في الصالة ديال الطابق الثاني كانت تاليا كالسا على الكنبة وقبالتها كالس رافاييل هاز فيديه مايسي كايلعب معاها وفجنبو ياسين وأسية وقبالت أسية كالس صخر و داير رجل على رجل وكايشوف فصوفي لي كانت متوترة وحداها كالسا رؤية بينما ودون ماركيز واقف وكايضور فبلاصتو ويولول وينكر .. بناتو بجوج خرجو بلا خبارو كان باغي يقتل صوفي ويتبعها برؤية واخا مازال ماعرفتش الحقيقة الى أنه كايبقى أب وواخا مارباهمش بيديه إلى أنه كايحس بالمسؤولية تجاههم بجوج ... بقى كاينكر حتى وصل عليه بهجت وتقدم كلس على الكنبة ، حط عكازو بين رجليه وشاف فيه فبادرو داوود وهو كايقول :
- سمعتي شنو دارو !!
ثم إلتفت عند صوفي وقال بزعاف :
-اليوم غادي تجمعي حوايجك غانديك للمطار عند ماماك انا ماقادرش على مشاكلك .
تنهدت صوفي بغيظ وهي كاتشوف فيه .. من نهار لي شافتو وهو غير كاينكر عليها وكايهددها بالطرد .. ملات من هاد الوضع فقالت مجيبة عليه بعنفوان طفولي :
- صافي باراكا .. فضحتيني كل ساعة غادي نديك غادي نشد ليك طيارة .. مليت من هاد الوضع وكأنني عبئ عليك وكأنك كاترضعني ولا كاطبطب عليا كاي أب فالعالم قبل مانعس . هذا علاش لا تؤاخذني على تصرفي ماكانش عندي الأب لي نستأذن منو ، يعني مامولفاش ناخد إذنك الى بغيت نخرج لشي بلاصة .
تدخل ياسين فالحديث وقال:
- هو راه كايخاف عليك و كايحس بالمسؤولية تجاهك اصوفي .
ردت عليه صوفي بإنفعال وهي كاتحاول ماتبكيش:
- اي مسؤولية هادي ؟؟.. لو فعلا كان أب مسؤول مكانش غادي يسمح فيا تقريبا 18 لعام بلاما يفكر يشوفني .. أنا
.. أنا ماعمر كان عندي الأب لي يمسح على راسي بحنان ولا عمرو هو عتابرني بنتو من الأساس .
تنهد داوود بقلة حيلة وفهم أخيرا أن ديك البنت لي كان كايتهيأ ليه أنها مزالة صغيرة ومكاتعرفش كبرات وولات تعرف دافع على راسها .. ولكن مع ذلك قال بعناد الأب لي مكايبغيش كلمتو طيح للأرض :
- ولكن أنا ماعمري قطعت عليك المصروف .. عشتي كأي بنت ، قريتي كأي بنت ، لبستي كأي بنت ، عشتي فمستوى بزاف ديال ناس مايحلموش يعيشوه ، جيبك ديما عامر بالفلوس ، مصروفك ديما واجد بفضلي فماتكونيش نكارة الخير اصـ...
قاطعو صخر وهو كايقول بإستهزاء وكايشوف فيه بإبتسامة مستفزة:
- مافهمتش كيفاش رضيتي تتحول من إنسان لصراف ألي وتلغي أجمل دور وأحسن اللحظات مع بنتك اسي داوود .
داكشي لي كانت باغيا تقولو صوفي قالو صخر فمابقا عندها ماضيف سوى هاد الكلمات الأخيرة:
-أنا غادي نمشي بحالي .. غادي نهنيك من صداعي داوود ماتخافش .. وكانضمن ليك أن هادي هي أخر مرة غادي تشوف وجهي فيها .
واخا داوود كان كايهددها باش يحجز ليها فطيارة تمشي بحالها إلى أنه فاش سمعها قالت ديك الهضرة بصوت مجروح وقلب مكلوم بقات فيه بزاف .. إستقامت صوفي من جلستها وحركت رجليها باش تخرج لكن صخر صبقها شدها من دراعها جرها لعندو ثم حاوط أكتافها النحيفة بدراعو وقربها ليه وقال بحدة وهو كايشوف فداوود:
- كانضن اسي داوود ان هاد الدار ماشي ديالك باش تقرر شكون يبقا فيها وشكون يمشي !.
