عند جسور نهار كامل وهو فشركة .. ترأس الاجتماع كيف العادة وخرج ... ركب لوطو ديالو وتم راجع لدار
دخل وطلع نيشان لبيتو .. .. دخل لدوش دوش وخرج لبس الملابس ديالو لي كانو عبارة عن تيشورت بيض لااااسق علييه .بينلو لفورمة كتر وكتر .. وسروال تجين .. دار ساعاو ليدوية .. رش ريحتو .. ومشط شعرو وخرج من لغرفة وفين ما فات لخدامات حالين فيه لفم و هوا ماعلابلو بتا وحدة
هبط لتحت لقا لغدا محطوط ولخدم مداورين بيه الا حتاج شي حاجة .. جلس هوا ولوليد ديالو يتغداو فصمت حتى سالاو لماكلة
ناض خرج لجردة وجلس طلب من لخدامة تجيبلو كاس عصير وبقا جالس كيتأمل فلخضورية حتى تفكر خلى عشتو ... اه تفكر ديك لبنت لي سلباتلو عقلو من اول مرة شافها ... سحرااتو بجمالها ...بقا سارح فافكارو وكيفكر كيفااش هاد لبنت دخلت حياتو ... حتى تم داخل أوس لجردة .. مشا عندو وتسالمو .. جلس اوس حداه
اوس : افين العشير
جسور : صافا ولا
اوس : بخير اساط ونتيايا
جسور : لحمد لله
اوس : كيداير معا شي خدمة كاين شي ولا غي لفرشي ههه جسور ضحك بضحكة رجولية : ههه كاين لخير على جهد .. سي يانيس قالك مشا يفوت شهر لعسل معا مرتو ... وزيد لوليد غدا راه مسافر بغا يستقر ففرانسا هنا لجو مكيلائموش ... ايوا بقا جسور حاصل فكلشي ههه
اوس : حصلة خايبة يا صاحبي.. زربو عليك ههه
جسور : خليها على الله
وصافي جات سهيلة جايبة ضيافة وعينيها كيدورو فبلاصتهم كيخرجو منهم لقلوبة .... بدات كتقاد فطبلة .. ولبسمة على وجهها .. اكيد فهيا شافت لولد لي كتحماق عليه من اول نهار حطت رجلها فهاد لقصر من اول مرة شافتو معا جسور
كانت حتى هيا فتاة زويناا وطايتها مقاادة عندها ليهونش .. صدر وااقف .. بيضا بحال التلج
جسور شاف فيها ولقا عنيها مغرغين بقا ساهي وكيتامل فيها
فجسدها بديك لبسة .... جدباااتو ريحتها لي شمها من بعيد .....بقا جالس كيتفرج فيها بلا ميفكر .... عينيه ركزو فشكلها ....فصباعها .....فجانب وجها .....فخدود الواقفين..... ففمها الممتلئ المغري..... في شكل جمعها لشعرها .....فشكل وقفتها. شوية حس براسو ضعيف كيورك علی شنايفو وكيخرج زفير شهيق .... حتى فاق من سهوتو على صوت اوس
اوس :وكول اصاحبي
شاف فيه جسور وبدا فالاكل وكيحاول يضبط راسو
كملو اكلهم ناض اوس توادع مع اب جسور
اوس : طريق سلامة اعمي
الاب : الله يسلمك اولدي
اوس : يالاه اسيادنا خليتلكم راحة
جسور : راك جالس مزال الحال
اوس : راك عارف خليت لوين بحدها فدار
جسور تنهد : واخا
توادعو ومشا اوس اما جسور طلع نيشان لبيتو ودخل لدوش يبرد على راسو .. خرج نشف شعرو لبس غي شوط وبقا عريان من لفوق ولما كيتقطر على عضلاتو الحديدية ... تكى فوق نامسيتو و عقلو غاابي تماما ... بحال شي واحد خدروه ... كيجرب احاسيس فشكل ... تنهد بحرارة وبقا كيقلب على تليفون ديالو ... مالقاهش وهز الانتيرفون لي متاصل بلكوزينة ... عيط عليهم
جسور : ابتاسم شوية وجمعها دغيا و ناض من بلاصتو شد عليها تليفون
جسور : خرجي
خرجات بياض وقلبها كان غيحيد من بلاصتو سدات الباب و هبطات ... بقات كتغسل فلماعن و كتفكر فجسور .... كيفاش ناعس و.... شعرو ولحيتو ....وعينيه ....وشفايفو ....وهضرتو الرجولية ....وتقتو فنفسو .قالت فخاطرها.سعداااااتو براسو **** جسور كيخرجات بياض من عندو من البيت وسدات الباب .....حط يدو علی قلبو...... بحالة كيطبطب عليه .....كيقوليه نساها ....كان باغي يعنقها وشي حاجة حابسه..... يمكن الغرور اللي فيه..... يمكن يسحابها بحال جميع النسا اللي عرف .
كملت بياض شغلها ومشات لبيتها تنعس طاحت كااو .. اما جسور بقا شحال عاد غفى وقلبو كيدق ..
اصبحنا واصبح الملك لله دخلات شميسة بأشعتها الذهبية ضاربة فوجهها ، فتحات عينيها بصعووبة .. و بقات ترمش ، ... كتحاول تفكر فين هيا محيت ليلاصة جديدة عليها ... عاد تفكرت بلي راها فلقصر وهادي بيتها جديدة بقات تحقق البيت محيت لبارح كانت عيانة طاحت دقة وحدة ....كان بالگري و الكحل و الفراش فالكحل رطب .... بتسمات بحزن ... تفكرات خوها يونس او بالاصح ولدها يونس كيف غادي يكون داير ... عمرها ما فرقاتو تا نهار ... وهاهيا دابا بعيدة علييه... وليني معندها مادير .. من غي انها تستسلم لقدر ديالها...
