا بالمرة .. هو يعني .. تقدري تقولي انا لي ستافزيتو وتحديتو .. لكنه ماباسنيش من شفايفي بالمرة .. يعني ماسرقش أول قبلة ليا .
همهمت روعة وقالت بسخرية
- هممم ... صخريرو لعفريت هههه يعني باسك على خدك .. هذا علاش كنتي كاتبكي .. أصلا نتي صغيرة عليه بسنواااات تقريبا 16 لعام قريب يضوبل عمرك اصوفي .. يمكن فهمتي لأمر غلط .
ماعرفتش علاش ماعجبتهاش هضرت روعة .. هي مستوعبة ان كلام روعة صحيح وصخر مايمكنش يفكر يبغيها لأن السبب لأول هو فرق العمر الكبير بينهم ... لكنها بدات كاتحس براسها معجبة بيه واخا تصرفاتو مستفزة وكايعصب ولكن الحب مكايعرفش أعمار ... اولا كيفاش حتى ولات معجبة بيه هيا !!... لمحت صوفي ابتسامة رؤية الساخرة فلمراية وتفكرات شنو شافت فصبح ... ابتسمت بخبث وبغات تشد فيها شويا
- بلاتي بلاتي ... رؤية حتى نتي شفتك صبح كاتبكي شكون باسك ؟؟
شافت فيها رؤية بصدمة وقالت وهي كاتشير لنفسها'
- انا !!!.
شافو فيها لبنات كاملين وكانو كالهوم فضول يعرفو شنو وقاع معاها حتى هي .. قربت صوفي من المقعد ديال السائق من الخلف وقالت وهي كاضحك :
تعالت صيحات البنات الساخرة كايطالبوها باش تعترف حتى غوتت تاليا بخجل :
- صافي صافي سكتو ... تباسينا انا ومايسي رتاحيتو .
بداو كايموتو بالضحك كاملين قبل ماتقول روعة بسخرية:
- انا فاش تباسيت بالغصب اول مرة وصلت مول لبوسة للحبس
ضارو كاملين شافو فيها بصدمة وقالت صوفي بفضول قاتل:
- شكون هدا ؟؟
ردت عليها تاليا بسخرية:
- وشكون من غيرو خويا النسونجي جبل .... اااخ ياربي ماعرفتش علاش خوتي متحرشين بامتياز مستحيييل يزكلو تيتييز .
ابتسمت صوفي وقالت بهيام :
- ولكن من بعد وقعت روعة فحبو وتزوجها اووه سوكيووت
ردت عليها تاليا بسرعة:
- وحتى نتي غادي توقعي فحبو ويتزوجك
شهقت صوفي وقالت بهتاف :
- شكوون سيد بردان .... صااافي تزواااااجتو
انفجرو كاملين بالضحك من حد حتى رؤية لي تفكرات ايام حبها لجبل لكن استغربت انها ماحستش بالغيرة من روعة بالمرة .. ساعتها تأكدات أن جبل مابقا كايعني لقلبها حتى حاجة بالإضافة ان علاقتهوم كانت مستحيلة من البداية .. ضحكت نورسين وقالت بسخرية :
- اويلي شكاتقولو انا كاع مكانبغيهش وزايدون تشاوفنا مرة وحدا
ردت عليها روعة بسخرية :
- ماكاتسمعيش بالحب من اول نظرة ... يمكن سيد طاح على راسو ؟؟
شافت فيها رؤية من المراية الأمامية وقالت باستفهام
- زعما !!.. وكيفاش غادي ندير نتأكد ؟؟
ردت عليها صوفي وهي كاتموت بالضحك:
- بوسيه حتى نتي هاهاهااا
قلبت رؤية عينيها بغيظ من سخرية صوفي بينما ضحكو البنات وبداو كايعطيوها فنصائح كيفاش تتصرف مع عصام وأولهم روعة قالت :
- شوفي مكاينش لي كايعرف عصام قدي!! ... قلبو حنيييين بزااف وأنا متأكدة أنه الى حب غادي يغرق حبيبتو فبحر من الرومنسية بالإضافة أنه وسيم ورجولي وكولو عضلات وصوتو مهياب وراجل فالمواقف الصعيبة .. فاش تكوني معاه ماتخافي من حتى حاجة فيه عشرة درجال وملاكم قوي ... ماعمري غلبتو فشي مبارات ...
