عطاتو بضهر وبدات خارجة بخفة جرهااا ولصقها مع الحيط تحذر كامل عليها وحط وجهو فوجهها
ليث : ويقدر تكوني نتي من النوع للي مكايعجبنيش
اول مرة يهوديت تسمع شي كلام بحال هذاا يتقال فحقهاا حسااات برااسها غاتنفااجر بلعات ريقها و بغاتو يهز رااسو عليها باااش تخرج تمشي مادورش وجهها جيهتوو ... ولكن هو بقا مصر و حاط راسو على راسها
يهوديت : شنو ناوي دير لعائلتي اش بغيتي مني
ليث : باش نشوفو السي بينيامين شنو غايدير بلا بيك
دفعااتو عليها بشوية شد ليها يدهاا حكمهاا مزياااااان رجع راسو عليهااا فيكساا عينيه فيهااا و بقا كاايشووف و حاط فمو على فمهاا كايحرك شنايفو فوق شنايفهاا .. ولات كاتڤيبري بلااا ماااتحس برااااسهااا غمضات عينيها و دخلااااات فقبلة عميييييييقة معاااه بااستو بالجههههد حلات عينيهاااا وهي تشوووف فيه 😳
ليث : ههه دبااا شكون فينا للي ماقدرش يقااوم
ضحك حتى بانو سنااانو دفعاتوووو و خرجات
دارت شافت فييه لقاتو كايشووف فيها و كايضحك دوراات وجهها بالزربة وخرجات كااتجري هبطاات للتحت دخلاات و خبطااات الباب بيدها اليسرية بالجهههد
فاطمة : هئ فين كنتي ؟.
يهوديت(مغوووبشة الدخان خارج من وذنيها شادة يدهاا كاتشوف فيها كاتحاول تحركها.. ناضت فاطمة بالزربة شدااات ليها يدهاا..
فاطمة (رفعاات حاجب و نزلات حاجب وصغرات عينيها ): تئ تئ لا لا نتي حالتك معاجباانيش مالكي هاكا لونك مخطووف و مسقوطة من الدم غير شميتي يدك و لمعو عينيك و دبا ماباغاش تغسليهااا شنوو قضيتك عاودي
يهوديت (قفزات) اااا لاا لا واالو اااااي يدي يدي ضراتني و الماا بارد ماقدرتش عليه
فاطمة : امم الما بارد رانتي للي يديك مثلجين
*****************
ليث غير خرجات من عندو عقد غوبااشتوو و خرج من لاصال مشا لبيتووو دوش و توضى و نزل لقا ياسر و نهى جالسين فالجردة مع الدراري عماد و صهيب..
عمااد : هااهو عمرو طويل
ليث : اهلا (وقف ياسر تسالمو سلام دالرجاال عنق نهى ... ياسر راجل نهى ولد عم ليث اما نهى اخت ليث و هي خدامة معاهم )
نهى : خوياا حبيبي توحشتك
ليث شدها و خشاها تحت كثافو ضعاافيتي مامهليش فييك هذاا باينة
نهى : نوو نو غير دايرة ريجيم ههه
ياسر : را هي للي مامهلياش فيااا
صهيب : شنوووو تهلااي فراجلك
نهى : و الى مابغيتش
صهيب : نزوجوو 😏
نهى : ليث هضر مع هذااا 😡
ليث : تلاقيتو ولا مزاال
صهيب : أنمشي نصلي
ليث : علاش أذن ؟
عماد : شوياا هذااا حتى انا نايض نصلي
ليث : ايوا يالاه نمشيو جميع
نهى : صبرووو نلبس عباايتي
الدراري سبقوها دخلو للمسجد عماد قام الصلاة و ليث صلا بيهم ب تلاتة ووراهم نهى ... سلاو الصلاة و دارو الدعاء و خرجوو
ياسر : ليث الى مسالي الاجتماع غايكون من دبا لشوياا
ليث : ااوك
********
فاطمة : دباا واش غاتبقاي توجعي هاكا بيدك انمشي نعيطلهم يديرو ليك شي حل هادشي را بزاااف
يهوديت : تعيطي لشي حد انتفاهم مععاك
فاطمة : هاهي جالسة بالناقص
****الاجتماع****
ياسر : عزاانا وعزااكم واحد فالعم سعد الدين الله يبلغو جنة الفردوس الاعلى مع الانبياء و الصدقين و الشهداء ويلحقنا عليه مؤمنين
الكل : آمين
ياسر : من بعد ما دفنناه تكلمت مع الشرطة و سدو الملف ديالو.. عائلة بينيامين تقلبات كاملة بالدقة الكبيرة للي وجهنا لهم و تهز العالم بخبر الاختطااف ديال بنتو يهوديت .. شفت انه جا بنفسو حتى لفاس و رجالو كايتساراو عليها فكل بلاصة
ليث : يطلقو سراح الاسرى للي فالسجون مقابل يهوديت ترجع ليهم
صهيب : ولكن هادشي صعيب لا !!!!!
ليث : يمكن نتوما معارفينش يهوديت شنو كاتعني للموساد .. واخة كاتمثل انها عادية وكاتمشي للاحياء الشعبية واقرب صديقة ليها بنت مسلمةماشي من الطبقة ديالها وتعلمات الدارجة و بعض لمرات كاتمتل راسها مكلخة ولكن حذااري منهاا هي اقوى و اذكى واشجع امرأة عرفها تاريخ الموسااد ليومنا هذاا ردو بالكم مزيان..
كلهم بقاااو حالين فمهم وكايشوفو فبعضياتهم
ليث : صغيرة و طايشة ولكن ماشي مكلخة ولا ضعيفة.. هي كاتعادل خوتهاا كاملين و حنا دبا كانخاطبو الموساد بهاا بغاوها ترجع يطلقو الاسرى ماطلقوش سراحهم غاتبقى حتى هي اسيرة هناا
صهيب : احسن حل
ياسر : فكل مرة مكاتخلي لينا مانقولوو.. نتا بهااد الاحداث للي صنعتي غادي تفك شحاال من عقدة و الاحسن فهادشي كااامل انك ماخليتش لعائلة بينيامين الوقت باش يحضرو للجنازة و يعرفونا كلهم مقلوبين و كأن تزلزلات الدنيا ملي تخطفات بنتهم
ليث (صونا لو التلفون ) : ودبا غانتسناو شوية من بعد نعلمكم بالجديد سالا الاجتماع
عماد وصهيب : ولللكن صبر بغيناا نهضرو معااك
نهى و ياسر خرجوو
اما ليث كانت ماماه للي فالخط
الام : آلو ابني كيفك ان شالله منييح
ليث : الو حياتي الحمدلله و انتي
الام : بخير بس اشتقتلك والله واحشني مووت
ليث : قريب نجي ان شاء الله ..
الام : حاضر ابني سلملي ع إختك و الشباب
ليث : ااوك يوصل
بين ماهو كايتكلم مع ماماه نعرفكم عليه كثر
ليث الامبراطور فعمرو 30 سنة ماشي من المخابرات و ماشي مافيوزي و ماشي رجل أعمال بل هو مخترع الاسلحة النووية و هادشي ماشي جديد على عائلتهم جدو سعد الدين الامبراطور كان عالم كبير اما بالنسبة لباباه <عبد العزيز الامبراطور> فهو من المخابرات الفليسطينة بالرغم من انه مغربي ...مزوج فليسطينة للي هي ام ليث كان الحلم ديال جدو ان ولدو يكون من المخابرات الفلسطينية و فعلا كان رجل المخابرات اما بالنسبة لليث فهو طبق الاصل على جدو فالتصرفات و فالذكااء .. كيفما اليهود كايكرهو المسلمين حتى هما كايكره شي حاجة اسمها اسرائيل بما انو ماماه فلسطينية و باه مخابراتي عاش معاااناة الفلسطينين وحل عينيه على القضية الفلسطينية و الصراع الاسرائيلي ...
