فهد وقف و هو مبتسم ليها ... على أي غادي نخليك داباا ترتاحي و بينااتناا التيليفون 😉
أية... سلم ليا على هند بزااف و بوس لياا زين
فهد ابتسم ليها و هو كيمد يده يسلم علييها ... واخاا ...مع السلامة
بعدماا نعسات بضع ساعات و حسات براسها ارتاحت ناضت من فوق السرير بالشوية باش ماتفيقش كريمة اللي غارقة فنعاسها دخلات للحمام غسلات وجهها و رجعات خرجات بدلات حوايجها و سرحات شعرهاا هزات صاكها و سوارتهاا و خرجات من الدار بعدما كتبات ملاحظة صغيرة حطاتها لكريمة حدا راسها علماتها بللي مشات للمستشفى ... طلعات فسيارتها و تاجهات للمستشفى ..فطريقهاا مللي كانت واقفة فاحدى اشارات المرور هزات تيليفونها اللي كانت محيدة ليه الصوت و لقات اكتر من اتصال من عند ثرية رجعاته لصاكها بعدم اهتمام و كملات طريقها عادي .... اول ماوصلات سولات الاستقبال واش حولوها لغرفة عادية و خدات رقم الغرفة الجديدة بابتسامة هادئة ... وقفات قدام المصعد كتسناه ينزل حتا تفتح الباب و تفتح معاه فمهاا بالصدمة و دقات قلبها بدات بالتسارع ...
وقفات قدام المصعد كتسناه ينزل حتا تفتح الباب و تفتح معاه فمهاا بالصدمة و دقات قلبها بدات بالتسارع... بلعات ريقها بصعوبة و هي كتراقب ردة فعله اللي كانت عادية
هبة... لا لا قالو لي دابا حولوها لغرفة عادية ..نتا شنو كدير هنا!
فهد حك ورا رأسه مبتسم... جيت نشوف واحد الصديقة هنا ..
هبة بضحكة صفراء و الغيرة كتاكلها باين من عينيه ماشي غير صديقة .... ياكماا حالتها خطيرة؟(ان شاء الله )
فهد... لااا مااشي شي حاجة "شاف تيليفونه كيصوني" على اي نتلاقاو غدا فالشركة "ابتسم ليها و هو كيجاوب فطريقه" الو هند ...
هبة بقات واقفة فمكانهاا مراقبة خروجه علاش كيتعامل معاها فحال هكدا؟ ببرود! يمكن مامولفاش الرجال اللي ضايرين بيها يتعاملو معاها فحال هكا و هدشي اللي شدها لييه و عجبها فيه ولكن ملات من هاد الوضع داارت الخطوة الأولى و تسنااته يدير التانية ولكن الظاهر هو معتابرها مديرته فقط حتا احتمال انه يكون معجب بيها محال ...تنهدت و هي داخلة للمصعد دارت الطابق الخامس و بقات واقفة قدام المرايا... من ديما كانت كتحلم تعيش قصة حب استثنائية ماتكوونش ساهلة تعيش تحديات و دوز من صعوبات حيت هوماا اللي كيقويو العلاقة و يخليوهم يتشبتو ببعض اكتر يمكن هادشي اللي مزال مخليها مافقداتش الأمل فعلاقتها بفهد...تنهدت و هي خارجة من المصعد و مشات فالرواق كتقلب على غرفة أية حتا لقاتها ...دقات الباب و حلاته دخلات ولقات أية ناعسة فوق سريرها ساهية و ابتسامة هادئة مرسومة على وجهها ...
هبة حطات صاكها فوق السرير و جلسات حداهاا ... الزين فين سااهي
أية شدات فقلبها ... خلعتيني مالكي داخلة بلا حس
هبة... راه نتي اللي طلعتي فووق السحاب و ماسمعتينيش فاش دقيت !فين كنتي سااهية هاا! ياكماا فمراد
أية قلبات عينيها بملل... اكيد لا
هبة بجدية... خاصك تعيطي ليه و تسولي فييه ا أية
أية... مايمكنش .. العلاقة اللي كانت بياتنا سالات و انا بصراحة مابقييتش باغة نشوفه مزال
هبة... اه انا كنت قلت ليك هدشي قبل ماا نتلاقاه و نشوفه قدااش كيبغييك و كيخااف علييك شفته كيفاااش كان كيتألم نهاار جاتك الكريز و باغيي غير تكووني بيخير لدرجة انه بدل طرييقة تعاامله معاااك و مابقااش كيقلقك و كييدير ليك خااطرك غير حييت مامزياانش ليك تتقلقي و نتي على قبل ليييلة مكاانش بوعيه فيهاا دوزهاا مع وحدة مابقيتيش باغة تهضري معااه و مكلفتيش راسك حتا تااضلي بيه و تطمنيه عليك و نتي عاارفه غادي يكوون مشوش عليك
أية.... اناا درت غير بهضرتك و بعدت علييه حيت مابغيتش يزييد يتعلق بياا و بصرااحة هاد الفيديو جاا فوقته ... ولكن بلاتي نتي اللي كداافعي على مرااد علاش حتا نتي ما ترتابطيش بواحد من هادوك اللي كيبغييوك متلا!!
