قصة ثم أصبحت روحا متمردة

من تأليف Salma Elh
2018قصة كاملة

محتوى القصة

رواية ثم أصبحت روحا متمردة

بعد ما قريت بزاف ديال القصص لمجموعة من الكاتبات و لاحظت بزاف تالافكار المغلوطة ولي فنظري مخصناش روجو ليها و دواو عليها بزاف..... قررت نخض اول تجربة ليا فالكتابة بغيت نعالج واحد الموضوع لكيقيسني كانثي و لمدة دارني فراسي و ايضا بغيت نعطي راي ديالي فواحد فهد الموضوع و هد تجربة هي احسن فرصة ليا...قدر تبان لقصة فيها نوع من الخيال الممزوج بالواقع لكن فالاخير فهي عبارة عن نمط حياة عاشوه بزاف الناس و باقين كيعيشوه بعض الاقليات فبلادنا القصة ديالي هي قصة كفاح تمرد صبر و معانات من اجل الوصول الي القمة👑👑 هي ليست فقط للمتعة و لكن لاعادة التفكير فمجموعة من الامور و فالاخير نتمنا تعجبكوم ❤شي حاجة مزال مكياناش😉 (باش متلفوش احداث للقصة غيكونو فهد زمان و لكن بطابع ديال الاقدمية لغيكون حاضر شوية المكان الرئيسي ايضا هو من نسج الخيال ديالي )

☆☆☆

سميتي شادية و قصتي غتبدا من واحد القبيلة وسط القبايل لخرى حكامها صعيب و شديد و فنظري لتزادتي فيها بنت يحسن عوانك امسكينة . الحمد الله ارضنا ماخصها تخير الخضورية فيما سرحتي عنيك و ناسها ناس بفلوسهم و بخيرهم جدودنا ورثونا شلا كنوز و ذهوب . كيما قلت ليكم سميتي شادية و هد العام درت 17 لعام عطاني ربي حقي فالزين لعنين عسليين و الخدود موردين و بلا مانتفاخر عليكم ناس تلقبيلة كيقولو عليا اية فلجمال ولايني تزين مخطاتو لولا لجيت نقولكم عيوبي فوسط عينهم خصني شحال ديال الهدرة . ميمتي حبيبتي سميتها عيشة مرة فالخمسينات حيت ولداتني انا لخرة اما الاب ديالي لقلت عرفت عمرو فكدبت عليكم ببساطة معنديش احتكاك بيه لاهوا و لا خوتي دراري عصام و خالد وهادشي كلو بسباب نظام هاد القبايل اما خواتاني البنات نجمة و قمر كلا وحدة و شنو عطاتها ليام و لايني فلخر كاع نسا هاد القبايل محنين و معذبين و راضيين علي قدرهم حيت معرفينش قيمتهم حفظو هدرة جداواتهم و مشاو عليها دورهوم فالحياة هوما يكونو خدامات علي سيادهم و كيما كيقولو البنت عندها جوج خرجات لدار راجلها و لقبرها نجمة و قمر خرجو خرجتهم اولا و الثانية باقا مكتابة عند الله و حد مكيعرفها امتا .

فقت هاد الصباح كيف ديما علي غوات الدراري الصغار بنات ولاد العمام حيت هنا الناس كيعيشو فشكل عاءيلات كبار كيترءيسها الجد والجدة و الابن لكبير هاد الثلاثة هوما لشادين زمام الامور هنا و ماتبقا خصو يحدر الراس حيت الحكم القبايلي هوا هدا لخرج عالطاعة و التقاليد يقدر يتقتل مكايناش شي حاجة سميتها القانون هنا ولا البوليس معالم التقدم هنا مختفيين او بالاحري شوية كاينين ولكن ماشى لكولشى فقط للرجال اما نسا فرها حرام عليهم و لابتي تشوف المدن العادية خصك تقطع طريق طويل عادباش تخرج ليهم اكبر مدينة قريبة لهاد القنت هي مراكش حنا جينا فالمرتفعات دايرين بينا الغابات و طريقة عيشنا بعيدة كل البعد علي لكتعيشوه نتوما . نضت من فراشي نجمعو قبل ماتم جايا واحد السويفة ديال مرت عمي لكبير تحررها فيا هاد الصباح سميتها فاطمة و غواتها اول حاجة غنبدا بيها هاد النهار بركمت فخاطري الهدرة مزال مكملتها دفعات الباب دخلات كالعجاجة
فاطمة : نتي ياديك السايبة مزالة ناعسة نتي لجات معاك بنات عمامك راه ناضو كيديرو فالشغالات هلي كتخمل هلي عند البقر و الغنم هلي كتسقى و نتي مزال شخ بخ
انا : عمتي هانا جايا نجمع هفراشى و نهبط نعاونهوم 
فاطمة : وكاع لتجي لبتيها تعما ليك تاني هاد الصباح . طلاقت لي تاني هاد الهدرة المسمومة و حسبات خطواتها صراحة كنكرها من اعماق القلب ديما خارجة لي فعودي مفيقاني من نعاسى و منكدة عليا نهاري انا من عادتي نقرا فليل لكتوب حيتاش ليل بوحدو هوا لي كنلقا فيه راحتي بنادم ناعس و النجوم مضوية فالسما مكنكرهش ليل عمرو يسالي و داكشى علاش انا اخر من يستيقظ فالدار
لبست قفطاني الكحل لي عطاتني مي و عقدتو بواحد الزيف من الحزام حيت كبير عليا و عريض بحكم انا هقصيرة و رقيقة عليهم كاملين فهاد الدار ولكن كاع داكشى هد القفطان بلاصتو كبيرة فقلبى خشيت بلغتي فرجلي و خرجت كنجري لساحة لوسط الدار بشعري الكحل لي مكيحتاج مشيط حيت من عند ربي مشوط تلفت فجنابي لقيت البنات كلا فاش مخشية و ملهية و مرات عمامي كيتسخرو علي جدة لي قاعدة وسط واحد الطبلة الطناجر قدامها هي هكتحط و كلشى كيجبوه ليها مرات عمامي من بينهم مي و هادشي داخل من ضمن لحكام لي كاينين هنا ما بان لي مايدار وسط الدار مشيت خرجت عند النعاج و البقر نوردهوم (نشربهوم) حيت عزاز عليا بزاف لكوري ديلهم كاين شويا بعيد علدار كاع ديور لي حدانا هكا دار كتزيد شوي كتلقا كوري حداها و فوسط كاين لمدرسة ساع دراري لمن دارت و البنات قليل لي كيدخل ليها و لحسن حظي دخلت ليها مع شوية تلبنات لي كاينين حيت لقانون هنا كيقول بنت وحد من كلا دار هي لعندها الحق دخل لديك المدرسة و انا المحظوظة ديال دار و لكن من جهة نظر بنات عمامي انا المتعوسة ولا بغاو يعايرونى كيعيروني بالمدرسة لي كنمشي ليها فعلا لحياة هنا فشي شكل و المنطق ديال الناس حتا هوا كنحاول نبقا ديما بعيدا عليهوم حيت حتي واحد هنا مكيفهمني

