أخيرا وصلوا البنات للحي المهجور .. كانت ردة فعلهم أول مرة فاش جالو بأنظارهم فالمكان مدعورة .. شافت تاليا فنورسين وقالت بريبة :
- نورسين أشنو جينا نديرو هنا؟؟ .
تجاهلت نورسين سؤالها وقالت وهي كاتفك حزام السلامة :
- تسناوني هنا شويا وغادي نجي ماغاديش نتعطل .
ردت عليها روعة بخوف :
- ردي بالك انورسين .
ضارت شافت فيها وإبتسمت ليها بوهن ثم نزلات من سيارتها وتقدمت ناحية المبنى المهجور بتردد وخوف تاركة خلفها عيون البنات الفضولية تابعينها ..
تنهدت صوفي وقالت بملل:
- هذا هو ستاربكس !! هادي هي المغامرة !! اااخ
حاولت روعة تتمسك بأعصابها قدر المستطاع وهي كاتشوف فداك المبنى الشبحي المهجور وماكرهاتش كون دخلات مع نورسين لكن رجليها لمهرسة ديما واضعة فطريقها عائق ... تنهدت بعمق بطريقة خلات رؤية تنتبه لتوترها فقالت :
- روعة .. ممكن نهضر معاك على إنفراد ؟.
تسمرت روعة كاتشوف فيها لكن رؤية فتحت الباب وخرجت فمكانش عند روعة شي حل أخر خصها تساير لبنات علاما تخرج نورسين من ديك الخربة بسلام فتبعتها روعة بفضول وغير سدات الباب قالت بإستفهام:
- شنو هو هاد الموضوع ارؤية ؟.
بعدت رؤية شويا للخلف باش بعدو على السيارة وقالت:
- نورسين جات لهنا على قبل شي حاجة ياك ؟ .. نتوما كاتخبيو شي حاجة علينا !.. حتى فاش دخلات نورسين للمختبر وخرجات انا لاحظت التوتر على وجوهكم ولاحظت السيارة لي كانت تابعانا من الخلف .. شنو واقع اروعة ؟؟.. الى كان شي مشكل انا نقدر نعاونكم ! .
تنهدت روعة وضورت راسها كاتشوف فداك الحي المتهالك .. ماعرفاتش شنو تقول ليها ولا منين تبدا ليها لكنها خافت تقول شي حاجة ونورسين ماتبغيش بالخصوص أن جبل وأسد متورطين فهادشي .. لكن رؤية كانت أكثر إصرار قربت منها ووقفت عند وجهها وقالت:
- روعة حنا ممكن مانكونوش صديقات لكن حنا ولينا دابا عائلة وحدا.
على سيرة العائلة تفكرت روعة أول يوم ليها فيخت الجوهرة .. ديك الليلة لي مانعست تاليا حتى عاودت ليهم على حياتها وحياة جبل كلها .. وبين الهضرة لي قالت ليهم ان جبل كانت عندو علاقة مع بنت عمتو .. وجبل عندو بنت عمتو وحدا ولي هي رؤية .. علات روعة راسها شافت فيها وتصنعت إبتسامة قبل ماتقول :
- بما أننا ولينا عائلة كيف قلتي .. ماكرهتش تعاوديلي على علاقتك السابقة بجبل .
تسمرت رؤية أمام روعة وماعرفت ماتقول ستغربت فالأول على الشخص لي حكالها لكن مكاينش من غيرهم جبل ولا تاليا ولا صخر لي غايقولوها ليها .. إبتسمت رؤية بدورها بهدوء وقالت:
- تقدري تقولي كانت مراهقة .. وأكيد حتى نتي دوزتي المراهقة وعرفتي الإنسان لي كايكون فطور النضوج العقلي والنفسي كيف كايكون تفكيرو .. مخربق ونية ومازال مامستوعبش شكايدير ..
علات روعة حاجب واحد فيها وقالت :
- يعني !!
حافظت رؤية على نفس الإبتسامة الهادئة وقالت :
- يعني انا ماشي عدوتك ومكاين لاش تاخدي مني حذرك . يكفي أنه ختارك نتي زوجتو وأم ولادو فالمستقبل .