أية تنهدت....ايواا ماشي حنا اللي كنتحكمو بمشاعرناا
هبة... عندك الحق.... ولكن مراد كيبقاا صديقك قبل كلشي عافااك عيطي لييه و سولي علييه
أية ...عافاك ا هبة بلاماا ضغطي علياا كون بغييت نعيط ليه كون عيطت خلييناا فحال هكااا باش يولف بعدناا
هبة ... ايلا مابغيتيش تعيطي ليه نتي انعيط اناا
خطفات ليها التيليفون من يدها و نااضت من فوق السرير...وقفات حتاا أية تابعااها قبل ما تعيط ليه
أية....اررري التيليفون ا هبة و الله و تعيطي لييه حتاا مانبقااش نهضر معااك
هبة وقفات فالجهة المقابلة ليها من السرير.... مايمكنش نخليك كضيعي مراد من بين يديك فحال هكاا و نبقا سااكتة
دااررت ليها أية من الجهة الاخرى و هبة طلعات فوق السرير و نقزات للجهة الاخرى ...
أية.... و انااا بغييت نضييعه من يديي غيير خلييني انا مااباغااهش اري هداك التيليفون
هبة... نتي عارفااني اذاا درت شي حاجة فباالي كندييرها و قلت ليك اتعيطي ليه هي اتعيطي لييه
دارت ليها عاوتااني أية و نقزات مرة اخرى هبة للجهة الاخرى و هي كتحاول تعيط لمراد ولكن قبل ماتدوز الخط كان بدا التيليفون كيصوني و كان المتصل فهد ...
هبة وقفات مكانها بدون حركة كتشوف غير فالاسم و ف أية و كتفكر فلقائها الصباح بفهد فالمستشفى كتحااول تربط الأحداث ببعضهاا حتا نطرات ليها أية التيليفون من يدهاا مللي شافت اسم فهد حيدات الصوت بتوتر ...
هبة... مااشي هادشي اللي قصدت ... "تنهددت" من امتاا و نتي كتعرفيه!!
أية ... لا لا نتي حاالك معاجبنيش ! علاش كتسولي هاد الأسئلة كامليين؟
هبة... غير كنسول و صاافي !! حييت جااتني غرييبة نتي مصرة على انفصالك بمراد لسبب تاافه و فنفس الوقت كاتصدريناا اناا و ماماك نمشييو فحاالنا باش يجيي عندك فهد اللي كاتقوولي عليه غيير الأخ د هند و بالرغم انه مااشي بزااف بااش خرج من عندك كيييتصل بيك حييت اكييد غادي يكوون توحشك
أية مصدووومة من طريقة كلام هبة و عصبييتها فعلا الموضوع مايستااهلش كل هاد العصبية ....كرزاات على سنانها و هي كتقول بعصبية ... اولا انا مانفاصلتش على مراد لسبب تاافه! اناااا تفارقت معااه حيت ماقدرتش نبغيييه عااام كامل و حنااا مع بعضنااا اااه هو كاان معاياا ظرييف و حنيين و كيبغييني و كلشي زوين فييه ولكنن ماااقدرتش ماااعندي ماانديير و حتااا انننه يمشي يسهر مع اصحاابه و يااخد مخدر اللي هو عاارف رااسه ماكيتحكمش فتصرفااته باش كيااخده و انااا هضرت معااه شحاال من مررة يبعد من دااك الزمر و مداارش بكلامي و داار غير اللي فرااسه فالاخر صدق نااعس مع وحدة اخرى كاان بوعيه ولا ماشي بوعيه هااديك كتسمى خياانة و اي وحدة فبلااصتي مغاااديش تااخد الموضوع بصدر رحب و نتي برااسك مغااديش تبغي اللي يخووونك ....ثاانيااا انا فهد اول مرة نشووفه هي الباارح فالمعرض كاان بينااتناا غير السلاام فقط و اناا مااصدرتكش نتي و مامااا بااش يجي هوو انااا قلت ليييكم تمششيو ترتااحو حييت فعلاا هااازة لييكم الهم "بداااو عينيها كيلمعو بالدموع" و ماابااغااش نمرضكم معااياا اناا مااكاانبغغيييش نشووفكم كتعدبو بسباابي و بسبااب هااد المرض د الخرااا اللي كل شوية لاايحني لهااد المستشفى و معدبكم معاااياا حتاا نتومااا ...فهد انااا تصدمت بااش شفته هنااا و ماافهمتش اصلا لاش جاا لهناا هضرناا شوية و تباادلناا النواامر بااش يعيط لي مرة مرة يسسول على حاالتي و ماانحسش بالملل اللي لقااني فيييه فققققط!!! و اناا اصلاا...."توقفاات عن الكلام و هي شادة فقلبهاا حااسة بصدرها كيتزير و تنفسهاا كيقلال ... اخر حاجة شاافتها هي وجه هبة بملامح قلقة و خاائفة و هي كتحاول تشوف ماالها قبل ما تسد عينيها و تفقد وعيهاا
هبة كاانت مرااقبة كلام أية بالحرف و هي حااسة بالذنب من كلاامها الجارح اللي قالته فلحظة غضب... احتماال انه تكوون علاقة بين أية و فهد كاادت تقتلهاا حييت سااعتهاا مغااديش تقدر تختاار بين اللي كينبض ليه قلبها و بين اختها الحبيبة ... حساات بقلبهاا غادي يوقف و هي كتشوف فاية هضرتهاا كتقاال و عيينها كيتقلبو و شاادة فقلبهاا نقزاات لعندهاا بدون تفكير كتحااول تخليهاا فايقة كضرب على خدهاا بالشوية و كتهضر معااهاا و دموعها ساايلين...