وانا مقبلا دوك النعاج لي خرجت نرعاهوم و خليت البقر كتشرب و كتاكل كيبان لي جوج فولاد عمامي جايين امير ولد فاطمة و العم لكبير و بحكم بلاصتهوم فالعايلة ريشو منفوخ بلا قياس و حداه كاين مروان و لد عمي التالت و انا بنت الولد الرابع و لخر فخوتو اما عمي التاني عطاه الله هلبنات و مسكينة مرتو ماكيسوقها حد حيت معندهاش الولاد سهيت و بقيت كنشوف فيهوم تكنسمع امير قال اديك البرهوشة ديها فنعاجك ليهربو و نصدق مزوقك مزيان  هيشة لخرى و زاد مروان كيضحك هو و ياه تبانت ليهوم ضرست العقل عصبوني و هدي ماشي اول مرة غنسمع هدرة كتنقص من قيمتي و قيمة المرة هدا واقع كنعيشو كلا نهار   ولايني كتافيت هد المرة بعدم الاجابة حيت فلخر انا لغنتصيد اما هوما راه رابحين ديما و فايت كليت العصا و تحبست مع الفيران على ود اني رديت لهدرة علي هاد الانواع ديال بنادم كملت علي طريقي وانا ساكتة كنشوف النعاج كفاش كترعى و مكاينش الفرق بين الانثي و الذكر  كنهز عيني السما كنشوف الطيور كفاش منساجمة مع بعضها كطير كتغرد فرحانة و مكيانش الفرق بينها علاش زعما حنا البشر عندنا هد الفرق و زعما حنا خير ما خلق الله علاش هد الظلم بكترت تفكيري كنلقا راسي كنبكي و كنقول ياربي لخلقتيني بنت باش نتعدب ياش نتهان باش نكون اقل شان من واحد بقا فكرشو 9 اشهر بحالي و زحمات بيم مو كما زحمت بيا انا مي يا ربي لمخود هروحي و هنيني و كنعاود نشوف و نفكر بلي ربى كبير و حد مكينساه كنعرف بلي المشكل فالمخلوق ماشى فالخالق و كنطلب الله شي نهار يتبدل الوضع كلي امل فالمستقبل تانا نعيش مزيان كما عاشين ولاد عمامي كما عايشين كاع رجال لقبيلة و لقبايل لخرى.

