هي.(الصمت مابقات قادرة تسمع كلامه من كثرة الضرب وبقات غير كتشهق بالبكاء وتوجع، شوية هزات الرملة بيديها وضربات بيها جاد فعينو الشئ لي خلا عينو تعمر بالرمل ومايبقاش يشوف)
هو.(ؤوقف الضرب)شنوووو دررتي الحقييرة
رغد.(ناضت من قوة حرها وبقات كاتجري بلا ماتهتم لرجليها ولا جسدها لي تسلخ، ستمرات فالجرا وهي كل شوية كتلفت وراها كتشوف ياكما تابعها، تاعيات ومابقا فيها مايجري وهي توقف وشدات فواحد الغصن طلعات نفسها ويلاه بغات ترجعو وهي تحس بيد شخص جبداتها ولسقاتها معاه)
هي.(بالغوااات)سييييييف عاااااوني
الشخص.(وسد ليها فمها)شششت. (دورات راسها لعندو وهي تلقاه سيف وغير شافتو وهي تعنقو وبقات كتبكي وتنهج فحظنو)
هو.أجي معايا باش نمشيو من هنا جاد توصل بالمكان ديالنا البارح بالليل وجا كايقلب علينا وفاش سمعت غواتك عرفتو شدك
هي.(وكتشرح ليه بيدها وفنفس الوقت كتبكي)عرفتيي شدني وبقا كيضربني أهئ أهئ ماحنش فياااا أهئ أهئ كنت شووووية وغنموووت أهئ أهئ وو..(قاطعها بعدما عرف أنها فحالة هلع)
هو.هييي صاااافي شششت (رجعها لصدرو!! وحظنها لأوال مرة!!، عناق كيدل على أنه غيحميها وأن معاه غتكون فأمان، حسسها بالراحة وبلي هو الملجئ الواحيد ليها بعدما كان مصدر عذابها!!..
🍁.. وهما مازال معنقين بعضياتهم كيسمعو تخرشيش ديال رجلين قريب ليهم، ويلاه بغات رغد تهضر وتقول انّ جاد جا وهو يسد ليها سيف فمها ورجعها اللور وخاشين فوسط الشجرة وعشب مدرقهم مع غصن طويل الشئ لي خلاهم مايبانوش،)
جاد.اه هي تقدر تهضر بسهولة شوية وكانت بين يدي ولكن بنت الحرام فلتات مني، مهم نتي قطعي دبا ويلا كان شي جديد انا غانعلمك وانا ماغنرجعش الا ماجبتش ريان معايا كانواعدك .. (وبعدها قطع وحط تليفونو فجيبو، ودور للجهة الآخرى وغادي كايقلب بعينو وكيعيط بإسم رغد، وسيف تسناه تا بعد عاد هضر)
هو.ولا د الحرام طلعو ماشي ساهلين
رغد.(وحيدات يدو)غايشدوني أنااا ياك
سيف.مادام نتي معايا ماغيقرب لك تاواحد، (رغد غير سمعات هذ الكلمة وهي تبسم وخا سيف ماكيقصد بيها والو ولكن معاناها عند رغد كبير)
سيف.كنظن ماتقدريش تمشاي ياك
رغد.لا انا بخير نقدر نتمشى، (وخرجات من وراء ديك الشجرة وهي طيح)
هي.أاااااي
سيف.ديما الا قلت لك شي حاجة تبعيني وماتعاندينيش، (ماتسناهاش تجاوبو، هزها بالزربة بين يديه وبقى غادي بيها للجهة المعاكسة لجاد ومتاجه للكوخ، وبعد 15 دقيقة ديال الطريق كيوصلو)
رغد.صافي حطني غاتكون عيتي
سيف.(وكيضحك)ماشي انا لي كانعيا.. (ضحك حيت الوزن ديال رغد بحال شي نملة فين تبان قدام سيف لي بحال شي جبل وعضلاته مغطيين جسمه كله.. حطها فالمقعد الأمامي ديال سيارته ومشا ركب بلاصتو وديمارا)....
هي.شكرا
هو.(بإستغراب)علاياش؟
هي.حيت لثاني مرة كاتنقذ ليا حياتي وكون ماكنتيش انت كنت غنموت
هو.(الصمت شاف فيها وبعدها كمل الطريق، وهي بقات كاتفكر كون تبعات راسها وخلات ريان معاها كانت الأمور غاتكون أسواء هادوك الناس أشرار والولد الا طاح بين يديهم ماغيرحموهش وخا هما واليديه)
سيف.(وجبد تليفونو كايتاصل)الوووو
معاذ.نعم أسيدي
سيف.الولد ف أمان؟
معاذ.أااه غير كون هاني أسيدي
سيف.من هنا لنص ساعة بغيتك تجيب ريان للعنوان لي غانصيفط لك فرسالة
معاذ.صافي وخا .. (وبعدها قطع وعطا التليفونو لرغد)
هو.كتبي ليه العنوان لي غانعطيك
رغد.(وشدات التليفون)صافي، دارت رسالة وكتبات فيه العنوان لي قال ليها سيف ومن كلاخها دارت "جيب ريان لهذ العنوان")
رغد.(ودارت التليفون فجيب سيف)فين غانمشيو؟
سيف.غانسافرو لبرا
رغد.بهذ السرعة ياك قلتي تايوجدو الوراق وزايدون نقدرو نمشيو لشي بلاصة اخرى وهما ماغيلقاوناش ماشي بالدرورة نخرجو من المغرب
سيف.(بعصبية)وااااش باغة ترجعي بين يدين جااااد؟ وها تكوني تحت الأأأرض غايجبدك
هي.(بخوف وتفكرات لي وقع معاها)لاااا لاااا
هو.ايوة سكتيناااا، جاد ونوال الا ماقدروش يوصلو لينا غايتاجهو للبوليس وهما الا مشاو تامشاو عندهم حنا غانمشيو فيهااا ديريكت للحبس بتهمة الخطف والتهديد
هي.عرفت ولكن كي غانديرو نخرجو بلا وراق
هو.كولشي مجود بلا ماتصدعي راسك بالتفكير .. (ومازال كايهضرو خرجات ليهم طموبيل جاد من الجنب وضرباتهم وبقات محاصراهم)
رغد.(بالغواااات)لااااااا
جاد.(وهبط من طموبيلتو)كنت متأكد أنك باقي معاهااا
سيف.(وهبط تاهو غادي ليه بوحشية)واخيراااا تحطي بين ايدي المجرم، (يلاااه جمع قبضة يدوو باش يضربو وهو يوقع لي ماكانش فالحساب، جاد هز السلاح فنص وجه سيف، ورغد غير شافتو وهي تهبط كاتجري وتغوت)
جاد.مرحبا بخوياااا العزيييز واقيلة جيتي للحرب بلا سلاااح؟ هاهاها....