بقات كاتشوف فيها روعة بصدمة وماتوقعتش ان رؤية ممكن تكون بهاد العقلية المسالمة .. كانت كاتوقع أنها غادي دخل معاها فصراعات على ود جبل لكن لي تاضح ليها دابا هو العكس .. تنفست روعة الصعداء وقالت :
- قنعتيني فصراحة
طبطبت رؤية على كتف روعة وقالت بصوت رقيق وجميل:
- خصك تقتانعي .. بالإضافة أنه انا وجبل مستحيل بمعنى أخر واخا تلتقى السماء مع الأرض ماتقدر تكون بيناتنا شي حاجة لا فالمستقبل القريب ولا البعيد ولا فالماضي .. انا وجبل مشاركين الدم .
هزت روعة أكتافها وقالت ببساطة :
- طبعا حيت نتي بنت عمتو فطبيعي غايكون جامعكم دم واحد
بقات رؤية كاتشوف فيها وماعرفتش باش تجاوبها لكن فالأخير قالت برزانة :
- أنا ماشي بنت عمتو .. انا كانقرب ليه من جهة أخرى .
ماشي بنت عمتو !! .. واش معقول ان رؤية ماشي بنت مدام علياااء !!! قالت روعة بدهشة :
- كيفاش ؟؟ .
استوعبت رؤية ان روعة ماعارفا والو فتنحنحت بتوتر وقالت:
- واش !! .. واش جبل ماقاليك والو ؟؟.
حركت روعة راسها بالنفسي وقالت بفضول :
- شنو غادي يقولي ؟؟.
حست رؤية انها تسرعات فالهضرة فقالت بعد تفكير :
- إذن سمحيلي مانقدر نقول ليك والو .
ثم حركت رجليها باش ترجع للسيارة لكن روعة قالت بغيظ وبصوت عالي :
- رؤية... واش كاديري هكا بلعاني باش تقتليني بالفضول .
توقفت رؤية وضارت وهي كاضحك ثم قالت :
- هه لا لا أبدا ولكن هذا أمر حساس بزاف ممكن لاقلتو ليك انا يجرح جبل ومايرضاش قدامك أنه .. أنه نتيجة إ..
قاطعتها نورسين من الخلف وهي كاتقول بهتاف وإبتسامتها بعرض السماء مع الأرض:
ضارت رؤية لعندها وقالت بسرعة وهي كاتمشى بالمقلوب :
- عافاك ماتبززيش عليا .. سولي جبل هو يعاود ليك ..
ركبت رؤية ونورسين لكن روعة بقات واقفا كاتفكر فهاد اللغز الجديد لي لاحتو ليها رؤية بلاما تعطيها الحل ديالو حتى قاطع تفكيرها صوت نورسين وهي كاتكلاكصوني وكاتقول بهتاف :
- روعة واش ماغاتركبيش ؟؟
ركبت روعة بقلة حيلة طوول الطريق وهي كاتفكر فالهضرة لي قالت ليها رؤية ، كانت غادي تسطا بالتفكير حتى انها نسات ماسولاتش نورسين على الكاميرة واش لقاتها ولا لا .. لكن فديك اللحظة كانت بدات كاتحس بأعراض هداك السم عاود .. وكانت كاتمنى غير تلقى صخر حداها يعاونها ويخفف عليها .. عندها حبة من الميثادون الدواء لي كايعطيها فصاكها لكن من المفروض تاكلها فالليل باش تقدر تنعس اما هاد الوقت فهو وقت جلسة التنويم المغناطيسي .. لكن مكانش عندها شي حل اخر .. خصها تحافض على رباط جأشها قدام لبنات وماتشكلش عائق فطريقهم ..
جبدات ديك الحبة وإبتلعتها ثم غمضت عينيها وهي كاتعد من واحد لـ عشرة كيما علمها صخر .. كانت مغمضة عينيها وعاقدا حواجبها وكاتحس بألم لا يطاق ما انفك يختفى شويا بشويا حتى مابقات كاتحس بوالو وسخااات وهي مغمضة عينيها .. ستحلات ديك الراحة .
تقدمت أسية بضع خطوات حتى قربت منو وشافت فيه بنظرة إستعطاف ثم قالت :
- لي خصك تعرف اجبل هو أننا كونا باغين غير نحميوك .. صداقتنا دامت عام ونص ولا أنا ولا ياسين لي كاتعتابرنا دابا جواسيس خدمنا مصالحك الشخصية بكل إخلاص .. والدليل هي الشركة لي نهار على نهار كاتزداهر وكاتحقق الكثير من نجاحات ..