رفعت صوفي راسها شافت فيه بصدمة واستغربت حيت كايدافع عليها قدامو .. حست بقلبها كايضرب بقوة ليه وحست بدراعو لحنينة على كتفها وكأنه يفرض حمايته عليها كشئ يخصه وحده .. حنى صخر راسو شاف فيها ثم إبتسم وقال:
- صوفي غادي تبقا
على راسو شاف فداوود وكمل :
- والى ماكنتيش نتا راضي على وجودها هنا .. تقدر تهز حوايجك وتمشي لشي هوتيل عادي صدقني حتى شي واحد ماغادي يتأثر بغيابك سولني أنا حتى بنتك ، كانضمن ليك انها ماغاديش تتوحشك ..
حس داوود بالقهرة وكأنه أب مجرم باغي يلوح بنتو للزنقة وهو غير خايف عليها يأديها شي حد وكايشوف من منظورو الشخصي أنه أأمن مكان للصوفي هو مع مماها لكن هي فهمت تصرفو معاها على أنه صد وهجران ونكران وكره وهاهو صخر دابا كايأكد ليها هاد النظرية البرئ هو منها ...
تمسك صخر بيد صوفي ثم سحبها خلفو وهو كايقول :
- يالاه اصوفي ... خلينا نقلبو على شي مكان فيه هواء أنقى من هاذا .
فاش لسقو فيها لبنات باش يمشيو معاها تاليا قالت ليهم بلي نورسين كاتوحم وغادي يديرو مغامرة باش يخرجوها من الكونتيسا ويديوها تشري داكشي لي تشهاتو باش مايسوليهاش بزاف ديال الأسئلة أجوبتها عند روعة ونورسين هي براسها ماعارفاش وهاهي صوفي دابا كاتبوح ليهم بكولشي كانت خايفا غير لاتزيد تكحلها وتقولهم لبلايص لي مشاو ليهم من المختبر لداك الحي الغريب والمهجور .
قاطعهم دخول عاااصفة هوجاااء تحمل معها غضب وسخط رب العالمين بصوت مدام علياء الرقيق المستفز لي كايصمك لودنيييين :
غطات رؤية وجهها بيديها بقوة بإحراج من الموجودين بينما شاف داوود فعلياء بغيظ وقال :
- حاشاك ولينا حنا كلاب .
شافت فيه علياء وعاد طلعات معاها .. ماهو طبيعي داوود ينفاعل .. هو الأب ديالها وهي كاتنعت رؤية بنتو ببنت الكلب واش داوود كلب !!! ... لا حاشاااااه .
جرت رؤية صوفي من كمها وقالت بغيظ :
- صوفيا يالاه نهربو غادي نطلقها فسروالي حق الله مابغات تكتابلي هاد طواليط هاد نهار شكوا لله .
قاطعتها صرخة علياء الغاضبة :
- طلعي فيني يابنت الكلب .
لكنها كانت كاتشوف فداوود وهو كايشوف فيها بغضب على هاد الصفة لي كاتنعتو بيها ومازالة كاتقول بنت الكلب !! .. عينيها فعينيه وشرارة التحدي و الغيظ منطلقة بيناتهم فكررت علياء بصراخ يصم الأدان
قالتها علياء بغباء فدار ليها داوود إشارة بعينيه وقال بصوت خافت:
- محيت أنا وياك كلاب .. فكانولدو غير لكلاب وبنتك الكلبة راها موراك
كانت باغيا تقتلو على الهضرة لي قال .. قصداتو غير هو لي كلب لكن اللعين جمعها حتى هي معاه .. كان قصف مباشر هذا علاش حاولت ما أمكن مدام علياء تبتلع الكووول وضارت بسخط كاتقول وكاتشوف فرؤية :
شافو فبعضياتهم كاملين بدهشة والوحيد لي فهم الموضوع هو بهجت .. أكيد وقعات شي مشكلة بينها وبين جبل وكبر الموضوع فتخطاهم وهو كايقول بقلة حيلة :
- خير اللهم اجعلو خير.
