الكولة:انا عارفاك كتخططي لشي حاجة نتي كتراقبي بزاف تاحاجة مكتزكليها حتى من الحراس كتراقبيهم........ نتي كتخططي تهربي وانا حاسة بيك غاديريها.. عندك دكاء حاد .. ديك المراية لي طلبتيلي لاش بغيتيها
انا كنشوف فالوولف حاضاني وباينة فيها معصبة : نهار طلبتهاليك سولتيني نفس السؤال وجاوبتك مكايهمكش
الكولة:يلا هربتي من هنا علمي البوليس على هاد البلاصة اللهم الحبس دالمغرب البيصارة والخبز يابس والا هاد الزمر...
انا: ههه كتحلمي كلنا غانبقاو هنا ماكاينش شي طريقة نخرجووو من هنا غا تهنااااي
الكولة:انا حاسة بيك عارفانا فين حنا
انا: وي عندي فكرة على فين حنا تقريبا. ولي نكوليك ماتحلميش تخرجي من هنا هاد الحبس مستحيل يخرج منو شي إنسان حي
الكولة: ماعرفتش علاش إحساسي كايقولي نتي غاديريها
انا: إحساسك غالط وبزااف ماتيقيش فيا بزاف
الكولة:ختي ماتفقديش الأمل نتي دكية بزاااف ما عمر شفت شي بنت كتفكر بحااالك يومااين غيرتي فيها شحااال من حاجة هناااا . انا تايقة فيك. مكنتسنااش منك تخرجييني بغيتك غا تخرجي نتي وتعلمي البوليس حيتاش هاد السجن غير قانوني
انا:هه العجب مجرمين بحاالك كايفكرو هاكة سبحان الله
هي:انا ماشي مجرمة
انا:اااه تيقتك ابب قنعتيني ايوى وشنو نتي
هي: مع الوقت وغاتعرفي. مهم لي نقول ليك ماتفقديش الامل خدمي الدكاء ديالك فكري مزيااااان ايلا بغيتي شي حاجة انا غانعاونك نجيبهالك
انا:نتي فشكاال من النهار اللول تسلطتي عليااا وكتعاونيني علااش؟؟؟
هي حسيت بيها توتراات:ماتشغليش راسك بهادشي فكري غا فشي طريقة للخروج وصاافي
تكيت فبلاصتي كنفكر فهاد الحريرة. مستحيييل نبقى محبوسة حياتي كاملة هنااا ماتقبلتش هاد الفكرة مابغااتش دخلي لراسي مايمكنش .حسيت بالردااان نضت كنجري للطوااليط بقيت كانرد غا الماااا بزاااف شوية ويخرجو مصارني .... عيني غايخرجو من بلاصتهم مسحت فمي وغسلتو وغسلت وجهي حيدت التيشورت والسروال بقيت غا بدو بييس دوزتليهم بالما وخرجتهم نشرتهم فوق الطبلة والكرسي تاينشفو مشيت تغطيت بالغطا وتكمشت كنفكر فهاد الحريرة. صافي فقدت الأمل فانني نخرج من هنا ونعاود نشوف مالين الدار . هاد البلاصة مستحيل يخرج منها شي إنسان. تفكرت عائلتي وجاتني البكية تخنقت عمرت بغيت نفرغ فشي حاجة ومالقيتش كنحس بصحتي سخووونة ووجهيي غايطرطق وراسي ضاااارني بزااف بحاال شي بيضة من الداخل كايدووووور بيااا تكمشت فبلااصتي وبقيت كنفكر فصحاباتي لي خليت فين غايكونو دابا نهاد ليلى و خولة . خولة لي غاتكون خدمات مع المخابرات الحلم ديالي غاتكون شدات بلاصتي وخدامة بحالها بحال كاع الناس علاش انا ماعنديش هاد الزهر كاامل جاتني الغمة كنحس بحال شي تفاحة واحلة ليا فحلقي عيييت بكترة التفكير ترخيت وسلمت راسي للنوم ......
نمشيو لمكان آخر وبالضبط لمركز الاستخبارات المغربية بكندا كايقولوليه القسم هو مركز سري كايتكون من مجموعة من الفرق كل فرقة من دولة مختلفة مي الفرقة المغربية هي اولهم راكم عارفين المخابرات المغربية علاش قادين. كل فرقة بالقسم ديالها.
نمشيو دابا لقاعة الاجتماعات
كانو الاعضاء ديال الفرقة المغربية و الفرقة الكندية غايتشاركو فشي مهمة...
كانو جالسين مجمعين على واحد الطبلة و واحد الشخص كايشرحليهم فالداطاشوو....
داك الشخص كان هو العميد يونس
ع ي:كيما قلتليكم هاد السلااح اختارعوه فروسيااا فقط باش يستخدمووه في حالة وقوع حرب يعني للدفاع الروسي وماشي للهجوم.كاع الأعين محطوطة علييه المافياات ديال الدول الكبار بحال امريكا و اسرائيل ... بغاو يحصلو على هاد السلاح باي طريقة ممكنة باش يصنعو بحالو كايخلصو اخطر العصابات باش يسرقووه ويبيعوه ليهم.... ولكن الرئيس الروسي فلاديمير بوتين دكي حسب حسابو وكلف اخطر عصابة معروفة فالصين لي هي عصابة التشي التشي باش يحميوه ودلك بمقابل من طبيعة الحال. حناااا خدمتنا هي نلقاو البلاصة ديال هاد السلاح و نتسنااو أول عصابة تبغي تسرقو نلقيو القبض عليها.... كنضن أن المافيا علاياش كنقلب هادي سنين حاطين عينيهم على هاد السلاح... الطريقة الوحيدة باش نلقيو القبض عليهم هي نخليوهم حتى يلقاوه ويبغيو يسرقوه عاد نتدخلو ونشدوهم متلبسين فهمتووو
الفرقة:وي شاف
العميد:تقدرو تتفضلو
بداو كايخرجو واحد بواحد
كمال:العميلة خولة؟؟
خولة:وي شاف
كمال بصرامة:جيبيلي شي كأس دالقهوة للبيرو دابا
خولة:واخا شاف
مشات خولة كتهضر فنفسها(تفو على حيوان هادشي لي بقالي نيت غا نولي سخارة بففف مي والله لاديتوليه)
دخلات للبيفيط ولقات واحد البنت تماك هي لي كتكلف بحال هاد الخدمة
مشى ياسر وخلى كمال غايطرطق بلاصتو. هاد المدة كاملةفاش كانت بعيدة عليه توحشهااا ولكن ماتقبلش هادشي هو لي عمرو بغا شي وحدة حاس براسوغايطيح فهادي ولكن هي مامسوقاليهش و كرامتو فوق كولشي
خولة بصوتها المتقل المايل لتحلوين:تفضل اموسيو كمال
كمال:اا اه احم تبعيني للبيرو
مشى قدامها وهي تابعاه كتسبو فنفسها (تفو على زبل بقالي غا هاد الخرا فالحساااب)
دخل البيرو ودخلات حطاتليه قهوتو يالاه دارت باش تخرج وقاطعها صوتو
كمال:ماعقلتش بلي عطيتك الادن تخرجي
خولة زيراات يديها وصبرات وبقات واقفة
كمال كيتبهلل عليها: مالك شي حاجة؟؟
خولة مزيرة على سنانها ودايرة ضحكة صفرة:لا والو غا عندي شي خدمة ضروري
كمال: تانسالي وسيري ودي معاك الكاس نيت
بقاو كاشرب بالشويييية علييه كيتبنن كل جغيمة وهي واقفة كتحرق من الداخل وكتحسبليه شحال من جغمة دار. هو عاجبو الحال حيتاش حس براسو عصبها بغا يردليها الفقصة لي فقصاتو فاش لقاها مجمعة مع ياسر .... شوية وكمل ناض عندها مدليها الكاس يالاه جات تخرج وشدها من يديها جرها لعندو
خولة غا مصدوومة ماحاملاهش يقيصها ... هو قربليها بزاااف
كمال بالشوية:من هنا القدام نتي لي تبقاي توجديلي القهوة وتجيبيهالي
الوولف هزات يدها باش ضربني وشديهاليها: بلاماتحاولي راه غي غانفرشخ ديلمك
الوولف نترات يديها ومشات كتغلي حسيت بيها تعصباات ههه شحال زوينة تقلبي موازين القوى لجيهتك. غانخليها بوحدها تبغي تدخلني معاهم فالعصابة خاصهم يتيقو فيا ويدخلوني باش نهار يبغيو يديرو شي عملية نبيع بيهم ونشدوهم متلبسين هادي هي الخطة....