الظهر ادن و بديت نجمع فنعجاتي و نشد الطريق لدار حيت وقت الغدا هدا خويت راسي من هاد الافكار لي كتحطمني و كطيح الضيم عليا و حاولت نتناسي همومي مرة خرى و نستمتع بهد العطلة لي عندي حيت لقراية تابعاني من دبا شهراين يبدا عام جديد عامي لخر فالمدرسة و من بعدها غنشد ركنة فالدار تانا و نتسني امتا لبس لكسوة لبيضا تانا اووف دماغي غيطرطق معرفتش كندير نهرب من هاد الواقع غي الله يفرجها عليا و صافي .
كوصلت لقيتهوم كلهوم مجموعين فالساحة لكبيرة لي فالدار و طبعا كالعادة مناظر الظلم والاستعباد عمرها تسالي دايرة بحال شي سراب فوسط الصحراء ولا شي مسلسل طويل نسيت ماقلت ليكوم النسا هنا معندهوهش الحق فالتلفازة ولا الهواتف الذكية التكنولوجيا كاملها حكر علي الرجال ههه فعلا كترت الهم كضحك . كانو كاع رجال او بالاحري الذكور ديال الدار قاعدين فوق الفراش وسط الساحة كلا واش كايدير الناس لكبار مجموعين كيناقشو امور القبيلة ولي طاري فيها و ولاد العمام حاضيين الهواتف ديالهوم كلا فين سارح اما النسا كالعادة راه كيطيحوا وينوضو باش يوجدو للامراء الماكلة سهيت تاني فالمنظر تسمعت خالد خويا الثاني قال لماما تجي تمسد ليه رجلو عيا بالمشيا و كون شافني انا كون عيط ليا جاب الله السارية مضركاني وجدات ماما الماء الدافي بالزربا و جات مسدات ليه تنهدت تاني و غمضت عيني ربما هد المرة نحلها لقي كولشي سالا درت من هنا دازو و هربت من داك التلوث السمعي البصري لي كنشوف و نسمع و مشيت لبيت نصلي الظهر لبست عبايتي الطويلة الكحلا و رميت علا راسي خرقة حمرا و كعدت نصلي مورا ما سلمت و جمعت زربيتي حسين بواحد الراحة و احساس كيقولي دوام الحال من المحال و هدشي ضروري يحبس  و لكن كفاش ؟ لحاجة لوحيدة لكنعرف دابت هيا اني غنسمع لقلبي و نتوكل عالله هاد الخوف و العزلة ديالي عليهوم ضروري نقلبها لصالحي يمكن الرحلة ديالي غتبدا و تانا غنولي بطلة رواية ديالي الصفحات ديالها غيبداو من هاد لقبيلة ، من هاد الدار ومن هاد البيت لي لطالما خبيت فيه كاع المشاعر و مسحت دموعي فيه تعييت و لكن ليوم هد البيت مبقاش قدني مشاعري و احساسي بالظلم و الامل في التغيير ولاو كبار بزاف كبر من هاد القبيلة و كبر من هاد الارض

بلا منشعر دمعة من عيني هبطات و ابتسامة  تفاؤل على وجهي ترسمات هزيت راسي لفوق و خرجت لساحة لكبيرة مخلية الريح تنشف دمعتي و داوي جروحي . قعدت معاهوم فالطبلة هنا الزوجات كيبقاو واقفين حدا رجالهوم تياكلو و يعطيوهم لخصهوم عاديباش ياكلو قررت مباقيش نعطي لهاد المناظر اهمية بديت كناكل من لي محطوط ما بيا ماعليا كنحس بشي رجل ضرباتني هزيت عيني كنلقا قدامي سي  امير  كيتبسم بخبث حدي خنزرت فيه و حدرت راسي علي ماكلتي هاد الانسان معرفتش شنو كيسحابلو راسو و لكن اش عند الميت ما يدير قدام غسالو ببساطة عطاتو ليام وانا زواتني ما قطع تفكيري غير صوت جدي بوس ديال هد الدار : اح اح المهم كما تعرفو ما بقا والو عالمدرسة و تبدا ثاني و نبغي من ولاد ولادي يقعدو هد الشهر لي بقا يراجعو مزيان خصوصا نتا اولدي امين هدا عامك لخر و نبغيك تجي نتا لول و تهز راسي فوسط القبيلة  اولدي ولي بتها ديك ساع راها ليك و بصحة غداكم . ههه خطاب كيضحك معرت فين نساني انا تانا وقيلة عامي لخر بحال امين و لكن معليش نساني مسكين . كيبان لي هنا كلشي فرحان خصوصا امين مقداتو فرحة و ماماه كتفرنس تبانت ليها ضرست لعقل بحالا كتقوليهم شوفو ره ولدي هذاك انا لولدتو اودي مدلا مولدتي اخر السنة غيشوفو شوهة لي غندير ليهوم حيت انا لي غنجي لولا ماشي امين 😎و هدا وعد مني لراسي بتسمت تانا ولكن هد لمرة بخبث و حالفا تندير لي فراسي و غنبدا من ليوم فليل 😏
نضت جمعت نوضة وقفت خليتهوم هكيشوفو عطيتهوم بضهري وزدت واحد الشجاعة معرت منين جاتني مستعادة نغامر ويلا غير لموت موت وحدة كاينة لمهم ندير لي فراسى خلتهوم مصدومين حيت دابا حرقت ليهوم واحد القانون و لعقوبة لخرين تعجبت ملي ماسمعت تحد دوا درت عندهوم نشوف مالهم لقيتهوم كلهوم كيديرو بديهم لحول ولا قوة الا بالله ههه نسيت مقلت ليكوم انا هنا حد مكيعبرني بكترة سكاتي و بعادي عليهوم كيقولو هديك راه مسكونة و لا هبيلة و حدة فجوج و صراحة مكدبوش   ههه كملت علي طريقي ونا كنحنقز مديتهاش فيهوم خليهوم يتاكدو بلي انا حمقة و مسكونة .