كلشي عندهم سري الاسم بوحدو للي معروف اما الاشخااص مقادر حتى حد يوصل ليهم
********
ليث (جلس بثبات ) : شنو كاين
صهيب : بزوجهم كايخططو باش يهربوو
ليث : اهاا وباش عرفتو
عماد : حنا اختارينا لهم بيت نهى لحقاش درنا فحوايجها سماعات و كايبقى الخط متواصل ولكن دبا لصقنا السماعات فبيتهم (هاد السماعات للي دارو ليهم على شكل عدسات صغااار كايلصقو مكايبااانوش نهائيااااا و مخبينهم بتيكيتات )
صهيب( خدم الاجهزة و جلس هو و عماد ووسطهم ليث جالس فكرسي حاط يدو على ركابيه و شاد لحيتوو كايسمعو فصوتهم )
فاطمة : شوفي كيف مقادرااش تحركي يدك خاااصك طبييب اختي
يهوديت : دبا نبراا ماتقلقيش
فاطمة : قولي ليا شكون دار فيك هاد الحالة
يهوديت : نتي مغاتمشي حتى نعاود ليك 😒 شكوون من غيرو داك المريض للي حااس برااسو للي مكايتنفسش دااك الحيوان لوا يدي بغا يهرسهاا😠 (عض على سنانو و صغر عينيه)
خرج و خلاها بوحدها فالغرفة طلات من واحد الشريجم صغير مابانوش ليها الحرس طلات من الباب بانو ليها واقفين حدا الغرفة رجعاات بشوية وهي كاتسللت خرجات يديها و راسها من الشرجم و خرجات ليد المكسورة و بقات شادة الباب ديال الشرجم بيد وحدة حتى خرجات رجليها مع خرجات كاملة زلقات ليها يديها و هي طييح بقاااات كاتكرب حتى حبسها جدع الشجرة تمرمدااات كااملة فالارض حلات عينيه و رجعات سدااتهم حتى تنفسااات مزيان كاتحس بالدم هاابط مسحات جبهتها لقات الدم و هي تنوض ساست كسوتها من التراب عطاتها يدها الصداع و مع ذلك قاوماات ناااضت بالزربة كاتشوف راسها فين هي كايبان ليها البحر ووراها غابة طلقاات رجليها للريح وبداات كاتجري فضلاات طريق الغاابة عسى تخرجها فطريق كبير اما البحر غايرجعها لفين كااانت ...
عند يهوديت جالسة وكاتحس بيديها فشلات عليها تنفخاات بزاااف وصبعها ولا زرق كاتعطيها الصداع مقادراش تحركها .. تكاات وفاطمة كاتشوف فيها خافت تمشي تقولها ليهم وتعيرها .. كايسمعو فالباب كايتدق دخل حارس و معاه راجل
❴الحوار بالانجليزية❵
الحارس : هذا الطبيب جا باش يفحصك
يهوديت ناضت صايبات جلستها و بقات كااتشوفيهم..
الطبيب قرب ليها شد يديهاا وبدا كايدلك فيهاا وهي كااتحااول تصبر ولكن ماقدرااتش بدات حابسة راسها و كاتوجع فالحس...
الطبيب (شاف فالحارس ) : ضروري خاصها أشعة..
الحارس (تكلم فالسماعة.. وقال للطبيب ) اووك
الحارس : نوضي يالاهي
فاطمة : ولكن ماعندك ماتلبسي
يهوديت( لبسات كلاكيطة ديال فاطمة ) غادي نلبسها لك حتى نرجع خرجاات معاهم اما فاطمة بقات فالغرفة
هابطين ووراها الحراس و كاتشوف منين دايزة باش تبقى عااقلة على البلاصة الى بغات تهرب
ركبوها فالطموبيل هي و الطبيب ووراهم طموبيلات ديال الرجاال مسلحين دارت كاتشوف من الزااج صف ديال الطموبيلات تابعهاااا غمضات عينيها بيأس 😔
بقاو غادين مسافة طويلة عاد قدرو يوصلو للمستوصف دارو ليها الاشعة
خرج و خلاها بوحدها فالغرفة طلات من واحد الشريجم صغير مابانوش ليها الحرس طلات من الباب بانو ليها واقفين حدا الغرفة رجعاات بشوية وهي كاتسللت خرجات يديها و راسها من الشرجم و خرجات ليد المكسورة و بقات شادة الباب ديال الشرجم بيد وحدة حتى خرجات رجليها مع خرجات كاملة زلقات ليها يديها و هي طييح بقاااات كاتكرب حتى حبسها جدع الشجرة تمرمدااات كااملة فالارض حلات عينيه و رجعات سدااتهم حتى تنفسااات مزيان كاتحس بالدم هاابط مسحات جبهتها لقات الدم و هي تنوض ساست كسوتها من التراب عطاتها يدها الصداع و مع ذلك قاوماات ناااضت بالزربة كاتشوف راسها فين هي كايبان ليها البحر ووراها غابة طلقاات رجليها للريح وبداات كاتجري فضلاات طريق الغاابة عسى تخرجها فطريق كبير اما البحر غايرجعها لفين كااانت ...
بقاات غادة و سط الغااابة فالضلااام بقاات غادة و سط الغااابة فالضلااام
كاتسمع صوت الذياااب الضو ديال القمر بوحدو للي مضوي على الغابة ماكافيش باش يبين ليهاا الشجر و الشووك ... غادة كاتجريييي و الشتى كاتصب تانية يدها للي مكسورة لعندهاااا وااخة عاطيااها الصدااع متحمله اهم حااجة انها هرباات منهم كاتجري مدارتش فجنابهاا و كاترععد بالبرد بقاات غاادة مسافة طويلة جمداات باان ليها الضو و شانطي كبيييييير مع بغات تخرج من الغاابة تعكلاات و طااحت على وجهها تقطعاات ليها الكسوة من القداام وتحلاات كااملة تشروطاات فوقهاا بتعب ناااضت وهي كاتقفقف تقطعااات ليها الكلاكيطة شدات فردة فيدها و فردة لابساااهاا نزلات للطريق ووقفاات فالشاانطي كااتباااان لهااا طمووبيل جاية بسرعة هزاااات يديها سخفاااانة كاتلهت و كاتشير تسمع الفراااان مجهد حدا ركابيهاا كانت طموبيل عااادية الشيئ للي خلاها ترتااح كثر حلات البااب مع ركبااات وهي تسمع طراااااااااخ على حنكهاااا كاااتحس بوجهها تنمل عليهااا رفعااات راسهااا بقوة كايباان ليها ليث كايشووف فيها بشرااارة و غضب تقااسيم وجهو خلعووهااا قلبها شدااتو فيدهااا وحلااات مابقاتش قادرة تنفس
كسيرا بالطمووبيل اما هي مااقدرااااتش تستوعب بلي لقااهاا.. كاتشوف فيه و كاتفكر فمستقبل مظلم مايمكنش ليها تبقى اسيرة عندهم الى مشات معاه غاياخدها لتم شافت فيه كيف سااايg بالجهد و عاقد غوباشتو .. بدوون سابق انذار حلات الباااب و تكركباااات فالشانطي..و الشتى مجهدة بغات تجمع راسهااا ماقدرااااتش كاتحل فعينيها كاتبان ليها الضباابة و كاتسدهم نزلات دمعة حاارة على خدها و غاابت عن الوعي بسرعة وقف الطمووبييل و نزل كاتباان ليه مرميه و الدم خارج من رااسها كايفيق فيهااا مابغااتش تفيق قاسها لعنقهااا لقاها كاتنفس هزهاا بالجهد فحضنوو و مشاا بيهااا للطمووبيل ركبها للور و كسيراااا ضرب الدورة و دخل وسط الغاابة وقف قدام كوخ صغير ديال الخشب
الجزيرة جات فجنب البحر و دايرين بيها الجباال الشكل ديالها بحال الحفرة لهذاا درجة الحراارة فيها مرتافعة بعييدة على المستوصف باش توصل ليه خاصك ربعة السوايع هاد المستوصف كايطل على البحر و الغابة الجو للي كااين فيه لا علاااقة مع الجو للي فالجزيرة فالغابة درجة الحرارة منخفظة يعني كاين الجو ديال الشهر للي هما فيه شهر 1 فصل الشتاء
خرج من الطموبيل وهزها بين يديه وقف شحاااال كايشوف فالكووخ ب حيرة واش يدخلهاولا لا
الكوخ اغلى حااجة عند ليث بنااه هو و جدو فاش كانت عندو 14 عام مكاايدخل ليه حتى حد من غيرو... وقتما كان محتاج يبقى بوحدو وبغا يرتااح كايجي ليه.. اخر حاجة كان يتصور هي يجيب ليه الذ اعدائو ماتستاهلش حتى تحط فيه رجليها ولكن الاوقات كاتجبر الانسان على انه يدير شي حوايج عمرو كان يفكر يديرهم كاتحطك فمواقف عمرك ضنيت انك تحط فيهم .. ليث من النوع للي مستحيل يتقاسم اشيائو الصغيرة حتى مع اقرب ناسو حسبلاك اعدائو ولكن الكوخ اقرب بلاصة ممكن يوقف فيها باش ينقذهاا ..