تلفت حداها بانتلها سهيلة غارقا فنعاس بتسمات وهيا تشوفها دايرا نعسة عجيبة ... كل رجل لايحها فجيه وراسها تحت لوسادة
ناضت مشات للحمام لي كان تما تاهو فالغرفة ، دخلت كان فالابيض فيه جاكوزي و دوش بالرشاشة و الضواو لاسقين فالسقف و فيه مستحضرات العناية بالجسم ، الوجه و الشعر ... بقات مبهوضة فيه زويين ومقاد واخا خاص غي بالخدم دوشات و خرجات لاوية عليها فوطة و على شعرها فوطة ... بدات تدهن فلكريم ديالها .. هي واخا مافحالهاش ولكين ديما محافضة على نضافتها ...لبسات ملابس لخدمة وساطت من لعطر دايلها .... نشفت شعرها وجمعاتو كعكة مهملة وشي خصلات هابطين جات كيوووت... دارت غلووز
وتوجهت عند سهيلة تفيقها
بياض : حبيبة نوضي وبقات تحرك فيها بلاتي
سهيلة : ممم ..مم
بياض : وا نوضي يا صاحبتي راها 6
سهيلة عاد حلت عويناتها لمعمشين وبقات تشوف فيها : صباح لخير
عند جسور حل عويناتو الفتانين ببطىء .. ونص بتسامة مرسومة على فمو ... بصدرو العاري .. داير يديه مور راسو وجالس كيتامل .. صبح فرحان عكس نهارات لخرين ديما فايق خاسر ... كيف لا وحبيبت قلبو ولات حدا عنييه ... كل نهار يشبع عويناتو منها .. كيف لا وهو كيحس قلبو كيدق فوقما شافها ... كيف لا وهيا الحاجة لي رجعت كتفرحو بعدما كحالت دنيا فوجهو بعد موت مو
ناض من بلاصتو .. دخل لدوش ودوش .. خرج مغوبش عاقد حجبانو.... ولاوي عليه الفووووطة على نصو ومن لفوق عريان ... ولما كيتقطر على صدرو ...واحد لالة فوورمة عندو .....ودااااك سيدي وشم اللي مرسوووم فيه .. يعني فيه غاع لموصفات لي طيح اي بنت ... تا وحدة ماتقد تقاوم جمالو ورجولتو ولهيبة ديالو ... لبنات كيتلاحو عليه ... اما هوا ممعبر تا وحدة
لبس توني ديال سبور وسباديرنة .. رش عطرو و مشط شعر وتم نازل
هبط كيدور فعنييه ويشوف من ومن ....كيقلب فبلايص الخدامات مي مالقا تا وحدة ماكاينا .... جا خارج وهوا يسمع تقرقيب ..... قلب دورة وبقا متبع مصدر الصوت ...حتا وصل لكوزينة .... انتابه الكوزينة فيها الضو..... مشا بخطوات واتقة للكوزينة حتى كتباليه ليه ملاكو واقفة كتوجد وتقاد فالفطور و تغسل اماعن .... تمشی بشوية جيهتها وقف قريييب منها اولا نقولو حداها بهيبتو و رجولتو كاااملة .....كيتامل فجسدها من اللور.... جدباااتو ريحتها..... بقا غادي بلا ميفكر .......وقف قريب منها كيشم فشعرها بطريقة هااادئة.... بحال كيستنشق الريحة بلا متحس ......عينيه ركزو. فشكلها .....فصباعها .....فجانب وجها..... فخدودها الواقفين .....ففمها الممتلئ المغري .... في شكل جمعها لشعرها..... فشكل وقفتها. .....حتى بدا كيتزير .....حس براسو ضعيف..... كيورك علی شنايفو و كيتنفس بجهد ... صدرو بقا طالع هابط... وهو مزير على لقبضة ديالو ... بحال لبركان شعل خطرة وحدة ....اما هيا فداار لغافلون غاع مانتبهاتلوش
****
عند بياض كنت كنوجد الفطور ونقاد فطباسي .. جيت ندور باش نمشي ناخد شي طبسيل من لبلاكار ....حتى دخلت فشي حاجة قاسحة ....جيت طايحة حتی حسيت بشي يد محوطاني من خصري ويد شادة فيدي لاخرة..... حليت عينيا كيبان ليا السي جسور ... تصدمت شدتني لقوة ....سي جسور بهيبتو كااملة يجي لكوزينة ....بقا كيشوف فيا ومخنزر و انا بقيت مبرقة فيه عويناتي وقلبي كيضرب بجهد يمكن بكترة لخوف ..... بقيت شحال عاد استوعبت بلا راه مزال شادني.... هز راسو وتقاديت وبقيت نهبط فصايا لي طللعة ولقفالة ديال شوميز لي تحلت جيهت صدر ....انا هو حيد يديه شااف فيا مزيان حتی هبطت وجهي للارض كيخلع هاد السيد ... كنخاف منو بزاف ماعرفت علاش .. عند واحد لهبة سبحان الله فشكل .شوفاتو كتخلي الواحد يتلف علی القبلة .....رجع اللور هو.... وهز فيا عينيه بشوية ومغوبش
جسور وعى على راسو .... عاد رجع لغرور ديالو وتكبرو ديالو ... نطق بصوت خشن
جسور : كيسميتك ؟
بياض حادرة راسها فالارض من لموقف لي طرا : سميتي بياض اسيدي
جسور ببرودة: 5 دقايق يكون لفطور فجردة
بياض : واخا اسيدي
غي خرج بقات تضرب فوجها وتهضر بحدها بحال لحمقة بياض : ويلي شوهت بقيت حالة فيه فمي الشوهة بففف غادي ينويها فيها غي شي حاجة خايبة ولا يقول راني عاجبها اوووف ياربي .. نمشي نحطلو لفطور قبل مايجري عليا