سيف.واش احسابليك غانخاف منك؟؟؟ الا كنتي رااااجل ضربنييي يلااااه اشكتسنى
جاد.(وكيضحك)سعداتك عندك لي يدافع عليك باينة هي طايحة فيك
سيف.(وعروقو غيطرطقو)خليك من الهضرة وزيد قتلني الا عندك جراءة الخوااااف
جاد.(ومخرج عينو) اناااا مااااشي بليييد بااااش نقتلك انت أسي سيف الراضي .. (دوور الفردي جهة رغد وبالظبط حطو فجبهتها)
جاد.هضرررري انتييي فييين ولدي
رغد.(بإستفزاز)عرفتي وخا تقتلني وتقطعني طراف طراف والله لا قلت لك فين هوووو، (وبعدها دفلات عليه)
جاد.(ضربها فراسها باليد لي فيها الفردي وتاحط كاو فالأرض وراسها كايسيل بالدم ومابقاتش قادرة تحرك حيت جسمها ماقادرش يتحمل ولو غير ضربة صغيرة وما بالك بيد شادة حديد وضربك فراسك، سيف ستغل اللحظة الي ضرب فيها جاد رغد وحييد ليه الفردي ولاحو بعيد وضربو ببونية فوجهو، وجاد بحال شي وحش الضربة ماخدات منه والو، ضرب سيف براسو وبعدها عطاه دقة برجلو فكرشو ولكن تاسيف مادات منو والو حيت بحالو بحال خوه جوج وحوش وتلاقاو، رغد بقات كاتشوف فيهم وهي كاتقاوم باش ماتغيبش وكاتحاول تنطق 'وقفوو وقفوو' ولكن لسانها ثقال عليها، وفهذ اللحظة سيف غلب جاد، عطاه عدات ضربات على مستوى الوجه والبطن الشئ لي خلاه يطيح فالأرض وكايحاول يسترجع أنفاسو)
سيف.يلاااااه نوووووض واااش عيتيي نووووض
جاد.(ورجع يدو وراه كايحاول يشد الفردي لي طاح عليه وسيف ماشافوش)
سيف.هذ المرة غنخليك تعيش حيت مابغيتش نوسخ فيك يدي ولكن مرة أخرى الا قربتي لينا انا ورغد وريان كانحلف لك بالله موتك غايكون على يدي انا
جاد.(وهز الفردي)سمح ليا أخويا ولكن انا ماشي بحالك ماكنعطيش الفرص،وأنت لي ختاريتي هدشي!!!، هز الفردي وصوبو فسيف ضربو جوج ضربات وطاح فالأرض فدقة وحدة وجسمو كله كينزف، وغير شافتو رغد وهي تفقذ وعييها فالبلاصة حيت قلبها ماتحملش، ناض جاد من بلاصتو وخشا الفردي ديالو فالسمطة ديال سروالو ومشا ديريكت عند سيف ضربو برجلو باش يشوف ياكما واعي وهو يلقاه مابقاش كايتحرك ومع الضربة تليفونو كايطيح من جيبو، هزو جاد وحلو ولحسن حظو لقاه بلا كود وغير تحل وهو يلقى الرسالة قدامو حيت رغد مامساحتهاش ولا اصلا فكرات ان هدشي يقدر يوقع والتليفون يطيح فيد جاد،)
جاد.(وكيضحك)وآخيرااااا، (ضحك حيت عرف العنوان لي فيه ريان ومشا كايجري لطموبيلتو، شوية كايوقف دور وراه كيشوف فرغد، وهو يرجع عندها وهزها معاه وداها للطموبيل حطها فيها وديمارا)
هو.(وكيشوف فيها)سمحي ليا، وخا ماعندك ذنب فوالو ولكن كيما حرمتي عليا ولدي انا غانحرم عليك سيف، (قال هذ جوج كلمات وكمل طريقو وهو مكسيري، وبعد 20 دقيقة كايوصل للعنوان، بقى فطموبيلتو ماخرجش حيت حالتو غاتشكك فيه ناس، بقا مراقب البلاصة لي غايجي ليها معاذ تالمحو واقف وفيديه ولد صغير، وهنا فين هبط جاد وتاجه لعندو ديريكت لكن معاذ شافو فالبلاصة وتدارك الأمر وهرب بالزربة ركب طموبيلتو وديمارا بسرعة، وجاد رجع وركب طموبيلتو تاهو وديمارا بنفس السرعة ديال معاذ وبقى تابعو وهو متاجه لطريق خاوية، كلما كايكسيري معاذ جاد تاهو كايكسيري تاوصلو لطريق مقطوعة ومابقى مجال للهروب عند معاذ، سوى انه يخرج من طموبيلتو ويكمل برجلو، ونيت داكشي لي دار هبط بالزربة وكمل على رجلو وهو كايجري بريان تاسمع طراااااق!! كان صوت الرصااااص دور كايشوف جاد وراه مصوب فيه الفردي ولكن الرصاصة ماجاتش فمعاذ)
جاد.(بالصدمة)رياااااااااان ، (معاذ طاح على رجليه وعينو على ريان لي جات فيه الرصاصة فراسو مباشرة، جرا عندو جاد وهو فاقذ اعصابو وغير وصل لعندو وهو يهزوو وبقى كيبكي بطريقة هسترية)
معاذ.(من كثرة الصدمة رجع للور وبقى غير كايشوف، وجاد حال عينو ومازال مامتيقش شنو وقع، ومامصدقش انه قتل ولدو بيدو،...