كايشوف فيها بكراهية و كايشوف فالكوخ فالاخير دخل و حطهاا و هي مغيبة كااع مجرووحة.. الدم هابط من جبتها حوايجها ساردين و عامرة غيس يديها و رجليها محرودين الكسوة مقطعة فوقها حطها فوق الناموسية و صوناا للطبيب ... كايسمع فالرعدة ضربااات بالجهد.. طل من الشرجم بانت ليه الشتى مجهدة و البرق ضرب
الريزو مشاا بعصبية خبط يدوو مع الحييط
دار عندها شاف حالتهااا.. هز علبة الاسعااف و بدا كايضمد جراحها اهم حاجة ماعندهاش نزيف فراسها جاب فوطة ساردة و بدا كايمسح ليهاا .. حيد ليها الكسوة قلع بالزربة التشرت و غض بصروو حتى لبسو ليها .. مفيكسي التلفون بحنكو و كثفو كايصوني للطبيب ... ولكن الخط ماكااينش شاف ساقها دايز بالدم باان لييه عود مخشي فالجرحة ... حيد التلفون و فيكسا عينيه فالجرحة تزير ولاا حمر حط صبعانو بزوج غممض عينيه و نطر العوود طرطقاات الجرحة بالدم بالزربة هزها و حطهاا فالبينوار خرج شعل الشوڤو ورجع حل الرشاااشة تفكر الكبص سد الما دغيا و جبد پلاستيكة لواها على يدهاا وطلق الرشاشة كايبان ليه الدم والتراب غاادي فالقرقارة..غسل لهاا حالتهاا من راسها لرجليها و هي لاابسة التشرت محاااملش يشوف فيهااا بدات كاتفييق كاتحل عنيها و تسدهم تحركاات عاااااد تنفس هو .. هز فوطة كبيرة و خشاها و سطها رجعها فوق الناموسية ذهن ليها پومادا ولوا عليها الفاصمة حيد ليها البلاستيكة من يدها المكسورة...حل الماريو جبد تريكو ديالو ديال الخيط مع سروال بيجامة و سوفيطمة حيد ليها التشرت ولبسها سوفيطمة مع التريكو د الخيط و غطااها بحيك ثقيل و خلا ليها السروال حدا راسهاا حتى تفيق .. مشا حتى هو جبد حوايجو لبسهم و جلس فوق الفتوي كاتباان ليه تاتحرك فعينيهااا
جاالس فوق الفتووي و حط رااسو باش يرتاح شافها كاتحرك فعينيها حلاتهم و رجعات سداتهم ...
(الحوار بالانجليزية )
يهوديت : ب ب بغيت نشرب ... دغيا مشا الكوزينة عمر كاس دلما و جابو ليها.. كاتحل ف عينيها بثقل بان ليهاا ليث واقف قدامهاا وهاز كاس دالما فيدو هزات عيناها بحركة بطيئة طلعاتو من رجليه لراسوو ... حاولاات تذكر فين هي ما إن استوعبت اش وقع حتى شدااات راسهاا كاتحرك بغات تنوض ماقدراتش حط يدو مور ضرها و كعد ليها راسهاا بشوية وهي مصدووووووومة فيه ... حط لكاس على شفايفهاا ماقدرااتش تحركهم
ليث(بصوت رجولي خشن) : شربي
يهوديت ( شربات جغمة ووحلات ليها ) : كح كح ككح آتشييييي عطسااات بالجهد ... (حط الكاس فوق الطابل دو نوي و صايب ليها الوسادة
جاب ليها كلينكس شداتو بيد وحدة و بدات تاتمسح ف فمها و نيفهاا عطاها بالضهر خشا يدو فجيابو وواقف بثبات كيشوف من الزاج فالشتى مجهدة
يهوديت (حطات مرافقها بزوج فوق الناموسية وهي كاتحاول تكى بشوية علييها حتى تكات ) ف فين حنا ؟
ليث (رد ليها البال بارتبااك ) ا م فاش نتي غيبتي جبتك لهناا و عيطت للطبيب ضمد ليك جراحك و المساعدة ديالو غسلات ليك
يهوديت : كيفاش يااك طريق مقطوعة
ليث : قلت غالبا غاتكون مقطوعة
يهوديت (شافت الكبص باقي موسخ ) : جا الطبيب علاش مابدلش لياا الفاصمة
(معااامن هووو )
ليث (بنبرة حادة وااقف عليها و عروقو خارجين ) : غاديريي معاااايا استجوااااااب يااالاااه نعسي و حساااابي معاااااك هو اللخر
قفزااات من بلاااصتهااااا مشا الكوزينة شرب وحط الكاس بالجهد .. متبعة كل حركة دار ..
الكوخ صغير مفتووح كامل يعني فبيت نعاس كاين جاكوزي و كوزينة وفتوي و تلفازة و صال دمونجي كلشي خشب و الاثات ديالو بسييط فيه زربية مغربية و الحايك دوراات وجهها فالكوخ شافت الديكور مغربي ممزوج بالديكور الفلسطيني بقااات حاالة فمهاا فبساطة هاد الكوخ
حطات راسها على الوسادة ودارت باش تهز الماا دار شافها معنكشة و جابو ليهاا بداات كاتشرب و مراقبة ملامحو العصبية شربات و ناض حل الثلاجة جبد الخضرا و الدجااج و بدا كايغسل فيهم
يهوديت : واش ديما كاتجي لهنا
ليث (لا رد حط قطاعة ديال الخشب و هز الخضرا للي قشر بدا كايقطع فيهاا و كايحط فالكوكوط)
دار عندها عاض على سنانو ) كنت جاي ووصيت الحرس يجهزو ليا هاد الكوخ الصغير ويشوفو اش خاص ... جيناا غير قبيلة و غدا غانمشيو
يهوديت : بغيتي تقول غير صدفة تلاقيتيني
ليث : ممكن
يهوديت : كيفااش
ليث : كنت جاي لهناا و عيطو ليا قالو هربتي هه مكلخة ماعندك فين تهربي يالغابة يالبحر
يهوديت : ا ب
ليث (بنبرة حاادة ) باقاااا تزيدي شي كلمة غانخرج و نخلييييك
يهوديت (بلعاات ريقهاا و سكتااات)
اما ليث صايب العشا و دارو يطيب غسل يديه و جمع الروينة هز الحطب و لاحو ف الشيميني باش يسخنوو
يهوديت : متبعة كاع حركاتو و كاتشوف فيه باستغرااب حبساتهاا بولة و ماقدراااتش تنفنف قدامو بحرف واااحد.. حيدات عليهاا الحيك باش تنوض ... لقاات رااسها غير بالسليييب رجعات تغطاات دورات عينيها بان ليها سروال حدا راسها هزاتو بيد وحدة.. حلاتو بان ليهااا كبييييير و طويل وهي قصيووورة و صغيرة ... حطاتو بيأس
ليث : مالك
يهوديت : ا وااالو ..
ليث : واش خاصك شي حااجة
يهوديت : بغيت نمشي لطواليط
ناض عندها كعدهااا نسا راها بلا سروال جرهاا وهي توقف دغيا نزلات التريكو ديالو كان واصل ليا حد الركبة مشا معاها حتى دخلات للطواليط و رجع دخلات قضات حاجتهاا و غسلات بالما دافئ شافت كيلوطها نقي دوونك ماغتاصبني مااواالووو ولكن ماكلتو ماخاصنيش نااكلهاا اووف اش تانخربق كون بغا يدير شي حاجة كون دارها فاش كنت لهيه ..
شافت راسها فالمرايا جبهتها مجروحة.. فمها يدها بزوج فيهم فاصمة هبطات راسها لساقهاا حتى هو مدوة عليه فاصمة
خرجات لقاتو كايتسناها عند الباب شدها من ذراعهاا بالجهد
يهوديت : ااي اي بشوية (رخف عليها) ووصلها للناموسية
جلسات فطرف الناموسية و خلات رجليهاا فالارض كاتشوف فيه
ليث (رافع حاجب و منزل حاجب) : مغاديش تكاي
يهوديت : شوية و نتكى
مشا الكوزينة جبد بلاطو حط فيه زلافة من بعد ماعمرها ب صوبا دالخضرة للي صايب وحط حداها كاس دالما و معلقة هزهم و مشا حتى حطهم ليها فوق الناموسية
يهوديت : نو ماشي بزاف.. هزات الكاس د العصير ذاقتو شربات جغمة كبيرة بلعاتها وهي تنوض اااااه خرجات لسانهاا كاتسوووط
منظرها جااب ليه الضحك لابسة تريكوه و كلها فاصمات وجهها محروود و مخرجة لسانها كاتسوط حط يدو على فمو وبدا كايضحك
يهوديت (ردات ليه البال بقاات كاتشووف فيه ثاني مرة تشوفو كايضحك ) : شنو للي ضحكك ؟
ليث (باستهزاء ) : شكلك
يهوديت : هيهي مزياان ملي ضحكك شكلي.. باش صايبتيه ؟..
ليث : قلت هاكا عالاقل تقلقي وترحميني من اسئلتك التافهة
يهوديت : نوو مكاانتقلقش ... اول مرة نذوق عصير بحال هاكا
ليث : مر
يهوديت : نن حااار فيه مذااق مختلف هو بارد و سخون لذيذ و حار شنو سميتو عمري ذقت بحالو
ليث : ماعندوش سمية لحقاش انا للي صايبتو
يهوديت : بااش
ليث : الحامض و سكينجبير (نزلاات عليييه كاااامل و حطات الكاس بالجهد وهو مترقب حركاتها )
يهوديت(بوجه طفولي) : شفتي هاهو فالاول كاتحس بمذاق حامض وبارد من بعد كايجي مذاق سخوون و حار وااااو (بقات كاتحلل فالعصير) داارت عندووو غانسميه انا
<المشروب العجيب >
ابتاسم و ناض هز فراشو و مشا فرش فالكوزينة بعييد عليها مابغاش ينعس فالفتووي باش مايقربش ليهاا
اما يهوديت رجعات لناموسيتها و تكاات بشوية عليها و كاتفكر فداكشي للي وقع و كاتشوف فيه كيف دغيا عقد غوباشتو من بعد ماكاان كايضحك عليها.. بان ليهاا هز يزاار كبير و كايعقد فيه فالحط مع شي سلوكة
ليث : لحقاش ديني كايحرم عليا نكون انا وشي بنت ماشي ختي و ماشي مراتي بوحدنا فدار وحدة ..