مي هادشي لاقدرنا نهربو من هاد الحبس دالزبل.
الكولة وقفات عليا:مابقيتيش كتراقبي
انا:لاجواب
الكولة:ماتقوليليش صافي استسلمتي دغيا. انا ماعارفاكش شنو شفتي مي يكون لي بغى يكوون انا عارفاك تقدري تخرجي من هنا
انا:راك تايقة فيا بزااف كتر من القياس
الكولة:اه بزاااف. خاصك غانتي تيقي فراسك
انا: خليني بوحدي شوية ممكن
الكولة ناضت تمشي:فكري مزيااان. ومشات
هاد السيدة موراها شي سر كبير مازال مافهمتها علاش كتعاوني وتايقة فيا خليني منها. خاصني نفكر فشي طريقة نخرج مايمكنش نستسلم بهاد السرعة الي سارة نتي ماضعيفاش فكري فعائيلتك اوووووف شهيق زفيييير اوووووف
نضت وقفت نفخت صدري ومشيت قصدت الوولف بكل تقة فالنفس كانت واقفة مع شي نمااادج الله يستر تاكمارتهم مانقدرش نشوف فيها مخرطيين .
انا: ماغاتيقوش . انا داك النهار كنت تعمدت نضرب العزية ونوض الحيحة باش يديونا للحبس الانفرادي والحراس يبقاو واحلين مع البنات. داك النهار فاش ضاربو الرجال مشاو الحراس منهنا للعنبر ديالهم وحتى هادوك لي كايراقبو الفوق نزلو حسبت الوقت كانو دوزو 20 دقيقة باش رجعو درت فبالي انا ربع ساعة ماكسيموم باش غايحبسو الحيحة لي نوضو البنات غطيت الكاميرة د السجن الانفرادي وحليت الصفيحة لي كانت فالارض بديك المراية لي ضبرتيلي عليها حيتاش السخونية بزاف كترخي دوك المسامر وكتصديهم وحيدتهم نزلت ولقيت واحد النفق عمودي طلعت فالسلوم وقست واحد الفوهة تما لي خرج منها الما بلامنحس بيه داكشي لاش وقع التسرب داك النهار مهم ماتسوقتش ليييه طلعت نشوف فين حنا . وتفاجأت تصدمت
انا :واش غاتهنيييو ديلمنااا من صداعكم ولا نخلط جد بوكم بجوووجات
الكولة والوولف تكمشو عارفيني فاش كنتقندش ومكنعقل على تاواحد
الوولف:صافي غاكمليلنا دابا
الكولة:اه اه
انا:واش غاتخليوني نكمل ولا لا
هما:كملي كملي
انا: مهم فاش طلعت الفووق لقيت بلي راحنا فوق سفييينة كبيييرة بزاااااااااف فوسط البحر مكتبااان تاحااجة البحر مااليهش حدوووود مابنتلي تاشي جزيرة قريبة ولا ختى ريحة الارض كاااااااع غا المااا وصااافييي ......
وكانوو الحراس كتاااار بزاااف مشتتين فوق الباطو دايرين ابرااج مراقبة داكشي مسيكيريزي مزياااان والاسلحة على الجهد من جميع الانوااع يعني ماكايناش فرصة باش نهرب ماشافونيش الحراااس لي الفوق ورجعت دغيا للسجن الانفرادي والكمالة راكم عارفينهاااا
الوولف مصدومة:دابا حنا فباطو وسط البحر 😦
الكولة:مايمكنش هادشي يعني ماعندنا كينديرو نهربو
الوولف: كيغانديرو نعرفو شمن بحر إينا بلاصة بالضبط
انا: انا شفت البحر وصافي اينا بحر فيهم الله أعلم
الوولف:شيييت كيغانديرو نعرفو داباااا تفوووو يعني ماكايناااش شي وسيلة باش نهربوو دابااا
انا:هضري غا بالشوية باش مايسمعووكش الحراس ماتنسايش را الكاميرات مراقبينا غايعرفونا كنخططو لشي حاجة خاصة أننا كنا كانضاربو بزاف ودابا مجمعين
الوولف:ماشي شغلي... ماكاينش شي حل عندك باش نهربو
انا: لااا فقدت الأمل فالهروب نهار شفت فين حنا
الوولف خنزراات فيا:وكالسة كاتستافزيني من شحاال هادي
انا:نتي لي كنتي لاصقاني ... مهم نخليكم دابا بااي.. ومشيييت
الكولة تابعاني: غا فكري عافااك
انا وقفت: فاش غانفكر را ماعندي كينديير نهرب هاد السجن مافيهش نقاط ضعف كاع و واخا تلقايهم مستحيييل تهربي من السفينة شنو تمشي عومان مايمكنش رااه فوسط البحر فالاعماااق .... غاياكلك غالحووت
الكولة: اووفففف هي غانبقاو حياتنا كاملة هنا
انا بمجرد ماكاتقال هاد الهضرة قدامي قلبي كايتقطع كانتفكر غا مالين الدار ماما لي شحاال بكاات على فراقي وبابا لي وصاني نقرا مزياان وخواتاتي لي خليتهم بلا سند بلا والو.....سهييييت فافكااري تانغزاتني الكولة
الكولة :فاش كاتفكري لقيتي شي حل؟؟؟؟؟
انا تنهدت:لااا ماكاينش الحل
الكولة:عافاك اختي ماتفقديش الأمل
انا':كتهضري بحال ابراهيم الفقي (ديديكاس منى😂😂😂) ماتفقديش الأمل الطريق إلى النجاح. يسحاابلك سااهلة. انا صافي استسلمت غانبقاو هنا بحالنا بحال كاع الناس.... تايسيقو المنظمات لي براا الخبار. وهما لي غاينقدونا يلااا قدرووو
صافي سكتنااا بقينا كل وحدة ساهية فقنت شوية سمعنا الصداااع
درت لقيتها الوولف كضاارب مع شي وحدة فالبنات ودارو بيهم. ناضت الكولة تفرج انا ماتسوقتش ليهم كلست غارقة فافكااري. شوية درت لقيت الحراس دايينها للانفرادي كاانت جاعرة بمعني الكلمة كتغوووت وكتجدب واحد اللحضة خفت تفرش بلي عرفنا فين حنااا تاضربوها بالضو وطاحت للأرض وجروهااا أما البنت لأخرى قلبوها لقاوها ماتت ماخلات فيها تاعضم صحيح جروها تاهي غالبا غايرميوها فالمااا. .....
جاو الحراس خرجوناا ورجعونا للزنازن دياالنا. انا رجعت تكيت فبلاصتي وكنراقب الحراس سيستيمهم فشكل كل ساعة كايتبدلوو كاملين متفرقيش بيناتهم نفس الطول نفس الفورمة صعييييب تعرفي الفرق....