سرحت رؤية مع وصف روعة لعصام وهي كاتبتاسم وكاتخيل اول لقاء بينهم فقلعة ميخو بينما قالت بفضول:
تعالت ضحكات البنات الساخرة بالخصوص على تعابير صوفي الجامدة كانت باغيا تقتلهوم حيت كايضحكو عليها ... حتى هي كانت محتاجة تسمع كلمات زوينة على صخر لكن روعة قصفتها فالجبهة نيشان .. ربعت صوفي يديها لصدرها وقالت بغيظ :
- ضحكو ضحكو نتوما لي جا معاكم الضحك
مرت بضع دقايق وهوما كايهضرو ويضحكو حتى وصلوا اخيرا لمكان المختبر .. فتحت نورسين الباب وبغات تهبط لكن روعة قالت :
-بلاتي نمشي معاك .
اعترضت نورسين وردت عليا وهي كاتسد الباب
- مكاين لاش ماغاديش نتعطل .
دخلت نورسين بسرعة وهي كاتشوف فأطرافها لايكون شي حد تبعهوم حتى دخلت للمختبر وعطات الحقنة للي غادي يتكلف بالإختبار وهضرات معاه باش ترجع بعد ساعة تلقا التحاليل واجدين .. إعترض فالأول وقال ليها :
-مايمكنش الالة .. كايني بزاف ديال الناس لي سابقينك ... رجعي غدا غادي تلقايهوم واجدين .
لكنها سدتليه فمو وهي كاتحط حداه 300 يورو وقالت بحدة :
- ساعة وحدا .. غانرجع نلقاهوم واجدين
أومأ الموظف وقال:
- مرحبا الالة غير ماتعطليش .
خرجات نورسين من المختبر لكن غير دارت اول خطوة برا الباب لمحت بعينيها السماوية سيارة كحلة واقفة خلف سيارتهم ببضع امتار ورجال ضخام البنية كايشوفو فسيارة لي فيها لبنات ... كان قلبها غادي يسكت من شدة الصدمة ومشات كاتخلف بسرعة حتى وصلت لعند لبنات وفتحت باب السائق وهي كاتقول :
- رؤية رجعي لبلاصتي . أنا غادي نسوق
أومأت رؤية وخرجات ركبات حدا روعة بينما انطلقت نورسين بالسيارة لبعيد وهي مرا مرا كاتهز عينيها تشوف فالسيارة الكحلة لي تابعاهوم من الخلف .. خافت .... خافت حد الموت ... فرقبتها اربع ارواح والخامس فكرشها خصها تحميهوم كاملين وهي بنفسها خصها لي يحميها ... لكنها مضطرة تكمل طريقها باش توصل للكاميرة ...
علات عينيها شافت فروعة وقالت :
- روعة ... هداك لي عطيتك قبيلة مازال معاك
عقدت روعة حواجبها باستنكار وكانها حست حتى هي بشي حاجة ... شافت فعيون نورسين من المراية وقدرات تلاحظ فيهم التوتر والخوف وايضا لاحظت انها كاتشوف فلمراية موراها فبسرعة ضارت روعة موراها وهي تشوف ديك السيارة نيت فقالت بسرعة :
- واشاااا !!!.
ردت عليها نورسين بسرعة :
- اه داكشي لي فدماغك !.
شافو فيهم البنات باستفهام وقالت تاليا ؟
- علاش كاتهضرو بالألغاز واش واقعا شي حاجة
ردت عليها روعة بسرعة :
-لا مكاين واااالو ..