في الأسفل :
مشات باتريسيا كاتجري للصالة لي خلات فيها معطفها باش تستر بيه راسها قبل مايهبطو كاملين فإستغل جبل الخلوة وحاول ماأمكن يهضر مع روعة ويفهمها غير بالعقل كلس حداها ثم تمسك بيديها وقال :
- عارف أنك معصبة من الهضرة لي قلت ليك ولكن ...
قاطعو دخول بهجت لي كان كايشوف فيهم بريبة وموراه كانو كاملين من حد حتى أسد ونورسين لحقو عليهم وتجمعو كاملين فالصالة فمابقاش عند جبل شي فرصة باش يهضر معاها على إنفراد وهادشي غير مازاد وعصبو .. المشكل بيناتهم علاش معيطا لهاد القوم كامل ؟. حتى لو كان المشكل صغير غادي يزيد يكبر .
كلسو كاملين فالصالة وهوما كايتسائلو على سبب هاد الإجتماع الغريب لكن ولا جواب كان شافي لفضولهم .. روعة كانت ساكتة وكاتشوف فيهم وتسمع لتمتماتهم بينما جبل حنا راسو للأرض وتكا بمرفقيه على ركابيه بجوح وكايحاول يتحكم فأعصابو ما أمكن لكن لي زاد الطين بلة .. هو فاش تعرمو الحراس كاملين داخل الصالة وطبعا هذا بطلب روعة لي بغا تجمعهم لكن جبل كان عندو راي أخر ناض وبدا كايدفع فيهم ويغوت :
- خرجوووو خرجووووو
استغربو كولهوم وزاد فضولهم وهوما كايشوفو غضب جبل وإنفعالو على الحراس واستغربو علاش هاد الحراس كاملين خلاو خدمتهم ودخلو عليهم ؟.
- جبل شنو واقع ؟؟
قالها رافاييل وهو كايجر جبل من دراعو فنتر جبل دراعو وغوت :
- ماشي صوقك .. ماشي سوقكم كاملين .
وبدا كايدفع فرجال عاود لكن روعة قاطعاتو بحدة :
- كولهوم غادي يبقاو كولهووووم وبالخصوص نتا اعصام دخل
أومأ عصام بتردد ودخل وهو خايف من ردة فعل جبل لكن الأخير كان مصدوم فروعة لي مازالة مصرة طيح كلمتو للأرض من حد حتى رجالو مابقاوش كايديروليه إعتبار وكلمتها ولات فوق كلمتو .. من فوقتاش ولاو فهاد الولاء ليها بالسلامة ...كان كايلهت ويتنفس بسرعة فماقدرش يصبر وغوت :
- روعة بلاما تعصبيييش طاسيلتي هاد نهااار ..
قرب منها وبغا يهزها وهو كايقول :
- يالاه نطلعو لبيتنا ونهضرو .
دفعاتو روعة عليها وغوتت بسخط :
- ماغادي نمشي لحتى شي بلاصة معاك .
لكنه كان مصر يبقى الموضوع بيناتهم بالخصوص فاش لمح بعينيه باتريسيا داخلا للصالة وهي كاترعد بالخوف .. حنا عليها بإصرار باش يهزها لكنها قاوماتو وداك لمنظر ماقدرش يوقف صخر قبالتو بلاما يتدخل فغوت بغضب :
- بعد عليهاااا
وقرب لعندهم بسرعة جر جبل من دراعو لكن الأخر غير ضار لقاه هو لي جارو جمع معاه بلكمة قوية لوجهو حتى إندفع جسم صخر على أسد ولحقو الأخير شدو باش مايكبرش صداع وتدخل ياسين ورافاييل شدو جبل بالقوة وبسيف باش قدرو يسيطرو عليه حتى أنهم شعروا بلي هذاك ماشي جبل هذاك شي وحش فاقد السيطرة لأن القوة ديالو كانت مضاعفة عليهم بجوج .
وقف بهجت وضرب بعكازو للأرض بغضب ثم غوت :
- باراكااااا ... صافي باراكا من هاد تبرهيش .
وحده صوتو المهياب كان قادر يخليهم يتراجعو على المقاومة لا صخر لي كان كاينتافض باش يطلق منو أسد ولا جبل .. حتى هدئو أخيرا وضلت فقط بعض النظرات الغاضبة بيناتهم ... إلتفت بهجت عند روعة لي كانت مخبية وجهها بين يديها وكاتحاول تكتم شهقاتها لكنها ماقدراتش ..