وبعد 10 دقائق ديال الصمت معاذ هز تليفونو وتاصل بالبوليس وغير سمعو جاد وهو ينوض بالزربة وخلا الولد مليوح فالأرض ومشا ركب طموبيلتو بسرعة وهو بحال شي حمق غلبات عليه الصدمة، بقى صايگ وهو كيبكي ضرو قلبو على ولدو والأكثر ضرو أنه كان هو السبب فموته، ورغد باقة فالمقعد الخلفي وهي مغيبة وماجايبة للدنيا خبار، جاد تاجه للبلاصة لي فيها مراتو نوال، لي كانت واقفة كاتسناه فالباب تالمحات سيارتو جات وهي تجري لعندو وكتبسم)
هي.(وحلات ليه الباب ديال الطموبيل)صاافي جبتيييه فيين حبيبييي
جاد.(ونوضها من الأرض)دخليييي هذ الهضرة لدماااااغك هو ماااات مااااات واش كاتعرفي شنو هو مااااات
هي.(ودفعاتوو)لاااااا مامااااتش واناااا لي غانمشييييي نقلب عليييه اناااا، (دورات راسها وتاجهات جهة الطريق وهي محطمة كتبكي وضرب بيدها ماتيقاتش ان ولدها لي تحدات كولشي على ودو صار من عدد الموتى، وجاد ماعارش ليها اي إهتمام حيت أصلا ماكانش بينهم شي حب حقيقي، هو فعلا تزوج بنوال لكن لي قادر يغدر بالزوج الأول قادر يغدر بالثاني 😉....
هذا كان تفكير جاد لي دخل للدار لي كانت مكان سكن مؤقت ليه هو ونوال، جمع حوايجو وحطهم فباليزتو وخرج ركب طموبيلتو وتاجه للڤيلا ديالو ومعاه رغد لي مازال مافاقتش، الضربة بالنسبة ليها كانت قوية من أنها تخليها تفيق خلال دقائق قليلة،)
[[[[[ بعد 30 دقيقة ]]]]]
جاد.شيماء شكرا حيت عاونتيني فهذ المحنة
شيماء.ماتقولش هكا حنا جمعاتنا الصحبة والصحاب كايبانو غير وقت الشدة
هو.عارف لي كاين وكيما تافقنا غاتبقاي هنا ولا ماكاين لاش؟
شيماء.(وكاتقاد السيروم لرغد)كانظن ماكاين لاش لكن وقتما حتاجيتيني غاتلقاني فجنبك
هو.كنشكرك بزاف
هي.البنت بعد شوية غاتفيق الضربة ماكانتش قوية بزاف لكن جسمها كان ضعيف وان شاء الله غتسترجع صحتها عن قريب، يلاه نخليك دبا ورقمي عندك، (ودعاتو ومشات خرجات وجاد بقى فالغرفة مع رغد، وكايشوف فيها شوفات الأسد لفارسته، وفنفس الوقت غارق فالتفكير، موضوع موت ولدو الواحيد ماغيخليهش يمر مرور الكرام 😉، وماكانتش إلا دقائق قليلة ورغد بدات تفيق وتحل عينيها)
هي.(بكلمات متقاطعا)سس يي ف سي فف، (هذي كانت الحروف المثقلة لي قاطعو تفكير جاد، غير سمع صوتها وهو يخرج لبرا ومشا فحالو، أما رغد فاهي بقات غير كاتحاول تفكر شنو واقع ليها وفين هي دبا وشنو كادير فهذ الغرفة الغريبة بالنسبة ليها، بقات كادور فعينيها وراسها مثقل عليها، حتى سترجعات ذاكرتها لي كاتحمل ليها صدمة، تذكرات الحظة لي طاح فيها سيف فالأرض وهو مضروب وكينزف الدم،)
هي.(وكتحاول تنوض)سسسسيف سيييييف .(شافت أنبوب السيروم خاشي فيدها حيداتو بالزربة وناضت كاتغوت ودور فراسها من جهة لجهة، شافت الباب ومشات حلاتو بالزربة وخرجات ومع الخرجة كتزدح مع جسم بحال الجمد)
هو.(وشدها فيدها بقوة وبقى كيشوف فعينيها ويلاه بغا يهضر وهو يضعاف قدامها وطلق من يدها وخرج!!)...
ورغد تاحط فالأرض على رجليها وكلام جاد نزل عليها بحال البوركان، ماقدراتش تكذبو حيت شافت كولشي بعينيها!! شافتو وهو مضروب وكينزف فبلاط الأرض، غمضات عينيها وكتحاول تكذب إحساسها، سيف مايمكنش يموت مستحيييل هو قال غايبقى معاها وغايحميها ولكن دبا فين هو، شدات راسها بيديها وكاضارب مع عقلها لي كيقول سيف مات وقلبها لي كايحاول يكذب إحساسها، بقات على حالتها ودموعها حرام واش بغاو ينزلو، وأصلا كيفاش ينزلو وهما نشفو من عينيها من بعد هذ الخبر الصادم!!، حطات يديها على وذنيها وغوتات غوتة تهد الجبال، وتمنات غير شوية دبصيص أمل يرجع فيها الروح، ناضت من بلاصتها وهي محطمة طلعات فوق الناموسية وحطات راسها فوق المخدة وغمضات عينيها، مابقاش كايهمها لا فين هي ولا مع من، الحاجة الواحيدة لي بغاتها هي تنسى، اه تنسى وخا هدشي مستحيل، هي فكرات بلي النعاس غايريحها وماغتبقاش تفكر، جمعات رجليها لعندها وخشات راسها فصدرها ونعسات،
ومافاقت تاوصل الليل وطاح الضلااام، ناضت وهي مهدودة شافت فالمكان كله ضلام، شوية تشعل عليها الضوو دورات راسها جهة الباب ولقات جاد)
هي.كانترجااااك قووول بلييي خوك ماماتش الله يخليييك قولهااا
هو.(وكيشوف فحالتها لي ماكتبشرش بالخير)سمحي ليا ولكن هو لي ختار هدشي
هي.(رجعات حذرات راسها ومازادتش هضرات حيت عرفات ان الكلام مابقى منه فايذة)
هو.غيكون فيك الجوع جبتليك تاكلي.. (حط ليها البلاطو فوق الكواڤوزة ومشا خرج، حقا الأمر كيضحك وبزااااف، ااااه شحال هذ الدنيا غرييييبة كاتلعب بيك كيف بغات ونهار تقول الحمدلله تهنيت تماك فين غايبداو مشاكلك، وسبب عذابها كان سيف، ماخلا مادار فيها ومع ذلك بغاتو ومن قلبها، هي حباتو فوسط عذابو ليها والآن ها جاد خو سيف تاهو حرق قلبها وقتل الشخص لي صبرات لعذابو وذلات راسها على ودو وتحملات فوق طاقتها على قبل تبقى تشوفو قدامها كل يوم، ودبا مات ومشا خلاها بين يدين شخص طبق الأصل لسيف!!، رجعات لبلاصتها وهي كا جسد بلا روح، شوية كاتسمع صوت غوات جاي من برا ولكن مابقى كايهمها والو، حطات راسها بألامبالات فوق المخدة وهي محطمة)...