هزيت راسي شفت فالكاميرة و كانت كتحرك ماشي كاميرة فيكس. لا دوك لي كايتحركو باش يشدو كاع القنوت..تنهدت غمضت عيني و استسلمت للنعاس.....
فقت على صوت الجرس كما العادة دخلت للطواليط طرفت وجهي وخرجت لقيت الحراس كايتسناوني خرجوني . و واحد فيهم كايحنزز عرفتو الحارس دالبارح مشيت قدامو وخرجت طرماحتي وبقيت كنلوي خخخ حالفة حتى نحمقو نوريه يديرلي فيها صنم مهم بقيت كنلوي شفت فيه بنص عين لقيتو مطرطقهوم فطرمتي يالاه هز راسو فيا وانا نغمزو بالششوويييييية بقى مدهشر فيا حتى تعكل شوييية مااطاح خخخخ وصلنا للريسطو وقف هو مورايا ولاخر مشى...
بقيت كالسة كنفكر وسهيييييت مع افكااري مشيت لعالم آخر عالم التطبيق فالخيال عندي واحد الخيال وااسع بزااف من صغري وانا معروفة بيه كنمشي بعيييد كنطلق العنان للأفكار ديالي. ....
وبغيتحدة فيهم :حاشا ولله مرحبااا بيك حنا كنرحبو باي وحدة
انا: شكرااا لك اختي انا بغيت غا نهضر معى شي حد لي غايفهمني بغيت نخوي ونفرغ عمرت نفسيتي متدهورة بزاااااف وقلت نتوما لي غاتعاونوني (بديت كنبكي بالزز) انا صراحة كنحس براسي بعيدة على ربي بزااااف اهئ اهئ كنحس براسي توسخت وبغيت نرجع لطريق الله حيتاش غرقت فالمعاصي ماكرهتش شي واحد يمد ليا يديه ويخرجني من هاد الغيس لي تورطت فيه وغرقت فيه راسي تالودنين(وطحت كنبكي)
جات عندي الكبيرة فيهم: شوفي يا اوختي لا تبكي ربينا سبحانه وتعالى مابيقفلشي باب التوبة على أي حد لساتك صغايارة توبي وعيشي لي بقاليك مين عمرك بين ايدين ربنا والتوبة تجب ماقبل.ابتيدي مين النهار دة ويالا بينا عشان نصلي العيشا ولايبقى نحضر في مجالس الدكر وندكر الله وبعدها انقوم الليل (قراوها بالمصرية القاف بلاصتها الف)
انا نضت عنقتها كنبكي مسحت دموعي وعنقتها:شكرا بزااف ختيي فرحتينيي بهضرتكانا قابلة ندير أي حاجة باش نتقرب من سيدي ربي ...
عطاوني واحد الشال و عباية لبستهم وكلست كانصلي بخشووووع وكندعي ربي صراحة رتاحيت بزااف حسيييت برااسي فرغت خويييت حسيييت بلي راني ماشي وحيييدة كاين الله سبحانه وتعالى ديما معايا ربي ماكاينسى تاشي عبد .....
سالينا الصلاة لي نفعاتني بزااااف
ومن بعد وكلست معاهم فمجلس الدكر او مذاكرة كيما كايقولولها
كانت وحدة الوسط وحنا كالسين فالارض ودايرين بيها كانت كتهضر شوية عرفاتهم عليا وعاوداتلهم انني بغيت نتوب لله كلهم رحبو بيا
وحدة غاتهضر الدارجة المغربية قالت لي : ماشاء الله عليك أ أختي مزيان لي درتي هاد الخطوة وقررتي توبي لله عز وجل انا بغيت نقولك حاجة وحدة *ومن يتق الله يجعل له مخرجا ويرزقه من حيث لايحتسب* ديري هاد الاية شعار ليك فحياتك وغاتلمسي الرحمة الالاهية شوفينا حنا متلا شوفي وضعيتنا شوفينا فين عايشين ومع دلك راضيات وقانعات بداكشي لي كتب لينا الله عز وجل مكنحسوش بالندم حيتاش حنا حاااولنا نجاهدو في سبيل الله ونرفعو رااية الاسلام فدار الكفر وكانت عندنا قضية نديروهاا واخا مانجحناش ولكن حاولنااا ولوكان تعطاني فرصة أخرى غانمشي ونضحي بروحي ونقتل أعداء الله قردة اليهود والنصارى لعنة الله عليهم الذين يفسدون في الأرض ولايصلحون ونكون فخورة وانا كنجز هاد المهمة الالاهية.......
بقيت انا غير مصدومة من هاد السيدة وكنتساءل كيفاش ممكن شخص يتغسل ليه دماغو بهاد الشكل راه بزااااف.......
كانت كتهضر بواحد الطريقة عدوااانية بزاااااف ...
تساءلت واااش دابا الله خلقنا باش نتقاتلو بيناتنااا نقتلو بعضياتنا ولا باش نهديو بعضياتنا ونتسااعدووو كلنااا واش نسات الآية لي كتقول *لا اكراه في الدين * و *انا ارسلناك رحمة للعالمين* بففففف هاد الناااس باينة فيهم تستغلو مساكن من طرف الإرهابيين باش يقضيو أعراضهم تحت راية الإسلام منها يوسخو صورتو فالعالم أو منها يوصلو لداكشي بغاااو..
مهم من طبيعة الحال هادشي كامل قلتو فنفسي وانا مبتسمة حيتاش يلا عرفوني كنفكر بحال هاكة غايقتلوني لا محالة.....ولكن انا صراحة باقة محتاجاهم داكشي علاااش خاصني نكسبهم بما أنهم دماغهم ديجا مغسول غاتسهاال عليا المهمة ......
بقات البنت لي الوسط كتهضر بداات بدكر اسم الله شوية بداات كتوصف لينااا مدى عظمة الإله ورحمته وخلاتنا نحمدو الله على نعمووو لينااا......
فكروني هاد البنات غا بدووك الخيماريات لي تايكونو فلافااك فأول عام ليا جات عندي وحدة بقات كتهضر جيت نناقش معاها وهي تلف خخخخ لقيتها غا حافضة داكشي وكتعرضو عليا بحال شي آلة وقالتلي نمشي معاها للمسجد دلافاك .... رفضت من طبيعة الحال ..
نضنا قمنا الليل كل واحد كايصلي بوحدو انا حيتاش ماحافضاش السور الكبار هزيت المصحف كنقرا منو.....
حتى جاو الحراس وداونا للزنازن طول المدة لي كنت معاهم كانت الوولف والكولة غا كايتفرجو فيا شوية حسيت بيهم كايقربو لجيهتنا يسمعو شتانقولو ....
الوولف بقات غا حاضاني اش كانديير واش كنقووول وهي مصدوومة فيا والكولة مافهمااات والو من داكشي لي درت... مهم انا نكرتهم بحالا مكنعرفهوومش....
غمضت عينييي وترخيييت نعست ...
فقت فالصباح على صوت الجرس عاوتاني ديماااا كانفيق مخلوووعة وقلبي كايضرب وكنترعد حسيت بيدي تنملاات ليااا بقيت شحال كنتسناها تبرد حتى دخل عندي الحارس الزلاال عاقلة عليه غا بعينيه طلعتو وهبطتو ابتسمت ليه ابتسامة معيقة وغمزتو مشيت دغيا غسلت كماارتي وخرجت تبعتووو للريسطو
الوولف باقة كتخنزر فسارة وهي كتقول فنفسها(غانبرد دابا لمصلاااحتي ولكن غا نخرجو من هنا أول حاجة نديرها غانقتلكم بجوووجات. غانتلدد فالقتل ديالك الowl مازال ماتولدات هادي لي تحدااني وتهددني) دارت ضحكة جانبية شريييرة....