ثم حشات يديها فصاكها الصغير تمسكت بالمسدس بيدين كايرجفو ... كان قلبها كايخفق بشدة لدرجة فواحد اللحظة تجمد ومابقاتش كاتحس بدقاتو .. كانت عارفا ان هناك احتمال تهلك في الطريق وماترجع لا هي ولا الباقية لكن الكاميرا وبراءة جبل ساعتها كانت فوق رغبتها فالحياة .. لكن دابا وهي كاتشوف سيارة كحلة مجهولة خلفهم خافت بزااف ومابغاتش تكرر تجربة الإختطاف والتعذيب ...
فالأول كان صخر حاميها ودابا كولهوم نساء وكولهوم ضعاف .. هي مصابة ونورسين مصابة فكتفها وحاملة ولبنات لا حول لهم ولا قوة .. اصلا كانو كايهضرو ويضحكو عادي وماجايبين للدنيا خبار وشحال حسداتهم على بالهم الهاااني .
كانت كاتحاول نورسين تتخلص من المجرمين لي تابعينهم غير بالحيلة بلاما تضطر أنها تواجههوم هدا علاش زادت فالسرعة لأقصى حد وبدات كاضوبل فسيارات وحدا منور وحدا حتى بعدت على السيارة لي تابعاهوم بخمس سيارات وفاللحظة لي شعل الضوء الأحمر السيارات كولهوم وقفو إلا سيارتها بل دعست على البنزين وانطلقت باقسى سرعة وعينيها على السيارة الكحلة لي اختفت وسط الزحام وانعطفت لليمين وبعداااااات ساعتها دخلتهم الراحة لا هي ولا روعة لي طلقت من المسدس وتنفست الصعداء وهي كاتشوف فنورسين من المرية .
ضرب رجل ضخم البنية وأسمر البشرة عجلت القيادة بيديه بغضب وهو كايقلب بعينيه بين السيارات لكن فاش مالقاهومش غوت :
- تفوو .. هربو عاود
بينما جبد الشخص الثاني لي كان بجنبو تلفون وقال بخوف:
- الى عرف البارون الأعضم هادشي غادي يقتلنا واحد بواحد ... غادي نعيط لسي عصام
__________
الكونتيسا .
كان عصام كايضور وسط غرفة ملئة بشاشات المراقبة وحداه واقفين جوج رجال ومطأطئين رأسهم للأرض ماقادرينش يشوفو فشياطين لي كاضور معاه وسط الغرفة ... كان معصب لدرجة يقدر يقتلهوم بجوج بلاما يشعر حتى صونا تلفونو وغير شاف رقم المتصل فتح الخط بسرعة وقال :
- فين هوما ؟؟.. لقيتوهوم واش معاكوم ؟؟
مرت لحظة صمت وخوف وتردد لكن رجع الرجل قال :
- سي عصام .. سمح لينا ولكن تلفت لينا السيارة لي كانوا راكبين فيها .
ضرب عصام التلفون مع الأرض بقوة حتى تشتت وضار بسرعة جمع مع واحد من الرجال بصفعة حتى ضار وجهو وغوت :
- قلت ليك اسيدي مشيت غير للحمام وخليت فبلاصتي واحد من رجال البارون الأعضم لكن فاش رجعت ليقتو نااعس
انتقل عصام بانضارو لرجل البارون وقال بحدة :
- كنتي ناعس !!!
ماقدرش الرجل يجاوبو حتى شعر بلكمة قوية على كرشو وغوت بألم وهو كايقول بصوت متقطع :
-سمحلي اسيدي ... يوماين مانعسناش .. يوماين وحنا حاضين حتى دبان مايهربش .. لكن حنا غير بنادم ومحتاجين على الأقل لساعة لنعاس باش نقدرو نركزو ... انا نعست بلاما نشعر أقسم بالله وفاش ضربتني الفيقة لقيتهوم كايركبو فديك السيارة وغادين ..