ماحاوبتهاش ... بقات روعة على نفس الوضع حتى هدئت شويا ومسحت دموعها وهي ماقادراش تشوف فعيونهم وحدها يد نورسين لي كانت كاطبطب على ضهرها هي لي كانت عاطياها القوة باش تصبر وتتماسك ، حتى جبل ماكانتش قادرا تشوف فيه .
تنهدت أخيرا وقال بصوت حاولت ما أمكن تخليه متوازن وماتخونهاش الغصة الواحلة فحلقها:
-جمعتكم اليوم وبغيت نعاود ليكم على قصة حياتي وسمحولي على هاد اللغو الكثير وهاد صداع لي وقاع ولكن ... ولكن جاء اليوم لي مابقيتش قادرا نصبر ونخبي.. ومابقيتش قادرا نستحمل المزيد من الإهانات .. قررت نواجه نفسي ونواجه المجتمع بحقيقتي ..ونتوما غادي تقررو تبغيوني كيما أنا ولا تنبدوني كيما نبدوني كل الناس لي حبيتهم ووثقت فيهم ... ولكن صدقوني مابقاش كايهمني لأمرين بجوج حبكم ولا كرهكم بالنسبة لي نفس الشئ ، لطالما عشت بوحدي وإعتدمت على نفسي فمكاينش الفرق وحتى حاجة مابقات كاتعنيني .
شعرت بيد نورسين كاتضغط على يديها وكأنها كاتقولها "أنا فجنبك".. فكملت روعة بصوت خرج من حلقها مخنوق :
-أنا اليوم فـ 24 من عمري ، لي يشوفني اليوم وأنا كانتمشى بخطوات واثقة وإبتسامة مشرقة ، مايقولش بلي انا هي نفسها ديك البنت المنكسرة لي كنتها قبل سنة ونصف تقريبا ، كاتمشي بسرعة وهي حانيا راسها للأرض حيت خايفا من نظرات المارة حتى كاتوصل للمكان لي تتخبى فيه من كل العيون عاد كاترتاح ...
قاطعها جبل بصوت متوسل يطلب العفو :
- نتي مامضطراش تعاودي حتى حاجة اعمري .. حياتك خاصة بيك بوحدك وانا متقبلك وعاجباني كيما نتي .
رفعت عينيها شافت فيه بنظرة مقهورة وقالت:
- هداكشي لي كنت كانظن حتى انا ، حياتي خاصة بيا بوحدي وهادشي لي كانحاول نقنع بيه نفسي لكن حتى كانلقا انوف الفضولين محشورة وسط حياتي .. وهادوك لي كايقنعوني بلي هوما متقبليني كيما أنا هوما نفسهم لي كانسمع منهم سم ديال الهضرة ..
تنهد جبل بقلة حيلة فاش فهم انها كاتقصدو بكلامها فكملت وهي كاتشوف فيهم كاملين :
- هذا علاش قررت انني نجمع كمية سم كبيرة منكم كاملين كل واحد يعطيني جرعة باش نقتل بيها هاد روعة لي كاتشوفوها .
- سمحيلي غادي نقاطعك شويا ابنتي ..ولكن السمكة التي تبقي فمها مغلقا .. لن يصطادها أحد .. أكتمي أمورك يابنتي لأن الكثيييير يتمنى ان يتصيد أخطائك .
بقات كاتشوف فيه بحيرة وهي عارفا مزيان ان لهضرة لي قال معقولة فكمل بهجت بإبتسامة مشرقة:
- زوين بزاف انكي تكوني بحال البحر ضاهرك هادئ وأنيق وفداخلك عالم عميييق بزاف كاينا ولا لا ؟.