نمشيو عند البطل دياالناا اليوم الاحد فاق ياسين العلمي بكري خرج يجري كالعادة فالغابة لي حدى القصر ديالووو بقى اكتر من ساعة وهو كايجري رجع للقصر دخل مع الدخلة جات خدامة كتجري مدات ليه كاسو دعصير الليمون شربو وطلع لبيتو الفوق لقى 2 خدامات كجمعوها ليه .... داز من حظاهم بحالا ماكايناتش حيد التيشورت ديالو لاحو فوق الناموسية ومشى فاتجاه الدووش. ....
بقااو الخدامة غا متبعيينو بعينيهم لي خرجو من بلاايصهم تادخل
الخدامة1 : ويلي ويلي ويلي على فورمة عند هاد الرجل عمري شفت بحاااال هاد الجسد من قبل فحيااتي ....
الخدامة 2 باقة كتشوف فالباب دالدوش:نااري انا دبت فبلاصتي. ... شفتي على صدر عندووو على عضلااات وداك الوشاام ليداير مع عرقااان ااححح جا فسر
دادا حليمة وقفات عليهم: تبارك الله على لاليااتي شادين الناب وناشطات ياكما نجيبليكم شي زريعة ولا الدرة . ا دوي أ
هما نقزو من بلاايصهم فاش شافوهاا يالااه جمعو البيت دغيا وخرجو منهنا ..
مشااو كاينظفو الشومبر وهي مراقباهم تاكملو. ..
خرج السي ياسين من الدوش لاوي عليه فوطة وكايقطر وكاتضرب منووو وااحد الريييحة واااعرة الخدامات وحدة هازة الوسادة وحالة فمها فيه ولاخرة كانت كتكرط حبسااات وبقات غا حاضاه مشى للبلاصة فين تايبدل كاينة غا فبيتو عبارة على بيت صغير كوولووو حواايج وصبااابط داكشي مستف كل حاجة فبلاصتها
دادا حليمة قرصات الخدامة لي كانت كتسيق:ايوى الله يمسخكم
نزل للتحت وخرج من الباب لوراني ديال القصر بقى غادي فالجردة تاوصل لواحد المخزن تمااك كولو زااج على شكل مرااية كتشوف غا راسك من برة مي مالداخل كتشوف كولشي جااااا واحد الكليب صغيير تمااك كايجري لعندووو وكاينبح
دخل للداخل داك المخزن كان على شكل برطمة صغيييرة..... تصمييمهاااا كان زوييين بزاااف
كااان فواحد القنت بيرو متوسط الحجم بكرسي ديالو وكوزينة صغيرة فالقنت والدروج طالعين للفوق فين كاينة ناموسية داكشي بسييط ولكن واااعر بزاااف
كلس فالبيرو هز قلم وبدى كايرسم. لااا ماشي الرسم دالرسم دالفن نننن هو بدى كايرسم خطة للعملية الجاية....
عند ساارة
جرات الكولة الوولف لبعيد وبقاااو كايهضرووو
مشيت انا عند البناات وهي تقولي وحدة فيهم
البنت:ياكما كايتعداو عليك
انا:ماتخافيش وقفتهم عند حدهم *فنفسي*(نجحاات الخطة البسيطة ديالي تعمدت أنني ندير مع الوولف داك التصرف حيتاش رديت البال للخيماريات كانو حاضييني ودرت هاكاك باش نبينليهم بحالا كنااا كنضااربووو ماخصهمش يعيقو بلي راني معاهم خاصهم يتيقو فيا خاصني نكسبهم باش يعاونونا ننقالبو على الحراس اختاريتهم ماللول حيتاش بانولي كتار بزااااف وغانغلبوهم لاتحامينا عليييهم كاملين زيد عليها هما ماعندهم مايخسرو يقدرووو يديرو اي حااجة حتى انهم يقدرو يضحيييو بحياااتهم وماعندهومش مشكل...
دتكشي لاش انا ختاريتهم ماللول . غانستغل هاد البوان فيبل ديالهم باش نخرج من هنا... السجينات لاخرين مافكرتش فيهم حيتاش ماغايبغيوش يضحيو براسهم على قبل شي وااحد غايبغيو تاهما يخرجوووو منهنا ويقدرو يعيقو ويفرشونا دابا بقى أشكال واحد وهو كيغاندير نقنع الخيماااريااات باش يضحيو بروووسهم على قبلي. صعييييبة شوية مي غانلقى الحل ضروووري )
قاطعااات تفكيري البنت:اختي هاكي هاد العباية والشال لبسيهم باش نصليو
هزيتهم لبستهم ومشيت
صليت معاهم الصبح وكلسنا كندكرو الله. طاحت علياااا واحد الفكرة فشكل
بقيت كالسة فالمدااكرة كانسمع للبنت لي الوسط كمااا العادة.... هضرااات على عرش الله سبحانه وصفاتوولينا و وصفاات لينااا جبريل عليه السلاام كيداااير و وصفاتلينا الجنة و حووور العين والغلماان. .. مهم صراحة استاافدت بزااااف من هادشي لي كانت كتقوول.
هما تجمعو. انا غانعاودليكم قصتي دابااا و واحد الغكرة طاااحت عليااا وشنووو باغة ندييير
البنات: تفضلي اختي في الله خودي راحتك هاحنا كانسمعووو ليييك
انا:مهم باسم الله الرحمان الرحيم ...نقدمليكم نفسي
انا سميتي امينة الراجي كبرت فوسط عائلة على قد الحال ساكنين فاكادير اصلي سوسية (تحية لسواسة😍😍) كنت كنقرا عادي شديت الباك ديالي ودفعت لواحد المعهد قريت فيه عاماين وخديت ديبلوم ديالي دالفندقة وخدمت فواحد الاوطيل كبير فاكادير.....
دلياك الفندق صدق ماشي اي فندق عادي وإنما عرين الشيطان فيه كنت كنشوف مختلف أنواع المناكر والمعاصي لي ممكن طيح على بالكم كنت كنضطر نقدم الخمر للنصارى و المسلمين الفساق لي ماواخدين من الاسلام غا السمية كان العرا والفساد غا مشتت اخواتي في الله . واحد النهار كنت كنسربي واحد الكليان طلب الاكل لبيتو....
دخلتليه الطبلة دالأكل واناكنحط ليه الماكلة فوق الطبلة بقى كايشوف فيا شي شوفات ماشي تالهيه كايشوف لي فسيقاني لي كانو معريين حيتاش كان مفروض علينا نلبسووو لباس مقزب..... كان عبارة على جيب قصييييرة فالكحل معرية كتر مامغطية و شوميز بيضة بلااا كمااام وكنت طالقة شعري.......
ناض دغياااا غفلنييي وشدلي فيدي ...
انا: ناض دغياااا غفلنييي وشدلي فيدي . مادرت حتى شي ردة فعل كان خاصني نصبر عليه حيتاش كان كليان مزيااان لاوطيل هو شخصية مرموقة من ايطاليا كايجي كل عام يدوز العطلة ديالو... حتى ولا معروف هنا كولشي كايحتارمو. ...