تنهد عصام وهو كايمسح وجهو بيأس وتعب مع أن رجل البارون عندو حق الى أنه لاوقاع شي حاجة للبنات غادجي يحاسبوه هو الأول حيت هو رئيس الحراس فالكونتيسا وجبل واضع فيه كل ثقتو .. كولهوم ماناعسينش مزيان وكولهوم فاقدين تركيز تقريبا لكن الى مالقاش لبنات امرو غادي ينتهي
هي فقط دقائق وغادي ينتهي الإجتماع ويخرج جبل يسول على روعة ويخرج اسد ويسول على نورسين ويخرج رافاييل ويسول على تاليا ويخرج بهجت ويسول على حفيدتو رؤية ويخرج داوود ويسول على صوفي. اش غايقولهوم داكسااع باش غايجاوبهوم !!!
كلس بإنهزام على الكرسي وقال :
- عطيني تلفونك نتا .
مد ليه الرجل تلفون ودوز عصام رقم روعة لكنه كان خارج التغطية ... قطع الخط بغضب ودوز رقم تاليا...
على الطريق :
كانت تاليا كاتموت بالضحك وسط السيارة على النكتة لي قالتها صوفي حتى شعرت باهتزاز تلفونها فجيبها ... جبداتو وغير لقات رقم عصام قالت بهتاف وهي كاتشوف فرؤية بمكر :
- رؤية حبيبك كايصوني علياااااا هاهاها..
شافت فيها رؤية وقال بإستنكار:
- كيفاش حبيبي ؟؟ .... واش كاتقصدي عصام !!
غير سمعت نورسين إسم عصام طارت على يد تاليا حيدت ليها التلفون قطعت الخط وهي كاتقول بحدة وكاترجع ليها تلفونها ليدها :
- اياكي تفتحي الخط اتاليا من الأحسن تطفي تلفونك ..
تأففت تاليا بملل وقالت:
- ومالنا على هادشي كامل ؟؟.
- واش ملاحظة أننا خرجنا هاربين من الكونتيسا .. أكيد دابا عصام غادي يكون إنتبه لغيابنا .
شافت فساعتها ورجعت قالت :
- يالاه نصف ساعة تقريبا باش خرجنا .. وأكيد الإجتماع مازال ماتسالاش .. غاتلقايه غير عصام فيه لفضول وباغي يعرف فين مشينا .. ومن الأحسن تطفي تلفونك وماتجاوبيهش .
أومات تاليا وقالت وهي كاطفي التلفون :
- واخا اختي ماتبقاي غير على خاطرك ... لكن بشرط تدوزينا لستاربكس نشربو شي حاجة والله حتى فيا جوع ماخلانيش جبل نفطر وجرا عليا من وسط الطبلة .
شافت نورسين فلمراية فروعة باش تتدخل تسكت تاليا .. واش هوما فييين وهي باغيا دوز لستاربكس .. غير قبيلة كانوا غايمشيو فيها لولا نجاهوم الله .. تأففت روعة وقالت:
- واخا غانديوك الالة ونخلصو عليك لي بغيتي غير طفي داك لمشقوف .
إبتسمت تاليا بحماس وقالت:
- حاااالا .. هانا طفيتو .
الكونتيسا .
وسط مكتب جبل كانو كولهوم مجموعين فإجتماع مغلق من حد حتى دون ماركيز وصخر وبرهان .. كان بهجت كالس خلف المكتب بينما البقين شي كالس شي واقف ومتكي على الحيط منهم جبل والدكتور ياسين ...