هبة.... عاافااك فييقي ا اية سمحيلييي بزااف حييت غوت عليييك سمحييلييي بزااف اناا و الله مااا كنت قااصدة عاافااك بقااي حاالة عييينييك مااتسديييهوومش عاافااك بقااي معااااياا مااتغييبييش قااومي عاافاااك
الظاهر ان أية مكاانتش كتسمع هبة اششنو كتقوول و عيونهااا تسدو بالفعل...غوتاات هبة بأعلى صوتها البااح .... ايييييييييية 😭" بركات دغياا على زر الانظاار و مااهي إلا لحظات و كاانو الممرضات دااخلين كييجرييو ... بعدات هبة بالشوية للور و هي كتشووف فيهم كيقيسو نبضهاا و دقات قلبهااا ...حطاتت يدهاا على فمهاا و بداات كدعي مااتوقع لييها حتاا حااجة حيت اذاا وقعاات عمرهاا تساامح رااسها انهاا كاانت السبب .... شاافتهم و هوماا كيهزووها فسرير متنقل و غاديين خارجيين بييها بسرعة ماافهماات والو و بقاات غيير تاابعااهم لفيين غااديين حتاا باانو لييهاا مدخليينها لغرفة العملياات ...وقفات مصمرة قداام الباب اللي تسد علييها و هي مزاال ما فاهمة واالو حتاا حد ماابغا يوقف و يشرح لييها شنو كييوقع بقاات كطل من النافذة الزجااجية لغرفة العملياات و هي كتشفوووهم كيجهزووهاا ... رجعاات شعرهاا للور و مسحاات وجهها و هي كتبعد على الباب بالشوية حتاا تصاطحاات مع الحييط .... بان ليها طبيب أية جااي كيجري لغرفة العملياات و هي توقفه بلهفة ...
الطبيب.... مااعنديش الوقت بزاف ابنتي باش نشرح ليك ...غادي ننبدااو داابا فعملية نقل القلب حيت الحمد لله واافقها قلب هداك السيد اللي ماات ولكن هاد العملية ماشي ساهلة و فيهاا نسبة فشل دعييو معاهااا ...
دخل لغرفة العملياات و خلاهاا وااقفة جاامدة كانها بلا روح ماا عارفة وااش تفرح حييت اخيراا لقااو قلب يواافقها و لا تخااف تفشل العملية و مصييرها سااعتهاا معرووف حركاات راااسها بالنفي بسرعة متفاادية التفكيير بسلبية .... المهم اننه كااين أمل تتشافى و تولي عاايشة بيخيير و طبييعية ...جرات بسرعة لغرفة أية و خداتت تيليفونها و تاصلات بكريمة ...