جسور ياا جسور اه منك ... ماشي من عوايد جسور هاد لحركات .. هوا عمرو حط رجلو فالكوزينة ...ولا وصل جيهة لخدم غاع ... لي يسمعها يتصدم .... عمرها مكانت حتى جات بياض ... اه خلاتو يدخل لكوزينة بلا طوعو ويقلب عليها ... اصلن هوا مكانش باغي لفطور ... وانما غي دارها سبة وصافي ... هوا عمرو فطر حتا كيدير سبور ... ولكين مين جات بياض كولشي قوانينو وعاداتو تبدلو بلا هوااه
مين خرج من عندها بقا واقف فبلاصتو مدة هوا كيتصنت لقلبو.... قلبو اللي كيضرب بحال ساعة .....كيحط يدو عليه .....بحالة كيبغي يفسر اش هدشي كيوقع ليه .....معمر شي بنت دارت ليه هدشي ......جات هادي فرمشة عين حركااات مشاعرو الرجولية ......حركاتو كامل ......جسور القوي ... المتكبر ... المغرور ...اللي البنات كيدوبو فشوفتو ....عشق خدامتو ....مقدرش يتقبل انه يبغي شي بنت .....مخاصوش يكون ضعيف .... لحب بالنسبة ليه للضعفاء
خرج لجردة ومشا جلس كاينهج .. لعافية شاعلة فيه ههه... حتى جات بياض هازا الاطباق وحانيا راسها فالارض و كتفتف غي بوحدها بكترة لخوف ولحشمة ولموقف ديال غبيلة مزال بين عنيها ... هوا كتفا انو يقلب نضرو لجيهة خرى ... خاف لا يمشي يدير شي حاجة بلا هواه ... خاف يفقد سيطرة على راسو ... بقا كارز على لقبضة ديالو حتى مشات
شرب فقط شوية عصير وناض يدير سبور بقا كيجري بسرعة ... بحالا كيحاول يطفي داك نار لي شاعلة فقلبو ... كيحاول ينفض افكارو ويقول هادي غي نزوة عاابرة .... مابغيش يتيق بلي جسور بمقامو وهبتو يبغي شي وحدة ... وماشي اي وحدة .... يبغي خدامتو ..... عمرها طاحتلو على البال بقا هاكك لمدة ساعة ورجع لقصر ينهج ... شعرو فاازك بالعرق تلاقا مع الاب ديالو
الاب : اووه ناس ونشاط ههه صباح سبور هه وغمزو
جسور : صباح لبيصارة هههههه
الاب خنزر فولدو محيت اعدا حاجة عندو هيا لبيصارة ... واحد نهار نصحوه بيها و كلاها ومشا لخدمة ديالو ودار شوهة حدا لموضفين شبعو فيه ضحك ههههههه
جسور :خههههه والله تا ضاحك الوليد
الاب : مسخوط بفعايلك هه
جسور : صافي عندك طيارة دابا
الاب : وي لقيتني خارج
جسور عنق الاب ديالو : الله يوصل على خير .. تهلى فراسك الوليد ومرة مرة غادي نبقا نجي عندك
مشا لشركة دخل بكل هيبتو وقوتو ... كايشوف نيشان ... و لموضفين كيلقيو تحية عليه و لخلعة شاداهم من صبع صغير ... ملي كايشوفوه وهوما يجريو ... معروف بطبعو لحاد ... كولشي كايخاف منو .... عندهم لوقت هو لوقت .. ولخدمة هيا لخدمة.... مكانش ضحك ولعب ولا تهاون
طلع فسانسور .... وصل لمكتب ديالو
.ناضت سيكريتيرا طايرا
سكريتيرا : صباح لخير مسيو جسور
تم داخل وهيا هازا لوراق وتبعاه .. لابسة صايا قصصرة بزاااف و شوميزة خارج صدرها كامل منو ... دايرا كيلو مكياج ... اولا نقولو لمكياج دايرها
دخلت وهيا كتمختر وتعوج فلمشية
مشا جلس بلبيرو ديالو ومشات عندو
جسور : وجدتلي لوراق لي طلبتهم
سكريتيرا وكتهضر بتحلويين : وي مسيو جسور
قربت عندو وحطتهم حداه وتكات بيدها على لبيرو بلعاني باش يشوف صدرها لخارج وبقات كتوريه لورق
جسور : امم اوك مزيان يالاه خرجي
خرجت سكريطيرا وكهيا كتعوج فمشيتها بلعاني
جسور بقا منغامس فوراقيه حتى حس راسو داخ هز تليفون وعيط على سكريطيرا
سكريطيرا : وي مسيو جسور
جسور : جيبيلي قهوة كحلة قاسحة
سكريطيرا : اوكي ميسو
مشات جايها وبقات تقاد فراسها ودخلت عطاتهالو ومشات رجعت لمكتبها وهيا تشوف فتاة جايا بكامل اناقتها .... لابسة كسوة كحلة سامبل توبها واقف كلاس .....ماكانتش طويلة بزاف تحت الركبة وبلكمام.... وجايا لاصقة على الجسم بطريقة زوينة.... وفيها واحد الفتحة فجنب ديال الكرش.... صندالة طالون جاية طالعة شوية على الرجل. وشعرها دايراتو بوكلي خفيف
جات تبعاتها تجري تحاول تمنعها وهيا غادي تفقس دخلت لوين لول وموراها سكرطيرا وهيا كتغوت عليها
شاف فيهم جسور وتنهد
جسور : شنو واقع ؟
سكربطيرا : هادي جايا مدردمة بلا اذن امسيو
جسور قاطعها : صافي غي سيري
لوين بتاسمات بفرح حسات انو دافع عليها
بتاسمات شافت فيه بكل حب .....تشوفها من البعيد تعرفها كتبغيه .....ملي كتشوفو والابتسامة على وجها .....هي ماشي غير كتبغيه .....هي كتحماق عليه ....شاف فيها لقاها مبتاسمة وبتاسملها بدورو .....عندو عزيزة واخة هكاك .....عاقل عليها ملي كانت صغيرة كان كيعاملها بحال ختو..... وعمرو فكر يتزوجها..... ولا يتزوج غيرها
ناضت لوين كتبكي وتشهق سدات لباب وهبطت تبكي وغاع لموضفين كيشوفو فيها .. خرجت تجري من شركة حتا دخلت فشي واحد بقوة
خرجات فشي واحد ....