كانت الغرفة مضلمة وفقط ضوء إنعكاس شاشة العرض على الجدار هي لي مضوية ...كانوا معروضين بضع فيديوهات لشاهين باشا وهو كايقوم بديك الطقوس الشيطانية .. فجبل قرر يوريهوم كاملين الفيديوهات لي لقاهوم فاليوزبي وتحفض على المكان لي لقاه فيه مابغاش يقول ليهم انه لقا اليوزبي فسيارة روعة باش يخرجها من تحقيات بهجت لي ماغاديش تسالي .... قاليهوم مصدر مجهول هو لي وصلو ليه .
إنتهى العرض أخيرا وتحررت الأنفاس المكتومة والمدهوشة من بشاعة المناظر لي شافو .. بالخصوص أسية كانت شادة فقلبها وهي كاتقول :
- ماقادراش نصدق هادشي لي كانشوف !!.
رد عليها جبل بإستهزاء قارس :
- كايبانلي بلي منظمتكم كادير ما هو أسوء !!.
شافت فيه أسية بتوتر ورجعت شافت فبهجت لي غمض عينيه وفتحهوم بمعنى "ماتديهاش فيه" .. تكى على ظهر الكرسي بشموخ وقال بصوتو المهياب :
- هادشي ماغريبش على شاهين الكلب .
إستقام رافاييل وقال بجدية :
- هادشي بزاف ... كنت عارف أن شاهين إنسان خطير لكن ماشي حتى لهاد الدرجة ...
شاف فجبل وكمل :
- جبل .. بغيت نسخة من هاد الفيديوهات .. شاهين ماغاديش يطلع عليه نهار .. هاد لمجرم خصو يتعاقب
شاف فيه جبل بإبتسامة ساخرة وقال :
- فالحقيقة ماشي غير هو لي خصو يتعاقب اسي رافاييل .. كاتسمع بجرائم منظمة العدالة ؟؟ .
شافو فبعضياتهوم كاملين بصدمة من جرأة جبل بينما إعتدل بهجت فجلستو وقال بحدة :
- بلاما تعذب راسك .. رافاييل فخبارو .. وحنا في صدد إنشاء أكبر شركة أمن خاص فالعالم .. ومرخصة قانونيا اجبل .. تقدر ترتاح دابا .
صدمة جبل كانت كبيرة بزاف ضار شاف فرافاييل بإستياء مامصدقش ان رفيق عمرو كان عارف من الأول فشاف فيه رافاييل وقال بسرعة :
- جبل .. انا يالاه عرفت بالخبر هادي يوماين .. حتى خرج التقرير ديال التصريح من الوزارة .. وهاد ليوماين كاع ماطلاقيناش ... كل واحد فاش كان مشغول.
شعر جبل بالضيق وماعجبوش لحال والسبب لأول لإعتراضو على هاد المنظمة هي أن بهجت زرع جوج جواسيس وسط حياتو بلاما يعيق .. ودابا كايقول ليه رافاييل بلي الوزارة عطات تصريح للمنظمة ديال جدو ..ماعرفش واش يتعصب ولا يرتاح حيت خدمتهم غادي تولي قانونية وعائلتو ماغاديش تتضرر من هاد الأمر ... لكنه كان واخد فخاطرو منهم بالخصوص أسية وياسين وبهجت .
لكن لي كان زي الأطرش في الزفة هو صخر لي قال :
- بلاتي علاياش كاتهضرو أنا مافاهم والو !! .
قلب جبل عينيه بملل بينما تنهد بهجت وبدا كايعاود ليه على المنظمة والشركة لي غادي ينشأوها حتى عطاه كل المعلومات تحت صدمة صخر لي مكانش قادر يصدق :
- دابا نتا سيد الأسياد فمنظمة سميتها العدالة! .. وبغيتوني نتيق هادشي !!... ولكن بلاتي علاش كنتي مخبي عليا أمر بحال هذا اجدي .