ف فيلا الطيب و بالظبط فغرفة مراد.. كان جالس على الأرض جنب سريره و حاطط فوق رجليه المسرحين ألبوم صور مجموعين فييه جمييع صوره معا أية و صور لييها لوحدهاا ... كيدوز وحدة بوحدة و كل وحدة فيهم كيعطييها وقتهاا و يتفكر الذكرى اللي خداو فيها الصورة ... تنهد و هو كيشوف فالصورة اللي خداو نهار عرض عليها الزواج و وافقات ظن بللي صاافي ولات ديااله و ماابقات حتاا حاجة تقدر تبعدها علييه و غادي يعيشو حياتهم الباقية فرحاانين مع بعضيااتهم ... حول عينيه لتيليفونه اللي كان محطوط جنبه على الأرض وشاف ياسر كيتصل من جدييد قطع علييه و رجع كيشوف فالصور ... وااخد منه موقف حييت حتا هو عنده يد فللي وقع كوون ماا جابش هدييك الحبة و ماا اصرش علييه يااخدها مكاانش غادي يوقع هادشي كاامل ..هااهو داابا مضطر يبعد على حبييبته و روووحه و يتزوج بوحدة اخرى بااش مايتعفنش فالحبس ... علاش كيكدب على رااسه هي اصلا مابقااتش باغااه و عمرهاا بغااته اصلا هي قالتهاا بفمهاا ولكن هو مااكيهمهش تكوون بااغاه اولا هوو بااغيهاا و مااقاادرش يعييش بلا بيهاا و كييف بقاات معاه عاام كاامل واخاا مكتبغييهش فتقدر تبقاا معاه حيااته كااملة ...هكداا هو كيفكر كاان نااوي يعطييها شوية د الوقت و بعدهاا يمشي لعندهاا و يهضر معاهااا يطلب منها السمااحة و يتوسلهاا ترجع ليييه كييف قنعهاا فالأول تدخل معااه فعلاقة يقدر يقنعهااا تسامحه و يرجعو عااادي ولكن كووولشي تعقد دااباا ... غادي يبداا حياة جديدة مع بنت اخرى معاارف عليها واالو ماشي هكداا كان رااسم احلامه كااان كيحلم يتزوج بحب حيااته و يعييشو تحت سقف وااحد و كل نهاار يزييد حبهم لبعض و لكن كيف كيقولو " تجري الرياح بما لا تشتهي السفن " سد الألبوم حطه على جنب و ناض وقف متجه للباب اللي كان سااده و اللي مااحبسش من الدققاان مكاان باغي يشووف حتاا حد و ماا يهضر مع حد ولكن صدعه صوت الدقاان و بقاات فييه منى اللي كطلب فييه يحل الباب غير تطمئن علييه ... حل الباب و رجع جلس فالأرض على ماا دخلات منى و دموعهاا سايليين
منى .... حشوومة عليك ا ولدي طيحتي لياا قلبي علاش مااكتجاوبش😢 "قربات منه مللي مجااوبهااش و جلسات فوق الفوتوي اللي جنب السرير " ماا دييرش فرااسك هكداا عافااك اولدي ..هياا ماتستاهلكش وربي جااب لييك ماا حسن منهاا سلوى بنت زويينة و مربية و ظرييفة و غاادي تنسيييك فييهاا انا اكييدة عافااك اولدي ماتخلينييش مشطوونة علييك جااوبني و هضر معاايااا ماتبقااش غير سااكت
مراد هز فييها عيينيه الحمريين ورجع نزلهم للأرض... انا مغاديش نقدر ننساها و لا نقدر نعيش بلا بيها
منى شاافت فيه بأسى بقاا فييها ولدهاا بزااف و فكرة انهاا هي السبب فتعااسته و فبعده على البنت اللي كيبغي كتقطع لييها قلبهاا خاايفة و مرعووبة من احتماال انه يعرف و يعييق بخطتهاا مع ثرية اكيييد بعدهاا مغااديش يساامحهاا و مااباغااش تتصور حتاا شنو غادي يكوون رد فعله ... جرااته من رااسه لحضنهااا و هي كتردد فخااطرها ... سمحلي اولدي سمحلي...
كاان يااسر متكي على سياارته قداام فيلا الطيب و تيليفونه بيين يديه كيعيط و يعااود لمراد و هو غير كيقطع علييه من هدييك الليلة معااود جااوبه و لا جااوب حساام ... مابغااش يمشي يسول فالداار حييت عارف منى مكتحملهش و غادي تسمع لييه الهضرة فقرر يزيد يتسناا شوية و يحااول من جديد يتاااصل بييه على أمل يجااوبه ... حتااا وقفات ورااه واااحد السيارة و نزلات منهاا بنت ..نزل نظاراته الشمسية على عينيه و طلعهاا من رجلييها لرااسهاا كاانت قصييورة سميمرة و شعرهاا اسود اللون طوييل ..ملامحهاا صغيوريين فحاالهاا ترسماات ابتساامة خفيفة على وجهه و هو كيشوفها كتقرب منه ... ظن انه عجبهاا و بغات تتعرف عليه
عاليا حيدات نظاراتهاا و علات حاجبها ... بغيتي شي حاجة؟
ياسر و هو مزال مبتسم ... شي حاجة فحالاش " غمزها" 😉
عاليا خرجاات فييه عينيبهاا و هي فااهمة قصده ... شيي حااجة فحاال العصاا ا هااد الصلكوووط "جبداات تيليفوونها و دوزات نمرة مراد وهي كتقول بعصبية " بلاتي يجيي اللي يربييك ماالقييتيي فيين تتبسل علياا غيير قداام داارناا
ياسر خرج عينييه مللي سمعها قالت قداام داارناا تلااح علييهاا حييد التيليفون و قطع الاتصال ... نتي عالياا !!