يهوديت : اووك (فنفسها دينك ماحرمش عليك تخشي وجهك فياا و تلصقني مع الحيط وتقرسني بلحيتك حتى نبووسك اش كانقوول را انا للي استافزيتو و كون مدارش هكاك غايباان فنظري ضعيييف الشخصية طفا الضو ولكن هي باقا مشعلاه خياالو كايبان ليها من الخامية حيد التشرت للي لابس و تكااا)
يهوديت : اييي 😳 مزيااان ملي درتي الستاار
دوراات وجهها ونعسااات حتى هي
صبح الصبااح عليهم بزوج ليث فاق للفجر صلااه و قرا القرآن بالتجوييد يهوديت فاقت على صوتوو كاتحاول تستفسر شنو كايقرااا ولكن ماستوعباات والوو .. رجعات نعساات اما هو بقا فايق...خرج كايتسارا على الريزوو بدوون نتيجة... صايب الفطوور فطر و شعل الراديو لقاه خدام دغيا هز بورطابلوو عالله وعسى يكون الريزو جا ولكن مالقاهش جلس كايتسنط للاخبار بالانجليزية
مر اليوم الثالت على اختطااف الحسناء يهوديت ابنة وزير الخارجية الاسرائيلي بنيامين يعقوب و الذي صرح انها اختطفت من قبل ارهاابيين حاولو ابتزازه مرات عديدة ...
يهوديت فاقت على هاد الاخباار... نااضت لحدا الرااديو ووقفات تاتسمع صوت باباها والتصريح للي خرج به للناس.. قال انها اتخطفات من قبل داعش وانها اسيرة فاحدى السجوون وربما تكون تعرضات للاغتصاب و التعذيب
فشلاات جلسات بثقل فوق لكرسي... ونزلو دمووعها بغزااارة اما ليث جاالس كايتسنط بكل بروود للاخبار ..
شافت فيه و عينيها عامرين دموع وااش بصح هادشي للي قلتي لبابا.. علاااااش علاااش توصل ليه خبااار بحال هاادي اناا قداامك اغتااصبني قتلني دير للي بغيتي ولكن مااااتخلعهمش عليااااااا علاااااش كاااتكذب عليييهم كيف غاااااتكوون دبااا حالتهم شنووو عند بااالك درتي انجااااز عظيييم ملي اختاطفتيني وقفاات كاتبكي و كاتعرج كاضرب براسهااااا
ليث(بصرااامة خبط الطبلة بيديه بالجهد حتى قفزاات من بلاصتهااا) : ماااسولتييش راسك علااش بااك ماقالش ليهم ان للي اختاطفوها طلبوو منو يطلق سرااح الاسرى للي فسجوونكم .. ماسولتييش راااسك علااش بااك لدابااا مابغااش ينقذك من يديناا مقابل يطلق السجنااء ... الاسلاام برييء من داااعش المنظمة نتوما للي اختاااارعتوها ووسختو بها صورة المسلمين... نهاار يخرجوو جميع المسجونين غانسيفطك ليهم.. ولكن علاش بااك لدابا ماقام بحتى خطوة لحقاش مصلحتو اهم مننك
مجاوبااتوش بقات غير كاتبكي... هز السوارت د الطموبيل و خرج كان الثلج كايصب ... كايتسارا على شي بلاصة فيها الريزو... تلاقا فطريقو مع واحد السيد ووقف بالطموبيل كايسولو على الريزو
السيد : هانتا كاتشوف الثلج كايصب و الطريق مقطووعة و فهاد الاجواء الريزو مكايكونش
ليث : شكراا (ضرب يديه مع الفلون و كسيرا رجع للكوخ )
لقاها متكية ..
من بعد هاد النقاش للي وقع بيناتهم وللاو قلييل فين كايهضرو هي غير مهموومة و حتى هو مكايهضرش الى ماسولاتو
داز نهارهم مكهرب و خصوووصا فاش عرفو بزووج ان الطريق مقطوعة... وصل وقت الفجر وليث كيف العادة ناض صلى و قرا ماتيسر من القرآن و ديما هي كاتفيق فداك الوقت تسنط وترجع تنعس دازت 3 ايااام فاقت فالصبااح و هاد المرا هي للي بغات طيب الفطور لحقاش ديما هو كايصايب كلشي فطور و غدا و عشا و كايجيب ليها تاكل و كايمشي للجهة الاخرى صحيح هما فكوخ واحد و صغير ولكن داك السيتار كان فارق بينااتهم فالليل و فالصباح ..
*****
صايبات قهوة كحلة بان ليها توسط دارت فيه فرماج و حطاتو جات تشوف لقاات الطبلة خاوية ...
يهوديت : شنوو درت انا فين هو الفطور اوووه هو ف فطورو كايصايب لي سالاد و البيض و و و .... فاق لقاها كاتشوف ف الطبلة حشمانة
يهوديت : اوك.. تبعاتو بعينيها حتى خرج جمعات الكيسان بشوية بيد وحدة و جلسات سهااات تاتفكر ف باباها للي سيمانة دابا وهي مختاطفة ماقدر يدير حتى حااجة على قبلها زعمة يكون كلام ليث صحيح هي عارفة بإمكانو يطلق الاسرى مقابل حيااة بنتوو ولكن مادار حتى ردة فعل..
كاتسمع فالباب كايدق
ناضت كاطل من الزاج بان ليها هو هاز الحطب حلات ليه
ليث : اووه نسيت السوارت
يهوديت : شفتي مافراسيش كون هربت
ليث : هربي ولكن بليز الى لقيتي شي بلاصة منين تخرجي قوليها لي باش نمشي معاك حتى انا محجووز هناا
(بدااات كاضحك)
دخل حط الحطب و جلس
يهوديت جمعات الضحكة و جلسات حداه بغيت نسولك
ليث : ثاااني
يهوديت : عاود ليا على دينك
ليث : شنو بغيتي نعاود ليك
يهوديت : نبداو بالديانة نتا اشمن ديانة ؟
ليث : مسلم
يهوديت : سني ولا شيعي ؟
لييث:سني
يهوديت : كانعرف ان السنيين اكثر تعصبا كايكرهو للي ماشي من الديانة ديالهم.. (سكاات)
ليث : كملي ؟
يهوديت : علاش كانشوفك كاتصلي خمسة المرات فالنهار ؟
ليث : كمسلمين فرض علينا الله نصليو الصلوات الخمس
يهوديت : مكاتعيااش ؟
ليث : بالعكس كانرتاح
يهوديت : كانسمعك ديما كاتبقى تقرا شي حاجة بصوت زوين و مغاير ملي كاتصلي مع 5 حتى كايصبح الصباح ... شنو كاتقرا
ليث : القرآن الكريم
يهوديت : امم فاعتقادكم ان محمد نبي
ليث : اه .. ولو ما تحرف الثوراة و الانجيل كانو حتى اليهود و النصارى امنوا بمحمد صلى الله عليه وسلم
يهوديت: عاود ليا على نبيكم .. كيفاش تربى كيفاش عاش شنو الصفات باش تميز ..