إبتلعت ريقها بألم وكملت:
- مانسناهلوش منك هاد المعاملة ، وكأننا مجرمين .
طلع فيها جبل وهبط بنظرات غاضبة وقال:
- روعة فخبارها انك خدامة مع المنظمة ؟؟
هزات أسية عينيها فجبل وقالت بسرعة :
- روعة ماعارفا حتى حاجة اجبل ..
إبتسم بهدوء وقال :
-إذن متشوق نشوف تعابير وجهها فاش تعرف أنك تقربتي منها فقط باش تتجسسي على حياتها وحياتي وحياة تاليا
تخطاها ومشا خارج من الصالة لكن إستوقفتو أسية بإنفعال :
- جبااال ... خليني انا نقولهالهوم ماتدخلش نتا .
تجاهل كلتمها وجا خارج لكن إعترض طريقو ياسين وهو كايقول بحدة :
- كايبان لي زدتي فيه شويا .. ولا لاتكون تعودتي ديما تلعب ضور الضحية .
ماشعرش جبل براسو حتى شنق على ياسين من ياقتو ودفعو عند الحيط وهز يديه باش يضربو لكن ياسين قال بصراخ وغضب يماثل غضب جبل:
- تقدر تضربني لابغيتي .. لكن حتى نتا ماشي انسان صافي تفكر أعمالك الغير قانونية لي كانت أسية كاتغطي عليهم بكل جهدها باش الجمارك مايكتاشفوش الملاير من الذهب والألماس لي كاتهربهوم من جنوب أفريقيا .. الى كنتي اليوم نتا عايش وسط دارك ماشي بين قضبان السجن .. فهذا بفضل البارون الأعضم وبفضلي أنا وبفضل أسية وبفضل ديك المنظمة لي ماعاجباكش ..
تسمر جبل قدامو محتفض بقبضة يديه باش يضربو لكن ياسين كمل بغضب :
- الى كنتي ماتشديتيش فالحبس اليوم لي هربتي من المغرب محمل معاك طن من لحشيش لشاهين باشا .. فراه حيت حنااا انا وأسية وأسد غطينا عليك وضللنا شرطة السواحل باش نتا تقدر تعبر لبحر بسلام مع السم لي مهربو.
كان جبل مندهش من جراة الكلام لي كايسمع حتى ان يديه فشلت عليه وطلق من ياسين لكن الأخير كمل بإصرار:
- بحالك اسي جبل فالمنظمة مكانحميوهومش .. كانقتلوهوم .. لكن نتا حفيد سيد الأسياد لي مرفوعة عليه الكفة ومسموح ليه يدير أي حاجة بدون عقاب .. إبن جدو المدلل وحنا المساحات لي كانتبعوه ونمسحو الوسخ لي كايخليه موراه .
شعر جبل بالخدلان والإحباط مع أن الكلام لي قالو ياسين صحيح وهذا علاش كايزيد يحقد على بهجت .. علاش ديما مصر يحشر أنفو فحياتو ؟؟.. هو أبدا ماطلبش منو الحماية؟؟ .. ماطلبش منو يمسح وسخو كيف قال ياسين .. كل كلمة قالها ياسين كانت بالنسبة لجبل صحيحة .. لكن كبريائو يرفض انه يكون إبن جدو المدلل كيف قال .
إبتلع ياسين ريقو بتوتر فاش شاف تعابير وجه جبل المحبط وعاد استوعب كل كلمة قالها .. فتنحنح وقال:
-ماكنتش باغي نوصل معاك لهاد لمواصل لكن نتا اسي جبل لي كاتعتابرنا مذنبين مع أن نيتنا كانت هي حمايتك .. .
قرب من أسية وشد ليها فيديها وكمل :
- يالاه نمشيو بحالنا .. مابقات لينا بلاصة هنا .
سحب ياسين اسية موراه ودازو من حدا جبل لكن أسية وقفت وضارت شافت فجبل بتوسل وقالت :
حاول جبل مايشوفش فيها لأن القلب ديالو كان غادي يطرطق بقوة لي كايحس بالخدلان لكن أسية وياسين ماهوما إلى مبعوتين من بهجت لي كايسيرهوم كيف بغاو ..
على جبل راسو شاف فعصام بحدة وقال :
- عصام ..