البنت 2:قدر الله وماشاء فعل... صافي البكا ماغايديرلك والو
البنت1:كمليلينا اختي باش يلا كان فاش غانعاونوك نعاونوك
انا فنفسي (مزيااان خاصني نكسبهم من الناحية العاطفية و نحاول نعطيهم سبب مقنع لي يخليهم يعاونوني. ولكن دابا تبلوكالي الدماغ شغاندير اووف سالاو لي الكدوب وماعرفتش شمن سبب بالضبط ليغايقنعهم مالقيت مانقول خفت نهضر ونخربقها مازال مامرتبة افكاري وهاد البنات ماخصنيش نضيعهوم عطيتهاا غا للبكاا ) تاقالتليهم وحدة: يابنات خلوها للبينت تيرتاح شواي نفسيتها متدهورة ... شوفو ويشها كولو اصفر
انا جاتني على كانتي وزدت فالوتيرة دالبكاا بقاو كايحاولو يسكتوني تاحبست ولكن درت فيها فيا الدوخة وجاياني السخفة..
جات وحدة فيهم كتقرا عليا القرأن وحاطة يديها فوق راسي. غمضت عيني وكلست كنفكر بففف تبلوكا ليا الدماغ. شنو الحاجة لي غاتخلي هاد البنات يعاونوني شي حاجة تقنعهم باش يعاونوني نخرج بففف فكري اسارة فكري.....
مابغيتش نزيد نضغط على راسي اكتر....
جاو الحراس رجعونا للزنازن مشيت تكيييت عمري تخايلت راسي شي نهار غانمتل بحال هاكة ولا غانافق شي حد ماكنتش كنبزز على راسي شي حاجة ماحملتكش كانبين ليك بغيتك كانتعامل معاك مزيان. دابا وليت كنحس براسي غا كانافق لا مع الوولف لا مع الكولة والا حتى لبنات. غادة وكنتبدل حتى أنني تجرأت و بقيت كنتغزل بالحارس هادي آخر حاجة كانت طيحلي فالبال فين سارة لي ماكانتش كتسوق لتاشي قرد وليت دابا كنتزلل على الرجال صراحة عفت راسي ..مي ماعندي ماندير ... خاصني نخرج من هنا ....
كنفكر نهار نخرج نتخلا على هاد المهمة فخطرة ...
حيتاش يلا كملت كنحس براسي غادة وكنتبدل غادة وكنتعقد غادة وكنقتل المشاعر لي فياااا فخطرة غادة وكانولي باردة. بالصح دابا وليت كنعدر دوك الجنرالات و رجال الأمن وحتى العساكرية على ديك بروودة الدم لي فيهم و قلة المشاعر والوحشية أن صح التعبير..... هما ماكانوش هاكاك مي تحولو بلا مايحسو لهاكاك. ..
بففف مشى بيا التفكير بعييد تاني... خاصني نفكر فشي طريقة نقنع بيها هاد البنات ... ولكن بحالاش متلااا....
تكيت وبقيت كنفكر غرقت فالافكاار ديالي..تاغفيت
صونا الجرس فقت لقيت الحارس كايحل الباب بالبصمات ديديه كانت كل زنزانة كتحل بهاكة وكل زنزانة ب2 حراس خاصين بيها كايتناوبو هاكا كايخدمو دخل عندي انا نضت شفت فالحارس كان هو نفسو دخلت دغيا غسلت وجهي ورجعت عندو شفت فيه بطريقة سيكسي دزت من حدااااه تاقربتليه حدا ودنو درت راسي بحالا غانهضر سطت ليه فوق الماسك فودنو وزدت خرجت لقيت لآخر كايتسناني وتبعوني تاوصلت للريسطو كلينا وخرجنا للقاعة نرتاحو .. غمزت الكولة جات لعندي
انا:أري دوك النضاضر بلا فرشة وقلبي الدورة
الكولة مداتهوملي بالخف ليدي:هاكيهم بالسلامة
انا:تهلاي.
كملت لعند الخيماريات :السلام عليكم اخواتي
هن:وعليكم السلام ورحمة الله تعالى وبركاته
البنت1:كيوليتي أختي شوية لاباس
انا:اه الحمد لله والشكر له. وليت مزيان
البنت 2: ايوى جلسي نداكرو شوية و ندكرو اسم الله عز وجل باش نوضو نصلييو
البنت1 :كمليلنا اختي قصتك ماكملتيهاش قبيلة
البنت2:نخليو الاخت ترتاح
انا قاطعتها:لاماكاين تامشكل انكمليكم
مهم داك السيد تعدى عليا ديك الليلة بوحشية وهلكني بالعصا تامابقيتش قادة نتحرك ولا نوض...
فاش صبح الحال عيط على شي رجال نزلوني لواحد البلاصة للتحت فلوطيل عمري شفتهااا كااع .....
كانت على شكل بيسين الوسط ودايرين بيه طبالي وكانو شي غرف صغااار للداخل دخلوني دوك الرجال لوحدة فيهم وسدو عليا. كان كل ليلة كايجيني عندي شي حد يغتاصبني....
واحد النهار دخل عندي واحد الرجل مارس عليا بوحشية ونعس بكترة العيا.... كان خلا الباب محلول انا نضت وخرجت بالشوية .... كنت كنسمع الصداع بزااف والغوات دالبنات. .. خرجت من نفس الطريق مناش دخلوني النهار الأول. مشييت لجيهة المطبخ وخرجت من الباب الكوزينة منين تايخرجو الخدامات مشيت نيشان للبوليس شكيت ليهم ولكن ماكاينش لي داها فيا بمجرد مادكرت اسم الفندق دخلوني للسجن يوماين وخرجوني.
مشيت نيشاان لدارن لقيت ناس جداد كراو بلاصتنا وعرفت بلي مالين داري رحلووو وتخلااو عليا تمااك عرفت بلي مابقى عندي مانخسر. بقيت كندووور فالزناقي وليت بحال شي متشردة كنطلب الناس وكناكل من الزبالة .. واحد النهار تلاقيت بداك الحيوان لي اغتاصبني اول مرة هجمت عليه بالحجر وشدوني من بعد لقيت راسي جيت لهنا..
تال واحد النهار لقيت راسي هنااا....
ماافهمت والوو ..... انا مايمكنش نعيييش حيااتييي كلهاا هنااا .... خاصني ننتاقم .....بغيتكم تعاونوني نخرج من هنا باش نرجع لداك لوطيل وندير شي حاجة كترضي الله(حسيت بيهم تعاطفو معايا كاين لي بكاو كاع 😈). بغيت نموت شهيدة أ اخواتي بغيت نطهر روحي.
وحدة فيهم: غي امرينا وحنا غانساعدووك بقيتي فيا بزاااف . نتي تضلمتي فحيااتك ...مايمكنش نخليو اختنا في الاسلام بوحدها...
انا:شكرا جزيلا البنات. ..حنا غانموتو شهيدات في سبيل الله.. . ربي غايجازيكم على هاد الخير لي غاديرو فيا.
وحدة اخرى:كوليلنا بعدا الخطة ديالك باش نعاونوك ونعرفو شنو نديرو
انا عاودتليهم على الخطة
البنت:اممم مزيانة صافي حنا غانعاونو أختنا فالله بأس ترجع حقها ربي ماكايبغيش الظلم حنا غانعاونوها باش تمشي تطهر داك المكان وتطهر حتى روحها معاه حنا غانعاونوها في سبيل الله قابلين اخواتي
البنات:قابلاات
انا فرحت حيتاش تقتانعو دغيا. ماكلفوونيش بزاااف غا شوية دالعاطفة والدين. أي واحد كاتجبدليه الدين كاتلويليه يدووو مكايقدرش يشك فيك ولااا يقوليك لااا ولا يعارضك. نن كولشي كايجي من جيهتك. . لدرجة ولااو الدين تجارة مربحة كايستافدو منها الشيووخ الكباار سواعدة التجااار الفقهة حتى من السياسيين كايخدمووو الدين شحال من حاجة ولات كتدار تحت غطاء الدين واخااا لا علاقة بيه.... خاصة فالسياسة وهدا موضوع اخر هههه..(خاصو قصة بوووحدووو اححح شحال من فكرة طاحت عليا)...