لولد : مدموازيل راكي مزيانة ؟
هزات عينيها لمدمعين والحزن طاغي على وجهها .....حتا كتفاجئ بصديق جسور ...فهد.. لي كان ففرانسا.... فهد غي شافها تفاجىء كتر بيها ... قلبو بدا يضرب بسرعة .. كانو كيتسابق معا الزمن ... توحشها بزااف ... توحش عويناتها ... توحش ضحكتها .... توحشها كاملة
حاولات لوين تهرب بش متفرش راسها مي شدها
لوين وهي كتبكي : طلقني افهد ماشي دابا
فهد زاد زير عليها : لاء مانطلقكش ونتي فهاد لحالة
لوين : كتافات بالبكاء
فهد حطلها راسها على صدرو وخلاها تبكي على راحتها وتفش خاطرها وهوا كارز على سنانو باغي يعرف شكون بكاها
لوين لقات صدر فهد داافي لقات راحتها فيه وبقات تبكي حتى تفشت وسكتت
طلعت عويناتها فيه وبقاو يشوفو فبعضياتهم وصمت مرافقهم فهد : اجي نتحركو منها
لوين اومت راسها بأه مشات معا و تفتحلها طومبيل ديالو لي كانت من نوع رونج روفر بيضة كتبري ...وكبو ومشاو
مينين غادي نبدا نوصفلكم فهد ياااا فهد 25 سنة ....بلاما نهضرو على الزين .....حيت زينو مضايرش .....عينيه مشفرين ....و لونهم جذاااب ..... لحية مطراسية .....و شعر رطب و زيوين ..... بلا جسمو المنحوت و المطراسي..... و دوك العضلات احح اقلبي ....و داك الصدر خلاص ... البنت لي تشوفو تقولي غي نعسة وحدة عليه ويلا بغات تجي الموت مرحبا بيها ....علاقاتو ديما عاابرة .... بغا بنت وحدة فحياتو ولكين مكتابتش ليه
كان عايش فالمغرب من بعد مشا لفرانسا يسكن تماك واحد المدة.... اولا نقولو يبعد واحد لمدة .... و هو لي كان مكلف بالفروع ديال شركات المهداوي تماك. ..من ديما كانت كتعجبو لوين مي مقدرش اصارحها ....حتا النهار لغيتصدم بلي جسور خطبها .....قرر ابعد حيت كسحابليه كبغيو بعضياتهم ومشا لفرنسا ودابا رجع بعد سنين حيت الاب ديال جسور رجع عايش ففرانسا وهوا لي غتدي يتكلف بلخدمة تماك ....
فهد عاد لبارح وصل لمغرب وكان غادي عند صاحبو اولا نقولو خوه جسور يشوفو .. حتى كيتفاجىء بلوين وماقدرش يخليها تمشي فديك الحالة
مساافة طريق ...
وصلو لدار النسيم ....فيها فين كيلعبو الاطفال صغار ... و ريسطو ....و قاعة ديال للحفلات ، دخلو و لوين شافت فين كيلعبو البراهش وبقات متبعالهم لعين بحال لبنية صغيرة وعنيها كيلمعو ..... شاف فيها فهد لقاها كتشوف فديك جيه بتاسم وبقا شاد ضحكة بزز
فهد : بغيتي تلعبي ؟
لوين شافت فيه وحنيكاتها حمرين : ااا ء اه .. لا
فهد بتاسملها : زيدي تلعبي
لوين : راني كبيرة
فهد حط صبعو على نيفها صغير : تأ تأ راكي عاد فنكيشة وخربقلها شعرعا
مشات تجري تشعبقات طلعات فطرومبولين و بدات تنقز و تضحك
لوين : ياهوووو اجي اجي تلعب حتى نتا ههههه
فهد : راه ديال لبراهش بغيتي نهرسها ههههه
لوين : تتت براسك ههه غي سير نلعب شوية و نمشي
فهد : ههه مسطية و حق الله
لوين: وعجااابني حالي ههه
بقات تنقز و كل تنقيزة كدير فيها حركة فشكل ، فهد هز طيلي ديالو و بدا يصورها مين كتعلا لفوق .. نقزات تا عيات عاد هبطت شاداها دوخة و مكتحسش فين كتزطم
فهد : دختي
لوين : اه و بزاااف اناري غادي نطيح
فهد : ههه شدي فيا وكان شدي
حط يديه على خسرها وشد فيها مزيان وتمو غادين
دخلو لريسطو شدو بلايصهم و .. خرج فهد دفع لاكموند و رجع جلس حداها....