أوما عصام براسو بإحترام وقال:
- نعم معليييم
سكت جبل شويا وهو كايشوف فأسية وياسين خارجين ثم قال :
- قانون الكونتيسا واضح... ممنوع شي واحد يخرج من هنا حتى نحلو لمشكل ديال شاهين .
توقفو ياسين وأسية وضارو كايشوفو فيه بإستغراب لكن جبل ضور وجهو وخرج من الصالة توجه للدروج باش يطلع يقلب على روعة مخلي موراه عصام كايفرك فصباعو بقوة الخوف والتوتر وياسين وأسية واقفين مصدومين من ردة فعل جبل .. كانو متوقعين انه غادي يطردهوم ويسبهوم كيما كايدير جبل البارون القوي لكن هاد جبل ديال دابا ردت فعلو كانت لشخص صافي عيا ومل من كل هاد الصراعات والمشاكل .
لكن قبل مايوصل جبل لرأس دروج استوقفو رافاييل يناديه:
- جبل .
ضار لعندو جبل وقال بصوت تعبان :
- اشنو عاوتاني ارافاييل ؟.
شاف رافاييل فأسد ورجع شاف فيه وقال بتردد:
- بغيت نقول ليك شي حاجة ضارورية أنا وأسد .
كان نفسو يقول ليه مافيا لي يسمع شي حاجة .. لكنه كان محتاج لأسباب قوية اكثر تخليه يغادر الكونتيسا وإيبيزا للأبد .. وجد راسو للصدمة الثانية وهبط مع دروج راجع للصالة ... دخل وكلس على الكنبة بشموخ ثم دار رجل على رجل بعنفوان وقال بصوت حاد :
- كانسمع .
شاف رافاييل فأسد باش يهضر فتقدم الأخير كلس فمقابل لجبل وقال:
- بغينا نعتاذرو منك ...
إبتسم جبل ببرود وقال:
- نتوما تعتاذرو مني ؟؟ ..
أومأ أسد بينما قال رافاييل بصدق:
- أولا أقسم بالله انني ماعرفت بأمر المنظمة حتى لولبارح كيف قلت ليك ونتا عارفني مكانخبي عليك وااالو
تسنى رافاييل شي ردت فعل من جبل لكن هذا الأخير كان كايشوف فيه ببرود ... شاف أسد فأسية وياسين وغمض عينيه كإعتذار ليهم لأنه مضطر اليوم يقول لجبل كولشي بما أن موضوع المنظمة تكشف .. هوما لي جاو عندو وعطاوه السم باش يقتل إيزيك وجبل خصو يعرف ..
تردد فالاول لكن رجع قال :
- نتا فاش كنتي مشغول فالبحث على روعة ... أنا .. أنا
قاطعو بهجت وقال بهيبة وهو داخل من الباب وكايطقطق بعكازو فالأرض :
- أنا لي طلبت منو يقتل إيزيك . وكانضن اجبل حتى نتا كانت عندك الرغبة باش تقتلو وتنتاقم لروح هاري بلاك
شاف بهجت فأسد بحدة لكن جبل تجاهل نظراتو وقال :
- لكن انا فكرت أن لي من حقو يقتل إيزيك هو رافاييل لأنه كان من المشتبهين فيهم فقضية قتل ختو فريدة وراجلها .
عقد جبل حواجبو بصدمة كايشوف فرافاييل سيد القانون لي من سابع المستحيلات يدير حاجة بحال هادي حتى أكد ليه رافاييل صحة نظرو وقال :
- عطاني جبل واحد السم باش نقتلو بيه لكن فاش مشينا انا ورجالي وجبناه .. ماقدرتش نقتلو .. وقررت نخلي العدالة تاخد لي حقي منو .. كنت حريص أنني غادي نوقف على قضية اختي حتى نوصل إيزيك لحبل المشنقة ..
سكت شويا وكمل :
- وفاش جبناه للمقر رجعت السم لأسد ورفضت أنني نقتلو حتى كانتفاجئو فديك اللحظة بواحد من رجالي جاي كايغوت وكايقول بلي إيزيك كايموت .. مشينا عندو كانجريو لكن مالحقناهش .. كان مات وفمو عامر بالكشكوشة ... وتأكدنا انه مات مسموم وكانقسم بالله أنا ماقتلتوش وحتى أسد ماقتلوش لكن حتى كانتفاجئو بالتقرير لي كايقول أن إيزيك مات مسمم بنفس السم لي كان عندنا .. التيترودوكسين ..