مشينااا صلينا الصبح و ادكرنا الله شوية فمجلس الدكر...
راجعنااا الخطة ديالي وبقينا كنتحدتو حتى صونا الجرس
صونا الجرس مشينا نتغداو ودخلنا للزنازن ديالنا.. مشيت دخلت للطواليط هي الوحيدة لي من الحديد ومافيهاش كاميرة جبدت دوك النضاضر حيدت الزجااج شديتهم بجوج بقيت كنمضيهم هههه اختراع السلاح الأبيض....
جبدت ليبرة لي سرقت للطبيب خخ عقلتو عليها تاهاديك سلاح ابيض حشيتهم شي فالسليب شي فالسوتيان المخبأ السري ...
هاد السيدة مخبية شي حاجة عليا... عنداك تقولبني تستاغلني وتهرب هي وتخليني انا هنا...
ماخصنيش نتيق فيها .. اول حاجة انديرها مور مانعرف الخطة ديالها هي غانقتلهاا ضروووري ... ماشي فصالحي يعرفها البوص ولا يعرف بدكاءها غادي يبغيها تولي معاهم وغايتخلا عليا انا. ... لا مايمكنش يتخلا علييااا غانقتلها قبل مايشوفها...
(كاع هاد الأفكار كانو كايتضاربو فراس الوولف كانت كتقولهم وهي كتشوف فسارة شووفااات دالغدر )
صونا الجرس وصل وقت العشااا تبعت الحراس تاوصولي للريسطو ومشى الزلال بقى لاخر مالقيتليهش نقطة الضعف .. تعشينا ودخلنا للقاعة غمزت الكولة وجات عيني كلتليها شي حاجة فودنها وزدت هادشي كااامل داز تحت مرأى الوولف لي كانت حااضاناااا من بعيد وكتخنزر ههه
مشيت عند البنات كما العادة صلينا العشاء ... وكلسنا نداكرو انا شفت فالكولة لقيتها كتهضر للحارس فودنو جرهااا ومشاات معاه
عند الكولة
مشاات تابعة الحارس تالعند مكتب المدير
الكولة:السلام حبي توحشتك
مشات عنقاتو دورات يديها على عنقوووو
المدير شدها من خصرها جرها لصقها معااه وباسها ف فمها دغيا حيد:شي جديد على دوك الجوجات لاش كايخططو
الكولة:دابا نقوليك ولكن شنو المقابل
المدير قربليها :اممم تانتي وليتي تطلبي المقابل
الكولة بغنج:اه مالي مانستاهلش
المدير:وشنو بغيتي
الكولة:الحرية بغيتك تخرجني من هنا
المدير :هاهاهاههههه😂😂😂 ضحكتينيي من نيتك ...واش عرفتي شحال تخلصت باش تشدي هنا وماتعاوديش تخرجي
الكولة: واش فراسك يلا هربو دوك البنات ماغاتبقاش تشد تاريال حيتاش السجن ماغايبقاش مجهد غايوليو عندو نقط ضعف وحتى الشرطة الدولية والمنظمات الحقوقية غايعرفوه فين جا وانتا غاتغرق
فقت الصباح على صوت الجرس الحارس الزلال هو لي حل الباب دخلت للطواليط قضيت حاجتي و غسلت كمارتي توضيت باش نصلي مع البنات خرجت عندو مخسرة كانفيق ديمااا معصبة. ...
خنزرت فيه وخرجت تبعت لآخر كنت غادة بيناتهم واحد قدامي و واحد مورايا. وصلنا للريسطو فطرت عاد صحصحت. ..عاد حسيت براسي بنادم....
هي:امم واخا (جبدات واحد التيمومة صغييرة من تحت العباية.ومداتهالي تحت الدف) هاكي هادي بلاماتعيقي
انا شديتها ومشينا كلسنا تيممت ومشيت خديت العباية من وحدة فالبنات صلات تا سالات وعطاتهالي وهي لوات عليها شال طويييل. ..
مشيت صليييت دعيييت لربي تنجح الخطة ديالي وطلبت منو السمااحة على هاد الدنب لي ارتاكبت ... بقى فيا الحال ماحملتش راسي ولكن خاصني نصبر
كملنا بقينا كنداكرو راجعنا الخطة واستادنت منهم خاصني نهضر مع الوولف
نضت قلبت عليها لقيتها فواحد القنت مع نفس الكمامر دالزفت عيطتليها بعيني وماتسوقاتليش دارت راسها ماشافتنيش
بففف مشيت تال عندها ووقفت جات وحدة فالبنات وقفات بيني وبينها وقرباتلي وجهي فوجها (هاد السيدة ليزبيان كنشوفها بزااف كتغتاصب البنات بالزز وماحاملاهاش طايبة عليها يصحابلها راسها صعصع زمانه)
خنزرت فيها قلتلها: حيدي من قدامي ولا
هي زادت قرباتلي تاكنحس بانفاسها فوجهي :ولا اش
انا: ولا نرفع ديلمك
هي ضحكات بالجهد:شي *وية ونحيد من قدامك
انا القرودة كاشطحولي فوق راسي شديتها بيد وحدة من عنقهااا ودفعتهااا بقيت دافعاها تالصقات فالحيط خنقتها مزياان قسحت يدي وصبعاني وزيرت عليها وبقيت كنهزها بالشوييية تاحسيت برجليها مابقاوش كايقيسو فالأرض . بكترة ماعصباتني ماحسيت بواالووو. ..
الوولف واقفة كتفرج فيا هي والبنات...
بقيت هازاها وهي كتقاوم بيديها وكضربني لوجهي وتقمشيني فيدي والو لا احسااس لا ضميير خليتها تالدموووع طاحولها من عينيها بالزز وعينيها خرجو من بلاصتهم ....
شوية حسيت بيها كترخا وانا نطلقها غا رخيت منها وهي طيح فالارض كتغوت كتكح بالجهد شوية بداات كترد تماك تاقربات تخرج روحها من فمها....
الحراس كما العادة مامسوقينش..
درت عند الوولف لي كانت مربعة يديها وكتشوف
جريتها من يديها تالواحد القنت ... تنترات مني
الوولف: مالك جاراني خدامة عند باك
انا معصبة:تعاودي تجبدي با نفرعك انا.. عيطتليك باش نقوليك على الخطة ولكن نعلبو هادا لي يدير راسو فيك سيري تقاودي كااع(درت باش نمشي)
الوولف شداتني من اليد باش هزيت ديك الخرية وتقسحت : بلاتي سايني شنو الخطة
انا:سمعيليا. .. فاش ينوض الصدااع عند الرجال غانمشيو كتر من النص دالحراس عندهم غايبقاو هنا غا المسروليين ... انا ماغانكوونش وحتى الكولة ماغاتكونش نتي لي بقيتي لينا غاتضاربي مع شي وحدة باش يتلهااو معاك الحراس غاتخليها ضربك مزيان باش يديوك للطبيب ... تمااك غادي ندووز علييك والكماالة من عندي ماتخمميش.... اشنو كلتي. تيقي فيا غانخرجكم من هنااا ...
صونا الجرس مشينا تغدينا ورجعنا للسيلول دخلت خويت عليا سطل دالما. غسلت ملابسي الداخلية حكيتهم مزيان و عصرتهم مزييياااااان.. لبست العباية دالبنت وخليت داكشي كايضربو الريح نشرت السوتيان والمايو وتكمشت فبلاصتي تغطيت و تكيت كنفكر.