ضليت نهار كامل فبيتي كندور فيه هراسي كنسمع البنات خدامين كيسيقو و يجمعو دار باش لعشيا يقعدو فالمراح مجموعين مع العائلة مخرجتش عندهوم يشوفوني مافيا ليعاونهم دكشى باش بقيت ساقلة فلبيت كنفكر لواحد البلان خصني نديرو فالعشية فاش يظلام لحال و يبانو النجوم بعدما رتبت الافكار فدماغي نضت هزيت واحد القفطان حمر مرصع بخط خفيف من عند الفتحة تلعنق بجوهر هزيت ماعن للحمام و خرجت كنتسلت من البيت باش مايشوفني حد الحمام كان معزول فواحد القنت فالدار مورا البيوت كوصلت ليه طرقت بابو و طلقت ريحة البخور لي كتعجبني و جبدت الزيوت كعدت كندلك فراسي حسيت بواحد الراحة فشي شكل خصوصا اني كيعجبني نتهلا فشعري حيت بالنسبي ليا هو كولشي بقيت شحال ونا علا هد الحال نشرا رجليا ندهن هنا ولهيه تقنت فيا مزكلتو سمعت العصر كيودن نضت جمعت الوقفة ودخلت لسخون نكمد عظامي و نغسل حالتي دغيا ساليت حيت انا من النوع لخفيف فالحمام توضيت ولبست حوايجي لدخلانيين و قفطاني لحمر لي عجبني و شديت شعري بزيف حيت فازك و خرجت تاني كنتسلت البيت صليت هو لول و من بعد شديت كتابي "الامير'' نقرا فيه شويا و كنشوف فنفس الوقت وش كاين منستافد منو حيت لجيت نشوف تانا راني فحرب مع هد النظام لعايشين فيه لقيت بزاف ديال الحكم و التكتيكات الحربية لي ماشي صالحة فالحرب فقط بل حتي فالحياة اليومية و انل قاعدة كنبخشش فيه معرفت مي منين تسلطت عليا

عيشة: اديك سكعة وش نتي بتي طرطقي ليا لقلب وش لالياتك كعدين يتعلمو لي يليق بهوم ونتي كعدا ليا هنا كديك جنية امتا بتي تولي بحال كراناتك ها
انا: صافي يمي الله يهديك هقولي ليا نتي شنو عطاك هد شقا هخسران الصحة و عيشة الذل
عيشة :اشش سكتي يا تريكة ناقصة غيسمعك شي حد نصدقو فماهي ما لونها و ش بتي تسيفتني لقبر مغبونة عار ربي يا بنتي ديري عقلك و رضاي بلي مكتب عليك الله. تنهدت تنهيدة طويلة و حطيت يدي علي وجه مسمتي بست راسها لكان شي حد كيهمني فهد دنيا هي مي
ان:وا مي و متخفيش انا حالفا نخرجك من هد القهرة وش معييتش منين امتا لي ولدتيه و ريتيه تجي تغسلي ليه رجليه 
عيشة: ره ولدي هداك و لي درها انا مسامحاه
انا :اش امي سكتي المحترمك لاش ولدتيه و ليني مبقا قد ما فات هدشي غيسالي نشاء الله .
فاطمة تاني جيا بعجاجتها : عيشة و عيييشة اجي دوزي لماعن لي فلكوزينة مريهوم و عيطس لديك لعروسة تبنتك انا كسمعتاها دكراتني هربت تخبيت حدا لغطا فواحد دخيلة فالبيت 
فاطمة:افنهي ا عيشة بنتك فنهي 
عيشة :والله معرت فين غبرات تاني من فبيل و انا كنقلب عليها 
عيشة : و زدي و كان نتي مري الماعن اما تربية خليها لماليها معرفتي متربي فداك عزري دوار.
خرجات مي و عيشة و نا خرجت من حدا داك لغطا  كنفكر كندير نخرج فاش يتيح الظلام خاصني نعبر الغابة لي دايرة بلقيلة تما كاين واحد المكتبي فواحد الهضبة قدها قداش هي فالاصل كنت صبيطار ديال الانراض النفسية للنساء تما كانو كيحبسو النسا لواحد المرض كيسميوه هيستيريا السيدات اي وحدة طالبت بحقوقها او خالفات رجلها كيجبوها لهنا و اسوء معاملة يمكن لك تخيلها كانو كيتعاملو بيها هدشي كان زمان اما دبا حبس حيت شجاعة اصلا مابقاتش عند نسا مشات باح دبا ولا تماك صرح كبير جامعين فيه لي ميخطر علي بالك من الكتب و خصني نمشى تماك باش نجيب شحال من حاجة خصاني الاشكال هو تما مخصص هرجال و تيكونو بعض الناس خدامين تماك مكيخرجوش منو هد المكتبة مشتركة بينا و بين لفبلة لخرا لجات فالطرف التاني لي مورا الغابة .