بقا كيشوف فيها مدة... كيشوف فيها بحب ... كيشوف فيها بعشق .. كيبغيها ... بل كيموت عليها ...كان باغيها تكون ديالو ... كان نتوي يصارحها بحبو.. حتى كيتفاجىء اولا كيتصدم انها كتبغي صاحبو ومخطوبين لبعضياتهم .... بتاسملها بحزن وهو كيشوف فحب حياتو ضاعت بين يديه ... وليني معندو مايدير ... ماعند لميت مايدير قدام غسالو ... هادي كانت كلمات فهد فنفسو ... هوا بغيها تكون فرحنا ... باغي ديما يشوف ديك ضحكة على وجهها لي كدوخو ... كتجيبلو مايبقاش .... لمهم تكون سعيدة فحياتها ....واخا ماشي معاه ...اه هادا هوا الحب الحقيقي ... هادا هوا لحب القوي لي كتكنو لشي شخص ... هوا انك تشوفو فرحان ... بغض نضر واش هوا معاك ولا لاء
بقاو كيتحدتو و يضحكو بيناتهم و لوين مرة ضحك مرة لا.... حالها مغير.... و حنيكاتها حومر بفعل الشمس .. حطولهم لغدا تغداو فجو لا يخلو من الضحك و النبيش .... قلبو الريسطو سفاه على علاه .... كملو ماكلتهم ناض فهد خلص رجع عندها وقال
فهد : نمشيو نريحو شوية فشي جردة
لولين : اه واخا
ناضت و هو شد يدها بنعومة و دارها وسط يدو ..... كتبان بحال بنتو الصغيرة مقابل داك الجسد الضخم ديالو .. خرجو من ريسطو وتوجهو لجردة وهوما كيهضرو وهو كيحاول يضحك فيها ....تا طلقت معاه مزياان ....هبطو للجردة كان داز وقت لعصر وبدا الحال يبرد شوية ... شافها ديايرا يديها على كتافها
فهد : جاك لبرد
لوين : اه شوية
حايد المنطو ديالو وحطولها فزق كتافها ... شافت فيه بابتسامة ممزوجة بالخجل وهوا بادلها نفس الابتسامة
لوين : شكرا
فهد : هانية
بقاو معونين تما وكيتفرجو فالخضورة حتى نطق فهد وهوا كيشوف نيشان: عاوديلي كولشي
دخل معاها فصلب الموضوع بدا يسلها لسانها غي بالشوية تا بدات كتعاودليه كولشي و تغوت و تبكي و هو عاد مكيزيد فيه يجعرها ... كان باغي يعرف كولشي .... بقات هاكاك تا عيات و سكتات ، حسات براسها فشلانة و هي طيح تسخف ليه تما
فهد وهوا كارز على لقبضة ديالو بقا كيضربلها على وجهها ببطىء : لويين فيقي .. لوين
عرف ماعديش تفيق دابا
، تحنى هزها بين يديه وبقا كيتمشا بزىبا وهيا فيديه بحال الكمشة ... وشعرها كيطيرو البرد وناس كيتفرجو فيهم
خداها نيشان لسببطار
دخلها وهوا صاعر
. جاو الاطباء يتجاراو مبن سمعوه يغوت ... حطها فالبياص و دخلوها وهوا عنييه حمرين بحال نقطة الدم ... صدرو كيطلع ويهبط ... بقا واقف شوية حتى جات عندو طبيبة
فهد شاف فيها وخنزر : كيبقات شو عنها نطقي
طبيبة بتاسمات ليه : على سلامتها امسيو .. ماعندها والو غي اعصابها عيانين بزاف ...رتاني دقيتلها يبرة مهدئة .. حاولو تبعدوها على الضغط ولمشاكيل ولا غادي ترجع فيما لا يحمد عقباه
فهد وهوا كارز على يدو : وضحي كتر
طبيبة بتنهيدة : الا زادت على هاد الحال يقدر يبقا يشدوها انهيار عصبي فوقما تعصبت
فهد جلس على لكرسي وحط رايو على الحيط وهو كينهج وكتفى بصمت فقط
طبيبة : الله يجيب شفاء
ومشات
خلات فهد على حالو وهوا كيفكر ومعصب حتى قاطع تفكيرو صوت تليفون ديال لوين كان فيدها مين سخفت ودارو فجيبو
خداه و شاف نمرة لقاه اوس وجاوب
فهد : ساط
اوس تصعق بقا كيسمع صوت عرفو وليني بقا يتاكد واش هاديك نمرة ختو ولا غلط: فهد ؟
فهد : لا مابغيتس نخلعو .. مهم راه عارف راكي معايا ..
نوضي نمشيو عندو راه يسنانا
لوين بحشمة : واخا شكرا على كلشي
فهد بتاسملها بحب : هانية
ناضت بتثاقل و فهد شاد فيها .. جلسها على ناموسية وتحنى خدا نعالتها وبقا كيلبسهالها ... هيا حشمت بزاااف ... عمرو شي واحد تعامل معا هاكا ... عمرو شي حد هتم بيها بحالو تامن جسور عمرو سوقلها واش حية ولا ميتة ....
فهد : هاحنا سالينا
لوين بتاسمت ليه وحنيكاتها حمرين : شكرا
فهد : ماتبقتيش تعاودي هاد شكرا راها ضرتني فراسي
وقفها وجات لعين فلعين .. مشا فتفكير لعين .. بحالا تخدر ... بقا ساهي فينا وهيا كتشوف فيه مفاهمة والو وحنيكاتها حمرين .. حتى زعا على راسو
فهد : احم مشينا
لوين اومت راسها بأه : يالاه
خرجو من سبيطار وهوا شادها من خسرها ونتس غاديا جايا وكيشوفو فيه ... جاين بحال لكوبل
فهد حس بغصة فقلبو مبغاهاش تخاف بيه : بتاسملها وقال : عجبني تفكير ديالك هههههههه
لوين حشمت لرض ضارت بيها بقات غي تبلقق فعنيها : تفو على قليل لحيا
قادلها فهد سمطة وهوا كيضحك ومشا ركب و طلق لمزيكا بقاو غادين و هوما يتمسقو لديسباستيو ... مسافة طرييق كانو حدا فيلا جايا فحي رااقي وزين ... باين بلي كيسكنو فيه غي الطبقة الغنية ...سطاسبونا طموبيل حدا لفيلا وهبط .. ومشا من جيهة لوخرا فتح لباب للوين
خرجو ومشازدو حدا باب لفيلا .. فتحولهم لبوديكار الطريق مع تحية وخلاهم يدوزو ..ظ دخلو تصادفو فما اوس مريح فجردة
ناض ببتسامة عن صاحبو ورفيق عمرو .. تقدم عندو ... و فهد نفس شي ..حتى خبطو خبطة صحيحة لضهرو و عاودلو اوس نفس لخبطة ... وبداو واحد يضرب واحد .. ولوين مخرجة عنيها فيهم ومصدومة ... عاد داباشزية هضرو وكانو مزيانين دابا علاش كيدابزو ... جات غاديا باش تفكهم تا كتشوفهم معنقين وكيضحو ...