رجعت بالداكرة اللور. اخير مرة ضاربت فيها مع العزية نهار طلعت فوق السفينة.....
الوولف كانو جابوها فاش كنت فالسيلول يعني مور الغدا مور العشا هجمات عليا العزية فالقاعة...
دوزت فالسجن الانفرادي الليلة كاملة ... فاش فقت خرجوني الحراس نيشان للقاعة تما فين تعرفت على الوولف وطلبت للكولة المراية مور العشا لي عندنا استراحة عطاتلي الكولة المراية وضاربت مع العزية ااااه تمااااك فاش طلعت لفوق السفينة .... نقزت من بلاصتي ياااااسس فهمت دابا فاش طلعت الفوق كانت الشمس مطنطنة يعني العشية.لعبولنا الحمير على اوقاات الأكل والنعاس باش مانعرفو النهار مالليل كانو كايعطيونا العشا وقت الغدا وكنخرجو للساحة فالعشية (لي كان كايسحابلينا الليل) وكنعسو تال وقت العشا كنفطرو وكنمشيو ندوزو الليل فالقاعة كانو كايعطيونا استراحة طويلة مور الفطور يعني كنقصرو بالليل سهرانين تاكايصبح الحال وكايعطيونا الغدا (فالصباح)وكانمشيو للسيلول كايسدو علينا كنقول كيفاش دغيا كايعطيونا نتعشاو عاد فهمت داباااا العشا هو الغدا والغدا هو الفطور والفطور هو العشا... اووووفف هادشي كايدوخ اممم مزيان اسارة مزيااان مزياان برافووو....
دابا غايكون الصباااح.... ...
مهم بقيت متكية تاصونا الجرس نضت دخل عليا المزمول مشيت غسلت دغيا ورجعت تحشيت تحت الغطا هزيت السوتيان من فوق الطبلة وهو كايشوف لبستهم تحت الغطا وهزيت المايو ولبستو تاهو تحت الغطااا. وانا كنشوووف فيه... هو كان غا حابس راسو حيتاش عندنا الكاميرات فالسيلول ...
ساليت وسبقتو لقيت لآخر كايتسناني سد المزمول الباب وتبعني ماللور كما العادة هاد المرة مشى المزمول و بقى معايا لاخر كلست فالريسطو كنتعشا (لي هو غدا فالاصل) وخرجنا من بعد للقاعة ...
المدير: حنا فوق باطوو ف المحيط الاطلسي حدا المغرب تقرييبااا (تهنيتي اسناء دابا خخخخخ هاهي حدا المغرب) هاد السجن انا لي ابتاكرتو انا مول الفكرة ماعمر شي واحد طاحتليه هاد الفكرة فالراس وماغايقدر يهرب منووو تاواحد خاصة لا كانت بنت و برهوشة من الفوق ...
الكولة : ديك البرهوشة راه طلعات تال سطح السفينة بلاماتحسو بيها
المدير:يلا بغيت نقدر نقتلها فأي لحضة ونسالي الزمر كامل
الكولة: ههه خفتي لاتلقى شي طريقة تهرب
المدير خنقها:هي ماغاتلقى تاشي طريقة. ديك القضية ديال السجن الانفرادي غا ثغرة بسيطة وسديناها. ماغاتقدرش تهرب
الكولة:كح كح طل...ق من...نيي
طلقاها وبداك كتكح : كح كح كح... اوووف .. شوف انا لي نقوليك راني متأكدة غاتلقى شي وسيلة باش غاتهرب ... انا بغيت غا نعاونك باش تخرجني تانا منهنا..
المدير مسح على شعرو : غادي ندييرو واحد الخطة نتصداااو لخطتهااا هي
انا: من بعد وغاتفهمووو ... لمهم نتي عرفتي شي حاجة من المدير على الصداع عند الرجال
الكولة:لاماعرفت والو
انا:بفففف دونك غايخصنا نكونو على استعداد فأي لقطة ينوض فيها الصداع غاديرو داكشي لي قلتلكم بالحرف...
الكولة:انا ماقلتيليش.
انا:تال تماك وتعرفي
الكولة:ماكاتيقيش فينا؟
الوولف:داكشي لي بانلي تانا
انا:راسي وماكانتيقش فيه ولكن نتووما مفروض عليكم تيقو فيااا....انا غانخرجكم من هنااا تخمموش
الوولف: فوقاش غانضارب مع ديك ختنا.
افاشنا: نعطيك الإشارة غاتكلسي دقيقة بالضبط عاد غاضاربي معاهاا تفاهمنا؟
الوولف:اوكي هاحنا غانشوفو هاد الخطة ديالك...
مشات الوولف وبقيت انا والكولة
كانت كتشوووف فيااا شوية ونطقات
الكولة:علاش مابغيتيش تقوليلنا على الخطة كاملة
انا كنهضر ومراقبة الحراس :حيتاش مادايراش شي خطة معينة ... انا قلت الوولف شغادير و حتى الخيماريات هادشي لي فيكس هاد الساعة. داكشي لآخر يقدر يتبدل على حساب.. مهم غانرتجل من بعد...
الكولة:ماكاتيقيش فينا
انا:فراسك داك بنادم لي كايبقى يسولني واش مكنتيقش فيه وكايبغي يعرف شنو تحت راسي.. هاداك بالضبط هو لي كنبقى شاكة فيه.. أما لي متأكد من راسو ماكيسولش حيتاش عارف راسو شنووو سأوي...
الكولة تزنكات : ااه فهمتك شنو باغة توصلي ميساج وصل
انا:هه لا مكنضنش واش غاتكوني فهمتيني نتي راه كنتيق فيك الوولف فيمن مكنتيقش نهائيا
صونا الجرس كل وحدة تبعات الحارس ديالها لتاحقنا بالسيلول ديالنا. هادي دابا العشية غاتكون ديك الربعة ولا الخمسة ولا الستة كااع .. بقيت كنفكر فالخطة ديالي فاش غاينوض الصداع عند الرجال غايمشيو النص الكبير دالحراس غايبقاو غا المسرولين والمزمول انا غانجر المزمول للطواليط دالحراس وغانعطي إشارة للوولف فاش غاتضرب غايديوها للطبيب انا غانتلقاليها تماك والكولة غاتكون مع المدير التحركات ديالو غاتوصلهالي كاملة ...
الخيماريااات الدور ديالهم غايبداا من بعد.. الخطة غانبقى نبدل فيها على حساب ردة الفعل د المدير... انا حاسة بلي غانجحوو وغانهربو. ديك الوولف خاصني نحضي معاهااا مزياان
بقيت فكرة كاتديني لفكرة ماجانيش النعاس نضت لقيت الضواو طافيين الكاااالم وكولشي ناعس عرفو يوهمونا بلي الليل هادااا .. كانو غا الحراس لي فايقين تكيت تانا نعس باش ملي تنوض نكون موكضة و نعرف شنوو ندير...
تكيت ومشيييت لعالم آخر
نقزت من بلاصتي مخلوعة تاني صوت الجرس نضت تهزيت من بلاصتي قضيت حاجتي غسلت كمارتي وخرجت تبعت الحارس للريسطو فطرنا (دابااا غاتكون 00 ولا 01 دالليل ) وخرجونا للقاعة
مشيت عند البناات كلست معاهم شوية تاحسينا بالزلزاال والصداااع نوضوها الرجال عاوتاني الحرااس مشااو كايجريو وانااا مصدومة بففف ماشي وقتو هادا الليل دابا شفت فالبنات ناضو قلتليهم يكلسو
انا: ماشي دابا غا كلسوو
شفت فالوولف لقيتها حاضاني حركت وجهي ليمن وليسر بمعنى لا ماشي دابا... هادي 100% شي خطة من المدير باش يجربناا. اصلا واخا نبغيو نهربو الليل هادا مايصلاحش
درت شفت فالحارس المزمول حاضييني بيمعنى يالاه ..