عاليا ... و عاارف سمييتي من الفوق اشنو بااغي مني هااا؟؟
ياسر ضحك و هو كيطلعهاا من الفوق للتحت... ههههه كبرتييي عااقل علييك مزاال غير بزقوولة ..وااش معرفتيينييش !! اناا يااسر صاحب مرااد
ياسر...مااشي مششكل بالعكس خااصك تتصرفي فحال هكداا مع اللي مكتعرفييهمش و تداافعي على رااسك ...
عاليا.... واش بغيتي مرااد !
ياسر...اه من الصباح و اناا كنعيط ليه مكيجاوبنييش
عالياا... و علاش مادخلتييش !! غادي يكوون غير فبيتوو سااد علييه هادي هيا حالتو بعد دكشي اللي وقع
ياسر.. شنو وقع !!
عاليا ...غادي يكون احسن اذاا عرفتي منو ..اجي دخل راه هو مغاديش يخرج ولا يجااوبك
ياسر ... لا لا غيير خليني نحاول مزال مابغيتش نسمع الهضرة من عند ماماك راهاا مكتحملنيش
عاليا ... غيير زييد ماا عندهاا ماا تقول بالعكس مرااد محتاجكم معاه داابا ..ياله "ضحكات لييه و هي غادية فاتجاه الباب ..حرك ياسر راسه باستسلام و تبعهاا و عينييه على جسمهاا و هي كتمشاا ..من ديماا عينيه زايغة ..
دخلات عالياا للدار و ورااها يااسر وصلاته للصالون و قالت ليه يتسناا حتاا تقولهاا لمرااد ...خرجات من صالون و كاانت طالعة فالدروج كتلعب بسااروت سيارتهاا حتاا بانت قدامها منى و بااين عليها معصبة ...
خرججات وهي كتضرب برجليهاا ...هي اللي كاانت ناقصااه ناض من مكاانه و دخل للحمام غسل وجه و رجع لغرفته هز كاارو اخر شعله و خرج من الغرفة ناازل لعند ياسر ...
ياسر كاان جالس فالصالون مسرح رجليه و واخد رااحته مداام مشاات منى فيديير اللي بغا شااد التيليفون بين يديه و مكونيكطي كيتعنب على البنات حتاا باان ليه مرااد وقف قداامه و هاز كاارو ... وقف وهو كيشوف فييه بفخر
ياسر... هدااا هو صااحبي مرااد اللي كنعرف ههههه
مراد ... صاحبك اللي خرجتي عليه!
ياسر... خرجت عليك؟؟
مراد تلاح فوق الفوتوي و هو كينفخ فالكارو بعصبية .... تفارقت اناا و أية
ياسر... اهاا و شنو دخلي اناا؟
مراد.. بسبااب الحبة اللي لحييتي علياا ناخدهاا هدااك النهار ... دوزت الليلة مع وحدة و اناا مواعييش و صيفطاات فيديو صورااته ليناا و حناا نااعسين ال*حبة
ياسر... و شنو غاادي تستاافد هادي اللي صيفطات الفيديو ل آية
مراد... مااعرفتش !! اناا مكنعرفهااش اصلا مللي شفت الفيديو معارفتهااش
ياسر... الفيديو عندك؟ نقدر نقلب لييك على مهاا و نجيبهاا حتا لعندك
مراد... ماانعرف لييها مابقاا كيهمني والو اصلا تكون كيفماا بغات تكون
ياسر قرب لييه و جلس جنبه و هو كيقول بهمس... دابا ما كاينة لا أية لا والو رجع حل ليناا الدار اللي حداا البحر و خليناا نزهااو ا صااحبي
مراد ... كاين شي سلعة جديدة؟
ياسر...مووجووود و حتاا اذاا مكاانتش نحضروو مهاا نتاا غي عطيني السااروت و اناا نمشي نقااد ليكووم كلشي و نضبر على شي ق**بات يزهييوناا هاد الليلة
مراد ...واخاا تسناا هنا انمشي نجيبهم
ياسر... العزز ا صااحبي 😋
دازت اكتر من خمس ساعاات و مزال حتاا حد ما خرج من العملية ...جالسين على اعصاابهم و كلهم خوف و قلق توقع ليهاا شي حاجة ...استغلات هبة وقت الانتظار و بداات كتقلب فتيليفونها على العملية بماا ان الطبيب مكانش عنده الوقت الكافي يشرح ليهاا فيه ... عرفات بللي هاد العملية ماشي ساهلة و تقدر تستغرق من 4 حتاا ل 10 ساعاات ... زراعة القلب هي مااشي علاج لهاد المرض و انماا علاج منقد للحياة و كيهدف لتحسين نوعية الحياة للمستهدفين ..