هي.بغيت ننسى، بغيت نموت أهئ أهئ سييييييف (بقات كتمتم وترعد تاتحل عليها الباب وصوت غوات جاي قاصدها)
نوال.اليووووووم غانقتلك، (هجمات على رغد لي دخلات عليها على غفلا وشنقات عليها وهي مافاهمة والووو)
جاد.(ودخل تابعها)بععععدييييي منهاااااا
نوال.خليييينيييي نرجععع حقققق ولدددي خلييينييي
جاد.(وجرها لعندو)انتيييي السبب فكلشي انتيييي لي درتي هدشي كله
نوال.طلققققني بغيت نقتل المجرمة لي حرماتني مننننن ولددددي
رغد.(وناضت من بلاصتها وهي قريبة تغيب)شنووو واااقع لريااااان
جاد.كيمااا سمعتيييي راجلك حرمنييي من ولديييي الوااااحيييييد
نوال.(وطاحت على رجليها كاتبكي)الله يااااخد فييييكم الحق الله يشتتكم كامليييين وكيمااا فرقتوووني على ولدي بغيت ربي يفرقكم مع صحتككككم
جاد.(ونوضها بعصبية)نتيييي لي كنتييي السبب فكولشي انتييي ليييي بغيتي تنتاقمي من ختك بعدما خدات لك راجلك القدييييم
نوال.شنوووو
جاد.كون ماكنتيش باقة كاتبغي سيف گاعما كان قلبك غيتحرق من جهتو حيت تزوج بختك وخا ماكاينة تاحاجة بيناتهم
نوال.واااش عااارف راااسك اشكتقووول؟؟
جاد.حنا كنا تافقنا ناخدو الولد بلا صداع ولكن نتي كنتي مصيرة تحرمي عليهم العيشة حيت بااااقة لحددد الآن كاتبغي سسسيف انتي كنتي بدلتي خويا بياااا غير حيت عرفتيني كانعيش فالمانيا وبغيتي الفلووس كثر وانا كان احسابلي كتبغيني ومن كلاخي بادلتك نفس الحب المزور ولكن طلعت غالط اصلا نتي غير وحدة طمااااعة والغلط الواحيد لي درت هو انني تبعتك فهبالك ؤوقفت ضد خويا غير باش نرضيك نتي وبسببك ولديييي الواحيييد مااات
هي.هضر اصلا راها باينة من نهار خرجت من ديك العملية وانت تبدلتي معايا ماكنتيش بحال الأول كان همك الواحيد هو الولاد وانا ماكنتش رادة بالي، واش نسيتي شحال كانبغيك وشحال كافحت على قبلك وسمحت فعائلتي وكولشي غير باش نكون معاك ودبا جاي بكل وقاحة كاتقول انا وحدة طماعة وماكنتش كنبغيك خسارة صدمتيني فيك وفعلا عندك الحق انا لي وصلت كولشي لهنا حيت كون بقيت فداك الحريق وماخرجتش ماكانش هدشي كامل غيوقع كنت غانتهنى فقبري بلا مانكون مضطرة نسمع هذ الهضرة وكان ولدي غايعيش بخير وهو ف أمان
جاد.(وكيشير جهة الباب)براااا
نوال.جاااد
هو.(بهماجية)برااا قلت لك خرجييي وماتبقااايش تورينييي كمااارتك
نوال.(ناضت حذرات راسها وخرجات، مع الأسف هي فعلا كاتبغي جاد ولكن هو مامتيقهاش ولا كان ماكايبغيهاش أصلا وبقى معاها غير على قبل ريان وهاهو دبا مشا ولاحها خصوصا بعدما توضح أنّ نوال مايمكنش تكون أم مرة أخرى، دور عند رغد ولقاها مليوحا فالأرض وفاقذة الوعي وعلاش لا وهي تجمع عليها كولشي فالدقة، ظهور المفاجئ لختها لي كانت ماتت، وموت حبيبها وريان في نفس الوقت، أكيد لا هي ولا غيرها كانو غيتحملو هدشي كامل، هزها جاد من الأرض وحطها فوق الناموسية، دور شاف فالكوافوزة ولقا الپلاطو بلاصتو ورغد ماقرباتش للماكلة ولا داقت النعمة، بقى جالس حداها، وغرو الشيطان، هز يدو وبقا كيدوزها على وجهها، من حواجبها لعينيها ولخدودها ومرورا لشفايفها، بقى كيشوف فيها وعاقد حواجبو، في المرة الأولى جاد خطف من سيف حبيبته الواحيدة، الإنسانة لي بغاها وحبها من كل أعماق قلبه، وهاهو الآن جاد كايكرر نفس الشئ 😉، بقى حداها أكثر من 20دقيقة ماحيدش لا يدو ولا عينو عليها، تارجعات رغد لواعيها وحسات بيد فوق خدها)
هي.(وحالا عينيها بالزربة)سسييف،(وغير شافت جاد وهي تنقز من بلاصتها)
هي.(بخوف)ششنووو كاااديير
هو.(بصوت هادئ)علاش ماكليتيش؟
هي.(وكدفع فيه)ببععد منييي المجرررم أهئ أهئ
هو.(بألامبالات لكلامها)نتي ماخصكش تبقاي بالجوع
هي.(بالغوات)وانت شنو كايهمك الا كليت ويلا بقيت بلاش
هو.المرا لي غاتولد ليا ولدي مايمكنش ليها تبقى بالجوع!!
رغد.(الصمت)
جاد.شفتك سكتي ولا ثقال عليك لسانك، على كل حال مازال الوقت على هدشي (كيطلع فيها عينو ويهبطها) على الأقل كيخصك أسبوع على ماتقدري تسترجعي قوتك، حيت صحتك دبا ماكتسمحش لك تحملي بولد فكرشك
هي.(دورات نص عينيها جهة الپلاطو وكتشوف فالموس لي حدا الديسير)
هو.دبا غير رتاحي مع راسك وغييير بشوية عليك عارفك صعيب عليك تأقلمي مع الوضع الجديد خصوصا وانّ انا خو راجلك وفنفس الوقت راجل ختك
هي.(وسربات هزات الموس وحطاتو تحت رقبتو)وماااااحشمتييييش تقوووول هذ الهضرة الكااافر بالله وااااش ماشي عيب عليك تحط عينك على مرااات خووووك وطمع فالحراااام على الأقل الا ماكنتيش كتحترمني انا وخوك حتارم غير القرابة لي بيناتنا كون مُووك بقات عايشة متأكدة كانت غتبرااا منك حيييت خساااارة ولد فنفس أخلاقك يحمل دمهااا!!