ليث (حاول يبسط ليها و بدا كايعاود ليها على الحمل ديال امه امينة رضي الله عنها به و فاش مات باه.. وكيفاش ولداتو مو و ماتت و تربى عند جدو وكانت المرضعة ديال حليمة السعدية رضي الله عنها وفاش ولا طفل تشرح ليه صدرو و هنا شرح ليها السورة .. وكيفاش تعصم من الخطأ و الله حيد من قلبو الحسد و الحقد و الفجور .. وبين ليها انه ماشي كيف تايصوروه الكفار كان اكثر الناس ايماانا و صبراا.. كان لين ف ايصال الدعوة الاسلامية ... رعى الغنم من بعد ولا تاجر .. وتعرف بين آل قريش بالصدق و الامانة )
بقات كاتسنط ..كاتسولو و كايجاوبهاا ببساطة عاود ليها قصص بعض الصحابة للي قراب للرسول صل الله عليه وسلم و على مراتو السيدة خديجة و الحب الكبير للي جمعهم و الحزن ديال الرسول صلى الله وعليه وسلم فاش ماتت
يهوديت كاتسمع ليه بإعجااب و كاتوقف عند اي نقطة مافهماتهاش وهو موسع خاطرو كايشرح ليهااا
يهوديت : اول مرة نجلس مع شي حد ويعاود ليا على الاسلام بهاد الطريقة ملي كنت صغيرة تصور ليا الاسلام و المسلمين على انهم ارهااب و كفاار كايكرهو جميع الديانات لدابا راسخة فنظري هاد الصورة ولكن نتا اثبتي العكس.. و انا قدامك ضعيفة بوحدي مكايناش شي طريقة باش ندافع على راسي بإمكانك تعذبني تغتاصبني او تقتلني بابشع الطرق ولكن مآذتنيش ؟
ليث : ربما لاني مسلم و الاسللم ديالنا وصانا باش مانعذبوش الاسرى
يهوديت (سكتات و حذرات راسها)
ليث : نوضي طيبي للغدا فيا الجووع
يهوديت : ااه اوووك (ناضت بشوية عليها لابسة تشرت ديالو نص كم فالبيض واصل ليها حد الركبة و طالقة شعرهاا كاتشوف باعجاب فالديكور ) على فكرة الكووخ زويين بزاااف الديكوور ديالو طوووووپ شكووون اختاار الفرااش الديكور مغربي ولكن بلمسة مختلفة
ليث : بلمسة فلسطينية
دارت عندو باستغراب نتا فليسطيني
مجاوبهااش عرفات راسها تعدات الحدود مشات للكوزينية جبدات البيض من الثلاجة حطاتو فوق الپوطاجي ورجعات هزات مطيشة ..
يهوديت : هاد الاكلة مكاتكالش بالمووس و الفرشيط كاتكاال بالخبز حطاات ليه الخبز و حتى هي
ليث (كايضحك عليها بحالا هو جاي من كوكب اخر شكوون هذا للي معارفش البيض و مطيشة ولكن بقا ساكت هز دغمة وغمس فالطبسيل كايحاول يتذوق مع ذااق بدا كايكح ) كح كح كح هز الما شربوو
يهوديت : مااالك
ليث : حاااار بزاااف و ماالح مذاقو خاااايب
يهوديت : شنوو (هزات كتااكل خرجووو عينيهاا و مع ذلك سرطاتها ) امممم بنييين
يهوديت جلسات تااتشوف فيه بإعجاب كايتكلم معاهم و تقاسيم وجهو جدية
ليث : غانخرج نشوف الطريق الى كانت مفتوحة نمشي لاقرب سوق هنا باش تاخدي حوايج
يهوديت : ممكن نمشي معاك
ليث : شنوو ؟
يهوديت : بلييز و مغاندير والو
ليث : الى سخيتي بعمرك ديري للي عجبك
يهوديت : نمشي معك
ليث : ماعندك ماتلبسي و البرد برااا
يهوديت : غانلبس حوايجك
ليث : نتسناك برا (خرج و خلاها)
يهوديت : مشات حلات الماريو جبداات تريكو صوفي مع سروال سيرفيت وطاقية و جاكيط هزات مقص قيسات عليها السروال من بعد قطعاتو من رجلين و لبسااتو عقداات السيور ديال السروال حتى زيراتو عليها و لبسات تريكو جاها عريض دارت طاكية غطات عينيها طلعاتها لحد جبهتها و لبسلت جاكيط كاتسااراا مالقاات ماتلبس فرجليها حتى عياات وهي تلبس تقاشر مع الكلاكيطة ...
كاتشوف فالمناظر و الشجر كيف ولا بيض بالثلج حتى الكووخ تغطى به خرجو فالطريق الرئيسي شانطي كبير و بقاو غادين مسافة قليلة وقفو قدام واحد السوق كبير فيه كلشي
هبطات معاه كاتباان بحال شي درية صغيورة غادة فجنب وحش كبيير عاامر و طويل وزاد كملاتها بحواايجو غادة و كاضحك عااااجبها الحاال مامسوقاااش للناس للي كايشوفو فيهااا
هاد النقطة بالظبط اثاارت انتبااهو وحدة بحالها ماشي عاادية انها تأقلم مع بحال هاد الاوضاع كان كايسحابها غير كاتمثل البساااطة و لكن هي بصح متواضعة و بسيطة..
دخلو لبوتييك كبيير فيه الحواايج ديال البناات و الدراري .. البنات للي خدامين غير شافوه سلمو عليه و خرج مول البوتيك كايرحب بيه وهو كايبتاسم ليهم
ليث : اختاري للي بغيتي غانتسناك هنا (جلس فوق الفتوي و جابو ليه قهوة .. ) اا وديري بحساب الجزيرة سخون الجو تما
يهوديت : اه اوك
ليث جلس مع مو البوتيك كايتكلمو
اما هي
مشات كاتسارا و معاها البنات معجبين فيها و فالحواايج للي لابسة وهي مامسوقااش كاتختار فاللبيسات و فاش تفكرات الصهد للي فالجزيرة هزات شورطات قصاار و تشرتات و كسيوات
و خدات حتى لفاطمة.. سالات و جلسات حدااه اووه ساليت
ليث : عند بالي غانبقاو هنا ...الى ساليتي نمشيو ..
الناس للي مكلفين بالمحل وصلو ليهم التقدية للطموبيل اما هما ركبو حدا بعضياتهم .. و فطريقو ليث و قف قدام مطعم
ليث : نزلي تغداي
يهوديت : نووو عييت مافياا للي ينزل
ليث : شنو بغيتي تاكلي
يهوديت : بيتزا
ليث اووك
دخل المطعم دموندا على بيتزا و شوارماا و خرج هازهم فيديه 3 الكارطونات ديال بيتزا حطهم فالطموبيل وراجعين للكووخ وقفو فالسطووب كايبان ليه ولد تايدق على يهوديت من الزااج لابس تريكو مقطع و صندالة دالميكة و ختو فالجنب لاخر ديال ليث
البنت : الله يخليك عموو ساعدنا احنا من سورياا
الدري كايدق على يهوديت نزلات الزاج
مافاهمة والو كاتشوف فيهم كايترعدوو بالبرد
ليث دغيا دور الطموبيل باش يخلي الطموبيلات للي كايكلاكصونيو يدوزو و نزل عندهم حيد جاكيط ديالو غطا بيها البنت جبد من الكوفر مانطة صغيرة وغطا بيها الولد
ليث : وين امك و بيّك
البنت : ليكَ امي هنييك عمو بس بيّي عطااك عمرو
ليث : تعي معي ورجيني وين هي ؟
شدها من يديها و غادي معاها نزلات يهوديت حتى هي شد ليها الدري يديهاا حسات بقلبها وقف يدياتو باااردين و كايترعد بالبرد واخة مغطي بالمانطة شافت فيه بشفقة وهو كايبتااسم ليها فرحااان بيهاا
وصلو لواحد المخيم
البنت : امي تعي هالرجّال بدو يحكي معك
خرجات السيدة دايرة الحجاب و معاها بنت تكون عندها 17 عام حتى هي دايرة الحجاب
ليث : السلام و عليكم.. انتو من وين يا خالة
السيدة : نحنا من سوريا يا ابني.. فقدت زوجي ونحنا عمنقطع الحدود لنهرب من الحرب .. الناس كثّر خيرهم عطوني هالمخيم لاسكن فيه انا و ولادي .. بس الله وكيلك نحنا مابنعرف حدا
ليث : اذا اجو رجال وبدن يساعدوكي انت ولادك روحي معن .. بيكونو من طرفي
السيدة : حااضر ابني الله يوفقك ويجازيك كثر خيرك
تسيفط معاهم و بدا غادي و يهوديت ورااه متأثرة من المنظر للي شافت دراري صغار حوايجهم مقطعين و الثلج والبرد بلاماتحس نزلو دموعها من عينيها مسحاتهم دغياا اما ليث كون صاااب يشدهاا يقتلهااا لا هي لا شعبها بااش تحس شوية بالابريااء للي قتلوو غادي مكسيري حتى كاتقول را غادي يديرو شي كسيدة وصلو للكوخ و نزل لقاو الهلكوبتير محطوطة و الحرس واقفين
ليث : خودوو هاد العنوان غاتلقاو عائلة سورية عاونوهم
الحارس : حاااضر سيدي
ليث : طلعي للهلكوبتر
يهوديت : بلاتي نلبس حوايجي... (عيط لهم باش يجيبو حوايجها وحتى لغدا )
يهوديت : نو نو مابغيتش
ليث : اووك سربي بااش نمشيو
يهوديت : واخة نتا مغاتاكلش
ليث : لاا
دخلاات بينما جابو ليها حوايجها ... سخناات دووش و دارت بلاستيك ليدها المكسورة حيداات كلشي تخشاات فالجاكوزي بالزربة كاتغسل بيد وحدة غسلات شعرها و دارت خرقة و الصابون خوات عيها الماا و تلوات ففوطة كاتمسح
ليث شاف الساعة لقاها تعطلات طلع فالدروج بالزربة مع حل الباب كاتباان لييه صولووو كاتمسح بالفوطة قفزاات من بلاصتهاا كاتحاول تغطي راسها غمض عينيه ... خبط الباااب بالجهد و بقا واقف ورااه مكهرب من الموقف
رجع للهليكوبتر و جلس
دارت كملات حوايجها لبسات كسيوة مع ليبا موس و ليبوط لاحت عليها مونطو ودارت طاقية و كاشكول .. خرجات عاونوها الحرس حتى طلعات الهيلكوبتر لقاتو داير لجيهة الزاج جلسات مقابلة معاه...