ادنت المغرب نضت صليتها بدلت عليا دك القفطان لبست وحد قميص لحد الركبة و معاه وحد سروال كاشف جمعت شعري مزيان و خرجت من البيت بتسلات تاني كانو كلهوم كيصليو و ستغليت الفرصة باش نخرج بلا ما يقشعني تحد سلكت طريق بعيدة عالجامع باش منتلقاش مع الرجال تلقبيلة و بقيت غادية مع الشجر نتخبا من موراه تقريبا مور ربع ساعة تلمشيا لقيت راسي وسط الغابة و لكن هفبدايتها باقا خاصني شي ساعة و نص خرا باش نقدر نوصل المكتبة بقيت غاديا خطوة مور خطوة و الظلام كيغطي السما و النجوم بحدها لي منورة ديك العتمة و لكن كاع دكشي و مكنتش خايفة حيت ماشي اول مرة كنجي لهاد القنت يما جيت ليه فبحال هد الوقت فاليل و كتر يعني متعودة و الصراحة تقال دكشي لي فديك المكتبة يستاهل كتر من هكا بديت كنشوف المكتبة فوق وحد الهضبة لي بقات ليا نتلعها مدة قليلة لقاتني وقفة عند شراجم ديك المكتبة لي فلور كاين وحد الشرجم ولفت نتلع منو حيت كنت كنجي نحفر فالحيط فين نحط رجلي حيت شرجم بعيد ب 3 مترو عالارض طلعت هبشويا و هبطت بالخف بلا ما يعيق بيا حد محتجيتش نمشي بعيد حيت كنت اصلا فالجناح لي كيعجبني و لي هو الفلسفة خديت من تماك الكتوب لي بغيت من الاعمال الكاملة لبزاف ديال الفلاسفة كانو مغبرين بزاف بحكم قلييل لي كيوصل هد الجناح شرجم لي دخلني عود خرجني ديك لوقت لعشا كانت ودنات و هد المرة قلبي مامهنينيش اول مرة كنحس بالخوف فهد البلاصة تمشيت بخطوات متاقلة الخوف لاعب فيا مزيان

كملت علي مشيتي ونا كنتلفت كل مرة مورايا و فجنابي وحد الوقت كيبان لي بحالا شي حد وقف عند الشجرة مع شي وحد كيبان هالغطا تفرز وش رجل و مرة لواحد الدقيقة بدا كيطيح فبالي انهم محال وش انس لا لا ميمكنش اعوذ بالله من الشيطان الرجيم بقيت كنتمتمها وحد اللحظة طاحت رزمتي لي جمعا الكتوب فيها هبطت جبدتها طلعت ما بقا كيبان والو العجب تاني انا:صافي الله يهديك هاهوا دكشي بلا...مزال مكملتها شي حاجة هبطات علي راسي تلفت نشوف كنلقا امير ولد فاطمة عيني جات فعينيه مقدتيش ندوي كنتمنا نكون هكنحلم مفيقني من صدمتي هكلامو لي كان كسيف على قلبي
امير:دوي يالخانزة اش كدييري هنا من امتا بنات الدار كيخرجو 😠دوي خارجة تشوفي حبيب القلب و انا معجبتكش معمرتش لك لعين 
انا: (كلامو ستفزني بزاف و مقديش  نصبر)شغلك فيا رك ماشي خويا ولا با اش تكون فكلك الله و اااه اسيدي جيت نشوف حبيب القلب عندك شي مشك.. طراااق حسيت بحنكي مال ضربني اه ضربني شنق عليا فساعتها و بدا كيتمتم من تحت سنانو اوا يا لالة منين كتقلبي علحبيب القلب يبرد نار قلبك بردي نار ولد عمك منين نتي هموسخة زعما انا اولا هد الهدرة لي جمدات ليا لما فركابي عينيه مكنشوف فيهم هالخبث مقدرتش نتخيل اش كن كيدور فدماغو هزيت رجلي تهزيتها ونا نعطيها ليه لحجرو امير: اااي ااش درتي يا الق.. كملت عليه برزمتي تلكتوب للراس طاح مغيب و عيطت لجرا و خليت هريح مورايا متلفتش كنكول يا ربي هنخرج سالمة من هنا ساع من زهر عترت طحت قلبي كان بيسكت تلفت ملقيت تحد تبعني عد تنفست نضت جمعت النوضة هوا يبان لي و حد الحاف و الخلخال كيبري تقول هواش بغاني نطيح و نشوفو هزيتو بزربة هو اللححاف و كملت علي جرايا تخرجت من الغابة اوووف الله على راحت غطيت باللحاف جابو ليا الله و كملت مشييتي هبشويا و بتسلات توصلت لدار هد لوقيتة كلشي كينعس كانت شي 11 غديا ل 12 تليل احسن حاجة هنا هو الديور مكيتسدوش كيبقاو همردودين علي قبل دوك لحترف لي كيظلو سهرانين علقصارات و الشيخات ههه مصائب قوم عند قوم فوائد هيا لي كترا ليا كل مرة كنجي فهاد الوقت وصلت لبيت ونا نتيح نعس فبلاصتي لي كنت موجدها كنشد لفراش و كنلويه كزربية و مخبيه مور الخامية باش حد ميقشعو جريت فراشي وتكيت لحد الساعة مزال مستوعبت شنو طرا اصلا مقادش نفكر دازت بيا عيني بلا منحس و مشيت عند الله😴😴😴😴