هو.(وكيضحك)واش ناوية تقتليني بهذ اليد لي كترعد؟
هي.مااااتستفزنييييش حيت موووتك انت غيكووون على يدي المجرررم
هو.(وناض من بلاصتو وتاجه للباب)داك الموس قطعي بيه ديك التفاحة وكوليها، (وبعدها خرج وزدح بالباب وراه، وخلا رغد جامدة بلاصتها، لأكثر من دقيقة، وبعدها رمات المووس فالأرض ومشات حلات الباب ودمها كايغلي فعروقها، خرجات وعينها كتقلب على جاد بقات غادة بخطوات متسرعة وكدوور راسها من جهة لجهة تاسمعات صوت، تبعاتو تاعرفات منين جاي، كان صوت جاد داخل غرفة بابها مسدود، قربات للباب ويلاه بغات تدخل وهي تسمع)
جاد.وااااش انت خدااام عند الطبيييب ولا خدااام عندي اناااا دييير داااكشي لي قلت لك انا ماكيهمنيش الاااا كانت حالته خطيرة صافي خرجتو منه الرصاص خلييوه تما وماتحيدوش عينيكم عليييه أنا شوية ونكون عندكم، ورغد غير سمعات كلامه الروح رجعات فيها، وتبسمات بلا ماتشعر، وعلاش لا وحبيبها لي كان قبل ساعتين مات الآن ضهر انه عايش وجاد طلع غير كايكذب، ماتيقاتش لي سمعاتو وذنيها وحسات بقلبها غايخرج من بلاصتو بسبب نبضاته لي تزادو فلحظة وحدة)
جاد.(حل الباب ومع الحلا كايتصدم برغد واقفة قدامه وهي ساهية كاضحك)
هو.(بتوتر ومخرج عينو)انتييي شنوووو خررررجك...
رغد.(ونقزات من بلاصتها)أاا نعم انا، أنا غنمشييي نعلم بيييك البوووليس انت مايمكنش تبقى حر هااااكة المجرم قتلتييي سيف بدم باااارد وكتصرف كأن تاحاجة ماوقعات وتاحاجة ماهاماااااك
هو.(وشدها من شعرها)راااجلك ماااات حييت قتل لياااا الولد لي غتولدييي ليااا البادل ديالووو واااش فهمتييي هذ الهضرة دخليهااا لراااسك ودبااا زيييدييي تحركي قدامي قبل مانلغي داك الأسبوع دالراحة لي عطييييتك وندشن تاصيلتك اليووومة، (جرها للغرفة ولاحها فوق الناموسية وخرج وقفل الباب موراه، وهي ناضت من بلاصتها وحاسة بالدنيا كاطير بيها بسبب الخبار لي سمعاتو)
هي.(وكتبكي دموع الفرح)انت باقي حي أهئ أهئ باااقي حي، الحمدلله ياربي حمدتك وشكرتك، دبا بقى ليا غير نعرفك فين كاين وبعدها نهرب من هنا باش نمشي ننقذك من بين يدين ديال دوك الأشرار لي مافقلوبهم رحمة، اه هدشي لي غندير، مسحات دموعها وهي باقة كضحك، ومشات حلات الباب ديال الحمام لي كان حدا باب الغرفة، دخلات قضات حاجتها ومشات تغسل يدها، وغير شافت حالة وجهها فالمراية وهي تصدم، وجهها كله مكرفس بالتراب، شافت فرجليها ولقاتهم أسواء من وجهها وديك الكسوة الحمراء لي كانت لابساها رجعات بونية اللون من كثرة التجرجير، شافت فالرشاش ديال الدووش وقالت مع راسها من الأحسن تغسل حالتها لي كاتخلع ونيت تريح راسها وعضامها من الحرب لي دازت عليها، دخلات وحيدات حوايجها وتسنات الماء يسخن وبعدها بدات تدوش وخدات اكثر من 15 دقيقة، سدات الروبيني وعصرات شعرها وبعدها جمعاتو وحلات داك الزاج باش تخرج وهي تصدم بجاد واقف مسند مع الحيط وكيتفرج فيها، وغير شافتو وهي تجر فوطة وسربات غطات بيها راسها)
هي.(خنزرات فيه وبعدها حيدات ليه ديك الميكة بعصبية)
هي.يلاااااه خررررج
هو.(تبسم ليها وبعدها مشا خرج وسد الباب موراه)وهي سندات على الحيط وبدات تبكي
هي.الله ياااربي الله شنو هدشي لي حطيتيني فيييه، من مصيبة لمصيبة وبالزور كانقدر نستحمل هدشي بزاااف علياااا رحمني ياسيدي ياربي رحمنييي (بقات ساهية وكاتفكر فأيام حياتها العوجة، عمرها داقت طعم الراحة ولا عرفات معنى الفرح، من نهار عائلة الراضي دخلو لحياتها وهي اللور اللور وشكون قال غايجي يوم وتخرج من داك الحبس لي كانت فيه محبوسة شهووور، والنهار تحررات منه كتلقى راسها فحرب مع الذئاب ماكتعرفش الرحمة، ولكن هدشي دبا ماغيبقاش .. من اليوم فصعدا كل شي غيتبدل وابتدأ من هذ اللحظة بالذات، قبل ماكانتش قادرة دير والو حيت كانت مربوطة بإسم الحب أما دبا الوضع تغير، ذكأها وقوتها خاصهم تبينهم دبا، ( بعد هذ التفكير الطويل لي فيقها من شحال من حاجة، حيدات الفوطة ونشفات راسها وبعدها حلات ديك الميكة ولقات فيها كسوة طويلة فالكحل مع ملابس داخلية وكولون وسپادري فالبيض وشال فنفس اللول ديال السپادري لبساتهم بالزربة وبعدها خرجات، ولقات علبة ديال الپيتزا فوق المانوسية مع قرعة ديال پيپسي، شاهيتها كانت سادة ماكانش عندها خاطر للماكلة ولكن خطتها لي غتبدا تنفذها كتتطلب منها قوة جسدية كبيرة ومعيدة ممتلئة ماشي فارغة، جلسات فوق الناموسية وبدات كاتاكل وفنفس الوقت كاتفكر فخطتها لي أكيد غاتكون الضربة القاضية لجاد، كملات ماكلتها وتبسمات من أعماق قلبها، ودبا جا الوقت باش ترتاح بعد هذ الدوش لي خدات، باش تقدر تفيق وهي مستعدة وجاهزة لتنفيذ خطتها، لكن قبل مشات للباب تأكدات بلي مقفول لكن يقدر يتحل فأي لحظة وهي ناعسة لذلك دارت ليه القفل من لداخل دوزات الساقت ومشات تكات فوق الناموسية وهي مرتاحة، غمضات عينيها وكتفكر فلحظة لي غتلاقا بيها بحبيب قلبها سيف)
الشخص.بلا ماتعصب اسيدي انا غانعاود نصيفط ليك العنوان فرسالة، (قطع وبعدها كتب ليه العنوان فرسالة قصيرة وصيفطو ليه)
سيف.(وكيتقطع بالوجع وهو مربوط بسرسلة ديال الحديد)إلاااا كنتييي راااجل حييد ليا هذ السلسة ؤواااجهنييي
الشخص1.شفتيه اشكيقول!!