فترات البقاء على قيد الحياة بعد العملية تاخد في المتوسط 15 عااماا ... اذاا نجحت العملية كيتم نقل المريض لوحدة العناية المركزة للإفاقة و كيبدااو بإعطاء أدوية كبت المناعة حيت بما انه تم زرع قلب جديد جسم المريض كيعتابره دخييل و مكيتعرفش علييه فكتبداا المناعة بمحاربته هادشي علاش كيعطيو للمريض هاد الأدوية باش تتوقف المناعة على المحاربة و يبداا يولف الجسم وجود هاد الدخيل ... مللي كتولي حالة المريض مستقرة كيتم نقله لوحدة خاصة لإعادة التأهيل ..مدة الاقامة فالمستشفى و الرعاية فمرحلة ما بعد الزرع كتعتمد على صحة المريض العامة وكيفية عمل القلب المزروع و قدرة المريض على الاعتناء بالقلب الجديد..كيبقاا المريض بين اسبوع حتاا لاسبوعين بعد الجراحة داخل المستشفى خوفاا من خطر الالتهاب و العدوى و افتراض عدم وقوع اي مضااعفات ... بعد الخروج من المستشفى كيبقا يرجع المريض لإجراء فحوصات منتظمة و لاعادة التأهيل و يقدر يحتاج المريض حتاا دعم نفسي عااطفي ...كتقل عدد الزيارات للمستشفى كلماا تأقلم المريض أكتر مع العضو الجديد المزروع و كيبقاا يااخد دوااء تثبيت المناعة لتجنب رفض الجسم للعضو الجديد ..
حطات تيليفونها على جنب بعدماا سالات من قراءة اخر مقاال و هي كتفوه ... شافت فكريمة اللي غادة جاية قداامها بتوتر....دوزات يدها على عنقهاا بتعب و وقفاات ...
هبة... غادي ننزل للكافي باغا شي حااجة
حركاات كريمة راسها بالنفي و هي مزاال على حاالتها غااداا جاياا ...قربات منها هبة و عنقاتها ...
هبة... غادي تكون بيخير اناا قريت على هاد العملية و نسبة نجاحها كبيرة بلاماا تبقاي متوترة فحال هكا و ياله نزلي معايا ترتاحي شوية راه مزاال ليهم سااعاات باش يساليو
كريمة ...غير خليني هناا اصلا هند قرييب توصل هي خوها
هبة بلعات ريقهاا بصعوبة ... واخاا اللي بغيتي
غادرت المكان و هي حاسة بقلبهاا كتشعل فييه النار و كتحرق روحها شوية بشوية مامرتاحاش لشنو كيوقع و خايفة من اللي جاي خااايفة بزاااف و مقاادرة حتاا تتخايل شنو ممكن يوقع ...وصلات للكافي خدات قهوة و جلسات تشربهاا تماا .. جااهاا فضوول و بغاات تتأكد من صحة كلام أية لقاات رااسها كتجبد تيليفون أية من جيبهاا بدون وعي عارفة هدشي اللي كدير غلط وومااشي من حقها ولكن هكداا غادي تريح رااسها و فضولها ... دخلات كتقلب فالاتصالات لقاته اتصل بيها مرة وحدة مللي كانت معاهاا فالغرفة دخلات للميساجات مالقاات والو ...دخلات لواتساب مكااين حتاا محادثة بيناتهم تنهدت بارتياح و تاكدات من صحة كلام أية هوما فعلا ما بينهم واالو و هو فقط أخ صديقتهاا..ندمات على الكلام اللي قالت لييها و على اتهاامهاا و هي ما دارت اا بيديهها لا برجليهاا و بسبابها دخلوها فوقت مبكر للعمليات حيت مكانتش قادرة تستحمل مزاال ...تار انتباهها فيديو مبعوث من رقم غير مسجل فاليوم اللي وقع فيه الحادث قالت يمكن هداا هو الفيديو اللي ناض الصداع بينها و بين مراد على قبله ...دخلات لييه بداعي الفضوول و تصدماات مللي لقات خولة مساعدتهاا الشخصية هي اللي فالفيديو مع مرااد ... دوزات نمرة مراد بسرعة من تيليفونها بقاا كيصووني بدون مجييب حتاا كانت اتقطع و هو يجااوب ..كان صوت الموسيقى عاالي و مقاادرااش تسمعه مزياان
هبة... كيفااش مزياان!! مباغيش تعرفها شكوون باش تعرف علاش باغا تفارقك على أية؟؟
مراد ببرود... لا مابقاش كيهمني الموضوع
هبة...كيفاش مابقاش كيهمك !!