أومأت بعد حين بالموافقة على رأيه لكنها كانت باغيا تخوي قلبها عليهم كاملين لكن الظاهر أنهم مافيهم لي يسمعولها فكتمت أسرارها فجوف قلبها وحنات راسها بينما جبل هدأ أخيرا ورتاح .. ماعرفش كيفاش حتى ظن بأن روعة غادي تجمع ناس كاملين وتفضحو بحاجة مادارهاش وتشهر بيه .. كان متوقع انها غادي تتاهمو بالخيانة وكلشي يرد فيه الحق لكن غايتها كانت مختلفة .. استوعب أن الهضرة لي قال جرحتها بزاف هذا علاش بغات تحط كولشي على الطبلة ... كان مستعد يبوس ليها رجليها قدامهم غير باش تسمح ليه
شاف فبهجت وماعرفش علاش حس لأول مرة بالإمتنان ليه على الهضرة لي قال وعرف أن روعة كاتحتارم داك سيد بزااف هذا علاش قلبو بدا كايلين عليه شويا ... لكن لي رتاح أكثرر هي باتريسيا لي شدت فقلبها وتكات على الجدار خلفها وهي كاتحس براحة ممكن ماتكونش دايما لوقت طويل .
إستقام من جلستو ثم قرب من روعة وطلب من نورسين تخليه يكلس حداها .. مرر دراعو حول أكتافها ثم قرب من خدها طبع قبلة حنينة وقال :
- عمري .. خلينا نطلعو لبيتنا نتناقشو على راحتنا .. أنا متأكد أنك غادي تفهميني بعدما نوضح ليك الأمور .
شافت فيه روعة بهيون حومر من شدة البكاء ثم قالت بحدة :
- أشمن بيت !!.. داك لبيت لي كانت باتريسيا معنقاك و كاتعتارف بحبها ليك .. داك لبيت لي كون ماجيتش خربت عليكم اللحظة يعلم الله فين غاتوصلو . وفتالي أنا نتسمى خائنة وشهوانية ... بزاف اجبل قلبي عامر بزاف والى هضرت دابا غادي نتقيا عليك هنا اقسم بالله هذا علاش عطيني تيساع ... مازالة شادا فيا تربية الواليدة لي كانت كاتقولي من ستر عبدا ستره الله .
كانت فجنبهم نورسين وبغير قصد سمعات الهضرة لي قالت روعة وتعصبات اكثر وأكثر وفهمات السبب لي جمعتهوم عليه .. فديك اللحظة كرهت سيرة الرجال وولاو كايبانو ليها كلهم نكارين الخير ومستبدين .. فوق هادشي روعة خاطرت بحياتها وهي مزالة مصابة غير باش تكشف قاتل إيزيك وجبل مايدخلش للحبس هو اش دار ؟!. قابلها بالنكران وتاهمها بالخيانة ...
كانت كالسا وكاتفرك فصبعانها بعصبية ولوحام حتى هو كان مغطي ليها العينين وكاتشوف الرجال كولهوم فاللون الأحمر وهي الثور الهائج لي مستعد يهجم عليهم كاملين وتقتلهم ابتداء من أسد .
وقفت وهي كاتحك فجبهتها بتوتر ثم قررت أخيرا تفركع هاد رمانة كيف كايقولو باش ترتاح ... عارفاهم واخا غادي يعرفو أن أسد هو لي قتل إيزيك ماغادي يديروليه والو بالخصوص أنه متواطئ مع رافاييل ورسالة لي لقات فتلفونو كاتأكد ليها الأمر فاكييييد غادي يكون جبل فخبارو كولشي وردت فعلو فاش تاهماتو ديانا سيناتور ماهي إلا تمثيل فتمثيل ، كولهوم كانو عارفين وكولهوم كانو مخططين يقتلو إيزيك وهي زي الأطرش في الزفة حتى جبل نهار لي خطف إيزيك كان باغي يقتلو لولا أنها وقفت ليه فطريق .
انتبهت اخيرا أنهم كايشوفو فيها بإستغراب وهي الوحيدة لي واقفة وسطهوم وكاتبان كاتفكر بعمق فقال أسد بصوت لطيف وكأنه يتوسل عفوها :
- حياتي واش نتي بيخير ؟.
ضارت وبقات كاتشوف فيه لواحد المدة وكاتفكر لكنها تاخدت قرارها وماغاديش تتراجع .. هو ضحك عليها هو تزوجها غير باش يستغل عملها فالمخابرات ويضيع ليها كل تحقيقاتها فلإمتى غادي تبقا صبرا عليه وتستر عليه فكل مرة .. تفكرت أخر مرة خاطرت بحياتها وعملها على قبلو دوزت فالمقابل 6 سنين فالحبس وتسع سنين ديال الهجران والفراق ونهار لي حتاجها وعرفها خرجات من الحبس رجع كايطلب منها العفو والزواج فقط باش يضيع ليها حياتها ويخربها كثر ماهي مخربة ..