الشخص2.هههه غير خليه مسكين واقيلة الرصاصة سكراتو ومابقى عارف اشكيقول
الشخص1.دبا يجي لي غيرجعو لواعيو
⊙○• #بعد_مرور_12_ساعة 🏚 •○⊙
جاد.(بالغوات)حليييي هذ الباااااب
المكان.(الصمت)
جاد.(وكيدق بالجهد)وااااش ماكتسمعيييش قلت لك حليييي هذ البااااب ولا غنهرسووو
رغد.(ونقزات من بلاصتها وكاتحاول تحل عينيها، شافت فالشرجم لقات الشمس ضوات فكل مكان وعرفات ان الصباح وصل، ناض من بلاصتها وهي مكسلة حيدات القفل للباب وحلاتو)
جاد.(وكايشوف فيها بإستغراب حيت تبدلات طريقة كلامها)ختك مابقاتش غاترجع لهنا غير تهناي وانا جيت غير باش نشوف ياكما خاصاك شي حاجة، ولكن كاتباني ليا بخير، (قال هذ جوج كلمات ومشا خرج ولكن ماقفلش الباب)
رغد.(وكتحلفها فيه)ولا جاي تشوف ياكما هربت فغيابك!! ولكن غير كون هاني حيت هدشي هو لي غيكون وفحضورك ان شاء الله، بقات كتفكر فداك الدم لي شافت فحوايجو وعرفات انه ديال سيف، حسات بقلبها كايتقطع وهي بعيدة عليه وماقادرة دير والو ولكن مابقة قد مافات هذ اليلة بالتحديد غتكون عندو، لمحات الموس لي لاحتو البارح جنب الكواڤوزة وهزاتو بالزربة وخباتو تحت الماتلة وبعدها مشات دخلات للحمام غسلات وجهها وخرجات،...
ودبا غاتبدا خطتها لي متفألة انها غاتنجح ليها 100%، سترجعات ذكرتها للوراء وبالظبط قبل 12 ساعة ونصف، ((فاش كانت خارجة من الغرفة كتقلب على جاد لي لقاتو فغرفة حدا الغرفة لي هي فيها))، ولحسن حظها هما حدا بعضياتهم، مشات سدات الباب وقفلاتو من لداخل، وسربات جرَّااات الناموسية من بلاصتها ومعروف فكل بيت وغرفة ان المكان لي كيشعل فيها الضوو والبلاصة ديال الشاجور كاتكون جنب الناموسية، ولكن باش تحل بلاصة الشاجور غايخصها تورنوبيس وهي ماعندهاش لذلك هزات الموس لي خباتو تحت الناموسية وبدات تحل البيوس لي كانو غير جوج، حلاتهم وجبدات ديك البلاستيكة لي جرات معاها السلوكا ديال الضوو وهنا حبسات حيت الا زادت مسات شي حاجة غايشدها الضوو فالبلاصة وغيتضرب ليها كولشي فالزيرو، ناضت من بلاصتها ورجعات الناموسية لمكانها ومدرقة بيها دوك السلوكا لي خرجو من بلاصتهم، وبدات تفكر فين غتلقى الديجانكتور، وباش تلقاه خاصها الأول تخرج من الغرفة ونيت داكشي لي دارت، البطاقة الحمراء فصفها الباب ماكانش مقفول، حلاتو من عندها وخرجات بخطوات مهيلة، وكتدور عينيها من جهة لجهة، ولكن الا بقات كاتمشى هكا تقدر تلاقا بجاد ويشك فأمرها لذلك اللهم تمشا عادي وتا الا تشدات تقول (كنت عطشانة وباغة نشرب ومريضنا ماعندو باس) ،هي لحد الآن خطتها غادة مزيان، بقات كاتمشا عادي وهبطات للتحت، ومشات تحت الدروج كتقلب على الديجانكتور حيت حدو ديك البلاصة ماغيمشي فين ولكن لسوء حظها مالقاتوش، وبما انها نازلة نازلة اللهم تقلب بيدها، بقات كتقلب ودور من جيهة لجهة تالمحات طابلو معلق حدا الباب ديال الڤيلا، وغرها الشيطان ومشات قلباتو اللور، ولأور مرة الشيطان كايدير شي حاجة مزيانة، وفالاخير قدرات تلقى الديجانكتور، حيدات الطابلو حطاتو فالأرض بسبب وزنه الثقيل، وبعدها كبسات على البوطونا الحمراء الشئ لي غايخلي الضوو يتقطع فالڤيلا كلها، هزات الطابلو بالزربة ورجعاتو بلاصتو وبعدها طلعات فالدروج وهي كتجري وماوقفات تسمعات)
هي.الله دبا ضربت عصفرين بحجر واحد الباب غايبقى محلول والضوو مقطوع وكولشي غادي مزيان،.. (سدات الباب وقفلاتو ومشات جرااات الناموسية تاني وهزات داك الموس وبقات كتنجر فالبلاصة لي خرجو منها السلوك باش تقدر تدير تقبا خارجة للبيت ديال جاد، خطتها كانت تصنط على جاد باش تقدر تعرف العنوان، ومن خلال هذ الحفرة لي غادير دبا الصوت غايوصل تالعندها، ولحسن حظها مالقاتش نص باقي الحيط حيت لقات بلاصتو سلوكة تانيين يعني غرفة جاد فيها بلاصت الشاجور مقابلة تماما مع البلاصة لي بغات تحفر فيها، طلات بنص عينها وكتشوف شوية د الضو ضوا من غرفة جاد حيت كان الشرجم محلول، ويلاه بغات ترجع الناموسية لبلاصتها وتخلي التنصط تال اليل حيت ديك الساعة عاد كايجيوه دوك الاتصالات الغراب، وهي تسمع صوت بنت،)
هي.هدشي لي كدير فيه أجاد راه خطير، ((رغد قربات وذنيها وحطاتهم نشيان مع ديك التقبة وبقات كتصنط))
جاد.عارف بلي هدشي خطير ولكن خصني نجيب ولد من رغد ضروووري وفأقرب وقت
البنت.ولكن علاااااش، هدشي لي مافهمتووش لحد الآن!!