مراد تنهد... هبة انا غاددي نتزوج بعد اسبوع
هبة بصدمة... تتزوج!!! كيفاش اتزوج و ايية؟؟
مراد... راكي عاارفة أية ماباغانيش و انا بصراحة مابقيتش قادر نضغط عليها اكتر ..و حتا هاد الزواج انا كنت مضطر نوافق عليه حيت خيروني ما بينه و مابين حريتي
هبة.... لا هي فغرفة العمليات دابا نهضرو من بعد "قطعات علييه قبل ماا يجاوبهاا و هي كلهاا كتفيبري مداام الموضوع عن الزواج الاجباري فاكيد مدام ثرية عندهاا علاقة ...هزات يديها بزوج رجعات بيهم شعرها للور و خلاتهم فووق راسها ..عاد فهمات سبب زيارات منى المتكررة لمنزلهم وااخاا مكانتش كتحامل هي و ثرية ولكن مادام الموضوع فيه مصلحتهم ولاو صديقاات ...هداا هو النفاق بعينيه... حطات يدهااعلى فمهات بصدمة مللي تفكراات نهار مشات للشركة و مالقاتش خولة فالشركة و قالو ليها بللي مشات لعند ثرية ... .حركاات رااسها بعدم تصدييق وصلات بيها الجرأة انهاا تفاارق أية و مرااد غيير باش تزوجه لبنتهاا على قبل مصلحتهااا!!! عمرهاا شاافت شي حد بخباثتهاا كتلعب بحيااة النااس فحال اللعبة و باغة تتحكم فكلشي ..هي عاارفة و متأكدة بللي اذاا عرفات كريمة بهدشي مغااديش تسكت و اتنووض الحرب من جديد لذلك قررات انهاا تتدخل بلاما تقول لوالو لكريمة ...غير تخرج أية من العملية و تطمئن علييها و تمشي توااجه ثرية ....
قطعات علييه و خلاته فحاال الحمق عياا يعااود يتااصل و واالو مكتجاوبش ..كيفاش فغرفة العمليات شنو وااقع لييهاا علاش هي تماا ...شد رااسه بين يدييه و هو غادي جااي فهدييك الشرفة معاارف شنو يديير ولا عنده منيين يعرف اخباارهااا تنهد بعصبية و هو خاارج من الشرفة لوسط الداار فين كااين ياسر و حسام و تلاتة ديال البناات لابسين المقزب و طاليين وجههم ..وحدة فيهم غيير شافت مراد دخل ناضت عنده و هي كتماايل و عيينيها كيتقلبو ...
البنت قربات منه و باسته ففمه... توحشتك احبييبو
مراد دفعهاا و هو كيشوف ف ياسر... اناا غادييي
ياسر... فيين ا صااحبي!!! السهرة ياله بداات
مراد... من بععد و نقووليك "خرج و زدح الباب طلع فسياارته وكسييراا فاتجاه المستشفى'"
دارت بالناقص من هاد القهوة و ناضت خرجات من الكافي فطريقهاا لعند كريمة ... قبل ما تدخل سمعات صوت الهضرة خرجات غير راسها بالشوية و بانت ليها هند هازة زين و كتهضر مع كريمة اماا فهد فكان باين عليه الخوف و القلق و هو قريب من باب غرفة العمليات ... تزير قلبها و هي كتشوف حالته ...الحالة اللي مايمكنش يديرها واحد على قبل وحدة ياله عرفهاا و مابينه و بينها والو...حاسة بللي كاين غلط فالموضوع و مغااديش تخلي هاد الغلط يزيد يكبر حتاا اذا كانت شي حاجة فهي خاصهاا تمحييها و تستغل غيااب أية عن الساحة ... ركزات الشوفة فزين هو الحل اكيد هو الحل اللي قداامها بلعاات ريقهاا و قاداات شعرهاا و رسمات على وجهها ابتساامة خفيفة و هي داخلة لعندهم .. راقبات فهد و هو كيشوف فيها باستغراب بادلاته النظرة المصطنعة و هي كتقرب ليها ...
هبة ... فهد! الظاهر الصباح جينا نشوفو نفس الشخص ؟
شافت هند ف فهد و هي كضحك حييت حصلاته جا يشووف أية
فهد... أية هي الأخت ديالك!
هبة ... وي هي الأخت ديالي ... صدفة غريبة يااك !
فهد اكتفى بالابتساام و هو كيحرك رااسه ورجع كيشووف من النافذة الصغيرة د باب العمليات ... خلات هبة الابتسامة مرسومة على وجهها و توجهات لعند هند سلمات عليها ...
داار فهد كيشوف فييهم ...هند بنظرات الاستغرااب و عدم الفهم و هبة بابتسامة هادئة و كريمة فعالم آخر ماامعاهمش هناا ...