فهد : لبغل توحشتك ههههه
اوس : هههه حتى انا ا لكلب هه غبروراات هادو
فهد : واايييه اساط توحشتكم وتوحشت لبلاد هههه
اوس : حتى حنا توحشناك اصاحبي والله غبرت نتا واسد غبرة وحدة
فهد : ايوا راك عارف ضروري علينا هادي هيا الدنيا
ازس : زيد زيد ندخلو بعدا اوا ما نهضرو هه
فهد : على سلامتك مين نطقتها حسابني عادي تخليني هنا ههههه
اوس : الله يمسخك هههه
تلفتو بزوج بيهم عند لوين لقاوها مصدومة فيهم بحال شي حمقة
اوس : لوين صافا
لوين عاد فاقت من صدمتها : اويلي واش نتموما بنادم ولا جغولا
فهد واوس : ههههههه بزوج
لوين تمت داخلة وهيا كتبرغم : اويلي على مسطين بغاو يسطيوني معاهم نمشي نغبر حسنلي
فهد واوس كتفاو بضحك فقط .. هادي هيا طبيعتهم ... ماتعرفهم مصالحين اولا متخاصمين .. دايرين كيف لهماج هههه
دخلو هوا وياه وجاسو يهضرو شوية
اوس : جيني من تالي ... اش سباب هاد لغبرو كامل ... ياكما شي ساطة داتاك لعقل تا مابقيتش تجي ههههه
فهد شاف فيه وضحك على جهدو وهوا يقول فخاطرو ختك لي داتلي لعقل : ههههخ لا مكان واالو هادوك غي نتاع تدواز لوقت مكانش كي لمغربيات والله هههه
ناضو يتعشاو عيطو لوين هبطت تعشا معاهم وهوما عاطينها لضحك وتقشاب و فهد مرة مرة كيخطف شوفة فلوين ... سالاو لعشا تسأدنات لوين باش تنعس ....
فهد : يالاه نوض تحرك
اوس : ههه اوكي زيد
خرجو من لفيلا بزوج و ركب فهد فسيارتو و حتى اوس نفس شي ....كسيراو بزوج خلاو غي لعجاج موراهم ..... مشاو للبواط لي كيسهرو فيها دايمن
، دخلو والڤيدور ديال البواط كيخويولوهم الطريق ....مشاو لبلاصتهم المعهودة و جلسو الجلسة ديالو الرجولية
بقاو جالسين قصارين و كيشربو..... واخا كيكترو مكيشدش فيهم ....خرجو من البواط و خرجو معاهم زوج بنات .....كل واحد مشا فاللوطو ديالو للڤيلا ديال فهد ، دخلو و كملو السهرة ديالهم تما
نرجعو دابا عند جسور
كي خرجت من عندو لوين تبكي وهيا فديك لحالة زاااد تعصب كتر ... عنيه ولاو حمريين ... هوا رغم كولشي مكيبغيش يقمعها ... حسبها بحال ختو صغيرة ...وعاد هيا خت صاحبو ..... كون يأديها شي واحد ينحيه ... ولكين هوا كيأديها بلا ميحس .... ماشي لخاطرو ... هادا هوا جسور ... قلبو قاسي ... ومعندوش معا كترت لهضرة والتبرهيش
ضرب بالقبضة ديالو على لبيرو تا تشتو غاع لورق ... سكريطيرا سمعت داك صوت ناضت تجري دخلت عندو تشوف شنو واقع ولقات لحالة مرونة ولورق مشتين فالارض ... شافت فيه
سكريطيرا : مسيو جسور راك مزيان
شاف فيا مخنزر وديك شوفة لي كتفشل الركابي .. ناض من كرسيه وتقدم عندها ببطىء... وصل حداها .... ماحست براسها تا لقاتو شادها من عنقها ومزير عليها ...وهيا كتخنق.
سكريطيرا : ءاا ...مممم ممم
حتى حمار وجهها بزاف ونفس كان غادي يتقطع فيها ... بعد عليها وشاف فيها بحدة
جسور بحدة : هادا اخر انذار عندك تعاودي ديري شي حاجة موتك غادي تكون على يدي
سكريطيرا بقات غي تقفقف ولبولة شادتها بكترة لخلعلة .. كيف لا وهيا شافت وحش ماشي بنادم
جسور بالغوات : مفهوووووم
سكريطيرا بخوف : اه مفهوم مفهوم
جسور : يالاه قودي القحبة
خرجت طايرا من عندو اما هوا رجع جلس فكرسيه وهوا مخنوق من كولشي ... معارفش شنو وقعلو ... اش هاد التحساي لي كيحسو ... حاس راسو عيان ومخنوق وكولشي
ناض تمشا ببطىء .. خرج من شركة وكسيرا نيشان لقصر
وصل لقصر نزل دخل ولبوديكار كيقدمولو تحية .. دخل وتم طالع لبيتو ومليكة تبعاتو باش تسوف واش خاصو شي حاجة
دخل لبيتو سمع لهدرة تلفت موراه
مليكة : مسيو جسور محتاج شي حاجة
جسور : وي وجدولي لفاليزا ديالي
مليكة : اوكي مسيو غادي نقادهملك دابا
مشات مليكة دخل جسور خدا دوش يصحح بيه ... وهوا حاس بالخنقة ... بغا يبعد ... بغا يبقا بحدو ... بغا يرتاح ... بغا يضبط افكارو عاد يرجع لذلك قرر يمشي لدار لي حدا لبحر ... كايمشيلها دايمن من يكون معصب كيدوز تما شي يامات عاد يرجع ... لبحر كيجه على الغانة وكيريحلو اعصابو
خرج من دوش ولبس كسوتو هبط يتغدا وتم خارج وموراه مليكة تابعاتو فين ما مشا .. تلفتلها وقال
جسور : وسيفطي شي خدامة لتما تقاد دار ..