هو.الأب ديالي قبل مايموت دار وصية وفهذ الوصية قال بلي جميع أملاكه غتمشي لولد سيف والنص الأخر لولد جاد يعني ولدي أنا، وماعرفتش علاش دار هكا وحط هذ الشرط الحقير، انا وسيف تاواحد فينا مايقدرش يمس تاحاجة من املاكه تايكونو ولادنا، وفالوقت لي كنت أنا فالمانيا كنخطط كيفاش غانتفك من سيف كانتوصل بخبار زواجو الشئ لي خلاني ناخد أول طيارة ونجي للمغرب،...
البنت.علاش؟!!!
جاد.باش مانخليش مرتو تولد ليه حيت مابقاتش عندي فرصة نمنع الزواج ولا ندير شي حاحة ويلا تسنيت غير اسبوع واحد تقدر مراتو تحمل منه وديك الساعة غايكون من الصعب عليا نتخلص من 3 أشخاص، ولذلك قررت أن الولد لي غتحمل بيه مرتو غيكون ولدي أنا ونيت داكشي لي درت من أول نهار قدرت نطييح مرتو فيا حيت اصلا كانت طماعة وماشية على هواها كايهموها غير الفلوس والأملاك، ولحسن حظي كانت أول واحد غاتكون معاه هو أنا يعني سيف باقي مالمسهاش، وفديك المدة لي كنا فيها مع بعضنا هي كل يوم كانت كاترفض سيف بحجة انها خايفة وخاصها وقت، ولكن طولات بزاف لذلك قلت ليها تقول ليه انها تعرضات للإغتصاب قبل ليلة زواجها من طرف ولد جيرانها حيت كان باغيها وهي رفضاتو ومن كلاخ سيف تيقها وتقبلها حيت كايبغيها، وبعد اسبوع كاتصدم كولشي بخبار حملها، وكنت انا وهي لي عارفين بلي الولد مني ماشي من سيف، وسيف احسابليه ولدو حيت دوزو مع بعضياتهم اسبوع وخا قصير ولكن كان من المحتمل يوقع الحمل، وبعد مدة قليلة عرف أنّ الولد لي حاملة بيه مراتو ماشي ولدو انما ولد شخص أخر، هو ساق الخبار من الطبيبة لي دوزات عندها نوال باش تراقب فترة حاملها .. وصدمات سيف ان مرتو داخلة فالشهر التاني من حملها، وهنا كرهها ولكن بقا معاها وخا تبدلات معاملتو ليها لكن مع الوقت سامحها ورجعات الامور بيناتهم مقادة تاتولد الولد ومراتو ولات كتبغيني ومابقاتش قادرة تفارق معايا لذلك قلت ليها غانمشيو لالمانيا ونديو معانا الولد ونخليو كولشي ورانا
البنت.يعنيانت كنتي مشيتي ولكن دبا علاش رجعتي وتسببتي فهدشي كامل؟؟
جاد.لا مامشيناش حيت خرجات لينا موصيبة فطريقنا ماكناش ضاربين ليها الحساب، مرات سيف لي هي نوال مشات لدارهم بحجة انها تواحشات واليديها ولكن هي بغات تودعهم حيت غاتمشي معايا لالمانيا، وفديك اليلة بالذات لي مشات لعندهم وقع حريق فدارهم وكان بسببها هي نيت حيت نسات الغاز شاعل ونفاجرات عليهم البوطة ولكن هي لحسن حظها كانت فالجردة كاتهضر معايا فالتليفون وقت الإنفجار
البنت.واش مات شي واحد فالحريق؟!!!...
جاد.اه الأب ديالها وماماها وخوها رضى هما لي كانو ديك الساعة تماك اما خواتاتها بثلاثة ماكانوش ديك الساعة تماك ولكن مع ذلك لسقو التهمة فرغد خت نوال حيت احساب ليهم هي اخير وحدة ستعملات الغاز قبل ماتخرج، وختها ستغلات الحريق وهربات لعندي، وبقات معايا وبعدها تافقنا مع واحد الطبيب يقول بلي الجثات كانو 4 ماشي 3 وخواتاتها وسيف ماحكروش فالأمر حيت كانو عارفين ان نوال مشات لتما ديك اليلة، وانا بقيت غائب على الدار اكثر من اسبوع وبقيت فأوتيل مع نوال، وبقينا كانفكرو كيفاش نجيبو الولد من عند سيف تالليوم لي تافقنا فيه نخطفوه منهم وحنا نتصدمو فأخير لحظة ان سيف تزوج من خت مراتو الميتة وهدشي عرفناه حيت ستخدمنا الخدامة لي عندهم كاجسوسة، هي كانت كاتجيب لينا عليهم الخبار الصغيرة والكبيرة، وعرفنا ان الأم ديالي هي لي جبرات سيف يتزوج برغد البنت لي عالجتيها البارح ماما كانت باغة ريان يكبر وسطهم، وسط رغد وسيف باش العائلة ماتفارقش، وبززات على سيف يتزوج برغد وبعد مدة قصيرة فارقات الحياة وماتت، وفاش مشيت عند سيف صارحتو بكولشي باش يعطيني ريان ونكمل الخطة لي رسمت بلا خبار نوال حيت فكلتى الحالتين كنت غنتفك منها بعدما ندي الولد، سيف قلت ليه أن مراتو كانت كتخونو معايا وكانت كتبغيني انا وهو تزوجات بيه غير على قبل فلوسو وفاش عرف ان ريان ولدي انا تصدم ومابقا عارف باش تبلا وجرا عليا من دارو وقال بلي ريان ماعمري غانوصل ليه تايمشي للقبر عند ماماها ومن داك النهار حبس رغد وريان فالبيت ومابقاوش كيشوفو الشمس وحقد عليهم بسبب نوال لي احساب ليهم ميتة، وانا رجعت وبدلت خطتي حيت مايمكنش ليا نخرج من هذ الحرب كامل بيدين خاويين، قررت نخلي نوال تحمل مني للمرة الثانية باش نضمن حقي وحتى الا خرج ليا سيف من الجنب غنتهنى منه والولد لي غايخلي هو اصلا ولدي والثروة كلها غاترجع ليا، لكن بعدما تفألت بنجاح خطتي كنتصدم بمرض نوال وكولشي تضرب ليا فالزيرو حيت ماغتقدرش تولد مرة اخرى ولذلك رجعت ناخد ريان لي هو أملي الواحيد ولكن مع الأسف مات وجميع الخطط لي رسمت فشلو وطارو فالهوى...
