لبس سورال كحل جلد و واحد تجاكيت دجلد تاهي ودار طربوش كحل نااايك و سلاحو دارو فظهرو مووور حوايجو هبط عليه تجااكيت .. وتنفس مزياااااان .. ليوما خصووو هو يرررربح .. والا غاتبقا تاكلو الشمتة طول عمرو ... متشوق يشوفو وجهو وهو كيجواجهو بلي راه خوه ... وكيفاش غايكون جوابو فداك اللحظة ... من ليوم ماباغيش يتخبى .. باغي اي حاجة يولي يديرها يديرها قداااام عين ويكون عارف انه خووه لي مور هادشي ... وخا راه عدنان لي معارفش بلي اسد عاااااايق بكولشي ...
طلع سلسة دجاكيت تالعنقو حيت ليوم محرك الريح ...
خرج لطموبيلتو وكسيرااا لطنجة عاقد غوباااتاشتو ... جا ليوم لي خص الخوت يتواجهو ....
عند رتاج ...
رتاج : اش قلتي ابابا .؟ صافي نمشي ..
احمد : لا بغاتك تجي عندك ماعنديش لي يبات على برا ...
رتاج : بااابااا ر راه سيدة لي عارضاني حشووومة .... عاافاك ابابا
احمد : قلت لا هي لا منعاودوش الهضرة ... اريج بنتي غي حطي ديسير صافي ... ..
ناضت اريج كتشوف مع رتااااج و هزات ديكشي و غمزاتليهااا تبعها لكوزينة ...
و مشات تبعاتها ..
اريج : فين باغا تمشي ؟؟؟؟ ممم ؟ داك عدنان ياك
رتاج :: لا اش كتخربقي هداك خرجتو من حياااااتي .. بغيت غي نمشي نسهر فخاطري ... ونسا ليلة لبااارح
اسد : دخلي احببتي لبيتك وكملي نعاسك مكاين لي يصدعك
لامار : علاش نتا فين غادي
اسد : انا معاااك انا معاااك .. ( خشا راسو فيها ) خايفاني نهرب ولا شنو
لامار : هههه غي هرب لاقدرتي ..
حيدات عليها الكوفرلي وناضت كانت لابسة حوايجها ... ودار ليها طربوش ديالو فووق راسها وشدها عندو خاشيها فيه وهي ناعسة على كتفو .. خرجو ومشاوو لطموبيل هي غي ركبات نعساااات ... ولا نعاسها سااهل بزاف كيف ماحطات راسها كتغيب . . وهو يجي واحد الكارد عند اسد ... سكدها فبلاصتها مزيان شد عليها لباب ودار عندو
خلاه وزاد لطموبيل وكسيرا .. وهو سايك مرة مرة يبقا يشوف فؤها تاوصلو ...
ونزل هازها فيدو كيتمنى ماتفيقش .. طلعها لبيتها حيد ليها صندالتها وطربوش وغطاااها وبقا كاالس حداها مرة مرة يشوف حرارتها ... ويشوف لسااعتو ... فللخر لقاه هذا هو الوقت ... وهبط عند شفايفها باسها بوسة حاااارة ...
وبااش كرشها .. وقرب ودنيها بالهمس وهي فسابع نومة
اسد : غانرجع عند حبيبتي فصبح وغاندير لي فجهدي قبل ماتفيق كاع تلقاني حداها ... باش ندوزو بعد غدا احسن عيد اروحي ....
ناض هز لافيست ديالو وخرج .. لقا اسبرو يلاه خارج
اسبرو : اا سيدي .. ك كنت باغي نهضر معاك .. واقلة تعطل الوقت نخليها مرة اخرى
اسد : اش كاين اسعيد
اسبرو : احم .. موهيم انا وليت كنحس براسي مزيان .. نقدر نبدا الخدمة ... وهبطت لتحت وجدتليك تقرير لي غاتجتاج راه غايوصلك فالايميل وراقبت المور كاملة عند ادارة الامن الخاصة بالمنطقة ..ونا امور الفنادق
اسد : مزيان ... اذن رجع لخدمتك ... عادل غايعطيك لجديد لي كاين ... وسوارت لابارطمون ديالك
خربق ليه فشعرو وزاد هبط وهو معندوش جراة يسولو فين ماشي فهاد الوقت عاد سرات معاه الابارطمووون ..
خرج ابرا وركب طموبيلتو .. ومشا لمنطقة لوخرا ديالو تاوصل حدا دار درتاج واريج ووقف كيتسنا وكيشوف لسعتو ...