مليكة: اوكي مسيو جسور
مشات مليكة كطير توجدلو لفاليز ديالو .. وياويلها تعطل على شي حاجة ... حسابها غا يكون عسير ... وجدتلو الحاجات لي غادي يحتاجهم لبحر
وهبطت لتحت وهيا كتفكر شكون غادي تسفطلو من لخدامات .. عارفاهم كيحماقو عليه و غادي يديرو شي بزلة وهيا لي تسمع لمعيور منو ... كانت باغيا تمشي هيا ... وليني ماتقدش تخلي لقصر بحدو ... هيا رئيسة لخدم خاصها تقابل كولشي
مشات مليكة جلست فلكرسي ... اما بياض بدات تقاد وتوجد بحال الفراشة .. كتمشي من وتجي من 2 سوايع وهيا تجري ... قادات لبسطيلة ... ولحم بالبرقوق معسل ... و شلاضة ديال لخضر منوعين ... وقادات حتى لعصير ديال تفاح
بدات كتقادهم فطباسا ومليكة حاضياها حتى سالات كولشي
بياض ضارت عن مليكة : هتني ساليت امدام
مليكة : امم غادي نشوفو هاد شي كيداير
مشات خدات طبسيل صغير و موس وفورشيط و قطعت واحد طرف صغير من لبسطيلة وحطاتو فطبسيل ... خدات الفورشيط ولموس قطعة مورسو ودارتو فومها ..غي داقتها عينيها خرجو ...جاتها بنيينا بزاف عمرها داقت شي بسطيلة بنينة بحالها .. مسخاتش بيها بغات تكملها وليني مابغاتش تفزر راسها حداها
مليكة تلفت عند بياض : احمم مزيانا مابيهاش
بياض كتفات ببتسامة خفيفة : شكرا مدام
ومشات مليكة دارت نفس شي الاطباق لخرين وداقت لعصير .. مكلتها جاتها مزينتها .. حسن عاد من طياب طباخ ديالهم .. بقات متفاجئة فنفسها من قدورات هاد لبنت وشكون لي علمها الطبخ بهاد الاتقان .. مي مبغانش تبينلها ولا تمدح مالكلتها ...هدي هيا طبيعة مليكة مكتبغي ضسر عليها تا وحدة .. عليها كتعامل بقسوة مع الكل
مليكة : على العموم طبخك مقبول .. دابا عاد نقد نسفط مرتاحة لدار ميسو جسور
بياض : كتافات بصمت فقط .. اصلن اش عندها ماتقول هيا جات غي تخدم على راسها وعلى خوها وصاحبتها يعني الحاجة لي طلبوها منها كديرها بلا مناقشة ... خاطيها صداع ولمشاكيل
مليكة : لمهم غادي تمشي دابا بحرى تضربيها تخميلة لدار راه هادي شخال مامشالها وسيقيها ومسحي لغبرا راه مكيحملش لغبرة... اللهم سيري جمعيها مزيان خصوصا بيتو رضيه يشعل وبدلي لغطا ديال نموسية ولوسايد .. وقاديلو دوش مزيان وحطيلو حوايجو فيه .. راني وجدت لفاليز ديالو خوديها معاك... اه وبلا ماتنساي لماكلة راه كيبغيها فلوقت
بياض : واخا مدام ولكين ...
مليكة قطعتها : ولكين شنو ؟
بياض : واش غادي نمشي بوحدي محيت مكنعرفش دار
مليكة : غادي يوصلك لبوديكار ماتخميش فهاد شي
بياض : واخا مدام انا نمشي نوجد راسي
مليكة : اوكي
جات بياض غاديا
مليكة : اه .. نسيت حاجة خورا
بياض : نعام امدام
مليكة بحدة : ماتحاوليش تهضري معاه سمعتي راه جنو لكحل شي بنت تهضر معاه هوا اصلن عمرو مقال تا سلام لشي خدامة بياض بستغراب : واخا
ومشات بياض ولخوف طاغي عليها من هاد سيد...كتخاف منو ... وكون تلقا غاع ماتصادفش معاه ... كيفاش غادي دير دابا نبقا معاه فدار وحدة
مشات بياض جبدت صاك صغير شوية و حطت فيه شي لبسات داخلية وشي بيجامات قصار نتاع نعاس وتمت خارجة .. تلاقاتلها سهيلة
سهيلة : اوووف ماغديش نسخا بيك
بياض : راه غي شي يامات ونرجع ياهاد لهبيلة
سهيلة : واخا هاكك مهم تهلاي فراسك احبي
بياض : نشا الله اختي حتى نتي تهلاي فروحك
سهيلة : ربي يتهلاى ... حقا نوصيك حاولي تبعدي من طريق مسيو جسور راه صعيب ومكيرحمش صافي
بياض : اناري مالكم تخلعو فيها انا اصلن راني غاديا غي بزز كون لقيت مانمشيش .. كنخاف من داك سيد
سهيلة : ههه حمقة والله راهم لبنات كاملين كيموتو على تراب لي يتمشا عليه ونتي كتخافي بيه لعجب والله .. لمهم نخليك دابا قبل ماتجيني مليكة
بياض : هههه واخا تسالمو معا بعضباتهم ومشات بياض عند مليكة .. خرجو من لقصر ومشات عند واحد البوديكار وقالتلو يوصلها لدار لي حدا لبحر وكبت لور ومشات
مسافة 40 دقيقة كانو وصلو للباب و هبط البوديكار هوا لول ومشا حل لبياض لباب ..