إعتدل جبل فجلستو فاش سمع هادشي وقال بريبة :
- شنو كايعني هادشي ؟؟..
رد عليه أسد بسرعة :
- ماعرفناش !!.. لحد لأن مازالين مافاهمين والو !
وقف جبل وقال بحدة وهو كايضور وسط الصالة :
- لكن ديانا سيناتور كاتتاهمنا أنا ورجالي بقتلو .
وقف رافاييل وقرب منو وهو كايقول :
- انا غادي نحل هاد سوء لفهم كون هاني اجبل لا نتا ولا رجالك غادي تحطو رجليكم فالإنتربول كانواعدك..
ضار شاف فيه جبل وقال بحدة :
- أنا ماخايف لا من الإنتربول ولا من غيروهم .
وكمل بغضب وهو كايشوف فيهوم كاملين :
- شي واحد جاسوس .. ياإما بيناتنا .. ياإما فالإنتربول .. شي واحد حافض خطواتنا وكايسبقنا بعشر خطوات فاللحظة لي كانفكرو كانديرو أول خطوة
شافو فبعضياتهوم كاملين بصمت وكل واحد كايقول فنفسو ماشي انا ومكاينش شي حد مخلص قدي .. كولهووم من جبل لعصام لبهجت لصخر لدون ماركيز لياسين لبرهان لأسية لأسد لرافاييل حتى شي واحد فيهم ماقادر يدوي ويتاهم لأخر .
تنهد بهجت وقال بعد تفكير عميييق :
- شي واحد باغي يزرع الشك والفتنة بيناتنا باش واحد يتهم لاخور ونتفككو ونتشتتو داكساع غادي نوليو نقط ضعيفة و يسهل القضاء علينا .. هادي هي غاية هاد لإنسان لي مدسوس بيناتنا ...
قاطعو برهان وقال :
-اولا شي حد سمعكوم ونتوما كاتهضرو وللاسف هاد الحد هو الخائن ..
ثم شاف فأسد وكمل:
- اسد فقتاش عطيتي السم لرافاييل ؟
شاف فيه أسد ثم قال بثقة :
- عطيتولو فالمقر ديال الإنتربول.
- ومالاحظتوش بلي شي حد كان حاضيكم . ولا كايتصنت عليكم .
ضيق رافايييل عينيه ورجع بذاكرتو للخلف شويا حتى تفكر شئ مهم وقال :
- ااام فاش كنا كانهضرو لحقت علينااااا ...
تردد فلأول لكن رجع كمل :
- مدام نورسين .
إستقام أسد من وقفتو غير سمعو وقال بتهجم وهو كايشوف فرافاييل بغضب :
- اشنو كاتقصد ؟؟؟... هاه .. فين باغي توصل بهضرتك
شاف فيه رافاييل وقال بهدوء :
- انا ماقلت والو .
لكن هدوئو ستافز صخر فمشا لعندو شنق عليه من ياقتو وجرو لعندو بعنف وهو كايقول :
- غير قولها نيت .. سمعني مزيان مرتي حيدها من راسك .. نورسين مستحيل تكون هي الخائنة بيناتنا .
تنهد رافاييل وقال وهو كايدفع يدين أسد لي شانقين عليه:
- تهدن اصاحبي حتى شي واحد ماتاهم ليك مرتك .. سي برهان سولني وانا جاوبتو ان لي جا فاللحظة لي كنا كانهضرو فيها هي نورسين ولا كدبت .. لكني ماقلتش بلي هي الخائنة حيت انا متأكد بلي نورسين مستحيل ديرها .. نورسين كانت معترضة فالأول أننا نجيبو إيزيك للمقر باش مايتقتلش .. لو كنا سمعنا لكلامها يمكن مكانش غادي يوقاع هاد لفيلم كامل .
لكن مع ذلك بقا أسد كايخنزر فيه حتى تدخل الدون ماركيز وقال وهو كاينوض ..
- كايبان لي كاملين محتاحين لشي كاس دلقهوة باش تهدأو أعصابكم .. غادي نصوبها ليكم على يدي على الله تهدنو شويا .