فهد موجه كلامه لهند... هبة هي مديرة الشركة وفالايام اللي جلست فيهم فالدار على قبل زين جات تطمئن واش كلشي بيخير
هند... اااه "ابتسمت لهبة و هي كتمد ليها زين و تقاده ف حضنها "
هبة و هي كتلعب مع زين و تضحك معاه... شحاال غزييول ما شاء الله كيحمقووني الوليدات الصغاار "على عكس الحقيقة ..هي مكيعجبوهاش الدراري الصغار و كتكره غوااتهم و صداعهم ... مللي كانو سلوى و مروان صغار كانت كتهرب من اي بلاصة فيهم غير باش ماتسمعش غواتهم ... "
وصل مراد للمستشفى ..دخل كيجري وقف قدام المصعد لقااه عاامر خلاه و طلع كيجري فالدروج حتاا وصل للطابق اللي فيه غرف العمليات بداا كيقلب فكل جهة و هو كينهج و قلبه كيتهز و يتحط حتاا لمح هبة هازة شي بيبي و كريمة حدااهاا وقف متسند على الحيط كينظم انفااسه و يستريح ..بقاا كيرااقب من بعيد و مقاادرش يزيد لعندهم حتاا شاف باب الغرفة كيتحل و مخرجين أية فسرير متنقل غاديين بييها و الطبيب واقف كيهضر معااهم رااقب ردة فعلهم اللي كاانت ايجابية و باين عليهم الفرحة عااد رتااح و رجعاات لييه روحه شاافهم غاديين من الطريق اللي داو ليهاا أية و الطبيب جااي لجهته اول ماوصل لعنده و قفه
مراد بلهفة ... دكتور!
الطبيب... مراد ياك!
مراد...ااه ..عافاك انا عاد عرفت بللي أية دخلوها لغرفة العمليات و معارفش حتاا علاش واش هي بيخير؟
الطبيب... اه هي البيخير داباا ... درنا ليهاا عملية زرع القلب اخيراا و دابا نقلناهاا للعناية المركزة و كيف قلت لعائلتها دابا الخطورة مزال كاينة و العلاج النفسي لابد منه خاصها تبعد على اي عصبية و انفعال و تبع الأدوية ديال بانتظام و مللي تخرج من المستشفى ضروري ترجع بانتظام لمراقبة حالتها ...الحمد لله على سلامتها "ربت على كتفه و غادر المكان خلاه طاير من الفرحة اخيراا حبيبته تشافات و تهناات من هاد المرض بغاا يشوفهاا قبل ماا تفيق حييت اكيد مغاديش تبغي تشوفه و هو مباغيش يعرضهاا للخطر فمن الأحسن يشووفها داابا واخاا غير من بعييد .. هز تيليفونه كيعييط ل هبة و كيتمنى تجاوبه هاد المرة ...
مراد...الو هبة انا هنة فالمستشفى
هبة بعدات عليهم و هي كتهضر بالشوية ... اشنو جيتي دير هناا!!
مراد... مخليااني فحال الحمق قلتي لياا غيير أية فغرفة العمليات ماشرحتي لياا والو حساابلي غير حياتها فخطر ...
هبة... لا هي بيخيير دابا فالعناية المركزة
مراد... اه عرفت ...هضرت مع الدكتور و شرحلي كلشي ..بغييت نشوفها ماحدهاا ناعسة
هبة ... و لكن راه كاينة كريمة هنا!
مراد... شوفي ليا شي طريقة الله يخلييك
هبة تنهدت ... فينك نتا دابا؟
مراد .. اناا حداا غرفة العمليات
هبة... واخاا انا جاية لعندك" بعد لحظاات كانت وصلات لعنده " مرااد
مراد... غادي تعاونيني ا هبة؟
هبة... نتا عارفهاا مباغاش تشوفك!! و الطبيب قاال مخاصهاش تنفاعل
مراد... ااه عارف دكشي علاش انا باغي نشوفهاا داباا و هي مزاال مافاقت ...
هبة ... اووف وااخاا غادي تتسنا شوية حتاا تمشي كريمة و لاخرين انقولهم انبات معاها هااد الليلة و دخل لعندهاا
مراد... شكراا بزااف ا هبة
هبة... مراد بغيت نقوليك واحد الحاجة !
مراد... شنو هي؟
هبة... نتاا كتبغي أية يااك؟
مراد... كتر ماا كتصوري ولكن هي لا ...
هبة... تقدر ترفض هاد الزواج على قبلها؟
مراد... ولكن هي رااه مباغانيييش!
هبة... اناا غادي نعاونك ولكن خااصك ترفض هاد الزواج فالاول!!
مراد... كيفاش غادي تعاونيني!! و اناا ايلا رفضت هاد الزواج غادي ندخل الحبس
هبة... اووف ..وااخاا خليني نجلس مع رااسي و نفكر فشي حل لهاد المشكل انا اصلا غادي نهضر مع ماما هاد الياماات اذاا قدرت نقنعهاا ترجع عن هادد الزواج راه مزيان...المهم نتاا دابا تسنااني هنا حتا نصدرهم
أختي عدوتي الجزء الثالث
محتوى القصة
التنقل بين الأجزاء