طلعو الحرس جالسين معاهم ..
بدات كاطلع الهليكوبتر و هي كاتشوف من الزاج فالجو من الفووق حطات راسها بتعب و نعسااات كاتفيق على صوت ليث كايفيق فيهااا .. ناضت قافزة من بلاصتها شافتو داير نضاضر و لابس تشرت نص كم ..
ليث : وصلناا
حيدات الطاقية و المونطوو بغات تهزهم فيدها حيدهم ليها و عطاهم للحارس
شدها من يدها حتى نزلات و هي حااالة فمها فيه كايباانو عروقو خارجين و حمر و مفووبش بالشمس للي مسينيا فيه
الحارس وصل الحوايج للخدامات وجا عند ليث قاليه شي حاجة فوذنو
ليث : اووك خرجوو كاملين ماتبقااوش هنااا و حتى فالبحر خويو كلشي
الحارس : حااضر سيدي
يهوديت كادور وجهها شافت الحارس شير بيدو دار حركة الانسحاب و بداو كايحيدو واحد ورا لاخر ..
يهوديت : ولكن علاش هنا خاوي (كاطل من البالكون) علااش الحرس مشاو واش من ديما ولا غير اليوم
فاطمة : لااا كانوو جات كاكل حتى هي ماعرفتش ولكن باااينة علاااش
يهوديت : اها علاااش ؟
فاطمة : جلسي جلسي نعاود لك شنو وقع فغيابك
المهم جات واحد خيتي مطلعة راسها للسما و ملي دخلات وهي كاتآمر فالخداماات بغيت هادي لا جيبو هادي علااش هادي مامحطوطاش هاكا ... انا بغيتها هاكا
واحد الصباح نهى عيطات لي باش نجي نفطر معااهم و هي تنووض كاتأفأف و تنفخ هزات كاسها ديال القهوة و خرجات للجردة .. فاش كايجيو الدراري كادير الحجااب ولكن دباا را مشااو كاملين حتى نهى سافرااات معاهم بقات غير هاد الزبلة ماعرت منين نزلات عليناا
ليث فاش عرف مراتو جات امر الحرااس باش يحيدو من الجنااح وحتى من البحر و لاپيسين
دخل لبيت نعاس حيد نضاضرو حيد التشرت بغا يدخل للدوش وهو يلقاها واقفة عاطيااه بالضهر كاتغسل فسنانها
ليث وقف حتى شافها ورجع جلس فكرسي مقابل مع الزااج... سالات وخرجات عندو
دينا : حبيبي من امتى و انت هناا
ليث : شوية هذا
دينا (عنقاتو من اللور ) ماتوحشتنيش
ليث : سي .. كيف داز السفر ديالك
دينا : زوين.. (جلسات فوقو و عنقاتوو ) وانت كيف دازو ايامك فين كنتي علاش جيتي ومعك هاديك
ليث : كنت فالكوخ
دينا : شنوووو ؟
ليث : اه فالكوخ كاين شي مشكل
دينا : فالكوووخ انت و ديييك الكااافرة
ليث (ببرود) بحاال الى كاترفعي صوتك لاا !
دينا (ناضت من فوقو) : برافو والله .. وااااش هي جاية سيااحة .. بغيت غير نفهم جبتيها للجناح الخاص قلت ماعليش .. نهى فووقت ما بغينا نتجمعو فوق الطبلة كااتشد معايا الضد و تعيط لصاحبتهاا قلت ماشي مشكل .. و دبااا شنووو ههه مشيتي معاها للكووخ الراااس فالراااس.. كيف دازو ليااليكم هااا
هز يديه حتى هزها و عطاها بالتصرفيقة ميلاتها كاملة شدها من شعرهااا
دينا : اي اي
ليث : اخر مرة تهضري معاياا بهااااد الاسلووووب
دينا : ا م سمحليا اا اي ...
دفعهاا
طاحت فووق الناموسية كاتبكي ، مصدووومة فيه اول مرة يحط عليها يدو
اما هو دخل للدوش معصب تايسووط ناضت دغيا كاتمسح فوجهها قبل مايخرج من الدوش جمعات شعرهاا وكاتشوف ف التصرفيقة للي عطاها .... حتى كايبان ليها خارج معصب دارت و مشات كاتجري عندو
دينا : ليث نتا فهمتيني غلط انا الغيرة عماتني و ماقدرتش نتحكم ف اعصابي هئ هئ.. مانقدرش نشوفك مع شي وحدة كيف ما كانت وااخة انا ثايقة فيك و عارفاااك هئ هئ
مجاوبهاش
دينا (ماستسلماتش لصقاات فيه ).. حيااتي ماتقلقش مني عفاااااك..
عطاها بالضهر و حل الماريو كايجبد حوايجو عنقاتو من اللور وحطات راسها على ضهرو شنوو ماتوحشتينيش كاتقيس فصدرو بصباعهاا دينا : انا توحشتك بزااف ..
ليث (دار عندها .. طلعات بصباع رجليها باستوو و بداات كاتقرب منو شويا بشويا حيدات الفوطة و رماتها للارض كادلع فسميتو وكاتحلون عليه
/////////////////////////////////
(هاد ليباريير حفاظا على سلامة الجمهور الناشئ)
***
ليث تزوج ب دينا زواج تقليدي .. هي بنت عمتو ماتت ماماها و باباها فكسيدة ورباها خالها للي هو بابات ليث ترباات معاهم ووسطهم ولكن فاش كبرو الاب طلب من ليث يتزوج بيها باش يحميها و يكون سند ليها خصوصا انها يتيمة
ليث لحقاش ماعندو حتى علاقة حب تزوج بيها و قال ان الحب غايجي من بعد الزوااج..
***
عند يهوديت جالسة للتحت متكية فبيتها هي و فاطمة.. كاتعاود ليها شنو وقع فغياابها حتى كايسمعو فالخبيط فوق رااسهم
فاطمة : ناغي اش هادشي ..
يهوديت (هزات راسها فالسقف ) هاد الصوت جاي من بيتهم
يهوديت : شش غايسمعونااا بقاو تايتسنطو حتى مابقاش الصوت
فاطمة : مكااانسمع وااالووو
لصقو وذنيهم مع البااب و نسااو راسهم و هما تايتعاااودو و كايهضروو عليه ماهزووش وذنيهم حتى كايتحل الباااب بالجهد جااااااو مرميين فالارض وحدة فوق الاخرى طلعو راسهم ببطئ فرجليه بقاو مطلعين راسهم حتى كملات الصورة ديال ليث واااقف كايشووف فيهم
😨😨😨😨😨😨😨😨😨😨
فاطمة طايحة فووق يهوديت دغيا جمعااات الوقفة و ضرباتها بجرية ماحداااتها تالجردة اما يهوديت كاع مبيسة ماقدراتش تنووض تحرجاااات من الموقف فنفس الوقت ماعرفات مادير مع وقفات بغات تهرب شدها من ذراعها بالجهد حتى كانت غاتلصق معاه
ليث : اش كاديري هنااا ؟
يهوديت : ا ا طلقني و نقولك
ليث : (مزير على ذراعها ) تكلمي
يهوديت : ماعرفتش مكاملاش حتى دقيقة وقفنا كانتساراو عليك ب ب بغيناك فواحد الموضوع حتى حليتي الباب 😒 بامكانك تفتحو بطريقة مأدبة شوية
ليث : اش بغيتي ؟
يهوديت : حتى تسالي و نهضرو (مابغات تقولو والو غير بغات تفك راسها )
خرجاات ديناا من الدوش ملوية ففوطة و شعرها فازك كايقطر على صدرها
دينا : ليث😳😳 شكون هادي
يهوديت هزات راسها فيهاا كاتنطر باش تخرج
دينا : اجي بلاتي شكون نتي
يهوديت : انا هي للي اختطفني راجلك
ليث : شاف فيهاا
يهوديت : ماالي كذبت 😕
دينا : واش هي هاادي طلعات فيها و هبطات .. هادشي مكايعنيش دخلي قلب بيتنا
يهوديت (رفعات كثافها) : هو للي دخلني
انا كنت برا
دينا : اش كاتقول هادي
كايبان شكلهم بحال الضريرات وهو واقف وسطهم كايشوف فهادي وفلوخرى
ليث(طلقها و جر مراتو عنقهاا و كايشوف فيهوديت بنص عين ) : لا حيااتي غير كاتخربق مايهمكش كلامها
يهوديت خرجات كاتجري و قفاات فالدرووج و شدااات قلبهااا حسات احسااس غريييب دخلات للبيت
فاطمة : الله يسمح ليااا لا علااااقة واخة لونها واعر سمرا و شعرها طويل و انيقة و فورمتهاا سكسي ولكن اختي تئ تئ ماملحااش حروفها خايبين ياااارربي تسمح ليا
يهوديت : ماعجباتنيش 😣
فاطمة : ايوا اختي الله يعطينا زهر الخايبات ... ولكن راا فورمتها قتالة واقيلة داكشي علاش باغيها
يهوديت : غادي نعس
فاطمة : اوووك
نعسااات حتى كاتفييق على صووت فاطمة وااااانوووووضي اميرتي حبيبتي فيقي تشوفي
يهوديت : شنوو
فاطمة : طلي من البالكوون
ناضت كاطل من الباكلون... شافت لاپيسين مزين بقلب كبيير ديال الورد و طبلة مربعة عامرة شمووع و الشموع فالارض جو روماانسي
خارجة ديناا جارة ليث من يدوو و كاضحك لابسة كسوة فالازرق خويطات مزيرة حتى للفخاض طويلة من الجنب ليسر و معرية من الفخض ليمن...