رتاج كانت لابسة وموجدة راسها .. دارت المخاد تحت من الكوفرلي فسريرها ... وخرجات بالحس هازة سبردينتها فيدها كانت لابسة سروال احمر و بودي كحل وكاشكول احمر و سبدرين كحلة فيديها مااشياا بالحس عاضة على لسانها لايفيقو ... وهبطات حلات الباااب بشوية ... وخرجات لجردة عاد لبسات سبردينتها ... وخرجات لعندو ركبات معاه وزادو ...
واريج فالباالكون كتشوووووف ومغدددة اش كتحاول دير رتاج .... وشنو بينها وبين اسد لي يخليها تمشي بتخابعية معاه فهاد الوقت المعطل من ليل ....
فطموبيل
رتاج : خرجت غير بسيف ... ماابغاليش بابا ...
اسد : ملي جا مكنتيش تجي ...
رتاج : لا .. نموت ونحضر لهاد ليلة ... انا بغا نشوف وجهوو اخووياااا .. كيف غايووولي فااش يتفضح قدامي ... ويتحيد القناع دالعاشق الولهان ... باااغا نزيد نكرهووووو ...
اسد مردش عليها وكسيرااا بججهد تاداخت ولات تطلب غي سلامة هو عند بالو راه صايك عادي ...
وصلو لمطار حبس طموبيل وعطا سوارت لوااحد الكارد تما وهوما مستفين بسلاحهم وهوا ماشي ورتاج تابعاه غير كتشوف اول مرة دخل لهاد العاالم .. وخا تاهوما لابااس عليهم مي ماجربانش هاد ااثراء الفاحش دروكان ... رواق خاص به فالمطاااار ديال الطائرات ااخاصة و المروحيات كلهم مكتوب عليهم شارة ديالو .. ومجند غي برجالو وكلهم كيشوفو لفوووق وشادين سلاح بنفس الطريقة ... كانت كتشوفو غي فالمجلات والمواقع مكانتش كتصور غايجي نهار لي دخل معاه لعالم ديالو .... وهو مااشي خاشي يدو فجيب ويد شاد بيها التيل ومرااقب كولشي ... وهي تابعاه وكتشوف لكتافو من لور وتجريدتوو وكتمنى لو كان هدا عدنان وتابعاه بحال هاكا ... بدات تزززرب تاوصلات فجنبوو ووصلو لكوبتير ووقف باش طلع هي لولا .. حيت هو هاكا طبعو وتربيتو والقراية على برا ربات فيه هادشي .. عندو المراة هي لولا واخا ماعرفت شكون تكون واجب احترامها... دوووبها بهاد اللقطة لي دار ..و طلعات لفوق وهي تصدم فشكل الكوبتير كان حسابتها بحال لي ركبو فيه فاش مشاو عند لامار .. لا هذا بوحدو .. اما هداك بحال حربي حيت كولو مجهز بنظام الحماية .. اما هدا سياحي وتقدم لبه هدية من سفير الامارات .. كبيير وواااسع وفيه لور صالون صغير فين كيكلسو كولو بيج و لي فوطووي دالجلد فالبيج .. والاضواء مبعثرين فاي بلاصة ... وشدات بلاصة تركنااات وهو كلس لايح تجاكيت ديالو وعينيه غير لتيليفون ومرة مرة يهضر معاهم .. بقات غي تلعب بصبعانها تابانت ليها لباااب تسدااات .. واحد دار اشارة على برا براية باش ينطلق .... وهو حط تيليفون وشاف عنها
ابتسمات ليه وهو تقلب ليتيلفون سمعاتو كيهضر على الكونتيطي د السلعة و دارت لزاج كتشوف الياابسة تحتها وضو د كازا و البححررر ... سهات فداك المنظظرررر ... وضو كيتراقص قدام عينيها وهي لفوووق ... وقابها ضارها واش تقدر توتجه عدنان فوجهو .... الشخص لي كانت كضن انو صافي لقات فيه حب حياتها. . طلع عداب حياتها
وصلو لميناء طنجة التجاري ....