- باش نحافض على سلامة عائلتي .. وسلامة أعضاء المنظمة .. هذا علاش اي عضو كاينضم لينا خصو يحافض على سرية شخصيتو باش مايتادى لا هو ولا عائلتو لأننا ماشي عصابة ولا قتلة مأجورين كانترصدو للناس ونقتلوهم .. حنا ناس كانقلبو على العدالة فقط...لكن شي ناس ماقدروش يشدو لسانهم .
تنحنح أسد بإحراج حيت عرف أن بهجت كايقصدو بينما تنهد جبل وحنا راسو للأرض فقال رافاييل بفضول :
- كيفاش حتى جاتك فكرة أنك تنشئ هاد المنظمة اسي بهجت ؟؟.
شبك بهجت أصابعو فوق المكتب وقال بهدوء وهو كايرجع بذاكرتو للخلف:
- من نهار لي تقتل أعز صديق ليا .. كان رجل شهم متواضع مكايقيصش فالحرام .. ذنبو الوحيد أنه كان لباس عليه وعندو لفلوس .. تسلطو عليه شي شياطين نصبو عليه اخدو كل املاكو وقتلوه هو وعائلتو وانا ساعتها ماقدرت ندير حتى حاجة باش ناخد ليه حقو .. فداك الوقت قطعت عهد على نفسي أنني غادي نصفيها لدوك الشياطين .. لكن بوحدي وبإمكانياتي البسيطة ماكنتش قادر .. حتى لواحد العام .. داك لعام لي انشأت فيه شركة صغيرة كانت عبارة على دار للنشر .. لحسن الحظ كانت عندي كاريزما واستراتيجية عملية ناجحة وفضرف سنة وحدا قدرت نطلع بالشركة وأصبحت دار النشر ديالي المكان المناسب لكل الكتاب العالميين الناجحين وحتى المبتدئين ..
كانت سنة حاافلة بالنجاحات والأرباح حتى أنني أنشأت مجلة خاصة بالمشاهير ورجال الأعمال .. فالسنة الثانية .. المجلة أصبحة تتصدر الأسواق العالمية والأشخاص لي كايقتانيوها رجال لأعمال لي باغين يعرفو أخبار البورصا واخبار منافسيهم فالسوق ..
قدرت نحقق ثروة لا بأس بها وولاو عندي أصدقاء رجال أعمال كبار .. واستهدفت منهم غير لي عندهم عداوة مع دوك الشياطين لي قتلو صاحبي .. كان كل واحد عندو مشكل معاهم ياناصبين عليه ياكايبتزووه ياقاتلين شي حد فعائلتو .. جمعتهم وتافقنا باش نديرو يد فيد ونقضيو عليهم ... فالأول كانو مترددين لكن من بعد اقتنعو .. كرينا رجال أقوياااء وقتلة مأجورين وستهدفناهم واحد بواحد حتى صفيناها ليهم وكل واحد شفى غليلو..
علىّ بهجت عينيه شاف فجبل وكمل :
-فديك الفترة جاتني فكرة انشاء منظمة العدالة .. وبما أن الفكرة كانت فكرتي جعلوني السيد عليهم ومن تم والمنظمة كاتكبر وتزيد تكبر حتى اكملنا اربعين عام مجموعين يد وحدا .
شاف فيه جبل بحدة وقال :
- وعلاش قررتو تخرجو للعلن وديرو شركة أمن ؟
إبتسم بهجت بهدوء ورد عليه وهو كايضور بأصابعو خاتم فضي كبير :
- كبرنا فالسن اولدي وكاينين بعض الأسياد لي وفى اجلهم وماتو ... وصافي اكتفينا من السرية ... الحكومة كشفتنا هذا علاش مكاين لاش نبقاو خدامين فالسر .. جاء لوقت لي نخدمو فيه قانونيا .. وباش أولادنا وأحفادنا مايخافو من حتى شي مخالفات .. تقدر تقول أنني باغي نطمن عليكم قبل مانموت .