شيماء.الصراحة هدشي ديالك ماعاجبنيش
جاد.دبا شنو قلتي واش غاتعاوني داك الحقير حيت الطبيب وخا عالجو باقي كاينزف والبارح خسر بزاف ديال الدم
شيماء.خليه يموت ياك هكا كانت خطتك
هو.ماشي قبل مايكتب ليا كل أملاكه حيت الا مات كولشي غايمشي لمرتو
شيماء.وخا غانعاونك الا كان هكا ولكن النص بالنص
جاد.بقيتي نتي هي نتي ماتبدلتييييش
شيماء.(وكضحك)نقدر نتبدل مع كولشي الا معاك أنت، واش نسيتي شحال دوزنا مع بعضياتنا؟؟ راك انت لي علمتيني هدشي
هو.صافي وخا النص بالنص
هي.عطيني العنوان حيت مازال تابعاني شحال من حاجة
هو.طريق شراضي هو كاين تماك فواحد المستودع قديم ديال السيارات
هي.وخا، (مشات خرجات وتبعها جاد ومشا ديريكت للغرفة لي فيها رغد ودخل)
هو.(وكيضحك)هذ اليلة غندوزو وقت زوين
رغد.((لا هنا ماكاينش دور رغد حيت صافي مشات، جاد ماجا فين يكمل نص كلامه تاكايشوف الحيط كله مكتوب بصبونة خضرا كانت رغد خلات ليه رسالة، وهنا خرج عينو من كثرة الصدمة وبقى غير كيقرا ودم عروقو كيغلي)
محتوى الرسالة.رجلي من هنا لمركز الشرطة وبعدها للمستودع لي حبستي فيه سيف ورد بالك مني أنا مسلحة بتسجيل فيه كل إعترافاتك الخبيثة وأمامك الآن فرصة وحدة للهروب قبل وصولي للمركز تحياتي..رغد)
جاد.(بالغواااات)لااااااا، (شاف فالشرجم لقاه محلول ومشا ليه بزربا ولقا ليزار معلق فيه الحاجة لي ساعدات رغد فالهبوط وبعدها الهروب، فهذ اللحظة تمنى رغد ترجع لبين يديو باش يصفيها ليها ولكن هدشي ولا مستحيييل،وبسبب هذ الصدمة عروق يدو وجبهتو تنفخو من كثرة العصبية، وفكرة هروب رغد منه كان مستبعدها من بالوو تماما حيت كتبان ليه غير وحدة هبيلة وضعيفة وماتقدر دير والو لكن دبا طلعات اذكاء منه،...
هو دبا سي جاد مايقدر يدير والو حيت رغد غاتكون خرجات من زمان واكيد غاتكون شادة طاكسي، وانه يتاصل بالحراس ديالو باش يقوليهم يقتلو سيف اكيد مايقدرش يديرها حيت خاصو توقيع سيف باش يسلمو املاكه ويلا مشا تبع رغد لتما اكيد غتكون الشرطة محاصرة المكان وماغيبقاش عندو مجال للهروب وغيتشد، طاح جاد على رجليه وهو كيعلن فشله وكل الأمور خرجو تحت سيطرته وهو ماقادر يدير والو، أما رغد فاكانت فعلا شادة طاكسي وهي كترعد ولكن فنفس الوقت كتستمتع بإنتصارها على جاد وكذلك نجاح خطتها لي اصلا كانت متأكدة انها غاتنجح 100% ودبا دقات قلبها ولاو متسارعين حيت واخيرا غتجمع بتوأم روحها لي واجهات كولشي على قبلو، وبالنسبة للتسجيل كان غير لعبة منها حيت هي اصلا ماكانش عندها أي جهاز تسجيل، تفكيرها كان صائب وفمحله، وبدقة وحدة قضات على كولشي والآن صارت قريبة للمستودع)
الشيفور.واش هنا الالة
هي.(وكدور عينيها كتقلب على شي بلاكة)واش هنا طريق الشراضي ياك
هو.اه وهاهو المستودع قدام هنا
هي.وخا انا غانمشي وانت تسنا هنا ماتمشي فين تانجي الله يجزيك بالخير
هو.وخا الالة (هبطات من الطموبيل، شافت قدامها ولقات غير الشجاري، زادت مازال تمشات وهي كتجري تاقدرات تشوف المستودع، وقدامو جوج طموبيلات،)
هي.(ومراقبة الباب)اكيد حاط الحراس ديالو هنا وبالتأكيد ماغيكونش من السهل عليا نتفك منهم، بقات كتفكر وماكانتش الا ثواني قليلة وهي طيح فبالها خطة تقدر تخلي الحراس يمشيو وبلا رجعة، تاجهات للباب ديال المستودع ودقاتو بكل ثقة)
شخص1.واش سي جاد لي غيكون جا؟
شخص2.اه علاه شكون من غيرو لي غيجي، (مشا حل الباب ولقى بنت قدامو)
رغد(وكدور عينيها داخل المستودع كتقلب على سيف بتوتر)السلام عليكم
شخص2.شكوون نتي؟
هي.انا الدكتورة شيماء سي جاد صيفطني حيت قال ان شي مريض كاين هنا وفطريقي علمت البوليس
شخص1.البووليس؟؟
رغد.اه حيت قال بلي المريض لي هنا مضروب بالرصاص وانا مايمكنش ليا نقرب منه الا بحضور البوليس، (ومازال گاع ماكملاتش كلامها وهما يطيرو من قدامها ومشاو كيجريو للطموبيل ركبو وهربو فحالهم، ورغد ماتسناتش تشوف واش مشاو دخلات بالزربة وكتغوت بإسم سيف ودموعها لي كانت حابساهم نزلو من عينيها)
الأسد الجائع الجزء الثاني
محتوى القصة
التنقل بين الأجزاء