تراجع دون ماركيز وخرج وفلباب طلاقا مع دانيال وهو داخل لكن دون ماركيز تخطاه ومشا متجه للمطبخ .. شاف دانيال فعصام ورجع شاف فرجال لي بدورهم شافو فيه لكن مشا كايتسلت لعند عيصام لي كان كايعضعض فشفايفو باش مايفضحوش لكن جبل قال بفضول :
- دانياال ياك لاباس مكاتشوفناش كانهضرو ؟!.
تنحنح دانيال وقال بتوتر :
- سمحلي اسيدي بغيت عصام فشي موضوع لاسمحتي .
قلب جبل عينيه بملل وضار كايهضر مع أسد فإستغل دانيال الفرصة قرب من ودن عصام وقال بصوت منخفض :
- تاليا طافيا تلفونها نورسين طافيا تلفونها رؤية واقيلة ماداتوش معاها حيت لإشارة ديال الجي بي إس كاتخرج فالكونتيسا وحتى روعة طافيا تلفونها بقات غيـ.
ماجا فين يكمل كلامو حتى طار واحد من رجال البارون الأعضم هذاك لي صرفقو عصام ... دخل مع لباب كايجري وهو كايقول :
- سي عصااام .. لقينا موقع لبنات ... تلفون الانسة صوفي هوا الوحيد لي كان شاعل ...
على الطريق .
دازت نورسين فطريقها على المختبر وخدات منو التحاليل لكنها كانت مصرة ماتحلهومش حتى توصل للكونتيسا ... مكانتش باغيا ، تضيع مزاجها اليوم وهي مع البنات بغات تستمتع شويا .. وقفات السيارة أخيرا وهبطو لبنات كاملين إلى روعة لي كانت بين نعاس ولفياق لكن فاش لاحظت ان السيارة توقفت حلات عينيها لقات راسها بوحديتها وسط السيارة والبنات كايشوفو فيها بإستغراب .
- روعة واش ماغاتنزليش ؟؟ .
قالتها تاليا فإنتبهت لنفسها اخيرا وضارت براسها كاتشوف فين هي ولقات راسها عند الباب ديال ستاربكس لي كاين وسط المدينة .. استغربت فالأول لكن النظرات المستغربة لي كانو كايديرو فيها لبنات خلاوها تسارع وتنزل من السيارة .
سبقوها لبنات للداخل بينما توخرت نورسين لعند روعة كاتمشا معاها ببطئ وهي كاتقول :
- واش كاتحسي براسك بيخير ؟؟.
شافت فيها روعة وقالت بسرعة :
- انا بيخير .. لكن اشنو جينا نديرو هنا ؟.
ابتسمت نورسين وقالت بتسلية :
- بما أن المهمة نجحات بغيت نكافئ البنات على صبرهم .. يالاه ندخلو نشربو شي حاجة سخونة دفينا .
ردت عليها روعة وهوما داخلين من الباب المقهى الدافي :
- يعني لقيتي الكاميرا .
أومات نورسين وقالت :
- اه ولكن مديشارجيا .. خوا ليها الباتري .. وحتى التحاليل مشيت جبتهم فاش كنتي ناعسا .. يعني المهمة نجحااات شكرا بزااف على المساعدة .
إبتسمت روعة وردت عليها بلباقة وهوما داخلين للمقهى فكانت نورسين مصرة انها تختار مقعد بعيد على الباب والزجاج ديال المقهى باش مايلفتوش الإنتباه كلسو فالقنت وطلبو بعض المشروبات الساخنة ..
شربت رؤية رشفة من القهوة الساخنة بالكريمة وقالت:
- من ديما كاتحمقني القهوة ديال ستاربكس .. ونتي اروعة ... روعة .. روعة هل من مخاطب ؟
رفعت روعة عينيها شافت فرؤية بريبة حيت كانت غارقا فأفكارها ثم قالت بسرعة:
- اااه القهوة زوينة بزاف واخا ماكانشربهاش بزاف .
إبتسمت صوفي بمكر وقالت :
- أنا لي بانلي زوين هوما دوك توتوز لي حاضينا ملي دخلنا .. زينهوم سويدي اخوتي .