نزلت وهو مشا خدا لفاليز ديال ميسو جسور وانا فيدي صاكي صغير .. غي علات عينيها شهقت من جمالية المكان و النقاوة ديالو و هدوء محيطو .... كتسمع فيه غي زقزقات العصافير و الكلاب .. كان كيتسمع صوت بعيد شوية بحال ديال البحر هايج و ثائر ....و صوت امواجو وصل تا لعندهم... صوت زويين كيبعت على الراحة النفسية والسكينة والهدوء ... عجبها لجو بزاااف تما ..جو يشرح النفس يخليك تحس بالراح
بياض فنفسها : هادي راها جنة ....
فيلا زووووينة بزاف واخا فيلا صغيرة مقارنة مع لقصر وليني مريحة وحتی ديكورها مريح ......سعدااااتو عطاتو ليام.... الناس اللي عندهم الفلوس مخصهم حتى حاجة
جبدات ساروت لي كانت عطاتلولها مليكة مين جات خارجا .. فتحت لباب ودخلت لداخل و هي عاد مكتزيد تخل فمها فداك شي .... ارضية لامعة تشوف فيها وجهك.... و ثريات الكريسطال نازلة بواحد الديكور عجيب وزيين ورائع..... تخليك مبهوض فيها.... و فبريق الكريسطالات النازلة منها..... ..2 صالونات مفرقة ....و كل صالون مفرش بأثاث فاخر و مختالف على اثاث صالون آخر .. تلفتت بانلها الحيطان كلهم زاج و كتخليك تشوف اش كاين برا و لكن لي برا مكيشوفش اش كاين لداخل ... دخلت امطبخ كان زويين وكبير ومقاد بطريقة راقية وزوينة ... زادت تمشات وبانتلها بيت شوية صغيرة مي ديكورها فن بابنة بلي غرفة ديال الخدامات
بياض : الله يا ربي هاد شي غي لتحت شحال كبيرة اما لفوق مزال مطلعتلها .. باينة بيت مسيو جسور كاين تما .. غادي نبدا من لتحت عاد نطلع لفوق
بدات من صالونات بقات تنفض فالغبرة وحلت سراجم كاملين باش يتعونو ... نفضتها مزيان وجابت سربيتة فازغة ومسحت سراجم لقاتهم مغبريين .. دارت سبيراتور .. مشات لمطبخ جمعاتو وقداتو .. حلت تلاجة غسلاتها مزيان وسيقت لكوزينة والبيت حتى كملت سكنة لتحتانية ... طلعة لفوق وبانولها شي بيوت و شافت واحد كبير دخلتلو .. كان كبيير وواسع ومبهج .. مصبوغ بلون كري والاسود .. كواشي متول فيه .. بدات تقاد وتنفض وتمسح وبدلت لغطاوات وكولشي .. مسحت لغبرة وفتحت لبالكون .. وستائر كيطايرو .. دخلت لدوش دارت نفس شي وعلقتلو لفوطة ديالو .. وقادتلو مستحضراتو عاد خرجت .. مشات لبيوتا لخرين دارت نفس شي تا سالات كولشي ب
مشات لساك جبدت منو دوبياس فلكحل .. واحد لبيجامة قصيرة ومزييرة بزااف هيا لي مستورة شوية.. جات تلبسها وهيا تمسع تقرقيب فدار
بياض وجها صفار بلخلعة : اويليي ياك ما شي شفار طارت لبسة ديك لبيجامة لي جاتها مطرطقة هه...وهزت بانطوفة لبستها .... خرجت كتسلل و طل بنص عين ودور من وتعاود ترجع من
بياض بصوت مسموع : اويلي ياك ما جنون ليوم يقبسني شي جن
*****
عند جسور
خرج قضي شي شغال ديالو باش يرتاح شي يامات بلاما يصدعوه فالخدمة ... موراها شد طريق لفيلا ديالو لي حدا لبحر ... بغا يرتاح... بغا يبعد ... بغا يرخي اعصابو لي ولاو متوترين .. كولشي تجامع عليه .. ماعرف مايقدم ولا ياخر ...ينسی شوية ديك لبنت ... اه بغا ينسى بياض ويتحرر من داك الاحساس اللي ولا ساكنو ... وصل هبط ودخل لدار وهوا كيشوفها نقية كتشعل .. سراجم محاولين وكلشي متول ومقاد .. شم شي ريحة زوينة فدار ... ماشي ريحة نقاوة ...لا بل هيا ريحة ماشي غريبة علييه ... ديك ريحة لي كتجذبو .... اه ديك ريحة لي كتسكرو ...دخل مشا جلس فالفوطاي تا قاس ريمود لي كان حدا طابلة وطاح... رجع راسو لور وغمض عنيه ... حتى كيسمع شي حركة فالفيلا وشي توشويش وهضرة ... فتح عينيه حتى كيشوف شي بنت شعرها فاازغ وهابط حتا لمأخرتها وكيقطر .. شكلو كان جداب بزااف .. وكيشوف فالمأخرة ديالها كبييرة وباارزة ... كيشوف دوك جناب لي كيدوخوه ...كايشوف رجيلتها بيضين بحال تلج ... كيشوفها غادة بحالا كتقلب على شي حاجة وكتسلت بحالي خايفة ... بقا متبعلها لعين وساهي فيها .. اولا نقولو هايم فيها ... حتى سمع هضرتها تاليا على جنون ... بقا شاد ضحكة ديالو بزز حتى طرطق بضحك ....
بياض غي سمعت ضحكة قوية ضارت مخلوعة .. شافت شي حد جالس فالكرسي حتا غوتت على حر جهدها ومشات تجري ... يمكن حسابها شي جن خرجلها ههههه
اغتصاب بالتراضي الجزء الثاني
محتوى القصة
التنقل بين الأجزاء