قربو لحدا الطبلة جر ليها الكرسي حتى جلسات بكل لباقة جلس هو
نزلاات الريدووو بالجهد
فاطمة : مالكي ؟
يهوديت : ماتفيقينيش هاااد المرة
فاطمة : جاتك الغيرة !
يهوديت : صاڤا پا او كوااا ؟
فاطمة : مانعرف تصرفاتك كايبينو بلي ولا كايعجبك نووو ماتقوليهاااااش
مرت الايام على الشخصيات ليث ماجاه حتى خبار من عائلة بينيامين من غير انهم رفضو يطلقو سراح الاسرى و حتى هو رفض يسلمها ليهم ..
يهوديت هي و فاطمة مرة ضاحكين مرة طاالع ليهم الدم من حركاات مراتوو واخة مكايهضرووش معاها ولا كاياكلو معاها ولكن كايبقاو يشوفوها كيفااش تاتنقز من قنت لقنت و غير تابعة ليث فين مامشاا وهو ديماا مغوبش باينة فيه محاملهاااش ...
فاقت يهوديت بكري ونزلات فطرات لابسة شورط قصير مع تشرت فوق السرة طالقة شعرها الاشقر دورات وجهها شافت صهيب و عماد و نهي و ياسر جالسين فالجردة بملامح طفولية شافت دروج كاينزلو للاكاڤ و هي تنزل بشوية كاتسلت بانت ليها قاااعة كبيييييييرة مضلمة ديكورها يوحي انها صال هوم سينيماا فيها كراسى جلد فالمااغون مستفين جالس ليث كايتفرج رفعات راسها بشوية باش تشوف لقات وثائقي حول اطفال غزة و معنااتهم بالدمار للي لحق بلادهم على يد العدو الصهيوني ..
بنت صغيرة لا حول لها ولا قوة كاتغوت بحر جهدهااا باش يجبدو والديها من تحت الانقااض.. اب هاز فحظنو ولادو بزوج ميتين
شهدااء مزال فاول شباابهم قدمو حيااتهم فداء لبلادهم.. اطفال ابريااء مقتولين بابشع الطرق كاين للي تفرغات ليه رصاصة فدماغو و كاين للي تقطعات لو رجلو وتسبب فعاهة مستديمة .. ف بين ليلة وضحاها كاتدمر حياة الالاف ديال الابرياء لا ذنب لهم سوى انهم ضحايا الاستعمار.. اطفال امنياتهم بسيطة بغاو غير يرجع ليهم الضو و مايبقاوش يسمعو اصوات الدبابات و الاسلحة النووية... دمرو بيوتهم و مدارسهم يتموهم وقتلو احلامهم ...
عطا الصحافي لميكروفون لطفل صغير كايسولو على الحصار ...
الطفل : تعالو شوفو حالنا ما في كهربا و لا مي و لا ايشي ناكلو .. مابنتفرج على تلفاز و مابنعلب زي اطفال الشعوب الاخرى شوفو حالتنا وقت نفتح التلفاز بلاقي تشييع جانازات بلاقيش كارتون ولا اشياء نتعلم منها كللو دبابات و تشييع جنازات و قصف ... مابيخلونا ندرس ولا نتعلم .. تقريبا سنتين والحصار علينا مابيفتحولنا معابر حتى يعبر لنا ناكل ... قولهم ايوقفو اطلاق النار عناا قولهم يرحلوو عنااا
سالا الوثائقي ليث ناض باش يخرج لقا يهوديت واقفة دموعها شلال مصدووومة فللي شافت شاف فيها باحتقاار
يهوديت (كاتبكي بصوت مبحوح ) صدقني انا..
زااد و خلاهاا تبعااتو كاتجري هو طاالع فالدروج و حتى هي كاتجري وراااه.. دخل لبيتو و خبط الباب عليهااا قفزااات من بلاصتها تنفست الصعداء و دخلااات دغيا كاتمسح فدموعهاااا
يهوديت : انا مااكنتش عارفة ب هادشي كامل انا عمري مشيت لاسرائيل ولا شفت شي وثائقي بحال هذااا (انفاجرات بالبكا )
كايسمعوو فالدقان حل صهيب الباااب
صهيب : هااااات البشاااارة... طلقوو سراح الاسرى .. و المهمة سالات
فاطمة : شنو ههههههه واااااو تلااحت عليها تاتعنق و تبووس . فيهااا ونتي بااش عرفتي
يهوديت : اجي جلسي ماشي هذا المهم حنا واخة نبقاو هنا حتى عام غايجي واحد النهار و غانمشيو ولكن سمعيني ش غانقول فاش نمشيو للي سولك قوليه ماشفنا حتى حد دخلونا لحبس مضلم و بقينا فيها عنداااك تبقاي تعاودي على ليث و الجزيرة و صهيب قولي ربطوناا و خداونا لبيت مضلم ماعرفنا فين جا
فاطمة : ولكن حراااام هما مادارو فينا والو علاش غانكذبو عليهم
يهوديت : طبقي كلامي بالحرف سي نن كانقسم ليك بحياتي ا حبيبة انا للي غانقتلك و نلوحك للكلاب ياكلوك .. هادشي للي هنا محيه من بالك اعتابريه عمروو ماكان اتفاهمنا
فاطمة (معجبا فيها) واخة
جبدات من الماريو شورط كحل و ديباردور و جبدات حتى لفاطمة بحالهم
يهوديت : لبسي هاادو و ديري بحالي اووك
فاطمة : وااخة
لبسو حوايجهم و خرجات يهوديت للبالكون تابعاها فاطمة هزات التراب من المحبق و دارتو لفخاضهاا و صدرهاا و فاطمة كادير بحالها
فاطمة : ناغي صاحبتي هبلات
يهوديت : مزيااان .. دبا قولي باي باي لهاد البلاصة
فاطمة : شدات ليها وجهها .. كنتي تاتبكي ؟
يهوديت (بعدات وجهها) ههه نو نو ؟ شوفي راه صهيب ديالك سيري سلمي عليه
فاطمة : بصح غانمشيو
كايسمعو فالدقان
حلات فاطمة الباب لقات الحرس مسلحين
حارس شد ليها يدها بزوج رجعهم للور و مونطاهااا اما يهوديت باقا مهرسة من يدها مونطا ليها يد وحدة مع بنضة ديال سرواالو الحرس قدامهم ووراهم مخرجينهم من الجزيرة
يهوديت غادة و كادور وراهاا بملامح طفولية و كأنها كاتسارا باش تشوفو لاخر مرة ... هابطة فالدروج و كادور فجنابهااا خرجوهم لبراا لقاو هيليكوبتر محطوطة
واقف صهيب و عماد و ياسر ورافعين راسهم فيهم ... بلعات ريقها قلبهااا بدا كايضرب بالجهد حاولات تخبي ولكن ماقدراتش كاتشوف فيهم و كأنها فوجوههم كاتقلب على ليث محتااجة تشوفو لآخر مرة .. يمكن بغات تحفظ تقاسيم وجهو للمرة الاخيرة .. ركبات فالهليكوبتر على أمل يجي فآخر لحظة و تشوفو سرعاان مانطفئت الامنية فاش الحارس غمض ليها عينيها هي و فاطمة
قلعات الهليكوبتر وسافرت يهوديت بقلب مكسور نزلات دمعة حارة على خدهاا ... عرفات ان رحلتها للهنا و سالات ...
ليث واقف كايطل من الزاج ديال بيتو متبع خطواتهم حتى قلعاات الهيلكوبتر دخل عندو ياسر من بعد مادق
ياسر : ماكنتش بغيت بنت بينيامين تعرفك ... اكيييد غاتوصل لهم شكون نتا و سميتك وحتى تفاصيل حياتك
ليث : ههه
ياسر : كاتستهزء
(لارد)
ياسر : عرفتي شنو هي امنيتي
ليث : شنو
ياسر : ندخل لدااك الراس عندك و نشووف اش فييه..