ضارو لبنات كاملين شافو فيهم وكانو مجموعة من الشباب قمة الوسامة.. زينهم اوروبي زوعر وعيونهم ملونين .. وكأنهم خارجين من شي دار الموضة .. ملابسهم شتوية أنيقة وإبتسامة الواحد فيهم كانجنن .. وفالمقابل ديالهوم شاب ماكبيرش بزاف فبداية العشرينات كان كايتغزل بعيونو الرمادية بصوفي لي تورد للون خدودها من شدة الخجل .. حنات على كأسها وقالت وهي كاتحاول تخلي صوتها منخفض :
قالتها تاليا وكملت وهي كادفع شعرها الأسود للخلف بغنج:
- فليذهب رجالنا إلى الجحيم .. تبا لرافاييل .. ومرحبا بالحماس ... غير باش نعلمكم اللفيعات .. هداك مول لبيض ديالي ... روعة ختاري شي واحد
ابتلعت روعة القهوة وقالت بسرعة :
- اه .. اه .. هداك لي لابس جاكيطا فالمارون غانصيدو ونجرو من ودنيه للمغرب نزوجو بختي
الكونتيسا .
فدوك اللحظات المحسوبة ماكرهش عصام يقتل داك بنادم لي فرش كولشي قبالة الرجال .. كان باغي الأرض تنشق وتبلعو ولا يطيح فموقف بحال هذا لا يحسد عليه .. كانو الرجال دايرينو فالوسط وكايشوفو فيه بعدما تفرجو فالتسجيل ديال الكاميرات.
قالها الدون ماركيز وهو كايندب وينكر فإبتسم صخر وتفكر فصباح فاش تزوجات بيه عرفي .. كان موقف مضحك بالنسبة ليه .. بغض النظر على جبل لي كانت شاعلة فيه العافيا وهو كايشوف فعصام بشر ..
- اااخ اعصام اااخ حتى كانقول تقاديتي وكاتجي بين ليلة ونهار وتزبلها قاااد راسك حسبي الله ونعم الوكيل فيك .
حنا عصام راسو بإحراج بينما تأفف أسد وهو كايقطع الخط فاش لقا تلفون نورسين مطفي وبجنبو كان رافاييل بدورو كايتاصل بتلفون تاليا وحتى هو مطفي ..
- فين هو داك بنادم دقبيلة .
قالها جبل وكمل وهو كايزعف :
- سمعتو قال بلي لقا مكانهوم .
خرج الرجل راسو من خلف ضهر عصام وكانه كان محتمي خلفو من بطش غضب جبل ولا بهجت .. وغير جات عينيه فعين جبل حنا راسو بسرعة وقال :
- اه اسيدي .. الإشارة ديال جي بي اس عطات فواحد القهوة ديال ستاربكس فوسط المدينة من تلفون الأنسة صوفي .
قال داوود بسرعة وهو متجه للخارج :
- انا غادي نوريها كيفاش تخرج بلا خباري وفهاد لوقت لي كلنا فيه فخطر
دون ماركيز كايجري وتبعوه باقي الرجال جبل عصام صخر رافاييل أسد متوجهين لسياراتهم وكايتوعدو حبيباتهم وزوجاتهم بالعقاب .. كولهوم ركبو فسياراتهم لكن فاش جا يركب دون ماركيز قنعو صخر باش مايمشيش ويطمن على بنتو بلي غادي يجيبهالو سالمة وداوود ماقدرش يردهالو فوجهو بالخصوص أنه طلب من صخر بالخصوص.
ركب صخر فسيارتو وديمارا وهو كايقول بسخرية :
- ياك امرتي صغيورة خارجا بلاخبار راجلك ..
وكمل وهو كايموت بالضحك:
- هاهاها متحمس نشوف وجوههوم كيف كيف غاتكون فاش يلقاو دوك لبغولة واقفين عند راسهوم .. اما نتي اصوفي غادي نطلقك بثلاث ماعنديش لمرا انا لي كاتخرج بلا خباري هاهاها.
فالسيارة لي سابقاه كان سايقها جبل بعصبية ... ضرب على عجلة القيادة وزمجر:
- هادشي غير رجليك مهرسة الحمارة .. اما كون طرتي يطير ليك لقلللب ... غير بلاتي عليك هي مسألة وقت وغانشدك ... ماترتاحي حتى يقتلوك دوك لمساخط ... حمارة ويلة هبيلة .. غير بلاتي عليك
البارون الأعظم الجزء 77 لفيعات
محتوى القصة
التنقل بين الأجزاء