لكن لي كانت كاتفكر فيه هي الى تفارقت معاه .. فين غادي تمشي ؟؟ .. فين غادي ترد راس وهي حتى مهمتها وخدمتها فشلت فيها .. ماعندها عائلة ماعندها زهر بالإضافة للروح لي كاتكبر داخلها كيفاش غادي تقدر تربيه بوحدها لكنها قررت وغادي تدعس على قلبها وغادي تنهي هاد المهزلة والباقي غادي تخليه فيد الله .
رجعت ضارت عند بهحت بيك وقالت وهي كاتحبد من جيبها الكاميرة الرقمية :
- بغيتو تعرفو علاش خرجنا بلا خباركم .
ضارت لعند جبل وكملت بغيظ:
- بغيتي تعرف علاش روعة خرجات بلا خبارك .. واخا انا غادي نقولك .
شافت فأسد ولقاتو كايشوف فيها بجمود ومالقاتش فملامحو شي أثر للخوف من انه ينكشف امرو وتأكدت أنهم كاملين فخبارهم وهادشي غير مازاد عصبها اكثر .
شافت فيه روعة بصدمة وإستغربت من هاد سكيزوفرين لي هضر عاد دابا ، لكن نورسين بلهجة قاسية:
- ولكن ماشي هادشي لي سمعت قبيلة اسي جبل !!
تبادل معاها نظرات الإمتعاض لكن جبل ماشي هو موضوع نورسين حاليا .. حركت رجليها وتمشات التلفزيون ثم شعلاتو وبرونشات كابل فلاش يوسبي مع الكاميرة وقبل ماتخدمها ضارت لعندهم وقالت :
- فاليوم لي كنا محتاجزين إيزيك فديك الدار المهجورة أنا حطيت هاد الكاميرة فالغرفة لي كنا محتاجزينو فيها وغرضي كان هو نثبت عليه كل التهم الموجهة ليه من قتل اخت الرقيب رافاييل وراجلها للمجزرة لي وقعات فالفيلة ... كنت باغيا نحتفض بالدليل هذا علاش وضعت هاد الكاميرة صغيرة فمكان ماباينش لكن فاش وقاعو الاحداث وتحرقت قلعة ميخور نسيتها ومشات على بالي .. لكن هاد صباح فاش سمعت ديانا سيناتور كاتتاهم جبل بغير دليل تفكرتها ..
إلتفتت لعند جبل وكملت :
- روعة كانت خايفا عليك بزاف اجبل وكانت باغيا دير اي حاجة باش نتا مادخلش للحبس هذا علاش قلت ليها على الكاميرة لي اكيد غادي تكون صورت شنو وقاع فديك الليلة .. لكن مكانش عندي كيف ندير نخرج ونجيبها مع هاد الحراس كاملين لي فالكونتيسا .. لكن روعة كانت مصرة تثبت برائتك هذا علاش اقترحت عليا نخرجو من الممر ديال الحرائق من تحت الأرض .
توسعو عيون جبل من شدة الصدمة وماقدرش يصدق .. لعن لسانو ولعن تسرعو ولعن اللحظة لي قال فيها ديك الهضرة ماكرهش تنشق الأرض وتبلعو ولا يرجع بالزمن للخلف ويتراجع على الشئ لي قال ليها والإهانات لي سممها بيهم وهي غايتها كانت مساعدتو.. مسح جبل وجهو بيديه بندم وماقدرش يعلى راسو يشوف فوجه روعة حيت مابقا عندو وجه يقابلها بيه ، لكن البقية من الرجال ماكانوش اقل منو صدمة بالخصوص بهجت لي ماكرهش ينوض يبوس دماغها الذكي لي فكر يحط كاميرة تما ..
شافت نورسين فلبنات لقاتهوم مصدومين فيها فتنحنحت وكملت :
- لبنات مكان فخبارهوم والو قلنالهوم بلي خارجين وصافي وماقلنالهومش السبب هذا علاش فاش جبت الكاميرة من الحي المهجور دوزناهم لستاربكس يشربو شي شويا دالقهوى .. هذا مكان .