درت راسي ماشفتوش وقلبت وجهي بقيت حاضة التصرفات دالبنات تخلعوو ولكن واخا هاكاك بغاو ينوضو مزيان هادو مضمونين الوولف تاهي كانت كتسنى الإشارة ... تاهي مزيان بقى شخص واحد الكولة درت كنقلب عليها لقيتها جاية لجيهتي
نضت دغيا مشيت لعندها
الكولة:مافهمتكش هاهما الرجال نوضوها شنو المشكل
انا:مازال مارشقاتلي
الكولة:اوكي
مشاات ورجعت انا عند البنات ...
انا: كيما قلتليكم صافي
البنات : واخا
درت شفت الكولة كتهضر لواحد من الحراس فودنيه وجرهااا تاخرجو ها واحد نقص وقفت مشيت لجيهة المزمول شفت فالوولف وغمزتهااا بقات جاية بالشوية تاوصلاتلي
انا هضرت بلا مانعيق بلي هضرت للكاميرة: من هنا دقيقة بداي
وزدت لجيهة الحارس جرني دغيااا للطوااليط
دفعني تالصقني مع الحيط قطعلي التيشورت مالفوق هز القناع فوق فمو وبقى كايبوس فعنقي بوحشية .
انا خليتو على راحتو واخا عفتووو. حليتليه السنسلة دالكسوة دالحراس ونزلتهاليه وبقى غا بالسوفيطمون و السلاح باقي معلق دفعتو عليا وضورتو لصقتو انا مع الحيط وبقيت كنحل ليه السمطة دالسروال حيدليه الكسوة كاملة تابقى غا بالبوكسر حيد اللبسة من على رجليه ورد السلاح اللور مور ضهرو وطاح عليا كايبوس فوجهي حشيت يدي فالسليب شاف فيها ضحك ورجع كايبوس يسحابلو سخنت و كانمارس العادة السرية... هزيت لبرة بالخف وحشيتهالو مور عنقوووو
غوت بالجهد ولكن مع الصداع لي كاين ماكاينش لي غايسمعو...حط يدو على ديك البلاصة حيتاش بقى الدم كايسييل لييه حشيتهالو اللور مابين عندو وراسو....
شفتو مد يديه باش يدور السلاح ....
زطمت ليه على رجلو ودفعتو فنفس الوقت تعكل وطاح على ضهرو اي على السلاح و تكيت عليه شديتليه يديه بيد و جبدت الزاج دالنضاضر من صدري ودوزتوليه بالخف على عنقو حيديتليه القناع دغيا قبل مايتقاس بالدم وخليتو كايفركل كايضرب والدم كايطفش منو. قطعت السمطة دالسلاح بالزاج وهزييتوليه ضربتو ضربة وحدة للراس بالسلاح جبتهاليه فجبهتو هادشي داز دغيا ماحسيتش براسي تاقتلتو بقيت كنترعد هو صافي مابقاش كايفركل .....
عند الوولف مور ماخرجات سارة بقات الوولف شوية ناضت عند العزية لي كانت مقنتة كما العادة غفلاتها ونقزات عليها بقات كضرب فيها العزية مافاهمة والو غا كاطاكي بيديها شوية تابداات الوولف كتخفف والعزية هزات كضربهااا.... طيحاتها للارض وتكات عليها بالدق والبونياات. جاو الخيماريااات فكوهم وبقااو كايرفسووو فالوولف تحاماو عليها تاسخفوها تدخلو الحراس فرقوهم وقلبوها لقاوها باقة عائشة وعامرة دمايات جروها 2 للطبيب ....
هاهما نقصو جوج .....
وقفو الخماريات كايتغامزو شوية كل 3 مشاو جيهة حارس بالشوية شوية نقزو عليهم دغياااا كايضربوووو الحراس عاقو بيهم وبداو كايضربو بالسلاح عالله غا فين ماجات هي هاديك ... الخيماريااات كايغوتو الله اكبرررر الله اكبررر الله اكبررر و هجمووو على الحراس لي بقاااو واخا كايتضربو بالقرطاس كايقاومووو ويزيدوووو يضربووو....
طيرات وحدة فيهم السلاح لواحد الحارس قتلاتو وبقاات كتضرب فلاخرين البناات خاافو وتكمشووو ...
كل وحدة من الخيماريات هزاات السلاح لواحد وتاجهو ناحية العنبر دالرجااال لقاااوها مرونة تماااك خبط مابين الرجال والحرااس غا كايضربو فيهم هجمووو علييهم البنات ماللور بقااتو غا كايضربووو بالسلاااح قتلووو النص فالحراااس نقصوو عليهم.... الرجاال شافوهم كايقتلو فالحراااس وزاااادوووو جعرووو نااضوووو كايضربووو الحراس وسرقولهم الاسلحة وتقلبااات المعركة لصاالح السجناااء.... ترونات القضية تماااك الحرب العالمية الثالثة نايضة
مشيت توجهت للطبيب لقيت الوولف والطبيب وجوج حراس قتلتهم وحطيت السلاح على رأس الطبيب...
انا:هزهااا فوق ضهرك
الطبيب كايترعد :ندير لي بغيتي ماتقتلينيش
هزها فوق ضهرو ودفعتو قدامي ... هزيت الاسلحة بجووج دالحراس وعلقتهم كل واحد فجيهة بقيت كندفع فالطبيب. ...
وريني الطرييق منين كتطلعو الفوق
هو هاز الوولف لي سخفانة والدم كايقطر منها وكيبكييي:اه اه واخا عافاك ماتقتلينيش
انا كندفعو:باقة محتاجاك يالاه زيد.....
هو مخلوع وكيبكي:واخا واخا
بقينا طالعين فالدروج
عند الكولة فاش خرجات مشات نيشان عند المدير
المدير:ضحكتي عليا... شفتها فالكاميرة مادارت تاشي ردة فعل
الكولة:راه اجلاات العملية تالمن بعد يمكن عاقت ...
المدير تعصب وزدح البيرو :كاضحكي عليا
الكولة:لااا والله مكنضحك علييك راه اجلاتها
المدير هضر فاللاسلكي مع الحراس : حبسو كولشي..
عيط على الحراس لي حدا الباب.:نتوما نزلو للعنبر دالرجال لي بانلكم قتلووه.
مشاو الحراس نزلووو
خنق الكولة:نعرفك كدبتي نقتلك
الكولة ولات حمرة تقطع فيها النفس كتهضر بالزز :لااا والله ماكد بت كح كح
طلق منها ومشى كايشوف فالتيفي لي مرتبطة بالكاميرات لقى البناات مرونينها فالقاعة ماجا فين يدور عند الكولة تانزلات عليه بواحد الديكور كان حاطو فوق البيرو طيحاتو للارض بقات كاضرب فيه تفكرات اول مرة اغتاصبهاا وبفات كتعطيه كضرب وكتبكي هي بسباابو فقداات شرفهاا.... كلما كتفكر كلما كتزييد فالوتيرة تاقتلاااتووو وجهوووو خمجااتولييه بكترة ماضربااتو وقفاات ويديها و كمارتها عامرين بالدم تنخمااات عليه
دهاء امرأة الجزء الثالث
محتوى القصة
التنقل بين الأجزاء