تنحنح بهجت لأن رغبتو كانت أن جبل هو لي يستلم الشركة لأنه أكثر حذر ورزانة من صخر .. لكن إلى دار هاد الخطوة غادي يزيد يخلق العداوة بينات جبل وصخر .. تفكر أخر مرة فاش كتب لجبل الوكالة لأملاكو .. تعصب عليه ومن تما وعلاقت جبل وصخر كاتزيد وتأزم كثر وكثر وهادشي لي ماباغيهش ... برهان كان عارف بأمر المنظمة وكان رافض يدخل فيها بأي شكل من الأشكال ... مكتفي بإدارة شركتو بدون مشاكل أو معيقات اهم حاجة عندو هي يغطي على اعمال باه ويعاونو لاحتاج للمساعدة
على بهجت راسو شاف فصخر وإبتسم بعنفوان ثم قال :
- منين نموت ديرو لي بغيتو غادي تولي شركتكم داكساع لكن مادامني عايش غادي نوقف على شغالي بيدي ..
شاف فيه برهان وقال :
- سلامتك يابا ... الله يطول بعمرك .
قاطعهم رافاييل وهو كايقول بإصرار :
- جبل .. غادي تعطيني النسخة ديال الفيديوهات ياك !!
شاف فيه جبل ببرود وقال بفضاضة :
- سول مول الشركة ديال الأمن.. ولا سير خود تصريح من عند الوزارة حسن ليك .. انا نفضت يدي من هاد القضية ..
تسمر رافاييل كايشوف فيه بدهشة وفهم أن جبل مقلق منو لكن قبل مايلحق يقول شي حاجة حرك جبل رجليه وخرج من الإجتماع وهو كايفك زراير سوميجتو بضيق وكايحس بالدنيا كلها تخلات عليه بعدما كان هو صاحب القرار طلعو كاااع لي ضايرين بيه ياجواسيس يا أصدقاء مصلحة وحده الدون ماركيز لي مازال ماخدلوش وكان كايتمنى أن حتى هو مايطلعش مخبي عليه شي حاجة ولا ساعتها غادي يتأكد بأنه أكبر غبي نية عرفتها البشرية .
كان جبل طالع مع دروج حتى إستوقفوه بندائهم كلهوم تبعوه .. حيت كولهوم مدينين ليه بإعتذار .. قال بهجت :
- ولدي علاش كاتصرف بهاد الطريقة ..
توقف جبل على الصعود وضار شاف فيهم ثم شاف فبهجت وقال بغضب :
- فحياتي كاملة كانكساب ختي ومرتي وخالي .. من هاد نهار انا نفضت يدي من هاد القضية .. غادي نهز هاد ثلاثة ديال الناس .. وغادي نمشي بحالي من إيبيزا .. ومانبغي نشوف حتى شي واحد فيكم من هنا للفوق .
أكمل جبل طريقو حتى وصل للطابق الأول .. كان دون ماركيز تابعو كايجري ومشا لعندو بسرعة جرو من يديه وقال :
- ولد ختي .. اشنو هادشي لي قلتي .
نتر جبل دراعو من يد دون ماركيز وقال بغضب :
- غادي نرجع للمغرب مع مرتي وختي .. إلى بغيتي تمشي طلع دابا جمع حوايجك ..
ثم ضار راسو كايقلب على روعة فالأرجاء لكن فاش مالقاهاش ناداها بصوت عالي :
- روعااااااا
لكن فبلاصت ماتحضر روعة حضر عصام لي دخل من الباب وهو كايفرك فيديه بخوف وتوتر .. وقف حدا جبل وقال :
- عيطتيلي معليييم .
طلع جبل وهبط فيه ثم قال بإستهزاء :
- سميتك روعة ..
رد عليه عصام بتوتر :
- هاااه ... ااام .. جاتني روعة بحال عصام بجوح بيهم فيهم حرف العاء
البارون الأعظم الجزء 76 قبلات مسروقة
محتوى القصة
التنقل بين الأجزاء