اصبحنا و اصبح الملك لله فقت من نعاسي ولكن هد لمرة طيور لي فيقوني ماشي فاطمة لقيت راسي مزال ناعسة بحوايج البارح نضت بزربة بدلتهوم بقفطان فالخضر و خبيت الخلخال و اللحاف ديال البارح جمعت دوك الكتوب تهما و خبيتهوم احسن حاجة هدا بيتي ها بوحدي كانو خواتاتي معايا فيه و لكن هما تزوجو و بقيت راسي مشيت توضيت و صليت الصبح و قعدت كنفكر فلي طرا لبارح كلشي داز بالزربة بحالا كنت هكنحلم يعلم الله اش طرا لديك السلعة الناقصة لبارح دبا عرفني خرجت بالليل  و ضروري غينود شي صداع ولكن ضروري نخرج راسي وش نكر و لا نكمل علي تخراج العينين كنسمع الغوت فقاع دار و صوت فاطمة كاسر الدنيا
فاطمة : الله ياااا و لدي الله شكون دار فيك هد الحاااالة شكون بيت الهرس نشااااء الله 
طليت من الشرجم كيبان لي امير راسو فيه الدم باينا ضربو قنت لكتوب تلفت شاف فيا بعصب و هو يتم جاي جيهة بيتي جرني كشرويطة منو و دفعني فالساحة قدام العائلة كاملة جدي خرج من البيت 
اش واقع نتوما هنا اش هد روينة و نتا مالك فراسك 
امير : اش واقع سولو المصونة تبنتكوم شادية هي تقوليكوم 
مي: اش ككاين اولدي دوي نتي شنو كاين 
انا:مكاا كاين وااالو امي انا مع معرفتش مالو جاارني هكدا 😢 
امير : لا لا تبارك الله و لكدوب من لفوق اناس ره هد السيدة لقيتها فالغابة وسط لييل كولشي شهق و معرف باش تبلا
انا: لا لا هي كيكددب انا معندي مندير فالغابة لا لا هي كداااب متيقوهش بغا هي يتيح عليا الباطل 😢
فاطمة: قولي صراحة ادبك صفرطة زيدون ولدي معندو علاش يكدب عليك راجل بقدو و قامتو نتي لي فيك الدغل😏
جدي: براكا من شد ليا نقطع ليك و فسر لينا شنو واقع ويلا كانت بصح شادية فالغابة لبارح فليل عطينا شي دليل و شنو علاقتها هي براسك لي مضروب
امير : وخا اجدي انا نعاود لكوم كنت فالغابة كندور تكتبان لي شي حد غادي هاز شي رزمة و باينة من خيالها مرة دكشي باش قربت نشوف و نتيقن فادا بيا  كنلقاها شادية فاش وجهتها قالت ليك هي مشغل حد فيها و جاية تشوف حبيب القلب منين طرشتها و شنقت عليها نوضي ضربيني لحجري و هبطي عليا برزمتك لراسي و هربي هدا مكان .

انا : لا يا جدي انا شعندي مندير فالغابة و زيدون لبصح شافني يورينا شي حاجة باش نتيقوه جدي ره ه ظللم هدا ياك اماما كنت لبارح فبيتي و جيتي عندي شحال من مرة و عند لعشا ياك مي معرفت باش تيلات ااه اه بنتي كنت فبيتها عند لعشا و نتوما عارفين شادية لي فقلبها علي لسانها و هي ديما حاتلة فبيتها و لا حدا الغنم و البقر 
فاطمة: هي دبا ولدي كداب بشلاغمو زيدون حنا كلنا عارفين بنتك كضل غابرة نهار كامل كتشوفيها عند الماكلة اش عرفنا كانت فالدار 
جدة:(و كون هسكتات)فاطمة عندها الصح اعييشة بنت يعلم الله فين كتقيل كعدا تلعشا مهبطات تعشتو معنا البارح
انا: لا لا اجدا فين عمرني تعشيت معاكوم اصلا يك ديما انا مكنتعشاش و زيدون وش تيقتي هدرة حبيب القلب وش انا ممشطت تشعري بقا ليا هحبيب القلب لا و الله ما انا لي نديرها😭
جدي:امير عندك شي دليل وريه و هدشي ديال لقيل و قال مخدامش 
امير عيني اجدي هما الدليل و اعناد الهدرة و تخراج العينين من زمان معطي ليها وش بتكدبوني انا و تيقوها هيا و اصلا منين امتا النسا ولاو يتقاجحو و يدافعو علي رسهوم انا هنا ظلامو عينيا اش هد الظلم اعباد الله معقلت علي شنو كنخرج من فمي طرت عليه شنقتو 
انا:من امتا النسا يدافعو علراسهوم ها علاش مندفعش مالي ماشي بندم نتا لي بندم فهد الدنيا و نتي ا فاطمة لي كدفعي علي لي مشفتيهش بعينيك وش حمقة وااش طاير ليك عوض متربي ولدك ماباقي يتيح الظلم علي بنات الناس زايد ليه فيه هاااا دويبيو جاوبوني مالكم ساكتيين 
شداتني مي من يدي معقلتش ضربت فيده زكاي امي زكاي متشدنيش تالين هدشي تالين صبري سالا علاش ديما نتوما رجال حاسبين رسكوم حسن منا حنا علاااش ملكوم سكتو ملكوم.. شي حد ضربني علي راسي غيبت #عندهوم
جدي: هد البنت باينة هرب ليها دك شوي تدماغ لبقا عندها ديوها لشي فقيه ولا سبيطار لحماق حسن
امير : (و لكن ا جدي انا ره شفتها..) جدى: صافي✋✋ لي عندو شي شغل يمشي ليه لي عندي قلتو .