ليث : كلشي تحت السيطرة ماتخممش.. بالنسبة لعائلة بينيامين غايعجبني الحال الى بنتو وصلات ليهم انا شكوون (غمزو و دور وجهو لجيهة الزاج )
فاطمة حطاات راسها على يهوديت بشكل حزيين..الهيلكوبتير نزلات فلندن فوسط الغابة جنب قصر بينيامين كانو الحراس ديالهم منتاشرين فكل مكان و مسلحيين ... نزلو البناات وحدة ورا الاخرا تسلموهم الحرااس بسرعة حيدو لهم المينوط و حلو لهم عينيهم
عائلة بينيامين مجموعين فغرفة مجهزة بالكاميرات كايشوفو فالبنات نازلين
الحارس كايشوف فباباها اشار ليه بعينيه و حل ليها المينوط
يهوديت خنزررات فيهم جراتها و طلعو فالاسنسور بقاو كايشوفو فيهااا مستغربيين فحركاتها
وصلو لبيت نعاس ديالها ويهوديت حاولات تبين راسها مهدنة وهي العافية شااعلة فقلبهاا
فاطمة : شنووو واقع
يهوديت : والو دخلي دوشي و ارتاحي
فاطمة : امتى غانمشي
يهوديت : رتااحي و نفكرو امتى تمشي
فاطمة : حسيت بعائلتك مابغاونيش
يهوديت : ههه لا لا ..
فاطمة : مخنوقة اختي (انفاجرات بالبكى) صحيح مافهماتهمش اش كايقولو ولكن حسات براسها فبلاصة ماشي ديالهاا حسات باحساس الحكرة و الضلم و الاهانة
يهوديت : شش... هادشي للي عشتي هاد الفترة ماشي سااهل.. مع الوقت كلشي غايتصلح كانواعدك
دخلو الخدم معاهم طبيب و ممرضة
الخدامة : مدموزيل الطبيب خاصو يفحصك..
يهوديت : اووك..جهزو غرفة لفاطمة تكون حدايا و سخنو ليها الدوش .. شافت فيها .. اي حاجة خصاتك راهم حوايجي
فاطمة : واخة
الطبيب فحصها و بدل ليها الفاصمة للهرسة و طمنهاا ... نزلات هي وياه لقاتهم جالسين فالصالون هزو راسهم فيها
ديانا (الام ) ناضت كاتحسس ليها فيدهاا
الطبيب : خاصها كل مرة دير كونتروول على يدها الهرس مع الوقت غايبراا و راها مزياانة ...
بينيامين : شكراا
وصلوه الحرس للباب
يهوديت (شافت فيهم واحد بواحد) : فاطمة ماانبغي حتى حد يقيسهاا و خاصها ترجع لدارهم فاقرب وقت .. و خاصنا نتكلفو بالعلاج ديالها عند افضل طبيب نفسي هادي ابسط حاجة غادي نقدمو لها البنت كرهاات حياتها و دخلات فشي اموور بعااااد عليهااا... هزات راسها فيهم باستغراااب ياكماا درتووو شي حاجة لعائلتها ؟؟
بينيامين : جلسي ابنتي جلسي خليني نهضر معك ...
جلسات
بينيامين : عرفتها صاحبتك و لكن نسيتي بلي هي مسلمة كيفااش طاوعك قلبك ديري الخير فمسلمة .. و ثيقي فيهاا لهاااد الدرجة
يهوديت : بعيد على الدياناات هي مدارت والو اتختاطفنا بزووج و جلسناا لمدة 15 يوم فبلاصة مضلمة عشنا معاناة صعيبة تكرفصوو علينااا كون كانت معاهم مغايختاطفوهاش حتى هي.. حاااولو تفهمو والا علااش غاندافع عليها ؟
جوزيف : قدرتي تعرفي الامبراطوور .. ضروري مايكون جا عندك باش تعتارفي ليه باسرارنااا
يهوديت : ماقدرتش نتعرف عليه جاو عندي رجال ملثميين ولكن رفضت نتعااطى معاهم هادشي علاش (طلعات الكلون على سااقها كان باقي فيه الاثر ديال الشووك للي دخل ليها ) هادشي علاش تعرضت للتعذيب ...
بينياامين : كانواااعدك ابنتي نتاقم ليك منهم واحد بوااحد
يهوديت : غانتاااقم بوحدي منهم .. ولكن مانرتااح حتى نوصل للراس لكبير ديالهم
بينياامين : هادي هي بنتي للي تانعرف
داڤيد : مانقدرووش نتصورو الموساااد بلا بيك نتي عضو اسااااسي فالفرقة
يهوديت : رجعو فاطمة لعائلتهااا
بينيامين : مايكون غير خاطرك
ميخائيل : طلعي تساراحي
يهوديت: اووك
طلعات و فطريقها لبيتها خبروها الخدم ان فاطمة فالغرفة للي جهزو دخلات عندها لقاتها دوشات و متكية
يهوديت : باقا كاتبكي
فاطمة : لاا هئ هئ
يهوديت : نوضي باراكاا من البسالة
فاطمة : مسحات دموعها ولكن ..
يهوديت : اوووه صافي سكتي 😒
فاطمة : انا مانقدرش نكوون قوية بحالك ..نتي كلشي عندك ضحك حتى حاجة مكاتأثر فيك ..
يهوديت : لبسي حوايجك بااش نخرجو
فاطمة : ِنتي شوية لاباس فهااد الجو المكهرب
يهوديت : super .. غانمشي ندوش ونتي حاولي تنعسي دبا لحقاش غانتعطل فالدوش ... ولكن فاش نخرج نلقااااك مرتااااحة مكاتبكي ما والو
عزة نفسها كاتمنعها باش تعاود همومها و مأساتها لاقرب النااس ليها لحقاش عارفة بل متأكدة ان حتى واحد مغايحس بيها قد راسهاا.. طول عمرهاا كاتمنى تعيش بعيد على الاضواء و الشهرة و الغنى الفاحش.. حلمها تعيش فبيت صغير و بسيط بفرااشو.. تماما بحال الكوخ للي كانت فيه هي وليث ...
*****
آاااهْ ياليث شنو هاد الشخصية الرهيبة عندك للي خلاتني نفكر فيك لهاد الدرجة... فايام قليلة قدرتي تسيطر على عقلي و تخليني باغا نشوفك مرة اخرى.. ماعرفتش علاش هاكا كانتصرف ولا شنو للي خلاني نخبيك عليهم.. بالرغم من انا اول وحدة خاصهاا تخبرهم شكون نتا ... قابلت بزااف د الرجال فحياتي و من النظرة كانعرف شخصية كل واحد فيهم ولكن ليث فكل مرة كانشوف نظراتو كانحس احسااس غريييب قريب من الخوف و الفرحة .. كانحس براسي طايرة فالسماا كانحس احساس غريب علياا ليث كنت راسمة شخصيتو ووسامتو غير فمخيلتي ولكن هانا لقيتو فارض الواقع و فرمشة العين طار من يدي كأنه حلم صعييب الوصول ليه.. لقيت الشخص للي بغيت ولكن من دين مختلف .. والاكثر من هذاا بينااتنا كره السنين .. بيناتنا ثأر مستحيل يتغفر...
ياااه على صدفة غير كل الصدف للي مرو من حياتي.. صدفة خلات بصمة فقلبي ووضحاات بزاااف دالامور الغامضة فحياتي ...
****
خرجات من الدوش ملوية ففوطة فالنواغ قصيرة كاتمسح فجسدها الناعم .. حلات الماريو جبدات كسيوة خيط فالنواغ و البيج ... نشفات شعرها كاري فالاشقر .. صايبات مكياجها رشات عطرها و دارت طاقية فالنواغ مع مونطو فالبيج هزات حقيبتها اليدوية لقات ميخائيل خوهاا واقف..
(الحوار بالعبرية )
ميخائيل : كيف بقيتي ؟
يهوديت : مزياان
ميخائيل : خارجة ؟
يهوديت : اه
ميخائيل : نوو نووو نتي بحرا جيتي واش مااااخفتيش تعرضي للاختطاف مرة اخرى يهوديت :(فنفسها يااريت) لا شوية و نرجع
ميخائيل : اوك خلي الحرس يراافقوكم
يهوديت : اووف لااا ..
ميخائيل : الى قلتيها لبابا مايخليكش ..
يهوديت : اوووك ..
ميخائيل :( هاز فيدو زوج بورطابلات نزل راسو).. هاكي هذا ليك و لفاطمة الى بغات تكلم مع ماماها ..
يهوديت : شكراا
ميخائيل (عنقهاا) توحشتك بزاااف ( عنقاتو بالجهد)
فاطمة (حلات الباب ) انا واااجدة..
يهوديت : اوك نمشيو .. ولكن قبل هاكي هضري مع ماماك
فاطمة : شنووووو
ميخائيل خلاهم و نزل
دغيا ركباات النمرة صونات المرة الاولى و الثانية مجاوبااتهاش...
حسناء الموساد الجزء الثاني
محتوى القصة
التنقل بين الأجزاء