الفضول هو الوحيد لي كان مسيطر على وجوه كل لي كالسين تما .. كولهوم باغين يعرفو شكون هو هاد الشيطان لي مدسوس بيناتهم فقال بهجت بحماس :
- كانحيك على هاد التصرف الذكي ابنتي نورسين .. ومانكرهش نطالع على الفيديو ولكن على انفراد وخصوصية .
شافو فيه الرجال كاملين بإستنكار كما إستنكرت نورسين الأمر وقالت:
- لا اسي بهجت .. هاد الأمر مابقاش خاص وسريي .. هاد الأمر طالنا كاملين ، هاد المافيا هددت حياتنا كاملين وشفنا الموت بسببها ...
قبل مايلحق بهجت يقول شي حاجة سبقاتو نورسين وقالت بلهجة قاسية :
- أكيد غادي تكون فكرتي فهاد الشخص لي تخطى حدود ميخور ودخل شعل فيها العافيا ..واكيد فكرتي بأنه مستحيل يقدر شي حد يدخل لقلعة ميخور بلاما يشوفوه الحراس. . وانا متأكدة بل متيقنة البارون أنك حتى نتا شاك بأن لي حرق القلعة هو واحد فينا ومننا وهو نيت لي عطا نقط الضعف لي فالقلعة للكاريبي باش قدرو يهجمو علينا على غفلة ويحصدو كدد كبير من الأرواح ..
- الخائن كاين فوسط هاد الصالة ، يمكن بيناتنا يمكن بين رجال بهجت بيك ويمكن بين رجال جبل .. لكن أنا متأكدا أن لي قتل إيزيك هنا والدليل كاين فهاد الفيديو هذا علاش غادي نوجه كلامي للجميع ... الإعتراف سيد الأدلة .
إعترض برهان وقال بإستنكار .. السيدة ولات كاتتاهمهم كاملين
- مدام نورسين اشنو كاتقصدي ؟؟.
ضارت لعندو نورسين وردت عليه بحدة وبصوت جامد:
- كاندير خدمتي اسي برهان .. كانطبق القانون لي كانأمن بيه ولي أقسمت باليمين أنني نطبقو بمصداقية ومانرحم حتى شي ولد لمرا الى ختارقو ... ابتداء من بهجت بيك لأخر شخص فهاد الصالة.
تعصب برهان وبغا يرد عليها لكن بهجت قاطعو وقال:
- أنا مقدر عملك ومصداقيتك .. تفضلي تقدري تشغلي الفيديو .. نتي عندك الحق كولنا تضررنا من هادشي ومن حقنا كاملين نعرفو شنو فيه .
مكانش أسد قادر يتكلم ولا يقول شي حاجة لكنه كان متأكد من برائتو وعادر نورسين على قسوتها عليهم وعليه هو بالأخص لأنه خدلها وهي لي وثقت فيه ... تبادلت معاه بعض النظرات الباردة ثم تمسكت بجهاز الريموت ودخلت لمكان اليوزبي حتى وصلت للملف لي فيه الفيديو وكان فيه تقريبا 5 ساعات قبل ماتنفد البطارية .
شغلت الفيديو ورجعت لمكانها وكلسات كيما كان كولشي كالس على أعصابو لمدة ساعتين بينما مررو بعض اللقطات الغير مهمة من التسجيل حتى وصلت لحظة الحقيقة
اflash back
قبل عدة أيام ./ الحي المهجور / الساعة 08:00 صباحا
____________
نهاية الجزء
اما دابا قربنا نحلو هاد اللغز ديال الخائن لي وسطهم ولي الفيديو غادي يكشفو ونرتاحو .. لكن ماذا لو كانت الكامرة توقفت على التسجيل وقت الجريمة .. وماذا لو ان الخائن ذكي ومسح الفيديو ورجع الكاميرة لمكانها ... مشاكيييييييل 😠😠 وشنو كاضنو نتوما شنو غادي يوقاع فهاد لفلاش باك لي غادي يرجع بينا تقريبا اسبوع للخلف 😢
البارون الأعظم الجزء 81 لحظة الحقيقة
محتوى القصة
التنقل بين الأجزاء