ونزلو من الكوبتير... ومشات تاني تابعاه تاوصلو لفين كاين السفن ديالو واليخوت د التجارة ... عليهم العلم ديالو كيرفرف requin... ناس الميناء تلاقاو بتحية وسنيا ليهم على الاوراق دالخروج .. ودخل لظاخل وهي غي تابعاه دهشانة ومرة مرة تغزز فضفارنها خايفة متوترة... وعدنان فهاد اللحظة مزال شاد الطريق حيت اسد جا فالكوبتير دغيا وصل ... مشا لسفينة ووما لواحد من رجالو لي مزلعين تمااا بعينو يدخلها لداخل وتبعاتو ... وهو مشا لسطوك كيشوف االسلعة وواحد موراه بواحد الاجوندا .. وضار عندو
- كولشي درناه كيف طلبتي اموسيو الاسمعالي .. ستفنا السلعة كاملة .. الحراسة مكثفة على غرفة المحرك وكولشي في امان الله
ووما ليه براسو ومشا هو يجي عادل
عادل : راقبت كولشي اسد اسد .. ودوزت على ادق التفاصيل كولشي مزيان .. احم .. ك كون غير مادرناش السلعة وعوضناها بالفرشي كيف الخطرة لي فاتت .. حيت يقدر يغرق تاني ونضيعو فيها .. هوما راهم من عصابة متخصصة السفن ..يقدرو يغرقوه غير بلاسيلكي بلا مايدخلو للمحرك مغاتجيهمش صعيبة ...
اسد : راه قتليك هاد الباطو مغايغرقش هاد ليلة ..... لي كيغرق لباطو ... ليوم عندو شي حاجةديالو هنا .... والسلعة غاتزصل لسبانيا فالحفض و الصون وهو الى راجل يبان قداامي ...
عادل : كاضر اسيدي نتا تعرف حسن منا ...
بقا موراه هو تيقلب فالسلعة شاف كولشي هو هداك وخرج عاد شدو داك البلاصة وطرقو عليها ... ومشا لواحد شومبر .. حيد حوايجو ولبس لبسة د الكابيطين وعادل كيمد ليه .. جات معاه واعرة اصلا وهو روكان ورجل بحري ماكتواتيه غير هاد اللبسة د القبطان ... وهو يمد ليه عادل واقي الرصاص
اسد : مكاين لاااش ..
عادل : لت اسيدي ماتعرف اش يكون ... مكنتيقش فيه ونتا مخلي لبيبان بلا حراسة .. مغانعرفوش وااش غايدخل معاه شي حد ... من الاحسن ديرها ...
اسد : راه هضرنا معاك ... بلا فهمات ..
حنا عادل راسو وردها وخرج
كيهضر فتيليفون
عادل : الى رخل دوزوه من الجهاز المراقبة بلا مايحس .. الى كان عندو سلاح علمونب نسيفط الكوبتير د لكااارد باش مايوقع والو لسي اسد ...
- لا اسيدي منقدوش سي اسد مابغا تاشي حراسة تبعو
- انا لي عاااارف وراه هضرت معاك حيت لي طرات شي حاجة ليه .. لا انا ولا نتا نقدو نردوه ومكنتيقش فداك بنادم وشتي اش وقع فالمرة لي فاتت سمعنا لكلامو وماتبعناهش بالحراسة كان غايموت ....
- حاضر اسيدي ....
اسد خرج لفين كان المقود لقا رتاج. كالسة تما فواحد الفوطوي .. شافتو وهي توقف متوترة غي مع راسها ... بقات غي كتسرط فريقها وهو واقف قدامها بلبسة د الكابيتين كيبان واو
رتاج : جا ؟
اسد : الى جا دابا يبان ...( شاف عادل جا ) عادل نص ساعة و يخرج الباطو ... راحنا ديجا روطار
عادل : حاضر اسيدي غانعلم ليكيب و غانخرجو ... رحلة امنة نشاءالله ... والكابيتين كارلوس لي غايعوضك فاش تبغي ترجع راه غانجيبوه فالكوبتير فنقطة لي غانسيفط لينا حاسين فيها ...
مشا عادل و رتاج قربات
رتاج : كيفااش يعوضك ؟ مغانمشيوش تالاسبانيا
اسد : لا .. مامساليش لهاد الدرجة .. نفضي معاه حسابي ونرجعو ... غايجي لي يكمل طريق بسلعة ...
رتاج : ويلا كان ناوي يغرقو ؟
اسد : وعلاش حنا جبناك مم .... ككلسي ..
مشات رتاج كلسات غي كتشوف وهو كيتفقد النظااام ....
داازت نص ساعة وطلقات الصااااافرة كتعلن على ان السفينة غاتبحر ... تطلقو الحباااال .. و انطلق اسد ... وجاو عندو لوخرين لي كيرافقوه تاهوما لابسين نفس لللبسة غير مافيهاش الشترات لي عندو ... بروكراما الاتجاهات والسرعة المناسبة للثقل لي هازين. وخلاهم شادين المقود...
حبيبي الأصم الجزء 124
محتوى القصة
التنقل بين الأجزاء