#عند شادية اوا صافي كملات القضية هدشي لي كان خصني نولي ندور عند الفقهة و المشعودين حليت عيني علي وجه النسا  ضايرين بسا و فقيه كيقرا فالقرآن كان راجل كبير فالعمر انا محسيت بوالو فش كان كيقرا عليا و لكن رتاحيت شويا عصابي مرضو و مبقيت عرفت كندير تنحل هد الحريرة ااش بييت لك يا فمي كن هي سكت 😒 سالا الفقيه قرايتو و دوا : البنت مابن لي فيها تحاجة هد الساعة حيتاش كنت مغيبة دكشي باش خصني شي مرة خرا باش نتيقنو مزيان و من هنا لتما و علي معودتو ليا خليوها محبوسة فشي قنت راسها و شدو عليها ما دخل ما تخرج لتصدق مشوهة بيكوم شي شوهة كتر من هادي.( ناض الفقيه و لبس بلغتو)يلاه دوزو بخير يناس و الله يجيب الشفا من عندو.
لا لا صافي مكدوه فيل زادوه فيلا وش انا مكنجي فين نخرج راسي من شي زبلة كنتيح فمكفس منها . جاو ضارو بيا النسا ديال الدار كنمل لحمر و هزوني من الارض داوني لواحد البيت قديم كانو كيحتو فيه الزرع و لكن دبا خوا و كاع دكشي ريحة تالزرع و الدوا باقا فيه فاش كان الفقيه كيدوي هبطو ليه بنات عمامي سيقوه و نقاوه من الغبرة و فرشو ليل فالارض دخلونو لبيت و تبيخرجو و هي تنطق جدة : ربطوها هادي باينة غتهرب لينا من هنا ما فيها أمان 
عيشة : و لكن يا لحاجة لشدينا الباب ره معندها فين تخرج و...
جدة: سكتي اعيشة براكا هي شوهة لي درت لينا بنتك ليوم فدار ولا تانتي طوال لسانك بخالها خلاوها ماليها منين داك العويد من ديك الشجرة ربطوها بلا هدرة بكلام . انا هدشي كنت غي كنسمع فيه و راسي تقيل عليا ما قادة ندوي ماقادة نتحرك بحالي بحال ميت العصر كنحس براسي كنطربط و نا معندي جهد نفك راسي من بين يديهوم هازة راية البيضا ليهوم مخلياهوم يديرو ماباو .

كنت فكتوبة تاوليت محبوسة الهم ردني مغبونة و الدنيا رشات فيا العظومة حاسا براسي شرفت ونا بقا عزبة . فقت كيبنان لي طاح الظلام من شرجم غير القنديل لي مضوي العتمة اما قلبي عتمتو عالم بيها هالله كيبان ليا و حد صينية محطوطة فلرض تمشيت شوية علي حد القنبة لي شاديني بها جريت صينية لقيت فيها الماكلة و حداها وريدة بيضة متكون هدي هى ماما لي مصابة ليا حسوة الشعير عارفاها عزيزة عليا دموعي خانوني تاني مسحتهوم بزربة هد لمرة و تنهدت تنهيدة طويلة خلاتني نطيح موراها عمية فالماكلة كلت تشبعت و جلست نفكر فشي حل نديرو لراسي كنحسبها تنحسبها فلخر انا لي كنطلع خاسرة خصوصا الوقت معنديش شهر مكاملش لي بقا علمدرسة لي مفكيتش هد الحريرة بزربة نقدر يمشي ليا العام و يقعدوني تيتي نيني حداهوم دكشي باش شفت تاشفت كيبان ليا خصتي نمتل عليهوم بلي راني بعقلي و نتصرف بحالهوم ''الاحمق ليس من اختلت قدراته العقلية و انما من اختلف ''هد المقولة فيها الحل لعكستها عنقدر نرجع المدرسة و نفك هد المشكيل الحل كاين فأني نولي بحالهوم بتنقصد نتضاهر اني بحالهوم😉 غمضت عيني وانا مطمأنة شوية و دا مول الامانة امانتو😪😪

اصبحنا و اصبح الملك لله🌹🌹 فقت علي صوت الباب لي كيتحل نضت جلست كتباني ليا ندير و حدة من بنات عمي الثااني عبد اللطيف مدخلة ليا لفطور ندير هي البنت صغيرة بحالي و تقادا ديالي فالعمر ضريفة و عطيها ربي حقها من الزين . سدت الباب موراها و تمات جاية جيهتي و الضحكة مامفرقاش و جها .
ندير: شادية كصبحتي نعستي شوية البارح
ان:الحمد الله اختي ندير نتي؟
ندير: الحمد الله شدي و كان فطورك سيفتاتو ليك خالتي عيشة اما كون جيتي علي جدة و زركة تفاطمة و الله لدقتيه هنا بقيتي بالجوع تيهزك الدود 
انا:لهلا يخطيك 
ندير:ويلي تنتي مدرت شاي انا هتسخرت ماماك مسكينة لي و جداتو لك وخا مصابتش تجيبو لك راكي عارفهوم كيطوفو تاني علي جدة كون تشوفيها مسكينة حلتها تشفي العدو اللون مخطوف منها
انا: عارفة عاارفة مزيان بلا متفكريني
ندير: وديري عقلك يالهبيلة هد العافية لي كتلعبي بها غتصدق حرقاك هنتيا ولي عزيز عليك ره انا براسي و مالة هد العيشة و هد لحكام و لكن جناحي مقطوع هدا زمان لحنقزت غنصدق هطايحة فالهاوية 
انا: و لكن انا ماشي هي نتي منقدرش نصبر علظلم
ندير:دبا يحن الله هي بلا متحتي رسك فالمشاكل من دروك غير تمسكني حتي تمكني و ديك ساعة ضربي ضربتك . فعلا هضرة ندير صحيحة و زادت دارت ليا لعقل
انا:شكرا منين قعدتي دويتي معايا تلقا دبا هوما خايفين يشركو الهضرة معايا.
ندير:كاين لي خايف و كاين لي محملك لي محملنك راكي عارفهوم اما لي خايف هي عذريه مسكين فهامتو علي قد الحال اجي نتي ديك لهضرة لي قال ولد فاطمة صحييحة؟؟
انا:ش شكون امير لا لا هداك مسكين هكيخرف و كون كانت هضرتو صحيحة كون عطاكوم شي دليل و زي...تلفت انا و ندير لشرجم نشوفو شكون كيعيط كانت هاديك ماماها مكدباتش ندير فالعيطة و ناضت لبسات بلغتها بالخغ و خرجات سدات الباب و مشات . الله يسمح ليا تهي كدبت عليها و لكن منقدرش نقول ليها صراحة و منقدرش نقولها لتاحد .  

