مكانش كيشوف عنها ودخلات الحمام غسلات وجهها وخرجات للمرايا حداه كتمشط شعرهااا و كتسمعو كيهضر فتيلي كيسول على عدنان وبقات كتشوف فيه من المرايا وترمش كيفاااش مشطون من جيهتو باينا عزيز عليه ودم عمرو مايرجع ما ... وعارفا اسد قلبو شحال حنين ومحتاح لخوه حداه وبدات تبتسم وكتفكر غير مع تقلها نصاب كون يتجمعو و بنتها تزاد وسط عائلة وعمام ... بقات شجال ساهية تاقفزات عاد حسات ليه عتقها من لور وباسها فعنقها بلاصة طبعة
هز الفيست ديالو و وسوارتو ودوك لي صاك باش ماتهزهومش هي ومشا ... وهي شدات شعرها ديل حصااان وخرجات لعند رتاج
عند اسبرو ...
شاد على حنكو فواحد ديبو كالس على الكااارطونة نااازلا عليهم الكئاااااابة هو وعادل بحال دوك كفار قريش فيوم القيااامة كيتسناو امتى يدخلو لجهنم ... ولكارد لوخرين عاطينها لمهيودة طيبو ليهم راسهم حيت هوما عارفين مغايدير ليهم والو حيت منفدين غير اوامر عادل .. واسبرو و عادل غير كيسوووطو شادين على حنكهم ولكارد كيتعرفووو على بعضهم حيت اول مرة تلاقاو فالكورتير الكارد دكازا مع الكارد دطنجة.
عادل : واش روكان غاطررا ليه شي حاجة ؟ سووووولني انا لي عاايش معاه ... هذااك كان ينوض فزك لييييل غا هو و موووكاااا ويهبط لقاع لبحر تاكنقول هدا موخل يطلع ونبدا نبلاني شحال غايخصني من كيلو دسميد لكنازة.... و يتتتم طااااالع كي بسم الله الرحمان الرحيم .. كل ليلة كنقول ليوم تخرج ليه شي جنننية من وسط البحر تهنيني منو ... تااخرجات ليه مرتوووو الله يستر مكان قادني فيل زدت فيلة ... من لوووووول من أول دددخلة لي دارت عليا قلت هادي ماشي دالله الله ...من نهار لول كانت غاتشريهالي معاه ...
اسبرو : هاااديك سوووولني عليهااا انااا هاديك ... شتي هاديد ملي كانت حيوااان منوي ؟ شراتهاا لحيونات لوخرين كاملين مع ال*لاوي د بااباهاااا تاجابهم غافالكاااشة وهي لي طااااارت لبويضة د مهاااا .... وجاااات لهاد الدنيا بغاات طير لياااا الععععقل وراجلها يطير لياااا طططرمتي
عادل : امييييييين امييين اميييين .. اشوف عندي روكان مكيحملش لي يقفقف راااه ينحرو
اسبرو : هذااااا ينحححر لي كيقفقف ... اوا ولي بايل واااقف ؟
عادل شاااف لسروال داسبرو تخخخخختخ وهو يسمع خطوات جايين
عادل : صافي يالكاااافر هادي تاليا دااايلنا ... وحدة من جوج ... يا غايضحي بينا ... يااااا غايكوينا
اسبرو : لا لا لا نووووووب عليااااا الله يرحم باك انا غا مواطن ضعيف منصلاح لا لشوااا.. لا لكوااا...
عند لامار ...
دخلات عند رتاج وكلسات حداها بقات فيها من لي عاودليها اسد .. صعييييب تكون كتبغي واحد وكضنو تاهو كيبغيك وفجأة يطلع غير كان مستغلك ونتي كي لحمارة عيطيتيه كاع المعلموات و عاونتيه فالقذارة ديالو وزدتي درتي ليه عملية من الفوق ونقدتي حياتو . باركا غي الصراع لي غايوقع فللداخل ديالك ماتعرفي تندمي لي ضيعتي فرصة الانتقام وهليتيه يموت ولا تقولي لا درت الصح ... بدات كتشوف ليديها شي حاجة كامشة عليها وحلاتها ليها ... عاد بانتليها رصاصة بثوة مكةنت مزيرة عليها ترسمات فكفها ... وهزاتها فيديها كتشوفها.... باينا هي هادي لي جبدات منو ... تنهداااات وناضت كتتحل الشراااجم وشمس كددخل ورتاج بدات تفتح عينيها وكتخبي شعا بيديها مخسرة سيفتها وكتشوف مع البيت لقاتها للامار ..
حبيبي الأصم الجزء 131
محتوى القصة
التنقل بين الأجزاء