دازو يام ونا محبوسة فهد البيت يدي طابو بالقنب و لا كاين لي يحن فيا و يطلق سراحي و خا لي دخل عطاني الماكلة كنبغي ندوي معاه كلهوم كيحتوه و يزيدو خلفة مع الباب من غير ندير مسكينة و ماما مرة مرة حيت كيبقاو عاسين عليها باش مدخلش عندي ليوما ماشي بحال نهارات ليوما دخلا عندي فاطمة بعجاجتها فاطمة:انوضي اديك المسكونة نخرجوك من هنا ليوم فلعشيا ديك لحاجة عند لفقيه نشوفو حريرتك فين غتوصل. فرحت و لكن فرحتي بلينة مغدوم همنين صبحات عليا هد القمقومة .
انا:اوا عطيني بعدا يا خالتي فاطمة مناكل راني جيعانة 
فاطمة: اي اي من امتا وليتي تعيطي خالتي فاطمة ملفا تلقيها هحرفية اوا هاكي شدي هد الكرموسات دوزيهوم مع ديك الحسوة باينة هد القنانب رباوك شوية 
انا:هه(ضحكة صفرة ونا ربي لي عالم بيا😤)و هي لدرتي فيا خير و حلتيهوم ليا راه يدي طابو بهم 
فاطمة:واخا واخا مكاتي باس نشوف فيك وجه الله هد الصباح 
انا:شكرا 😆 . تفو كنحس براسي فشي شكل و نا كنقاد لهدرة و لكن الصبر هدشي كولو فسبيل المدرسة طحت فالماكلة عميا تاني هي سليت و دارو بيا البنات يهزوني لبيت 
انا:لا لا هير خليكوم انا نوض راس و نمشي لبتي 😊
نضت جمعت النوضا و خلتهوم همبهوضين تمن فاطمة معرفات باش تبلات هكتشوف بعوينتها و صاقلة ههه وخا هكاك عجبني الحال فاش شفتهوم مصدومين هدا يعني اني عرفت نتقن الدور خصني هنكمل عليه و داكشي نيت لدرت .

تمشيت جيهة بيتي بخطوات تابتة و راسي مرفوع خليتهوم تابعيني بعينهوم  هما و كاع لي فدار بنساها و رجالها دخلت لبيتي وسديتو عليا لقيت ماما كاعدة كتسناني تماك منقولكمش شحال فرحت طرت من يلا صتي عنقتها 
انا:ميي😢سمحلي ليا درت فالمشاكل سمحي ليا درتك ضحكة و سطهوم😢😢 توحشتك بزااف مقلقة مني ؟ غضبانة عليا ياك؟
عيشة:سكتي يا هد لهبيلة راني مك ديري لي درتي  منقدر نغضب عليك (عديباش زادو دموعي كشلال)سكتي الله يرضي عليك سكتي(شدات وجهي بين يدها)شوفي رسك كولتي ضعتي و تغبرتي و حوايجك ولوو باليين مسحي دموعك الله يرضي عليك و دوزي نغسل لك حالتك جداك غديك عند الفقيه ليوم 
انا:وا واخا امي كوني هانية غندير عقلي عند الفقيه و هد ليامات لي دازو علينا غيوليو هصفحة منسية. مشيت انا و مي لحمام دخلاتني ماخلات العشوب لي طلات ليا لحمي و شعري فكركاتني من لمخير خرجت كنضوي تقولي ماشي هدي لي بحرا خرجات من بيت الزرع لبساتني مي قفطاني زريق منبت بالحجر فلونو  و بليغة كحلة و مشطات ليا شعري و جمعاتو ليا غخرقة كحلة بلهديبات فلوان هابطين علي جبهتي هالله يحجبني من لعين و صافي . خرجت سترحيت فالبيت تودن الظهر صليتو و هبطت ناكل معاهوم فالطبلة كولشي كيشوف فيا انا مديتها فحد جريت كرسي نفعد فيه بحالا مطاري والو 
جدة:طلعي اشادية لبيتك غداك غيجيك مورا مناكلو 
انا: جدة بلا منعدبكوم قادة ناكل هنا زيدون مليت من لماكلة بوحدي😊😊😊😊.
جدي:(ترسمات بسمة خفيفة علي وجهو)الحاجة خلي البنت تاكل معانا كيبان ليا راها درت عقلها شوية ☺. قعدت بحالي بحال الناس كناكل مرة كنهز عيني كيبان ليا سي امير كيشوف بغل فيا و كيصوت الدخان مديتهاش فيه و كملت علي مكلتي..

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.